رواية انكسار امرأة الفصل الاول والثاني والثالث والرابع والخامس بقلم محمد منصور حصريه
رواية انكسار امرأة الفصل الاول والثاني والثالث والرابع والخامس بقلم محمد منصور حصريه
ح(1)
سنة 2000. ومع دقات الساعة 7 م. ومن جوة اوضة الدكتورة ضحي في مستشفي خاص كانت ضحي قاعدة
وماسكة الموبيل بتاعها و بتكلم جوزها رؤوف وكانت بتقول له
والله انت ما تعرفش انت واحشني قد اية. يارب ترجع بقي من السفر
رؤوف
ارجع ازاي بس دة انا ورايا شغل متلتل هنا في امريكا و بخلص صفقات كتير مع اخونا بتوع اللحوم المجمدة والمعلبات
ضحي
ما انا اكتر من مرة اقول لك مش لازم انت تسافر انت عندك سلسلة مطاعم وفي كل مطعم تلاته مديرين يسدوا عين الشمس اي حد منهم يقدر يسافر ويخلص الشغل دة
رؤوف
ضحي احنا بدنا سلسلة المطاعم دي سوي بعربية بتبيع سندوتشات قصاد جامعة القاهرة . تفتكري اني هأمن لاي حد يكمل اللي انا وانتي تعبنا في واخلي هو اللي يسافر يجيب لي البضاعة اللي مخلينا نمره واحد في السوق
ضحي
وفي ايه اكيد موجود عندك اللي يعمل كدة وبنفس الكفاءة اللي انت بتخلص بيها المشاوير دي
رؤوف
ما حدش يعرف يعمل اللي انا بعمله. دة انا رؤوف عزيز. ملك الاكل في مصر. المهم قولي بقي انتي بتعملي اية دلوقتي
ارتبتك ضحي وقالت
قاعدة في اوضي بقراءة رواية
رؤوف
يا دي الرويات.
ضحي
ما انت علي طول سايبني اروح فين بس
رؤوف
الشغل يا ضحي غصب عني.
ضحي
الله يعينك.
رؤوف
اومال فين البنات
ضحي
فاتن بتذاكر وليلي اتعشت ونامت
رؤوف
نوم الهنا
وهنا يظهر علي شاشة رؤوف اسم جميلة تتصل بي بص للشاشة وقال ل ضحي
طيب اقفلي انتي دلوقتي علشان جت لي مكالمة شغل وشوية وهتصل بيكي
وفعلا قفل رؤوف ورد علي جميلة واول ما فتح الخط سمعها بتصرخ وبتقول
الحقني يا رؤوف، ،،،،،،،
ومن جوة مستشفي كان رؤوف واقف مع ممرضة و بيقول لها وهو بيديها 400ج.
خدي دول وابقي طمنيني عليها اول ب اول اصل دي اول ولادة ليها وانتي ما تعرفيش انا خايف عليه ازاي
الممرضة وهي بتحط الفلوس في جيب البلطو
ما تخفش دي هتولدها احسن دكتورة عندنا
رؤوف
طيب انا هخرج اشحن باقة الموبيل واقعد علي القهوة شوية و هرجع لك تاني اصلي ماليش في جو المستشفيات دة وبخاف منها
و فعلا خرج رؤوف وضحي هي اللي ولدت جميلة وجابت جميلة ولد وكان زي القمر وخرجت ضحي من كشك الولادة ووقفت علي باب الكشك وكانت بتكلم الممرضات اللي معها و بتطلب منهم رعاية الطفل والام جميلة وسمعت صوت رؤوف جاي من وراها وكان بيقول
انا في ممرضة شاورت عليكي وقالت انك انتي اللي بتولدي مراتي. ياتري هي ولدت ولا لسة
اتصدمت ضحي اللي البلطو كان مغيرها لدرجة ان رؤوف ما عرفهاش من ظهرها وبدات ضحي تلف وشها وهي بتقول يارب اكون غلط وبصت له وهو اتصدم وبرق ومباقش عارف يقول اية
طيب بالراحة كدة وعلشان تعرفو اية اصل الحكاية واية اللي وصلنا للمشهد دة تعالو احكي لكم الحكاية من الاول حكاية
انكسار امراة
مستوحاة من احداث حقيقية
الحلقة الاولي
من تأليفي
محمد منصور **منص**
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
احنا دلوقتي سنة 1988. وضحي في خامسة كلية طب قسم نساء وتوليد يعني فاضل لها سنتين وتبقي دكتورة وكانت ضحي بنت بسيطة جدا شاطرة متفوقة ديما من الاوائل بنت كدة تتمناها اي عيلة. ضحي بنت موظف في الجيش شغال في مكتب من المكاتب الادارية كان معيشها عيشة زي الفل مش مخليها محتاجة حاجة. وكان مدلع ضحي ما هي بنته الوحيدة والام ميته كان الاب اللي اسمه صابر عايش هو وضحي في شقة كبيرة خمس اوض وصاله. والدنيا كانت بينهم زبادي خلاط. لغاية ما الحب دق ابواب قلب ضحي. مع انها قافلة الباب كويس لكن هو الحب بيستاذن علشان يدخل القلب ودة حصل لما شافت رؤوف الوسيم الرياضي واقف قصاد طالب مفتري اسمه خيري كان ضرب زميلة من يوم فات اللي اسمها رشا ورؤوف وقتها كل خيري حتة علقة من وقتها حست كدة انه راجل. وما كنتش تعرف اسمه لكنه من النوع اللي هي بتحبة بطل كدة زي اللي بتقراء عنه في الرويات وبمجرد من امن الكلية جه ومسك الاثنين. راحت ضحي المكتبة لصاحبتها الوحيدة وقتها واسمها الهام وكانت الهام بتقراء في كتاب يخص الطب ومندمجة علي الاخر ومركزة وما خرجتهاش من الحالة دي الا صوت ضحي اللي بتقول
انتي قاعدة هنا وشجيع السيما برة مكسر الكلية فوق دماغ الواد الرخم خيري
نزلت الهام نظارة القراءة شوية لتحت وقالت وهي بتبص لها
وانا مالي.
ضحي
مالك ازاي بس هو مش انتي معانا في الكلية
الهام رجعت بصت في الكتاب تاني وقالت
واية المطلوب مني اقوم ألم اللي كسروا شجيع السيما
ضحي
وربنا انتي رخمة وانا غلطانة اني بكلمك
الهام
صلحي غلطك وبطلي تكلميني خليني اكمل قراية
ضحي ضربتها في كتفها وقالت
خلي القراية تنفعك انا قايمة ومش هحكي لك عنه
هنا قفلت الهام الكتاب وقالت باهتمام
عنه.
ضحي حست انها عكت فقالت
انا ما قولتش عنه. انا قولت عنها واقصد ب عنها دي الخناقة طبعا
الهام
دكتورة ضحي بتعرف تكدب طيب ازاي
وقلعت نظارة القراءة وقالت بلهجة فتاة قاتلها الفضول
خشي في قلب الحكاية وقولي تقصدي مني ب عنه دي
كانت ضحي عايزا تحكي ما هي ما رحتش ل الهام علشان تسكت او علشان تحكي لها عن الخناقة وفعلا حكت ضحي وقالت
انتي عارفه اني احب البطل في الرواية كدة يكون راجل يكسر و يدغدغ طالما علي حق والكل بيخاف منه اصله مش سهل. واد كدة رشدي اباظة في نفسه او احمد رمزي في شقاوته كدة يعني
الهام
هه انجزي عارفة انا دة كله وعارفة انك ميلولك تتجوزي بلطجي. انا مش عارفة انتي دكتورة ازاي. المهم فين الجديد
ضحي
الجديد بقي اني شوفت بطل رواياتي برة بياكل خيري حتة علقة
الهام
خيري دة اللي كان مصاحب رشا
ضحي
هو دة
الهام
واسمه اية بقي اللي عمل كدة
ضحي
ما عرفش لاني اول مرة اشوفه في الكلية
الهام
يعني مش طالب معانا
ضحي
مش طالب معانا ازاي ودخل لغاية المدرج من برة
الهام
طيب ازاي طالب معانا وانتي ما تعرفهوش
ضحي
هو انا يعني اعرف كل اللي معانا
وسكتت ضحي فقالت لها الهام
خلاص كدة خلصتي يلا بقي اتاكلي علي الله خليني اكمل قراية
وفتحت الهام الكتاب تاني مع صوت ضحي اللي كانت بتقول
طيب مش هتساعديني
الهام وهي بتبص للكتاب
اساعدك في اية
ضحي
تعرفي لي مين دة
الهام بصت لها وهي بتخبط علي الكتاب بايديها.
هو انا يا بنتي مباحث. دة انا طالبة علي باب الله اعرف لك ازاي مين دة وانا ما شفتهوش وانتي اللي شوفتي بتقولي انك اول مرة تشوفي في الكلية
ضحي
ودة سؤال برضو. انتي زي الشطورة هتروحي ل رشا وتعرفي مين دة بطريقتك
الهام
طيب ما تروحي انتي هي رشا غريبة عليكي
ضحي
الهام انتي اقرب ل رشا مني وتعرفيها قبل انا ما اعرفها. واللي انتي هتعملي دة هيكون قصاد منه 1/2 فرخة مشوية وانا عرفاكي بقي قصاد الفراخ
الهام بلعت ريقها واتخيلت طعم الفرخة في بوقها وقررت تروح ل رشا، ،،،،،،،،
وفعلا وقت ما كانت رشا واقفة مع كام واحدة من زمايلها تظهر الهام وتقف قدام منهم وتقول
رشا حبيبتي طمئنيني عليكي اية اللي حصل
رشا
ما تخافيش عليه انا بخير وعرفت اخد حقي من خيري والبركة في رؤوف ابن عمتي
الهام
رؤوف دة الواد الجامد اللي كسر دماغ خيري
رشا
هو
الهام
الله عليكي و بالراحة بقي عليه واحكي يطلع اية رؤوف دة، ،،،،،،،،
وبعد الكلية تقعد الهام في مطعم وضحي قدام منها بتقول ب لهفة
انطقي بقي عرفتي اية نشفتي ريقي
الهام
اخد النص فرخة في حضني الاول وبعد كدة اقول
ضحي
ما انا طلبت هنفضل قاعدين كدة ل غاية الاوردر ما يجهز. قولي اللي عندك مش قادرة استني
الهام
طيب اهدي مالك كدة
ضحي عدلت نفسها وقالت
مالي وعايزا تحكي احكي مش عايزا بلاش
الهام
طيب بس بس انتي هتعيطي. هاحكي لك. اللي عرفته. اسمه رؤوف. صعيدي بس اتولد في القاهرة وعايش هو واهلة هنا في القاهرة في نفس المنطقة اللي عايشة فيها رشا ويبقي ابن عمه رشا وهو خريج كلية تجارة.
وسكتت الهام لان الاكل كان بينزل علي التربيزة وقالت ضحي
ما تكملي سكتي لية
الهام وهي بتبص للفراخ
الكوكو لي احترامه وما ينفعش اتكلم والكوكو قدام مني
ومسكت ورك الفرخة وبدات تاكل،،،،،،،
وعدي اسبوع من وقت اللي حصل دة وكل شوية ضحي تبص ودور بعيونها علي رؤوف يمكن يجي تاني الكلية
ل رشا. والهام ملاحظة حالة صاحبتها فقالت لها
جري لك اية بقيتي عاملة زي اللي ندهت عليها النداهة
ضحي
ما عرفش اوصلها لك ازاي بس بجد نفسي اشوفه
الهام
نعم يا ختي
ضحي
اشوفه
الهام
انت اتهبلتي صح
ضحي
ما عرفش بس كل اللي اعرفه اني عايزا اشوفه تاني
الهام
ودي بقي نعملها ازاي
ضحي
نضايق رشا وتجيب اللي يضربنا
الهام ضحكت وقالت
انتي عبيطة صح
ضحي
لا. مجنونه
الهام
طيب يا ستي المجنونه انتي ناسية ان امن الكلية مستحيل يسمح بان رؤوف يدخل الكلية تاني
ضحي
ما هو اللي هيرخم علي رشا هيكون من برة الكلية
الهام
بلاش يا ضحي اللي ناوية تعملي دة.
ضحي
هيحصل اية يعني الشاب اللي هتفق معه هيجي له رؤوف يدي له قلمين مع شلوطين زي ما عمل ما خيري و بعدها هدخل انا و احوش ما بينهم. و اتعرف عليه
الهام
انا اول مرة اشوف واحدة تتعرف علي واحد بالطريقة المجنونه دي
ضحي
انا بتاعت الجديد وانتي عارفة بقي القصص اللي بقرها كتير خليت الخيال عندي مافيش زية. بس بطل روياتي يكون ليا
الهام
دة اللي هو رؤوف
ضحي بصت لها وسكتت سكوت معني هو دة ، ،،،،،،
وفعلا ضحي اتفقت مع الشاب اللي بيقف في الكشك اللي جنب الكلية علي انه كل يوم و رشا خارجة من الكلية يرخم عليها وفي المقابل هتدي له 100.ج. كان رقم كبير وقتها وافق الشاب اللي كان اسمه عربي وبدا ينفذ الخطة باتقان شديد لغاية وكانت كل يوم ضحي تراقب رشا وهي خارجة علشان لما رؤوف يجي تعرف وفعلا رشا في يوم جابت اخرها وبلغت رؤوف باللي بيحصل وجه رؤوف وبدا يلطش في الشاب وهنا قالت الهام ل ضحي
الله يخرب بيت فكرتك عربي هيموت في ايد رؤوف
ضحي
لازم نتحرك دلوقتي ونحوشهم
وقبل ما توصل ضحي ليهم شافت رؤوف بيشيل عربي ويرمي علي الرصيف نزل عربي علي سن الرصيف ودماغه بدات تجيب دم وكان قاطع النفس برقت ضحي وبصت ل الهام اللي ماكنتش مستوعبة اللي حصل ،،،،،،،،،،
خلاويص النهاردة ولو في العمر بقيا هكمل لكم الحكاية ديا سلام عليكم
ح(2)
انكسار امراة
من تأليفي
محمد منصور **منص**
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
ضحي شافت عربي الشاب اللي واقف في السوبر ماركت فاقد الوعي والدم نازل من دماغة جريت بسرعة ناحيتة وحاولت توقف نزيف الدم وهي بتقول
اسعاف بسرعة
وفي الوقت دة شافت رؤوف وهو بيجري و خايف من اللي حصل و رشا جريت وراء منه. وضحي بتبص لهم ورجعت تاني تشوف نبض عربي وتصرخ في اللي واقفين يتفرجوا وقالت
اسعاف، ،،،،،،،
ومن قدام المستشفي تقف ضحي وجنب منها الهام قصاد كشك وكانت ضحي بتتكلم في التيلفون الارضي مع والدها صابر وبتقول
ايوة يا بابا انا هتاخر شوية النهاردة علشان رايحة مع الهام مشوار
صوت صابر
مشوار اية
ضحي
الهام هتشتري هدوم وانا هكون معاها
صابر
هتتاخري
ضحي
قبل الساعة 9. باذن الله هكون في البيت
صابر
طيب خلي بالك من نفسك
وقفلت ضحي والهام بصت لها وهي مرعوبه وبتقول
يا جبروتك يا شيخة قادرة تتكلمي وتكذبي ولا كانك قاتلة قتيل
ضحي
الهام انا اعصابي بايظة ومش مستحملة وبالله عليكي كفاية اللي انا في لان فعلا عربي دة لو مات انا يبقي مستقبلي ضاع
الهام
مش انتي صاحبة الفكرة المتخلفة دي نفعك في اية بقي رؤوف اهو اقتله وهرب
ضحي بعصبية
الهام ورحمة امك كفاية. وبعدين عربي لسة عايش ما ممتش كفاية بقي وتعالي ندخل المستشفي نشوف حالته وصلت ل اية
الهام
انا كان مالي بس ومالك ما انا كنت في حالي،،،،،،،
ومن جوة المستشفي تقف ضحي مع الهام قصاد الدكتور المعالج ل عربي وكان الدكتور بيقول
احمدوا ربنا ان الخبطة جت بعيد عن المراكز الحساسة في المخ.
ضحي
ومافيش اي احتمال ان يكون في نزيف داخلي مثلا
الدكتور
لغاية دلوقتي ما فيش اي اعراض لوجود نزيف داخلي لكن هو تحت الاختبار وهنشوف خلال 48 ساعة حالته هتوصل ل فين
الهام
ان شاء الله خير. طيب يا دكتور احنا هنمشي دلوقتي وهنبقي نفوت عليه بكرة
الدكتور
مش هينفع لاني طلبت البوليس وهو جاي في السكة
اتصدمو الاثنين وقالت الهام
بوليس لية بس
الدكتور
لازم محضر دة واحد جاي لي دماغه مفتوحة بسبب مشاجرة كان لازم ابلغ علشان ارفع عني المسئولية
ضحي
طيب واحنا نستني لية. هو احنا اللي عورنا
الدكتور
انتم اللي جبتو هنا وانتم اللي تعرفو مين اللي عمل في كدة
ضحي
لا ما نعرفش
الدكتور
ازاي وانتم اول ما دخلتو حكيتو لي الخناقة اللي اتصاب فيها الاصابة دي
الهام
يا دكتور ما فضلك قدر اننا بنتين ومش هينفع نقف قصاد ظابط ونحضر تحقيقات واحنا كل ذنبنا اننا لقينا واحد واقع علي الارض غرقان في دمه وجيبنا يتعالج. من فضلك احنا لو اتاخرنا علي اهالينا هتبقي فيها مشكلة
الدكتور
دي مسئولية كبيرة عليه
ضحي
اللي يسال حضرتك ممكن تقول له ان اللي جابو سابو ومشيوا وانت ما تعرفش مين هما.
الدكتور
وبيانات حضرتك اللي في كشف الاستقبال انتي ناسية ان موظف الاستقبال خد اسمك وعنوانك من بطاقة الشخصية قبل استلام الحاله
ضحي
بلاش الشرطة تعرف شئ عني طالما الحكاية ممكن تخلص من غير شوشرة
الدكتور فكر للحظات وقال
طيب علشان خاطر انكم بنتين انا هتحمل المسئولية وربنا يسترها
الهام فرحت وقالت
يعني نقدر نمشي
الدكتور
اة.
ومشيو الاثنين وكانو فاكرين انها خلصت كدة لكنهم ما يعرفوش انها لسة بتبدتي، ،،،،،
ومن جوة شقة صابر ووقت ما كان صابر قاعد بيتفرج علي التيلفزيون يتفتح باب الشقة وتدخل ضحي بص لها وبص في ساعته لقاها لسة 6. فقال باستغراب
الله غريبة يعني رجعتي بسرعة انتي ما روحتيش مع الهام تيجبوا هدوم
ضحي كانت ناسية الحوار دة فقالت
هدوم اية
صابر
هدوم اية. هو مش انتي اتصلتي بيا قبل العصر وقولتي انك رايح،،،،،،
افتكرت ضحي وقالت
اة اة. كنا رايحين لكننا ما روحناش
شك صابر في امر بنته لكن ضحي قالت وهي رايحة ناحية اوضتها
هغير واسخن الاكل تلاقيك جعان
وسابته ودخلت الاوضة وهو قال بصوت ما يسمعهوش غيرة
لا قلقان. مخبيئة اية يا ضحي.،،،،،،
وبعد نص الليل بدقائق معدودة يصحي صابر علي صوت رن جرس الباب اتصدم وبص في ساعة المنبة وقال
ودة مين اللي جاي في الساعة المتاخرة دي
وضحي صحيت ووقفت وراء باب اوضتها علشان تعرف مين اللي جاي في ساعة زي دي وفتح صابر الباب ولقي مخبر واثنين عساكر استغرب وقال صابر
في اية
المخبر
فين ضحي صابر النهر
صابر
انا صابر النهر وضحي تبقي بنتي خير هي عملت اية دي دكتورة وفي حالها وملهاش دعوي باي نشاط سياسي وانا ابوها موظف في الجيش في مكتب الاحصاء و ،،،،،،
المخبر قاطعة وقال
استاذ صابر انا عايزك تهدئة خالص واحنا مش من امن الدولة احنا دخلية وبنت حضرتك مطلوبة في القسم علشان في واحد اسمة عربي تم الاعتداء عليه بسببها
صابر وهو مصدوم
بتقول اية ،،،،،،،
ومن جوة القسم تقف ضحي قصاد مكتب الظابط ومعها صابر اللي ما كنش عايز يبص في عينيها وهي عماله تعيط وتمسح دموعها في منديل وتقول ل نفسها
اية اللي انا عملته في نفسي دة. انا غبية ومتخلفة ذنبه اية بابا يتحط في موقف زفت زي دة. اما احاول اكلمة تاني يمكن يرد عليه مع انه مش عايز يكلمني من ساعة ما خرجنا مع المخبر والعساكر
وراحت وقفت قدام منه وقالت
بابا.
من غير ما يبص لها قال بحدة
ارجعي اقفي مكانك وبلاش تفرجي الناس علينا وانا اللي استاهل اني دلعتك
ضحي
والله انا اسفة بس انت فاهم غلط
ما ردتش عليها وهنا العسكري وقف قدام منهم وقال ل ضحي
تقدري تدخلي حضرة الظابط عايزك
صابر بص للعسكري وقال
انا ابوها ممكن ادخل معها
العسكري بتهكم
تدخل معاها فين هي داخلة شئون الطلبة خليك قاعد هنا لغاية ما الظابط يطلبك
صابر بحدة
انت بتتريق علي كلامي لية كدة انا موظف في الجيش وليا وضعي واسمي ودي البطاقة بتاعتي وبنتي طالبة في كلية طب مش واحدة بصمجية
وحط البطاقة في وش العسكري اللي كش شوية وقال
انا ما قصدش اضايقك وخليني استاذن حضرة الظابط ولو سمح بدخولك انا مش هقدر اقول لا،،،،،،
ومن جوة مكتب الظابط وبعد موافقته علي دخول ضحي وابوها صابر كان الظابط بيقول
انسة ضحي ممكن اعرف انتي لية طلبتي من عربي انه يرخم علي زميلتك رشا وبالبلدي كدة يتحرش بيها لفظية دة علي حسب كلام عربي لينا في محضر رسمي قدمه ضدك وقال كمان ان الخناقة بينه وبين الشاب اللي جابته رشا كان ل السبب دة
بص لها صابر وضحي ساكتة مش عارفة تقول اية. ف الظابط قال
السكوت دة مش في مصلحتك حاولي تساعدي نفسك و اتكلمي
ضحي
اصل،،،،،
وسكتت تاني وصابر لسة باصص لها مستنيها تتكلم الظابط بحدة
انا ما عنديش وقت اضيعة ومش قضيتك بس اللي تحت ايدي. ف من فضلك جاوبي علي السؤال
ضحي بارتباك
اصلها خدت مني فلوس وما رجعتهاش وانا كنت عايزا عربي يرخم عليها لغاية ما ترجع لي اللي خدته مني
صابر لسة باصص لها وضحي كان باين عليها انها بتكذب فقال صابر للظابط
حضرة الظابط بنتي طالبة في خمسة طب واي شوشرا حوالين منها هيقصر علي مستقبلها ف من فضلك شوف نقدر نحل المشكلة دي ازاي من غير وش
الظابط
ملهاش غير حل واحد المحضر يتقفل ب ان اللي اسمه عربي يتراضا ونجيب اللي عمل في كدة. وهو وصف لنا الشاب دة و قدرنا رسامنا في القسم هنا يرسم صورة لي وطلع عيل سوابق اسمه رؤوف عزيز. مسجل سرقة بالاكراة وبلطجة واللي يعرف له طريق بياجروا بالفلوس علشان يضرب ويعلم علي اللي مضايقهم و واضح ان اللي اسمها رشا دي تعرفه ودفعت له علشان يروح يضرب عربي
ضحي اتصدمت وقلبها رفض يصدق اللي سمعه. و الظابط مكمل وبيقول
بس هنجيية و وقتها هنحتاج شهادة الانسة ضحي لانها كانت موجودة وقت الخناقة. وبالنسبة ل عربي. دة عيل غلبان ابقو راضون ب قرشين وهو يتنازل عن محضرة ضد الانسة ضحي،،،
وفعلا عربي يتنازل عن المحضر و بعدها ب تلت يوم ومن جوة شقة صابر ضحي حضرت الاكل و حضته علي السفرة
و راحت خبطت علي باب اوضة صابر وقالت له
بابا الاكل جاهز
صوت صابر من وراء الباب وكان بيقول ب صعوبه
كلي وانا كمان شوية ها كل
ضحي
بابا بقالك تلت ايام بتاكل لوحدك. بجد انا اسفة ومش قادرة اعيش وانت زعلان مني
صابر
روحي كلي يا ضحي
ضحي
مش هاكل من غيرك
وخبطت تاني علي الباب وصابر ما ردتش وهنا تسمع ضحي صوت خبط علي باب الشقة بصت ل باب الشقة وراحت تفتح علشان تلاقي رشا واقفة قدام منها. استغربت وقالت
رشا
رشا
عربي خد 100 ج. وعرفني انك سلطي عليه. علشان كدة انا جاية اعلمك الادب واعرفك ازاي تسلطي شاب يرخم عليه
ويظهر رؤوف وراء رشا ويقول
ما بحبش اكسر عضم النسوان فين اللي أنيكي علشان اربي واعرفه ازاي يربيكي
برقت ضحي لما شافت رؤوف واتصدمت من اللي سمعته وهو زقها ودخل الشقة ووراء منه رشا وقفلت رشا الباب و كان رؤوف ناوي علي الشر، ،،،،،،،
خلاويص النهاردة ولو في العمر بقيا هكمل لكم الحكاية ديا سلام عليكم
ح(3)
انكسار امراة
من تأليفي
محمد منصور **منص**
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
رشا. وهي واقفة قدام باب شقة صابر قالت
عربي خد 100 ج. وعرفني انك سلطي عليه. علشان كدة انا جاية اعلمك الادب واعرفك ازاي تسلطي شاب يرخم عليه
ويظهر رؤوف وراء رشا ويقول
ما بحبش اكسر عضم النسوان فين اللي أنيكي علشان اربي واعرفه ازاي يربيكي
برقت ضحي لما شافت رؤوف واتصدمت من اللي سمعته وهو زقها ودخل الشقة ووراء منه رشا وقفلت رشا الباب و كان رؤوف ناوي علي الشر
ولسة هتصرخ ضحي برق لها رؤوف وقال
عارف انك بتفكري تصرخي طيب جربي كدة وانا هخلص عليكي قبل الدكر اللي بيربيكي
وبعدها بص ل كل ركن في الشقة وقال
الا هو فين الدكر المفروض انه سامع صوتي هيفضل مستخبئ كدة زي المراة
ورجع يبص ل ضحي اللي لسة مش مصدقة كل اللي بيحصل وهو بيقول
وما تقوليش انه مش هنا علشان احنا سالنا البواب وقال انه ما نزلش النهاردة
ضحي كل دة باصة لة وساكتة وهو بيقول
ما تنطقي هو فين
رشا
ما تقولي. يا دكتورة فين ابوكي وبلاش تخلي رؤوف يتعصب حاكم دة بيبقي غبي وهو متعصب
ضحي
رشا انا بجد اسفة ممكن تاخدي اللي انتي جايبا دة وتنزلي دلوقتي بلاش بابا يشوف منظر زي دة
وعيطت ضحي و الدموع خلت لون عيونها العسلي يبانو وكانهم قطرات من الندي نازلين علي ازاز مكسور حس رؤوف بكسرتها وهي بتقول
ابوس ايدك ورجلك بابا ملهوش دعوي بكل اللي حصل غبائي كان هو السبب وانا اسفة ليكم كمان مرة. انا مش عايزا فضايح ل بابا وسط العمارة احنا عيشنا هنا سنين كتير ما حدش سمع لنا صوت
وفي الوقت دة يسمعو صوت هبد علي الارض والصوت جاي من الاوضة اللي فيها صابر جريت ضحي ناحية الاوضة وفضلت تخبط علي الباب بقلق شديد وهي بتقول
بابا انت بخير بابا رد عليه
وما ردتش صابر فتحت ضحي باب الاوضة علشان تشوف صابر واقع علي الارض وفي دم يخرج من بوقة ومناخيرة جريت عليه ضحي وبدات تقيس له النبض ورشا مسكت ايد رؤوف وهي خايفة وقالت
يلا نمشي من هنا الراجل بين عليه مات
ارتبك رؤوف لكنه شاف ضحي وهي بتحاول تشيلة تعدلة لكنها ما كانتش قادرة ف راح ناحيتها وقال
سيبيني اساعدك
ضحي بصت له وهو بيشيل صابر وبيحطة علي السرير بمنتهي الشهامة والطيية صفات مستحيل تكون في بلطجي. وضحي بدات تكشف علي صابر ورؤوف قال
ان شاء الله هيبقي كويس
ضحي بصت له وما ردتش ورجعت تبص ل والدها وكانت بتكشف عليها ودموعها بتنزل فوق منه وبعدها قالت
لازم يتنقل للمستشفي حالا.
رشا فضلت تتفرج علي اللي بيحصل بلامبالاة وضحي عماله تمسح الدم اللي بينزل من بوق ومناخير والدها وكانت بتقول
شكلها اعراض جلطة. بس الحمد لله ان حصل نزيف دة يقلل من خطرها. انا هطلب الاسعاف
رؤوف شال صابر وقال
الاسعاف عقبال ما تيجي يكون راح مننا.
وبص ل ضحي وقال
اقرب مستشفي بينا وبينها قد اية
ضحي بقلق شديد
حوالي 1/4 ساعة
خرج رؤوف من الاوضة وهو شايل صابر وكان بيقول
يلا بينا علي هناك،،،،،،،،
ومن المستشفي وبعدها ب 3 ساعات الهام توصل المستشفي المحجوز فيها صابر و اتصدمت لما شافت رؤوف مع رشا قاعدين جنب بعض وضحي قاعدة في جنب لوحدها. خافت الهام ورجعت قبل ما حد يشوفهم ووقفت وراء احدي الحوائط مستخبيئة وقالت ل. نفسها
اية اللي جاب رشا و رؤوف هنا دول اكيد عايزين الشر ل ضحي. طيب والعمل. ما فيش غير اني اتصل ب البوليس يجي يحمي ضحي و باباها
وفعلا خرجت جري وراحت ل كابينة من الكبائن اللي كانت موجودة في الوقت دة للاتصال عن طريق وضع العملة الفضية فيها. وفعلا اتصلت بالشرطة ورد عليها الموظف اللي بيستقبل المكالمات وقالت
الحقونا يا بوليس رؤوف البلطجي هنا في مستشفي وحاسة انه جاي يأذي صاحبتي ضحي
وقالت اسم وعنوان المستشفي والموظف طلب منهم تكون جنب صاحبتها وما تخليش رؤوف يحس بانها بلغت وفي قوة من اقرب قسم هتتحرك للمستشفي وفعلا سمعت الكلام ورجعت تاني للمستشفي و سلمت علي رشا وسلمت علي رؤوف وبعدها راحت قعدت جنب ضحي وسلمت عليها وضحي مستغربه قالت
انتي عرفتي ازاي اننا هنا
الهام
ما فضلت اتصل بيكي من كام ساعة جرس وما حدش بيرد قلقت عليكي روحت لك العمارة عم حسن البواب قالي اللي حصل قولت اكيد هتجيبي وتيجي علي اقرب مستشفي و دي اقرب مستشفي و جيت وسالت عرفوني انك عند الرعاية المركزة. اية اللي حصل واية اللي جاب رشا
و البلطجي رؤوف دة
ضحي باستهزاء
كانو جائيين يكسروا عضمي. ويضربوا بابا
الهام
اية دة. اما مجرمين صحيح
ضحي
اة والله زي ما بقول لك كدة. لكنهم لقو بابا واقع علي الارض سايح في دمه رؤوف شاله لغاية هنا
و مارضاش يسيبني لغاية ما يطمئن عليه و رشا لما لقيته مصمم يقعد معايا قعدت هي كمان
الهام حست ان دماغها حصل فيها خلل وبصت لهم من تحت ل تحت وقالت
اية اللي هو ازاي. دول كانو جايين يمسحوا بكرامتك الارض فجاء قاعدين يطمئنوا علي باباكي
ضحي
انا ما عنديش اي تفسير غير ان رؤوف دة مش بلطجي لان ما فيش بلطجي يعمل كدة. رؤوف دة وراء سر لان دة مش شكل بلطجي ولا دي اخلاق بلطجي و سوابق كمان
وبصت له من تحت ل تحت لقته باصص لها وخبئت عيونها اول ما جت في عيونه. وهنا رشا قالت ل رؤوف
اية يا ابني هنفضل قاعدين كدة كتير مش يلا بينا بقي
رؤوف
والراجل اللي تعبان دة وشكله تعب بعد ما سمع صوتنا برة ومن الخوف وقع من طوله انا ما عرفش سمعت كلامك لية المرة دي
رشا
مالك يا ابن عمتي عايزني اعرف انها سلطت عليه بياع في كشك واسكت لها
رؤوف
ما تفكيني بقي من جو ابن عمتي دة ولا انتي هتكذبي الكذبة وتصدقيها
رشا باسلوب مش حلو
خلاص تحب اقول لك يا ابن الخدامة اللي شغاله في بيت امي
رؤوف اتعصب وقال
امك اللي خطفت ابويا من امي وبقت امي خدامة في بيتها و بلقمتها
رشا
قول ل ابوك مش هو اللي ريل علي امي
رؤوف كان هيضربها لكنها قالت وهي بتبص في عيونه
لا. اوعي تعمل راجل عليه والا حزام ابوك موجود وجاهز ينزل بي علي لحم امك ولحمك لو فكرت تزعلني او تزعل امي. دة محذرك وما تنساش. انت شغال عندي كلب حراسة يعني تعض اللي يضاقني او يدوس علي خيالي انما يوم ما تفكر تعضني اوريك انت وامك اللي عمرك ما شوفته
ووقفت رشا وقالت
انا ماشية وخليك انت جنبها. بس ابقي روح مشي.
وابتسمت ابتسامة صفراء وكملت وقالت
انا عارفة انك مش معاك فلوس
ومشيت رشا و رؤوف هربت دمعه من عيونه ومسحها بسرعة وقال لنفسه
ازاي الحيوانه دي هتبقي دكتورة
ومن قهرة نفسه نزلت دمعه تاني من عيونه ومسحها وبص بطرف عينه لقي ضحي باصة عليه. ف ارتبك بشدة وبدا يتمالك نفسه. وفي نفس الوقت ضحي كانت باصة ناحية الهام وبتقول لها
والله بيعيط. انا شوفته وهو بيمسح دموعه
الهام بصت له بصة خاطفة وهي خايفة تبص له اصلا وقالت
بقي الشحط دة هيكون بيعيط طيب ازاي ويعيط لية اصلا.
ضحي
علشان هو شكلة كان بيتخانق مع رشا وسابته ومشيت
الهام
هو انتي كمان سمعتي بيقولو اية
ضحي
لا ما سمعتش بس طريقة الحوار بينهم كان باين اوي انها فيها عصبية. اومال هي. سابته و مشيت لية
الهام
بقول لك اية انتي كلتي دماغي بحوار رؤوف دة. يارب البوليس يجي وياخدة بقي علشان نرتاح منه
ضحي باستغراب
بوليس. واية اللي هيجيب البوليس هنا
الهام
انا اتصلت بيهم وزمانهم في السكة
ضحي اتعصبت
انتي لية تعملي كدة
الهام
الله بلطجي وشوفته في المستشفي اللي انتي فيها يعني اكيد عايز لك الشر خوفت وطلعت جري بلغت
ضحي
يعني دة جزاته وبعد اللي عمله معايا ارد له الجميل دة باني اسلمه للبوليس
وقامت ضحي فقالت لها الهام
رايحة فين
ضحي وهي رايحة ناحيته
هقول له يمشي دلوقتي حالا
وفعلا وقفت قصاد رؤوف وبصت له وقالت
من فضلك امشي دلوقتي حالا
رؤوف
لية
وقبل ما ترد ضحي كان وصل للمكان ظابط ومعه اثنين عساكر. واول ما الظابط شاف رؤوف قال للعساكر
هاتو
رؤوف بص ل ضحي بصة عتاب بصة معنها هي دة شكرا. علي اللي عملته وضحي ردت ببصة معنها مش انا اللي عملت كدة. و العساكر بداو يجروا في رؤوف لغاية ما خرجوا بي من المستشفي، ،،،،،،
ومن جوة شقة متوسطة الحال في منطقة شعبية وهي الشقة اللي بتعيش فيها رشا مع امها زهرة. وجوز امها عزيز والد رؤوف. وام رؤوف الست الطيبة كريمة ووقت ما كانت كريمة بتروق الشقة وبتمسحها توصل رشا تبص لها كريمة. ولما تلاقيها داخلة الشقة لوحدها قالت
اومال فين رؤوف
رشا وهي رايحة اوضتها
ما عرفش
كريمة
ما تعرفيش ازاي دة خرج معاكي من كام ساعة
رشا وهي بترزع الباب
ما تصدعنيش قولت لك ما عرفش
بصت كريمة ل باب الاوضة اللي اتقفل في وشها وقلقت كريمة علي ابنها راحت خبطت علي باب اوضة نوم عزيز وسمعت ضحك. وهزار عزيز مع مراته التانية وهي عارفة انها لو خبطت هتبقي ليلة سوداء عليها لكنها قلقانه علي ابنها وخبطت وهي بتقول
عزيز ابنك ما رجعش من برة ل غاية دلوقتي
صوت عزيز
انا كام مرة اقول لك لما اكون مع. زهرة مراتي في الاوضة. ما حبش اسمع صوتك ولا اشوفك
كريمة
حقك عليه يا خويا. بس رؤوف خرج مع رشا من كام ساعة وهي رجعت وهو ما جاش
صوت زهرة
وبعدين بقي في النكد دة يا عزيز هو رؤوف دة اية عيل صغير هيتوء
كريمة
رؤوف ما يعرفش حد ومن ساعة ما خرج من السجن وهو في حاله وبيفضل قصاد مني وما بيخرجش الا لما بنتك رشا تطلبه يخرج معها. ودة اللي حصل النهاردة خرجو سوي هي رجعت وهو لا
عزيز فتح الباب ومسك شعرها وقال بعصبية
وعايزاني اعمل اية يا بنت الكلب. أجر منادي بميكروفون ونفضل نقول شحط تاية يا ولاد الحلال
كريمة وهي بتتوجع
انا ما قولتش كدة. بس علي الاقل تعرف من رشا هو فين وما رجعش معها لية
عزيز
عارفة اني انا كرهتك وكرهت ابنك وكرهت عيشتكم. هو انتي ما بتموتيش لية
كريمة
بدعي ربنا كل يوم يخلصني منك لكن لسة ربنا مش راضي يقبل مني
عزيز زقها بعيد عنه وقعت علي الارض وقال
انا بقي هعجل بموتك
ودخل جاب الحزام. حزام جلد تقيل الضربة منه ما يستحملهاش واحد عفي ما بالك بقي ب ست غلبانه زي كريمة وبص لها وهو بيلف الحزام حوالين ايدة والباقي بقي انتو عارفينه، ،،،،،
في نفس الوقت كان رؤوف اترمي في تخشيبة وكان كل اللي بيفكر في امه اللي قال ل نفسه اكيد هي قلقانة عليه دلوقتي. وسند دماغة علي الحيطة اللي وراء منه والحزن فوق اكتافة يهد جبال.، ،،،،،،،
ونرجع للمستشفي وصابر بيفوق من حالة الاغماء اللي كان فيها وبيلاقي ضحي والهام قدام منه. بدأ يستوعب هو فين مع كلمات ضحي اللي كانت هتموت من القلق عليه وقالت ضحي
حقك عليه انا السبب في كل اللي حصلك دة
لكن صابر بص لها بغضب شديد وقال اخر حاجة كانت ممكن تتوقعها ضحي.،،،
تفتكروا قال اية
لو مش عارفين بكرة اعرفكم باذن الله. سلام عليكم
ح(4)
انكسار امراة
من تأليفي
محمد منصور **منص**
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
ونرجع للمستشفي وصابر بيفوق من حالة الاغماء اللي كان فيها وبيلاقي ضحي والهام قدام منه. بدأ يستوعب هو فين مع كلمات ضحي اللي كانت هتموت من القلق عليه وقالت ضحي
حقك عليه انا السبب في كل اللي حصلك دة
لكن صابر بص لها بغضب شديد وقال اخر حاجة كانت ممكن تتوقعها ضحي لانه قال
اطلعي برة مش طايق اشوف وشك
اتصدمت ضحي وقالت
بابا
صابر ودي وشة الناحية التانية وقال ل الهام بعصبية
خدي صاحبتك و اخرجو
الهام
عمي صابر اهدئة علشان صحتك
صابر
اهدئة ازاي و صحبتك دخلت بيتي بلطجي و اسمعه بوداني بيقول لها هيربيني علشان اعرف اربيها. وكل دة لية. انا مش عارف وهي بتكذب ومش عايزا تقول الحقيقية. ولما الظابط سالها قالت خدت منها فلوس وما رجعتهاش.
وبص صابر ل ضحي اللي اترمت تحت. رجله وفضلت تبوس فيها ودموعها بتجري علي خدها وعماله تقول
بالله عليك كفاية بقي انا ما بقتش قادرة استحمل. دي اول غلطة ليا واتعلمت منها كتير اوي. والله العظيم مش هكررها تاني
صابر
طيب قولي الحقيقية و خليني ارتاح ما تخليش الشيطان يلعب بيا اكتر من كدة اية اللي بينك وبين رشا يوصلك لدرجة انك تسلطي عليها شاب يضايقها وهي بنت زيك
ضحي بصت ل الهام و ماكنتش عارفة تقول اية. وفضلت ساكتة وصابر قال
اية بتفكري في كذبة جديدة
ضحي سكتت شوية و بصت ل الهام بصة اخيرة لكنها قالت
لا. يا بابا مش هكذب انت طول عمرك كنت ليا مش اب وبس انت كمان اخ وام وصاحب. وعمري ما شوفت منك غير احسن معاملة. واللي هقوله دة ما فيش بنت تقوله ل باباها. المفروض ان دة كلام بنت مع امها. لكن امي ماتت وانا ما حستش انها ماتت. لانك موجود
و مسكت ايدة و باستها وبعدها قالت
انا عملت كدة علشان. اشوفه تاني، ،
وسكتت من شدة الاحراج و بصت في الارض وهي مكسوفة لكنها جمعت كل ذرة شجاعة في دمها وقالت الحقيقية وختمت كلامها
بس انا والله يا بابا ما كنتش اعرف ان سوابق ومش معني كلامي انه لو مش سوابق ابقي انا صح لا انا في الحالتين غلط
ودي كانت اخر حاجة تقولها واتصدم صابر وما كنش مصدق ان بنته تعمل كدة وبقي بين نارين نار الاب اللي حس انه ما عرفش يربي بنته. ونار الاب اللي بيحب بنته اوي لدرجة انه مش قادر يشوف كسرتها قدام منه. وما بقاش عارف في حاله زي دي المفروض يكون اية رد فعله. بجد الحالات اللي زي دي بتكون محتاجة لل الام. لكنه ولحظة خاف ان اي رد فعل غلط منه يزود الامور تعقيد وفضل ساكت بيفكر المفروض يرد يقول اية وضحي واقفة قدام منه دموع الندم بتنزل علي الارض وكانها في قفص الاتهام جوة محكمة مستنية حكم القاضي في قضيتها. والهام واقفة تتابع هيخلص عليه المشهد دة وقطع السكوت دة صوت صابر بيقول
ضحي
بصت ضحي ل صابر لقيته مادد لها ايدة بيطالبها ب انها تيجي في حضنه فرحت ضحي اوي واترمت في حضنه بسرعه وكانها كانت بتغرق و اترمي لها طوق نجاة. و عيطت بحرقة اكتر من الاول و قالت
والله ما هعمل كدة تاني. انا اسفة
طبطب صابر علي ظهرها و السكوت هو حاله. و لسة بيفكر المفروض يعمل اية،،
بعدها بيوم كانت رشا خارجة رايحة الكلية لقت كريمة ام رؤوف واقفة قدام باب الشقة بتبص لها قالت رشا بجحود
نعم ع الصبح
كريمة بطيبة شديدة
رؤوف يا بنتي ما رجعش من امبارح واخر مرة هو خرج معاكي قولي هو فين. طيب عرفيني لو حصل له حاجة
رشا
هو رؤوف دة عيل صغير دة شحط. خايفة عليه اوي لية كدة
كريمة
بكرة لما تبقي ام وضناكي يبات بعيد عنك ليلة وانتي ما تعرفيش هو فين والقلق ينهش قلبك. ساعتها هتعرفي ان الام ابنها مهما يكبر بتكون شايفا حتة اللحمة الحمراء اللي ضمتها لصدرها اول مرة بعد ولادته
رشا سقفت بتريقة وقالت
اية الجمال دة. انتي لازم تطلعي في التيلفزيون في برنامج القناة الاولي
كريمة اضيقت لكنها قالت
بتتريقة عليه الله يسامحك يا بنتي. معلش كله يهون بس قولي فين رؤوف
رشا
و الله العظيم انتي صداع وانا مش هرتاح من ذنك انا عارفة. علشان كدة هقول لك فين رؤوف ،،،،،،،،،،
وبعدها بساعة ومن جوة المستشفي المحجوز فيها صابر توصل كريمة بعباية مقطعة بعض الشئ تدل علي حالتها و تسال لغاية ما توصل ل ضحي وتقف قدام منها وتقول
انتي ضحي اللي ابوها محجوز في الرعاية
ضحي بصت لها باستغراب ويصت ل الهام وبعدها رجعت تبص ل كريمة تاني وقالت
ايوة انا. مين حضرتك
كريمة
انا ام رؤوف و رشا قالت لي هو كان هنا امبارح.
الهام
ومشي وما نعرفش عنه حاجة
عيطت كريمة وهي بتقول
دة ما رجعش من امبارح وما يعرفش حد يروح له. يكون راح فين بس
وبصت ل فوق وبدات تخاطب ربنا وقالت
يارب. دة هو اللي حيلتي وانت عارف انه طيب وغلبان يارب ما تورنيش في اي شر. يارب والنبي دة انا ماليش في الدنيا غيره
وحست انها مش قادرة تقف وقعدت علي اقرب كرسي راحت لها ضحي وطبطبت عليها وقالت
ما تقلقيش انا عارفة هو فين
كريمة بصت لها ب لهفة الهام راحت ل ضحي وقالت وهي بتغمز لها
مشي وما نعرفش هو فين.
وقالت بصوت واطي في ودان ضحي
انتي مش ناقصة كفاية اللي حصل
ضحي ما اهتمتش ب كلام الهام وقالت
رؤوف البوليس قبض عليه
لطمت كريمة وقالت
لية بس. عمل اية تاني
الهام
هو اية اللي عمل اية تاني. انتي ما تعرفيش ان ابنك سوابق ومسجل بلطجة
كريمة
دة ظلم وافتري واللي لبسة التهمة دي ابوه. وكل دة علشان وقف في وشه وقت ما مراته التانية ضربتني لكن ابني وعهد الله عمره في يوم ما مد ايد علي حد ولا سرق حاجة مش بتاعته. دة خريج كلية تجارة وكان شغال مساعد شيف في مطعم كبير وبسبب القضية دي طردو.
اتقصرت ضحي بالقصة جدا وحست قد اية رؤوف دة مظلوم وفرحت ان قلبها دق صح لكن سمعت الهام بتقول
واحنا بقي المفروض نصدق القصة الهندي دي. دة احنا بعينيا شايفنه وهو بيضرب اثنين وكسرهم من كتر الضرب واحد منهم كان هيموت في ايدة لولا ستر ربنا
كريمة
ابني ما يعملش كدة ابدا. دة ظلم
الهام
هو اية اللي ظلم دة احنا شوفنا
كريمة
طيب ودوني لي وانا اعرف منه هو لية عمل كدة
الهام
البوليس جه خدة وما نعرفش اكتر من كدة
كريمة
ما تعرفوش راحو بي اني قسم
الهام
يا حجة والله ما نعرف. وشوفي مصلحتك بقي بعيد عننا احنا فينا اللي مكفينا
كريمة قامت وقفت وهي بتقول
كتر خيرك يا بنتي
ومشيت كام خطوة قبل ما تسمع صوت ضحي جاي من ظهرها وكانت بتقول
استني يا حجة
وقفت وبصت لها وضحي كملت وقالت
في واحد قريبي شغال في الدخلية هتصل بي واخلي يعرف لك هو في اني قسم
الهام برقت لها ومالت عليها وقالت بصوت تسمعه ضحي بس
تاني رؤوف دة انتي اية ما بتحرميش
ضحي قالت بصوت واطي
مش شايفة حالة ماماته
الهام
واحنا نعرف منين انها ما بتكدبش
ضحي
بص لها وانتي تعرفي
كل الحوار دة داير وكريمة بص لهم وقالت
باين اني هعمل لكم مشكلة
ضحي
لا. خالص اقعدي هنا وانا هخرج برة هتصل بقريبنا دة وهعرف منه هو فين باذن الله، ،،،،،
وبعدها ب ساعة كانت كريمة واقفة في القسم مستنية تشوف ابنها وفعل شافت رؤوف جريت عليه وخدته في حضنها وقلبها كان موجوع والعسكري بيجره من الكلبشات وهو قال
يا اما انتي تعبانه. اية اللي جابك بس
لكنه عقد حاجبية من الاستغراب وقال
وصحيح انتي عرفتي مكاني ازاي
العسكري لسة بيجرو وهي ماشية جنب منه وبتحكي له علي ضحي واللي عملته علشانها. وهو اتعصب وقال
دة عيلة بنت كلب. بعد اللي عملته علشان ابوها بلغت عني. دة لولا ربنا جعلني سبب في اني اشيل ابوها لغاية المستشفي كان مات فيها
كريمة
سيبك منها ومن اللي عملته وقولي انت فتحت دماغ اللي اسمه عربي دة
استغرب رؤوف وقال
انتي عرفتي ازاي
كريمة
من ضحي ما هي حكت لي كل اللي حصل. وهي بتوصلني ل هنا. لية تخلي رشا تسيطر عليك وتخليك تضرب عيل غلبان زي دة
رؤوف بصوت حزين
علشان اخد منها عشرة جنية اجيب بيها العلاج بتاعك يا اما ولا اسيبك تموتي قدام مني بالبطئ.
في اللحظة دي وقف العسكري ب رؤوف قصاد مكتب الظابط وقال
خليك هنا. اوعي تتحرك
لكن رؤوف ما اهتمش بكلام العسكري وركز مع امه اللي كانت بتقول
يا اخي اغور انا في داهية ولا انك تبات ليلة واحدة في التخشيبة
رؤوف باس ايدها وعيط وهو بيقول
وتسبيني يا كريمة. دة انا مستحمل الدنيا واللي فيها علشان خاطرك.
كريمة عيطت و خدته في حضنها وصرخ قلبها وقال
يارب.
كل دة كان بيحصل وضحي واقفة بعيد بتابع المشهد وخرج العسكري من اوضة الظابط وبدأ يجر في رؤوف اللي رفع عينه بالصدفة و شاف ضحي. اللي استخبت وراء العمود الخرسانة. الموجود في القسم وقلبها دق بمنتهي السرعة وخرجت جري من القسم، ،،،،،
وترجع كريمة ل شقتها وهي متعصبة ودخلت ل اوضة رشا وهي ناوية تنفجر فيها وتطلع فيها غضبها لكنها مالقتهاش وهي خارجة خبطت في كوباية مية كانت علي الارض وقعت الكوباية والمية اللي فيها ادلقت شافتها ام رشا. زهرة وبصت للمية المدلوقة لطمت وصرخت وراحت جري ناحية كريمة وجابتها من شعرها وهي بتقول
هي حصلت يا ولية يا ناقصة تعملي عمل ل بنتي وترمي علي عتبه اوضتها عايزا توقفي حالها
كريمة زقتها بعيد عنها وهي بتقول
هو انتي علشان بتعملي كدة فاكرة الناس كلها زيك
زهرة باستنكار
انا اعمل كدة. يا مراة يا واطية
كريمة
لا. صحيح مش انتي دي اللي خطفت جوزي تعرفيها
زهرة
هو اللي ما ستحملش. ضحكة مني
كريمة
ربنا ياخدكم انتو الجوز واسمعيني كويس وبلغي الكلمتين دول ل بنتك قولها تبعد عن ابني والا قسما برب العزة اولع في بنتك قدام منك ،،،،،،،،
ويعدي اليوم و ويرجع صابر للبيت وكانت لسة ضحي حاسة انه مش تمام من ناحيتها. لكنها قالت ل نفسها
الايام قادرة تعالج اللي حصل
ودخل اوضة ينام ومع اذان العصر يخبط الباب وتلاقي محضر استغربت وقالت
خير
المحضر
حضرتك مطلوبة بكرة في قسم غرب قصاد الظابط علشان ياخد اقوالك في محضر ضرب رؤوف ل عربي
واداها المحضر الورقة اللي فيها الاستدعاء. ومشي وهي مسكت الورقة وما بقتش عارفة تعمل اية لكنها قررت ما تعرفش ابوها ........
و تاني يوم ومن جوة مكتب الظابط تقعد ضحي و قصاد منها يقف رؤوف و الظابط كان بيقول
هو دة اللي ضرب عربي
ضحي بصت في عيونه ومع انها طول الليل محضرة الرد لكنها لقت نفسها بتقول او بتعبير ادق قلبها اللي قال
لا. مش هو
اتصدم الظابط وقبل الظابط نفسه اتصدم رؤوف وقال الظابط
انسة ضحي انتي متاكدة
ضحي بصت تاني ل رؤوف وقالت
متاكدة
كمل الظابط بعض الاجراءات وقال لها
تقدري تخرجي
خرجت ضحي من مكتب الظابط علشان تلاقي قدام منها صابر. اتصدمت ضحي وسالت نفسها
هو بابا عرف ازاي
صابر قرب منها وبص لها في عيونها وقال
سالك الظابط عنه. وقالك هو دة اللي ضرب عربي. صح
ضحي ما ردتش لكن صابر قال
بس يا تري بقي انتي قولتي اية. حابب اعرف
بلعت ضحي ريقها ودقات قلبها اصبحت سريعة والوضع ازداد تعقيد، ،،،،
خلاويص النهاردة ولو في العمر بقيا هكمل لكم الحكاية ديا سلام عليكم
ح(5)
انكسار امراة
من تأليفي
محمد منصور **منص**
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
خرجت ضحي من مكتب الظابط علشان تلاقي قدام منها صابر. اتصدمت ضحي وسالت نفسها
هو بابا عرف ازاي
صابر قرب منها وبص لها في عيونها وقال
سالك الظابط عنه. وقالك هو دة اللظ ضرب عربي. صح
ضحي ما ردتش لكن صابر قال
بس يا تري بقي انتي قولتي اية. حابب اعرف
بلعت ضحي ريقها ودقات قلبها اصبحت سريعة والوضع ازداد تعقيد. وهو مسكها من ايدها وقال
تعالي نكمل كلامنا واحنا بنتمشي
وخرجوا الاثنين من القسم وفضلو يتمشوا والسكوت مخيم وصابر بيبص له بنته من تحت ل تحت وهي مش قادرة حتي تبص له لكنه قال
اية مش عايزا تقولي قولتي اية
ضحي
قولت مش هو يا بابا ومش علشانه اقسم بالله العظيم علشان امه الغلبانه
ابتسم صابر ابتسامة المر وقال
كنت عارف انك هتعملي كدة من وقت ما خبيتئ جواب الاستدعاء عني وما عرفتنيش ان في محضر جالك. لكن انتي ناسية ان باب اوضي قريب من باب الشقة وبسهولة ممكن اسمع اللي بيدور بين اتنين واقفين علي الباب.
ومسك ايدها اوي وضمها ل كف ايدة بمنتهي الحنان وقال
يلا علشان نعدي الشارع
بصت له وهو مركز في الطريق لغاية ما عدي مع بنته الشارع وماسبش ايدها وكمل معها مشي وقال
اكبر غلط بنعمله مع ولادنا اننا اوقات بنسيب ايدهم و نفتكرهم انهم كبروا ويقدرو يعدو لوحديهم. وانا عملت كدة قولت خلاص ضحي كلها سنتين وتبقي دكتورة ودماغها توزن بلد. لكن نسيت ان ليكي قلب ممكن في يوم يغشك ويخليكي تفتكري انك لقيتي الحب. اصل اللي يسمع ل صوت قلبه يغيب عقله
وبص وهو لسة ماسك ايدها وقال
الحب مش اني اشوف واحد شكله حلو زي اللي انا رسمته في خيالي وخلاص الحب تكافؤ. يعني ما ينفعش دكتورة ضحي تحب واحد سوابق.
ضحي
بابا ما وصلتش للحب دة كان مجرد اعجاب وعدي و لتاني مرة بقول لك اني اقسم بالله العظيم عملت كدة علشان امه الغلبانه انت ما شوفتش حالتها. لكن هو بالنسبة لي حكاية وخلصت. وكمان انا السبب في كل الموقف الزباله دة ف حبيت اخلص الحكاية الرخمة دي. وانا كمان اديت فلوس ل عربي علشان يقول انه مش هو واي غلطة عملتها ابقي قدرت اصلحها
صابر بص لها ل كام ثانية وبعدها قال
ماشئ يا ضحي. هصدقك تاني. بس ما تزعليش مني لان المرة الجاية مش هعرف اسامحك ابدأ. فبلاش توصليها ل كدة،،،،،،،،،،،
خلصت المشكلة و اقوال عربي كانت نفس اقوال ضحي و رؤوف خرج.
و روح مع امه. وضحي بدات تعيش حياتها زي الاول. ونسيت رؤوف.
او دة اللي هي عايزا تقوله ل نفسها لكن الحقيقية ان للقلب قوانين خاصة بي ملهاش علاقة بالمفروض واللي يصح وما يصحش ودة اللي كان صابر عامل حسابة. وعلشان كدة في يوم واول ما رجعت ضحي من الكلية لقيته مرتب الشقة بطريقة تدل علي ان في ضيوف جائيين فقالت
هو العيد بكرة ولا اية
صابر ضحك وقال
علشان يعني روقت الشقة
ضحي
هو انت روقتها وبس. دي بقت شقة عروسة
صابر
ما هي فعلا شقة عروسة جاي لها عريس النهاردة
ضحي فهمت وقالت ل نفسها يارب اكون فهمت غلط لكنها سالت صابر وقالت
عروسة اية بس. انت بتتكلم عني
باسها صابر في جبينها وقال
وهو انا عندي عروسة غيرك
ضحي
بس انا مش عايزا اتجوز دلوقتي
صابر
ما تقلقيش انا متفق معه علي اننا هنعمل خطوبة بس والجواز هيكون بعد الكلية.
ضحي
دة انت كمان وافقت من غير ما تاخد رايي
صابر
اصله عريس ما يتقالوش لا. وكمان اية عقيد في الجيش هشام ابن عمك عبد الحي صاحبي طلبوكي كتير وانا كنت بأجل علشان دراستك لكن انا شايف ان جه الوقت المناسب لجوازك
ضحي
وانا قولت يا بابا اني مش عايزا اتخطب دلوقتي
صابر
هتغيري رايك اول ما تشوفي.
ضحي
مش عايزا يا بابا. انا مركزة في كليتي وبعد ما اتخرج نبقي نتكلم في حوار الجواز دة
صابر باستهزاء
مركزة اوي.
ضحي فهمت يقصد اية وانه بيرمي علي حكاية رؤوف. ف اضيقت ولسة هترد. صابر اتحرك من قدامها واداها ظهرة وهو بيقول ب حدة
خشي غيري علشان الناس علي وصول ومش حابب اسمع اي كلمة تاني. مفهوم
ضحي كتمت دموعها ودخلت اوضتها،،،
ومن قدام كشك عربي كان رؤوف قاعد مستني وصوله وفعلا وصل عربي اللي اول ما شاف رؤوف كان هيجري لكن رؤوف قال
انا مش جاي اذيك هو سؤال وعايز له اجابة علشان ارتاح
عربي وقف وركز وقال
سؤال اية
رؤوف
مين اللي خلاك في القسم تقول اني مش انا اللي ضربتك
عربي
دكتورة ضحي جت واديتني اللي في النصيب وخلتني اقول كدة علشان الحوار يتقفل
رؤوف ابتسم وقال
كان قلبي حاسس انها هي اللي عملت كدة بس عملت كدة لية،،،،،،،
في نفس الوقت ومن جوة الكلية كانت رشا في مكتب الدكتور صالح عيسي اللي بيدرس لهم. وكان بيكلمها بلهجة حادة وبيقول
البحث اللي اتقدم ما كنش بحثك انا اتاكد بنفسي بعد ما قريت كل الابحاث اللي اتقدمت. وانا ما كرهش في حياتي قد الطالب اللي يديني علي قفاية.
رشا
يا دكتو،،،،،،،
قاطعها وهو بيقول بعصبية
انا لسة ما خلصتش كلامي وانتي باين عليكي مش هتشوفي نجاح ابدا في مادتي. اتفضلي اخرجي
رشا
طيب حضرتك اديني،،،،،،،
قاطعها تاني وبنفس الحدة قال
قولت اخرجي وقدامك 48 ساعة ويكون قدام مني بحث يخصك ما يكنش مسروق زي اللي قبلة
وخرجت رشا من المكتب وهي متعصبة، وفضلت تلف في الكلية ل غاية ما وصلت ل الهام وقفت قدام منها وقالت بعصبية
هي صاحبتك عايزا مني اية بالظبط
الهام استغربت وقالت
صاحبتي مين
رشا
الزفته ضحي
الهام بحدة
رشا اتكلمي باسلوب احسن من دة عن ضحي
رشا
صاحبتك دي ما تستهلش الا الاسلوب دة.
الهام
رشا انتي صاحبتي زي ما هي صاحبتي وحوار عربي دة خلص بقاله كام يوم اية بقي اللي فكرك ب ضحي
رشا
الهانم ما عرفش لية حطاني في دماغها وراحت قالت للدكتور صالح ان البحث اللي قدمته مش بتاعي
الهام
ضحي ما تعملش كدة
رشا
لا عملت وانا بنفسي شوفتها امباراح وهي واقفة معه وبترغي
الهام
طالبة وواقفة مع الدكتور بتاعها دة معني انها بتجيب في سيرتك. واصلا هي تعرف ازاي ان البحث دة مش بتاعك
رشا
شافتني وانا باخده من زمليتنا عايدة
الهام
حتي لو دة حصل. ضحي ما تعملش كدة
رشا
ما تعملش كدة معاكي انتي. او مع اي حد في الضفعة لكن معايا انا تعملها هي اصلا مش حباني. بس انا بقي هعرف ازاي اربيها واخليها تبعد عني ،،،،،،،
ونرجع تاني ل شقة صابر اللي كان قاعد مع العريس هشام. ووالده عبد الحي ووسط الاجواء دي تدخل عليهم ضحي. اللي ما كنتش في ابهي صورها عاملة زي الشمس وقت الخسوف. وشها مظلم معلهوش اي تعبيرات وماسكة في ايدها صنية عليها عصير وحطت الصنية من غير ما تبص لاي حد من الموجودين وبدات توزع العصير وقال عبد الحي وهو بياخد منها كوباية العصير
كبرتي ضحي وبقيتي زي القمر
ضحي بصت لها وردت رد باهت وقالت
شكرا
وراحت واديت كوباية العصير ل باباها قالي طلب منها بالاشارة انها تفرد وشها وبعدها كوباية عصير هشام اللي قال
شكرا
بصت له وما قدرتش تمسك نفسها هشام شاب كويس بصراحة ووسيم بص قلبها دق. والقلب ما بيشوفش غير اللي دق لي. ونزلت دموعها ودخلت اوضتها جري وقفلت الباب وراء منها وفضلت تعيط وسابتهم برة بيبصوا
ل بعض و هشام حس باللي فيها. فقال ل والدة
بابا. افتكر ان رد العروسة علي طلبنا مفهوم
ووقف عبد الحي وهو بيقول
فعلا يا ابني. احنا ما ينفعش نفضل هنا
صابر وقف وقال
كلام اية دة بس
عبد الحي وهو رايح ناحية الباب
دة الكلام اللي قالته بنتك بتصرفها الغريب دة.
وفتح هشام الباب وخرج ووراء منه خرج ابوة. وصابر بينادي علي صاحبة وهو ما بيردش وقفل صابر الباب وبص ل باب اوضة ضحي وراح لغاية الباب بمنتهي العصبية وفتح لقي ضحي علي سريرها بتعيط. بص لها من فوق ل تحت وقلبه بدا يعيط علي عياطها وهي. بصت له وقالت ودموعها علي خدها بتحفر طريق احزان.
والله ما قدرت امسك نفسي اكتر من كدة. انا اسفة غصب عني مش حابة اتجوز كدة
صابر فضل باصص لها دي بنته اللي ياما دلعها اللي ياما كان ليها كل حاجة بنته الوحيدة ومش هيقبل كسرتها. حتي قصاد منه. لكنه برضو مش هيقبل ان اللي قلبها طالبة يحصل. وبدا الصراع النفسي بين صابر الاب اللي خايف علي بنته وصابر الانسان اللي بنته بالنسبة دنيتي ونقطة ضعفة. ولقي نفسه بيخرج من الاوضة وبيقفل الباب وراء منه. وضحي عماله تعيط،،،،
ومن جوة اوضة رشا تقف رشا قدام رؤوف وكانت بتقول
طيب هديك 50. ج. بس تكسرلي رجليها
رؤوف
وانا قولت لك اياكي تقربي منها
رشا مسكتة من لايقة الجلبية اللي كان لابسها وقالت بتهديد
ما تظبط يا رؤوف ولا تحب اسلط امي علي ابوك واخلي يسجنك تاني
رؤوف
هدخل السجن عادي اوي. بس فيكم انتم الثلاثة. والمرة دي مش هدخل مظلوم هدخلة ظالم. وبعدين انتي ازاي دكتورة وبتفكري بطريقة الجهلة دي اي حد يضايقك تسلطي اللي يكسر عضمه. ولا انتي بتقلدي امك لما شوفتيها وانتي صغيرة بتكسر عضم ابوكي
رشا اتعصبت وقالت
ما بلاش تجيب في سيرة الاموات بدل ما اوريك وش تكرهني بي طول عمرك
رؤوف
من غير ما شوف الوش دة. انا كرهك ونصحية من واحد بيكرهك بلاش تحطي ضحي في دماغك
رشا بسخرية
الله. دة البت جابتك ارض بحبها
رؤوف بص لها وقال
مش هريحك واحسن لك تبعدي عنها
قالها وخرج من الاوضة و رشا صممت اكتر انها تاذي ضحي وقالت
هاذيها يا ابن كريمة وابقي وريني بقي هتوحشني ازاي، ،،،،،،
وبعدها بالظبط بيومين والصبح بدري وفي الميعاد اللي متوعدة تنزل في ضحي تروح كليتها. كانت بتتمشي في شارع من الشوارع الخالية من السكان وقت ما ظهر لها تلت شباب شكلهم يخوف و بداو يلفو حوالين منها والشر كان في عيونهم وضحي ما بقتش عارفة تعمل اية. وقالت بخوف شديد
اللي هيقرب فيكم مني هصرخ والم عليكم الناس
لكنهم قربو منها وكانو ناويين علي الشر لكن في الوقت المناسب يظهر صابر. اللي كان بيراقب بنته ويقول للثلاثة
ابعدوا عن بنتي احسن لكم
لكن واحد منهم هجم عليه وحط له المطواة في بطنة صرخت ضحي ووقع صابر سايح في دمة، ،،،،،،،،،
تكملة الرواية من هناااااااا
تعليقات
إرسال تعليق