رواية اسرار القلوب الفصل الحادى وعشرون والثانى وعشرون والثالث وعشرون والرابع وعشرون والخامس وعشرون بقلم رانيا قنديل
رواية اسرار القلوب الفصل الحادى وعشرون والثانى وعشرون والثالث وعشرون والرابع وعشرون والخامس وعشرون بقلم رانيا قنديل
البارت ٢١★اسرار القلوب★
حمزة: يا ترى إيه اللى حصل وخلى نرمين بالحاله دى
حمزه لازم أعرف وبدا يفتح بابا سري بالمكتب والذي لا يعرفه غير حمزة وعمه ماهر الذي ارشده لهذا الباب
*************************
نرمين : يلا بينا يا بشمهندس .....
حازم : أولا بلاش القاب وقولى حازم على طول ...
نرمين: اوك يلا بينا يا حازم ابتسم لها يلا بينا وتحركو بسيارته للمول فاتصلت نرمين الو ايوه ي طنط اميمه حضرتك فى انهى دور في المول أنا وصلت تحت.......
اميمه : إحنا روحنا ي قلبي خلصنا من بدرى وعموما اطلعى الدور الرابع هتلاقي كل حاجه
نرمين: اوك تمام هطلع بس ي رب أعرف اجيب لنفسي لأنى أول مرة اشترى دريسات
اميمه: طيب أنا هجيلك ي حببتى خمس دقائق وهكون عندك
نرمين: لأ ي طنط خلاص أنا هتصرف ...
اميمه: ااقفلي يا حببتى أنا جيالك يلا سلام....
نرمين: خلاص انت امشي بقي وأنا هطلع للمول وطنط اميمه هتيجى دلوقتى
حازم: طيب يلا نطلع سوا وخدى فكرة لحد ما توصل لازم أوصل الامانه ولا ايه.....؟
نرمين: والله شكلك غاوى تعب عموما يلا بينا وصعد سويا للمول وبدأت هى تتفرج على بعض الملابس
حازم: تسمحيلي ااقول رائيي .....
نرمين: أكيد اتفضل قول .......
حازم: الدريسات اللى عدتيها دى جميله أوى وخصوصا الموديل ده واللون ده هيليق عليكى
نرمين: أنهى لون تقصد الأزرق ......؟
حازم: اه هيكون عليكى جميل والموديل جديد اوى
نرمين: شكلك بتفهم فى اللبس البناتى. ......
حازم: أه طبعا بنزل ديما مع اختى واشترى معاها اللى يليق عليها علشان كده تلاقينى فاهم فى الموضه ...
نرمين: اوك هجربه لانى بجد مش عرفه أشترى ايه
ومر الوقت وحازم يساعدها فى الشراء إلى أن وصلت اميمه...
اميمه: نرمين حببتى تعالى لما نشوف اللي يلزمك...
نرمين: ههههههههههههه أنا خلصت اصل البشمهندس ساعدنى كتير واخترت كل اللى يلزمنى وخلصت
اميمه: مين البشمهندس ده............؟؟
نرمين: ي بشمهندس تعالى اعرفك على مراه عمى صالح ومامه حمزة وعلي
حازم: تقدم منها أهلا وسهلا بحضرتك أنا جيت مع نرمين بناءاً على طلب حمزة أنى أوصلها فمردتش اسيبها إلا لما حد منكم يوصل
اميمه: أنت بتبرر ليه وجودك مع نرمين أنا واثقه فى بنتى أوى وطالما حمزة قالك وصلها يبقي أكيد هو كمان بيثق فيك بس إحنا تعبناك معانا
حازم: لاء ابدا واستاذن أنا وسلم عليهم وذهب فى طريقه
اميمه: هو ده الشريك الجديد للشركه واللى انتى مش طيقاه....؟
نرمين: ههههههههههههه اها هو ده
اميمه: طيب يلا بينا لحسن حمزة يوصل القصر قبلنا ويتعصب علينا
نرمين: يلا بينا ي ست الكل....
**********************
حمزه: دخل إلى الغرفة السريه وبدأ يفرغ جميع الكاميرات لكى يعرف سبب بكاء نرمين ......؟
فظل يري إلى أن رأى نرمين خارجه من مكتبها وظلت واقفه أمام مكتب أبيها
ففرغ الكاميرا الخاصه بمكتب عمه وبدأ يرى ويسمع ما حدث........
حمزة: بكل الغضب اللى جواه من ظلم عمه لمن حوله والله ما هيحصل طول ما أنا عايش واذا حصل يبقي أنا اكيد ميت مستحييييييل وظل هكذا الى ان ااقفل الباب السري بكل غضب ولملم اشيائه من على المكتب وهما بالذهاب إلى القصر
***********************
سميحه: حمدالله على السلامه يا حببتى جبتى لبسك
نرمين : اها جبت هطلع اخد حمام والبس وهحط لبسي فى الشنطه
هناء: مالك ي قلب ماما شكلك متغير فيكى حاجه وقامت اخدت بنتها بين أحضانها
نرمين: مفيش حاجه ي ماما أنا مرهقه أوى من الشغل وكمان منمتش كويس من سهرنا امبارح بس لما اخد حمام هفوق ....
هناء: ماشي حببتى وأنا جهزت ليكم اكل خفيف تاكلو منه فى الطريق ي دوب بس مع الاستراحه تشربو شاى
نرمين: ربنا ما يحرمنا منك ي ست الكل وقبلت يد أمها......
اميمه: يلا حببتى اطلعى انتى على ما يوصل حمزة يا دوب تتحركو
نرمين: حاضر وصعدت الى غرفتها فراتها سندس فنظرت لها وعلامات التعجب وتقدمت من نرمين
مالك ي نرمين واقفه وسرحانه كده ليه ومدخلتيش الاوضه........
نرمين: بعيون دامعه مفيش بس مخنوقه .....
سندس: احكيلي مالك أنا أول مرة اشوفك بالحاله دى قلقتينى
نرمين: نظرت لسندس ولم تتمالك نفسها وبكت فاخذتها سندس بين أحضانها تعالى حببتى ادخلى الاوضه لحسن حد يشوفك بالحاله دى
نرمين: أنا مستهلش منك المعامله دى انتى ازاى كده بالطيبة دى كلها وبتقبلي اسلوبى بصدر رحب
سندس: أولا انتى مفيش اطيب من قلبك وبعدين انتى اتجنبتينى شويه بس أنا بحبك بكل احوالك ومتنسيش إحنا اتربينا فى بيت واحد يعنى عرفاكى كويس وعرفه القلب الطيب والجميل اللى مفيش منه
نرمين: احتضنت سندس وذاد بكائها ....
سندس: بس وحياتى انتى كده قلقتينى عليكى فيكى إيه احكيلى وصدقينى محدش هيعرف بكلامنا ابدا
نرمين: وهى مازالت فى حضن سندس وتحدث نفسها ااقولك ايه بس ااقولك على صدمتى فى ابويا ولا اتفاقه مع الغريب على كل اللى ليه ولا احكيلك أنه عايز يتاجر فيا علشان خايف لينكشف ولا ااقول أنه ناوى ياذي حمزة ويحبسه أو يقتله لو وصل الأمر ااقول ايه بس ي رب دلنى على طريق احمى بيه حمزة من اذي بابا ومدحت الحقير ده.....
سندس: نرمين انتى نمتى على كتفى ولا ايه .....؟
نرمين: لاء منمتش بس ارتحت وحاسه بالأمان اوى وأنا في حضنك
سندس: مش عايزة تحكيلي مالك الكلام بيريح اوى صدقينى.....
نرمين: مفيش بس حصل موقف فى شغلى وبابا زعقلى جامد فزعلت منه واخدت على خاطرى
سندس: وماله لما يزعقلك خالى عثمان أكيد مش هيقبل بالغلط ومتزعليش منه خالى طيب اوى وبيحبك كتيييير جداً
نرمين: فعلا بيحبنى أوى عموما خلاص هقوم أنا اخد حمام وهنزل على طول بس يريت متقوليش لحد اللى دار بينى وبينك
سندس: حاضر ي حببتى وانا هستناكى تحت متتاخريش
نرمين: ثوانى واكون وراكى ........
**************************
خالد: ايه فين باقى البنات كده هنتاخر .....؟
سلسبيل: كلنا موجودين ده حمزه هو اللي لسه موصلش من الشركه
خالد: اتاخر ليه واتصل عليه الووووو ايه يا حمزة فينك
حمزة: أنا داخل القصر اهو البنات جهزو
خالد: اها سلسبيل قدامى اهى وسندس نازله من على السلم وعلي فاتح اللاب توب وإيمان قعده مع جدى
حمزة: نرمين فين ي خالد .....؟
خالد: مش عارف ماما هى نرمين فين.....
هناء: طلعت تغير لبسها وزمنها نازله
خالد: سمعت
حمزة: أنا خلاص وصلت هاخد حمام على السريع وتكونو فى العربيات كلكم اوك تمام
خالد: اوك تمام
الجد: جاهزين ي أولاد
خالد: اها كلنا جهزنا للسفر
الجد: ربنا يسترها عليكم ويريت تسوقو بالراحه وبلاش السرعه أنا عارف ما كنتم سفرتو معانا طيران بدل القلق ده كله
خالد: سيبها على الله لأ أنا ولا حمزة لينا فى السواقه السريعه
اميمه: ربنا يسترها عليكم ي حبايب قلبي
سميحه: نرمين إتأخرت ليه حد يطلع يستعجلها
نرمين: أنا وصلت اهو بس لو سمحت ي خالد تاخد الشنطه للعربيه
خالد: هاتى ي حببتى ويلا استعدو خلينا نخرج وانت ي علي ااقفل اللاب توب ده ويلا
علي: أنا إللي ماخركم يعنى أنا قاعد مستنى من بدرى
سلسبيل: قاعد بيلعب كاندى كرش فااااشل فى العاب ذكاء هبقي ااقولك عليها
علي: وانتى بقي بتلعبيها ي أم الغباوة كلها.....
سلسبيل: اها بلعبها وربنا اغلبك فيها كلها بس اذا غلبتك تنفزلى طلباتى ماشي
علي: ماشي وإذا أنا كسبت هتنفزى ليا ٣طلبات والنعمه لانفخك ....
سلسبيل: ي ابنى أنت اخرك تنفخ بالونه تفرقع فى وشك
الجد: بس منك ليها ايه فار وقط مبتتعبوش
سلسبيل: لأ ده مش بيتعب وبتجيله الفوقه عليا أنا اوووووف
خالد: بسسسسس إحنا على طريق سفر ومش عايز ولا كلمه
حمزة: جهزتو ونظر لنرمين فرأى حزنها وقهرتها
حمزة: انا هاخد ايمان ونرمين معايا وأنت ي خالد معاك علي وسلسبيل وسندس
خالد: أنت بتهرج ي حمزة لأ طبعا علي وسلسبيل معايا أنت عايز تجبلي جلطه
ضحك الجميع إلا سلسبيل وعلي
سلسبيل: بتضحكو على إيه أنا لذوذه خالص والله اكيد خالد يقصد علي اصله رخم وكده يعنى
علي: رخم وكده يعنى اللى هو ازاى ي بت انتى والله اعلقك فى المروحه لحد ما يبنلك صاحب
سلسبيل: تعلقنى ليه حد قالك أنى ريشه ي اهبل أنت وبعدين صحابي هنا كتير أهم روح روح العب كاندى كرش بتعتك ي تفهنا العزب
خالد: يالهووووووى بسسسسسسسس أنت عيزنى اخدهم معايا ازاى
حمزة: هاخد أنا سلسبيل وإيمان كده تمام
خالد ايوة كده معقول خلينا نوصل بالسلامه ويلا خلونا نتحرك
سلسبيل: علي أنت طايق نفسك يعنى انت مستحملك ازاى
علي: بت انتى طلعينى من راسك مش فايقلك وبعدين اه أنا بحبنى ومستحمل نفسي وطايقها بس مش طيقك انتى ولا مستحملك خالص عرفه ليه...
سلسبيل: تعجبت ليه؟؟؟؟؟
علي: علشان دمك تقيل على قلبي
ايمان: بسسسس أنتم الاتنين إيه مش بتزهقو من النقار كل ما تكونو مع بعض في أى مكان.....؟
سلسبيل: هو اللي بيديقنى وبصراحه أنا الفسحه دى ناويه اتجنبه خالص علشان استمتع واستجم ولما ارجع ابقي افضاله......!!!!!
والله أنتم الاتنين صداع مزمن للبيت وترفعو الضغط
سلسبيل: حضرتك دكتور اعمل حسابك على بنادول اكسترا علشان لما اصدعكم تبلبعو منه بجد متستهلوش تقعدو معايا
الجد: يلا وبلاش رغي كتير وانت ي حمزة ناويين تريحو فى الطريق ولا هتكملو على طول
حمزة : لأ إن شاء الله نكمل على طول بس هنبقي نريح فى الطريق نشرب شاى
خالد: انت هتاخد خلاص ابمان وسلسبيل وانا معايا سندس وإيمان
علي : وبالنسبه ليا أنا يعنى اطير ولا ايه
سلسبيل: أه يريت واهو تقع على جدور رقبتك
علي: بس ي بت احسنلك .....
حمزة: علي هتركب مع خالد ما إحنا اتفقنا....
خالد: لاء خليه معاك أنت....
سلسبيل: ههههههههههههه
علي: بتضحكي على إيه..........؟
سلسبيل: أصلك عامل زى اللقيط محدش عيزك
علي: عجبكم كده الزفته بتتريق عليا....
صالح: ايه لسه متحركتوش....
ايمان: هنتحرك بس الاتنين دول يخلصو خناقه
صالح: يلا يا أولاد اركبو
وخرجوا جميعا لركوب السيارات وركبو جميعا وانطلقت السيارات على الطريق
***************************
اميمه: ربنا يسترها عليكم ي رب وتوصلو سالمين غانمين ي رب العالمين
سميحه: اللهم امين وجزبت ايد اميمه ودخلو إلى القصر وتتبعتهم هناء للداخل
الجد: الاولاد اتحركو ........
هناء: اه ي عمى اتحركو ادعيلهم يوصلو بالسلامه
الجد: إن شاء الله يوصلو بالسلامه ي بنتى أنا استودعتهم عند الله
سميحه : ونعمه بالله
صالح ايه مش هنتغدى ولا ايه أنا جعان وبعدين فين عثمان .....؟
هناء: عثمان فوق مريح شويه
صالح: طبعاً ي هناء مين قدك هتروحى للبلد وتشوفى والدك أسبوعين بحالهم
الجد: يلا جهزو حالكم أنتم كمان ويلا جهزو الغدا ولا هتجوعونا علشان الاولاد مش هنا
اميمه: معقول الغدا جاهز من بدرى
الجد: عثمان فين مش شيفه معانا يعنى .....
هناء: اصله راح الشركه من بدرى ولما رجع طلع يريح شويه
*******************
سلسبيل: حمزة ممكن تشغل الكاسيت.......
حمزة: حاضر تسمعى الراديو.....؟
سلسبيل: لأ لأ راديو إيه عيزين نسمع اغانى جميله لحمو بيكا
إيمان: مين ده.......؟
سلسبيل: مطرب بس إيه ملهوش حل....
حمزة: ويا ترى بيغنى بيقول إيه...
سلسبيل: يعينى عليكم ي متأخرين طيب شغل البلوتوث وأنا اسمعكم وبالفعل وصلت سلسبيل البلوتوث وبدأت الاغانى
حمزة: ي نهار ابيض إيه الصداع ده لأ لأ أنا سايق وبعدين دى أغانى مستفزة أوى
ايمان الاغانى دى ماليا الشوارع هو انتى طلعتى منهم يا مجنونه
حمزة: سلسبيل ي حببتى شغلي حاجه نسمعها مش تصدعنا
سلسبيل: والله الاغانى جميييله معايا بنادول خد وخلينى أسمع علشان الطريق طويل
حمزة: لأ انتى حطى السماعات على ودانك أنا مش مجبر اسمع التلوث السمعى ده
سلسبيل: طيب سيبها شغاله شويه صغنونه....
إيمان: خلاص يا حمزة متحبكهاش خلى الاغانى دى تكسر ملل الطريق شويه
حمزة: ما أنا كنت اخدت علي وسبتها هى لخالد.....؟
سلسبيل: ولا كأنى سمعت ويلا بقي على صوت الكاسيت
حمزة: مغلوب على أمره من سلسبيل وإيمان على صوت الكاسيت وبدأت سلسبيل وإيمان يتراقصو على انغام الاغانى
علي: إيه ده هى إيمان وسلسبيل بيعملو باديهم كده ليه
سندس: ههههههههههههه أكيد سلسبيل شغلت الكاسيت واغانيها الغريبه وهى وإيمان بيرقصو عليها
نرمين: والله سلسبيل تجنن محافظة.......!!!!!
خالد: بس بصراحه كلام جدك صح سلسبيل هى روح البيت بتعمل جو يجنن........
سندس: معاك حق ...................
علي: هو إيه اللي معاه حق دى اختك كميه من الصداع المتنقل حاجه كده تحسي إنك عايزة ترميها فى اى بلاعه علشان تختفي......
خالد: نظر لعلي بطرف عينيه وابتسم......
علي: إيه بتبصلي كده ليه ......؟
خالد: أنا سايق وبطل كلام وخلينى اركز فى الطريق
علي: ينظر باتجاه عربيه حمزة وفى باله فعلا العربيه هناك أحلي من هنا أنا عارف مقعدنى مع دول ليه....؟
***************** حلقه طويله اهو 🤣🤣🤣🤣🤣🤣🤣🤣
البارت ٢٢★ أسرار القلوب★
علي: ينظر باتجاه عربيه حمزة وفى باله فعلا العربيه هناك أحلي من هنا أنا عارف مقعدنى مع دول ليه....؟
************************
علي: شغلنا إحنا كمان الكاسيت .....
خالد: مش عندى اغانى شوف البنات.......؟
على: اه نسيت أنت أكيد الفلاشه اللى معاك فيها كيف تقطع الجثث
خالد: اه تحب اوريك ازاى أصل ايدى بتاكلنى بصراحه
علي: أهدي ي صلاح يخربيت اللى يزعلك .......
علي: نرمين انتى وسندس معاكم أغانى ...
سندس: أه معايا .....
علي: تمام أوى يلا شغليها وأنا هظبطلك البلوتوث
سندس: تمام وشغلت اغنيه لنجاه القريب منك بعيد والبعيد عنك قريب
علي: مسح على وشه بغضب ونظر لسندس إيه ده اللى مشغلاه
سندس: نجاه.........
علي: والله عارف إنها نجاه إحنا مسافرين عيزين حاجه تفرفشنا يا بنتى مش شيفاهم بيعملو إيه مع حمزة قربو يطيرو بالعربيه ....
سندس: حاضر ثوانى وشغلت اغنيه مياده الحناوي انا بعشقك فنظر لها خالد من المراءه بعيون كلها عشق وحب لا يوصف فبادلاته هى نفس النظرات بخجل وانزلت عينيها سريعا .....
علي: يالهوووووووي ايه ده مالك ي سندس نجاه ومياده هو أنا لو طلبت اغنيه تالته هتشغلي إيه
سندس: أنا بشغل الاغانى اللى بسمعها
نرمين: ما هى الاغانى جميله اهى نجاه ومياده إنت عايز إيه ......
علي: معاكى نت على فونك ي سندس
سندس: اه معايا نت........
علي: طيب ناولينى فونك اللى كله ألغام وأخذ منها الفون وبدأ البحث عن أغانى وشغل اغنيه شقلطونى فى بحر بيرة للمطرب حمو بيكا
خالد: إيه اللى مشغله ده ..ده صداع والله وبدأ علي يعلى صوت الكاسيت وهو يتراقص على الاغنيه ونرمين وسندس بداو يندمجو مع علي في الرقص
وخالد بدأ يضحك عليهم والله أنكم مجانين
علي: ي عم الدكتور فرفش دى اجازة يعنى مفيش روتين ولا زفت عيش أيامك ي عمنا.....
خالد: على آخر الزمن هعيش ايامى على أغانى مزعجه متجبش غير صداع أنا عايز أركز فى السواقه....
علي: تعالى مكانى وأنا هكمل مكانك سواقه
خالد: ما أنت هتكمل بس بعد اول استراحه لينا
علي: طيب تمام وبدأ يرقص على أغانى شعبي وهو ينظر على عربيه حمزه
****************★**
الجد: مالكم ي بنات قعدين زعلانين كده ليه.....؟
سميحه: البنات وحشونى أوى ما كنا سافرنا معاهم واهو كنا اتسلينا فى الطريق معاهم ...
الجد: كلها كام ساعه ونبقي مع بعض جمدى قلبك آمال لما البنات تتجوز وتبعد عنك هتعملى ايه.....؟
سميحه: أنا عرفه بقي ربنا يصبرنى هعمل ايه يعني
اميمه: أدعى ربنا يتجوزو جمبك وميبعدوش عنك.....
هناء: يلا نجهز الغدا وقبلها نتصل على الأولاد نشوفهم وصلو لفين......؟؟
الجد: هى الساعه كام .......؟
هناء: الساعه دلوقتى ثلاثه وخالد قالى إن أول استراحه هيكونو فيها إن شاء الله الساعه خمسه إحنا نقوم نتغدا ونتصل بيهم واحنا بنشرب الشاى
اميمه: تمام كده يلا بينا نحط الغدا على السفر وبعدها هطلع انادى لصالح ...
سميحه: اطلعى نادى صالح وأنا هجهز الغدا جهز مع الخدم
اميمه ماشي وصعدت لزوجها ....
الجد: اماال عثمان فين أنا مشفتوش من الصبح ...
هناء: اصله راح الشركه الصبح بدرى ورجع وطلع على الاوضه يرتاح
الجد: جه امتى ده حتى معداش عليا وسأل خير فى حاجه مزعلاه ولا ايه
هناء: والله ي عمى شكله متدايق وعصبي على الآخر وبصراحه سبته يقعد لوحده علشان يهدى ما حضرتك عارف عثمان لما بيتعصب بيحب يقعد لوحده
الجد: يا رب يكون خير عموما قومو جهزو الغدا ولما ينزل هبقي اشوف ماله....
سميحه: طيب اطلعي يا هناء ناديه علشان يتغدى
هناء: حاضر وصعدت لغرفتها فرأت زوجها جالس على الأريكة وينظر إلى إلا شئ
هناء: عثمان.............لا رد
هناء: عثمااااان
عثمان : نعم فى إيه ....
هناء: سرحان فى إيه مالك من وقت ما رجعت وأنت سرحان كده فى حاجه. نظر عثمان لهناء وبخبث أنا تعبان أوى ومخنوق
هناء: خير ي رب احكيلي يمكن ااقدر اساعد برائيي إذا حابب إنك تتكلم معايا.........؟
عثمان: بصراحه بنتك جيلها عريس ومش عارف افاتحها في الموضوع ده ازاى
هناء: بسعاده وده يخليك تبقي زعلان المفروض تفرح وتفرحنا معاك ده يوم المنيي لما اشوف بنتى عروسه
عثمان: أهدى عليا وعلى نفسك ......!!!!!
هناء: أنا مبسوطه طبعا ده اليوم اللى بتستناه أى أم علشان تفرح ببنتها بس قولى من العريس أنا أعرفه
عثمان: جذب ايد هناء بمنتهى. العنف وتحدث بطلى كلام شويه مش عارف أجمع كلمتين ايه بلعه راديو يا ساتر منك......
هناء: بألم أنا مبسوطه إيه الغريب في ده وبعدين مالك واخد الموضوع على أعصابك ليه......
عثمان: ولا واخده على اعصابي ولا حاجه بالعكس أنا مبسوط جدا لأنه عريس كويس بس فى مشكله صغيرة اوى بس البركه فيكى انتى تقنعى بنتك علشان نفرح بيها
هناء: خير مشكله ايه ماديات مثلا......؟
عثمان: لا ده مبسوط جدا بس المشكله أنه متجوز بس تعبان مع مراته ولوله أن فى عيال كان طلقها من زمان
هناء: متجوز وعنده عيال أنت بتقول ايه ومن غير ما اعرفه لأ طبعا دى بنتى الوحيده عيزنى ارميها ولا ايه ده لو كان عريس ومدياته بسيطه بس شاري بنتى هوافق أنت ازاى بتتكلم فى الموضوع من أساسه
عثمان: مين انتى علشان تقرري هاااا أنا هنا ااقول وأنتى تنفزى وبس وأنتى مطلوب منك تقعنعيها بالعريس وبس وبعدين العريس كلنا عرفينه المهندس مدحت كبير المهندسين بالشركة
هناء: وقفت أمام زوجها عثمان بيه اسمعنى كويس أنا مستحمله العيشه دى علشان ولادى مستحمله اهانتك واستخفافك بيا وقولت يا بت عيشي علشان العيال لغيت شخصيتى وكيانى علشانك بس الواضح إنك بتتمادى ونسيت نفسك فوووووق كله إلا اولادى ساااامع اوعى تفتكر انى هسكتلك لأ لحد كده وكفايه
واوعى تفتكر أنى معرفش حقيقه شغلك وأسلوبك الملتوى ولا نسيت انى مهندسه.. أبعد شغلك ومصالحك عن بنتى سمعنى يا إما والله ما هسكت وهتلاقينى أنا قصادك وهبلغ عمى بكل شيئ
عثمان: اااااانننننتتتي بتقولى إيه وشغل إيه اللي تعرفيه عنى انطقي قولى
هناء: هما كلمتين ابرك من عشرة أبعد عن ولادى أنا لو عليك كنت اطلقت من زمان لكن أنا مستحمله علشانهم واتفضل انزل الغدا جهز واه ااقفل على الموضوع ده نهائي سامع وخرجت من غرفتها
عثمان: بحاله من الزهول ومسبهل معقول هناء تعرف حاجه عن شغلي معقول طيب ازاى.....
وايه القوة دى كلها فى كلامها معايا حسستنى إن هناء بتاعه زمان رجعت اللى شخصيتها من حديد
طيب والعمل يا عثمان هتعمل ايه دلوقت وأدى هناء هتقف قصادى وكمان ممكن تقول لبابا وظل يفكر مع نفسه بسسسس خلاص أنا هتكلم مع نرمين واقنعها وهى أكيد هتسمعنى وأنا عارف هدخلها منين وإن شاءالله توافق ولما توافق هناء مش هتقدر تتكلم ابدا
*****************
البارت ٢٣★. اسرار القلوب★
الجد: اميمه أنا جعان ي بنتى فين الغدا.......
اميمه: يلا يا عمى أنا حطيت الغدا على السفرة واهو هناء نازله اهى يلا وبعدها ومن بعدها عثمان وصالح وتجمعو على مائده الطعام.......
الجد: إيه يا عثمان مالك يعنى جيت ومسالتش عليا وطلعت على فوق على طول..
عثمان: اصلي صحيت بدرى ورحت الشركه خلصت شغل ورجعت قولت أنام شويه متاسف ي يابابا
الجد: لأ ي حبيبي ربنا يقويك بس بقلق لما مبشوفش حد فيكم ....
صالح: ربنا يديك الصحه ي رب المهم قولى مستعد للسفر علشان هنلعب طاوله كل يوم وهغلبك
الجد: ي راجل بطل كل مرة تقولى الكلمتين دول وطول عمرك مغلبتنيش نفسك تغلبنى
صالح: شوفتى يا ميما بابا عايز يغلبنى أصله ميعرفش أنى جبت طاوله وبلعب معاكى علشان اتدرب واغلبه...
اميمه: ههههههههههههه اها بس أنا اللى بغلبك من ي قلب ميما يعنى مفيش فايده
سميحه: ههههههههههههه صالح أنت اخرك المحاكم والقضايا وبس سيب اللعب للبابا وعثمان
هناء: اللعب كله يسيبه لعثمان هو اكتر واحد ليه فى اللعب
عثمان: كح وشرق ناولته سميحه كوب ماء ونظر الى هناء
صالح: على مهلك فى إيه دى هناء بتمدح فيك
اميمه: نظرت الى هناء وتشعر بتغير أحوالها حتى فى نظراتها لعثمان فى غضب بعيونها ي ترى مالك ي هناء.....؟؟؟
الجد: جهزتو شنطكم علشان هنتحرك للمطار بدرى
صالح: كله تمام بس بعد ما نشرب الشاى نلعب طاوله أهو كله تدريب
الجد: ههههههههه مفيش منك فايده يلا امرى لله العب معاك مع إن اللعب مع اميمه أحلي
سميحه: اميمه اتعلمتى امتى الطاولة دى وليه معلمتنيش معاكى...
اميمه: صالح هو اللى علمنى او بمعنى أصح كان عايز يتعلم فيا بس أنا غلبته هههههه
سميحه: وأنا كمان عايزة اتعلمها اهو العب مع بابا وأرحم بابا من اميمه شويه
الجد: اميمه البركه بتاعه البيت ربنا يخليهالنا
الجد: نظر لهناء اللى باين على وجهها ملامح الغضب مالك ي بنتى من ساعه ما نزلتى وأنتى مش على بعضك
هناء: لأ ابدا أنا كويسه بس هقوم أعمل الشاي علشان اطمن على الأولاد
الجد: ده بس اللى مخليكى مسهمه وغضبانه أنا شايف قدامى هناء المهندسه مش هناء ربه المنزل
اكيد فى حاجه والاكيد أنك هتحكيلي صح
عثمان: بتلعثم وكح ما هى كويسه أهي مالها ....
هناء: إذا فى حاجه اكيد هبلغك طبعا أنا ليا مين غيرك يا عمي
سميحه: بس بقولكم إيه عندى فكرة إنما ايه تيجى ننفزها......
اميمه وصالح: خير ربنا يستر من افكارك
سميحه: استنو وبطلو كلام إيه بلعين غساله اطباق
صالح: قولى ي جهبز عيلتنا فكرة ايه .....
سميحه : نروح ننام برة النهارده
صالح: مش قولتلكم جهبز عيلتنا فى الأفكار المهببه ننام فين البرد ده ولا بابا العيان نامى ي سميحه
سميحه: مش عرفه اتكلم منك هو إنت فاكر نفسك في محكمة هويسسيي
صالح: هسيت ي اختى اهو اتحفينا......
سميحه: أنا ااقصد ننام فى الملحق بتاع حمزة .....
الجد: الملحق واشمعنا الملحق يعنى .....؟
سميحه: الملحق صغير بالنسبه للقصر طبعا بس وجود حمزة فيه خلاه جميل اوى وكبيييير ودافي أنا قضيت يوم معاه ومع الأولاد بصراحه مش عرفه انسي امبارح من جمال القعده وسطهم وحمزة محاوط عليهم كانه ابوهم
الجد: بفخر حمزة ده الضلع الثابت للقصر اللى هيكون دعم للكل لانه بيشبهنى ويمكن أكبر على ااكبر أنا بدعى على كل يوم إن ربنا يحميه علشانكم لانه من بعدى هيكون درع ليكم من الحياه حتى لو على حساب نفسه
صالح: فعلا حمزة اخد طباعك بس الواد ده غامض كده ومتعرفش تاخد منه كلمتين ......!
انا ك محامى بتوه معاه والله
هناء:: حمزة وسرحت بخيالها وشردت وهى تردد اسمه
عثمان: هناء إيه انتى سرحتى فى إيه وعماله تقولى حمزة وهمس فى أذنها اوعى تفكرى تحكى لحمزة او تدخليه ما بينا انتى عرفانى؟...
هناء: بخوف وبهمس على الله تقرب منه او من ولادى لو وصلت للقتل هقتلك ي عثمان واحمى اولادى منك
عثمان: تحمى اولادك من ابوهم انتى مجنونه ...
هناء: فين ابوهم ده روح بص لنفسك كويس إنت شبه اب للأسف وحرام اللقب ده يتقال ليك والله وحرام كمان تكون هنا فى وسطينا...
عثمان: بدون وعى منه قام وضرب هناء على وشها وهم أن يضربها مرة أخرى فتصدى له أخيه صالح أنت اتجننت ازاى تمد إيدك على مراتك وكمان فى وجود بابا أنت ايه يا اخى
الجد: بصوت جهورى عثمااااااااان أنت إيه إللي عملته ده أنت اتجننت تمد إيدك على مراتك
عثمان: أنا اسف والله مش عارف أنا عملت كده ازاى بس هى مستفزة وخليتنى اطلع عن شعورى
اميمه: وهى محتضنه هناء هى وسميحه اعتزر منها ي عثمان وبكل الغضب اللى جواها من معامله عثمان لصديقه عمرها بقووووولك اعتزر أنت سامع ولازم تقبل اعتزارك سمعت
عثمان: اعتزر هى اللى استفزتنى هى انسانه غريبه لاغيه مخها وبتخاف تفكر
الجد: عثمااااااان كلمه تانيه هتقولها فى حق مراتك غير اللى قالته اميمه تطلع برة القصر ده خالص وأنا ومن حياتنا كلها حتى الشركه متدخلهاش فهمت
عثمان: بخوف وقلب يرتجف من تهديد ابيه لا مش تهديد هو فعلا قادر أنه ينفز اللى بيقولوا وكله علشان الهانم ...اعتزر ي عثمان بدل م تتكلم وتقول لبابا على اى حاجه وتودينى ورا الشمس
عثمان: تقدم من هناء وأبعد ايد اميمه وسميحه عنها واحتضنها وكاد أن يكسر ضلوعها من الغيظ أنا آسف ي حببتى مكنتش ااقصد
هناء: وهى تبعده عنها وبنظرة كلها تحدى أبعد إيدك عنى وأنا عند كلامى
هناء: عمى ممكن اطلب منك طلب ويريت توافق لأن ده هيريحنى
الجد: انتى تامرى ي بنتى وأنا انفز
هناء: العفو ي عمى مين أنا علشان اامر حضرتك هو طلب صغير عايزة ارجع للشركه تانى ولشغلي عايزة اكون مع الأولاد فى الشركه وأكون دعم ليهم
الجد: بس كده ده أنا ياما اتحيلت عليكى وأنتى كنتى بترفضي علشان عثمان والعيال
هناء: خلاص الاولاد كبرو وأنا محتاجه أشغل نفسي
اميمه: اهو هو ده الكلام انتى لما كنتى بتشتغلي كنتى انسانه على طول مبسوطه وسعيده لأنك بتحبي مجالك زى عمى
الجد: طبعاً لازم تطلعلي ما أنا اللى مربيها وأنا اللي حببتها فى الهندسه وهى بصراحه مقصرتش وأيام م كانت شغاله معايا في الشركه. مكنش فى غلط تقبل بيه أبدا
سميحه: اها العرق الصعيدى بيطلع فى الشغل بس أنا فرحنالك أنك قررتى ترجعي للشركه
صالح: مبروك مقدما لرجوعك ي هناء واهو تخفي الحمل عن حمزة عايز اجوزة وافرح بيه
هناء: حمزة بقى الوتد للشركه واولاد عمه وعمته بقينا إحنا اللى حمل عليه ونظرت لاميمه بعيون باكيه ربنا يخليه لينا ويحميه من وقت ما رجع والبيت بقي ليه طعم وبقي دافي فعلا كلام سميحه صح أننا نبات فى الملحق
اميمه:بانقباضه في قلبها ونظرت حولها للجميع أنا هكلم الاولاد واطمن عليهم وما هى إلا لحظه واتصلت اميمه الووووو حمزة
حمزة: ازيك يا ست الكل وحشتينى والله
اميمه: وأنت اكتر ي قلب ماما وصلتو لفين ي حبيبي
حمزة: إحنا هنا فى استراحه بن سويف وشويه وهنتحرك
اميمه: على مهلك وأنت سايق والبنات عاملين ايه واخوك وخالد
حمزه: إيه يا ماما دى كلها كام ساعه اللى غبنا عنكم فيها لحقنا نوحشكم.....
سميحه: اختطفت الفون من اميمه الو ايوة ي حمزة
حمزة: ههههههههههههه ايوة ي عمتى اامرينى ...
سميحه : وحشتنى والبنات وحشونى البيت وحش من غيركم
حمزة: ههههههههههههه طيب والعمل نرجع ولا ايه كلها كام ساعه ونتقابل باذن الله وخدى سندس وسلسبيل اهم
سميحه: ازيكم يا بنات عاملين ايه ......؟
سلسبيل: عملين جمعيه وبنرتبها مين يقبضها الآخر
سندس: ي بت بطلي حياتك كلها قفشات ي ساتر منك ازيك يا ماما وحشانى والله
سميحه وانتى اكتر يا حببتى خلى بالك من أختك واى حاجه محتاجينها اطلبيها من حمزة او خالد
سندس: حاضر ي ي حببتى
نرمين: اساليها عن ماما فين يعنى مش سمعه صوتها
سميحه: اديها الفون تكلم مامتها
هناء: ايوة ي قلبي عامله ايه وحشتينى أوى وبكت
نرمين: ماما حضرتك بتعيطى ولا ايه فى حاجه مزعلاكى....؟
خالد: بخوف مالها ماما هاتى الفون الو ماما مالك
هناء: أبدا ي حبيبي وحشتونى أوى
خالد حضرتك بتعيطى أنا عارف صوتك كويس أوى أنا ممكن ارجع وحمزة يكمل
هناء: أيه ده اللى بتقولو أنا كويسه بس وحشتونى وبعدين إحنا كلنا قعدين اهو حتى جدك معقول حد يديقنى وجدك موجود
خالد: باطمئنان نوعا ما أنا من كلام أمه وسألها فين جدى عايز اطمن عليه
الجد: الو ي خالد عامل ايه يظهر عند إن الحريم هنا اتجننو لما سافرتو والله ما عارف لما تتجوزو هيعملو ايه
خالد: ههههههههههههه مش هيعملو حاجه هيقتلو العروسه بس
الجد: ههههههههههههه اه والله ربنا يسترها يلا انتم اتوكلو على الله وخلوو بالكم من الطريق
حمزه: يلا يا خالد عيزين نتحرك استأذن من جدى علشان الليل
خالد: طيب سلام يا جدو علشان هنتحرك ونشفكم بكرة على خير إن شاء الله
*************************
الجد: يلا ي بنات فين الشاى وأنت يا عثمان حصلنى على المكتب
صالح: وأنا هنزل الجنينه شويه .......؟
دخل الجد للمكتب ومن خلفه عثمان واغلق الباب من خلفه
الجد: خليك واقف هما كلمتين ومش هكررهم تانى اللي حصل قدامى النهارده ميتكررش لا فى وجودى ولا من ورايا واى شكوى من هناء عليك أنا اللى هكون قصادك فهمت وعايزك تغير معاملتك معاها وتهتم بيها شويه سمعت
عثمان: حاضر اللى حضرتك تامرنى بيه هيتنفز
الجد: ي ابنى الرسول صلى الله عليه وسلم أوصانا بالقوارير عاملها بما يرضي الله وبلاش عند ومكابرة
عثمان: حاضر اى أوامر تانيه
الجد: لاء ااتفضل واعمل حسابك إن هناء هترجع الشركه من بعد الاجازة يعنى تاخدها معاك وترجعو سوا
عثمان: بغيظ وهو يصطق على أسنانه حاضر
***********************
حمزة: يلا ي بنات اركبو العربيات امال فين سندس
إيمان: كانت واقفه هناك من ثوانى راحت فين دى كانت هناك
خالد: فعلا كانت واقفه هناك من ثوانى أنا لسه شايفها
حمزة: قاام وذهب فى اتجاه الذي كانت سندس واقفه. فيه ونظر ولم يجدها وبدأ الخوف يتسرب لداخله ............
خالد : أنا دورت عليها هناك ومش لااقيها ودخلت الكنتين مش جوه والبنات دورو عليها
حمزة: يعنى هتكون فين دى لحظه وكنا وقفين بنتكلم في الفون وبدأ حمزة ينظر يمينا ويسارا برعب هز كياااانه وبدأ ينادى باعلى صوت سندس سندس
سلسبيل: ببكاء هى سندس فين ي حمزة اختى فين
إيمان: أهدى ي حببتى هنلاقيها بس المكان زحمه شويه
خالد: ضيق على عينيه وسار باتجاه السيارات فرأي سندس ممده على الكرسي الخلفي وهى نائمه
خالد: بخوف وفرح وبمشاعر مختلفه فتح الباب ونظر إليها وبدأ يفوقها سندس سندس
سندس: بنعس نعم ايه ......؟
خالد: فى ايه مش لما تحبي تنامى تبلغينا ي هانم بقلنا ربع ساعه بندور عليكى والكل هيتحنن
سندس: اصلي صحيت بدرى وحسيت بنعس جامد فقولت أنام شويه
خالد: طيب هروح انادى عليهم وخليكى انتى هنا كملى نومك وابتسم لها
سندس: لاء هروح معاك تلاقي سلسبيل عيطه وخربه الدنيا
خالد: كلنا قلقنا عليكى بس الحمد لله جت سليمه
سندس: الكل قلق ودور بس أنا أنت اللي لقيتنى .....!!
خالد: بتلعثم يييلا خلينى نطمنهم...
ومشو سويا للداخل حمزة نظر باتجاه الصوت لخالد فرأي سندس تمشي بجواره فاتجه نحوهما وأمسك بايد سندس وبمنتهى القلق كنتى فين قلقتينى
نظر خالد لايد حمزة وهى محتضنه أيد سندس فرجع للخلف وهو يحمل قهر قلبه على من احبها فهى لشخص آخر و ليست له بل هى لإبن عمه وصديقه وأخيه وكل المسميات بينهم
سلسبيل: كنتى فين حرام عليكى خضتينى
سندس: سحبت يدها من بين ايدى حمزة ونظرت للجميع أصلي حسيت أنى عايزة أنام روحت للعربيه ونمت ولقيت خالد بيصحينى فنظرت لخالد فراته حزين. وعينيه للأرض فتعجبت لتغير أحواله
حمزة: طيب الحمد لله بس يريت لما تتحركى تبلغي أى حد علشان منقلقش ماشي ....
إيمان: الحمدلله كنا هنموت من القلق وسبحان الله خالد اللي يلاقيكي حتى واحنا صغيرين ديما كان هو اللي يلااقيكى
نرمين: اه فعلا تقوليش ردار ي ااخواتى
سندس: وهى تنظر لخالد فعلا ردار ولا ايه ده يا خالد
خالد: مش يلا بينا ولا ايه علشان منتاخرش
سندس: لنفسها نفسي اعرف مالك وليه ديما بتتهرب منى مع أنى حاسه أنك بتحبنى بس إيه بيبعدك نفسي أعرف ......؟
حمزة: يلا كله على العربيات خلونا نتحرك
سندس: ماشي واتجهو جميعا إلى السيارات لاستئناف رحلتهم......
علي: نشغل الكاسيت ولا هتنامى ي سندس ...
سندس: باغانيك دى يبقي بلاش أحسن صدعتنا
إيمان: نشغل أعانى من عند سندس اغانيها هاديه زيها
علي: امرى لله افتح البلوتوث وظبطى الاغانى خلينا ننام شويه وأحنا سيقين يمكن نسلم على أى عمود نور ونبقي شهدا بسبب اغانيكى
نرمين: بطل تريقه وخليها تشغل اللي هى عيزاه
حمزة: ايمان تعالى سوقى شويه وأنا هريح ورا وإذا تعبتى صحينى اكمل
سلسبيل: أنت هتنام ولا إيه مش هنشغل الكاسيت
حمزة: اتهدى وريحي راسك انتى ايه راسك إيه مصفحه......؟
سلسبيل: اه ومدرباها فى الجيش نام
علي: شغلى ي سندس وشغلت سندس اغنيه لاليسا نفسي ااقوله يا وهى تنظر لخالد الجالس بجوار علي وهو حزين
نرمين: نظرت لسندس فراتها تنظر لأخيها وهى تشغل الاغنيه كأنها تريد أن تبلغه بشئ
نرمين: شكلك ي سندس بتموتى ف خلودى وهو شكله ولا هو هنا وابتسمت لنفسها لازم اعمل حاجه علشان أعرف مشاعر خالد ايه من ناحيه سسندس
فامسكت بالهاتف وبدات تراسل إيمان
إيمان: سلسبيل شوفى فى رسايل واتس اب جيالى لحسن يكون شغل مهم
سلسبيل: ليكون حاجه خاصه بلاش أنا السر عندى عمرة م يقعد فسوة
ايمان أنا سايقه ي هبله وبعدين معنديش اسرار أنا افتحى وكمان مش بعمل كلمه سر للفون لأنى معنديش حاجه تتخبي
سلسبيل: ماشي ي عم الغفير يظهر العيله دى كلها غفر وأنا اولهم اللي ما فى واحده قلبها طار ولا بتسهر ناكل ونام أنا عايزة ابقي انثي اعمل ايه...
ايمان: اتلهي والنبي وشوفي الرساله ايه ......
**************
البارت ٢٤★ اسرار القلوب★
سلسبيل: فتحت الفون وبدأت تبحث عن الرسايل فوجدتها من نرمين
سلسبيل: الرسائل من نرمين افتح ولا لما نوصل تقريها برحتك ..........؟
إيمان: هى نرمين بتراسلنى ليه افتحى كده ليكونو عيزين حاجه
سلسبيل: فتحت الرساله وجحظت عينيها وتغمضها إيه دهون والنعمه طااااا امتى وازاى ياااالهوى ي عينى على الصبر
ايمان: إيه بتكلمى نفسك انتى اتجننتى على الآخر والله مالها نرمين
سلسبيل: اصل البت اختى درجه الحراره عندها ٥٠ ويظهر إنها هتفرقع بس على مين أنا عرفت ولازم اعرف كل حاجه.......!!!
إيمان: ي بت فهمينى إيه اللى هتعرفيه ومين دى اللى درجه حرارتها ٥٠ ......
سلسبيل: سندس اختى ههههههههههههه ي خبتى ي أنا ويخبتك ي اختى والله أنا قولت بنات العيله دى غفر حتى اللى قلبها طاير مش عرفه ترسي فين
ايمان: بت قولى فى إيه صوتى هيعلي وحمزة هيصحى.
سلسبيل: نرمين بتقولك إن سندس شكلها بتحب وواقعه على الآخر
إيمان: بتحب وواقعه فى مين دى اللى ماباين عليها ومين سعيد الحظ .....
سلسبيل: دكتور العيله يالهوووووووى دى بينها هتحلو والفسحه هتبقي عنب دة أنا هعمل عمايل ....
إيمان: على الله تتصرفي او تعملي حاجه من غير ما ترجعيلي سمعه وكمان بلاش تعرفي نرمين أنك انتى اللي قريتى الرسايل علشان متزعلش ...
سلسبيل: ايه ورقه الطلبات اللى طلبتيها دى هو حد فهمك لا سمح الله أنى اعرف اخفي سر بطنى بتوجعنى ونفسي بيروح وبيحصلي سرعه اتضربات في القلب ايه عيزنى اموت
إيمان: اااااه منك اياكى أنا بحذرك وكمان اوعى تعرفي سندس بحاجة
سلسبيل: لاء بقي متقوليلي موتى بالمرة إيه الاتهاض دهون والله الفسحه هتحلو وبعدين أنا عندى أفكار تخلى المشرط ينطق.....
إيمان: مشرط ايه ......
سلسبيل: خالد دكتور التقطيع البت قلبها هيفط وهو طبيب جراح ولا دارى بس على ميييين والنعمه لانطقه أنا م صدقت حد فينا يتنيل يحب بدل م سمعه بنات عيلتنا نزل الارض
إيمان: طيب وانتى ليه قلبك قفلاه يختى افتحيه ولا وربيع
سلسبيل: مين مفهمك أنى موربا الباب أنا فتحاه والنعمه بس محدش عبرنى يمكن بعد ما نلبس دريس اتظبط
إيمان: تصدقى صح وياخدك واحد من الصعيد وتربيله معيز وبقر وفراخ
سلسبيل: اربي ايه مش لما اربي نفسي الأول وبعدين أنا ايه يحوزنى في الصعيد ده أنى عسوله وأنا مقدرش ابعد عن جدو أبدا أنا هكتبه معايا فى القايمه اه ده حبي الأول
إيمان: انتى ي بت كبرتى وبقيتى عروسه ولسه متعلقه فى جدى زى العيال الصغيرين اكبري
سلسبيل: بحزن ودموع ترقرقت فى عينيها أنا طلعت ملقتش بابا لقيت حنيه جدو وقلبه اللى احتوانى واللى بشكيله اى حاجه تزعلنى
إيمان: أنا أسفه ي قلبي والله ما كنت ااقصد ازعلك اصلك بتنامى فى حضنه لحد دلوقتى وعماله تقولى احب واتجوز طيب ازاى.....
سلسبيل: جدو الأمان ورحتى واللى عايزنى جدو قبلي ده شرطي طبعا
إيمان: لا والله ما انتى لما تتجوزى ي حببتى هيبقي ليكى حياتك الخاصه ازاى يعنى هتسيبي جوزك وتنامى مع جدك
سلسبيل: أنا أخرى فى الجواز الفرح والفستان وبسسسس وجدو أولا وأخيرا ده قلبي
******"***************
سميحه: اميمه أنا خلصت كل حجتى وطلعت الشنط كلها بس هروح على الملحق أنام هناك ...
هناء: وأنا جهزت اللبس اللى هلبسه ويلا هروح معاكى يلا
اميمه: هى جت عليا ولا ايه هروح اشوف صالح واجيلكم
سميحه: ههههههههههههه هو انتى عايزة تقنعينى انك هتسيبي صالح وتنامى معانا
اميمه: الله انتى هتستلمينى ولا ايه اه بس هشوفه عايز حاجه واجيلكم
الجد: وقفين كده ليه عند الباب .....
سميحه: هنروح الملحق ننام هناك للصبح
الجد: خدونى معاكم اهو كله تغيير وأنا مش هعرف انام من غير البت سولي
هناء: البنت بتعمل جو للبيت روعه ربنا يحميها ي رب
صالح داخل من باب القصر اتخض ايه ده وقفين ورا الباب ليه....
سميحه: علشان نخضك ههههههههههههه أصلنا ريحين الملحق كلنا إلا اميمه كانت تفتكرك فوق كانت هتسالك تبات معاك ولا معاها ......
صالح: ههههههههههههه
الجد:ههههههههههه معاها ولا مع صالح يعنى ف كلتا الحالتين هتبات مع صالح
سميحه: اه طبعا كلنا عارفين أنها مش بتنام من غيره ده لما بيسافر بتروح تنام مع اى واحده من البنات
صالح: حببتى ي ميما هبخرك من عيون سميحه
اميمه: هههههههه ربنا يخليها دى حببتى
الجد: طيب اللى هيبات معانا يحصلنا فتحرك الجد ومعه هناء وسميحه
صالح: يلا ببينا معاهم أنا عايز اجرب اللي بتقولو عليه
اميمه: كفايه إن ريحه حمزة فيه دى كفايه عليا
فذهب صالح مع اميمه وراء ابيه
*************************★
ومرت عده ساعات فى الطريق فافاق حمزة وتحدث الى اخته
حمزة: ايمان إحنا وصلنا لفين أنا نمت كتير شكلى
سلسبيل: أنت كنت نايم مع ناس الكهف إحنا وصلنا المنيا اهو
طيب تمام معلش ي ايمى سبتك تسوقي الطريق ده كله بس كنت نعسان جدا
إيمان: بصراحه السواقه مع سلسبيل ممتعه ومحستش بالطريق
سلسبيل: اصلي أنا سبع فوايد فى بعض علشان تعرفي قيمتى
حمزة: هتصل على خالد واشوف هننزل فين ولا نكمل
إيمان اوك أتصل ......
خالد:: الو ايوة ي حمزة أنا بصراحه نمت وعلي كمل ولسه قايم من النوم
حمزة: طيب يلا ننزل على اى كافيه نشرب حاجه وبعدين نشوف هنكمل ولا نبات
خالده: اوك ونظر الى علي شوف اى كافيه ننزل فيه
علي: حاضر لأنى صدعت وعايز أنام بصراحه اللى يسافر مع سندس لازم يجيله ارتخاء أعصاب من أغانيها
سندس: بطل تريقه والله اغانى جميله مش أحسن من اغانيك اللى عملت تلوث سمعى
نرمين: في كافيه هناك يلا ننزل لحسن حاسه أنى مكعبشه في بعضى والله
علي: خلاص هركن ويلا ننزل وحمزة ورانا اهو
*********************
الجد: الله الملحق ده جميل أنا اول مره ادخله بس فيه راحه نفسيه
سميحه: مش قولتلكم هنرتاح هنا
الجد: اتصلو على الأولاد نطمن عليهم
اميمه: حاضر واتصلت على حمزة الوووووووو ايه ي حبيبي مش بتتصلو علينا ليه...
حمزة: والله أنا نمت وإيمان ساقت مكانى ولسه صاحى ونزلنا على كافيه فى المنيا نشرب اى حاجه
سميحه: اساليه هما هيباتو ولا يكملو
اميمه: سمعت ي حمزة
حمزة: لسه مقررناش ي ماما بس افوق كده واكلمكم ماشي ...
اميمه: ماشي ي حبيبي مع السلامه واغلقت معه المكالمه
**********************
حمزة: علي اطلبلي قهوة دبل ساده على ما اغسل وشي
علي: حاضر وانتم ي بنات هتشربو إيه .....
إيمان: أنا قهوة مظبوطه ....
سندس: نسكافيه ......
سلسبيل: أنا عايزة عصير وبسكوت ساده ونايتى وإذا فى بسكوت بالشيكولاته كمان يريت....
علي: اجبلك الكنتين كله ايه بلاعه واتفتحت
سلسبيل: إيمان أنا قولت طلبي صح يريت بسرعه وخليهم اتنين عصير علشان ابلع كله
نرمين: هى اتجنبتك فى الفسحه دى وشكلها بتنفز
علي: بغيظ ولنفسه لما أشوف هتفضلى تتجنبينى لامتى مااااشي
خالد : ياااه أنا نمت كتير اوى وحاسس أنى فوقت
حمزة: من خلف خالد وأنا كمان نمت من بني سويف للمنيا وشبعت نوم
خالد : خلاص نكمل إن شاء الله أنا وأنت نكمل والباقيين ينامو
حمزة: اوك تمام فين قهوتى. ...
علي : هيجبها دلوقتى .....
ايمان: لنرمين بهمس إيه اللى خلاكى بتقولى إن سندس بتحب خالد هى قالتلك
نرمين: لاء بس بصي من وقت للتانى تخطف نظرة
وبعدين باين عليها....
إيمان: طييب وخالد ايه من ده كله
نرمين: للأسف مش عرفه بس أبدا لازم اعرف الحب متبادل ولا من طرف واحد
إيمان: وهتعرفي ازاى ..........
نرمين: بصراحه مش عرفه بس اكيد هعرف
سلسبيل: من خلفهم أنا عندى خوطه جميله خلونى معاكم فى العصابه وهنفعكم والله
نرمين: بخضه ايه ده انتى واقفه تتصنتى علينا
سلسبيل،: لا أنا واقفه ف الكلام شدنى لهنا فانشديت لوحدى
سندس:اخدت النسكافيه بتعها خالد ممكن نتمشي هناك كنت عايزة أسألك على حاجه....
خالد : اخذ كوب القهوة وذهب معاها خير ي سندس في حاجه.........؟
سندس : أنت نسيت موضوع طنط وازاى هنقربهم لبعض ......
حمزة: لاء مش ناسي بس هستنى طنط اميمه تقولنا نعمل ايه...........
سندس: اوك تمام إن شاء الله خير والاجازة دى تغير حجات كتير م بينهم للأحسن
سلسبيل: من خلف سندس وخالد أنا عندى خطط إنما ايه هتخلي خالى يطلب ايد طنط هناء من تانى
خالد: بفزع انتى واقفه تتصنتى علينا....؟
سلسبيل: لأ اصلي بتشد فى اى حديث بالهمس مغناطيس والنعمه بيجزبنى
سندس: بطلي تهريج وبعدين كده غلط انك تتصنتى على حد...
سلسبيل،: فين حد ده انتى سندس وهو خالد ومفتكرش عندنا حد ولا اتنين
سندس: عرفه مش هخلص معاكى
ايمان: بس ايه خلاكى متأكدة أن فى مشاعر من طرف سندس لخالد
نرمين: ركزى معايا انتى بس وهوريكى اصبري ووقفت نرمين واتجهت نحو اخيها خالد ووقفت أمامه خالد بقولك أنت تعرف اماكن هنا فى المنيا جميله
خالد : المنيا كلها جميله انتى بتسالى عن حاجه معينه
نرمين: لاء بس سؤال ونظرت لايمان وهى ترفع كتفيها
سلسبيل: بصي بقي أنا هعمل ايه واوريكم انكم من غيري فسسسس
ايمان: فسسسس انتى اتعلمتى فين ي بت الحجات دى
سلسبيل،: من البنات فى الكليه اهو بنستفيد حاجه
إيمان،: طيب انجزى يلا وورينا الهمه نرمين فشلت
وقفت سلسبيل واتجهت نحو تربيزة خالد وسندس
بصو بقا مع انكم لسه شخطين فيا ومشتونى بس انا جيالك في استشارة طبيه
خالد،: خير قولى
سلسبيل : اصل من وقت ما بدأنا السفر وجنبي ده بيوجعنى أوى ودلوقتي كمان بداء يشد عليا وحاسه أنى هرجع
سندس: بخوف قامت لاختها مالك حببتى فيكى إيه
سلسبيل: ما أنا لسه بسال اهو
خالد: دى أعراض الذايده ازاى متقوليش حاجه زى دى
سندس: بخوف هى خطر ولا ايه طمنى
خالد : إن شاء الله خير بس لازم اكشف عليها علشان احدد وفكر لثوانى وامسك هاتفه وتحدث مع صديق له ......
خالد: يلا بينا هنروح العياده نرمين بلغي حمزة أنى مش هتاخر اوك
نرمين: نظرت لسلسبيل وهمست لها يخرب عقللك خالد هيشرحك وانتى بتقولى خوطه بلا خطه بلا نيله واعترفي أنك بتهرجى
سلسبيل: اصبري انتى وركزى مع ايمان من اللي هعمله فصرخت سلسبيل اااااه الحقنى ي خالد وقف خالد واسرع نحيتها وكانت سندس ايضا بجوارها. فاسندت يدها على اختها وتقدمت بعض خطواط ومن غير م سندس تشعر اوقعتها اختها على حجر فصرخت سندس فلحق بها خالد وامسكها قبل أن تقع على الأرض
خالد: انتى كويسه في حاجه وجعاكى وظل ينظر لها بلهفه وخوف وكاد قلبه أن يقف
سندس: لا انا كويسه بس ماخدتش بالى من الحجر
خالد: نظر لعيون سندس ومن قربها لقلبه وسرح وكانه هو وهى فى عالم آخر
سلسبيل: بتتراقص لايمان ونرمين وباصبعها المتجهه نحو المسهمين فى بعض
ايمان : فوقيهم ايه ده دول فى دنيا غير الدنيا فعلا الحب متبادل وباين أوى
حمزة وعلي : وهم يتمشون فراو خالد يجثو على الأرض وسندس بين أحضانه
حمزة: ايه فى إيه مالك ي سندس فنظر خالد لحمزة وبعيون زائغه ااااصصلها كانت هتقع فلحقتها قبل م تقع
حمزة تقدم أمام سندس وأمسك بيدها وجعلها تنهض واطمئن عليها
سندس أنا كويسه والله مفيش حاجه بس ماخدتش بالى من الحجر
علي: سلامه الشوف ي حجه ايه نفصلك نظارة ولا ايه.....
سلسبيل: ١٢٣٤٥٦٧٨٩......مش قدرة هيجرالى حاجه
ايمان: لنرمين بصي على المجنونه دى عماله تعد ازاى
نرمين : مش هى اتجنبته طبعا متقدرش ترد عليه فاكيد تعبانه بس مش هتكمل ......
إيمان: ههههههههههههه ......ههههههههههه بجد مش قادرة والله شكلها هتكون رحله إنما ايه هنكتشف بعض فيها
نرمين: يظهر كده ههههههههههه بس أنا اخدتى بالك حتى خالد واضح أوى أنه بيحبها
إيمان: طيب م يقولها ويصرحو بعض ليه يضيعو وقت
نرمين: بصي كده وش خالد اتغير اوى كده ليه واتبدل بحزن وبتعجب هى وايمان لأحوال خالد المتقلبه ونظرو لبعضهم
سندس : يلا ي خالد ناخد سلسبيل للعياده علشان نطمن
سلسبيل: أنا دلوقتى أحسن لما نوصل البلد ابقي اكشف هناك
خالد: يلا وبطلى دلع خلينى اطمن عليكى
علي: بلهفه واضحه مالها سلسبيل فيها ايه ....
خالد: إحتمال تكون عندها الذيده وهى تعبانه من وقت ما اتحركنا من القصر فسألت واحد صحبي ودلنى على عياده صديق له هروح واكشف عليها واطمن علشان اطمن
علي: اه طبعا يلا بينا
حمزة: استنو هنا كلنا هنروح مع بعض العياده ونطمن
سلسبيل: لايمان ونرمين اتصرفو وطلعونى من المصيبه دى شكل خالد ايده بتاكله وعايز يقطع فيا
نرمين: ههههههههههههه هنتصرف ازاى انتى اكشفى وخلاص يعنى لما يشخص الحاله هيديكى دوا وخلاص ومتبقيش تاخديه
سلسبيل: منكم للى كلت عيالها عيله هم والنعمه ناس تحب وناس تتقطع يلا وماله كله فى سبيل سندس
علي يلا ي بنات على العربيات
سلسبيل: شكلك ي علي فرحان فيا بس مش هنولهالك ابدا بوتيتا أنا زى الفل
إيمان: لنرمين وهما متجهين للسيارات اخدتى بالك من لهفه علي هو كمان على سلسبيل
نرمين : اه كانت على لسانى دى بينها الإجازة هتحلو
بس المشكله هنا هما الاتنين قط وفار ازاى ......
**************
البارت ٢٥★. اسرار القلوب★
اتجهو جميعا بسيارتهم باتجاه العياده ..........
سندس: سلسبيل لسه تعبانه الألم موجود ولا راح...
سلسبيل: لنفسها ما تسكتى يختى شويه انتى مصدقتى طبعاً ناس تحب وناس تتقطع
سندس: خالد هى العياده بعيد شكل سلسبيل تعبانه أوى........
سلسبيل: هار اسوح عليا ونظرت لأختها اسكتى وترتينى والله خلينى أركز فى الألم رايح فين وجاى منين
سندس: إيه اللى بتقوليه ده هو الألم فى مخك ....
سلسبيل: لاء يختى فى قلبي .......
سندس: خالد هو الألم ممكن يوصل للقلب ....؟
خالد: قلب ايه انتى ماشيه ورا كلامها ما انتى عرفه أختك بتخرف وبتهول
سلسبيل: والله أنت فاهمنى يلا على الصحراوى ونكشف لما نوصل حد ياخد على كلامى
خالد: بصوت جهورى انتى بتهرجى ولا ايه يعنى مش تعبانه .....؟؟
سلسبيل: بخوف تعبانه وهموت أهو علشان ترتاح أنت بالذات يلا على العياده وبعدها على المشرحه
علي : نظر على سلسبيل خلاص قربنا نوصل وإن شاءالله نطمن
سلسبيل: لنفسها تطمن ليه رايحه أولد يالهووووى عليا مش عرفه اسكت ومردش عليه وبغيظ لأختها
انتى مسكانى كده ليه هو أنا ههرب ولا مقبوض عليا
سندس:: أنا بس قلقانه عليكى أهو هبعد عنك
سلسبيل: لأ تعالى في حضنى اهو اطمن من اللي هيحصلي من خالد ربنا يستر لأ ونرمين وإيمان هربو على العربيه التانيه
خالد: يلا وصلنا العياده انزلو وأنت ي علي خد المفاتيح واركن العربيه ....
علي: تمام وحمزة وصل كمان اهو هركن واحصلكم
حمزة: يلا بينا واتحركو جميعا إلا سلسبيل ......!!!!
خالد: نظر خلفه ونادى سلسبيل واقفه كده ليه يلا اتحركى.......
سلسبيل: اااصصصل رجلي مش شيلانى مش قادرة امشي....
حمزة: لخالد هى الأعراض دى طبيعيه ولا هى بتخوفنا .......
خالد: لأ طبيعى إذا فى التهاب فى الذايده بتعمل مضاعفات زى كده تنميل فى الرجل وإحساس بالقيئ ألم في البطن
حمزة: ذهب لسلسبيل وامسك بيدها بكل حنان تعالى أمشي اتسندى عليا
سلسبيل: اتسند عليك ليه هو الواد هيقع ولا ايه أنتم بتعملونى كده ليه .....
علي: مالها سلسبيل ي حمزة ماسكها كده ليه هى تعبت
حمزه: اها تعبت شويه وجيت اسندها .....
إيمان ونرمين: الحقى سولى هتموت من الخوف وهتكشف نفسها بس بصي شوفي علي وخوفه عليها لأ وغيرته كمان خلينا نتفرج مش هى عمله فيهم سبع فوايد خليها تفيد نفسها ههههههههههههه
علي: تقدم من سلسبيل وابعد أيدي حمزه عن سلسبيل وامسكها هو وتحدث لها تعالى أمشي براحه وعلى ااقل من مهلك
حمزة: بضحكه خفيفه لأخيه منا قولتلك أنك وقعت بس ازاى منعاندش ......
ايمان: اوووووبا شفتى علي طلع واد خطير سحب البت ومسندها
نرمين : الفسحه احلوت وسلسبيل هتلبس هى كمان بس مش باين عليها حاجه لعلي
سلسبيل: امشي على طبعا وإن شاءالله هوصل مع أذان الفجر اصلي تعبانه
علي : تحبي اشيلك واطلعك .......؟
سلسبيل: ليه كيس جوافه حضرتك هتشيله ولا ايه
وصعدو جميعا للعياده
*********************
الجد: حمزة اتصل أو أى حد من الأولاد بقالهم كتير فى الاستراحه ......
سميحه : هرن عليهم ورنت على خالد
خالد: رأي الفون ورقم عمته ونظر لحمزة طييب هقولها ايه دلوقتى إذا عرفت إن سلسبيل تعبت هى ولا جدى ممكن يركبو وييجو
حمزه: اخد الفون ورد الو ي عمتى إزيك عامله إيه
سميحه: مش بترد على طول ليه وبعدين أنا طالبه خالد بترد ليه أنت فى حاجه ي حمزة ...
حمزه: لاء أصل خالد اخد البنات ودخل الكنتين هيجيبو حجات ليهم والفون رن قولت أرد لحسن تقلقي
سميحه : طيب تمام خد كلم جدك.....
الجد: ايوه ي حمزة متصلتش ليه ي حبيبي وعرفتنى هتباتو ولا هتكملو.......؟
حمزة: إن شاء الله هنكمل أصل أنا وخالد نمنا كتير وممكن إحنا نكمل .......
الجد: طيب على مهلكم وطمنونى لما توصلو فى اى وقت لأنى مش هنام غير لما اتطمن عليكم
حمزة: حاضر ي جدى يلا مع السلامه واغلق الهاتف واتجه للعياده وسأل على خالد
علي: لسه داخل غرفه الكشف والبنات دخلو معاه ..
حمزة: ربنا يسترها وإن شاءالله ميكونش فى حاجه
علي: بخوف ظاهر على وجهه ي رب إن شاء الله خير
خالد: لايمان سلسبيل جهزت ادخل اكشف .....؟
إيمان : ثوانى ي خالد .....
خالد: للدكتور أنا متشكر جداً بس اعزرنى خفت من تعبها فقلقت واتصلت بصفوت وهو دلنى على حضرتك
الدكتور: إحنا اصدقاء مهنه وحضرتك تتفضل في أى وقت
سلسبيل: يخربيت بيوتكم كلها اتصرفو هقول إيه لخالد شوفيلي حل بدل مانتى فتحالى حنكك كده
نرمين: فين السبع فوايد بتوعك هااااا
سلسبيل: والله حاضر والنعمه لاطلعهم عليكى العشرين فايده مش سبعه ويلا نادى اخوكى يقطعنى خلينى اخلص
إيمان: خالد تعالى سلسبيل جاهزة .....
سلسبيل: اااااه ي جزم أنا حاسه انى هولد ايه دهون اللى أنا فيه......
خالد: سندس خليكى انتى هنا مع سلسبيل وانتم استنو برة
ايمان ونرمين : حاضر
خالد: بدأ الكشف على سلسبيل وبعد دقائق من الكشف استنى خليكى زى ما انتي واستدعى الطبيب الآخر وتحدثو بالانجليزيه وهما خالد وشغل السونار (الاشعه) فنظرت سلسبيل لأختها وهى تتعجب
خالد: يلا قومى البسي وحصلينا برة
سلسبيل: سندس انتى فهمه حاجه هو خالد فرحان باشيائى فحب يوريها. للدكتور التانى
سندس: بس حياتك كلها هزار إيش حال إنك عيانه
سلسبيل: اااه اها صح نسيت والله انى كنت على شزلونك الإعتراف
إيمان: خير ي خالد سولى مالها
خالد: مفيهاش حاجه تعب بسيط ومع العلاج هيروح
خرجت سندس مع سلسبيل وسألت خالد إيه الأخبار
خالد : عندها شويه التهابات خفيفه ومع العلاج هتروح
سلسبيل: التهابات أنا جت امتى دى والله شكلك دكتور فسفس .......
ايمان : بتبرطمى بتقولي إيه ......
سلسبيل: والنبي اسكتى علشان عندى التهابات لابخهم فى وشك واهو نبقي جمعاااااء في الالتهابات بتاعه اخوكى
خالد: سلسبيل تعالى معايا.......
سندس: على فين واخدها
خالد : هنزل المعمل اللى تحت هنعمل تحاليل ذياده تأكيد
سلسبيل: لأختها أه أصل التهباتى أنا غير اى حد وسعى يختى خلينى احلل لما أشوف اخرتها ايه مع حلمبوحه ده
علي: خير ي خالد مالها سلسبيل وأنتم ريحين فين
خالد: هننزل المعمل اللي تحت هعملها تحاليل علشان اتطمن
علي : أنا جاي معاكم
خالد: تعالى يلا ونزلو مع بعض للمعمل خالد يلا ارفعى كمك علشان هيسحبولك عينه دم
سلسبيل: حرام عليك أنت عايز تصفينى وتسحب دمى
خالد: انجزى بقي يلا دى كلها سرنجه واحده خلينا نمشي
علي: انا هكون معاكى تعالى ودخل معها للداخل لسحب العينه ف فرفعت اكمامها للأعلى وتحدثت لأ لأ أنا خايفه مش هدخل الإبرة دى
علي: جلس بجوارها وأمسك يدها وقال انظرى لي ولاتبالى
سلسبيل: انظر لك ولا ابالى كيف ي ابن سويلعه قوم ي علي أنت جاى تهزر
على : نظر للدكتور اسحبلها العينه فأمسك برأسها واحتضنها لصدرة فاسبهلت سلسبيل من حركه علي ولكن ما هذا الشعور كانه ماس كهربائي واغمضت عينيها
علي: يريت ااقدر ادخلك جوة ضلوعى واخد كل الاامك كلها أنا مش متحمل تعبك خالص
الطبيب: عمال يحدثهم بأنه انتهى من سحب العينه وهم مازالو على وضعهم سلسبيل بين أحضان علي فدخل خالد فراي كل منهم فى عالم آخر
خالد: بابتسامه ونظر لهم أنا احساسي ميخيبش أبدا القط يحب خناقه
خالد: سلسبيل ي عليييييي
علي: إيه مالك بتزعق كده ليه.......
سلسبيل: بإحراج ااااه خلصت أنا ي دكتور
الدكتور: ههههه اها من بدرى وخرجوا ثلاثتهم للخارج وطلب خالد حمزه وتحدث له أنا عند السيارات انزلو
************,*
الجد: مش عارف أنام من غير البت سولى وكمان قلبي مقبوض كده ومش عارف مالى
سميحه: علشان تبقي تتريق عليا وتقولى هتعملي إيه لما يتجوز
الجد: معاكى حق وبصراحه سولى لو بعدت عنى اموت
سميحه:بعد الشر عليك ي حبيبي بس سنه الحياه
هناء: ده يوم السعد لما نشفهم اجمل واحلى عرايس
اميمه: ياااااه نفسي افرح بيهم كلهم نفسي فى احفاد العب معاهم ويملو علينا البيت
الجد: يتحدث مع نفسه ايو صحيح أنا ازاى ساكت على الشباب دول أنا لازم أعمل حاجه علشان اجوزهم وافرح بيهم وكمان البنات ......!!!
طرق على الباب سميحه : الباب بيخبط ولا بيتهيئلي
اميمه: قامت وفتحت الباب عثمان اهلا وسهلا نورت تعالي
عثمان: كلكم هنا مش هتنامو ولا ايه ....
صالح: م إحنا هنام هنا النهارده قرارات الحريم تعالى أنت كمان بات معانا
عثمان: وماله اهى كلها نومه ونظر من حوله هو فى كام اوضه هنا
اميمه: الملحق ده كبير فيه خمس غرف نوم وريسبشن كبير غير ده
عثمان: طيب إيه المميز اللي يخلى حمزة يسكن هنا
سميحه: أنت عارف إبن اخوك محدش يقدر يغصب عليه وأحنا سبناه على راحته وادينا اهو إحنا كمان بننقل للملحق عنده
عثمان: ي ترى اوضه حمزة فين ....؟؟
اميمه: أنا هدخل أنام مش قادرة أنا صاحيه من بدرى
صالح: خدينى معاكى هننام فى انهى اوضه ....
اميمه: اى اوضه كلهم كويسين
سميحه: وانا كمان هنام يلا ي بابا نام شويه قبل سفرنا
الجد: قام وقف يلا وانتى ي هناء مش هتنامى
هناء: اه بس شويه كده وانام
الجد على راحتك ي بنتى...
عثمان: هى اوضه حمزة فين لحسن ادخل أنام فيها بالغلط
اميمه: الاوضه اللى هناك دى بتاعه حمزة يلا تصبحو على خير
هناء: بنظرة منها لعثمان ففهمت أنه يريد أن يدخل لغرفه حمزة فابتسمت وقامت أنا دخله انام أنت هتقعد ....
عثمان: اه مش جيلي نوم شويه واحصلك
هناء: دخلت وعلى وجهها ابتسامه وامسكت بمفتاح غرفه حمزة سبحان الله قفلت الاوضه ونسيت وحطيته بجيبي اهو ربنا عالم
عثمان: بعد أن اطمئن من أن الجميع نامو ذهب الي غرفه حمزة وامسك المقبض ايه ده ده مقفول هى اميمه قفلت الاوضه ليه أكيد هو طلب ده يبقي الأكيد فى ورق مهم أنا لازم أدخل الاوضه دى
وبعد مرور عده ساعات دخل عثمان لغرفه حمزة فرأي بعض الأوراق والملفات بداخل مكتبه عثمان إيه ده اوراق المناقصه معقول ده مغير فيها حجات كنت هتودينى ورا الشمس ي حمزة بس أنت مش قدى وأنا اللي هخلص منك وجدك اولنا
****************
تعليقات
إرسال تعليق