رواية اسرار القلوب الفصل الحادى عشر والثاني عشر والثالث عشر والرابع عشر والخامس عشر بقلم رانيا قنديل
رواية اسرار القلوب الفصل الحادى عشر والثاني عشر والثالث عشر والرابع عشر والخامس عشر بقلم رانيا قنديل
البارت ١١★ اسرار القلوب★
حمزة بكل هدوء فين الملفات إللي معاكى.....
نرمين: ملفات إيه.....؟
حمزة: ملفات وخرايط المشروع مش انتى جبتيهم معاكى....
نرمين: بتوهان اه اه هما فى العربيه......
حمزة: طيب تعالى معايا ونظر إلي أحمد وإنت كمان تعالى معانا وذهب ثلاثتهم إلى السيارة وبدأت نرمين
فى الاتطلاع على الملفات والتقارير وفردت الرسومات الهندسية للمشروع في الجهه الغربيه وبالفعل وجدت تغييرات فى الرسم واستغربت مين ممكن يعمل كده ولمصلحة مين ده كده إسم الشركة هيدمر والمسؤل كمان هيتحول للتحقيق غير الفضايح وااااااا ..... لأ لأ أنا مش قدرة اكمل كلامى
حمزه: نرمين اللى اكتشفتيه فى الورق وعلى أرض الواقع رائيك فيه إيه تشتغلى وتشرفي من مكتبك ولا تشرفي وتنزلى بنفسك .......
نرمين: معاك حق بس بابا لازم يعرف إن مدحت غير فى الرسومات دى علشان الشركه تاخد موقف منه وتستبعده......
حمزة: اصبري هنكمل كلامنا بعدين .......
حمزة: احمد من بكرة الصبح هتباشر شغلك بس بأوامر منى أنا وهتشتغل على التخطيط الأساسي للمشروع ونظر حمزة لأحمد وفى حاجه كمان الحوار إللي دار بينا إحنا الثلاثه مش لازم يتعرف لأى مخلوق أيا كان مفهوم أحمد مفهوم حمزة لنرمين فهمتينى نرمين فهمت.......
حمزة: أحمد مدحت لما يتصل بيك ويديك أوامر المشروع تسمع منه كويس وتبلغنى ومش عايزة يحس باي شئ لحد ما نسلم المشروع وأنا هحاول الهيه علشان ميجيش الموقع
أحمد: حاضر وهبلغلك باى مستجدات إذا حصلت
حمزة: يلا روح شوف شغلك يلا ي نرمين خلينا نروح على الشركه
صعد حمزة ونرمين إلي السيارة وأثناء سيرهم
نرمين: ممكن أفهم ليه مش عايز تقول لبابا علشان نحول محدت للتحقيق
حمزة: الدرس الثاني متعرفيش ديما عدوك باللي عرفتيه لأنه ممكن يكون سبقك بخطوة فلازم نسكت علشان نسبقه إحنا بخطوتين وبدل ما نوقعه هو اللى هيوقع نفسه
نرمين: يعنى مش عيزنى أحكي لبابا صح .....
حمزة: صح وعيزك تدرسي المشروع ده بنفسك مع سندس وتعرفي التغيير ده كله حصل امتى ومين المقصود بأنه يتدمر وهل مدحت لوحده ولا مشعل حد معاه؟.....
نرمين: بتوهان معاك حق لازم تكتشف الغلط فين ...
حمزة: بس خلى بالك من نفسك وبلاش تهور وتبلغينى باي حاجه تعرفيها
نرمين: تمام
حمزة: يريت متتكلميش الا معايا لأن فى لعب فى الشركه وده هيمحي إسم الغول من السوق وللأسف إسم الشركة هيدمر فيريت تلتزمى بالقواعد إللي بحطها لسير العمل وأي استفسار تعالى وأنا اوضحلك
نرمين: توضح إيه أنا متأكدة إنك على علم بكل التلاعب اللي بيحصل وأنك كنت عارف بتغيير الرسومات الهندسية للمشروع واللي متاكده منه إنك جبتني معاك علشان أعرف إللي أنت عرفته
حمزة: امممممم براااااافو إيه الذكاء ده كله...
نرمين: حضرتك بتتريق عليا .........؟؟
حمزة: علشان لو حضرتك منتبهه للشغل إللي تحت إيدك كنتي اكتشفتى اللعب بكل سهوله لكن حضرتك مشيتى شغلك بناء على الثقه وافتكر أهو اثبتلك إن طريقتك غلط في الشغل الدرس الثالث حتى أنا مديرك وابن عمك لازم تدققي في أي ورقه تيجى تحت إيدك وتدرسيها كويس وتبعدى مشاعرك خالص فهمتينى ي نرمين.........!!
نرمين: وهى شارده معاك حق أنا اتهونت في شغلى أوى وأنا معاك ي حمزة لأنى كنت غلطانه ف حقك
حمزة: نرمين سكته ليه وسرحانه في إيه......
نرمين: لأ أبدا بفكر في اللي حصل واللي بسببه الشركه كانت بتخسر معظم المناقصات طيب امتى هتظهر الخاين ......؟
حمزة: الخاين هيظهر لوحده وسيبي الموضوع ده عليا وابعدى انتى عن مواجهه بس لازم السريه التامه وكمان شغلك متتكلميش فيه مع اى حد حتى لو عمى
نرمين: تقصد ايه .....؟؟
حمزة: أنا بديكى مثل الشركه في وضع حرج ومش عايز مخاطرة أيا كانت لا بالشركه ولا بيكى ويريت تكونى على قد الثقه اللي أنا اديتهالك
نرمين: وأنا إن شاء الله هكون على قد الثقه دى بس عايزة أعرف إيه فى الشركه حصل فيه تلاعب
حمزة: انتبهى انتى لشغلك وانتى هتكتشفي بنفسك حجات وأكيد هتبلغيني طبعا.....
نرمين اوك تمام وانطلقو متجهين إلي الشركه
*****************
فى مكتب علي* سلسبيل تجلس وتهتم بعملها وبجوارها مكتب سندس
سلسبيل: لأختها أنا والله تعبت الشغل تقيل أوى حمزة ده مش بيتعب هى البطاريه بتعته على الشاحن على طول مش بتفصل ابدأ
سندس: مالك مش على أساس إنك عايزة تشتغلي وتسبتي نفسك ......
سلسبيل: اسبت نفسي مش اموتها أنا عايزة أدخل دنيا وأنا بصحتى وكامل انوثتى
سندس: انوثتك مالها ومال الشغل......؟
سلسبيل: طبعا ما انتى منزلتيش الأرشيف زيي واتبهدلتى لأ وكمان مغرقنى فى الحسابات دى كلها ده حتى الموظفين هيفرقعو منه...
سندس: شوفي شغلك وبطلي رغي واثبتي نفسك ههههههههههههه.....
سلسبيل: والله إنك مستفزه زي اللي مشغلك عبوشكلكم
علي: خير مالك قولي شكوتك ي آخره صبري.....
سلسبيل: تعبت وبعدين دى حسابات قديمه أوى هو عايز منها إيه ميديها لرئيس القسم بيديهالى أنا ليه
علي: علشان أخويا مغفل وافتكر أنك أد االمسؤليه ذي م فهمتيه
سلسبيل: مسؤلية إيه بقولكم تعبت يلي لو فهمت تتعب
الحسابات دى كلها ملغبطه وعايزة تعديل ااقول لحمزة كده يقولى اعملي التعديل وابعتهولي مغرور أوى حموزة ده بس اعمل إيه صحبي وصديقي مش ممكن ارفضله طلب
علي: خبط كف على كف الله يكون فى عونا مجنونه يلا ي بنتى انجزى ولخصي شغلك بدل ما حموزة يعلقك ويشلوحك على حموزة دى اه لو سمعها
سلسبيل: وعلى إيه يشلوحنى ادينى بشتغل أهو وبدأت عملها وهى تتافف اووووووف
سندس: على أنا خلصت كل اللى طلبه حمزة اتفضل
علي برافو عليكى انتى انجزتيه اامتى ده كله
سندس: كنت باخده معايا البيت المهم كل حاجه تمام وأنا همشي لحسن مطبقه بقالي يومين
علي: استنى نمشي سوا
سندس: لأ انتم معاكو لسه شغل كتير وانا عايزة انااااااام يلا سلام
**************************
وتمضي أسابيع على أبطالنا بدون جديد فالكل مشغول بعمله والجد سعيد جدا بما يفعله حمزة فى عمله وإشراك الجميع معه بطريقته فهو فعلا ذكى جداً هكذا كان يحدث الجد نفسه.......
الجميع يجلسون مع بعض في الصالون بعد م انتهوا من الطعام
عثمان: موجه كلامه لحمزة إيه أخبار المشروع ي حمزه......
حمزة: أي مشروع تقصد......؟
عثمان: أنت عندك ثلاثه مشاريع هيتسلمو آخر الأسبوع ده ومن ضمنهم أهم مشروع المشروع بتاع الإسكان للمحافظة لأن المحافظ بنفسه اللي هيستلم وهيفتتح المشروع
حمزة: بخبث لعمه متقلقش مدحت قايم بشغله تمام وإن شاءالله تتسلم فى الميعاد المطلوب
عثمان: اتمنى .........
حمزة: تقصد إيه بكلامك ده ي عمى نظرت نرمين لابيها بتعجب لرده ........!!!
