رواية اسرار القلوب( الجزء الثاني) الفصل الأول والثاني بقلم رانيا قنديل
رواية اسرار القلوب( الجزء الثاني) الفصل الأول والثاني بقلم رانيا قنديل
الفصل الاول★ اسرار القلوب★
الفصل الاول ★ اسرار القلوب* الجزء الثاني
حمزة: لعلي هى ماما فين أنا ليه مش شايفها
علي: أكيد فوق مع البنات طبعا هيعملو بينا ايه المهم المأذون وصل ويلا خلينا نكتب الكتاب علشان افرح فيكم
خالد: بكرة نفرح فيك متقلقش وهنتريق عليك
علي: أنا لسه بعقلي عيزنى اتجنن واعمل زيكم سيبكم منى لبستونى صعيدى زيكم وبصراحه عجبتنى اوى الجلابيه وعايز أرقص عندى طاقه لازم اطلعها
حمزه: هههههههههههههه ماشي بس بعد كتب الكتاب وحل عننا بقي
***********************************
رحيق: ماما طنط اميمه وخالتو فين خليهم يطلعو وننزل سوا بدل ما هما قعدين تحت
سندس: سولي روحى نادى عليهم خليهم يطلعو هنا
مها: خليكى ي سولي. اميمه راحت البيت تنادى هناء وزمنهم جيين أو تلاقيهم قعدين تحت مع العرسان ههههههههه
سلسبيل: طيب انزل أنا كمان اتفرج أنا مش عروسه مقعدنى ليه هنا وبعدين عايز أرقص أنا مبسوطه أوى
إيمان: هننزل مع بعض ومش هتنزلي لوحدك سمعه.....
نرمين: هو المفروض كتب الكتاب امتى .....؟
مها: لسه نص ساعه كمان ويكتبو الكتاب بعد صلاه العشاء
سلسبيل: ليه يعنى بعد العشا م يخلصو لحسن الشوباب يرجعو فى كلامهم
إيمان: خبطتها على كتفها ي بت بطلي إيه مش بتزهقي ي ساتر يا رب منك
مها: بس ي بنات ولا كلمه اول م ضرب النار نسمعه تعرفو انهم كتبو وخلصو
سلسبيل: ي رب يكتبو قبل م يفوقو من الي هيعملوة فى نفسهم علشان انتبه لنفسي
نرمين: نفسي اعرف هتموتى على الجواز ليه ....
سلسبيل: طبعا حقك م انتى جالك صاروخ حاجه كده نزله من الاطباق الطايرة مالوش حل ابت انرمين هو عنده اخ ملون زيه كده
إيمان: هنشوفلك عريس فى اي سوبر ماركت
سلسبيل: ليه إن شاء الله هتجبوه معلب ولا مغلف اوووووف منكم
*************************
اميمه: أنت مين وطلعت هنا ازاى ......؟
الطرف الآخر: أنا توفيق عم حازم ودخلت هنا لأنى افتكرت كتب الكتاب هنا وحازم بيركن العربيه طلعت على صواتك أنا متاسف بس هى لازم تروح المستشفي وامسك هاتفه وتحدث الي حازم
حازم: وصعد فى لحظات قليله ونظر الي اميمه وهناء وقال إيه ده يلا بينا على المستشفي حااااالا
هناء: بألم ووجع غير النزيف الي جالها وتحدثت لاميمه وصوتها يكاد لا يخرج روحى وخليكى مع الولاد وسيبينى أنا هحاول ااقوم ......
اميمه: بصريخ حاولى تقومى معايا لازم تروحى المستشفى وتحدثت مع حازم اتصل على خالد وحمزة بسرعه خليهم ييجو هنا
هناء: ببكاء وصوت مختنق لأ اوعى تتصل بيهم ارجوكى بلاش وروحى وغطى على غيابي وأنا هروح لااقرب مستشفى
اميمه: مستحيل اسيبك مستحيل ونظرت اليها فإذا بهناء فقدت وعيها ووسط بركه من الدماء
حازم: طنط اميمه بعد أذنك ادينى مساحه اقدر اشيلها وانزل بيها مفيش وقت نبضها ضعيف ارجوكى.....
اميمه: فى حاله صدمه فصرخ بها توفيق ابعدى عنها هناء بتموت فى أدينا وابعدها عن هناء فحملها حازم وأسرع بها نحو عربيته واجلسها فى الخلف مع اميمه وساق السيارة بسرعه فائقه
توفيق: لحازم بسرعه ي ابنى حالتها صعب جدا وكمان نبضها بيضعف
حازم: إن شاء الله مش هيحصل حاجه بإذن الله وظل يدعي لها الي أن وصلو للمشفي فاخذوها فى غرفه الاستقبال
الطبيب: اخذها منهم وبعد دقائق خرج وتحدث معهم مين جاى مع الحاله دى
اميمه: ببكاء أنا ... أنا اختها طمني عليها هى كويسه
الطبيب: للأسف الحاله صعبه ولازم ابلغ الشرطه ده ضرب جامد أدى لكسور وكدمات ده غير النزيف الداخلي وأحنا محتاجين ندخلها غرفه العمليات وحد منكم يطلع الإستقبال ويخلص الإجراءات
اميمه: جثت على الأرض ببكاء ونحيب على رفيقه عمرها هناء اوعي تسبينى ي هناء لسه هنبتدى نفرح ازاى ده يحصل مين ممكن ياذيكى كده مبييييييييييين وصرخت بكل ما اوتيت بقوة
حازم: جثي أمامها وأمسك يدها طنط اميمه ارجوكى أنا محتاجك معايا لازم نخلص اجرات دخولها علشان تدخل العمليات
اميمه: أنا هتصل بخالد وحمزة لازم ييجو لازم
حازم: حاضر بس نخلص الإجراءات الاول ونتصل بيهم
توفيق: انزلو وأنا هتكلم مع الدكتور واشوف الوضع إيه وكمان الشرطه زمنهم جيين والاكيد هياخدو أقوالنا أنزل بسرعه وهمس له ومتتصلش بخالد ولا حمزة اوعي سمعنى
حازم: بقله حيله حاضر ونزل مع اميمه للاسفل ..........
**************************
الجد رافت: همو ي شباب عشانى المأذون مستنيكم ...
الجد محمد: يلا ي حبيبي وبدأ المأذون بكتب كتابهم
عثمان: خالد أنت هتكتب كتابك وماما مش هنا ده اليوم الي هى بتستناه
حمزه: هى طنط هناء فين هتصل بطنط مها واخليها تنزل هى وماما
خالد: تمام وابتسم لحمزة
حمزه: الو طنط مها بقولك خلي ماما وطنط هناء ينزلو علشان يحضرو كتب الكتاب
مها: ....ثوانى ي حمزة وخرجت برة الغرفه وصمتت وتحدثت ماما بتقولك اكتب الكتاب هما هينزلو مع العرايس يلا ي حبيبي خلصو
حمزه: ماشي واغلق الهاتف وقال للماذون ابدأ ي شيخنا...
عثمان: استنو مش لما ييجو ولا ايه مالكم مش صابرين لحد ما ييجو
حمزه: لاء هما مش نازلين هينزلو مع العرايس ويلا بقي خلونا نخلص
عثمان: ازاى هما فوق بقي أنا اضربها الضرب ده كله وتيجى هنا ازاى ده إلي زيها كان زمانه مات هو فى إيه؟
صالح: عثمان يلا حط إيدك فى ايد عمك مالك الفرحه مخلياك مش على بعضك ليه..........
وانتهى المأذون من كتب كتاب حمزة وخالد وبدأ المدعويين بتهنئتهم
مها: مسحت دموعها ي رب صبرنى وعدى الساعه دى على خير ي رب
إيمان: يلا ي أجمل عروستين فى الدنيا يلا اجوازكم مستنين تحت وتحركو جميعهم للنزول
حمزه: واقف اسفل الدرج ومنتظر نزول رحيق قلبه
جمال: وهو ممسك بيد ابنته رحيق و سندس بالايدى الأخري ونازل بهما من الاعلي
خالد: امسك يدى سندس وقبلها بقيتى سنندس خالد بقيتى على اسمى ي مالكه روحي وعقلي واخذها بين احضانه وهمس لها ده سكنك الجديد هنا وأنا الحارس ي اغلي من عيونى
سندس: ربنا يخليك ليا ي رب ......
حمزه: وامسك بيد رحيق ونظر اليها فلم يتحدث بل حملها وسط كل هذا الجمع وظل يلف بها وبعلو صوته بحبببببببك بعشششسقك ي روح الروح ياااااه رحيق مرااااتى
سلسبيل: بوراحه عليا ايه ده واحد هنا وواحد هناك مفيش حد عنده نظر يشيلنى ي بنات أنا عايزة من ده اتصرفو ده وحش عليا والله
بصو شوفو خالد بيسبل ازاى هار فله على الدكتور
ولا حمزه الي ركب جناحات وطار بيها
وأنا واقفه كده اتفرج لا لازم اعمل حاجه
علي: ي بت اخرسي يشيلوكى على ام اربعه ويدفنوكى ونخلص
سلسبيل: المهم اتشال ي عم عايزة حد يشلنى
محمد: ههههههههههههه بكرة عريسك يشيلك ويحبك زيهم
علي: طيب بالله عليك دى حد يبصلها ولا يحبها امشي بصي لنفسك فى المرايا
سلسبيل: أنا بقالي ساعه واقفه قدام المرايا موزة أنا والله حط قطرة وابعد عنى اووووف ومشيت فى اتجاه جدها محمد اجدو عايزة اعمل زيهم اتصرف وكمان عايزة ارقص
الجد رافت: بكرة يجيلك إلي يستهالك روحى ي بتى افرحى وياهم أنى وجدك وباقي الرجاله هنطلعو برة وخدو راحتكم
*******************
سلسبيل: لايمان بقولك يلا شغلي اغانى خلينا نهيص بقي.... ثوانى وسمعو صوت مزمار وراو حمزه وخالد وعلي ومحمد ماسكين عصا بايديهم وبداو الرقص على المزمار
رحيق: بابتسامه جميله وفرحه بصي ي إيمان حمزة قمر ازاى الله أكبر عليه
سندس: وقفت وبدأت تشجع خالد وهى فرحانه وسعيده وكادت أن تجري إلي أحضانه فامسكتها سلسبيل..ارحمى امى حرام عليكى أنا اتهدي بقي تعبتونى والنعمه
سلسبيل: يخربيت مزازتكم ونظرت للوراء وجريت على جدها رافت واخذت منه العصا ولحقت الشباب بالرقص وكانت غايه فى الجمال فالتفو من حولها وهى ظلت ترقص بينهم
علي: بغيظ وغيرة اخدها من اديها وخرج من وسط الرقص مع اخواته
سلسبيل: ايه ي علي سيب ايدى أنت بتشدنى كده ليه
علي: انتى ازاى ترقصي قدام الناس دى كلها ازااااي
سلسبيل: وفيها ايه مش فرح اخواتى البنات وبعدين أنت مالك الله
علي: أنا مالي طيب على الله ترقصي ولا المحك برة البيت طول ما فى رجاله سمعه
نرمين: اتجهت لعلي مالك ومالها بس في ايه
علي: يعنى ايه مش واخده بالك برقصها قدام الناس والشباب
نرمين: امسكت ذراع علي ومشيت بضع خطواط بعيد عن سلسبيل اسمع منى وبلاش تعاند أنت بتحب سولي لأ أنت عديت مرحله الحب من زمان الحق واعترفلها بحبك وبلاش تعاند
علي: هو أنا علشان بخاف عليها يبقي بحبها أنتم مجانين
نرمين: عموما خلاص برحتك بس لازم تفهم إن خالتو مها هتتقدم ليها وتاخدها لمحمد أنا سمعتهم بيتكلمو قولت ابلغك بس الواضح أن أنا فهمت غلط وافتكرتك بتحبها
علي: ألف مبروك واتجه إلى إخوته وهم يرقصون وهو عينه على سلسبيل وتارة ينظر لمحمد
حمزه: وهو يرقص هى ماما وطنط هناء فين مش شيفهم ليه
خالد: تعالي لما نشفهم فين إحنا اتلهينا مع زوجتنا ونسيناهم
علي: ولسه دول هينسكو الدنيا واحده واحده
حمزة: يبنى امشي بعيد عننا الله الله يسهلك
******************
عثمان: لنفسه ي ترى بتعملي ايه يا هناء وليه مظهرتيش لدلوقتى إذا كنتى فوق حتى ضربي ليكى علشان امنع الحوازه دى منفعش
صالح: بطل سرحان الناس بتسلم عليك وأنت في دنيا غير الدنيا
عثمان: أبدا اصلي فرحان أوى عقبال باقى الاولاد كلهم خلينا نخلص
صالح: عايز أسألك سؤال بينى وبينك أنت ليه معترض على حازم أنا شيفه شاب وسيم وناجح
عثمان: ده طماع وطمعان فى الي تملكه تفتكر أنا ميعرفش الأشكال دى
صالح: أنا سألت عليه وقت الدمج بين الشركتين وعرفت أنه مبسوط ومرتاح ماديا يعنى مش محتاج ولا طمعان لأن اخلاقه زى حمزه وخالد وعلي
عثمان: أنت طيب اوى ومتعرفش حاجه أنا اديت لواحد كلمتى واول ما نرجع مصر هعرفكم عليه وهيكتب كتابه على طول إن شاء الله
صالح: تكتب وعلى طول ده مين ده الي هتديله جوهرة من عندنا خلينى أسأل عليه
عثمان : أنا عرفه وسألت خلاص ويريت تنتبه على المعازيم .....
*******************
اميمه: مفيش اخبار ي حازم وليه خالد وحمزة اتاخرو أنا خايفه اوي
حازم: إن شاء الله خير متقلقيش
توفيق: الدكتور طلع اهو .........
اميمه: جريت على الدكتور طمني هى عامله ايه بالله عليك م تخبي عنى حاجه
الطبيب: هى كويسه الحمد لله طبعا هى اتعرضت لضرب مبرح عملها كسور وكدمات وكان فى نزيف شديد ووقفناه الحمد لله ونقلناها للعنايه المركزة لبكرة الصبح
اميمه: الحمد لله الحمد لله ربنا عالم إن الولاد من غيرها يتعبو
حازم: طنط الشرطه جت والضابط محتاج ياخد اقوالك
اميمه: ماشي وذهبت مع حازم لتدلي باقوالها
الضابط: إيه الي حصل .......
اميمه: حكت له ما راته الي أن جاءو إلي المشفي
الضابط : تمام امضي على اقوالك .......
حازم: طنط حضرتك كويسه حاسه بحاجه ...
اميمه: لأ ي أبنى ربنا يخليك وجودك معايا خلانى أحس أن حمزة هو الي موجود أنا مش عرفه لولاك كنت عملت ايه ولا هناء كان حصلها ايه .....
حازم: الحمد لله قدر ولطف بس اتفضلي العصير ده والصندوتش علشان تقدرى تكملي وتقفي مع طنط هناء
اميمه: ماليش نفس والله بس ي ترى الولاد اجلو كتب كتابهم ولا عملو إيه
حازم: كتبو كتبهم وبيحتفلو كمان وفرحنين
اميمه: نعم ازاى ...ازاى يعرفو بالي هناء فيه ويكملو أنا مش مصدقه
حازم: أنا اتصلت بطنط مها وحكيتلها وهى نفذت كلمه طنط هناء ومبلغتش حد بس هى قالت هتبلغهم لما الناس تمشي واتطمنت بنفسها على حالتها من دكتور هنا زميل ليها ولعمى جمال
توفيق: يريت تهدى اعصابك وتريحي لحد ما يوصلو الجماعه أنا حجزت غرفه تريحى فيها اتفضلي
اميمه: بنظرات متعجبه ماشي هدخل لأنى فعلا رجلي مش شيلانى عن اذنكم
حازم: هى مالها كده وشها اتغير مرة واحده تكون شكت فى حاجه .........؟
**********************الفصل الثاني★ اسرار القلوب★
الفصل الثانى
★ اسرار القلوب★
مها: واقفه وسط المدعوين فى حاله توهان فلاحظها حمزة واقترب منها وسألها طنط مها حضرتك فى ايه مالك أنا القلق هيجننى علي غياب ماما وطنط هناء
مها: ولم تتمالك نفسها من البكاء هناء فى حرامى دخل البيت وهجم عليها وضربها وحازم واميمه ودوها المستشفي وهناء أصرت إن كل حاجه تتم ومحدش يحس بأي شيء
حمزه: بوجه متجهم ونظرات زائغه ونظر من حوله وهو يبحث عن عمه عثمان وبعيون تكاد تفتك وتحرق من تنظر إليه
خالد: حمزه مالك وشك اتغير ليه وشكلك زى ما تكون هتقتل قتيل رد عليا .......!!!
مها: علي عيزاك تصرف المعازيم بطريقه لطيفه دلوقتى
علي: ليه دى الحفله لسه بدرى والبنات مبسوطين اوى
مها: يلا ي علي مفيش وقت أعمل إلي قولتلك عليه وبعدين هتفهم كل حاجه
خالد: حمزة رد عليا مالك فيك ايه ....
حمزة: فى حاله صدمه ولم يقوي على الكلام ..
خالد: بدون تردد صفعه على وجهه فنظر الجميع لما حدث ..فانطلقت رحيق الي حمزة وخالد
رحيق: إيه إلي عملته ده ي خالد....
حمزة: يلا بينا بسرعه على المستشفي وامسك بيد رحيق ونظر لنرمين ونادى عليها وأمسك يدها هى الأخري وبعد عده خطواط نظر خلفه ونادى على البنات جميعهم فاقتربو منه وتحدثو له وهم يسألونه
نرمين: مالك ي حمزه في إيه أنا بدأت اقلق
حمزه: خالد يلا بينا وهتعرفو كل حاجه في الطريق وخرج الي الخارج فراي جده محمد وجده رافت وابيه وعمه عثمان
الجد محمد: مالكم قفلتو الليله ليه بدرى ومشيتو الناس......؟
حمزه: جدى حصل تعب لطنط هناء وهى في المستشفى واحنا كلنا ريحين
الجد رافت: بتى مالها ي ولدى فيها ايش ومين معاها يلا بينا كلياتنا
حمزه: أنا اتطمنت عليها وبقت كويسه هنروح إحنا مع بعض وهنرجع بيها ونظر لعمه عثمان الذي بدأ يتوتر من نظرات حمزه له وخاف أن يكشفه وبدأ يمثل خوفه على ما حدث وسال هناء راحت اي مستشفي ومين ضربها انطق طمني ......
خالد: ضربها مين جاب سيرة الضرب حضرتك بتقول ايه....؟
مها: بكره لعثمان أنت ادرى بحالها منك لله ليك يوم ي عثمان قالتها له بهمس
عثمان: لمهاابعدى عنى. ومش عايز اسمع كلمه منك سمعه
نرمين: ولم تقوى على الانتظار فأسرعت للخارج
خالد،: أنا هحصل نرمين وتعالي ورايا ي حمزه
حمزه: أنا جاي معاك يلا بينا يا علي
رحيق: أنا كمان هاجى والبنات هييجو علشان كمان منسبش نرمين لوحدها
علي: طيب يلا بينا
صالح: أنا جاي معاكم ونظر لأخيه ايه واقف متنح كده ليه اتحرك
عثمان: اصلي مش مجمع ورجلي مش شيلانى
الجد رافت،: أه ي بتى مخبرش ليه فرحك قليل ي بتى ليه
الجد محمد: إن شاء الله خير متقلقش واهدى علشان الضغط
خرج الجميع للخارج وركبو السيارات
جمال: وهو خارج المنزل متجه الي سيارته فراي عثمان منتظر صالح فاتجه ناحيته وامسكه من ياقه قميصه وتحدث والله وحياه اغلى حاجه عندى إذا ليك يد فى إلي حصل لهناء اقسم بالله العظيم هتشوف مني الي عمرك ما كنت تتوقعه أنت طماع وجشع ماشي قولت ربنا يهديك ويصلح لك حالك لكن توصل لقتل مراتك لأ وألف لأ مش هسكت وهتكلم سكوتى مكنش ضعف مني لأ ده خوف على ابويا لكن أنت عرفت تستغل كل حاجه لصالحك فووووق وكفايه بقي أنت جنسك ايه مفيش عندك قلب
صالح: إيه في إيه وصوتك عالي ليه ي جمال وماسك اخوك كده ليه
جمال: نزل اديه للاسفل ونظر لعثمان وركب سيارته ولحق بالاولاد للمشفي.....
خالد: وحمزه وصلو للمشفي ونزلو جميعا فراو حازم وعمه جالسين أمام العنايه المركزه
خالد: ماما فين ردو عليا ومين الدكتور المعالج ليها
حازم: غرفه الدكاترة هناك ادخل وعرفهم بنفسك
فذهب خالد كى يسال عن حاله أمه واراد أن يدخل لها
حمزة: حازم إيه إلي حصل وازاى متتصلش عليا وتبلغنى ازاااي
توفيق: وطى صوتك ي حبيبي هناء طلبت كده. وأحنا نفذنا طلبها
حمزه: طلب إيه وعلى حساب حياتها أنا مش فاهم حاجه
رحيق: طنط اميمه فين أنا مش شيفاها
حازم: حجزنلها غرفه ترتاح فيها ..الغرفه الي وراكى على طول .....
حمزة: الحاله ايه ممكن توضيح أنا ولا كلمه داخله راسي عرفونى
حازم: أنا اعرف منين أنا وصلت وكنت معاك انت وخالد وعمى أتصل عليا علشان اطلع اجيبه من برة بس لقيته طالع المندرة ولما وصلت سمعت صوت عالى لطنط اميمه وعمى بردو طلع على الصوت
حمزة: بعدم اقتناع ماشي .ماشي هطمن على ماما وارجعلكم
خالد: أنا عايز أعرف حاله مدام هناء رأفت ايه أنا أبنها الدكتور خالد
الطبيب : رحب به وبدأ يشرح له حالة والدته من ضرب مبرح أدى إلى نزيف وكسور فى مناطق متعددة
خالد: ممكن ادخل اشوفها فى العنايه
الطبيب: اوك تمام اتفضل معايا ......
حمزه: خالد أنت داخل العنايه هو ينفع ادخل معاك ..
الطبيب: إذا سمحت الدكتور خالد يدخل وأنت بعده لأن الدخول للعنايه ممنوع
حمزة: مفيش مشكله بس إذا امكن ادخل أنا مع خالد ونظر للطبيب ففهمه وفهم خوفه
الطبيب: خلاص اتفضل معاه وأنا هنتظركم هنا ويريت متتاخروش
حمزه: متشكر لحضرتك بجد شكرا ليك دخل حمزة خلف خالد
خالد: نظر لأمه ولحالتها ولم يري فيها جزء سليم ووجهها متورم وذراعها في الجبس ورجلها وكدمات متفرقه فى انحاء جسدها
حمزه: لم يقوى على الوقوف فجثي أرضا بجوار سريرها وبكى وحدث نفسه أنا مقدرتش احميكي أنا مش قد المسؤلية أنا فاشل ازاى أفرط فيكى واسيبك لعمي بس أنا مكنتش متوقع أنه يكون بالبشاعه دى وحياه اغلي حاجه عندى وهى أنتم لأعلم عمي درس مش هينساه ولازم يندم على كل حاجه عملها
خالد: امى فوقي ي حببتى أنا مش متعود اشوفك كده وغلوتك عندى لاجيب حقك من الي عمل فيكى كده وبكى بحرقه على وضع أمه
حمزه: قام وأخذ بيد خالد يلا يا نطلع نطمنهم برة وامسح دموعك دى وبلاش منها ارجوك ي خالد نرمين والبنات برة وقفين على أعصابهم
خالد: حاضر بس حق امى ي حمزة لازم الحرامى ده يتمسك ويتحبس لازم
حمزه: بقله حيله حاضر هباشر المحضر بنفسي بس يلا نطلع
نرمين: ببكاء وقهرة عايزة ادخل لماما عايزة اشوفها
إيمان: أهدى حببتي إن شاء الله يطلع حمزه وخالد ونطمن عليها
رحيق: إن شاء الله خير وهتقوم بألف سلامة بس لازم تتماسكى قدمها وبلاش الضعف ده مش بتحب تشوفك كده
حازم: صدقينى الدكاترة طمنونا عليها وبكرة هتخرج لغرفه عاديه وممكن تروح متقلقيش.....
سلسبيل: ببكاء وبدأ جسمها يترعش من الخوف وظلت تسأل هى طنط هناء هتكون كويسه صح طنط هتفضل معانا ومش هتسبنا مش عايزة حد يمشي من البيت وظلت تبكى بانهيار أنا امشي ومحدش منكم يحصله حاجه والنبي ي ماما قولي حاجه طنط هتخرج
علي: بخوف من حاله سلسبيل وبكى على ما تقوله فهى فعلا تعشق الجميع ولا تريد فقدان أحد.
علي: سولي أهدى وبلاش انفعال طنط هناء كويسه وإن شاءالله هنخرج كلنا من هنا بس هى مش بتحب حد منكم يعيط
نرمين: نظرت لسلسبيل فقامت واحتضنتها بكل حب انتى جميله أوى روحك وقلبك أنا كنت بعيده أوى عنكم مكنتش شيفا اخواتى كويس متقلقيش ماما هتخرج وهتبقي كويسه ....لحظه وصرخت نرمين الحقووووونى
علي: نظر خلفه فإذا بسلسبيل قد اغشي عليها ووقعت ارضا من بين أحضان نرمين
جري علي وحملها ودخل بها غرفه الاستقبال دكتور الحقنى بسرعه اغمى عليها ارجوك الحقها
الطبيب: طيب سيبها خلينى اكشف عليها نزلها على الشازلونح هنا واتفضل برة
علي: مش هطلع أنا غير لما اطمن عليها
إيمان ورحيق : علي إحنا معاها اطلع ثوانى خليه يكشف عليها فخرج علي وهو واضع يده على قلبه من خوفه عليها
بعد دقائق خرج الطبيب وطمئنه بأن الضغط قد نزل وهى بخير الآن
علي: إيمان هى عمله ايه فسحولي عايز اطمن عليها
رحيق: هى كوبسه بس علق ليها محلول علشان ضغطها واطى
علي,: طيب الحمد لله ........
حمزة: ماما حضرتك عامله ايه وليه ي امى متصلتيش بيا ليه........؟
اميمه: اااااه
حمزه: بخوف سلامتك يا أمي مالك ......
اميمه: رجلي ي حبيبي وجعانى من كتر الوقفه
حمزه: جلس تحت اقدام أمه وبدأ يدلك لها رجلها
اميمه: ي حبيبي قوم علشان ضهرك أنا هبقي كويسه
حمزه: أنا هدلكها وهتتحسن إن شاء الله على طول وقبل رجل أمه ودعا لها بالشفاء
خالد: دخل الغرفه حمزة مالها رجل طنط هى تعباكى من الوقفه ولا انجزعت منك
اميمه: لأ وجع من الوقفه ي قلبي بس بدأت تخف ربنا يخليكم لينا ي رب
سميحه: البنات برة خلونا نروح البنات وهبات أنا واميمه هنا ......
صالح: مينفعش ي سميحه روحى انتى مع البنات وكمان اميمه إلي هيبات حد من الرجاله
عثمان: البركه في الشباب يباتو مع بعض
حمزه: وكأنه لم يسمع عمه بابا اتفضل حضرتك خد ماما وعمتى والبنات وأنا وخالد وعلي هنبات مع عمي عثمان لأنى خايف عليه جدا وكمان شيفه قلقان ومش هيعرف ينام فى البيت من غير طنط هناء
عثمان:. اااااه صصصصصح هبات
صالح: مالك ملجلج ليه فى كلامك عموما بات مع الشباب علشان تكون مطمن
حازم: حمزه أنا كمان هبات معاكم وكمان عمى مصر أنه يبات
خالد: لأ ي حازم روح أنت وعمك إحنا كلنا هنا وابقي هتلنا فطار معاك الصبح
حازم: اوك تمام استأذن أنا وخرج وتحدث إلي نرمين أنا ماشي مع عمي إذا احتجتى لأي شئ اتصلي على طول
نرمين: بخجل مع السلامه وكمان كلنا هنا هنروح
عثمان: انتى بتديله تقرير ولا ايه اتفضل ي بشمهندس تعبناكو معانا
حازم: لعمه يلا ي عمى فقام واثناء خروجه من الكريدور فخبط فى كتف جمال توفيق
جمال: أنا متاسف ماخدتش بالى وخطى خطوة ونظر خلفه مين ده أنا شفته قبل كده وتعجب وقال يخلق من الشبه اربعين ......!!!!
*******************,,,,
تكملة الرواية من هناااااااا
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله الجزء الاول من هناااااااااا
الرواية كامله الجزء الثاني من هناااااااااا
مجمع الروايات الكامله اضغط هناااااااا
مجمع الروايات الكاملة 2 اضغط هنااااااا
 الفصل الأول والثاني بقلم رانيا قنديل رواية اسرار القلوب( الجزء الثاني) الفصل الأول والثاني بقلم رانيا ق…){kind=link}
تعليقات
إرسال تعليق