رواية مغامرات ابناء العاصي الجزء الثاني من (العاصي) الفصل السادس والثلاثون والسابع والثلاثون الأخير و الخاتمه بقلم/كنزي حمزه
رواية مغامرات ابناء العاصي الجزء الثاني من (العاصي) الفصل السادس والثلاثون والسابع والثلاثون الأخير و الخاتمه بقلم/كنزي حمزه
رواية العاصي/2
((مغامرات أبناء العاصي))
البارت السادس والثلاثون
كانوا يجلسون علي مائدة الطعام في شقة جدهم ينتظرون مدرس المادة الالمانيه كي يشرح لهم درسهم
واذا به يدخل عليهم وهم جالسون
عاصي: ازيكم ياقمرات العيله مالكم قاعدين كده ليه
تيا :حمدلله علي السلامه مستنين مستر عصام عشان جاي يدينا درس الالماني
عاصي:اه مستر عصام انا مش فاهم يعني مافيش غير المستر الملزق ده اللي يديكو الدرس
ليا: والله انا اللي مستغرباك ماله بس مش عاجبك في ايه ده حتي شرحه ممتاز وهو اصلاچان كده في نفسه
اذا به يمسكها من رسغها ويفزعها عندما اوقفها امامه وهو ينظر لها بقوه
عاصي: في بنت محترمه تتغزل في راجل غريب عنها كده وادام خطيبها كمان
ليا بتهتهه:ااااانا مش قصدي يا عاصي سيب ايدي بتوجعني
تيا:يا فتاح ياعليم يابني ارحمنا بقي من غيرتك عليها دي شويه هي البت قالت حاجه
عاصي بغضب:طب ابقي قولي كده ادام جوزك لما يجي وشوفي هيعمل فيكي ايه وانتي تعالي اقعدي علي الكرسي ده
ليا:ازاي بس انا كده مش هافهم حاجه
عاصي بهدوء: انشالله ما فهمتي يا حبييتي انا ابقي افهمك بعدين انا اصلا كنت شاطر في الالماني
تيا: طيب يا شاطر ممكن بقي تهوينا
عاصي:اتلمي ياتيا احسنلك لمي لسانك ده بدل ما مد ايدي عليكي
تيا:ههههههههه طب اعميلها كده ده كان زين يقتلك فيها علي فكره هو جاي النهارده
عاصي:عارف ياختي لسه مكلمني اصلا هو مافيش حد هنا ولا ايه
ليا :قاعدين كلهم فوق في شقتنا
عاصي بغضب: نعم وسيبن الشقه فاضيه ليكو حتي تيتا كمان طلعت فوق مافيش حد يقعد وانتوبتاخدو الدرس
ليا:يوووووه بصراحه بقي احنا مش عارفين نرضيكو يعني بابي يزعق لمامي ويقولها تطلع فوق وعمو حمزهيقول لغزل ماتنزلش اصلا وتيتاقالت انا تعيانه وعايزه انام ودلوقتي حضرتك جي تزعق نعمل ايه بقي
عاصي:تعمليلي سندوتش اكله قبل المدرس ده مايجي وانا هادخل اغير هدومي وهاقعد اذاكر في اوضتي وهافتح الباب وعيني هتبقي عليكو انتو الاتنين وعالله اسمع ضحكة واحده فيكو مفهوم
ليا وتيا: اوف بقي حاضر
عاصي:ايوه كده براڤو عليكو يلا بقي يا لولتي اعمليلي ساندوتش اي حاجه وياريت معاه كوباية شاي وتركها وذهب من امامها
ليا بغيظ وصوت خفيض:لولتي انا ايه اللي خلاني اتنيل ووافق
عاصي وهو يلتفت لها:بتقولي حاجه يا حبيبتي
ليا:هه لا ابدا اتفضل حضرتك وانا هدخلك الاكل لحد عندك
تيا:هههههههههه اه يا جبانه
ليا:اضحكي ياختي مانا مخطوبه لخط الصعيد انا
وبعد ان حضرت له الطعام وكوب من الشاي دقت علي باب غرفته حتي تعطيه له
عاصي:ادخلي يا حبيبتي
ليا وقد دلفت اليه: اتفضل يا سيدي الاكل اهو وكمان الشاي عايز حاجه تاني بقي
عاصي وهو يلبس تيشرته :لاء ياحبيبتي تسلميلي
ليا: عاصي بص انا جبتلك ايه واخرجت من جيب فستانها قلاده فضيه محفور عليها اسمها
عاصي وهو يقترب منها:حلوه اوي يا حبيبتي بس ليه عملتي كده
ليا وهي محنية الرأس بخجل من قربه: عشان انت ملبسني سلسله عليها اسمك فأنا قولت لازم انت كمان تلبس اسمي
امسك يدها بكل حب وقبلها قبل رقيقه وهو يهمس
عاصي :بس انا مش محتاج سلسله عليها اسمك اسمك اصلا محفور جوه في قلبي
كاد ان يقترب منها اكثر الا انها رجعت للخلف بخوف وقالت
ليا:انا انا هاروح عشان الدرس
عاصي وقد تركها بعد ان تفهم خوفها منه:طب اهدي يا حبيبتي خلاص مافيش حاجه انا بعدت عنك اهو
ليا:طب سيبني اخرج من هنا
عاصي:ليا انتي لسه بتخافي مني بعد الفتره دي كلها
لمعت الدموع في عيناها وهمست:سيبني اخرج ياعاصي
عاصي:طب اعمل ايه عشان اخليكي ماتخافيش مني كده انا اسف يا حبيبتي انا غبي والله غبي اني اوصلك بأيدي للمرحله دي
ليا :لاء ماتقولش علي نفسك كده انا اصلا مش عارفه انا بيحصلي كده ليه
عاصي بهدوء:خلاص يا حبيبتي هدي نفسك وانا هاشوف حل ولو عايزاني ماقربش منك خالص مش هقرب يا ستي روحي اغسلي وشك ظبطي حجابك ده عشان تاخدي الدرس بتاعك
اومئت له برأسها وتركته وذهبت للخارج تركت باب غرفته مفتوح
جلس عل المقعد بغضب وهو يؤنب نفسه علي مافعله معاها
شوفت بغبائك عملت فيها ايه اذا كانت واحنا لسه مخطوبين وخايفه مني كده اومال هتعمل فيا ايه بعد الجواز
//////////////////////////سبحان الله والحمد لله واستغفر اللله ولا اله الا الله
كان يجلس بجانبها في هول الڤيلا يستذكر لها درسها
في مادة الكمياء
عدي :علي فكره بقي انتي بقيتي شاطره جد في الكيميا احنا خلصنا تقريبا قربنا نخلص اول وحدتين في المنهج
دانا: ايوه طبعا لازم ابقي شاطر ه عشان المدرس بتاعي ممتاز
عدي: كده طب بصي بقي يا ستي انا النهارده مش هاديكي درس جديد انا هاعملك امتحان صغير كده
دانا: ماشي كلامك وانا مستعده اافضل ياسيدي اكتبلي الامتحان اللي انت عايزه
انحني بجزعه للامام وبدأ كتب لها مسائل الكمياء المعقده
دانا: مالك يا عدي هو انت لسه زعلان علي موضوع الكلاب بتاعتك ده
عدي وهو يكتب: يعني اللي مريحيني شويه انهم في الڤيلا وكل ما بجيلك بروح اطمن عليهم
دانا: هههههههههههههه للدرجه دي انت بتحبهم في ايه يابني انت محسسني انهم ولادك
ترك القلم من يده وهو ينظر لها بهدوء
عدي:بطلي ساخفه يا دانا انا مش بحب ان حد يقلل من حاجه انابعملها ومقتنع بيها واتفضلي حلي الامتحان ده يلا
دانا وهي تعض علي شفتاها السفلي: soore يا عدي مش قصدي طب انت عارف ني بخاف من الكلاب جدا
عدي:طب ممكن بقي تحلي الامتحان وتخلصيني عشان بجد انا متأخر علي ابويا وعايز اروح اذاكر انا كمان ولسه هاشوف حسابات الوكاله
دانا:بزعل:حاضر حاضر واسفه اني بعطلك معايا عن مذكرتك والوكاله بتاعتك
عدي وقد التمس نبرة الحزن في كلامها:اولا بطلي تعتذري شويه
ثانيا: انا اللي قولتلك اني هاجاي اذكرلك
ثالثا:انتي مش معطلاني عن حاجه فيها ايه يعني لما باجيلك كل يومين ساعه بعد الكليه ده مش عطلني لا عن مذكرتي ولا عن شغلي في الوكاله
رباعا بقي وده المهم انا لو مش حابب اعمل ده مش هاعملوا يا دانا
دانا وهي تعطيه الورقه: بجد يا عدي يعني انت بتحب تيجي تقعد معايا قصدي يعني عشان تذاكرلي وكده
عدي وهو يبتسم لها: اوي يا دانا بحب اعمل كده اوي
التفتت الي الجهه الاخري بخجل وهي فرحه جدا من كلامته واذا به يقول: يا بنت الايه براڤو عليكي انتي بقيتي ممتازه مافيش ولا واحده غلط
ليصيح والدها القادم من الخارج بزيه العسكري
احمد: والله براڤو عليك انت دانت عملت معاها انجاز
دانا وهي تقبله :حمدلله علي السلامه يا بابي شوفت انا بقيت شاطره ازاي
أحمد:البركه في المستر بتاعك ازيك يا عدي
عدي:الحمد لله يا عمي حمدلله علي سلامة حضرتك
احمد :الله يسلمك ياحبيبي دانا لو خلصتو قولي لمامي تحضر الغدا عشان عدي يتغدي معانا
دانا:حاضر يا بابي هو احنا كده خلصنا يا عدي
عدي:اه روحي بس ماتعملوش حسابي انا هاكتب ليكي الهوم وورك بتاعك وامشي علطول
دانابزعل:لاء ماتخليهوش يمشي يا بابي اقوله يقعد عشان خاطري
احمد:طب بس روحي انتي وقولي لمامي اللي قولتلك عليه
جرت من امامهم وهي فرحه جدا
واكمل هو :ااقعد يا عدي
عدي: اتفضل حضرتك بس معلش انا هاخلص كتابة المسائل وهامشي عشان متأخر عن ابويا والوكاله
احمد:طب بس اقعد اتغدي معايا ومعلش نص ساعه تأخير مش هتعمل حاجه يعني قولي اخبار كليتك ايه
عدي:الحمد لله ياعمي انا بحب كليتي عشان كده بحس ان المواد اللي بدرسها سهله ومش صعبه
احمد:سمعت من عاصي انك لسه متأثر من موضوع الكلاب ده وانك تقريبا كل يوم بتيجي ليهم عشان تشوفهم في الڤيلا بتاعتكو
عدي:ماهو مافيش في ايدي حاجه تاني اعملها مش هاقدر اكسر كلام ابويا ومش هاقدر افرط فيهم كفايه اني لغيت المشروع بتاعي عشان مزعلهوش مني
حضرتك عارف انا بحب ابويا قد ايه
احمد: ايوه يا عدي بس كمية الكلاب كبيره جدا علي حراسة ڤيلا دول ولا يحروسو الكمباوند بتاعكو كله كمان
عدي باستغراب:حضرتك شوفتهم قريب ولا ايه
احمد :ايوه كنت هناك امبارح انا وعاصي وعندي ليك اقتراح كويس ايه رأيك ياسيدي لو الداخليه تشتري منك كل كلاب الحراسه اللي عندك وبسعر كويس
عدي بفرحه:بجد موافق طبعا بدل مش هيتبهدلواكيد لازم اوافق
احمد: كده سيب الموضوع ده عليا انا واطمن كلاب الحراسه عندنا بتدرب كوبس جدا وبيحافظو عليها جدا
عدي:متشكر اوي يا عمي ان حضرتك مهتم يعني بيا كده
احمد: ههههههههه وان ماكنتش هاهتم بخطيب بنتي هاهتم بمين حتي لو هيا ماتعرفش
عدي:ربنا يخليك ليا يا عمي يا رب
اتت اليهم دارين باناقتها المعهوده وهتفت:حمدلله علي السلامه يا حبيبي
احمد: الله يسلمك يا حبيبتي الحقيني احسن انا ميت من الجوع
دارين الاكل جاهز اتفضلو:بس شوفت عدي خلي دانا لبلبه في الكيميا ازاي
احمد:عدي شاطر في كل حاجه مش في الكيميا وبس وغمز له بعينه
مش كده ولا ايه يا عدي لتصيح دانا بطفوله وهي تجلس علي طاولة الطعام
دانا:تعالي اقعد جانبي ياعدي
نظر هو الي اباها وابتسم له ليضحك علي طفولتها
////////////////////////استغفرك ربي واتوب اليك
واخيرا قد عاد بعد غياب طويل واوقف سيارته امام الوكاله ودلف الي جده
ليهتف الجد: اهلا اهلا اهلا يا حبيبي حمدلله علي سلامتك اتأخرت علينا اوي المره دي يا زين
زين:الله يسلمك يا جدي ازيك انت يا حبيبي عام ايه
الجد:الحمد لله بس مالك شكلك تعبان كده ليه
زين:والله يا جدي بقالي ٣ ايام مانمتش كنافي مهمه صعبه شويه ويادوب خلصنا امبارح بس
الجد:طب قوم يا حبيبي اطلع استريح شويه وغير هدومك
زين:حاضر يا حبيبي عن اذنك
الجد:اتفضل روح يابني ربنا يسلمك من كل شر
صعد الدرج وقابله الاطفال وهم يجلسون عليه يلعبون علي الهواتف سويا
طمطم:هيههههه زين جيه وحستني اوي
زين:ههههههههه وانت كمان ياحبيبتي وحشتيني بس معلش بقي مش هدر اشيلك عشان ايدي بتوجعني شويه وايدي التانيه فيها الشنطه
بوده: هيهههههه حمدلله علي السلامه انت اتأخرت المره دي كتير اوي
زين:الله يسلمك يا لمض عامل ايه ياض هو البيت ماله ساكت كده
بوده:اصل ليا وتيا بياخدو الدرس جوه ومامي وخالتو غزل وتيتا فوق
زين:ايه كلهم فوق اومال مين اللي قاعد معاهم جوه
طمطم: عاصي قاعد بيذاكر في اوضته وفاتح الباب ادامهم
زين:ماشي يا حبايبي كملو لعب بقي وانان هادخل ليهم
دلف عليهم في هدوء ليري اخيرا حبيبته امامه وتجلس منحنية الرأس وتحل اسئلتها في هدوء
وبمقابلها يجلس ذلك المدرس ولكن لم تعجبه نظراته لها ولأختها التي تجلس بجوارها
زين:السلام عليكم
رفعت رأسها بفرحه بانت في لمعة عيناها ها هو يقف امامها بعد غياب طال لمدة شهران كاملين كادت ان تقف وتجري الي حضنه الا انه اشار لها بعينه أن تجلس
ليا: وعليكم السلام حمدلله علي السلامة يا زين
زين: الله يسلمك يا ليا ها عاملين ايه الانسات دول معاك يا مستر
مستر عصام:مشاء الله عليهم هايلين طبعا
زين :طب اتفضل حضرتك كمل الدرس انا داخل جوه اصلا
مستر عصام: انا تقريبا خلصت هما بس يحلو بسرعه واعلم لهم ونخلص الحصه النهارده
اومئي له برأسه وابتسم الي حبيبته وهتف
زين:ماشي انا هادخل اقعد مع عاصي جوه يا حبيبتي
تيا:ماشي هانخلص ونيجي نقعد معاكو
ذهب من امامهم واذا بالمدرس
يهتف :هو مين ده يا تيا انا اول مره اشوفه من ساعة الدراسه ما بدأت
كانت عيناها معلقه به وهو داخل الغرفه مزال ينظر بحب لها لتجيب علي مدرسها اختها
ليا:ده زين اخويا اصله ظابط في الحربيه وبقاله شهرين منزلش اجازه
مستر عصام: اه عشان كده بقي ها خلصتو ا ولا لسه وريني كده يا تيا انتي يا بنتي سرحانه في ايه
تيا:ها اه يا مستر انا خلصت اتفضل
///////////////////////////////بقلمي /كنزي حمزه(مياده)
اما عنده فقد دلف عليه الغرفه وهو يجلس علي طاولة الرسم الهندسي
عاصي: حبيبي حمدلله علي السلامه
زين: الله يسلمك يا حبيبي اه حاسب ياض دراعي
عاصي:ايه في ايه ماله دراعك
زين:ماتخفش كده دي حاجه بسيطه كانت رصاصه وطلعتها خلاص
عاصي: يانهار اسود رصاصه عادي كده بالساهل
زين وقد جلس ينظر لحبيبته بحزن :اه بالساهل وفي بيموتو عادي كده بالساهل كمان انا العسكري اللي كان جانبي استشهد وهو بيقولي ان فرحه يوم الجمعه يا عاصي
عاصي بحزن ايضا: الله يرحمه ويغفرله الكلام ده حصل امتي واحنا ازاي منعرفش
زين:يعني من حاولي اسبوعين وانا اللي طلبت من القائد بتاعي ميقولش لحد يعني عشان متقلقوش وكده ومكنتش عايز تيا تخاف كمان
عاصي:ازاي بس يازين هو انت ايحد بالنسبه لينا داانت اخونا الكبير
زين:تسلملي يا عاصي يلا انا هاقوم اغير هدومي صحيح مبروك علي الخطوبه اخيرا
عاصي:اه يا اخي دانا لو كنت بحارب الارهابين معاك كان اسهلي
خرج من عنده وهو يضحك ودلف الي غرفته
واخيرا ما انهي هذا المدرس حصتهم
مستر عصام: كده الحصه خلصت يابنات اشوفكو الأسبوع الجاي بقي يلا سلام ياتيا
لم تلتفت اليه وهمت للذهاب من امامه لتهتف ليا
ان شاء الله مع السلامه
مستر عصام: سلام يا ليا
دقت دقه : واحده علي الباب ودلفت اليه
كان قد غير حلته العسكريه ولبس سروال قطني ويمسك بيده تيشرت قطني ايضا
تيا:زين وحشتني اوي يا حبيبي
التفت اليها وفتح لها ذراعيه وهو يصيح تعالي في حضني يا قلب زين انتي اللي وحشتيني اوي
القت نفسها بين زراعيه وتعلقت في عنقه وضمها هو بحب وجلس بها هلي الفراش وهو يمطرها بقبله الرقيقه بكل حب
زين:اه ياروحي لوتعرفي وحشتيني اد ايه
تيا:يا سلام لو كنت وحشتك بصحيح ماكنتش غبت عني كل ده
زين وهو يزيح حجابها من علي رأسها:ههههههههه هو بمزاجي ياعني يا توتو
ابتعدت عنه وهي تتصنع الزعل: ايوه انت قولتلي هاتغيب شهر بس واتأخرت بعد الشهر شهر بحاله الله مال دراعك انت رابطه كده ليه
زين:ماتخفيش اوي كده ده جرح بسيط
تيا:جرح ايه ده ليه ماقولتليش
زين:محبتش اقلقك يا روحي واقلق الكل معايا وبعدين تعالي بقي انتي بعدتي كده ليه بقولك وحشتيني
تيا:لاء اوعي كده انا زعلانه منك ازاي متقوليش يا زين
زين وهو يجذبها من يدها:طب مانا عارف تعالي بقي وانا هصالحك
رواية العاصي/2
((مغامرات أبناء العاصي))
الاخيره الجزء الاؤل
الكل يجلس علي اعصابه اليوم تظهر نتيجة الثانويه العامه
كانو جميعا يمسكون هواتفهم
بينما يجلس زين ويضع جهاز اللاب توب تبعه علي قدمه
يحاول ان يفتح الموقع ليصيح بوده وهو يصعد الدرج
بوده:نجحو نجحو ليا وتيا نجحو هيههههه
عاصي وهو يرفعه بين يديه:عرفت منين ياض
زين:ارمي الواد ده من الشباك يا عاصي ده تلاقيه مقلب من بتوعه
بوده:لاء والله ده المستر بتاعهم واقف تحت مع بابي وعمو حمزه وهو اللي قال انهم نجحو
غمزه:مبروك ياحبايبي الف مبروك
تيا:استني بس يا مامي اما نشوف جيبنا كام
استمعو الي صوت والدهم وهو يصيح اتفضل يا مستر
وقفوا امامهم وهتف عاصي:مستر عصام جابلكم النتيجه من الكنترول يا بنات
مستر عصام :الف الف مبروك ياتيا مبروك يا ليا
تيا وهي تقف بجانب زوجها الذي كان ينظر له بغضب :بجد يا مستر جبنا كام
مستر عصام:لاء ده انتو علي كليات القمه اكيد ياطب ياهندسه واحده ٩٦%واحده٩٧%عملتوها ازاي دي هههههههههه
زين وهويهمس لعاصي:بأف اوي مش عارف ليه عايز اضربه
عاصي:ومين سمعك
ليا:هندسه طبعا مش كده يا عاصي
عاصي بحب: طبعا ياحبيبتي هوانا هاسيبك تروحي كليه تانيه
تيا:وانا كمان عايزه ادخل هندسه زي بابي يا زين
زين: اوك يا حبيبتي بس اما التنسيق ينزل
مستر عصام:طب بالمناسبه الحلوة دي انا كنت عايز اتكلم مع حضرتك
عاصي:اه طبعا اتفضل دلفو سويا الي داخل الغرفه
صعد حمزه هو الاخر اليهم:الف الف مبروك يا حبايب عمو
جرو اليه الفتاتان وهتفت ليا: عمو حمزه مديرحسابات العيله مش كده يا جدو
فضالي:طبعا يا حبايب جدو وبصفتي رئيس مجلس ادارة العيله يبقي كل واحده فيهم ليها مكافأه يا حمزه
حمزه:اللي يطلبوه يا بابا هما بس يشاورو وانا ادفع علطول
فضالي :كل واحده منهم تجيلها العربيه اللي تختارها
حمزه:احلي عربيتين لاحلي واشطر بنتين بكره عاصي وزين ياخدوهم ينقو العربيات اللي هما عايزنها ويبلغوني علطول ماشي ياشباب
لم يلتفتو اليه حين استمعو لضحكات الاخر وهو بالداخل
زين:لاء كده كتير هو عمال يضحك مع البأف اللي جوه ده علي ايه
عاصي:ياعم اوعي انت لسه هاتسأل اناداخله ماتضحكونا معاكو ياجدعان
دلفو اليه وهتف عاصي:ههههههههه تعالو يازين انت وعاصي اسمعو استاذ عصام طلب ايه
زين :في ايه يا بابا مالك بتضحك اوي كده ليه خير يا مستر
مستر عصام: خير طبعا خلاص بقي
قول عصام علي طول يا حضرة الظابط احنا هنبقي نسايب
لم يتحمل عاصي اكثر من ذلك وبدء يضحك بطريقه هستيريه
عاصي الصغير:الله هو في ايه ياعمي مين دول اللي نسايب ماتفهمنا بقي
عاصي: هههههههههه اصل استاذ عصام ههههههه طالب ايد تيا مني
زين:نععععععععم انت بتقول مين
عاصي: ههههههههههه بيقولك لو مش موافقه عادي ياخد ليا
عاصي الصغير: اه طب ماتاخدهم اللي اتنين شروه واحده
مستر عصام: نعم انت قصدك ايه يا عاصي
زين:قصده ايه تعالي يا مستر وانا هاعرفك عايز ايه
بقي انت عايز تتجوز تيا تللي هي مراتي مش كده واذا به يلكمه في وجه بقوه
وقف امامه عاصي وهو مزال يضحك بشده:ههههههه اهدي يا زين هو ماكنش يعرف انك جوزها
مستر عصام:جوزها ازاي ليا قالتلي انك اخوهم
عاصي الصغير: وانت بقي ب........ اهلك كنت جاي بتدي درس ولا تنقي عروسه وتحكي معاهم
عاصي: خلاص ياشباب قولنا ماةنش عرف احنا اسفين يا استاذ عصام بس طلبك مرفوض
مستر عصام:ليه بس طب بلاش تيا انا كمكن اخطب ليا
عاصي الصغير وهو يهجم عليه :تخطب مين يابن ال............. انت عايز تخطب خطيبتي
مستر عصام:ايه خطيبتك انا اسف ماكنتش اعرف والله يا بشمهندس عن اذنكو
عاصي:اتفضل يا مستر ومتشكر اوي علي النتيجه
وبعد ان خرج من امامهم ذهب زين الي زوجته وجذبها من جانب جدتها واقفها امامه بغضب
زين:فرحانه اوي يا ختي عارفه البيه تعب نفسه وجبلك النتيجه ليه
تيا بعدم فهم:ليه يا زين هو في ايه يا بابي
عاصي:خلاص يا زين بقي هي مالها هي بتزعق ليها ليه
زين:ماهو مش هيجي يتقدم ليها كده من نفسه وهو طول السنه بيديها درس تقدري تقوليلي ازاي معرفش انك متنيله مكتوب كتابك
لتهتف ليا:يعني هي كانت هتعمل اعلان عشان الناس تعرف يازين
ليصيح عاصي الصغير: انتي تخرسي خالص يا حلوه ده لسه دورك جاي مانتي اصلك معرفتيش انه كان حاطك قي الاحتياطي وال ايه لو تيا مرديتش ياخد ليا
ليا:هه انا والله ماعرف حاجه عن الموضوع ده يا عاصي
غزل:بس بقي انت وهو وهما ذنبهم ايه وبغيظ فيهم
ماهما عشان زي القمر العرسان بيتهبلو عليهم
عاصي الصغير بغضب: حلو اوي كده بنتك نجحت بمجموع حلو اهيه يا عم الحج انا بقيعايز اعمل فرحي هنا في الشارع عشان الجماليه كلها تعرف ان بنتك بقت مراتي ماشي يابا
عاصي: ههههههههه ماشي يابا
///////////////////////////////اللهم صلي وسلم وبارك على سيدنا محمد وعلى آله وصحبه وسلم
واخيرا فتح الموقع امامه وهي تقف تفرك يداها ببعض ووالدتها تجلس بجانبه
دارين : ها يا عدي فتح
عدي:ايوه بسجل رقم الجلوس اهوه بانت الف مبروك يا دانا الف مبروك ياحبيبتي
لم تسمع من كلامته الا تلك الكلمه التي افرحتها جدا
دارين:بجد يا عدي جابت كام
عدي:مشاء الله مجموعها حلو اوي
دارين:الف مبروك يا حبيبتي بالمناسبه دي هاروح اجبلكم حاجه حلوه من جوه واجي
دانا وهي تنظر له :طب يا عدي يارب يجيب طب زيك
عدي:ان شاء الله وبالمناسبه دي ليكي عندي هديه حلوه اوي
دانا بخوف:اوعي تكون كلب انا بخاف منهم يا عدي
عدي: عيب اوي لما نبقي اصحاب و قريب اوي هنبقي اكتر كمان من الاصحاب وتقوليلى بتخافي من الكلاب يا حبيبتي
ها هو يعيدها مره ثانيه اذن هو يعيها جيدا
دانا بهدوء: حبيبتك
عدي: ايوه يادانا حبيبتي ولو وافقتي هتبقي خطيبتي موافقه يا دانا
دانا: انا اه موافقه يا عدي
عدي:كده بقت فرحتي فرحتين النهارده واحده بنجاحك وواحده بموافقتك
دارين وهي تضع لهم الجاتوه:موافقتها علي ايه يا عدي
دانا بفرحه:عدي طلب موفقتي علي خطوبته ليا يا مامي وانا وفقت
دارين: مبروك يا حبايبي الف مبروك واذا بها تضمهم اليها و تقبلهم في وجنتهم.
عدي:الله يبارك فيكي علي فكره عمو احمد عنده خبر بالموضوع من زمان ومتفق انا وهو علي ان الخطوبه تكون بعد النتيجه
دانا:بقي كده ومخبين علينا انتو الاتنين ماشي لما بابي يجي بس
دارين: ههههههه كان لازم يخبو عشان متنشغليش بيه عن المذاكره
دانا:وانتي كمان يامامي كنتي عارفه
اتاهم صوت احمد بعد ان حضر:طبعا يابنوتي هو انا اقدر اخبي حاجه علي مامي الف مبروك يا حبيبة قلبي
دانا:ربنا يخليك ليا بابي
عدي: طب استئذن انا بقي عشان اطمن علي بنات اخويا هما كمان
دانا: لاء خليك كمان شويه واتصل بيهم
عدي:طب ايه رايك تيجي معايا نطمن عليهم سوي وتفرحيهم بنجاحك وابقي ارجعك تاني او زين يرجعك بعد اذنك يا عمي طبعا
احمد:ماشي ياعدي وعلي فكره عاصي كلمني وقالي انهم نجحو وحدد معايا معاد الخطوبه كمان
دانا:ينهار مفاجآت حلوه انا هاروح البس واجي بسرعه
///////////////////////////////استغفر الله العظيم رب العرش العظيم وأتوب إليه
لأول مره تركب سيارته تجلس بجانبه في المقعد الامامي
عدي وهو يضحك: ههههههههه ياه اخيرا عرفتي اني بحبك اخيرا هنطختب لبعض ده كان جبل وانزاح من علي قلبي
دانا بخجل: علي اساس انك مش عارف اني بحبك
عدي بمكر: ايه بتقولي ايه انا مسمعتش
دانا:لاء سمعت واسكت بقي عشان انت عارف من زمان اصلا بس انت اللي كنت بتحب ترخم عليا
عدي: بس هي مش اسمها برخم اسمها بغير عليكي
تعرفي انا مكنتش ناوي اتكلم مع عمو احمد ولا حتي اعرفك حاجه بس اللي خلاني اعمل كده لما حسيت انك هتضيعي من ايدي وان الظابط ده كان عايز يخطبك
دانا: وانا اول ما بابي قالي رفضت من غير ما افكر
انا اصلا مكنتش بطيق البني ادم ده
عدي بجديه: ولا البني ادم ده ولا غيرو مافيش غير عدي وبس ماشي يا حبيبتي
دانا بحب: ماشي يا حبيبي
عدي:الله الله امتي بقي سنه دي تعدي وتبقي معايا علطول وتيجي تنوري بيتك في الجمالي
دانا بصدمه: بيت ايه اللي في الجماليه انت مش هاتجبلي ڤيلا زي زين وتيا
عدي: والله يا حبيبتي لو الجماليه فيها ڤلل كنت جبتلك بس انا قولت لعاصي وحمزه اني ناوي اهد البيت اللي ورثته من جدتي واخليهم يبنو مكانه عماره كبيره وهاخد اخر دورين وافتحهم علي بعض
زي نظام الدوبلكس يعني
دانا بزعل: بس انا مقدرش اعيش في الجماليه دي علطول طب مابدل ماتهد وتبني ماتبيعه وبفلوسه نجيب ڤيلا في زايد جنب مامي
عدي:اه جنب مامي طب والوكاله وشغلي فيها وابوياولا عايزني اسيبه لوحده وهو في سنه ده
دانا:انا مقولتش كده يا عدي بس يعني ماهو يعني اخواتك الكبار موجدين بيقعدو بردو في الوكاله
وبعدين انت هتبقي دكتور ازاي دكتور وتشتغل في وكاله تشيل دقيق ورز
عدي:اولا الشغل مش عيب وانا مش بشتغل حاجه استعر منها ولا حرام ودي شغلانة ابويا واخواتي
ومنهم واحد مهندس وواحد محاسب وشركتنا مشاء الله كبيره ومع ذلك لو ابويا احتجهم في اي وقت مش بيتأخرو ابدا عن الوكاله
وعلي العموم يا دانا احنا لسه في الاول فكري لو مش عاجبك كلامي اعتبري انو محصلش حاجه بينا
ولا اني كلمت بابكي اصلا في حاجه
فضلت الصمت ولم تنطق بكلمه وتبدلت قسمات وجهها من الفرح الي الحزن
//////*************بقلمي /كنزي حمزه(مياده)
وصل بسيارته الي بيتهم ومزال وجههم متهجم هو من الغضب وهي من الحزن
عدي: يلا اتفضلي اطلعي عشان انا هادخل اشوف شغلي
دانا بدهشه:انت هاتسيبني اطلع فوق لوحدي
عشان خاطري ياعدي ماتسيبنيش اطلع لوحدي احنا اول مره نيجي مع بعض
عدي:معلش اصل ابويا قاعد جوه الوكاله هو واخواتي ولازم اعدي عليه قبل ماطلع ومش هاقدر اغصبك واقولك تعالي سلمي عليهم
دانا: لاء طبعا انا اصلا من غير ماتقول كنت هاروح اسلم عليهم وتقدمته في الخطي واتجهت الي داخل الوكاله
رؤوها وهم جالسون تدلف معه اليهم ليصيح الحج فضالي
اهلا اهلا بعروسة ابني الجميله تعالي في حضني يا حبيبتي الف الف مبروك يا دانا
دانا بفرحه من كلامه: الله يبارك فيك يا جدو ياحبيبي انت
عاصي وهو يجذبها اليه: ههههههه جدو ايه بقييعني خطيبك بيقوله يا بابا وانتي تقوليله يا جدو مبروك يا عروسه
حمزه:ياعم سيبها تقول اللي هي عايزاه المهم انها بقت بنتنا خلاص مش كده ولا ايه يا دانا
كادت ان ترد عليهم بفرحه الا انه صدمها بده هذا
عدي بسخريه:لا لسه مابقتش بنتكو سيبوها براحتها
دانا بصدمه من كلامه:طب عن اذنكو انا هطلع للبنات فوق
عاصي وهو ينظر لأخيه بغضب:اتفضلي يا حبيبتي اطلعي روح معاها ياعدي طلعها وابقي انزل تاني انت وعاصي وزين
اومئي برأسه له واتجه بها الي الاعلي
رواية العاصي/2
((مغامرات أبناء العاصي))
الاخيره الجزء الثاني
صعدو اليهم وهي مزالت مصدومه من كلامته ألهذا الحد هو مرتبط بهذه المنطقه الشعبيه
بل و يريدها ان تستقر هي الاخري هنا معه دلفو اليهم لتتقابل عينها بعين والدته التي فتحتت لها ذراعيها واحتضنتها بقل حب وفرحه لهما
روقيه: لاء انتي من هنا ورايح هاتقوليلي يا مامي زي غمزه وغزل بالظبط اومال ايه مش هاتبقي مرات ابني يعني هتبقي بنوتي الصغيره ههههههههه
دانا:ربنا يخليكي ليا يا رب
غمزه:الف مبروك النجاح ياحبيبة قلبي و ربنا يهنيكو انتي وعدي يا رب
غزل: الف مبروك يادانا والله لايقين علي بعض انتو الاتنين
دانا :ميرسي اوي ليكو ربنا يخليكو ليا اومال فين زين وفين البنات
غمزه: زين جوه في اوضتو مع عاصي والبنات فوق في شقتنا
دانا:طب عن اذنكو انا هادخل اسلم عليه
روقيه: اتفضلي طبعا يا حبيبتي
دقت باب الغرفه ودلفت الي اخيها تحت نظرات ذلك اللذي يقف يستند علي الجدار وهو يضع يديه في جيب بنطاله فتحت باب الغرفه ورأت امامها اخيها
زين:دانا تعالي يا حبيبتي الف مبروك
دانا بزعل:ياسلام يا خويا انت لسه فاكر طب كنت حتي اتصل بيا
ليصيح عاصي:ههههههههه معلش بقي ماهو كل واحد كان بيطمن علي اللي ليه مبروك يا دانا
دانا:بقي كده ماشي ياعم علي العموم الله يبارك فيك يا عاصي وانت بقي مش هقولك الله يبارك فيك هه بس
زين:هههههههه طب ماتزعليش اوي كده حقك عليا يا حبيبتي اومال انتي جيتي مع مين بابا ولا عدي
عدي:لاء جات معايا انا وعلي فكره عاصي عايزكو تحت
دانا:طب انا هاطلع فوق عند البنات بقي
زين:ماشي يا حبيبتي اطلعي وانا هبقي اخدك اروحك
اومئت له برأسها وتركتهم وذهبت بعد ان حدقته بنظره لائمه علي كل كلامه معها
زين:مالك انت كمان مش كنت نازل من هنا مبسوط انها مستنياك عشان تشوفلها النتيجه ايه اللي حصل
چلس علي المقعد امامهم وهتف بغضب: الهانم مش عايزه تعيش هنا بعد الجواز عايزه ڤيلا جنب مامي اختك عايزاني اسيب شغلي في الوكاله واروح اعيش في زايد جانبها واستني بقي المصروف من اخواتي وابويا لحد ما خلص الكليه بعد ٦ سنين
شوفت الهنا اللي انا فيه
عاصي وهو يضحك بسخريه:ههه طب كويس انك جيت عشان تنضم لاخواتك
عدي:انضملكو ليه في ايه
زين: مش تباركلي يا عدي مراتي جالها عريس
عدي:نعم ايه تللي بتقوله ده يا زين انت اتجننت ولا ايه
زين: والله زي مبقولك كده المدرس بتاعها جبلها النتيجه وجيه يخطبها النهارده
عدي:لالالا اوعي يابني هو انا ناقص جنان طب وانت بقي زعلان ليه انت كمان
عاصي:انا لا ماتخدش فبالك اصل الهانم كانت نزله في اللي احطياتي لاختها ولما قولت لابوك هاعمل فرح في الشارع ثارت وقعدت تعيط زي مايكون قرصها تعبان
عدي:هههههههههههه فرح في الشارع ايه يا مجنون انت هو لسه في حد بيعمل افراح في الشارع
عاصي:اه يا جدع كل شباب الجماليه بيعملو افراحهم في الشارع
عدي:يابني دي بتبقي ليلة الحنه وتبقي كلها شباب بس ولا انت ناوي تعمل كده وتنزلها تقعد جانبك
عاصي:تنزل فين لاء طبعا دي بتبقي فرحه شبابيه
عدي: زين هو الواد ده اهبل ولا مجنون
زين: من ده علي ده تعالو ما ننزل لابويا ونشوفه عايز ايه هو كمان
/////////////////////////حسبك ربي وكفي
صعدت اليهم ودفت لهم غرفتهم وهي حزينهولكنها تبدل حزنها عندما رأتهم
دانا:ازيكم يا بنات
تيا وليا: داناااااااااا
ليا:كويس انك جيتي تقعدي معانا
تيا:الف مبروك النجاح ياستي ثم غمزت لها بعينها والخطوبه كمان
دانا:مش باينلها خطوبه ياتيا وتنهدت بقلة حيله وجلست علي الفراش
ليا: الله مالك انتي كمان
تيا:اوعي تقولي انك زعلتي انتي وعدي انتو لسه مالحقتوش تتخطبو اصلا
دانا: عدي تفكيره صعب اوي ياتيا لازم اللي في دماغه هو اللي يمشي
ليا : ليه هو حصل ايه
دانا : يا ستي بيقولي ان احنا قدمنا سنه ونتجوز قولتله ماشي لقيته بيقولي هيهد ويبني ومش عارفه ايه واكتشف في النهايه انه عايز يقعد هنا في الجماليه بعد الجواز
تيا: مالها بس الجماليه يابنتي ماحنا طول عمرنا عايشين فيها
دانا:شوفتي انتي قولتي ايه انا بقي طول عمري عايشه في زايد عايزني ازاي بس اعيش هنا وفي الاخر يقولي احنا لسه في الاول وفكري قبل ما نعمل الخطوبه
ليا:طب ماتزعليش كده اكيد بابي هيحلها اومال لو عرفتي الباشا بتاعي ناوي يعمل ايه
دانا: ليه ناوي يعمل ايه تاني سي عاصي بتاعك ده
ليا: الحيوان عايز يعمل فرحنا في الشارع
دانا:ههههههههههههههه ايه بتقولي ايه ههههههههههههه
مش معقول بجد الكلام ده
تيا:هههههه اه بجد ومن ساعتها وهي عامله زي المجنونه وعماله تصرخ
ليا:اسم الله عليكي ال يعني انتي اللي مش زعلانه
دانا: وانتي كمان زعلانه ليه
ليا: هههههههه اصل جالها عريس وزين ضربه وقلب عليها وقعد يزعقلها
دانا:هههههههههه طب والله التلاته مجانين
/////////////////////// اللهم اني اعوذ بك من عين لا تدمع ونفس لا تقنع وبطن لا تشبع ودعوة لا يستجاب لها
جلسو الثلاثه امامه في الوكاله وهتف فيهم بغضب
عاصي:ممكن افهم انتو ايه الطريقه اللي بتعاملو البنات بيها دي
زين:عايزيني اعرف ان فيه عريس جاي لمراتي وافرح طب ماروح ابركلها بالمره
عاصي:يابني ادم وهي ذنبها ايه عادي يعني موقف وحصل وضربت المدرس مالوش لازمه بقي تنكد علي نفسك وعليها وانت يا فقري
عاصي الصغير: مالي انا كمان انا عايز اعرف اصلا الهابله اللي فوق دي عامله مناحه علي ايه
عاصي: يا حمار بقي في عروسه يتعملها فرح ومتحضروش
عاصي الصغير: مانت عارف ان الافراح دي بتبقي للشباب بس ومافيش بنات بتحضر فيها
ليصيح حمزه: طب ورافض ليه يتعمل فرح في فندق يا حيوان انت
عاصي الصغير:ياعم ماليش انا في جو الفنادق ده
عاصي:ولاااااا بقولك ايه اظبط كده قولت عايز تعمل فرح في الشارع قولنا ماشي لكن بنتي لازم يتعملها فرح في اكبر فندق فيكي يا بلد وتلبس احلي فستان فرح يا كده ياتنسي الجوازه دي من اصله قولت ايه
عاصي الصغير بهدوء:الله هو انا قولت حاجه نعملها فرح طبعا بس ماتبقاش عنيف كده
حمزه:هههههههههه نيجي بقي للباشا الصغير اللي لسه مقراناش حتي الفاتحه وشكله قالب الدنيا خير يا استاذ عدي
عدي:لاء اطمن شكلكم مش هتقروها
ليصيح والده الصامت حتي الان:هو لعب عيال ولا ايه ماتتعدل ياض في كلامك كده مش هي دي اللي كنت بتعيط عشانها جاي دلوقتي تقول مش هتقرا فتاحتها
عدي: ماهي اللي رافضه انها تيجي تعيش هنا بعد الجواز وال عايزه تعيش جنب مامتها
عاصي:وانت مين اللي قالك انكو هتعيشو هنا بعد الجواز اصلا انا عامل حسابكو انتو التلاته كل واحد في ڤيلا صغيره جنب ڤيلتنا
عدي:وانت مين قالك اني عايز اسيب الجامليه انا قولتلك اني عايز اهد بيت جدتي وابني مكانه عماره كبيره وهاخد ليا شقتين فوق بعض وافتحهم علي بعض من جوه عشان لا اسيب ابويا ولا شغلي في الوكاله لكن تيجي انت تقولي ڤيلا وابعد عن هنا لا شكرا مش عايز واللي ماترضاش بعيشتي دي انا كمان مرضاش بيها
ليهتف زين:الله ماتحترم نفسك ياض ومتنساش انها اختي انت ايه شايفنا بنرميهالك ولا ايه
فضالي:بس انت وهو انتو هتتخنقو قدامي ولا ايه
وكالة ايه اللي عايز تفضل فيها يا دكتور انت تركز في كليتك وبس وعرستك اصلا مش واخده علي العيشه هنا يبقي ماينفعش تيجي تقولها انقلي حياتك كلها وغيرها عشاني
عدي:اه اركز في مذكرتي وبس اتجوزها في الڤيلا اللي اخويا جابهلي
واستني بقي كل اول شهر عشان اجي امد ايدي واخد منك المصروف مش كده
وبعدين تعالو هنا مانا امي واخواتي البنات طول عمرهم كانو عايشين في الإمارات ماقلوش كده ليه
عاصي:يابني افهم امك واخواتك البنات ظروفهم كانت غير كده خالص دول لما جم الحته هنا كانو جايين طالبين الحمايه
عدي:اناعارف كل الكلام ده مدخلونيش في حوارت
انا شغلي في الوكاله مش هاسيبه ومش هاسيب ابوياوالعماره هاتبنوهالي وده اللي عندي
فضالي:يااخي الله............... ابوك
/////////////////////////////بقلمي/كنزي حمزه(مياده)
اخذها اخيها بعد سهرتها مع زوجته وأختها وذهبو الي ڤيلا ابيهم وداخل السياره دار بينهم هذا الحديث
دانا:بجد يا زين حرام عليك طب هي ذنبها ايه تزعل منها وتمشي من غير ما تسلم عليها
زين: ماتخديش في بالك يا حبيبتي هي عارفه اني لما اروق هاكلمها انتو بقي ليه قلبتو علي بعض كده طب كنت استنو حتي اما نقرا الفاتحه
دانا:يا زين هو انا لحقت دانا بقوله انا مقدرش اعيش هناك علطول لقيته قلب مره واحده
زين:بصي يا دانا عدي بالذات مرتبط بأبوه وامه جدا وابوه اكتر كمان والوكاله من صغره وهو بشتغل فيها وبصراحه كده عامل زي السمك مايقدرش يبعد عن المايه
وانتي لو بتحبيه يبقي لازم تتقبلي طبعه وتغيري حياتك عشانه
دانا: يا سلام واشمعني انت هاتجيب لتيا ڤيلا
زين:لأني ببساطه مش ابنهم انا ابن العميد احمد السيوفي يعني مش هاروح اقول لبابا عاصي اديني شقه في الجامليه اتجوز بنتك فيها فهماني يا دانا
دانا: ايوه يا زين فهمتك وبصراحه انا لما فكرت في كلامه لقيت انو معاه حق وكبر في نظري اكتر عشان مش عايز يسيب شغله في الوكاله وهو بيدرس ويخلي حد يصرف علينا بعد الجواز
زين:عين العقل يا حبيبتي يبقي لازم بقي تكلميه وتقوليله تلكلام ده عشان هما المفروض جايين يقرو فتحتك بكره
دانا:لما نوصل هابقي اكلمه واقوله
//////////////////////////استغفرك ربي لا إله إلا أنت سبحانك إني كنت من الظالمين
كانت جالسه بجانب خالتها وتحتضن الصغيره علي قدمها
غزل:يابت ماتخفيش داحنا هانعملك احسن فرح وتلبسي احلي فستان كمان
ليا:والنبي تسكتي ماتجنينش انتي مش سمعتي المجنون ابنك قال ايه
جن لما يلخبطك احترمي نفسك واظبطي بدل ما اظبطك انا :قالها ذالك المشاغب وهو دالف اليهم
ليا: يخرب بيتك انت بتطلع منينشايفه ابنك يا غزل
غزل: ولا اتلم احنا مش قولنا هتبطل طريقتك دي معاها
عاصي:استني والنبي قبل ما تعيطي وتنكدي علي امي اللي قاعده جانبك دي ابقي اجهزي بكره عشان لما ارجع من الشركه هاخدك ونروح نشتري العربيه بتاعتك وبالمره تبقي تشوفي فستان تلفرح اللي انتي عايزاه
ليا بفرح وهي تتعلق في عنقه:هيههههههههه يعني هتعملي فرح في فندق يا عاصي
عاصي وهو يحملها بين يديه:هاعملك احلي فرح يا مجنونه خليكي شاهده يا ماما هي اللي جات في حضني لحدها اهيه هههههههههههه وبدأ يدور بها وهي تخبئ وجهها من الخجل في عنقه
////////////////////////////ان الله وملائكته يصلون على النبي يا أيها الذين آمنوا صلوا عليه وسلموا تسليما
كانت تستعد للنوم في فرشها لتأتيها تلك الرسالة علي هاتفها منه
زين: جهزي نفسك عشان هاجي اخدك بكره عشان تروحي تجيبي عربيتك وتشوفي الفستان وكمان تشوفي الزفته الڤيلا بتاعتك يا هانم
تيا بغضب:زفته لاء بقولك ايه لوالمشور ده مديأك كده يبقي مش عايزه اشتري حاجه ولا اشوف حاجه
زين:مش بمزاجك علي فكره هاتيجي تشوفي الڤيلا وربن يقصر الايام دي بقي عشان تبقي بتاعتي واخلص واقفل عليكي ماية باب
تيا بحب بعد ان حدثته:هاتحبسني يعني يا زين
زين وهو يكلمها: اه هاحبسك جوه قلبي يا نور عيني بحبك يابنت العاصي جننتيني
تيا:مش كنت متفق مع بابي ان جوازنا بعد اول سنه من الكليه ماتعدي
زين: ولا هاستني ثانيه تاني انا خلاص مش قادر ابعد عنك اصلا
تيا: زين
زين:عيونو
تيا:بحبك اوي
/////////////////////////////////////
امسكت هاتفها وقررت ان تبعث له رساله عبر الواتس اب
دانا: نمت ولا لسه صاحي
عدي:لاء لسه صاحي انتي ليه مانمتيش لحد دلوقتي
دانا:كنت مستنيه حبيبي يصالحني عشان زعلني منه بس للأسف لقيت نفسي مش غاليه عنده مش في دماغه اصلا
عدي: انتي في قلب حبيبك مش في دماغه بس بس علي فكره انتي تللي زعلتيه مش هو اللي زعلك
دانا: طب وعشان انا زعلته بقوله اني موافقه علي اي حاجه يقولها خاصه بحياتنا سوي
عدي بفرحه وهو يقفز من علي الفراش: بجد يا دانا قولي والله
دانا : والله يلا تصبح علي خير يا حبيبي
عدي:هههههههههه وانتي من اهله يا حبيبتي بصي الساعه تسعه الصبح بالظبط هاتلاقيني عندك انا بحبك اوي يا روحي
دانا بفرحه من كلامه:هههه وانا كمان بحبك اوي ياعدي
اغلق معها الهاتف وجري خارج الغرفه بل خارج الشقه وهو يصيح بأسماء اخواته ويصعد علي الدرج بسرعه
/////////////////////////////
كان ممدد جسده علي فراشه وهي نائمه علي صدره العاري بمنامه سمراء حريريه قصيره ذات حملات رفيعه جدا ويقرب شعراتها من انفه ليسكره رحيقها الفواح ويقبل كل جزء في وجهها برقه مره وبقسوه مره
عاصي:وبعدين معاكي بقي هاتعملي فيا ايه اكتر من كده
غمزه:ايه بس يا حبيبي انا عملت حاجه
عاصي:اتي عملتي كل حاجه خليتني احبك واعشقك وسحرتيني وخلتيني ماقدرش ابعد عنك لحظه
واذا به يستمع الي صراخ اخيه من الخارج وقبل ان يقفز من علي فراشه وجده فوق رأسه هو وزوجته وحمزه يقف بالخارج هو والفتايات يتسأل لماذا يصيح هكذا
عدي بصراخ:عاصي قوم انت بتعمل ايه دانا وافقت اننا نعيش هنا
عاصي بغضب وهو يدثر زوجته المندهشه ممما يفعله اخيها الصغير: ...........ابوك لأبو دانا اطلع بره يا حيوان بره كلكم يا ولاد..................
//////////////////////////////
انها التاسعه صباحا استيقظت من نومها علي صوت والدتها
دارين:دانا قومي بسرعه عدي تحت في الجنينه قومي شوفي جايب ليكي ايه
دانا:يامامي سيبيني انام شويه
دارين :بقولك قومي يا بنت عدي تحت
دانا:عدي جيه بجد يا مامي وقفزت من علي الفراش
لتخرج من الغرفه بمنامتها لحقتها والدتها وهي تصيح
دارين: استني يا مجنونه هتنزلي بالبدي والشورت كده
وقف علي الباب وانتبهت لملابسها ونظرت الي والدتها
دارين:يلا يا حبيبتي ادخلي خدي حمامك بسرعه والبسي وتعالي شوفي المجنون ده جياب ليكي ايه معاه
دانا بفرحه :طب انزليلو انتي يا مامي وانا جايه ليكو بسرعه وجرت الي المرحاض واغلقت الباب من خلفها
دارين:هههههههههههه طب يلا بسرعه احنا مستنينك تحت معاه انا وبابي وزين
وبعد اقل من عشر دقائق كانت تقف امام باب الڤيلا الداخلي لتراه امامها
وقفت بجانب والدتها وهي تهتف
دانا: مامي ايه الدب ده
رواية العاصي/2
((مغامرات ابناء العاصي))
الخاتمه
وقفت مصدومه بجانب والدتها خائفه مما تراه امامهاوتصرخ فيه
دانا : هي دي المفاجأة يا عدي جيبلي دب ياعدي
عدي بدهشه: دب ده مش دب يا دانا ده كلب تعالي ماتخافيش
زين وهو يلاعب هذا الكلب:ده حلو اوي يا دانا ماتخفيش منه ده نوعه طيب جدا ومش شرس
دانا:لاء والنبي دا شكله يخوف وكبير قوي
احمد: هههههههههه تعالي يادانا شوفي ده جميل خالص
اقترب عدي منها وامسك يدها
وهتف:عيب عليكي اوي لما تبقي خطيبتي وتخافي انتي مش بتثقي فيا
دانا:اه طبعا بس ده كبير اوي ياعدي طب اقولك هاتلي واحد صغير اربيه واتعود عليه براحتي
عدي: ههههههههه لاء يا حبيبتي خطيبة عدي فضالي يوم ماتحب تربي كلب يبقي لازم يكون بالحجم ده
امسك يدها بدأت تملس بها عليه وهي تضحك وتبعد رهبة الخوف عنها
دانا:الله ده حلو اوي يا عدي
عدي: انا بعت جبته ليكي من نيوزلاندا مخصوص وعلي فكره ده هادي جدا ومش بيهجم علي حد لأنه مخصص لمراعي الاغنام بس
احمد:ههههههههه يخرب عقلك يا عدي ايه يبني ده انت موسوعة في تربية الكلاب
عدي:مش قوي كده يعني
زين:طب يلا بقي انا هاطلع اجهز عشان نروح نجيب للبنات العربيات بتاعتهم وبعدين يشوفو الفساتين
عدي:طب يلا يادانا انتي جاهزه ولا ايه
دانا : ايوه هاروح اجيب شنطتي
احمد: طب تعالي بقي نشرب القهوه سوي عقبال ما ينزلو
عدي: اتفضل حضرتك
جلسو سويا ومعهم دارين التي امرت الخادمه بان تأتي لهم بالفطار والقهوه
عدي: النهارده باليل هايجي ابويا واخواتي عشان يتفقو مع حضرتك علي كل حاجه ونقرا الفاتحه ان شاء الله
احمد: تمام واحنا هنبقي في انتظارهم يا عدي
عدي:بس انا كنت عايز اطلب من حضرتك اننا في الفرح نكتب الكتاب مع عاصي وليا
احمد:مش احنا متفقين ان السنه دي تبقي خطوبه بس يا عدي
عدي : ايوه يا عمي بس يعني انا مش حابب اني ادخل واخرج معاها كده وكل اللي بينا خطوبه بس
دارين:عين العقل يا حبيبي وافق يا احمد عدي كلمجة صح
احمد: والله انا شايف انك اكلت عقل دانا ومامتها يا استاذ عدي موافق يا سيدي ادام بقيتو اغلبيه هههههههههههه
//////////////////////تت تالفل/////الحمد لله الذي لا إله إلا هو عليه توكلت وهو رب العرش العظيم
مزال غافي في فراشه وقفت بجانبه هي وأخته الصغيره تلكزه في ذراعه حتي يستيقظ لتصيح الصغيره
طمطم: الله هو مات ولا ايه يا ليا
ليا:بعد الشر اخص عليكي يا طمطم ماتقوليش كده تاني ماتقوم بقي يا عاصي
طمطم: ماهو اللي مش عايز يصحي
ليا :اقولك روحي هاتي كوباية ماية ساقعه بسرعه
ذهبت الصغيره من امامها ووقفت هي تهتف له: طيب اذا كنت بقي مش ناوي تقوم من نفسك انا بقي هقومك بطريقتي
لتجده يجذبها من يدها علي صدره وهو مغمض العينين
عاصي: طب فكري تعمليها كده وشوفي هاعمل فيكي ايه
تلجلجت هي من قربه هذا وحاولت افلات يدها من يده
ليا:ايه ده سيب ايدي اوعي كده
عاصي بعد ان فتح عينه وهمس لها:اسيبها ليه لسه خايفه مني
ليا :لاء مش خايفه بس ماينفعش تبقي قريب مني كده
عاصي: كلها كام يوم وماحدش يقدر يبعدني عنك يا قلبي
ليا بعد ان افلتت يدها وجلست بعيدا عنه:لاء طبعا ده كتب كتاب بس مش الفراح يعني
عاصي وهو يجلس امامها : طب ايه رأيك نخليها جواز يا حبيبتي
ليا بمشاكسه:لاء يا عاصي احنا متفقين بعد سنه يبقي بعد سنه عشان كمان نكون جهزنا كل حاجه براحتنا
عاصي وهو يجذبها بجانبه:يبقي ماتفكري اني هابعدك عني بقي
ليا : لاء ابعد عني
عاصي:بلاش تقولي الكلمه دي مش عايز اسمعها منك تاني
انا لوبعدت عنك اموت يا ليا وفي حاجه كمان مش عايز اشوف نظرة الخوف دي في عينك مني ابدا
اومئت له برأسها دون ان تتحدث وهي تنظر في الارض
اقترب هو منها وقرر ان يقبلها في وجنتها
ولكن الصغيره قررت ان تفصل هذه اللحظه بينهم عندما ولجت اليهم وصعدت علي الفراش من خلفه وبودرها سكبت كوب الماء المثلج فوق رأس اخيها وهي تضحك
طمطم:هههههههههههه هيهه عاثي صحي اخيلا
عاصي بغضب: طمطمممممم يخرب بيت الفصلان
وقفت ليا بسرعه وجذبتها من علي الفراش واتجهت بها للخارج وهي تهتف
هههههههههه حبيبتي يا طماطم احبك وانتي بتسحبي كده يلا بقي البس بسرعه انت غسلت وشك اهو يلا يلا عشان نروح نجيب العربيه بتاعتي
///////////////*///////اللهم اني لا اسألك رد القضاء ولكني اسألك اللطف فيه
جلس داخل سيارته ينتظرها واذا بها تظهر امامه ليترجل من سيارته اليها ويمسك يدها بتملك ويفتح لها باب السياره ويجلسها بجانبه والتف حول السياره ليجلس هو الاخر في مقعده ويتولي القياده
زين:مافيش صباح الخير حتي
تيا: لاء مافيش عشان زعلانه منك
زين وهويمسك يدها ويقبلها بحب: ليه احنا مش اتصالحنا امبارح في التليفون
تيا:بس ماتصالحناش علي انك تمش وتروح تبات في الڤيلا بتاعتكو وانت زعلان مني علي حاجه انا ماليش ذنب فيها اصلا
زين: كان لازم اروح دانا وماتحوليش تفتحي الموضوع ده يا تيا تاني عشان بجد بيثير غضبي وممكن اقول حاجه تزعلك
تيا بغضب:هاتقول ايه يعني ها ماتكلم قصدك ايه
زين بغضب وصراخ في وجهها:خلاصص بقي قولتلك قفلي علي الزفت الموضوع ده ( ايه علي دماغها البت دي اما صحيح ستات بتعشق النكد)
صمتت بغضب ولما تتحدث ولكن عبراتها قررت ان تتلاعب بمشاعره
زين بهدوء:بطلي عياط ونكد يا تيا لو سمحتي
لم تعطيه جواب واضح ليوقف سيارته بجانب الطريق واذا به يضع يده تحت ذقنها لتلتفت اليه
زين:ممكن اعرف لزمته ايه النكد ده دلوقتي قولتلك خلاص الموضوع خلص وماتحوليش تفتحيه تاني بتنكدي علي نفسك وعليا ليه دلوقتي
تيا بشهقات متفرقه: عشان انت جيه في تفكيرك اني ممكن اتكلم او حتي افكر في حد غيرك
زين بهدوء: يا سلام علي اساس انك دخلتي جوه دماغي وعرفتي انا بفكر في ايه لاء طبعا يا حماره انا عمري ما افكر في حاجه زي دي
تيا: اومال زعلت مني ليه ومشيت وسيبتني
زين: زعلت عشان غيرت لما فكرت ان الحيوان ده ممكن يكون بصلك اوفكر فيكي بطريقه الرجاله بس هما اللي يعرفوها وانتي عارفه انا بحبك اد ايه
تيا: وانا كمان والله ومعرفش هو ليه فكر في حاجه زي كده
زين:خلاص يا حبيبتي اهو غار في داهيه وخد جزاءه كمان قبل ما يمشي داانا اديته حته بوكس في وشه هههههههههه
لتضحك هي الاخري وهي تمسح عبرتها بطفوله
تيا:طب يلا بقي عشان نروح نشتري فستان الفرح بتاعي
زين:حاضر يا عيوني امتي بقي اليوم ده يجي عشان نبقي مع بعض علطول
///////////////////////////////////استغفرك ربي واتوب اليك
وصلو جميعا بسيارتهم الي المول بعد ان حجزو للفتيات سيارتهم وفي احد محلات فساتين الزفاف
جلسو الثلاث شباب ينتظرهم حتي يختاورو فساتينهم
زين وهو يتوسطهم:بقالنا ساعه قاعدين وقبلها ساعتين بيختارو هما مش هيخرجو بقي
عاصي بصوت مرتفع: انا زهقت بت يا ليا وربنا لو مخرجتي دلوقتي لدخل اجيبك من شعرك انا بقولك اهو
عدي:شششش وطي صوتك يا بني ادم انت فاكر نفسك واقف في الوكاله
زين: هههههههه بس تصدق مع حق ماهي حاجه تزهق بصراحه
وقفو الثلاثه متصنمين عندمال رأوهم امامهم
كانت ليا تلبس فستان ذهبي اللون ضيق من علي الصدر يصل ضيقه الي خصرها منفوش بالتل الذهبي ولكنه كان عاري الصدر وكانت تغطي كتفها وصدرها بشال ذهبي
انتفض عاصي بغضب وامسكها من رسغها لتصرخ هي
ليا: قبل ماتتنرفز ولا تعمل اي حاجه هيتقفل وهلبس عليه الحجاب والله
عاصي:يبقي ماتخرجيش من جوه اصلا كده ادخلي قدامي
دلف بها الي داخل بروڤة المحل ووقف امامها ينظر لها
ليا بغضب:خلاص روح هناك انا هاقلعه وابقي شوف بقي الفستان اللي عايزني البسه واشتريه وخلاص
عاصي بهدوء : شيلي الشال ده كده
نظرت له بأستغرب ليجذب هو الشال من علي كتفها
ويشير بيده للفتاه التي تعمل بالمحل
عاصي:لوسمحتي الفستان ده ينفع يتقفل من الصدر والكمام بقماش تقيل ومش يبين حاجه
الفتاه:ايوه طبعا يا فندم ينفع
عاصي: ماشي هناشتريه
اومئت له الفتاه وذهبت حتي تحضر له ماطلبه
ليا:بجد يا عاصي يعني عجبك
عاصي:زي القمر يا بنت اللذينا انتي هتبقي احلي اميره يوم الفرح
وقفت دانا هي الاخري بفستان وردي اللون زو اكمام طويله من خامة الدانتيل المنفوش احب عدي جمالها الهاديء وهو يقف امامها
عدي:بسم الله مشاء الله جميل اوي يا دانا
دانا:بجد حلو وانت يا زين ايه رأيك
لم يلتفت اليه لم يكن معهم اصلا فهو كان يقف كالمسحور امام ملكة قلبه التي كانت تطل له بالفستان اﻻبيض زو الكرستيلات الفضيه والمنفوش بقوه وزيله الطويل من خلفها
زين وهو يقف امامها ويمسك يدها: مين دي
تيا بمرح:دي حبيبتك تيا
زين وهو يحملها ويحتضنها امامهم جميعا:لاء دي مليكتي انا لوحدي وصاح وهو يدور بها وسط المحل
بتاعتي انا لوحديييييي
تيا وهي خجله جدا مما يفعله زوجها : كفايه يا مجنون الناس بتتفرج علينا
زين:ههههههههههه طب يلا روحي غيري بسرعه عشان نروح قبل ماحد يحسدنا بقي
//////////////////////////////////////بقلمي/كنزي حمزه(مياده)
وبعد مرور شهر بالكامل
اليوم هو يوم عقد قران ليا الذي صمم ذلك شاء ٢ ان يكون في المسجد الذي يصلي فيه جده
وبعده يقيم ليله فرح للشباب فقط يرقصون فيها ويشعلون الشماريخ علي اغاني المهرجانات
و وقفت الفتيات ووالدتهم وجدتهم ودارين ودانا واسراء وابنتها مي الذين اتو اليهم ليشاركوهم فرحتهم فوق سطح البيت ليرو كم الشباب الهائل الذين يأتون للمباركه لعاصي وعدي
مي:الف مبروك يا بنات والله المجنون ده عامل فرح جميل مبروك يا ليا
ليابغضب:سيبوني في في حالي شوفتو المجنون ده قالع قميصه وبيعمل ايه ده بيرقص بالسيف بتاع بابي وسط الشباب ولا التاني الي بيرقص بالشماريخ ده
دانا:ماله ياختي التاني طب والله شكلهم جميل والفرح حلو اوي
تيا:هههههههههه الحقي يا مامي بصي زين بيرأس هو وبابي وعمو حمزه وعمو احمد
روقيه:الله اكبر عليهم والله الفرح حلو ا وي
اسراء:مشاء الله عليهم الف مبروك يا غمزه مبروك يا غزل
غزل:الله يبارك فيكي يا حبيبتي عقبالك يا مي
غمزه:امتي بقي هنفرح بيكي يا مي
اسراء: هانت شهاب اتفق مع بابها علي اول الدراسه
دارين:الف مبروك ياحبيبتي ربنا يهنيهم كلهم يا رب
وبعد انتهاء الحفل وذهاب كل المدعوين صعدو جميعا اليهم وهم يضحكون
احمد: والله يا واد ياعاصي كانت ليله حلوه انا عمري ما حضرت فرح زي ده ابدا ههههههههه
عاصي الصغير:شوفتو اهو سياده العميد بنفسه مبسوط بالليله
حمزه:بجد كانت ليله حلوه مبروك يا حبيبي
عدي:قبل ماتقوله مبروك تعالي يا زين نقلب الواد ده ده لم كمية فلوس النهارده
زين وهو يغمض نصف عينه :اه ياض ياعدي بص متبت علي الشنطه ازاي ورينا ياض الشنطه دي كده
ليشهر الاخر سيف عمه في وجههم بمرح ويتجه خلف ليا الجالسه وهو يفتح سحاب تلك الحقيبه
عاصي الصغير:اياك حد فيكو يقرب مني الفلوس دي بتاعت مراتي ياض انت وهو
واذا به يسقط عليها تلك الورقات من فئة المأتان والمائه جنيه
ليشهقو جميعا من كثرتهاويجلس هو امامها علي ركبتيه
عاصي الصغير:الف مبروك يا حبيبتي دول بالظبط مائة الف جنيه الشباب اللي كانو جاين ليا دول كلهم
جايين يردو واجب انا عامله معاهم عرفتي ليه بقي انا كنت مصمم اعمل الليله دي
اومئت له برأسها وهي فرحه جدا مما فعله
وربط جده علي كتفه
فضالي:جدع زي ابوك وعمك مبروك يا واد الف مبروك
وقف امامه وبدوره احتضنه وهتف:الله يبارك فيك يا جدي
//////////////////////////////////////
اليوم هو يوم فرحهم الكل يستعد لذلك الحفل المهيب الذي اقامه العاصي الكبير في افخم فنادق
القاهره
وياتي اليهم كبار رجال الدوله وكبار رجال الاعمال
عاصي وحمزه واحمد امام باب القاعه الكبيره
يرحبون بالمدعوين و اذا به يقف بغضب اما تلك التي ظهرت امامه بفستان سماوي اللون ضيق علي جسدها ذهب اليها وهو في قمة غضبه
حمزه:ايه اللي نزلك لوحدك وايه اللي انتي لابساه ده اصلا
غزل: والنبي ياحمزه تسكت انا تعبانه ومش نقصاك
حمزه:ايه مش نقصاني دي يا هانم ومالك تعبانه فيكي ايه
غزل:انت اللي مالك بس يا حبيبي بتزعق كده ليه
حمزه:انتي مش شايفه الفستان اللي اني لابساه ولا ايه
غزل: ماله بس الفستان مهو طويل ومقفل خالص اهو
حمزه بغضب:ماله ايه دانتي زي القمر فيه الرجاله هايكلوكي بعيونهم ياغزل اقعدي جنب امك هنا وعالله تتحركي انتي فاهمه
غزل:حاضر يا حمزه حاضر
دق علي كتفه اخيه ليلتفت اليه
عاصي:يلا يا حمزه عشان نطلع نجيب البنات من فوق
حمزه:ماشي يلا
وصعد هو اخيه وصديقه اليهم
دلفو اليهم الغرفه وامسك عاصي تيا بفستانها الملائكي اتجه بها للخارج
فعل احمد مثله مع دانا
كما خرج بعدهم حمزه وهو يمسك ليا
ولكن ما اثار فضول ذلك العاصي الكبير هو انهو لم يري زوجته حت الان
خرجو هم الاثنان بعد ان ذهبوا
وهتفت دارين:ههههههههه والله انتي جبانه بتستخبي منه زي الاطفال
غمزه:اسكتي يا دارين ده ممكن مايخلنيش احضر فرح بناتي لو شاف الفستان ده انا مش عارفه ازاي سمعت كلمكو بس وجبته
دارين:هههههههههههه طب يلا بين نلحق الزفه يلا
/////////////////////////////////////
بداء حفل الزفاف واخذ كل عريس عروسته من ابيها
ومزال هو يبحث عن تلك المختفيه عن اعينه
عاصي:بوده مامي فين انت ماشوفتهاش
بوده:لاء يا بابي اوعي بقي انا هاروح اتصور معاهم
وقف احمد خلفه:يلا يا عاصي المأذون جيه عشان يكتب كتاب عدي ودانا
عاصي:هه طيب هي مراتك فين ماشوفتش غمزه
احمد: دارين وغمزه كانو لسه قاعدين هنا تلاقيهم راحو الحمام ولا حاجه
عاصي وهو يتلفت حوله:طيب يلا بينا
اطلعي بقي يا ختي هتفضلي مستخبيه تحت التربيزه كده هتفت بها غزل الجالسه بجانبها
غمزه:اسكتي خالص انتي وهي والله المجنون ده لو زعقلي ولا عمل حاجه تكسفني زنبي هيبقي في رقبتكو
جلس عدي امام احمد ووضع يده في يده وكان الاخوان شهودا علي عقد القران وسط فرحة ابيهم
واخيرا صاح المأذون بجملته الشهيره :بارك تلله لكما وبارك عليكما وجمع بينكم في خير ليجذب عاصي الصغير ذلك المنديل بمرح وهو يهتف للشباب
عاصي الصغير: عدي اتجوز يا جدعاااااان ليحملوه الشباب بين يديهم وتصيح الزغاريط ويبدأ الdoفي صيحات الاغاني
التفت عاصي الي حمزه بغضب وهتف:الله هي غمزه فين انا مش شايفها من الصبح
حمزه:في ايه يابني ماهي واقفه مع غزل والعرايس هناك اهي
كانت تقف معطيه له ظهرها واذا بها تجد من يجذبها ويلفها اليه بقوه
غمزه بخوف:عععععاصي والنبي اعمل اللي انت عايز تعمله بعد الفرح بس سيبني افرح ببناتي والنبي
عاصي وهو منبهر من جمالها:يخرب بيت جمال امك احمر يا غمزه احمر لاء واكمامه تل كمان
غمزه:والله تحتيه بدي ايدي مش باينه اهو بس عشان خاطري ماتعملش حاجه الا بعد الفرح
عاصي:امشي روحي اقعدي علي التربيزه اللي انا قاعد عليها ومتتحركيش من جانبي انتي فاهمه
غمزه:طب خليني مع البنات شويه
عاصي بصوت شبه مرتفع: يلا يا غمزه
ذهبت من امامه وحي محنية الرأس وجلست بجانبه
الي ان انتهي الحفل اخيرا وجذب زين تيا ليصعد بها الي جناحهم بينما ترك ذلك العاصي الجميع خلفه من يذهب يذهب ومن يجلس يجلس وجذب تلك المسكينه من خلفه يذهب خارج القاعه متجه الي ريسبشن الفندق
غمزه:انت موديني علي فين طب استني لما البنت تطلع الجناح بتاعها
عاصي:تعرفي تسكتي خالص وقف اخيرا امام موظف الاستقبال
وهتف: لو سمحت عايز احجز جناح
الموظف:تحت امر حضرتك يا فندم كام ليله
عاصي: ٣ ليالي
اندهشت هي مما قاله ووقفت تنظر امامها كمن سقط عليها دلو ماء كبير
وبعد ان اخذ منه المفتاح امسك يدها واتجه بها الي المصعد ودلف بها داخله
عاصي: اقفلي بوؤك مالك مصدومه كده ليه
غمزه:انا انت بتهزر صح بنتك فرحها النهارده وانت بتحجز جناح ٣ ليالي طب هطمن علي بنتي امتي
عاصي وهو يحملها ويخرج بها متجه الي جناحهم
عايزه تطمني عليها ازاي هي مع حبيبها دلوقتي ركزي انتي بقي مع حبيبك شويه بالفستان اللي جنني ده
غمزه بعد ان دلف بها الي داخل الجناح: اوعي تقرب من الفستان انا مش معايا لبس هنا لو اتقطع هالبس ايه
عاصي وهو يقترب منها ويحتضنها جيدا:مش مهم خالص لبس يا حبيبتي اصلا مش هانحتاجه في حاجه
ليحملها مره ثانيه ويتجه بها الي الفراش ليتمم
ليله من لياليهم التي لم تنتهي ابدا الابكل حب
///////////////////////////////
واخيرا دلف بها الي جناحهم وهو يحملها علي ذراعه بفستانها الابيض ويغلق الباب من خلفه
وينزلها امامه بكل رقه
زين:مبروك يا حبيبتي اخيرا بقيتي معايا وفي حضني
زين:تعالي يا حبيبتي وانا هاساعدك
اقتربت منه في هدوء وبدء هو يفك طرحتها وحجابها وهو يمطرها بقبلاته الحاره جدا
ثم التفت خلفهاحتي يجذب بيده سحاب فستانها
وهو يزيب كل الجليد التي تتسلح به امامه ليسقط الفستان من عليها ويحملها بين يديه ويتجه بها الي الفراش
ليبدؤو سويا حياتهم بكل حب وشوق عاشق متيم لأبنة العاصي
تمت
 الفصل السادس والثلاثون والسابع والثلاثون الأخير و الخاتمه بقلم/كنزي حمزه رواية مغام…){kind=link}
تعليقات
إرسال تعليق