رواية اسرار القلوب الفصل الاول والثاني والثالث والرابع والخامس بقلم رانيا قنديل
رواية اسرار القلوب الفصل الاول والثاني والثالث والرابع والخامس بقلم رانيا قنديل
قصر الهوارى الجميع على قدم وثاق حالة من الهرج والمرج
الجد: محمد الهواري رجل اعمال له هيبه ووقار فهو ملقب بالغول فى سوق المعمار فهو رجل عصامى انشئ الامبراطوريه للانشاء بعد تعب شاق فى العمل فهو صعيدى الاصل لكنه ترك بلده ونزل الي مصر لبناء ذاته وإسم له وبالفعل كان له شأن خاص فى مجال الاعمار يبلغ من العمر ٧٠عام له اولاده وأحفاده الجميع يحبونه ويحترمون كلمته فأسس هذا القصر بطريقه متميزة لأولاده وأحفاده فمن رأي القصر قال عنه قطعه من الجنه فهل هو فعلا قطعه من الجنه ام هذا غلاف خارجى************
الجد: إيه لسه مخلصتوش حد يعملي قهوة
أميمه: فهى زوجه صالح الإبن الأكبر لمحمد الهوارى عمرها ٤٩حنونه جدا تحب الجميع وتكن لهم الحب والمودة
صالح: زوجها اكبر محامى فى مصر يبلغ من العمر ٥٥عام يحب زوجته فهى حب عمرة الأول والأخير عندهم من الأولاد ثلاثه
حمزه: مهندس معماري عمره ٣٣عام درس في لندن وأخذ الدكتوراه وتم تعيينه فى الجامعه يعشق رياضه الملاكمه جسم رياضي جذاب ذو بشرة قمحيه شخصيه غامضه قاسي بعض الأحيان شخصيه قويه جدا لا يخضع لأحد
علي: الإبن الثانى لصالح تخرج من كليه فنون جميله قسم ديكور سنه ٢٦عام طويل وسيم جدا ذو بشرة بيضاء وعيون سمرا كحيله مثل امه اميمه
إيمان: فتاه جميله تعشق اخوتها والجميع حنونه شخصيه عمليه خريجه الجامعه الامريكيه تجيد عده لغات محجبه
نعود للجدفى طلبه للقهوة
اميمه: عمى مفيش قهوة الدكتور قال مرة واحدة وحضرتك شربت مرتين وكده الضغط هيعلى هجيبلك عصير فريش
الجد: خلاص مش عايز والله وجه عليا اليوم إللي ااقعد فيه بالبيت لأ وايه الحريم بيقولولى أعمل ايه
اميمه: لا سمح الله ي عمى حضرتك الكبير بس أنا ماشيا على تعليمات الدكتور
الجد: لأ ي بنتى انا بهزر معاكى بحب اشكلك كده ههههههههههههه
اميمه: أنا عيونى لحضرتك طيب إيه رائيك نعمل كوبيتين شاى بالنعناع ونطلع الجنينه نشربهم
الجد: ماشي ي ام حمزة تعالى نطلع الجنينه والله ي بنتى انتى مهونه عليا كتير
اميمه: حضرتك فى مقام والدى ربنا يحفظك لينا ابتسم الجد لهذة المراه المتميزة فهى تهون عليه اعباء ووجع كتير بعد تركه للعمل ذهب الجد مع زوجه ابنه صالح اللى حديقه القصر وسأل الجد عن هناء
هناء:زوجه ابنه عثمان الابن الأصغر فهو تؤام صالح يصغرة ب ثلاث دقائق عثمان يدير أعمال ابيه ف الإعمار درس إدارة أعمال عثمان رجل لايشبه اخيه صالح فهو يعشق المال والسلطه ويحب أن يكون هو صاحب الكلمه الأولى والأخيرة فهل يحدث هذا وابيه محمد بن الهوارى حيي يرزق بالطبع لا فهو يدير الشركه تحت سلطه ابيه وقرارته متزوج من ابنه عمه رأفت هناء فهو زواج تقليدى فقلبه لا يعرف إلا حب المال والسلطه
هناء: زوجه عثمان تحب زوجها جدآ ولكنه لايشعر بها فهى شخصية سلبيه هاديه الطباع محبوبه من الجميع لها من الأولاد
خالد: فهو طبيب جراح متفوق في عمله طويل عيونه زرقاء شخصيه حنونه رومانسي سنه ٣٠يحب رياضه الركض
نرمين: فتاه جميله جدآ محجبه درست إدارة أعمال سنها ٢٥شخصيه حالمه لأ تؤمن بالحب تحب الحياه العمليه شخصيه عنيده
**********
اميمه: هناء هتوصل النهارده أتصلت الصبح علشان ابعتلها السواق واطمنت على عمى رأفت وهو بخير واتحسن كتير وزمنها على وصول
الجد: والله ي بنتى من غيرك كنا هنعمل ايه مخليه بالك من الكل ومش مقصرة مع أي حد
اميمه: أنتم أهلي وماليش غيركم ربنا يخليكم ليا ي رب
اميمه: سميحه صباح الخير لسه صاحيه
سميحه: إبنه محمد الهواري سنها ٤٩حنونه تحب الجميع زوجها متوفى لها ابنتان
سندس: سنها ٢٢ تدرس هندسه فتاه جميله مطيعه حنونه بطبعها هاديه
سلسبيل: تؤام سندس تدرس تجارة شخصيه مرحه جدا لها طبع خاص بها فالجميع يعشقها وخصوصا جدها
*******************
سميحه: صباح الخير عامل ايه ي بابا النهارده
الجد** الحمدلله حببتى
سميحه** لاميمه انا صاحيه من بدرى وقولت إنك أكيد فى المطبخ بتحضري كل الأكل اللي بيحبه حمزة
اميمه: ههههههههههههه أنا جهزت كل حاجه بيحبها بس الوقت مش رادى يمشي
الجد: هانت ي بنتى كلها شويه ويوصل
اميمه: سميحه انتى فطرتى
سميحه: أه من بدرى انتى النهارده اتاخرتى بسبب سهرك فى المطبخ
اميمه: ههههههههههههه أعمل إيه الدنيا مش سيعانى أبدا أخيرا حمزة هيرجع ويستقر معانا وهيبقى كل اولادى حواليا
سميحه: ربنا يخليلك أولادك وتفرحى بيهم ي قلبي
اميمه: اللهم امين
الجد: يلا يلا خلينا ندخل زمان حمزة وعلي على وصول وما هى إلا ثوانى ودخل حمزة وعلي القصر فنظر حمزة إلى القصر نظرة حزن وقهر علي مالك ي ابنى وقفت كدة ليه
حمزة: كل حاجه زى ما هى مفيش حاجه اتغيرت
على: نفسي اعرف مالك وايه اللي بعدك عننا سافرت ودرست وكمان اشتغلت وأسست لنفسك شركه خاصه بيك ومكنتش بتنزل اجازات كنا أنا وبابا وماما وايمان بنسافرلك احكيلي إيه جواك ايه اللاسرار اللى ف قلبك
حمزة: هيجى وقت واحكيلك ولحد ما احكيلك بلاش تسالنى بس ليا عندك طلب
علي: أأمرني
حمزة: عيزك تكون دعم ليا ف قراراتى حتى لو من وجهه نظرك غلط
علي: حاضر لأنى واثق فيك وواثق إنك مش بتاخد قرار إلا لما بتكون متأكد منه ودرسه من كل النواحى ابتسم حمزة لأخيه وقال يلا بينا ندخل نظر علي لأخيه حمزة يلا ي كرومبو ربنا يستر من اللي ف دماغك ضحك حمزة على اخيه ودلف الاثنان من داخل باب القصر فراو جدهم وامهم جالسين وعمتهم سميحه
علي: ايه ده إحنا وصلنا وانتم ولا كأنكم هنا
اميمه: نظرت في اتجاه الصوت وما إن رأت أبنها حمزة إلا وبكت وحضنت أبنها الغائب وحشنى وحشنى ي نور عيون أمك
حمزة: وأنتى كمان وحشتينى ربنا يخليكى لينا ي ست الكل
حمزة: لجده ازيك ي جدو وحشنى أوى نظر الجد لحمزة نظرة حب وشوق للحفيد الغائب المتمرد على حياتهم الحفيد الذي سافر ولا يريد العودة ابدا
حمزة: جلس أمام جده وأمسك بيده وقبلها وحشنى ي جدو وارتمى ف أحضان جده فهو الأمان للجميع والحصن لهم
الجد: حضن حفيده جامد بقى ي حمزة لوله أنى تعبت مكنتش هتنزل
حمزة: أنا مرتاح كده ي جدو بس لما حضرتك قولت انزل نزلت على طول
سميحه: سيبه ي بابا عايزة اسلم عليه
حمزة: حببتى ي عمتووحشانى بس ايه الجمال ده كله
سميحه: بس ي بكاش
على: اكيد بكاش تلاقيه عايز صينيه الرقاق باللحمه اللى بتعمليها ضحك الجميع على مداعبه علي
سميحه: يعنى أنا وحشه ي علي. علي** مين قال كده وأنا ادبحه
سميحه: شوف ازاى
اميمه: بضحكه يلا ي علي اطلع وطلع شنط اخوك على فوق للاوضه بتعته
حمزة: نظر لامه ماما أنا قولت لحصرتك تجهزى الملحق اللى ف الجنينه هقعد فيه وبلغت جدو بكلام
اميمه: أنا جهزت جناح خاص بيك ي حبيبي
حمزة: علشان خاطرى ي ماما ده كان طلبي علشان افضل ف القصر
الجد: خلاص ي اميمه نفذي طلبه وبعدين هو معانا مش بعيد ي بنتى
اميمه بدموع حاضر ي عمى
حمزة: راح لامه ومسح دموعها الدموع دى ليه علشان خاطرى بلاش دموعك دى وأنا اهو كلها كام خطوة واكون عندك وحضرتك هتشوفينى معاكم على طول
اميمه: حاضر أنا عرفه دماغك كويس بعد حوالى ساعه من وصول حمزة وصل ابوة وعمه عثمان وسلمو على حمزة وجلسو يتحدثون حتى وصل خالد ونظر إلى حمزة وقال مش معقول اخيرا جري خالد على حمزة واخذه بالحضن فهم اصدقاء وأولاد عمومه
خالد: اتمنى متسافرش تانى
حمزة: إن شاء الله هفضل معاكم
عثمان: وهتعمل إيه فى شركتك اللي فى لندن
حمزة: هديرها من هنا وشركائى بيديروها وإذا احتجونى هسافر أكيد
عثمان: ربنا معاك بس كده هيبقي حمل عليك
حمزة: نظر لعمه طيب حضرتك رائيك إيه
عثمان: أنا بقول طالما أسست شركه وكبرتها حرام تدى مجهودك ويتنسب لغيرك
حمزة: متقلقش ي عمى إحنا اسسنا الشركه دى بالحب والود ومفيش معانا حد طماع لأن كل واحد عارف شغله كويس التعب والنجاح للكل مش لحد معين علشان كده الشركة في ارتقاء على طول
عثمان: امممممم
سميحه: كفايه كلام عن الشغل ويلا كله يستعد للهجوم النهارده عملين سفرة مميزة علشان حمزة صعد كل من عثمان وصالح لغرفهم ودخلت سندس وسلسبيل القصر وسلمو على الجميع
سلسبيل: حمزة هى دى عضلات ولا عامل عمليه
حمزة: لاء طبعا عضلات
سلسبيل: طيب هبقى اروح معاك النادى علشان يعكسونى
حمزة: نعم
سلسبيل: أقصد يعكسوك انتم بتفهمونى غلط ليه مفيش غير جدو حبيب قلبي اللي بيفهمنى
الجد: حبيبه قلب جدو
سندس: وأنا ي جدو مفيش غير ذئرده دى جوة قلبك
الجد: وأنتى كمان جوة القلب بس سلسبيل جوة جوة القلب
سلسبيل: الجو حر ولا ايه يالهوى عليكى نظر خالد لسندس وقال معلش بقي ده ملعب أختك وللأسف كلنا هنخسرمعاها ضحكو الجميع على مداعبات سلسبيل لجدها فهى تضفي جو من المرح والسعادة على الجميع
خالد: هى ماما لسه موصلتش ولا إيه
هناء: أنا وصلت يا حبيبي
نظر خالد لإمه ٠٠٠ خالد: حمدالله علي السلامه يا ماما ٠٠٠وحشاني وأخذ أمه بين أحضانه
هناء: إيه يا خالد دول كلهم أسبوع يا حبيبي
خالد: حتي لو يوم ربنا يخليكى لينا
هناء: إزيك يا حمزه حمدالله على السلامه يا حبيبي
حمزه: الله يسلمك يا طنط هناء
هناء: أخيراً يا حبيبي رجعت البيت نور
سلسبيل:ليه؟ البيت علي طول منور ومش بتقطع الكهرباء فيه ٠٠ضحك الجميع علي هذه الطفله
الجد: هي نرمين فين ٠٠ليه إتأخرت كده
نرمين: أنا وصلت أهوه في حاجه فاتتني ولا إيه
الجد: إتأخرتي ليه؟
نرمين: كان عندي شغل ويادوب خلصت وجيت بس الطريق زحمه قوي
نرمين: حمدالله على السلامه يا حمزه
حمزه: الله يسلمك
الجد: أنا جعان يلا جهزوا السفره
حمزه: ماما الملحق جهز عايز أغير وأخد حمام
أميمه: أه جهز
خالد: ملحق إيه اللي جهز؟
حمزه: الملحق اللي بره بتاع القصر
خالد: ليه؟ مش من قله الغرف هنا وطنط أميمه جهزتلك جناحك ليه عايز تكون بره
حمزه: أنا كده هكون مرتاح
صالح: إيه في إيه؟ مين هيكون بره
أميمه: حمزه عايز يقعد في الملحق بتاع القصر
صالح: ليه يا حمزه يا إبني
حمزه: معلش سيبني علي راحتي لو سمحت يا بابا
صالح: نظر لأبوه ينفع كده يا بابا
الجد: سيبه علي راحته يا إبني
ذهب حمزه إلي الملحق وبدأوا الجميع في إعداد المائده وتجمع الكل حول المائده
علي: إيه الوليمه دي إنتوا عازمين حد ولا إيه
سلسبيل: أه يا عم المفتح دول بيحتفلوا بيا علشان عيد ميلادي الشهر اللي بعد الجاي إيش فهمك إنت
علي: تصدقي يا سلعوه هانم كنت ناسي وضيق علي عينه : أبو شكلك
سلسبيل: عبوشكلك إنت في الأرض٠٠ بصوت بينها وبين نفسها
علي: بتبرطمي بتقولي إيه
سلسبيل: بقولك كُل أصلك خاسس وعايز تتغذي وانت عامل زي عمود النور
علي: أنا عمود نور طيب شكراً يعني أنا اللي بنور القصر٠٠٠ أهيه إعترفت علشان تتأكدوا
سلسبيل: كُل كُل يلا بس والنبي خلي بالك من الصحون أصل البعيد مفجوع ٠٠٠ضحك الكُل علي مناوشات علي وسلسبيل
الجد: يااااه أخيراً السفره كامله أحفادي وأولادي متجمعين
حمزه: السفره ناقصه يا جدو ٠٠ثم نظر الجميع لحمزه بإستغراب
الجد: مين ناقص؟! هو في حد غيرك كان مسافر !؟؟
السؤال بقي ي حلوييين،🙄🙄
مين اللي يقصده حمزه مش موجود معاهم,,,!؟؟ 🤭🤭
وهو ده سر من اسرار القلوب اللى تاعب حمزة
عايزة تعليقاتكم وآرائكم ايه
الفصل الثاني★ اسرار القلوب★
الجد: يااااه أخيراً السفره كامله أحفادي وأولادي متجمعين
حمزة:: السفرة نقصا ي جدو ثم نظر الجميع لحمزه بإستغراب
الجد: مين مين ناقص؟! هو فى حد غيرك كان مسافر
***************
حمزه:: أكيد عمى جمال ناقص فى القعده دى على السفرة فوجوده هتبقى السفرة كامله
الجد:: سرح وبان عليه الحزن ؟
عثمان:: لحمزة يريت تلزم حدودك ومتدخلش فى أى حاجه متخصكش
حمزة:: ازاى يعنى ميخصنيش مش هو بردو عمى زى حضرتك
عثمان:: حمزه انت ذوتها جامد ويريت تلزم حدودك او ترجع من مكان م جيت
نظرت اميمه لزوجها كأنها تترجاه بأن يمنع المشاده فى الكلام بين حمزة وعمه
صالح: عثمان لو سمحت يريت نحترم الأكل وأنت يا حمزه بلاش كلام على الأكل
حمزة:: حاضر ي بابا****** نظر الجد لحمزة وحدث نفسه يا ترى انت مخبي عنى إيه ي حمزة إيه إللي تعرفه وأنا معرفوش:..............؟؟
جمال: الإبن الأصغر لمحمد الهوارى درس هندسه معماريه مثل أبيه سنه ٥٠عام شخصيه متزنه يحب عائلته كثيراً حنون آخر همه جمع المال متزوج من ابنه عمه رأفت مها أخت هناء سنها ٤٠عام شخصيه قويه جميله تعشق جمال لأبعد الحدود درست كليه زراعه فهى تعشق الأرض مثل أبيها
*********************
بعد انتهائهم من الغذاء توجهه الجميع إلى الصالون وجلسو يتحدثون فقام حمزة اسمحولى استأذن أنا هروح علشان انام شويه وارتاح
الجد:: استني عيزك قبل م تنام
حمزة:: اتفضل يا جدو أنا تحت أمرك
الجد:: من بكرة أبيها عيزك تنزل الشركه مع عمك ونرمين واخوك علي لان فى مناقصات كتير بدأت تضيع من الشركه عيزك تعيد ترتيب أوراق الشركة وتعيد النظام للأحسن
عثمان:: نظام إيه إللي هيعيده. ده وبعدين حضرتك عارف إن مش كل المناقصات هترسي علي شركتنا يبقى سيادته هييجي يحتكر السوق مثلا أنا عندى اكبر مهندسين فى مصر كلها
الجد:: عثمان مش عايز معارضه أنت اخدت مكانى لفترة معينه لحد ما استرد صحتى علشان ارجع لمكانى ومتنساش أنك تخصص إدارة أعمال وأنا محتاج مهندس زى حمزة يكون في مكاانى علشان نوزن أمور الشركه لانى حاسس إن فى تلاعب من بعض الموظفين وحمزة أكيد هيكتشفها
عثمان:: تقصد ايه ي بابا حمزة هيكون المسؤل عن الشركه يعنى أنا هكون تحت سلطته؟؟
لالاء أكيد حضرتك بتهزر
الجد:: عمرى وقت الشغل اهزر أنا جد جدآ في شغلي ولحد ما أرجع مكانى حمزة هيكون المسؤل الأول من خلال مكانه
نرمين:: ازاى ي جدو بعد م بابا كان المدير للشركه ييجي حمزة ويتعدى على بابا بانهى منطق حضرتك ده يحصل
الجد:: بمنطق المصلحه ي بنتى بصي ي نرمين انتى كنتى بتشتغلي وأنا رئيسك وكنتى بتدرسي الفترة دى سمعتى عن مناقصه أنا ماخدتهاش او ضاعت منى
نرمين:: لأ كنا بنكسب اى مناقصه بس ده ميغيرش أن بابا يفضل مكانه
الجد: فى تلاعب من مهندسي ويريت تتعونى مع حمزة وعلي علشان انا مش هغير قرارى وعلشان نرجع وضع الشركه لوضعها تانى
نرمين نقدر نعمل ده كله تحت إشراف بابا من غير تغيير مكانته
الجد: انا قولت كلمتى حمزة المدير المسؤل وكمان سندس هتنزل الشركه معاكم منها تدرب ومنهاتعرف امور الشغل كويس لأن كلها سنتين وتتخرج من كليتها وأنا عيزها تكون جاهزللشغل على طول بعد التخرج
سندس: حاضر ي جدو. وأنا كنت هطلب من حضرتك أنى اتدرب على الطبيعه واهو الحمدلله جت لوحدها
سلسبيل:: وأنا ماليش ف أم الليله دى ولا أنا إيه ي جدو
الجد::متقلقيش ي قلب جدو هتنزلى معاهم وهتدربي على الحسابات فى مجال تخصصك مبسوطه ي قمر
سلسبيل:: متخلينى انا المديرالعام والله هعرف وهجبلكم اصحابي كمان يشتغلون
علي:: اهى عيلت علي آخر الزمن دى هتشتغل وتمسك الحسابات
سلسبيل:: تصدق أنت أول واحد هخصمله شهر كامل
على: ليه إن شاء الله المديرة سيادتك يختى اتهببي واطلعي نامى بدل ما انفخ فيكى اطلعك لاوضتك تنامى فيها سنتين
سلسبيل: شايف يا جدو بيعاملنى ازاى. ازاى هشتغل معاه فى مكان واحد حمزة لو سمحت اول حاجه هتعملها تحوله للتحقيق لعدم حسن السير والسلوك يمكن يتحبس يجي عشرتاشر سنه وارتاح أنا ضحك الجميع عليها وعلى عفويتها فهى فهلا روح القصر هكذا يطلق عليها جدها
حمزة: أنا هستاذن ومن بكرة هنزل الشركه بس الأول هروح للجامعه أخلص اوراق نقلي
الجد: تمام روح أنت أرتاح تصبح على خير خرج حمزة من باب القصر تحت اعين أمه وأبيه وتحت عين عمه الذي ينظر له بكره فهو سوف ياخد مكانه وسلطته التي سعى ورائهافكيف سيكون التعامل مع شخص غامض مثل حمزة فهل من الممكن الايقاع به هكذا كان عثمان يحدث نفسه
صعد الجمييع إلا عثمان ظل جالس ينظر لأبيه
الجد: مالك يا عثمان ؟! في حاجه ساكت ليه مطلعتش ليه علشان ترتاح
عثمان: معقول حضرتك شايف إن مفيش حاجه ازاي تخلي حمزة في مكاني ازاي انا مش مستوعب ومش عارف أفسر اللي حصل بإيه
الجد: اللي حصل لمصلحه الكل بص يا عثمان إنت إبني وكنت معايا علي طول وعارف نظام الشغل وإنت بنفسك كنت بتشرف مع الشغل كله ودلوقتي هتشرف عليه مع حمزه بس من خلال تخصصك وده كان لازم يحصل من وقت ما تعبت الحمل عليك كبير من بعد موت ماهر جوز أختك ٠٠٠؟
ماهر٠٠٠زوج سيمحه مهندس معماري كان من أكبر المهندسين في مصر تعرف على سميحه أثناء عمله مع أبيها محمد الهواري وتزوجها وأنجب منها سندس وسلسبيل فهو شخصية طموحه من عائله عريقه محبه للجميع من أهم صفاته الأمانه وكان مقرب جدآ لمحمد الهوارى وكان ذراعه الذي يتكأ عليه وبئر أسرار لمحمد الهوارى ف كل ما تجمع ماهر مع محمد الهواري من خلال عمله كانوا يطلقون عليهم الغيلان لسوق المعمار فكانوا يخشون ماهر بدهائه في العمل فبسبب موت ماهر تعب الجد وترك العمل لإبنه عثمان
********
تغيرت ملامح عثمان ما أن ذكر إسم ماهر وتغير لونه للإصفرار٠٠٠؟؟!!
*******
******************** ما سر تغير وجه عثمان
وايه سبب موت ماهر والسر ايه هل لعثمان يد ؟؟؟ عايزة فولو وارائكم منتظرة مقترحاتكم ايه
الفصل الثالث★ اسرار القلوب★
تغيرت ملامح عثمان ما أن ذكر إسم ماهر وتغير لونه الاصفرار......؟!
********
الجد:: يلا يا عثمان اطلع نام تصبح على خير
عثمان وإنت بخير صعدعثمان لغرفته وما أن دخل غرفته رأي هناء تجلس تحت ضوء خافت فنظر لها وتحدث انتى قعده كده ليه
هناء:: لأ أبدا كنت هقراء روايه بس حسيت بتعب
عثمان:: روايه امممممممم....!
هناء:: مالك في حاجه ولا إيه شكلك متغير
عثمان:: طبعا في بابا أدى مسؤليه الشركه لحمزة وأنا هرجع زى م كنت للادراه بس تحت إشراف المدير حمزة
هناء:: طيب كويس إنت بتتعب جامد ومبقتش بتيجي البيت كتير
عثمان:: انتى ايه كل اللي ييهمك اجى البيت وااقعد معاكى ايه القرف ده بدل متزعلى وتقوليلي أعمل إيه علشان تفضل مكانتى زى ما هي تقوليلي كلامك الفاضي ده
هناء:: أنا مبقتش عرفه مطلوب منى إيه علشان اراضيك
عثمان:: يريت تسكتي ولا ااقولك نامى نظرت هناء له بحزن وتعجبت على حياتها مع عثمان اللي كل اهتمامه السلطه وجمع المال........! مع أنه مش محتاج بس للأسف الشيطان خلاه إنسان انانى وبعيد كل البعد عن أولاده وعائلته
عثمان:: يحدث نفسه معقول بعد كل حاجه عملتها ييجى حمزة وياخد منى مكانى بس أنا مش هسكت وزى م كانت الشركه ليا هتفضل ليا بردو وهعرف ازاى أبعدحمزة.........؟؟
*************************
فى غرفه صالح جالس مع اميمه وهو سعيد بوصول إبنه حمزة
اميمه:: الحمد لله اولادى كلهم حواليا ونفسي أفرح بيهم واشوفهم مستقرين في بيوتهم
صالح:: إن شاء الله حببتى كله باوانه المهم ايمان هترجع امتى وهى هتتاخر في السفر
اميمه:: ما أنت عارف طبيعه شغلها ف الترجمه وعلى حسب المؤتمرات م يخلص هى بترجع
صالح:: ايه ده انتى هتفضلي تتكلمى عن العيال وسيبا ابوهم كده بعد يوم تعب
اميمه:: أنا ااقدر أنت حياتى كلها ي صالح يومى يبتدى بيك وينتهى بيك أنا ماليش غيرك من بعد ربنا
صالح:: لأ لأ بعد الكلمتين دول لازم احكيلك حكايه بس ايه للصبح
اميمه:: ههههههههههههه إحنا كبرنا على الكلام ده ي صالح
صالح:: مين دول اللي كبرو تعالى بس وبعد كده ابقى قولى كبرت ولا لسه فيا الرمق ضحكت اميمه على زوجها الحنون كم هى محظوظه به فبرغم عمله ومسؤلياته وغيابه لوقت كبير عن المنزل إلا أنه عمرة م قصر فى حق أولاده ولا حقوقى معاه فهو اب حنون وصديق لهم
نظرت اميمه لزوجها بكل حب بجد انا محظوظه بيك
صالح:: انتى حياتى كلها ي ايمو ذهبت اميمه لاحضان معشوقها لعالمهم الخاص الذي يلحنون هم الحانه ونغماته الخاصه بهم
********************
فى صباح اليوم التالي ذهب حمزة للقصر فوجد جده جالس فى بهو القصر ومعاه سندس وإيمان ونرمين وخالد
حمزة أنا صباح الخير عليكم جميعا
ايمان:: حمزة حبيبي حمدالله على السلامه وحشتنى مووووووت واخذت اخيها بالاحضان
حمزة :: أنا لو وحشك كنتى انتظرتينى بس يلا ملحوقه
ايمان:: أبدا والله أنت عارف شغل الترجمه وبسافر للمؤتمرات وعلى حسب م تخلص برجع بس متزعلش منى وهعوضهالك باكله بيتزا إيه رائيك....؟
حمزة:: خلاص موافق بس بيتزا بالمشروم وكمان تعملى حساب الكل علشان اسمحك
إيمان:: مستغل وغاوى تهدنى بس يلا اهو يوم تعب علشان خاطر عيونك
حمزة:: فين علي لسه نايم
سلسبيل:: وهى نزله من على السلم أكيد نايم فى حد يعتمد عليه اسالنى أنا تلاقيه نايم وش الصبح تعالى ي حمزة وأنا هروح معاك الشركه وهظبطلك الدنيا وهحطلك لمساتى
علي:: خبطها على راسها لمسه ايه اللي هتحطيها دى تكونيش فكرة نفسك زعاافه بص عليها علي :: تصدقى صح يدوب تشتغلى زعاافه واهو نشيل بيكى العنكبوت ويبقى ليكى فايده بس ي رب تسدى
سلسبيل:: إن شاء الله هسد ف وشك ببان الرحمه هو ايه ده غلس اووووف
الجد:: بس ي أولاد إيه على الصبح كل يوم نقار
سلسبيل:: هو اللى حاططنى فى راسه اعمله ايه
علي:: يالهوى احطك انتى فى راسي بس خسي الأول لأن وزنك تقيل زى دمك بصت سلسبيل علي نفسها إيه ده هو إنت شايفني تخينه إلبس نضاره
الجد:: قولت بس منك ليها ويالا كله علي الفطار
حمزه:: معلش يا جدو أنا مش بفطو ويادوب ألحق أخلص ورقي في الجامعه وبعدها أطلع علي الشركه
سلسبيل:: انا هروح معاك وصلني للكليه أهو أغيظ البنات بيك
علي:: بص عليها وقالها تافهه والله
سلسبيل:: ملكش دعوه روح إنت بس إتغذي بدل ما أنت عامل زي عمود النور المصدي
علي:: أنا عمود نور ومصدي طيب يالا اتكلي وانتي عامله زي البرص الجعان
سلسبيل:: انا برص وجعانه هههههههههههه
نرمين :: بتضحكي علي إيه يبنتي وهو مهزئك كده
سلسبيل:: أصله بيصعب عليا محتاج يتنفخ عند العجلاتي علشان يبان لا وإيه بيعايب عليا انا ههههههههههه
حمزه:: يالا وبطلي رغي اتاخرت
سلسبيل:: يالا بس والنبي احترمني قدام الجدع دهون علشان بيتريق عليا
حمزه:: سندس خلصتي تعالي معانا بالمره
سندس:: تمام بس ثواني اجيب شنطتي من فوق
ذهب الجميع لأشغالهم وجلس الجد في غرفه مكتبه يتذكر ما مر عليه في حياته وظل يفكر إيه التقصير اللي ممكن أكون عملته وايه الشرخ اللي حصل وياتري حمزه هيقدر يعمل اللي انا مقدرتش أعمله٠٠ظل يحدث نفسه محمد الهواري كثيرا ويعيد حساباته في المجهول اللي هو نفسه لا يعلمه٠٠٠؟!!
السؤال ٠٠يا تري إيه المجهول وإيه اللي هيعالجه حمزه ؛؛؛آرائكم ومقترحاتكم!!
البارت الرابع★ اسرار القلوب★
انتهى حمزه من اجراءت أوراقه داخل الجامعه وذهب فى طريقه إلى الشركة فهل حمزة ذاهب إلى ادراه شركه ام معركه مع المجهول فهل هو مستعد لهذه الخطوة من المواجهه وهل عليه خوض معركه ومحاربه من ام يصلح م يقدر عليه ويترك ابواب الماضي مغلقه.......؟؟
********************
وصل حمزه الى مقر الشركه فوقف يتطلع عليها وعلى م اسسه جده من عمل فنظر له رجال الأمن حضرتك واقف هنا ليه
حمزة:: مكتب عثمان محمد الهوارى الدور الكام
رجال الأمن:: حضرتك عندك ميعاد
حمزة:: بلغه إن حمزة صالح الهوارى وصل
رجال الأمن:: اتفضل حضرتك عثمان بيه سايب خبر بوصول حضرتك الدور السادس الانسانسير على يمين حضرتك
حمزة::متشكر جدا
صعد حمزة إلي مكتب عمه عثمان وسأل السكرتيرة فى حد عند عثمان بيه
السكرتيرة هدى :: حضرتك عندك ميعاد؟؟؟
حمزة:: بلغيه بأن حمزةصالح الهوارى برة
هدى:: اتفضل حضرتك هو فى انتظارك من بدرى دخل إلى المكتب وما أن دخل فراي نرمين جالسه أمام مكتب أبيها.........!!!
حمزة:: انتى قعده ليه هنا مش عندك شغل
نرمين:: أكيد عندى شغل وحضرتك لسه واصل لأنى منتظرة سيادتك علشان ابتدى أعرفك على الموظفين بجميع اقسامهم
حمزة:: افتكر فى سكرتيرة للشغل ده ولما أحتاج منك حاجه هبعتلك وكمان هجهز لاجتماع علشان ابتدى أعرف إيه طبيعه الشغل وطريقه سير العمل إيه
نرمين:: إنت فاكر نفسك مين وازى بتتكلم معايا كده لازم تفهم أن من اختصاصي أنى افهم المدير الجديد خطه العمل يعنى مش منتظرة سيادتك علشان العب
حمزة:: بتجاهل منه نظر إلى عمه وسأله أنا مكتبي هيكون فين .......؟؟
عثمان:: أكيد مكتبك هيكون مكانى هنا....... مكانى على كرسي محمد الهواري.....
حمزة:: تمام تقدر حضرتك تتفضل على مكتبك ويريت تشرحلى إيه المشاريع المقامه حالياً ومين المهندسين المشرفين عليها.....؟
وأنتى يا نرمين جهزى لاجتماع لجميع المهندسين ورؤساء الأقسام معاكى ساعه وكمان تجهزى كل العقود والمناقصات وعايز شرح تفصيلي للإدارة وطبعاً هيكون معاكى عمى عثمان فى التجهيزات دى
حمزة:: تقدر ي عمى تتفضل على مكتبك علشان أشوف شغلي وكمان يا دوب تلحقو تظبطو للاجتماع
نظر عثمان لحمزة معقول هيخلينى اسيب المكتب.....؟؟
قام عثمان بكل كرة وغل لحمزة على عجرفته ورأي فيه عناد ماهر وشموخ ابيه الذي لا يهاب أحد فى العمل بس حمزة إنسان غامض قليل الكلام فكيف يعرف م يجول ف خاطرة........؟!
تحرك عثمان لخارج المكتب فى حاله توهان مع ابنته نرمين
نرمين:: بابا ليه حضرتك سبت المكتب لحمزة مع أنه يقدر يدير امور الشركة من أى مكتب.....!
عثمان:: افتكرت لما ااقوله خد مكانى هيرفض لكن للأسف حمزة بيخلف كل توقعاتى
نرمين:: وحضرتك هترجع لمكتبك القديم ....؟؟
عثمان :: اه بس مش هطول ي حببتى حمزة اصغر من انه يدير مؤسسه ذي دى كبيرة عليه اخره يكون كبير مهندسين مش مدير..........؟!
نرمين:: بابا حضرتك ساكت ليه أنا بكلم حضرتك عثمان اهااااا لاء ابدا حببتى يلا نروح على مكاتبنا علشان الإجتماع
***********************
دخل علي: لمكتب حمزة واعطى له بعض الملفات
حمزة:: إيه ده....؟؟!
علي:: دى ملفات بالمشاريع الاحدث والملف ده خاص بالمهندسين لقسم الديكور الخاص بيا
حمزة:: اوك تمام وبدأ حمزة يطلع على الملفات بكل دقه ونظر إلي أخيه وسأله القسم ده مين أسسه واختار المهندسين اللى بيشتغلو فيه
علي:: القسم ده أنا إللي اسسته واخترت معظم المهندسين والحمدلله أثبتوا مكانهم ومهارتهم فى الشغل بس إذا ليك أي ملاحظات بلغنى ......؟
حمزة:: لاء بالعكس شغلك دقيق جدآ بكل احترافيه
علي:: أعتبر دى شهاده منك للقسم بتاعى
حمزة :: أه طبعا وعن جدارة بس الشغل الصعب هيبتدى وأتمنى تكون مستعد معايا....؟
علي:: متقلقش أكيد هكون معاك وفى الخدمه ديما
حمزة:: أنا متاكد واه فى إجتماع حاليا لرؤساء الاقسام
علي:: اوك تمام الساعه كام الاجتماع
حمزة:: كمان ساعه وعيزك تكون جاهز معايا
طرق على باب المكتب
حمزة:: اتفضل دخلت هدى ومعاها بعض الملفات لحمزةووضعتهم على المكتب فى اى خدمه تانى ي حمزة بيه...؟
حمزة:: ايه الملفات دي...؟؟!!
هدى:: الملفات دى بلغتني بيها الانسه نرمين علشان تشوفها قبل الاجتماع
حمزة:: تمام أول ما الإجتماع يجهز والكل يتجمع بلغينى ويريت مفيش أى اعزار لأى حد من رؤساء الأقسام تمام.....؟
هدى:: تمام حضرتك......
وما هى إلا ثوانى ودخلت سلسبيل وسندس لمكتب حمزة
حمزة:: أهلا أهلا متاخرتوش فى الكليه
سندس خرجنا بدري مفيش محاضرات مهمه
سلسبيل:: مكتبي فين مستعجله على الشغل أنا ...
علي:: مكتب مرة واحدة روحي يا ماما علي الأرشيف هتبتدي شغل منه....؟؟
سلسبيل:: حمزة معقول أنا سلسبيل ماهر هشتغل في الأرشيف......!!!!!
حمزة:: أه علشان تبتدى تتعرفي على كل الملفات وتدرسيها وترتبيها بطريقه سلسه لأن نظام الشركه هيحصل فيه تغيير والأساس طبعاً هيكون من الارشيف وإذا نجحتى فيه هتترقي امممممم إيه رائيك......؟
سلسبيل:: اقنعتنى ي حموزة...
حمزة:: بوجه متجهم وغاضب سلسبيل الهزار يكون في البيت هنا شغل وبس سمعه....
سندس:: بزعل واحراج أنا متاسفه فنظر له أخيه بنظرة عتاب على أسلوبه مع سلسبيل فهى لم تقصد الإساءة
على:: بعد م رأي الدموع فى عيون سلسبيل يلا يا هانم وراكي شغل وهم م يتلم
وبالفعل خرجت سلسبيل فى اتجاهها إلي الارشيف
سلسبيل:: وقفت أمام مكتب حمزة هو فين الأرشيف ده ......؟؟
على:: خبطها على كتفها واقفه كده ليه
سلسبيل:: مش عرفه الأرشيف ده فين فى مغارة على بابا دى...؟
علي:: بطلى لاماضه وتعالي ورايا.........
***********************
سندس:: ممكن اعرف انا هشتغل إيه....؟
حمزة:: فى اجتماع حاليا بعد الإجتماع هقولك طبيعه شغلك ايه
سندس:: اوك تمام
سلسبيل:: هو فين الأرشيف ده أنت مودينى فين
علي:: هوديكى فين يختى غير الأرشيف والله أنا حاسس أنك هتغرقي فى شبر مايه
سلسبيل:: والنبي أسكت بلا شبر بلا صباع
علي:: أهو الأرشيف وده هيكون مكتبك وعيزك تجهزيلي الملفات إللي في الورقه دى وتطلعيهم لغرفه الاجتماع.......معاكى ساعه اوك
سلسبيل:: انت عطينى ورقه جهازك مش ورقه تطلب فيها ملفات إيه العريضه دى.....!!
علي:: كنت متأكد إنك فاشله يلا يختى روحي علي البيت وسيبي الشغل لناسه
سلسبيل:: دبدبت على الأرض ونفخت اوووووف إيه ده هو ده الشغل لا والله ده شغل بلطجه ....
علي:: ههههههههههههه ابعتلك السكرتيرة تساعد معاكى ولا تقدرى لوحدك
سلسبيل:: يلا يلا ورايا شغل ومتعطلنيش .... أبتسم علي لبرائه سلسبيل وخرج من الأرشيف متجه إلى مكتبه
****************
علي :: توجه إلي الأمن وتحدث معهم عن أمن الشركه وإن فى تغيير هيحصل ونظام جديد
*******************
ذهب حمزه إلي مكتب أخيه علي
علي:: حمزة عندى في مكتبي خير
حمزة:: جهزت اللى قولتلك عليه عايز اطمن إن كل حاجه هتمشي بطريقتى .....؟؟
على::متقلقش كل حاجه هتتنفز زى ما طلبتها
حمزة:: تمام مش عايز حد يعرف بالموضوع ده نهائي وهيبقي بينى وبينك تمام.........؟؟
علي:: حاضر محدش هيعرف حاجه بس يريت تفهمنى أنا على الأقل أنا مش عارف ايه اللى يخليك تعمل كده
حمزة:: كله باوانه هيجى الوقت إللي هقولك فيه بس خليك في ديما معايا متخليش ضهري للهوا .....؟
علي:: أكيد أنا معاك فى ضهرك لأنى واثق فيك......
حمزة:: تمام كده ويلا سلام اشوفك في الإجتماع **
*******************
دخل حمزة لمكتبه فراي نرمين جالسه أمام مكتبه
حمزة:: خير ي نرمين فى حاجه
نرمين:: الملفات دى لازم تشوفها قبل الاجتماع وكمان لازم توقع على الملفين دول علشان فى الإجتماع فى مناقشه عن المشروع المكلف من الوزارة لينا
حمزة:: اوك تمام الواضح إنك بتحبي شغلك ومهتمه بيه
نرمين:: اكيد لأنه أول اهتماماتى وده كيانى اللى باسسه بشغلى إللي بحبه عن أذنك فاضل نص ساعه على الإجتماع حاول تاخد فكرة عن الملفات ......
خرجت نرمين متجهه إلى مكتبها فرأت والدها جالس على مكتبه سرحان وجهه غاضب
نرمين:: بابا......لا رد
نرمين:: بااااااابا عثمان إيه فى ايه بتصوتى كده ليه
نرمين بتكلم مع حضرتك وأنت سرحان خير مالك ي حبيبي
عثمان:: فاضل ايه على الإجتماع
نرمين:: نص ساعه...........؟؟
عثمان:: البشمهندس مدحت وصل وعرفتيه بالاجتماع
نرمين:: اه بلغته بس معرفش إذا وصل ولا لاء بس لو وصل كان جه لحضرتك على طول
عثمان:: تمام يبقى هو على وصول بس اتصلي عليه عيزة قبل الإجتماع ضرورى مفهوم
نرمين:: بإستغراب خير ي بابا حضرتك عيزة في إيه
عثمان:: انتى بتسالى كتير ليه نفزى وبس .......
***************
بعد مرور دقيقه دخل المهندس مدحت فهو كبير المهندسين لشركه الهوارى والذراع الايمن لعثمان فى الشركه
عثمان:: اخيرا وصلت إيه التاخير ده
مدحت :: كنت فى موقع العمل م حضرتك عندك فكره
عثمان :: نرمين اتفضلي انتى علي مكتبك وابعتيلي لما الإجتماع يبدأ
نرمين:: بتعجب وترفع أكتافها اوك تمام
نظر عثمان لمدحت..............
عثمان:: طبعا أنت عرفت أن حمزة بقى مدير الشركه وأنا رجعت لمكانى تانى هنا
مدحت:: اامرنى وأنا هنفز علي طول
عثمان:: وده عشمى فيك بعد الإجتماع لينا قعده سوا
مدحت وأنا تحت أمرك ومن ايدك دى لايدك دى .....؟؟
*************************
فى غرفه الإجتماعات إجتمع جميع المدراء للاقسام وبداء حمزة فى التعريف عن نفسه وصفته إيه فى الشركه وعن إدارة الشركه بمعايير مختلفه وإن النظام سوف يطبق من اليوم نظر الجميع لبعضهم بدون فهم ونظرو لعثمان
عثمان:: حمزة يريت توضح اكتر طريقه شغلك للرؤساء وازاى هتدير الشركه بمنظومه جديده
حمزة:: اكيد طبعا هوضح كل حاجه وبداء بالفعل بشرح طبيعه العمل واخذ حوالى نصف ساعه للشرح
فانبهر الجميع باسلوبه والدقه فى نظام العمل تمتم بعض الرؤساء بصوت هامس فعلا يشبه جده فى شغله بس شكله مش هيين
عثمان:: يحدث نفسه وبانبهار بأسلوب حمزة فى إدارته الجديده للعمل ااااه لو تتعاون معايا وتكون تحت رئاستى كنا هنكون ثنائي فى السوق ضخم .......بس للأسف اخدت منى كل حاجه؟
********
حمزة:: علي فين الملفات إللي طلبتها منك
علي:: اها ونظر خلفه فلم يري سلسبيل
علي:: أنا عارف إنها لخمه ومش هتعرف تعمل حاجه
حمزة:: إيه ي علي فين الملفات....؟
سلسبيل:: الملفات اهى حضرتك ووضعتها أمام حمزة
سلسبيل:: أنا رتبتها باولويتها
حمزة:: تمام وتعالى ااقعدى هنا بجوار سندس جلست سلسبيل تستمع اللي م يدور فى غرفه الإجتماع وعلى اسلوب حمزة ودقته
مدحت:: بهمس لأحد المهندسين مين البنتين دول اللي قعدين هناك دول.....؟
الاخر...... دول تقريبا موظفين تحت التمرين .....؟
مدحت :: معقول دول حاجه متوصفتش ايه الجمال ده
علي:: وقد سمع حديث م/ مدحت فنظر له ونظر لبنات عمته
علي:: همس ف اذن مدحت يريت تخليك ف شغلك وركز فيه وملكش دعوة بمين قااعد ومين واقف مفهوم......!!!
مدحت:: بابتسامه حد يشوف الجمال وميقولش وبعدين أنت زعلان ليه.......!!!
علي:: بوجه غاضب الواضح انك غاوى مشاكل معايا
مدحت:: أنت عايز تعمل مشكله من مفيش ......
حمزة :: وقد اخذ باله من علي ومدحت وبصوت جهورى الإجتماع خلص ويريت اثناء العمل يكون حديثنا عن العمل وبس مفهوم يبشمهندس
مدحت:: من مفهوم ونظر لحمزة إيه ده هو بيتكلم ويسمع ف نفس الوقت.......؟؟
وبدأ الجميع في النهوض بعد فض الإجتماع
***************
انتهى اليوم الأول فى العمل وذهب الجميع إلي القصر وما إن دخلو راو الجد جالس في انتظارهم وهو سعيد جدآ باحفاده فهذة هى عائلته وهذا هو ادخارة على مدى السنوات
جلس حمزة بجوار جده وبدأ يحدثه عن كيفيه إدارة الشركة باسلوب ونمط جديد سعد الجد من اسلوب ادارة حمزة فوجه نظرة لابنه عثمان إيه رئيك ي عثمان....؟؟
عثمان:: نظام جديد بس ممكن ياخر سير العمل لأن حمزة متشدد فاسلوبه من اول يوم طبعا التغيير محتاج وقت بس حمزة مستعجل وعلى العموم أنا موجود إذا احتجنى....
عثمان:: أنا طالع اريح شويه لحد ما الغدا يجهز عن اذنكم
**********
حمزة:: نظر لاخيه وهمس في أذنه ايه الأخبار
علي:: كله تمام متقلقش كل اللي أنت أمرت بيه. هيتنفز وانا بنفسي اللي هعمله............واعتبرة اتنفز......؟؟؟
،***********************
سؤالنا للحلوين ايه اللي هيتفز واللي طلبه حمزة من علي؟؟
وايه اللي عمه عثمان هيطلبه من مدحت؟
*******
البارت الخامس* اسرار القلوب*
حمزة:: نظر لأخيه وهمس فى أذنه إيه الاخبار
علي:: كله تمام متقلقش كل إللي أمرت بيه هيتنفز وأنا بنفسي إللي هعمله........واعتبرة اتنفز........؟؟؟
**********************
حمزة:: كده تمام ومن بكرة هتكون في الأرشيف مع سلسبيل تنظم كل الملفات لأن فى ملفات أنا هحتجها بس هى قديمه
علي:: ودى هتعمل بيها إيه دي مشاريع واتسلمت يعنى خلاص مش هتفيدك بشئ....!!
حمزة:: كل حاجه فى وقتها هتعرفها متستعجلش
علي:: أنا مش مستعجل ولا حاجه وعموما بكرة هنزل الارشيف مع سلسبيل اهو بالمرة أحرق دمها هههههههههه
حمزة:: مفيش فايده منك أنت وهى نفسي يوم يعدى عليكم من غير جر شكل لبعضكم
علي :: بذمتك ينفع اسيبها كده من غير ما انرفزها حتى وحش عليا
حمزة:: خلينا ف المهم تاخد وقت أد إيه أنت وسلسبيل فى ترتيب الملفات
علي:: حقيقي مش عارف بس مبدئياً هقول شهر
حمزة:: هما كمان أسبوعين وأنت مش مطلوب منك أى شغل تانى غير الأرشيف اليومين دول ولأنك منسق فى قسمك للديكور بطريقه سلسه ف الشغل عندك مفيش منه قلق
على:: تمام حاضر الواضح إنك مرتب امورك كويس علي التنفيذ
حمزة:: يلا قوم ارتاح وانا كمان همشي انام شويه ..
اميمه:: هتروح فين الغدا جهز ي حبيبي
حمزة:: والله تعبان ومش ليا نفس للاكل هبقي اتعشي معاكم إن شاء الله....
اميمه:: مستحيل طبعاً لازم تتغدى أنت أصلا مفطرتش
علي:: اخلص روح غير لبسك وتعالى اتغدى الأوامر صدرت بضرورة غداك
حمزة:: أبتسم لامه حااضر هقوم اغير وارجع تانى يلا سلام
خرج حمزة من باب القصر فراي سلسبيل جالسه على حافه حمام السباحه ويبدو عليها الحزن تقدم منها حمزة وسألها مالك ي سلسبيل
سلسبيل:: ............ لا رد
حمزة:: إذا مش حبه أنى أكلمك أنا همشي.....؟؟
سلسبيل:: نظرت لحمزة بحزن أنت زعقتلى جامد وبهدلتنى أوي وكملت يومك عادى ولا كأنك عملت حاجه وكمان لما مش برد عليك مستعجل ومش طايق تصالحنى
حمزة:: أبتسم على جمال ورقه قلب سلسبيل وعفويتها وحبها للكل
حمزة:: طيب يا ستى انا اسف ومش هزعلك تانى بس انتى كمان توعدينى متقوليش حموزة دى تانى اثناء العمل مش بحب الهزار وقت الشغل امممممممم تمام كده......
سلسبيل:: بتفكير وهى واضعه اديها على رأسها طيب موافقه بس هدلعك وقت البريك أنت صحبي واخويا الكبير وأنا بحب ادلعك أنت وجدى عندى حاجه تانيه خلاص ي حموزة بقي بالله عليك م تكسفني
حمزة:: بابتسامه جميله خلاص دلعينى بس بينى وبينك وأحنا ف المكتب قدام الموظفين مفيش دلع فى شغل وبس تمام
سلسبيل:: والنبي أنت عسل ومفيش منك والنعمه
ضحك حمزة:: طيب يلا ادخلى علشان الغدا جهز
سلسبيل:: ايه ده وأنت مش هتتغدى
حمزة:: لأ هتغدى بس هغير لبسي واحصلك
سلسبيل:: اوكيشن ي أجمل حموزة ف الدنيا دى كلها
*********************
بعد مرور خمسة أيام على أبطالنا بدون أحداث مهمه
حمزة:: علي أنت فين
علي هكون فين يعنى فى الوعكه إللي سيادتك مقعدنى فيها أنا مهندس ديكور أرتب ملفات
سلسبيل:: جالسه بجوارة والنبي اشتغل بلا مهندسين بلا فراش اهو اشتغل علشان تحلل فلوسك بدل م انتى قاعد على مكتب مكيف وتدى أوامر اهو اشتغل بجد اهو...
على ي بت انتى هو أنا واكل منابك وقفالى على الكلمه كده ليه
حمزة :: بصوت عالى عليييييييييي .......
علي:: ايوة معاك فى إيه
حمزة:: بطل منك ليها اسلوب كلامكم ده بجد حاجه تنرفز
علي:: أنت طالبنى علشان تقولى الكلمتين دول.....؟؟
حمزة:: أنا طالبك عايز أعرف وصلتم لفين تحت في الأرشيف
علي:: بصراحه صعبب اوي يا اللي أنت من عايزة يخلص ف أسبوعين ده أنا وسلسبيل وعم رزق ويا دوب رتبنا رف واحد ف قسم الإنشاءات وبجد تعبنا وبصراحه أنت متحددش مهله إحنا بنشتغل اهو ومش عطيين لنفسنا راحه
حمزة:: تمام خلاص المهم تعالى عيزك في مكتبي حالا
***************************
مدحت:: عثمان بيه الوضع ده هيستمر كتير أنا مش عارف اشوف شغلي
عثمان:: لاء مش هيستمر كتير أنا بس سيبه لما أعرف آخرة إيه علشان أعرف هتعامل معاه ازاى
مدحت:: سيبه ازاى ده ممكن يعرف بشغلنا التانى ودى لوحدها مصيبه ......؟؟
عثمان:: مفتكرش يعرف حاجه أنا مظبط كل حاجه متقلقش........
مدحت:: خلاص طالما انت مطمن يبقى أنا مش قلقان..... عن أذنك أروح أشوف شغلي
عثمان:: اتفضل واى جديد بلغنى بيه على طول
مدحت :: أكيد طبعاً يلا سلام
خرج مدحت من مكتب عثمان متجه إلي الانسانسير ونزل الي الأرشيف فراي سلسبيل منهمكه فى عملها ومنظمه جداً
مدحت:: آنسه سلسبيل .......نظرت له افندم مين حضرتك.......؟؟
مدحت:: أنا البشمهندش مدحت كبير المهندسين بالشركة هنا فحبيت أتعرف عليكى......
سلسبيل:: وأنا موظفه جديده بالارشيف ذي م حضرتك شايف.....!!!
مدحت:: اه واخد بالى أنك موظفه جديده وجميله اوي أنا مشفتش جمال زيك قبل كده
سلسبيل:: لو سمحت ي بشمهندس الزم حدودك معايا ويريت تسبنى اخلص شغلي لأنى مش فاضيه
مدحت:: ااااه طبعا أنا مش هعطلك بس هو ممكن نشرب شاى مع بعض وقت البريك .......؟؟
وأثناء حديثهم دخل علي ونظر لمدحت ولسلسبيل نظرة ملتهبه لو أراد لاشتعل. المكان بما فيه
علي:: فى حاجه ي بشمهندس........؟؟
مدحت:: بتوتر من نظرات علي له لاء أبدا بس أنا نزلت بالغلط للأرشيف فقولت اتعرف على الموظفين الجدد
علي :: هنا مكان شغل مش للتعارف ويريت تطلع مكتبك وتشوف شغلك وتلزم حدودك من هنا ورايح.....!!!
مدحت:: هو حضرتك زعلان أوى كده ليه ولا أنت الموزة دى تلزمك......!!
علي :: مسك مدحت من تلابيب قميصه ولكنه فى وجهه عده لكمات حتى تدفق الدم من انفه وفمه
على:: أطلع على مكتبك ولازم تعرف إن الانسه دى تبقى صحبه مكان دى سلسبيل ماهر حسن يعنى تقدر تطلعك برة الشركه دى كلها فتلزم حدودك وتعرف مكانك ي ......... . محترم..!!!!!
مدحت:: نظر سلسبيل بتمعن بقى دى بنت ماهر حدث نفسه نظر مرة اخرى لعلي : أنا متاسف
علي:: لخص يومك واتفضل علي مكتبك نظر مدحت لهم وتوعد لعلي بأنه سوف يرد له الصاع إثنان
سلسبيل:: والله أنا معملتش حاجه أنا لقيته داخل وبيتكلم معايا ......!!!!
علي:: أنا عارف إن أم الشغل ده ليكى كان غلط من الأساس
سلسبيل:: وهو أنا عملت ايه بس هو بيسالنى وأنا رديت بمنتهى الادب وهو متعداش معايا فى الكلام
علي:: بصوت جهورى تحبي ابعتله واجيبلكم كوبيتين شاي ولا اييييييه.........؟؟؟
سلسبيل:: بدموع أنا معملتش حاجه أنت بتتكلم ليه كده معايا وصوتك عالى اوى...
علي :: شوفى ردك انتى الأول وبعدين حسبينى على صوتى ويلا اتفضلي خلصي شغلك خلينا نغور ونروح
سلسبيل:: بصوت باكى حاضر.....
علي:: انتى قاعده كده ليه على الأرض مش قاعده ليه على مكتبك
سلسبيل:: ظهرى وجعنى فقولت ااقعد ف الأرض لأنى برتاح اكتر وبعدين إيه مزعلك كمان من قعدتى.....!!!!
على:: لا اله الا الله خلصي في أم يومك ده معانا ساعه ونروح ولازم نرتب اخر رف فى القسم ده
سلسبيل :: حاضر ادينى بشتغل اهو وكمان عم رزق غايب بقاله يومين
علي :: طيب يلا وأنا ادينى موجود وبساعد
سلسبيل:: بتافف اوووووف أنت مش بتشتغل معايا أنت بتحرق دمى
علي:: سمعتك وبصى أنا هقعد على المكتب أتفرج لحد م تخلصي علشان تبقى تردى عليا تانى
سلسبيل:: فى سرها طبعا تقعد وتتامر عليا لأ وكمان هيتفرج اووووف ايه برميل الغلاسه ده ي ساتر
علي:: يلا انجزى وفضل علي يتطلع إليها وهى منكبه على الأرض لترتيب الملفات وهو مبتسم
علي:: اتاخرى كده خلينا نخلص علشان حمزة عايز الملفات دى بكرة..............
سلسبيل:: اتفضل المكان واسع ولا تحب اطلعلك الملفات لعندك على المكتب.......؟؟ اصلي أنا السكرتيرة إللي حبوها لمعاليك
علي:: اتاخرى وأحمدى ربنا أنى هسعدك وكلمه ذياده انتى حرة
سلسبيل:: هو أنا اتكلمت ولا هو جر شكل عبو شكلك
**************
وبعد الإنتهاء من العمل ذهب علي مع سلسبيل إللي القصر
سلسبيل:: بقولك ايه ي علي م تيجى نتغدى بيتزا
علي:: ولما نروح هنقولهم ايه انتى عرفه القوانين مفيش اكل برة البيت نهائي
سلسبيل:: والنبي ناكل بيتزا واحده ولما نروح نبقي ناكل بسيط معاهم
علي:: والله لو جدك عرف هيعلقك ويعلقنى معاكى دى اوامرة يختى
سلسبيل:: اوووف خلاص مش عايزة
علي :: امممممممم طيب تعالى نجيب بيتزا واحده ونكمل تانى لما نروح ولما نشوف هتاكلى تانى ازاى
سلسبيل:: ناكل بس الاول وبعد م نروح يحلها ربنا إن شاء الله
علي:: تمام يلا ودخلو هما الإثنان للاكل فى مطعم البيتزا
علي:: انتى بتاكلى كتير بيتزا صح
سلسبيل:: أه بموت فيها ومقدرش م اكلش بيتزا
على:: طيب كلي يختى ويلا لحسن نتاخر لحسن جدك يعلقنا
سلسبيل:: ابو خوفك ده
علي::بتقولي إيه مش سمعك
سلسبيل::تؤتؤ مش بقول حاجه وكل يلا علشان نلحق الغدا معاهم
علي:: ايه ده انتى هتاكلي تانى لما تروحى
سلسبيل:: أه طبعا أنت عايز طنط اميمه تزعل مني مستحيل
ابتسم علي وهز رأسه والله قاعد مع طفله ي خواتى
سلسبيل:: أنا مش طفله أنا كبيرة وخلاص هتخرج السنه دى من كليتى يعنى اانا كبيرة ومتقوليش طفله دى تانى
علي:: طيب يا كبيرة خلصي خلينا نروح
سلسبيل:: هما ليه شيفنى طفله مع أنى خلاص هتخرج من الكليه هو ايه ده اوووووف **
********************
بعد وصول الجميع للقصر وأثناء جلوسهم على مائده الطعام
الجد:: ايه أخبار الشركه ي حمزة وايه آخر التطورات
حمزة:: كله تمام إن شاء الله بعد ما اطبق النظام الجديد لسير العمل هبلغ حضرتك بكل خطوة في الشركه
نرمين:: بس أنت ي حمزة شادت على جامد علي الموظفين دول تقريباً بيخافو ياخدو نفس لحسن يتجازو......؟؟ يريت تخف شويه عليهم
حمزة:: بدون إهتمام لكلام نرمين وجهه كلامه لعمه عثمان حضرتك يا عمى هتطلع معايا بكرة لمواقع العمل وهنباشر الشغل سوا مع بعض
عثمان:: إيه الرضا ده كله أخيراً هيبقي ليا دور في الشركه بعد العمر ده كله
حمزة:: ليه حضرتك بتقول كده الشركه من غير مجهوداتك كانت صعب أنها هتتقدم بس للأسف حضرتك ممكن تكون وثقت في إنسان مش قد المسؤلية
نظر عثمان لحمزة تقصد إيه حمزة مقصدش حاجه طبعا أصل شغل الإعمار والإسكان مينفعش نثق فى أى حد أى كان لازم مباشرة مننا للشغل
عثمان :: اهوو بعد م شعري م شاب لسه هتعلم منك
حمزة:: العفو ي عمى أنا محتاج خبرتك في الشغل ومقدرش اتحرك من غيرك طبعاً
عثمان:: تمام أنا موجود وقت م تحتجنى........
نرمين:: بعيون ملتهبه من الغيظ افتكر ي بشمهندس لما أكلمك من الاحترام أنك ترد عليا وبلاش تتجاهل كلامى
حمزة:: وهو ينظر إليها لما يبقى كلامك مش من خلال تخصصك يبقى آسف ملكيش عندى رد لكن فى مجالك أكيد هاخد كلامك وادرسه والمناسب هعمله من لمصلحه الشركه......
الجد:: حمزة كلامه سليم ويريت تطبقوو النظام الجديد للشركه لأنه هيسهل عليكم كتير اوى
ويلا قومو ارتاحو شويه
فذهب كل واحد إلي غرفته كى يستريح
صالح:: اميمه بتعملي إيه
اميمه:: ولا حاجه بس مبسوطه اوي لثقه عمى لحمزة
وتحس أن حمزة يشبه عمى كتير فى إدارة شغله علشان كده مش بيراجعه في أى قرار صح ولا أنت شايف غير كده..........؟؟
صالح:: والله مش عارف بس إللي شايفه إن عثمان مقهور علشان بابا ادي لحمزة المركز الاول في الشركه وأنتى عرفه إن عثمان من زمان بيحلم بالمنصب ده وكان بيزعل لما بابا كان بيفضل ماهر الله يرحمه عليه ويخليه يدير الشغل أثناء غيابه
اميمه:: غريب أوى كلامك ده مع العلم أنك عارف إن عم مش بيحط غير اولويات الشغل الأول وبيحط كل واحد كل واحد في مكانه الصحيح علشان سير العمل
وماهر الله يرحمه كان مهندس معماري وشريك عمى
يعنى طبيعى جدا فى غياب عمى كان ماهر إللي يدير الشركه .......
وكمان عمى لما طلب حمزة طلبه علشان هو مهندس معماري وكمان أحوال الشركه فى النازل وده اللي خلي عمى بعت لحمزة يعنى واضحه اوي نفسي أعرف أنت قلقان ليه ........؟؟
صالح:: ابتسم لزوجته وملس على شعرها واخذاها في أحضانه وهو يفكر ربنا يستر من اللي جاي قلبي مقبوض وظل يحدث نفسه وهو فى حاله من التيهه
صالح :: اميمه يعنى انتى مش حاسه إن بابا بيعاند عثمان .......اميمه لاء طبعا عمى عمرة م فكر بالطريقه دى هو أحتاج لحمزة علشان هو مهندس معماري علشان لاسواء الظروف يكون ملم بكل أمور الشركه......
نظر صالح لزوجته وابتسم لها انتى فهمه الكل كده ازاى فعلاً معاكى حق أنا حسيت للحظه إن بابا بيعاند عثمان وكنت قلقان على علاقه حمزة بعمه
اميمه :: ابنى عاقل طول عمرة وعمرة م هينحى عمه أبدا واديك شايف النهارده هو بنفسه بيقرب لعمه وبياخد مشورته فى الشغل وإلا حمزة مكنش نجح برة فى لندن وشركته كمان نجحت
صالح:: تعالي هنا انتى مش ناسيه حاجه ولا الكلام عن حمزة نساكي جوزك
اميمه:: ههههههههههههه أنا عمرى م انسي حبيبي أبدا
صالح :: طيب ي ستى ومستنيه ايه ي ام حمزة تعالي لما تحكيلي حدوته النهارده وإذا معجبتنيش هتحكيلي غيرها
اميمه:: بضحكه جميله لزوجها إحنا كبرنا خلاص على الكلام ده وعيزين نجوز الاولاد ونشوف احفادنا
صالح :: طيب شوفينى أنا الأول وبعدين نشوف حكايه العيال دى بعدين فأخذها صالح بين احضانه فهى المؤي له بعد يوم شاق بالعمل فهى الوحيده القادرة علي ازاله همومه من أعباء الحياه وهى ملاذه بعد يوم مرهق من العمل فهذة هى الحياه الجميله بين الزوج وزوجته مبنيه على أساس التعاون وحمل الأعباء سويا فما اجملها حياه
*********************
عثمان:: كان جالس شارد في ذلك الحوار بأن حمزة يمدح فيه فهل بعد هذا العمر والعمل الشاق والعمل الشاق كل يميزنى بعض كلمات المديح ......... . ؟؟؟
*******************
سؤالنا لليكم ي ترى كلام حمزة هيرضي غرور عمه.....؟؟
تكملة الرواية من هناااااااا
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله الجزء الاول من هناااااااااا
الرواية كامله الجزء الثاني من هناااااااااا
مجمع الروايات الكامله اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق