رواية حكاية وعد الفصل العاشر والحادي عشر بقلم ملك محمد حصريه في مدونة موسوعة القصص والروايات
رواية حكاية وعد الفصل العاشر والحادي عشر بقلم ملك محمد حصريه في مدونة موسوعة القصص والروايات
#حكاية_وعد (10)
وعد دخلت الحفله بتعيط من اسلوب كريم معاها وكمان بسبب معرفتها ان والدتها مريضه
سابت الناس وطلعت تجري ع اوضتها لسه هتفتح الباب وتدخل فجأه حد مسكها من أيدها وعد بصت وراها لقت زين
زين بغضب : كنتي فين
وعد ببكاء : وانت مين علشان تسألني كنتي فين
زين فتح الباب وشدها من ايدها ودخلها الأوضه وقفل الباب علشان محدش يشوفهم
وقالها بعصبيه : انطقي كنتي فين انتي اختفيتي انتي وكريم م الحفله سوا روحتوا فين عايز اعرف
وعد ببكاء : سيب ايدي أنا خلاص قررت ارجع مصر
زين بعصبيه وعروق وشه هتنفجر م الغضب : ترجعي زفت مصر تفضلي هنا مش حوارنا بقولك كنتي بتعملي اي مع كريم
وعد ببكاء : سيب ايدي انت بتوجعني
زين شد على ايدها اكتر وقال : مش هسيبها الا لما تقولي كنتي بتعملي اي معاه
وعد بألم : ااه ايدي انت مالك ومالي أساسا
زين زقها للحيطه ووقف قدامها وقالها بغضب : انتي تخصيني انا فاهمه
وعد اتصدمت من جملته وقالت ببكا : انا مش فاهمه اي ال بيحصل انت عايز مني اي
زين بدأ يهدى لما شاف دموعها وبدأ يستوعب الموقف
اخد نفس وقالها
: انتي روحتي مع كريم ياوعد
وعد كانت مرعوبه منه فقالت : لا
زين بدأ يهدى أكتر : بجد ياوعد
وعد بخوف : بجد انا طلعت اتمشى شويه مشوفتش كريم
زين بص ف عنيها : وعد انتي بتكدبي انا مش عايزك تخافي مني قوليلي اي ال حصل وصدقيني هنزل دلوقتي اطلع روحه
وعد بنظرة خوف : زين هو انا البنت ال انت بتحبها
زين مردش عليها
وعد : انا بكلمك رد عليا
زين بقلة حيله : للأسف ايوا انتي
وعد بحزن وصدمه : طب ازاي دا حصل مش مفروض انها كانت تمثليه
زين : معرفش بقى حصل ازاي المهم دلوقتي كنتي مع كريم فين
وعد بخوف : قولتلك مكنتش معاهم
زين : كنتي معاهم اتكلمي متخفيش
وعد : كان بيقولي ان ماما تعبانه ولازم انزل مصر اشوفها
زين : ياسلام روحتي معاه علشان يقولك الكلمتين دول ماكان يقولهم هنا
وعد بتوتر : ال حصل بقى عايز تصدق صدق مش عايز تصدق براحتك انا كدا كدا نازله مصر مبقاش ليا مكان هنا
زين : حتى بعد مااعترفتلك بحبي دا آخر كلام عندك
وعد : انت مبتحبنيش دا مجرد تحدي بينك وبين كريم انا كنت دايما بشوف نظرة التحدي ف عيونك عايزني ليك علشان تعرفه انك تقدر تخليني انساه واحبك وانك واو وحاجه محصلتش
زين بغضب قرر يحافظ على كرامته فقالها : برافوا انا كدا عرفت انك ذكيه هو تحدي فعلا ومش هسيبك لأن اللعبه كبرت ف دماغي خلاص اي رأيك بقى
وعد نزلت ع الأرض بركبتها وانهارت من العياط
زين بذهول نزلها
: وعد في اي
وعد ببكاء : هو انا ليه بيحصل فيا كدا الكل بيلعب بيا وبماشعري للدرجادي انا رخيصه عندكوا
زين زعل من نفسه جدا قالها بلطف
: مقصدش كدا
: تقصد او متقصدش انا عايزه انزل مصر امي بتمووت عايزه اشوفها
زين : طب اهدي بابسبورك معايا وهتنزلي مصر حاضر
وعد بصدمه : ولما هو معاك مقولتش ليه
زين : مكنتش عايزك تمشي
وعد ببكاء شديد : علشان اللعبه حلوه وعجباك مش كدا
زين : محدش يقدر يقول عليكي لعبه اهدي بس
وعد قامت وقالتله : مش ههدى انا عايزه اروح لماما
زين : حاضر بكرا بليلل هتكوني ف مصر
وعد ببكاء : ممكن تخرج وتسبني شويه
زين حس انها محتاجه تكون لوحدها شويه
سابها وخرج راح ع اوضته
وفضل يخبط بإيده ع الحيطه ويقول
: اي ال انت هببته داه
والدتها تعبانه ولسه مجروحه بسبب حركة كريم الندل معاها وانا جيت زودت عليها
الغيره عمتني للدرجادي يعني هتكون راحت معاه تعمل اي اكيد زي ماهي بتقول علشان يعرفها ان والدتها تعبانه وبعدين انا بثق فيها وعارف انها مش ليها ف المشي البطال مكنش لازم اعمل ال انا عملته داه اهم حاجه انها تشوف امها دلوقتي
وبعدين رفع سماعة موبايله واتصل بواحد وقاله احجزلي تذكره طيران نازله مصر بكرا
فجأه الباب بيخبط
زين : ادخل
حسناء : انت فين يازين وسايب الحفله
زين : في اي
حسناء : في مفاجأه هنعلن عنها دلوقتي انا وكريم ياريت تنزل وتجيب وعد معاك معرفش انت وهي طلعتوا ع فوق ليه
زين : مفاجأة اي
حسناء: لو قولت اكيد مش هتبقى مفاجأه
وسابته ونزلت وهي بتقوله
: بسرعه متتأخرش
زين عدل هدومه ورتب شعره وفتح الباب وراح ناحية اوضة وعد
خبط عليها
وعد ببكاء : مش عايزه اتكلم مع حد
زين بحزن : طيب ياوعد براحتك
وسابها ونزل
وقفت حسناء ومسكت أيد كريم واعلنت عن حفل زفافهم انه هيكون الأسبوع الجي
الكل صقف بسعاده وراحوا يهنوهم الا زين ادايق من الخبر وسابهم وطلع ع اوضته وهو بيقول لنفسه
: غبيه ازاي تتجوز واحد ندل زي داه
قابله تمام وقاله : انتو الأتنين اغبيه
زين بصله بإستغراب
تمام سابه ومشي
______________
الحفله انتهت وكلهم طلعوا ناموا ووعد منمتش فضلت قاعده طول اليلل ع الأرض تعيط
زين خرج بلكونته شويه
سمع صوت عياطها زعل من نفسه جدا
مسك قلم من الدرج علشان يرميه ف بلكونتها بس حس ان دا مش وقت هزار فحط القلم تاني ودخل رمى نفسه ع السرير
قرر وقتها انه يسيب وعد ترجع مصر وترجع لحياتها الطبيعيه وهو كمان يرجع لحياته الطبيعيه ويعتبر انها كانت تجربه جميله ف حياته وانتهت علشان ميظلمهاش معاه وهي بتحب واحد تاني وقال لنفسه لو لينا نصيب نتقابل هنتقابل
______بقلم # Malak_mohamed _________
"نهار يوم جديد"
صحي زين ولبس هدومه وخرج من اوضته كان كل ال ف الڤيلا راحوا شغلهم
وقف على باب اوضة وعد وهو متردد
اتنهد وخد نفس وخبط عليها
اتوقع انها نايمه ومش هترد
لسه هيفتح باب الأوضه وعد قالت: ادخل
زين دخل وقال بتعجب
: معقوله صاحيه بدري كدا
وعد والحزن باين ع وشها
: برتب حاجتي علشان ارجع مصر
زين : اه تمام الطياره هتطلع ع الساعه اربعه هخرج م الشركه وابقى اجي اخدك اوصلك للمطار
وعد وهي بترتب الأوضه
: لا ملوش داعى انا هروح لوحدي وشكراً ع تمن التذكره هبقى احولك الفلوس ف البنك وابعتهم
زين بضيق : ماشي ياوعد براحتك مع ان كان نفسي نفترق بطريقه اجمل من كدا
وعد بحزن : عارفه ان حضرتك دلوقتي زعلان لأن اللعبه ال كانت ف ايدك هتمشي خلاص
زين بحزن : انتي شايفه كدا
وعد ببكاء : لي وعدتني انك هترجعهولي لما انت مش هتوفي بوعدك ليا
زين بتنهيدة وجع : غصب عني
وعد ببكاء: انت غصب عنك وهو غدر بيا وموفاش بوعده بردو غصب عنه ليه كل الوعود الكدابه دي لو كل واحد م البدايه قال انه ميقدرش مكنتش وصلت لكدا
زين بحزن : الوعد ال وعدتهولك سهل تنفيذه بس صعب عليا انا افهمي
وعد : مش عايزه افهم حاجه خلاص لحد هنا وكفايه
زين خرج من اوضتها وقلبه بيوجعه من كلامها ركب عربيته وراح شغله
_____________
"ف الشركه"
زين وهو داخل بص على مكتب وعد افتكرها وافتكر حركاتها وعنادها فيه كل شويه ابتسم بحزن
ودخل مكتبه
بعد مرورو الوقت قرب ميعاد طيارة وعد زين كان قاعد ف مكتبه والحزن مخيم عليه كان بيفتكر ضحكتها وشكلها ومش بتروح من باله
فجأه بيجيله رساله من ايميل غريب مكتوب عليه
( القطه بتاعتك بتروح اليله بكام ) بيفتح الأيميل بيلاقي صور وعد مع كريم
اتعدل ف قعدته وبدأ يقلب ف الصور بصدمه وهو بيقول لنفسه دي وعد
وعد كانت ظاهره ف الصور انها بتضحك ومبسوطه والصور كانت ف وضع غير لائق (ودا لأنها كانت فاكره الصور هتوصل لوالدتها مش لزين فكانت بتمثل انها مبسوطه)
زين باصص للصور بصدمه بدأ يتخنق وهو بيقلب فك كرافتية القميص شويه
وصل لحد الصوره ال كريم بيبوسها فيها ف خدها وراح زق الاب وقع من ع المكتب وقام بسرعه ركب عربيته واتجه نحو الفيلا وهو بيقول لنفسه
: بتقرطسيني ياوعد زين الرافعي بيتقرطس
وصل الفيلا كانت وعد خلاص خلصت كل حاجه وجه معاد طيارتها
الفيلا فاضيه ومحدش لسه رجع من شغله طلع زين لأوضة وعد
لسه بتفتح الباب علشان تخرج لقت زين بيزق الباب جامد راحت واقعه ع الأرض
زين دخل الأوضه وقفل الباب بالمفتاح وحط المفتاح ف جيبه
وعد بصدمه وهي واقعه ع الأرض : في اي يازين
زين راح ناحية البلكونه قفلها وشد الستاره
وعد وقفت من ع الأرض وقالتله بخوف : هو في اي بقولك انت قفلت الباب ليه
زين الغضب كان باين ع وشه وعروقه مشدوده جدا فك كمام القميص وفك اول تلت زراير من القميص وهو بيقولها
: بتقرطسيني ياوعد
وعد بخوف رجعت لورا : زين انت هتعمل اي
راح مقرب منها ومسكها من شعرها جامد وقالها
: في واحد باعتلي بيقولي القطه بتاعتك بتروح اليله بكام فقولت اجي أسألك بنفسي
وعد بخوف وبكاء : انت بتقول اي انا مش فاهمه حاجه سيب شعري
زين بغضب وصوت مرتفع وهو ماسكها من شعرها: بتقابليه من امتى ها الهانم بتقرطسني من امتى ممكن اعرف
وعد ببكاء : هو مين انا مش فاهمه حاجه
زين بسخريه : كريم حبيب القلب ال رماكي ف الشوارع وانا لميتك منها وعملتلك قيمه
وبعدين قال بوجع : ياشيخه دانا سلمتك قلبي دانتي الوحيده ال قلبي دق ليها للدرجادي انا كنت ساذج
وعد ببكاء: انا مروحتش لحد صدقني
زين صفعها على وشها : لسه بتكدبي قوليلي بعتيله نفسك بكام يارخيصه مرضيش يجوزك وبردو رميتي نفسك عليه
وعد بصراخ وألم وهي ماسكه خدها : انا مش عارفه انت بتتكلم عن اي انت مجنون
زين شدها ليه ورفع راسها لفوق وبص ف عنيها بحده وقالها
: زعلتي اوي لما عرفتي اني بوستك وقت اما كنتي تعبانه ف البيت القديم وقولتي انك شايله اول بوسه ليه صح
وعد ببكاء ونظرة خوف : زين ارجوك سبني
زين بحده : مش هسيبك ياوعد انتي فاكره لما قولتلك لو طلعت بحبها يبقى حبي ليها مش ف صالحها لأني هاخدها غصب عنها انا حاولت اغير من نفسي واكون كويس وحجزتلك تذكره علشان تنزلي تشوفي والدتك واعتبرتك فتره جميله ف حياتي وعدت بس انتي مصره تطلعي الوحش ال فيا مصره تشوفي الوش الحقيقي لزين الرافعي
وعد بنظرة خوف وبكاء : ارجوك لا
زين وهو بيبص على شفايفاها : ليه لا
وراح بايسها غصب عنها
وعد ببكاء : ارجوك سبني
زين : وعد انتي بتاعتي انا فاهمه
وحاول يعتدي عليها مكنش ف وعيه ومش عارف هو بيعمل اي
بعد مرور بعض الوقت وعد كانت تعبت من المقاومه وفقدت طاقتها خلاص ومقدرتش تستحمل
فجأه وهي تحت ايده فقدت الوعي
زين لما لاقاها مستسلمه ليه رفع نفسه بعيد مسح بوئه بإيده لقا متعاص دم
استوعب الموقف وبص عليها لقاها مرميه ع الأرض هدومها متقطعه وبوئها جايب دم وفي كدمات ف وشها وشعرها شبه متقطع
بدأ يفوق من حالة الغضب ال كان فيها نزل ع الأرض ومسكها بفزع
: وعد وعد قومي
مردتش عليه
قرب منها لقاها بتتنفس : قلبه اطمن شويه
محبش حد يشوف ال حصل ف الڤيلا فقام واخدها حاطتها ف عربيته وخدها ع بيت بتاعه واخده ف مكان بعيد عن الفيلا
يتبع ........
#حكاية_وعد (11)
وقفنا لما زين اخد وعد وهي مغمى عليها بعيد عن الفيلا علشان محدش يشوف ال حصل
"ف منزل زين"
وعد نايمه ع السرير فاقده الوعي وهو سابها وقعد بره وكان متعصب جامد لدرجة انه فضل يكسر ف كل حاجه ف البيت
كان جواه طاقة غضب من ناحيتها وكل ما يفتكر شكل الصور يتعصب اكتر
بعد مرورو بعض الوقت دخل على وعد الأوضه وف ايده كوباية مايه وراح دالقها على وشها
وعد بدأت تفوق وتفتح عيونها بألم
حطت ايدها ع دماغها وقالت بوجع
: اي دا انا فين
زين بجحود : فعلا تربية الشوارع عمرها ماهتنضف
وعد اتصدمت لما سمعت صوته رفعت وشها بخوف
زين بقرف : هسيبك دلوقتي علشان تعبانه بس هرجعلك تاني في حساب رايح اصفيه مع حبيب القلب وراجع
__________
في منزل كريم الباب بيخبط
كريم فتح لقا زين قدامه قال بسخريه
: كنت متوقع انك تيجي تعالى ادخل
زين بعصبيه وبدون كلام راح ضاربه ف البوكس ف وشه
كريم وهو ماسك خده بسخريه
: هه دا كله علشانها مش كدا انا كنت عارف انك بتحبها بجد
زين مسكه من لياقة قميصه : انت بتقابل وعد من امتى
كريم : اهدى اهدى دانا بس كنت بختبر حبك ليها انا ووعد ملناش علاقه ببعض
زين هدي شويه : امال الصور دي اي
كريم : دي صور اتصورناها علشان ابعتها لوالدتها لأنها تعبانه جدا ونفسها تطمن ع وعد
زين نزل ايده : يعني وعد ملهاش علاقه بيك
كريم : في علاقه طبعا انا ابن عمها وحبيبها ف نفس الوقت يعني بإشاره مني وعد هتكون هنا معايا
زين بعصبيه : وعد مش ليك انت بالنسبالها انتهيت
كريم بسخريه : ولا ليك انا بعتلك الصور وحبيت اوريها الوحش ال جواك علشان متفكرش فيك ابدا
زين بصدمه : يعني انت عارف اني آذيت وعد
كريم : طبعا عارف انت ناس اننا عشرة عمر وانا عارف زين كويس لو حب حاجه مبيعرفش يسبها لغيره ولو اتعصب بيتحول لوحش
زين ضربه ف وشه بغضب
كريم بسخريه : مهما تعمل انت خسرتها للأبد سيبها ترجع مصر وانساها
زين بعصبيه: انا همشي دلوقتي بس لينا حساب بعدين
وسابه وطلع يجري بعربيته ناحية البيت ال سايب وعد فيه
نزل من عربيته لقى وعد قاعده ف جمب ف الأوضه وعماله تعيط وبتبصله برعب مقدرش يكلمها ولا كلمه لأنه عرف انها خايفه منه كل ال عمله أنه طلب ممرضه تجلها البيت تعلاج الجروح ال ف جسمها
وأنقضت اليله ع كدا وكل واحد نايم ف اوضته
_________بقلم ملك محمد__________
نهار يوم جديد
زين دخل ع وعد الأوضه وهو ندمان جدا على ال عمله وملقاش اي كلام يتأسفلها بيه قالها
: عارف انك مش هتسامحيني وعندك حق ومفيش اي مبرر لل انا عملته بس الغيره عمتني للحظه لما حسيت انك ممكن تكوني مع راجل تاني غيري قلبي اتحرق نار الغيره وحشه ياوعد صدقيني
وعد كانت قاعده بتعيط ف جمب ومبتتكلمش
زين : بس انتي غلطانه لي مقولتليش امبارح انك اتصورتي مع كريم لي سبتي واحد قذر زي دا يلعب بيا وبيكي
وعد مبتتكلمش
زين بتنهيده : خلاص مش وقته كل الكلام داه قومي علشان معاد طيارتك اتغير وخليته النهارده جهزي نفسك علشان تنزلي مصر واوعدك مش هتشوفي وشي تاني
وعد بصتله برعب ودموعها ع خدها
زين بحزن : انا خارج خدي راحتك
خرج وقفل الباب وراه وهو عارف ان كريم خطته نجحت ومستحيل وعد تقدر تثق فيه تاني مهما حاول
وعد قامت من ع الأرض تجر نفسها ناحية الحمام اخدت شاور وغيرت هدومها وقعدت ع السرير مربعه رجليها ف وضماها لصدرها
زين خبط ودخل كان شايل صنية أكل
وعد اول لما شافته الرعب مسكها
زين من بعيد بحزن : متخفيش وحط صنية الأكل ع الأرض من بعيد وقالها
: قومي كلي علشان قدامك سفر طويل
وقفل الباب وخرج
___________
وهو قاعد موبايله رن
تميم : زين هو انت ووعد فين مبيتوش ف الفيلا هي وعد كويسه
زين : بتسأل ليه
تميم : الخدامه دخلت اوضتها لقت كل حاجه متبهدله وكأن كان في زلزال ضرب الأوضه فقولت اطمن عليها
زين : وعد كويسه وراجعه مصر
تميم بصدمه : بجد
زين : ايوا مشكلة الباسبور بتاعها اتحلت ونازله مصر خلاص
تميم بحزن : بس
زين : مبسش انا عارف ان كلنا اتعودنا ع وجدها بس لازم ترجع
وقفل الفون
بعد مرور الوقت جه معاد طيارة وعد زين دخل وقالها اجهزي
وعد بدموع : فين الفستان ال انا جيت بيه
زين بتعجب : ليه
وعد : زي ماجيت بيه هرجع بيه
زين مرضيش ياخد ويدي معاها ف الكلام علشان عارف انها تعبانه قالها : هبعت اجبهولك م الفيلا حاضر
جابلها الفستان فعلا ولبسته وخرجت م الأوضه وهو كان مستنيها بره
زين وقف اول لما شافها بالفستان وافتكر اول مره قابلها فيها ع الكوبري لما افتكرها عايزه تنتحر وخدها معاه الفيلا
وعد وهي بتمسح دموعها
: انا جاهزه
زين عرف انها هترفض انه يوصلها فطلب من السواق يوصلها للمطار
ركبت وعد الطياره ورجعت ع مصر
____________
"مرحبا بكم ف جمهورية مصر العربيه "
ركبت تاكسي ورجعت بلدها اسكندريه دخلت المنطقه ال هي منها وهي لابسه الفستان وبتجر نفسها بالعافيه
( كل احلامها اتهدت بسبب وعد واحد من اشباه الرجال مقدرش يوفي بيه رجعت بتجر خيبت أمل كبيره مكنتش عارفه هتوري وشها لأهلها ازاي بعد ال حصل)
الناس كلهم كانوا واقفين ف البلكونه وف الشارع بيتفرجوا وبيتكلموا عنها
: هي دي وعد بنت سمير
: يلهوي دي هي طب اي ال عمل فيها كدا
: مش عارفه يااختي مش هي كانت مسافره لابن عمها علشان يكتب عليها هناك ف بلاد بره
: بس دي راجعه بالفستان وشكلها متبهدل دا اكيد حصل حاجه كبيره
: بكرا نعرف كل حاجه
وعد خبطت على باب بيتهم وكانت ساكنه ف بيت عيله
فتحلها ابن عمها الصغير وعمره 10سنين اول لما شافها قال بصدمه
: وعد
والده سمعه قاله بذهول
: وعد مين ياد
مالك : وعد بنت عمو يابابا
عمه ومرات عمه وكلهم طلعوا يجروا ناحيتها اول لما شافوها بالفستان ووشها متبهدا اتصدموا
عمها : وعد يابنتي اي ال عمل فيكي كدا
وعد مكنتش قادره تسند نفسها فمن الإرهاق اغمى عليها ع الباب
____________
بعد مافاقت وحكتلهم ال حصل
مرات عمها : حقك عليا يابنتي انا ال معرفتش اربيه
عمها وهو مطأطأ الرأس : بقى كريم يعمل كدا كلهم قالولي الغربه بتغير وبتخلي الواحد يبيع أصله بس انا مصدقتش
وعد بحزن : مش مهم اي حاجه دلوقتي ماما فين
مرات عمها : امك فوق نايمه ع السرير المرض مبقاش بيخليها تتحرك
وعد بحزن: ياحببتي ياماما دي لو عرفت ال حصلي ممكن يجرالها حاجه
عمها : متقوليش حاجه دلوقتي هنفضل نكدب عليها ونقول انك اتجوزتي كريم وانك نزلتي مصر علشان تشوفيها وراجعه تاني
وعد بحزن قامت من ع السرير
مرات عمها : غيري الفستان الأول استني اجبلك هدوم
كلهم خرجوا ومرات عمها جابتلها الهدوم وهي بتحطها قالت لوعد
: وعد انا ملاحظه ان في كدمات ف وشك هو كريم مد ايده عليكي قوليلي وانا هقطعاله
وعد افتكرت زين قالت بتوتر : لا لا دانا اتكعبلت وقعت من ع السلم الوقعه كانت شديده بس
مرات عمها: اه طيب ابقي خدي بالك بعد كدا هدومك اهيه غيري واطلعي لأمك
حطت الهدوم ووعد غيرت وطلعت لوالدتها
دخلت عليها اخوها الصغير كان قاعد معاها بيخدمها
حسن بصدمه : وعد انتي جيتي امتى
وعد شاورتله : شششش سبها نايمه
حسن سكت خالص
وعد قربت من والدتها مسكت ايدها وفضلت تعيط
والدتها حست بيها راحت مفتحه عيونها وقالت
: وعد دا انتي
وعد وهي بتمسح دموعها بإبتسامه مصطنعه: اه ياماما انا وحشتيني
والدتها بفرح : انتي جيتي انتي وكريم تشوفني قبل مااموت
وعد مقدرتش تمسك دموعها : متقوليش كدا ياماما انتي هتبقي كويسه
والدتها بفرح وهي تلتقط أنفاسها : سيبك مني انا فرحانه اني اطمنت عليكي قبل مااموت كريم فين صحيح
وعد : كريم هناك معرفش ينزل علشان شغله بس اطمني هينزل يشوفك قريب
والدتها : ربنا معاه ويرزقوا صحيح شوفت صورك انتي وهو م بعض كنتي طالعه قمر ياوعد وباين انه مهنيكي
وعد بإبتسامه مصطنعه: اه مانتي عارفه كريم بيحبني اد اي
والدتها ركزت ف وشها أكتر : انتي مال وشك ياوعد حاسه فيكي حاجه غلط
وعد بتوتر : مفيش ياماما دي كدمه صغيره اصل انا وقعت انتي عارفه بنتك بتمشي تقع
والدتها : لا خدي بالك بعد كدا انتي واحده متجوزه ممكن تطلعي حامك ف اي وقت
وعد بإبتسامه مصطنعه : حاضر ياحببتي اهم حاجه دلوقتي صحتك
والدتها وهي تلتقط أنفاسها بصعوبه : انا كدا اطمنت عليكي وهموت مرتاحه ربنا يريح قلبك ياوعد
حسن : وعد كفايه كدا الدكتور مانع ماما من الكلام الكتير سبيها ترتاح شويه وتعالي معايا بره
وعد باست ايد والدتها وراسها وسابتها وطلعت والدموع مغرقه عنيها
خرجت هي وحسن وقفلوا الباب على والدتهم
حسن : وعد انتي بتكدبي
وعد بحزن : ششش وطي صوتك هفهمك كل حاجه
حسن خدها من ايدها بعيد عن اوضة والدتهم وقالها
: الواطي عمل معاكي اي
وعد بحزن: انا متجوزتش
حسن بغضب : كان قلبي حاسس من وقت مامشيتي من هنا وانقطعت اخبارك وكل اما نقوله عايزين نكلمك يتحجج بأي حاجه
وعد : عادي بقى ال حصل انا خلاص كرهته وطلعته من قلبي مبقاش يفرق معايا
حسن : ******
وعد : خلاص متشتمش قولتلك مبقاش يفرق معايا ولو رجعلي راكع ع رجله مش هوافق عليه تجربه سيئه وعدت وانتهت اهم حاجه دلوقتي ماما تكون كويسه انا هنزل من بكرا اقدم شغل ف المستشفى تاني ( وعد خريجة تمريض) واشتغل علشان اقدر اجبلها العلاج
حسن : يعني هو انا قصرت ياوعد مانا بشتغل
وعد : لا ياحبيبي مقصرتش بس انت ثانويه عامه لازم تاخد بالك من مذاكرتك سيبك من حوار الشغل دا دلوقتي
حسن : اطمني عليا انا عارف اوفق بين الشغل والمذاكره
وبعدين اخدها ف حضنه وقالها
: تعرفي انا مبسوط ان كريم متجوزكيش اساسا مكنتش عارف هعيش ازاي من غير مناكفتك وحشتيني اوي ياقلب اخوكي
وعد بإبتسامه : وانت كمان وحشتني اوي يلا نعمل اكل لأني ميته من الجوع
حسن : وعد متأكده ان الكدمه ال ف وشك دي علشان وقعتي
وعد بتوتر : اه
حسن : لو كريم مد ايده عليكي عرفيني وربنا اسافرله تركيه اجيبه من قفاه ميغركيش اني صغير
وعد بإبتسامه: عارفه ان ورايا راجل بس اطمن ميقدرش يمد ايده عليا كنت قطعتهاله
يتبع..........
لمتابعة باقى الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق