رواية غصن الفصل التاسع 9بقلم منى عبد العزيز
رواية غصن الفصل التاسع 9بقلم منى عبد العزيز
التااسع 🌿
صلاح ومنصور بعد ما وصلوا بيتهم حكوا لأختهم كل حاجه حصلت.
منصور... انا تعبان طول اليوم في الجمعية الزراعية ومرور على الاراضي هدخل اريح شوية علي ما بابا وماما يجوا نعرف حصل ايه بعد ما مشينا.
سناء... ريح انت كمان يا صلاح وانا هدخل احضر الأكل.
دخل صلاح ومنصور كل واحد فيهم نايم على سرير.
صلاح مغمض عينه وحاطت ايده على راسه وايده التانية على صدرة ..... انام ازاي وارتاح وانا معرفش عن غصن حاجه ياتري راحت مع الراجل عمها ده ولا ايه حصلها انا بس ايه خلاني اسمع كلام منصور وأجي كنت فضلت بالوحدة واخترعت اي حجة لبابا وكنت اطمنت عليها بنفسي.
ادير الجنب التاني وفتح عينه يهمس لنفسه بعتاب .
تطمن بنفسك خبرايه يا صلاح فيك ايه وايه حكاية تطمن بنفسك دى ومالك ومال غصن استغفر ربك البنت متحلش ليك عشان تفكر فيها كده.
اتنهد بحزن ونام على ضهره مرة تانيه وعينه على السقف
مش بأيدي عصب عني قلبي اتعلق بيها من أول يوم جيت البلد، وزاد من کلام ماما وسناء عليها، الاول من طيبتها وحنيتها وشطرتها وهي بتتعلم من ماما وسناء الخياطة والقراية والكتابة اول مره سمعت صوتها اتعلقت بيها وكله كوم واول ما عيوني جات عليها، لولي حرام كنت فضلت باصص ليها ومشلتش عيوني من عليها.
فضل يكلم نفسه ويتقلب يمين وشمال لحد ما دخلت عليه اخته ونادت عليه.
منصور اول ما دخل الاوضة راح على شباكها وقف دقيقة وقفله. قعد على الكرسي... ياتري يا غالية قفله شباكك ليه مكسوفة مني وان كلامك كله كذب وكل اللي قولتيه طلع مالوش علاقة بغصن ويا تري انا زي ما قلتي ولا غيرتك منها خلتك تقولي كده بلاش جنان يا منصور غاليه قالت كده بس عشان انت بتعتبها على كلامها واسلوبها في معامله غصن، ماهو مش معقولة اكون بحب غصن زي ما بتقول وايه دليلها على اني بحبها انا بحترمها رغم اللي بتشوفه منهم إلا انها بتشتغل وشايله البيت، هادية صوته حنون خجلها اول ما تكلم حد محاولتها تتعلم رغم ظروفها
حبها للخير باللي بتعمله للناس ومساعدتها ليهم رغم تعبها، مال ده ومال الحب.
قام من على الكرسي وفرد جسمه على سريرة وغمض عينه وابتسامة اترسمت على وشه اول ما جات صورة غصن وهي في حضن والدته اتنهد وراح في النوم بعد شوية فاق على صوت اخته تنادى عليه وتصحيه للأكل.
خرج صلاح بلهفة يسأل على غصن
والدته أخدت بالها من لهفته اتكلم والده وقاله ان عمها اخدها بيته إتأكدت من شكها، ووشه اللي اتقلب وأكله من غير نفس، استأذن صلاح منهم ودخل اوضة نومه، بعد الاكل دخلت والدته عليه.صلاح رمي نفسة على السرير حاسس بقلبه هيقف دمعه من عينه نزلت مسحها بسرعه أول ما لقي باب الاوضة بيخبط ووالدته دخله اتعدل في نومته وحاول يبتسم، قعدت امه جنبه على السرير وكلمته بعتاب.
ام منصور: انت يا صلاح يحصل منه كده ترضى حد يفكر في واحدة من اخواتك بالشكل ده وهي ماتحللهوش ترضي حد يبص ليهم بالشكل ده أنا كنت مرعوبة ابوك ولا عمها يأخذوا بالهم وانت واقف زي الصنم تبصلها بالشكل ده وعنيك اللي ماتحركتش من عليها، بص يا بني لو عليا اروحواخطبهالك، بس ده وهي بنت حورية وعلوان لكن بعد ما رجعت لأهلها وتبق بنت أكبر عائلات المحافظة.
صلاح وفيها ايه لو طلبنها.
ام منصور : فيها كتير يابني لو عملنا ده وطلبنها وهى بنت علوان كان عادي لو جددنا الطلب وهي بنت الاكابر لكن اي خطوة دلوقتي هتتفهم اننا طمعنا فيها وبدل ما يرحبوا بينا هنسمع منهم اللي لا انا ولا ابوك ولا انت تستحقه انسي يا صلاح يابني وابني مستقبلك لسه قدامك كتير انا مش بقصر مجاديفك لكن بوعيك بلاش تعلق نفسك بحبال دايبه
قطعت كلامها وخرجت وراء صلاح اول ما سمعوا صوت صراخ برة البيت
صهيب حط الأكل جو الكيس، وعمه قاسم سأله وهو مش فاهم بيبصله في ايه ؟ بتعمل ايه ؟
صهيب لازم اتأكد من حاجه جوايا.
قاسم: فهمني.
صهيب هعمل تليفون وانت هتفهم منه كل حاجه.
طلع تليفونه واتصل
الو، سليم..
جاله الرد : الو صهيب كويس انا كنت عايزك ضروري، انت فين ده كله؟
بعدين اسمعنى عاوزك تجيلي استراحة المزرعة وتجيب معاك كم غيار بيتي وخروج.
ما تتأخرش.
مزرعة ايه وبيتي ايه وخروج ايه يا صهيب.
انت من امتى وانت بتراوح البلد؟
سليم اسمع ال بقولك عليه وما تتأخرش.
فهمني علشان اعرف انت عايز ايه بالظبط.
صهيب : اللهم طولك ياروح انجز يا سليم ولما تيجى هتفهم.
قاسم: في ايه ؟
صهيب عمى لا انت ولا أهلها ال بعتوا الأكل، والغفير ده من عند مرات ابويا وانت عارف ال بشوفه منها طول عمري تفتكر ايه من امتى حنية القلب دى ؟
قاسم: عندك حق من امتى الحداية بترمى كتاكيت.
طب وانت هتعمل ايه ؟صهيب الاكل ده يتحلل واتأكد بس وقتها يا ويلها منى
قاسم هتعمل ايه دلوقت
صهيب هستني سليم.
فضلوا ساكتين شويه وقام قاسم : صهيب انا هسيبك تستريح شويه لحد ما صاحبك يجي
قالها بغمزة.
صهيب بتضحك على ايه يا عمى ؟ ما انت قاعد يا عمى في ايه هو سليم غريب عليك.
قاسم وهو يطبطب على كتفه وماشي: لا معلش انت مش لوحدك وممكن عروستك تخرج فى اى وقت وتتحرج منى وتكون واخده راحتها ولا حاجه.
صهيب ضحك بصوت عالي.
قاسم بتضحك على ايه؟
صهيب لولا العيبة كنت وريتك ال عمرك ما شفته.
عمه بصله باستغراب ورفع حاجبه.
صهيب ما تخدش في بالك ياعمي .
قاسم: انا ماشي ولما تعوز تحكى انا موجود ولما يجى سليم ابقى عرفني كل حاجه.
صهيب بعد عمه ما مشي قفل الباب وقعد على الكرسي وطلع تليفونه يطمن على أريام فضل باصص على صورة اريام بحب وعينيه مليانه بالدموع يتنهد بحزن وهو بيبص ليها يبتسم.
فأكرة يا اريام ليله فرحنا وصباحيتنا
يرجع بذكريات
واقف بشموخ وعزة نفس في ذلك الصوان الكبير
جنب عمه الناس بتبارك ليه وتهنيه علي فرحه
لابس بدلته وفوقيها عباية حرير مشغولة بخيوط ذهبيه يلعب في الخاتم بأصابعه في اليمني وبأيده الشمال يلمس طرف شنبه ابتسامته ماليه وشه كل دقيقه والثانية يبص في ساعته شاور لصحبه سليم اصرف وانهي السهرة قول للمطرب كفاية كده الوقت أتأخر
سمعه عمه ابتسم على كلامة قرب منه
قاسم يا عيب عليك يا حضرة الضابط
عاوز تطرد معازيمك بالذوق ، أيه جرارلك بقي
صهيب الخبيري ال يمشي يجول يا ارض اشتدي ما عليكي قدي ، مش صابر لحد ما الفرح يخلص
ومدعوينه يمشوا عاوز يطردهم بالحداقه والذوق
صهيب : بغرور يقترب من عمه، اعذرني يا حج
بس تعبان قوي بقالي كام يوم ما نمتش ، ومحتاج أريح ضروري.
قاسم : وإيه ال قل نوم يا كبير البلد
صهيب : الشغل يا حج انت عارف اليومين دول
البلد وقفه علي رجل واحده وكل يوم مأموريه
وتمشيط ومفيش نوم لولا القهوة مكنتش قدرت
اسهر لساعه دي.
قاسم بضحكة ايه يا عريس ناوي تنام ومش ناوي ترفع راسنا والا ايه انا عاوز حفيد بعد تسع شهور
صهيب بضحكته الرنانة تصدح بالمكان ، ومن امته ما رفعتش راسك يا حج بس حفيد دي لسه بدري عليها
أريام شرطها وانت عارفة وكمان انا مش مستعجل، أريام عندي بالدنيا كلها.
قاسم بفرحة من كلام صهيب بس خال بالك مش عشان انت ابن اخويا وقريب لقلبي هسما حلك تزعل اريام، اريام بنتي الوحيدة ال طلعت بيها من الدنيا
طول عمري وانا شايلها علي كفوف الراحة صحيح أنا سبتها لامها تربيها وفضلت أنا في البلد عشان بس مشوفش نظرة حزن في عنيها اوعدني يا صهيب انك تحطها جوا عنيك ولو طلبت لبن العصفور تجبهولها، انا عارف انك قدها وقدود بس زي ما عاشت تؤمر تطاع كمل علي كدة انا وافقت انك تجوزها وهي لسه صغيرة عشان انت وعدتني انك هتنفذ كل ال تطلبه، لو في يوم زعلتها اعمل حسابك هنسي انك ابن اخويا وكبير العايله من بعدي وهعملك كانك جوز بنتي ال زعلها ومش عاوز في يوم اشوف دمعه في عيونها، أريام من يوم ولادتها وانا بحاول ما تتزلش دمعه غير دمعه الفرح وبيكون قلبي هيقف لما بشفها.
صهيب اوعدك يا عمي بعد اذنك مطلع انا شكل الناس عجبها الحال.
قاسم ههههه ماشي يابن خويا اطلع لعروستك ربنا يهنيكم مع بعض.
طلع صهيب بسرعه لاوضة نومه فتح الباب وقف مبتسم عينه على اللي شايفه على الارض
ممشى من الورود والشموع على الجانبين وصله للسرير مشي لحد ما وصل الأريام اللي قاعده على السرير تبتسم ليه وقفها ومسك اديها باسها.
حبييتى اخيرا اتقفل علينا باب واحد بقيتي مراتى بجد بحق وحقيقي انا مش قادر اوصفلك فرحتي دلوقت
أريام تضحك علي كلامه ليكمل.
اه على الضحكة الحلوة دى ، يقترب منها يحضنها يلف بها في الاوضة يكلمها: اخيرا فى باب هيتقفل علينا واخدك فى حضني من غير خوف.
اريام بدهشة: صهيب انت ليه محسسني أنها اول مرة.
صهيب اول مرة في الحلال يا حبيبتي
عارفة ده معناه ايه؟ اول مرة مسرقش حاجه مافيش حاجه تخنق فرحتنا مافيش حاجه مخوفانا كله بالحلال، انا مش مصدق ان مامتك وافقت وعمى .
بصي كل ال فات وحصل زمان كوم وال هيحصل دلوقت كوم تانی
يخرج من ذكرياته على صوت خبط على الباب يسيب التليفون ويروحيشوف مين يلاقي غفير شايل صنيه عليها أكل : رفيق بيه باعت اكل العرايس ويبلغ جنابك انه مع العصر هيجيب الجماعة ويجيوا.
اخد الاكل منه وحط الصنية على السفرة وبص للتليفون واخده بص للصورة ومسح دمعه ودخله تانى وابتسم بهمس " انا تعبان عاوز انام
بص للأكل وقال
هروح اصحيها تأكل وترتب قبل اهلها ما يجوا وانا ارتاح قبل سليم ما يجي هو كمان.
دخل الأوضة بص على السرير
لاقاها نايمه زى الأطفال قرب منها وهمس يا بختك نايمه وعلى بالك حاجه زي الطفل الصغير
مش عارف ليه كل ما ابصلك بحس بحنين لوالدتي من ساعه ما شفتك وانا عندى رغبة واشتياق لحضن أمي
فتحت عينيها من غير ما تتكلم وفردت ايديها بصلها وابتسم راحت هي هزت رأسها وغمضت عينيها بكسوف دخل بين ايديها زي طفل راسه على ادها ووشه لصدرها رفع عينه يشكرها لقاها مغمضة ابتسم وغمض عينه وراح في النوم.
غصن بعد ما صهيب خرج فضلت نايمه ما فقتش غير على صوت حركة قامت مفزوعة حطت اديها على صدرها تهدى نفسها اول ما سمعت صوته بيكلم حد فضلت مكانها مقدرتش تتحرك بتكلم نفسها.
الدنيا دي غريبة قوى وحكايتي اغرب منها بين يوم وليلة اتقلبت فوقاني تحتاني لكن الاغرب اللي انا فيه ده حاسة اني نايمة وكل ده حلم وهقوم منه ما هو محدش يصدق اللي انا فيه ارجع لأهلي واتجوز واحد لا يعرفني ولا اعرفه ويحصل اللي حصل بنا كل ده في يوم وليلة مين عاقل يصدق الكلام ده.
بعد شويه سمعت خبط وحد بينادي اتعدلت تسمع في ايه ولسه هتنزل من على السرير سمعت صوت قرب من باب الاوضة رجعت نامت زي ما كانت و غمضت عينها قلبها بيدق جامد وهي بتسمع كلام صهيب اللي نام جنبها من غير ما تشعر فردت اديها لينام صهيب لتشعر بالحرج منه تغمض عنيها تهرب من حرجها منه فضلت مغمضة لحدما راح فى النوم فتحت عنيها
وبتسالة جواها انت ايه حكايتك ؟ شكلك انت كمان طلعت محروم من الام والاب وصوتك موجوع حسيت بحرقة فيه ياتري ايه حكايتك فضلت بصه ليه وعينها بتتحرك على وشه بتبص لملمحه ومن غير ما تشعر رفعت اديها تملس على شعرة بعدتها بسرعه اول ما فاقت على نفسها غمضت عنيها بسرعه أول ما سمعت صوته .
- شلتي ايدك ليه ارجعى العبي بشعرى ولا قولك.
اتعدل في نومته قرب منها: فتحي عيونك محروجه من ايه انا عاوزك تقعدي واحط راسي على رجلك وانام وانتي تلعبي بأيدك في شعرى.
غصن هزت راسها من غير ما تتكلم بهرب بعنها منه قامت قعدت على السرير وصهيب نام من غير ولا كلمة عشان ما يحرجهاش اخد ايديها غصن هزت راسها من غير ما تتكلم بهرب بعنها منه قامت قعدت على السرير وصهيب نام من غير ولا كلمة عشان ما يحرجهاش اخد ايديها وحركها بشعرة وبعد ما بدءت هى تحرك اديها بشعره بعد ايده وغمض عينه وراح في النوم فضل وقت طويل نايم وهي تلعب في شعره كل ما تبعد اديها يزوم.
غصن ابتسمت على حركاته وفضلت تحرك اديها بشعره لحد ما حست انه نام فعلا فضلت على قعدتها وصهيب نايم متحركش من مكانه وقت طويل قام بصعوبة على صوتها بتصحية وصوت رنته تليفونه ادير مد ايده على الكمودينه اخد التليفون واتكلم وهو نايم زى ما هو على رجليها.
صهيب : ألو.
سمع صوت سليم انت نايم ولا على بالك وانا متبهدل بقالى ساعة على الطريق برة.
صهيب في ايه يا سليم على الصبح.
سليم في عجلة العربية نامت على الطريق ومعيش استبن وبقالي ساعة واقف مفيش عربية عدت.
صهيب اتعدل وهو بينفخ انت فين بالظبط هبعت خد يجيبك وبعدين نشوف مواله العربية دى.
سليم: ماشي انا عند جنينة الفاكهة اللي على اول الطريق الترابي.
صهيب خلاص عرفت انت فين عشر دقايق هتلاقى حد جايلك يلا سلام.
صهيب قفل التليفون وبص لغصن : خاليك زى ما انتي دقيقة وراجع. خرج برة الاستراحة نادي
على غفير سليم بيه عربيته عطلت عند اول الطريق خد عربية وسواق جيب سليم بيه والسواق يشوف العربية ويجبها ويجي وراء سليم.
الغفير حاضر جنابك تؤمر بحاجه تانية.
صهيب لاء متتاخرش تروح وتجي على طول.
مشي الغفير ودخل صهيب الاستراحة وقف عند باب اوضة النوم يبص على السرير مالقاش غصن التفت وراه سمع صوت ماية جاية من الحمام قعد مكانه على الكنبة مسك علبة السجاير وشرب سيجارة خرجت غصن من الحمام بحرج اول ما شفته بيبص لها.
صهيب: قومتي ليه من على السرير مش قلتلك متقوميش لحد ما ارجع.
غصن انا.
صهيب بضيق: اسمعيني يا اسمك ايه انا ماكره ما عليا التهتهة وتاني حاجه كلامي ما يسمعش اول واخر مرة هقول الكلام ده.
غصن هزت راسها ومشيت ناحية اوضة النوم وقفها صهيب.رايحه فين.
غصن: دخله الاوضة ابدل هدومي والبس حاجه تانيه.
صهيب تاني مرة لما اكون بكلمك تقفي تردى عليا كويس ومتمشيش غير لما اقولك، أه اهلك بعتوا الأكل ده اقعدي كلي قبل ما يجوا.
غصن: طيب اغير هدومي مش مرتاحة في اللبس ده.
صهيب ادخلى لما نشوف اخرتها .
دخلت غصن تغير الهدوم كل ما تخرج حاجة تقسها تلقيها مجسمه جسمها تغیره صهيب زهق دخل الاوضة عليها بسرعه اتفزعت ادیرت تبص عليه قرب منها وهو عينه على اللي لبساه وشعرها الطويل من غير ما يتكلم مسكها من اديها وراح ناحية السرير قعدها وقعد جنبها.
كل ده بتغيري هدومك.
آسفه والله غصب عني كل ما ابس حاجه القيها ضيقه وخفيفة.
وفيها يعني لما تبق خفيفة الدنيا حر عادي لما تلبسي خفيف
مش شايفاني قالع القميص وقاعد صدري عريان...
غصن بخجل اول ما عنيها جات على صدره : ها اصل انا...
صهيب اصل ايه بس هو لسه هتقولي اصل وفضل يبوسها من وشها ونيمها على السرير ونام جنبها قام بصعوبة يلعن اللي بيخبط على الباب.
يوهه دا وقته اخد قميصه من على الكرسي لبسه وفتح الباب لقي سليم وقف قدام الباب
سليم: ساعة يا صهيب بخبط على الباب كنت بتعمل ايه دا كله
صهيب وطي صوتك وادخل هفهمك كل حاجه.
دخل سليم شاف صنيه على الطرابيزة قرب منها ايه ده مجهر لي الفطار انا واقع من الجوع.
رفع الغطا من على الصنية وصفر ايه ده بط وحمام وفطير ولحمه وروز معمر دا ولا فطار صباحية عريس.
صهيب اديك قولتها فطار عريس يعني تخلي عندك دم وما تمدش ايدك عليه.
سليم وهو بيشمر كمه وقعد ياكل : هو فين العريس ده و يا عم ما آمدش ایدی ايه يا بني انا قتيل الصنية دى واعتبرني عريس.
صهيب هز راسة وقعد قصاده فين الهدوم اللي قولتلك عليها.
سليم اخ نسيتهم في العربية اتصل على السواق او ابعت حد يجبهم بس الأول فهمني عاوزهم ليه ومختفي بقالك يومين هنا ليه.صهيب لغ انت على ما اشوف السواق جاب العربية عاوز اغير بقالي يومين لابس الهدوم دي لما رحتهم طلعت.
سليم شاور بأيده وبأيده التانية مسك حمامه بيأكل منها.
خرج صهيب نادي على الغفير سألة على عربية سليم وعرف ان السواق لسه بيصلحها، لسه بيكلم لقي السواق داخل بالعربية راح ناحيته اول ما وقفها اخد شنط الهدوم وراح ناحية الاستراحة لقي صريخ وسليم بيجري مقابلة.
صهيب: في ايه طالع بتجري كده ليه وايه الصريخ ده.
سليم وهو بيحاول يبلع الاكل مين اللي جوه دي.
صهيب دخل بسرعة دخل الهدوم وراح ناحية الاوضة لقي غصن لبسه النقاب ومبدله هدومها وبتنفض من الخضة راح ناحيتها حصل ايه.
غصن بصوت مخنوق من البكاء : معرفش والله ان في حد بره انا غيرت هدومي وكنت طلعه عادي من الاوضة لقيت واحد غريب قاعد ياكل اتفزعت ودخلت الأوضة بسرعه .صهيب: طيب اهدي خلاص مفيش حاجه ده سليم صحبي جيبلي هدوم عشان اغير وكان جعان قعد ياكل اهدي وخدي نفسك واطلعي كلي انا ها خده برة مش هيدخل هنا اقعدي برحتك.
خرج صهيب وصل عند الباب وقف ورد لغصن وقف قدمها وبعصبية: لما شافك كنت لبسة ايه.
غصن رفعت صبعها والله العظيم مكنت اعرف انه برة لبست جلبيه و طرحه وطلعت اشرب شفته صرخت ودخلت الأوضة وملحقش يشفني.صهيب ابتسم وطبطب على كتفها خلاص مصدقك يرفع ايده يمسحدموعها يلا قومي كلي.
ومشي ناحية باب الأوضة لتوقفه غصن وانت.
صهيب اتلفت ليها وانا ايه.
غصن قربت منه اخدت علبة السجاير من ايده انت مكلتش نازل شرب في البتاعة دى ومحطتش حاجه في جوفك.
صهيب قلبه دق قرب منها وايه عرفك اني ما اكلتش
اصلي من امبارح بليل وانت نازل شرب سجاير وقمت من النوم بردة تشرب فيها على ريق النوم وطلعت ورجعت من غير ما تاكل حاجه تقوتك.
صهيب قرب منها وقلبه بيدق: انت مركزه معايا بقي.
غصن بحرج مشيت من قدامه: هتاكل ولا لاء.
صهیب شدها عليه قربها منه بص لعنيها وباسها من شفايفها بعد عنها بصعوبة وساب اديها وهو بيبلع ريقه انا هخرج لسليم لو فضلت ثانية كمان مش هخرج خالص
خرج لسليم اللي اول ما شافه صهيب مين اللي جوه دى انت جايب وحده من اياهم هنا المزرعة مش خايف من عمك.
صهيب وطي صوتك ياغبي واللي جوه دى تبقي مراتي وانت بنفسك قلت الفطار فطار عرايس
سليم: نعم مراتك طيب ازاي وامته وليه معرفتنيش.
صهيب استناني هنا هدخل أخد شور سريع مش طايق اقعد بالهدوم دى دقيقه كمان وهفهمك كل حاجه.
سليم متتاخرش وابق جيب صنيه الاكل معاك وانت جاي.
دخل صهيب لقي غصن قاعده وقفت اول ما دخل قرب منها بص للأكل وليها مأكلتيش ليه.
غصن: ها أبداً بس قلت استناك.
صهيب انا فعلا جعان بس مش أكل.
غصن بعدم فهم هو في جوع مش للأكل.
صهيب قرب منها: ايوه فيه بس للأسف مش هينفع اعرف هولك دلوقتي انا داخل اخد شاور طلعيلي هدوم من الشنط دى على ما اخلص.
غصن ها.
صهيب هستحمى طلعيلي غيار من الكيس.
دخل صهيب الحمام اخد شور ونادي على غصن تناوله الهدوم فتح الباب لأفف وسطه ببشكير قربت غصن بحرج مدت اديها بالهدوم ضحك صهيب من شكلها وهي مغمضة عنيها اخد الهدوم منها لبسها ومشي ناحية الثلاجة أخد كيس الاكل وخرج لسليم، حكي ليه كل حاجه حصلت.
صهيب الكيس ده في الاكل عاوزك تقف بنفسك على ايد دكتور احمد وهو بيحلله النتيجة تظهر تبعت هالي وتس في لحظتها.
سليم صهيب براحه عليا انا عقلي هيشت مني كل الاحداث دى تحصل
صهيب : عارف ياسليم انا مستغرب نفسي أوي مستسلم لكل حاجه بتحصل حتي لما اعترضت اقنعوني بسهوله من غير ادني محاولة مني للرفض مرة تانية، الغريب ان في حاجه جوايا مخلياني موافق افضل هنا ولأول مرة من يوم الحادثة اقرب من ست برغبة حقيقية من غير شهوه وقتيه ولا دفاع عن نفسي حاجه جوايا مخلياني سعيد بوجودي معها.
سليم: انا مش مصدق اللي بسمعه معقولة انت اللي بتقول كده، طيب اریام قادر كده تفضل الوقت ده كله بعيد عنها.
صهيب: لاء طبعاً انا كل ساعه بفتح التليفون اطمن عليها، افهمني ياسليم اللي انا فيه ده حاجه مش فاهمها البنت اللي جوه دى فيها حاجه بتشدني ليها محستش باللي بحسه معها مع اي ست من اللي عرفتها حتي أريام نفسها تخيل المفروض مقلش الكلام ده بس انا قارنت بين ليلة دخلتنا انا واريام وليلة امبارح رغم الضغط اللي كنت فيه من عمي واني أثبت رجولتي قدام أهل البلد الا اني كنت طاير من السعادة وانا اول حد لمسها حاجه كده حلوه في كل حاجه عجينه بتشكلها بإيدك، رغم حبي لأريام وعشقي ليها واني عارف انه كان غصب عنها وقبلتها زي ماهي بس الحته دي بالذات محستش بيها غير ليلة امبارح.
سليم: يعني ايه كان غصب عنها وبكلامك ده معني كده ان اريام بالنسبالك خلاص.صهيب بطل جنان ياسليم أريام دي حب عمري ولا مليون ست يقدروا يا خدوا مكانها انا بقولك على اللي حاسس بيه.
سليم رغم كل ده انا فرحان عشانك اوي يا صهيب، فرحان انك اخيرا بعدت عن مستنقع الحضيض اللي كنت بتحط فيه نفسك كل ليلة، فرحان انك اخيرا رجعت صهيب صحبي اللي بيثق فيا وبيحكي عن اللي جواه متعرفش انا كنت مفتقدك قد ايه.
صهيب للدرجادي ؟
سليم من يوم ما استقلت من الشرطة وسافرت بأريام من غير ما تقولنا ولا مرة تحكي عن اللي جواك.
صهيب وقتها مكنش ينفع اقول لحد ولولي الموضوع كان مهم مكنتش سبت الشرطة ابدا انت عارف قدايه
انا كنت ظابط كفئ بس اللي حصل وقتها كان هيقضي على مركزي واسمى ويدمر عمي، اتفقت مع رؤسائي ان الموضوع يتقفل واقدم استقالتي واسافر برة البلد فترة.
سليم وايه حصل لكل ده وعمك ماله.صهيب انا هحكيلك اللي فضلت شايلة طول عمري ومخبيه بس اوعدني محدش يعرف مهما حصل.
سليم اوعدك.
صهيب اريام كانت دخلت مرحلة اكتئاب بسبب والدتها وهي بالجامعة واتصحبت على شله مش كويسه الفترة دى اريام ادمنت وبنفس الفترة اتعرضت لاعتداء وقتها جيداء كل اللي همها تداري على موضوع الاعتداء ده وللأسف لعبت لعبة عليا وقتها وانا كنت متيم بأريام وقعت في المحظور معها اول مره مكنتش واعي كفاية عشان اعرف ايه حصل وقتها مرة تانيه نجحت جيداء انها تمثل اني خنت ثقتها لما شفتنا مع بعض نجحت لدرجة انها خالتني اترجها توافق على الجواز وهي فضلت تمثل لحد طبعا انتهي الموضوع بالضغط على عمي بالجواز وتجوزنا بسرعه كل ده وأنا مغيب معرفش ان أريام مدمنه تخيل شهور وانا عايش معها غير سنين قبلها. حب وغرام ومعرفتش ولا لحظت اي عرض عليها لحد اليوم اللي اتقبض عليها وهي بتشتري من ديلر كان متراقب وعشان القادة عارفين انا مين تم تسوية الموضوع وقدمت استقالتي وسافرت بيها خمس سنين امريكا قضينا سنة كاملة تتعالج كنا بننزل مصر كل كام شهر عشان عمي، وبنفس الوقت نفسية اريام تتعدل لحد الحمد لله تعافت تماما ورجعت ليا وبقت عاوزة تعوضني عن اللي حصلها بأي طريقه لكن جيداء كانت دايما بتنجح في السيطرة على أريام خلتها ترفض تحمل وتقلها عيشي حياتك ومستقبلك الرجالة مش مضمونه انا للأسف كنت اتشغلت في تأسيس الشركة وداخلنا مشروع كبير اخد كل وقتي وقتها جيداء نجحت بجدارة تقنع أريام بالدراسة والماجستير وكل يوم والتاني سهرات وتعرفت على صحبتها والباقي انت عارفه، رغم كل ده عمر حبها ما قل بالعكس كل يوم بيزيد حتي لما كنت بعمل اللي بعمله كل ليلة كنت برجع مخنوق ومدايق واجري عليها اطلب منها السماح، الغريب الليلة دي محصلش صحيح اعتذرت منها لكن مندمتش ولو للحظه بالعكس سعيد بوجودي هنا ولأول مرة من سنين اكون مرتاح بالشكل ده.
سليم كل ده شايله في قلبك.
صهيب عينه على الاستراحة مخدش باله من كلام سليم.
سليم ههههه الاااه اللاه الااااااااه ده الموضوع كبير اوي.
صهيب التلفت ليه بتقول حاجه ياسليم.
سليم بقول اللي واخد عقلك.
صهيب وهو بيحرك رقبته : سليم متخلنيش اعملها معاك.
سليم انا بقول كل كويس شكلك هفتان
صهيب بقلك ايه الوقت اتأخر والضهر آذن من بدري والاكل بقالة فترة في الكيس ممكن ريحته تتغير قوم يدوب تلحق توصل ومتنساش النتيجة توصلني في لحظه طلوعها.
سليم بقي بدل ما تمسك فيا وتقولي اقعد كل.
صهيب ابق كل في بيتكم.
سليم ههههه مبروك يا صهيب الف مبروك انا همشي بس خالي بالك انا سايب صنيه الأكل بمزاجي.صهيب مع السلامة يا سليم.
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق