رواية اسرار القلوب( الجزء الثاني) الفصل السابع والثامن بقلم رانيا قنديل
رواية اسرار القلوب( الجزء الثاني) الفصل السابع والثامن بقلم رانيا قنديل
الفصل السابع
الفصل السابع ★ اسرار القلوب★ الجزء الثاني
الجد رافت: همو بينا نعاودو على البيت ممنهاش عازه القعده اهنه
الجد محمد: نستنى حمزة وخالد لما يطلعو ونروح على طول.......
سندس: لأ أنا قلبي مش متطمن أنا هنزل اشوفه.لان خالد لما بيكون مدايق بيحب يتمشي أنا هنزل اشوفه وإذا حد سأل عليا قولي أنى فى الحمام
نرمين: بس أنا خايفه من رد فعل خالد لما تنزلي لوحدك
سندس: اعمل ايه طيب قلقانه عليه هنزل اطمن أنه كويس وارجع من غير ما يحس بيا....
علي: نزل هو الآخر يبحث عنهم فى كافيتريا المشفي ولم يجدهم ورن على هواتفهم ولم يجيب أحد منهم علي.. لنفسه راحو فين دول ومن غير ما يبلغو حد ووقف يفكر ولم يري سندس وهى تغادر المشفي للحديقه .........فنظرت سندس على بعد فرات خالد واقف مع حمزه فتقدمت إليهم ......
حمزه: لخالد نعم أنت بتقول ايه إنت هتعمل ايه أنا ... أنا مش مصدق ودانى مستحيل أنت اتجننت هتروح تقول إيه لسندس كتبت كتابك امبارح وهطلقك النهارده هاااا رد عليا مفكرتش فيها لحظه مفكرتش إيه ممكن يحصلها ده أنت حلمها وهى بالنسبالك الحياه ازاى تستسلم كده ...اسمعنى كويس أنا مش هسمحلك بكده لأنى مقدرش اشوفك ولا اشوف سندس من غير روح عيشين والسلام أنتم الاتنين متقدروش تبعدو أنتم لبعض ومستحيل تتفرقو .ده أنت مصدقت لقيتها عايز ترجع تتوة أنت لازم تواجه سندس وتحكي كل حاجه وسيبها هى تقرر ارجوك ي خالد متصعبش الأمور.......
خالد: أنت مش حاسس بيا ولا بالنار الي جوايا عيزنى اواجه سندس واقولها سبب يتمك أبويا هو إلي قتله هو السبب فى دموع عمتى وقهرتها عيزنى اكون سبب فى دموعها وأنا إلي المفروض أكون سبب سعادتها وضحكتها مش اكون أنا همها وحزنها .. أنا هعفيها من الاحراج والاختيار
حمزه: أنت غلطان ي خالد حسباتك كلها غلط وسند.......
سندس: ببكاء ووجع طول عمره حساباته غلط وديما بياخد قراراته لوحده مش بيحاول ولا يحارب لاء الهروب أسلم حل ليه
حمزه وخالد: نظرو خلفهم فى اتجاه الصوت وخوف وقلق سيطرا عليهم...
حمزه: انتى هنا من امتى........؟
خالد: طئ طئ رأسه للارض ولم يقدر أن ينظر إلي عينيها....
سندس: وخطت بخطواط بطيئه أمام خالد ووقفت أمامه......
سندس: أرفع راسك وواجهنى ي خالد وقول أنت عايز ايه ....عايز تطلقنى وتبعد ولا هتطلقنى وتحرق قلبي وتفضل قدام عينى كل يوم فهمني...
عايز ايه ولا تكون اتسرعت بجوازك منى......
خالد: انتى مش فهمه حاجه الموضوع أكبر من كده وأصعب مما تتخيليه....
سندس: أنا سمعتك وسمعت حمزه بأن خالو هو السبب فى موت بابا.......
حمزة: بتعجب على قوة سندس فى حديثها وعدم تاثرها بهذا كله ولم تصدم معقول تكون عرفه معقول تكون على علم مسبق بكل هذه الأحداث ......؟
حمزه: سندس انتى كنتى تعرفي حاجه أنا إحساسي بيقولي إنك عرفه حاجه ومش قايله عليها...؟
سندس: ببكاء قبل م أرد عليك عايزة أعرف من خالد حبك ليا هش أوى كده وضعيف علشان اول مشكله تقابلنا وأحنا سوا لقيت حل وهو بعدك عنى بقي هو ده حبك ليا طول السنين دى فهمنى ازاى قدرت تنطق وتقول إنك تطلقنى ازااااااي وانهارت سندس وجثت على الأرض وهى تبكى فجثى خالد أمامها وأمسك بيدها
خالد: ببكاء وقهر الرجال وما ادراكم بدموع رجل قبل يدها واخذها بين أحضانه بس بطلي عياط أنا آسف والله كل كلمه قولتها من خوفي عليكى وخوفي أنى اشوفك بالحاله دى انتى اغلي حاجه أنا بملكها انتى عندى اهم من وجعى والمى أنا فضلت اتوجع وانتى لاء أنا بدفع ضريبه اب معندوش قلب ولا ضمير وبدأت دموعه تنهمر على كتفها فشعرت بها فابتعدت عنه ونظرت إليه
سندس: بدأت تمسح دموعه واحتضنت وجهه بكفيها ..ليه تدفع أنت ضريبه أفعال خالو ليه هو ميتحملش نتيجه افعاله ليه وضعت نفسك مكانه. ليييبه أنا حبيت خالد القوى إلي شخصيته تبهر أى بنت أنا كنت بخاف لا تتعلق وترتبط ببنت غيري أو دكتورة زيك كنت بقف استناك لما ترجع واطمن أنك نمت كانت أجمل لحظات حياتى لما تيجى وتقعد جمبي واشم ريحتك الي بتفضل معلقه معايا لحد ما أنام أنت الأمان بالنسبالي أنت قبل ما تكون زوج أنت أب واخ وصديق كل الصفات فيك الي أنا محتجاها بس أنت صدمتنى ووجعت قلبي ونظرت له عايز تطلقنى وتبعد عنى أنت عايز كده
خالد: .......لارد .........
سندس : اعتدلت وقامت من مكانها الي أنت عايز تعمله أنا موافقه عليه طلقنى ي خالد بس ارجوك لما طنط هناء تخف وتبقي صحتها تمام ويريت قدمها تكون معايا وكأنه مفيش حاجه وبعدها كل واحد يشوف طريقه .....
حمزه: ايه ي سندس الكلام ده انتى كمان بجد تعبتونى لو سمحتى مش عايز ولا كلمه فى الموضوع ده نهائي ومفيش طلاق ولا زفت هى مش سيبا ......
سندس: مسحت دموعها أنا طالعه فوق ويلا علشان الجماعه مستنينكم فوق
حمزه: استنى ي سندس هنا هتطلعي ازاى كده وباين عليكى البكاء ونظر لخالد قوم من مكانك وخدها للحمام تغسل وشها اتحرك
سندس: لأ أنا هروح لوحدى وهطلع على طول عن اذنكم .......
حمزه: قوم ي خالد إنت ليه سبتها ليه متكلمتش واتمسكت بيها زى ما هى متمسكه بيك ليه تخسرها
خالد: وقد آفاق من صدمته ونظر هى سندس فين وتلفت يمينا ويسارا ولم يجدها فهما واقفا فين سندس
حمزه: أنت كنت سرحان فى إيه وهى بتترجاك إنك متسبهاش وخليتها تطلع فوق وهى حاسه إنك هتسيبها
خالد: لأ لأ مستحيل اسيبها أنا حاسس إن روحي بتطلع منى أنا قلبي وجعنى على دموعها ارجوك ي حمزه أعمل حاجه رجعلي روحي أنا عارفها عنيده ومش هتتكلم معايا ارجوك أعمل حاجه
حمزه: متقلقش حبكم اقوى من أن حد منكم يسيب التانى والدليل اهو لا أنت مستحمل دموعها ولا هى قادرة تشوفك مهزوز بس أنت مش ملاحظ حاجه ......
خالد: ملاحظ إيه مش واخد بالي .....
حمزه: سندس تعرف حاجه وحاجه مهمه لأنها متفجئتش يعنى زى ما تكون سمعت الحوار قبل كده ....؟؟؟
خالد: معاك حق والاكيد إن كل واحد عنده حلقه تكمل باقي اللغز الغريب ده بس دلوقتى يلا نطلع أنا قلقان عليها
حمزه،: لما أنت مش قد الكلام بتتكلم ليه .....
خالد: أنا غلطان وعيل كمان بس اتصرف عايز اصالحها ....
حمزه: امممممممم متقلقش أنا هتصرف وفكر حمزة وتطرقت لزهنه سولى فهى الوحيده القادرة على صلحهم سويا ......
*************************
علي: أنا ملقيتش حد منهم تحت يظهر أنهم خرجوا برة المستشفى وعموما قومو روحو وأنا هستنى هنا
سلسبيل: اسمها هنستنا ي جاهل ......
علي: مين هيفضل تانى عريس الغفله الي لازق جمب جدك وخالك لأ يختى مش لزمنى
سلسبيل: أنا هفضل مع طنط مش هسيبها فهمت ي ذكي ..
علي: يلا ي بت انجرى روحي مش نقصه صداع هي....
الجد محمد : كده أنت ي صالح هتروحنا وترجع تاخد البنات لأن العربيه مش هتكفي
الدكتور احمد: إذا سمحتو أنا معايا عربيتى ممكن اوصلكم وانتم كمان فى طريقي
إيمان: لسلسبيل الله يسهلك ي قلبي مش قادر يبعد عنك....
علي: إيه ي إيمان كلامك الغريب ده يبعد إيه دى توصيله وبس وبلاش كتر كلام
نرمين: لايمان سندس لسه مطلعتش ولو جدك عرف ولا عمتو هيبهدلوها
سندس: دخلت الى الغرفه فنظرت لها امها وسألتها كنتى فين......؟
سلسبيل: بعد أن سمعت نرمين وإيمان غمزت لأمها كانت برة ي مامتى فامها فهمت أنها كانت فى الحمام فابتسمت
الجد رافت: همو بينا يلا ي بنات نوزعو نفسينا على العربيات خلونا نمشي من اهنيه وانتى ي مها هتباتى ي بتى مع خيتك
علي: سولي هتبات طنط هناء عايزة سولي معاها
اميمه: وماله خليها ي حبيبي وأحنا هنستناكم بكرة في البيت
دخل حمزه وخالد للغرفه ونظر خالد لسندس ووقف بجوارها وحاول أن يلمس يدها ولكنها ابتعدت عنه فلاحظ كل من إيمان ونرمين واستشعرو بأنهم على خلاف وفى زعل بينهم
إيمان: الحقي هما لحقو يتخنقو....
نرمين: ما هو باين من وشها شكلها عيطا شيفا عنيها منفخه ازاى
حمزه: أنتم هتروحو ازاى أنا ممكن اوصل جدى وماما وبابا وارجع اخد البنات
الجد محمد: لأ ي حبيبي الدكتور أحمد هيوصلنا في طريقه وأنا هبعتلك العربيه مع السواق
حمزه: تعبينك معانا ي دكتور والله ....
الدكتور احمد: متقولش كده أنتم زى اهلي .....
علي: أهله ده إيه هى تمحيك والسلام
حمزه: اتنيل أنت وخليك ساكت وافرح لبنت عمتك هتتجوز دكتور محترم ومحبوب جدا ربنا يسعدها
علي : دى تتجوز وتتحمل مسؤوليه بالله عليك بص عليها كده
حمزه: نظر لسولي وضحك أه قمر وتتحمل والدكتور أحمد هيكون محظوظ بيها اطلع منها أنت هو هيتجوزها وعيزها...
علي: محظوظ ويتجوز ومن سولي طيب هو أنا مالي مخنوق كده ليه ما تتجوز ولا تتهبب أنا مالي
خالد: اقترب اكثر من سندس ولمس يدها وحاول أن يمسك كف اديها فابتعدت فلاحظت سلسبيل ووضعت يدها على ذقنها ايه ده هما اتخنقو ولا ايه امممممم
حمزه: سلسبيل تعالى عيزك ......!!!
سلسبيل: قول ي كابتن خير ....
حمزه: بصي دلوقتى خالد وسندس متخنقين وعيزين نصالحهم وخصوصا إن أختك مش عايزة تتصالح وعنيده وبصراحه مفيش غيرك هو الي ممكن يحلها
سلسبيل: ههههههههههههه هما جم فى ملعبي نرجع بكرة البيت مع طنط هناء وأنا هظبطهم ...
حمزه: عيزك تعلميهم الأدب علشان قبل م يتخنقو يفكرو الأول قبل م يتخصمو .....
علي: عليه العوض ومنه العوض بقي مش لاقي غير دى تصالحهم دى هتوديهم على ااقرب مأذون
سلسبيل: إن شاء الله اعملها فيك لما تتجوز وتطلق فى نفس ذات الوقت ......
حمزه: انتم هتبتدو ولا إيه ولا كلمه ....
سلسبيل:: الكتمه وحشه علشانى لازم اطلع أول بأول لانفجر ما أنت عارف بطنى مع الكتمان بيحصلها إيه
خالد: نظر لسلسبيل وتذكر مرضها وسألها سولي انتى بتاخدى العلاج بتاعك ولا اهملتى وكمان عايز اعملك تحليل دم واشاعه فرصه وأحنا هنا
سلسبيل: هو ماله ومال دمى م سحب منى شويه ومرجعهومش هياخد تانى ليه ولا بيتطعم بيه
علي: هبله ومسكوها طبله والله انتى عجيبه......
سلسبيل: حمزتى هو عايز منى ايه تكونشي بطنى عجبته وعايز يشرحها والنبي قوله يبس للدكتور التانى يشمر معاه ما هى سويقه اصلها بطنى دى
ويريت تقوله كل واحد ياخد باله من اشيائه عنده المستشفى مليانه يبعد عنى
خالد: بطلي هزار بتكلم جد انتى خليكى معانا
سلسبيل: أنا هخلينى علشان طنط هناء مش هخلينى علشان بطنى .. بطنى كلت بسكوت وشربت شاي ومبسوطه ابعد عنها
خالد: حمزه بعد ما يمشو الجماعه هنعمل اللازم من تحاليل واشاعات اوك
حمزه: اوك تمام ..
سلسبيل: ايه دهون لازم. تسكتو وتبعدو عن بطنى يكنش معمولك عمل بيها ووضعت ايديها علي بطنها متخافيش احببتى الي هيجي جمبك هغزه والنعمه قال يعمل اللازم قال
علي: ههههههههههههه والله ماليكى إلا خالد يشرحك ويعزبك وي رب يسحبو لتر دم ....
سلسبيل: لتر ي علي عيزهم يسحبو دمى اخس عليك وأنا إلي قولت هتدافع عنى ومتخليش حد يقربلي والنعمه ماشي
الجد محمد: يلا بينا ي أولاد خلونا نمشي وبدأوا جميعهم للنزول للاسفل فامسك خالد ايدى سندس
خالد: سمحينى أنا غلطان وعبيط كمان وهتطلع شهاده معامله اطفال
سلسبيل: يااااالهوى اهو سمعت ي حمزتى ده طلع عبيط وكمان هيطلع شهادة معامله اطفال وأنت عايز تسلمنى ليه تسليم اهالى أنا وبطنى لع لع يعينى عليكى ي بطنى مكنش يومك يختى
علي: ي هبله ي مجنونه ي بت بس الواضح انهم زعلنين وهو بيصالحها
سلسبيل: وبطنى زمبها ايه اسكت أنت هو اعترف ده طلع عبيط
حمزه: ههههههههههههه ي بت بس خايفه علي بطنك كده ليه ده فى بلاد برة بيعملو تشك اب علي نفسهم شهريا
سلسبيل: إحنا فى بلاد جوة بلد البلهارسيا والجرب مالوش دعوة بيا أنا بقولكم اهو سمعين لأ وكمان هياخد دم لع لع كله إلا دمى وشقايا
خالد هى بتقول ايه دى مش بفهملها كلام
علي: ههههههههههههه ولا أنا
سلسبيل: مبسوط اظن سيادتك خالد اعمله تحاليل نكشف على قواه العقلية وجيناته يمكن يطلع لقيط ونرتاح منه
حمزه: ههههههههههههه : ههههههههههههه
خالد: ي مجانين
الفصل الثامن
الفصل الثامن★ اسرار القلوب ★ الجزء الثاني
خالد: اه يا مجانين بطلو كلام ويلا بينا خلونا نرتاح
سلسبيل: أنا هيالله عند طنط هناء وأنتم هتيلو مع نفسكم وعيشو تصبحو على خير .وذهبت إلي هناء
********************
إيمان: سندس ممكن اعرف مالك زعلانه ليه واضح أوى عليكى إنك زعلانه وشكلك متخانقه مع خالد
سندس: ببكاء خالد عايز يطلقنى بعد الصبر ده كله وبعده عنى عايز يسبنى أنا اترجيته كتير بس للأسف مردش عليا ولا حتى حاول يوقفنى وأنا محبتش ازل نفسي اكتر من كده الواضح أنه اتسرع ومكنش متأكد من قراره بارتباطه بيا
ايمان: مستحيل خالد يكون كده دى مشاعرة كانت واضحة جداً إنه بيحبك أوى بلاش تظلميه لازم تسمعيله الأول
سندس: للأسف حاولت ومردش عليا سكت خالص لأنه معندوش رد ليا وظلت تبكى
نرمين: دخلت الغرفه فرأت سندس تبكى فجلست بجوارها إيه مالك يا حببتى فيكى إيه ومين السبب فى الدموع دى
إيمان: للأسف خالد السبب فى دموعها الأستاذ عايز يطلقها
نرمين: ايييييييه مستحييييييل ده خالد بيحبها لأ لأ حب إيه ده عدي المرحله دى من زمان حتى كلمه العشق قليله أوى بالنسبه لمشاعرة نحيتك أنتى أكيد فهمتى غلط أكيد....
سندس: أنا هقوم أنام فى اوضتي ويريت محدش يعرف حاجه وخصوصا طنط هناء لما تخف وتبقي كويسه هنعرفها ونعرف الكل عن اذنكم
نرمين: إحنا هنسكت علي الكلام الفاضي ده دول ما صدقو اتجوزو لأ أنا مستحيل أسكت لازم نعمل حاجه علشان نرجعهم عن قرارهم ده
إيمان: معاكى حق فى حاجه غلط بس لازم نحكى لسولي هى الوحيده إلي هتعرف مالهم وكمان هتقدر تحط خطط وتصلح ما بينهم
نرمين:كلامك صح أول ما تيجى بكرة مع طنط هناء نكلمها وهى استاذه فى وضع الخطط
إيمان: ههههههههههههه والله بتوحشنى أوى غيابها عن البيت بيسيب فراغ كبير وابتسمت. مجنونه
نرمين: فعلا أنا بحبها وبحبكم كلكم ربنا يخليكم ليا ي رب
ونفضل كده قلوبنا على بعض وايد واحده
إيمان: ويخليكى لينا ي قلبي ويلا بقي ننام علشان نقوم بدرى ونستني طنط هناء تصبحي على خير
نرمين: وأنتى من أهله
***************
في صباح تانى يوم هناء: صباح الخير يا سولي
سلسبيل: صباح الفل والياسمين والورد على أجمل طنط هناء فى الدنيا
هناء: ي بت يا بكاشا تعالي سعدينى علشان اغير لبسي
سلسبيل: تامرينى ي قمر وسعدتها سلسبيل فى تغيير ملابسها وبعد أن انتهو طرق على الباب
سلسبيل: اتفضل
الممرضه: الدوا يا مدام هناء بس هتاخديه بعد الفطار والدكتور هيمر عليكى قبل الخروج وكمان ساعه هنعمل تحاليل واشاعه علشان نطمن قبل خروجك
هناء: تمام
حمزه وخالد وعلي : صباح الخير على القمر بتعنا
هناء: صباح الخير عليكم حبايبي معلش تعبتكم معايا
فاقترب منها خالد وقبل يدها واحتضنها ولم يبتعد عن حضنها وتحدث تعبك راحه ي ست الحبايب أنا لو قعدت عمرى كله تحت رجلك مش هوفيكى ي أمي
ي عمري انتى
سلسبيل: إلا حد فيكم يقولي إيه ماده الغرا إلي بتستعملها العيله دى ده حتى المتجوزين بيلزقو والادهي إن الواحد ياخد مراته ويروح الصحرا ولا الجونينه ويتلزقو إلا إيه النوع دهون اللزق الي بيتلزقو بيه أنا كمان نفسي أكون ملزوقه فى الفضاء الخارجي
خالد: تتلزقي إيه التعبير ده واشمعنى لزق يعنى
سلسبيل: أنا عرفه اهو كله بيحب يلزق في كله ومش مرعيين مشاعيري إلي مش بتتلزق المفروض يرحمونا والله قله الملزقه خطر عليا والنعمه مش كده ي طنط ي عسل أنتى بصراحه ملكيش في جو اللزق ده يا عاقله ي راسيا
علي: طيب خليكى ذيها عاقله وراسيا وبطلي جنانك ده ولزقك
سلسبيل: مالك أنت ومال ملزوقياتى أنا هتلزق قريب قول ي رب
هناء: ههههههههههههه . ههههههههههههه بس مش قادرة بطنى ههههههههههههه
نظر حمزه وخالد وعلي فراو سلسبيل وهى بتنط وتقول هش هش
حمزه: اصل طنط قالت كلمه السر بتاعه الاخ خالد والست مشلوحه لوحدها خلقه مش ناقصه هى خالص فبهش الكلمه أصله بيتحفز أوى لما بيسمعها
حمزه ههههههههههههه . ههههههههههههه لأ لأ ولا أنا قادر حد يسكتها
سلسبيل: والنبي ما أنت قايلها ونظرت لخالد متقلقش هو حمزه كده بيضحك لوحده ورقبته بتوجعه ليك فى الجزء العلوى ولا تخصصك واقف علي البطن
خالد: ههههههههههههه طيب يلا بينا يختى خلينا نعملك التحاليل والأشعة علشان اطمن عليكى
علي: ههههههههههههه. ههههههههههههه.ههههههههههه.
سلسبيل: وأنت بتضحك على إيه أنت كمان.....؟
علي: أصلك قولتى بطنى .. قولتى كلمه السر ي هبله
سلسبيل: بقولكم إيه متيجو نروح البيت طنط بقت فله اهى وبتوقعنى أنا في الكلام
حمزة: بس ي سولي يلا روحي اعملي تحاليلك والاشاعه خلينا نطمن
سلسبيل: اطمن الحمل كاذب ده انتفاخ. بسيط نتيجه بلع الأكل بدون مضغ أصلي مفجوعه
هناء:: ههههههههههههه. ههههههههههههه
لأ مش قادرة ي بت بطنى وجعتنى
سلسبيل: نظرت خلفها لأ كده كتير والله خد الست الوالده هى الي عماله تقول بطنى .... إلا نفسي افهم هو الحرامى كان مركز على وشك ليه طنط هناء هو شكله كان عجبه كنتى اديتيله صورتك.ده هو مشلفطك ولا ما تكون كانت مصارعه ثور ..الثور ده إحنا لازم نجيبه ونسلمه للاخ المشرحاتى وهو الله يرحمه طبعاً بس قانونى أنا هجيبهولك والنعمه بدل ما أنت عجباك بطنى هوريك صنف جديد
علي: ههههههههههههه ههههههه ولا أنا قادر بجد انتى فظيعه
حمزه نظر لخالد: وانفلتو من الضحك بس ي بت انتى إيه ده انتى حتى مش بتضحكى على كلامك بسسسس
سلسبيل: اضحك ازاى وليه والاخ ده واقفلي علي الكلمه ومركز على اعضائى إلا قولي يا خلودى هى اعضائى مميزة صح
خالد: ههههههههههههه اه مميزة وعجبانى عايز اجرب فيها أى حاجه
سلسبيل: بص أول واحد يدخل من الباب دهون تاخده وتحلله وافتح بطنه واتفرج وبلاش تقفلها خليها مفتوحه لتوحشك وعليه العوض ومنه العوض فى الي هيدخل
انفتح الباب ودخل عثمان صباح الخير فلم يجيبه احد لأنهم نظرو لبعضهم وانفجرو من الضحك ونظرو الي سلسبيل إيه رأيك نعمل ايه.....
سلسبيل: بترفع ا كتفها الاتنين خده نصيبه كده هيوحشنى خده الله يسهلك أم مشلوحه وأب ببطن مفتوحه هههههه يلا أنتم العيله الوحيده الي مش ملزقه
1
عثمان: كفايه تهريج ي سولي عملتى تحاليلك ولا لسه خلينا نروح
سلسبيل: بهمس يالهوى ده طلع زى ابنه يلا ي خالد ي رب نخلص من أم بطنى دى أنا هسيبهالك تتعلم فيها علشان يبقي ليا بصمه فى عالم الطب والاطباء أصل بطنى دى معجزة والنعمه
خالد: ههههههههههههه طيب يلا قدامى خلينا نخلص وارجع اطمن على ماما علشان نروح
سلسبيل: امشي أنت قدامى لتعجبك حاجه تانيه من اشيائي ما هى سيبا اصلها
علي: هيعجبه إيه ي هبله
سلسبيل: أنا عرفه ممكن تعجبه الكبده ولا الأمعاء ولا يمكن تعجبه المرارة أصله بقي مرار طافح
عثمان: بصريخ سلسبيل بطلي هزار خلينا نمشي اتفضلي يلا الله.......
خالد: بزعل فى إيه يا بابا هى سولي عملت إيه يعنى هى بتحاول تغير مود ماما وحضرتك زعلان ليه...
عثمان: علشان لسه والدتك هتعمل تحاليل واشاعه ومش عيزين عطله
خالد: الممرضه هتيجى وتاخد العينه منها هنا والاشاعه هما هياخدوها يعنى سولي مش معطله أى حاجه
سلسبيل: اخدت ايد خالد تعالى يا محظوظ خدلك سرنجه دم لأ والسيد الوالد جيي يكمل عليا مش قولنا إلي يدخل من الباب نجرب فيه خده اهو عليتكم تبقي كملت أمك وابوك خده صدقنى هو طويل وييجى منه أنا منفعكش فانفلت خالد فى الضحك
حمزة: إيه ي خالد هى بتقولك إيه ......
خالد: أنا مش قادر والله تعالو معايا أنا مش هقدر عليها لوحدى
علي: طيب يلا بينا ننزل سوا
سلسبيل: تعالو يلا كله بثوابه ونزلو جميعهم إلى المعمل
******************
عثمان: اقترب إلي هناء ونظر لها وتحدث إحنا هنروح دلوقتى ومش عايز منك أى كلمه او شكوى انتى فهمه وحسك عينك حد يعرف حاجه عن إلي حصل فهمه .....؟
هناء: نظرت له بدون رد ....
ودخلت الممرضه يلا يا مدام هناء هنعمل الاشاعه والتحاليل اتفضلي حضرتك على الكرسي وانا هساعدك
هناء: هزت راسها للممرضه ماشي تعالى امسكى ايدى
حمزه: يلا ي سولي ارفعي دراعك وشمريه علشان يسحبو العينه
سلسبيل: أرفع دراعي ولا اشمر حاجه واحده بس هعملها علشان المجهود وحش عليا وعلى إلي فى بطنى
الممرضه : لسولي حضرتك حامل .....؟
سلسبيل: انتى مركزة كده ليه هى نقصاكى مش كفايه إلي أنا فيه
علي: فهو يعلم مدى خوف سلسبيل من الحقن
خالد: لأ حمل إيه دى بتحب تهزر أصلها خايفه
الممرضه: بصي إذا حسيتى بالابرة يبقي ليكى حق يلا هاتى دراعك
سلسبيل: هو ايه الي لو حسيت أنا حساسه أصلا كلي محاسيس وكل محسوسه ومحسوسه أد كده وبعدين هى دى مش إبرة وههتدخليها فى عروقي وهتشفطى الدم إلي عندى كله هو ي ربي كل ما احوش دم ييجي الاخ ده وياخدهم
حمزة: يلا ي سولى علشان منتاخرش على طول طنط هناء يلا بقي
سلسبيل: بخوف بصو أنا مش هوريكم وشي خالص بس بلاش شفط دم ده أنا عندى انيميا ولين عظام وتيبس فى العضلات
خالد: ههههههههههههه طيب يلا علشان الأمراض دى كلها هنعمل تحاليل ويلا لخصي خلينا نروح
سلسبيل: اووووف اوووووف وجلست ....اهو قعدت هعمل ايه تانى
خالد: شمرى كمك يلا...
سلسبيل: عيب اشمر كمي جدو يزعل وكمان أنا محجبه
خالد: ييييييي خلصي
سلسبيل: لأ لأ بوراحه عليا ده حتى وحش علي الجنين وبعدين م تخلصى انتى واقفه كده ليه تعالي اشفطيلك شويه فجلس علي بجوارها وحدثها غمضى عنيكى ومتبصيش علي الابرة
سلسبيل: بدموع بجد خايفه اوى منها
علي: طيب بصيلي كده هقولك على حاجه مهمه جدا بس اوعى تقولي لحد
سلسبيل طيب انتى يا اخت استنى الراجل هيقولي على حاجه مهمه ومالك ماسكه دراعي وفرحانه كده انتى أول مرة تشوفي دراع
علي: غمز للممرضه ففهمت أنه بيحاول أنه يلفت انتبهاها ليه
علي: تعالى بقي واسمعي كويس بس اوعي تقولي لحد وبدأ يشتت تفكيرهالحد ما سحبت منها العينه
علي: يلافزى قومى صدعتينى
سلسبيل: إيه ده أنا خلصت هي هي هي
خالد: يلا هنعمل الاشاعه ونروح سلسبيل يلا بينا دة الموضوع طلع سهل وعملت الاشاعه وصعدو لاخد هناء والذهاب إلى المنزل
خالد: ماما حضرتك جاهزة
هناء: أه ي حبيبي يلا بينا وجاء عثمان أن يساعدها فرفض خالد بابا حضرتك ارتاح أنا هشيل ماما للكرسي وهنزلها لتحت
حمزة: أنا هسبقك وهجهز العربيه قدام المستشفي وأنت على مهلك يلا ي سولى انتى وعلي وهات يا عمى مفتاح عربيتك هجهزها قدام الباب
****************
الجد محمد: إيه مفيش أخبار عن هناء طلعو ولا لسه
اميمه: طلعو يا عمى وزمانهم على وصول
صالح:هو عثمان فين ......
اميمه: راح من بدرى المستشفى يجيب هناء
الجد محمد: لصالح رحت المركز عرفت أى حاجه عرفت مين اعتدى بالضرب على مراه اخوك
صالح: للأسف التحريات موصلتس لأى حاجه وخصوصا إن مفيش سرقه
الجد محمد: لا حول ولا قوه الا بالله معقول مراه ابنى توصل للموت وأنا معرفش مين الي عمل فيها ده ومين قدر يدخل بيتى وحاول ياذى بنتى ده كلام
صالح: لسه التحريات شغاله وإن شاءالله يوصلو للجانى
اميمه: إن شاء الله
إيمان: أحنا جهزنا كل حاجه وكل الأكل الي بتحبه طنط هناء
اميمه: ربنا يخليكم ليا ي رب واشوفكم متهنيين فى بيوتكم
الجد محمد: اللهم امين...
جمال: واقف امام بوابه المنزل منتظر حمزه وخالد فراي السيارات قادمه فوقف امامهم وذهب وتحدث مع حمزة فراي سندس وعلي ونظر للوراء للعربيه الاخري فراي عثمان أمام موقود السيارة وخالد بجوار امه فنزل لمستوى العربيه وتحدث الي حمزة بعد ما تريحو عيزك أنت وخالد تيجولي البيت الامر ضرورى
حمزه: حاضر ي عمي فابتعد جمال وتحركت السيارات للداخل فنظر له أخيه عثمان بنظرات احتقار فلاحظه خالد وهناء
خالد لنفسه ليه يا بابا تكون كده بقي الفلوس والنفوز أهم من عيلتك بتخسسر مين يا بابا للأسف أنت بتخسر نفسك قبل ما تخسر حد فينا الوحيد إلي عنده امل إنك ترجع إنسان كويس وعايز يرجعك لينا قعده بس انت للاسف عايز تخلص منه بس أنا إلي هتصدرلك كله إلا اخواتى هما دول السند الحقيقي بقلبهم الي زى الالماظ
هناء: وقد شعرت بشرود خالد فأمسكت يده يلا ي حبيبي إحنا وصلنا خلينا نروح ننزل
خالد: وقبل يد أمه ماما تحبي تروحي عند جدو رافت يمكن ترتاحي هناك اكتر......؟
هناء: لاء يا حبيبي أنا راحتى هنا معاكم ووسطكم يلا تعالى سندنى مش هقعد أنا فى الكرسي
خالد: لأ يا ماما هتقعدى وترتاحى مش عايز مجهود نهائي فاقتربت سلسبيل إيه يا طنط هى العربيه عجبتك يلا ي حببتى انزلي
خالد: اصلها مش عايزة تقعد فى الكرسي وعايزة تحمل على رجلها وده ممنوع نهائي
حمزه: خلاص ي حببتى أنا هشيلك وبلاش الكرسي
علي: لأ أنا إلي هشيلها دى حبيبه قلبي اوعو وسعو
خالد: أنا إلي هشيلها منك له
سلسبيل: هار ابيض منا واقفه اهو حد يشيل أنا مش همانع ..كله لطنط هناء ده حتى الجبس هياخد مساحه ووزن الله يسهلك ي طنط طيب هقعد أنا على الكرسي وانتم شيلو الست المشلوحه إلا خالو راح فين
عثمان: أنا واقف اهو يا سولي مستنى لما اشوف هنفضل لحد امتى واقفين كده
خالد: اتفضل حضرتك ادخل أنا مش تعبان ولا زهقان الي هيريح امى هعمله
هناء: خلاص هات الكرسي ....
سلسبيل: الكرسي اهو بس أنا إلي هسوق...
حمزه: ههههههههههههه ي بت ادخلي انتى متعبتيش
سلسبيل: تعبت منكم وعايزة اتغذي بعد شفط الدم ده كله وعايزة سوايل كتير وعصير وفاكهه
علي: ليه إن شاء الله عمله عمليه ده يدوب سرنجه دم ٥سم كنتى هتعملي إيه لو اخدو كيس دم
سلسبيل: كيس دم ليه هى سويقا قال كيس قال امشي ي عم ودخلو جميعهم ورحب بهم الجميع وخصوصا هناء
عثمان: طيب أنا هاخد هناء لفوق علشان ترتاح وابقو طلعو الأكل فوق
خالد: لاء ماما هتفضل هنا فى الدور الاول جنبي علشان الدوا وهسهر جمبها لأن المسكنات هتقل
الجد محمد: خلاص ي عثمان خالد كلامه صح وطلوع السلم ونزوله تعب عليها
عثمان: طيب انا هبات معاها هنا تحت هطلع اغير وانزل
خالد: خليك مرتاح فوق ماما النهارده مش هتنام من الألم تاثير المسكنات هيروح وهتتعب ووجودك مش هيخلينى. أعرف أعالج ماما
عثمان: بص لخالد وتعجب بأنه عايز يبعده عن هناء وزى ما يكون بيحميها هى قالت لابنها حاجه معقول ده يبقي اخر يوم ليها هى عايزة تبعد العيال عنى ونظر لهناء الجالسه وسط الجميع وهى سعيده ولكنه توعد لها ........
******
****************
تكملة الرواية من هناااااااا
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله الجزء الاول من هناااااااااا
الرواية كامله الجزء الثاني من هناااااااااا
مجمع الروايات الكامله اضغط هناااااااا
مجمع الروايات الكاملة 2 اضغط هنااااااا
 الفصل السابع والثامن بقلم رانيا قنديل رواية اسرار القلوب( الجزء الثاني) الفصل السابع والثامن بقلم ر…){kind=link}
تعليقات
إرسال تعليق