رواية غلطه وندم الفصل الثاني وعشرون والثالث وعشرون وعشرون بقلم مروة محمد حصريه
رواية غلطه وندم الفصل الثاني وعشرون والثالث وعشرون وعشرون بقلم مروة محمد حصريه
#غلطه_وندم💘💘💘
#مروة_محمد❤️❤️❤️
#الفصل_الثاني_والعشرون💞💞💞
الحمد لله الذى تتم بنعمته الصالحات 💓💓💓
يستطيع الكذب أن يدور حول الأرض في انتظار أن تلبس الحقيقة حذاءها. الحقيقة تخرج من فم الأشرار. أنا لا أعرف ...كيف حدث ذلك ...ولكنه حدث.😋😋😋
ذهبت غاده الي الجامعه في صباح اليوم التالي برفقه شهاب زوجها متبطأه ذراعيه بسعاده مرتديه تايير بندقي اللون كلون شعرها رافعه شعرها علي هيئه ذيل حصان حتي يتهيأ لها رؤيه الاشياء أما عنه فكان يبدو وسيما في هيئته وحضوره الطاغي تنظر له كل فتاه لتتمناه في نفسها...كادت أن تدلف قاعه المحاضرات لولا انتباهها علي صوت هاتفها يعلن عن مكالمه من حياه والده شريف وهي تتحدث بلطف قائله
=مش حابه اضغط عليكي بطلبي يا غاده...بس لو عملتيه هكون ممنونه ليكي جدا....أنا عمرى ما طلبت حاجه من حد....بس أنا ثقتي فيكي بلا حدود.
هزت غاده رأسها وتحدثت باحترام قائله
=احنا تحت أمرك يا ماما حياة....بس زى ما شهاب قالك شريف يتعامل مع نورسين بتحفظ....حرام البنت تتعلق بيه....وهو في الاخر بيعمل كده علشان يخضع ثراء ليه.
صممت حياة للحظات وردت قائله
=مين قال ان ابني بيعمل كده بس علشان يخضع ثراء ...مش يمكن هو بيدور علي الحب والسعاده...بعد الندم اللي حصل ليه لما ارتبط بثراء.
❣️❣️❣️❣️❣️❣️❣️❣️❣️❣️❣️❣️❣️❣️
شردت غاده فيما تقوله حياه لتستشعر انها علي حق ومن حق شريف امراءة أخرى لتغيره لتنتبه علي يد شهاب وهو يحاول لفت انتباهها قائلا
=انتي فين يا غاده...دخلت أدور عليكي في المحاضرة علشان أعطيلك المذكرة بتاعتك قالولي انك محضرتيش.,..ايه اللي موقفك هنا وبتكلمي مين.
انتبهت غاده علي لمسات يده شهاب لترد عليه بارتباك قائله
=كنت لسه داخله المحاضرة طنط حياة اتصلت بيا...وفكرتني باللي هنعمله...بصراحه من ساعتها مش عارفه أتصرف ازاي...خايفه علي نورسين أوى.
أخذ شهاب ينظر اليها بدقه واعجاب قائلا
=خايفه عليها من ايه لتنجرح من شريف مثلا....أوعي تكوني خايفه كمان علي مشاعر ثراء....طب مش دول اللي جرحوكي....ونورسين دي كانت عايزة تهدم اللي بينا.
💃💃💃💃💃💃💃💃💃💃💃💃💃💃
كان ينظر اليهم من بعيد طارق بعد أن قام بتقديم مذكرة في شهاب واتهامه أن يستخدم الجامعه كساحه لمغازله زوجته...قام عميد الجامعه باستدعاء شهاب الي مكتبه ليقطع حديث غاده وشهاب ليذهبا اليه...ومن لحظه دلوفهم نظر اليهم عميد الجامعه باشمئزاز قائلا
=حضرتك سايب محاضراتك...ومعطل المدام عن دروسها...ومش سايب مكان الا فيه مغازله....حتي قدام الطلاب في المدرج....ومتقدم مذكرة ضدك.

ابتسم شهاب بسخريه وفهم من الذي قدم المذكرة ضده فردد قائلا
=أنا عارف مين اللي قدم المذكرة ضدي...ويمكن حضرتك مستغرب...أنا نفسي لو قالوا ليا من شهر ان طارق صاحبك هيعمل معاك مكنتش هصدق.
ابتلعت غاده ريقها وهتفت بابتسامه خفيفه قائله
=حضرتك احنا معملناش حاجه غلط...أنا كنت راحه محاضراتي وفجأة تعبت...وكنت ناسيه حاجتي مع شهاب...جه علشان أخدهم مني...ملقنيش دور عليا....هو قانون الجامعه يمنع ده؟
ابتسم العميد براحه اليها فهي تشبه بنته في تحفظها واحترامها بنته التي اشتاق لها منذ زمن وهي تستكمل دراستها خارج مصر تحدث العميد وهو يثق في أخلاق شهاب وغاده قائلا
=بصوا...أنا هتكلم بالبلدي...مفيش دخان من غير نار....طارق مقدم في المذكرة اللي حصل امبارح...وقفله المكتب عليكم أكتر من نص ساعه....أنا عارف انكم متجوزين...بس ده مينفعش في الحرم الجامعي.
ابتسمت غاده بكل ثقه قائله
=حضرتك عندك حق....بس مينفعش برضه أي دكتور في الجامعه يوقف طالبه عنده ويقولها كل سنه وانتي طيبه....أنا بصراحه اتحرجت ولولا شهاب أنقذ الموقف.
انفرجت اسارير عميد الجامعه وهو يراها ترد الصاع صاعين لطارق فقال
=لا دي بقا انتي لازم تقدمي فيه مذكرة انتي وشهاب...لأن العين بالعين والسن بالسن والبادي أظلم...وهو بنفسه اللي هيطلب مني التنازل عن مذكرته.
نهض شهاب من مكانه ليتحدث برزانه قائلا
=هو احنا هنعمل زيه برضه...لا طبعا..احنا مش هننزل لنفس المستوى بتاعه....حضرتك توقفه عند حد...أنا لا اتحرشت بيها ولا وقفتها غصبن عنها.
اندهشت غاده من موقف شهاب الصارم وعدم لجوئه الي التراضي مع طارق لتقول
=بس انت كده يا شهاب بتعجز العميد...خلينا قانوني...هو ادعي علينا...احنا كمان نقدم شكوى ضده....وساعتها هيضطر يسحب شكوته.
ابتسم شهاب بسخريه قائلا
=شكوته...دي مش شكوي...دي مكيده...وانتي عارفه ليه...فياريت يا غاده متدخليش...أنا هعرف أحل الموضوع ده...حضرتك مفيش شكوى من غير دليل...وهو مش عنده دليل يبقا افتراء وخلصنا.
زفر العميد بحنق قائلا
=هعتبر نفسي مسمعتش حاجه..وهمشي قانوني زى ما غاده قالت...لأن لو اتصرفت زى ما بتقول...الموضوع هيكبر وكل زمايلك هيعرفوا.وأنا مش عايز كده...غاده اتفضلي انتي علي محاضراتك سيبيني مع شهاب يمكن أعرف أعقله كأب
😅😅😅😅😅😅😅😅😅😅😅😅😅😅
#مروة_محمد جروب #موكا_سحر_الروايات
انصرفت غاده تتنفس الصعداء عندما علمت أن العميد سوف يقنع شهاب بأمر التراضي لتتفاجأ بطارق يقف أمامها قائلا باستفزاز
=أنا عملت كل ده علشانك..انتي تستاهلي واحد غير شهاب....عارف ان المرة اللي فاتت عملتلك مشكله معاه ... بس أنا كنت حسن النيه.
😋😋😋😋😋😋😋😋😋😋😋😋😋
أخذت غاده تتلفت يمينا ويسارا تخشي أن تجد شهاب بأي لحظه وتحدث الكارثه...وبالفعل شاهدها شهاب من خلف الكاميرات التي كانت بغرفه العميد ليحاول العميد تهدئته حتي لا تحدث الفضيحه ليهرع اليها شهاب ومن خلفه العميد لملاحقه الامر ليتوجه شهاب الي طارق وبدون أن يرفع يده قائلا وهو يجز علي أسنانه
=واطي وهتفضل طول عمرك واطي...انت اتهمتني في مراتي ....ومكنش عندك دليل...أنا بقا كاميرات مكتب العميد تشهد انك وقفت معاها مرتين في الطرقه دي أعتقد ان عقابك هيبقا مع العميد و ادارة الجامعه.
كاد شهاب أن يرفع نبرة صوته لتخشي غاده من الفضيحه لتنظر له بتحذير قائله
=بلاش يا شهاب أرجوك...سيبه .. قلتلك نمشيها قانوني...لان نظام العند بتاعك خلاه يتمادي...أنا مش عايزة فضيحه في قلب الجامعه لأنها هتضرني وتضرك.
نظر شهاب الي عميد الجامعه بكل قوة قائلا
=اتفضل حضرتك اتصرف زى ما قولت لغاده قانوني...أنا لو طارق فضل في الجامعه أنا هستقيل وهشهر بيها...ومش هيهمني الفضيحه...وانتي يا غاده روحي محاضرتك.
🌹🌹🌹🌹🌹🌹🌹🌹🌹🌹🌹🌹🌹🌹
#غلطه_وندم بقلم #مروة_محمد
حاولت غاده رفض الذهاب الي محاضراتها خوفا علي شهاب من التهور ولكن حذرها أن تبقي في هذا المحيط لتذهب وهي شارده حتي تصل الي القرب من قاعه المحاضرات لتستوقفها نورسين قائله بنبرة غيظ
=عماله تظبطي شهاب شويه وشويه طارق ويا خوفي لتبصي لنادر هو كمان.....ثراء كان عندها حق لما قالت انك عينك كمان من جوزها.
رفعت غاده بصرها الي نورسين ونظرت اليها بدهشه فهي تشبه ثراء حتي في صفاتها فهتفت قائله
=وانتي تفرقي ايه عن ثراء مثلا...ما انتي زيك زيها....بس هي بتحاول توصل لحاجه مش من حقها...أما انتي حقوقك كتير وبغبائك بتلجأي لحلول غلط علشان توصلي لحق من حقوقك.
زفرت نورسين بحنق وكان علي مقربه منهم نادر الذي اشتد حزنا علي نورسين ليتدخل قائلا
=أنتي صح يا مدام غاده...وأنا قلت ليكي من الاول يا نورسين...انتي غلط....علشان ترجعي شقتكم تسمعي لثراء...لا وتدخليني في مواضيع ملهاش لزمه.
ليأتي شهاب من خلفه قائلا بقسوة
=انت تاني يا نادر...هو أنا مش محذرك تقف مع أي بنت في القسم...حتي لو واقف باحترام...لو حابب تكمل وتاخد الدبلومه السنه دي ياريت تعمل بالكلمتين اللي قولتهم في مكتبي.
هز نادر رأسه بطاعه وقال
=أنا عامل بنصيحتك يا دكتور شهاب...أنا بس كنت بوضح لنورسين انها غلط...لأن للأسف حضرتها لسه مكمله في طريق ثراء...ورافضه تسمع حتي لوالداتها.
هزت نورسين برجلها أرضا قائله
=دكتور شهاب معلش....أنا لو عملت حاجه غلط في سيادتك ممكن تفصلني...أنا واقفه .. مع زميلتي وبنتكلم وأظن ده مش غلط..والبيه نادر هو اللي ادخل ما بينا.
نظر اليها شهاب بقوة قائلا
=علي الاقل نادر من أول موقف بيني وبينه في المحاضرة...دخل بعدها المكتب واعتذر ليا...وحكي عن المؤامرة اللي دبرتيها...انتي بقا بتكلمي بكل بجاحه.
انسحبت الدماء من رأس نورسين ونظرت الي نادر نظرة لوم وعتاب ليربع نادر يده قائلا
=ايه كنتي عايزاني أعمل ايه...أسكت وانتي بضيعي كل حاجه...وده علشان حته شقه...قلتلك عمر الفلوس ما بتنفع....بس انتي مفكرة انك لسه هتستنفعي منها بحاجه.
نظرت اليه نورسين بحده لتتفاجئ بشهاب يقول لها وهو يبتسم لدرجه أن غاده تضايقت عندما قال
=ايه رأيك يا نورسين تشرفيني في مكتبي بعد المحاضرة...وندردش سوا زى ما عملت مع نادر....ونوصل لحل لمشكلتك...وأنا واثق اني أقدر أقنعك.
🤸🤸🤸🤸🤸🤸🤸🤸🤸🤸🤸🤸🤸🤸
#موكا_سحر_الروايات رواية #غلطه_وندم
انفرجت أسارير نورسين وذهبت الي المحاضرة منتظرة لحظه انتهائها علي أمل أن يكون شهاب منجذبا لها ليكون الرجل الوحيد الذي سيغير مسار حياتها ويوصلها الي ذكي والاعتراف بها ...أما عن غاده استشعرت أنها ستخسر أمام أي امراءة تنظر الي شهاب لتندفع بجنون قائله
=مش ممكن تكون طالبها في مكتبك مخصوص علشان عرض طنط حياه...أكيد عجبتك صح....اه ما هو واحده بواحده...متغاظ ان طارق بيغازلني تطلبها عندك في المكتب ولوحدها.
اندهش شهاب من اتهامها وجز علي أسنانه قائلا
=أنا بقا أشطر منك طارق اتنقل جامعه تانيه..انتي بقا يا مجنونه هتقدرى تنقلي نورسين...ولا هتقعدي زى الست الشاطرة معايا وأنا بتفق معاها.
❤️❤️❤️❤️❤️❤️❤️❤️❤️❤️❤️❤️❤️❤️
#مروة_محمد #جروب_موكا_سحر_الروايات
نظرت اليه ببلاهه تلعن حظها من سوء اتهامها اليه لتخفض وجهها في الارض خجلا ثم ترفعها للاعتذار لتجده غير موجود....زفرت غاده بحنق ودلفت الي المحاضرة بحنق لتطل السعاده علي وجه نورسين لتضايق غاده من موقف شهاب...انتهت المحاضرة وقامت نورسين بلم أشيائها حتي تسرع الي المرحاض وتقوم بتعديل هيئتها ونثر شعرها وتضع الكثير من أدوات التجميل لكي ينبهر لها شهاب...في هذه الاثناء وصلت غاده الي مكتب شهاب لتسترضيه ويوافق علي مضض علي مسامحتها ويأمرها أن تجلس علي كرسي في الغرفه حتي لا تظهر الا في اللحظه الحاسمه...دلفت نورسين وأول من ان شاهدها شهاب بهيئتها مثل نجوم السينما فابتسم بسخريه قائلا
=تعالي يا نورسين...اتفضلي اقعدي...طبعا انتي مستغربه بعد هجومي ليكي ...أطلب منك تيجي المكتب ونتكلم وكل ده قدام مراتي...اللي أكيد اضايقت.
ابتسمت بسعاده ونهضت لكي تذهب الي كرسيه خلف مكتبه لولا صوت غاده الذي شل حركتها وهي تحدثها ببرود قائله
=من ساعه ما شوفتك وأنا مش مرتاحه ليكي.... بس مش بحب أظلم حد الا لو ظلمني كتير...بس معاكي انتي هبقي كريمه أوى وهاسعادك...أهلا بيكي في مكتب جوزى يا نورسين.
تفاجئت نورسين من صوت غاده ورجعت الي مكانها في محاوله منها للاستئذان قائله
=أنا أسفه...أنا كنت حابه أشكر حضرتك وخارجه...,انا مش حابه مساعده حد يا غاده...كنتي ساعدي نفسك وخلي أبوكي يفتخر بيكي...أما أبويا أنا مش معترف بيا أساسا.
جلست غاده أمامها قائله
=ربنا كبير يا نورسين...وهيعترف بيكي عاجلا مش أجلا...بس تسمعي كلامنا بدل ما انتي ماشيه ورا كلام ثراء...اللي هي عارفه انك أختها.
اندهشت نورسين ونظرت الي شهاب الذي أكد كلام غاده قائلا
=غاده بتقول الحقيقه...ثراء عارفه بس عمرها ما هتجبر أبوها انه يعترف بيكي...الا بحاله واحده...لو اتجوزتي شريف جوزها...ووالدته هتيجي تطلبك ليه.
فرغت نورسين شفتيها وتدلت الي الاسفل غير مستوعبه ما قاله شهاب
لياتيها صوت غادة المستهزأ قائله
≠كنت خايفه عليكي من شريف...بس الصراحه انتي ميتخافش عليكي ابدا...لانك نسخه من اختك ثراء.
💞💞💞💞💞💞💞💞💞💞💞💞💞💞
#غلطه_وندم بقلم #مروة_محمد
علي الجانب الاخر محاولات ذكي لاسترضاء شريف وهو يقول
=في ايه تاني اللي حصل....انت مش رجعت وهي بقت كويسه معاك...وغاده خلاص غارت مع شهاب...عايز ايه تاني بقا....اهتم بابنك اللي جاي.
أخذ شريف يدور بكرسي المكتب قائلا باستمتاع بعد علمه بخطه والدته فقال لذكي بخبث
=ومين قال اني مش ههتم بابني...بس ده ميمنعش اني محتاج ست في حياتي أثق فيها مش خاينه وبتلعب بالبيضه والحجر حتي بعد ما رجعت وأخدتها في حضني.
رفع ذكي بصره لشريف مندهشا لما يسمعه ليجز علي أسنانه من عناد ثراء وغبائها الذي أوصلهم الي هذه الحاله ليقول
=طب أعمل فيها ايه...ما هي طالعه لأمك عنديه وراسها ناشفه....أنا ياما عقلتها....عقلها انت بس بالراحه دي حامل...وبلاش تهديدك ده.
دلفت اليهم ثراء وهي تقول بغضب قائله
=أنا هقولك تعمل ايه...تنسي ان ليك بنت من الاساس...انت علي طول بدور علي مصلحتك....ولما احتاجت لوقفتك جمبي جيت عليا...
شعر ذكي بالندم وهو يعتقد دائما أن ما يراه أمامه هو ذنب هاجر وابنته ليقول
=أنا أسف يا بنتي....بس اللي بيعمله ده مش صح....سيبي الناس في حالها...واحمدي ربنا ان جوزك رجع ليكي...واتغاضي عن أخطائك.
ابتسم شريف بسخريه علي حنان ذكي علي ثراء وأقسم أن ينتقم منه لصالح نورسين فهتف قائلا
=أنا خلاص قررت...أمي نازله مصر الشهر الجاي...كان ليها صاحبه تعرفها من زمان هتسأل علي بنتها لو مش متجوزة هتخطبها ليا.
نظرت له ثراء بدهاء قائلا
=طيب بم ان البيه هيتجوز ...اتمني يتأمن ليا مستقبلي أنا وابني...لأان احنا مش هنعيش معاك ...هنعيش لوحدنا وأنا هطلق..وعايزة كل حقوقي.
نهض شريف واستدار حولها قائله باستهزاء
=شكلك حلو وانتي عايمه في مياة البطيخ....أنا قلت هجيب ضرة مش هطلق ...واولادي هيبقوا منكم انتو الاتنين...وحقك كان له شرط تفضلي متجوزاني.
ابتسمت ثراء بخبث قائله
=مش ثراء نوح اللي تعوم في مياة البطيخ...دي تخليها للي زى غاده أو زى عروسه الغفله..انما أنا لا...ومش عايزة ثروتك....هبيع كل حاجه أبويا وهعيش.
ابتسم شريف بسخريه قائلا
=ما قلتلك من الاول...أبوكي ده لا يملك شئ...دي كلها أملاك جدي الله يرحمه...اللي مات بعد أمك....يعني بعد ما ورثها...وانتي أملاكك دخلت من ضمن وصيه جدي.
تحدثت ثراء بغل وحقد قائله
=وانت لو مت انت وخالتي...كل ده هيكون لمين...طبعا ليا ....مش صح....خاف علي نفسك يا شريف...ولا علي مامتك القعيده لما تيجي تطلبلك بنت الحلال.
ضيق شريف عينيه قائلا
=أحلامك وسعت منك أوى يا ثراء....انتي بتهدديني...ومفكراني هخاف...طب خافي انتي بقا لتكون والدتي عامله وصيه تدمرك وتدمر أحلامك.
نظر اليه ذكي برعب يتخيل أن تكون العروس المنتقاة نورسين ليقول لثراء برجاء
=يا بنتي استهدي بالله...اعرفي غلطك فين وصلحيه...مش كل شويه تغلطي...تعالي هنا عملتي ايه بعد ما رجعتوا لبعض...هاااا..أكيد لسه علي اتصال بالزفت شهاب.
هتفت ثراء بضيق قائله
=هو كل حاجه شهاب...لعلمكم بقا أنا شهاب مش عاوزني...بس الست غاده الطماعه بعد ما أخدته مني طمعانه في جوزى...جوزى اللي حتي عايز يمثل معاها انه هيرتبط بيها.
ابتسم شريف بخبث قائلا
=لا...تمثيل ايه بقا...ده أنا كنت بضحك علي غاده...علشان يبقي بجد وبحق وحقيقي....بس للاسف هي طلعت بتحب شهاب ومخلصه ليه.
زفر ذكي بحنق قائلا
=ما احنا عارفين انها بتحبه ومن زمان..ولا ثراء ولا غيرها قدروا يعملوا معاها حاجه....الدور والباقي عليكي انتي يا غبيه يا للي مضيعاني معاكي.
لوت ثراء شفتيها قائله
=لا أنا مضيعتش حد...انت اللي طمعك وجشعك ضيعوني وخلتني أتجوز شريف علشان مصلحتك...بس أنا بقي هعرفك ازاي يبقا الطمع والجشع علي أصوله.
😗😗😗😗😗😗😗😗😗😗😗😗😗😗
#موكا_سحر_الروايات رواية #غلطه_وندم
علي الجانب الاخر تم الاتفاق مع نورسين علي كل شئ والتي وافقت وهي مغيبه لتصل الي هدفها بدون تضييع للوقت...رحل شهاب وغاده الي منزلها ودلفوا غرفتهم لتخلع غاده جاكيتها بتعب ليقوم شهاب باحتضانها من الخلف قائلا
=بحبك يا غاده...ومش زعلان منك...مبسوط أوى انك كنتي غبيه وغيرتي عليا من نورسين...حلاوتك وانتي بتقولي ليها أهلا بيكي في مكتب جوزى.
التفتت اليه ليحتضنها قائلا
=كنت هزعل أوى لو كنتي مشيتي وسيبتيني بعد المحاضرة...وكنت هأجل كلامي مع نورسين لوقت تاني...لامتي مش عارف....بس برافو عليكي انك جيتي.
وضعت غاده رأسها في منتصف صدره قائله
=خلاص يا شهاب...انا فهمتك صح...وأي تصرف طايش مني ده بيبقا نتيجه غيرتي عليك مش أكتر...خليك بس معايا ووجهني وفهمني.
ربت شهاب علي ظهرها بحنان قائلا
=معاكي يا غاده القلب...أنا مقدرش أشوفك فهماني غلط...وأسيبك تظلميني أكتر من كده....مش هستحمل أندم تاني...أنا عايز أفضل قريب منك.
ارتفعت غاده لتقف علي أطراف أصابعها قائله وهي تهمس في أذنيه
=قريبه منك ولأخر العمر...وعمرك ما هتندم تاني أبدا...ومش هظلمك تاني...أنا بفهمك ساعات غلط من حبي ليك...وغيرتي عليك...يا شيبو.
دغدغت مشاعره بهمسها ليتنحنح قائلا
=بتشوشيني ليه يا قلبي...هو احنا معانا حد في الاوضه..يا بنتي علي صوتك....خليني أسمع كويس....كل الوعود دي كفايه انها جت مرة واحده.
دفنت رأسها في أحضانها بخجل...مستمتعا بقربه الدافئ...يثيره شعرها التاعم المتناثر بين أحضانه ليشدد علي احتضانها أكثر وأكثر...
🌺🌺🌺🌺🌺🌺🌺🌺🌺🌺🌺🌺🌺🌺
#مروة_محمد رواية #غلطه_وندم
علي الجانب الاخر بعد رجوع نورسين الي منزلها هاتفت نادر وعرضت عليه الامر ليقول
=طب ايه... انتي حاسه انك ممكن تقدرى...مش خايفه مثلا ان شريف ده يحاول يتحرش بيكي مثلا....ولا يكتب كتابه قبل ما أبوكي يعترف بيكي.
وضعت نورسين يدها علي رأسها بتفكير قائله
=ده أنسب حل...ذكي اللي هو أبويا عمره ما هيعترف بيا بالساهل...لازم سبب أقوى...أما شريف لا هو ولا غيره أخاف منهم...شهاب وغاده وعدوني تبقي خلصت.
زفر نادر بحنق قائلا
=طيب...ولو انك عارفه...اني هستحمل الفترة دي وهفضل علي أعصابي لغايه ما تخلص...بس طالما ده الحل اللي مريحك اعمليه...وأمرى لله.
عذرت نورسين نادر فهي تعلم بحبه لها فتحدثت برقه قائله
=تعباك معايا يا نادر من يوم ما عرفتني...بس أعمل ايه أنا لا يمكن أوافق أرتبط بيك ولا بغيرك غير لما أتنسب للراجل ده....وأدفعه تمن اللي عمله في أمي.
ابتسم نادر بحب قائلا
=وانتي تعبتيني في ايه...غير في موضوع غاده...اللي بصراحه أنا كنت حاكيه لشهاب من قبل ما أقوم بيه...ومتزعليش مني ..المخلوقه ملهاش ذنب.
اندهشت نورسين من نادر قائله
=مش ممكن...روحت فتنت عليا يا نادر..افرض انه كان طردني...كان هيبقي مصيرى ايه...خفت علي نفسك وأنا ان شاء الله أولع....حرام عليك.
زفر نادر بحنق قائلا
=أنا قلت ليه لان عارف انه هيسمعني كويس وهيقدر الظروف بتاعتك...غير اني لمحت ليه بموضوع السيد الوالد...وكمان كانت فرصه أكبر انه يعترف بجوازه.
💜💜💜💜💜💜💜💜💜💜💜💜💜💜
#غلطه_وندم بقلم #مروة_محمد
عند ثراء وشريف نظر اليها بقسوة بعد ما قالته ليهتف بنبرة ارعبتها قائلا
=وأنا بقا هعرفك ازاي يبقا الذل والندم علي أصوله...أصل أنا واحد دمي حر...لازم أخد حقي بكل برود....يا مراتي يا أم ابني اللي طلبتي الطلاق وانتي عارفه انك شيلاه.
ارتبكت ثراء قائله
=كل ده علشان مكالمه تليفون كلمت بيها الست غاده...راحت جرت عيطت ليك....ما هي واطيه...بس أنا هقول لجوزها انها علي اتصال بيك.
ابتسم شريف بسخريه قائلا
=هو انتي مفكرة اني عرفت من غاده ...لا طبعا أنا سمعت كل المكالمه لان موبايلي بيسجل كل مكالماتي حتي لو حذفتيها من السجل...
تنهدت ثراء قائله
=ماشي..انت عرفت..نروح بقا ندور علي اللي غرقان في العسل ومفكر انه اتجوز المخلصه....واللي باعني علشانها...لازم يعرف انها لسه علي اتصال بيك.
هتف شريف بغضب قائلا
=ثراااء...اياك أعرف انك كلمتيه...عارف ليه لأنه هيفضحك وهيقول ثراء لسه بتكلمني...أما غاده هتفضل طول عمرها الست المحترمه في نظره.
🧡🧡🧡🧡🧡🧡🧡🧡🧡🧡🧡🧡🧡🧡
#موكا_سحر_الروايات رواية #غلطه_وندم
عند شهاب وغاده طلبت منه بلطف قائله
=شهاب ممكن علشان خاطرى...لو حصل واتقابلت انت وشريف...متفتحش في الماضي..جايز تكون دي فرصه لشريف انه يتغير...زى ما قالت طنط حياه.
هز شهاب رأسه متفهما يقول
=ماشي يا غاده....هحاول....بس ادعي فعلا انه يتغير...انتي عارفه انه بارد ومستفز.....انتي بس خليكي بعيد وكفايه تدخل ليكي لحد دلوقتي.
💓💓💓💓💓💓💓💓💓💓💓💓💓💓
#مروة_محمد جروب #موكا_سحر_الروايات
في نفس الليله هاتف اسامه حوريته ليمرح قائلا
=خليكي قاعده في بيت وانا في بيت...والاسم هنتجوز بعد عمر طويل ان شاء الله...ضحكوا عليا بقرايه الفاتحه...ومحدش فكر مثلا أني عايز أشبك.
تعالت ضحكات حوريه قائلا
=اس اس...تشبك مين يا حليوة...ده انت لسه قارى فاتحه امبارح...وبعدين يدوب عدي الليل علي مهله...متسربع علي ايه....هي الدنيا خربت.
هتف أسامه بحنق قائلا
=ده سؤال...طبعا خربت.. أنا واخد موقف من امبارح ومش عايز أتكلم....أنا دلوقتي مش قادر علي البعد...وخايف عليكي من غسان وأبوه.
تذكرت حوريه ما حدث من غسان لتهتف باحتقان قائله
=انت بتفكرني ليه معلش...أنا تقريبا بطلبك ليا للجواز نسيت...ومش عايز أفتكر....وبعدين أنا محدش يقدر يعمل معايا حاجه...وهو مكنش قاصدني.
مسح أسامه علي وجهه ليقول
=حوريه أنا عارف انه مكنش قاصدك....بس هو وأبوه ممكن يحاولوا ينتقموا من شهاب فيكي...ولذلك حابب نتجوز وتبقي في بيتي وأصونك في عيني.
هتفت حوريه بلوم قائله
=انت هتعمل ايه يعني لما هتتجوزني...هتحبسني وهتفضل معايا طول اليوم...لا طبعا أنا هخرج وهروح وهجي...وهجي المستشفي كمان اكمل شغلي.
صمت أسامه حتي لا يصارحها بأنها لم تستكمل عملها بعد الزواج
❣️❣️❣️❣️❣️❣️❣️❣️❣️❣️❣️❣️❣️❣️
#غلطه_وندم بقلم #مروة_محمد
عند نورسين ونادر بعد معرفتها بمصارحه نادر لشهاب من قبل التدبير للفخ استكمل نادر حديثه قائلا
=المفروض تثقي فيا أكتر من كده يا نورسين...يعني لو أنا عارف ان شهاب هيضرك...تفتكرى هروح وأقوله علي خبر زى ده ....وأضيعك.
تنهدت نورسين بتعب قائله
=عارفه يا نادر....بس أنا حكايتي بقت زى حكايه غاده بالظبط....هي عندها أب ظالم الناس كلها عارفه انه أبوها وهو بيكابر...وأنا زيها أنا عارفه مين أبويا وهو بيستخبي مني.
زفر نادر بحنق قائلا
=يبقا أنا صح لما روحت حكيت لشهاب...علي الاقل حميتك من المصيبه اللي لو حصلت...كانت هتخلي شهاب وغاده يتراجعوا عن مساعدتك.
هزت نورسين رأسها قائله
=فعلا يا نادر انت صح....مش بقولك تعباك معايا...ومش عارفه هودي جمايلك دي كلها فين....شكرا يا نادر...انت بجد من أحسن الناس اللي عرفتهم في حياتي.
ابتسم نادر بمرح قائلا
=لا يا حبيبتي... الكلام ده مينفعش...بلا أحسن واحد بلا بتاع...يخلص الموضوع ده وهتبقي مراتي بالذوق بالعافيه هيحصل...انتي فاكراها سايبه.
تعالت ضحكات نورسين قائله
=جواز مرة واحده...طب قول خطوبه لغايه ما ناخد الدبلومه سوا...ده احنا ساقطين فيها تلات مرات...هنبقي أب وأم فاشليين...وبعدين للدرجه دي بتحبني؟
ابتسم نادر بعشق قائلا
=افتحي قلبي وانتي تعرفي...هتلاقي نورسين ملكه الجمال قاعده ومربعه جواه...ومانعه عيني تبص لأي واحده غيرك...كفايه اني ممكن أضحي بأي حاجه علشانك.
ابتسمت نورسين لثورة المشاعر التي تجتاحها لتشرد فيما يحدث وروجوع حقها وزواجها من نادرواستقرارها وحلمها بالبيت الدافئ الذي من أهم أساسياته العائله.
💃💃💃💃💃💃💃💃💃💃💃💃💃💃
#موكا_سحر_الروايات رواية #غلطه_وندم
بعد مرور يومين...قررت حياة الالتقاء بزهيرة وفريال وهاجر في النادي...بعد الاستفسار من فريال أن زوجه غانم لم تحضر في هذا اليوم...في بادئ الامر اعترضت فريال علي الاتحاد معهم ولكن مع اقناع حوريه أن هذا الطريق يرضي شهاب فذهبت اليهم جلست فريال وهي تلوم حالها قائله
=ما تخلوني أقوم أنا...أنا طبعا مبسوطه اني شفتكم...بس صعبان عليا المؤامرة اللي أخويا هيقع فيها...في نفس الوقت عارفه ان ده حقك يا هاجر.
كادت أن ترد عليها حياة بعصبيه لولا أن أوقفتها زهيرة برزانه قائله
=مش حقها وبس يا فريال...ده حق نورسين بنتها...يعني احنا لازم نحط نفسنا في موقفهم...ونساعدهم ياخدوا حقهم...علشان ربنا يقف جمبنا في اولادنا هما كمان.
هزت فريال رأسها وصمتت لأنها تعلم جيدا أنهم جميعا علي حق وأنا هذا هو الحل الامثل لتربيه ثراء وابعادها عن شهاب حتي لو قاموا بكسرها من الداخل....كادت أن تتحدث هاجر لولا دلوف زوجه غانم الثانيه لتصعق فريال من رؤيتها فهي تعلم جيدا انها غير موجوده بالقاهره لتتأكد جيدا أن غانم وغسان يراقبوا عائلتها...ابتسمت زوجه غانم بسخريه قائله
=انتي بتخدعيني يا فريال...وبتجمعي الحبايب من ورايا.من امتي بقيتي بتحبي زهيرة مش دي اللي كنتي بتقولي عليها سرقت ابنك هي وبنتها الصعلوكه؟
تضايقت فريال من وجودها ومن ذكرها لما كان يحدث في الماضي لتنظر الي زهيرة ترجوها ألا تستمع اليها لتنظر اليها زهيرة بخبث كأنها لم تسمع شئ
💝💝💝💝💝💝💝💝💝💝💝💝💝💝
مروة_محمد جروب #موكا_سحر_الروايات
علي الجانب الاخر هبط شريف من علي درج فيلته العصريه ليجد ثراء منهمكه في الطعام...تأكل بشراسه لا تعلم بما يحدث من خلفها...اقترب شريف من ثراء وهو يقول باستهزاء
=حبيبتي ثراء قاعده ولا علي بالها...حتي امبارح رجعت وش الفجر ...مش تسألي كنتي فين...بس أنا هقولك من غير ما تسألي....كدة تقدرى تقوليلي مبروك انا خطبت
😅😅😅😅😅😅😅😅😅😅😅😅😅
#غلطه_وندم💋💋💋
#مروة_محمد💜💜💜
#الفصل_الثالث_والعشرون💖💖💖
الحمد لله الذى تتم بنعمته الصالحات 👈👈👈👈👈
احممم اول حاجه اشكر مصممه قلبي Ghada Abdulrahman 💪💪💪💪💪 علي التصميم العظمه دة
من خلال وضع نفسك مكان الاخرين، وتخيّل ما ستشعر به في حال كنت أنت الشخص الذي لم تتمّ دعوتك.وها هي ثراء تشرب من نفس الكأس الذي أرادت أن تسقي به غاده يوما ما.
نظرت اليه ثراء ووجدت في عينيه أنه أعلن الحرب فأغمضت عينيها بتعب لتوهمه أنها دخلت بحاله اغماء.استمعت ثراء الي كلمات شريف عن خطبته والاستعداد لزواجه ليدور برأسها فكرة استمالته من جديد فأوهمته أنها دخلت في حاله اغماء ....أما عنه فقام بحملها ووضعها علي الاريكه وذهب ليأتي بزجاجه عطره التي تنفر منها حتي من قبل الحمل...قربها من أنفها بقوة لتنتفض وترفع رأسها تسعل من رائحتها ليبتسم بسخريه قائلا
=ليه يا ثراء....بيغمي عليكي ليه...المفروض تفرحي...ان في واحده هتشاركني فيكي...وترتاحي من رخامتي...ولو ان يعني هفضل هنا في نفس البيت.
دلف في هذه الاثناء ذكي وشاهد بعينيه ثراء وهي ممدده علي الاريكه تضع يدها علي رأسها وتعض علي شفتيها بغيظ شديد ليتأكد ان ما استمع اليه من شريف حقيقي وأنه سوف ينفذ تهديده بالزواج من أخرى ليندفع قائلا
=مش قلتلك شريف مش بيهدد يا ثراء...شريف بتاع تنفيذ وانتي استهترتي...وفكرتي طالما غاده رفضت يبقا مفيش بديل...عرفتي ليه قولت ليكي سايسي أمورك.
أخذت ثراء تهز رجلها بعصبيه قائله
=عرفت...ومفيش داعي لكلامك ده...اللي حصل مجرد خطوبه...قرشين حلوين للبرنسيسه اللي رضت تتجوز واحد متجوز... واكيد هي محتاجه علشان كده رضيت بيه.
نظر اليها شريف بحقد قائلا
=مفيش حاجه اسمها قرشين حلوين...ده هيبقي جواز ورسمي...وهنا في بيتي هيكون كتب الكتاب...والعروسه هتعيش معايا هنا...وهيبقي ليها جناح زيك بالظبط.
تنهدت ثراء بتعب ووضعت يدها علي رأسها بندم قائله
=كل ده هيتعمل علشان حته بنت لا طلعت ولا نزلت...وأنا ثراء بنت خالتك تعمل فيا كده...ليه ان شاء الله...اسمع لما أقولك...انت تشوف ليها أي شقه صغيرة تقعدها فيها وتبقي جوازة والسلام.
نظر اليها بقوة وهو يفرك رأسه باستمتاع من ذلها قائلا
=وأبعد عنك يا ثراء ...وعن ابننا...يعني أيام ما أكون هناك مع عروستي تبقي انتي لوحدك...لا مقدرش...وبعدين بلاش كلمه جوازة والسلام دي يا حبيبتي لأحسن ديما بتقلب بجد زى شهاب وغاده.
حاول ذكي استرضائه فترجاه قائلا
=طب فكر تاني يا ابني..انت عارف انها طايشه وكانت مفكراك بتهددها وخلاص...بس أهي قلبت بجد وخافت...بلاش يا ابني وحاول تعتذر للبنت.
نظرت ثراء الي والداها بحقد قائله
=انت السبب في كل اللي بيحصل معايا ده...انت علشان الفلوس بعتني له...وقعدت تقنعني أتجوزه...أهو ده نتيجه طمعك وجشعك....كنتي سبني أتجوز شهاب.
توجه اليها شريف وهو ينظر اليها باستهزاء وتعالي يضعه يده علي كتفيها يرفعها قائلا بصوت كفحيح الافعي
=مفيش شهاب...ولو كان فيه...كنتي هتبقي زوجه تانيه...لأنه كان رايح يخطب غاده يوم صباحيتنا حتي من غير ما يعرف انك اتجوزتي.ارضي بنصيبك اللي ربنا كاتبه يا ثراء وكفايه الدنيا ضحكت ليكي زمان مش هتضحك ليكي علي طول.
ابتعدت برأسها وأشاحت بوجهها الي الجانب الاخر تنظر الي الفراغ بيأس وندم.
😁😁😁😁😁😁😁😁😁😁😁😁😁😁
#غلطه_وندم بقلم #مروة_محمد
في النادي نظرت زهيرة الي فريال لكي تعطيها الشجاعه ترد علي زوجه غانم قائله
=انتي حضرتي..مش كنتي بتقولي بصيف في الساحل...ولا البيه المحترم جوزك باعتك تراقبينا...عموما زهيرة عرفت من جوزك اللي أنا كنت بخططه ليهم وخلاص اتراضينا أن سعاده ابني فوق كل شئ...أحب أعرفك بالباقي...حياة هانم مامت شريف وطبعا عارفه شريف...والتانيه تبقي حماة شريف المستقبليه عقبال اولادك يا حلوة.
نظرت اليها زيزى بدهشه قائلا
=ايه ده...مش كنتي هتجوزيه غاده وتخلصي منها...يالا خير كل حي بياخد نصيبه....مع اني شايفه شريف بيظلم نفسه أوى بقا بعد ثراء بنت الحسب والنسب ياخد بنت دي.
دلف في هذه الاثناء شريف ونظر الي زيزى نظرات من أعلي رأسها الي أسفل قدميها وهو مقبلا علي حياة وهاجر مقبلا يديهم وهو يقول
=أنا بلغت ثراء النهارده بخبر جوازى...وبلغتها كمان اننا هنعيش في نفس الفيلا...أظن حماتي كده فرحانه لأني نفذت كل شروطها...ما هو مش معقول بنت الحسب والنسب تعيش في وضع أقل من ثراء.
جاء أيضا شهاب ليصطحب فريال وزهيرة الي البيت وقام بمصافحه الجميع عدا زيزى لأنه تأكد انها زوجه والد غاده ثم نظر الي شريف ليريها أنه علي علاقه جيده به فقال بحب
=ايه يا شريف هي الجوازة الجديده بتحلي ولا ايه....ما كان من الاول....بس يالا الواحد مش بيتعلم ببلاش...مبروك عليك العروسه القمر... الا قوليلي يا ماما زهيرة مش ملاحظه حاجه
قطبت زهيرة جبينها قائله
=حاجه حاجه ايه...اهاااااا....ههههههه...يخرب عقلك يا شيبو...عروسه شريف الجديده شبه مراته...يا أخويا انت بتقع في ملكات جمال....حظك حلو.
أشارت حياة لشهاب أن يذهب الي عندها لتربت علي يده قائله
=شهاب....أنا بشكرك جدا علي أخلاقك وكرمك في التعامل معايا أنا وشريف...خصوصا بعد اللي حصل بينكم..,اتمني تحضر فرحه انت وغاده....ثم التفت نحو فريال قائله
=ومش هقبل اعتذارك يا فريال لازم تحضرى وتشوفي ذكي بعد اللي عمله فيكي زمان وهو بيحرمك من قرشين تمشي بيهم حالك.
اتسعت حدقه عين فريال قائله
=بتقولي ايه؟
ابتسمت حياة بسخريه قائله
=اللي سمعتيه...تعالي يا فريال ...هتتبسطي وهتتفاجئ وهتعرفي انك ربيتي راجل بصحيح.
ربت شهاب بيده الاخرى علي يد حياة قائلا
=طبعا هحضر....انتي ناسيه ان العروسه والدها متوفي وملهاش اخوات....وكان والدها صاحب والدي...فبالتالي لازم أكون ولي أمرها.
هنا اجتمعت المعلومات لدي غصون ابتعدت عنهم وتركتهم تتوعد اليهم بافشاء الاسرار...أما عنهم ابتسموا لبعضهم البعض تتعالي ضحكاتهم لنجاحهم في عدم ذكر اسم هاجر أو نورسين.
💪💪💪💪💪💪💪💪💪💪💪💪💪💪
#موكا_سحر_الروايات رواية #غلطه_وندم
ذهبت زيزى الي غانم وأخبرته بكل شئ سمعته في النادي والذي سرعان ما هاتف ذكي وأخبره بكل شئ ليتوجه ذكي الي ثراء بكل حنق قائلا
=عجبك كده...الموضوع طلع حقيقي...البيه هيتجوز بنت واحده صاحبه أمه ...لا وكمان أبوها صاحب جوز عمتك...لا وعمتك معاهم....
ابتسمت ثراء بسخريه قائله
=حلو أوى أنا كده اطمنت...طالما عمتي معاهم... يبقا الموضوع فاشل وبكره أفكرك... عمتي هتلعب لصالحنا...مش ضدنا أنا متأكده من كده.
شفق ذكي علي غبائها قائلا
=خليكي عايشه في وهم ان عمتك هتساعدك زى ما ساعدتك زمان...يا بنتي فوقي...عمتك اتغيرت خلاص...بقي يهمها راحه ابنها وسعادته...زى ما انا دلوقتي بدور علي سعادتك لقدام...علشان خاطرى حاولي تعملي حاجه تمنعي بيها جوازة شريف...البت اللي هيجوزها غنيه مش فقيرة زى ما احنا فاهمين.
نظرت اليه ثراء بلامبالاة وتركته وصعدت الي غرفتها لا يهمها ما سوف يحدث في الايام المقبله
🧡🧡🧡🧡🧡🧡🧡🧡🧡🧡🧡🧡🧡🧡
#مروة_محمد جروب #موكا_سحر_الروايات
بعد مرور أسبوع من الترتيبات لعقد قران شريف أخذ شهاب يحاول مع غاده اقناعها بضرورة حضور كتب الكتاب وهي ترفض تماما لا تريد أن تشاهد ثراء وهي تسقي من نفس الكأس الذي شربت منه منذ أربعه شهور ....ليله عقد القرآن طفح الكيل لدي شهاب فزفر بحنق قائلا
=استني بس يا غاده...انتي يا حبيبتي مش هتعملي حاجه انتي بس هتتفرجي عليها...زى ما هي اتفرجت عليكي وانتي بتنهارى...انا وعدتك أنتقم من كل اللي أذوكي.
نظرت اليه غاده باستغراب علي تغيير شخصيته ودوافعه للانتقام لتنهره قائله
=وعد..وعد ايه يا شهاب....وعد اني أشمت في الناس...مستحيل أشمت في حد....وبعدين احنا ساعدنا ماما حياة وساعدنا نورسين الباقي بقا هما حرين فيه.
وضع شهاب يده في جيب بنطاله قائلا بثقه
=وعدتك..اني أنتقم من ثراء..ومن أبوكي...وبعدين دي رغبه ماما حياة...لازم تحضرى يا غاده...وبعدين الموضوع كله يخص خالي أكتر ما يخص ثراء.
أخذت غاده تفكر كثيرا في الامر تتمني أن يحدث في غانم مثل ما سوف يحدث لذكي وهو التعرض للذل والندم علي تركهم لبناتهم وتفضيل الغير عليهم لتجد شهاب يضغط عليها بالموافقه قائلا
=قولتي ايه يا غاده...نورسين كمان عايزاكي...هتطمن لما تشوفك...اتفرجي عليها وحقها بيرجع واتمني ان انتي كمان ربنا يرجعلك حقك.
ظلت غاده متردده تارة توافق وتارة تغير رأيها بأخر لحظه الي أن ربت شهاب علي ظهرها قائلا
=كملي جميلك يا غاده مع ماما حياة ونورسين...وتعالي نروح مش هنخسر حاجه...وبعدين نورسين هتظهر في أخر لحظه هي ومامتها.
ردت عليه غاده بخوف قائله
=طب ما أظهر معاهم في اللحظه دي...بلاش أرجوك أبقي في المواجهه من الاول...ومش يمكن ثراء تتواقح معاك قدامي...ساعتها ممكن أفضح الدنيا.
وضع يده علي وجهها قائلا
=معايا مش هسيبك...مش معقول هسيبك تظهرى في الاخر....ولو فرضا اتواقحت..أنا هعرف أوقفها عند حدها....وكفايه عليها اللي هتشوفه.
🏃🏃🏃🏃🏃🏃🏃🏃🏃🏃🏃🏃🏃🏃
#غلطه_وندم بقلم #مروة_محمد
جاء يوم عقد القرآن وكان أصعب يوم بالنسبه لغاده فهي تكره المواجهات والمشاحنات قامت بارتداء كنزة سوداء يصل كمها الي كوع يديها وارتدت تحتها بنطالا واسعا من الشيفون الاسود وفردت شعرها لتغطي به عينيها لأنها لا تريد رؤيه أي شئ ...نظر اليها شهاب وتوجه نحوها وأخذ يرفع خصلات شعرها خلف أذنها وينفخ في عينيها بهدوء لترمش كثيرا وتنصهر بين يديه وهو يقول
=برضه هخليكي تشوفي بعينك كسرتها قدامك...مش هسمح انك تخبي عيونك الجميله دي...بس بصراحه عجبتيني انك نقيتي لون أسود..
عضت غاده علي شفتيها وارتبكت قائله
=احتارت ألبس ايه...قلت مش معقوله دي مناسبه يتلبس فيها لون مفرح...والله أنا حاسه اني راحه عزا....وكمان مش ممكن اليوم ده هيعدي علي خير.
ابتسم شهاب بحب قائلا
=غاده متخافيش...انتي محسساني ان الموضوع يخصك..انتي يا قلبي ملكيش دعوة بحاجه...انتي متفرجه وبس...اتفرجي وانبسطي...ولو حبيتي تقولي ليها كلمتين قولي ده حقك.
غاده بحنق
=شهاب وده وقت كلمتين...كان زمان وجبر...كنت بتكلم وبقول حكم...دلوقتي أنا مش عايزة أشوفها أساسا...لا في قوتها ولا في ضعفها.
تعالت ضحكات شهاب قائلا
=تمام أوعدك ان دي أخر مرة تشوفيها فيها...الا بقا لو انصلح حالها وبقت كويسه...ساعتها هنضطر نشوفها كتير...ادعيلها يا غاده انتي قلبك أبيض.
💃💃💃💃💃💃💃💃💃💃💃💃💃💃
#موكا_سحر_الروايات رواية #غلطه_وندم
تنهدت غاده وهزت رأسها باستسلام وتوجهوا الي فيلا شريف وأول ما دلفوا وجدوا ذكي يجلس واضعا يده علي وجهه ليتنحنح شهاب ويرفع ذكي رأسه قائلا بلوم وعتاب
=بقا بعد ما ربيتك واعتبرتك ابني...جاي تقف ضد بنتي...وكل ده بتنتقم منها علشان رفضتك...ما هي رجعت ليك تاني...وقعدت تبيع وتشترى فيها.
أخذ شهاب يصفر ويدندن وهو محتضنا لخصر غاده بتملك أمام ذكي الذي ندم أنه لم يعطيه ثراء يوما ما.... ليتحدث شهاب قائلا بجمود
=مين اللي باع يا خالي...مش انت...ومين اللي اشترى...أنا طبعا....بس اشتريت غاده...مش ثراء...
هبطت ثراء من فوق الدرج قائله بتعالي
=ده اللي بتحاول تفهمه لغاده يا شهاب....علشان خايف لتسيبك...بس خلاص متخافش....شريف خلاص هيتجوز....فخليك صريح حتي مع نفسك.
أخذت دقات قلب غاده تتعالي صعودا وهبوطا تنظر اليه بلوم وعتاب علي اجبارها الحضور ليبتسم اليها ويوجه حديثه الي ثراء قائلا بلهجه دبت الرعب فيها
=مش صحيح...الصحيح اني كنت مخنوق منك ومن تصرفاتك....عمرى ما كنت راسم اني أتجوز واحده زيك...بس عايزك تعرفي حاجه انك مش كويسه ولذلك لا أنا ولا شريف طايقينك.
عجزت عن الرد عليه لتنطلق غاده قائله
=مش كده وبس....يوم كتب كتابنا كله كان تمثيل عليكي علشان يحميني من جبروت أبويا اللي عرف انك هتوصلي وتبوظي الجوازة...في نفس الوقت كان معروض عليه جوازة أحسن من جوازة شهاب وكان هيجبرني عليها...يا شيخه احمدي ربنا ان أبوكي في صفك مش عمال يبيع فيكي.
رفعت ثراء يدها لتصفع غاده لولا أن شهاب أمسك يدها ينحبها أرضا بكل قوة قائلا بحقد
=لو فكرتي في يوم تاني هتعمليها هتشوفي مني وش عمرك ما شفتيه يا ثراء...كفايه أن أبوكي شايفك ومش عارف يردك ويخليكي تعدلي عن اللي في دماغك.
نكس ذكي رأسه أمامه فهو يعلم جيدا أن شهاب لديه الحق فيما يقوله عن تقصيره في تربيه ثراء
أزاحت يدها وذهبت بعيدا لتجلس بمفردها تتأكل من الغيظ تود أن تحرق الفيلا بأكملها لا تريد أن ترى نظرة الشماته في أعين أي أحد
...جلست غاده تزفر بحنق تقول له بتعب
=احنا ايه اللي خلانا نيجي...عجبك كده...قولت ليك بلاش..انت اللي أصريت..مبسوط أوى وهي عماله تحرق في نفسها وتحرقنا معاها؟
كتم شهاب ضحكاته قائلا
=متقدرش...هي نفسها الصراحه تولع في الفيلا...ويمكن تعملها...بس أنا مش خايف...عارفه ليه...لأني هموت والع في حبك...يا غاده القلب.
🌺🌺🌺🌺🌺🌺🌺🌺🌺🌺🌺🌺🌺🌺
#موكا_يحر_الروايات رواية #غلطه_وندم
لتتعالي ضحكات غاده فجأة من جراء كلماته المرحه لينظر كلا من ثراء وذكي لها باشمئزاز وكادت ثراء أن ترد عليها لولا دلوف حياة علي الكرسي المتحرك ترتدي فستانا أسود أنيق مرصع بحبات االلؤلؤ الأبيض لتتحدث بسعاده بالغه وتقول
=يااااه وأخيرا رجعت بيتي من جديد...كنت مفكرة مش هرجعه تاني...ده حتي شريف من ساعه ما نزلت مصر وهو بيتحايل عليا أرجع بيتي...بس حلفت اني مش هرجع الا لما عروسته الجديده تنوره معايا.
توجه اليها شهاب يجلس علي عقبيه يقبل يدها قائلا
=نورتي بيتك يا ماما حياة...طب كنتي شرفيني في بيتي أنا وغاده....باعتبار انك صاحبه حماتي....ولا تيجي علي الغدا وبس...عموما بيتي مفتوح ليكي اقامه وغدا وعشا.
ابتسمت حياة بحنان قائله
=شكرا يا ابن الاصول...كفايه وقفتك جمبي واحنا بنختار العروسه المناسبه لشريف ابني...عمرى ما هنسي انك حكمت عقلك وشفت الصح فين ووقفت جمب الحق.
نهض شهاب ونظر الي ذكي بجمود قائلا
=ايوة حضرتك قلتي في كلامك حاجه مهمه...اني شوفت الصح فين ووقفت جمب الحق....لأني عمرى ما هشوف حق حد بيضيع وهسيبه.
اندهش ذكي وثراء لحديثهم وعلاما يلمحون لتنظر حياة الي ثراء بحزن قائله
=اوعي تفكرى يا ثراء انه سهل عليا أعمل فيكي كده...أبدا ده صعب جدا...خصوصا بعد ما أمك وصتني عليكي...بس صعب برضه أشوفك مأخدتيش منها ولا صفه وأسيبك تدمرى الباقي فيكي.
لينظر اليها ذكي بتعالي قائلا
=هي عملت ليكي ايه يعني...أمرتي تتجوز شريف واتجوزته...بس ابنك قاسي طالع ليكي....عاملها أسوء معامله خلاها تهرب وتطلق منه.
حركت حياة الكرسي الخاص لديها الي أن وصلت الي ذكي قائله له بحقد وكره
=لا ابني كان مدلعها أخر دلع...هي اللي كفرت من ساعه ما عرفت ان غاده هتتجوز شهاب...نزلت تبوظ جوازتهم..اطلقت وهي حامل .
نظر اليها ذكي بجمود قائلا
=ماشي يا ستي هي أغنيه....وخلاص اتعاقبت ورجعت ليه وعرفت ان الله حق....لزومها ايه بقا انه يتجوز عليها...هو مش كان بيدوب فيها زمان؟
أخرجت حياة من حقيبتها المستندات الخاصه بورقه الزواج العرفي لذكي وشهاده ميلاد نورسين وأعطته اياها قائله باستهزاء
=أيوه كان بيدوب فيها...زى ما انت كنت بدوب فيها زمان وفي غيرها....بس يا ترى بعد ما تشوف الاوراق دي....هتدوب في مين يا ذكي؟
ارتجف ذكي منذ لحظه رؤيته للأوراق المطويه بين يديه لتظر غاده الي شهاب بخوف قائله
=هي مش دي الاوراق بتاعت الجواز العرفي وشهاده ميلاد نورسين...بس ليه ظهرتهم دلوقتي...كانت تستني لما تظهر نورسين وأمها.
ابتسم شهاب باقتناع أن هذا الحل الامثل وهمس الي غاده قائلا
=ده أحسن وقت...هو من اللحظه دي هيفكر....وهيستنتج ان العروسه هي نورسين...بدل ما وقت الصدمه ينكتب الكتاب وهو لسه في صدمته
انتبهت ثراء لهمهمات غاده وشهاب والي انهيار ذكي ذهبت نحوه لترى الاوراق ولكنه منعها فذهبت الي شهاب قائله بتساؤل
=شهاب ...انت تعرف حاجه عن الاوراق اللي في ايد بابا...وايه علاقه الاوراق بجوازة شريف التانيه....هو هيتجوز بنت وزير وانا مش واخده بالي.
أزاحتها غاده ووقفت في المنتصف بينها وبين شهاب كحائلا تقول
=العروسه الجديده....زيك بالظبط في الشكل ...وحتي في المستوى الاجتماعي والمادي...الفرق انها عندها أم وانتي عندك أب....ايه رأيك جوزى أبوكي لأمها وتبقوا أسرة في بعضيكم.
ابتسم شهاب وكتم ضحكاته قائلا
=اسكتي يا غاده لتضربك..ثراء قويه ومفتريه...والله أنا خايف علي العروسه الجديده....بس الشهاده لله يا ثراء لا تقل عنك في العنف...تقوليش تؤام.
أفاق ذكي من شروده فوجد ثراء تقف نحو شهاب وغاده فخشي أن تعلم حقيقه الامر فهتف قائلا
=ممكن تسيبوني مع حياة لوحدنا....في كلام كتير مرت عليه سنين ولازم يتقال...أعتقد أن الاوان...خلينا نصفي الحسابات سوا....اطلعي انتي يا ثراء أوضتك.
نظرت اليه ثراء بخوف قائله
=انت ايه اللي غيرك كده...وايه الورق اللي في ايدك ده...هو في ايه بالظبط وايه الالغاز دي... ايه علاقه الورق ده بجوازى...وبشريف؟
نظر اليها ذكي بجمود قائلا
=خلاص يا ثراء....متخافيش شريف مش هيتجوز....أنا هخلص الليله دي...بس اوعديني تهدي بقا وتفوقي لبيتك ولاولادك ولجوزك...
نظر شهاب لغاده وجدها متوتره فربت علي يدها قائلا
=متقلقيش بقا....كل حاجه هتتحل دلوقتي....هو لسه قايل أهو...هيخلص الموضوع....أرجوكي يا غاده,...أنا عارف اني غلطت اني جبتك.
اخذت تنظر اليهم ثراء ببلاهه لا تفهم شئ الكل يفهم فيما عادا هي فصرخت قائله
=أنا بنتك ولازم أعرف الورق ده في ايه....انتي مخبي عليا اي...هما ممضينك علي حاجه....ولا أنا مش بنتك.....يعني شهاب وغاده يعرفوا وأنا لا؟
نظر اليها ذكي بقوة قائلا
=ثراء ...دي حاجه متخصكيش...اللي يخصك انك تخلصي من جوازة شريف الجديده....والورق اللي معايا ده كفيل يخلصك منها.....ريحي انتي نفسك بس.
نظرت ثراء الي شهاب برجاء قائله
=شهاب....قولي انت الورق ده في ايه....أرجوك...وأنا أوعدك خلاص هشيلك وهشيل غاده من دماغي خالص.. أنا خلاص هعيش لبيتي ولجوزى ولابني بس أفهم.
ابتسم شهاب بسخريه قائلا
=بعد ايه يا ثراء...بعد ما كسرتي بخاطر غاده وكسرتي فرحتها ....تعرفي ان جرحك لسه معلم في قلبها....قلبها النضيف اللي كان مخليها ترفض تيجي النهارده.
🤩🤩🤩🤩🤩🤩🤩🤩🤩🤩🤩🤩🤩🤩
#مروة_محمد جروب #موكا_سخر_الروايات
كادت أن ترد عليه لولا دلوف شريف ومعه نورسين متبطأة ذراعه ومن خلفها والداتها ووالده شهاب لتشهق بصدمه وهي تجد شريف ينظر لها بكل قوته قائلا
=وأدي يا ستي عروستي الجديده...زيك تماما...نفس درجه الجمال...نفس درجه الحسب والنسب....بس الفرق انها عقلت....أما انتي هتفضلي طول عمرك غبيه.
صرخت ثراء باحتجاج قائله
=مش هيحصل يا شريف.....مينفعش أساسا....انت اللي غبي واختارت غلط....انتي مش عارف دي تبقي مين..وانت يا شهاب دي كانت بتساعدني أوقع بينك وبين غاده.
نظر اليها شريف باستهزاء قائلا
=محدش يقدر يقولي مينفعش أعمل ايه.. أنا حر...وبعدين كلنا عارفين الخطه الزباله بتاعتك....وده أكبر رد عليها....علشان تعرفي تمشي بمبدأ عدو عدوك صديق.
نظر اليها شهاب بقوة قائلا
=باقي بقا رأيك انت يا خالي...يا ترى هتقف في طريق شريف وتمنع الجوازة زى ما قلت من شويه....ولا نطلق ثراء منه ونجوزه نورسين.
طأطا ذكي رأسه للأسفل قائلا بذل
=أنا همنع الجوازة دي....لأنها هتكون باطله....لأن نورسين أخت ثراء....أنا كنت متجوز هاجر عرفي قبل ما أتجوز ام ثراء....ولما عرفت انها حامل جوزتها واحد كان شغال في مصنع حمايا.
انهارت ثراء أمامهم وجلست بتعب قائله
=مش ممكن مش معقول....أنا شكيت فيك وحاولت كذا مرة ألمح يمكن تقولي....لكن عمرى ما كنت أتخيل انك بالظلم ده....انت تعمل كده؟...أكيد ده كله كذب
أعطاها الاوراق التي بين يديه وقال بانكسار
=هقولك كل حاجه...زمان كنت بحب هاجر بس كانت فقيرة وأنا انسان طموح اتجوزتها مكنش ليها أهل....قلت أقضي معاها يومين ولما أزهق أسيبها عرفت انها ليها صاحبتين واحده متجوزة والتانيه لسه وأبوهم عنده بيتين ومصنع لفيت وراها زى التعبان واتجوزتها قبل فرحي عليها جت أم نورسين وقالتلي انها حامل طردتها وهددت أفضحها قدام اصحابها خافت واختفت بعدها رجعت بنورسين وقالت انها مش خايفه وهتفضحني جوزتها واحد كان شغال في مصنع جدك واندفن السر لغايه ما الراجل ده مات جت هددتني تاني قلتلها أعلي ما في خيلك اركبيه معرفش عملت ايه بس أمك تعبت بعدها وماتت وهي سكتت بس دلوقتي أنا عرفت كل ده اتفتح ليه تاني.
أخذت ثراء تهز رأسها برفض ترفض ادخال كل هذا بعقلها ليتحدث شريف بشده قائلا
=ايه مش مصدقه صح...وكنت مفكراني ان أنا اللي وحش بس..طلع أبوكي ما شاء الله جه عليكي وعلي مراته وعلي الزوجه الاولي وعلي بنته التانيه.
نظرت ثراء الي شهاب تستعطفه ليبتسم بسخريه قائلا
=أنا أسف يا ثراء...أنا ياما نصحتك...تكوني انسانه كويسه...بلاش ليا وبلاش لشريف....لنفسك علي الاقل...بس للاٍسف انتي ركبتي راسك.
نظرت ثراء الي ذكي قائله بتعب
=انت هتعمل ايه دلوقتي...هتعترف بيها ...ولا تحب أنا دلوقتي أطلب الطلاق وأخلصك من الفضيحه اللي انت عملتها زمان....ما هو أنا لازم أدفع نتيجه أخطائك.
تعالت ضحكات شريف قائلا بسخريه
=بقا أنا عامل الليله دي كلها علشان تطلقي...لا يا حبيبتي ومش حبا فيكي ...أنا عامل الليله دي مساعده مني لنورسين ووالداتها...اللي لازم أبوكي يعترف بيهم...والمأذون اللي كان هيجوزني هيجوزهم هما...وتاني يوم هتتنسب نورسين لأبوكي.
نظرت ثراء الي ذكي برجاء قائله
=هتعمل ايه يا بابا...أتمني تكون عادل وتعقل الامور...مش علشان أنا مطلقش....لا لأن ده فعلا حقهم....وكده يبقا جبت حقي أمي اللي ماتت مقهورة.
ابتسم شريف بسخريه قائلا
=لا والله....شكلي هصدقك يا ثراء وأحن عليكي....أصلا أنا كنت هتجوز ....بس أنا قلت أوقع السيد الوالد ده في الفخ...وبعدين أرتب أمورى.
نظرت اليه ثراء بلا مبالاة قائله
=انت حر....اعمل اللي تعمله...ولو عايز تطلقني علشان تتجوز نورسين...معنديش أي مانع..بس بابا يعترف بيها الاول...لاني بصراحه مش ضمناه.
رد عليها شريف بقوة وبشر قائلا
=نورسين...طب ياريت توافق...بس للأسف هي بتحب واحد تاني ومخلصه ليه....بتحسر علي حالي الكل حب واتحب ولقي الاخلاص في حبيبه....
نظرت ثراء الي حياة نظرة لوم وعتاب قائله
=وانتي يا خالتي هونت عليكي للدرجه دي...متلقتيش غير الطريقه دي اللي تاخدي حقك من بابا...بعترف اني غلطت كتير بس كان ممكن تعملي زى عمتي تحتويني وتحتوى غلطي وترديني.
ثم ابتسمت بسخريه وهي تنظر الي فريال قائله
=ولا ايه علي ايه بقا...عمتي اللي كانت بتحتويني جايه تشمت فيا.
نظرت فريال الي ثراء بحزن قائله
=أنا عمرى ما أشمت فيكي...انتي عارفه كنت بحبك قد ايه وكنت بفضلك علي اولادي...بس انتي وأبوكي كنتوا فاكرين اني مهتمه بالفلوس بس.
وبصوت يحمل في طياته الندم استطردت قائله
=وفضلت معاكي وكنت هخرب بيت ابني...لمجرد انك تبقي معاه بس لما شفت ابني ما بين الحياة والموت...افتكرت وقتها انك هتهتمي بشهاب وبمصلحته.
ثم ابتسمت بسخريه قائله
=لكن لقيت كل همك تجرحي غاده..حتي ولو علي حساب ابني...ولو هيحصله ايه فضلتي وراه وتستغلي اي فرصه عشان تفكريه حتي لو حالته هتتاخر ويضر ساعتها قارنت بينك وبين غاده هي بتعمل اي عشانه وانتي بتعملي وساعتها عرفت ان مصلحة ابني في الأول وحياته اهم وقفت قصادك ومش همني حاجه ومع ذلك قلبي هيتقطع عشانك لكن انتي مسكينه باللي في دماغك دايما يهمك مصلحتك و شايفه أن كل الناس جايه عليكي
حزنت غاده لما استمعت اليه من كلمات فريال لثراء...ونظرت صوبها نظره حزينه...نظر شهاب الي والداته نفس نظرة غاده اليها ليتوجه بأنظاره الي غاده ليجدها تبكي بكاء خفيفا ليقوم باحتضانها من خصرها ليشعرها أنه بجانبها وان تتناسي أي شئ في مقابل وجوده.
أما عن ثراء لم تتأثر بأي كلمه قالتها فريال ونظرت اليهم جميعا بسخريه
ابتسم شريف بسخريه قائلا
=حابب أقولك علي حاجه...أمي قالتلي انك ليله طلاقنا عرفتي انك حامل...ومع ذلك سابتك تفكرى...ولما صممتي هي اللي خلتني أطلقك...غير اننا عرفنا انك حاولتي تسقطي الطفل.
جحظت ثراء بعينيها وتوالت الصدمات عليها ليتبعه شهاب عندما تعالت ضحكاته قائلا
=ومش كده وبس...دي اتصلت بيا وعرفتني كل حاجه عنك وعن سبب طلاقك وعن حملك....واتفقت معايا ان أنا أمثل عليكي وأوهمك اني هتجوزك.
ليجحظ شريف بعينيه مما سمعه من شهاب عن معرفته بكل شئ
نظرت ثراء الي حياة باندهاش لما تفعله هذه المرأة وهي جالسه علي كرسي متحرك لتسمعها تقول وهي تنظر الي شريف واليها بكل ثقه
= أنا وشهاب ايد واحده يا ثراء....حتي شريف كان كل مكالماته مع شهاب كان شهاب علي علم بيها عن طريقي ....غاده بس مكنتش تعرف....وظنت ان شهاب بيكسرها بسببك.
ليتقدم منها شريف وهو ينظر الي شهاب والي براعته والي لجوئه الي والدته لكي يزيحه من أمامه حتي يستثني له الأمر والحصول علي عشيقته مهما كلفه الأمر ليشعر بحجم عقله الضئيل أمام عقل شهاب ولكن ظل شريف غير مقتنع بما تقوله حياة ليسألها قائلا
=ياااه للدرجه دي بتثقي في شهاب أكتر مني أنا
ابتسمت حياة ابتسامتها الساخرة قائله
=طبعا...شهاب راجل عاقل متزن...مش بيبص للي في ايدي غيره...كلمني في مرة وقالي...ممكن تساعديني ...قلت ليه طالما خير ...أنا معاك...وكل ده علشان نبعدك عن غاده...علشان تحرم يا شريف تبص للي في ايد غيرك.
ابتسمت ثراء بشماته قائله
=يعني مش أنا لوحدي يا شريف اللي اترمي ليا طعم.انت والسيد الوالد كمان...بس السيد الوالد اترمي ليه الطعم عن طريقي...وأهو هيدبس في جوازة كمان.
لتتقدم منها هاجر قائله بقسوة
=وانتي بلعتي الطعم...عارفه ليه لانك زيك زي أبوكي...اوعي تفكرى اني جايه النهارده طمعانه انه يتجوزني...أبدا أنا ميشرفنيش أربط اسمي باسمه...أنا بس عايزة حق بنتي.
تنهدت حياة قائله
=ده درس بسيط مننا ليكي يا ثراء...علشان تعرفي انك غلط...واتخطيتي حدودك...ولو حابه تكملي في نفس الطريق هنفضل علي طول واقفين قصادك....وانت كمان يا شريف.
انتبهت ثراء لحديث شهاب وهو يقول
=علي فكرة المواجهه الاولي كانت هتبقي في فرحي ...بس بصراحه مقدرتش أكسر قلب غاده بس للاسف عرفت قبل الفرح انك نزلتي وماما حياه كلمتني يومها وكنت مستنيكي للأسف غاده برده اتكسرت فرحتها بس للاسف مكنش قدامي اي حل
=حاجه كمان عايز أقولها...ان اللي اجل المواجهه حاجات تخص ابو غاده وانتي والمشاكل اللي كنتي بتعملها لما حسيت ان الموضوع بدا يزيد خليت ماما حياه تخلي شريف يكلم غاده عشان نخلص من الموضوع ده بس للاسف مكنتش متوقع ردة فعل غاده بالشكل ده وكتر الضغط اللي كنت فيه اني ممكن اوصل للتعب ده واقع بالشكل ده وكمان كنت مستني نزول ماما حياه عشان موضوع نورسين لازم يخلص
صدمات ومواجهات ألجمت الجميع عجزت ألسنتهم عن وصف ما يشعرون به...بدايه من ذكي الذي انتفض من ذكاء ابن شقيقته والذي كان يوما ما يلعنه وينعته بالغباء.. شريف الذي يظن أنه يتملك كل شئ في قبضته ...سقطت قبضته في عقل بشريه لا ترحم ولا تسمح لأحد أن يفكر مثلها ...أما عن غاده فكان موقفها ومشاعرها تختلف عنهم جميعا.. هي تعلم أنها وقعت في قلب رجل عاشق ولكن هذا القلب العاشق لا يقبل بأي هزة ترنحه سوى هزتها فقط...هزتها التي تدفعه للجنون والنيل من أي عين تبصر فيها بلا هواده وبلا رحمه. جعلها تحيا لحظات كانت تحت حكم عقله...لجأ الي سياسه الاسترجاع العادل...استرجع لها كل حقوقها ولكن بالعدل والعقل الرزين الحكيم.
جحظت غاده بعينيها من هول ما قاله حيث كان بيده كل خيوط اللعبه ليزيدها انبهارا واعجابا بدقه تفكيره وملاحظته القويه ...لتنظر الي فريال التي
سقط وجهها في الأرض عندما ذكر خطتها الدنيئه ضده وضد غاده.وان ابنها كان علي علم بكل تدبيراتها مع ثراء .. وهنا تذكرت يوم دعوتها اليه لتناول الغذاء والتي تناولت به معلقه فقط ولم تستكمل غذائها بحجه تعبها المفاجئ تذكرت امتغاصه عندما قال
flash back
=يعني عازماني علشان أقعد أنا وثراء لوحدنا.
هزت برأسها تنفي ذلك لتقول
=أنا تعبانه بجد وكنت هقولك بس خفت ترفض تيجي.
ليلوى شفتيه وهو تاركا لهم متوجها صوب باب المنزل يفتحه قائلا
=أنا جيت علشان حقك كأم بس...انتي كده غط..وأنا مش هقبل بالغلط عن اذنك.
back
ولكن سرعان ما ارتفع وجهها وهي تستمع الي كلمات مادحه في حق شهاب لتفتخر أنها والداته
ابتسمت نورسين بسعاده قائله
=جميلك ده يا دكتور شهاب انت وغاده وماما حياة وشريف...هفضل شايلاه علي راسي العمر كله...انتوا متعرفوش الموضوع ده كان عاملي أزمه ازاي.
ردت عليها حياة بصوت مبحوح
=أنا اللي غلطانه اني مسمعتش وصيه المرحومه اختي وعملت بيها علي طول..اخترت الهروب...كان زمان كل حاجه متغيرة دلوقتي...
هزت نورسين رأسها بامتنان قائله
=أنا حاسه بيكي يا ماما حياة....انتي مقدرتيش تعملي لماما حاجه أيامها علشان انتي كنتي مصدومه من موت أختك....يكفيني انك رجعتيلي حقي دلوقتي.
نظرت حياة الي ذكي بصرامه قائله
=أنا عايزاك بكره زى الشاطر....تثبت نسب نورسين ليك...يا اما والله العطيم هتبقي فضيحتك بجلاجل...وهشهر بيك وباسمك وسمعتك.
ابتسم شريف بخبث قائلا
=وكمان تكتبلها نص أملاكك...والله ده المفروض حتي تكتب لها كله...كفايه علي ثراء اللي هتاخده مني هي وابنها...أصل أنا ناوي محرمهاش من حاجه أبدا.
ليتحدث ذكي بجمود قائلا
=حاضر اللي تشوفه...بس سامحيني يا ثراء اني كسرت قلبك...وانتي كمان يا نورسين..وانتي يا هاجر...سامحوني كلكم يا جماعه..أنا غلطان.
ردت نورسن بشماته قائله
=ربنا اللي بيسامح...أما أنا كنت مستنيه اليوم ده...عمرى ما هنسي طردك لينا من غير لا فلوس ولا بيت...عمرى ما هنسي لما جيت أدعي عليكي أمي ضربتني بالقلم وقالتلي متدعيش علي أبوكي.
همست غاده الي شهاب قائله
=تعرف ياريتني ما جيت فعلا...انا الكل بقا صعبان عليا...لدرجه اني نسيت ظلم أبويا ليا...تفتكر أبويا ممكن يتكسر زى خالك كده...ولا هيفضل جبروت طول عمره.
ابتسم شهاب بسخريه قائلا
=أبوكي عمره ما هينكسر زى يا خالي يا غاده....ولو انكسر مش هيبقا منك...هيبقي من اولاده ومراته....انتي لو شفتيها هتتاكدي من كده.
زفرت غاده بحنق قائله
=لا وعلي ايه...ما كفايه عليا غسان وجبروته....مش عايزة أشوفها...كفايه انها كانت عملاني صفقه لرغباتها...للأسف الظلم هيفضل ورانا ورانا.
أمسكها من كفها قائلا
=محدش حد يقدر يظلمك وأنا معاكي...أوعدك ان كان النهارده دور ثراء وخالي....قريبا دور أبوكي ومرات أبوكي وأخوكي...هانت يا قلبي.
ابتسم ذكي بمرارة عقب كلمات نورسين قائلا
=كنت غبي...كنت مفكر اني كده هحافظ علي مراتي..كنت خايف لتسيبني...وانا مش هقدر أقف علي رجلي وأصرف عليكي انتي وأمك.
تدخل شهاب قائلا
=سامحي يا نورسين...ده مهما ان كان أبوكي برضه....سبب وجودك في الحياة....هو حسبها غلط...مكنش يعرف ان الرزق مكتوب مكتوب.
رفعت نورسين حاجبيها قائله
=عندك حق الرزق فعلا مكتوب...عندك أنا أهو يا والدي اتعلمت زى زى بنتك..ودلوقتي دراسات عليا..وان شاء الله ماجيستير ودكتوراة...
ابتسم ذكي بسخريه قائلا
=وده كله منين يا ست نورسين....منين يا ست هاجر.....ايه الست الوالده مش بتشتغل وكمان الهانم بنتها لبس علي أخر موضه...والراجل اللي كانت متجوزها محيلتهوش حاجه.
ابتسم شهاب قائلا
=أنا هقولك...الست حياة هي اللي كانت بتبعت ليهم الشهريه...وطبعا الست هاجر كانت رافضه....بس كنت ديما بقولها ده حقك لانها ببساطه كانت من شغل مكتبك.
صدم ذكي من هذا التصريح الجديد ليعلم أن النقص الذي كان يتم في عمله كان يأخذه شهاب ليسلمه الي والدة نورسين.......لم تكن صدمه ذكي فقط...فقد صدمت فريال هي الاخرى عندما علمت أن ابنها كان يساعد الجميع ويقطع الطرق لكي يستعيد كل ذي حق حقه...انتهي الاجتماعي العائلي وانصرف كلا الي بيته حتي ذكي رحل يجر أذيال الخيبه الي بيته..أما عن ثراء صعدت بانكسار الي غرفتها تنعي حالتها وأدخل شريف والداته الي غرفه بالطابق الاسفل لكي ترتاح واستمع اليها والي نصائحها في ضرورة التعامل مع زوجته وكيفيه احتوائها.
😂😂😂😂😂😂😂😂😂😂😂😂😂😂
#مروة_محمد #جروب _موكا_سحر_الروايات
..رحل شهاب وغاده لينظر اليها بسعاده قائلا
=كل طير رجع لعشه...واسامه هيموت...لازم بقا نفوق ليهم...ونجهز لفرحهم....وعقبالي يارب...لما تنفك عقدتي...وأدخل دنيا علي ايدك
ابتسمت غاده بمشاغبه قائله
=ليه لهو انت لسه متجوزتش ودخلت دنيا...ده احنا بقالنا خمس شهور متجوزين...وبعدين العقد دي انت اللي عملتها من الاول...مش أنا.
احتضنها شهاب قائلا
=كان لازم أعمل كده...ده اذا كان النهارده الكل صعب عليكي...كأن محدش عمل فيكي حاجه...أومال لو كنت قلت ليكي...كنتي عملتي ايه.
مطت غاده شفتيها لينظر اليها شهاب بحيرة قائلا
=غاده هسألك سؤال بس تجاوبيني بصراحه...لو جيت في يوم وقلتلك سيبيني....ومن غير ما أقولك السبب هتعملي ايه...هتسيبيني ولا هتتمسكي بيا.؟
استغربت غاده سؤاله واحتارت كيف تجيبه ليتأكد أن سؤاله صعب وهي لا تستطيع الاجابه عليه.
ولكن تفاجئ من ردة فعل منها ومباغته غير عاديه وهي تتمسك بياقه قميصه وتقربه إليها حتي استشعر مذاق شفتيها وهي تقبله كالنعامه التي تفوقت علي الطاووس لتبتعد برأسها قليلا وهي ما زالت أنفاسها تختلط بانفاسه لتقول
=مش مسموح لابن النادى أنه يبعد عن غادة القلب
💞💞💞💞💞💞💞💞💞💞💞💞💞💞
تكملة الرواية من هناااااااا
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق