رواية ورد الفصل الرابع عشر والخامس عشر والسادس عشر والسابع عشر والثامن عشر بقلم اسراء ابراهيم
رواية ورد الفصل الرابع عشر والخامس عشر والسادس عشر والسابع عشر والثامن عشر بقلم اسراء ابراهيم
البارت الرابع عشر
ورد
سالم بتردد / ورد اني في حچات انتي متعرفيهاش عني،، ومكنتش متخيل اني ممكن اتحدت معاكي واجولك الحديت ده
ورد باستغراب/ حچات ايه دي،، فهمني يا سالم،، اتحدت معايا واني هسمعك،، نفسي تعتبرني صحبتك وتحكيلي وتفضفض معايا
سالم بابتسامة / مكنتش متخيل اني اجرب منك جوي اكده،، طول عمري كنت بكر*هك،، كنت شايفك بت عمي اللي و*جع بين ابوي وچدي وخلاه طرده من الدار
ورد بصدمة / انت بتجول ايه،، ابوي عمره ما يعمل اكده،، مين اللي جالك الحديت الماسخ ده
سالم بحدة/وانتي اشعرفك هه،، انتي كنتي حتة عيلة صغيرة مكملتش عشر سنين
ورد بغضب/ لا كنت خابرة يا سالم،، كان عندي 12 سنة،، كنت واعية وفاهمة كل حاچة،، اني مش مصدجة انك طول السنين دي بتكر*هني عشان ابوي،، حتي مفكرتش تواچهني،، تتحدت معايا واني افهمك
سالم بغضب / تفهميني ايه،، اني مكنتش صغير،، انا كنت حاضر كل حاچة واتوكدت بنفسي،، شفت عمي عزيز وهو واقف مع جدي وهو بيطرد ابويا من الببت،، حتي مهنش عليه يدافع عنه،، عن اخوه اللي من لحمه ودمه،، وطبعا كانت امك اللي مجوياه وموجعة بينه بين ابوي
ورد فجأة ضحكت بصوت عالي لدرجة ان سالم استغرب
ورد بضحك/تعرف،، انت صعبان عليا جوي يا سالم،، اني كنت فاكراك طول السنين دي خابر الحجيجة،، بس واضح ان مرت عمي عرفت تخبي عليك زين،، عرفت تكر*هك في ابوي وامي وفيا
سالم بتردد / تجصدي ايه يا ورد بحديتك ده
ورد بحزن / اسأل ابوك يا سالم،، وهو اللي هيجولك الحجيجة،، اني مينفعش اجول،، اني طول عمري كاتمة في جلبي وساكتة ،، راضية بمعاملة امك ليا لاجل مايچي اليوم اللي الاجي اللي يعوضني عن اللي شوفته،، روح يا سالم،، روح لعمي واسأله وهو يچاوبك
سالم حس ان في حاجات هو ميعرفهاش وان الحقيقة غير اللي هو عارفاها او عاش عمره كله فاكر انها الحقيقة
....................................
ماهر روح البيت الجديد مع بدور وكان طاير من الفرحة انها رجعتله تاني
ماهر بلهفة / اتوحشتك جوي يا بدور،، اني اتوكدت في غيابك عني اني عاشجك جوي
بدور بعتاب / كداب يا ماهر،، اللي بيعشج حد مش بيو*چعه،، مبيهملش حد ياچي عليه
ماهر بندم/ حجك عليا يا نبض جلبي،، اني محجوجلك،، واوعدك مهخليش اي حد يدوسلك علي طرف ابدا،، اني خابر انك استحملتي كتير عشاني،، وعشان اكده اني بجولك حجك علي جلبي
بدور بابتسامة / لا مستحملتش عشانك يا ماهر،، اني استحملت عشاني عشان مجدرش اعيش من غيرك عشان افضل دايما چارك وتفضل جدام عيني
ماهر وهو بيبوس ايديها / تسلميلي يا كل حاچة في حياتي،، ويخليكي ليا يا بدور
بدور بتردد/ مش هترچع تندم يا ماهر،، يعني انا خابرة انك من حجك تتچوز،، وانك مش مجبر تفضل عايش مع واحدة معيوبة و
ماهر قاطعها / اياكي تجولي اكده مرة تانية،، اندم كيف يعني،، اني كفاية عليا انك تبجي معايا،، وصدجيني يوم ما جولت اني رايد اخلف وامي جالت اني هتچوز،، اني بس كنت رايدك تغيري عليا وترچعي،، لكن اني عمري ما فكرت اعمل اكده
بدور بحب / واني مسامحاك ويوم ما تفكر تطلجني وتتچوز عشان تخلف،، مش همانع وههملك تتچوز عشان ده شرع ربنا ،، بس صدجني مش هجدر واني علي زمتك،، هموت يا ماهر لو ده حوصل
ماهر بحنان/ بعد الشر عنك يا بدور،، اني عمري ما هفكر اعمل اكده،، لاني مش شايف ست غيرك،،انتي مالية عيوني وجلبي
بدور بعشق/ تسلملي يا نبض بدور
..............................................
تاني يوم كان الكل متجمع تحت في البيت عالفطار
ملك برقة/ سالم انت هتيجي معايا انهاردة نروح نستقبل سليم الشهاوي
سالم بهدوء/ تمام
ورد بهمس/ انت هتروح مع العجربة دي لحالكم يا سالم
سالم بنفس الهمس/ ده شغل يا ورد،، ومش هتأخر،، هعاود عشية
ورد بصدمة/وه،، عشية يا سالم،، انت هتجعد وياها كل ده،،
سالم باستغراب/ هو انتي ايه اللي شاغلك يعني،، انتي كنتي رايدة حاچة
ورد بحزن / لا مهعوزش حاچة،، خليك براحتك
سالم مردش بس كان عقله مشغول باللي حصل امبارح وكلام ورد وكان بيفكر وهو باصص لابوه منصور بحيرة
حنين بعفوية/ حمدالله عالسلامة يا رباب،، فرحت انك رچعتي تاني لدارك
رباب بسخرية / الله يسلمك يا سلفتي،، ويا تري فرحتك دي من جلبك،،
جمال بصلها بغضب وقام وهو قرفان منها وسابهم وخرج وهو حاسس انه مخنوق
يوسف بحدة/ ربنا اعلم بالنيات يا مرت اخوي،، و حنين مرتي الكل خابر انها عمرها ما اتمنت الش*ر لحد،،
ابتسمت حنين وبصت ليوسف بعشق اما ورد فرحت في رباب وبصتلها بشماتة
ورد /عندك حج يا يوسف،، الناس معادن وبيبان من افعالهم اذا كانت خير ولا شر
رباب بصتلها بغيظ وبهية كمان بصتلها بغضب وتوعد
...........................................
شهد كانت رايحة جاية بقلق وحيرة عايزة تخرج تروح تشوف ابوها وفي نفس الوقت خايفة من صالح وانه نبه عليها متخرجش وهيا شافته قبل كدة وهو مضايق عشان كدة خافت
،، قطع تفكيرها صوت الجرس فقامت بلهفة وراحت تفتح بس اتصدمت اول ما لقت هشام قدامها
شهد بتوتر/ اانت ايه اللي جابك هنا،، كمان ليك عين تيجي لحد هنا
هشام ببرود/ بقي هو ده واجب الضيافة،، تؤ تؤ حتي عيب ده انتي كنتي قاعدة في الصعيد بلد الكرم
شهد بخوف/امشي عشان لو صالح جوزي طلع من الحمام وشافك هيق*تلك
ضحك هشام بصوت عالي ودخل وقفل الباب وبصلها ببرود
هشام/ اممم بتكدبي ليه بس يا شوشو،، الأمور بتاعك انا عارف انه مش هنا ،، هو انا مقولتلكيش،، اصل انا سايب اللي مراقبكم وبلغني اول ما صالح بتاعك ده مشي امبارح وسابك
شهد بقوة/ انت حيو*ان،، امشي اطلع برررة
هشام بحد*ة/ مش قبل ما اخد اللي عاوزه منك يا حلوة،، واكس*رك واكس*ر ابوكي اللي طالع بيكي السما وشايف انك كتيرة عليا
قرب هشام منها وشهد بقت تنده بصوت عالي علي صالح وهيا بتجري علي باب الشقة وقبل ما هشام يمسكها فتحت الباب وجريت عالسلالم بس خبطت وهيا نازلة في صالح
شهد بلهفة/ صاالح الح ق ني
صالح بخوف/شهد مالك،، ايه اللي حوصل
شهد مردتش وبقت تدفن نفسها في حضنه
صالح قلبه دق وفي نفس الوقت مستغرب تصرفاتها،
صالح/اهدي،، اني معاكي،، متخافيش
شهد برعب/خليك معايا،، متسبنيش تاني
صالح بشك /ايه اللي حوصل،، حد اتعرضلك
شهد بكدب /لا،، بس خفت وانا لوحدي
صالح خدها وطلع تاني الشقة وفي نفس الوقت كان هشام شافهم فطلع الدور اللي فوق عشان عارف ان لو صالح شافه كان هيق*تله
صالح بحنان/ اهدي اكده وجوليلي اللي حوصل،، وخلاكي تخافي وتنزلي تجري بهدوم البيت اكده
شهد بلعت ريقها بخوف وهيا بتبصله بتردد ومش عارفة تعمل ايه او تقؤله ايه لانها عارفة انه لو عرف باللي هشام كان عايز يعمله اكيد هيق*تله فيها ،، فبصتله وفضلت السكوت
............................................
في بيت بدور كان ماهر قاعد عالسفرة وبدور جمبه والجو هادي وجميل
ماهر بحب/تسلم يدك يا حبيبتي،، الفطور طعمه چميل
بدور بخجل/ الف هنا وشفا،، مطرح ما يسري يمري
ماهر بفضول/ جوليلي بجي عچبك الدار ولا لا
بدور بفرحة/ هيا حلوة عشان انت چاري فيها يا ماهر،، اني كل اللي رايداه اني ابجي چارك،، مش فارجة بجي اعيش فين
ماهر بحب/ يخليكي ليا ويباركلي فيكي
قطع كلامهم خبط الباب
ماهر باستغراب/ ده مين اللي هيچلينا السعادي،، ده اني جولت مش هنزل الشغل انهاردة واجعد وياكي
بدور بقلق/طب جوم شوف مين
قام ماهر فتح الباب واتفاجأ بأمه قدامه
كريمة/ ايه،، هتسيب امك واجفة اكده يا ولد بطني
ماهر بتوتر/ لا طبعا اتفضلي ياما،، ده بيتك برضك
كان ماهر خايف من مقابلة بدور لامه واستغرب مجي امه ليهم دلوقتي بس اتفاجأ بمعاملة بدور
بدور بابتسامة /اهلا يا عمة اتفضلي،، نورتي دارك
كريمة ببرود/طب كويس انك خابرة ان دار ولدي تبجي داري
بدور بحزن/طبعا انتي الخير والبركة،، اتفضلي الفطور لساته سخن
كريمة بغرور قعدت وماهر كمان قعد بتوتر
ماهر /خير ياما،، في حاچة حوصلت ولا چاية تشوفي بدور وتباركليها رچوعها بيتها
كريمة لسخرية/ هو لازمن يكون في حاچة يا ماهر عشان اچي لولدي،، ولا مكنتش رايد اني اچيك
بدور بسرعة/ لا يا عمة،، ماهر ميجصدش،، انتي تيچي اي وجت ده دارك ،، ولا ايه يا ماهر
ماهر بص لامه بقلق لانه حافظها وعارف انها جاية لحاجة معينة
ماهر/طبعا ياما الدار دارك،، اني بس بطمن
كريمة ببرود/ لا اطمن،، انا چاية اطل عليكم،، وابارك لمرتك علي رچوعها
بدور بفرحة/يخليكي ليا يا عمة،، دي حاچة فرحتني جوي،، انك چاية عشاني
كريمة بخبث/هجوم انا بجي اعاود داري
بدور بسرعة/ لا خليكي ونتغدو سوا الاول
كريمة ببرود/ مرة تانية،، متنساش يا ماهر تبجي تعدي علي خالك عشان تحدد معاد كتب كتابك علي مريم كيف ما اتفجنا
بدور بصت لماهر بصدمة ومنطقش بحرف
...............................................
كان ماشي جمال في البلد وهو مخنوق ومضايق ،، حاسس انه غلط لما رجعها
المفروض كان طلقها وارتاح من تصرفاتها ،، بقي يفتكر ايام ما ابوه غصبه يتجوزها وهو مكنش موافق واتمني لو كان صمم علي رأيه،، وفجأة جت في باله البنت اللي شافها وحبها رغم انه مكنش يعرف حتي اسمها،، هو شافها بس وهيا بتدي العيال دروس في المنضرة عالشارع وهو ماشي،، وفجأة رجليه خدته علي نفس المكان ولقاها لسة زي ماهيا بس المرادي لقي نفسه بيقرب فقابله راجل كبير
الراجل/خير يا ولدي،، في حاچة
جمال بتوتر/احم كنت رايد اعرف مين دي
الراجل باستغراب/دي اية بتي،، هو في حاچة يا ولدي
جمال باندفاع/ انا عايز اتجوزها
الراجل بصدمة / ايه،، انت بتجول ايه
جمال بتوتر/ اني اسف،، هيا متچوزة
الراجل باستغراب / لا ،، بس هيا مبتفكرش في الچواز
جمال باصرار/ طب ممكن تتكلم معاها،، خد رأيها وانا مش مستعجل
الراجل بهدوء/ متأخذنيش يعني،، انت جمال ابن العمدة وراچل متچوز مش اكده
جمال بتنهيدة/ ايوة فعلا بس ده ميمنعش اني اتجوز تاني،، وده شرع ربنا ولا ايه يا راچل يا طيب
الراجل / ايوة عندك حج بس يعني
جمال باصرار/ من غير بس،، خد رأيها واني سعتها هتحدت وياها وافهمها ظروفي
كانت بتابعهم من بعيد اية بتوتر وكل شوية تبص لجمال بطرف عينها باستغراب
الراجل / ماشي يا ولدي،، اللي فيه الخير يجدمه ربنا
.....................................................
كانت ورد قاعدة متغاظة من سالم ومخنوقة انه راح مع ملك لوحدهم ولسة هيقعدو لبليل برة مع بعض لوحديهم وكانت متابعاها بهية بشماتة
بهية / خير يا ورد،، باينك هتفر*جعي اكده ليه
ورد بغيظ/همليني لحالي يا مرت عمي حاكم اني مش طايجة نفسي
بهية ببرود/جولتلك ان ولدي مش رايدك ولا طايجك من اصله،، وبكرة هيطلجك عشان يتچوز البنتة اللي جلبه عاشجها
بصتلها ورد بحزن ولسة هترد اتفاجأت بسالم داخل عليها......... يتبع
رأيكم يهمني جداااا
تفاعل جامد عشان البارت اللي جاي
#ورد
#بقلمي_اسراء_ابراهيمالبارت الخامس عشر
ورد
اتفاجأت ورد بسالم داخل عليهم وعنيه متثبتة في عنيها فابتسمت بهدوء
سالم / السلام عليكم،، كيفك ياما
بهية باستغراب/ عليكم السلام يا ولدي،، ايه اللي رچعك بدري،، مش جولت هتجعد مع ملك،، الا صحيح فين هيا مشيفهاش وياك
سالم بابتسامة/ لا ماهي افتكرت حاچة مهمة وسافرت عشانها
ورد باستغراب / حاچة ايه دي اللي نسيتها
سالم بخبث/ چواز السفر بتاعها،، اصلها مسافرة علطول
ابتسمت ورد وبهية بصت لسالم بغضب
بهية / كيف يعني مسافرة،، طب والمشروع ده اللي هتعملو سوا
سالم وهو بيقعد جمب ورد / لا معدتش فيه مشروع،، خلاص انا كنسلت الموضوع ده
ورد ابتسامتها وسعت وبهية بصتلها بح*قد وسابتهم ومشيت من غير ما ترد
ورد بفرحة / بچد يا سالم،، يعني انت خلاص معدتش هتشوف اللي اسمها ملك دي تاني
سالم بضحك/ ايوة بچد،، خلاص معدش في ملك،، وبعدين اني عملت اكده عشانك
ورد بابتسامة / عشاني كيف يعني
سالم/ يعني لجيتك مضايجة اني خارچ معاها لحالنا،، وكمان مفكرة اني عاشجها،، فجولت اثبتلك
ورد بخجل /ايوة تثبتلي ايه بجي
سالم / ان مش هيا دي البنتة اللي عاشجها
ورد بخجل/اومال مين هيا دي،،
سالم / لا دي بنتة مش من اهنه،، متجلجيش مسيري هعرفك عليها،، هجوم اني دلوك،، رايد ابوي في موضوع
ورد بحزن / هو چوة مع چمال اخوك في المكتب
مشي سالم وكانت متابعاه ورد بحزن وهيا مخنوقة،، كان عندها امل انه يكون حبها ،، بس طلعت كانت بتفسر تصرفاته غلط،، وبرضه هتعيش نفسها الاوهام تاني،، غمضت عنيها بحزن واتنهدت بحيرة
...............................................
كانت واقفة بدور مصدومة من كلام كريمة حماتها مبينتش اي رد فعل كانت بس باصة لماهر بصدمة وحزن وخزلان حجات كتير جواها
ماهر بتوتر / لازمته ايه الحديت ده ياما دلوجتي عاد
كريمة بخبث/ اني بفكرك لتكون نسيت يا واد بطني،، انت اديت الناس كلمة ومهترچعش فيها ابدا
بدور بهدوء وهيا باصة في عيون ماهر / متجلجيش يا ام ماهر،، ابنك راچل ومهيطلعش عيل مع الرچالة اللي اداهم كلمة ابدا،، مبروك يا ماهر،، بعد اذنكم
ماهر مسك ايدين بدور قبل ما تدخل وضمها ليه وهو بيتكلم بثقة
ماهر / استني يا بدور،، اسمعيني زين ياما،، اني بحب مرتي،، ومهتچوز غيرها لو ايه اللي حوصل،، اما بالنسبة للناس اللي بتتحدتي عليهم فاني متكلمتش مع حد عشان ارچع في كلمتي
كريمة بغضب/ انت بتعصاني يا ماهر،، بتجف جصاد امك لاجل مرتك
ماهر بهدوء/ انا بحافظ علي بيتي ومرتي ياما،، المفروض انتي تشجعيني علي اكده،، مش تجوليلي اتچوز
كريمة بغضب/ اه واضح انها كلت عجلك يا ابن الاسواني،، طب اسمع يا ماهر،، لو محدتش خالك وتممت چوازك من مريم لا انت ابني ولا اعرفك
سابتهم كريمة ومشيت ورزعت الباب وراها اما بدور فحضنت ماهر فجأة جامد وتبتت فيه بحب وهو حاوطها بايديه بحنان
بدور / انا السبب في كل ده،،لو كنت چبتلك الواد اللي نفسك فيه،،مكنش كل ده حوصل
ماهر بحنان/ متجوليش اكده يا بدور،،صدجيني حتي لو كنتي چبتي الواد،،كانت امي هتعمل اكده برضك ،، دي امي واني حافظها،، المهم اني رايدك تعرفي اني مهسبكيش واصل،، اني مجدرش اعيش من غيرك يا بدور،،
بدور بحب / ربنا يخليك ليا يا ماهر،، بس عشان خاطري،، روح راضي امك وطيب خوطرها،، متخليهاش غضبانة عليك
ماهر بابتسامة/متجلجيش،، اني هبجي اروحلها واراضيها،،
بدور كانت هتتكلم بس سكتت فجأة ومسكت راسها
ماهر بقلق/ انتي زينة يا بدور،، مالك
بدور بتعب/مش خابرة يا ماهر،، بجالي فترة اكده كل ما اجف فترة طويلة ادوخ،، مخبراش ليه
ماهر بخوف/طب هشيع اچبلك حكيمة
بدور بحب/ملوش داعي يا حبيبي،، اني زينة و
قبل ما تكمل كانت وقعت اغمي عليها وماهر لحقها بخوف
.................................................
عند اية بعد ما خلصت دروس والعيال مشيت قربت من ابوها بفضول
اية / احم،، هو مين اللي چه ده يابا وكان چاي ليه
مبروك/ وه،، يعني انتي مش خابرة اياك
اية بتوتر / لا،، واني هعرفه منين يعني
مبروك بضحك/ كانك مفكراني مش واخد بالي اياك،، ده انتي بتي واعرفك من نظرة عنيكي
اية بابتسامة / يخليك ليا يا ابوي
مبروك بتنهيدة/ چمال ابن العمدة طالب يدك وبدو يتچوزك
اية بفرحة مقدرتش تخبيها/ بچد يا بوي
مبروك بقلق/ اه يا بتي،، بس انتي خابرة انه متچوز،، مش اكده يا بتي
اية بحزن/ اه خابرة يا بوي
مبروك بقلة حيلة/ وبرضه موافجة مش اكده
ايه بخجل/ ايوة يا بوي،، ده بعد اذنك برضك
مبروك بابتسامة / واني مهكسرش جلبك مرة تانية يا بتي،، بس اسمعيني زين يا اية،، هو راچل متچوز ومخلف،، مهواش كيف الاول عاذب يا بتي،، لازمن نفهم منه رايد يتچوز ليه علي مرته،، ولو عليا اني مهچوزكيش عل درة،،
ايه بتوتر/ اللي تشوفه يا ابوي
مبروك /اني هشيع اچيبه اتحدت معاه وافهم منه،، واللي رايده ربك هيكون،، اما اجوم الحج المغرب
........................................
عند شهد كانت قاعدة متوترة وخايفة،، صالح سابها من الصبح وقالها وراه مشوار مهم وراجع وهيا مع انها مرعوبة احسن هشام يجي تاني بس مقدرتش تتكلم عشان صالح ميعرفش وتبقي مصيبة،، اتفزعت اول ما سمعت جرس الباب فاتنفضت وقامت جري وقفت ورا الباب
شهد بخوف / مين اللي برة
صالح بهدوء/ اني صالح يا شهد،، افتحي الباب
شهد براحة/ حاضر
فتحت شهد الباب ولقت ابوها قدامها،، شهقت بصدمة واترمت في حضنه وهيا بتعيط بحرقة
شهد / بابا،، حبيبي انت كويس،، طمني عليك،، عملو فيك ايه
ابرهيم بابتسامة/ طب دخليني اريح رجليا الاول
شهد بحزن / اسفة يا حبيبي،، ادخل
ابراهيم بتعب/ الحمد لله يا شهد انا كويس واديني قدامك اهو
شهد براحة / الحمد لله ،، انا كنت خايفة اوي يا بابا احسن مترجعليش تاني
ابرهيم براحة/ الحمد لله يا بنتي،، بصراحة صالح عمل اللي عليه وذيادة،، ده دفع المبلغ لاحمد اخويا وخلاه اتنازل عن القضية
شهد بصت لصالح وابتسمت بامتنان،، اما هو فاكتفي انه يحرك راسه ليها بس
شهد باستغراب/ بس يا بابا انت ازاي مضيتله علي شيك بالمبلغ ده،، وامتي اصلا
ابراهيم بحزن / كان غصب عني،، كنتي انتي لسة صغيرة وامك سعتها ماتت وانا قعدت من الشغل وكان الحال ضيق،، وسعتها احمد قالي هسلفك مبلغ وطلب مني وصل امانة،، سعتها انا مدتوش خوانة،، قولت ده اخويا مستحيل يحبسني
صالح بهدوء/ مفيش اخ يا عمي يمضي اخوه علي وصل امانة وتكون نيته خير
ابرهيم بحزن/ للاسف عرفت ده متأخر يابني،، انا بشكرك يا صالح علي وقفتك معانا،، انا مش عارف من غيرك كنا هنعمل ايه
صالح بابتسامة / متجولش اكده يا عمي،، ده واچبي ،، انا ههملك تريح شوية واستأذن اني
ابرهيم باستغراب/ علي فين يابني،، ده بيتك ادخل انت ومراتك جوة في اوضتكم وانا هخش اريح في اوضتي
صالح بهدوء / لا ملوش داعي،، اني نازل مشوار اكده،، وهاچي بليل عشان اتحدت وياك في موضوع چوازي من شهد،، وانفذ لها رغبتها
ابرهيم بقلق/ اللي تشوفه يابني،، وصلي جوزك يا شهد،،وانا هخش اريح جسمي شوية
خرج صالح من باب الشقة فلحقته شهد بلهفة
شهد بحزن / صالح
صالح بتنهيدة/ نعم يا شهد
شهد بحزن/ انت رايح فين وسايبني
صالح بسخرية/ مش هو ده اللي انتي رايداه،، مش اكده،، هو ده ردك،، انك رايدة تطلجي مني
شهد بغضب واندفاع / وانت فين هه،، ليه انا لوحدي اللي ابقي متمسكة بيك وانت حتي مفكرتش تفهمني وتعرفني الحقيقة،، ليه خبيت عليا انك كنت متجوز،، ليه مصارحتنيش،، عشان كنت عارف اننا مش هنكمل مش كدة ،، عشان انت متجوزني شفقة،، عشان صعبت عليك مش اكتر ،، عشان انت لسة بتحب مراتك وهترجعلها صح يا صالح،، طب عالاقل انا ليا مبرر،، اني كنت خايفة علي بابا طلبت الطلاق وانا عارفة اني كدة بحكم علي قلبي بالمو*ت عشان هبقي بعيد عنك بس غصب عني ده ابويا،، لكن انت ايه مبررك هه،، روح يا صالح،، روحلها،، هو مكنش ذنب عليك من الاول انك تتجوزني ولا ذنب عليك دلوقتي انك تكمل معايا غصب عنك
قالت شهد الكلام وقفلت الباب في وش صالح اللي كان مصدوم وهو بيسمع منها كل اللي قالته ،، كان عقله واقف عند اعترافها بحبه،، فجأة ابتسم براحة وهو بيغمض عيونه ومشي وهو ناوي يرجع بس عشان ياخدها معاه وميضيعهاش من ايده ابدا
..................................................
في مكتب منصور
منصور بغضب/ انت اتجننت يا چمال،، چواز ايه اللي بتتحدت فيه عاد
جمال بهدوء/ شرع ربنا يا بوي،، اني رايد اتچوز علي سنة الله ورسوله
منصور بحد*ة/ شرع ربنا مجولتش حاچة،، بس انت متچوز ولا ايه عاد
جمال بغضب/ ومش رايدها،، وجولتلك اني طلجتها وانت صممت ارچعها،، وانت خابر اني مرايدهاش من الاول وغصبتني اتچوزها،، وادي النتيچة
منصور بهدوء/ يا ولدي اللي منرضهوش علي بتنا،، منرضهوش علي بنات الناس
خالد بح*دة/ بس بدور مش كيف رباب،، اسمع يا بوي لو انت بتتحدت معايا عشان اغير رأي،، فده مش هيحصل،، لاني اتحددت مع الناس وادتهم كلمة ومهرچعش فيها
منصور بص لسالم اللي كان قاعد وبيسمع اللي بيدور بغموض
منصور /ما تتحدت يا سالم ووعي اخوك في الي رايد يعمله
سالم بهدوء/ ده شرع ربنا يا بوي وهو رايد يتچوز،، خلاص يجول لمرته ولو مش موافجة ورايدة تطلج يطلجها
جمال بسرعة/ عين العجل ياخوي،، هو ده الصوح،، اني هطلع اجولها واشوف رأيها ايه،، مع اني خابر رأيها بس برضك هعمل اللي عليا
سالم / روح يا جمال انت وهملتني اتحدت مع ابوك في كلمتين
سابهم جمال وخرج،، وبص سالم لمنصور بهدوء
منصور بتنهيدة / رايد تعرف ايه يا سالم
سالم بهدوء / الحجيجة يا بوي،، بس مش اللي جالتهالي امي، انا رايد اعرف الحجيجة منك انت
...................................................
في اوضة جمال ورباب
رباب بغضب / نعععععم،، تتچوز عليا،، ليه ان شاء الله،، ناجصة يد ولا رچل
جمال بحد*ة / انتي ملكيش رأي اصلا،، انا بجولك مش باخد رأيك،، عاچبك اهلا وسهلا،، مش عاچبك الباب يفوت چمل
رباب بحزن/ لو لسة مصدج اني بخو*نك،، يعلم ربنا اني محصلش يا چمال،،اني ملياش علاقة بالچوابات دي خالص،، ورد كدابة،، رايدة تخرب علينا
جمال بسخرية / وانتي مفكرتيش ليه لما عملتي فيها اكده ،، وكنتي رايدة توجعي بينها وبين اخوي
رباب بتوتر / انت بتجول ايه،، محصلش،، مين اللي جالك الحديت ده،، ورد مش اكده
جمال بقر*ف/ ورد مجالتليش حاچة غير انك ملكيش يد في موضوع الچوابات،، وانها عملت اكده فيكي،، لاجل ما تكيدك،، بس اني اللي سمعت حديتها مع حنين مرت اخوي ،، وعرفت باللي كنتي رايدة تعمليه فيها،، وفهمت سعتها انها وجعتك في ش*ر اعمالك
رباب بغيظ / واخرتها يا چمال رايد ايه عاد،، تتچوز ماشي روح اتچوز،، بس صدجني هتندم
جمال بهدوء/ ومين جالك اني مش ندمان يا رباب،، انا ندمان اني طاوعت ابوي من الاول،، بس ملحوجة
رباب بغيظ/ بجي اكده يا چمال،، ماشي اعمل اللي يلد عليك
جمال بضيق/ايوة،، هو ده اللي عندي،، واذا كان عاچبك ،،
سابها جمال وخرج وهيا قعدت عالكنبة بغيظ وقهر وهيا بتتوعد ليهم كلهم وبتفكر هتعمل ايه عشان تمنع الجوازة دي .... يتبع
رأيكم يهمني جدااا ويا تري جمال من حقه يتجوز ولا لا
تفاعل جامد بقي عشان البارت الجاي
#ورد
#بقلمي_اسراء_ابراهيم
البارت السابع عشر
ورد
صالح بهدوء / اني عاشجك يا شهد
شهد سكتت فجأة وبصتله بصدمة
شهد/ انت قولت ايه؟
صالح بابتسامة/ بجول اني عاشجك،، ومحدش حرك جلبي غيرك،، من يوم ما شوفتك وانتي واجفة برة الدار بتاعة سالم واتعاركنا سوا وعيني چت في عيونك وانتي سحرتيني،، يوميها معرفتش انام كل ما اغمض افتكر عيونك اللي سحرتني،، وعشان اكده ما صدجت اول ما چاتلي الفرصة اني اتچوزك وتبجي مرتي تبت فيها بيدي،، كاني خايف لتهربي مني
ضحكت شهد من بين دموعها وهيا بتدفن نفسها في حضن صالح وهو بيحاوطها بايديه
شهد / انت عارف لو مكنتش طلعت بتحبني كنت هعمل ايه؟
صالح بضحك/ هتعملي ايه عاد
شهد بضحك /كنت هخطفك يا صالح،، واخليك تحبني غصب عنك
صالح بضحك / انتي بتجولي اكده وخلاص،، شكلك نسيتي وانتي بتتحدتي معايا امبارح،، لما جولتيلي روحلها يا صالح
ضحكت شهد علي شكل صالح وهو بيقلدها وبعدين بصتله بحب وهيا بتتكلم بهدوء
شهد/ كنت خايفة اوي يا صالح،، خفت تكون مش بتحبني وبتشفق عليا مش اكتر،، خفت تكون لسة بتحب البنت اللي كانت مراتك
صالح بتنهيدة/ اني خابر اني كان لازمن اجولك،، بس صدجيني،، اني مكنتش رايد اعرفك عشان متبعديش عني،، بس نعاود دارنا وهحكيلك كل حاچة
شهد بقلق / طب وبابا يا صالح
صالح/ متجلجيش اني هتحدت وياه واقنعه يچي ويجعد ويانا،، بس انتي اعملي فطار چامد اكده،، عشان اعرف اقنعه زين
شهد بضحك/ من عيووني
صالح بهيام/ يسلملي عيونك الجمر دول يا جلبي
شهد بخجل / احم طب يلا اخرج بقي عشان اخلص بسرعة
صالح بتوهان / انا بجول اجف اساعدك واهو بالمرة املي عيوني منك
شهد بتحذير وهيا ماسكة سكينة /صااالح،، اطلع برة والاااا
صالح بضحك/ لا وعلي ايه الطيب احسن،، اني خارچ اهو
...........................................
كريمة بجمود/ ايوة والمطلوب مني ايه دلوك
ماهر باستغراب/ ياما بجولك بدور حبلة،، انتي مش فرحانة
كريمة بسخرية/ افرح لو الواد هيچي من اي واحدة تانية،، الا بت بهية
ماهر بحزن/ ليه ياما اكده،، دي بدور بتحبك،، وبتعاملك كيف امها،، ليه تكسر*ي بخوطرها وخوطري اكده
كريمة بقسو*ة / اهو اكده بجي،، وهو ده اللي عندي يا ماهر،، مش بت بهية ضحكت عليك وخليتك تبجي كيف الخاتم في يدها،، خلاص خليك چارها وانسي ان ليك ام
ماهر بحزن/ ويهون عليكي ولدك تكسر*ي بخوطره،، وبدور ليه كار*هاها اكده
كريمة بغيظ/ عشان بت بهية،، عرفت ليه يا ماهر،، اني جولتلك من الاول بت السوالمة لا،، وانت صممت و وجفت جصادي وخدتها،، وامها العج*ربة دي شمتها فيا
ماهر باستغراب/ ومالها خالة بهية،، عملتلك ايه عاد عشان تكر*هيها اكده
كريمة بغضب/ عملها اسود ومهبب،،دي ولية عجر*بة يا ولدي،،جلبها ده اسود ،، كانت لسة متچوزة منصور وجابلتها وانا رايحة املي مية من علي اول البلد،، سعتها مكنتش اعرفها زين ولا هيا تعرفني،، وسمعتها بتتحدت مع واحدة عشان تعملها عمل لاجل ما تفرج بين سلفتها واخو چوزها،، ولما واچهتها وجولتلها حرام عليكي،، عملتلك ايه البنية عشان تفرجي بينها وبين چوزها اتخانجت معايا وفرجت عليا الشارع واتبلت عليا،، جالت انها شافتني واجفة مع واحد ولما اني شوفتها هددتها اني هجول لچوزها علي حكاية العمل،، وكنت هطلج فيها،، عشان جولت كلمة حج يا ماهر
ماهر بصدمة / نهار اسود،، خالة بهية تعمل اكده
كريمة بغضب/واكتر يا ولدي،، عشان اكده مكنتش رايداك تاخد بتها،، اكيد شارباه منيها
ماهر بعتاب/ بس اني متچوز بدور من ميتي ياما،، عمرك شفتي منها حاچة عفشة،، دايما بتعاملك زين وانتي اللي بتعامليها عفش
كريمة بتوتر/ بجولك ايه يا ماهر،، اني جولتلك اللي عندي اني مش هجبل ببت بهية لو ايه اللي حوصل وو
اتصدمت كريمة لما سمعت صوت بدور اللي باين عليه الحزن وهيا بتكلمها بعد ما سمعت اللي حكته عن امها
........................................
كانت نازلة ورد عالسلم وهيا بتدور بعينها علي سالم فقابلتها حنين
حنين بابتسامة/ كيفك يا ورد
ورد بحب/ زينة يا حنين،، مشوفتيش سالم ،، صحيت ملجتوش
حنين / لا مشفتوش،، تلاجيه وراه شغل فخرج بدري متجلجيش
ورد بقلق/ ايوة ممكن،، صحيح مدرتيش باللي حوصل
حنين باستغراب/ حوصل ايه عاد
ورد بهمس/ مش چمال هيتچوز علي رباب
حنين بصدمة/ يا مري،، هيتچوز عليها
ورد بسرعة/ يا بت وطي صوتك،، دي لو سمعتنا بنتحدت عنيها هتج*تلنا
حنين / ااني مش مصدجة،، كيف يعني هيتچوز
كانت لسة ورد هترد لما شافت رباب جاية عليهم وبتبصلهم بغضب
رباب / ايه بدأتو السهرة بدري عاد،، وياتري الحديت عن مين المرادي،،
كانت ورد هترد بس حنين مسكت ايديها واتكلمت هيا
حنين/ خلاص يا رباب،، شوفي انتي رايحة فين،، ملوش لزوم جر الشكل ده عالصبح
رباب بصتلهم بقر*ف ومشيت ورجعت لفت واتكلمت ببرود
رباب/ اه صحيح يا ورد،، ابجي اعملي حسابك في غدا زين جوي حاكم مرت عمك بتجول ان في ضيوف مهمين وغاليين عند سالم هيچو عالغدا،،
ورد باستغراب/ يا مرحب باللي يچي،، مش ضيوف چوزي اعملهم احسن وكل
رباب بخبث/ متتعشميش جوي اكده،، استني لما تعرفي هما مين الاول،، ما هو سالم راح يچيبهم بنفسه
ورد مردتش عليها وبصت لحنين اللي ابتسمت ليها عشان تطمنها و انها متخفش
..........................................
ابرهيم / لا يابني ،، انا مقدرش اسيب بيتي
شهد بدموع/ عشان خاطري يا بابا ،، لو انا غالية عندك توافق،، انا مش هقدر اسيبك لوحدك هنا
صالح باصرار/ يا عمي اهنه دارك وهناك دارك برضك،، ولا انت مش بتعتبرني ولدك
ابرهيم بابتسامة / يعلم ربنا يابني غلاوتك عندي من غلاوة شهد،، بس انا اتعودت علي بيتي مش هقدر اسيبه
صالح / طيب احنا نتفج،، لو مرتحتش في البلد،، هرچعك اهنه تاني بنفسي،، ها ايه رأيك
ابرهيم بقلة حيلة / ماشي يابني،، اللي تشوفه
شهد بفرحة/ هيييه،، انا هقوم احضر الشنط هوااا،،
ابرهيم بعد ما شهد دخلت / بقالي زمن مشوفتش ضحكة شهد ولا شكلها وهيا فرحانة كدة،، باين عليها انها بتحبك يا صالح يا بني،، حطها في عنيك
صالح بابتسامة/شهد في عيوني يا عمي،، اني بس كنت رايد اتحدت وياك في موضوع اكده
ابرهيم بقلق /قول يابني في ايه،، انا سامعك
..........................................
بدور/ بس اني يا عمة مش كيف امي
كريمة بصتلها بتوتر ومردتش وماهر كان حزين انها سمعت الكلام ده عن امها
ماهر بعتاب/ ايه اللي چابك يا بدور،، مش جولتلك متخرچيش من الدار
بدور بحزن/كنت چاية وعندي امل اشوف الفرحة في عيون عمة كريمة،، مكنتش خابرة انها بتك*رهني جوي اكده بسبب امي
كريمة بتردد/ لا،، اني خابرة انك مش كيف امك يا بدور،، بس الحجيجة اللي منجدرش نغيرها انك بتها واني بجي الست دي بطيج العمي ولا اطيجهاش
بدور بحزن/ بس اني ذنبي ايه،، ليه ابعد عن چوزي واهد داري لمچرد انك بتك*رهي امي ،، انتي عاشرتيني وخابرة اني مش عفشة،، تعرفي اني طول عمري امي جا*سية عليا،، عمرها ما خدتني في حضنها وطبطبت عليا كيف ما بشوف اي ام بتعمل،، ولما چيت اهنه كنت مفكرة انك هتعتبريني بتك وهحس معاكي بالحنية اللي مشوفتها مع امي،، بس ارچع واجولك،، بعد اللي عِملته امي وياكي ليكي حج تكر*هيني،، واني محجوجالك يا عمة عاللي امي عملته،، اني هعاود الدار يا ماهر ولو رايد تتچوز اتچوز،، واني موافجة
ماهر بص لامه بحزن ومشي ورا بدور وكريمة قعدت عالكرسي وغمضت عنيها بحيرة وغضب
..........................................
كانت واقفة ورد وحنين بيعملو الاكل في المطبخ لحد ما سمعو صوت دوشة برة فعرفو ان الضيوف جم فورد سابت حنين تكمل وخرجت واتصدمت لما لقت سالم واقف مع ملك وماسك ايديها فقربت منهم بغضب ووقفت قدام سالم وهيا بتكلمه بعصبية
ورد/ ايه اللي رچع البت دي تاني يا سالم،، مش جولتلي انها خلاص مشيت ومعدتش ترچع تاني
سالم بحدة/ ااتحدتي زين يا ورد وصوتك ميعلاش،، فاهمة ولا لا
ورد بغضب/ لا مش فاهمة،، جولي دلوك ايه اللي خلاك تچيب البت دي تاني اهنه
بهية بشماتة / وفيها ايه ،، ملك مهياش غريبة،، دي تبجي خطيبة سالم
ورد بصدمة/ هتتچوزها يا سالم ،، رد ،، الحديت ده صوح،، انت خطبتها
سالم ببرود/ ايوة خطبت ملك،، وهنتچوز الاسبوع الچاي
حنين شهقت بصدمة و ورد بصتله بقهر
ورد / طب واني يا سالم،، كيف جدرت تعمل اكده فيا
سالم بحدة/ انتي خابرة انا اتچوزتك ليه من الاول ،،
ورد بغضب/ اني اللي محجوجة اني صدجتك،، انت متستاهلش اني اسامحك،، منك لله يا سالم اني مش مسامحاك علي و*چع جلبي
سالم مهتمش لكلام ورد وهيا سابته وجريت علي فوق وكانت متابعاها بهية بفرحة ورباب بشماتة اما حنين فجريت ورا ورد عشان تطيب خاطرها
منصور بهدوء/ سالم،، تعالي ورايا عالمكتب دلوجتي حالا
سالم نفخ بضيق ودخل ورا منصور المكتب وهو في حالة من الجمود وكأن محصلش اي حاجة
.............................................
كانت قاعدة اية في المنضرة وسرحانة وبتفكر لحد ما دخلت عليها صحبتها الانتيم سهام
سهام/ اللي واخد عجلك يتهنا بيه يا ست اية
اية بخضة/وه،، حد يخش اكده يا بت فزعتيني
سهام/ اني دخلت كيف الناس ما بتخش،، انتي اللي سرحانة ياختي،، ايه بتحبي چديد ولا ايه
اية بتوهان/ لا هو مفيش غير حب واحد بس،، هو اللي هيبجي الجديم والچديد
سهام بفضول/ لا ده الموضوع باينه واعر جوي،، اعترفي ايه اللي شجلب حالك اكده
اية / بصراحة انا حالي متشجلب من يوم ما شفته يا سهام،، معرفش ايه اللي حوصل
سهام بصدمة / وه يخرب عجلك،، لو ابوكي سمعك دلوك هيطين عشتك
اية / ما ابوي حاسس باللي في جلبي يا سهام،، واللي عاشجاه مخبرش حاچة عني،، ولا انا اعرف حتي ايه اللي رچعه
سهام بصدمة/ انتي تجصدي ان چمال ولد العمدة طلب يدك
اية بفرحة/ ايوة،، شفتي بعد السنين دي كلها،، رچع تاني
سهام باستغراب/ بس ده متچوز يا اية،، يا مري انتي هتوافجي
اية بتوتر/ ايوة هوافج،، اني مجدرش اهمله بعد ما چاني بنفسه
سهام / وه،، ماهو هملك يا اية زمان،، ولا نسيتي اياك،،
اية بتوتر/ جفلي عالسيرة دي الله يخليكي،، خليني في فرحتي دلوك
سهام بقلق / اه يا خوفي ليكون واخدك يطيب بيكي چر*حه يا خيتي،، لازمن تتوكدي الاول
اية بقلق/ يعني اعمل ايه عاد
سهام بثقة/ اني هجولك تتوكدي كيف...... يتبع
بشكركم علي تفاعلكم القمر بجد فرحتوني جداا
تفاعل حلو بقي عشان البارت الثامن عشر
#ورد
#بقلمي_اسراء_ابراهيمالبارت الثامن عشر
ورد
منصور بحد*ة/ ممكن اعرف ايه اللي حوصل برة دلوجتي ده،، كيف يعني هتتچوز البنتة دي
سالم بضيق / ولا حاچة يا بوي،، اني اتچوزت ورد غصب عني وانت خابر اكده زين،، اني بكر*هها ومرايدهاش،، هملني بجي اتچوز البنتة اللي رايدها
منصور باستغراب/ وانت ايه اللي غير رأيك اكده فچأة،، ده احنا امبارح عشية كنا بنتحدت وجولتلي ان ورد في عينك وانك مش هتهملها
سالم بضيق وهو ماسك راسه/ واني عند كلمتي يا ابوي،، ورد هشيلها في عيني،، بس ملهاش عندي اكتر من اكده
منصور بقلق/ مالك يا ولدي،، ليه ماسك راسك اكده،، انت تعبان ولا حاچة
سالم بتعب/ صداع چامد من امبارح،، اني هطلع ارتاح شوية وان شاء الله هبجي زين،، بس يا بوي بعد اذنك،، اني هتچوز ملك اخر الاسبوع
منصور بجمود/ لا يا سالم،، خليها الاسبوع الچاي،، عشان اخوك چمال هنكتبله علي بت الشيخ مبروك الاسبوع ده
سالم بطاعة/ اللي تشوفه يا بوي
منصور بهدوء/ اطلع ريح چتتك شوية عشان هنروح لنسايب اخوك عشية
سالم وهو بيقوم/ ان شاء الله يا بوي،، بالاذن اني
خرج سالم ومنصور كان متابعه باستغراب للحظة حس امبارح انه بيحب ورد بس انهاردة تصرفاته كلها غريبة
........................................
دخلت بدور البيت وهيا حزينة علي اللي سمعته عن امها هيا كانت تعرف انها قا*سية بس مش للدرجادي قعدت علي الكنبة بتعب وشوية ودخل ماهر وراها
ماهر بقلق/ بدور انتي زينة
بدور بحزن / ايوة يا ماهر متجلجش
ماهر بندم/ حجك عليا يا جلبي،، مكنتش رايد تعرفي حاچة زي دي عن امك
بدور بقلة حيلة/ علي الاجل عرفت السبب اللي مخلي امك كار*هاني يا ماهر
ماهر / معلش يا حبيبتي،، ان شاء الله ربنا هيحنن جلبها وهتلاجيها هيا اللي چيالك تطيب خوطرك
اترمت بدور في حضن ماهر وهيا بتعيط وبتقؤله بحزن
بدور/ معدتش ليا غيرك يا ماهر،، متهملنيش ابدا،، اوعدني تفضل چاري مهما حوصل
ماهر بحب/ هفضل چارك وهتفضلي چوة جلبي يا بدور،، انتي خابرة انك كل دنيتي،، واني ملياش غيرك،، انتي اهلي وونسي،، ربنا يباركلي فيكي وفي ولدنا
بدور براحة/ لا انا رايدة بت يا ماهر،، رايدها تكون بتي واختي وامي وعزوتي،، رايدة اديها الحنان اللي انحرمت منه،، تخيل مجولتش لامي اني حبلة،،
ماهر بحب / اللي يچيبه ربنا انا راضي بيه،، المهم تجومي بالسلامة يا روح جلبي،،ومتشليش هم امك ربنا يهديها ،، يلا جومي معايا ريحي شوية
....................................
دخل سالم القوضة وشاف ورد بتعيط فصعبت عليه وقلبه و*جعه عليها بس فجأة حس بخنقة في صدره وانه مش طايقها فعدي من قدامها واتجاهلها واول ما شافته ورد مسحت دموعها بسرعة وقامت بحزن
ورد / سالم ،، جولي ليه عملت اكده،، انت جولتلي انك مش عاشجها،، وان مش هيا دي البنتة اللي كان جصدك عليها،، ايهاالي اتغير
سالم بضيق / لا هيا دي ،، اني بحب ملك وهتچوزها يا ورد،، ومتجلجيش اني مههملكيش ولا هخلي حد يدوسلك علي طرف
ورد بعصبية / واني مستغنية عن خدماتك عن واد عمي
سالم بحدة / تجصدي ايه عاد بحديتك ده؟
ورد بغضب/ اجصد اني مش محتاچة حد يدافع عني،، وانت اتچوزتني لسبب كيف ما جولت واظن خلاص معدتش ليه لزوم نكمل التمسلية دي عاد
سالم بغضب/ اسمعي يا ورد،، طلاج مش هطلجك،، اني ايوة بكر*هك ومش طايج ابص في وشك،، بس طلاج لا هتفضلي علي زمتي لحد ما اموت
ورد بصتله بحزن وغمضت عنيها بو*جع ومردتش عليه،،و قعدت عالسرير بهدوء وهيا حاسة ان الدنيا غدرت بيها تاني بعد ما كانت صالحتها بيه ،، اما سالم فبصلها بحزن وحيرة وبعدين الصداع ذاد عليه واحساس الخنقة كمان فخرج بسرعة من الاوضة وهو بيطلع حباية الصداع عشان ياخدها
........................................
بليل كان قاعد جمال في المنضرة قدام اية وده بناء علي طلبه واصراره بعد ما اتفقو علي كتب الكتاب والفرح انه يسمع منها انها موافقة
چمال/ احم،، مش رايدة تعرفي،، اشمعني انتي
رفعت اية راسها وبصتله بصدمة وكأنه قرأ افكارها فضحك جمال علي شكلها بس فجأة سرح فيها وهيا اول ما لاحظت اتكسفت وبصت تاني في الارض
اية / انت وفرت عليا كتير،، اني مكنتش خابرة اچبهالك كيف
جمال بهدوء/ هجولك كل حاچة بس لما تبجي مرتي وفي داري
اية قلبها دق واتوترت وجمال حس بيها
جمال / اني طلبت اجعد وياكي عشان اسألك سؤال بس،، انتي فعلا موافجة عليا ولا لا
اية بخجل/ اني جولت لابوي ردي
جمال / واني خابر اسمعها منك،، انتي موافجة تتچوزيني وانتي خابرة اني متچوز
اية بثقة/ ايوة،، موافجة وراضية
ابتسم جمال وهو بيبصلها باستغراب،، متوقعش انها توافق ،، هو توقع ان يكون ابوها اللي اقنعها
جمال/ تمام،، نكمل حديتنا بجي وانتي في داري يا أية
قبل ما جمال يخرج سألته اية باندفاع
اية / انت مچاوبتنيش ،، انت اخترتني ليه،، اشمعني اني يعني
ابتسم جمال من غير ما يبصلها
جمال/ هبجي اجولك لما تبجي حلالي
مشي جمال واية قعدت بسرعة وهيا بتحط ايدها علي قلبها عشان دقاته تهدا وكانت في قمة سعادتها عشان اخيرا هتبقي مراته وعلي اسمه
..............................................
في اليوم التاني كانت قاعدة ورد في اوضتها وهيا مضايقة ومخنوقة وخاصا ان سالم منمش في نفس القوضة زي عادته وبات برة ،،
كانت ورد بتفكر في تغير سالم عليها كدة ومش عارفة ليه حاسة انه كان قاصد يعلقها بيه عشان يكسرها ويدمرها وفاقت من سرحانها علي صوت حنين
حنين / ايه يا ورد،، بحدتك بجالي ساعة وخبطت كتير وانتي في عالم تاني عاد
ورد بحزن/ معلش يا حنين،، مسمعتكيش وانتي بتخبطي
حنين / هتفضلي اكده لحد ميتي يا خيتي،، وهتهملي البت العج*ربة دي تخطف سالم منيكي
ورد/ المشكلة مش في ملك دي يا حنين،، سالم هو اللي اتغير،، هو اللي بجي كار*هني ومرايدش حتي يبص في وشي،، مخبرش ليه اتغير اكده،، ده لحد عشية كان بيتحدت معايا زين،، ده اني اوجات كنت بحس من تصرفاته انه عاشجني،، ليه يكسر*ني اكده
حنين / اكيد في حاچة مضايجاه،، اتحدتي معاه يا ورد،، چايز تكون الحر*باية اللي اسمها رباب دي عملت نصيبة وجالتلو حاچة عنك خليتو كر*هك اكده
ورد / اتحدت معاه امبارح كتير،، مجاليش حاچة غير انه كار*هني ومرايدش يشوف خلجتي وانه حتي لو اتچوز مهيطلجنيش،، اني تعبت جوي يا حنين،، مبجتش فاهمة حاچة
قبل ما حنين تتكلم دخلت بهية عليهم وهيا بتبص لورد بشماتة وبتتكلم ببرود
بهية / اايه هنهملو اللي ورانا ونجعد نسايس في ست ورد ولا ايه يا ست حنين
حنين بقلة حيلة/ اني كنت نازلة اهو يا عمة،، كنت بطمن علي ورد ونازلة
بهية بسخرية/ ومش اطمنتي ياختي،، يلا انزلي شوفي وراكي ايه
حنين بهمس لورد/ هخلص بسرعة اللي ورايا واچيلك عشان نروح لبدور نطمن عليها واهو تخرچي تغيري چو
ورد بحزن/ ماشي
اول ما خرجت حنين بهية بصت لورد بغموض وقربت منها اوي وبعدين اتكلمت
بهية / انتي مش جدي يا بت فاتن،، لو انتي مفكرة اني كنت هسيبلك ولدي تبجي غلطانة،، اني اچوزه لبت الغفير ولا اخليكي يوم واحد علي زمته
ورد بسخرية / والله لو عليا،، اني مش فارج معاي ولدك،، بس حظك بجي انه هو اللي مش راضي يهملني،، اصل اني جولتله يطلجني وهو جالي لا
بهية بغيظ/ لا،، صدجيني هيطلجك،، هچوزه ملك وبعدين زي ما خليته يتچوزها،، هخليه يطلجك ويرميكي يا بت فاتن
ورد بحزن/ جولتيله ايه خلتيه يتغير اكده ،، مش بكفايا كدبتي عليه طول السنين دي وخلتيه يكر*هني اني وابوي وامي ،، غيرتك من امي خليتك مش شايفة جدامك
بهية بغضب/ اخرسي،، اني اغير من امك،، دي واحدة سراجة وعجر*بة
ورد بغضب اكبر/ لا مش هخرس،، وايوة انتي كنتي غيرانة منيها،، واجولك ليه،، عشان چوزك كان عاشجها ولما اتچوزك معرفتيش تخليه يعشجك عشان كان جلبه متعلج بيها،، وهو ده اللي مخليكي كار*هاني،، عشان خايفة علي سالم ليعشجني اكده ويتعلج بيا كيف عمي ما حصله مع امي،، قاطعتها بهية فجأة بقل*م علي وشها وقامت وهيا مش شايفة قدامها من الغضب
بهية / مش هيحصل يا ورد،، وهتشوفي،، ولدي مش هيبجي ليكي،، ولدي بيكر*هك ومش طايجك،، وشوية وهخليه يرميكي برة الدار وبكرة تجولي بهية جالت
سابتها بهية وخرجت بغضب وورد بقت تعيط علي حالها واللي وصلتله والاكتر علي تغيير سالم عليها
..............................................
بعد الغدا اتحايلت حنين علي ورد عشان توافق وتخرج معاها يروحو لبدور ومع ان ورد مكنتش راضيه بس فكرت في سالم وقالت عِند فيه هتروح من غير ما تقؤله ووافقت وفعلا راحو لبدور
بدور بفرحة/ متتخيلوش يا بنات فرحت كيف لما چيته تسألو عني،، بچد فرحتي متتوصفش
حنين بحب / احنا جولنا نيچي نطمن عليكي يا بدور،، من يوم ما مشيتي وانتي محدش سمع صوتك ولا نعرف عنك حاچة
بدور بحزن/ دي مجتش من امي يا حنين،، مهنش عليها حتي تيچي تطمن عليا،، بس تعرفو اني مبسوطة انكم اول حد هيعرف
حنين بفضول/ خير يارب،، خبر ايه جولي
بدور بفرحة/ اني حبلة
حنين / لولولولوي،، يا الف نهار ابيض،، مبروك يا حبيبة جلبي،، فرحتلك جووي
ورد بابتسامة / الف مبروك يا بدور،، ربنا يكملك علي خير يارب
بدور باستغراب/ مالك يا ورد،، فيكي ايه،، من ساعت ما چيتي وانتي سرحانة وفي عالم تاني
ورد بحزن/ حجك عليا يا بدور،، مش جصدي انكد عليكي،، اني بس مخنوجة جوي
بدور بلهفة/ بعد الش*ر عنك يا جلبي،، جوليلي مالك ايه اللي حوصل
حنين بحزن/ الله يهديه سالم،، جال ايه دخل علينا امبارح بالبت اللي اسمها ملك دي وجال انه خطبها وهيتچوزها،، ومن ساعتها و ورد يا عيني مجهورة اكده
بدور بصدمة/ وه،، يتچوز كيف يعني،، وفچاة اكده
ورد بحزن/ هو ده اللي مچنني،، سالم كان زين معايا جوي،، كنت خلاص حسيت انه ابتدي يعشجني ويجرب مني،، فجأة اكده اتغير في يوم وليلة وبجي يعاملني عفش جوي يا بدور،، وبيجولي حديت يو*چع جلبي
بدور سرحت في كلام ورد ومتعرفش ليه جه في بالها كلام حماتها عن بهية امها بخصوص العمل اللي كانت عايزة تعمله لعمها وجه في بالها فكرة
بدور / اني تعبانة من الحبل وهجول لماهر واعود معاكم الدار اجعد كام يوم اكده
ورد بابتسامة/ ياريت يا بدور،، اني محتچالك جوي انتي وحنين
بدور بحب/ متجلجيش يا حبيبتي،، كله هيبجي زين،، اطمني
وفعلا بدور قالت لماهر ورجعت مع حنين و ورد البيت وهيا ناوية علي تعرف الحقيقة....... يتبع
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق