رواية ورد الفصل الحادى عشر والثاني عشر والثالث عشر بقلم اسراء ابراهيم

رواية ورد الفصل الحادى عشر والثاني عشر والثالث عشر بقلم اسراء ابراهيم

#بقلمي_اسراء_ابراهيم البارت الحادي عشر

ورد

شهد ابتسامتها اختفت وبصت لصالح اللي بصلها بتوتر وبص لابوه بعتاب ورضوي بقت زعلانة عشان شهد والموقف اللي اتحطت فيه

شهد ببهتان/ ممكن نمشي ،، كفايا كدة

صالح بهدوء/ يلا بينا

وفعلا صالح خد شهد ومشيو ورضوي بصت لابوها بعتاب

رضوي/ليه كدة يا بابا ،، ده صالح مأكد علينا،، اننا منجبش سيرة لشهد

ابو صالح/ ااخوكي غلط يا بتي،، لازمن يجولها علي كل حاچة وهيا اللي تجرر،، لكن انه يخبي عليها لا مش اصول ابدا

رضوي بهدوء /ييبقي كنت سيبته هو يقؤلها،، لكن تطلعه كداب قدامها،، انت كدة بتقلل منه،،

ابو صالح بندم/ااهو اللي حوصل بجي،، ربنا يسترها

رضوي بقلق / يارب تديله فرصة بس انه يفهمها

..............................

كان داخل سالم البيت وساحب ورد من ايديها جامد قابلته بهية وهيا نازلة من فوق

بهية/ خير يا ولدي،، مالك واخد في وشك اكده

سالم عدي من جمبها من غير ما يقف

سالم بحدة/بعدين ياما،، هنتحدت بعدين

بهية بغضب/ وه شوف العج*ربة،، مخلياه مش شايف غيرها كيف،، ماشي يا سالم

دخل سالم القوضة وزق ورد فقعدت عالكرسي بو*جع وهيا بتبص لسالم بخزلان

سالم بغضب جحيمي/ بتجرطسيني يا ورد وبتخرچي تجابلي عشيجك،، للدرچادي مفكراني مش* راچل

ورد بهدوء/ لو هو ده اللي انت بتوهم بيه نفسك ومجتنع بيه،، خلاص يا واد عمي،، يبجي ملهوش عاذة الحديت

مسكها سالم من كتافها وقومها وهو بيصرخ فيها

سالم / اومال تفسري بأيه اللي شوفته عاد،،

واني شايف مرتي اللي خرچت من غير اذني واجفة مع واحد بيتحدتو وبعدين يمسك يدها

ورد بجمود/ تسألها،، مش چايز فاهم غلط،، بس لا،، الحديت ده لو واحد واثج في مرته،، لكن انت شايفني عفشة،، واحدة رخ*يصة وليها عشيج،، اني كنت خلاص ابتديت احس انك جريب مني،، فرحت لما لجيتك بتدافع عني،، وبجيت سندي،، بس كل ده وهم يا سالم

سالم بعصبية/ غصب عني يا بت عمي،، انتي مرضيتيش تجوليلي اللي ابوي سمعه ده كان ايه،، وعشجانة حد كيف ما جال ولا له،، ريحي جلبي وجوليلي يا ورد،، وانا اوعدك وجتها هثق فيكي كيف نفسي

ورد بصت في عيونه،، كانت نفسها تترمي في حضنه وتقؤله ان هو الشخص ده،، بس لا مش هينفع،، مش هيصدقها اصلا،،

ورد بهدوء/ ولو جولتلك لا يا سالم،، هتصدجني؟ ،، اكيد لا،، وهتفضل تشك فيا وهفضل طول الوجت متهمة،،

سالم مردتش عليها،، اتنهد بغضب بس وقعد بحيرة وحط وشه بين ايديه

ورد/ نادم علي حنين مرت اخوك

سالم باستغراب/ رايداها ليه عاد؟

ورد بحدة/اكده،، نادم عليها وخلاص

سابها سالم وراح جاب حنين وجه

حنين بقلق/خير يا ورد،، انتي زينة،، سالم جالي انك رايداني

ورد وهيا بتبص لسالم/ اني جبل ما اخرج يا حنين جولتلك اني رايحة فين؟ وايه اللي حوصل

حنين بتلقائية /جولتيلي رايحة اجعد مع هيام صحبتك واني جولتلك مينفعش ولازم تاخدي اذن چوزك الاول وانتي جولتيلي هعدي عليه في الارض اجوله وبعدين اروحلها

سالم غمض عينه واتنهد براحه اما ورد فقامت ووقفت قدامه

ورد /اصل سالم چوزي كان شاكك فيا،، مفكرني خارچة عشان اجابل عشيجي،، واللي حوصل اني كنت واجفة بعيد بدور عليه بعينية وخايفة اجرب وسط الرچالة اللي شغالين ليزعجلي،، وبعدها لجيت واحد واجف جاري بيعاكسني وكمان مد يده ورايد يمسك يدي واول ما شفت سالم اطمنت وجولت انه هيچيبلي حجي ويحميني بس للاسف ضر*بني وفسر اللي شافه كيف ما انا في نظره رخ*يصة

سالم بندم/ حطي نفسك مكاني يا ورد وانتي تعرفي

ورد بغضب/ لا يا سالم،، اني كنت غلطانة اما وثقت فيك وعطيتك فرصة

حنين بجدية/ اللي حوصل كان غصب عنه يا ورد،، لو اي حد شاف مرته واجفة مع راچل هيغضب ويصور *جتيل،، اعذريه يا خيتي،، انا هخرج وانتي يا ورد متنشفيش راسك دي وبطلي عند

بعد حنين ما خرجت سالم قرب من ورد فهيا بعدت

ورد بجمود / لو كنت رايحة اجابل عشيجي يا واد عمي،، مكنتش هجابله عالطريج اكده جريب من شغل چوزي و جدام الخلج اللي رايحة وچاية،، بس كيف ما جولتلك جبل سابج،، انت رايدني اغلط يا سالم

وسابته ودخلت الحمام قبل ما يتكلم معاها تاني فنفخ سالم بضيق وقعد عالسرير بغضب من نفسه انه مفكرش قبل ما يتصرف

..........................................

دخلت شهد البيت وقبل ما صالح يتكلم طلعت جري علي اوضتها وقفلت عليها وبقت تعيط جامد،، مش عارفة نفسها هل هيا حبته،، ولا ده كان اعجاب،، اومال ليه دلوقتي مخنوقة لما عرفت انه كان متجوز،، جايز عشان كانت مفكرة انها اول واحدة في حياته،، طب وهو ليه مقلهاش،، كل ده بيدور في دماغها،، والسؤال الاهم،، هل هو بيحبها او معجب بيها زي ماهيا كمان كدة،، فضلت تفكر لحد ما نامت

تاني يوم الصبح نزلت وهيا مقررة تتجاهل مشاعرها ناحية صالح وتنسي ان ممكن يكون في بينهم اي حاجة،، حضرت الفطار وقعدو سوا يفطرو

صالح بتوتر/شهد انا اسف بچد

شهد /علي ايه يا صالح

صالح/عشان خبيت عليكي موضوع چوازي،، بس ده كان من زمان جوي وانا كنت نسيت اصلا

شهد بجمود/ لا عادي،، اصلا دي حياتك وانت حر فيها واحنا ظروف جوازنا مش طبيعية اصلا عشان تبقي مجبر تحكيلي عن علاقاتك قبل كدة، زي ما انا كمان مش مجبرة احكيلك

صالح باستغراب/ تحكيلي ايه يعني،، تجصدي ايه بالحديت ده

شهد بقصد/ يعني احنا اتجوزنا لظروف معينة فترة مؤقتة وهتنتهي وانت تشوف حياتك وانا كمان،، وبعدين اكيد برضه انا كمان ليا حياتي العاطفية الخاصة

صالح خبط الترابيزة بايده بعصبية

صالح/جصدك ايه بحياتك العاطفية دي،، انتي كنتي عشجانة حد،، انطجي

شهد بتوتر/ففي ايه يا صالح،، انت متعصب كدة ليه،، ثم انت مالك اصلا بحياتي ،، زي ما انا مش بدخل في حياتك ومش بسألك،، انت كمان متدخلش في حياتي فاهم؟

صالح بحدة/ لا مش فاهم يا حرمي المصون،، اللي افهمه انك مرتي انا واللي يفكر بس يجرب منك يا شهد هج*تله،، واياكي اسمعك بتجولي الحديت الماسخ ده

شهد بعصبية/وواشمعني انت تدي لنفسك الحق ده هه،، وليه متقؤليش انك كنت متجوز،، ولا ااه اكيد عشان عارف ان جوازنا مؤقت فقولت اقؤلها ليه دي ضيفة فترة وهتمشي

صالح بلهفة/ لا يا شهد صدجيني الحكاية اني...

شهد بمقاطعة/ميهمنيش اعرف حاجة،، انا طالعة البس عشان نروح لبابا زي ما وعدتني واعمل حسابك انك هطلقني هناك وهترجع لوحدك

صالح قلبه و*جعه وحس بخنقة اول ما قالت كدة وقال في باله

صالح/ مستحيل يا شهد،، ده انا ماصدقت لقيتك

..................................................

كريمة بولولة / يا خسارة تربيتك يا كريمة،، ابني رايد يجاطعني عشان مرته،، ده اكيد عمل وسجيهولك بت بهية،، منك لله يا بعيدة مطرح ما انتي جاعدة

ماهر بضيق/ياما بطلي حديتك ده عاد،، هو ابنك مش" راچل عشان تجولي اكده

كريمة بغضب/ وهو في راﺟل يسمع حديت مرته ويهمل امه جاعدة لحالها ويعيش مع مرته في دار تاني

ماهر بهدوء /ياما افهميني زين،، اني هحب مرتي ومش رايد اطلجها،، انتي ميهمكيش راحتي؟،، وبعدين طالما لما بتجعدو سوا بتتناجرو يبجي بلاها،، هيا تجعد في دار لحالها ،، وانتي اهنه في دارك وبرضه هچيبلك واحدة تساعدك وتعملك شغل البيت كله،، وكل يوم هتلاجيني عندك مههملكيش ابدا يا ام ماهر

كريمة بغضب/ طب اسمع يا ماهر،، اعمل اللي يلد عليك،، بس اعمل حسابك برضك هتتچوز مريم عشان تخلف،، وده اخر حديت عندي واما اشوف بجي هتعصاني ولا هتمشي حديتي

ماهر بجدية/ نبجي نشوف الموضوع ده بعدين،، المهم دلوك انا هروح عشية اچيب مرتي

كريمة لنفسها بضيق/روح،، لكش تروح تلاجيها ف*طست بت بهية ونخلصو منيها

......................................

كانت واقفة حنين و ورد في المطبخ بيحضرو الفطار

حنين /طمنيني يا خيتي،، اتصافيتو انتي وسالم ولا له

ورد بضيق/ لا،، اني لساتي واخدة علي خوطري منه،، شكه فيا مخليني مخنوجة جوي يا حنين

حنين/ يا بت ما جولتلك الراچل مكنش غلطان اي راچل مكانه كان هيعمل اكده،، متعجدهاش بجي،، بس اجولك علي حاچة چت في بالي لما هملتكم ومشيت

ورد بفضول /جولي

حنين بغمزة/سالم باينه غيران عليكي جوي يا ورد،، انتي مشوفتيش كان بيبصلك كيف عشية لما سمع مني اللي حوصل

ورد بحزن/سالم مش شايفني خالص يا حنين،، سالم عشجان بنتة غيري وانتي خابرة اكده،، واني مهعيش نفسي احلام تاني بكفاية عليا السنين اللي فاته

حنين بثقة/طب والله هو زي ما جولتلك،، وبكرة تجولي حنين جالت

قاطع كلامهم دخول سالم فبصت حنين لورد بقصد وخدت صنية اطباق الاكل وخرجت

سالم ووهو بيقرب من ورد/ ليه مصحتنيش كيف ما بتعملي كل يوم

ورد بتوتر/ اني جولت اسيبك تجوم براحتك

سالم قرب من ورد اوي وبقي يتكلم بهمس

سالم/ لساكي محارباني يا ورد

ورد بتوتر/ لا خلاص،، بس ابعد اكده شوية،، احسن حد يدخل علينا

سالم / وفيها ايه،، انتي مرتي واني من حجي اتحدت وياكي في اي حتة

ورد بزعل/ طب ابعد بجي،، خليني اطلع

سالم بهمس/حجك عليا يا ورد،، مش رايدك تاخدي علي خوطرك مني،، واوعدك اخر مرة ومعدتش اشك فيكي ،،

ورد بابتسامة/ واني معتدتش محارباك يا سالم ،، اني كل اللي رايداه انك تجف چاري وتحميني واحس انك سندي،، اني خابرة انك عشجان البنتة اللي شوفتك واجف معاها،، وصدجني اني مش هجولك لا ،، اتچوزها يا سالم،،

سالم كان باصص في عيونها ولسة هيرد دخلت بهية امه واول ما شافتهم قريبين من بعض كدة اتجننت

بهية بغضب / چري ايه يا سالم،، خلاص بت فاتن كلت عجلك للدرچادي

سالم بجدية / ملوش عاذة الحديت ده ياما،، وبعدين انا واجف مع مرتي وبنتحدت ،، فيها ايه دي

بهية بحدة/فيها كتير،، فيها انك نسيت انك متچوزها ليه،، ودلوك بتتصرف كانك عاشجها

ورد بصت لسالم وابتسمت،، حتي لو مش دي الحقيقة بس كفايا انها بتعيش معاه لحظات حلوة عمرها ما هتنساها،، فاقت علي صوت بهية اللي كله غضب

بهية بغضب/ همي غوري شوفي وراكي ايه لو مش هت*طفحي

ورد كانت لسة هتمشي بس اتفاجأت بسالم بيسمك ايديها وبيتكلم

سالم/ مرتي هتجعد جاري وانا بفطر ياما،، يلا يا ورد

بهية بغيظ/ لا اني لازمن اتصرف،، البت كلت عجل الواد وشوية شوية هتخليه يخادلها دار لحالها

عالفطار كانه كلهم قاعدين وسالم و ورد قاعدين جمب بعض وقدامهم يوسف وحنين وجمال،، وبدور اللي في عالم تاني من يوم ما جت واتصدمو كلهم لما لقو ...... يتبع

رأيكم يهمني جدااا ❤

تفاعل جامد عشان البارت الثاني عشر

#ورد

#بقلمي_اسراء_ابراهيم

البارت الثاني عشر

ورد

اتصدمو كلهم لما لقو بنت جميلة اوي داخلة بكل ثقة وبتبص لسالم وبتبتسم وسالم اول ما شافها اتصدم واتوتر و ورد لاحظت ده

بهية باستغراب/ اهلين يا بتي،، اتفضلي

ملك برقة/ اهلا بحضرتك يا طنط،، اسفة للازعاج،، اممم ازيك يا سالم

سالم بتوتر/ زين يا ملك،، انتي كيفك،، وكيف احوال مصر؟

ملك برقة/ وحشتها اوي،، ونفسها تيجي تزورها

بهية لاحظت طريقة ملك وبصت لورد وابتسمت بخبث،، اما منصور فحرك راسه وفهم ان دي المصراوية اللي سالم كان عاوز يتجوزها،، و ورد وحنين بصو لبعض بغيظ من طريقة ملك اللي كلها دلع

ملك بعملية/ بعتذر اني جيت من غير معاد،، بس انا جاية في شغل

بهية بسرعة/ يا مري ،، متجوليش اكده يا بتي،، ده انتي تشرفي في اي وجت ،، ده معارف سالم ولدي غاليين جووي

ورد بصت لبهية بسخرية وفهمت انها ما صدقت ان ملك دي ظهرت

ملك بخجل/ميرسي يا طنط،، طيب هسيبكم تكملو فطار وهروح انا الفندق،، وياريت تبقي تكلمني يا سالم لما تكون فاضي عشان نتكلم في الشغل

ورد بصتلها بغيظ وسالم بص لورد ولسة هيتكلم قاطعته امه

بهية بلهفة/وه يادي العيبة،، تجعدي في لوكاندا ودار كبير البلد مفتوح،، متجول حاچة يا حچ منصور

منصور بص لمراته بيأس من تصرفاتها

منصور بهيبة/ الدار دارك يا بتي،، اجعدي اهنه كيف ما بدك ،، چمال تعالي ورايا رايدك في كلمتين

سالم /اجعدي يا ملك،، هغسل يدي ونخرج نتحدت برة الدار

قام منصور ووراه جمال و ورد قامت بهدوء وشالت الاطباق ودخلت المطبخ وسالم متابعها بعنيه

.....................................................

خبطت حنين علي اوضة بدور وبعد شوية بدور فتحتلها

حنين بابتسامة /كيفك يا بدور

بدور ببهتان/ زينة يا حنين،، تعالي ادخلي

حنين بحزن/هتفضلي لميتي جافلة علي حالك اكده،، كانك في دنيا تانية مش معانا،، وانهاردة برضك،، خلصتي فطور وطلعتي تاني كيف ما بتعملي كل يوم

بدور بخنقة/ اني تعبانة جوي يا حنين،، محدش حاسس باللي في جلبي،، حتي امي جلبها جاسي عليا،،و مهنش عليها حتي تطيب خوطري بكلمتين

حنين بحب/كيف ده،، واني روحت فين،، ده انتي خيتي يا بدور مش بس اخت چوزي،، اني حاسة بيكي جوي،، عشان اني بعشج يوسف،، كيف ما انتي عشجانة ماهر

بدور بقهر/صعبان عليا جوي اللي حصلي منه،، ده اني استحملت كَتير عشان بعشجه،، ليه يعمل فيا اكده،، والله ما بيدي،، اني لو عليا نفسي اچيب منه عشر عيال مش عيل واحد،، بس ده حكم ربنا واني راضية

حنين بهدوء/ طبعا يا حبيبتي،، وماهر بيحبك يا بدور بس الزن عالودان امر من السحر،، وانتي خابرة ان امه كار*هاكي ومكنتش رايداكي لابنها،، يبجي ايه الحل؟

بدور بحزن/ يبجي يطلجني ويتچوز واحدة تچيبلو العيل اللي نفسه فيه وتكون امه راضية عنيها

حنين بخبث/لا يا خايبة،، يبجي اكده بتفرطي في چوزك وبتنفذي اللي امه رايداه،،وبتشمتيها فيكي

بدور بعياط/ يعني رايداني اعمل ايه بعد ما رماني وجال انه هيتچوز في دار چديدة،، كيف ما رباب مرت جمال اخوي جالتلي

حنين بصدمة/ وه،، يخيبها رباب بت نفيسة،، جالتلك امتي الحديت ده

بدور بحزن/ اهه،، حتي لو جالتلي عشان تشمت فيا ،، المهم انه حوصل يا حنين ،،

حنين بثقة/ اسمعيني زين يا بدور،، رباب مترميش ودنك ليها ابدا،، انتي واعية ولا لا

بدور بغضب / اني معدتش فاهمة حاچة عاد،، الحديت ده حوصل ولا لا يا حنين

حنين /حوصل يا بدور،، بس مش من ماهر،، من امه،، هيا اللي جالت اكده عشان خابرة ان الحديت هيوصلك وسعتها هتفارجي ماهر

بدور بحزن /طيب وماهر سكت ليه عاد،، ليه متحدتش،، اكيد الحديت كان عاچبه،، وموافج امه علي چوازه

حنين بسرعة/ لا يا خايبة،، ماهر كان مضايج عشان انتي هملتيه ومشيتي وسكت عشان يكيدك،، متخليش الشيطان يلعب في راسك يا بدور وحاچي علي چوزك ومتهمليهوش لحد رايد يخرب بيناتكم

بدور /طب ماهو من حجه يخلف،، اني اكده هبجي انانية،،

حنين / يبجي خلي القرار في يده ،، بس لو هو وافج وراضي بحالنا ،، يبجي يا مرحب،، نشيله في رموش عنينا ومنهملوش احنا عشان حديت فارغ

بدور عنيها دمعت وفجأة حضنت حنين جامد

بدور / يخليكي ليا يا مرت اخوي،، مش خابرة من غيرك كنت هعمل ايه

حنين بحب/ ويخليكي ليا يا بدور،، بس اوعديني انك مهتسمعيش لرباب تاني ابدا،، ولا لحد يخرب عليكي

بدور بابتسامة / حاضر،، اوعدك

.................................................

كان قاعد منصور مع جمال في المكتب بيتكلمو

منصور/ اني مش هسألك مرتك هملت الدار ومشيت ليه،، عشان المشاكل دي تتحل بيناتكم

جمال بهدوء غريب/واني يا بوي مش رايد اتحدت في الموضوع ده،، مرتي واني اللي مغضبها ،، وعشان تبجي خابر اني طلجتها

منصور بحدة/لا،، طلاج لا يا چمال،، انت خابر ان الطلاج ده مش موچود عندينا،، ادبها كيف ما تحب ،، لكن طلاج لا

جمال بغضب/ واني مش رايدها،، يا بوي اني مش عيل صغير،، اني خابر بجول ايه،،

اقرا ايضارواية عودة بدران المر الفصل الحادى وعشرون والثانى وعشرون والثالث وعشرون بقلم هدى زايد

اقرا ايضارواية اسيره الوحشرواية اسيره الوحش الفصل الثالث 3 بقلم سجده محمد الفصل الرابع 4 بقلم سجده محمد

اقرا ايضارواية اسيره الوحش الفصل الثالث 3 بقلم سجده محمد

اقرا ايضارواية اسر قلبى الفصل الثانى والأربعون والثالث والأربعون بقلم هدير الصعيدي وولاء يعقوب

منصور بسخرية/ ولما انت مش عيل صغير،، وخابر زين انت بعمل ايه،، مفكرتش في عيالك ليه ؟،، فهد وريحانة ملهمش ذنب يا ولدي،، ادبها بس وهيا اهنه وسط عيالها وعلي زمتك،، فكر زين يا چمال ومتبجاش اناني

جمال بتنهيدة / حاضر يا بوي،، اللي انت رايده هعمله

منصور بهدوء/عين العجل يا ولدي،، يبجي عشية تروح تچيب مرتك

جمال بحدة/لا اني مهروحش لحد،، هشيع امي تچيبها،، وكمان ماهر چاي عشية،، ورايد اعرف هيعمل ايه في موضوع بدور كيف ما حكيتلك

منصور بقلق/ والله يا ولدي،، اني خايف ليچي ومعاه المأذون،، مكنتش رايد اختك تبجي مطلجة،، والناس تتحدت عليها

جمال بهدوء/ كله بأوانه يا بوي،، وعشية هيبان ماهر علي اصله زين

...............................................

كانت ورد واقفة بتغسل المواعين ومخنوقة اووي وهيا بتفتكر طريقة ملك دي مع سالم وقلبها بيقؤلها ان دي البنت اللي هو بيحبها

قطع تفكيرها صوت سالم من وراها

سالم/ ورد هملي اللي في يدك وتعالي رايدك في كلمتين

ورد بجمود/ اني ورايا حچات كَتير يا سالم،، جول رايد ايه ،، ااه اكيد رايد حاچة للضيفة،، معلش،، هعملها حالا حاچة تشربها

سالم قرب من ورد ولفها ليه وخلاها تبصله وهو بيتكلم

سالم/ انتي مالك فيكي ايه،، وايه اللي مزعلك دلوجتي عاد،،

ورد بصت في عيونه وفجأة سألته باندفاع

ورد/ هيا دي يا سالم مش اكده

سالم بتوتر/ جصدك ايه يا ورد

ورد بحزن/ جصدي انت فاهمه يا سالم،، هيا دي البنتة اللي انت عاشجها وكنت هتتچوزها كيف ما جولتلي،، مش اكده؟

سالم بتنهيدة / ايوة يا ورد ،، هيا دي ملك

ورد بحست بقبضة في قلبها ومتكلمتش،، لفت وشها تاني للمواعين بهدوء

ورد/ واني عند كلمتي يا سالم،، اتچوزها،، طالما دي اللي جلبك اختارها،، يبجي اتچوزها

سالم بهدوء / اللي جلبي رايدها،، كأن في حيطة سد بيني وبينها ،،مبنية من زمان جوي يا ورد ،، تفتكري هترضي دلوك؟

ورد مسحت دموعها واتكلمت وهيا مدياله ضهرها

ورد / لو عاشجاك كيف ما انت عاشجها،، هتحارب لاجل ما توصلك يا سالم،، هت*كسر الحيطة دي وتعديلك لاجل ما تبجي جوة جلبك

سالم بحزن /ياريته كان ينفع يا ورد

ورد بحزن/ وليه بجي معدش ينفع،، اهي ملك دي چيالك بنفسها،، يعني لسة عنديها امل ومستنياك تاخد الخطوة

سالم بهدوء/ ومين جالك اني بتحدت عن ملك

ورد سابت اللي في ايديها ولفتله

ورد/ تجصد ايه عاد

سالم ابتسم وقرب منها ووقف قصادها

سالم / يعني مهتچوز ملك يا ورد،، اللي بيني وبينها دلوجتي شغل وبس،، ورايدك تبجي واثجة فيا،، اني مهكسر*كيش يا بت عمي بالطريجة دي ابدا

ورد ابتسمت براحة/ بچد يا سالم،، يعني مش هتتچوز ملك الملزجة دي؟ ،،

سالم بابتسامة/لا،، وبعدين كان لازم اجول اكده يعني عشان تضحكي ورچعي كيف الاول

ورد اتكسفت وكانت هترد بس قطع كلامها دخول ملك اللي قربت بجراأة من سالم وحاوطت وسطه بايديها وهيا بتبص لورد وبتتكلم

..........................................

كان واقف صالح وشهد قدام ابراهيم اللي كان بيبصلهم بصدمة وغضب في نفس الوقت

ابراهيم بغضب/ وكمان ليكي عين تيجي لحد هنا يا فا*جرة

صالح مسك ايد ابراهيم قبل ما يمد ايده علي شهد

صالح بغضب مكتوم/ شهد مرتي،، ومسمحش لاي حد يمد يده عليها،، حتي لو ابوها

ابراهيم بصدمة/ مراتك؟

شهد بعياط/اه والله يا بابا،، انا اتجوزت عشان عمي كان مصمم ياخدني معاه ويرجعني هنا ويجوزني هشام،، بابا انا تربيتك،، مستحيل اغلط او اخون ثقتك فيا

ابراهيم بهدوء/ادخلو واحكولي اللي حصل

وفعلا دخلت شهد وصالح وحكت شهد كل اللي حصل من اول ما قابلت يوسف لحد اللي عملو مهاب ابن محمد صاحب ابوها للي حصل في الصعيد مع صالح وجوازه منها

شهد بحزن/هو ده كل اللي حصل،، وكنت مضطرة اوافق علي جوازي من صالح عشان كلام الناس وكمان لو عمي رجع تاني وعمل اللي هددني بيه

ابرهيم قام بحزن وخد شهد في حضنه

ابرهيم/حقك عليا يا بنتي،، انا السبب في كل اللي حصلك،، انا اب فاشل عشان مش عارف احميكي و للاسف من اخويا

شهد بعيط/حضرتك احسن اب في الدنيا،، وانا اهم حاجة عندي انك تكون كويس وبخير

ابرهيم لصالح/انا متأسف يابني عالطريقة اللي استقبلتكم بيها،، بس غصب عني،، اللي سمعته خلاني اتجنن

صالح بهدوء/ولا يهمك يا عمي،، المهم ان حضرتك فهمت كل حاچة

ابرهيم بهدوء/ لحد كدة ومتشكرين يابني علي كل اللي عملته انت والناس اللي شهد حكت عليهم،، بس تقدر تطلقها دلوقتي،، وانا هتصرف وهحمي بنتي لو علي جثتي

شهد بخوف/بعد الشر عليك يا بابا

صالح بص لشهد اللي كانت هيا كمان بصاله بخوف ليوافق ويطلقها،، بس اتفاجأت باللي قاله

صالح/اني لما اتچوزت شهد،، ايوة كان عشان احميها،، بس كان في سبب تاني،، هو اني معجب بيها واعچابي ذاد لما بجت مرتي،، ودلوك اني مش رايد اطلجها،، شهد هتفضل مرتي،، واتمني انها توافج وتديني فرصة

ابرهيم بصله بتفكير وبعدين بص لشهد بغموض

ابرهيم/ وانتي رأيك ايه يا شهد في كلام جوزك

شهد بصت لصالح بحزن وقبل ما تتكلم كانه سمعو خبط جامد عالباب وصوت احمد عم شهد برة...... يتبع

اوعو تنسو رأيكم في البارت لانه بيشجعني جدااا

تفاعل جامد بقي عشان البارت الثالث عشر

#ورد

#بقلمي_اسراء_ابراهيمالبارت الثالث عشر

ورد

ملك بدلع/ سالم انت اتأخرت اوي عليا

ورد بصت بغضب لسالم اللي كان مصدوم من اللي عملته ملك ،، و ورد زقت ملك بعيد وهيا بتبصلها بشر

ورد/ طب خلي عندك دم وحيا،، واختشي علي دمك،، كيف تحضني راچل غريب اكده وكمان متچوز ومرته جاره

ملك ببرود/فيها ايه،، انا وصالح واخدين علي بعض،، وبنتعامل مع بعض كدة دايما

ورد بصت لسالم بغضب وهو بصلها بصدمة

ورد/ فايتهولك ياختي،، اشبعي بيه

سابتهم ورد ومشيت اما سالم اول ما ورد خرجت بص لملك بغضب

سالم / ممكن افهم ايه اللي هببتيه ده عاد

ملك بتوتر / عملت ايه يا سالم،، انا بصراحة يعني غِيرت عليك،، فعشان كدة اتصرفت بتلقائية

سالم بحدة/ غيرة ايه وهبل ايه عاد،، انتي مفكرة اننا ممكن يكون في بينا حاچة،، انا جولتلك يا ملك،، همليني لحالي وشوفي حياتك،، ايه اللي رچعك

ملك بثقة/ عشان انا متأكدة انك هتبقي ليا يا سالم

سالم بغضب / وه،، انتي ايه اللي چرالك يا ملك،، انتي مش جولتي انك هتسافري ومعدتش هترچعي تاني

ملك بتوتر/ ماهو انا فعلا كنت ناوية اسافر،، بس شريك بابا كلمني وطلب شحنة خامات يكون من مصانع مضمونة وكمان ملتزمة في المواعيد،، ولما فكرت لقيت ان دي هتبقي صفقة كبيرة ومهمة ليك،، واحتمال كمان يطلب يشاركك مش بس ياخد من المصانع بتاعتك،، فانا استغليت الفرصة وقولت اجي اتفق معاك

سالم بجدية/ يبجي كيف ما جولتي،، اللي بيناتنا شغل وبس،، ملهاش لزوم الحچات اللي بتعمليها دي وراعي اني راچل متچوز،، ولو الحركات دي اتكررت تاني،، صدجيني هتلاجي مني تصرف مش هيعچبك

......................................

كانت خارجة ورد من المطبخ وهيا بتنفخ وعلي اخرها من اللي حصل من ملك وطريقتها مع سالم،، واول ما جت عنيها في عيون بهية مرات عمها لقيتها بتبتسم بخبث وبتبصلها بش*ر ففهمت ورد الموضوع وفجأة قربت منها ووطت وبصتلها بتحدي

ورد بهمس/ اني برضك جولت الموضوع ده في حاچة غريبة

بهية بشماتة/ ايه هو سالم طردك لاجل ما يجعد مع المصراوية اللي عاشجها،، تصدجي صعبتي عليا يا بت فاتن

ورد بضحكة سخرية/ تصدجي انتي اللي صعبانة عليا يا مرت عمي،،مسكينة متدريش ان سالم ولدك بجي كيف الخاتم في يدي ،، ايه مش مصدجة ،، هتشوفي دلوك بعنيكي وابنك طالع ورايا لاجل ما يطيب خوطري ،، اه اصل اني نويت اجهرك وعرفت ان الحاچة الوحيدة اللي هتخليكي تتچلطي وتمو*تي هو سالم البكري بتاعك،، مش اكده برضه،، سلام ياحماتي ههههه

مشيت ورد وسابتها وطلعت وكانت بتسمعها بهية بغيظ وغضب اعمي وقامت وقفت بعصبية وكانت قربت تتجنن وخصوصا اما لقت سالم خارج من المطبخ وطلع علي فوق ورا ورد وملك خارجة وراه وهيا مكشرة وباين عليها الخيبة

بهية بغيظ/ يا مصيبتك يا بهية،، بت فاتن رايدة تج*تلني وتموتني بحصرتي علي ولدي،، يچيلك ويحط عليكي يا بعيدة،، وانتي يا خيبة مش اتفجنا انك ترچعي المية لمچاريها ،، في الاخر طالعالي بتچُري خيبة املك وراكي

ملك بضيق/ انا عملت زي ماطلبتي مني،، بس سالم اتغير،، الاول كنت حاساه مسالم كدة وكان موافق علي ارتباطنا جدا،، بس دلوقتي معرفش ماله

بهية بغيظ / اني بجي خابرة،، هيا بت فاتن،، وجعته علي وشه وخليته عشجها،، ااخ يا مري منها،، ااه لو اطولها،، هكولها بسناني بت فاتن العجربة،، اسمعي انتي مهتمشيش من اهنه،، وحاولي معاه كَتير ،، فاهمة ولا لا،، يلا همليني دلوك،، لازمن اروح ارچع مرت ولدي چمال

...............................................

قامت شهد بخوف وهيا سامعة خبط احمد عمها عالباب

شهد بخوف/ ده عمي يا بابا،، هو اكيد عرف اني هنا

صالح بحدة/ طب ما يعرف،، انتي خايفة اكده ليه،، مش متچوزة راچل اياك

ابراهيم بتوتر/ معلش يابني،، هيا متقصدش كدة ابدا

مشي ابراهيم فتح الباب فدخل احمد بغضب ومعاه هشام ابنه وكمان كام فرد من البوليس والظابط

ابراهيم بحدة/ في ايه يا حضرة الظابط

احمد بغضب/ في انك خليت بالاتفاق بتاع زمان يا ابراهيم فاكره،، ودلوقتي جه وقت انك تدفع التمن

ابراهيم فهم احمد اخوه يقصد ايه فبصله بقلة حيلة

ابراهيم/ حسبي الله ونعم الوكيل

الظابط بعملية / انت ابراهيم محمد علي

ابراهيم بحزن/ ايوة انا

الظابط بأمر /هاتوه

صالح باستغراب/ هو في ايه يا حضرة الظابط،،

الظابط/ المدعو ابراهيم عليه شيك بقيمة نص مليون جنيه للسيد احمد محمد علي

شهد بصدمة / بابا،، ده كدب،، بابا ممضاش حاجة عمي ده كدااب

ابراهيم بحزن/ سامحيني يا بنتي،، خد بالك منها يا صالح يابني ،، بنتي امانة في رقبتك

وفعلا الحكومة اخدت ابراهيم ومشيت تحت نظرات احمد الشمتانة في اخوه وبنت اخوه،،

اما شهد ،، فاول ما خرج ابوها مع البوليس وقعت من طولها اغمي عليها في حضن صالح اللي لحقها بخوف

..................................................

في بيت رباب كانت قاعدة بهية مع ام رباب اللي كانت قاعدة بغرور عشان مفكرة ان جمال هو اللي بعت امه تجيبها

بهية / مش ناوية تعجلي يا رباب،، وتحاچي علي بيتك وچوزك

رباب بغرور / والله الحديت ده تجوليه لولدك،، اني عن نفسي كافية غيري ش*ري،، وجاعدة لحالي،، بس هو بجي اللي بيتلكك عليا ورايد يزهجني في عيشتي

بهية بحدة/ اسمعي يا مرت ولدي،، چمال متحدتش في حاچة ولا كان راضي اني اچي من اساسه،، انا بجولك الحديت ده عشان تحكمي عجلك،، لتكوني مفكرة انه باجي عليكي،، لا هو محكاش اللي حوصل،، بس جال انه مبجاش رايدك ولا طايج سيرتك

رباب بغيظ / بجي اكده ،، ماشي يا چمال

ام رباب/ واني بتي مهياش رمية يا ام سالم،، احنا بس بنجول انهم حداهم عيال،، ولازمن يعجلو شوية

بهية ببرود/الحديت ده توعي بيه بتك يا ام رباب،، حكم هيا اللي بلسانها ده وعمايلها اللي بتطفشه منيها ،، جومي يلا يا رباب لمي خلجاتك،، واخزي الشيطان ويلا بينا نعاود الدار جبل الليل ما يحل علينا

رباب بتفكير / ماشي يا ورد،، اني هرچعلك وهوريكي مين انا،، ماشي يا عمة،، اني هرچع وياكي،، لاجل عيالي بس

بهية بسخرية/ اه منا خابرة انه لاجل العيال،، المهم بس تهمي عشان ورايا حچات مهمة رايدة اعملها

.................................................

فاقت شهد ولقت صالح ماسك ايديها وبيبصلها بقلق

صالح بلهفة/ شهد،، انتي زينة دلوك،، طمنيني عليكي

شهد بدموع / بابا يا صالح،، انا مليش غيره في الدنيا،، خدوه مني يا صالح ومش هشوفه تاني

صالح بحنان/ متجلجيش اني هتصرف،، وان شاء الله هيرچع تاني

شهد بعياط / عمي احمد ،، هو اللي عمل كدة في بابا،، انا السبب،، ايوة انا السبب،، ااانا لازم اروح لعمي دلوقتي

صالح بحزم/ استني اهنه،، رايدة تروحي لعمك لحالك اكده،، وهتجوليله ايه،، اتنازل عن الجضية وانتي خابرة زين انه مش هيعمل اكده

شهد بثقة / لا لما اتكلم معاه هيتنازل،، انا متأكدة،، انا عارفة هو عايز ايه

صالح بقلق/ رايد ايه يا شهد

شهد بدموع / طلقني يا صالح

صالح وهو بيقف بعصبية/ انتي باينك اتچنيتي يا شهد

شهد برجاء/ والنبي يا صالح،، طلقني وسبني في حالي،، انا مش عايزاك يا اخي

صالح بعصبية / ومفكرة انك لما تروحي لعمك وتجوليله انك موافجة علي چوازك من ابنه عشان يخرچ ابوكي،، سعتها هو هيعمل اكده،، تبجي غلطانة،،

شهد بغضب/ وانت مالك،، دي حياتي وانا حرة فيها ،، انت خيرتني اني اكمل معاك او لا،، وانا بقؤلك لا يا صالح،، طلقني بقي وريحني

صالح بغضب مكتوم/ مش هيحصل يا شهد ،، مش هطلجك وهتفضلي علي زمتي لحد ما اموت،، وخروچ من اهنه مش هيحصل لحد ارچعلك ابوكي وسعتها نتحاسب،، ومش هحذرك تاني،، اياكي تخرجي من الدار لحد ما اچي تاني

وخرج صالح بغضب من الشقة وشهد بقت تعيط بحرقة علي ابوها واللي بيحصله بسببها وحبها لصالح اللي بقت متأكدة منه

.............................................

كان قاعد منصور وجمال قدام ماهر اللي كان قاعد بثقة وهو بيتكلم

ماهر /انا چاي اخد مرتي يا چمال،، انا فرشت الدار الچديدة وهتجعد فيها ويايا

ابتسم خالد جمال براحة وقام بهدوء وهو بيقرب من ماهر وفجأة حضنو بود

جمال/ راچل يا ماهر،، اني كنت متوكد انك مش هتتخلي عن مرتك

ماهر بابتسامة/ بدور دي جلبي،، واني مجدرش اعيش من غيرها،، ويعلم ربنا الايام اللي فاتت دي عدت عليا كيف

منصور بهدوء/ المهم متنساش الحديت اللي جالهولك چمال يا ماهر،، بدور حطها في عنيك ومتخليش حد يدوس علي كرامتها لانها في وشك انت،، اطلع يا چمال هات خيتك

فعلا طلع جمال لبدور

بدور بفرحة/ عن جد يا خوي،، ماهر تحت ورايدني ارچع معاه ،، بس يعني

جمال بحنان/ مبسش يا بدور،، ماهر راچل زين وشاريكي وچبلك دار لحالك وچاي يرچعك،، يعني يستاهل نديلو فرصة،، ولا ايه يا خيتي

بدور بفرحة/ عنديك حج يا خوي،، اني هحضر شنطتي

جمال بابتسامة/ عين العجل يا خيتي،، يلا البسي وحصليني،، هستناكي تحت

سابها جمال وخرج وهو نازل عالسلم شاف امه هيا ورباب مراته داخلين من الباب فكشر واضايق

بهية بابتسامة / خلاص يا چمال،، مرتك عرفت غلطها ومهتكرروش تاني

جمال بحدة/ اسمعي،، اللي خلاني وافجت انك ترچعي العيال وبس غير اكده ملكيش دعوة بيا ولا بأي حاچة تخصني،، انا رديتك بس لاجل العيال ما يتربو وسطينا،، مع اني مكنتش رايد انهم يطلعو كيف ما انتي طالعة

رباب بغضب/ انت ليه مش رايد تصدجني ،، اني مليش علاقة بالچوابات دي،، يمين بالله ما اعرفهم

جمال بغضب/اخرررسي،، انا مش رايد اسمع حاچة عن الموضوع ده،، غوري من وشي

سابته رباب وطلعت بشنطة هدومها وفي نفس الوقت كانت نازلة بدور بشنطة هدومها هيا كمان فبصتلها رباب بحقد وبدور اتجاهلتها ونزلت بهدوء وراحت مع جمال لماهر جوزها،،

........................................

في اوضة سالم و ورد

سالم بضيق/ انتي هتفضلي زعلانة اكده،، جولتلك اني مخبرش هيا عملت اكده ليه

ورد بغيظ/ ماهو اكيد انت كنت مواعدها،، وواخدة عليك ومتعودة تجرب منك اكده

سالم بتنهيدة/ هتصدجيني لو جولتلك اني عمري ما وعدتها بحاچة،، انا اه فاتحت ابوي في الموضوع وكلهم اهنه عرفو اني هتچوز المصراوية،، بس اني من چوايا مكنتش خابر اني بعمل اكده ليه

ورد بحزن/ مهتعملش اكده الا لما تكون عشجتها ،، جلبك اتعلج بيها يا سالم

سالم بهدوء/ عمرك سمعتي عن حد عشج مرتين يا ورد

ورد باستغراب/لا مهتحصلش ابدا،، والا ميبجاش اسمه عشج

سالم قرب من ورد وبص في عيونها بتوهان

سالم بهمس/ يبجي انا معشجتش ملك يا ورد

ورد قلبها دق جامد وبصتله بتوتر

ورد/اومال مين اللي انت عاشجها يا سالم

سالم بتردد.......... يتبع

تكملة الرواية من هناااااااا

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل

متابعه لصفحتنا على فيس بوك هنااااااااااا