عثمان: أنا مقصدش حاجه أصلك غيرت فى نظام الشركه والعمل وده بياخر سير العمل ده اللي ااقصده
اميمه: كفايه كلام عن الشغل وخلونا نقعد مع بعض شويه
هناء: يريت والله ...بقولكم أنا هعملكم كيكه بالبرتقال هتعجبكم ونقعد فى الجنينه مع بعض
سلسبيل: طنط هناء يريت تعملي السينابو أنا بحبه أوى
علي: يريت ي طنط هناء تعملى بدل السينابو تعملى سد الحنك علشان الصداع ضحك الجميع على كلام علي
هناء: هو القصر يبقى ليه روح ولا طعم من غير سلسبيل
سلسبيل: قوليله والنبي ي طنط مفيش حد عارف قيمتى
الجد: تعالي يا حبيبه جدك هنا مين مزعلك.....؟
سلسبيل: طيب لما ااقولك هتعمله إيه...؟
الجد: قولي انتى وأنا هعقبه علشانك..
سلسبيل: قامت تتنطط هييييييي وتسقف باديها مثل الاطفال
الجد: مين بقي ي حببتى
سلسبيل: حمزة الكل صمت للحظه فهم كانو يظنون بأنها هتقول علي
الجد: لحمزة ايه مزعل القمر بتاعى ليه
حمزة: بإستغراب مين سلسبيل دى أنا معرفهاش
سلسبيل: شوفت ي جدو اهو فقد الذاكرة هنا في القصر ولما نروح الشركه بترجعله والشريط بيقف على اسمى وبس أنا خايفه والله ي جدو لحسن يقولى امسحى الشركه واسبتى نفسك في النظافه واهو شغل ذياده
حمزة: طيب والله فكرة وأنتى اللي جبتيه لنفسك
سلسبيل: جبت إيه ولنفسي لأ والنبي ربنا يكرمك بعقلك ي رب وتنسانى ركز أنت مع نرمين يظهر أنها اتعدت منك بالشغل اصله بقي وباء
الجد: هو الشغل بقي وباء ي حبيبه قلبي
سلسبيل: أعمل إيه سندس من وقت شغلها مش بعرف اتكلم معاها كلمتين وكمان بتجيب الشغل البيت اصله بيوحشها
نظر حمزة لسندس وابتسم لها
حمزة : وهو ده المطلوب الاهتمام بالشغل برافو عليكى يا سندس
نظر خالد لحمزة ولسندس وعلى وجهه حزن لاحساسه بتقرب حمزة من سندس فسندس هى عشق وحلم خالد الحلم الجميل الذي تمنى تحقيقه من وقت فهل تاخر الوقت.......؟
ومعقول تكون هى حب حمزه القديم ؟؟
*******★*********★******
البارت ١٢★ اسرار القلوب★
خالد: هو أنا ممكن أكون إتأخرت فى أنى ألمح لسندس عن مشاعرى بس أنا كنت منتظر إنها تخلص جامعه معقول انتظارى وصبري ده كله وكل الحب ده وفى الآخر تطلع سندس حب حمزة معقول ......؟
حمزة: الوووووووو مالك يا خالد سرحان فى إيه ..
خالد: لا رد
سندس: نظرت لخالد خاااااااالد مالك سرحان في إيه...؟
خالد: اها ولا حاجه كنتى بتقولى حاجه ......
سندس: حمزة بيكلمك وأنت ولا أنت هنا اللى واخد عقلك....
حمزة: أه يتهنى بيه ......
خالد: أنا سرحان فى كام حاله عندى في المستشفى علشان عندى عمليات بكره فتلاقينى بسرح كتير
سلسبيل: مش قولتلكم دى عدوى منتشرة يعينى عليكى يا لوزة شكلك انتى كمان هتبقى ذيهم وهتبهدلنى الأيام......
نرمين: المفروض إنك تشتغلي فترات اضافيه علشان تعززى خبرتك.....نظرت سلسبيل خلفها وعلى اله يمينها ويسارها انتى بتكلمى مين ي نرمين...
نرمين: بتكلم معاكى طبعاً أصل انتى عندك طاقه وأحنا لازم نطلعها فى الشغل...
سلسبيل: وأنتى الصادقة أنا عندى عفريت وشكله جميل هيطلع عليكى إذا مسكتيش أصل المشرحه ناقصه قتله
الجد: ليه ي قلب جدك انتى مش حبه تشتغلى
وانا اللى كنت ناوى امسكك حسابات الشركة كلها
سلسبيل: هو ايه ده لاء طبعا كتير عليا أنا مش عرفه اخد نفسي من الشغل إللي باخده ااقوم أمسك حسابات الشركة كلها تؤ تؤ أنا كده تمام أوى
حمزة: طيب أنا عندى فكرة ممتازة وأتمنى توفقى عليها وكده ابقي عملت معاكى أحلي ديل
سلسبيل: رفعت عنيها وقالت ديل وأنت اللي هتعمله ومعايا أنا ربنا يستر قول
حمزة: الفترة دى عندنا تسليم مشاريع آخر الأسبوع عيزك تراجعى على الحسابات كلها وتعمليها بطريقتك المختصرة
سلسبيل: فين الديل هنا.......؟
حمزة: ي بنتى اصبري عليا مالك مسروعه كده ليه
سلسبيل: اهو ووضعت اديها على فمها ضحك علي وخالد على تصرفات سلسبيل....
حمزة مكملا لكلامه إذا خلصتى ولخصتى الحسابات كلها للمشاريع اللي هنسلمها هنطلع كلنا رحله اسريه لمده اسبوعين ومفيش حد هيعتزر منها اممممم إيه رائيك موافقه
سلسبيل: وهى جاحظه عينيها فى إتجاه حمزة رحله والكل كمان...
حمزة اه وانا عند كلمتى.....
سلسبيل: قامت تجري وسحبت ايد على قوم يلا
علي: سيبي ايدى ي بت انتى عايزة ايه انتى بتتحرشي بيا وكل عيلتك موجوده
سلسبيل: بتحرش بيك أنت مجنون بص لنفسك فى المرايه ولا بلاش ليجيلك سرع قوم انجز خلينا نروح الشركه اجيب الملفات هشتغل عليها واخلصها علشان افسحكم....
خبطها علي : على راسها انتى اللي هتفسحينا
سلسبيل: اينعم أنا الفسحه وقفه عليا أنا يلا اصلكم من غيرى هتضيعو. يلا أنجز
علي: ي رب أنا تعبت منها ي الفسحه اللى وقفه عليها تفطسها وارتاح
سلسبيل: سمعتك ومش هخدك معايا في الفسحه دى
علي: وليه متحرمينى من المصروف كمان ولا ااقولك متجبليش مصاصه
سلسبيل: ي ابنى اكبر بقي مصاصه ايه اللي زيك يشرب شيشا يلا ي خفيف
ضحك الجد عليها وعلى منغشتها فى الكلام لعلي
حمزة: روح معاها ي علي خليها تجيب كل الملفات وتشتغل عليها
على: تصدق احسن بردو أهو هنرتاح منها ومن ذنها فى البيت
الجد: بس ي علي،هو البيت ليه طعم من غيرها
سلسبيل: قوله والنبي ووعيه المتاخر ده اصله لو فهم بيحصله تشنجات
الجد: يلا روحو هاتو الملفات ومتتاخروش وذهب علي وسندس لإحضار الملفات المطلوبه..........
****************************
فى صباح اليوم التالي فى مقر الشركه حمزة لأخيه كل حاجه جهزت........
علي: اه كله جاهز
حمزة: بابتسامه تمام أوى كده ابعتلي مدحت وعمى وسندس وحازم
علي: ابعتهم فين ي حمزة......
حمزة: على غرفه الإجتماعات يعنى هتبعتهم فين
علي: خير وعلشان إيه الإجتماع ده
حمزة: أنجز ويلا مش فاضي وكلها شويه وهتعرف لخص بقي
علي: بتعجب حاضر وبالفعل ذهب للتبليغ عن الإجتماع
علي: محدث نفسه طيب أنا هبعت للكل للاجتماع بس حازم هيحضر بصفته إيه.....؟؟
علي: نفسي أفهم إيه إللي فى رأسك ي حمزة عايز افهم ليه الغموض ده كله ......؟
وبعد مرور ساعه هدى: حمزة بيه الإجتماع جاهز
حمزة: اوك تمام
دخل حمزة غرفه الإجتماعات فجلس حمزه وعمه عثمان وسندس ومدحت وحازم وبعض من أعضاء مجلس الإدارة
وما هى إلا ثوانى ودخلت نرمين محدجه نظرها بكل عصبيه ممكن أعرف إيه الإجتماع ده وأنا ليه معنديش خبر بيه وبصوت عالي ولا حضرتك نسيت أنى عضو فى مجلس الإدارة
حمزة: وطى صوتك إللي أعرفه إن سيادتك استاذنتى ومشيتي قبل ميعادك
نرمين: ااص. ااصل ااانا تعبت وقولت أروح
حمزة : اتفضلي ااقعدى ويريت لما تستاذنى تبلغينى
نرمين: ومازالات واقفه ممكن افهم البشمهندس حازم هنا ليه وبصفته إيه يحضر الاجتماع
حمزة: بتجاهل منه لكلام نرمين نظر لمدحت بكرة هنسلم مشروع الوزارة والوزير بنفسه هيفتتح المشروع
مدحت: اه تمام حضرتك وأنا رتبت للحفله
حمزة: أشرفت على الموقع بنفسك وتممت على كل حاجه
مدحت نظر لعثمان ااااااه تممت على كل حاجه وكله تمام
حمزة: صورت الموقع......
مدحت: بصوت مرتجف اتفضل التصوير اهو
حمزة: اخذ الصور وتطلع عليها ونظر لمدحت وضيق عينه ونظر لعمه عثمان
مدحت: خير فى حاجه مش واضحه في الصور
حمزة: اممممم لأ لأ كله تمام
عثمان: طيب هو الإجتماع ده ليه فى حاجه قبل التسليم فى المشاريع مش مكتمله
حمزة: لاء كله تمام بس نرمين بغضب أكبر وهى مازالت واقفه ممكن أعرف البشمهندس حازم هنا ليه ولا نسيت حضرتك أنه من الشركات المنافسه
حمزة: قولتلك وطى صوتك الإجتماع ده علشان ابلغكم بأن شركه الإخوة اندمجت مع شركه الهوارى وهو هنا بصفته شريك والدمج ده من شهر فات وهيكون معانا في المناقصه الجديده
عثمان: نعم دمج وحصل امتى وازى تاخد القرار لوحدك من غير استشارة حد فينا
نرمين: يعنى أنت بتتصرف كده ازاى مش فى مجلس اداره للشركه والمفروض نكون على علم بعمليه الدمج وكمان لازم نعلن عنها للاعلام إيه التهريج فى الشغل ده
حمزة: بكل هدوء مفيش تهريج ولا حاجه الموضوع وأنتم عرفينه وبعدين خلاص الدمج. بين الشركتين حصل وجدى مضي على العقد كده الكلام خلص
وخلونا فى المهم......
نرمين: المهم هو فى أهم من اللى بنقوله والتسيب إللي فى الشغل ولا يمكن تكون استوليت على الشركه لحسابك ماهو عادى. ما أنت داخل والجشع ماليك اخدت مكان عمك فى رئاسه الشركه بدم بارد وبتتصرف وبتاخد قرارات من رجوع لحد فينا أنت فاكر نفسك إيه ي بني آدم انت.......
حمزة:: بصوت جهورى رفع إصبعه أمام وجه نرمين مش عجبك شغلي قدمى استقالتك سمعه وصوتك ميطلعش غير بستاذان منى فهمه
نرمين: نعم استقاله أنت مجنون أكيد أنت فاكر نفسك إيه ي محترم أنا بشتغل مع بابا وجدى من كذا سنه وأثبت وجودى وأنت جاي تقولى استقيلي.....
وبتتحكم فينا وبقرارات الشركه يعنى لوله بابا اتصل بيا وعرفنى بالاجتماع السخيف ده مكنتش هعرف بعمليه الدمج دى ولا ااااااه تكونش بتعمل شغل لحسابك من تحت لتحت
كور حمزة على يديه حتى برزت عروقه وبدأ يخطو باتجاه نرمين ورفع أيده كي يصفعها فإذا بحازم كان حائل بينه وبينها
حازم: اهدى ي حمزة وارجع مكانك لو سمحت
عثمان: انت اتجننت عايز تمد إيدك على بنتى فى وجودى ومش عامل اى إحترام ليا........؟
حمزة: بكل غضب ووجه متجهم اتفضل ي عمى مكانك الإجتماع لسه مخلصش.....؟
جلس حمزة مكانه فأخذ عثمان نرمين واجلسها بجواره
عثمان: اتفضل كمل الإجتماع خلينا نخلص..
حمزة،: لمدحت بكرة هتكون معايا علشان تسليم المشروع الخاص بالمحافظة وتجيب معاك الرسومات وأي شيء خاص بالمشروع
مدحت : حاضر
حمزة: عمى حضرتك هتسلم القريه السياحيه بكرة لأن لأنى قدمت ميعاد التسليم
عثمان: ايييه ليه هو أنا مش هكون معاك بكرة فى تسليم المشروع للمحافظة
حمزة: لاء حضرتك بكرة هتسلم القريه السياحيه لأنى محتاج سيوله علشان المناقصه الجديده ومش هينفع نتاخر يعنى حضرتك تستعد للسفر حالا
حمزة: نرمين انتى بكرة هتكونى معايا والمهندس حازم
نرمين: حازم يحضر معانا بتاع إيه وخصوصا أن شركتنا هى اللي نفزت الشغل .....؟؟
حمزة: للأسف مش بحب اتكلم كتير وخصوصا اللي في بيقفل دماغه ومش هبرر طبيعه الشغل إيه.
حمزة: علي أنت هتشرف على كل حاجه مع المنسقين مش عايز غلطه لأن الغلطه عندى مش بتعدى
على: حاضر متقلقش
مدحت نظر لعثمان وعلامات استفهام على وجهه
مدحت: لحمزة مطلوب منى حاجه تانى....؟؟
حمزة: أه المناقصه الجديده هتعمل مقايسه عليها وعايز دراسه جدوى واقل سعر وأنا هكون معاك
مدحت: اوك تمام هو حضرتك هتشرف بنفسك على المناقصه
حمزة: أه عندك مانع
مدحت:: لالا ابدا مانع إيه إحنا بكرة نسلم المشروع الأول وبعد كده هبتدى اشتغل على المناقصه الجديده
ومرة ساعه على. اجتماعهم فخرج الجميع من هذه الغرفه بوجوة عابثه محتقنه من أسلوب حمزة وسيطرته على إلادارة بشكل عام
*******************
فى مكتب حمزة
علي: ممكن أتكلم معاك
حمزة: قول فى إيه
علي: إنت ليه بتتصرف كده ليه بتفتعل مشاكل مع الكل مع اان المفروض تخلى الكل معاك وفى صفك
حمزة: إنت شايف أنى بفتعل مشاكل .؟..
علي: بصراحه أه وزعلت من تصرفك مع نرمين
حمزة: طيب ليه معترضتش على كلامى ذي م نرمين
علي: لأنى وعدتك أنى هدعمك وهكون معاك بس بلاش تتعامل وكانك الوحيد هنا فى الشركه اللي بتشتغل وتقلل من شغل غيرك ....؟
حمزة: أنت شيفنى كده عموما بكرة تعرف كل حاجه وتتاكد انى مش بقلل من شغل حد ابدا
علي: أنا هقوم علشان اجهز لبكرة يدوب ابتدي من دلوقتى بعد أذنك
حمزة: اتفضل وبلغنى باى جديد
**************
فى مكتب عثمان جلس علي مكتبه وهو واضع رأسه بين كفيه ونرمين جالسه أمام مكتبه
نرمين: افتكر إن إللي بيعمله حمزة مش فى مصلحه الشغل ولا الشركه لازم نشوف حل للمهزله دى
عثمان: أكيد لازم نشوف حل الوضع ده ميتسكتش عليه اكتر من كده
نرمين: انا هتكلم مع جدو علشان يحط حدود لحمزة ولازم يعرف بأن إحنا مش موفقين على موضوع الدمج ده أنا مش قادرة استوعب إيه اللي بيعمله حمزة وايه سبب تصرفه ده حاجه غريبه وانسان مستفز بس أنا مش هسكت ولازم أوقفه عند حده
**********★**
البارت ١٣★ اسرار القلوب★
نرمين: انا هتكلم مع جدو علشان يحط حدود لحمزة ولازم يعرف بأن إحنا مش موفقين على موضوع الدمج ده أنا مش قادرة استوعب إيه اللي بيعمله حمزة وايه سبب تصرفه ده حاجه غريبه وانسان مستفز بس أنا مش هسكت ولازم أوقفه عند حده
*******************
عثمان: نظر لابنته بعيون مليئة بالكره والبغض لحمزة
نرمين: بابا حضرتك ساكت ليه
عثمان: قومى يلا شوفي شغلك وأنا هرتب شغلي علشان هسافر بالليل لتسليم القريه....يلا قومى انتى كمان خلصى شغلك ..
نرمين: لأبيها بابا متعملش فى نفسك كده أنا شيفاك حزين أوى بكرة كل حاجه هترجع لمكانها الطبيعى لما جدو يعرف بتصرفات حمزة واستفزازة للكل لأنى مش هسكت.....
عثمان: قولتلك قومى ومتتكلميش مع جدك فى أي حاجه غير لما أنا ااقولك كل حاجه وليها وقتها....!!
نرمين: حاضر ........
***********************
وجاء اليوم التالي فى احتفاليه كبيرة لتسليم المشروع الضخم للمحافظة.......
فشرع حمزة للخروج من منزله الخاص به فنظر إلى الحديقه واغمض عينيه يشم روائح الزهور وعبقها الجميل
سلسبيل: إيه ده أنت جاى تنام هنا فى الجونينا لاء وايه هتنام وأنت موووز. كده......
حمزة: تصدقى انتى فصيله امشى من وشي انتى تخصص فصلان......
سلسبيل: ده تخصص جديد في الشركه ولا أنت بترقينى......
حمزة: ي بنتى امشي من وشي ........
سلسبيل: امشي فين دى جنينه الحكومه هو ايه ده
حمزة: بضحكه عاليه طيب خليكى انتى فى جنينه الحكومه وامشي انا........
سلسبيل: تعالى هنا رايح فين وبعدين إحنا عيله محافظه ومعندناش رجاله تطلع وهى موز كده أنا هاجى معاك.....
حمزة: روحى ي سلسبيل ذاكرى ربنا يسهلك....
سلسبيل: هو أنا بشحت منك أنا بعزمنى معاك علي الخروج مش أنا شغاله في الشركه معاكم يبقي لازم اجى.....
حمزة: اطلعي ذاكرى وشوفيلى علي فين علشان اتاخرنا يلا انجزى.....
سلسبيل: الله هو علي لسه منزلش طيب مش تقول علشان اغلس عليه
حمزة: هتعملي إيه.......؟
سلسبيل: هجبلك علي كلنا عيزين علي مش قولتلي إنك عيزه...
:
حمزة : طيب يلا بسرعه استعجليه وبالفعل صعدت سلسبيل لعلي واطرقت على الباب
علي: اتفضل دخلت سلسبيل وبنظرة طويله وهى مسبهله وبصفارة إيه ده ايه الجمال دهون يخربيت كده إنت هتضيع مستقبل البنات فى الحفله
علي: يختى اتلهى وبعدين طول عمرى شيك وواد موز.....
سلسبيل: عارف نقصك إيه لزوم الوجاهه
علي: بص فى المرايا وبنظرة رضا لنفسه ناقص إيه كله تمام اهو تقدمت سلسبيل ووقفت بجوارة كده الكمال بعينه.....
علي: روحى ي بت ذاكرى ولا نامى...
سلسبيل: هو إيه إللي ذاكرى ذاكرى هو أنا فى اعداديه والنبي ي علي أروح معاك الحفله علشان خاطري نفسي أشوف الحفلات دى أنا عمرى م حضرت حفلات
علي: لاء طبعا وبعدين اتاخرنا ويلا وسعى علشان اخلص دبدبت سلسبيل على الأرض بغيظ وتمتمت فى سرها يا رب العجله تفرقع....
علي: إن شاء الله انتى إللي هتفرقعى وارتاح منك امشي يلا خلينا ننزل
علي: وهو نازل على الدرج فرأي أمه اذيك يا ست الحبايب
اميمه: اذيك ي قلب ماما إيه الجمال ده كله
سلسبيل: قولتش حاجه من عندى الكل لسه شيفك يا أبنى تقولى طول عمرى شيك ...
خدنى معاك بقي علشان الشياكه تكمل....؟
اميمه : خدها معاك يا حبيبي أهو تغير جو ...
علي: تروح فين هى رحله ده شغل وبعدين حمزة برة هيقتلنى على التاخير يلا سلام....
اميمه: يا أبنى هى سلسبيل مش شغاله معاكم في الشركه يعنى وجودها طبيعى ........
علي: سلام ي امى .........
خرج علي لأخيه وقال اتاخرت عليك يا حمزه
حمزة: آه إتأخرت إحنا لازم نروح بدرى علشان التجهيزات نتمم عليها
علي: أنت إللي عايز تروح بدرى عموما أنا خلاص يلا بينا
حمزة: يلا بينا........
اميمه: حمزة يا حمزه نظر حمزة لأمه نعم يا ماما
اميمه: تعالي عيزاك ثوانى تقدم حمزة من أمه نعم حضرتك عايزة حاجه
اميمه أه بس يريت متكسفنيش
حمزة: اكسفك معقول حضرتك تامرى وأنا انفز
اميمه: ربنا م يحرمنى منك ابدا ي قلبي أنت بس عيزاك تاخدو. سلسبيل معاكم البنت زهقانه وهى بقالها معاكم فترة فى الشركه يعنى تعرف زميلها
حمزة: خاضر يا ست الكل خليها تجهز وانا هخلي علي يستنى ويجبها معاه أى أوامر تانيه ....
اميمه روح ربنا يريح قلبك ويبعد عنك ولااد الحرام ابتسم حمزة لأمه وأخذها بين أحضانه حضرتك تامرى وأحنا هنا ننفز ملست اميمه على وجه أبنها بحنان ربنا يحفظك ليا وييسرلك الأحوال
حمزة: وأنا محتاج أوى منك الدعوتين دول وقبل ايد أمه ......
اميمه: أنا قلبي راضى عنك ي حبيبي بس كنت عيزاك تيجى القصر هنا وتسيب الملحق ده
حمزة: ماما بلاش الكلام ده أنا مرتاح كده
اميمه: ماشي يا حبيبي خلاص هسيبك دلوقتى بس الكلام منتهاش تمام ........
دخلت اميمه للقصر فرأت سلسبيل واقفه بجوار جدها .....
اميمه: يلا اطلعي اجهزى علي مستنيكى برة فى الجنينه بس بسرعه
سلسبيل: والنبي يعنى هروح الحفله ....
اميمه: يلا انتى لسه واقفه ....؟
سلسبيل: أنا طلعت اهو وصعدت السلم جرى ضحكت اميمه على هذه الطفله....
سميحه: مالها البنت دى واخده فى وشها كده ليه وطالعه تجرى.....؟؟
اميمه بضحك أصلها هتروح الحفله معاهم ....
سميحه: وعلى وجهها علامات الغضب حفله إيه وهى ليها من امتى الهانم فى الجو ده ولا هى واخده حياتها تهريج وبس
اميمه: براحه يا سميحه هى عملت إيه علشان ده كله البنت رايحه مع إبن خالها عمله مشكله ليه ومتنسيش إنها شغاله معاهم فى الشركه يعنى طبيعى جدا وجودها
سميحه: يا سلام طيب م سندس معاهم كمان مرحتش ليه
اميمه: علشان عندها امتحان الصبح وبعدين بطلي ومتحبكيهاش
سميحه: هى البنت دى اخدت الإذن من مين...؟؟
اميمه: أخدت منى أنا الإذن
سميحه: والله ما فى حد مدلعها غيرك....
اميمه،: ربنا يحميها لينا ونفرح بيها هى وأختها
سميحه: اللهم امين .....
وبعد فترة من الوقت نزلت سلسبيل
اميمه: رفعت راسها فما رأت إلا حوريه أيه فى الجمال بسم الله ماشاء الله إيه الجمال ده...
سميحه: الله اكبر ايه الحلاوه دى وجميل أوي الفستان جبتيه امتى
سلسبيل: اشتريته امبارح وأنا رجعه من الكليه والحمد لله ادينى لبسته....
سلسبيل: مقولتوش رائيكم إيه فيا طالعه حلوة...
اميمه: انتى طاالعه قمر ي حببتى فكانت سلسبيل ترتدى فستان باللون الاحمر القانى ضيق وترتدى حجاب باللون الذهبي واكمامه بالجوبير واسعه برباط من على معصمها وكانت تضع بعض من مساحيق التجميل خفيفه
سلسبيل: إيه كده تمام ولا إيه...؟
اميمه : تمام أوى ده انتى هتبقي أجمل بنت هناك
سلسبيل: ضحكت وقالت مش مهم اطلع اجمل بنت المهم أنى أروح الحفله واتفرج برحتى وما هي إلا ثوانى ودخل علي: مثل الاعصار وهو ينادى فين الهانم انتى يا سل............وفتح فاهه إيه ده مين دى.....؟
اميمه: مالك ي حبيبي سلامه نظرك سلسبيل جاهزة اهى وزى القمر
علي: على نفس وضعه يالهوى إيه الجمال ده كان مستخبي فين ده كله اخدها فين دى وهى كتله متحركه من الانوثه والجمال ........
اميمه: بخبث لابنها إيه مش يلا إتأخرت على الحفله
علي: اااااه يلا يلا مشي خطوة إتجاه باب القصر فنظر خلفه مرة ثانيه بانبهار وبمدى جمال سلسبيل ونادى عليها يلا أمشي شويه لحسن حمزة هينفخنا على التاخير ده
سلسبيل: هو حمزة برة فى الجنينه .......
علي: لاء هو سبقنا علشان فى ترتيبات هيعملها قبل حضور المحافظ
سلسبيل: طيب يلا علشان منتاخرش أنا إللي بقول اهو....
علي: يلا يختى بس تعالى هنا واسمعي كلامى أنا عيزك طول الحفله هناك متبعديش عنى سمعه مش عايز مشاكل.....
سلسبيل: اوووووف طيب متجبلي كيس شبسي ومصاصه اتلهى فيهم بالمرة...
علي: بصي من دلوقتى اهو يا تسمعي الكلام يا تخليكى هنا
سلسبيل: اوووووف إيه خليكى دى هو بعد ما لبست تقولى خليكى يلا يا جدو
علي: فين جدو ونظر حوله.........؟
سلسبيل: بتخبط على كتفه إنت ... إنت جدو مش عامل فيها سي السيد وبتدينى أوامر .....
علي: أنا جدك طيب يلا يا آخرة صبري نلحق الحفله وذهبوا فى طريقهم للحفله
***************************
عثمان: الوووو أيوة ي مدحت عملت إيه
مدحت: متقلقش كله تمام وابن أخوك هياخد أكبر قلم فى حياته واديك هتعلم عليه وهو فى السجن
عثمان: لاء مش ده اللي هيشفى غليلي منه لازم المناقصه الجايا يخسرها فى حاله أنه متحبسشي وعرف ياخد مهله من المحافظ ...... علشان محمد الهواري يعرف هو ادى مكانه لعيل جي ينط على اكتافي...
مدحت: متقلقش طالما طلب منى أنا أعمل شغل المناقصه يبقى أعمى ومشكش فى أى حاجه وأنت اللي كنت قلقان على الفاضي كده هنكمل شغلنا من غير خوف ووجع دماغ..............
عثمان: طيب خلي بالك كويس عايز أعرف هيعمل إيه النهارده وهيدارى الفضيحه ازاى
مدحت: بضحكه شيطانيه متقلقش كله على الهوا
عثمان: تمام وأنا هخلص شغلي وهرجع على طول علشان أعرف اذله كويس قدام جده وقدام الكل
*******************
بدأت أجواء الحفله ووصول الصحافه والاعلام وبعض من رجال الأعمال والشخصيات المشهورة والجميع فى إنتظار وصول رئيس الوزراء حتى يتم افتتاح المشروع القومى للإسكان فهو من اضخم المشاريع للدوله.....
حمزة: نظر من حوله فرأي حازم على الطاوله أمامه فاوماء له برأسه فذهب إليه
حازم: مالك متوتر كده ليه أهدى شويه
حمزة: انا هادى أهو بس أنت تممت على كل حاجه بنفسك
حازم: أه وعيزك متقلقش أنا عيزك مرتاح وارخى اعصابك وبلاش الشده دى....
حمزة: أنا فعلا مرتاح ومطمن لأنى أشرفت على الشغل بنفسي بس كان فى خطوات كان لازم تتعمل
حازم: لأ طبعا لازم تصبر شويه صعب الخطوة دى دلوقتى
حمزة: عارف عارف فنظر حمزة على مسافه فرأي نرمين واقفه مع بعض المهندسين وكانت لأول مرة ترتدى فستان أسود طويل ضيق وطرحه حمرا فكانت رائعه الجمال فابتسم حمزة وذهب إليها
اذيك ي نرمين إيه الشياكه دى......
نرمين: بتجهم ووجه عابث أهلا......
حمزة: خلي بالك واعدلى وشك ومتنسيش إن فى إعلام وصحافه هنا الحركه محسوبه علينا فهمه......
نرمين: بغضب وصوت واطى عايز ايه أنا مش ناسيه اللي حضرتك عملته ولا نسيت سيادتك إنك كنت هتضربنى.......
حمزة: وهو واضع اديه بجيوب بنطوله لاء منستش ويريتنى كنت عملتها علشان تتعلمى اذاى تعلي صوتك على مديرك
نرمين: بتريقه مديري ........؟؟
حمزة: عندك اعتراض ولا حاجه وحتى لو عندك اعتراض فى ااقرب حيطه وفجرى راسك يمكن أرتاح من الغباء......
نرمين: اوووووف بارد ومستفز بجد...
حمزة: بقولك إيه اعدلي من ردودك وتعالي معايا رئيس الوزراء وصل نرمين لاء مش هروح معاك ف مكان
حازم: فكان بجوارهم وسمع حديثهم فتدخل على الفور آنسه نرمين يريت ننحى مشاكلنا دلوقتى لغايه لما المحافظ والضيوف يمشو ومتنسيش إن الشركه بتاعه جدك محمد الهواري يعنى الواجهه بتعتكم فميصحش
نرمين: معاك حق اتفضل ي بشمهندس أنا وراكم على طول
حمزة: نرمين استنى هنا فمشي حمزة وأمسك بيدها وبدا يتحرك لاستقبال رئيس الوزراء وبدأ المؤتمر والتحدث عن المشروع ووضع بعض الرسومات الهندسية للمشروع أمام الإعلام والصحافه
رئيس الوزراء: لحمزة يلا بقي عايزين نفتتح الابنيه ونقص الشريط ولا فى شرح تفصيلي تانى .....؟
حمزة: لاء خلاص بعد الشرح هنروح دلوقتى نقص الشريط وكمان هنلف وتشرف سيادتك على كل الابنيه وتشوفها مطابقه للمواصفات ولا لاء ...
رئيس الوزراء: الواضح إنك واثق من شغلك
حمزة: إن شاء الله أكون قد ثقتك دى
رئيس الوزراء: تمام ي بشمهندس يلا بينا نتحرك بالعربيات للافتتاح
مدحت: العربيات جاهزة اتفضلو علشان ننتقل برحتنا داخل المشروع
وبالفعل شرع الجميع فى ركوب السيارات مدحت بكل خبث لحمزة بقول لحضرتك بعد قص الشريط هنبتدى من الجهه الشرقيه للمدينه إيه رائيك..
نرمين: ليه المنطقه دى بالذات دى اخر حاجه فى المنطقة إحنا هنبتدى من الغرب وناخد المنطقه بالتسلسل
مدحت: عادى مش مشكله نبتدى من الغرب خلاص
حمزة: لاء هنبتدى زى ما انت قولت.......
تعالت اسارير مدحت فهو وصل لمبتغاه فى الانتقام لعثمان من حمزة وبدأت السيارات بالتحرك للمكان المنشود بعد قص الشريط وبعد دقائق وصلت السيارات ونزل حمزة وأخذ نرمين ومشي بجوار رئيس الوزراء
وبدأ حازم التحدث عن الابنيه كلها فنظر مدحت بنظرة غريبه وهو فارغ فاهه إيه ده اذاي ده حصل.........؟؟؟
نرمين: مالك ي بشمهندس فى حاجه ....
مدحت: اااااها لأ لأ أبدا بس صدعت شويه.....
نرمين: طيب اتحرم وابتدى عرفنا على الابنيه مع البشمهندس حازم
مدحت،: بدون وعي منه هو ايه إللي بيحصل هنا ده وتملكه شعور غريب إتجاه حمزة وقال ده أنت طلعت خبيث أوى لأ أنت تعبان ..........
حمزة لرئيس الوزراء: أتمنى إن كل شيء يكون مطابق للمواصفات
رئيس الوزراء: بصراحه كنت قلقان لأن جتلنا شكوي بتقول أن فى تلاعب بالمنطقه دى بالتحديد بس أنت أثبت أنها شكوى كيديا بجد بحييك أنت طالع لجدك محمد الهواري الغول إسم على مسمى....
وبدأ حمزة مع حازم يتحدثون عن المشروع .......
نرمين: تحدث نفسها شكوى إيه أنا جيت الموقع هنا وكان فى سرقه فى الحديد وكام مبنى غير مطابق للمواصفات وحمزة صحح كل شيء ازاى دلوقتى بيقولو المنطقه كلها كانت غير مطابقه للمواصفات وكمان بالشكاوى .........؟؟
حمزة: سرحانه فى ايه.......؟؟
نرمين: تحدثت بما يجول فى خاطرها
حمزة : اركبي العربيه وأنا هقولك على كل حاجه وبدأ حمزة يشرح لها عن التلاعب في هذه المنطقة كلها في ومش كام مبني لأ المنطقه كلها غير مطابقه للمواصفات وغير قانونيه
نرمين: وبعدين
حمزة: أبدا أنا كلفت حازم وبدأ الشغل الصحيح للمنطقه اينعم اتكلفنا كتير بس حافظنا على إسم الشركة ومكانتها
نرمين: بنظرة اعجاب وانبهار لحمزة يعنى أنت هديت كل الابنيه الأولى......؟؟
حمزة: طبعا أنا عمرى ما اباشر شغلي وأنا على مكتبي لازم انزل وأشوف بنفسي الغلطه فى مجالنا تموت ارواح كتير وبسبب نزولي اكتشفت التلاعب اللي فى المنطقه دى والباقى انتى عرفاه
نرمين: طيب....... قطع حمزة عليها الكلام هنكمل كلامنا بعدين يلا انزلى للقاعه علشان البوفيه كمان نص ساعة
نرمين: اوك تمام
مدحت: بغل وحقد ازاى مش هى الابنيه دى طيب دى اتبنت امتى وازى وفين وظل يحدث نفسه وكله حيرة مما حدث وبتساؤل ي ترى حمزة كده عرف أنى ورا الموضوع ده أكيد عرف والاكيد انه هيدمرنى
*********************
البارت ١٤★ اسرار القلوب★
مدحت: بغل وحقد ازاى مش هى الابنيه دى طيب دى اتبنت امتى وازى وفين وظل يحدث نفسه وكله حيرة مما حدث وبتساؤل ي ترى حمزة كده عرف أنى ورا الموضوع ده أكيد عرف والاكيد انه هيدمرنى
***************
حمزة: مدحت سرحان فى إيه ......؟
مدحت: ولا حاجه بس مبسوط أوى الحمد لله إن كل حاجه تمام.......
حمزة: الحمد لله وركز معايا علشان الاعلام والصحافة وبطل سرحان .....
وذهب الجميع لافتتاح البوفيه
علي: هى البت دى راحت فين وظل يبحث عن سلسبيل هى اختفت فين دى ...
حمزة: إنت اتجننت بتكلم نفسك ..
علي : بدور على سلسبيل ومش لاقيها .....
حمزة: هى إبرة مش لاقيها دور عليها كويس
على: أنا عارف راحت فين بس والله بس لما اشوفها
حمزة: تعالي معايا اهى واقفه هناك مع مدحت
فذهب حمزة لسلسبيل انتى بتعملى ايه هنا
سلسبيل: بتفرج الحفله تجنن
حمزة: بتعجب بتتفرجى على ايه هو بارتى ......!!
سلسبيل: بتفرج على الناس دى أول مرة أروح حفله بس إن شاء الله مش آخر مرة أصلي اتعودت.....
علي: اتعودتى على إيه يا آخرة صبري....
سلسبيل: على الحفلات
علي: اتعودتى من امتى بقي إن شاء الله
سلسبيل: أصلي بتعود على طول شوفت سهوله زى كده والنبي أنا مفيش مني اتنين تعالي لحسن هموت من الجوع....
علي: طيب م تموتى اهو نريح منك البشريه وارتاح انا منك
سلسبيل: طيب اكلنى الأول علشان ربنا هيحسبك على جوعى وهتتشلوح فى النار
علي: ربنا هيحسبنى علشان سيادتك جعانه
سلسبيل : أه مش أنت إللي جبتني هنا ومقعدنى هنا بقالي ساعتين مستنياكم لما العصافير ماتت....
علي: بس بس تعالى لما نعمل إنعاش للعصافير على الله يطمر
*********************
وعلى الصعيد الاخر
عثمان: الو ايوة ي مدحت إيه الأخبار طمنى......
مدحت: مش عارف ااقولك ايه الواضح أن حمزة مش سهل وأنا استخفيت بذكائه......؟
عثمان: يعنى إيه مش فاهم..........
مدحت: كل حاجه كنا مرتبنها هو عدلها ازاى معرفش بس الواضح أنه راح الموقع وهد الشغل القديم كله ورجع التصاميم الاساسيه وسلم المشروع النهارده سليم
عثمان: أنت بتهرج أكيد هد ايه وبنى إيه هى عمارة دى منشآت يا استاذ ولا سيادتك أخذت فلوس وأنت بتوهمنى بأنك بتعمل إللي عليك
مدحت: أهدى ي عثمان بيه أنا معرفش ايه حصل بس الواضح إن إبن أخوك مش سهل وأنا وأنت استخفينا بعقله
عثمان: أنا ميلزمنيش الكلام ده أنت قبضت فلوس وأنا ماخدتش اللي أنا عيزة
مدحت: أهدى لسه المناقصه وهى دى اللي هتدمرة على الآخر وكمان هو كلف الشركه مبالغ كتير بعد اللي حصل يعنى الشركه مش حمل واقعه تانى الفترة دى........
عثمان: عموما أنا هفضل مستنى ولازم ورق المناقصة تعمل منه نسختين علشان تعرف تسلمها للمكان التانى
مدحت: متقلقش هى أول مرة يلا سلام علشان اشوف شغلي
عثمان: سلام
******************
سلسبيل: واااااو الحفله روعه بجد وفى كتير ممثلين هنا هما بيعملو إيه........؟؟
علي: طبيعى جدا وجودهم مش استثمار يا هانم والناس دى بتستثمر فلوسها فى العقارات
سلسبيل: امممممممممم قولتلى .....؟
علي: قولتلك إيه يا مجنونه انتى انتى ملحوسه ي بت ...
سلسبيل: هوسسسسس خلينى اتفرج على الناس الجميله دى عايزة أتصور معاهم ي علي.....؟
علي: انتى تقفي هنا ساكته خالص سمعه ....
مدحت: إزيك يا آنسه سلسبيل
سلسبيل: ازيك يا بشمهندس
مدحت: تحبي تروحى البوفيه تجيبي حلو .....
سلسبيل: اه وماله يريت وكمان اجيب حاجه اشربها يلا بينا.....
علي: مسك اديها رايحه فين وحلو ايه مش لما تخلصى اكلك....
سلسبيل: ما أنا خلصت اكلي وهجيب حلو....
علي: وهو يصطق على اسنانه من الغيظ اتفضل يا بشمهندس شوف الضيوف وانتبه لشغلك وركز عليه
مدحت: حاضر وصق على اسنانه من الغيظ من أسلوب علي معاه وسوء معاملته له
مدحت: بعد أذنك يا آنسه سلسبيل أشوف الضيوف وإذا احتجتى حاجه أنا واقف هناك اوك
سلسبيل: اتفضل حضرتك .....
علي: التفت إلى سلسبيل اسمعيني كويس أسلوب اللامبالاه اللى عندك ده تبطليه سمعه ولا لأ
سلسبيل: هو أنا عملت إيه
علي: يعنى إيه مدحت يقولك تعالى وسيادتك مش ممنعه
سلسبيل: وهو كان طلب حاجه غلط ده هيجبلي حلو وبعدين بطل تحكماتك دى بجد أنت مستفز
علي: فعلا معاكى حق أنا إللي غلطان علشان جبتك معايا وبدأت مشاده من الكلام بين علي وسلسبيل بصوت واطي بس باين علي وشهم الغضب
نرمين: إيه فى إيه خلو بالكم فى صحافه هنا مش نقصين كلام وفضايح
علي وسلسبيل: حاضر هنسكت اهو
سلسبيل: ممكن اجى معاكى......؟؟
نرمين: هى فسحه أنا عندى شغل ومش فاضيه لشغل العيال ده.....
سلسبيل: بنظرة حزن من سؤء معامله نرمين لها واحراجها أنا أسفه اتفضلي شوفي شغلك...
نرمين: علي أنت تعالي معايا علشان توضح شغلك اتفضل....
علي: نظر لسلسبيل وامسك بيدها يلا تعالى معايا
نرمين: إنت بتهرج واخدها فين أنت رايح تتفسح؟
علي: يعنى عيزانى اسيبها هنا لوحدها ...
نرمين: الحفله مليانه ناس وهى مش صغيرة...
سلسبيل: شدت اديها من أيد علي أنا فعلا مش صغيرة ويريت تهتمى بشغلك انتى ومتهتميش بيا أوى كده
نرمين: بتعجب أنا مش عرفه انتى جيتى ليه أصلا عموما دى مش قضيتى يلا ي علي... ترك علي أيد سلسبيل وبدأ يتحرك مع نرمين وما هي إلا لحظات ورجع للوراء وأخذ يد سلسبيل وقال يلا تعالي معايا انتى موظفه حسابات يعنى محتاجك
نرمين: بوجه متجهم وتحدث نفسها والله شغل عيال
وبدأ الإجتماع على طاوله كبيره متواجد عليها رئيس الوزراء وبعض المستشارين والمهندسين وبعض رجال الأعمال وبداو بالحديث عن العمل
سلسبيل: اوووووف إيه ده كل شغلكم عبارة عن ملايين التف إليها رئيس الوزراء ونظر إليها فهم علي وخبطها على رجلها ايه ده اللى بتقوليه
سلسبيل: نظرت حولها فرأت الجميع يتطلع عليها ومنتظرين منها تكمله حديثها
نرمين: بضحكه معلش أصل سلسبيل بتحب تهزر كتير......
رئيس الوزراء: نظر لسلسبيل تقصدى إيه بأن الشغل كتير عليه المبالغ دى.......؟
سلسبيل: بصراحه أه كتير وكتير أوى كمان.....
حمزة: نظر لسلسبيل وضيق عينيه وتحدث قولى إللي عندك ي سلسبيل ووضحي يمكن فى حاجه تقدرى تضفيها لينا وأحنا مش وخدين بالنا
سلسبيل : قامت من مكانها واتجهت إلى حمزة وهمست له أتكلم وتدينى الأمان ومش تشلوحنى لما أروح ....
حمزة: باببتسامه قد غلبته على كلام سلسبيل قولى إللي عندك متقلقيش....
وفعلا وقفت سلسبيل وهى تنظر لرئيس الوزراء المشروع فعلا كبير جدآ ومهول وكلف الدوله كتيره وحاليا فاضل التسليم النهائي بعد شغل الديكور
رئيس الوزراء: امممممم اتفضلي كملي ....
سلسبيل: بكل حماس إحنا نقدر نعمل شغل الديكور بتكاليف اقل بكتير جدا والفرق نعمل بيه سكن للعمال بجانب شغلهم وخصوصا أنهم صعب يتنقلو المناطق دى ولازم نعمل حساب العمال لأن فى جزء كبير أوى مفيش عليه أى ابنيه ممكن نبنيها استراحات للمهندسين ومكان مخصص لحضانه اطفال علشان الأمهات ويتبنى سكن للعمال وأسرهم ومنها عامل ومنها حارس والمنطقه تكون عمرانه ويتعمل مدرسه لأطفالهم كمان كده بس ممكن نقول عليه صرح كبير شامل كل حاجه
حمزة وعلي وحازم: يتطلعون على سلسبيل وهم فارهين أفواههم......
نرمين: ااقعدى ي سلسبيل لو سمحتى.......
سلسبيل: ضيقت م بين حاجبها وجلست
رئيس الوزراء: ممكن اعرف انتى مين بالضبط
سلسبيل: بشاور على نفسها أنا ........؟
رئيس الوزراء: اه انتى
سلسبيل: أنا سلسبيل ماهر النشار وبشتغل فى الشركه فى قسم الحسابات
رئيس الوزراء نوري: قسم الحسابات طيب كده فهمت إنك تقدرى تعملى ميزانيه للتوفير لكن الغريب انك فكرتى بالتخطيط ونظام العمل والعمال
سلسبيل: ذهبت لحمزة مرة أخرى تدينى الامان ....؟
حمزة: اوماء برأسه وهو انتى لسه متكلمتيش اتفضلي كملى
ورجعت تانى لنفس مكانها وبدأت الحديث
ووجهت الحديث لرئيس الوزراء طبعا بالنسبه لسيادتك إن المشروع يتنفز وحضرتك تستلمه وتبداو بالخطوة التانيه وهى مرحله الإنتاج بس للأسف انتم جهزتو السكن الخاص بالمهندسين وتجاهلتو العمال اللي هما أساس العمل ومحدش فكر فى راحه العامل البسيط وازاى نقدر ناخد منه مجهود وقصاده نوفرله الراحه وراحه العامل فى أن أسرته تكون معاه وده جزء بسيط من حقوقه
رئيس الوزراء: بنظرة اعجاب بذكاء هذه الطفله..كملي وايه كمان.....
سلسبيل: واخدها الحماس بالحديث لازم نوفر للعامل المدارس لأولادهم لأن هما ليهم اولويات فى المدارس دى وتكون أجورهم كويسه علشان يقدرو على المعيشة علشان لما نقول صرح يبقى إسم على مسمى لانه هيكون ملم بكل الخدمات للعمال والمهندسين وكمان الأمهات تقدر تحيب أطفالها معاها بدل م تعطل الشغل هيكون ابنها معاها وممكن نوفر ليهم اتوبيسات لنقل االموظفين
رئيس الوزراء: وأنتى تفتكرى إن فرق فلوس الديكورات هتعمل ده كله......،؟
سلسبيل: أه هنقدر نوفر جزء كبير وحضرتك ممكن توفر الباقى من الدوله واهو كله لمصلحه سير العمل
نرمين: ده تهريج كلامك مش منطقى خالص
سلسبيل: ليه مصاريف الديكور بتكون مكلفه جدا لازم نضغط الميزانيه إذا حبين يكون صرح عالمي أما الديكورات تكون فى غرفه الإجتماعات الرئيسيه والمكاتب دهانات عاديه ليه ديكور يعنى
وهنا وقف حمزة بإعجاب شديد وبدأ يصفق لها بانبهار ومن بعده وقف كلا من علي وحازم ورئيس الوزراء وهم يصفقون لها
رئيس الوزراء: فعلا حماسك وحبك للغير بسطي حجات كتير واهتميتى بالعامل البسيط بجد شاااااابو ليكى أنا فخور بأن يكون فى شباب زيك معانا هنا وأتمنى أنك تشرفينى معاهم وتديهم مقترحاتك دى كلها وعيزك تعملى ميزانيه ودراسة جدوي
سلسبيل: بتصفيق هيييييييي بجد كلامى عجب حضرتك
رئيس الوزراء: قليل جدا اللي بيفكر زيك أنا فخور بيكى وبعقليتك
حمزة: فعلا انتى ممتازة ومن بكرة باذن الله هنعمل دراسة جدوى بالتكاليف المخصصة للديكور وهنبلغ معاليك بيها إن شاء الله
رئيس الوزراء: تمام وأنا هنتظر منك ي بشمهندس آخر التطورات.....
حمزة: إن شاء الله .......
انتهت الحفله وبدأ الجميع بالمغادرة......
نرمين: سلسبيل انتى جيتي مع مين...
سلسبيل: جيت مع علي ليه فى حاجه...؟
نرمين: لاء بسال لحسن تروحى لوحدك...
سلسبيل: تحدث نفسها عبوشكلك.......
علي: يلا يا آخرة صبري علشان اروحك..
سلسبيل: إيه ده أتكلم معايا كويس أنا تعبت أوى النهارده وكمان بشهادة رئيس الوزراء أنى ممتازة ...
علي: طيب يختى يلا لحسن تفرقعى من كتر النفخ..
سلسبيل: ههههههههههههه
علي: بتضحكى على ايه........؟
سلسبيل: اصلي انا كشكشت شغلك وتلاقيك أنت إللي هتفرقع ي حرااااااااام ...
علي: بصي كويس حوليكى......!!!
نظرت سلسبيل حولها إيه فى إيه حواليا
علي: خيبتك يلا أنا تعبان وعايز أنام يدوب الحق اخطفلى ساعتين قبل الشغل
سلسبيل: يلا الهى وأنت بتخطف ساعتين يعكشوك وم تلحق تاخد خمس دقائق....
علي: سمعتك على فكره
سلسبيل: بهزر معاك ي صلاح إيه مش بتعرف تهزر
علي: طيب يلا انجزى فى يومك ده إللي مش هيعدى
وصعدا سويا إلي السيارة متجهين الى القصر
حمزة: حازم إيه رائيك فى كلام سلسبيل
حازم،: بجد انبهرت بيها وبطريقه اهتمامها بادق التفاصيل دى وفرت كل حاجه للموظف والعمال حتى تعليم أولادهم منستهوش والسكن كمان بجد الموضوع رهيب وهيعمل ضجه كبيرة واذا اتنفز بطريقتها صدقنى المشروع ده هيتنفز تانى وتالت وهتبقي بدايه إستثمار للبلد بطريقه مختلفه....
حمزة: معاك حق طبعا بكرة هنعمل إجتماع وندرس كل الكلام ده وندقق فيه وعايز كل حاجه بتكلفه معقوله علشان تتنفز بالطريقه الصحيحه
حازم: تمام امشي أنا بقى لحسن فصلت خالص ومحتاج أنام
حمزة: حازم شكراً على كل حاجه عملتها معايا ووقفتك جمبي مع إنك مش مسؤل عن الاخطاء اللي حصلت فى المشروع بس أنت ساهمت معايا بمجهودك وعماله من عندك لوله كده مكناش سلمنا المشروع النهارده بجد شكرا ليك
حازم: بابتسامه معرفه الرجال كنز ومش كل يوم هقابل حد زيك سلام ي صحبي روح ناملك شويه
حمزة: سلام
******************
البارت ١٥★ اسرار القلوب★
صباح تانى يوم والجميع حول مائدة الطعام
الجد: إيه الأخبار ي حمزة.......؟؟
حمزة: كله تمام ي جدو بس حضرتك يريت تبقى معانا فى الشركه وجودك مهم جدا....
اميمه: لأ معاكم إيه هو خلاص لازم يرتاح والبركه فيكم أنتم
هناء: معاكى حق عمى لازم يرتاح والبركه في الشباب واديك بتشرف عليهم وبتقولهم على الخطوات المطلوبه بس المهم متجهدش نفسك .....
اميمه: كده أحسن خلي الشباب يتعاونو ويكبرو شغلهم بنفسهم .......
وصل عثمان للقصر وتحدث مين دول اللي يتعاونو...؟
الجد: حمدالله على السلامه.....
عثمان: الله يسلمك ي بابا حضرتك عامل ايه النهارده
الجد: الحمدلله ي حبيبي.....
هناء: حمدالله على السلامه يا حبيبي ......
عثمان: لا رد
هناء: بخجل طيب أنا هقوم أشوف ورايا إيه....
حمزة: استنى ي طنط هناء أنا عندى كلام عايز ااقوله ولازم كلنا نكون موجودين.......،؟
الجد: خير يا ابنى فى ايه........
حمزة: طبعا أنا وعدت سلسبيل برحله لمده أسبوعين للكل ومفيش حد هيعتزر ....
الجد: إنت لسه فاكر.......
سلسبيل: إيه ي جدو عيزينه ينسي حاجه مهمه زى دى ليه علشان معنويتنا تعلي والنفسية كمان .....
حمزة: بعد اسبوعين اجازه نصف العام الدراسي وهنسافر الاجازه كلها مع بعض
عثمان: يعنى إيه هنسيب شغلنا علشان وعدك مع سلسبيل ومده اسبوعين.......؟
حمزه: أولا أنا بحب اوفي بوعدى ثانيا البيت هنا محتاج للإجازة دى كلنا انشغلنا ومحدش يعرف عن التانى حاجه ومش بنتجمع غير وقت الأكل واللى كتير مننا مش بيكون موجود معانا علشان كده كلنا محتاجين للاجازة دى
سندس؛ بفرحه كبيره بجد أخيرا هنخرج فى رحله اسريه مع بعض بس قولى ي حمزة هنسافر فين.....؟
حمزة: خليها مفاجاءه هقولكم عليها قبل السفر بيوم
عثمان: ليه إن شاء الله سر من اسرار الدوله متقول هنسافر فين......؟
خالد: خليها مفاجأة احسن وأنا هرتب نفسي علشان اعرف اخد اجازة كام يوم
حمزة: لأ لأ أنت هتكون معانا طول الاجازة محدش هيغيب...
صالح: أنت بتهرج أنا عندى قضايا كتير أوى صعب اغيب الفترة دى كلها
حمزة: بابا لو سمحت تقدر تاجلها أو أعمل اولويات للقضايا الأهم ودى تنزل تحضرها وترجعلنا تانى
اميمه: الله بجد كلنا محتاجين التغيير ده أوى
صالح: خلاص ي اميمه هرتب امورى علشانك انتى بس
اميمه: ربنا يخليك ليا يا حبيبي.....
هناء: ومين سمعكم إحنا ندعى لسلسبيل بأفكارها الجميله اللى زيها ....
سلسبيل: علشان تعرفو قيمتى...
علي: هى ثلاثه جنيهات مصري....؟
سلسبيل: مالهم الثلاثه جنيهات خير محتاج سلفه
علي: لاء دى قيمتك يختى
سلسبيل: سامع ي جدو الاستاذ بيقول عليا إيه...
الجد: سيبك منه محدش بيسمعله كلام ولا حد خد باله
سلسبيل: ههههههههههههه معاك حق
نرمين: حمزة هتعمل ايه فى الكلام إللي حصل امبارح أكيد هترفضه
حمزة: بتعجب أرفض إيه لما رئيس الوزراء منتظر دراسه جدوى وبجد الفكرة ممتازة اوى
سندس: سلسبيل قالتلى على إللي حصل والفكرة اللى طرحتها حقيقى بالرغم من تكلفتها بس هتوفر كتير فى الوقت بالنسبة للعمال والموظفين عموما وكمان في قطعتين من الأراضي ممكن يتعمل فيهم السكن...
حمزة: أنا بقول ناخد ارض اضافيه بعد سكن المهندسين....
سندس: لاء القطعتين دول هيوفرو علينا كتير وهيتبنى عليهم السكن والمدرسه كمان السكن هيكون مشترك بين العمال والمهندسين والقطعه الكبيرة للمدرسه وكده هنوفر كتير من ميزانيه شراء ارض
حمزة: بإعجاب بجد انتى عبقريه وحلتيها من غير تكاليف شراء انتى وسلسبيل بجد ملكوش حل
الجد: طبعا إبن الوز عوام دول ولاد ماهر كان مخه ديما شغال على طول وبيفكر فى كل كبيرة. وصغيرة
واهو بناته طالعين ليه.......
فعلا اللي خلف ممتش
خالد: برافو عليكى يا سندس انتى وسلسبيل انا فخور بيكم أوى وهيكون ليكم شأن كبير فى شغلكم
سندس: مرسي ليك ي خالد......خالد: انتى مجتهده وتستهلى المديح ده كله
سلسبيل: استووووب إيه دهون دى فكرتى امدحونى أنا شويه علشان اتغر فى نفسوياتى....
علي: اتنيلي ويلا على الجامعه علشان نهرب من طلعتك البهيه دى ويومنا هيبقي جميل
سلسبيل: أخيرا اعترفت أن طلعتى بهيه ههههههه بس أن مكنتش تحلف
علي: امشي يلا ي فرسانى مش عارف اخلص منك فين بس ارميكى في البحر لأ البحر مالوش ذنب طيب ارميكى فى جنينه الحيوانات بس ي رب م يتسممو منك ههههههههههههه
سلسبيل،: بغيظ سامع ي جدو بيقول عليا إيه اصله هو عدو النجاح أنا عرفه ده أنتم من غيري تغرقو
علي،: خبطها على راسها والله محدش هيغرقنا غيرك امشي يلا ي بت
سندس: يلا وبطلى رغي ضحك علي : قولتش حاجه من عندى
سلسبيل: كده ضحكتى عليا دهون وشاورت على علي
اميمه: يلا يا بنات على الجامعه علشان متتاخروش
سميحه: بابا تحب تطلع فى الجنينه نشرب القهوة
الجد: يريت ونادى على هناء تيجى تشرب قهوتها معانا بدل م هى بتطلع وتقعد لوحدها.....
اميمه: أنا هناديها وذهب كل واحد على وجهته الا خالد
الجد: خالد ي ابنى أنت مش هتخرج النهارده معندكش عمليات.....
خالد: لأ أنا أخدت أجازه هرتاح النهارده استجمام
الجد: وماله اهو تقعد معايا ونحكى سوا بدل قعده الحريم دى.......
اميمه وسميحه: بقي كده ماااااشي ضحك الجد وخالد عليهم
الجد: يلا ولا هتفضل قعدين كده على السفرة كتير
سميحه: يلا بينا وانتى يا اميمه نادى على هناء تنزل
صعدت اميمه لغرفه هناء واطرقت على الباب فلم اجيبها فتحت اميمه الباب ونظرت من حولها فلم تجد هناء
اميمه: راحت فين تكون نزلت تانى لاء ما هى طلعت قدامى فوق وأثناء شرودها اميمه سمعت صوت بكاء فنظرت حولها إيه ده. ده صوت هناء معقول ...؟
اسرعت اميمه فى إتجاه الصوت فرأت هناء فى غرفه نرمين جالسه على السرير ومسكه فى اديها صورة تجمع نرمين مع أخيها خالد
اميمه: هناء مالك ايه إللي مزعلك ومخليكى بتبكى كده.......؟
هناء: كل حاجه حوليا بتخلينى أبكى واتقهر على حالى مش عرفه أنا عملت ايه علشان استاهل معامله عثمان ليا
اميمه: انتى اول مرة تتكلمى وتشتكى ي هناء وعمرك م اشتكيتى عثمان لأى حد
هناء: كان عندى أمل أنه يتغير ويبقي أحسن بس للأسف عثمان كل ماده بيتغير للاسواء معايا ومع نفسه ويرتنى عرفه أعمله حاجه مش بعرف أكلمه كلمتين على بعض وإذا اتكلمت معاه بيقل منى ويستهزء بيا وأنا تعبت بجد حياتى معاه ميئوس منها مع عثمان أنا ربيت عيالى وخليتهم أحسن الناس لوحدى وعمرة م اتعاون معايا بحاجه تخصهم ديما لوحدى وظلت تبكى على حالها وحياتها...
اميمه: اخدتها بحضنها بس ي هناء علشان خاطرى كويس إنك اتكلمتى ازاى تخلي كل الهموم دى جواكى
هناء: يعنى لو قولت إيه اللي هيحصل......؟
اميمه: هيحصل كتير أنك هترتاحى وأكيد هنشوف حل للموضوع ده
هناء: بضحكه مريرة حل ....حل إيه بس انتى مش واخده بالك بنتكلم عن مين.....
اميمه: صدقينى عثمان إنسان كويس بس الشغل واخد جامد والشركه كاانت حمل عليه وده خلاه يبعد عنك وعن الاولاد بس خلاص إحنا مع بعض هنخلى عثمان يرجع لعقله تانى.....
هناء: بابتسامه والله انتى بتطلعينى من أي حاجه بتزعلنى حتى لو بالكلام
اميمه: بس اسكتى انتى نسيتى أيام الجامعه ولا ايه إحنا بقي هنرجع الايام دي سيبي كل حاجه عليا بس انتى تنفزى كل كلامى
هناء: حاضر ربنا يستر من افكارك
اميمه: ييييييي انا نسيت عمي تحت هو وخالد وسميحه مستنينا نشرب القهوة مع بعض
هناء : مسحت عبارتها من على خدودها يلا بينا
اميمه: يلا ي قلبي اغسلي وشك وحصلينى
*************************
فى مقر الشركه فى غرفه الإجتماعات
نرمين: هو الكلام اللي دار بين رئيس الوزراء وسلسبيل هيتنفز.....
حمزة: طبعا هيتنفز تحت إشراف حازم وانتى كمان هتتعاونى مع حازم من خلال الادارة وعلي هيعيد دراسه الجدوى للديكور بعد م حصرناها على غرف الاجتماعات وبعض المكاتب وحازم هيبتدى يعمل التخطيط الهندسي وهتكون معاه سندس لأن عندها افكار للتخطيط جميله
علي: أنا هقوم أخلص شغلي بس كنت محتاج معايا سلسبيل فى الحسابات
حمزة: مفيش مشكله هى عندها امتحانات خلص أنت شغلك وهى هتكمل اللي عليها لما توصل
علي: تمام هروح مكتبي ولما تيجى سلسبيل ابعتوها على مكتبي
نرمين: أنا ليه شغلي هيكون مع حازم......؟
حمزة: لأنك هتديرى شغلك على أرض الواقع مش من على مكتبك ويريت ي نرمين تهتمى بشغلك وبلاش الاعتراض على كل كلمه الشركه داخله على منحنى جديد عيزين نهتم بيها اكتر
نرمين: افتكر لما بعترض بيكون في سياق العمل مش بعترض وخلاص
حمزة: والله اتمنى ويلا دلوقتى اتفضلي هتروحى الموقع مع البشمهندس حازم علشان هتبتدو شغل وهبعتلكم سندس كمان ساعه تكون جت لوحدها من الكليه
نرمين: طيب خلاص لما تيجى سندس نروح سوا
حمزة: بردو اعتراض اتفضلي يلا وبلاش تعمللنا عطله
نرمين: بغيظ لحمزة اوووووف يلا ي بشمهندس
حازم: بابتسامه ساحرة اتفضلي معايا ي آنسه نرمين
نرمين: اتفضلت اهو........
حازم مهران صاحب شركه الاخوه شاب مجتهد يحب عمله واسسه مع إخوته بعد مشوار أبيه فى عمل الإعمار سنه ٣١ طويل هادى الطباع وزو جاذبيه جميله
خرج حازم مع نرمين برة مقر الشركه
حازم: اتفضلي معايا عربيتى هناك .......
نرمين: اتفضل حضرتك وأنا وراك بعربيتى ....
حازم: ليه أنا عربيتى دفع رباعى علشان أعرف امشي بيها داخل المناطق الرمليه فيريت يلا تعالى معايا وبلاش عطله....
نرمين: قولت لحضرتك اتفضل وأنا وراك
حازم: على راحتك صعد حازم وركب سيارته. وتعجب من سؤء معامله نرمين ورفضها لوجودة من خلال العمل فرفع اكتافه ربنا يهديها......
**************
حمزة: هدى لو سمحتى عيزك تبعتى عربيه للكليه تجيب سندس وتوديها للموقع للمهندس حازم ونرمين والعربيه ترجع ومتستناش اوك..؟.
هدى: تمام ي افندم
حمزة: وابعتيلي الملفات إللي طلبتها منك
طرق علي عده طرقات على باب مكتب حمزة
حمزة: اتفضل
علي: كنت عايز أسألك الديكور. اللي هيتعمل ااقدر انزل فيه بمعدل ٤٪ للمكاتب
حمزة،: أنا فكرت كلام سلسبيل صح احنا نهتم بغرفه الإجتماعات ونخلى المكاتب دهانات وبكده هنوفر كتير....
علي: امممممم طيب هى سلسبيل طلعت من الامتحان......،؟
حمزة: اه زمنها على وصول وإنت اتفضل على شغلك
علي: لحمزة ما هو الشغل علي وصول....
حمزة: شغل إيه إللي على وصول ......؟
علي: اااااها لأ اصلي مستنى الاستاذه علشان تظبط معايا الميزانيه مش اقترحها
حمزة بابتسامه لاخوة ماشي يلا على مكتبك شوف شغلك....
علي: بنظرة لحمزة إلا قولى إنت بتضحك على ايه ....؟
حمزة: ذاد ضحكته بصوت عالي جداً...
علي: هو ايه ده خير حمزة بيضحك لأ وعلى مين بيضحك عليا أنا
حمزة: اصلك طبيت يا استاذ ووقعت على الاخر
علي: طبيت فين وسرح لأ لأ لأ خيالك ميرحش لبعيد
حمزة: والله امممممممم طيب على مكتبك يلا ولما نشوف حكيتك إيه....
علي: لأ طبعا أنا بحب اهزر معاها بتدى طعم لليوم وبتهونه عليا لكن اطب والكلام ده لأ لأ أنت أكيد خيالك واسع
حمزة: يلا على مكتبك وبكرة كله يبان
خرج علي وهو يفكر فى كلام حمزة هو أنا طبيت لأ طبعا ده لما بروح بحط راسي وبنام زى الجردل ده اللي بيحب بيسهر ويفكر وبعدين أنا وسلسبيل لأ طبعا مستحيل انا اناكف فيها لكن توصل للحب ههههههههههههه والله حمزة ده لسع فضل يحدث نفسه وهو يتطلع إللي الا شئ
سلسبيل: يالهوى على اللي حليتنا اتجنن وماشي يكلم نفسه....
فاق علي على حديثها ايه هو اللى حليتكم ليه إن شاء الله بتشحتى عليا يا بنتى اتعلمى ازاى تتكلمى وانتى عمله زى اللي جايا من سوق الخضار
سلسبيل: والنبي أنا دخلت لقيتك باصص للسقف وبتتكلم مع نفسك يعنى مجنون رسمي بس متقلقش مش هقول لحد سرك عندى.
علي: خبطها فى كتفها بس ي بت ويلا انجرى قدامى علشان نشوف شغلنا
سلسبيل: طيب تعالى ورايا.......!!
علي: أنا اجى وراكى انتى......؟
سلسبيل: اينعم مش أنت مستنينى وكمان اتجننت اووم ايه تيجي ورايا وارشدك للطريق لحسن تتوة فى الشركه تعالى ي حليتنا
علي،: والله إن مبطلتيش الكلمه دى هقتلك ....
سلسبيل: نظرت لداخل شنتطها اتفضل واعطته لبيسه القلم
علي،: مالها دى
سلسبيل: علشان تعرف تقتلنى ما ده اخرك وبعدين بطل عطله أنا عندي شغل كتير ومش فاضيه يلا ورايا على المكتب
علي: على آخر الزمن أنا اشتغل مع العيله دى .....
سلسبيل: بصت لعلي وفى سرها والله لاطلع عينك علشان تبقي تعرف تتكلم معايا........
**************
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله الجزء الاول من هناااااااااا
الرواية كامله الجزء الثاني من هناااااااااا
مجمع الروايات الكامله اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق