رواية اسرار القلوب الفصل السادس عشر والسابع عشر والثامن عشر والتاسع عشر والعشرين بقلم رانيا قنديل
رواية اسرار القلوب الفصل السادس عشر والسابع عشر والثامن عشر والتاسع عشر والعشرين بقلم رانيا قنديل
البارت ١٦★اسرار القلوب★
سلسبيل: بصت لعلي وفى سرها والله لاطلع عينك علشان تبقي تعرف تتكلم معايا
************************
علي: استنى هنا انتى رايحه فين ........؟؟
سلسبيل: رايحين على مكتب البشمهندس مدحت علشان التخطيط هيكون معاه يا ناصح......
علي: انتى هتعملى ميزانيه مالك انتى ومال مدحت
سلسبيل: اوووووف خلاص خليك أنت هنا هخلص معاه وارجعلك وذهبت سلسبيل لمكتب مدحت واطرقت على باب مكتبه ......
مدحت: اتفضل نظر اليها وقال إيه ده المكتب نور..
سلسبيل: مرسي لحضرتك....
علي: إيه مش هتقولى المكتب نور ليا أنا كمان.....!!!!
مدحت: اتفضل طبعا نور بوجودكم ...
مدحت: خير انتم منورينى فى مكتبي ليه
سلسبيل: عايزة التخطيط النموذجى الأخير وايه المساحات المتوفرة هناك علشان ابتدى أعمل ميزانيه للعمل......
مدحت: بإعجاب بجد انتى طلعتى دقيقه فى شغلك بجد برافو عليكى........
علي: بصوت عالى أنت هتقعد تمدح كده كتير يلا ورانا شغل....
مدحت: الله ما ده شغل وأنا بعبر عن اعجابي بشغلها
سلسبيل: مرسي لحضرتك.......
على: اجبلكم اتنين ليمون ولا إيه .......
مدحت: لأ أنت فى مكتبي ده واجب عليا تحبي تشربي إيه يا آنسه سلسبيل.....؟
سلسبيل: يريت نسكافيه وحضرتك ي بشمهندس
علي: لأ شكراً عيزين نبتدى الشغل علشان العرض هيكون كمان اسبوع لرئيس الوزراء
مدحت: اوك تمام وبدا بالفعل فى سردالعمل لسلسبيل وهى تدون وبعد مرور ساعه سلسبيل كده تمام وأنا كده فاضل شغل الديكور بعد ٣ أيام هسلمكم الميزانيه
مدحت: معقول بالسرعه دى ...... ؟
سلسبيل: اوماااال ده أنا سلسبيل ماهر اصلي طالعه لبابا وجدى ....تغير وجه مدحت للعبوث والتجهم وحدث نفسه فعلا بنت ابوكى......
على: ايه خلصنا ولا لسه......
سلسبيل: اه تمام وهمت بالنهوض من مكانها ومدت من اديها لتسلم على مدحت فأمسك علي باديها يلا مفيش وقت للسلامات ورانا شغل وابتسم علي لمدحت وغادر المكتب مع سلسبيل
علي: كده شغلي أنا بس إللي فاضل........
سلسبيل: اه ويريت بكرة نكمل لأنى فصلت خالص
علي: ليه سيادتك البطاريه مدتها أد إيه
سلسبيل: خفيف أنت والله يلا علشان نروح .....
علي: لأ لسه عندى شغل كتير ومخلصتش...
سلسبيل: اوووووف المشوار بعيد من هنا
علي: خديلك تاكسي ويلا هوينا........
مدحت: وقد سمع حديثهم آنسه سلسبيل اتفضلي معايا أنا مروح تحبي اوصلك......؟؟
سلسبيل: يريت دى إذا مكنش فى ازعاج لحضرتك ...
علي:اتفضل سيادتك أنا هبعت معاها السواق...
مدحت: السواق راح مشوار وهو برة الشركه وكمان القصر فى طريقى اصلا يلا يا آنسه سلسبيل ....خرجت سلسبيل مع مدحت لخارج الشركه ...
علي: والله لاعلمك اذاى تكسري كلامى ذي يا زفته واثناء ركوب سلسبيل بجوار مدحت بالسيارة فشعرت بيد من حديد تمسك معصمها وتنزلها من السيارة
علي: انزلى أنا مروح ......
سلسبيل: طيب حاسب ايدى هتكسرها أنت بتعمل كده ليه .......!!!!!!
على: شكرا يا بشمهندس انا هروح....
مدحت: بتعجب لتصرف علي العفو أنا عملت حاجه
صعدت سلسبيل بجوار علي وهى تنظر إليه مش أنت كان عندك شغل.....
علي: ملكيش فيه ومش عايز اسمع صوتك لحد ما اروح مفهوم
سلسبيل: ده اتجنن ولا ايه والله أنا قولت عقله بقي فسفس ......كانت تحدث نفسها ...
علي: مش بكلمك......
سلسبيل: لا رد..........................
علي: والله العظيم ازرفك قلم تتلوحى فيه ومتلاقيش حد يعلجك مش بكلمك .....؟
سلسبيل: لأ رد......
انطلق علي بسيارته ووقف على جانب الطريق ممكن اعرف مالك كل ما اكلمك مش بتردى...
سلسبيل: مش قولتلى مش عايز اسمع صوتك وبصراحه أنا ماليش نفس أتكلم..
علي: كان ليكى نفس تتكلمى مع مدحت كنتى زى البغبغان ببلعه راديو سيادتك
سلسبيل: أنا رغايه فى سياق العمل لكن أنا بطبيعتى كيوتا وهاديه ويلا بقىى لحسن العصافير اشتغلت وهموت من الجوع إيه معندكش اخوات بنات ي عم أنت .....
علي: ضحك والله مفيش منك فايدة ولا عايده...
سلسبيل: أنا سبع فوايد فى بعض وبعدين مين عايدة دى صحبتك وانطلقو فى طريقهم للمنزل....
******************
وبعد مرور عده أيام الجميع جالسون فى الحديقه للقصر
اميمه: الجو رائع النهارده والشمس جميله ودافيه
هناء: أنا بحب جو الشتا أوى بحس أننا بنتجمع اكتر فيه
اميمه: معاكى حق الكل مشغول فى حياته وشغله واحنا هنا فى البيت ويا دوب وقت الأكل إللي بيجمعنا
سميحه: ههههههههههههه طيب عندك حل علشان يفضلو معانا وقت اكبر دى حتى البنات بعد الكليه بيطلعو على الشركه مبقتش اشوفهم زى الأول
الجد: خليهم يراعو شغل أبوهم مش دى شركتهم بردو وبعدين أنتم عيزين ترصو البنات جمبكم سيبوهم يرسمو طريقهم ويختلطو بالناس......
خالد: معاك حق يا جدو بس الشغل دلوقتى مع الدراسة فيه مجهود عليهم واتمنى إنه ميأثرش على دراستهم
حمزة: متقلقش عليهم وشغلهم فى نطاق دراستهم وكمان هما بياسسسو نفسهم ودى بدايه النجاح إنهم يكونو أد المسؤليه فى دراستهم وشغلهم وهما فعلا معايا اثبتو انهم يقدرو يقومو بأى شغل بكلفهم بيه
سلسبيل: شفتو اهو الزعيم بجلاله قدرة بيشكر فيا يعنى من حقي اترقي صح يا جدو
الجد: هههههه صح يا عيون جدو هنشوف حمزة هيرقيكى فين....
سلسبيل: بهمس لجدها مبلاش حمبوزو يا جدو دى متهور وممكن يشغلنى مع الأمن ويقولي اثبتى كفائه علشان تترقي
الجد: لم يتتمالك نفسه من الضحك الكل خير ايه الضحك ده كله
هناء: من غير تفكير مش سلسبيل قعده جمبه أكيد قالتله حاجه
اميمه: طيب ضحكونا معاكم ولا إحنا ملناش نفس
صالح: وهى لو عايزة تسمعكم مكنتش وطت صوتها لجدها بس....
سلسبيل: فعلا محامى شاطر جهبز..........
وبهمس لجدها يا ترى ي جدو لما ااقتله عياله الاتنين دول هيدافع عنى ويطلعنى ولا هيسلمنى تسليم أهالى لعشماوى
الجد: ولم يتمالك نفسه من الضحك ابعدوها عنى البت دى. دى ناويا تفطسنى النهارده ههههههههههههه
علي: هى بتقولك إيه أصل كلامها كله تافهه مبتقولش كلمتين على بعضهم ليهم فايده....
سلسبيل: هتموت وااقولك بس أبدا دة سر بينى وبين جدو صح يا جدو ......
الجد: صح يا عيون جدو ......
حمزة: ماما هى من إيمان هترجع اامتى من رحلتها دى إتأخرت أوى....
اميمه : دى مش رحله يا حبيبي ده مؤتمر عالمى فى شرم الشيخ وأنت عارف شغلها فى الترجمه وبتسافر كتير علشان كده مش بتكون متواجده معانا
حمزة: يعنى هتيجى امتى ولا لسه هتتاخر ...
اميمه: لاء يا حبيبي هتيجى النهارده المؤتمر خلص امبارح وهتاخد اجازتها معانا
صالح: يعنى يا حمزة مقولتش الرحله اللى هنطلعها دى فين
الجد: اه صحيح إحنا المفروض هنسافر بعد يومين ومنعرفش هنروح فين.. . ؟؟
نرمين: يمكن سر ولا سيادته بيمارس يكون مدير علينا هنا فى البيت كمان......؟؟
هناء: نرمين ازاى تكلمى إبن عمك بالطريقه دى هو قال عاملها مفاجئه لينا يبقى ليه اسلوبك ده
نرمين: هو أنا قولت إيه يعنى الله .......!!!
سندس: صحيح يا حمزة هنسافر فين دى أول مرة هنتجمع فى رحله مع بعض
عثمان: متقول يا حمزه هو سر ولا ايه
حمزة: هو أنتم مديينى فرصه أتكلم عموما أنا رتبت لسفرنا للصعيد عند جدو رأفت ومنها نطمن عليه ومنها كمان نشوف بلدنا
عثمان: الصعيد أنت بتهرج أخدت رائي مين ولا إنت بتتصرف من راسك من غير ما تشور اللى أكبر منك ما تتكلم يا صالح
صالح: ليه يا حمزه الكل مبسوط أننا هنطلع رحله تيجى أنت وتعكنن علينا كده......
حمزة: بصراحه أنا مش فاهم حاجه إحنا ريحين بلدنا يعنى مش ضيوف على حد وكمان جدو رأفت تعبان ولازم نزورة
صالح: يا حبيبي كلنا بنتصل بيه كل يوم ومحدش مقصر
حمزة: نظر لجده ووقف ووجه كلامه للجميع افتكر إحنا كبرنا ومن حقنا نعرف أنتم منعنا ليه من نزول البلد ليه وليه نهيتو علاقتكم بعمى للاسف كلنا مش عرفين حاجه ومش بنسال لكن لما نقول سفر وتمنعونا يبقى محتاجين تفسير منكم ونظر لأبيه وعمه .....نظر صالح لعثمان وفضل الصمت....
خالد: كل إللي قاله حمزة أنا معاه فيه من حقنا نعرف أنتم مخبيين عننا إيه .......؟؟
الجد: خبط على يد المقعد بس كفاااااايه ولا كلمه ذيااده مفيش احترام لوجودى ولا ايه اعتبرتونى ميت .....؟؟
حمزة وخالد : إحنا متاسفين
عثمان: طالما اعتزرتم يبقى كده تمام رتبو للرحله فى مكان غير الصعيد
حمزة: حقيقي انا اعتزرت لأنى اتجاهلت وجود جدو وصوتى كان عالى لكن بالنسبه للسفر أنا مسافر الصعيد واللى حابب ييجى معايا يتفضل....
عثمان: أنت بتعصي كلامنا ولا هو عند وخلاص.....
حمزة: مفيش........وقطع الجد رد حمزة
الجد: نظر لأولاده وأحفاده وسألهم مين عايز يسافر الصعيد......؟؟
عثمان: فى حاله زهول من سؤال ابيه وجحظت عينيه يعنى إيه إنت بتسالهم ليه......،؟؟؟؟
الجد ولادكم كبرو ومينفعش ناخد قرار بالنيابه عنهم
يلا جوبونى........اللي عايز يسافر الصعيد يقول والقرار للاغلبيه موافق يا حمزة ......
حمزة: وهو موجه نظرة لأبيه وعمه طبعا موافق
سندس: بصراحه نفسي من زمان أسافر الصعيد أنا مرحتهاش من بعد وفاه بابا....
سلسبيل: وأنا كمان اسافر الصعيد..
خالد:: وانا كمان هسافر الصعيد وفرصه اشوف جدى رافت
نرمين: تمام وأنا معاكم
اميمه بحماس زائد وأنا مع الشباب نظر لها صالح بعتاب فاخفضت عينيها حتى لا تتراجع عن موقفها
هناء: أنا......عثمان انتى انتى تسكتى خالص ما انتى لسه جايا من عند والدك وبعدين رائيك من رائي أنا
اميمه: مسكت ايد هناء وضغطت عليها كى تبث فيها الأمان وتحثها على أنها تبدى رائيها بدون خوف
هناء: نظرت لخالد وبابتسامه وتحدثت دى أول اجازة لينا كلنا وأكيد مش هعارض الشباب أنا معاهم
عثمان: بزهول من رد فعل هناء فالتزم الصمت فى وجود أبيه...
إيمان: أنا وصلت يا اهل الدار وحشتونى جاااامد وجرريت على جدها واحتضنته وحشتنى يا جدو أوى وبدأت تسلم على الجميع
ايمان: لعمها عثمان مالك ي عمى حد مزعلك ولا ايه
عثمان: لأ رد.....
ايمان: بابا حضرتك فى إيه هو الجو مشحون كده ليه
سلسبيل: اه يا اختى مشحون ونفسي حد يفضي الشحن من البطاريه دى لحسن هتنفجر فينا....
إيمان: وضحى يا ذئردة مش فهماكى.....؟؟
الجد: خلاص الكل يجهز شنطه علشان هنسافر الصعيد وأنت يا حمزه رتبت للسفر ازاى
حمزة: حضرتك وبابا وعمى وطنط هناء وطنط سميحه وماما هتسافرو طيران وأحنا هنحصلكم بالعربيات
عثمان: أنا مش رايح فى اى مكان.....
الجد: الكل هيسافر ومش عايز اعتراض مفهوم وأنت ي حمزة ترتب أننا هنقعد فى المندرة وتسفر الخدامين قبلنا بكرة
حمزة: أنا فعلا رتبت لكل ده يا جدو
الجد: كده تمام ومش عايز أى مشاكل هناك مفهوم ونظر لعثمان وصالح ....
صالح: تمام
عثمان: اومئ برأسه بالموافقه
سميحه: طيب كله يوضب شنطه ويستعد للسفر
الجد: ظل ينظر لحمزة بدون أى كلمه وهو يري حمزة يتحدث مع خالد يا ترى أنت بتنبش فى إيه ويرتنى عارف ااقرا أى حاجه فى عنيك إيه يا حمزة عايز تعرف إيه ولا أنت عارف وبتحاول تنبش فيه شكلك هتوجعنا كلنا وهتفتح جراح يريتها كانت اداوت ربنا يستر
**********************
سؤلنا بقى إيه الجراح اللى يقصدها الجد وايه اللى حمزة عايز يوصله
اشجونى بتعليقاتكم وايه ممكن يحصل
البارت ١٧★ اسرار القلوب★
الجد: ظل ينظر لحمزة بدون أى كلمه وهو يري حمزة يتحدث مع خالد يا ترى أنت بتنبش فى إيه ويرتنى عارف ااقرا أى حاجه فى عنيك إيه يا حمزة عايز تعرف إيه ولا أنت عارف وبتحاول تنبش فيه شكلك هتوجعنا كلنا وهتفتح جراح يريتها كانت اداوت ربنا يستر
***************************
سلسبيل:جدو يا جدو حضرتك سرحان فى إيه....
الجد: ااااها لأ يا حبيبتي فرحان بيكم وفخور أوى عيزكم ديما ايد واحده وتتحدو أى ضغوطات عليكم ومتسيبوش ايد بعض علشان انتم عزوة ببعض لو واحد فيكم لا قدر الله وقع الكل هيقع بالتدريج
إيمان: معاك حق يا جدو القوة في الاتحاد..تبسم لها جدها وقال لها نفسي تكونى معاهم انتى كمان فى الشركه وتتعاونى معاهم........
إيمان: ضحكت طيب أنا هعمل إيه يا جدو أنا مترجمه ومعرفش لا فى الحسابات ولا فى الهندسه يعنى اشتغل ايه أنا استاهل عليه مرتبي..
الجد: بس يا بكاشه ممكن تشتغلى مع نرمين فى الإدارة وتنسيق العمل والاجتماعات وتبقي معاهم فى الشغل وقدام عنينا بدل سفرك إللي كل كام يوم وبتغيبي كتير عن البيت وبتوحشينى....
إيمان: أنا بحب شغلي وحضرتك عارف بس الأكيد أنى مش هزعلك وهفكر فى العرض ده أبتسم لها جدها وربت على ظهرها بحنان....
نرمين: يريت يا إيمان تشتغلى معانا أهو الاقى حد أتكلم معاه ويكون عاقل....
ايمان: ههههههههههههه إيه يا بنتى ما انتى معاكى سندس ست العقلين كلهم
نرمين: امممممممم طيب يلا علشان نوضب شنطنا أنا متحمسه للرحله دى أوى ....
ايمان: طيب اطلعى وأنا هحصلك. .........
إيمان: نظرت لسندس متزعليش منها علشان خاطرى انتى عرفه نرمين مش بتستوعب اسلوبها وغلطها إلا بعدين
سندس: نفسي أعرف هى ليه بتتعامل معايا كده وديما بتتجاهلنى وكتير بتحرجنى قدام الناس أنا بقيت اتجنب وجودى معاها فى أى مكان
إيمان: أكيد فى حاجه مزعلاها فى الشغل فبينعكس عليها وبتطلعه فيكى نرمين حنينه جدا بس الشركه واخده منها وقت كبير فطبيعى أنها تكون مضغوطه وتعبانه لازم تتحمليها
سندس: أتمنى يكون كلامك صح وإن ضغط الشغل السبب
إيمان: أكيد كلامى صح هو أنا بقول كلام غلط يلا يلا خلينا نجهز شنطتنا للسفريه الجميله دى....
حمزة: إيمان عيزك تفكرى فى كلام جدك أنا محتاجك معايا فى الشركه وهيكون فى جانب للترجمه محتاجه فى الشركه وبصراحه عايز أكمل الشركه بإدارتها باحفاد محمد الهواري إيه رأيك
إيمان: هفكر بس قبل ما ارد عليك محتاجه ااقعد معاك ونتكلم......
حمزة: بابتسامه لأخته يريت وأنا كمان محتاج أتكلم معاكى واخد رأيك فى حجات كتير....
إيمان: متفقين هظبط امورى وانزلك
وصعد الجميع للتجهز للسفر وبعد مرور ساعه وأثناء
نزول إيمان
خالد: على فين العزم كده ......
إيمان: هروح ااقعد مع حمزة شويه واخليه يعملى شاي بالنعناع هو أحسن واحد يعمله
خالد: اوبااااااا. لا كده هاجى اغلس عليكم واشرب شاى
إيمان: طيب يلا تعالى معايا علشان يظبطلنا اجمل كوبايه شاي ...
خالد: لأ اسبقينى انتى علشان عندى كام حاجه فى الشغل هخلصها واحصلك
إيمان: اوك ي دووك
سندس: إيه ده أنتم ريحين فين خدونى معاكم
خالد: إيمان رايحه عند حمزة تشرب شاى بالنعناع وأنا هحصلها بعد م أخلص كام حاجه في شغلى
سندس: طيب عال وأنا كمان معاكم اشرب شاي بالنعناع من ايدي حمزة....
خالد: طيب روحي انتى مع إيمان وأنا هحصلك ..
سندس : قربت من أذن خالد أنت نسيت آخر كلام كان مابينا ولا ايه ....
خالد: لقرب سندس المهلك لقلبه مش واخد بالى بخصوص ايه ....؟
سندس: لاء أنت حالتك صعبه أوى مش اتفقنا إن لينا قعده بخصوص خالى عثمان وطنط هناء.....
خالد: اوبس والله نسيت خالص.....
سندس: أنا بقي منستش وقولت الاجازه دى فرصة نحاول نقربهم من بعض واهو هنحاول........ وأثناء حديثهم كانت اميمه نزله واسترقت السمع وتمعنت فى حديثهم وابتسمت ...
سندس: إيه رأيك فى كلامى.....
خالد: طيب واحنا هنقربهم ازاى لبعض عندك خطه....
اميمه: أنا عندى خطه ....نظر لها كلا من خالد وسندس فى اتجاه الصوت
اميمه،: مالكم مخضوضين كده ليه أنا هكون معاكم لازم نكسر الحواجز اللى بينهم من غير ميحسو
خالد: هى ماما اشتكت لحضرتك يا طنط اميمه....؟
اميمه: لأ طبعا من امتى ماما بتتكلم بس كلنا واخدين بالنا إن الشغل اخد بابا أوى ونسي اهتماماته بهناء واهو الشغل بقي بسيط والمفروض أننا ننبهه من غير ما يحس او ياخد باله من أننا بنلفت نظرة
خالد: تمام ولسه سندس كانت بتفكرنى بالموضوع ده
اميمه: بنظر حب الحمدلله وترقرقت الدموع بعينيها
سندس: مالك يا طنط حضرتك هتعيطى ولا ايه
اميمه: دى دموع حب وفخر بيكم لأن زرعتى وزرعه سميحه وهناء طلعت زرعه جميله جوه قلوبكم باحساسكم الجميل واهتمامكم بينا لما كبرنا فلازم أحمد ربنا عليكم أنتم أعظم مكسب لينا وأجمل ادخار لما العمر يمر بينا هنلاقيكم بارين بينا
خالد: تقدم من اميمه ومسك اديها وقبلها حضرتك متعيطيش ولاتنزلى دموع أبدا فى وجودنا لان ده واجب علينا إننا ناخد بالنا منكم وإذا كان فى نواقص فاهو بنحاول نكملها وكويس إن سندس افتكرت وجت تنبهنى علشان منساش ونظر إلى سندس بابتسامه جميله وهو سارح فى عيونها....
نظرت لخالد ولسندس وضيقت عينيها وحدثت نفسها إيه ده دى بدايه حب فى القصر إللي شيفاه فى عيون خالد ده حب كبير لسندس بس ي ترى سندس حاسه بالحب ده ولا لأ .......؟
خالد: طرقع إصبعه أمام وجه اميمه حضرتك سرحتى مننا فى إيه .......؟
اميمه: ولا حاجه سرحت فى ترتيبات السفر بس لينا قعده مع بعض علشان موضوعنا
سلسبيل: اوبااااا هو فى مواضيع من غيرى وربونا ازعل
اميمه: ههههههه لأ ده كلام ده انتى لازم تكونى معانا لأن من غيرك مش هتعرف نعمل حاجه
سلسبيل: يالهوى عليا محدش يعرف قيمتى غيرك يا جميل....
اميمه،: بس ي بكاشه ويلا خلصتى شنطتك...
سلسبيل: لأ لسه......
اميمه: طيب يلا اطلعي جهزى شنطتك لانكم هتسفرو قبلنا بالعربيات
سلسبيل: اوكيشن هطلع أهو...
سندس : وانا هتمشي شويه فى الجنينه...
خالد: وأنا هخلص كام تليفون واحصلك نروح نقعد مع حمزة. وإيمان ونشرب الشاى....
سميحه: ايه ده أنتم وقفين كده ليه على السلم
اميمه: نظرت خلفها فى إتجاه الصوت وابتسمت وقالت أصل كان عندنا ميعاد هنا أنا والشباب على السلم وانتى جيتى فى نهاية الإجتماع بس الإجتماع التانى هنعمل حسابك معانا بس تعالى بدرى
سميحه: ههههههههههههه إجتماع مرة واحده ومين المدير.....؟
سلسبيل: أنى المدير انى الحكومه وضحكت نيهااااي
علي: مديرة لحزب مين يا خالتى انتى ده انتى مش بتحطى منخيرك فى حاجه إلا لما تخربيها
سلسبيل: بخضه ده بيطلع امتى ده نفسي تتعلم تتنحنح علشان الناس هنا بتتخض ......
علي: اتكلمى عن نفسك يا أم نجم خفيف فى حد يتخض وهو وسط التجمع ده كله
سلسبيل: أنا حساسه ورقيقه جدا فطبيعى اتخض من الصوت الغريب اللى هابب علينا كدهون
خالد: اتخنقو برحتكم وهطلع اخلص شغلي
سندس: وأنا كمان راسي وجعانى هطلع اتمشي
اميمه وسميحه : واحنا هنطلع نخلص أمورنا ثوانى وكان الجميع أنصرف من أمام علي وسلسبيل
نظر علي لسلسبيل انتى واخده بالك من اللى حصل
سلسبيل : ااااه شفت دول مش طيقينك خالص معلش بكرة إن شاء الله يتعودو عليك
علي : انتى هبله يا بت دول مش طيقنا إحنا الاتنين
سلسبيل: لأ أنت مش واخد بالك بس من قهرتك أنا واقفه معاهم بقالي فترة لكن انت جيت زى ما تكون ولعت بخور فانصرفو العيب فيك تقبل الامر
علي: بس أنا مش هسكت على الاهانه دي ....
سلسبيل: صح اوعى تسكت انت تعمل فيهم مقلب إنما ايه علشان ميتهربوش منك تانى
على: مقلب امممممممم طيب تعالى بقي نخطط هنعمل فيهم ايه ما هو انتى هتسعدينى صح
سلسبيل: هسعدك بس لله يلا ...
علي: فى سرة وإن شاءالله هعمله فيكى انتى كمان والنعمه لاجننك.....
**************★*****
دخلت إيمان على اخيها حمزة حموزه عملت الشاى...
حمزة: الشاى جاهز اهو تعالى نشربه واحنا بنتكلم
ايمان: الشاى يجنن تسلم ايدك محدش يعمل الشاى ده ابدا غير حمزة حبيبي
حمزة: بالف هنا على قلبك
ايمان: قولى مالك شكلك مهموم وحزين فيك إيه .......؟
نظر حمزه لأخته فعلا أنا مهموم أوى وخايف اخد قرار اندم عليه عمرى كله نفسي اعالج كل حاجه من غير خساير بس مش عارف أعملها اذاي وحاسس إن المسؤليه اللى استلمتها كبيرة عليا...
إيمان: أولا أنت قد المسؤليه دى ويمكن أكبر منها لأن مفيش شاب في سنك ياسس شركه فى لندن وهو بيذاكر ويدرس فى الجامعه وكمان بقيت دكتور جامعى فبلاش تتكلم فى النقطه دى لأنك شخص مسؤل بس اللي مش فهماه الحزن اللى فى عيونك ليه يا حبيبي
حمزة: انتى عرفه أنك السخص الوحيد اللى ممكن اتكلم معاه وممكن خالد بس للأسف المرة دى بالذات مش قادر اتكلم معاه ولا اخد رأيه وده بيخنقنى وخايف اخسرة هتجنن ومش عارف أعمل إيه.....؟
*********************
يلا ورونى الابداع حمزه هيقول ايه لايمان ..؟؟
وايه السر اللى شيله جوة قلبه؟
البارت ١٨★ اسرار القلوب★
حمزة: انتى عرفه أنك السخص الوحيد اللى ممكن اتكلم معاه وممكن خالد بس للأسف المرة دى بالذات مش قادر اتكلم معاه ولا اخد رأيه وده بيخنقنى وخايف اخسرة هتجنن ومش عارف أعمل إيه.....؟
*********************
إيمان: براحه كده واحكيلي وإن شاءالله ااقدر افيدك
حمزة: فعلا أنا محتاج اتكلم مع معاكى واخد برأيك علشان كده كنت محتاجك معايا فى الشركه...
إيمان: طيب احكيلى وبناءا على كلامك هقول رائيى إيه فى مشكلتك وفى الشغل معاكم في الشركه
حمزة: انا هحكيلك بس انتى بلاش تقطعينى وركزى في كلامى كويس
إيمان: اهو أنا سكت خالص اتفضل أتكلم....
حمزة: انا لما كنت فى ثالثه ثانوى كان عمو ماهر ديما بيذاكرلى وكان بيشجعنى انى اكون مهندس زى جدى وزيه وفعلا حببنى فى المهنه وخلى عندى هدف ولازم عليا احققه ومرت الايام وجبت مجموع كبير اللى يدخلنى هندسه ورجعت البيت وأنا فرحان علشان اخبر الكل بنجاحى وتفوقى بس للاسف ملقيتش غير بابا وعمى عثمان وكان صوتهم عالى جدا والاغرب انهم طلعو كل الخدم برة عن باب القصر انا من فرحتى مسالتش ودخلت وكانت المفاجئه الكبيرة اللى سمعتها وصمت حمزة والدموع مترقرقه فى عينيه ......
إيمان : حمزة تحب اعملك ليمون يهدى أعصابك
حمزة: لأ هكملك يمكن أرتاح ..... سمعت بابا بيقول لعمى أنه مش هيسكت ولازم جدى يعرف باللى عملته دى مصيبه كبيرة
Flash back
*****************
عثمان: انت عايز تودينى لحبل المشنقه
صالح : يعنى عيزنى اسكت انت بتسرق ابوك واغتلست فلوس المناقصه ودبست فيها جوز اختك ماهر وعيزنى اسكت
عثمان: انا غلطت بس خلاص أنا مش هكرر غلطة تانى بس خليك معايا
صالح: بابا مسافر وهيرجع كمان أسبوع ولازم يعرف أنك اغتلست واتهمت ماهر بالباطل ولوله انى اكتشفت كذبك كنت هتتمادى والله اعلم كان ممكن تعمل إيه
عثمان: صدقنى والله ي صالح غصب عنى انا فى يوم وليله لقيت نفسي ماضي على وصلات امانه وعلى اوراق تودينى فى داهيه وهما هددونى بالاوراق دى فكان لازم اخسر المناقصه واسحب الفلوس واديها للراجل ده بس للأسف ماهر اكتشف كل حاجه وقالك وانا خفت ليحكى لبابا فلبسته التهمه وسرقه الفلوس ......؟
صالح : وأنا كمان عرفت هتعمل ايه فيا انطق قوووووول هيجيلك قلب تحط عينك فى عين اختك ولا بناتها لما يعرفو إن ابوهم حرامى ومختلس والمصيبه الاكبر أنه ماله وشركته مع بابا
عثمان: يعنى كنت عيزنى اعمل إيه فهمنى اضحى بعيالى وبيتى
صالح: لأ أنت تضحى بماهر واختك وبناتها أنت غلطت وتتحمل نتيجه غلطك وماهر راجع النهارده من السفر بعد اللى عرفه من تخطيطك وتوريطك له
عثمان: هو راجع علشان يبلغ ابوك انا كده ضعت. .
صالح: انت ضعت من وقت ما خبيت مشاكلك كنت تعالى احكيلى وانا وانت وماهر كنا هنلاقي حل لكن انت بتتصرف من رأسك
عثمان: أنا لو قولت الحقيقه الكل هيدمر وأنا مش حتحمل لوحدى المسؤليه
صالح: تقصد مين ........؟
عثمان: اخوك جمال هو السبب فى اللى أنا فيه لأنه بيخطط انه يمضى ابوك على توكيل عام علشان ياخد كل حاجه لنفسه وأنا لما اكتشفته ورطنى مع الناس دى وهو اللى خلاهم يمضونى على الاوراق دى كلها .
جمال: اخوك هيدمرنا كلنا
صالح: جمال مستحيل مستحيل اصدق أى كلمه من دى أبدا ايه بقينا فى غابه للدرجادى هندبح بعض علشان الفلوس انا لازم اتكلم مع جمال.....؟
عثمان: وأنا هتعمل معايا ايه هتبلغ بابا .....؟
صالح: طبعا هبلغه لازم يعرف......
عثمان: طيب عرفه انت حر بس لازم تعرف إن جوز اختك حرامى وسرق كتير من ورا ابوك والمستندات اهى والاوراق اللى تسبت كلامى
صالح: فين الورق ده
عثمان: اهو اتفضل انا هسيبك تقرا الورق برحتك وشويه ورجعلك لأنى أنا المظلوم فى القصه دى
اخذ صالح الاوراق وبدأ يتطلع عليها فما رأى غير سرقه جمال لأبيه بالتعاون مع ماهر زوج اخته وكمان الورق بيثبت أن عثمان اتهم بالكذب
وظل هكذا يرى الاوراق
فخرج عثمان للخارج وامسك بالهاتف
الو أنت فين ي زفت أنا عملت كل حاجه يريت انتم كمان تخلصونى من ماهر قبل م يوصل وبكده هبقي ضربت عصفورين بواحد وهثبت سرقه جمال
الطرف الاخر..............
عثمان: تمام كده يعنى كمان ساعه الكل هيعرف يعنى اطمن خلاص وبالنسبه لصالح فهو ليه الاوراق
الطرف الآخر...........
عثمان: سلام وطمنونى
************************عوده للحاضر
حمزة : ببكاء وقهر كل ده سمعته وحاولت اتصل بعمى ماهر بس للأسف مردش عليا وفضلت اتصل بيه لحد ما جه الفون اللى عرفنا بيها حادث عمى ماهر وأنه اتقلب بالعربيه من فوق الجبل واتحرق جوة العربيه
حمزة: أنا قررت اسيب كل حاجه وأكمل تعليمى برة لأنى بابا كمان فى نظرى متهم لأنه كان لازم يوضح كل حاجه لجدى
بس بابا سكت وصدق الورق واستسلم لشويه اوراق ونسي أن عم ماهر شريك جدى واكتر شخص نزيه فى شغله وكان ديما بيحب الصح وميرداش غير بيه
إيمان: بدموع احتضنت أخيها بس يا حمزة كتير اوى اللى انت شايله كتير بجد بس أنا مش فهمه أنت عايز توصل لايه عمو ماهر ومات وعمو جمال وعايش فى الصعيد من زمان أنت بتحاول تصلح ايه ومش يمكن كل كلام عمى عثمان صح ....
حمزة: كان ممكن اصدق كلام عمى عثمان بس الفون اللى عمله خلانى متاكد انه ورا حادث عمى ماهر لأنه بعدها كانت علامات السعاده والارتياح على وشه باينه
إيمان : طيب إيه اللي عايز توصله وعايز تصلحه من غير خسارة..........؟؟؟؟؟؟
**************
يلا بقي عايزة اعرف الخسارة فين ولمين مش عايزة تم وايموشن عايزة تفاعل
البارت ١٩★اسرار القلوب★
حمزة: كان ممكن اصدق كلام عمى عثمان بس الفون اللى عمله خلانى متاكد انه ورا حادث عمى ماهر لأنه بعدها كانت علامات السعاده والارتياح على وشه باينه
إيمان : طيب إيه اللي عايز توصله وعايز تصلحه من غير خسارة..........؟؟؟؟؟؟
*********************
حمزه: عايز أصلح كل حاجه ومش عارف ابتدى منين أنا لوحدى ولازم أرفع الظلم عن عمى جمال وكمان ارفع الاتهام ووصمه العار اللى سندس شيلاها لأن تقريبا هى عرفت حاجه لأن دار بينى وبينها حديث قبل كده وقالتى كلام غريب وأنا متأكد أنها تعرف حاجه انا معرفهاش......
إيمان: الموضوع كبير اوى ومش سهل أبدا الطريق اللى هتمشي فيه أنا خايفه من أنك تخسر خالد ونرمين وطنط هناء .....
حمزة: هو ده اللى خايف منه بس والله العظيم أنا مش عايز ضرر لعمى عثمان بالعكس أنا عيزة يعترف بالحقيقه ويرفع ظلم بيين عن عمى ماهر
إيمان: وهتستفيد إيه غير فتح جراح فعلا للكل لكن أنا معاك فى إن عمى جمال لازم يرجع لينا تانى وأنا معاك بس بردو عمى عثمان فى النص بالنسبه لكلامك
حمزة: طيب قوليلى. اتصرف ازاى ؟؟؟؟؟؟
إيمان: حقيقي صعب للأسف الموضوع هنا علشان ترفع الظلم يبقى هتخسر بس هتبقي خسارة كبيرة لأن أنت وخالد أصدقاء واخوات وأولاد عم ......
حمزة: انامحتار بس الأكيد إن ربنا هيدلنى إن شاء الله..............
إيمان: طيب أنت الفترة دى عرفت حاجه فى الشركه لأن ممكن تكون أنت غلطان......؟
حمزة: والله لما رجعت ومسكت الشغل قولت لنفسي الكلام ده وبدأت اخلى سلسبيل وعلي ينزلو الأرشيف وجبت المشاريع القديمه ورجعتها سلسبيل وللأسف لقينا فيها حجات فى الحسابات غلط وملوعب فيها وللأسف اللعب من عند عمى عثمان لأن الملفات الاصليه معايا ودى الملفات اللى عمى عملها علشان ياكد كلامه على عمى جمال وعمى ماهر.....
إيمان: مسبهله أنت بتقول ايه يعنى عمى عثمان ورا كل حاجه حصلت ........؟
حمزة: للأسف اه بس الأكيد إن فى ملعوب كبير ناوى عليه الأيام دى مع المهندس مدحت ولسه مش عرفه لكن اى حاجه بعرفها بحاول. انهيها قبل م تكمل ومش بحسس عمى أنى اكتشفت اى ملعوب من نحيته....
إيمان: بخوف جامد على أخيها أنت بتقول إيه ده اخوة ومحنش عليه طيب أنت ممكن يعمل معاك إيه إذا عرف انك كشفته.....؟
حمزة: أنا عمرى ما هضر عمى أبدا ولا اشوة إسمه مستحيل طبعا بس لازم ابراء عمى جمال وعمى ماهر
وعمى عثمان لازم هو اللى يعمل ده من نفسه
إيمان: وده ازاى إن شاء الله هو عايز السلطه والشركه لنفسه يبقى هيعترف بغلطه وكمان قدام جدى وبابا وعمى جمال.....
حمزه: أنا فعلا بدأت ادور على الحقيقه وخليت الكل يشارك معايا فى البحث والكل هيكتشف الحقيقه لوحده وفى الوقت ده مش هيكون قدام عمى عثمان غير الإعتراف......
إيمان: أنت بتتكلم جد يعنى البنات شغلتهم فى الشركه علشان كده....
حمزة: لاء طبعا جدو هو اللى شغلهم وأنا خلتهم يشتغلو على الشغل القديم على إنه تدريب ليهم وأنا كنت فاضي لمراقبة مدحت وعمى علشان أعرف هما بيدبرو لايه
إيمان: حمزة أنا خايفه عليك وخايفه لحسن عمى يعمل فيك حاجه ....... ؟؟؟؟
حمزة: سبيها على الله اللى ربنا قاسمهولى هشوفه
إيمان: بخوف على أخيها ونعمه بالله حمزة أنا هشتغل معاك فى الشركه وهكون دعم ليك إن شاء الله.......
حمزة:قام اخد اخته بين أحضانه ربنا يخليكى ليا ي وارق إيمان
********************
سندس : اثناء مشيها فى الجنينه رأت خالد أمامها ايه ده واقف كده ليه واتمشت فى إتجاه خالد
سندس:خالد مالك واقف كده ليه ومسهم فى حاجه.....؟
خالد: لأ أبدا الجو جميل والقعده جميله فى الجنينه
سندس: طيب مدخلتش ليه عند حمزة أنت واقف وسرحان كده ليه
خالد: لأ ابدا كنت هدخل بس قولت استناكى ندخل سوا بدل ما يعمل الشاى على كذا مرة وبدل ما نشربه يحمينا بيه ضحكت سندس يحمينا مرة واحده طيب تعالى خلينا نقطع عليهم قعدتهم دى دول ما بيصدقو يقعدو مع بعض وينسو كل حاجه
خالد: طيب خلينا نسبهم على راحتهم وتعالى إحنا نقعد على النجيله
سندس: لأ لأ أنا عايزة شاى حمزة تعالى بس خلينا نشرب الشاي ونشوف هنتحررك امتى
خالد: امممممم تعالى وطرق خالد على الباب
حمزة: ايوة مين وفتح حمزة الباب فرأي خالد وسندس أهلا أهلا خطوة عزيزة
سندس: لاء أنت خطوة للخلف وعلى المطبخ عيزين شاى بالنعناع
حمزة: ههههههههههههه ايه الطمع ده شاى مرة واحده
سندس: أه طبعا مفيش بعد الشاى بتاعك
حمزة: انتى تامرى ي سندس وأنا انفذ فنظر لخالد مالك سرحان فى فى إيه.......؟
إيمان: طبعاً أول مرة ياخد أجازه وتلاقيه زعلان مش هيشوف دم ولا يقطعله جثتين ...
خالد: والنبي اسكتى انتى بطريقتك دى بطنى قلبت وهرجع في وشك
إيمان: يععععععع يا اخى حسن الفاظك
سندس: ههههههههههههه أصله دكتور فطبيعى هيغلبك أكيد فمتلعبيش فى ملعبه....
إيمان: أنا هسكت خالص أهو ويلا نشرب الشاي علشان ننام شويه قبل سفرنا وكمان ممكن تلاقى باقي العصابه هنا يبقى قول علينا يا رحمن يا رحيم
علي: إيه ده أنتم هنا وأنا اللي عمال ادور عليكم فى الجنينه نظرت إيمان لهم مش قولتلكم وضحك الجميع
سلسبيل: قولتى إيه وازاى تقولى وأنا مش موجوده ينفع كده يا عوض ونظرت لخالد....
خالد: لأ طبعا مينفعش هى القعده متحلوش إلا وفيها فوزى.....
إيمان: ههههههههههههه والله بجد القعده من غير سلسبيل ملهاش طعم.....
سلسبيل: جرت على إيمان وحضنتها حببتى يا رافعه معنوياتى يا قلبي انتى...
سندس: آه بجد القعده محتاجه برشام للصداع أو منوم طول ما فوزى معانا.....
علي: قولتش حاجه من عندى....... ثوانى ودخلت نرمين عليهم
نرمين: أنا بدور عليكى يا إيمان من بدرى ولوله سمعت صوتكم مكنتش هعرف إنك هنا
خالد: طيب أرمى السلام الأول إيه دخله على كفرة
سلسبيل: أصلها دخله على أهل قريش فكرانا من الكفار ههههههههههههه
حمزة: ههههههههههههه يخرب عقلك ي سلسبيل مش قادر بطنى وقلبي وجعونى من كتر الضحك
سلسبيل: بطنك ومعقوله توجعك لكن قلبك يوجعك ليه ولا هى رمي جتت وشكلك عيان وهتجبلي نصيبه
علي،: نصيبه ماهر والله ي دوب الإسم لايق عليكى
نرمين: هتفضلو قعدين كده ولا ايه
خالد: ولا إيه يا نرمين فكى شويه وأنتى عمله زى ستنا الناظرة ي بنتى عيشى سنك ونفسي الاقيكى لابسه زى البنات وبصراحه كلكم اشكالكم تخض......!
سلسبيل: إيه دهون أنت قلبت ولا إيه خليك مركز مع ستنا الناظرة مالك أنت ومال التلموذه سلسبيل وبعدين أنا كلى انوثه ......
خالد: ههههههههههههه بنات العيله دى مش بيلبسو غير بنطلونات او بدل فى اختراع اسمه دريس او جيبه. ولا موصلش
سندس: ما هو اللبس ده عملى بالنسبه للجامعه وسهل الواحده تتحرك فيه غير الدريسات
حمزة: يعنى افهم من كده أنكم هتروحو الصعيد بلبسكم ده
نرمين: وماله لبسنا.......؟؟؟
حمزة: أنتم ريحين للصعيد واكيد هتحبو تخرجو وصعب بلبسكم ده
إيمان: أنا عندى دريسات الحمد لله
سندس: خلاص قبل السفر ننزل نجيب لبسنا من أى مول واهو تغيير
حمزة: بغمزة منه لخالد وعلي امممممم طيب وماله اهو حتى نحس إن فى ستات غير ماما وطنط هناء وعمتى سميحه
سلسبيل: قامت وقفت إيه دهوون يالهوى وأنا ااقول مش بتعاكس ليه ومحدش معبرنى فى أم الكليه دى
ضحك كل من حمزه وخالد وعلي ونرمين وإيمان وسندس على سلسبيل وما هى إلا ثوانى ودخلت اميمه وسميحه عليهم ايه ده كلكم هنا بتعملو إيه
وأنا ااقول القصر هادى أوى كده ليه
سميحه،: طيب مستكترين علينا القعده الحلوة دى معاكم ابعتولنا نقعد معاكم....سميحه وأنا بعت رساله لهناء تنزل هى كمان ما هو الكل جهز الشنط يعنى مش فاضل أى حاجه خلينا نسهر مع بعض ونفرفش شويه
خالد: هى ماما ردت على حضرتك ولا مشفتش الرساله
سميحه: استنى لما اشوف لأ للأسف مشفتهاش أصلها بتنام بدرى
اميمه: خلاص سبيها تنام هى من بعد الفجر مش بتنام تانى....
وهى فعلا مفتحتش الرساله يعنى نايما
حمزة: ماما بكرة الصبح تاخدى البنات وتنزلى معاهم المول يجيبو لبس دريسات تنفع تتلبس فى الصعيد
سميحه: خبطت على راسها ااااخ أنا ازاى نسيت الموضوع ده طبعاً يا حبيبي بكرة الصبح تنزل نجبلهم اللبس اللى يلزمهم
اميمه: أنتم هتتحركو امتى بالعربيات
حمزة: انا هروح الشركه الأول هظبط شويه شغل قبل سفرى يعنى ساعه بالكتير فى الشركه
خالد: أنا جاهز واخدت إجازة لأول مرة المده دى كلها بس ي رب ما يجدش فى الامور امور ويبعتولى
نرمين: وأنا هروح معاك الشركه هظبط حجات فى شغلي واهو اروح معاك ونرجع سوا
حمزة: تمام يبقى كله يكون جاهز على الساعه واحده نتحرك الكل تمام
سلسبيل: والله وجه اليوم اللي هلبس فيه دريس ي ترى شكلي هيكون ايه........؟؟؟
اميمه: هتكونى قمر طبعاً هو فى زيك كل حاجه بتليق عليكى القالب غلاب
علي: قالب طوب وأنا ااقول البعيدة معندهاش إحساس نهائي ......!!!
سلسبيل: بصت جمبها هو فى حد بيتكلم يا جماعه أصلي بيتهيئلي كده إن حد قال حاجه عموماً كويس إنها تهيؤات
حمزة: نفسي أعرف انتى وعلي وقفين لبعض على الكلمه ليه
سلسبيل: أصلي وأكله منابه قالتها بغيظ
علي: بقي كده هو انتى اللي بتكلى منابي اه يا مفجوعه خليكم شهدين اهى إعترفت أنها بتاكل منابيخ لأ وايه مش باين عليها عمله زى الثلعوة...
سلسبيل: هى الثلعوة دى يا حمزه بتاكل لحوم البشر صح ونظرت لعلي
حمزة: أبوس إيدك انتى وهو كفايه ويلا بقي عايز أنام عندى شغل الصبح وكمان سفر
علي: رفع أيده باستسلام أنا هسكت اهو
سلسبيل: وأنا هسكت خلاص بس بلاش تتحمق علياخ وبهمس لحمزة بلاش تهزئنى قدامه والنبي أنت حبيبي وصحبي
حمزة: بضحكه جميله حاضر بس عشان خاطرى كفايه كده النهارده ويلا اطلعى نامى
نرمين: يلا كفايه كده سهر وبدأو فى الخروج من عند حمزة متجهين للقصر
خالد: تصدقون يا جماعه بقي فى جو أسري جميل من وقت ما جه حمزة بنقعد كتير بعض وبنضحك وبتعرف أخبار بعضينا حتى دى أول مرة هنخرج كأسرة مع بعض فى رحله إن شاء الله تكون جميله
سميحه: معاك حق يا حبيبي وبعدين البركه فيكم خلو اديكم فىى ايد بعض علشان تبقو عزوة ومحدش يقدر يفرقكم ذي م حصل معانا......؟؟
اميمه: بصوت عالي كفايه كلام ويلا على النوم تصبحو على خير وصعد الجميع لغرفهم
فنظرت اميمه لسمبحه إيه إللي انتى كنتى بتقوليه انتى نسيتى نفسك ولا ايه
سميحه: أنا عرفه بقي يعنى انتى عجبك اللى إحنا بقينا فيه وبعد جمال عننا اللى مستحيل اصدق فيه حاجه اااااااااه لو تعرفي هو وحشنى قد إيه ونفسي اشوفه
اميمه: تشوفي مين......؟ احنا هنقعد فى الديوان وجمال مش مسموح ليه يدخل الديوان طول ما إحنا موجودين وده كلام عمى علشان خاطرى بلاش تعاندى عمى انتى عرفه إن أى انفعال مش لصالحه وسيبي كل حاجه للأيام هتداويها وتصلحها......؟؟
البارت ٢٠★ اسرار القلوب★
اميمه: تشوفي مين......؟ احنا هنقعد فى الديوان وجمال مش مسموح ليه يدخل الديوان طول ما إحنا موجودين وده كلام عمى علشان خاطرى بلاش تعاندى عمى انتى عرفه إن أى انفعال مش لصالحه وسيبي كل حاجه للأيام هتداويها وتصلحها......؟؟
*************************
سميحه: الجرح جرحى أنا ووجعى أنا وقهرتى وصعب عليا أبعد عن اخويا نفسي ااقعد معاه واعرف ايه اللي حصل انا مش مصدقه اى حاجه من اللى حصلت وأنتى عرفه جمال كويس ممكن ييجى على نفسه بس أنا متأكدة إن فى سر كبير ولازم اعرفه والوضع ده كله لازم يتغير وأنا متأكدة إن ربنا هيظهر الحق وبراءة ماهر الله يرحمه ......
واثناء حديثهم سمع حمزة الحوار وعلى الجانب الآخر خالد...........؟؟
***********
حمزة: لنفسه متقلقيش يا عمتى إن شاء الله كل حاجه هترجع ذى ما كانت ومش هيكون فى حد بعيد عن التانى بس للأسف الطريق صعب وأنا لوحدى ومش ابتدى منين بس الأكيد ربنا معايا واحساسي بيقولى أننا هنبقي أيد واحدة مع بعض من الكبير للصغير لأن صعب عليا أننا نتفرق ابدا لازم الحقيقه تبان بس كله باوانه.....
********************
فى صباح اليوم التالي حمزة صعد إلى القصر صباح الخير يا جدو عامل ايه النهارده....
الجد: الحمد لله أنا كويس إيه أنت رايح فين كده على الصبح مش أنتم هتسافرو الساعه واحده
حمزة: إن شاء الله بس عندى كام حاجه فى الشركه هخلصها على طول وارجع ونرمين كمان رايحه معايا
الجد: طيب على مهلكم ومتتاخروش ....
حمزة: حاضر بس هى نرمين فين.......؟
نرمين: أنا جيت اهو يلا بينا فغادرو القصر متجهين الى الشركه وأثناء سيرهم بالسيارة
نرمين: حمزه ممكن أسألك سؤال .....؟
حمزة: اتفضلي اسالى ومن غير استاذان....
نرمين: أنت ليه ماخدش موقف من المهندس مدحت وحولته للتحقيق مع أنى متاكده أنك تحت إيدك ما يثبت إدانته.....!!!!
حمزة: أنا مستنى حاجه مهمه وبعدها هبتدى اتحرك من غير ما احسسه أنى كشفته وديما عيزك تتعلمى لما تعرفي نقطه على عدوك متعرفيهوش لاء انتى تجمعي نقط تدينه اكتر علشان وقت المواجهه ميعرفش يصدك ويعترف من كتر الدلائل اللى عليه فهمتى.......؟
نرمين: هزت اكتافها يعنى عموما أنا بدأت اثق فيك بس خلى بالك لأن من الواضح إن مدحت مش لوحده وفى حد بيدعمه وأحنا لازم نكشفه.....
حمزة: نظر لها إن شاء الله بس انتى ركزى فى شغلك وتدققى فى كل ورقه قبل م تمضي عليها
نرمين: إن شاء الله ربنا يستر......
حمزة: لنفسه أنا مش عارف هتعملى إيه إذا اكتشفتى إن والدك ورا كل شيئ فعلا الموضوع صعب أوى بس لازم ارد لكل واحد اعتبارة وربنا يقدرنى من غير ما عمى عثمان يتأذى....
وبعد وقت وصلو لمقر الشركة فصعد كلا منهم الى مكتبه لإنهاء ما اتو إليه......
*****************
اميمه: يلا ي بنات على المول الساعه ١٢يا دوب نلحق نروح ونرجع قبل حمزة ما ييجى....
سميحه: البنات جهزين بس مش شايفه نرمين خالص
هناء: نرمين راحت الشركه هتخلص شويه شغل ليها وهترجع مع حمزة...
اميمه: ده كلام طيب هتجيب لبسها امتى بس مفيش وقت
إيمان: بصراحه أنا قولتلها أنا هجيبلها بس للاسف جالى فون من السفارة ولازم اروح فورا وهرجع على ميعاد السفر فيريت تكلمو نرمين وتعرفوها وممكن وهى راجعه مع حمزة يروحو المول.....؟
اميمه طيب أنا هتصل بيها وأشوف هترجع امتى وإذا خلصت تحصلنا على المول ما انتى عرفه اخوكى مالوش خلق على الشرا
هناء: طيب يلا بينا ونبقي نتصل بيها واحنا فى العربيه يلا يا بنات واتحركو جميعا للمول
********************★**
نرمين: الو ايوة ي طنط اميمه ......
اميمه: إحنا ريحين للمول وإيمان جالها شغل فى السفارة فيريت تحصلينا على المول ماشي
نرمين: أنا فعلا خلصت شغلى فاضل كام امضاء لبابا وهحصلكم على طول......يلا سلام
وبعد أن انتهت من عملها ذهبت إلى مكتب أبيها لتعرض عليه بعض الملفات لكى يمضي عليها وقبل أن تطرق على باب مكتبه سمعت صوت مدحت مع والدها يتحدثون فبعدت عن الباب وهمت أن تذهب الى مكتبها فاوقفها حديث مدحت عن العرض....
مدحت: عثمان بيه جه وقت الطلب إللي بينا قبل م انفزلك شغلك ......؟
عثمان: اتكلم إيه طلبك وإياك تقولى على ذياده نسبتك فى الفلوس لأنك بتاخد فلوسك وذياده كمان
مدحت: متقلقش مش فلوس أنا طالب القرب منك فى بنتك نرمين.....؟
عثمان: نعم نرمين وليك أنت أنت اتجننت أنت متجوز أنت ايه اتهبلت صح أنت بتخرف أكيد
مدحت: ليه اتجننت هو الجواز حرام الشرع بيقول مثني وثلاث ورباع وأنا دى الحوازه التانيه وبصراحه علشان أضمن نفسي معاك بعد ما احبسلك حمزة وكمان علشان متبعدنيش عن طريقك ......؟؟
عثمان: اسمعنى كويس إحنا مع بعض من زمان في الشغل وإنت الوحيد اللى بثق فيه فبلاش تدخل نرمين ما بينا
مدحت: للأسف هى دخلت وهى الورقه لامانى معاك ولامانى فى الشركه دى وبعدين هى عجبانى فعلا وانا ميال ليها إيه حرام اعيش يعنى......؟؟
عثمان: أنت واعى لكلامك أولا فى فرق السن ثانيا أنت متجوز وعندك اولااد وبعدين إحنا شغالين مع بعض من زمان ليه دلوقتى بتقولى ضمان هو أنا حاولت ااذيك قبل كده
مدحت: لأ بس اللى إسمه حمزه ده مش سهل وأنا بدأت أخاف منه ومن أسلوبه علشان لو حاول ياذينى تبقي نرمين بنتك وبنت عمه هى الورقه اللى تحمينى منه وهو استحاله يفرط فى حد ليه اصله عايش على المثل والحب الأسري وبيحافظ على إللي ليه زي ما علمه ماهر وعمه جمال......
عثمان: أنت بتتكلم عن بنتى الوحيدة عيزنى اسلمهالك علشان ضمانات.....
مدحت: ده اللى عندى لأنى لو انكشفت مش هقع لوحدى لاء أنت كمان هتقع معايا وكل الدفاتر القديمه هتظهر وكمان أنا مش بسألك عن رأيك لأ أنت هتوافق وهتخلي بنتك توافق كمان بعد ما ترجعو من اجازتكم يا عثمان بيه وعلى ما ترجعو هكون مجهز لحبس حمزة او قتله ......؟
مدحت: رحله سعيده عليكم وعليا
عثمان: طيب هى ممكن ترفض لأ دى أكيد هترفض
مدحت: دى مسؤليتك.....
عثمان: صمت ونظرر لمدحت طيب هحاول ابلغها واقنعها
مدحت: لأ مش هتحاول سيادتك بعد م ترجعو هكتب كتابي عليها على طول
نرمين: بايدى مرتعشه وبسرعه اضرابات قلبها وخوف سيطر عليها مع صدمه موجعه ومفجعه من أبيها على ما تطرقت لها أذنيها وسمعته لأ لأ بل تأكدت أن اليد الاخرى لمدحت هو أبيها فذهبت باتجاه المصعد وهى تبكى ولا ترى أمامها وظلت تطرق على زر حضور المصعد بكل غضب وبكاء اوووووف ده وقتك وكان واقف خلفها المهندس حازم
حازم:براحه ي آنسه نرمين اكيد الاسانسير معلق ولا حاجه ونظر عليها وعلى حالتها الغريبه وعيونها الباكيه
نرمين بدون أى رد منها على حازم اتجهت الى سلم الطوارئ ونزلت عليه وهى شبه منهاره
حازم: نظر إليها فعزم الأمر على أن لأ يتركها وهى بهذه الحاله فنزل خلفها فإذا لنرمين جالسه على السلم حاضنه وجهها بكفيها وتبكى
فجلس حازم بجوارها بدون أى كلمه فلم تشعر به نرمين وبعد فترة من بكائها نرمين بخضه ايه اللى مقعدك هنا عايز ايه..........
حازم: أنا قلقت عليكى ومحبتش اسيبك لوحدك وسبتك لما تخلصي عياط وتطلعى الشحنه اللى جواكى وإذا حابه تتكلمى وتقولى إيه مزعلك مش هتلاقي أحسن منى .....
نرمين،: احسن منك فى إيه......؟؟
حازم: أنا أحسن واحد أنسي فتاكدى أنك هتحكيلى مشكلتك وممكن نلاقي الحل سوا بس موعدكيش تانى يوم افتكر حاجه حكم السن بقي والهم .....وابتسم
نرمين: سن إيه أنت اصغر من حمزه وبعدين أنا بقيت كويسه الحمد لله....
حازم: أتمنى كده بس عيونك حزينه لأ لأ دى مقهورة هو مش تدخل منى فى حياتك بس دى مسئله عاطفيه ......؟؟
نرمين: لو سمحت يا بشمهندس اتفضل شوف شغلك مش عايزة اعطلك
حازم: امممممممم افهم من كده مش حابه تتكلمى معايا عموما يا ستى برحتك بس على الأقل خلينى اوصلك للبيت
نرمين: متشكرة أنا هروح مع حمزة
حازم: بس حمزة خرج راح مشوار مهم وكان قالى اوصلك للبيت علشان كده أنا جيت وراكى بس اتفاجئت بيكى بالحاله دى
نرمين: ممكن أسألك سؤال.........؟؟
حازم: أكيد اتفضلي بس إيه رأيك تسالينى وأحنا على الطريق علشان متتاخريش عليهم فى البيت
نرمين: هو حمزه قالك على سفرنا للصعيد......؟
حازم: أه طبعا قالى مش هكون أنا المسؤل عن الشركه فى غيابه
نرمين: بعيون دامعه وحزن وقهر حمزة واثق فيك أوى مع أنه لسه متعرف عليك من كام شهر....؟
حازم: مجالنا فى الهندسه والسوق بيديكى ديما انطباع عن الإنسان إللي قدامك وبمدى مصداقيته وإذا كان أد المسؤليه وأنك تثقي فيه ولا لأ وأنا بحمد ربنا أنى صادفت سخصيه ذي حمزة بنزاهته وضميرة الحيي وفوق ده كله إنسان جميل اوى من جوة وبيحبكم اوى وبيخاف عليكم كأنه هو جدكم محمد الهواري بجد أنتم محظوظين بواحد ذيه
نرمين: الله أعلم أنا مبقتش عرفه أثق فمين لما بابا يطلع منه كل ده يبقي هثق فمين أنا بجد مش عرفه أعمل إيه......
حازم: يلي اركبى مالك سرحانه فى إيه
نرمين: اهااااا أنا متاسفه ماخدتش بالى وصعدت بجوار حازم في السيارة وقبل أن ينطلق بها تحدث معاها
حازم : نرمين تحبي تقعدى فى أى مكان علشان تغيري مودك قبل ما تروحى للقصر ومش لازم تتكلمى معايا بس حاولى تخففى من انفعالك لأنه باين عليكى....
نرمين: معاك حق مش لازم حد ياخد باله ولا يبان عليا أى حاجه....
حازم: تمام كده هوديكى لمكان على النيل تريحى فيه اعصابك شويه وبعدين هوصلك للقصر
نرمين: بجد شكراً ليك أنت إنسان محترم بجد ومش عرفه كنت هعمل إيه لو فضلت لوحدى
حازم: أنا تحت أمرك واعتبرينى ذي حمزة ااو صديق .......
نرمين: بشرود أنا عمرى ما كان ليا أصحاب أو اصدقاء غير إيمان بنت عمى وبس......
حازم: خلاص اعتبرينى صديقك الصدوق اللى هتلاقيه معاكى وقت م تحتاجيه ده إذا حبيتى.....؟
نرمين: أكيد لأنك واضح إنك انسان مهذب أوى ومحترم بالرغم من أنى كنت بتعامل معاك بأسلوب مش كويس جدا وديما كنت بهاجمك ومش موافقه على وجودك معانا في الشركه..
حازم: انتى بتتكلمى من خلال نطاق العمل مش بتهجمينى لشخصي وده طبيعى جدا وكمان أنا معجب بأنك كنتى واضحه وصريحه لرفضك لشركتى فى الشغل معاكم أنا بحترم صرحتك ومش بتزعلنى...
نرمين: نظرت له أنت إنسان اوى......!!!!!!
حازم: لأ غريب ولا حاجه يلا وصلنا للمكان اهو انزلى اشربي ليمون وروقي اعصابك
نرمين: اوك تمام ونزلت بالفعل لمكان على النيل فى منتهى الروعه
حازم: اشربي الليمون هيهديكى على الآخر
نرمين: اوك تمام هشرب الليمون وهقوم على طول لأنى لازم اروح المول الأول قبل السفر
حازم: هتروحى المول دلوقتى .....
نرمين: اها ماما والبنات مستنينى فى المول أنت عارف أننا مسافرين للصعيد ومش ينفع اللبس ده هناك بدل وبنطلونات
حازم: ههههههههههههه اه صحيح فعلا عموما شوفيهم فى انهى مول وأنا هوصلك ليهم
نرمين: كده أنا مش بتقل عليك انا هاخد تاكسي لان المول قريب من هنا
حازم: أنا وعدت حمزة أنى هوصلك للقصر وطالما والدتك فى المول يبقي هوصلك ليها
نرمين: اوك تمام يلا بينا علشان منتاخرش
حازم: يلا بينا بس ممكن طلب صغير
نرمين: اتفضل
حازم: ادخلى اغسلي وشك علشان ميبنشى انك كنتى عيطا
نرمين: معاك حق ثوانى وراجعه
********************
عاد حمزة الى الشركه ودخل مكتب نرمين فلم يجدها فذهب إلى مكتبه واتصل بها لا رد حازم هى مش بترد ليه فأعاد الإتصال بحازم
حازم: اذيك وصلت الشركه ولا رجعت القصر
حمزة: لأ رجعت الشركه فى ملف هسيبهولك علشان ترجعه وقولت اخد نرمين معايا للبيت
حازم: نرمين معايا هنا وهوديها للمول عند ولدتها حمزة انتم فين وليه موديتهاش للمول......؟
حازم: بصراحه حصل حاجه ولازم تعرفها وبداء حازم يحكى له ما رآه
حمزة: بتوهان خلى بالك منها ومتسبهاش غير لما تطمن أنها مع والدتها وأنا هعرف إيه اللى حصل وهحصلكم على طول
حازم: اوك تمام ومتقلقش عليها معايا....
حمزة: أكيد مش قلقان عليها لأنى عرفك كويس يلا سلام دلوقتى
حمزة: يا ترى إيه اللى حصل وخلى نرمين بالحاله دى
حمزه لازم أعرف وبدا يفتح بابا سري بالمكتب والذي لا يعرفه غير حمزة وعمه ماهر الذي ارشده لهذا الباب
******************,
تعليقات
إرسال تعليق