رواية ورد الفصل السادس والسابع والثامن والتاسع والعاشر بقلم اسراء ابراهيم
رواية ورد الفصل السادس والسابع والثامن والتاسع والعاشر بقلم اسراء ابراهيم
البارت السادس
ورد
بصتلها ورد بش*ر وبعدين ضحكت بصوت عالي
ورد بسخرية/ ده كان زمان يا مرت عمي،، لما كنت بعمل بلوجمتي،، انما دلوك انا مرت سالم كبير الدار وولدك ،، واني لما احب اعمل حاچة،، هعملها بمزاچي،، مش غصبانية من حد
بهية بغيظ / كانك بجيتي بج*حة يا بت فاتن
ورد بقوة / اديكي جولتيها،، بت فاتن،، اللي كانت مسوياكي عالچنبين، ومخلياكي كيف الفولة في النا*ر،، اكمنك غيرانة منيها
بهية قربت منها بغيظ ولسة هتضر*بها ورد مسكت ايديها جامد
ورد / اوعاكي يدك تترفع عليا مرة تانية،، يمين بالله اكسر*هالك،، اني كنت بسكت زمان عشان خاطر كنت مچبورة ،، بس دلوجتي اني مخليش حد يتحكم فيا تاني،، واعية لحديتي ولا لا
في نفس الوقت كان داخل سالم واول ما لمحته ورد سابت ايد بهية وهيا بتبصلها بخبث وبقت تعيط وتصوت
سالم /في ايه يا ورد،، بتبكي ليه اكده
ورد بحزن / مرت عمي يا سالم ،، عمالة تضر*بني وتزعجلي عشان انزل اروج الدار واني لسة عروسة،، رايدة تك*سر فرحتي
بهية بصدمة/ شوفي كهن البنتة،، بجي انا بت ضر*بتك
سالم بضيق/ تنزل تروح فين ياما وهيا لسة عروسة
بهية بغضب/ وه،، كانك مفكرها چوازة بحج وحجيجي يا سالم ولا ايه
سالم بثقة/ وحتي لو مش اكده ياما،، ورد بجت مرتي ومش هسمح ان حد يضايجها او يچي عليها
ورد كانت بتبصله بجمود ومن جواها بتسخر من كلامه،، وانتبهت لبهية وهيا بتزعق فيه
بهية / من اولها يا ولدي خلتك تدافع عنها،، اومال لو خلتك تعشجها هتعمل ايه،، هتض*رب امك يا سالم،، مش اكده
سالم بهدوء/ ياما متجوليش اكده،، تتج*طع يدي جبل ما يحصل،، بس اني راچل ومرضاش ان مرتي تتهان وفي داري
بهية بتوعد /ماشي يا بت فاتن،، اني وانتي والزمن طويل
وسابتهم ونزلت وسالم اتنهد وبص لورد اللي اول ما لقيته بيبصلها سابته وقعدت عالكنبة كأنها قاصدة تتجاهله
..........................................
حنين كانت ماشية مع شهد في البلد وهيا متوترة وقلقانة
شهد باستغراب/ايه يا حنين،، هو انا خاطفاكي يا بنتي،، مالك خايفة كدة ليه
حنين بتوتر/ دي اول مرة اخرج من يچي شهرين ،، حتي يوسف مكنش موافج،، لولا اني اتحايلت عليه اني اخرچ واشم هوا وافرچك علي بلدنا
شهد بغمزة/ بس واضح انكم بتحبو بعض اوي
حنين بخجل / يوسف ده حب عمري كيف ما بتجوله في مصر ،، وعيت عالدنيا لجيتني بعشجه،، مخبرش كيف وامتي
شهد بحب/ربنا يخليكم لبعض
حنين /ويخليكي يا جلبي
شهد /تعرفي انا كنت خايفة اوي منك في الاول،، خوفت لتغيري مني وتفتكري ان عيني منه او حاجة،، بس والله عمري ما فكرت فيه كدة،، انا استجدعته لما وقف جمبي،، واتمنيت لو كان ليا اخ يقف لعمي كدة ويحميني منه
حنين / اني واثجة في يوسف اكتر من روحي يا شهد ،، وثانيا بجي انتي اول ما شوفتك دخلتي جلبي وحسيتك طيبة اكده،، اما بجي بالنسبة لموضوعك ده فاعتبرينا اهلك ويوسف وسالم وچمال خواتك،، وان شاء الله كل حاچة هتتحل
شهد /هو انتي عارفة احنا كدة فين يا حنين اوعي نكون توهنا
حنين اتلفتت حواليها شوية وحست انها مش فاكرة المكان
حنين /الحديت خدنا يا شهد واني مش خابرة احنا بجينا فين
شهد بقلق / طب وهنعمل ايه يا حنين
حنين / متجلجيش يا خيتي،، اهنه البلد كلها خابرة بعضيها،، ودلوك نلاجي حد يدلنا
.................................................
رباب / چمال هتفضل مبوز اكده
جمال / حلي عني السعادي يا رباب ،، اني مش طايج حالي
رباب بتكشيرة/ وه،، واني مالي،، بتزعجلي ليه اكده
جمال بتنهيدة/ معلش يا حبيبتي،، اني بس مخنوج شوية
رباب بدلع/ طب ما تجولي فيك ايه،، چايز اعرف اساعدك
جمال بحيرة/ ماهر چوز بدور خيتي رايد يتچوز ،، امه جالت انه بيبني دار عشان مرته الچديدة
رحمة بخبث/ وه،، كيف يعمل اكده،، وانت هتسكتلو يا چمال
جمال بضيق / لا طبعا،، احنا جولناله يجي عشية عشان يطلج بدور،، رباب اني مش رايد بدور تعرف حاچة من الحديت ده،،
رحمة بببراءة/ لا طبعا يا راچلي،، كيف يعني اك*سر جلبها واجولها ان چوزها رايد يتچوز عليها،،لا طبعا
خالد / ايوة اكده، لحد ما اشوف هنعمل ايه في المصيبة دي
ابتسمت رباب بخبث وهيا بتبطب علي جمال ومن جواها بتفكر في الخبطة الجديدة
..................................
كانت قاعدة ورد عالكنبة وسرحانة وبتفكر هتعمل ايه في حياتها مع سالم
سالم بهدوء/ ورد هتفضلي اكده سرحانة
ورد بتنهيدة/خير يا واد عمي،، بتشك اني بفكر في عشيجي تاني ولا ايه
سالم بحدة / بلاش الحديت ده عاد يا ورد بيعصبني،، وانسي بجي اللي حوصل
ورد بسخرية / وه اتعصبت عشان كلمة،، طب واني مسألتش نفسك كنت حاسة بأيه وانتو كلكم بتتهموني في شر*في واني عشجانة حد،، لا وكمان رايدني انسي بالبساطة دي،،
سالم قرب منها/ خابر ان احنا چر*حناكي،، واني هعوضك،، وهخلي الكل ينسي اللي حوصل
ورد بغضب/بس اني مش هنسي يا سالم،، مهما عملت مش هنسي اللي حوصل،، ولا هنسي اما جولتلي انك بتكر*هني عشان خليتك تهمل البنتة اللي كنت عاشجها ،، ولا انسي لما جولتي اني رخ*يصة
قالت كدة وسابته وجريت عالحمام وقفلت الباب وبقت تعيط بحرقة،، اما سالم فقام بغضب وخرج من القوضة ونزل تحت
............................................
كانت واقفة بدور بتغسل المواعين وبتفكر في ماهر وقررت انها ترجعله،، هتكلم ابوها واخوها ويرجعوها ليه،، وهيا هتحاول تكسب امه عشان تبطل توقع بينهم،، عشان بتحبه قررت تتنازل وترجع
رباب / وه،، انتي اللي بتغسلي المواعين يا عمه،، دي حتي عيبة،، اومال فينها حنين،، مهملاكي تعملي لوحدك ليه
بدور بسخرية/ طب ولما انتي لماحة اكده وعندك د*م،، يبجي تيچي تكملي بدالي بجي ،، احسن ما انتي عمالة تتمألتي علي حنين اللي شايلة الدار كلياته علي راسها ومبتتحدتش ولا تشتكي
رباب بتردد/ هه،، لا مجصدش يا عمه بس يعني انا مستغربة انها مش اهنه
بدور بسخرية/ والله البنية كتر خيرها مكنتش رايدة تهملني،، بس اني بجي اللي صممت وجولتلها تخرج تشم هوا وترتاح شوية،، لا وهيا زينة البنتة وتستاهل الخير كله والله،، عشان اكده ربنا كارمها بزين الرچال يوسف اخوي
رباب بغيظ / اه علي جولك،، دي حتي لو مكنتش خلفت كان لايمكن يوسف هيتچوز عليها كيف ما چوزك هيعمل
بدور بصدمة / بتجولي ايه يا خرفانة انتي
رباب بشماتة /وه،، هو انتي مكنتيش تعرفي يا عمة،، حجك عليا،، فكرتك خابرة ان چوزك بيحضر لچوازته الچديدة وانه چاي عشية عشان يطلجك،، يووه،، يج*طعني عمالة اخربط بالحديت
بدور الطبق وقع من ايديها اتك*سر وكانت مصدومة ومش قادرة تنطق
رباب ببراءة مصطنعة/حجك عليا يا عمة،، مكنتش اعرف انك مش خابرة
بدور بدموع/ مش جولتي اللي عندك،، يلا غوري من وشي،، غوووري
جريت رباب وهيا بتبتسم بمكر وبدور سابت االي في ايدها وقعدت عالترابيزة وهيا مش متخيلة ان ماهر فكر يتجوز عليها وقطع شرودها صوت عالي برة فقامت بسرعة تشوف في ايه
..............................................
صالح كان ماشي في الشارع وشاف شهد ومعاها حنين مرات يوسف واقفين لوحديهم في الشارع فاستغرب وقرب عليهم بسرعة
صالح /السلام عليكم،، خير يا مرت اخوي في حاچة
حنين بلهفة/ الحمد لله انك لجيتنا يا صالح،، عاودنا الدار احسن توهنا في الطريج واحنا ماشين
صالح / وايه بس اللي چايبكم النواحيدي ،، انتو جربته علي اخر البلد
حنين بصدمة/يا مري،، اخر البلد،، طب روحنا بسرعة الله يرضي عنيك يوسف زمانه مستعوجنا حاكم احنا اتأخرنا چوي
صالح بطاعة/ ماشي،، بس متخرچوش لحالكم اكده مرة تانية،، محدش خابر لو كان الليل حل كان ايه اللي حوصل
شهد بنفاد صبر / ما خلاص يا اخينا بقي،، ما قالتلك روحنا،، هتفضل ترغي كدة لحد ما الليل يدخل علينا
صالح بغضب/ لمي لسانك يا بت انتي والا يمين بالله الطشك جلم يعلمك الادب حاكم انتي مشوفتهوش في داركم
لسة شهد هترد قاطعتها حنين وهيا بتمسك ايديها عشان تسكت
حنين /خلاص يا شهد عيب اكده،، وبعدين هو مغلطش،، هو بيوعينا يا خيتي،، الناس بجت متضمنش
شهد بغيظ/ يعني انتي مش شايفة بيزعقلي ازاي،،
صالح ببرود/ لا انا اكده بتحدت،، انتي لسة متعرفيش بزعج كيف فبلاش تچربي،، حاكم انتي طفلة ومش هتستحملي
شهد مردتش عليه وطلعتله لسانها وهو بصلها بصدمة وابتسم علي طفولتها وبعد شوية لما قربو من البيت شهد اتصدمت اول ما شافت عمها وابنه واقفين وبيزعقو مع منصور وسالم فرجعت كام خطوة لورا واستخبت ورا ضهر صالح اللي استغرب رد فعلها وبص لحنين اللي اتأكدت ان الناس دول قرايبها
...............................................
في بيت عيلة الاسواني
كريمة /بتلبس ورايح فين يا ماهر
ماهر بضيق/ رايح ارچع مرتي ياما
كريمة بجمود/ماشي،، بس برضك هتتچوز مريم بت خالتك،، دي اللي هتچيبلك الواد يا ولدي،، واوعاك يا ماهر تبينلهم انك ضعيف،، ولا توافج ان بت السوالمي تعيش في دار لحالها
ماهر بحيرة / انا مهطلجش بدور ياما،، ولو حكمت هچبلها دار لحالها
كريمة بولولة / يبجي عليه العوض في تبيتي ليك يا بن بطني،، رايدهم يشمتو في امك يا ماهر ،،
ماهر بهدوء/ياما،، انتي خابرة ان بدور زينة وكانت شايلاكي وعمرها ما اشتكت،، اني اللي غلطت فيها،، وكمان هنتها جدام الكل،، وهيا متستاهلش مني اكده
كريمة بغضب/وه،، كلت عجلك بت بهية،، ماشي يا ماهر،، بس اعرف لو عملت اللي راسك،، لا انت ابني ولا اعرفك ولا رايداك تچيبهالي اهنه انت فاهم
ماهر بحزن/ماشي ياما،، اني ماشي
.................................
في بيت السوالمي
احمد بغضب / مش عيب تبقي كبير البلد،، وتخلي بنت غريبة تقعد معاكم ،، وانت عندك رجالة في البيت
منصور بغضب/ الزم حدودك يا راچل انت،، واعرف بتتحدت مع مين
سالم بحدة/ مالكوش حد اهنه ويلا بالسلامة والا هخلي الغفر يجومو معاكم بالواچب
هشام ببرود/ تمام احنا هنمشي بس هنرجع والبوليس في ايدينا بتهمة خطف بنت عمي وسعتها هنرجع وشهد معانا
كان سامع صالح كل الكلام فمسك ايد شهد وراح ناحيتهم وشهد خافت وبصتله برجاء
صالح /متخافيش طول ما اني چارك،، صدجيني مش هخلي حد فيهم يلمسك،، بس تعالي ويايا
شهد كانت مرعوبة،، بس مفيش في ايدها حاجة غير انها تمشي معاه ،، لحد ما وقف قدامهم و......... يتبع
بشكر كل شخص كتب كومنت جميل زيه بجد كلامكم فرحني جدا وشجعني اني اكمل بشكركم من قلبي
تفاعل جامد بقي عشان البارت السادس نااار
#ورد
#بقلمي_اسراء_ابراهيمالبارت السابع
ورد
صالح بخبث/ خير يا سالم،، ايه اللمة دي،، ومين دول
احمد بغضب/ والله عال،، ابوكي هربك مننا عشان تدوري علي حل شعرك عند ناس غريبة ،، مش كدة يا شهد هانم ،،
شهد بغضب/ انا مسمحلكش تتكلم عني كدة،، بابا خلاني اهرب عشانك،، عشان انت انسان جاحد واناني بدل ما تحميني وتخاف علي عرض اخوك،، سيبت ابنك يحاول يع*تدي عليا وكمان عايز تجبرني اتجوزه،، والناس الغريبة اللي بتتكلم عنهم دول هما اللي حموني وحافظو عليا،، وحسيت معاهم بالامان اللي مشفتوش معاك،، يا يا عمي
صالح كان سامع كلامها وعقله وقف عند جملة ان ابن عمها حاول يع*تدي عليها وسعتها حس بنا*ر في قلبه و حاول يتحكم فيها بس للاسف هشام كان مصمم انه يخلي نا*ر صالح تحر*قه
هشام بحدة / انتي هترجعي معانا،، وسعتها بقي نبقي نشوف موضوع الامان ده ،، يلا
قرب منها هشام بس ايد صالح كانت اسرع، ضر*به بالبوكس في وشه وبعدها،، مسكه من لياقة قميصه ونزل فيه ضر*ب قدام شهد اللي كانت مفزوعة
سالم / خلاص يا صالح،، كفاية اكده
احمد بغضب/انا هوديكم في داهية،، ابني يتعمل فيه كدة،، انا هحبسكم،، هتهمك يا هم*جي انت بالت*عدي علي ابني وخطف بنت اخويا
صالح بصله بغضب ولسة هيقرب،، مسكته شهد بسرعة وعياط
شهد بدموع/ صالح،، كفايا لو سمحت
صالح قلبه دق اول ما نطقت اسمه وبصلها وحاول يتحكم في نفسه وحرك راسه بايجابية عشان يطمنها،، وبعدين بص لعمها بحدة
صالح بحدة/ رايد تبلغ الحَكُومة روح يلا الباب مفتوح،، بس هتجولهم ايه،، اتهجمت علي الناس في دارهم وكنت رايد اخد بت اخوي المتچوزة من چوزها،، لو منك افكر زين جبل ما اعمل حاچة زي دي،،
شهد اتصدمت من كلام صالح،، وكمان كل اللي موجود بما فيهم ورد اللي نزلت علي صوتهم العالي والخناق وخرجت بسرعة من غير ما تلبس طرحتها،، اما سالم فابتسم ابتسامة مكر وهو باصص لصالح،، كأنه عارف صاحبه بيفكر في ايه بس ابتسامته ااختفت وملامحه بقت كلها غضب اول ما شاف ورد بتقرب من شهد وطالعة من غير طرحتها وكمان شعرها الطويل نازل علي ضهرها بحرية
منصور بحدة/ اظن معدتش في حديت تاني يتجال،، يلا من غير مطرود واللي هيفكر يجرب من شهد ولا چوزها،، مهيلاجيش غير الد*م
هشام بوجع/يلا يا بابا،، نتأكد بس وبعدين نتصرف،، وهنتقابل تاني يا اسمك ايه واعتبر ده وعد
وفعلا اخد هشام ابوه ومشي اما سالم فقرب علي ورد ومسكها من ايديها بعن*ف وجرها وراه علي جوة وبهية بتبتسم بشماتة وهيا شايفاهم
...........................................
في اوضة ورد،، دخل سالم وهو بيجر ورد وراه ورماها عالكنبة بغضب وهو بيتكلم بعصبية
سالم/ كانك مالكيش راچل اياك،، كيف تخرچي اكده بشعرك،، انطجي
ورد بتوتر / ااني مجصدش،، اني اول ما سمعت الخناج والصوت العالي چريت علي تحت ومخدتش بالي اني ملبستش الطرحة
سالم بغضب/لا يا ورد،، انتي كنتي جاصدة تعملي اكده،، رايدة تضايجيني وتخليني اتعصب،، مفكرة حالك اكده بتنتجمي مني،، مش اكده
ورد بضحك/لا يا سالم،، اني لو رايدة احرج جلبك واقهرك هعمل اكده بس بطريجة تانية متتخيلهاش ابدا
سالم بصلها بغضب وقرب منها ومسك ايديها بعصبية
سالم/جصدك ايه هه، انطجي ،، طريجة ايه دي هه،، هتهربي مع عشيجك مش اكده
ورد بدموع/ كنت خابرة انك كداب يا سالم،، حتي بعد ما اتوكدت اني نضيفة،، لسة بتشك فيا،، كانك جاصد توكدلي جد ايه اني غ*بية لما..... وسكتت مكملتش
سالم بحدة / طب ريحيني وجوليلي مين هو يا ورد،، مين اللي ابوي سمعك وانتي بتجولي انك عاشجاه
ورد بخزلان/ مش من حجك تحاسبني يا سالم
سالم بغضب/ لا من حجي،، انتي مرتي،، ولا ناسية اياك
ورد بقوة/ لا مش من حجك،، زي ما اديت لنفسك الحج تعشج كيف ما جولتلي ،، اني كمان من حجي اعشج طالما مكنتش علي اسمك،، وحتي دلوك انت جوزي بس بالغصب،، ابجي لسة حرة يا سالم،،اعمل ما بدالي
سالم بغيرة / لا يا ورد،، انتي مش حرة،، انتي مرتي وعلي اسمي،، ولو فكرتي بس في راچل تاني غيري هج*تلك يا ورد
ورد بحزن/ييبجي الموت اهون وارحملي من العيشة وياك يا سالم
سالم حس بنغزة جامدة في قلبه فغمض عينه بوجع ورجع خطوة لورا،، واول ما شافت ورد شكله كدة قربت منه بلهفة
ورد بلهفة/ سالم،، انت زين،، فيك حاچة
سالم بتعب/ هاتيلي شوية ماية يا ورد
جريت ورد بخوف وجابتله كوباية مية وشرب منها سالم وبعدين حطتها جمبها ورجعت بصتله بخوف
ورد بخوف/سالم اتسند عليا،، اوديك السرير تريح جتتك شوية
سالم متكلمش بس حاول يقوم معاها و ورد سندته علي قد ما تقدر بس هو كان محمل عليها وفجأة ورد اتكعبلت بيه فوقع سالم عالسرير و ورد وقعت عليه و كانو قريبين من بعض اوي و عيونهم في عيون بعض وبيبصو لبعض هما الاتنين بنظرة كلها عتاب ولوم
............................................
تحت كانت شهد رايحة جاية بغضب
شهد بغضب /اانت بأي حق تقؤل اني مراتك
بهية بجدية/اهدي يا بتي مش اكده،، وبعدين الراچل معملش حاچة لكل ده،، ده نقذك من الرجالة العجارب دول،، غير اكده مكنوش هيهملوكي ويمشو غير ورچلك علي رچليهم
شهد كانت عارفة ان بهية عندها حق ،، بس هيا خايفة الكلام يوصل لابوها ويفتكر عنها حاجة وحشة وخصوصا ان عمها اكيد هيقؤل حجات كدب
منصور بهدوء/ اعجلي يا بتي،، صالح راچل زين وميعبوش حاچة،، وهو اللي طلبك اهه
شهد بغضب/ وانا مش عايزاه،، انا اصلا مبطيقهوش،، اتجوزه ازاي بس،، ثم بابا لو عرف ممكن يحصلو حاجة،، انا عارفة ان عمي هيروح يقؤله الكلام الوحش اللي قاله عني لما جه،،ده بابا ممكن يروح فيها
صالح بهدوء/ بصرف النظر عن لسانك الطويل اللي بيهلفط بالحديت ده وهحاسبك عليه بعدين،، بس وافجي دلوجتي ونكتب الكتاب وسعتها اني بنفسي هاخدك ونروح لابوكي ونحكيله اللي حوصل ونوعيه عالحجيجة ولو رايدة نچيبه ويانا كمان هعمل اكده
شهد بعياط / واني ليه اضيع مستقبلي واتجبر اني اتجوز راجل مبحبوش لمجرد وضع اتحطيت فيه وعشان كلام الناس ليه
صالح حس ان كرامته اتجر*حت فقام بهدوء
صالح/ اني ماشي يا عم منصور ولما تجررو ايه اللي هيتم بلغوني واني هنفذ،، ورايدك تبجي خابرة يا شهد،، اني معملتش ولا جولت اكده،، الا لما لجيتك بتتحامي فيا ،، ومكنش جدامي غير الحل ده
منصور بهدوء/ اللي عملته عين العجل يا صالح يا ولدي،، ومتاخدش علي خاطرك منيها،، هيا بس صعبان عليها نفسها من اللي حوصل ،، وچوازك منها لابد انه يتم عشان الناس اكيد وصلها اللي حوصل،، ولازم نجطع لسان اي حد جبل ما يتحدت
شهد اول ما سمعت كدة بقت تعيط بحرقة و
حنين كانت قاعدة معاهم وشايفة اللي حصل فقامت بسرعة و طلعت لسالم عشان ينقذ الموقف وفي نفس الوقت دخل الغفير وقال ان ماهر عايز يقابل منصور
...........................................
سالم قلبه كان بيدق جامد،، حاجة جواه كانت بتقؤله انه يخلي ورد تفضل قريبة منه كدة،، مد ايده وحطها علي وشها بحنان و ورد ابتسمت بخجل
ورد بخفوت/سالم انت زين طمني عليك
سالم ببحة/ زين يا ورد....خايفة عليا؟
ورد بحزن/ بخاف عليك اكتر من روحي يا سالم
سالم بهدوء / بتخافي عليا كيف وانتي بتكر*هيني يا ورد
ورد بلهفة/ عمري ما كر*هتك يا سالم كيف ما انت بتكر*هني،، اني طول عمري بتمني تعاملني زين وتدافع عني جدامهم،، كنت شايفاك سندي بعد ابوي وامي،، حتي وانت بتعاملني عفش يا سالم ،، كنت بعند جصاد عمي ومرت عمي لاجل ما اخليهم يشوفوني،، يحسسوني اني بتهم و يعاملوني كيف بدور،، بس للاسف كانو بيكر*هوني اكتر،، اني مش عفشة يا سالم،، اني اتحرمت من كل اللي بحبهم عشت وسط اهلي ومشوفتش حنية فيهم،، كاني بتعامل بلوجمتي
اتفاجأت ورد بسالم بيقرب شفايفه من جبينها وبيبوسها بحنان،، قلبها دق جامد وخصوصا لما مسح بايديه دموعها اللي خانتها
سالم بأسف/ حجك عليا يا ورد،، اني كنت فاكر عِندك مع امي وابوي غلط،، وانه دلع ماسخ،، بس اوعدك هعوضك عن كل اللي فات
ورد ابتسمت وكانت هترد بس قاطع كلامها صوت الباب فشهقت بخضة وكانت هتبعد بس ايد سالم كانت اسرع وفضل محاوطها بايديه
ورد بتوتر/ ههملني يا سالم،، خليني اجوم
سالم بمكر / له،، انا عاچبني اكده
ورد بخجل / يا سالم عيب اكده،، الباب بيخبط
سالم بضحك/طب خلاص متتكسفيش عاد،، هشوف مين وارچعلك نكمل حديتنا
فتح سالم الباب وكانت حنين مرات اخوه
حنين باحراج/حجك عليا يا سالم ،، بس شهد عمالة تبكي وابوك جرر يچوزها صالح بعد ما جال جدام الكل انها مرته،، والبنية صعبانة عليا ،، عشان اكده طلعت اجولك تتصرف
سالم بجدية/ متجلجيش يا مرت اخوي انا هتحدت مع ابوي،، مع اني رأي من رأيه بس هشوف هعمل ايه،، وانتي برضك هشيعلك ورد واتحدتو مع شهد انها توافج لان في مصلحتها انها تتچوز صالح
حنين بطاعة/ماشي يا اخوي،، ههملك بجي،، بالاذن اني
...................................................
في المنضرة كان قاعد ماهر لحد ما دخل عليه
منصور وجمال
منصور بهدوء/ خير يا ماهر،، چاي لحالك ليه،، وفين المأذون اللي اتفجنا عليه
ماهر قام بتردد / انا چاي ارچع مرتي يا حچ منصور،، مش اطلجها
جمال بغضب/ والراچل اللي يمشي بشورة امه يا ماهر ميستهلش تبجي معاه بت اصول،، خيتي رغم اللي حوصل مجلتش عنك حاچة عفشة،، كل اللي جالته ان كرامتها اتهانت جدام امك والغريبة اللي كانت جاعدة
ماهر بندم/ واني محجوجلها،، ومستعد احب علي راسها بس ترچع ويايا
منصور بحدة /بتي مهترچعش علي درة يا ماهر،، حجك تتچوز،، بس من حج بتي انها تطلج منك،، وبرضه هيچيلها اللي يصونها ويعرف جيمتها
ماهر بغيرة /ملوش عاذة الحديت ده يا عم منصور،، اني مهطلجش بدور ،، لو ايه اللي حوصل،، وهتفضل مرتي لحدما اموت
جمال بغضب/ واني خيتي لو جالت انها مش رايدة ترچعلك،، هخليك تطلجها ورچلك فوج رجبتك
ماهر برجاء/طب اني رايد اجعد وياها مرة واحدة بس،، ولو صممت تطلج هنفذ رغبتها،، بس اجابلها واتحدت معاها واسمعها منيها يا چمال
منصور بهدوء/شيع لخيتك يا چمال خليها تيچي ،، واللي هتجوله هيتنفذ
جمال راح جاب بدور وحكالها اللي حصل واللي قاله ماهر واتصدمو كلهم من ردها اما قالت بهدوء...... يتبع
بعتذر عالتأخير بس لاني كنت برة
رأيكم يهمني جدااااا
تفاعل جامد عشان انزل اللي بعده بسرعة
#ورد
#بقلمي_اسراء_ابراهيم
البارت الثامن
ورد
بدور بجدية/ اني رايدة اطلج يا بوي
ماهر بلهفة/ بدور اسمعيني،، اني خابر اني غلطان بس صدجيني مش هتتكررو تاني ابدا،، اوعدك وهچبلك دار لحالك بس متهملنيش يا بدور
بدور بسخرية/ الدار دي تخليها لمرتك الچديدة يا عريس
اتصدم جمال وبص لمنصور اللي مكنش اقل منه صدمة
جمال / انتي چالك خبر منين بموضوع چوازه ده يا بدور
بدور بسخرية/ اللي رايدلي الخير كَتير يا خوي،، وبعدين مش مهم عرفت كيف،، المهم انه كان هيحصل او حوصل
ماهر برجاء/ يمين بالله ما حُصل ولا هيحصل،، محدش هيبجي علي ذمتي غيرك،، صدجيني يا بدور ومتخربيش علينا
بدور بحدة/ انا اللي عندي جولته يا ماهر،، رچوع مش هرچع،،
ماهر بجدية/ واني مهطلجش يا بدور
جمال بحدة/ احنا جولنا اللي خيتي رايداه هيحصل،، خليك جد كلمتك عاد يا ماهر
ماهر بحزن/ لو فيها موتي يا جمال اني مهطلجهاش،، ومش هييأس يا بدور،، هيفضل عندي امل انك تسامحيني
ماهر قال كلامه وسابهم ومشي وبدور اترمت في حضن جمال اخوها وبقت تعيط بحرقة
منصور بهدوء/ غلطانة يا بتي،، الراچل شاريكي وعرف غلطته وندم،، ليه معطتهوش فرصة
بدور بشحتفة/ اني متوكدة يا بوي اني ماهر راچل زين،، ويستاهل اني اسامحه،، بس من حجه يتچوز ويبجاله عيال وعزوة واني مش هجدر اخليه يتچوز واني مرته،، هموت لو عمل اكده،، فاحسنله يطلجني ويشوف نصيبه
جمال بحنان/ بس مش علي حساب راحتك يا خيتي،، للدرچادي عاشجاه يا بدور ،، لدرچة انك تضحي براحتك لاجل ما يخلف ويبجي اب
بدور بحزن / لو يهمك راحتي يا خوي خليه يطلجني،، من غير ما يدري بحاچة،، جوله اني مش رايداه وكر*هاه،،
جمال بحزن / حاضر يا جلب اخوكي،، حاضر
............................................
ورد بتعب / حرام عليكي يا شهد،، بجالنا ساعة اني وحنين بنتحدت وياكي،، وانتي برضك مصممة
شهد بحزن / انتو مش فاهمين حاجة،، انتو متخيلين بتطلبو مني ايه،، عايزني اتجوز واحد مشوفتوش غير مرتين،، وكمان في المرتين كنا بنتخانق ومش بطيقه ولا هو بيطيقني
حنين باقناع/ يعني الراچل بعد ما وجف چارك وجال قدام الكل انك مرته،، لاجل ما ينچدك من عمك وابنه،، تعملي فيه اكده وتحرچيه جدام الرچاله
شهد بشماتة/ يستاهل،، محدش قاله يعمل فيها سبع البرمبة ويقول اني مراته
حنين بغضب / يا مفترية انتي احرچتيه جدامنا تحت وجولتي بعلو حسك انك بتكر*هيه،، واحد غيره والله كان هملك وطفش بسبب لسانك اللي بينجط س*م ده
ورد بغضب/ بجولك ايه يا شهد،، انتي مجدامكيش حل تاني،، ماهو اما تتچوزي صالح وسعتها عمك وابنه هيهملوكي لحالك،، او تكدبيه جدام الكل وسعتها عمك هياخدك بالغصب ويچوزك ابنه ،، الجرار بيدك،، يلا يا حنين،، هيا مش عيلة صغيرة وخابرة مصلحتها زين
شهد بحزن / خلاص،، مووافقة
حنين بفرحة / لووووولوي،، ايوة اكده يا جلب اختك،، والله ده حتي صالح راچل زين،، وكنا بنجول يا بختها اللي هتبجي من نصيبه
حنين بتردد / ورد كنت رايدة اجولك علي حاچة اكده
ورد باستغراب/في ايه يا حنين،، جولي يا خيتي
حنين بتوتر/ شهد شافت رباب خارچة من جوضتك يوم فرحك علي سالم
ورد بابتسامة سخرية/ والله كنت خابرة ان العملة دي متطلعش غير منيها العجربة دي
حنين بسرعة/عملت ايه رباب ،، اني برضه جولت ان اكيد مكنش خير ابدا
شهد بقلق /يا ساتر يارب،، هو الانسانة دي وحشة للدرجادي
ورد بحدة/واكتر كمان،، دي توجع بلد في بعضيها،، اني لجتها دسالي چوابات غرامية في خلاجاتي ،، رايدة توجع بيني وبين سالم وتفهمه ان عشيجي هو اللي بعتلي الچوابات دي،، بس الحمد لله چت سليمة
حنين بشهقة/ يا مري،، دي كانت رايدة جت*لك،، هو اني مش خابرة سالم،، كيف تعمل اكده العجربة دي
شهد بصدمة/ وايه مصلحتها عشان تعمل كدة
ورد بسخرية/ هيا من ساعت ما چت اهنه وهيا بتكر*هني،، اكده من غير سبب،، وخابرين حاچة اني متوكدة دلوجتي انها هيا اللي جالت لمرت عمي اني غلطت مع حد،، عشان اكده مرت عمي ما صدجت اكمنها بتكر*هني وطلعت تأمن علي حديتها
حنين بخوف/ورد خدي بالك يا خيتي،، دي باينها مش سهلة واصل
ورد بتوعد/ وغلاوتك عندي لادوجها من نفس الكاس واخرچها من اهنه بفضي*حة،، وبكرة تجولي ورد جالت
..............................................
تاني يوم في بيت ابرهيم ابو شهد
ابرهيم بهدوء غريب/ منا قولتلكم انها اتجوزت،، مكنتوش مصدقني واديكم روحتم واتأكدتم بنفسيكم ،، خلاص بقي سيبونا في حالنا
احمد بخبث / بس شكلك ده ميأكدش انك كنت عارف،، قول الحقيقة يا ابرهيم،، بنتك متجوزتش مش كدة،، واللي شوفناه ده وهيا جاية مع راجل غريب وايديها في ايده كان عشيقها بعد ما هربتها وخليتها دايرة علي حل شعرها
ابرهيم بغضب /اخرررس،، انا بنتي اشرف من الشرف ،، بنتي اتجوزت وانا اللي مجوزها بنفسي،، وكلمة زيادة هنسي انك اخويا الكبير،، واتفضل اطلع برة بيتي،، برررررة
احمد بغضب / ماشي يا ابراهيم،، بس انا هتأكد ولو طلع الكلام ده كدب،، هق*تلها بايدي واغسل عاري،، واحمد ربنا ان صاحب هشام شافها هناك وكلمنا قالنا والا مكنتش هروح واشوف اللي بنتك بتعمله من وراك يا يا اخويا
ابرهيم بعد ما احمد اخوه خرج قعد عالكرسي بصدمة وحط دماغه بين ايديه بقلة حيلة،، للاسف هو متأكد من كلام اخوه بعد ما كلم محمد صديقه اللي في مصر واللي كانت قاعدة عنده شهد،، ورد عليه ابنه مهاب وقاله ان شهد مشيت تاني يوم وقالت ان هو كلمها وقالها ان المشكلة اتحلت وانها ترجع وشافها بعينه وهيا بتركب عربية مع راجل غريب وكانو بيضحكو
ابرهيم بحزن / ليه كدة يا شهد يا بنتي،، ليه تعملي فيا كدة،، دي اخرة تربيتي فيكي،، ربنا يسامحك يا بنتي
....................................
في اوضة ورد وسالم ورد خرجت من الحمام لقت سالم قاعد عالسرير مستنيها
سالم بابتسامة/ صباح الخير
ورد بخجل/صباح النور،، كيفك انهاردة،، زين ولا لسة تعبان
سالم /زين الحمد لله،، كنت رايد اتحدت معاكي
ورد / جول،، اني سامعاك
سالم /رايد افتح صفحة چديدة معاكي ،، من اهنه ورايح اعتبريني اخوكي وصاحبك ماشي
ورد بحزن /اخوي
سالم بابتسامة /طبعا،، اني خابر اني ظلمتك كتير،، واني كنت بكر*هك بسبب تصرفاتك اللي كانت بضايجني،، بس دلوك فهمت انتي كنتي بتعملي اكده ليه،، وعشان اكده اني هفتح صفحة چديدة معاكي،، واوعدك من اهنه ورايح اني هبجي سندك وعزوتك،، مش هتحسي انك لوحدك ابداً
ورد بحزن / تسلم وتعيش يا واد عمي،، المهم عندي انك تكون واثج فيا يا سالم،، تكون خابر اني مش عفشة كيف ما الكل فاكرني
سالم بحنان /اني حاسس كاني بشوف ورد چديدة،، غير اللي كنت اعرفها،، ومتجلجيش يا ورد اني خابر انتي رايدة تجولي ايه،، وبجولك متخافيش واصل
ورد بتوتر/طب اني هروح اشوف ورايا ايه،، عشان افضي لكتب كتاب شهد ،، ووبعد اذنك يعني انا هفضل جاعدة وياهم
سالم / ماشي،، واني هغير خلجاتي وانزل اروح لصالح
............................................
نزلت ورد تحت ولقت الكل متجمع وبيضحكو ومبسوطين واول ما بهية شافتها قلبت وشها
بهية بغضب/ اهلا بالبرنسيسة،، نموسيتك كحلي ياختي ولا ايه،، منزلتيش من بدري تساعدي مرت ولدي ليه
ورد بصت لمنصور بس كالعادة عمل نفسه مش شايف وقام دخل مكتبه واللي دافعت عنها حنين
حنين / يا عمة ورد لساتها عروسة،،خليها تفرح يومين،،وبعدين ماهي مهملتنيش امبارح وعملت معايا كل حاچة
ورد بحدة/ وبعدين هو مفيش غيري في الدار،، ماعندك مرت ولدك التانيه،،مبتمدش يدها في حاچة واصل،، وعلي چلبك كيف العسل ولا هيا علي راسها ريشة يعني،، واني الخدامة اللي اهنه
بهية بغضب/ انتي بتعلي حسك عليا يامج*صوفة الرجبة انتي،، ايه مفكرة حالك عشان اتچوزتي ولدي الكبير هيجبالك جيمة،،
رباب ببرود / لتكوني نسيتي انه اتچوزك عشان يستر عليكي
ورد كانت دموعها نازلة بصمت وفي نفس الوقت كان نازل سالم من فوق وسمع اللي دار بين امه وورد وكلام مرات اخوه كمان
سالم بغضب / كاني مش راچل عشان مرتي تتهان في بيتي اكده
بهية بتبرير/ هيا اللي لسانها طويل وبترد علي امك يا سالم
سالم بحدة/ورد مغلطتش ياما،، اني اللي جولتلها متنزلش بدري وهيا سمعت حديتي ،، وبالنسبة لحديتك الماسخ يا مرت اخوي فانا هعمل نفسي مسمعتوش المرادي،، اني مرتي اشرف بنتة في الكفر كله،، واللي يفكر يمسها بكلمة،، هيشوف مني وش تاني،، ومن اهنه ورايح ورد مش هتعمل حاچة في الدار،، مش مرت سالم السوالمي اللي تشتغل وتخدم
ورد ابتسمت ومسحت دموعها وهيا بتبص لسالم بفرحة،، اول مرة حد يدافع عنها ويجيبلها حقها
سالم بحنان / رايدة حاچة جبل ما اخرج يا ورد
ورد ببحة/رايداك ترچعلي بالسلامة يا سالم
سالم ابتسم ومشي و ورد وحنين بصو لبعض وابتسمو وشهد قامت بسرعة وقربت من ورد
شهد / تعالي يا ورد عشان اشوف هلبس ايه بليل ،، يلا يا حنين
وخدت شهد ورد من قدامهم ومشيت ووراها حنين اللي كانت فرحانة ان سالم اخيرا بقي يعامل ورد كويس
ببهية بغيظ / سحرتله بت فاتن،، الواد مكنش طايجها،، ايه اللي چرا
رباب لنفسها/ ماشي يا ورد،، ياني يانتي اهنه
...............................................
بليل كان الحريم كلهم متجمعين بيباركو في بيت العمدة منصور وكانت قاعدة شهد مكسوفة لانها متعرفش حد اما ورد فكانت قمر وكانت مستنية تشوف سالم هيقؤل ايه لما يشوفها بعد ما سمعت كلام شهد ولبست فستان من بتوعها وحطت ميكب خفيف
شهد بهمس / وورد الحقيني، الستات دول بيبصولي اوي وانا مكسوفة ومش عارفة اعمل ايه
ورد بضحك/ لا ده العادي احنا عندينا اهنه بنحبو الافراح عشان نتفرج عالعروسة واهو ناخد فكرة
حنين بضحك/ شايفين رباب بتبصلنا بغيظ كيف،، حاسة انها هتاكلنا بعنيها
ورد بسخرية/ولا مرت عمي،، هاين عليها تيچي تچيبني من شعري
شوية وسمعو ضر*ب نار وزغاريط عرفو ان اتكتب الكتاب وده بعد ما وكلت شهد منصور وبقي وكيلها وكتب كتابها علي صالح
ورد بفرحة / تيچو نتفرج
حنين بحماس /ااه يلا
بصو هما التلاتة من الشباك وكان سالم ويوسف بيرقصو بالعصيان واتفاجأت ورد بسالم واقف مع بنت بعيد شوية عن الرجالة وبيتكلمو،، قلبها اتقبض وعنيها دمعت ومسكت ايد حنين
حنين بتوتر/ متجلجيش يا ورد،، تلاجيها بنتة من البلد بتسأل علي مكان الحريم ولا حاچة
ورد بحزن/ جلبي بيجولي انها البنتة اللي عاشجها سالم ،، هو جالي اكده ياحنين
حنين بحزن/ يا ورد متكبريش الموضوع،، وبعدين ايه اللي هيچبها اهنه بس
شوية البنت اللي كان سالم واقف معاها مشيت وسالم لف وكان راجع تاني بس عينه جت في عيون ورد و ورد سابته ودخلت بهدوء واتقابلت مع رباب
رباب بسخرية / كانك كنتي مفكرة انه هيعشجك،، لا يا حبيبتي،، سالم جلبه مشغول بالمصراوية اللي عاشجها ،، ومرضاش يتچوز من زمان عشانها،، كان عنده امل تبجي ليه ،، بصي علي جدك يا يا سلفتي ههههههه
ورد بصتلها ببرود وسابتها ومشيت،، بس من جواها قلبها مقسوم نصين،، اول ما خرجت من القوضة بقت تجري وفجأة خبطت في سالم....... يتبع
رأيكم يهمني جداااااا
تفاعل حلو بقي عشان التاسع
تعديل بسيط بما ان الاغلبية عايزين بارت تاني فايه رأيكم لو البارت ده جاب تفاعل جامد هنزلكم بارت في السهرة 😊❤
#ورد
#بقلمي_اسراء_ابراهيمالبارت التاسع
ورد
ورد رفعت عنيها في عيون سالم وكأنها بتعاتبه وهو سرح في عنيها اللي مرسومة بالكحل فضلو كدة شوية لحد ما هو اتكلم
سالم بحنان / مالك يا ورد؟،، وكنتي بتچري اكده ليه
ورد بحزن / اني طالعة فوج،، تعبانة شويةوهطلع اريح
سالم بلهفة/ تعبانة مالك،، اشيع اچيبلك حكيم
ورد / لا ملوش داعي،، اني هطلع انام وهبجي زينة
سالم / طيب تعالي انا هطلعك
ورد بجمود / لا،، اني هطلع لحالي،، روح انت شوف كنت بتعمل ايه
سابته ورد وطلعت وسالم متابعها باستغراب، هو لاحظ النظرة اللي بصتهاله لما شافته واقف مع ملك عشان كدة جالها ،،فضل واقف شوية وبعدين اتنهد بحيرة و خرج تاني
......................................
بهية بفرحة / يلا يا بتي عريسك برة مستنيكي
شهد بتوتر / حاضر
حنين بهمس / شهد مش رايداكي تخافي،، صالح راچل زين وهيحافظ عليكي ،،
شهد بابتسامة/ سلميلي علي ورد،، ومتتأخروش عليا بكرة،، هستناكم يا حنين،، انا مليش غيركم
حنين بدموع/ من النچمة هتلاجينا عندك متجلجيش يا حبيبتي
وفعلا خدها صالح وركبو العربية ومشيو
شهد بتوتر / ههو انت اهلك مش موافقين علي جوازك مني مش كدة
صالح باستغراب/ ليه بتجولي اكده
شهد بتردد/عشان محدش منهم حضر
صالح بابتسامة / اني مليش حد غير ابوي يا شهد،، امي الله يرحمها ومليش خوات
شهد بأسف/ انا اسفة اووي اني فكرتك،،
صالح بأعجاب/ لا عادي،، انتي من حجك تعرفي متچوز مين،، وصلنا
دخلت شهد البيت بتوتر وهيا مش عارفة ايه اللي مستنيها تاني
صالح /شهد اني مش رايدك تخافي مني،، واني عند كلمتي،، انا اتچوزتك بس عشان احميكي فحاولي تاخدي عالمكان وتعتبريه دارك،، وبعد فترة اكده ،، هاخدك ونروح لابوكي نفهمه الموضوع
شهد براحة/ متشكرة اوي علي اللي عملته عشاني،، واسفة لو كنت زعلتك بكلامي،، انا لما ببقي مضايقة بقؤل كلام كتير ملوش لازمة
صالح بابتسامة /ولا يهمك،، يلا الجوضة فوج،، اطلعي غيري خلجات عشان ناكله لجمة
شهد بابتسامة/ حاضر وسابته وطلعت وهيا حاسة انها مرتاحة وخصوصا بعد كلامه ليها
..................................
تاني يوم صحيت ورد لقت سالم قاعد قدامها فاتخضت
ورد بخضة/ سالم،، انت چاعد اكده ليه
سالم بحنان /كيفك دلوك،، لساكي تعبانة
ورد بحزن /لا اني زينة يا واد عمي متجلجش،، تعرف اني عمري ما حد حسيت انه كان خايف عليا اكده،، كنت ببجي تعبانة ونفسي اللي يطيب نفسي بحنيته،، احساس صعب جوي ان الواحد يتحرم من امه وهو صغير
سالم /حجك عليا يا ورد،، اني جسيت عليكي كتير،، بس غصب عني يا بت عمي
ورد بتنهيدة/ كان نفسي اسألك السؤال ده من زمان يا سالم،، ليه كنت بتكر*هني اكده،، مع اني معملتلكش حاچة عشان تعاملني بجس*وة اكده
سالم افتكر عمه عزيز واضايق وغير الموضوع
سالم / شيطان يا ورد،، واهو راح لحاله،، المهم مش هتجوليلي كان مالك عشية
ورد بحزن /هيا مين البنتة اللي كنت واجف معاها يا سالم
سالم بتردد/ دي ملك
ورد بقلة حيلة/ البنتة اللي عاشجها مش اكده
سالم باستسلام/ اه يا ورد،، هيا،،
ورد بحزن / ربنا يسعدكم يا واد عمي،، اني هجوم البس عشان اروح لشهد مع حنين
سالم مسك ايديها قبل ما تقؤم فبصتله ورد بحزن
سالم/ كانت چاية بتودعني،، بتجولي انها هتهمل البلد وتسافر بلاد برة
ورد بهدوء/ زعلان،، مش اكده
سالم بص في عيون ورد شوية وبعدين رد
سالم/ انتي مش فاهمة حاچة يا ورد
ورد بحزن وهيا بتقؤم/ لا فاهمة كل حاچة يا سالم،، جلوبنا مش بيدنا ولا بكيفنا،، واني خابرة انه مش بيدك يا واد عمي
................................................
في اوضة حنين
حنين بحزن/ هتفضل محاربني لحد ميتي يا يوسف ،، من يوم ما خرچت مع شهد وتوهنا وانت محاربني،، حتي امبارح خلتني انام زعلانة ومحدتنيش واصل
يوسف مردش عليها وهو بيعدل بدلته قدام المرايا
حنين بدموع/ بجي اكده،، هيا دي غلاوتي عنديك،، هو ده وعدك ليا انك مش هزعلني ولا تهملني حزينة
يوسف بتنهيدة/ كيف ما انتي خلفتي وعدك ليا يا حنين،، جولتلك اخرچي بس متبعديش ومتتأخريش،، بس سمعتي حديتي،، لا،، روحتي لاخر البلد،، ويا عالم لو مكنش صالح لجاكي كان هيحصل ايه
حنين بدموع/ واني كان غصب عني،، انت مش بتبجي فاضي تخرچني ،، بجيت بجعد في الدار كيف البجرة اللي رابطينها،، هملتني ومبجتش توديني في اي مكان ،، وغصب عني نسيت الشوارع،، منا مبخرجش ولا باچي
يوسف رق قلبه ليها فقرب منها واخدها في حضنه
يوسف بحنان/حجك عليا يا حنيني،، اني كنت هموت من الخوف عليكي،، كنت بدور عليكي كيف المچنون ،، خايف ليكون حصلك حاچة واني مش معاكي،، مكنتش هسامح نفسي واصل،، انتي غالية عليا جوي ،، واني مجدرش اعيش من غيرك،، وان كنت خدت علي خوطري منك ،، فخوف عليكي يا جلبي
حنين بابتسامة/حجك عليا،، معدتش هخرج تاني من غيرك
يوسف بحب/ واني ليكي عليا هخرچك كل اسبوع،، عشان متنسيش الشارع
حنين بعشق/ربنا يخليك يا يوسف ويديمك سند ليا يارب
............................................
بعد اسبوعين في بيت صالح وشهد الباب كان بيخبط وشهد كانت في المطبخ وخرجت عشان تفتح كان سبقها صالح وفتح وشافته وهو واقف وفي بنت متشعلقة في رقبته اتصدمت مكانها وحست انها مضايقة اووي بس اتغاضت عن احساسها وقربت منهم
صالح بحب /وحشتيني جوي يا رورو
رضوي بمرح/ وانت اكتر يا حبيبي
شهد باندفاع/ ايه هتفضلو تحبو في بعض عالباب،، مش خايفين حد يشوفكم حتي
صالح استغرب شهد ورضوي بصت لشهد بغموض
صالح / معلش نسيت اعرفكم،، دي شهد مراتي يا رضوي،، ودي تبقي رضوي ا...
قبل ما يكمل صالح كانت رضوي مسكت ايده عشان ميكملش وكملت هيا
رضوي /انا ابقي رضوي،، اممم صديقته
صالح بص لرضوي باستغراب
صالح /انتي بتجولي ايه يا رضوي
رضوي بخبث/ استني انت بس يا صاصا،، اما اتعرف علي القمر دي
شهد لنفسها/ صاصا!! ،، كاتك القر*ف انتي وهو البارد ده ،، عاملي فيها المؤدب وهو مقضيها
صالح بود/ رضوي هتتغدي معانا يا شهد
شهد برخامة / والله مكنتش عاملة حسابي،، سوري بقي
صالح بحدة/ شهد،، ايه اللي بتجوليه ده
شهد بعند/هو ده اللي عندي،، مش عاجبك خد الامورة صحبتك وروح كل برة في اي حتة
صالح قرب منها ومسك دراعها جامد لدرجة انها اتو*جعت من مسكته ليها
صالح/ انتي اجنيتي اياك،، ازاي تتحدتي عنها اكده
رضوي ببرود/خلاص يا صاصا،، انا مش زعلانة منها،،
شهد بو*جع /سيب ايدي،، انت انسان هم*جي
صالح بصلها بغضب ورفع ايده عشان يضر*بها بس لحقته رضوي لما قربت منه ومسكت ايده
رضوي بقلق/ايه يا صالح هتضر*ب بنت برضه
شهد عيطت وطلعت تجري علي فوق،، وصالح قعد بغضب من نفسه عشان مسيطرش علي نفسه وكان هيمد ايده عليها
رضوي بهدوء/ انت ازاي كنت هتعمل كدة يا صالح
صالح بحدة/انتي مش شايفة تصرفاتها كيف،، اني معرفش اتچننت دي ولا ايه
رضوي بتلقائية/حقها تعمل اكتر من كدة،، واحدة وغيرانة علي جوزها
صالح باستغراب/ انتي بتجولي ايه،، انتي خيتي ،، هتغير كيف يعني
رضوي بابتسامة /بس هيا متعرفش اني اختك،، هيا واحدة شافت جوزها حاضن واحدة وهيا عارفة ان ملوش اخوات وكمان بتقؤلها دي صحبتي،، ده انا لو منها كنت و*لعت فيك
صالح بصدمة / غيرانة،، معني اكده انها..
رضوي بضحك/انا اول ما شفت شكلها وهيا بتبصلنا وانا حاضناك وبسلم عليك،، اتأكدت انها غيرانة،، وبما ان انت كنت حكيلي قصتها وحسيت من كلامك انك معجب بيها،، قولت بقي اختبر مشاعرها ناحيتك،، واعتقد الاجابة واضحة
صالح بفرحة/ يا بنت الايه ،، طب اعمل ايه اني دلوك،، دي تلاجيها زعلانة مني ومش طايجاني
رضوي بابتسامة/ لاااا صالحها بقي بمعرفتك،، انا كدة عملت اللي عليا،، سلام احسن ابوك هينفخني لو اتأخرت اكتر من كدة،، واه انا قاعدة هنا يومين ابقي هات شهد وتعالو،، سلام
صالح قفل الباب وطلع لشهد فوق وهو قلبه طاير من الفرحة
..........................................
كانت ورد قاعدة تحت مع حنين واول ما سمعت صوت جمال برة البيت قامت بهدوء وطلعت لرباب
رباب / خيير،، چاية ليه يا ست ورد
ورد بابتسامة/ وه متعرفيش اصول الضيافة يا رباب ،، شكلك متعودتيش عليها
رباب ببرود / جولي چاية ليه علطول،، من غير لف ودوران
ورد بخبث/ رايدة انصحك يا رباب ،، عيب اللي بتعمليه ده،، ده انتي چوزك زين الرچال
رباب باستغراب/ انتي بتتحدتي عن ايه،، اني مفهماش حاچة منك
ورد ببراءة/ وه الچوابات اللي كل شوية الاجيها مكتوبة بأسمك،، ده غير الخروج اللي كل شوية عمال علي بطال،، اني جولت انصحك وعملت اللي عليا
رباب كانت هترد بغضب بس ورد سبقتها وكملت بسرعة
ورد/چوزك لو دري بالحديت ده،، هيبجي فيها د*م وانتي خابرة،، فاعجلي اكده،، وحاجي علي چوزك
رباب ببعصبية/ انتي اتچننتي يا ورد،، انتي رايدة توجعي بيني وبين جمال
ورد بخبث/ لا يا حبيبتي انا بوعيكي،، وادي الچوابات اهي اللي بلاجيها جدام الدار،، واللي انتي رايداه اعملي
دخل جمال مرة واحدة فاتخضت رباب وخبت الجوابات اللي حطيتهم ورد عالترابيزة ورا ضهرها ،، فابتسمت ورد بخبث واتأكدت ان كدة جمال اتأكد انهم بتوع رباب لما خبيتهم بسرعة
ورد بتوتر/ اهلا يا چمال،، كيفك يا واد عمي ،، طب اني هنزل بجي يا رباب عشان ورايا حچات
سابتهم ورد ونزلت وجمال قرب بهدوء من رباب
جمال / مين ده اللي بيبعتلك چوابات
رباب بتوتر / وه،، چوابات ايه بس
خالد ضر*بها بالقلم واتكلم بغضب اكبر
جمال / فين الچوابات دي،، ومين اللي بعتهوملك
رباب بخوف اديته الجوابات
رباب / ووالله يا چمال مش بتوعي،، دول بتوع ورد،، صدجني
جمال كان بيقرأ وعينه احمرت من كتر الغضب
رباب / هيا رايدة توجعني وياك ،، صدجني الچوابات دي مش بتاعتي
جمال وهو بيرميهم في وشها / ااومال خبتيهم ليه لما شوفتيني هه،، عشان خاينة وتساهلي المو*ت،، مش كفاية اني صابر علي جلبك الاسود واجول بكرة تتغير،، انتي ايه،، انتي حية لازمن تت*جتل
كانت رباب بتصرخ من الوجع وجمال بيضر*ب فيها وفجأة جمال... يتبع
بارت السهرة اهو زي ما وعدتكم اتمني يعجبكم
تفاعل حلو بقي عشان البارت العاشر ينزل في معاده
#ورد
#بقلمي_اسراء_ابراهيم
البارت العاشر
ورد
فجأة جمال بعد عن رباب اللي كانت هتموت من الضر*ب
جمال بجمود/ انتي طالج،، خدي خلجاتك وغوري من اهنه وعشان العيال بس مش هفضحك،، بس مهتشوفيش ضفرهم تاني
رباب بعياط/ احب علي يدك يا چمال ،، اسمعني،، اني مظلومة،، مخونتكش والله ولا اعرف حد واصل
جمال بحزن/ انتي تستاهلي الموت،، بس حرام الوث يدي بد*مك الزفر،، غوري من اهنه ومشوفش وشك اهنه تاني بررررة
..............................................
في اوضة شهد كانت قاعدة بتعيط لحد ما سمعت باب اوضتها بيخبط
صالح/ شهد،، افتحي بدي اتحدت معاكي
شهد بغضب/ وانا مش عايزة اتكلم،، سبني لوحدي بقااا
صالح بندم/حجك عليا ،، مكنتش اجصد اني امد يدي عليكي ولا كنت هعمل اكده صدجيني
شهد بحزن/ ليك حق تعمل اكتر من كدة،، انا اللي غلطانة اني وافقت عالجوازة دي من الاول
صالح / طب افتحي هجولك علي حاچة واجفلي تاني،، شهد وغلاوة ابوكي عندك
شوية وشهد فتحت الباب وبصتله بحزن وعيونها منفخة من العياط
صالح بهمس/حجك عليا يا ست البنتة،، اني غب*ي وبعترف اهو جدامك اني غب*ي وحما*ر كمان
ضحكت شهد غصب عنها فقرب صالح اكتر وحاوطها بايديه بحنان
صالح/ حجك عليا ،، والعقاب اللي تجولي عليه هنفذه طوالي
شهد بغيرة/ البت الملزقة دي تقطع علاقتك بيها
صالح بضحك/ مينفعش
شهد بغضب / بقي كدة،، طب اوعي بقي
تبت فيها صالح اكتر وهو بيضحك وبعدين همس قدام وشها
صالح بهمس/ رضوي تبجي خيتي من ابويا شهد
شهقت شهد بصدمة/ اختك ،، طب ازاي ومقولتليش ليه،، وبعدين دي قالت ان انتو صحاب،، انت بتضحك عليا
صالح قرب اكتر / هيا جالت اكده لما لجيتك غيرانة
شهد بتوتر / اايه غيرانة ازاي يعني،، انا مش غيرانة
صالح بغمزة/ طب عيني في عينك اكده
شهد بخجل / صاالح ابعد
صالح بحب / افهم من اكده انك خلاص، مبجتيش زعلانة
شهد بابتسامة/ لا مش زعلانة يا صالح
صالح بتوهان/ جوليها تاني اكده
شهد ااتكسفت وزقته وجريت علي تحت
شهد بخجل/ انا جعانة،، هروح اشوف الاكل
صالح ابتسم وكان مستمتع بضربات قلبه اللي بقت تزيد من يوم ما قابل شهد ودخلت حياته
............................................
في مكتب منصور
بهية بجدية/خير يا منصور،، شيعتلي ليه
منصور بهدوء/اجعدي يا بهية،، رايد اتحدت وياكي في كلمتين اكده
بهية وهيا بتقعد/ جول يا اخويا في ايه،، جلجتني
منصور بتنهيدة/ هتفضلي اكده لحد ميتي يا بهية،، كل يوم اجول هتنسي وتعجل بس لا،، بتزيدي فيها اكتر
بهية بحدة/ ولازمته ايه الحديت ده عاد دلوجتي يا منصور،، مش كنا فضناها سيرة من الموضوع ده
منصور بحزن/ عشان صعبان عليا البنتة اللي ملهاش ذنب دي،، عملتلك ايه عفش عشان تعامليها بجسو*ة اكده
بهية بغضب/ عملها اسود ومهبب ،، وبعدين كانك مش خابر يا منصور ولا رايد اني افكرك بالجديم ،، بتسألني وانت خابر ليه اني بكر*ها،، عشان نسخة من فاتن،، فاتن اللي كنت ولسة لحد دلوك عاشجها يا منصور،، كل ما بشوف بتها بتفكرني باللي حوصل زمان ،، وانك حتي مفكرتش فيا محاولتش تشوفني ،، كنت بتناديني بأسمها،، خليتني اكر*ها واكر*ه بتها،، احمد ربنا اني وافجت اني اربيها اهنه مع ولادي،، لساك بتسأل ليه يا منصور ولا خلاص
منصور بحزن/ اللي حوصل بجي ماضي يا بهية،، ودلوك ورد بجت مرت ابنك،، حاولي حبيها وانسي انها بت فاتن
بهية بغضب/ لا مهنساش،، اني لا حباها ولا رايداها،، حتي ولدي برضك مش رايدها ولا طايجها
منصور بحدة/ بسببك،، ولدك بيكر*ه ورد بسببك وبسبب حديتك عنيها وعن اخوي عفش،، ولو انتي مفكرة اني كنت نايم علي وداني ومهعرفش انك كنتي بتكر*هي ولدي في عمه وبت عمه عشان كر*هك ليهم تبجي غلطانة،، اني كنت بفوت بكيفي وكنت بجول معذورة واهي غيرة حريم،، لكن لحد اهنه وكفايا يا بهية،، مش هخليكي تخربي حيات سالم ولدي براسك اليابس دي
بهية بغضب/ اني جولت اللي عندي يا منصور،، وانت وولدك احرار،، جوله ان امه كدابة،، وان عمه راچل زين،، وبعدين متخافش،، ورد طالعة حر*باية امها،، ولافت علي عجل ولدك وخليته يدافع عنها،، كيف ما امها كانت بتعمل وياك
منصور بغضب / بهييية،، اخرچي دلوك،، مش رايد اشوف خلجتك
............................................
كانت نازلة رباب عالسلام بجمود وشايلة شنطتها ووشها باين عليه اثار العياط واول ما شافتها حنين شهقت بصدمة وبصت لورد اللي ابتسمت بشماتة
حنين بقلق/ وه،، علي فين يا رباب اكده،، وايه اللي في يدك ده
رباب بجمود/ افرحي يا حنين،، ههملك الدار تبرطعي فيه انتي وورد لحالكم،،
حنين بعتاب/ اخس عليكي يا رباب،، ليه بتجولي اكده،، وبعدين ايه اللي حوصل عشان تهملي الدار
رباب بتوعد/ ورد السبب خليها تحكيلك عملت ايه،، بس اني مش هسيب حجي يا ورد
ورد بسخرية / بالشفا يا حبيبتي،، ااعتبريها جرصة ودن اكده،، عشان تعرفي اللي تفكر تلعب مع ورد السوالمي،، اخرتها كيف شكلك اكده دلوجتي
رباب بتوعد/ رچعالك يا ورد،، وهتشوفي
سابتهم رباب ومشيت وورد متابعاها بكر*ه
حنين بفضول/ هو انتي عملتلها ايه يا ورد،، دي غضبت فيها
ورد بثقة/ نفس اللي كانت رايدة تعمله فيا،، وبزيادة حبتين
حنين بصدمة/ يا مري،، خليتي جمال يشك فيها،، لا يا ورد،، حتي لو هيا خرابة بيوت،، متعمليش زيها
ورد بحدة/ هيا اللي بدأت،، واني مبسبش حجي،، ومتجلجيش عمي ومرته مش هيسكته، وهيرچعوها تاني
حنين بقلق/ ربنا يسترها
ورد وهيا بتقوم/ اني هروح للبت هيام، اجعد معاها شوية
حنين بقلق/ طب استأذنتي من سالم چوزك
ورد بزعل/لا،،مجولتلوش ومش هجوله،،هيا اكده ولا اكده عيشتنا مختلفة،، كل واحد في حاله
حنين باصرار/ لا يا ورد،، عيب وسالم لو جاله خبر انك خرچتي من غير ما تجوليله،، هيجتلك،، اخزي الشيطان واجعدي
ورد بعند/لا هروح ،، اجولك هعدي عليه الاول اجوله وبعدين اروح لرباب
حنين بخوف/ ربنا يستر،، اني مش مرتاحة،، يلا اني هطلع لبدور فوج من يوم ما چت غضبانة وهيا حابسة نفسها يا حبت عيني وصعبانة عليا جوي
ورد بثقة / بدور عشجانة،، وعشان اكده هيا بين نار*ين،، رايداه وكار*هة نفسها،، اتحدتي وياها وخليها تركن جلبها علي جمب وتحكم عجلها،، سلام
....................................
في بيت صالح كانه قاعدين بياكلو عالسفرة هو
وشهد
شهد بتردد/ صالح ممكن اسألك علي حاجة
صالح بتأكيد/طبعا يا شهد،، اسألي واني هچاوبك
شهد بحزن/هو احنا هنروح لبابا امتي؟
صالح بابتسامة / ان شاء الله بكرة،، اني كنت عاملهالك مفاچئة بس انتي بجي سبجتيني
شهد بفرحة /بجد،، متشكرة اوي يا صالح،، انا مش عارفة اشكرك ازاي علي وقوفك جمبي وعلي اللي عملته عشاني
صالح بعتاب/ تشكريني كيف يعني،، انتي مرتي يا شهد،، وده واچب عليا مش چميل
شهد بابتسامة/ انت ارجل انسان شفته في حياتي ،، وانا جمبك ببقي مطمنة ومش خايفة وده احساس جميل اوي
صالح / وانتي اچمل بنتة جابلتها في حياتي،، اينعم لسانك فالت حبتين وكنت حالف لاجصهولك،، بس زي بعضه
ضحكو الاتنين بصوت عالي وصالح مسك ايد شهد باسها بحب وهيا اتكسفت وسحبت ايديها
وحاولت تغير الموضوع
شهد/ انا قلقانة اوي علي بابا يا صالح،، خايفة يكون عمي قاله حاجة عني وهو تعب فيها
صالح بحنان/متخافيش،، هنروح ونتحدت وياه ونفهمه كل حاچة والحجيجة كلها
شهد بتفاؤل / ان شاء الله
صالح /جومي يلا غيري عشان هنروح نزور ابوي ونسلم علي رضوي جبل ما تسافر
شهد باستغراب/تسافر فين،، انا مش فاهمة،
صالح بتفسير/بصي يا ستي،، ابوي لما امي ماتت سافر اشتغل في مصر،، وبعد سنين كتير اتعرف علي واحدة اهناك واتچوزها وخلف رضوي خيتي،، وهيا جاعدة هناك وبتيچي كل فترة تزورني مع ابوي
شهد باحراج/طيب انا هقوم اغير بسرعة ونروح،، عشان اعتذرلها علي الموقف اللي حصل
صالح بضحك/طب يلا،، ولو اتأخرتي ههملك وامشي انا
شهد وهيا بتجري/ فوريرة
.............................................
ماهر بقلق/ خير يا چمال،، بدور زينة،، طمني مرتي فيها حاچة
جمال بهدوء/ مرتك زينة يا ماهر،، بس اني حدتك تيچي عشان رايد اتحدت وياك الاول
ماهر بتوتر/جول يا چمال اني سامعك
جمال بجدية/ رايد اجولك ان بدور رايدة تطلج منك
ماهر بحزن/ هيا لسة مصممة برضك
جمال / بس مش عشان المشكلة اللي حوصلت
ماهر باستغراب/ اومال ايه عاد
جمال بجدية/ رايداك تطلجها عشان تشوف حياتك وتتچوز وتخلف،، جالتلي انها مسامحاك بس مهتجبلش تظلمك وتخليك متخلفش ويكونلك عيال يشيلو اسمك
ماهر براحة/ يعني هو ده السبب
جمال بتنهيدة/خيتي حلفتني ما اجولك السبب،، بس اني خابر انها مش هتبجي سعيدة وهتفضل حزينة طول عمرها ،، عشان اكده جولتلك والقرار بيدك يا ماهر،، ومش هلومك لو جولت اطلجها واتچوز ،، ده حجك،، واحسنلها من انها تبجي عايشة وياك وتتعاير بعيبها من امك،، فكر زين وهستناك بكرة في العشية ،، يا تيچي بالمأذون ونخلصو الموضوع وكل واحد يروح لحاله،، ياما تاخد مرتك بس لو حد عايرها ولا چيت في يوم جولتلي بدي اتچوز
هيبجالي حديت تاني معاك
ماهر بتفهم/ متشكر يا چمال انك جولتلي،، وهاجيلك بكرة ان شاء الله،، سلام عليكم
......................................................
كانت ورد واقفة بعيد اوي و بتدور بعينها علي سالم من بعيد،، وخايفة تقرب سالم يزعق معاها،، ولعنت عِندها اللي خلاها تخرج من غير ما تقؤله
شاب/ واجفة لوحدك ليه يا چميل،، بتدوري علي حد،، ولا اللي اداكي المعاد خلي بيكي
ورد بغضب/ اتحشم يا فندي انت وغور من وشي،، مش ناجصة الحكاية هيا
الشاب / طب ما تخليني واجف چارك،، يمكن تعوزي حاچة
ورد بنفاد صبر/ يمين بالله لو ما غورت من وشي لاجلع المركوب واديك بيه علي نفوخك
سالم كان ماشي بالعربية ولمح ورد وهيا واقفة مع الشاب ده وبتتكلم،، فجأة ملامحه اتحولت للغضب واتجنن اكتر لما الشاب ده مسك ايديها
،، وقف العربية بسرعة ونزل راحلهم ،، في نفس الوقت ورد شافت سالم جاي عليها وهيا بتشد ايدها من الشاب اللي اول ما شاف سالم جري بسرعة واختفي
ورد بخوف/سالم،، هفهمك
ملحقتش تكمل كلامها لما سالم اداها بالق*لم فشهقت بصدمة
سالم بغضب مكتوم/ ااركبي العربية
ورد متكلمتش وجريت بسرعة ركبت العربية و سالم هو كمان، ركب وطلع عالبيت
...............................................
في بيت ابو صالح
رضوي بمرح/ لا بس انتي طلعتي عن*يفة اوي يا شهد
شهد باحراج / بجد متأسفة اوي علي طريقتي معاكي
رضوي بود/ يا بنتي عادي،، متبقيش قفوشة كدة،، وانا هزعل من مرات اخويا برضه
شهد بابتسامة/ والله انتي روحك جميلة اوي وتتحبي كدة
رضوي بابتسامة/ وانتي باين عليكي جدعة وبنت اصول
صالح بمرح/ ما خلاص عاد،، هتفضلو تشكرو في بعض اكده،، واني محدش هيشكر فيا
رضوي بضحك/ لا لو عليك،، فشهد الله بعينها خدت مقلب
صالح بزعل/ااخس عليكي يا خيتي،، ده بدل ما تحلي اخوكي بكلمتين
ابو صالح بقصد /بس تعرف يا صالح،، رضوي عنديها حج،، شهد باينها بت طيبة وبت حلال مش كيف المحر*وجة مرتك الاولانية اللي اسمها فتون
شهد ابتسامتها اختفت و...... يتبع
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق