رواية اسرار القلوب الفصل السادس والسابع والثامن والتاسع والعاشر بقلم رانيا قنديل
رواية اسرار القلوب الفصل السادس والسابع والثامن والتاسع والعاشر بقلم رانيا قنديل
البارت السادس★ اسرار القلوب★
عثمان::كان جالس شارد في ذلك الحوار بأن حمزة يمدح فيه فهل بعد هذا العمر والعمل الشاق كل م يميزني بعض كلمات المديح...........؟؟
*****************************
هناء:: عثمان مالك سرحان في إيه.....؟
عثمان:: ضحك ونظر إليها يعنى لو حكيتلك هتفدينى...!!!
هناء:: حاول مش يمكن اخيب ظنك وااقدر افيدك يريت تتكلم معايا وتشاركنى همومك ...
عثمان:: قومى نامى وملكيش دعوة بيا ولا سرحان في إيه ويريت لو أمكن عايز منك شاي
هناء:: بحزن حاضر نزلت هناء كى تعد الشاي لزوجها الذي دائماً وأبدا لا يشعر بها ولا مدي احتياجها للحديث معه واثناء نزولها رآها خالد
خالد:: القمر بتاعى رايح فين......
هناء:: ابتسمت لابنها نزله أعمل شاي لبابا....
خالد:: امممممممم الله بقي هنزل أنا وهعملكم اتنين شاي بالنعناع إنما إيه ضحكت هناء خليك ي حبيبي هعملك أنا مع بابا شاي
خالد:: والله أبدا اطلعي حضرتك وأنا هعمل الشاي يلا خدمه خمس نجوم ي ست ماما علشان تعرفي إن وراكى رجاله ليها فى في المطبخ
هناء:: ههههههههههههه نظرت لابنها الحنون فهو من يهون عليها كثيراً من جفاء والده مع العلم إن هناء لم تشتكي يوما لأي أحد من سوء معامله عثمان لها
هناء:: طيب ي حبيبي أنا هطلع ومستنيه الشاي بس يريت من غير عمليه جراحيه لحسن أنت بتقلب كيان المطبخ
خالد:: مش كفايه إني هدخل الملعب ده واعملكم الشاي
هناء:: ماشي ربنا يستر.....
دخل خالد إلى المطبخ ونظر حوله ي نهار مالوش معالم هو الشاي والسكر فين طيب هدور فين والله أنا مش عارف ده مطبخ ولا ملعب كورة وقف ينظر يمينه ويسارة ولا يدرى من أين يبتدى رحله البحث عن الشاي
سندس:: مساء الخير
خالد :: نظر خلفه مساء النور مساء الخير والفل والياسمين فينك من زمان
سندس:: فينى ومن زمان مالك ي خالد إنت عيان أنا كنت لسه معاك على العشا
خالد:: والنبي ماخدتش بالي إلا قوليلي انتى بتعملي إيه هنا
سندس:: هعمل نسكافيه علشان بذاكر
خالد:: لاء انتى تعملي شاي بالنعناع وتزودى الكوبيات
سندس:: لاء مش هشرب شاي عايزة نسكافيه علشان اصحصح للمذاكرة
خالد:: اشربي شاي هيروقك جامد وبيعلي التركيز جامد أنا دكتور وعارف
سندس:: بنظره كلها حيره وتعجب خالد أنت عايز شاي
خالد:: بصراحه اه وماما كانت نازله تعمل شاي ليها ولبابا وانا قولتلها اطلعي وانا هعمله واطلعه فوق وزي ما انتي شايفه حاسس في الملعب ده٠٠٠ضحكت سندس علي الإبن العاشق لامه لانه بين الحين والآخر يريد أن يهون عليها جفاء والده لها فالكل علي علم بسوء معامله عثمان ابيه لامه بالرغم من عدم شكوتها لأحد
سندس:: خلاص انا هعمل الشاي وانت ارتاح
خالد:: لا لا انا هنا راشق لازم تعرفيني فين مكان الشاي
سندس:: ههههههههههههه حاضر تعالي وبدأت سندس في إعداد الشاي اتفضل ٣ كوبايات شاي بالنعناع واطلع بسرعه لانك اتاخرت
خالد:: شكراً يا سندس والله كنتي هتحتاسي من غيري هونت عليكي الوقت
سندس:: تصدق اه اطلع اطلع يلا احسن الشاي يبرد
صعد خالد وطرق علي الباب فأذنت لها امه فأعطاها الشاي فرأي والده جالس في الشرفه وأمه جالسه علي كرسي بالغرفه نظر خالد لامه احلي شاي لاجمل وأعظم ام في الدنيا ابتسمت له شكراً يا اعظم دكتور في الدنيا
خالد:: تصبحي على خير
هناء:: وانت من اهل الخير
نزل خالد وهو سارح في امه فكل ما ينظر إليها لا يريد الا الحزن في عينيها
سندس:: خالد٠٠٠ لا رد
سندس:: خااااالد ٠٠٠
خالد:: نعم في إيه
سندس:: انت نزلت تاني ليه عايز حاجه تاني غير الشاي
خالد:: لا انا قولت انزل الجنينه شويه اتمشي انتي وراكي حاجه
سندس:: لا كنت هراجع علي حاجات في الشغل بس خلاص أجلتها
خالد:تحبي تتمشي معايا
سندس: اه يا ريت ٠٠٠خرج خالد مع سندس للجنينه
سندس لخالد : إذا حابب انك تتكلم اتكلم اوقات كتير الكلام بيريح وممكن كمان لو في مشكله مع الكلام بتلاقي الحل
خالد: تفتكري ؟!
سندس: جرب مش هتخسر حاجه وهتلاقيني بئر لاسرارك
ابتسم خالد وقالها: كلامك صحيح بس مش عارف ابتدي منين
سندس: اتكلم وأبدأ من اكتر حاجه تعباك
خالد: امي يا سندس وحزنها وقعرها من معامله بابا وتجاهلها ليها وهي عمرها لا اشتكت ولا حاولت تتكلم ونفسي اساعدها بس عمري ما هقدر اعوض مكان بابا حتي نرمين كل اهتمامها الشغل وبس وبابا كل اهتماماته السلطه واداره الشغل وازاي يكون مسيطر علي كل حاجه أنا بييجي عليا وقت بكره الشغل ده وارجع اقول هظلم الشغل ليه ناس كتير بتشتغل وعمرها ما بتقصر في حقوق بيوتها
نظر إلي سندس ايه يا سندس سكتي ليه؟ ياريت يكون عندك حل اقدر اسعد بيه امي واكسر الحواجز اللي بينها وبين بابا
سندس: بصت لخالد ونظرت إليه نظره طويله وعميقه٠٠يااااااه انا معرفش انك حساس كده دايما شايفاك مشغول في شغلك ومأخدتش بالي انك واخد بالك من حزن طنط هناء
خالد: ليه؟ هو انتي كنتي واخده بالك من امي
سندس: الحاجات دي صعب تتداري يا خالد لأن لغه العيون بتتقري من غير ما حد يقول علي وجعها وطنط هناء دايما عنيها حزينه وكلنا شايفين تجاهل خالي عثمان ليها
نظر خالد لسندس : يعني ايه مش فاهم العيون ليها لغه! اول مره اعرف
سندس: لغه العيون اصدق لغه من نظره واحده تقدر تعرف صدق الكلام من الشخص اللي بيتكلم معاك وطنط علي طول معانا وشايفين حزنها وحاسين بيها بس متقلقش كلنا بنحب طنط هناء وبنحاول نضحكها وننسيها شويه بس للأسف علاج طنط هناء عند خالي اللي دايما مشغول عن البيت وعنها
خالد: طيب والعمل ايه من وجهه نظرك !؟ ضحكت سندس ضحكه بصوت عالي ٠٠٠للحظه سرح بها خالد علي مدي جمال وسحر سندس كإنه اول مرة يشوفها ويشوف رقتها وحسها المرهف
سندس: الوووو٠٠٠ ايه روحت فين
خالد: ايه هروح فين ما انا قاعد اهوه ٠٠٠ضحكت سندس عليه طيب يلا قوم نام انت عندك مستشفي الصبح ولا مش عندك عمليات بكره
خالد: لا عندي اكيد
سندس: تمام يلا تصبح على خير وأه في حاجه مهمه عايزه اقولك عليها
خالد: اتفضلي ٠٠٠
سندس: المفروض كلنا نحاول نعوض طنط هناء ونسعدها باهتمامنا بيها ونحاول علي قد ما نقدر منخليهاش تقعد كتير لوحدها علشان ميأثرش عليها بالسلب والوحيدة اللي بتهتم بيها طنط اميمه ودايما بتحاول تخرجها من مودها بس بصراحه الحمل كبير علي طنط اميمه لأنها واخده بالها من الكل من ماما وطنط هناء وجدو بس للاسف الكل مشغول مع نفسه دي مشكلتنا هنا في القصر الجميل ده اللي ياخد العقل من جماله الخارجي لكن مترابط أسري للاسف مفيش ف الجمال الخارجي بهت لان مفيش جمال داخلي
خالد: معاكي حق طيب ايه رأيك نكمل بكره ونشوف ازاي نحقق الترابط الأسري ده يمكن نقدر نعمل حاجه للبيت وللعيله دي
سندس: وانا معاك من بكره في نفس الوقت يلا يمكن مخربها
ضحك خالد وقالها: طيب ماشي نتقابل بكره
*********
في صباح يوم جديد ذهب الجميع لأشغالهم
في مكتب حمزة دخل أخيه علي : حمزه أنا وسلسبيل خلصنا ترتيب الملفات إللي نفسي اعرف أنت عايز ايه من ملفات قديمه للشركه
حمزه: لو سمحت يا علي جهزلي الملفات دى وعايزها هنا علي مكتبي وخلي سندس وسلسبيل هما اللي يطلعوهم
علي: سندس عندها كليه وهتيجي متأخر انهارده
حمزه: طيب تبعتها مع سلسبيل
علي: حاضر
هدي السكرتيره: حمزه بيه عندك معاد حالا مع حازم بيه صاحب شركه الاخوه للانشاء
حمزه: تمام دخليه المكتب كمان ٥ دقائق
ثواني ودخلت سلسبيل لمكتب حمزة ومعاها الملفات المطلوبه وطلب منها حمزه الجلوس أمامه علي تربيزه الإجتماعات والعمل عليها فاستجابت له علي الفور وبدأت العمل
حمزه: رن جرس المكتب : هدي دخلي حازم بيه
هدي: تمام يا فندم
دخل حازم للمكتب فهو شاب مكافح عمل وأسس عمله مع إخوته بالتعاون فهو ذو خلق جميل
حمزه : اتفضل ٠٠٠
جلس حازم ونظر إلي حمزه: حضرتك تبقي مين ؛؛؛ انا اسف لاني اعرف ان المدير التنفيذي عثمان بيه
حمزه: لا في تغيير حاليا في الاداره وانا بقيت المدير التنفيذي وضع عثمان بيه كان مؤقت
حازم: انا تحت امر حضرتك ٠٠٠حضرتك اتصلت وعطتني معاد لمقابله حضرتك
حمزه: اولا انا بشكرك جدا لان انا اللي عايزك وانت لبيت طلبي وجيت ٠٠٠ابتسم حازم وقاله: ولا يهمك اتفضل قول اللي انت عايزه وبدأ حمزه يتحدث معه في أنه بدأ عمل جديد وأنه بيختار أكفأ الشركات في البلد
حمزه: انا شوفت ليك كام عمل ونفسي نتعاون مع بعض وده لما عرفت انك عرضت انك تدمج شركتك معانا
حازم : فعلا بس عمك رفض
حمزه: تمام النظام الجديد للشركه في اختياراتي هيكون بأولويات الكفائه واذا في نيتك موضوع دمج شركتك بشركتنا يبقي هشرح لحضرتك الشغل ازاي
حازم: وانا موافق واتمني نتعامل مع بعض
وبدأ حمزه يشرح لحازم كيفيه العمل وطبيعته وما أن تنتهي حمزه مع حازم الإجتماع الا وتحدثت سلسبيل
سلسبيل: حمزه ممكن تيجي ثواني تحدثت دون أن تشعر بوجود حازم مع حمزه في مكتبه وما أن التفتت فرات حازم جالس
سلسبيل: واووو ايه ده هو في كده اليوومين دول ف حازم طويل القامه ذو بشره بيضاء وعيون كحيله واسعه يطلق لحيه خفيفه زادته جمال وجاذبيه
حمزه: سلسبيل بنت عمتي وبتدرب هنا في الشركه في قسم الحسابات
حمزه: وده حازم مهندس معماري وان شاء الله اذا وافق هيكون بيننا شغل كتير
سلسبيل: أهلا بحضرتك
حازم: أهلا وسهلا٠٠٠ طيب استأذن أنا وخلينا علي تليفون
حمزه: اوك تمام بس ياريت ترد عليا في اسرع وقت سواء بالرفض أو القبول
حازم: اكيد بس زي ما حضرتك عارف لازم استشير اخواتي
حمزه: وانا في الانتظار ٠٠٠ انصرف حازم ف نظر حمزه إلي سلسبيل السرحانه علي باب المكتب
حمزه: ايه روحتي فين
سلسبيل: روحت مع الحليوه دهون يالهوي دي امه كانت بتاكل ايه وهي حامل فيه
حمزه: بتقولي إيه يا سلسبيل
سلسبيل: هاا ولا حاجه تعالي لما اوريك حاجه في الملفات دى ومش عرفه اوصلها غير إن فى تلاعب أو غلط غير مقصود بس الملفات دى قديمه أوي لمشاريع قديمة جدا
حمزة: هاتي الملفات دى انتى دونتي فيها ملاحظاتك
سلسبيل،: أه دونتها كلها
حمزة: تمام اتفضلي كملي باقي الملفات
سلسبيل: بهمس يخربيت كده إيه ده مبيتعبش يالهوي أنا مش حاسه بضهري والموظفين كلهم هيفرقعو منه
حمزة: بتبرطمي تقولي إيه
سلسبيل: ولا حاجه بقول اجيب باقي الأرشيف دلوقتى واخلصه لسيادتك
حمزة: اوك تمام كملي ويبقي برافو عليكى
سلسبيل: فى سرها والنعمه ده اهبل هى طنط اميمه العسوله دى كانت بترضعه غلاسه ولا تقل دم ي يالهوي عليا وعلي سنينى وذهبت إلي الطاوله لتكمل م بدأته
***********************
نرمين: بابا الوضع ده هيستمر لامتى بجد حمزة قلب كيان الشركه لدرجه أنى مبقتش أعرف أعمل حاجه غير لما ارجعله وبعدين الموظفين تعبو بجد من تغيير السيستم
عثمان: طيب وأنا مطلوب مني إيه جدك عايز كده وربنا يستر والشركه دى متدمرش بسبب حمزة وده إللي متاكد منه
نرمين: الشركه تقع........؟؟ إزاي ممكن حضرتك تفهمني
عثمان: الأستاذ حمزة بعت للمهندس حازم وبيعرض عليه أنه يشتغل معانا وكمان ممكن يدمج الشركتين مع بعض هيجيب شركاء ليكم
نرمين: هو جدى ممكن يوافق على الكلام ده
عثمان: بكل خبث لابنته مش عارف بس أنتي تقدرى تتكلمى مع جدك وتوضحيله إللي بيحصل لأنى إذا اتكلمت أنا هيقول انى مش عجبنى قراراه حمزة وانى بآخر سير العمل علشان حمزة اخد مكانى
نرمين معاك حق لازم جدى يعرف ويعمل كنترول لحمزة لأن المفروض قبل اى قرار ياخد رأينا كلنا فقراراته دى
عثمان: معاكى حق ي بنتى ويريت عينك تكون علي كل تصرفاته وتبلغينى بيها علشان أي غلط ألحق أتصرف قبل م يغرق الشركه
نرمين: حاضر ي بابا متقلقش عينى هتكون عليه
عثمان يريت تكونى ذي ظله عايز اعرف كل خطوة ليه
نرمين: بإستغراب ليه ده كله ي بابا هو حقيقي بيغير نظام الشركه بس مستحيل يكون بيسعى انه يدمرها معقول .........؟؟
البارت السابع★ اسرار القلوب★
نرمين: بإستغراب ليه ده كله ي بابا هو حقيقي بيغير نظام الشركه بس مستحيل يكون بيسعى انه يدمرها معقول .........؟؟
*******************************
عثمان: انتى إللي بتقولي كده ما انتى لسه بتشتكي من تصرفاته معاكى ومع الموظفين وقراراته اللي بياخدها لوحده يعنى بيلغى الكل
نرمين: اسفه ي بابا معاك حق مش لازم أنسي أسلوبه ومعملته معانا مستحيل....؟
ذهبت نرمين لمكتبها وبدأت تضع الخطه اللي هتكون فيها كظل حمزة فهى للأسف معتقده أنه بيهدم الشركه على حسب كلام ابيها عثمان.....
عثمان: مدحت عملت ايه مدحت متقلقش كل حاجه تمام كلها أسبوع وهترجع مكتبك وحمزة يرجع لندن ده إذا متقبضش عليه ودخل السجن.......؟؟
عثمان: سجن إيه لأ أنا عايزة يسافر هربان من هنا علشان أضمن أنه ميرجعش تانى أبدا....
مدحت: أنا تحت أمرك اللي تأمر بيه.....
عثمان: يريت تكون نفزت إللي قولتلك عليه بالضبط
مدحت: متقلقش من الناحيه دى أبدا وخصوصا أنه هو بنفسه إللي هيوقع نفسه بنفسه وهيبان للكل مدى إهماله وأنه غير مؤتمن على حياه الناس
عثمان: تمام كده علشان يتعلم إزاي ياخد مكانى وكمان بابا يتأكد أن الشركة معايا هتكون فى أمان
ياله من عم متسلط يحب نفسه وذاته فقط فالشيطان اعماه ونسيا من هو حمزة فهو إبن أخيه بثمابه إبنه فكيف لاب ياذي من هو من دمه فهل سينجح فى تدمير حمزة وتشويه صورته أمام الجميع والمجتمع أم القدر له رأي آخر وهل حمزة قادر علي التصدى لالاعيب عمه وهل يعرف بنوياه السيئه................. ؟؟؟؟
********************
دخلت نرمين إلي مكتبها وهى تتذكر كلام أبيها فعقدت العزم علي الحديث مع جدها حول م يدور من سير العمل وخصوصا إن فى مناقصه مهمه جدآ للشركه فهى معتقده إن حمزة غير جدير بإدارة الشركه وغير كفئ فغادرت مكتبها متجهه إلى القصر للحديث مع جدها.......؟؟؟
***************
علي: سلسبيل إحنا كده خلصنا شغل الأرشيف وفي ملفات حمزة طلب مراجعتها مني من خلال كشف حساب مفصل وخلي سندس تراجع فيها التصاميم الهندسية
علي: نفسي أعرف اهميه الملفات القديمه دى كلها لحمزة....؟؟
ونفسي أعرف إيه فى دماغ حمزة وليه مش عايز يقولي.........!!!!!
فعلا حمزة بالنسبالي غامض ومش عارف ااقر افكار وبيخيب كل ظنونى من تصرفاته ......!!!
سلسبيل: الوووووو. ايه سرحان في إيه...
علي: اها ولا حاجه ويلا انتى كمان لما نشوف سيادتك هتروحي فين فى الشركه ....؟
سلسبيل: اروح فين يعنى إيه مش فهمه
علي: ي نابغه مش خلصتى شغلك في الأرشيف يعنى هنشوف هنحطك فين تانى.......
سلسبيل: تحطونى ليه حد قالك أنى الباسكت هتحطونى في أي مكان ولا إيه أنا ي أبنى هترقي حمزة وعدنى
على: نظر إليها وقرب منها جامد
سلسبيل: تراجعت للخلف إيه أنت بتقرب كده ليه
علي: شمشم فيها وقال افففففف وأنا ااقول إيه الريحه دى.........
سلسبيل: بتشم نفسها إنت بتكلمنى أنا وبتشمني أنا.......؟؟
علي: اه مش انتي شغلتك بقت باسكت يع يلا قرفتينى ابو الفاظك
سلسبيل: والله إنك مستفز ده تعبير أو كنايه عن كلامك ي متأخر وبعدين أتعلم ازاي تتكلم مع الجنس اللطيف بزوء متبقاش دبش ....
علي: خبطها على راسها يلا ي ماما انجزى خلينا نشوف هنحط الريحه دى فين ااقصد هنودي الباسكت فين ههههههههههههه
سلسبيل: ربعت اديها أمام صدرها بتزمر من سخافه واستخفاف علي بها
سلسبيل: بقولك تعالى هنا عايزة أسألك على حاجه
علي: افندم اسالى.....؟
سلسبيل: إيه صله القرابه إللي بينى وبينك
على: بص عليها وقالها صله قرابه واضحه انتى الباسكت وأنا اللى برمى فيكى الزباله ههههههههههههه
وضحك عليها لانه انتصر عليها فى اغضابها دبدبت هى على الأرض والله لاوريك ي علي والله م ههنيك على قعده إن مضحكت عليك الكل مبقاش أنا سلسبيل
على: اتكلمى على قدك ويلا انجزى قدامى خلينا نشوف هتشتغلى فين........سلسبيل يلا يلا خلينى ارتاح منك
********************
عند عثمان دخل عليه المهندس مدحت وجلس أمام مكتبه وقال لعثمان دلوقتى كنت عايز اكلمك فى موضوع مهم ودة لازم يتوضح دلوقتى.......!!
عثمان: موضوع إيه ده إحنا خلصنا كل حاجه
مدحت: لاء أنت بتضمن مكانك ورجوعك لمنصبك وأنا على طول بساعدك فى كل أمورك علشان توصل للمكانه دى .........!!!!
عثمان: إيه الجديد أنت بتعمل كل حاجه بمقابل يعنى مش لوجه الله
مدحت: اعزرني لازم أضمن حقي معاك ومش حق مادى تؤتؤتؤ هيكون حق من نوع تانى .......؟؟
عثمان: بدون فهم لهذا الثعلب القابع أمامه وعن اى حق يتحدث فهو يأخذ من كل صفقة الربع من المال
عثمان: يريت تدخل فى الموضوع على طول مش عايز حد ياخد باله أنك قريب منى فى الشركه ومتنساش إن حمزة مش سهل
مدحت: وعلشان حمزة مش سهل واللعب معاه صعب اصعب من اللعب مع الغول محمد الهواري والدك حمزة خبيث ومتعرفش هو بيفكر ف إيه ......؟؟
عثمان: أنجز وخلصنى عايز إيه وايه طلباتك.....؟
مدحت: طالما وفقت أنى أطلب منك يبقى في الوقت المناسب هقولك على طلبي بس مش دلوقتى..............؟؟؟
عثمان: بدون فهم بس خلى بالك أنت هتطلب وإذا معجبنيش طلبك مستحيل هوافق عليه ......؟
ضحك مدحت من الناحيه دى متقلقش هتوافق وهتوافق جدآ يلا سلام خرج مدحت تحت أنظار عثمان المتعجب لتصرفات مدحت وتحت تساؤلات هيكون عايز مني ايه وايه طلبه. ........؟؟عثمان مش مهم المهم ارجع لمكانتى لإدارة الشركه
ي تري ايه طلب مدحت وهل حب السلطه والمال سوف يجعل عثمان يتنازل عن ماذا........؟؟؟؟؟
************
يريت تشركونى ف ارائكم ايه طلب مدحت وعثمان ممكن يتنازل عن ايه ؟؟
البارت الثامن★ اسرار القلوب★
رجعت نرمين إلي القصر طنط اميمه إزيك وحشتينى
اميمه: بس ي بكاشه انتى الشغل اخدك مننا للأسف مبقتيش تقعدى معانا ذي زمان
نرمين: سمحينى ي قمرى بس الشركه اليومين دول عليها ضغط جامد ولازم نتابع وكمان ابنك عامل فينا عمايل مش عرفين ناخد نفسنا....
اميمه: ربنا معاكم ي حببتى وبعدين انتى قدها وقدود
نرمين: ي رب ي ميمو بس الشغل ده مش مجهودى لوحدى ده مجهود جماعي بس حقيقي الشركه محتاجه لجدو ......
اميمه: إن شاء الله الشركه بيكم هتعلي تانى وكمان جدك متبعكم حببتى فمتقلقيش.... وبعدين تعالى هنا انتى سايبا الشركه والشغل علشان تيجى تتكلمى عن الشغل هنا.....ومسكتها اميمه من ودنها ايه مش بتشبعى أبدا من الشغل ....!
ضحكت نرمين خلاص ي قمرى مفيش كلام عن الشغل
هناء: إيه ده نرمين انتى رجعتى بدرى يعنى انتى تعبانه ولا حاجه.......؟
نرمين: إيه يا ماما حتى حضرتك مستغربه رجوعي طيب ارجع للشركه تانى ولا إيه ي جدعان..
ص
ضحكت هناء واميمه هناء : لاء بس اتخضيض لما لقيتك راجعه بدرى خفت لتكونى تعبانه ولافيكى حاجه
نرمين: لاء مش تعبانه ولا حاجه وكمان معندييش شغل مهم فقولت ارجع أريح وااقعد معاكم
هناء: طيب يا قلب ماما اطلعي غيري وانزلي تحبي تشربي حاجه ...؟
نرمين: أه يريت فنجان قهوه من إيدك ي ست الكل
هناء: حاضر ي قلبي........
وصعدت نرمين تحت أنظار هناء واميمه المتعجبين من رجوعها من العمل باكراً
اميمه: لهناء تعالي نعمل القهوة ونطلع الجنينه نقعد مع بعض من زمان اوى نرمين مقعدتش معانا من شغلها للنوم ومن النوم للشغل......
هناء: بابتسامه هتطلع لمين م هي طالعه لجدها بتحب شغلها
اميمه: معاكى حق هى طالعه لجدها م هو إللي مدربها....
هناء: لنفسها الحمد لله أنها مش طالعه لابوها
اميمه: هناء بطلي سرحان وركزى معايا شويه وعيزين نفوق للاولاد...
هناء: مالهم الاولاد م هما كويسين أهو ولا فى حاجه أنا معرفهاش يا اميمه
ضحكت اميمه علي طيبه هناء وحدثتها إيه مش عايزة تفرحى بيهم وتجوزيهم ويجبولنا عيال يملو علينا البيت ونلعب معاهم
سرحت هناء وابتسمت فعلا معاكى حق بس يعنى هنعمل ايه يعنى.........
اميمه: ممكن نقترح على الشباب ونشوف بنات مناسبين ليهم لكن البنات لما يجيلهم نصيبهم ضحكت هناء وتحدثت طيب هندور فين....؟
اميمه: أنا دورت لحمزة وإن شاءالله الأمور تمشي زي ما أنا عايزة وحمزة ميعترضتش
هناء: إيه ده انتى اخترتى عروسه لابنك وي ترى نعرفها ولا لاء.....
اميمه: كله باوانه حببتى المهم انتى كمان تدورى لخالد علي عروسه علشان نفرح بيهم
هناء: معاكي حق .......ثوانى ونزلت نرمين إيه ده أنتم قعدين هنا وأنا بدور عليكم....
اميمه؛ تعالي يا حبيبه قلبي اشربي القهوة بتعتك
نرمين: الله الجو رائع ومنظر الجنينه جميل أوى أنا إزاي ماخدتش بالي من الجمال ده كله
هناء: انتى شغله نفسك من زمان بدراستك ومن بعدها الشركه هتاخدى بالك امتى بجمال الجنينه
نرمين: امممممممم يعنى اسيب شغلي ي ست ماما وااقعد اشم هوا
اميمه: لاء ي حبيبه قلبي بس عيشي حياتك شويه مش كل حاجه شغل فين في الترفييه اللي في حياتك انتى من وقت ما اشتغلتي في الشركه وبطلتى تطلعي ولا تخرجى مع أصحابك حتى حفلات الشركه مش بتحضريها إلا بسيط
نرمين: أنا ماليش فى جو الحفلات ده وأنا كده كويسه
اميمه: لاء حببتى لازم تتعلمى تقسمى حياتك بين الشغل وحياتك الخاصه
هناء: قوليلي كده اخر مرة لبستى فيها فستان وحطيتى ميكب
نرمين: اااااه ايه ده انتم استلمتونى ولا ايه....؟
أنا مش بهتم بالحجات دى أصلا....
اميمه: طيب علشان خاطري من هنا ورايح عيزاكى تهتمى بنفسك شويه وبطلي اللامبالاة دى
نرمين: إيه مالكم في إيه.... إيه هو إللي فستان وميكب وشويه حفلات وخروج خير ......؟
وغمزت نرمين لامها ولااميمه إيه في عريس
اميمه: ي حببتى عيزينك تهتمى بنفسك وعلشان نفرح بيكى كمان ...
نرمين: لأ لأ أنسي ي طنط أنا ماليش فى جو الجواز والبيت والخلفه ده أنا كده كويسه اوى وتمام ويريت تطلعونى برة حسباتكم خالص ركزو مع إيمان وسندس وسلسبيل .......
تعجبت هناء علي ابنتها ليه ي حبببتى مش عايزة تتجوزى وتعيشي زي باقي البنات..؟؟
نرمين: بضحكه كلها اسي ونظرات لامها لأ ماما أنا مش زي باقي البنات وعلشان خاطرى محدش يكلمني تانى في الموضوع ده تانى..عرفت هناء مدى حزن ابنتها
هناء: معقول تكون نرمين حاسه بيا وواخده بالها من معامله عثمان ليا .....؟؟ لأ لأ أنا عمرى م اشتكيت ولا حتى اتكلمت مع نفسي طيب إذا مش أنا السبب هيكون ايه....
اميمه: انتهبت لشرود هناء يلا يلا قفلو على الكلام ده وخلونا ندخل علشان نجهز الغدا
هناء: يلا الوقت سرقنا
نرمين: وأنا هدخل ااقعد مع جدو شويه لحد لما الكل ييجى....
اميمه: ماشي حببتى جدك في مكتبه ادخليله
************
فى الشركه عند مكتب حمزة دخل علي وسلسبيل
حمزة: خير فى إيه جيين وسيبين شغلكم ليه
علي: الأرشيف بقي تمام والملفات اترتبت كويس مطلوب إيه تانى مني علشان أرجع لشغلي والهانم دى هتوزعها فين وشاور على سلسبيل...
حمزة: أنت أرجع شغلك أنا مش محتاجك حاليا
سلسبيل،: طيب وأنا هروح فين .......؟؟
حمزة: انتى بقي هتنزلى على مكتبك في الدور الثاني وهتشتغلي في مراجعه الحسابات واللي هيشرف علي شغلك الاستاذ محمد وهو منتظرك تحت..
على: لحمزة خلي سلسبيل هنا تحت اشرافك ....
حمزة: يلا يا سلسبيل اتفضلي على مكتبك خرجت سلسبيل متجهه إلى مكتبها
علي: أنت بتشغلها مع محمد ده شخصيه مش محترمه وممكن يدايق سلسبيل يريت تخليها معاك او مع اى حد تانى غير البنى ادم ده..
حمزة: أنا عيني على الكل متقلقش على سلسبيل لأنها بنت بمليون راجل.....
نظر على لاخيه وخرج وعلامات الغضب ظاهرة عليه من تصرفات حمزة وعدم اخذ مشورته بأي شيء
************************
حمزة: هدى لو سمحتى ابعتيلي سندس .....
هدى: حاضر ي فندم بس حضرتك عندك ميتنج كمان نص ساعه......
حمزة: اه عارف
وبعد عده دقائق دخلت سندس وعلي وجهها علامات الغضب والتجهم
حمزة: هاتى الملفات دى ويلا علشان تنقشينى فيها...
سندس: الملفات دى قديمه أوى والشغل ده بابا اللى كان بيشرف عليه مع جدو ممكن افهم أنت عايز توصل لايه....نظر حمزة لسندس وقال ممكن تقوليلي فهمتى إيه وتنقشيينى فيها ولا سيادتك من أول النهار بتقلبي فى الملفات ومش فهمه
سندس: أنت عارف ومتأكد إن أي حد هيمسك اي ملف من ده والتخطيطات الهندسيه هيعرف محتوى الملف بس إللي مش عرفه استوعبه أنت عايز ايه من الملفات دي ولا أنت عايز تثبت كلام خالى عثمان......؟؟
حمزة بعدم استيعاب أنتي تقصدى إيه وكلام إيه إللي المفروض أنى اثبته كلمينى وصرحينى يا سندس سمعتى إيه
سندس،: بنظرة كلها حزن وقهر لو سمحت تخلي الدفاتر دى مقفوله وبطل تنكش في الماضي لأنه أكيد ميخصكش أولا وثانيا ارحم امى ..............؟؟؟
**********
البارت التاسع★ اسرار القلوب★
البارت التاسع
**********,**
حمزة قام وجلس أمام سندس.......
حمزة: لو سمحتى احكيلي تعرفي إيه سعدينى أرفع الظلم عن المظلوم وأعلم الظالم درس أنا عمرى م طلبت مساعده من حد... وأنا بطلب منك تسعدينى
والواضح إنك تعرفي حاجه ......؟
سندس: أنا معرفش مين ظالم ومين مظلوم بس أنا إللي بطلب منك متقلبش فى الدفاتر بلاش يا حمزة صدقنى هتوجع ناس كتير ومتهيئليش إنك هتكون مبسوط.....ولا ده عندك عادى.......!!!!
حمزة: بنظرة حزن انتى شيفانى كده.....
شيفانى بالقسوة دى واللامبالاة يمكن بسبب غربتي محدش يعرفنى كويس بس للأسف إللي بدأته هكمله كان حمزة يحدث نفسه
سندس: إيه مش بترد عليا ليه.....
حمزة: ولا يهمك يلا بينا خلينا نروح وإذا حببتى تتكلمى أنا موجود ومش عيزك تقلقي أبدا....
سندس: افهم من كده إنك صرفت نظر عن فتح الدفاتر القديمه.....؟
حمزة: يلا بينا علشان منتاخرش واتصلي علي سلسبيل خليها تنزل للجراش أنا هستناكم
سندس: والله شكلك مش هتجبها لبر وأنا مستحيل اسمحلك تاذي حد يخصنى مستحيل
ي ترى مين إللي يهم سندس ويخصها وايه إللي في الدفاتر دى واللي سندس بدأت تكتشفها وخايفه لتظهر وياتري خوفها على مين .....؟
وهى هتكون مع حمزة ولاضده...........؟؟
********************
عاد الجميع الي القصر وحمزة دخل لمنزله الخاص وظل يتذكر الحديث الذي دار بينه وبين سندس وقد عزم الأمر أنه لازم يعرف هى تعرف إيه وايه إللي ممكن تكون سمعته من عمى أو من غيرة وظل يفكر في وسيله حتى تروى له ما تعرفه لكى يربط جميع الخيوط ببعضها....
خرج حمزة ووقف أمام حوض الزهور بالحديقه يتامله فرآه خالد أثناء دخوله للقصر خالد ياااااه إنت لسه بتعشق الورد البلدى
حمزة: هاااااا خالد حمدالله على السلامه
خالد: إيه ده أنت سرحان اممممم أكيد سرحان في حببتك......
حمزة: ضحك بصوت عالي حببتى وانا حببتى بعيده أوى وسكتها معايا مش معروفه وغير كده البعد بيغير كتير.......؟
خالد: إيه إللي بيضحكك أوي كده ومين حببتك احكيلي مش يمكن ااقدر ااقربلك المسافات..
حمزة:انسي ي خالد أنا الظاهر كده أنى ماليش فى ولا سكته ........
خالد: يعنى إيه كل السنين دى قلبك مشغول بحب والواضح أنه حب كبير باين أوى من لمعه عيونك بس ي ترى مين دى لأن من كلامك هى هنا في مصر مكنتش معاك في لندن يلا فضفض واحكي لصحبك أنا جراح كبير مش يمكن ااقدر اداوى جرحك وااقولك العلاج فين......
حمزة: لأ لأ أنسي لأنه مش وقت كلام أصلا أنا ماجل كل حاجه خاصه بيا لحد م اعدى من ازمه الشركه دى وبعدها ابقى ااشوف قلبي ....
خالد: ي قلبك ي اخى هى المشاعر بتتاجل ليه شغاله بالريموت عيش ي حمزة وبلاش تقفل على نفسك وتبعد اوى كده لحسن الوقت والعمر يفوت وأنت مش حاسس
حمزة: ايه الكلام الجامد ده أنت شكلك طبيت لأ ده أنت غرقت.........
خالد: ابتسم ااااااااااه على الحب وجماله بس لو إللي بحبه يعرف أو أتأكد منها هرتاح
حمزة: ههههههههههههه يعينى على الصبر وسيادتك مستنى إيه متاخد خطوة ي جراح ي كبير ولا مستنى الفرج ولا يا ولاد الهوارى.......وبعدين هو صعب عليك تصارح إللي بتحبها.......
خالد:فعلا صعبه أوى ليكون الحب من طرف واحد خايف اتصدم......
حمزة: صدقنى المواجهه أجمل شئ حتى لو اتصدمت هتتعب شويه بس هترتاح فى النهايه وتبتدى من تانى بلاش تأجيل وانجز خلينا نفرح فيك
خالد: نعم تفرح فيا ليه ......
حمزة ااقصد نفرح بيك وبعدين من المغفله إللي ممكن ترفض د/ خالد وضحك الإثنان فهم مثل جميل للصداقه وصله الدم ...
***************
وصل عثمان للقصر فراي حمزة وخالد يتحدثون مع بعضهم فاقترب عثمان منهم ازيكو ي أولاد حمزة وخالد الحمدلله
عثمان: وقفين كده ليه مدخلتوش للقصر ليه
حمزة: كنا دخلين حالا لأننا جعنا .........
عثمان: انا عديت عليك في مكتبك لقيتك مشيت بدرى ..........
حمزة: أنا خرجت فى ميعاد انصراف الجميع من الشركه ليه هو فى حاجه يا عمي...
عثمان: أه كنت هعرض عليك ملفين وعايز ادرسهم معاك علشان لو مجلس الإدارة وافق هنبتدى فيهم على طول بالتعاون مع شركه الصفوه......
حمزة: شركه الصفوه........؟؟
عثمان: أه دى من أكبر الشركات هنا فى مصر ومن الشركات المنافسة لينا بس أنا قدرت أعمل معاهم اتفاق بأننا نتعاون في كام مشروع وكمان هندخل المناقصه معاهم من الباطن بدل المنافسه مع بعض إيه رائيك.......
عثمان: إيه ساكت ليه مش ترد وتقول رائيك
حمزة: للأسف ي عمي أنا بحب المنافسه جداً وإذا حضرتك متأكد من الشركه خلاص حضرتك حدد ميعاد للاجتماع بعد م ادرس الملفات مع حضرتك
عثمان: بتعجب لرد حمزة وقبوله لكلامه تمام بكرة هكون عندك بالملفات وندرسها سوا
حمزة؛ تمام ي عمي ............
عثمان: محدث نفسه أول مسمار لدمارك ي حمزة واهو وفقت بكل سهوله عليه.......؟
خالد: كفايه كلام ويلا ندخل القصر وبالفعل دلفو ثلاثتهم للقصر والقو التحيه علي الجميع
عثمان: نرمين انتى رجعتى بدرى يعنى النهارده...
نرمين: اه قولت أروح بدرى وااقعد مع ماما واريح شويه من الشغل........
وبصراحه القعده مع ماما وطنط اميمه جميله جدا وشكلي هزوغ كل يوم واجى ااقعد معاهم القعده معاهم تجنن.....
عثمان: ااه عايزة تدلعي يعنى.....
نرمين: مره من نفسي ي ببتى
هناء: يريت ي حببتى تكرريها على طول اليوم كان جميل النهارده بوجودك...
عثمان: وماله خليها جمبك فى البيت وعلميها الطبخ زيك وتركن شهادتها وتلغي كيانها كله.....
نظر الجميع لعثمان بتعجب على رده الغير مبرر اتجاه هناء
الجد: عثمان هو إنت من غير هناء كنت وصلت للي أنت فيه ده ولا نسيت إن البدايه هى اللي علمتهالك وعلمتك الشغل على أصوله ولا نسيت أنها مهندسه وكانت معايا فى الشركه بس هى فضلت تنتبه لعيالها
واهو طلعت دكتور وبنت واخده مركز جميل في الشركه
حمزة: بتعجب هو حضرتك اشتغلتى فى الشركه ي طنط هناء...... ؟
هناء: بابتسامه كلها كسرة وقهر من زوجها أه يا حبيبي اشتغلت علي فترات مكنتش منتظمه بس في الآخر قررت ااهتم باولادى وبس
خالد: انتى أعظم ام فى الدنيا ي حبيبه قلبي وباس اديها وعلى راسها
نرمين: هو فى زى هنون دى الحنان كله والحب كله إلا قوليلي فين المحشي.....
فضحك الجميع على مداعبه نرمين
الجد: بنظرة صارمه لعثمان كأنه يهدده فايقن عثمان بأنه أخطأ مع زوجته امام أبيه الذي لا يتهاون فى حق هناء وممكن أنه يخلق مشاكل لنفسه هو فى غني عنها في الوقت الحالي
انتهو جميعا من الطعام ودخل حمزة مع جده الى المكتب كى يعرض عليه م مر به من عمل فى الشركه ولكى يحصل على بعض التوقيعات من جده على الملفات
أثناء ذلك دخلت نرمين للمكتب بعد أن طرقت على باب المكتب وأخذت الإذن بالدخول
ما إن دخلت فتحدثت كويس إن حمزة هنا لأن إللي هتكلم فيه بخصوص حمزة.........؟
*******************
البارت العاشر★ اسرار القلوب★
ما إن دخلت فتحدثت كويس إن حمزة هنا لأن إللي هتكلم فيه بخصوص حمزة.........؟
****************
نظر لها حمزه وهو يرفع حاجبه : نعم إيه اللي هتتكلمي فيه بخصوصي؟
نرمين: يا جدو البشمهندس حمزه عايز يشتغل مع شركه الاخوه ودي شركه صغيره واحنا رفضنا الشغل معاهم قبل كده لان مشاريعنا كبيره بالنسبه لشركتهم وكمان الاستاذ عايز يدمج الشركتين مع بعض ومأخدش رأي حد علي اساس اننا مش موجودين معاه ولا لينا كلمه اظن في مجلس اداره المفروض أنه يعمل اجتماع علشان ياخد الموافقه ومياخدش اي قرار غير بعد الإجتماع ولا رأي حضرتك ايه يا جدو؟
الجد: خلصتي كلامك ولا لسه عندك كلام تاني؟
نرمين: اه عندي الاستاذ غير في نظام اداره الشغل وده ممكن يعطل سير العمل والموظفين مش عارفين ياخدوا نفسهم بسببه وافتكر كده غلط ومش كويس لصالح الشغل
الجد: امممممممممم هو ده اللي جايه تكلميني فيه يا نرمين
نرمين: حضرتك شايف إن الموضوع عادي انا جايه بقولك يا جدو علشان نرجع المنظومه القديمه للشركه علشان اللغبطه اللي حصلت مع الموظفين
الجد: خلصتي يا نرمين
نرمين: اه خلصت
الجد: اولا شركه الاخوه بتضم أكفأ المهندسين بمصر هي فعلا شركه صغيره بس كفؤ جدا في شغلها وكانت غلطه كبيره إن عثمان متعاقدش معاهم واللي عمله حمزه أنا موافق عليه لأنه رجعلي انا وانا صاحب القرار الأول والأخير ولازم تعرفي اني وافقت لمصلحه الشركه والدمج اكبر مصلحه لينا يعني مصلحه عامه الغريبه انك كنتي بتفهمي كل حاجه من غير توضيح ده تكاسل منك ولا ايه انتي شغاله في الاداره يعني لما حمزه ياخد الخطوه دي تبقي اكيد فاهمه انها لمصلحه الشركه
حمزه: للاسف مش تكاسل يا جدو لكن عدم فهم ياريت تشغلي مخك قبل ما تيجي وتتكلمي بخصوص شغلي
نرمين: تقصد ايه بأني اشغل مخي ٠٠٠٠ضحك حمزه وقالها : يعني تشغلي ده وشاور على راسها والغي ده وشاور على قلبها
نظرت لحمزة بكل غضب وتقدمت منه تحت أنظار الجد المبتسم بخبث على هذه القطه فهو يعرفها لا تتهاون في حقها ابدا وسوف تلقن حمزه درس كبير علي اهانتها
نرمين: انا مش بتكلم بعواطفي في الشغل أنا اللي مدربني غول السوق يعني خبره وخبره كبيره كمان اللي زيك بعيد عنها لانك مغرور ياريت سيادتك تعرف إن الشركة احنا بنديرها معاك ولازم نكون علي علم بكل خطواتك
قام حمزه ووقف أمامها : من بكره تكوني جاهزه للشغل الصح علشان تتعلمي الواضح أن اللي اتعلمتيه من الغول نسيتيه وانا استهونت بيكي
نرمين: انا قد اي شغل اتكلف بيه وعارفه مسؤلياتي ايه لاني مش بتعدي علي غيري في الشغل فاهم ورفعت اصبعها في وجه حمزه ٠٠
حمزه نظر لاصبع نرمين والشرر يتطاير من عينيه ٠٠
نرمين بدون أن يرفع لها جفن وقفت بكل تحدي له
حمزه نظر لجده بعد أن اغمض عينيه : بعد اذنك يا جدو أنا خارج ارتاح وبعد أن وصل إلي باب المكتب رجع خطوه للخلف ووجه كلامه لنرمين: وانتي من الصبح تكوني في مكتبي الساعه ٩ علشان اقيم شغلك واشوف مسؤلياتك اللي انتي قدها سلام ياااا يا نرمين
نرمين : سلام ياااا يالا حمزه
وخرجت من مكتب جدها لوالدها
الجد: ابتسم جامد وحدث نفسه ربنا معاك يا حمزه الحمل تقيل عليك وانا اللي صدرتك لانك الوحيد اللي واثق فيه بس الاكيد مش هضحي بيك بس عايز اعرف كل حاجه مخفيه عني لازم اعرف اسرار كتير أنا مش علي علم بيها وأثناء شرود الجد دخل صالح: بابا _____ لا رد
صالح بينادي : بااباااا
الجد: نعم يا ابني في إيه
صالح: حضرتك سرحان في إيه ده كله انا بنادي عليك وانت مبتردش
الجد: لا انا سرحان في الشغل
صالح: يا بابا الدكتور محرج عليك الانفعال وانك تبعد عن أي توتر فبلاش من موضوع السغل ده وعثمان وحمزه مع بعض في الشركه وربنا معاهم
الجد: متقلقش انا كويس وبعدين الشركه خلاص بقت مع اخوك واحفادي وانا مبسوط قوي لأن مدير الشركه حفيدي حمزه صالح محمد الهواري
صالح: هو ده اللي جيت لحضرتك بخصوصه علشان اتكلم معاك فيه
الجد: خير يا ابني في إيه
صالح: انا مش معاك في أن حمزة يكون المدير للشركه وياخد مكان عمه عثمان حضرتك مش واخد بالك أن ممكن تتخلق كراهيه بين حمزه وعثمان لانك متأكد أن عثمان بيحب مركزه وهو سعيد بمكانته في الشركه
نظر الجد لابنه : خلصت
صالح : اه
الجد: اسمعني كويس واستوعب كلامي ده وخليه قدام عينيك انا اللي اتصلت بحمزه علشان ينزل يمسك مكاني لانه الأصلح ثانيا عثمان كل شغله في تنسيق العمل والإدارة صعب ياخد قرار من غير كبير المهندسين ومن غير مهندس مايشرحله مش هيكون فاهم هو بيتكلم عن ايه وده هيكون في عطل في قرارات الشركه وسير العمل عرفت ليه دلوقتي ابنك اخد مكانى
صالح: طيب حضرتك تقدر تخلي عثمان في مكانه وحمزه كبير المهندسين
الجد: كده في تعطيل لسير العمل برده يعني لو حمزه عايز ياخد قرار لازم يرجع للمسؤول الاداري اللي هو المدير العام انت نسيت أنها شركه هندسيه ولا ايه يا صالح وان المدير العام والتنفيذي لازم يكون مهندس علشان في قرارات لازم تتاخد بسرعه
صالح: مش عارف بس مش عايز عثمان يزعل
ضحك الجد علي صالح الذي يراعي مشاعر من حوله
الجد: شوف يا صالح عثمان بقاله ٣ سنين مدير الشركه مناقصات كتير ضاعت منه وبقاله سنتين بياخد مشاريع صغيره متناسبش باسم شركة الهواري يعني الشركه بتغرق يعني في نواقص في اداره الشركه ودي أن شاء الله حمزه هيسد الفراغات دي ويكملها وهيرجع اسم الغول تاني للسوق
صالح: قال اللي تشوفه حضرتك
الجد: المناسب انا بعمله ومتقلقيش من قراراتي وحمزه بينفذ كلامي وبيرجعلي في كل خطواته
صالح: تمام يا بابا طالما شايف إن هو ده الصح انا هستأذن هطلع اريح علشان عندي شغل الصبح
الجد: تصبح على خير
صالح: وانت من اهله
******************
في اليوم التالي ذهب الجميع لأعمالهم في الشركه في مكتب حمزة: هدي اذا سمحتي ابعتيلي ملف لآخر مشروع خاص بشركه عمار للانشاء
هدي: الملف اخده عثمان بيه وقال في تعديلات قبل ما يتعرض علي حضرتك
حمزه: طيب تستعجلي الملف بسرعه قبل الاجتماع وأثناء حديثه مع السكرتيره دخلت نرمين
نرمين: انا مبقتش السكرتيره بره قولت ادخل علشان متأخرش علي معادي الساعه ٩ بالظبط
حمزه لهدي: اتفضلي على مكتبك وشوفي اذا كان في عندي مواعيد انهارده
هدي: اه عندك الساعه ١٢ معاد مع شركه الاخوه
حمزه: تمام أنا خارج وهرجع قبل الاجتماع تكوني جهزتي كل حاجه تمام
هدي : تمام
قام حمزه ولملم اشياؤه من علي سطح مكتبه
نرمين : انت خارج ؟
حمزه: يلا احنا خارجين
نرمين : علي فين؟
حمزه: افتكر احنا في الشغل هنكون خارجين رايحين فين يعني ٠٠٠٠ ونظر لها من أسفل لاعلي وابتسم ابتسامه استهزاء
نرمين: انت يا حضره بتبصلي كده ليه؟
حمزه: يلا هتأخر عندي اجتماع مش فاضي يلا بسرعه حصليني علي العربيه
خرجت نرمين خلفه وهي في قمه غضبها وأخذت متعلقاتها وذهبت مع هذا الحمزه المتعجرف
ذهبوا معا للمشروع الخاص بشركه عمار للانشاء بعد وصولهم لموقع العمل
نرمين: ايه ده احنا هنعمل ايه هنا
حمزه: ايه هشرف على الشغل والموقع ولا حضرتك متعرفيش اصول الشغل
نرمين: لا ازاي بس المهندس مدحت كبير المهندسين هو المسؤول هنا والمشرف عليه
حمزه: تقصدي ايه امشي مثلا وبلاش اتابع المواقع بنفسي
نرمين: لا لا مقصدش بس بابا مكنش بينزل الموقع لانه واثق في مدحت ولا أنت مش واثق فيه
حمزه: اوف!! أنا بحب اباشر شغلي بنفسي ومعنديش ثقه في حد علشان اقعد في مكتبي واكون متطمن لأن المهنه دي اي غلطه فيها تودي أرواح ناس كتير للموت ف ياريت يكون الثقه عندك لضميرك ده وده اول درس ياريت تتعلميه تهتمي يشغلك وتباشريه بنفسك ومتعتمديش علي حد وتقولي ثقه
نرمين ضيقت عينيها ونظرت لحمزه: اتفضل منك نستفيد
حمزه: اكيد هتتعلمي وتستفيدي كتير ٠٠٠المهم جبتي الملفات إللي طلبتها منك من عمي عثمان
نرمين: اه جبتها ٠٠٠وجبت نموذج من الرسم كان مع بابا بيدرسه مع المهندس مدحت
حمزه: امممممممم تمام
تقدم حمزه وسأل عن المهندس مدحت ٠٠٠
العامل: لسه موصلش يا باشا
حمزه: ازاي موصلش هو بييجي الموقع هنا الساعه كام كل يوم؟
العامل: لا المهندس بيتصل بينا بس وبييجي لما بنكون محتاجين من المخازن حديد واسمنت
نظر حمزه لنرمين: اوك تمام ٠٠٠مين هنا من المهندسين في الموقع
العامل: محدش بييجي مع العمال غير البشمهندس احمد هو اللي معانا علي طول
حمزه: ممكن تقولي هو فين؟
العامل: هناك وسط العمال هو بيحب يشرف علي كل حاجه بنفسه
حمزه: يلا يا نرمين
نرمين : هنروح فين ؟
حمزه: يلا وهتعرفي كل حاجه دلوقتي
اتجه حمزه نحو المهندس احمد وتقدم أمامه : السلام عليكم٠٠٠
المهندس احمد: وعليكم السلام ٠٠٠٠اي خدمه؟
حمزه: انا حمزه صالح محمد الهواري المدير العام والتنفيذي للشركه
احمد: أهلا وسهلا بحضرتك
حمزه: ممكن اشوف الموقع وانت معايا عايزك تشرحلي كل حاجه والمفروض هنسلم أمتي المشروع ده
احمد: انا معنديش فكره عن موعد استلامه لكن من ناحيه سير العمل للاسف مش عاجبني وفي تعطيل كبير اليومين دول في حركه البناء
حمزه: تقصد ايه بأن اليومين دول في تعطيل للشغل
نظر احمد لنرمين وسكت٠٠٠٠٠
حمزه: بصلي انا وعرفني ايه الغلط في الشغل وايه سبب التعطيل وده عن عمد ولا تأخير في المواد
احمد: للاسف مدحت المشرف الأساسي لكل المشاريع وكمان مش بييجي الموقع ولما بنحتاج منه حاجه علي ما بينهم وييجي يكون عدي يومين بدون شغل والأجور مدفوعه للعمال والموضوع ده بقاله فتره بسيطه بيتعمل
ابتسم حمزه وضم أيده ع صدره: وايه كمان؟
احمد: في بعض الملاحظات في التخطيط الهندسي غير مطابق للمواصفات
حمزه بانتباه: ايه التغيير ده؟ وفي اي اتجاه ؟ ولا التغيير ده في المشروع كله
احمد: لا القسم الغربي من المدينه السكنيه اتبعتلي ليها رسم هندسي مختلف والمفروض اني عبادي حفر بعد يومين علي الرسم الجديد مع أنه غير مطابق للمواصفات
نرمين: انت بتخرف بتقول ايه؟ بابا والمهندس مدحت مسؤولين عن المشروع ده وحاليا بقي المهندس حمزه هو المسؤول ومفيش حد غير حاجه في التخطيط الهندسي نهائي لانها مسؤوليه كبيره علي الشركه وتحول المسؤول للتحقيق
نرمين لحمزه: انت ساكت كده ليه؟ في لعبه مش تمام بتحصل وانت بارد كده ليه٠٠٠٠٠؟
********************
سؤالنا هنا حمزة ساكت ليه. و يا ترى نرمين هتعرف بمخطط والدها وهتتاكد ولا ايه.......؟؟
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله الجزء الاول من هناااااااااا
الرواية كامله الجزء الثاني من هناااااااااا
مجمع الروايات الكامله اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق