رواية شيطان العشق الفصل الرابع وعشرون والخامس وعشرون بقلم دنيا محمد
رواية شيطان العشق الفصل الرابع وعشرون والخامس وعشرون بقلم دنيا محمد
#شيطان_العشق .البارت الرابع والعشرون
بسم الله الرحمن الرحيم
~~~~~~~~~~~~~~~~
احم اولا كده احب اشكر كل بنت شجعتني هنا وكل بنت نشرت الروايه بتاعتي وخلت اصحبها يقروها بجد مش عارفه اقولكم اي انتو حلوين اوي كل بنت ساعدتني من غير ما اعرف شوفت بوستاتكم ودخلتو قلبي ❤️❤️😍فا ميرسي يابنات
~~~~~~~~~~~~~~~~~~~~~~~~~~~~~~~~
تبنا إلى الله!
ورجعنا إلى الله!
وندمنا على ما فعلنا!
وعزمنا على ألا نعود إلى شيء يغضب الله!
وبرئنا من كل دين يخالف دين الإسلام!
نشهد أن لا إله إلا الله، وحده لا شريك له، ونشهد أن سيدنا محمد عبد الله ورسوله، وصفيه ومجتباه!
اللهم صل على سيدنا محمد النبي صلاة ترضيك وترضيه وترضى بها عنا يا رب العالمين!
***********************************
اتجهزت نسرين وخرجت للجميع وهيا ترتدي فستان بلون الازرق عاري الاكتاف يصل طوله لركبتيها
وايضا ارتدت ملاك فستان بلون الموف عاري الاكتاف والصدر يصل طوله لركبتيها وفردت شعرها مثل نسرين
نسرين: بت يا ملاك فين الحجاب
ملاك: القعده لقيتها طريه يختي فا غيرت هدومي كنت عمله حسابي وجيبه معيا هدوم وامك طردت باسل والعيال وقلتلهم دي قعده بناتي فا راح لجوزك والعيال ابوكي خدهم اتجنن لما شافهم وقعد يلعب معاهم في الشارع ونسا فرحك بس امك اي جبروت مسكت السكينه لباسل اصل قلها انا قاعد مع مراتي قامت جابت السكينه فا طلع يجري
نسرين بضحك: يالهوي امي دي رهيبه ولا هتلر يقدر يقف قدمها
ام نسرين من وراهم: فظيعه برضو نجلا دي في حد يعمل كده
نسرين وملاك في صوت واحد: اه والله جبروووت
ام نسرين وهيا بتديلهم علي قفاهم: انا جبروت يا جزم يافردت جزمه منك ليها
ملاك وهيا بتجرري: يالهوي خلاص والنبي نسرين هيا الي قالت مش انا
نسرين وهيا بتتفادا الشبشب: صلي علي رسول الله عيال وغلطو يمو نسرين هتعملي عقلك بعقلهم
ام نسرين: ماشي يا جزم ام وريتكم
ملاك: وريها هيا مش انا هيا بنتك
ام نسرين: منتي زي بنتي انتي كمان عندك اعتراض
ملاك بدموع لتذكرها والديها التي لا تذكر من ملامحهم شيئا وذهبت لاحضان ام نسرين
ملاك: تؤ معنديش انا كمان بنتك والي يرسي عليها يرسي عليا
نسرين بشفقه فهيا تعرف حكايه ملاك وباسل: ياستي امي اهي انا بقولك خديها وجربي الشبشب انتي
ملاك: ربنا يخليهالك
ام نسرين: ويخليكم ليا يا بنات
في الاسفل عند مالك وباسل
مالك: ايوه علق الانوار كده
باسل: ملقتش غير الشارع الي تعمل فيه
مالك :حكم القوي نسرين هيا الي مصممه علي فرح في الشارع
باسل بضحك: بتفكرني بلبومه الي متجوزها عليك اول مره خرجنا فيها طلبت تاكل اي
مالك: لا انتو مجانين اتوقع منكم اي حاجه بس سمعني
باسل: متقولش علي مراتي مجنونه انا بس الي اقولها كده وطلبت تاكل فول وحلت بعصير قصب وكلت كشري مصري انت متخيل
مالك: اي العك ده وانت مش معقوله كلت معاها منا عارفك بتاكل بلشوكه والسكينه
باسل: لا يا عم كلت وربنا المهم سيبك من الكلام ده انا عاوز اشوف مراتي وحشتني وام مراتك طردتني تخيل ومسكتلي السكينه دي فظيعه
ابو نسرين من وراهم: بس يلا انت وهو مراتي دي ملاك وكيوت في نفسها خالص
مالك وباسل: بسم الله الرحمن الرحيم
ابو نسرين: اي شوفتو عفريت وبعدين مش انتو بس الي اطردتو عمتا انا اولكم.اول لما صحيت من النوم طردتني قلتلها افطر طيب قلتلي افطر في الشارع انتو متخايلين معاناتي
باسل: والله يا حج انت ليك الجنه
ابو نسرين: المهم عوزين تطلعو فوق صح
باسل: اه طبعا
نظر ابو نسرين لي مالك: وانت يا عريس
مالك: ها اه طبعا يا عمي
ابو نسرين: تروحو تشترو نقاب لكل واحد فيكم وتلبسوه وتطلعو سهله
مالك :نعمممم اخرتها هلبس نقاب يعني بنتك امبارح تلبسني زي وحش وانهارده انت عاوز تلبسني نقاب
ابو نسرين برفعه حاجب: بتعلي صوتك عليا تمام قابل الي هيحصلك
وتركه ورحل
باسل: انا هروح اجبلي نقاب البت وحشتني وام مراتك يستاحيل تدخلني هجبلك معيا لو حبيت تيجي اهلا وسهلا
وتركه ورحل احضر النقاب له ولي مالك
باسل: ده بتاعك هتيجي معيا ولالا
مالك: لا
باسل :علي رحتك انا طالع
مالك: اوووف استنا انا جاي معاك
وارتدو النقاب وطلعو لفوق
باسل: نهار ابوكي اسود ومنقط بإسود ومخطط بإسود يا ملاك الكلب لبسالي قميص نوم دنتي مبتلبسيش ليا كده ولا دور وشك انا مراتي محجبه
مالك: ياعم اتنيل انا بدور علي نسرين مش فاضي ابص لمراتك وبعدين غير صوتك بدل ما ننكشف
باسل: هخلع انا اروح لمراتي سلام
وذهب باسل لي ملاك وجلس بجانبها
باسل بصوت انثوي :اي القمر ده اول ما دخلت قلت انك العروسه
ملاك بإبتسامه :ربنا يخليكي يا طنط تعالي مدي ايدك وسعدينا في عمايل الاكل
باسل وهو يلقي عليها فوطه: بقولك اظ ما تداري جسمك
ملاك برفعه حاجب: اداري جسمي لي هو في رجاله هنا وانا معرفش دحنا كلنا بنات
باسل بتوتر: ها لا مقصدش اصل اخاف تتحسدي علي جمالك
ملاك: سبيها علي الله وبعدين لبسه النقاب لي اقلعيه الجو حر وعشان تعرفي تساعدينا. في المحشي ده
باسل: لا انا مرتاحه كده
باسل: والله لاوريكي يا ملاك الكلب علي اللبس الي لبساه ده مع اني منبه عليكي بس مفيش فايده في دماغ الكلب الي عندك دي بس ماشي ماشي هربيكي
نروح عند نسرين وامها في الغرفه المجاوره
ام نسرين: بت يا نسرين هيا صحبتك ملاك ملها
نسرين: ملها ازاي يعني
ام نسرين: لما حضنتني حسيت انها زعلانه وبتعيط
نسرين: بس يا ماما دي حكايتها حكايه اصلها يتيمه من صغرها ومش فاكره حتا شكل اهلها لانهم ماتو وهيا اربع سنين
ام نسرين: ياقلبي يا بنتي اوعي عديني مروحلها
وتركتها وخرجت ودخل مالك علي نسرين
نسرين: اي خدمه
مالك بصوت انثوي: لا كنت جايه اشوفك لو عوزه حاجه يا عروسه
نسرين. برفعه حاجب:لا شكرا اتفضلي انتي
افترب منها مالك وحضنها من الخلف
مالك: مبروك يا عروسه
وتركها وخرج
نسرين: دي مش ست مفيش ست تعمل كده يااما ريمبو اكيد
عند ام نسرين
ام نسرين: قومي يا ملاك تعالي معيا
وسحبتها من يديها وذهبت للمطبخ
ملاك: في اي يا خلتي
ام نسرين وهيا تحشر الطعام في فم ملاك: ششش نديني ماما منا زي امك ولا اي وبعدين سيبك من الي بره دول واقعدي انتي هنا وكلي فاهمه
واخذتها في حضنها
ملاك: شكرا يا ماما بس كفايه اكل الرجيم هيبوظ
ام نسرين: رجيم اي يابت وانتي معصعصه كده
باسل ونسا ان يقلد صوت الانثي: قليلها والنبي يا خلتي مش فاهمه اني بحب الملبن
ملاك بصدمه: باسل
باسل وقلد صوت الانثي،:باسل مين انا انا انا نيره
سحبت ام نسرين النقاب من علي وجهه
ام نسرين :هلا هلا هلا ولبسلي نقاب اي الي جابك هنا انطق
باسل بخوف: انا انا بصراحه هيا وحشتني اعمل اي يعني وانتي محرجه عليا اشوفها او اقعد معها مكنش ثدامي طريقه غير دي
ام نسرين وهيا ممسكه به من اذنه: مين الي ساعدك وخلاك جرئ تيجي هنا انا مش قلت ممنوع انك تيجي هنا قلت ولا مقلتش
باسل: انا اسف اسف والله دي مراتي مش ماشي معها وبعدين جوزك هو الي قلنا الفكره
ام نسرين: قلكم انت ومين بلظبط
باسل: انا ومالك مهو لبس نقاب هو كمان
وبعت قبله لملاك في الهواء
ام نسرين وهيا تشد علي اذنه: بتبوسها وانا واقفه بتبوسها وانا واقفه قدامي علي بره قدامي
وخرجت به امام النساء وظلت تبحث عن مالك حتا وجدته ونزعت عن وجهه القناع
ام نسرين: قفشتك وانا الي بقول جوز بنتي عاقل وراسي
مالك: والله يا خلتي باسل السبب مش انا
وطلع يجري من امامها ولحق به باسل
نسرين بضحك: هموووت بقا هو الي دخلي الاوضه وحضني
ملاك: يخربيتك انتي بتقولي اي امك واقفه
نسرين: اه صح احيه والله ما اعرف انو هو يا ماما
ام نسرين: فوضت امري ليك يا رب
وتركتها ورحلت
نسرين: هموووت جوزك جنن جوزي
ملاك: ابوكي صاحب الفكره يختي فا اسكتي جوزي مجنون اه بس مش ذكي كده
نسرين: اعاا نسينا الفستان يالهوي
ملاك: في الاوضه الي هناك دي مالك جبهولك الصبح والميكب ارتيست علي وصول يله عشان نجهز واساعدك تلبسي الفستان
نسرين: يله هتجوز هتجوز
وذهبو وراءو الفستان
ملاك: احيه
نسرين: لا دي احيه كبيره الفستان يهوس اعااا
وجهزت نسرين وارتدت فستانها واتت الميكب ارتيست وتجهزو الفتيات للفرح
في المساء بعد ان سلم ابو نسرين نسرين لي مالك
نسرين في الكوشه وبتتمايل علي نغمات الموسيقي
نسرين: واد يا حموكشه
حموكشه: اي يا نسرين حتا وانتي عروسه مش رحماني
نسرين: اطلع بيتنا فوق وهات سلك مواعين وي ولاعه وتعلالي
حموكشه: هنولعها
نسرين: اه بس بسرعه
وقامت نسرين وهزت وسطها وذهبت معها ملاك وهم يرقصون علي النغمات والجميع ينظر اليهم
قام باسل وسحب ملاك من يدها بعيد عن الفرح
باسل بعصبيه: انتي اتجننتي ولا شكلك كده
ملاك: في اي
باسل: وحيات امك مش عارفه في اي اجي احزمك عشان تكملي رقص والكل يبص علي جسمك يا روح امك
ملاك بعصبيه: باسل انا حره وبعدين انا ونسرين بنرقص يعني مش لوحدي
باسل: هيا حره هيا العروسه انما انتي لا فاهمه يا روح امك ولا افهمك بطريقتي
ملاك: ماشي يا باسل ماشي
وتركته ودخلت للفرح مجددا
عند مالك سحب نسرين من يدها واجلسها بجانبه
مالك: مقلتليش لي اني متجوز رقاصه
نسرين: انا رقاصه يا مالك
مالك: وحيات امك لو قومتي اتحركتي من جمبي هنا تاني لانتي حره يا نسرين فاهممممه وبلاش انكد عليكي الليله دي
نسرين: مشي يا مالك هنشوف
واتا حموكشه بسلك والولاعه
مالك: هتعملي اي بسلك ده
نسرين وقامت من مكانها وا ولعت السلك وظلت ترقص مثل رقص الشباب وتحرك حاجبيها لمالك
ذهب واخذها مجددا واجلسها بجانبه
مالك: انتي الي بطتلعي شياطيني اشربي بقا ورحمت امي لاولع فيكي يا نسرين
وانتها الفرح واخذ مالك نسرين لشرم ليقضو شهر عسالهم واول لياليهم هناك سويا
مالك وهو يدهل نسرين الجناح
مالك بعصبيه: ادخلي ده ليلتك سوده بقا انا متمشيش علي اوامري وتنزلي رقص لا واي بلسكاكين كمان دنا هطلع عينك
نسرين بصوت عالي: انا حره فرحي وبرقص فيه انت مالك انت ومالي
مالك بصوت اعلا: مالي مالي يا روح امك انتي مراتي نسيتي نفسك ولا اي
نسرين: انا مش مراتك اي قولك بقا اقولك طلقني يا مالك طلقني
مالك: انا هعرفك دلوقت مش مراتي ازاي
حملها مالك ودخل علي غرفه النوم وفجأه
استوووب بارت طويل اهو تصويت متنسوش هاا
#شيطان_العشق .البارت الخامس والعشرون
بسم الله الرحمن الرحيم
من الأدعية الثابتة عن سيدنا محمد صلى الله عليه وسلم
الدعاء السادس:
أصلح لي ديني الذي هو عصمةُ أمري، وأصلح لي دنياي التي فيها معاشي، وأصلح لي آخرتي التي فيها معادي، واجعل الحياة زيادةً لي في كل خيرٍ، واجعل الموت راحةً لي من كل شرٍّ.
~~~~~~~~~~~~~~~~~~~~~~~~~~~~~~~~
يله نبداء
~~~~~~~~~~
مالك وهو يجمل نسرين ويدخل بها جناحه
مالك بصدمه: عمي
يوقع مالك نسرين علي الارضيه
نسرين وهيا تنظر له في غضب: اه مش تحاسب يااخ
ثم تنظر الي ما ينظر اليه فا تجد ابيها يجلس علي السرير وامامه طبق من الفاكهه ويشاهد التلفاز
نسرين بصدمه: بابا
ابو نسرين: ههههههع فيلم يجنن تعالي يا حبيبه ابوكي اتفرجي معيا
نسرين وهيا تجري لاحضان والدها: حبيبي بتعمل اي هنا
ابو نسرين: بعسل معاكم
مالك بصدمه: جاي تقضي شهر العسل معنا واحنا عرسان المفروض وانهارده دخلتنا
ابو نسرين بإبتسامه: ايوه
ويلقي له تفاحه
ابو نسرين: كل يا عريس كل
نسرين: فين ماما صحيح
ابو نسرين: في بيت جوزك بتوضبه وبتنقل جهازك منتي عارفه اننا ملحقناش وسبتني ومشت كانت قيلالي قبليها انها هتروح فا قلت اقعد لوحدي يعني فا حجزت طياره وساعه وجيت هنا وهقعد معاكم وهتقعدي في حضن ابوكي يا قلبي
وينظر لمالك بنظره يفهمها جيدا
مالك: وبلنسبه للدخله حضرتك وانا هبات فين لو هيا باتت في حضنك
ابو نسرين: معانا يا قلبي في نفس الاوضه
مالك: والنبي جد
اقترب ابو نسرين من مالك
ابو نسرين: عشان تزعقلي مره تانيه يا جوز بنتي
وذهب واستلقي علي السرير واخذ نسرين في احضانه وظل ينظر لهم مالك في غضب ولا يعلم ماذا يفعل مع هذه العائله وذهب ونام بجانب ابو نسرين في نفس الغرفه هم الثلاثه
تاني يوم في الصباح استيقظ مالك علي خبط علي الباب ذهب ليفتح فا وجد ملاك وباسل
ملاك وهي تزيح مالك من امامها: لولولولولوي فين العروسه يا عروسه يا عروسه انتي فين
باسل: سبع ولا ضبع
مالك: قطه
باسل: نعم ازاي
مالك: ابوها جه هنا امبارح ومقربتلهاش ونام جمبها تخيل وانا واقف ابص عليه
ملاك وهيا تمسك مالك من ملابسه: فين نسرين عملت اي في البت كلتها ولا اي انطق
باسل وهو يبعد ملاك عن مالك: اهدا يا وحش اهدا في اي
مالك: تلاقيها مع ابوها اوعي كده
ملاك: ابوها ازاي
قص عليها باسل ما علمه من مالك
ملاك:هههههههه احسن احسن تستاهل والله الحج ده جدع
مالك: سكت مراتك يا باسل وبعدين اي الي جابكم هنا صحيح
باسل: جينا نعسل معاك يااخي ولا حرام لينا وحلال ليك
ودخل عليهم. نسرين و والدها
نسرين وهيا تتفجأ بوجود ملاك وتحضنها: ملاك بتعملي اي هنا
ملاك: بنعسل زيكم
نسرين: ده احلا شهر عسل في حياتي
مالك: انا العكس الكل اجتمع عندي
ابو نسرين بخبث: وفيها اي يا عريس مش اتجوزتو خلاص عاوز اي اكتر من كده تعالي في حضني يا حبيبه بابا
ملاك وباسل يكتمون ضحكاتهم وا وجه مالك لا يفسر من شده الغضب
مالك: هو الواز عندك فرح واني اكتب عليها وخلاص
ابو نسرين بخبث: اومال عاوز اي تاني
مالك: عاوز عاوز عاوز اتجوز زي منتا اتجوزت
ابو نسرين: منتا اتجوزت زي يله يا نيرو نروح البعض. يله يا ملاك تعالي معنا
ملاك: يله يا عمو
وانجت ابو نسرين وذهبو الي البحر
باسل: احيه جوزك خد مراتي ومشا طب ياخد مراتك براحته دي بنته انما يشقط مراتي قدام عيني اي ده
مالك: اشرب بقا عشان تضحك عليا
باسل: تستاهل عشان الي ناوي تعمله فيها
مالك: وحيات امك هو بإيدي منتا عارف انا هعمل كده لي متعصبنيش.
باسل: عارف يا مالك بس نسرين فكرها هتسكت لما تعرف ده لو ملاك مكنها كانت جابت بنزين وي ولعت فيا
مالك: انا مبحبش نسرين وهيا مبتحبنيش هيا بس معجبه بيا انما حب مبتحبنيش
باسل: انا نصحتك وخلاص بس صدقني هيجي اليوم الي تندم فيه لما تضيع من ايدك مع اني اشك انك فعلا مبتحبهاش
وتركه ورحل
~~~~~~~~~~~~~~~~~~~~~~~~~~~~~~~~
في القاهره عند اعتماد و ياسمين
ياسمين: اوف ورق المناقصه ده مش فاهمه منه حاجه كل ما اجي احلها تتعقد اكتر اعمل اي اتصل علي مالك طيب ولا اي.
تأتي اليها اعتماد وهيا تتحدث في الهاتف وتتحسس امامها المكان بعصائتها
اعتماد: ههههههههه بس بقا يا راجل اختشي طب خلاص خلاص هلبسلك القميص البمبا اه ابو ورده ده. لا لا مفيناش من البوس والحجات دي يا خلبوص احنا نخش في الجد علي طول هيهييييي
ياسمين: اي يا تيتا المرحوم فاق من تربته تاني ولا اي
اعتماد: بس خدامه حقيره سقوط سموات علي راءسك خدامه جربوعه
ياسمين: بقولك اي انتي عيارك فلت يااعتماد بكره تجبيلي رجاله هنا انا راحه لمالك عشان الشغل وهخدك معيا يستاحيل اسيبك
اعتماد في الهاتف: ششششش ولد جربوع الا تختشي من محادثه سيده مرموقه مثلنا احتشم ولد
وتغلق الخط في وجهه
هاني بإبتسامه: قفلتي الخط في وشي يا اعتماد بس ولو علي قلبي زي العسل
نرجع لياسمين واعتماد
ام نسرين تدخل عليهم القصر
ام نسرين: يجعلها عتبه السعد عليكي يا بنتي
ياسمين: انتي مين
ام نسرين :انا ام العروسه انتي الي مين
ياسمين: انتي ام نسرين يا اهلا يا اهلا انا ياسمين اخت مالك
ام نسرين وهيا تقبلها وتحضنها: اهلا يا حبيبتي بيكي انا كنت جايه عشان اوضب البيت للعرايس وكده وجيبه هدوم نسرين
ياسمين: اتفضلي يا خلتي اتفضلي البيت بيتك دي اعتماد جدت مالك
اعتماد: انتي الخدامه صح
ام نسرين وهيا تتخصر:خدامه خدامه مين يا حبيبتي انا ام العروسه
اعتماد: خدامه جربوعه قال عروسه قال ناقص تعملي راسك براسي انتي مطروده
ياسمين: ياخلتي اهدي دي تيته بس عندها زهايمر وكلنا فكرنا هنا خدامين يااما بتوع اداب يااما اي مصيبه معلش اعذريها
ام نسرين: لا حول ولا قوه الا ب الله معلش يا بنتي مكنتش اعرف
اعتماد وهيا تلوي فمها: انا مش بنتك يا خرفانه انتي انا امي نزلي هانم السلحدار ابقا بنت جربوعه زيك
ياسمين: تعالي يا خلتي ومتخديش علي كلمها اوريكي اوضه العرسان وبلنسبه لاعتماد انا هخدها واسافر لان مينفعش اسيبها لوحدها لان وريا ئغل وانتي اعتبري البيت. بيتك
نتركها ونذهب لي ابطلنا حيث ملاك تلعب في الرمال هيا ونسرين وابو نسرين يراقبهم ويجلس مالك وباسل بلخلف بعد ان منعهم ابو نسرين ان يقتربو من الفتيات
باسل وهو يضع يديه علي خده: هو انت الي اتجوزت ولا انا دول اهل مراتك انت يتحكمو فيك براحتهم انا مالي انا يمنعو عني مراتي لي دنا ما صدقت رميت العيال لي جني وايهاب واقنعتهم انهم يقعدو معاهم كزا بوم لحد ما ارجع وقولت هستفرد بي البت يحصلي كده لي
مالك: اومال انا اعمل اي عريس مع وقف التنفيذ
باسل: والحل
مالك: معرفش
باسل: اي راءيك نخطفهم ونهرب بيهم
مالك :هنخطف مرتتنا
باسل: عندك حل غير ده
مالك: بطل عبط انا هروح اجيبها والي بحصل يحصل
ويقترب من نسرين
ابو نسرين وهو يوجه العصا لوجه مالك: رايح فين
مالك: لمراتي
ابو نسرين: ارجع مكانك احسنلك
مالك: مش راجع
ضربه ابو نسرين بلعصا :قلتلك ارجع
رجع مالك مكانه
باسل بضحك: شوفت ما عمل معيا نفس الكلام من شويه والله العظيم حاسس ان السفريه دي مبصوصلي فيها معرفش لي
~~~~~~~~~~~~~~~~~~~~~~~~~~~~~~~
عند ايهاب وجني
جني وهيا بتجري: ايهااااب الحقني زين بيجري وريا بلمقص اعااااا
ايهاب: الحقيني انتي مش قادر اتحرم يزن حط قشره موز واتزحلقت مش قادر اتحرك
جني: ابوهم وامهم هيصين وسيبنهم لينا
زين بضحكه شريره: ههههههههه جني يا جني اطلعي هييعب معاكي بس شهقص شعيك
(هههههههه جني يا جني اطلعي هلعب معاكي بس مش هقص شعرك)
يزن وهو يمسك سلك كهرباء
يزن: قوي يا هوبا الايتاع ده لو اتحط في قفاك هيديب قناه اي
(قلي يا هوبا البتاع ده لو اتحط فظ قفاك هيجيب قناه اي)
ايهاب بلطم: الحقيني الحقيني هيكهربني يالهويييي
جني من ورا الكنبه: الحقني انت شعري هيطير
ايهاب: ابوهم وامهم هيصين وسيبين لينا البلوتين دول
جني: يا بختهم ارتاحو وتعبونا احنا اعاااااا الحقني يا ايهاب
استووووب بارت مش طويل اوي عارفه بس وربنا ما لبا مزاج للكتابه +نعسانه جدا وهنام
دنيا محم
تكملة الرواية من هناااااااا
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق