رواية اسرار القلوب( الجزء الثاني) الفصل الثالث والرابع بقلم رانيا قنديل
رواية اسرار القلوب( الجزء الثاني) الفصل الثالث والرابع بقلم رانيا قنديل
الفصل الثالث
الفصل الثالث★ اسرار القلوب★الجزء الثاني
جمال: أنا متاسف ماخدتش بالى وخطى خطوة ونظر خلفه مين ده أنا شفته قبل كده وتعجب وقال يخلق من الشبه اربعين ......!!!!
*******************,,,,
حمزه: فسمع صوت عمه جمال ينادى عليه من الخارج فخرج له نعم ي عمي
جمال: مين هيبات هنا مع خالد ...؟
حمزه: بايت أنا وعلي وعمي عثمان والبنات يريت حضرتك تاخدهم معاك لأن بابا اخد ماما وعمتى وطنط مها ومشي
جمال: عثمان بايت معقول ده من إيه نظر جمال الي حمزة عثمان ليه مروحش .....؟
حمزه: طبيعى يبات مع طنط هناء اصله قلقان عليها المهم الوقت أتأخر هنادى البنات يمشو مع حضرتك
حمزه: يلا ي بنات علشان هتمشو مع عمكم جمال برة
سلسبيل: مش عايزة أروح سيبونى. مش همشى غير لما طنط تقوم ونروح مع بعض
خالد: اقترب منها سلسبيل اسمعينى انتى هتروحي دلوقتى وهتيجى الصبح بدرى وتجيبي لماما لبس لأنك الوحيده الي تعرفي كل حاجه عن ماما. وترتيبات لبسها وكمان تجيبي فطار لينا وأحنا هنام مش هنعمل حاجه خلاص ولازم تغيرو لبسكم ده بتاع الفرح
علي: يلا ي سولي علشان متتاخريش على عمك وهنستناكى الصبح بالفطار بس والنبي بلاش اشرافك هااااا عيزين ناكل .....
سلسبيل: أنت ليك نفس تاكل هى نفسك امتى تتسد ي ساتر ....
علي متقلقيش اصلي موصي السباك ي خفيفه يلا هوينا عيزين ننام
خرجت سلسبيل للخارج وتحدثت لعمها جمال عمو إحنا هنمشي بس ممكن ننزل نجيب أكل لاخواتى لأنهم ماكلوش حاجه ....
جمال: اااه صح دول ماكلوش حاجه خالص طيب استنونى هنا خمس دقائق وراجع مش هتاخر
رحيق: للبنات مش ممكن سولي وحنيتها عليكم عنيها على الكل وبتخاف عليكم كأنها هى الكبيرة
إيمان:: فعلا سولي تحسيها الكبيرة ومرتبطه بالكل جامد بس حساسه أوى لما حد بيحصله حاجه تلاقيها خايفه جدا عليه
سندس: هى بتخاف فعلا من فقدان حد فينا من وقت وفاه بابا وهى ارتبطت بالكل وبتخاف علينا
نرمين: أنا كنت فين من كل الحب ده ازاى كنت عاميه عن علاقتنا ببعض أنا ندمانه على كل لحظه افتكرت إن الشغل هو أول اهتمامى وعيلتى من بعد الشغل بس لاء أنا غلطانه الحب والدفا إلي حسيته بقربكم بالدنيا كلها سمحونى على أسلوبي وسؤء معاملتى وبكت فاحتضنها البنات إلا سولي
إيمان: هى سولي فين .....؟
سندس: اكيد نزلت مع عمى أنا شفتها وهى ماشيه وراه
جمال: يلا ي بنات انزلو العربيه قدام باب المستشفي وانا هحصلكم ودخل على الشباب واعطاهم اكياس الطعام دى صندوتشات وده ترمس شاي وإذا احتجتو حاجه رنو عليا هتلاقونى عندكم في دقايق
خالد: ربنا يخليك ي عمي حضرتك نام لأننا هنام إحنا كمان
جمال: ماشي ي حبيبي تصبحو على خير ومن النجمه هكون عندكم ونظر لعثمان بنظرات تحذيريه
حمزه: خالد أنت هتروح لطنط العنايه ولا ايه
خالد: لاء مالوش لزوم هى لسه نايمه ومش عيزها تفوق علشان لما تفوق. للأسف هتحس بألم شديد نتيجه الكسور
حمزه: طيب تعالى ي خالد نام هنا على السرير وخد جمبك علي ونامو.......
خالد: لأ خلي بابا ينام ومعاه علي أنا هنام على الكرسي هنا
حمزه: بغيظ للأسف عمى عثمان سألته قبلك مش جيله نوم وهو مش هيرتاح غير لما يطمن على طنط هناء
خالد: طيب خلاص هقوم أنا أنام لحسن الصداع تعبنى جدا تصبح على خير
حمزة: وأنت من أهل الخير.........
علي: هو عمك خرج راح فين ................؟؟
حمزه: تقريبا بيتمشي فى الكريدور يلا أنت نام
دخل عثمان بعد نص ساعه فراي كلا من خالد وعلي نائمين على السرير وحمزة جالس على كرسي
عثمان: هما نامو طيب أنا هنام فين مش يعملو حسابي ولا ايه
حمزه: متاسف ي عمى أنا إلي اصريت أنهم يناامو لأنى كنت متأكد إن حضرتك صعب تنام وطنط هناء فى العنايه
عثمان: بتلعثم اااها كلامك صح طيب هجيب كرسي من برة أريح عليه
حمزة: وراك ي عمى كرسي وبخبث من حمزه لعمه بس خلي بالك في رجل مكسورة يعنى متحملش أوى عليه لتقع وللأسف الكرسي بتاعى كمان مكسور بس عموما أنا مش هنام ومتاكد إن حضرتك كمان مش هتنام
عثمان: وتمنى فى هذه اللحظه الفتك بحمزة على تعذيبه له فهو يريد النوم والتمدد على السرير ......
***********************
الجد محمد: حمدالله على السلامه ي حبيباتى عاملين ايه فى جديد عن هناء....؟
نرمين: هي واخده مسكنات ونايما وبكرة هتطلع من العنايه لغرفه عاديه
اميمه: الحمد لله ربنا سترها بس لازم نعرف مين عمل كده وكان عايز ايه لانه حتى لما بهدل الغرفه مسرقش لأ دهب ولا فلوس عجيبه
نرمين: هى ماما كانت فى الاوضه بتعتها لما ده حصل ....؟
اميمه: اه وأنا لما جيت لقيتها بالحاله دى بس والله لوله حازم مكنتش أعرف ايه كان ممكن يحصل لهناء الحمد لله ده كمان اتبرع ليها بالدم والله شاب ممتاز ربنا يحميه
إيمان: أنا حقيقي مش قادرة ااقف اكتر من كده أنا طالعه أنام
سندس: خدينى معاكى أنا رجلي مش شيلانى اصلا
الجد محمد: اطلعو نامو وخدو راحتكم تصبحو على خير
اميمه: وحضرتك ي عمي مش هتنام ........
الجد محمد: هنام ي بنتى اطلعي نامى يلا بس قوليلي هى سولي فين مشفتهاش مع البنات
اميمه: مش عرفه يمكن رجعت قبلهم وطلعت نامت .....؟
الجد محمد: طيب اطلعي نامى واتطمنى أنها نايما وأنا هقوم أنام صعدت اميمه وذهبت لغرفه سلسبيل
صالح: بتعملي إيه عندك ...
اميمه: هتطمن على سولي لأنى مشفتهاش مع البنات لما رجعو
صالح: تعالى وسيبي البت نايما انتى لو فتحتى الباب هتقلق تعالى خلينا ننام
***********************
عثمان: كده صعب أنا مقدرش اكمل كده أنا تعبان
حمزه: مالك ي عمي كلها كام ساعه والنهار يطلع وإن شاءالله حضرتك تطمن وتروح تريح فى البيت لأنى أنا متأكد إن حضرتك مكنش هيجيلك نوم
عثمان: بغيظ وتعب بسبب تحمله على رجله علشان توازن الكرسي اه كلامك صحيح ولنفسه كلها أيام وارتاح منك .......
وبعد مرور ثلاثه ساعات حمزه وقد اقترب على الضحك بصوت عالي من منظر عمه وهو عابث وغير مرتاح فى جلوسه
عثمان: حمزه أنت نمت .......
حمزه: لاء ي عمي مش نايم بس بحب اغمض عيني وافكر مع نفسي
عثمان: وي تري سيادتك بتفكر في ايه
حمزه: بفكر في الحرامى كان عايز إيه من غرفه طنط هناء وليه ساب كل الغرف ودخل اخر غرفه في البيت حاجه غريبه وتجنن وكمان مسرقش إلي عمل كده عايز يفهمنا أنها سرقه بس لأ الموضوع غير كده
عثمان: بخوف ولم يوزن نفسه فوقع أرضا وبدأ في سباب الكرسي والمشفي
حمزه: على مهلك ي عمي هات إيدك قوم وتعالى نقف برة بدل القعده دى
عثمان: اقف فين أنا رجلي مش حاسس بيها وبصوت عالي أنا هروح
علي : بنعس فى ايه صوتك عالي ليه ي عمي
عثمان: أبدا بس الكرسي مكسور وتعبت وضهرى ورجلي مش حاسس بيهم وانتم نمتو ومسالتوش أنا هعمل ايه.......؟
علي: أنا متاسف ي عمى تعالي حضرتك افرد جسمك وأنا هقعد مع حمزة تعالي وصعد عثمان على السرير. ااااااه ي ضهرى
حمزه: بابتسامه معلش ي عمى كان لازم تتعب زى طنط أنا متأكد إن حضرتك الي ضربتها بس أقسم بالله م هعدي اى حاجه ليك ولازم تفوق ............
علي: حمزه تحب تشرب شاى أنا هنزل الكافيه اجيب شاي
حمزه: لأ أنا هريح شويه واغمض عينى فخرج علي للكافيه واحضر كوب من الشاى وحدث نفسه طيب أنا هقعد ازاى الكرسي مكسور هفضل واقف ولا إيه ونظر حوله فلم يجد ما يجلس عليه
علي: هى مستشفي ولا مدرسه تاديب الي يجيب مريض يعذبوة هو ايه ده ........
ممرضه: حضرتك واقف ليه هنا محتاج حاجه ....
علي: محتاج كرسي ومش لاقي ولا حتى فى الكريدور
الممرضه: حضرتك هنا في قسم العنايه ومفيش اي استراحه هنا وبدلع من الممرضه أنا ممكن اخليك تقعد معايا فى العنايه بس لما الدكتور يمر تمشي بسرعه
علي: أبو شكلك بس هعمل ايه امري لله وتحدث يلا بينا ودخلو سويا للمكتب فقال لها علي هو ممكن ادخل اشوف مراه عمي وارجع نكمل قعدتنا
الممرضه: ماشي بس متتاخرش وأنا هطلب شاي ليا نشرب سوا
علي : اطلبي وماله ودخل للعنايه فوقف مكانه من هول ما رآه فتقدم للأمام سولي فإذا هى نائمه وهى جالسه على الأرض وممسكه بيد هناء والدموع مغرقه وجهها فاستغرب علي ازاى محدش طلبنا معقول محسوش بغيابها وذهب إليها علي وبدأ فى افاقتها سولي .....سولي هذها من كتفها فبدأت تفيق وهى تفرك فى عينيها
علي: بتعملي ايه هنا .......؟
سولي: بنعاس مستنيه الاتوبيس عايز حاجه سبنى أنام
علي: اتوبيس لما يهفك قومى ي بت انتى فافاقت سولي وبخضه ...علي أنت هنا
علي: لأ لسه مجتش انتى ازاى نمتى هنا واخدتى الإذن من مين
سلسبيل: مقدرتش أروح وطنط هناء تعبانه مكنتش هعرف أنام بس أنا كده مرتاحه اطلع أنت وأنا هفضل معاها
علي: قومي مش هينفع الدكتور إذا مر وشافك هيطردك برة المستشفى تعالي مش نقصين كلام
فقامت معه للخارج وسألته هنروح فين
علي: هنقعد هنا مع الممرضه نشرب الشاي لحد النهار م يطلع
سلسبيل: ماشي. ودخلو وجلسو أمام مكتب الممرضه
الممرضه: إتأخرت .....مين دى وبتعملي إيه هنا ممنوع اتفضلي اطلعي برة
سلسبيل: أنا اطلع وبالنسبه للأخ نظامه إيه ولا أنا مش عجباكى
الممرضه: ده بيكون ممرض معايا ومناوب فى العنايه معايا
سولي: نعم ممرض لا والله وأنا الدكتورة سلسبيل يلا حد واخد منها حاجه
الممرضه: وجودك هنا غلط عليا لو سمحتى اطلعي برة
سلسبيل: وهو وجوده غلط ليا يلا ي اخ ولا عجباك القعده قووووم
الممرضه: مالك وماله اتفضلي انتى برة ......
سلسبيل: بهمس لعلي هى دى اخرة صبرك تصدق لايقا عليك الله يسهلك
علي: وانتى مالك طبيعى أنها معجبه بيا اطلعي منها انتى خلينى اشرب الشاي بمذاج
علي: للمرضه خلاص خليها قعده هتروح فين دلوقتى ولما الدكتور يمر نخرجها
الممرضه: بمياعه خلاص الي تأمر بيه إلا قولي أسمك إيه
سلسبيل: ثناء اسمه ثناء عقبال املتك يختى
علي: كح .كح .كح.كح.كح
الممرضه : وانتى تعرفي منين ......
سلسبيل: باين علي وشه ثناء قالتها بغيظ
علي: نظر للممرضه أسمى علي وانتى اسمك ايه
سلسبيل: ليه هى هتطعم ولا حاجه عايز ايه من إسمها اشرب الشاي ليبرد زى صحبه
علي: ههههههههههههه وانتى حشرة نفسك ليه مش كفايه أنى خليتك تقعدى
سلسبيل: أنا الدكتور عارف أنى هنا مرافق لطنط هناء فى العنايه أنت بقي ي زومل إيه ي عم الممرض
علي: بس بس خلينى اتعرف على القمر إلي قاعد قدامى
الممرضه: والله أنت عسل ومفيش منك أبدا
سلسبيل: فعلا وقفو الإنتاج بعد الدفعه دى ......
الممرضه: اوووف يختى م تسكتى خلينا نقول كلمتين قالتها بهمس لسلسبيل
سلسبيل: انتى اتكلمتى كتير كفايه صحتك احببتي اخربيت كده عبو شكلك
الدكتور: السلام عليكم .....
علي وسلسبيل : وعليكم السلام ورحمه الله وبركاته
الدكتور: للممرضه مين ده وبيعمل ايه هنا ......
علي: وبالنسبه للاستاذه وضعها ايه......
الدكتور: الانسه سلسبيل مرافق للمريضه لكن حضرتك مين
علي: أنا المرافق لسلسبيل أصل عندها اعاقه ذهنيه وبتحتاج لحد معاها
الدكتور : معقول ونظر لها بس أنا اتكلمت معاها وهى عاقله جدا وحساسه فين الاعاقه وحضرتك تقربلها ايه
علي: إبن خالها حضرتك بتسأل ليه ......
الدكتور: لأ أبدا بسال بس. .......!!
علي: سولي يلا بينا زمان حمزه قلقان ونظرر للطبيب حضرتك عايز حاجه مننا
الطبيب: لأ شكرا ونظر لسلسبيل محتاجه حاجه تانى منى
سلسبيل لأ متشكرة أوى أنك خليتني ابات فى العنايه حقيقي شكراً...
الطبيب : ولا يهمك إذا احتجتى لأي شئ أنا موجود
علي: متشكرين ي دكتور وسحبها من ذراعها وغادر العنايه انتى ي بت انتى مين الدكتور ده وتعرفيه منين
سلسبيل: معرفوش بس صعبت عليه وخلانى ابات مع طنط هناء
علي طيب يختى ادخلي الاوضه وبراحه لأنهم نيمين
سلسبيل: دخلت فرأت حمزة نائم وعمها وخالد وتحدثت لعلي أنا هنام فين ي اخ سلعوة
علي: بطلي كلام وتعالى واخذ بطانيه من الدولاب وفردها وقال لها اقعدى هنا وافردى الغطا التانى على رجلك
سلسبيل: والله بتعرف تتصرف عفاااارم عليك وجلست فى الأرض على الفرشه وغطت رجلها بالغطاء الثانى
سلسبيل: لعلي تعالي جمبي واقعد الجو برد ونزل علي وجلس الي جوارها وغطى نفسه هو الآخر وبعد مرور ساعه بدأت سلسبيل بالنعاس فارتخت رأسها على كتف علي وكان ماس كهربائي قد مسه فنظر علي عليها فوجدها نائمه ولا تعي شئ فابتسم على برائتها واغمض عينه هو الآخر
حمزه: بدأ يفيق من نومه فنظر للأرض فوجد سلسبيل نائمه وعلى بجوارها واستعجب إيه إلي جبها وفي الوقت ده وجت ازاى لوحدها ورن هاتفه
حمزه: الوو مين معايا .......
الطرف الآخر : أنا عايز أساعد إذا حابب
حمزه: بهمس تساعد مش فاهم أنت بتتكلم عن إيه
الطرف الآخر: هبعتلك فيديو صغير اتفرج عليه كويس واسمعه. وبعدين نتفاهم سوا ...سلام
حمزه: فيديو ايه ده خير ي رب وجاءت الرساله المحمله بالفيديو ففتحها حمزه فما أن رائ الفيديو
فهم واقفا إيه ده مستحيل مستحيييييل.....؟؟
***********************
الفصل الرابع ★ اسرار القلوب★ الجزء الثانى
خالد: وقد افاق فرأي حمزة ووجهه متجهم فقام واقترب منه وقبل أن يتحدث
حمزة:بفزع إيه ده خضتني واقف كده ليه .....
خالد: أنا صحيت لقيتك مبرق للفون ومش على بعضك فى حاجه ...؟
حمزه: لأ مفيش بس الشركه بعتالى كام ملف اتطلع عليه ولقيت اخطاء فزعلت المهم تيجى ننزل نشرب شاي ونفطر سوا
خالد: ماشي يلا بينا ..واستغرب ايه ده سولي هنا جت امتى دى هى الساعه كام
حمزه: وأنا كمان لما قمت لقيتها نايما بس مش عارف جت امتى وازاى ....
علي: بنعس الهانم مروحتش لقيتها بيتا فى العنايه مع طنط هناء وبعدها جبتها على هنا واهى نامت زى القتيله ..
سلسبيل: صباح الخير عليكم عايزة أكل جعانه واشرب شاي بالنعناع ويريت بسكويت ساده ...
علي: خليكى زى ما انتى هبعتلك الكنتين كله وإن شاءالله م حد أكل غيرك ي مفجوعه......
سلسبيل: ماله ده ومالي على الصبح أنا جعانه ...
علي: طيب شيلي راسك من على كتفي راسك تقيله خلينى ااقوم ...
سلسبيل: طيب لما اشيل راسي انام أنا ازاى إيه الغباوة دى......
علي: ولما سيادتك هتفضلي حاطه راسك على كتفي مين هيجبلك الأكل ده كله ده أكل يكفى محافظه
اوعى خلينى انزل ...
خالد: يلا يا حمزه بقي فى حد عاقل يصتبح بالاتنين دول .....
سلسبيل: صباحك فل ي دكتور أنا هنزل معاكم علشان عرفه إن حلمبوحه ده مش هيجبلي حاجه
حمزه: طيب يلا بينا بس بالله عليكم مش عايز ولا كلمه منك ليه سمعين
علي: سامع ويلا علشان نطلع نطمن على طنط هناء وكمان نجيب حاجه لعمي يفطر لما يصحي
خالد: اسبقونى أنتم وأنا هطمن على ماما واحصلكم تمام
حمزه: اجى معاك عايز اتطمن عليها أنا كمان .....
خالد: لأ انزل أنت لأنه صعب دخولك العنايه دلوقتى هيكون في مرور وماما هتخرج لغرفه عاديه إن شاء الله بس لما الدكتور يقرر انزل أنت وهحصلك
***********************
الجد محمد: صباح الخير يا صالح يعنى صاحى بدرى النهارده....
صالح: القلق خلانى مش عارف أنام وعايز اروح المستشفى اتطمن واعدى كمان وأشوف آخر التحريات إيه عايز اعرف مين الي ممكن يتجرأ ويدخل هنا .....؟؟
اميمه: صباح الخير حضرتك ي عمي صحيت بدرى اوى
الجد محمد: أنا نمت وقمت على صلاه الفجر وافتكرت سولي هتفطرنى بس يظهر أنها راحت عليها نومه ....
اميمه: ثوانى والفطار يجهز وهبعتلهم حد يصحيهم ونفطر سوا
صالح: سبيهم على راحتهم امبارح البنات تعبو جامد متصحيش حد
اميمه: خلاص ماشي هجهز الفطار على طول لينا
****************************
حمزه: علي شوف هتطلب اايه للفطار وانتى ي سولى واطلبو لخالد
علي: وأنت مش هتفطر ........
حمزه: أنا مش بفطر ولا نسيت بس هشرب شاي
على: طلب للجميع فطار وانتظرو خالد فإذا بخالد ومعه طبيب آخر متجهين الي حمزه وعلي
خالد: اعرفكم الدكتور أحمد وده حمزه وعلي وسولي اخواتى...
الطبيب أحمد : أهلا وسهلا .بس الانسه سلسبيل اتعرفت عليها امبارح واصرت أنها تبات فى العنايه ولما شفت قلقها وتوترها سبتها
حمزه: متاسفين على الازعاج بس كلنا قلقانين وعيزين نطمن وعايز اعرف هى هتفضل كام يوم في المستشفى
الطبيب احمد: يومين وهتخرج إن شاء الله بس بعد ما تخرج لازم الراحه التامه ومفيش أى مجهود
سلسبيل: أه طبعا لازم ترتاح وتتغذي كمان ....
علي: وأنتى الي هتغذيها ولا هتكليها ولا هتعملي اكل تحت اشرافك مش عرفه السكر من الملح
سلسبيل: من اعمالكم سلط عليكم تستاهل الي حصلك ...
حمزه: يلا الأكل اتفضل يا دكتور معانا
الطبيب احمد: لأ أنا هشرب شاي مش بفطر
سلسبيل: زى حمزه مش بيفطر مع أن الفطار اهم وجبه
علي: لأ والله طيب افطري كويس علشان لا غدا ولا عشا خليكى في المهم ......
سولي : هى طنط هناء عامله ايه وهتخرج من العنايه امتى عايزة ادخل ليها ينفع .....
الطبيب: هتخرج كمان ساعه إن شاء الله والانسه سلسبيل بتدرسي ولا خلصتى .....؟
علي: طالبه ...طالبه لسه بتدرس قالها بغيظ ...
حمزه: مال على أخيه وأنت مالك زعلان ليه ورد حمزه على الطبيب هى اخر سنه فى الكليه
خالد: أنا هاخد الفطار لبابا بعد اذنكم...
سلسبيل: لاء خليك ي خالد أنا هفطر مع عمى فوق واخدت فطارها وفطار عمها وتحركت بضع خطوات ونادت على حمزة ..حمزه
حمزه: نعم عايزة حاجه
سلسبيل: فونى فصل شحن وخايفه جدو يقلق عليا هتصل عليه واطمنه واطمن ماما ...
حمزه: اتفضلي ويريت جدك. يبهدلك على إلي عملتيه من غير استاذان من حد ولا حتى إحنا بس حسابك معايا ي سولي.....
سلسبيل: ليه كده ي كبير ده حتى أنت حبيبي وأنا إلي اكتشفتك وأنت بتحب البوابه ومقولتش لحد دارى عليا الله يكرمك جدى ممكن يخاصمنى ااااه قولت إيه
حمزه: هفكر يلا خدى الفون وطمنيه عليكى وعلى طنط هناء وأنا طالع وراكى اخدت سلسبيل الفون وفتحته للاتصال علي جدها فرات ما لم يكن فى الحسبان رأت الفيديو
سلسبيل: فيديو إيه ده افتح ولا غلط امممممم سلسبيل لنفسها ما هو الفون فتح عليه يعنى حمزة سايبه عادى وفتحت الفيديو ووقفت مكانها ولم تقوي على التحرك خطوة واحدة ..........
حمزه: يلا ي جماعه نطلع نطمن على طنط وكمان عايز اروح اغير لبسي واثناء حديثه تذكر أنه وقت صحيان خالد ووقفه بجواره اغلق الفون على الفيديو فهم واستاذن وخطى بخطوات تكاد تكون ركض للاعلي وخاف أن تشاهد سولي هذا
عثمان: صباح الخير يا سولي مالك واقفه كده ليه انتى فطرتي....
سلسبيل: أه فطرت وجبت لحضرتك الفطار اتفضل .....
عثمان: اخد منها الطعام وسألها مالك إيدك بتترعش ليه انتى بردانه تعالي هنا واتغطي الجو برد وفين باقي الشباب
سلسبيل: تحت بيفطرو وطلعونى علشان اجيبلك تفطر ...
حمزه: بنهجان نظر لسولي ولعمه وسأل سولي فين الفون اتصلتى بجدك....؟
سلسبيل: بنظرات خوف لأ معرفتش اتكلم وأنا طالعه لسه هتصل حالا ...
حمزه: فين الفون ي سولي عايز أعمل مكالمة مهمه
سلسبيل: استنى هتصل بجدو الأول وبعدين أعمل مكلمتك وبدات فى فتح الفون فاختطفه حمزه من يديها أنا هتصل بجدك
سلسبيل: لنفسها مش معقول أنا لازم اتصرف مش هسيب حمزة لوحده وكمان مش لازم يعرف ولا يحس بأنى عرفت وعينى هتكون على الكل مش هسمح ليك يا خالو تاذي حمزه ولا اي حد من عيلتى
حتى لو أنا قبلهم
حمزه: وقد حمد ربه أن سولي لم تشاهد الفيديو فهو للأسف فيديو لعمه وهو يتحدث مع شخص على كيفيه التخلص من حمزه والتأكد من موته وترتيبات لزواج ابنته ممن اختارة هو ......
علي : ايه ده مش بتفطرى ليه ي سولي ...؟
سلسبيل: لأ مش جيلي نفس اصل الي يشوفك يشبع على طول
خالد: بطلي تهريج وتعالي افطرى وأكيد من امبارح ماكلتيش
حمزه: واقترب من عمه وأخذ بعض من الطعام وقدمه لسلسبيل .كلي مش عايز دلع لحسن اشكى لجدك عميلك دى
سلسبيل: بنظرات حب لأخيها وصديقها حمزة فهو يحتوى الجميع بمحبه وخوف وسألت نفسها فكيف لخالها يكون بهذه البشاعه ليه وعلشان إيه وبدأت تتذكر عملها في الشركه وتذكرت الملفات وبعض الامور التى تثبت التلاعب فيها وظلت تتذكر الي أن افتكرت الملف الذي كان أبيها وخالها عثمان مشتركين فيه بالعمل مع خالها جمال وكان يوجد من اختلس من هذا المشروع ...ايعقل أن خالها جمال هو المتهم في اختلاس مال الشركه ......؟
حمزه: الوووووو فينك روحتى فين امسكى الأكل ويلا افطرى وأنا هتصل بجدك واطمنه عليكى ...
سلسبيل: اخدت الفطار ومازالت تتذكر هذا الملف والذي كان كانت تراجعه مع اختفاء بعض الاوراق حتى لا تكتشف هى من المسؤل فحمزه يريد حمايتهم وأن يكشف شئ مهم بدون أن يعرف أحد فهو يريد أن يصلح شئ بدون. أن يخسر أحد
علي: مالك مش بتاكلي ليه فين الفجعه كلي يختى علشان طنط هناء هتخرج كمان نص ساعة
سلسبيل: أنت باصص فى اكلي فكك منى ولا عايز تاكل تانى م أنت مش بتشبع تاكل وتطول نفسي تعرض شويه هتخرم سقف البيت من طولك
علي: ليه انتى شيافنى عمود نور قدامك أنا طولي معقول انتى بس إلي عايزة تصلحي عينك
سلسبيل: عمود من النور منه فايده بينور أنت بقي بتعمل ايه وفي واحد يقول صلحي عينك ليه متور ولا موتوسيكل هصلحه .....
خالد: بس والنبي كفايه ارحمونا صدعنا وانتى كلي وبطلي رغي كتير
سلسبيل: هار اسوح أنا رغايه طيب والنعمه منا مهنياك على موزتك ابقي ورينى هتعمل ايه وكمان هديها منوم بعد كل وجبه بس اهي .....
حمزه: ههههههههههههه مجنونه وتعملها دى تقدر على كل حاجه ..
سلسبيل: مبلاش أنت ي حمزتى ده أنت حبيبي وكمان رحيق الرقيقه إلا قولي دى هتعيش معانا ازاى وتتكلم معانا طبيعى يعنى صوتها محتاج سماعه علشان نوصله اصل أنا مش هستغرب إذ لقيتك حاطط راسك على كتفها هعرف انه مش كتر الحب لا ده علشان تسمعها ....
خالد: ههههههههههههه ههههههههههههه اه ي مجنونه انتى مش ممكن فعلا بتعرفي تخرجى الواحد من موده إذا كان زعلان
سلسبيل: مين يقدر يزعل اخواتى ولا ييجى عندهم ده أنا وحشه جدا صدقونى
علي: مصدقينك وحش الشاشه ي قاهرة جيوش الهكسوس ي هيريكليز زمانك يلا كلي علشان تعرفي تسدى خانه كلي كلي ......
سلسبيل: هو الأستاذ إلي صحي كل الميتين دول بيكلمنى أنا ولا هو بيحلم بجنكيز خان يمكن يطلعله ونخلص وبعدين أنا بسد بس هسد باب الرحمه في وشك ي طويل أنت
خالد: بس بس ماما خرجه من العنايه مش عايز اى كلام او إرهاق ليها سمعه ي سولي
سلسبيل: شاورت على .علي قول للاخ ده بتاع العصر الحجرى قال هيركليز قال
حمزه: لعمه تحب اجبلك شاي تانى ي عمى .....
سلسبيل: هنزل أنا اجيبله شاي واجيب ليا حد عايز
خالد: اه يريت هاتى للكل بس خلي بالك من نفسك
علي: ليه هتحارب دى هتجيب شاي مش عمله فيها ست فوالح فى بعض وهتدافع عننا يلا ي بت انجرى هاتى الشاي وعيزك تحطى الصينيه على راسك علشان متقعيش وسكرى خفيف
سلسبيل: حمزتى فى حد بيتكلم أنا نزله لحسن الجو هنا طويل ااقصد خنيق سلام
حمزه: مجنونه بس حنينه جدا والله...
خالد: خوفها علينا بيحسسنى أنها عندها ٥٠سنه
علي: والله انتم بتتكلمو عن سولي دى أجن بنت في البيت ومتعرفش امتى بتزعل ولا تفرح تصدق شبهك ي حمزه
عثمان: فعلا هى تشبه حمزه كتير بس هى بنوته وكيوت ...
حمزه: يااااه حضرتك واخد بالك من صفه كل واحد فينا طيب ما تقولنا أجمل صفه في طنط هناء إيه وبابا وكل واحد في القصر
خالد: اه يا بابا نفسي اعرف من حضرتك ايه الي تعرفه عن كل واحد فينا ...
عثمان: هناء انسانه طموحه بس تفكيرها محدود
صالح: طيب اوى فى زمن صعب فيه الطيبه
اميمه : بحسها أم للكل من كتر اهتمامها بينا بنسي أنها مراه اخويا
أنت ي خالد: حنين وذكي جدا بس صعب اعرف بتفكر في ايه
نرمين: شبهي من ناحيه الشغل بس للاسف بتتعامل بقلبها اكتر
حمزه: ونظر له أنت غامض بس مش ذكي كفايه لأن قلبك نقطه ضعفك
علي: طيب هو فاكهه البيت فى حاله ديما
إيمان: طموحه وهتوصل لأنها مجتهده جدا
سندس: وصمت ثوانى ونظر لحمزه بنت طيبه بس مش هتنجح مهنيا للأسف
سلسبيل: اذكي بنت فيهم بتعرف تتعامل بقلبها وعقلها وقادره تتحكم في انفعالاتها حقيقي بنت فوق الممتازة هى دى الي كنت أتمناها ليك ي خالد بس النصيب
حمزه: كمل ي عمي باقي وصف افراد العيله ...
عثمان: مفيش حد تانى ..
حمزه: عمتى وعمى جمال وعمى ماهر الله يرحمه
عثمان: سميحه ست بسيطه بتحب بيتها وبناتها وبتحب الكل
أما جمال للأسف بيحب نفسه وبس وتفكيرة لمصلحته الشخصيه
ماهر: الله يرحمه مالوش غير أننا نترحم عليه
حمزه: اخر تحليل لحضرتك مش معاك فيه ولا تحليلك لسندس بالعكس عمى جمال حنون بطريقه جميله وبيحب الكل وبيخاف علينا ومفتكرش إلي عنده القلب ده يكون انانى وبيحب نفسه
أما سندنس فهى عبقريه في شغلها وإلا مكنتش عالجت امور كتير فى الشركه بذكائها يريتك ي عمى تاخد بالك فى حجات حضرتك متعرفهاش عننا لأنها واقفه عندك على الشغل ومجبتش صفه واحده عن الترابط الاسري
عثمان: أنا راجل عملي ماليش ف أم العواطف هخليها ليك ي حمزة
خالد: فى حاجه ممكن تفرحنا وهتفرح ماما أكيد
حمزه: خير فى إيه ......؟
خالد: الدكتور أحمد معجب بسولي وعايز يتقدم ليها وحقيقي الكل هنا معجب بيه وباخلاقه وشاطر جدا فى مهنته كطبيب إيه رائيكم.......
حمزه: طبعا الرأي الأول والأخير لسولي ونظر لأخيه وأكيد هى هتوافق لأنه شاب ممتاز وكمان هى هتموت وتتجوز يلا خلينا نخلص
علي: جاتها موته جواز إيه وهى لسه فى الكليه بعد ما تخلص يبقي يتقدم دلوقتى لأ
خالد: وايه المانع ما أنا خطبت سندس وهى لسه في الكلية مش عزر إن شاء الله هفاتح عمتى واخد منها ميعاد
سلسبيل: الشاي وصل اتفضلو وكمان جبتلكم بسكويت ساده تحلو بيه...
خالد: هاتى نحلي شكلك حاسه ولا ايه
سلسبيل: حاسه بأيه هو فى حاجه ......؟
حمزه: جالك عريس ي هانم يلا خلينا نفرح
سلسبيل: عريس ليا ولا هانم جاي لمين فهمونى
خالد: ههههههههههههه ي بت بس عريس اهبل شافك اعجب بيكى قال اتقدم ...
علي: والنبي دى خلقه يعجب بيها دى خلقه تجيب مرار طافح خلقه تجيب هرش وجرب
سلسبيل: ي عم ابعد عنى وخدلك شور بجربك ده وهرشك وبعدين الحوار جميل داخل بامراضك علينا تعمل إيه سيبنى بقي مع عريسي
علي: عريس لما يلهفك لما تخلصى كليتك نبقي تشوف العريس...
خالد: بهمس لحمزة ركز مع الاستاذ كده وشوف غيرته .؟
سلسبيل: لأ العريس الأول وبعدين الكليه بس محدش قال مين العريس أنا عايزة حاجه كده بالألوان طويل عريض حليوة
علي: روحى كارفور هتلاقي طلبك هناك .....
خالد : وحمزه ههههههههههههه.... ههههههههههههه.... ههههههههههههه....
سلسبيل: ي اهبل بيقولك جيلي عريس مش كيس شبسي وبعدين أنت مالك ومال عريسي ونظرت لخالد اوصفهولي شكله إيه طب أنا أعرفه
علي: اوصفلها كامل الأوصاف يمكن تنبهر وتتشل ونرتاح .........
سلسبيل: بعد الشر إن شاء الله الي بيفرسنى وفى سرها بعد الشر
خالد: العريس ي ستى الدكتور أحمد الي دخلك عند ماما للعنايه امممممم رأيك إيه
سلسبيل: هو مش ملون اوى بس مش مشكله افكر
علي: خلي عندك مبدأ ومتتنزليش عن مواصفاتك ولا انتى م صدقتى متخافيش مش هتعنسي
سلسبيل: اعنس ده لفظ يتقال لبنت كيوت زيي والنعمه لاوافق علشان ارتاح منك
علي: والله شكلي هرميكى من الشباك علشان أنا اللي هرتاح منك
حمزه: لخالد بهمس الواد ده عنيد ومش قادر يصدق أنه بيحبها والواضح أنه مش عارف
خالد :لازم نعمل حاجه لتضيع منه ويندم بعدها بس تصدق على عندهم قصاد بعض بس هيبقي حبهم حاجه تجنن
خالد: الوووو اوك تمام ....
حمزه: خير فى حاجه ........
خالد: ماما خرجت لغرفه عاديه وفاقت يلا بينا علشان نروحلها
عثمان: وقد تبدلت ملامح وجهه يلا بينا
دخلو جميعهم لغرفه هناء فنظر لها خالد بألم ووجع على ما أصابها ألف مليون سلامه عليكى ي ست الكل
هناء: الله يسلمك ي حبيبي
حمزه: ألف ألف سلامه وشدى حيلك وإن شاءالله نجيب إلي عمل كده ومش هنسيب حقك
علي: اقترب منها وقبل يدها ألف سلامه عليكى ي قمر مش هروح من هنا إلا وايدك فى أيدى
سلسبيل: ببكاء حببتى وحشتينى أوى خضتينى عليكى يريت كنت أنا وحضرتك لأ
هناء: بعد الشر عليكى ي حببتى وبلاش دموعك دى العيون دى اتخلقت تضحك بس مش تعيط وبعدين هو انتى سبتينى أنا لما فقت لقيتك قاعده علي الأرض وماسكه أيدى حاولت اصحيكى بس معرفتش
سلسبيل: طول عمرك بتسهرى جمبنا وديما معانا بس لو أعرف مين الحيوان الي عمل فيكى كده ...
حمزه: بلاش كلام كتير وسبيها ترتاح ولا أنتى عايزة تتعبيها
سلسبيل: لأ طبعاً اتعبها ازاى بس ي طنط مش أنا جالي عريس بالرغم من أنه اتاخر بس مش مهم المهم أنه وصل بالسلامة إيه رأيك
هناء ربنا يسعدك يا حببتى ويتمملك على خير
علي: خبطها في كتفها هو مين إلي اتاخر ي هبله انتي
سلسبيل: العريس بس ي حمزتى أنت خلودى أنا هكتب كتابي مفيش خطوبه والعطله دهين
علي: يكتبو اسمك على لوح رخام ونعلقه على تربتك ي بعيده جواز ايه ده انتى مشفرة علي الاخر عايزة حد يفكلك صواميل مخك لحسن تخلفيلنا تحف زيك
سلسبيل: بعد الشر عليا أنا لسه بدرى مش هموت دلوقتى وإذا هموت هخدك معايا تونسنى فى الطريق بس والله العظيم إذا اخدت منى دوده من بتوعي لافضحك فى الترب كل واحد معاه حجته أصلك طماع
علي: دود جاتك القرف هرجع ايه ده
سلسبيل: طيب امشي بدل ما ارجع في وشك ناس متجيش غير بالقرف يييييع
************
هناء: ههههههههههههه ... ههههههههههههه بس مش قادرة كفايه
سلسبيل: والنبي ده أنا اعملك ارجوز بس اضحكى
علي: وتعملي ليه ما انتى كده فعلا .......
حمزه: بسسسسسس منك ليها ولا كلمه ذياده
عثمان: حمدالله على السلامه يا هناء .......
******************
تكملة الرواية من هناااااااا
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله الجزء الاول من هناااااااااا
الرواية كامله الجزء الثاني من هناااااااااا
مجمع الروايات الكامله اضغط هناااااااا
مجمع الروايات الكاملة 2 اضغط هنااااااا
 الفصل الثالث والرابع بقلم رانيا قنديل رواية اسرار القلوب( الجزء الثاني) الفصل الثالث والرابع بقلم را…){kind=link}
تعليقات
إرسال تعليق