رواية غلطه وندم الفصل السابع وعشرون والثامن وعشرون بقلم مروة محمد حصريه
رواية غلطه وندم الفصل السابع وعشرون والثامن وعشرون بقلم مروة محمد حصريه
#غلطه_وندم💘💘💘
#مروة_محمد🌺🌺🌺
#الفصل_السابع_والعشرون💋💋💋
الحمد لله الذي بنعمته تتم الصالحات 💛💛💛💛💛
خيانه التعبير من اسوء الأخطاء التي توقعنا في المحظور
خرجت غاده من المشفي ورجعت الي منزلها بعد حفظ تعليمات أسامه المشدده لها والتي حرصت علي العمل بها للحفاظ علي نفسها وعلي جنينها...جلست زهيرة بجوارها علي الفراش تحتضنها قائله
=خدي بالك منه يا غاده..حتي لو قاعده لوحدك في الأوضه...متقوميش من علي السرير الا لما تندهي علي حد مننا...انتي سمعتي وضعك صعب.
بكت غاده وبشده اثر تذكرها حاله غسان وعند شهاب ورفضه نقل له النخاع وحملها المفاجئ ليدلف شهاب يجدها تبكي لينظر الي عينيها قائلا
=مش عارف بتعيطي ليه دلوقتي...عادي يا غاده...انتي لا أول ولا أخر واحده حملها يبقا صعب...وبعدين البيه بيسوق علينا التقل...ايه المشكله؟
نظرت له غاده تسأله بقلق قائله
=هو مفيش أخبار عن غسان...يعني لقي متبرع...ولا هيسافر ألمانيا...أنا حابه أطمن عليه يا شهاب...وبعدين أكيد اتصلوا وأنا في المستشفي.
نظرت زهيرة الي شهاب لتجد وجهه مكفهر من الغيظ لتتحدث يقلق قائله
=بس لو حتي كان اتصل...شهاب مكنش هيرد عليه...ولو حتي رد...كان هيقوله انك حامل ومينفعش...والمفروض ساعته كان اتصل يبارك.
زفرت غاده بحنق قائله
=ده عمره ما يعملها...تلاقيه لو عرف اني حامل يتمني انه ميكملش...علشان خاطر غسان...
اغتاظت زهيرة من حديث غاده فنهضت قائله
=أنا هروح أطبخ حاجه تاكليها...علي بال ما تبطلي تفكير...وتفكرى في حاجه واحده في اللي في بطنك وبس يا غاده...انسيهم...هما هيعرفوا يدبروا حالهم.
تنهدت غاده قائله
=الحمد لله ...يمكن لو كنت مكان غسان كان محدش قدر يحل مشكلتي...وكانوا عمرهم ما فكروا بيا...بس برضه القلق هيقتلني عليه...معرفش أنا متعلقه بيه أوى كده.ليه
وضع شهاب يديه علي الفراش يحاوطها بغيظ قائلا
=غاده ...عايز أسالك سؤال...انتي بتعملي فيا كده ليه..ليه دايما شاغله بالك بيهم...وأنا واللي في بطنك أخر اهتماماتك...انتي لسه قايلاها...انتي ولا حاجه ليهم.
شعرت غاده بالذل والاهانه من كلماته لتتنهد قائله
=أصل انت مجربتش الاحساس ده...احساس ان يبقالك أخ...ويوم ما يحس بيك يبقا مريض وبيموت...انت لو مكانه عمر حوريه ما هتتنازل عن مساعدتك.
اقترب أكثر وقبض علي معصمها قائلا
=انتي بتتكلمي عن مين...عني صح..انتي معاكي حق....حوريه عمرها ما هتسيبني ولا أسامه هيرفض...انما أنا لا.... لأن أنا مش غسان.
😘😘😘😘😘😘😘😘😘😘😘😘😘😘
#غلطه_وندم بقلم #مروة_محمد
عند ثراء وحياة وشريف
كانت ثراء تجلس تضع يدها علي خديها لتنظر لها حياة بيأس قائله
=ما خلاص بقا يا ثراء...وبعدين مش انتي اللي طلبتي يبعد عنك...زعلانه ليه دلوقتي...لو زعلانه أوى ..أجيبه راكع تحت رجلك...بس اوعي انتي تروحي له.
أغمضت ثراء عينيها بمرارة قائله
=أروح له ازاي...طب بلاش يشوفني...محاولش حتي يرن عليا....هو ما صدق يا طنط...تلاقيه صايع مع السكرتيرة...ولا أنا في حساباته.
فجأة دلف اليهم شريف يتحاشى النظر الي ثراء التي يعلم أن نار الغيرة تنهش فيها ليميل علي يد والداته يقبلها قائلا
=قلقت عليكي النهارده يا ست الكل لما مردتيش عليا...بلاش تقلقيني عليكي أكثر من كده...لأن اللي فيا مكفيني...في ضغوطات في الشغل.
نظرت اليه ثراء بقلق لم يكن يوما شريف بهذا الوضع من الانهماك لتتنازل عن كبريائها وتسأله قائله
=تقصد ايه يا شريف...ماله الشغل...وبعدين ايه البهدله اللي انت فيها دي...من امتي وانت مش بتاخد بالك من نفسك...ولا مش حابب تعرفني؟
وضعت حياة يدها علي رأس شريف الذي يدفن رأسه في حجرها لتبتسم قائله
=كل ده علشان صفقه يا شريف...راحت منك...ما أنا قلتلك...بلاش تدخلها...انت اللي وثقت في البنت اللي عندك ودخلتها...وأهي ضيعتك.
ربت شريف علي يد والداته وارتفعت أنظاره لها قائلا
=الكلام ده ملوش فايده دلوقتي...اللي حصل حصل...وكان لازم يحصل من زمان...علشان أفوق من الوهم والجبروت اللي أنا فيه...يالا خير.
لتنتفض ثراء من مقعدها وتنهض ببطء نظرا لثقل حملها قائله
=لا اللي حصلك ده...علشان جيت عليا وكتير كمان...اهانتيني وضيعت كرامتي قدامها...والنتيجه ايه سقيتك من نفس الكاس اللي انت شربتيني منه.
لينهض شريف متجها نحو الباب لتوقفه حياة قائله
=يا شريف هي متقصدش...هي برضه ست ومحروقه ان جوزها اتحط في موقف وحش زى ده...بلاش انت كمان تفهمها غلط..تعالي يا ابني.
استدار شريف لينظر اليها قائلا لوالداته
=ولما هي يا أمي راحت وضيعت كرامتي زمان...دي كنت أسميها ايه...لما كان هدفها تخرب بيت واحده ملهاش ذنب ...أسميها ايه...هي كده صح؟
انهارت ثراء وارتعشت باكيه تقول
=مكنتش أعرف ان الاحساس اللي حطيت فيه غيرى هتحط فيه...فعلا صدقت لما قالتلي غاده..أصل انتي مجربتيش...أنا جربت وحسيت.
نظر اليها شريف بجمود قائلا
=عموما اللي حصل حصل...وشغلي وخسارتي مش هيأثروا معاكي لا انتي ولا اولادي...دي حاجه بسيطه وأقدر أرجعها...بس مش في دماغي.
☺️☺️☺️☺️☺️☺️☺️☺️☺️☺️☺️☺️☺️☺️
#موكا_سحر_الروايات رواية #غلطه_وندم
عند غاده وشهاب
استشعر شهاب أنه ضغط عليها ليضغط أكثر قائلا
=غاده...مش عايز أسمع سيرته تاني...التفكير حتي ممنوع...متخليناش نخسر بعض..اللي فات كوم...واللي جاي كوم تاني...اللي جاي لازم يكون من غيرهم.
هزت غاده رأسها باستسلام قائله
=حاضر يا شهاب...وأسفه اني شبهته بيكي..أنا مقصدتش..أنا بس كنت عايزاك تقف جمبهم..وبعيد عني...وأنا خلاص مش هفكر حتي أتواصل معاهم.
نظر اليها بجمود قائله
=نامي انتي دلوقتي علي بال ما مامتك تحضرلك الغدا...وملكيش دعوة أنا هتصرف معاهم ازاي...سيبيني أشوف شغلي...نزولك من علي السرير ممنوع.
لتهز غاده رأسها باستسلام وتغمض عينيها ليخرج من الغرفه يزفر بحنق
💞💞💞💞💞💞💞💞💞💞💞💞💞💞
#مروة_محمد جروب #موكا_سحر_الروايات
عند ثراء وشريف
تنازلت ثراء عن كبريائها واتجهت نحوه قائله
=خلاص يا شريف...حقك عليا..سامحني أرجوك وانسي اللي فات...وتعالي نبدأ من أول وجديد...احنا بينا هيكون أولاد...بلاش يشوفوا أبوهم وأمهم بيكرهوا بعض.
شريف بغضب
=ثراء...بلاش الحبتين دول مش عليا...أنا حافظك وقاريك كويس...انتي خايفه لأدور عليها وأجيب حقي منها..وأتجوزها عليكي صح...؟
💘💘💘💘💘💘💘💘💘💘💘💘💘💘
#غلطه_وندم بقلم #مروة_محمد
عند شهاب سمع صوت طرقات عاليه علي الباب فتحه ووجد غانم في حاله مرذيه له فربع يده فوق صدره قائلا
=وبعدين بقا...مش هنخلص بقا من أم الطلب بتاعك ده..قلنا مينفعش...التحاليل حتي بتاعتها مطلعتش مطابقه...ولا هو عافيه وخلاص...؟
توترت زهيرة من وجود غانم وهتفت قائله
=أكيد انت اتجننت يا غانم...بقا بعد اللي عملته فيها عايز تيجي تاخد روحها كده بكل سهوله...انت مش حاسس انها بنتك ومن صلبك....؟
زفر شهاب بحنق قائلا
=طب بزمتك يا أمي..ده هيحس ازاي...ده خايف علي الواد البكرى يضيع...وخايف علي اخواته الصبيان..يا شيخ اتقي الله...واعتبرها حكمه من ربنا.
انتظرت زهيرة رد فعل غانم ولكن ظل صامت لتتنهد قائله
=فرضا انها وافقت وجوزها وافق...أنا فين من ده كله يا غانم...شقا عمرى عليها فين...حقي فيها فين...عايز كمان تضيع البت اللي حيلتي.
نظر اليه شهاب ليجده في حاله شرود ليتحدث قائلا
=ما تقول أي حاجه...هو انت جاي مستمع ولا ايه...ولا الصدمه خلتك مش بتنطق...أه الصراحه انت بقا شكلك وحش قدامنا كلنا...حتي قدام ابنك.
اغتاظت زهيرة من صمته لتنتفض قائله
=أنا هقولك يا غانم...اطلع بره بيتي..واوعي تفكر تطلب من بنتي حاجه تاني..اعتبرها مش بنتك...زى ما أنا عمرى ما هعتبر ولادك دول أولادي.
خرجت غاده من غرفتها رغم تحذيرات شهاب لها الذي نظر اليها بشراسه لتبتلع ريقها قائله
=امشي ..انت اتأخرت كتير...كان ممكن يحصل ده من شهر لكن حاليا مقدرش...مقدرش أضحي بابني ولا ابنتي...علشان أخ مشوفتش منه يوم حلو.
تقدم منها غانم ببطء وهي ترتجف منه وتحاول الابتعاد قليلا لتصطدم من قوله بانهيار قائلا
=انتي جواكي روح دلوقتي وأكيد حاسه باللي أنا فيه...بس اللي انتي متعرفهوش ان غسان مش أخوكي وبس يا غاده...غسان أخوكي شقيقك.
قطبت جبينها غير مصدقه ما قاله للتو تحاول نفض أذنها مما قاله تنظر الي زهيرة المتسمرة بمكانها الجاحظه بعينيها غير مستوعبه لما يقوله لتنتفض الاثنتان علي صوت شهاب وهو يصرخ به قائلا
=أيوه بقا ..ادخل علينا بهبلك..يا راجل اتقي الله...بقا بعد اللي عملته فيها هتصدقك...يا جبروتك...هو ايه اللي شقيقها....دي محاوله خبيثه..ده لو الحاجه زهيرة صدقت أنا مش هصدق.
التفت غانم وهو ينظر الي زهيرة المذهوله وهو يقول
=غسان ابنك يا زهيرة...عارف ان الكلام متأخر...ويمكن عمرى ما فكرت اني أقولك الحقيقه...بس ده أخر ولد ولدتيه بس ما ماماتش...عاااااش.
شهقت زهيرة بفزع تهز رأسها بعنف ترفض ما يقوله تنظر إلي غادة التي أخذ صدرها يعلو ويهبط سريعا وهي ترى شهاب يحاول خرص غانم حيث
أمسكه من تلابيبه ليخرصه غير مشفقا علي حاله قائلا
=أنا من الصبح ساكت ليك...ولد ايه اللي عاش..دي حجه علشان تعطيه النخاع..تعرف حتي لو مش حامل..عمرها في حياتها ما هتعطيه.
أغمض غانم عينيه بحسرة قائلا
=عمرى ما كنت أتخيل اني أوصل للحاله دي...وأبوح بالسر اللي من عشرين سنه...أنا كنت بحب زيزى بجنون...بس هي كانت رافضه تتجوز علي ضرة...غلطنا مع بعض...ولدت في نفس اليوم اللي ولدت في زهيرة...بس خلفت ولد ومات ...اتجوزتها وبدلت الولدين ونسبت غسان ليها.
اهتز كيان زهيرة ببشاعه تتذكر بشاعه هذا اليوم وصرخاتها بسبب فقدان وليدها....الذي اغتصب منها ليوضع مكانه طفل ميت ويتم استكمال مشوار الحياة وهي مهانه بأن ذكورها مفقودين...وتبقي لها غاده التي عانت الأمرين معها ...غاده التي بدت الرؤيه لها مشوشه غير مستوعبه ما يحدث لها.
وضع شهاب يده علي رأسه قائلا
=ده انت شيطان يا أخي...استحاله تكون بني أدم....ده انتقام ربنا قليل عليك..جاي بعد ايه تقلب في الجروح..ياريتك ما نطقت...انتي جاي تبعتر حياتنا؟
سقطت زهيرة مغشيا عليها علي الأرض من هول الصاعقه التي ألقاها غانم في وجهها...أما عن غاده فقامت بلمس أسفل بطنها تصرخ بتأوه ليركض نحوها شهاب ويسندها ويجلسها علي الأريكه متناسيا سقوط زهيرة والتي ذهب اليها غانم ليفيقها بانهيار قائلا
=قومي يا زهيرة...متسيبنيش في الوقت ده بالذات...عمرى ما كنت محتاجك زى دلوقتي...قومي ساعديني نعمل ايه في ابننا...ابنك بيموت يا زهيرة.
أزاحت غاده شهاب وقامت مستنده الي أن وصلت الي والداتها وجثيت علي ركبتيها تملأ الدموع مقلتيها قائله
=قومي يا سندي...قومي يا ضهرى...متصدقيهوش...ده كذاب زى ما قال شهاب..
ثم حولت أنظارها البغيضه اليه وهي تصرخ في وجهه قائله
= قلتلك امشي ابعد...انت مش أبويا..انت راجل ظالم...
فتحت زهيرة عينيها ببطء ثم صمتت للحظات تستوعب ما حل بها وهي تنظر إلي الفراغ لتنطق قائله بخفوت
=أنا عاوزة أعمل تحليل dna... .
ثم أغمضت عينيها بتعب قائله
=.والله لو طلع غسان ابني ما هسكت علي حقي..وهاسجنه...ربنا ينتقم منه..حسبي الله ونعم الوكيل.
احتضنتها غاده بيد مرتعشه قائله
=أنا كمان مش هسكت يا ماما...بس أرجوكي اهدي واستحملي...بلاش تسيبيني يا ماما...احنا ملناش غيرك....ماما أنا تعبانه أوى...ولو حصل ليكي حاجه هتعب أكتر.
زادت زهيرة من احتضانها متنهدة بتعب وتنهج قائله
=ربنا انتقم منه بسبب دعايا عليه...بس جت في ابني...اللي الله أعلم ابني ولا بيضحك عليا...كنت بكره وجوده... من أول مرة شفته وبصيت في عينيه .
،،💃💃💃💃💃💃💃💃💃💃💃💃💃💃
#موكا_سحر_الروايات رواية #غلطه_وندم
خرج غانم يجر أذيال الخيبه ..تبعه شهاب ليوقفه عند حده ويمنعه من الاقتراب منهم مرة أخرى حتي لو أثبت ان غسان شقيق لغاده
نظر اليه شهاب بسخريه قائلا
=انت كده ارتاحت...انت واحد أناني...حتي لو حابب تقولها خبر زى ده...المفروض خبر حملها يخرصك....تعرف هي ممكن تفكر في ايه..ممكن تجهض ابنها علشان أخوها.
ابتلع غانم مرارة حلقه قائلا
=انت بتقول ايه....انت لو تعرف بنتي صح...هتعرف انها عمرها ما هتعمل كده..أنا حبيت أقولها علشان بس تسأل عليه...شايف حالته قاعد في العربيه نفسه يطلع يشوفها وتشوفه..
هبط غسان من السيارة متجها صوب شهاب بحاله مرذيه قائلا
=أنا مش جاي أطلب العمليه..أنا جيت علشان أشوفها..ممكن أشوفها قبل ما أسافر وأملي عيوني منها..أقسم بالله ما هأذيها,,,أنا غلطت زمان لكن خلاص ندمت.
نظر اليه شهاب بجمود قائلا
=لو كنت ندمت مكنتش جيت...ولا جاي تكمل المهزله بتاعت أبوك...انها أختك شقيقتك...وأن الحاجه زهيرة أمك... لا يا حبيبي كل ده لا يعينينا بشئ.
ذهل غسان مما يتفوه به شهاب ونظر الي غانم بحقارة يظن أنه لجأ الي هذه المعضله ليثير شفقتهم نحوه ولكن وجد غانم ينكس رأسه بألم قائلا
=غاده تبقي أختك شقيقتك يا غسان...وزهيرة هي أمك....مش زيزى...وده يفسر لك ليه زيزى سفرت أخواتك عند خالتهم وبعدتهم عنك...
كاد غسان أن يتحدث ولكن قاطعه شهاب قائلا
=لا بقولكم ايه.. هي مش ناقصه...قسما بالله...اللي هيقرب منها ومن أمها لأكون قاطع رجله...أنا استحملتكم كتير....أبوك والست اللي عامله نفسها أمك هيتسجنوا.
هز غانم رأسه بانكسار قائلا
=حقك يا ابني....اعمل فيا ما بدالك....بس سيبوني أطمن علي غسان الأول..أنا أستحق أضرب بالنار...ربنا انتقم مني علشان حرمتها من ابنها.
ليتعالي صوت رنين هاتف غانم واذا بشقيقه زوجته تهاتفه قائله بشماته
=ازيك يا غانم يا أخويا...طبعا مستغرب بكلمك ليه...البقيه في حياتك...زيزى جت تاخد الولدين من عندي...خافت عليهم اكمني مش بخلف...بس قدر ربنا بقا انقلبت بيهم العربيه وماتوا...بس زيزى مرميه في المستشفي...قلتلها انتي مش ضامنه بس أهو...قلبي معاك يا غانم.
سقط الهاتف من يد غانم وسقط بكل جسده علي الأرض يضع يده علي رأسه يقوم بلطم خديه كامرأة فقدت كل شئ ..ينوح وتتعالي صرخاته ليأخذ غسان الهاتف ليستمع الي كلمات شقيقه زيزى مرة أخرى لينهار ويسقط جانب غانم ينظر اليه باستنكار ويرفع رأسه للسماء ليتأكد من الحقيقه الالهيه الوحيده ألا وهي ان الله منتقم جبار نظر اليهم شهاب باستغراب من حالتهم يستفسر عن ماهيه الهاتف الذي جاء لهم...ترى أي مصيبه حلت بهم جديدا ....ليغمض غسان عينيه بمرارة وصوته يرتفع بنحيب قائلا
=انتقام ربنا ملوش حدود زى ما انت قلت يا شهاب...يوم ما عرفت أنا وغاده اننا شققا...اخواتي الاتنين ماتوا....ماتوا يا شهاب...اااااه علي الوجع...
ثم نظر الي والده ولم تعنيه حالته المرزيه ليندفع وينظر الي بؤبؤ عينيه بعنف وغضب يجز علي أسنانه قائلا
=انت السبب يا غانم بيه
تعالت صرخات غانم قائلا
=أنا السبب...أنا اللي وصلت الكل للحاله دي...ربنا ياخدني ويريحني...كنت خدني بدالهم يارب..اولادي ماتوا...وغسان هيروح مني...
🤔🤔🤔🤔🤔🤔🤔🤔🤔🤔🤔🤔🤔🤔
#مروة_محمد جروب#موكا_سحر_الروايات
بالأعلي
نهضت زهيرة ونهضت معها غاده وهي تتأوه من الألم لتقلق زهيرة قائله
=ارتاحي انتي يا غاده...ياريتك ما خرجتي ولا سمعتي...متحطيش حاجه في دماغك...لأن لو حقيقي...أحنا برضه مش هنعمل حاجه...
توترت غاده قائله
=أنا تعبانه أوى يا ماما...ونسيت أخد المثبت الصبح...وحاسه ان جسمي من تحت تقيل...خايفه أكون بسقط...
جحظت زهيرة بعينيها وهي تنظر أسفل ساقي غاده وهي ترى الدم المنساب بين رجلها لتخبط علي صدرها بقوة وتتعالي صرخاتها وهي ترى غاده تسقط مغشيا عليها
💛💛💛💛💛💛💛💛💛💛💛💛💛💛
#غلطه_وندم بقلم #مروة_محمد
صعد شهاب درجات السلم سريعا ليعلم ما ذا حدث لتستوقفه صرخات زهيرة وهي تقول
=ليه يا غاده ليه...تعملي في نفسك كده..ليه تحسريني عليكي يا قلب أمك...كله راح...يا مصيبتي...حسبي الله ونعم الوكيل فيك يا غانم انت ودخلتك علينا.
دخل شهاب ليجد غاده ساقطه وسط بركه من الدماء ليشك قائلا
=ايه ده...هي عملت ايه....سقطت ابني صح...
ليخبط علي الحائط بجواره وهو يصرخ بعنف قائلا
=ليه ليه ليه...ليه تعملي فيا كده ليه...علشان كلاب.. أنا عمرى ما هسامحك....اللي بينا انتهي يا غاده.
لم يستطع شهاب السيطرة علي انفعالاته بعد ذلك المشهد ليخرج منهارا تاركا غاده ورائه يلعنها علي شئ لم تفعله أبدا فقد خانت زهيرة الكلمات وسط صرخاتها...لتذهل زهيرة من موقفه و تجد غسان ينظر اليها قائلا
=ايه اللي خلاها تعمل كده...
لينظر الي غانم المتسمر في مكانه كأنه يرى مشهد موت أولاده جميعا ليصرخ غسان بعنف قائلا
=انت السبب...أنا عمرى ما هسامحك..انت دمرتنا كلنا.. يارب أموت وأرتاح أنا كمان.. علشان انت ترتاح
هزت زهيرة رأسها بانهيار قائله
=لا غاده معملتش حاجه..أقسم بالله ما عملت حاجه...والله دي كانت كويسه...بس المفاجأة والضغط العصبي والنفسي...واساسا الحمل مش مستقر...
😁😁😁😁😁😁😁😁😁😁😁😁😁😁
#موكا_سحر_الروايات رواية #غلطه_وندم
حملها غسان رغم عدم قدرته علي ذلك تتبعه زهيرة الي المشفي وتم ادخالها غرفه التنضيف ليخرج اليهم أسامه يزفر قائلا
=يعني هو شهاب مش عارف ان حملها صعب....ومعرضه للاجهاض في أي وقت..ايه لعب العيال ده..والفهم الغلط...حتي التليفون بتاعه مغلق.
وضع غانم يده علي صدره يضربه بعنف قائلا
=أنا السبب...أنا اللي جنيت عليها هي واللي في بطنها....ياريتني موت قبل ما أعمل فيها كده...ربنا يخدني ويريحني...سامحيني يا زهيرة.
جزت زهيرة علي أسنانها بشده قائله
=ابعد عننا...لو عايزني أسامحك وأولادي يسامحوك...انسي انك خلفت...روحي للسينيورة هي محتاجك أكتر مننا...وأنا ربنا يقدرني أعافي أولادي.
رفض أن يتجه الي أي مكان ويتركهم ولكن تفاجئ بغسان يجره ويسحبه من يده يخرجه من المستشفي قائلا
=انتهي...اعتبرنا موتنا زيهم...سيبنا بقا نعالج نفسنا من الدمار النفسي بتاعك...أو نموت بذنبك.
☺️☺️☺️☺️☺️☺️☺️☺️☺️☺️☺️☺️☺️☺️
#مروة_محمد جروب #موكا_سحر_الروايات
انصرف غانم ليقوم باجراءت دفن أولاده وانقضي اليوم ليشرق شمس جديد علي غاده بدون شهاب وطفلها.. دلف اليها غسان ليجدها ما زالت نائمه ليلتقط يدها قائلا
=غاده...أقسم لك اني بحبك زى ما تكون حته مني...بس الشيطان لعب لعبته...خربت لك بيتك وحياتك ودنيتك...بس أوعدك اني هرجع كل حاجه زى ما كانت.
فاقت غاده علي كلماته ونظرت اليه بصورة مشوشه لتقول
=شهاب...
ثم بدت الرؤيه واضحه لديها لتستغرب وجوده وتقول
=ايه ده...انت غسان...أومال فين شهاب...وأنا ايه اللي جابني هنا...أنا أخر حاجه فكراها هي الدم...غسان هو أنا نزلت ابني صح؟
نظرت إليه لتجد منكسا رأسه يتحاشي النظر إليها يخشي البوح بما حدث .
حاولت أن تنهض لتشعر بالألم ليهدئها غسان قائلا
=أنا السبب يا غاده...حقك عليا...والله لأصلح غلطي وغلط أبويا...واللي راح يتعوض ان شاء الله....وشهاب هيرجع هو بس فهم غلط...
لتتعالي صرخات غاده ناطقه باسم شهاب ليركض أسامه ويدلف اليها ليقيد حركتها مع الممرضين قائلا
=مفيش داعي للي انتي بتعمليه ده يا غاده..اهدي كده الأمور مش بتتاخد بالطريقه دي...انتي كده هتدخلي في حاله انهيار عصبي وده مش كويس.
أخذت تتعالي صرخاتها ليأخذها غسان بين أحضانه وهي متذمرة كالاطفال ليربت علي ظهرها قائلا
=أنا هروح أفهمه كل حاجه...هو فكر انك أجهضتيه...وسابك ومشي...بس والله هرجعه ليكي...متزعليش نفسك...هو بيحبك وعلشان كده مقدرش يشوفك بالحاله دي.
انتبهت غاده علي هاتف أسامه وهو يحدث حوريه قائلا
=لسه مش لاقيه يا حوريه...أيوه فاقت...يعني أعمل ايه يا حوريه..أقسم بالله انتوا فاهمين غلط...ده اجهاض وارد يحصل...وأنا قايل كده من الأول.
رفعت غاده أنظارها الي غسان تستفهم منه ليرد بارتباك قائلا
=غاده انتي لما وقعتي...مامتك...أقصد ماما ...قالت... ليه عملتي كده يا غاده...فهو شك انك ممكن تكون أجهضتي علشان عمليتي...بس أنا هدور عليه وهقوله الحقيقه.
كاد غسان أن ينهض لتمسكه غاده من معصمه وتمسح دموعها بقوة قائله
=لا يا غسان...انت مش هتروح ليه...واللي راح عمره ما هيرجع...هو وصل انه يشك اني أموت ابنه اللي هو ابني...تبقي خلصت...أنا مش عاوزاه.
دلفت زهيرة بتوتر تفرك يدها بعصبيه ولوم قائله
=أنا اللي اندفعت و اتكلمت غلط من خوفي عليكي...كنت أقصد ان ليه حصل كده...وهو فهمني غلط...هو برضه يا غاده مقدرش يستحمل المنظر .
أفاق أسامه من شروده وقال
=أنا هحاول أوصله يا غاده...وهوضح ليه ان كل الأشعه والتحاليل بتثبت ان الحمل ده كان محتمل سقوطه...حتي لو كان اكتمل كان ممكن ينتج عنه طفل مريض.
هزت غاده رأسها بصرامه ترفض عرض أسامه ليميل عليها غسان قائلا
=اقبلي يا غاده...هو هيصدق أسامه أكتر مني...علشان خاطرى لو بتعزيني...ده مجرد سوء تفاهم...عديها..اصلا الظروف بتاعتي هي السبب.
لوت شفتيها بامتغاص قائله
=أقبل ايه يا غسان...أقبل شخص شك اني موت ابنه..لاااا... والف لا... البيه قبل ما أعرف اني حامل...هددني ان لو عملت العمليه بتاعتك هيطلقني ..كده تمام أوي
رد عليها أسامه يدافع عن شهاب قائلا
=بس لما تعبتي كان هيوافق علشان يرضيك...ولما حملتي الوضع بقا صعب...بصي هي الأمور اتلعبكت وجت ورا بعضها...و زى ما غسان قال شهاب لازم يفهم.
تحدث غسان قائلا
=أنا بعد كلامي معاه تحت...والخبرين اللي عرفتهم...انك أختي شقيقتي...وان اخواتي ماتوا...حلفت اني مش هقرب منك...حسيت اني منحوس بس ما قدرتش طلعت أشوفك بعد صريخ ماما.
شهقت غاده ووضعت يدها علي فمها قائله
=ايييه...ماتوا...يعني بعد المصايب دي كلها وسابني...لا يا غسان...كده الموضوع صعب ما بينا...أنا رخصت نفسي زمان..وقالولي اني كنت غلطانه ...طب ودلوقتي.
وضع غسان يده علي فمها يمنعها من الحديث قائلا
=دلوقتي ولا زمان.. انتي طول عمرك غاليه...وطول ما أنا عايش ضهرك عمره ما هيتكسر...فهماني...وهو بيحبك وبجنون...وهيرجع.
هزت غاده رأسها برفض قائله
=شهاب أثبت انه مش بيحبني...اللي بيحب حد بيفضل جمبه حتي لو كان غلط في يوم...زى ما انا مقدرتش حتي من قبل ما أعرف انك شقيقي...مقدرتش أمنع نفسي من التفكير فيك.
احتضنها غسان بحنان قائلا
=أنا من اللحظه دي ضهرك وسندك....أنا مش خايف اني أموت...أنا بس كان نفسي أكمل معاكي وأشوف ولادك...بس القدر شكله هيمنعني عنك.
تنهدت غاده بتعب قائله
=أنا هعمل التحاليل...علشان تطابق الأنسجه..واللي متأكده انها هتطلع ايجابيه...وهنعطي لبعض فرص للحياة من أول وجديد...وهيتحقق حلمي.
نظر اليهم أسامه ليفاجئهم قائلا
=وأنا معاكم ومش هسيبكم....لأني مؤمن بيك يا غاده انت من حقك حاليا تعملي اللي انتي عايزاه...وهو لما هيظهر أكيد هيعذرك...ويقدرك.
لترد غاده بسخريه قائله
=بجد؟...طب وحوريه هانم...اللي أنا حاسه انها في صف أخوها ومفكرة فعلا اني أجهضت ابني...دي كمان أخر قلم توقعته في حياتي...مش فارقه..
عم الصمت أرجاء الغرفه لتذهب زهيرة صوب غسان قائله والدموع متحجرة
=انت ليه من ساعه ما عرفت اللي بينا.. محاولتش تقرب مني...وكل قربك لغاده...هو انت مش حاسس ان أنا أمك...ولا ايه...أنا حتي حسيتها من أول مرة بصيت في عيونك.
ارتفع بكل جسده لينتصب أمامها لتشاهد طوله الفارغ أمامها لتترقق الدموع قائله
=يااااه...بقا انت ابني...أنا عندي راجل طويل عريض...وكل السنين دي محرومه منك...ولما اتعرفت عليك...كرهتك...ودلوقتي ايه أحبك؟
بكت وبحرقه قائله
=راحت فين الايام اللي كان المفروض اني أرضعك وألبسك وأنيمك...ليه مرجعتش الأيام دي معاك...ليه حرموني منك...أنا مليش دعوة...أنا عايزة الايام دي ترجع.
احتضنها غسان وبقوة ليربت علي ظهرها قائلا
=محدش يقدر يرجع اللي راح يا ماااما...بس أوعدك الباقي من حياتي هكون خدام رجلك..وسامحيني علي اللي عملته فيكي انتي وغاده.
ارتفع صوت هاتف أسامه من جديد ليرد بصوت قوى قائلا
=أيوة عايزة ايه...اه فاقت وعرفت باللي أخوكي عمله...وخلاص يا حوريه أخوكي صفحه وانطوت...وهتعمل العمليه لأخوها...وهو حر بقا يظهر ميظهرش مش فارقه.
انتهت مكالمه أسامه وشردت غاده قائله
=البيه أبوك فين يا غسان.. فاته فرحان دلوقتي علشان أنا مش حامل وهعطيك النخاع...بس يا خسارة.. الولدين الصبيان اولاد زيزى راحوا.
رد عليها غسان بخفوت قائلا
=اطمني ماما عملت في ما بدالها طردته من المستشفي...وهو خلاص ملوش دعوة بينا.. راح دفن اخواتنا...ومن ساعتها قاعد جمبهم...
اقترب أسامه من غاده قائلا
=طبعا انتي سمعتي المكالمتين بتوع حوريه...أنا عايزك تعذريها يا غاده...انتي عارفه انها متهورة وطايشه حتي في تعاملها معايا...بس بترجع تندم.
ردت عليه غاده يجمود قائله
=أنا مش حابه أتكلم عن أي حاجه دلوقتي...غير التجهيزات للعمليه...كفايه بقا ده قال وده عاد...كل ده هيروح من بالي أول ما أدخل أوضه العمليات.
قبلها غسان من رأسها قائلا
=أنا كفايه عليا وجودك انتي وماما في حياتي...بلاش انتي يا غاده.. انا كنت مسافر لأن لقيت متبرع بره.... فبلاش تتعبي نفسك...كفايه وجودك معايا وقتها.
زفر أسامه بيأس قائلا
=يالا لو صبر القاتل علي المقتول مكنش ده حصل....المتبرع اللي مستنيك في ألمانيا ده صاحبي وصاحب شهاب...متطابق معاك في الأنسجه....وعلي فكرة دي كانت مساعده من شهاب لغسان.
نظرت اليه غاده بدهشه قائله
=بتقول ايه...يعني هو ساعد غسان زى ما وعدني...طب ليه مقالش ...مش يمكن كان وفر علينا حاجات كتير...أنا عارفه ليه مقالش...كبريائه منعه.
تنهد أسامه قائلا
=يالا يا غاده...اللي حصل حصل...الكلام معدش له فايده...دلوقتي قدامكم حل من الاتنين يا تسافروا والمتبرع موجود يا تعمليها يا غاده لو طلعت الأنسجه متطابقه.
رفضت غاده ونهضت لتتوجه الي الحمام لتنفجر في البكاء متذكرة شهاب وتركه لها بهذه الحاله المرذيه..
💓💓💓💓💓💓💓💓💓💓💓💓💓💓
#مروة_محمدجروب #موكا_سحر_الروايات
.بالخارج تحدث غسان الي أسامه قائلا
=خليك وراه....لازم يعرف الحقيقه...اوعي تسمع ليها...هي بتقول لا بس من جواها هتسامحه...هي متقدرش تبعد عنه...يعني الكل فرق ما بينهم ومفلحش وده اللي هيفرقهم.
تنهد أسامه قائلا
=طيب... من غير ما تقول...بس مش عارف ليه حاسس انه سافر بره البلد...بس هجيبه لو فين...غبي ومتهور ومتسرع...أنا قايل له أي ضغط عصبي سقوط الجنين هيبقا نتيجته..
خرج غسان وأسامه من الغرفه لتنال قسطا من الراحه ليتنحنح غسان قائلا
=دلوقتي أنا حابب أتأسف ليك أنا كمان علي الحركه الواطيه بتاعتي...بس والله هي مكنتش مقصوده...يمكن أقابل ربنا وأنا بعمل العمليه فحابب يكون الكل مسامحني.
زفر أسامه بحنق قائلا
=يالا بقا اللي حصل حصل..ده لا وقته ولا مكانه...وبعدين أنا لو في دماغي حاجه...مكنتش قلت لشهاب انك مريض أصلا...احنا مش وحشين علي فكرة.
دلف غانم الي المشفي ليجدهم أمامه لينظر اليهم بقلق قائلا
=باين ان غاده فاقت صح...ممكن أشوفها وأتكلم معاها...وتسامحني...أنا مقدرش أستغني عنها....ولا عنك...انتو دلوقتي اللي فاضلين ليا.
ليرد عليه غسان بصرامه قائلا
=مش هتدخل...هي مش عايزة تشوفك...وماما عندها حق...ابعد عننا وعن حياتنا...احنا هنعيش وهنكمل بعض...بس انت مش هتكون معانا.
هز غانم رأسه بانكسار قائلا
=حقكم عليا...أنا ضيعتكم من ايدي.. وضيعت كرامتها هي بالذات...ولما جه الراجل اللي يحفظ كرامتها..فضلت أحارب لغايه ما سابها.
رد عليه أسامه قائلا
=طبعا انت كلامك تلات أرباعه صح.. بس حط في بالك هو مش سايبها بسببك...لا هو سمع كلمتين غلط فجن جنونه... بس شهاب راجع.
ليتبعه غسان بصرامه
=غاده بس تعمل العمليه...وكل حاجه هترجع زى ما كانت وأحسن...وأعتقد القضيه اللي مرفوعه ضدك ملهاش لزمه...روح بقا عيش مع الست زيزى.
هز غانم رأسه بانكسار قائلا
=ماشي يا ابني...زيزى قبل ما تتشل صرخت وقالت ياريتني أنقذت غسان...وقالت هاتلي ابني غسان...قلتلها غسان عرف مين أمه الحقيقه.
🌺🌺🌺🌺🌺🌺🌺🌺🌺🌺🌺🌺🌺🌺
#مروة_محمد جروب #موكا_سحر_الروايات
خرجت غاده من المرحاض منهزمه ومكسورة أسندتها زهيرة قائله
=تعالي يا بنتي .. ارتاحي..وحقك عليا.. يا غاده...والله ما كان بايدي...كل جه ورا بعض...حسيت اني بخسركم واحد واحد...ربنا يرجعك يا شهاب.
تحدثت غاده بصوت مبحوح قائله
=ممكن يا ماما...مش تقولي اسمه تاني قدامي...أنا مش حابه أسمعه...كل ما بسمع اسمه بحس بالاهانه ...لو بتحبيني بلاش...وسيبي الأيام هداويني.
دلف غسان قائلا
=انتي بتمرضي نفسك أكتر...وعمر ما الأيام هداويكي...وبعدين احنا كلنا بنحبك...وعلشان بنحبك لازم نرجعه ليكي...بس هو هيرجع أصلا من غير ما نطلبه.
نظرت زهيرة الي غسان بسعاده أنها أنجبته فقط فقالت
=أنا هنادي علي الممرضه...تجبلكم أكل تاكلوا مع بعض..رغم اني نفسي تاكل من أكلي يا غسان...بس بعد العمليه يا حبيب قلبي...ربنا يباركلي فيكم.
كادت غاده أن تعترض علي الطعام فنهرها غسان قائلا
=لا بقا بقالك خمس وعشرين سنه بتسمعي كلام ماما...ولما أنا جيت هتتملعني.. لا أنا هسمع كلام مامتي حبيبتي وهاكل...وهتاكلي معايا.
دلف أسامه قائلا
=الأكل هتجيبه الممرضه وأنا حددت ميعاد التحاليل...ولو النتيجه ايجابيه هنظبط شويه حاجات...وبعد بكره العمليه ان شاء الله...وسألت الدكاترة قالوا ان حالتك مش اجهاض يستدعي ان احنا نسيبك أربعين يوم.
💋💋💋💋💋💋💋💋💋💋💋💋💋💋
#موكا_سحر_الروايات رواية #غلطه_وندم
خرج أسامه وهاتف رقم ليعلمه بما حدث ليرد الطرف الأخر قائلا
=علي طول كده.. طب كانت تستني...ايه ما صدقت يعني...وانت كمان ما صدقت تساعدها...ولا علي بالك انك بمساعدتك دي بتتعب قلب غيرك.
ليزفر أسامه حانقا وهو يقول
=ماشي مش هساعدها علشان متعبش قلب غيرى.
😅😅😅😅😅😅😅😅😅😅😅😅😅
#غلطه_وندم بقلم #مروة_محمد
#غلطه_وندم💃💃💃
#مروة_محمد💋💋💋
#الفصل_الثامن_والعشرون🌺🌺🌺
الحمد لله الذى تتم بنعمته الصالحات 🧡🧡🧡
احتاج الى الشعور بالرضا والي نور يهدى طريق العامه بداخلي
قامت غاده بعمل الفحوصات اللازمه ليتأكد الجميع ان الأنسجه مطابقه ليتم تحديد موعد العمليه..لتوضع علي فراش العمليه وهي شارده لتعلق ذهنها بأخر صورة لشهاب...انقضت العمليه بسلام وأمان...وتم ادخال كل شخص منهم في غرفه منفصله...كانت زهيرة تقوم بالتناوب بينهم...أثناء دخولها عند غسان..قام بخطا مسرعا الي غرفتها ودلف وأغلق الباب من خلفه يستند عليه وهو ينظر اليها وهي شاحبه الوجه ملقاة علي الفراش أمامه ليستشعر مدي قسوته وهو يحدث نفسه قائلا
=عجبك كده...قعدت أقولك مستحيل أجي وأشوفها...بس انت يا قلبي ضعيف...مقدرتش أصريت تدفعني بجنون ليها..وأهو الجنون هيبقا علي حق لو فاقت.
اقترب من فراشها ليجدها معلقه بالمحاليل ليتأثر من مظهرها ويتذكر كلمات والداتها ليفور من الغيظ ويستشعر أنها فعلت ذلك لتنقذ أخيها ليدنو منها قائلا
=دا اللي كان نفسك تعمليه من لحظه ما عرفتي انه مريض...مش هنكر انك رفضتي لما عرفتي انك حامل..لكن أخر لحظه تضيعي ابني مني علشانه؟
ليشاهد قطرات مفاجئه تخرج من عينيها المغلقه كأنها تستمع الي كلماته ليضع يده علي يدها قائلا
=أنا مقدرتش مجيش وأشوفك...لأني لسه بحبك رغم اللي عملتيه فيا.
ليتفاجئ من ضغطه يدها علي يده لينتفض قائلا
=انتي فايقه صح...ومش قادرة تواجهيني؟
ولكن دون رد كانت لمستها عبارة عن استشعارا ناتجا من اللاوعي ليعتصر دموعه وهو يهبط بشفتيه ليقبلها قائلا
=أنا هبعد...ويمكن في البعد ترتاحي وأنا أرتاح...بس خليكي فاكرة اني كنت متمسك بيكي لأخر لحظه...سلام يا غاده القلب.
ترك يدها وتركها ليتوجه صوب الباب ليفتحه ويجد أمامه زهيرة التي شهقت باسمه وهي تحاول التمسك بيه وسرد له كل ما حدث ولكنه رفض وهجرها وهجر الجميع الي حيث الراحه التي يعتقدها وحده...لم يكن يعلم ان هذه الراحه التي اختارها سوف تكون مصدر عذابه وللأبد.
🤣🤣🤣🤣🤣🤣🤣🤣🤣🤣🤣🤣🤣🤣
#غلطه_وندم بقلم #مروة_محمد
رحل شهاب وبدأت رحله العذاب في غيابه ..فاقت من العمليه...وتذكرت وجوده..كادت تود أن ينتظر حتي تفتح عيونها وتمنعه من الرحيل...ولكن يبدو أنه يعلم لو انتظر أكثر سوف تفشل خطته في البعد...ظلت أسبوع هي وأخيها بالمشفي...ورفضت أن ترجع الي منزلها وقررت الرجوع الي بيتهم القديم رغم عرض غانم الرجوع الي الفيلا الا أنها اعترضت...وغسان وافقها الرأي وذهبا معهم الي البيت القديم..دلفت غرفتها تجلس بفراشها تتذكر جلستها مع نفسها وحبه الذي أخفته خلف جدران هذه الغرفه لتنزل العبرات من عينيها وتدلف في نفس اللحظه زهيرة تتحسر علي الحاله التي وصلت لها غاده لتدنو منها وتحتضنها قائله
=اهدي يا حبيبتي..احنا قلنا ليكي.. نروحله ونقوله الحقيقه.. انتي اللي عندتي وركبتي راسك...والله يا غاده ده بيحبك أوى...واسأليني أنا.
أجهشت غاده بالبكاء وغرقت كتفي زهيرة بالدموع وهي تقول
=مش محتاجه أسالك...أنا مكنتش متبنجه...ولو كنت لسه في البنج بس هحس بيه دون عن أي حد دخل ليا الأوضه...عارفه أنا استغربت لما قولتي ليا ان الراجل اللي اسمه أبويا دخل يشوفني...رغم انه دخل بعد شهاب بيوم بس محستش بيه.
أخرجتها زهيرة من أحضانها تلمس علي كتفيها بحنان قائله
=أنا حاولت أوقفه.. بس هو رفض..وخفت أعلي صوتي تصحي وتشوفيه وهو ماشي..وتزعلي...بس انتي كنتي حاسه بكل حاجه...طب كنتي قومي وقفيه.
ارتمت غاده في أحضان زهيرة مرة أخرى قائله بحسرة وألم
=كان نفسي يا ماما...كان نفسي أصرخ وأقول متسبنيش واللي اتكسر يتصلح..تعالي نعوض كل حاجه...بس مقدرتش..هو نفسه قالي انه مش هيقدر.
تمسكت غاده بأحضانها قائله
=ربنا وحده اللي عالم أنا كان نفسي أصرخ واقوله استني ...وكنت هعمل كده بس افتكرت لما سابني وأنا مرميه في دمي...حتي لو شاكك فيا مكنش يسيبني.
ربتت زهيرة علي ظهرها بحنان قائله
=أنا السبب يا بنتي سامحيني...طول ما انتم بعيد عن بعض عمرى ما هسامح نفسي...ياريتني كنت اتخرصت ساعتها ولا كنت قلت الكلمتين دول.
خرجت غاده من أحضانها مسرعه تضع يدها علي شفتي زهيرة قائله
=بعد الشر عنك يا ماما...ربنا يباركلي فيكي انتي وأخويا غسان...انتوا خلاص بقيتوا حياتي..سبحان مغير الأحوال... كل شئ بيتغير...
ابتسمت زهيرة ابتسامه حنونه قائله
=ايه مش هتقومي بقا تشوفي حياتك ونشوف أخوكي ده اللي طالع نازل ...مش فاهمه في ايه....يالا ما هو مش واخد علي قعده بيوت السكني.
❣️❣️❣️❣️❣️❣️❣️❣️❣️❣️❣️❣️❣️❣️
#موكا_سحر_الروايات رواية #غلطه_وندم
ابتسمت غاده ونهضت لتخرج من غرفتها لتجد غسان يقف في منتصف الصاله شاردا لتلوح اليه بيده ليخرج من شروده قائلا
=البيت ده كله ناس عواجيز...الا ما فيه واحده حلوة كده زى ماما... اسندني يا ابني وطلعني يا ابني...المهم سندت الراجل اللي في الشقه اللي جبنا...وياريتني ما طلعته ولا رنيت جرس بابهم.
تعالت ضحكات غاده لتفهم ما تفاجئ به أخيها لترد قائله
=امممممم...ليك حق تتفاجئ من بين سكان العمارة الكبار اللي في السن تشوفها...تصدق وحشتني...أهي دي بقا ملكه جمال العمارة...منوش.
ليبتسم غسان بسخريه قائلا
=منوش...دي محصلتش فتوش...دي بت سمجه...أه هي الجمال عدي الكلام فيها...بس لسانها مرذبه...بقولها بعد اذنك أدخله...تقولي نعممم تدخل فين.
استمعت اليه غاده باعجاب من شجاعه منه لترد قائله
=أنا بصراحه مبسوطه منها انها عملت معاك كده...واحمد ربنا انها متهورتش...يا ابني دي معاها الحزام الأسود....ومحدش في المنطقه يستجر يكلمها.
ابتسمت زهيرة بألم قائله
=ربنا يرحم أبوها وأمها ماتوا في حادثه ومن ساعتها عايشه مع جدها...الكل كان خايف اكمنها حلوة وصغيرة هتقلب الشارع...بس البت أثبتت للكل انها بميت راجل.
ليبتسم غسان بسخريه قائلا
=وحاليا بقا بجمالها ده...ندخلها قايمه الرجاله ولا الستات...وبعدين هو أنا عملت حاجه أنا كنت هدخله لجوه...تقولي شايفني ناقصه ايد ولا رجل.
ابتسمت غاده علي ثقه منه قائله
=أنا برضه شايفه انها عندها حق..انت ساعدت الراجل وطلعته..مهمتك انتهت.. ترجع بيتك زى الشطور وتبطل طلوع ونزول... هنا مش المهندسين يا غسان.
زفر غسان بحنق لتندهش زهيرة منه قائله
=هو انت لما فتحت ليك الباب ...دخلته علي طول...ولا وقفت تعاكسها بعيونك يا ابن غانم...أه ما أنا عارفه العرق دساس...طفس زى أبوك.
راقص غسان حاجبيه لزهيرة قائلا
=لما انتي عارفه ي زهورتي اني مصيبه زى غنومتي...يبقا تفتكرى هشوف الجمال ده ومش هبحلق..دي بتقول للي قدامها بحلقلي وبوصيلي.
تعالت ضحكات غاده قائله
=انت مصيبه يا غسان...معلش بقا استحمل اللي يجرالك..لو عايز تكمل عيشتك معانا بسلام... معنتش توصل جدو محمد لفوق...خلي حد تاني.
ابتسم غسان بخبث قائلا
=لااا...أنا قاعد مرابط تحت العماره ...همشي البواب وهشتغل مكانه..وهطلع الراجل وهتشوفي يا فتوش....اما عملت منك سلطه مبقاش أنا غسان.
رفعت غاده كتفيها قائله
=أنا اللي عندي قلته...احنا لسه طالعين من عمليه وصعبه كمان...فبلاش تخبطك خبطه تأثر علي الباقي..وبعدين أنا أخر مشوار للمستشفي ومش هدخلها تاني.
ليرد غسان بامتغاص قائلا
=أخر مرة...ليه ان شاء الله...أومال أنا مين هيقولي خالو...ايه مش ناويه تجبيلك كام عيل كده يقولوا بابا وماما وخالو وتيته وجدو...ويقولوا لفتوش يا مرات خاله.
انخفض بصر غاده في الأرض لتعاود ذكرى يوم فقدان جنينها من جديد لتردد قائله
=الله يسامحك غسان...بلاش تفتح السيرة دي تاني...أنا خلاص من بكرة هجهز نفسي علشان الامتحانات قربت...وبعدها هاخدكم وهسافر علشان الماستر.
ليزفر غسان بحنق قائلا
=....... وأنا مش هسيبك تدمرى نفسك....بلا ماستر بلا بطيخ
زفرت غاده بحنق قائله
=......أنا خلاص لازم أشوف مستقبلي ..
لينظر اليها غسان بجمود قائلا
= كل ده بسبب العمليه اللي دمرت كل حاجه بينكم...مرضي نفسه شقلبلك حياتك..هفضل عايش بعقده الذنب من ناحيتك...مش كفايه اللي عملته زمان؟
😅😅😅😅😅😅😅😅😅😅😅😅😅😅
#مروة_محمد جروب #موكا_سحر_الروايات
قبل سفره بيوم بعد الاطمئنان علي غاده ذهب اليه غسان ليشرح له ما حدث ليحتج قائلا
=انت متتكلمش خالص...انت أناني وما صدقت انها سقطت...أنا كنت مساعدك وجبتلك المتبرع وكنت هتسافر...مكنش في داعي تيجي في اليوم ده ....
رد عليه غسان مدافعا عن نفسه وعنها قائلا
=طب وأنا كنت أعرف منين اللي هيقوله؟...وهي ذنبها ايه؟...تسيبها ليه في الظروف دي حتي لو كانت جانيه؟
زفر شهاب بحنق قائلا
=سبتها علشان بحبها...وكاره ان حد يقرب منها حتي لو كنت انت....لأنها فعلا ملكيه خاصه زى ما هي قالت...انا لما لقيت الحمل راح...اتجننت.
هز غسان رأسه بقله حيله ويأس قائلا
=انت للأسف محسبتهاش صح...كان ممكن تفضل معاها وأنا في اللحظه دي كنت سبتها وسافرت...علشان مطمن عليها انها معاك...بس انت اختارت الهروب اللي كان نتيجته انه مقدرتش تتخلي عني.
قطب شهاب جبينه قائلا
=يعني لو كنت جمبها كنت انت هتنسحب؟
هز غسان رأسه قائلا
=أيوه هنسحب علشان راحتها...كفايه يا أخي انها أول ما فاقت سألت عنك....وفضلنا نهدي فيها ساعه...حتي بعد العمليه...سألت عنك وانت سايبها.
أغمض شهاب عينيه قائلا
=معدش في فايده من الكلام ده....لو رجعت هي مش هتقبل....بس مش هسيبها وزى يا غسان ما كنت السبب انتي وأبوك في اللي حصل...لازم تساعدني اننا نرجع حتي لو امتي.
💝💝💝💝💝💝💝💝💝💝💝💝💝💝
#غلطه_وندم بقلم #مروة_محمد
ذهب الي والداته ليدعوها للوقوف بجانب غاده ومسانداتها وبعد أن أملي بتعليماته عليها ردد قائلا
=أنا جيت ليك يا أمي لأنك انتي الوحيده اللي هتحسي بيا... انتي عارفه أنا لسه بحبها قد ايه....أرجوك خليكي جمبها وطمنيني عليها.
تنهدت فريال قائله
=ماشي يا ابني...هعمل كل اللي بتقول عليه...بس والله أسامه قال انها ملهاش ذنب...والجنين راح من الضغط العصبي...بلاش تظلمها يا شهاب.
نهض شهاب ووضع يده في جيب بنطاله قائلا
=عرفت بس خلاص معدش يجي منه.
💓💓💓💓💓💓💓💓💓💓💓💓💓💓
#غلطه_وندم بقلم #مروة_محمد
عند غسان وغاده تركته ودلفت الي غرفتها بدون أن ترد عليه ليرن جرس الباب ويفتحه ليجد أخر شخص يتوقعه فدلف اليها قائلا
=حوريه أخت شهاب بره...غاده أنا عارف انك متغاظه منها ومقدرتش بسبب موقفي أبص في وشها وأعرف هي ناويه علي ايه..بس أي ان كان خليكي هاديه
انتفضت غاده وخطت خطوات سريعا حتي وصلت اليها لتجد حوريه تجرها بين أحضانها وغاده مثل الجليد بين يديها تستمع الي كلمات حوريه وهي تبكي قائله
=أنا عارفه انك مقهورة مني...بس انتي عارفه اني متخفله...وبجرى ورا دماغ غلط...أرجوكي يا غاده سامحيني...حقك عليا يا أختي..غاده أنا مش قادرة أعيش واحنا متخاصمين.
لتبتسم غاده بمرارة قائله
=أيوة مش قادرة تعيشي وأنا مخصماكي...ما بالك بيا بقا وأنا عايشه ميته بسبب غلطه معملتهاش...وانتم كلكم حاسبتوني عليها...جايه بعد ايه يا حوريه؟
ابتلعت حوريه ريقها وهزت برأسها قائله
=عندك حق...بس علي فكرة أنا وماما كنا هنجيلك ونشوفك..واحنا أساسا منعرفش طريقه..بس خوفنا لتطردينا...بس معدش ينفع بقا انتي هتبقي الحاجه الوحيده اللي من ريحته في قلب البلد دي.
قطبت غاده جبنيها لتجد حوريه تفتح الباب لفريال لتدلف وهي تتحاشي النظر الي غاده قائله
=أنا عارفه اننا مش مرحب بينا...لذلك خليت حوريه تدخل قبلي.. غاده أقسملك اني لسه شايفه شهاب الصبح بس...كان بيودعني زى ما ودعك.
قطبت غاده جبنيها قائله
=ودعني...ودعني ازاي.. وودعك ازاي...مش فاهمه..ايه مثلا سافر........
ذهبت اليها فريال تربت علي كتفيها قائله
=أنا أم يا غاده وانتي هتعذريني في يوم من الايام...كنت حاسه بيكي أقسم بالله..يقيني انك معملتيش كده مكنش ليه حدود...بس هو برضه ابني.
أغمضت غاده عينيها بمرارة تتحسر علي أخر فرصه لها حيث كانت تمني نفسها بمقابلته في الامتحانات وها هو قد طار محلقا مثل العصفور يأبي أن يقيد في قفصها فابتلعت ريقها قائله
=عند حضرتك حق ...هو فعلا ابنك...وحضورك علي عيني وراسي...حضرتك مرحب بيكي في أي وقت...وودك ليا حاجه كبيرة أوى
نظرت فريال الي حوريه بيأس قائله
=قلت ليكي وقلتله انه مش هينفع...بس هو أصر..أقولك حاجه يا غاده ...أقسم بالله أنا ابني لو متعذب وده حقيقي يبقا يستاهل... علشان يبقي يقدر قيمه النعمه.
ردت حوريه قائله
=بس يا غاده...احنا اصحاب من قبل شهاب...وأوعدك مش هقوله حاجه عنك ...بس بلاش تبعيديني عنك.
.نظرت فريال الي غاده لتجدها حزينه علي حالها لترفع ذقنها تنظر اليها بحنان قائله
=انسي يا غاده...اللي فات مات...واحنا ولاد النهارده....يا ستي اعتبريني صاحبه مامتك...وحوريه أختك اللي عمرها ما تستغني عنك...
لتهز غاده رأسها اليهم بالموافقه ليغادروا وهي تتقطع من الحزن علي هجره المبرح وعلي قذفه لكل الذكريات الجميله بينهم.
😘😘😘😘😘😘😘😘😘😘😘😘😘😘
#موكا_سحر_الروايات رواية #غلطه_وندم
علي الجانب الاخر وقبل صعوده الي الطائرة هاتفته فريال قائله
=علي فكرة كل اللي انت بتعمله ده غلط وهتندم عليه...وعلي فكرة أنا في صفها وعمرى ما هحاول أقولك أي خبر عنها...وحوريه لو عملتها لا هي بنتي ولا أعرفها.
أغمض شهاب عينيه بوجع قائلا
=انتي قلبتي عليا أنا...ليه محدش حاسس بيا...أنا اتوجعت أكتر منها...لما لقيت حته مني علي الأرض عبارة عن بركه دم..
وضعت فريال يدها علي صدرها كأنه ماثل أمامها تترجاه قائلا
=علشان خاطرى يا شهاب لو ليا خاطر عندك..راجع نفسك...لو اتفاجئت بيك دلوقتي كل حاجه هتتغير...وهتنسي وانت كمان هتنسي...
زفر شهاب بحنق قائلا
=خلاص يا ماما قضي الأمر...هي أكيد عرفت منكم اني هسافر...أشوف وشك علي خير يا أمي.
ليغلق الخط ويتوجه الي ساحه الطيران ويصعد طائرته لتقسم فريال في نفسها أن تسترجعه يوما ما الي غاده أو تفعل المستحيل لارسال غاده اليه.
😁😁😁😁😁😁😁😁😁😁😁😁😁😁
#مروة_محمد جروب #موكا_سحر_الروايات
بعد اتفاقاته مع شهاب بدأ ينظر الي حاله استيقظ ذات يوم من نومه مبكرا هبط الي الأسفل مسرعا ينقر علي بابها قائلا
=علي الباب أنا علي الباب افتحلي يا بواب
تعصبت بالداخل وكورت عضله يدها تود الفتح ولكمه لتسرع بلبس اسدالها والذهاب الي الباب وهو مسنود عليه لتفتحه ويسقط قريبا منها ينظر الي عينيها الساحرة يجدها حمراء تفور من الغيظ ليقول بمرح
=مش ممكن عيون الجن الأحمر بتظهر الصبح بدرى.
ازاحته لتوقفه أمامها قائله
=انت ايه التخبيط اللي بتخبطه علي الصبح ده....عايز مننا ايه علي الصبح؟
ليراقص حاجبيه لها قائلا
=عايز أغني أغني عايز أرقص...عايز أبوسك مش عارف ليه
لتشهق جاحظه بعينيها تقول
=لااا...انت زودتها أوى...وشكلي هقلع اللي في رجلي.
ليرد عليها ببلاهه قائلا
=تقلعيه وتمشي حافيه؟
لتتعصب قائله
=أه همشي حافيه...بس هضربك بيه يا بارد الاول.
ليستمعا الي ضحكات الجد محمد وهو يقول
=مينفعش كده يا منه عيب....
التفتت الي جدها قائله
=واللي عمله ده ينفع؟
هز الجد محمد كتفيه بلا مبالاه قائلا
=كتر خيره جاي يفسحني.
ضربت منه كفا بكف قائله
=لا حول ولا قوة الا بالله....أنا مش هتكلم..
ليبتسم غسان بمرح قائلا
=تيجي معانا يا فتوش.
كتمت ضحكاتها واقتضبتها قائله
=لا ...مش هينفع...اما أبقي فتوش أبقي أجي ان شاء الله.
لتتعالي ضحكات غسان وهو يأخذ الجد محمد بين ذراعيها ويلقي لها قبله في الهواء لتقوم بصفع الباب مستنده خلفه وهي تنهار ضحكاتها من هذا الغسان.
💛💛💛💛💛💛💛💛💛💛💛💛💛💛
#غلطه_وندم بقلم #مروة_محمد
انتهت الامتحانات وبات وقت اعلان النتيجه..كان في ألمانيا ينتظر كأنه ينتظر نتيجته أو بالأدق نتيجه ابنته...سأم من وضعه وتفكيره بها ...حاول بمختلف الطرق أن يعلم أخبارها عن طريق والداته ولكن دون جدوى..فقد عزمت أمرها أن تصف بصفها...حتي حوريه لم تعد ترد علي اتصالاته يكفيها وجود غاده بجوارها فقط...كان يود أن يترك كل شئ خلفه ويعود ليطرق بابها من جديد...ولكنه يعلم جيدا رفضها..كان ينظر الي شاشه حاسوبه يحدث نفسه قائلا
=طب وبعدين يا شهاب...وأخرتها ايه في قلبك اللي بيوجعك ده..أنزل وأسيب كل حاجه ورايا...بس هي هترفض...وهنرجع تاني لنقطه الصفر
.تعالي صوت هاتفه ليسرع يبحث عنه قائلا
=دي أكيد النتيجه بانت وهو متصل يطمني..فين التليفون..ده ايه الحظ ده ياربي...التليفون سامع صوته ومش لاقيه..أستغفر الله...أنا مينفعش أتصل بيه.
ليجده ويرد قائلا بلهفه
=طمني
.ليرد عليه الطرف الأخر بفرحه
=نجحت وبتقدير مع مرتبه الشرف...وزى ما رتبت بالظبط...هيجيلها جواب من الجامعه بعد يومين انها ليه منحه في ألمانيا...أنا كده عملت اللي عليا...الباقي عليك.
هز شهاب رأسه بفرحه قائلا
=تمام...أنا هتصرف....بس اياك علي الله ما ترفض...وتقول علشان أنا هناك.
تعالت ضحكات الطرف الأخر قائلا
=انت متعرفش هي بقت مش بيهمها ازاي..دي بتتصرف مع مامتك وأختك كأنهم مش من عيلتك...غاده المسكينه البريئه ماتت...وانتي اللي موتها.
زفر شهاب بحنق قائلا
=طيب المهم بس تيجي هنا وأنا هتصرف...وهيبقي لا في غاده قديمه ولا جديده...ا
انتهت مكالمه شهاب مع الطرف الأخر وجلس من جديد وحيدا وهو ينظر الي الفراغ بشرود قائلا
=مش عارف كلامه صح عليها ولا غلط...أتمني يطلع صح لأن هي دى الطريقه اللي هتخليها مش هاممها....مش مهم أبقي في تفكيرها..المهم انها تيجي هنا.
نهض وتوجه الي الغرفه الذي قام بتجهيزها لها والتي دوما يبات فيها ...صعد الي الفراش وأغمض عينيه يتخيلها في كل مكان...يستشعر رائحتها التي افتقدها ليقول بتحدي
=هتيجي يعني هتيجي يا قلب شهاب...عارف اني غلط في حقك لما سيبتك من غير ما أسمع ليكي...ولو جيت قلت أسف هتعاندي....فالحل انك تيجي هنا نصفي حسابتنا كويس.
💘💘💘💘💘💘💘💘💘💘💘💘💘💘
#موكا_سحر_الروايات رواية #غلطه_وندم
فجأة ارتفع رنين هاتفه من جديد ليجد والداته ليبتسم بسخريه حيث وجد الهاتف في لحظه واذا أراده لن يجده رد عليها ليجده صوتها يحمل في طياته الفرحه ليستغرب هل ستخبره بنجاح غاده ولكنه قطب جبينه عندما قالت
=باركلي يا شيبو ..بقيت جده...ثراء خلفت وجابت بنت وولد تؤام...خلفت شهد لأن البنت فعلا زى الشهد قمرايه يا شهاب..الولد بقا سموه أبو الغضب..قصدي ثائر من ساعة ما نزل محدش عاجبه....عقبال ما حوريه تقوم بالسلامه...نفسي يا شهاب تيجي وتحضر ولادة أختك....وترجع لغاده وأفرح بأولادكم قبل ما أموت....وبعدين يا شهاب بصريح العبارة كده في عريس متقدم لغاده....يا تطلقها يا ترجع.
ابتسم بسخريه وقال في سره
=قال عريس قال
ثم انتبه الي والداته التي علي الهاتف المبتسمه بخبث حيث استمعت اليه ليرد قائلا
=مبروك يا ماما...حمد الله علي سلامه ثراء...وعقبال حوريه...والبركه في أسامه...أما أنا رجوع مش راجع..الهانم تقدر ترفع دعوة طلاق وتكسبها كمان...بعد اذنك يا أمي ورايا شغل.
وأغلق الهاتف في وجه والداته وقام برميه علي الفراش يجز علي أسنانه يزفر بحنق قائلا
=أنا هوريكي يا غاده...وقال ايه اتغيرت وأنا معنتش أهمها...لا واضح اني أهمها أوى وبدليل انها تقول لأمي ان متقدم ليها عريس...بس ما هو ده فعلا قله اهتمام منها.
🌹🌹🌹🌹🌹🌹🌹🌹🌹🌹🌹🌹🌹🌹
#غلطه_وندم بقلم #مروة_محمد
توالت الأيام وجاء بدء العام الدراسي الجديد ومنحت الجامعه غاده بعثه الي ألمانيا لاستكمال تعليمها وافقت وبشده...هي تعلم جيدا أنها ستقابله ولكن مهلا ستلقنه درسا...لم تكن تعلم أن الدرس اليها..حاولت مرارا وتكرار أن تقنع والداتها للسفر معها الا أنها رفضت..حتي غسان بات متعلقا بمنه يرفض أن يذهب أي مكان منتظرا اتمامها للثانويه العامه وخطبتها ...اكتفي بأن قام بالاتصال بصديق له وتأجير منزل قريب من الجامعه حتي يتثني لها الأمر في الذهاب والاياب...دلفت غاده الي المنزل..استشعرت شيئا غريبا به ...ولكن سرعان ما نفضت أفكارها....كانت تداوم كل يوم بالجامعه علي أمل أن تراه..لولا سؤالها عنه لظنت أنه رحل عندما علم بتواجدها...المنزل التي كانت تسكن بها كان به غرفه مغلقه...كان مالك المنزل شرطه ألا أحد يفتحه لأن به متعلقاته....محتفظا به لحين انهاء استئجاره...رجعت غاده يوما ما من الجامعه مبكرا أو بالأحرى نست شيئا ورجعت لتجده...وجدت باب الغرفه معلق..اقتربت منه وفتحته لتجد الغرفه كأن أحد يعيش بها...دلفت للداخل لتستمع الي صوت أحد يغني..فظنت أنه صاحب المنزل فتوجهت ووقفت خارج الحمام...لتجده يخرج يضع فوطه فوق رأسه وفوطه ملفوفه عليه من خصره الي أسفل قدميه لتضع يدها علي شفتيها تشهق قائله
=عاااااا....ايه ده...انت راجل مش محترم علي فكرة...ازاي تبقي مأجر المكان...وتدخله عادي كده...لا وتاخد شاور...امشي اطلع بره...
لتنتبه أنه الماني وتعض علي شفتيها لضرورة التحدث بالانجليزيه لتعاود التحدث من جديد وهو يلتفت اليها يمسح وجهه ويحاول ازاحه المنشفه من علي وجهه منتظرا الصاعقه التي تحل بها عندما تراه ليبتسم ببرود قائلا
=طب ما تشتمي بالمرة ولا الأسبوع بتاع ألمانيا نساكي الشتيمه المصرى...لا نساكي ايه ده انتي راحه تكلمي واحد ألماني بالمصرى...
كادت غاده أن تسقط من هول المفاجأة ليمنعها من السقوط قائلا
=أنا قلت ليكي قبل كده تبطلي تطفل وتدورى في حاجه غيرك...بس تطفلك خلاكي تشوفيني بدرى..رغم اني عملت المستحيل علشان متشوفنيش.
حاولت غاده التملص منه بغضب ولكنها أحكم حصاره لها قائلا
=لا ده كان زمان...انما دلوقتي مفيش مفر ومفيش هروب...المواجهه ابتدت...وبدرى عما توقعت...بس ايه الحلاوة دي لابسه فستان زمرد لونه عينيكي؟
ارتجفت غاده بين يديه قائله
=انت ازاي هنا...واشمعنا البيت ده بالتحديد...البيت ده صاحب غسان اللي مأجره ليا....انت صاحب غسان صح...أه ما انتو كلكم خونه.
أحكم قبضته عليها بعصبيه قائلا
=كنتي فين من زمان...وحشتيني ووحشني عنادك وطوله لسانك...بصي أنا معاكي للصبح...يا عروسه...مش انتي عايزة تبقي عروسه برضه.
قطبت جبينها باستغراب قائله
=بتقولي ايه...مين دي اللي عايزة تبقي عروسه...أنااا..أقسم بالله ده أنا علي ايدكم...كرهت صنف الرجاله...بلا هم عالم شكاكه ومقرفه...
تعالت ضحكات شهاب قائلا
=ما قولنا بلاش قله أدب...لأن ببساطه مش هتفرق معايا....انتي لسه لما تعيشي هنا زيي ...هتتعلمي البرود....وهنبقا زى أسامه لما كنت بقوله يا بارد.
تملصت منه غاده وأزاحته قائله
=أنا هروح ألم هدومي...وهدور علي بيت تاني...ولا أقولك هروح دار مغتربات...أهو أهون اني أتعامل مع برودك....لأن أنا واحده دمي حامي.
لترفع سبابتها في وجهه قائله
=هي الليله دي بس اللي هنكون فيها في بيت واحد..لو عندك دم تروح تبات بره....وترجع الصبح علشان أنا ألحق أدور براحتي...وأنقل حاجتي.
ليهز رأسه باستمتاع وفرحه علي أنها تعتبر ان أمر البحث عن منزل يكون بسهوله ليسمعها تواصل حديثها قائله
=أه ياني...أنا فعلا مغفله..في واحد هيأجر بيته لحد بالأكل.. لا والأكل بيخلص وألاقيه غيره...شكيت ان البيت مسكون..خصوصا ان كنت بحس بنفس حد معايا وأنا نايمه.
قضبت حديثها عند تلك الكلمات وعضت علي شفتيها لتتعالي ضحكاته قائله
=متكملي يا غاده القلب...ولا أكمل أنا...انتي عندك حق...فعلا كان في نفس في الأوضه...أصل أنا راجل مسكين بحب أنام في أوضتي...
هزت رأسها بعدم تصديق قائله
=أنا بستغرب علي عمايلك دي كلها...كل ده علشاني....انت نسيت ولا ايه....مش أنا اللي موت ابنك علشان أعمل العمليه لأخويا...ده انت جيت المستشفي ومرضتش تستني لما أفوق.
ربع ذراعيه وتحدث ببرود قائلا
=وانتي منعتيهم كلهم يوضحوا ليا الأمر..لأنك كنتي خايفه بعد الاجهاض ان أرفض تعملي العمليه...فقلتي أعملها وكده كده هيجي مش هيستحمل يبعد أكتر من كده.
كادت أن تدافع عن نفسها ليرفع سباباته قائلا
=متحاوليش تبررى لنفسك...أنا مش هنكر اني فهمت كلام مامتك غلط....وعرفت انه اجهاض طبيعي...لكن لما أعرف ان سيادتك رافضه اني أرجع يبقا وجودي زى عدمه.
احترق ما بداخلها اصر سماعها لكلماته لتكتم دموعها وتمنعها من النزول قائله
=وانت بقا حسبتها بدماغك وصدقت اللي انت حاسه...طب فكرت شعورى ايه وأنا فايقه من بنج وتعبانه وخسرانه ابني...وألاقي سيادتك بتظن فيا سوء.
اقترب منها يحاول تهدئه الثورة بداخلها قائلا
=غاده أنا في لحظه غلطت...وكان ممكن أجي واعتذر بس انتي مبتغفريش...ولا بتسامحي....وده اللي خلاني أبعد...يمكن البعد يحسسك قد ايه اني مهم.
يجد أمامه امراءة أخرى غير التي عرفها يوما ما امراءة تتجلد وتعتصر نفسها حتي لا تسقط دموعها ليزيد لعلها تنهار قائلا
=لو كنتي فتحتي عيونك يوم المستشفي قبل ما أمشي كنت هضطر أفضل...بس أنا وانتي كنا هنفضل شايلين من بعض....بعدت علشان نرتاح.
تنهدت غاده بنفاذ صبر قائله
=دي الراحه في نظرك...انك تبعد صح...طب أنا هكون صريحه معاك...انت ارتاحت....أنا لا...
ابتسم شهاب بسخريه قائلا
=دي صراحه...مش كذب...انتي جيتي ألمانيا وعارفه اني هنا...وسألتي عليا ووصلك الكلام...وكنتي هتتجنني علشان مش بتشوفيني .
ارتبكت غاده قائله
=ممكن أفهم طالما انت بعدت علشان ترتاح..ليه خليت أخويا يأجر بيتك بالذات...وأفضل هنا وقريبه منك...رغم انك تعمدت متشوفنيش في الجامعه.
رد عليها بسماجه قائلا
=مزاج...حبيت أشوفك كل ليله وأملي عيوني منك....وعلي فكرة أنا بشوفك في الجامعه....انتي بس اللي مكنتيش بتشوفيني...وده كويس.
قطبت غاده جبنيها قائله
=كويس...ااااه...فعلا كويس...انت تشوفني لكن أنا لا.صح ...الواضح ان أنا فارقه معاك وبجد...علي العموم اللعبه ابتدت.
رد عليها بجمود قائلا
=أنا محدش يقدر يلعب معايا...وخصوصا انتي يا غاده...ومتحاوليش لأني عامل نفس الحركه بتاعت زمان...كل الجامعه تعرف انك مراتي.
هزت غاده رأسها قائله
=ماشي..ده المتوقع...وأنا كده فهمت احنا ساكنين في بيت واحد ليه...أنا بقا هسيب البيت وهطلع علي السفارة وهطلب الطلاق...وانت عيش براحتك.
ليرد عليها شهاب قائلا
=طب ما تيجي نتفق اتفاق...تعالي نعمل زى العالم المتحضرة اللي هنا...نروح ونيجي مع بعض...وأول ما ندخل البيت كل واحد في حاله.
اعترضت غاده قائلا
=ده اللي هو ازاي ده...وتقولي عالم متحضرة..انت هتقدر تقعد معايا في بيت واحد وكل واحد في حاله...لا طبعا...دي خطه انت بتخلقها لنفسك.
ذهب ليخرج ملابسه له حيث شعر بالبرد لتشغيله للمكيف وردد قائلا
=جربي مش هتخسرى حاجه..لو حسيت انك هتخسرى...أبقا أنا اللي هلم هدومي وأمشي...يعني بالبلدي اعتبريني ضيف عندك...واكرام الضيف واجب.
شردت في عرضه لتجده يحاول ازاحه المنشفه من علي خصره لتدير ظهرها وهي تصرخ قائله
=بتعمل ايه....وتقولي ناس متحضرة..هو ده التحضر يا محترم...أنا مش هقعد هنا دقيقه واحده...مش انت قلت لو حسيت اني هخسر...يا عم أنا خسرانه.
لتنتفض عندما لصق صدره بظهرها متكأ بذقنه علي كتفيها يهمس لها قائلا
=لما تبقي خسرانه مع شهاب النادي...تبقي كسبانه يا غاده القلب...وبعدين انتي قلتي زمان...مش مسموح لابن النادي يبعد عن غاده القلب.
أغمضت عينيها تتنهد بصعوبه ليواصل همساته قائلا
=غاده كفايه كلام وكفايه المفاجأة اللي حصلت ليا وليكي النهارده ...روحي أوضتك نامي وارتاحي...ولما تصحي نتغدا ونكمل كلامنا...

😂😂😂😂😂😂😂😂😂😂😂😂😂😂
#مروة_محمد #جروب_موكا_سحر_الروايات
خرجت غاده تنظر أمامها الي أنا وصلت باب غرفتها وفتحته لتتقدم من مراءة الزينه تفتح الدرج لتخرج منها زجاجه عطره وتبتسم قائله
=شكي في محله...من يوم ما جيت هنا وأنا شاكه ان البيت بتاعه..وبقيت أفكر الازازة دي موجوده من قبل ما أجي ولا جبتها معايا...أتاريه نسي ينقلها الأوضه التانيه.
خرجت من شرودها علي صوت هاتفها لتبتسم بسخريه حيث أن والداتها هي المتصله بعد السلام والتحيه وهي تتناول زجاجه العطر وتنظر اليها باستمتاع قائله
=يا ماما يا حبيبه قلبي...انتي ليه قلقانه عليا بالشكل ده....مش انتي عارفه اني أنا هنا مش لوحدي...ما خلاص يا ماما كل شئ انكشف وبان...خلي غسان يكلمني أنا عارفه انه واقف جمبك وعارف انكم عرفتوا اني عرفت.
تناول غسان الهاتف من والداته باستغراب حيث أن شهاب لم يتصل به ليسألها قائلا
=انتي كويسه...أصلها ايه من يوم ما وصلتي عندك عايزة تكلميني...هو حصل حاجه عندك..
لا رد من غاده تنتظر ردة فعله أكثر حيث توتر من صمتها اللعين وكاد أن ينهي اتصاله ليتصل علي شهاب ويتأكد من شكه ولكنها زادت توتره قائله
=متقلقش عليا يا غسان....أنا هنا مش لوحدي....أنا معايا اللي بيحميني...وحصل زى ما كنت راسم ليه بالظبط....وزى ما قلت لماما كل شئ انكشف وبان.
جحظ غسان بعينيه ونظر الي والداته والتي هزت رأسها بيأس بدلاله أن اللعبه انكشفت وترفع كتفها بلا مبالاة قائله
=أنا قلتلك بلاش...انت اللي ما سمعتش كلامي...اشرب بقا...هتبقا طين علي دماغكم انتم الاتنين...ويا عالم ما يمكن طردته علشان كده اتحرج يتصل بينا.
ليلوى غسان شفتيه بامتغاص قائلا لغاده
=أنا حاولت أعمل حاجه صح في حياتك...بعد ما لخبطها ليكي...المفروض تشكريني....واوعي تكوني طردتيه....هو كان ممكن يجي لحد عندك بس عارف انك مش هترضي...فاعقلي كده يا بنت الناس...عايزك تنزلي مصر وانتي معاكي عيلين.. سلام يا أوختي.

🤣🤣🤣🤣🤣🤣🤣🤣🤣🤣🤣🤣🤣🤣
#غلطه_وندم بقلم #مروة_محمد
غلق الهاتف في وجهها لتنظر غاده الي الهاتف باندهاش ...كيف له أن يفعل بها ذلك...لتجد نفسها وقعت في مؤامرة كبيرة لا مفر منها لتنتبه علي صوت طرقات الباب ودلوف شهاب يتحاشي النظر اليها قائلا
=لما يحصل بيني وبينك حاجه بعد كده...ياريت متجريش تعاتبي أخوكي..أخوكي كتر خيره شرحلي الموقف...وأنا قدرته وقدرت مساعدته.
اندهشت غاده من سرعه غسان في الاتصال بشهاب والاطمئنان عليه لتسخر قائله
=واضح ان مكالمه التليفون ملحقتش تبرد...علي طول قفل معايا واتصل عليك ...طب تمام كالعاده انت كسبت زمان ماما...حاليا بقا معاك ماما وغسان.
لينظر اليها شهاب بضيق قائلا
=انتي ليه محسساني انها حرب...الموضوع أبسط ما يكون....زوجين حصل ما بينهم سوء فهم...أه أنا أكتر واحد فهمت غلط...بس انتي ما صدقتي.
عضت غاده علي شفتيها بغيظ قائله
=أنا ما صدقت فعلا...
نظر اليها بجمود قائلا
=......وكفايه مفاجأة أخوكي اللي طلع شقيقك.
زفرت غاده بحنق قائله
=أنا كان نفسي أعطيه روحي...بس لما حملت الوضع اتغير... وبقيت رافضه...وحاولت أطرده قدامك...بس الخبر اللي قاله خلاني أنفعل.
رد عليها شهاب بقوة قائلا
=بقولك ايه يا غاده...انتي من يوم ما اتجوزتيني وانتي بتفهميني غلط...تمام...حصل ايه بقا لما أنا فهمت غلط...اعتبريه انفعال زى الخبر بتاع أخوكي وانفعالك بسببه.
هزت راسها باستسلام لكلامه ليستغرب اقتناعها السريع.
❣️❣️❣️❣️❣️❣️❣️❣️❣️❣️❣️❣️❣️❣️
#مروة_محمد جروب #موكا_سحر_الروايات
عند زهيرة وغسان بعد اتصاله بشهاب نظر الي زهيرة المتلهفه لسماع الأخبار ليتحدث قائلا
=اطمني لا عرفت من الفلوس اللي بتلاقيها ولا من الأكل اللي مش بيخلص ولا من ازازة البرفان اللي اتعمد يسيبها في الأوضه..هي نست حاجه رجعت وعرفت بوجوده.
لتتعالي ضحكات زهيرة الساخرة حيث أنها تأكدت من ذكاء غاده لأن كل الدلائل كانت توحي بوجوده ولكنها أصرت علي وجوده متلبسا لتبدأ معه سلسله جديده من العند والمحاورة...ولكن قلبها كان مسرورا من وجوده في محيطها.
💝💝💝💝💝💝💝💝💝💝💝💝💝💝
#غلطه_وندم بقلم #مروة_محمد
تكملة الرواية من هناااااااا
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق