رواية اسرار القلوب( الجزء الثاني) الفصل الخامس والسادس بقلم رانيا قنديل
رواية اسرار القلوب( الجزء الثاني) الفصل الخامس والسادس بقلم رانيا قنديل
الفصل الخامس
الفصل الخامس★ اسرار القلوب★ الجزء الثانى
هناء: ههههههههههههه ... ههههههههههههه بس مش قادرة كفايه
سلسبيل: والنبي ده أنا اعملك ارجوز بس اضحكى
علي: وتعملي ليه ما انتى كده فعلا .......
حمزه: بسسسسسس منك ليها ولا كلمه ذياده
عثمان: حمدالله على السلامه يا هناء .......
**********************
الجد رافت: يلا ي مها ي بتى فينها رحيق ومحمد
مها: رحيق ومحمد سبقونا على المستشفى بس جمال راح الأرض لأن فى عطل في ماكينه الري وزمانه جاي
الجد رافت: اتصلتى على خالد واطمنتى على خيتك
مها: اه الحمدلله هى بخير وطلعت من العنايه لغرفه عاديه وطمنونى أنها بخير
الجد رافت: مخبرش ي بتى مين ممكن يدخل المندرة دى متحصولش واصل ومخبرش بعد ضربه لبتى مسرقش ليه حتى دهباتها الي في يدها موجودين نفوخي هيفرقع ي بتى
مها: إن شاء الله خير الشرطه تلاقي الي عمل كده وياخد جزائه بس حضرتك تروق كده علشان الضغط
مش عيزة هناء تشوفك قلقان او تعبان
الجد رافت: الله فى سماه لاسلخه كيف الدبيحه. الي سوى فى بيتى اكده
مها: إن شاء الله نعرفه وياخد جزائه بالقانون وربنا منتقم جبار ........
الجد رافت: ونعمه بالله فينه جوزك ي بتى مخبرش ليه أنى عوج ليه أكده شيعيله حد يشده خلونى اطول على بتى
مها: هبعتله مصيلحى يناديه على طول .......
*************************
الجد محمد:لاميمه أنا جهزت فين البنات لسه نيمين
اميمه: لأ قامو وفطرو وبيلبسو ونزلين على طول اهى سندس وإيمان نزلو
سندس وإيمان: صباح الخير يا جدو عامل إيه
الجد محمد: الحمدلله تمام بس يلا علشان اتاخرنا
إيمان:نرمين بتصلي ونزله على طول ......
سندس: هى سولي فين مش لقيتها في الاوضه بتعتها .......؟
الجد محمد: راحت المستشفي من بدرى كلمنى حمزة وطمني عليها بس يلا انتم خلينا نمشي
*******************
هناء: نظرت لعثمان ولم ترد عليه فنظر حمزة وتأكد أن عمه هو من سبب هذه الحاله لهناء .....ومن تعبير وجهها
حمزه: شكلك تعبتى ي طنط إحنا هنطلع برة وحضرتك ارتاحى
سلسبيل: أنا هفضل معاها هنا ومش هسيبها اخرجو أنتم
حمزه: لاء كلنا هنطلع ونسيبها ترتاح ي سولي وكمان انتى لازم تروحي على تغيري لبسك ده وترتاحى شويه ...
سلسبيل : لأ أنا اتصلت بنرمين وهى هتجبلي لبس وكمان أنا هبات مع طنطى حببتى.......
علي: تباتى فين انتى انتى تروحى ومفيش بيات هنا ولا عجبتك المستشفى.....
سلسبيل: حمزة قول للأخ مالوش دعوة بيا ولا بعريسي الله ......
علي: عريس من لما يلهفك ي هبله انتى خلاص بقي عريس وانتى عروسه تحبي نجيب المأذون ونكتب الكتاب ونعلي الجواب
سلسبيل: تصدق فكرة وابقي حصلت البنات تانى يوم ههههههههههههه عسل ي عليوة
علي: بغيظ اطلعي ي بت برة بدل م اخنقك وارتاح والله ده لو عرفك ليهرب وينفد بجلده ....
سلسبيل: هار مش فايت أنت هتقوله إيه عنى سبنى اشوف حالى ي حلمبوحه ......هريحك منى
حمزه: أقسم بالله لا أنت ولا هي ليكم أى لزمه خالص هنا يلا على برة
رحيق ومحمد: السلام عليكم والقو التحيه على خالتهم هناء فاقترب محمد واطمئن عليها هو ورحيق
خالد: تعجب مما حدث ف أمه لم تنظر لأبيه ولم ترد عليه التحيه لماذ هل هذا بسبب رفضه لسندس أم ماذا...............؟؟
حمزه: اقترب من رحيق عامله ايه وحشتينى .....
رحيق: بابتسامه ساحرة وأنت اكتر أكيد تعبت ومنمتش كويس
حمزه: لأ نمت كويس وهرتاح لما طنط تخرج من المستشفى إن شاء الله
رحيق: إن شاء الله أنا جبتلكم شاي وعملت كيكه البرتقال الي بتحبها أنا عرفه إنك مش بتفطر بس دى كيكه خفيفه .......
حمزه: أمسك يدها وقبلها تسلم ايدك ي اجمل وارق رحيق فى الدنيا ....
سلسبيل: خبطت علي روح هاتلي عريسي أنا اعصابي لا تتحمل اريد من هذة السهوكه وعلت صوتها فسمعها الجميع
خالد: سهوكه إيه ي هبله انتي وعريس ايه مش لما نوافق وكمان عمتى متعرفش ولا هى سربعه وخلاص
سلسبيل: اه وخلاص ... وتقدمت لرحيق سيبي ايده علشان الوضوء احببتى وراعي حرمان اهلي لفيضان حبكم دهون....
محمد: ههههههههههههه متقلقيش هتتجوزى ده الي هياخدك هيروح الجنه على طول
سلسبيل: ليه هو هيموت ويطلع الجنه ده ايه ده انا عيزاه بالضمان الاجتماعي
علي: ما أنا قولتلك روحى كارفور ربنا يسهلك
هناء: ههههههههههههه... ههههههههههههه بس ي أولاد محدش يزعل سولي حبيبه قلبي دى تقعد وتتشرط كمان وهنرصلها العرسان وهى تختار براحتها
علي: بهمس لحمزه طبعا عريس دكتور والتانى مهندس نفسي أعرف عجبهم إيه فيها
حمزه: ههههههههههههه وأنت زعلان ليه وبعدين مين المهندس ده ....؟
علي: الأخ محمد إبن عمك عايز يتقدملها نرمين قالتلى امبارح......
حمزه: امممممم يبقي فعلا هتقعد وتختار براحتها يلا على خيرة الله..
خالد: يلا بينا نقعد فى الغرفه التانيه لأن ماما هتاخد الدوا وتنام وخرجو جميعا للغرفه الأخرى
الجد محمد: فين غرفه هناء .......
نرمين: أنا أتصلت على خالد وهو منتظرنا فوق ...
الجد رافت: وااااا الجماعه كلياتهم اهني يلا نطلعو سوا
جمال: مها اطلعو وأنا هستنى هنا علشان بابا مش هيدخل وأنا موجود ولما تخرجو بلغينى اطلع اطمن على هناء
مها: ربنا يصلح الحال خلاص هطلع وبعدين هبلغك لما نخرج .......
**********************
الجد محمد: حمدالله على السلامه يا هناء عامله ايه يا حببتى
هناء: الحمدلله على كل شيء
الجد رافت: بتى حبيبتى ونور عينى الله يعافيكى ي بتى
هناء: الحمد لله يا بابا أنا بخير .....
عثمان: السلام عليكم أنتم وصلتم امتى....؟
الجد محمد: لسه حالا وأنت كنت فين مش قاعد مع مراتك ليه.....
عثمان: التمريض خرجنا علشان هتنام بس أنا رجعت علشان افضل معاها
مها: لأ فيك الخير حنين أوى سيادتك......
عثمان: مها الزمى حدودك معايا مش عايز اتطاول عليكى فهمه. أنا محترم وجود عمى وبابا غير كده انتى عرفه......
مها: فعلا الي اختشو ماتو وفى مثل بيقول يقتل القتيل ويمشي في جنازته .......
عثمان: أنا خارج برة مش ناقص كلام تافهه عن اذنكم....
الجد رافت: مالك ي بتى بتتحدتتى ويا جوز خيتك أكده ليه اياكى تكونى عاوزة تتهميه فى ضرب خيتك ....؟
مها: آمال مين يعنى ليه مصلحه بلدنا مفيهاش سرقه ولا زفت وبعدين أنا شاكه فيه
الجد رافت: عيب ي بتى فعلتك وياه خيتك اهيي هتجولنا مين عمل أكده والله فى سماه ما يكون جوزها م هيطلعله سمس ....
الجد محمد: مستحيل ي رافت جوزها يضربها ونظر لهناء قولي ي بنتى الكلام إلي بتقوله أختك صح وإذا كان صحيح أنا إلي هوقفه عند حده
هناء: بتعب وتاثير المنوم بدأ مفعوله فدخل حمزة بعد أن سمع كل ما حدث
حمزه: انتم كده بترهقو طنط هناء وبعدين مين قال إن عمي عثمان ممكن يعمل كده لأ طبعا أنا سألت طنط هناء وقالت إنه كان ملثم وجسمه ضخم يعنى مواصفات غير وكمان عمى كان موجود معانا وقت كتب الكتاب يبقي ازاى ونظر لمها طنط مها يريت حضرتك لما تتكلمى تكونى متاكده من كلامك
مها: طيب اقنعنى مين ......
حمزه: الشرطة هتعرف كل حاجه ودلوقتى تعالو نروح الاوضه التانيه ونسيب طنط هناء ترتاح وكمان شويه ندخلها........
سميحه: هى نامت فعلا تأثير الدواء ظهر يلا بينا
*****************
علي: تحبو تشربو حاجه ........
سلسبيل: أه يريت وكمان هات..........
علي: لأ مش هجيب بسكوت سمعه بقول تشربو ايه ي ساتر يا رب
محمد: ههههههههههههه متزعليش نفسك هنزل أنا اجيب شاي واجيبلك البسكوت بتحبيه ايه
سلسبيل: ساده ي أحلي محمد ربنا يخليك ي عسل مش زى ناس
خالد: ههههههههههههه وبهمس لعلي يظهر معجبينها بيكترو ي معلم خليك قاعد مكانك ....
علي: طبعا ما هى فرحانه بنفسها وهتموت وتتجوز بقي دى خلقه تتجوز
خالد؛: اه خلقه زى القمر الدكتور أحمد هيتجنن عليها ولسه قافل معايا ولما عرف إن مامتها هنا هيجي دلوقتى يتعرف عليها وعلى الكل وكمان خالتى مها عايزة تاخدها لمحمد ......يلا بقي هنشوف النصيب لمين فيهم هى تختار براحتها....
علي: ياخد مين ومحمد ايه بلاش كلام فاضي بقي المفعوصه دى هتقعد وتتشرط على إيه دى عليها لسان عايز قصه....
إيمان: طيب أنت زعلان ليه دلوقتى تعقل لما تتخطب وتحب وتتحب ولا ايه ي نرمين....
نرمين: ي بخته الي هيخطبها مش هيبطل ضحك منها ونظرت لايمان وابتسمت
الجد محمد: ازيكم يا أولاد عاملين ايه وحشتونى
خالد: وقبل يد جده محمد وجده رأفت وسلم على خالته
علي: صباح الفل عليكم .................
مها: هى رحيق فين مش معاكم يعنى......؟
خالد: جالها فون وطلعت تتكلم برة أكيد شغل
سلسبيل: بهمس وحمزتى فين طبعا شقط البت وطار يبخته .....
علي: شقط ليه شقطها من على قهوة دى مراته ي هبله واتنيلي وبطلي تركزى ما هو التركيز ده اللي هيجننك وعايزة تتنيلي .......
سلسبيل: إيه اتنيل دى وازاى ي اخ حمدان ......اسمها هتدخلى بيت العدل وتتجوزي وتتهنى ......ي ابو حال مايل أنت...
علي: تتهنى إن شاء الله فى نار جهنم ي بعيده ركزى بس في مذكرتك على الله تفلحي
إيمان: مالك ي علي سولي بتطلع بتقدير كل سنه وان شاء الله آخر سنه يطلع التقدير العام جيد جدا وياخدوها معيده فى الكليه ...
علي: معيده بس مش فى الكليه معيده للسنه الاخيرة. ههههههههههههه
سلسبيل: سكتى الأخ ده لاغزه وارتاح اووووو وقامت وجلست بجوار جدها محمد وحشنى كتير ي جدو اخدت الدوا
الجد محمد: وانتى اكتر ي قلب جدو بس متبقيش تطلعي من البيت من غير م تبلغينى سمعه
سلسبيل: حاضر ي جدو متاسفه
******************
حمزه: رحيق واقفه كده ليه برة......؟
رحيق: كان معايا فون وخلصت وانتظرتك لما تيجي
حمزه: أمسك يدها مالك ي رحيق فى إيه شكلك عندك كلام كتير قولي .....
رحيق: أنا بدأت أخاف واحساسي بيقولي إن عمو عثمان ورا ضرب خالتو وكمان بدأت اخاف من نظراته ليك لازم تكلم عمو صالح وتكلم جدو محمد كده الاوضاع مش تمام ..حمزة أنت إذا حصلك حاجه اموت وراك ارجوك اسمع منى المرة دى وبلاش تفكيرك ده إنك تصلح من عمك وتعرفه أخطائه عمى خلاص قلبه بقي حجر لما مراته أم اولاده وبعد العشرة دى يعمل فيها كده
حمزه: رحيق متخلنيش اندم أنى اتكلمت معاكى وفضفضت علشان تشركينى بأفكارك بلاش الخوف الذياده ده لكن الاهم من ده كله مين بعتلى الفيديو وكمان بيحذرنى من عمى معنى كده إن فى حد بيراقبه .........؟
رحيق: أنا بلغت الشركه بالرقم وإن شاءالله نوصل لاسم المستخدم بس إن سافرت مصر هتسافر بالقطر مش بالعربيه
حمزه: اقترب منها واحتضنها أنا يكفيني حبك بس ليا وكفايه إنك بقيتى بتعتى رحيق انتى أجمل حلم أنا حققته لأن روحى متعلقه بيكى النفس انتى ...نبض قلبي انتى... خليكى ديما جمبي وجودك مهم اوى عندى ....
رحيق: أنا ديما معاك بس لازم اخاف على روحى وقلبي ارجوك ي حمزه بلغ جدو لازم يكون معاك أنا خايفه
حمزه: كل حاجه باوانها متقلقيش إن شاء الله ربنا هيكون معايا وأنتى بلاش قلق شكلك ما بيبقي وحش
رحيق: هبطل قلق لما اتطمن إن كل حاجه تمام وعمى بطل تفكيرة بنفسه وبس
حمزة: خير إن شاء الله تعالى ندخلهم لحسن يقلقو علينا وأمسك يدها علي عينى تطلعى من حضنى بس هعمل ايه هصبر أكيد لحد ما الاجازه تخلص علشان تبقي معايا .......
*************************
محمد: أنتم واقفين برة ليه يلا أنا جبت الشاي افتحولي الباب....
محمد: الشاى وصل وكمان البسكويت لأجمل سولي كمان
سلسبيل: ربنا يخليك ي محمد هات البسكويت بتاعى أكيد محدش عايز بسكوت خالص بالث
علي: لأ يختى كلي على الله تشبعي وثوانى ودخل الطبيب احمد وسلم على الجميع
حمزه: اتفضل ي دكتور .......
علي: هيتفضل فين هيقعد علينا ده إحنا فرشين فى الأرض ....
حمزه: إنت تسكت خالص ومسمعش صوتك عيب
سلسبيل: اتفضلي ي نرمين بسكوت وأدى لايمان ورحيق وسندس
علي: اااااه تديهم بسكوت مش كنتى هتقتلي الي هياخد منه انتى بتتحولي ي بت امتى وازاى ... امممممم نسيت عريس الغفله هنا
سلسبيل: اه عندك مانع عريس وقمر أطلع منها أنت ومش هديك بسكوت
محمد: سلسبيل: فى بسكوت تانى اهو خدى
علي : لايمان بهمس شوف البت مبسوطه ازاى طبعا عريسين قعدينلها وهى هتنقي الي يعجبها واحد جيبلها بسكوت والتانى خلاها تبات فى العنايه
وأنا إن شاء الله هولع فيها
إيمان:بخبث إنت زعلان ليه طيب م سندس اتخطبت والاكيد أنها كمان هتتخطب سولي زى القمر ومليون واحد يتمناها
علي: وأنا هزعل ليه يعنى متتجوز ولا تتهبب بس بصي بصي ي ايمان بتعمل ايه هى بتوشوش محمد بتقوله ايه وقعده جمبه كده ليه ..............
حمزه: بهمس لعمته وحكى لها عن الدكتور أحمد ونيته إتجاه سولي
سميحه: معقول ي حمزه عيزنى اجوزها هنا فى الصعيد والبنت تبعد عنى
حمزه:: عموما فكرى كويس علشان نرد عليه وربنا ييسر الأحوال
خالد: أنا نازل لتحت شويه وراجع ......
******************
جمال:اذيك ي هناء عامله ايه دلوقت ....
هناء الحمد لله أحسن .......
جمال: عثمان إلي عمل فيكى كده صح علشان يلغي جوازه خالد من سندس صح ولا أنا غلطان
هناء: بتعب ارجوك ي جمال بلاش كلام في الموضوع ده ارجوك
جمال: عثمان بقي وحش معندوش قلب ودة من زمان بس كده اتمادى أوى أنتى هتسكتى على الي عمله
هناء: ارجوك ي جمال ولادى لو عرفو حاجه هيتدمرو وخصوصا خالد
جمال: معنى كده انتى هتسكتى ومش هتعرفي حد ....؟
هناء لأ مش هسكت وأنا هعرف اوقف عثمان عند حده محدش يتدخل لأنه اتغير للاسواء معندوش لا قلب ولا رحمه
************************
خالد: بابا مستحيل مستحييييييييل ........!!!!!
سندس: مالك ي خالد واقف ليه برة مدخلتش ليه لطنط هناء ومنزلتش لتحت ليه ...
خالد: انتى بتعملي ايه هنا .....
سندس: أنا كنت حايا اشوف طنط فاقت ولا لسه لقيتك واقف وشكلك متغير
حمزه : واقفين ليه كده هى طنط صحت ولا لسه
خالد: لا نايمه أنا نازل تحت وانتى ي سندس ارجعي للاوضه يلا
حمزه: لنفسه ماله ده وشه متغير كده ليه هى طنط تعبت ولا ايه وهما أن يدخل فسمع صوت عمه جمال فدخل وسألهم هو خالد كان هنا معاكم ولسه خارج
جمال: لاء خالد مكنش هنا ليه بتسأل
حمزه: كنت بتتكلم عن إيه ي عمي مع طنط هناء
هناء: بألم وخضه يبقي خالد سمع كلامنا الحقه ي حمزة ألحقه بالله عليك وخليه يكلمنى أنا الأول وميتكلمش مع والده بسرعه.................
*********
الفصل السادس★ اسرار القلوب★ الجزء الثاني
نزل حمزه مسرعا لخالد فوجده جالسا فى جنينه المشفى فجلس بجوارة ولم يتحدث ونظر ليد خالد فراءه يعتصرها ومن تعبيرات وجهه يكاد أن يفتك بأحد.............
حمزه: خالد أتكلم معايا إذا سمحت بلاش تضغط على نفسك واعصابك طلع كل الي جواك........
خالد: نظر له وأنت جيت واتكلمت معايا وحكيت على اسرار شيلها فى قلبك وي تري مين كمان عنده أسرار قلوب تانيه وكمان تكونو مخبينها عنى ...يا حمزه أنا تهت بينكم خلاص مبقتش فاهم ولا عارف حاجه كل واحد عنده سر مخليه جوة قلبه ومحتفظ بيه لنفسه وبيخاف يتكلم بس مش عارف فين الثقه الي ما بينا فيييييين ليه ي حمزه مجتش واتكلمت على وجعك ليه مش اخوك وصحبك ده أنا حب عمرى لما افتكرت إنك بتحب سندس قولت ابعد علشان اخويا يكون سعيد حبي ليك غطى على وجعي وقهرتى ... أنا فين من حساباتك ووضع يده على قلب حمزه. أنا فين هنا هااااا قووووول.....احكيلي ي حمزة مخبي عنى إيه وايه الأسرار الي في قلبك صدقنى أنا الدنيا علمتنى كتير وأكيد هقدر أفيدك لكن إذا خبيت عنى الحقيقه فالاكيد أنى مش هسامح فى حق امى لأنه جه وقت إن أعرف وافهم كل حاجه .....
حمزة: بخوف عليه أنت عايز تعرف موضوع طنط هناء محدش متأكد منه وا.......
خالد: بسسسسسسس..بسسسسس لسه هتخبي يا حمزة يبقي الكلام خلص واتفضل اطلع لفوق وااااااه يريت من هنا ورايح تكون العلاقه ما بينا قدام الكل على قد السلام وبس اتفضل......
حمزه : بخوف وقلق إنت بتقول إيه إنت مجنون إزاي تقول كده عايز تعيش معانا منفصل عننا لوحدك......؟؟
خالد: اطلع يا حمزه مش عايز أتكلم معاك ولا مع غيرك وبالنسبه لامى أنا كفيل احميها وكفيل احمي الكل من عثمان بيه لأنه للأسف حرام يتقال عليه اب لأن قلبه مات ........
حمزه: بقلق من انفعال خالد وتحدث إليه طيب تعالي معايا نتمشي وأنا هحكيلك كل حاجه بس علشان خاطري مش هتتصرف فى شئ غير لما نقعد ونتكلم مع بعض وناخد رأي بعض فى اي تصرف نعمله...
خالد: احكيلي كل حاجه وإذا خبيت عنى حاجه يا حمزه هتكون بينى وبينك العمر كله........
حمزه: حاضر هحكيلك كل حاجه وبداء حمزة يحكى لخالد كل شئ والاعجب من كل هذا إن حمزه لاحظ بأن خالد لم يتفاجئ بما يرويه له ......
*****************
رحيق: حمزه راح فين يا إيمان وليه اتاخر كده
إيمان: أكيد مع خالد عند طنط هناء أو نزلو سوا تحت......
نرمين: بهمس الدكتور قاعد مكسوف بس بدأ يندمج مع جدو رأفت وجدو محمد حتى عمو صالح اندمج معاه
سندس: أنا هنزل أشوف خالد فين ......؟
نرمين: لأ يا سندس خالد ممكن يزعل منك بلاش تنزلي هو دلوقتى يطلع وبعدين ليه القلق ده كله...
سندس: مش عرفه حاسه إنه مدايق أوى أو فى حاجه زعلته.....
إيمان: هيكون إيه مزعله غير وجود طنط هناء فى المستشفى......
سندس: ليه بس يزعل مع إن الدكتور أحمد بيقول ممكن تطلع بكرة إن شاء الله
نرمين: هيكون مدايق ليه معقول يكون عرف مين اعتدى علي ماما والشرطه مسكته
ايمان وسندس: تصدقي ممكن فعلا بس ي ترى مين ....؟؟
عثمان: وأنت ي دكتور أحمد متخصص إيه
دكتور أحمد: جراحه عامه أنا الي عملت العمليه لمدام هناء علشان كده أنا متابع الحاله
عثمان: امممممممم بس هى كويسه وهتطلع بكرة صح .........؟
الدكتور احمد: إن شاء الله هعملها شويه تحاليل واشاعات علشان اطمن قبل م تخرج وأنا إن شاء الله هعدى عليها كمان يومين بدل ما تيجى المستشفى وتتعب
الجد محمد: شكرا ليك ي أبنى بس كده هنتعبك معانا
الدكتوراحمد: لأ أبدا ده واجبي وشغلي
علي: وحضرتك بتتعامل مع كل المرضي كده.....؟
الدكتور احمد: أه طبعا ده واجب المهنه وقسم اقسمت عليه ومعاملتى مع المرضي سيان....
صالح: ربنا يحميك فعلا لو كل طبيب راعي واجبه وضميرة حجات كتير هتتغير
سلسبيل: خالو صالح هو الضمير بيتغير ليه وازاى وإذا كل العوامل للشخص جميله يعنى مثلا عيلته مركزه الإجتماعى والأهم أن فى ترابط أسري إيه يخلي الضمير يموت وقلبه يملاه الجشع ......؟
عثمان: نظر لسلسبيل وضيق ما بين عينيه وحدث نفسه هى البت دى بتتكلم عن مين معقول تكون عرفه حاجه طيب ازاى ي عثمان هو أنا ناقص مش كفايه عليا حمزه ودلوقتى هناء بس إذا طلعت عرفه حاجه هعمل ايه دى كلمه منها لبابا ... لأ لأ دى تحصل ابوها مع حمزه وهناء أنا قادر اخرسها بس اخلص من حمزة الأول..
صالح : للأسف ي بنتى الشخصيه دى مش بيكون عندها قلب علشان تسألي على ضميرها لأن السواد طغي فحرام يتقال عليه بني أدام
سلسبيل: معاك حق يا خالو ونظرت لخالها عثمان وأنت رأيك إيه ي خالو بالنسبة لسؤالي .....
عثمان: أنا مش فايق للكلام الفاضي ده دماغي مش رايقه
الجد رافت: كلياتنا مش ريقين ي ولدى بس أنى رايد أعرف عتقول إيه لسؤالها
عثمان: باستغراب لعمه أنا عارف أنا مصدفتش حد بالصفات دى طيب ممكن نقول إيه وصله لكل الصفات دى مش يمكن الي حوليه ظلموة او همشوة من حياتهم مش يمكن يكون هو إنسان كويس بس المعامله الغلط هى الي دفتعه أنه يقتل ضميرة محدش بيتولد كويس او سيئ الظروف هى الي بتحكم بس إحنا اتعودنا نحكم على الإنسان ومندورش ليه اتحول واتغير بالرغم من كل الصفات الجميله فى اسرته زى ما بتقول سولي
الجد رافت: سرح لبرهه من الوقت ونظر لعثمان
وحدث نفسه وااااه ي ولدى كيف حديته البت حطت يدها على وجع عنديه وأنا مخبرش وجعك وكيف وصلت لاكده وااااا على الحيرة مخبرش أنى الأيام هتعملو فينا إيه سترك يا رب
صالح: وتعجب من اجابه أخيه فهى فعلا صحيحة لأن الظروف ممكن تخلق من إنسان تخليه وحش ونظر لسلسبيل وتعجب لها ومن سؤالها هو ايه الغموض الي حواليا ده وهو الكلام ده تقصد بيه حد ولا سؤال عادى علشان الحوار الي بينا وبين الدكتور......؟؟
رحيق: كلامك صحيح ي عمو بس مهما الظروف جت على الإنسان وحس او شك أنه اتظلم يتحول للاسواء مش عزر أنا أعرف ناس اتظلمت وبدلت الظلم بمحبه وخوف على أسرتها متحولتش لوحش معندوش ضمير وعنده استعداد يدوس على كل عزيز وغالي
صالح: مالكم ي أولاد في إيه هو الموضوع عجبكم بتاع الضمير فالكل شارك فى الحوار يلا غيرو ايه ي سولي عندك سؤال تانى ههههههههههههه
علي: هتسال عن إيه تانى كفايه اسئله ويلا الكل يقوم علشان تروحو ......
صالح: طيب فين خالد وحمزه راحو فين بقالهم كتير هما خرجو برة المستشفى ولا إيه
علي: مش عارف هروح اشفهم فين ممكن يكونو تحت بيشربو شاى
***********************
حمزة: لخالد دى كل الاسرار إلي في قلبي بس فى حاجه كمان محدش يعرف عنها حاجه هقولك عليها ويريت تحتفظ بيها أنت لحد ما ييجى وقتها
خالد: بفزع وقلق مما سمعه وتأكد منه عن والده قول ي حمزه هيكون إيه تانى اكتر من الي سمعته منك
حمزه: فى مكتب الشركه الرئيسي فى غرفه سريه كان عملها عمى ماهر علشان المراقبه من أول الحراس لغايه مكاتب الموظفين ومش فيديو بس لأ ده صوت وصورة والكامات سريه
خالد: لقيت حاجه تثبت تورط عثمان بيه فى قتل عمي ماهر ....؟؟
حمزه: صمت ونظر لخالد وارادا أن يتهرب من الإجابة
خالد: أنا حاسس بيك وعارف إنك مش عايز تزعلنى وتقهرني وتأكد عليا صدق الي سمعته من عثمان بأنه هو الي قتل جوز عمتى.....
حمزه: ارجوك ي خالد سبنى أنا اتصرف أنا متأكد أنى هقدر ارجع عمى عن الطريق ده مش عايز احارب فيه مش هينفع إحنا بنتكلم عن صله دم مش موظف عندنا
خالد: مبرق لحمزة أنت مجنون أنت بتتكلم عن قاتل عاااارف يعنى ايه قااااتل يعنى معندوش رحمه واسعه ولا قلب وصله الرحم والدم دى متنطبقش عليه فوووق من الوهم ده الراجل ده مجرم ولازم ياخد جزاء افعاله
حمزه: ارجوك ي خالد ادينى فرصه أنى أكمل الي بدأته أنا متأكد أن عمى وراه ايد مش شيفنها وهى المتحكمه فيه عمى اضعف من أنه ياخد قرارات زى دى وينفزها لوحده واوعي تقول مدحت لأ في أمور مخفيه عننا وأكيد هتظهر وهلحق عمى ...
خالد: لأ أنت فعلا مجنون افهم أنت بتتكلم عن واحد معدوم الضمير والاحساس كل همه السلطه والفلوس لأنه لو عنده ذرة واحدة من الضمير مكنش اذي امي اسمعنى ي حمزه أنا لازم ابلغ عنه كده هو مالوش عندنا لا اسرة ولا عيله هو أختار من زمان أوى ولازم
يتحمل نتيجه اختيارة هو مفكرش فينا قبل ما يخاطر بينا وباسمه مالوش مكان بينا ي حمزه فوق الله يخليك ...
حمزه: بقله حيله طيب سيب الموضوع ليا أنا هتصرف أنا مخبتش عنك حاجة بس سبنى للآخر عمى متورط في حاجه كبيرة ي خالد ومع ناس معندهاش ضمير وأنا لازم اوصل للناس دى الأول والا كل حاجه هتضيع خليك واثق فيا أنا محتاجك جمبي واكون مطمن إنك مش هتدخل في شئ من غير ما ترجعلي ماشي ي خالد ونظر له بترجي
خالد: لنفسه وهو ينظر لحمزه اسيبك ازاى أنا لو سيبتك أنت الي هتضيع مني أنا سمعتك وأنت بتحكي لايمان وأنك بتحاول تصلح مش تفضح وسمعت ابويا وهو بيتفق ازاى يقتلك ويخلص منك
ويعالم هيخلص من مين تانى وشيفك عايز تلم وتحاجي مع واحد ضميرة ميت ايه الوجع ده قلبي مقهور على اخويا وصديقي وعلى امى وكله فى كفه وسندس لوحدها في كفه أعمل ايه سندس لازم أبعد عنها لازم ...
حمزه: أنت سرحان فى إيه كلمني وبلاش سكوتك ده ...!
خالد: حاضر هنفز كل الي قولت عليه بس على شرط
حمزه: وأنا موافق ......
خالد: طيب اسمع الشرط إيه الأول ....؟
حمزه: قول أنا سمعك
خالد: أنا هكون ملزمك زى ضلك مفيش خطوة إلا وأنا معاك سفرك مرواح المواقع اى حاجه هكون معاك
حمزه: نعم متيجى تلبسنى وتنيمنى وتدينى الرضعه ليه ده كله ....
خالد: بدموع وألم احتضن حمزة علشان أنت اخويا وابن عمى وصديقي قدر خوفي عليك زى ما أنت خايف على الكل هكون قبلك لاى شر لأن أنت قادر علي تحمى الكل......
حمزه: بدموع لا أنا ولا أنت هيحصلنا حاجه إن شاء الله وبلاش تبين حاجه لحد ....
خالد: نظر لحمزه وبقهر رجل ودموع أنا هطلق سندس.......
*************
تكملة الرواية من هناااااااا
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله الجزء الاول من هناااااااااا
الرواية كامله الجزء الثاني من هناااااااااا
مجمع الروايات الكامله اضغط هناااااااا
مجمع الروايات الكاملة 2 اضغط هنااااااا
 الفصل الخامس والسادس بقلم رانيا قنديل رواية اسرار القلوب( الجزء الثاني) الفصل الخامس والسادس بقلم را…){kind=link}
تعليقات
إرسال تعليق