رواية غلطه وندم الفصل السادس وعشرون بقلم مروة محمد حصريه
رواية غلطه وندم الفصل السادس وعشرون بقلم مروة محمد حصريه
#غلطه_وندم💞💞💞
#مروة_محمد،،،💝💝💝
#الفصل_السادس_والعشرون💜💜💜
الحمد لله الذي بنعمته تتم الصالحات 🤩🤩🤩
الهدوء لا يعني عدم القدرة على الحديث، أو ضعف في الشخصية، بل بالعكس فهو يدل على القوة والوعي والمقدرة على التحدث في الوقت المناسب،
وهذا ما فعله شهاب مع غادة
احتضنها جيدا وأخذ يمسح علي ظهرها بحنان في محاولة منه لتهدئتها ولكن كيف...الموضوع ليس ببسيط وهين...الموضوع يفوق كل التحملات...تحملت ظلمهم كثيرا ولكن ترفض عقابهم بهذه الطريقه...حملها بحنان وأوضعها في الفراش يحتضنها بعنايه يلعن نفسه من قسوته عليها في اعلانه لهذ الخبر....ولكن هو دائما يؤمن أن بدايه أي شئ تكون صعبه....سوف يقف بجانبها لتتحمل هذا الخبر وتبعيته...أخذ يربت علي خصلات شعرها قائلا
=نامي يا غاده....ان شاء الله خير...هيخف وهيروق وهيبقي أحسن من الأول....واحنا مش هنسيبه هنقف جمبه علشان لو احتاج أي شئ...
هدأت غاده بين ذراعيه تغمض عينيها تحلم باسترجاع الزمان وعن طلبها من غانم لرؤيتهم...تحلم بعدم دخولهم حياتها....نعم سلبوا منها كل شئ حتي الأمان.
انسدل الليل بستاره علي بيوت أصابها القلق والذعر ...بيت غاده وسماعها بخبر أخيها الذي زادها عذابا....وغانم الذي أخذ يبكي مثل الطفل الصغير يتذكر طفوله غاده المعذبه واذلاله لزهيرة....ينظر الي تلك النائمه بجواره والتي لا تعلم شيئا عن غسان...لأنها عندما تنام ترفض أي شخص يقلقها حتي لو كان أولادها...ينقطع قلب غانم علي ولده البكرى...لا يعلم ماذا يفعل...هل سيكتب له الموت...أم يوجد أملا حتي لو بسيط.
استيقظت غاده تشعر بصداع يعصف رأسها ..لتجد شهاب نائم بملابسه لتتذكر ليله أمس وحديثه معها بخصوص غسان لتتندفع دموعها بغزارة من جديد..لتتفاجئ بأنامله وهي تمسح دموعها فتنظر اليه بأعين معذبه ليقوم باحتضانها وهو يقول
=كده برضه يا غاده....هتفضلي طول الوقت تعيطي...الدموع مش حل يا حبيبتي...قلتلك احنا هنتصرف...ولو منعوا تدخلنا هنطمن عليه من بعيد.
خرجت من بين أحضانه تنظر اليه وتطلب منه طلب متوجسه من رده فعله قائله
=أنا عايزة أروح له....يعني أروح ليهم البيت ...حتي لو رفضوا دخولي...بس أنا لازم أطمن عليه....شهاب أنا مليش ذنب...بس بجد ملامحه بتطاردني من امبارح.
ابتسم شهاب علي خوفها وحنان قلبها قائلا
=شوفي أنا عمرى ما كنت أتوقع اني أخليكي تروحي البيت ده مرة حتي في حياتك...بس علشان خاطرك...هنروح يا غاده...بس اوعديني وعد.
احتضنا كفيها واستطرد بحنان قائلا
=دلوقتي احنا هنروح....حطي نفسك في احتمالات كتير لردة فعلهم...اما يقولوا ان احنا شمتانين فيهم...أو يطرودونا من غير مبررات...
استشعر خوف غاده فردد بحنان قائلا
=غاده...أنا مش عايزك تزعلي مني...لو اطردنا ممنوع منعا باتا تجيبي سيرتهم علي لسانك....حتي الاحساس نفسه بيهم لازم ينعدم جواكي.
ابتلعت غادة ريقها قائله
=ايه هما ممكن يفكروا اني شمتانه في غسان....بس أنا مش كده والله....لو طردوني فعلا أنا ممكن يجرالي حاجه..
..ضغط علي يدها أكثر قائلا بقوة لكي يحسم الأمر
=هتقدرى يا غاده...انتي بشر من ملاك...بشر اتهان لأكتر من مرة...ولو مقدرتيش أنا بايديا دي هقويكي....مش هسمح يهزوا حياتك تاني.
ليضيف بقسوة قائلا
=غاده أنا أه مكنتش بحبك تدعي عليهم وكنت ديما أقولك حرام...وعلي فكرة انتي ملكيش ذنب في اللي حصله...اللي حصله ده انتقام ربنا.
ليجدها تنتفض من قسوته فيرفع يدها بين كفيه قائلا بحنان
=ربنا يشفيه يا غاده..قومي انتي اغسلي وشك واتوضي وصلي وادعيله....وجهزى نفسك علشان نروح نزورهم...وادعي ان مرواحنا ده يعدي علي خير.
هزت غاده رأسه باستسلام وقالت
=يارب
نهضت غاده من الفراش وخرجت الي الصاله لتدلف الي الحمام لتقطب زهيرة جبينها من هيئتها المبعثرة وعيونها الذابله لتستشعر أنها قامت عاصفه بينها وبين شهاب ليله أمس.
💛💛💛💛💛💛💛💛💛💛💛💛💛💛
#غلطه_وندم بقلم #مروة_محمد
عادت ثراء الي منزل شريف بعد الاطمئنان عليها واصرار شريف علي رجوعها اليه مع وعد بعدم الاقتراب منها واعتبار أنها ضيفه في منزله فقط...رغم رفض ذكي عودتها...الا أنها استسلمت لمصيرها وشفقت علي حاله حياة خالتها والذهاب والمجئ اليها كل يوم والاطمئنان عليها وهي بذلك الوضع...دخلت غرفه جديده جهزها لها شريف خصيصا لكي تنسي ما حدث بالغرفه الأخرى...دخلت خلفها حياة لتجلس معها فنفخت ثراء بعصبيه وهي تمسك بطنها قائله
=يعني هي الأوضه الجديده اللي هتنسيني اللي عمله فيا...طب ما أنا كنت في الأوضه القديمه عايشه لوحدي...كان يسيبني أرجع بيت بابا أريح ليا.
احتارت حياة فيما ترد عليها وهي بهذه الحاله ...فلها حق العتاب واللوم فتحدثت بهدوء قائله
=انتي وافقتي ترجعي هنا...رغم رفض باباكي...وانا سيبت ليكي حريه الاختيار....متوجعيش قلبي أكتر من كده يا ثراء...هو ندم...بس عارف انك عمرك ما هتسامحيه.
تنفست ثراء بصعوبه فحريق يشتعل بداخلها قائله
=أنا شفته بعيوني وهو مقعدها علي حجره...وهو معندوش علم اني راحه...يعني وضعه طبيعي....هو مصمم يجرحني ويتجوز عليا...وعمره ما هيندم.
تنهدت حياة قائله
=أنا بس عايزاكي لو حاول وبدأ معاكي بالصلح اوعي ترفضي يا ثراء...زى ما وافقتي دلوقتي ترجعي معاه...وأنا عارفه انه مش علشاني بس.
ترقرقت الدموع في عين ثراء وابتسمت بمرارة قائله
=انتي عرفتي...يبقا أكيد هو عرف زيك...وأكيد عمره ما هيرجع وهيندم...لأن أنا بالنسبه ليه واحده رخيصه...بس أنا فعلا غلطانه يا خالتو ..أنا طايشه ومتهورة....وظلمت غاده...وده انتقام ربنا مني..ولازم أستحمل...بس والله لو نسي كل اللي عملته وبدأ معايا من جديد...لأعوضه عن كل اللي عملته معاه...أنا ندمانه أوى يا خالتو..ندمانه.
ارتمت ثراء في أحضان حياة تنتحب عن سوء ما فعلته بحالها والجميع...أخذت حياة تربت علي ظهرها لتهدئها متمنيه أن يعاود شريف البدء معها من جديد.
💘💘💘💘💘💘💘💘💘💘💘💘💘💘
#موكا_سحر_الروايات رواية #غلطه_وندم
خرجت غاده من المرحاض تتحاشي النظر الي والداتها حتي لا تسألها ما بها فتلومها علي حزنها علي غسان...دلفت غرفتها وارتدت ملابسها علي عجاله...وطلبت من شهاب ألا يسرد ما حدث لوالداتها...وخرجت مسرعه من غرفتها متجه نحو باب الشقه تخشي أن تعلم والداتها فتمنعها من الذهاب اليهم...تبعها شهاب مسرعا ولكن استوقفته زهيرة...فتحجج لها أنه يوجد محاضرة سريعه وعليهم الذهاب اليها...هبط شهاب الي الأسفل ليجدها بالسيارة تنتظره...فذهب ليجلس بجوارها..ليجدها تتنهد بارتياح قائله
=الحمد لله...الواحد قدام ماما بيحس انه في اختبار..لازم تسأل علي كل حاجه...أنا عارفه انها شاكه في منظرى من الصبح...بس يارب تفسره علي أنه زعل معاك وخلاص.
نظر شهاب أمامه وقاد السيارة وهو يتحدث قائلا
=للدرجه دي مش هامك انها تعرف اننا زعلانين...قد ما انتي خايفه تقوليلها الحقيقه...مش جايز لما تعرف تتعاطف معاه زيك...مهما ان كان دي أم.
اندهشت غاده لمدافعته عن زهيرة واطمئنانه من ناحيتها فسألته قائله
=انت قولتيلها يا شهاب صح...طب ليه كده...أه هي أم بس مش مع دول...عمرها ما هتنسي غسان عمل فينا ايه...ولا أبويا المحترم وذله ليها.
😘😘😘😘😘😘😘😘😘😘😘😘😘😘
#مروة_محمد #جروب_موكا_سحر_الروايات
ارتفع صرير السيارة وأوقفها وهو يرفع سبابته يلزمها الصمت فهي تذكره بما فعله غسان مع حوريه...وأشار اليها أنهم وصلوا الي منزل والدها...فهبط من السيارة في صمت قاتل وقام بقرع جرس الفيلا الخاصه بغانم لتفتح لهم الخادمه وتدخلهم الي الصالون حيث يجلس غانم منكس الرأس...ارتفعت رأس غانم ينظر اليهم بكسرة وحزن ليتحدث شهاب قائلا
=أول ما عرفنا أنا وغاده ان غسان تعبان...قلنا نيجي نشوفه...ونشوفك لو محتاج حاجه....رغم اني عارف انك هترفض ده...بس أنا جيت علشان غاده مترميش عليا اللوم اني منعتها.
نهض غانم بتباطء يتوجه نحوهم بهدوء الي أن اقترب من غاده المتوجسه من ردة فعله لتتفاجئ أنها بداخل أحضانه وهي تقف مثل الصخر...لأنها لم تشهد هذا الموقف من ذي قبل...تستمع اليه وهو ينتحب مثل النساء قائلا
=حبيبتي يا بنتي...طول عمرك قلبك حنين...مش زى قلبي قاسي...شفتي يا غاده وجع قلبي...جه اليوم اللي أندم فيه علي اللي عملته فيكي.
هز شهاب رأسه بمراره وأخرجها من بين أحضانه لأنه يعلم جيدا أنها استصعبت هذا الموقف ليدلف غسان في هذه اللحظه أمامهم ليجد غاده أمامه ليعلم أنه فقد الحنان يوما ما عندما قام بالاستماع الي والدايه وقام بايذائها...نظرت اليه مطولا لتندفع شلالات من الدموع من بين مقلتيها وتركض اليه تأخذه بين أحضانها وتضغط عليه مثل الأم التي تخشي أن تفقد صغيرها ليربت علي ظهرها بحنان قائلا
=ليه كده يا غاده يا حبيبتي...يعني يوم ما تحضنيني يبقا وانتي بتعيطي...غاده أنا لسه عايش...فرصه من ربنا اني أشيع منك...قبل ما أموت وأخد عقابي من ربنا.
شددت علي أحضانه قائله
=أنا معاك لأخر العمر..وان شاء الله تعيش...وتخف وتروق...ما هو مش معقول بعد ما حسينا ببعض نفترق...أنا مش هسمح ليك...انت كمان لازم تحارب علشاني.
أخرجها شهاب من بين أحضان أخيها أيضا يخشي أنهم يستخدموا معها أسلوبا من الاستعطاف...صافح غسان قائلا
=أنا عرفت طبعا من أسامه اللي عندك...ان شاء الله الموضوع بسيط...وأسامه يعرف دكاترة في ألمانيا متخصصين في المجال ده ويقدروا يساعدوك.
اقتربت غاده من غسان مرة أخرى قائله
=وأنا مش هسيبك سواء هنا أو في ألمانيا...معاك في أي حته...المهم انك تخف وترجع أحسن من الأول...متتصورش يا غسان أنا منهارة ازاي من ساعه ما عرفت.
ابتسم اليها غسان ابتسامه باهته ولكن قاطع تلك الابتسامه شهاب وهو يجذبها نحوه من خصرها يشدد عليه قائلا لتنتبه الي تحوله وهو يقول
=غسان و وابوه يا غاده عارفين انك أول ما تسمعي الخبر ده هتنهارى أكيد...لأنهم عارفين طبيعتك كويس.. بالنسبه لأي حاجه جوه البلد احنا معاك...لكن سفر لا.
اندهشت غاده لاعتراض شهاب ولكنها فهمت لما اعتراضه عندما اقترب منها غانم وهو يقول
=أنا عارف ان اللي هقول ده صعب عليك يا ابني يا شهاب...واسمحي لي أقولك ابني...انت عارف ان أخواته صغيرين مينفعش ينقلوا ليه نخاح...فغاده الوحيده اللي ممكن تساعده سواء هنا أو في ألمانيا.
جحظت غاده بعينيها لم تكن تتوقع ما قاله غانم ليأخذها شهاب ويضعها خلفه ويتحدث قائلا
=اخواته الاتنين ميقدروش علشان صغيرين...لكن مراتي اللي انت ديما بتبيع وتشترى فيها هي اللي تقدر...مراتي اللي اترمت في الملجأ يومين بحالهم من غير ما تاكل ولا تشرب وده أثر علي صحتها تقدر صح...اسمعني كويس ...مراتي خط أحمر...وحذارى تلعب في مخها تحت مسمي الأخوة...عندك ولدين وده أخوهم شقيقهم اتصرف..ولا أقولك روح اتجوز واحده صغيرة من دور بناتك وتجبلك عيل وتنقله النخاع...مراتي لا.
💜💜💜💜💜💜💜💜💜💜💜💜💜💜
#غلطه_وندم بقلم #مروة_محمد
قام شهاب بنزع غاده وانتشالها سريعا من هذا المكان...قبل أن تنهار قواها وتوافق علي كل شئ يطلبه غانم منها...حتي لم يعطي غانم نفسه فرصه للرد...بعد خروجهم نظر غسان الي والده نظرة لوم وعتاب...نظرة تحسر علي طلبه من غاده...نظرة اذلال له وهو يستنكر دور أخواته ويسلط الضوء علي غاده.تحدث بجمود قائلا
=يعني يوم ما ألاقيها تمنعني عنها...ويوم ما أحس انها أختي بجد تفرق ما بينا بطلبك ده...الطبيعي انها متوافقش...للدرجه دي مش خايف عليها....وخايف علي اخواتي ...ايه الجبروت ده...يا ندمي علي اني سمعت كلامك وجرحتها زمان.
تنهد غانم بتعب قائلا
=كنت مفكرها هتوافق لكن اتخرصت...وبعدين أمك مش هتوافق ان اخواتك يعطوك النخاع...بس طالما كده أنا هعملها من وراها...بس متقولش انك مريض كانسر قدامها....لغايه ما افكر في حيله أحاول أبعد بيها غادة عن شهاب وأجيبها تعمل التحاليل وتعمل العمليه.
💃💃💃💃💃💃💃💃💃💃💃💃💃💃
#موكا_سحر_الروايات رواية #غلطه_وندم
اتسعت عيني غسان من الصدمه كيف له أن يخفي هذا السر عن والداته وان أخفاه هو سوف يبوح به طارق علي سبيل الشماته ليتفاجئ بصوت من خلفه يصرخ باعتراض قائله حيث استمعت لحديث غانم الاخير فصرخت لتدب الرعب في نفوسهم قائله
=أنا عارفه كل حاجه من امبارح....وكنت مستنيه الهانم المبجله أختك ترضي وتوافق...هو انت مش أخوها برضه وأخواتك لسه صغيرين....ولا ايه...عموما مسيرها تيجي راكعه أصل قلبها ضعيف أوى.
وضع غسان يده علي رأسه لم يتحمل صوتها العنيف ليتنهد قائلا بألم
=أنا أختي مش ملزومه...وبعدين حتي لو كانت وافقت أنا كنت هرفض...مش بعد البهدله دي كلها توافق علي طلب زى ده...ولو علي النخاع مش عايز حاجه من حد الله الغني.....يمكن ده انتقام ربنا منكم...وانتوا عمالين تظلموها وتاكلوا حقها ومربينا من فلوس ست غريبه.
تضايقت زيزى قائله
=للدرجه دي خايف عليها...وبعدين انت مغلطتش ...انت كنت بدور ليها علي فرصه أحسن للجواز...والمرة التانيه كنت بترجع لينا حقنا منها....واوعي أسمعك تاني مرة تقول دي فلوس ست غريبه...الفلوس دي حقك وحق أخواتك....هي لا تعبت ولا اشتغلت زى أبوك.
كاد غسان أن يعارضها ولكن أخذ غانم يدور بعينيه ويسألها فجأة قائلا
=سيبك منها يا زيزى وبعدين ما يمكن تيجي من ورا جوزها وتوافق...ما هو هيصعب عليها اخواتها الصغيرين...أنا كان نفسي تشوفهم ..الا هما فين؟...ولادك فين يا زيزى.
جلست زيزى في منتصف الصالون بمنتهي الأريحيه واضعه ساق فوق ساق قائله بثقه
=وانت مالك يا غانم بالولدين...من امتي بتسأل هما فين...بس علي العموم هريحك...الولدين مش هنا ومش هيرجعوا هنا الا لما غسان يعمل العمليه....لأني مش ضمناك...أكون نايمه وتخدرهم ... كله الا أولادي.
وضع غسان يده علي رأسه من التعب قائلا
=بطريقه أحلي من كده يا ماما..أنتي عرفتي بليل اني مريض...بدل ما تيجي تشوفيني اتصلتي بجوز خالتي يجي ياخدهم...خوفتي لبابا ياخدهم من وراكي ينقلولي حاجه حتي لو شويه دم صغيرين....اوعي تفكرى ان مرضي خلاني أنام....لا يا ماما لا....أنا صاحي بعقلي وبقلبي وفهمت كل حاجه علي حقيقتها.
نهضت زيزى قائله
=طول عمرك ذكي يا حبيبي...تعرف انت أذكي من أبوك اللي كان مفكرني غبيه ومش عارفه اللي بيدور حواليا...بس متزعلش مني ...أنا لا يمكن أجازف بحياتهم...ده أنا كنت بموت و أنا بولد كل واحد فيهم...أقوم أفرط فيهم بالساهل كده؟
ثم التفتت خلفها لتجد غانم يتأكله الغيظ منها فتجز علي أسنانها قائله
=أه غسان ابني...بس هما كمان اولادي يا غانم...ولازم كلنا نحافظ عليهم...لو زعلان مني أنا كمان همشي...ولا تحب أكمل معاك لغايه غسان ما يروق....ونفرح بسلامته.
جلس غانم بتعب وقال
=مش مشكله يا زيزى...اعملي اللي يريحك...معدتش تفرق...أنا هدور علي أي حد يعيطيه وأكيد لما نسافر ألمانيا هنلاقي متبرع...ربنا مش بينسي حد....كان نفسي غاده تعطيه النخاع...... .
لمعت فكرة خبيثه برأس زيزى لتقترح عليهم قائله
=طب ما نشوف غاده تاني بس بعيد عن سي شهاب...وأكيد مش هتتأخر...مش معقول هتشوف أخوها بحالته دي وتسكت يا غانم...وبعدين هي مردتش علي طلبك....البيه أخدها وهرب لأنه واثق انها هتوافق...احنا بقا نلعب لعبتنا من وراه.
ثم استطردت بحقد قائله
=وده في حد ذاته مكسب لينا...ولو رفضت زى جوزها...يبقا مفيش غير حل واحد يا غانم...وأنا علي استعداد أقوله بلساني بس اسمح ليا....لأن الموضوع بوخ أوى....وأنا مبقتش طايقه نفسي الصراحه.
ليجحظ غانم بعينيه من جبروتها العظيم بلا منازع....لينظر اليهم غسان باشمئزاز يتمني أن يكون ببيت غير هذا البيت ويتمني أن ينتمي لأم وأب غيرهم...يخشي استسلام غاده وانهزامها أمام متطلباتهم وفقدانها من جديد...ولكن أمله الوحيد هو رفض شهاب...ليذهب بعقله وتفكيره نحو شهاب ليجعله يمنع غاده من هذا العمل الاجرامي في حق نفسها الانساني في تفكيرها فقط..
😗😗😗😗😗😗😗😗😗😗😗😗😗😗
#مروة_محمد #جروب _موكا_سحر_الروايات
أثناء رحليهم في السيارة ظلت تنتحب طول الطريق لدرجه أشعرته بالصداع فوضع يده اليسرى علي جبهته يحاول كبح جماحه حتي لا يغضب عليها...ليضرب علي مقود السيارة بكل عنف....ويتعالي صرير السيارة حيث قام بايقافها بكل غضب لتضرب رأسها في التابلوه الماثل أمامها لترفع رأسها وتنظر له بذهول حيث كان يبدو أنه علي فوهة بركان ليزفر بحنق قائلا
=ايه كميه العياط دي...وعلشان ايه...وعلشان مين....علشان أبوكي اللي مستغني عنك وخايف علي اولاده الصبيان...انتي هتتعاقبي علي اللي بتعمليه في نفسك ده من ربنا.
انقلبت عينيها ونظرت اليه محدقه وتضع يدها علي رأسها تشعر بالاغماء لتتماسك قائله
=يا شهاب أنا خايفه علي غسان أوى...ومكنتش متوقعه ان يطلب مني طلب زى ده...في نفس الوقت أنا وقعت في حيرة...وانت معطتنيش الفرصه أرد....وبعدين انت من امتي قاسي كده.
نظر الي نافذه السيارة بجواره وهو يتحدث بضيق قائلا
=حاجه بسيطه خلتني قاسي يا غاده...هو انتي...واللي عملوه فيكي زمان...واللي لسه مكملين فيه...عندهم استعداد يفرطوا فيكي علشان مصلحتهم.
خرجت من السيارة متجهه نحو البيت تصعد السلم ليركض خلفها ممسكا بذراعيها بقسوة متحدثا بعزم قائلا
=غاده أنا معنديش استعداد أفرط فيكي فاهمه...وحذارى ثم حذارى تخرجي عن طوعي وتروحي تعملي العمليه من ورايا...ساعتها هتنسي انك متجوزاني.
ترقرقت الدموع في عينيها لتمسح دموعها قائله وهي تصعد درجات السلم لتقف عند الباب وتلتفت اليه قائله
=يعني ايه يا شهاب اللي انت بتقوله ده...بتهددني لو روحت نقلت النخاع لأخويا...هطلقني يا شهاب...للدرجه دي هتهدم حياتنا علشان عمل انساني.؟
🧡🧡🧡🧡🧡🧡🧡🧡🧡🧡🧡🧡🧡🧡
#غلطه_وندم بقلم #مروة_محمد
كانت تقف خلف الباب زهيرة واستمعت لكل شئ دار بينهما حيث علمت بمجيئهم من النافذه وركضت لتفتح لهم لتعلم سر ذهابهم مبكرا لتفتح الباب بانهيار لتتفاجئ بها غاده وهي تبكي وتتحدث بغضب وقسوة قائله
=حرام عليكي يا غاده هضيعي نفسك علشان دول...يعني أنا أخلف وأتعب وأربي...وفي الاخر تروح تعطي خيرك لواحد كان عايز يخرب حياتك.ويدمرك؟
لتدلف غاده وهي ترتجف من الخوف لمواجهه والداتها لتبتلع ريقها قائله باستعطاف
=دا أخويا يا ماما...وعنده كانسر...واخواتي التانيين صغيرين علي العمليه....ايه المشكله اني أعطيه النخاع...ماما انتي علمتيني أتعامل بأخلاقي.
لينتفض شهاب بغضب قائلا
=غااااده...أخلاقك ايه دلوقتي اللي هتتعاملي بيها...لو انتي في الموقف ده ونحتي في الاسفلت محدش هيسأل عنك...غير والداتك وأنا...
ليضيف بتحذير
=بس لو انتي فعلا حاولتي تساعديهم ...ساعتها لو حصلك ايه أنا هكون أول واحد بتخلي عنك...أنا معملتش المستحيل ودافعت عنك...علشان هما يضيعوكي تاني.
ذرفت كميه هائله من الدموع والتي لم تستطع بها التأثير عليه ليندفع قائلا
=أنا مش موافق ولو عملتي ايه يا غاده...لو مش هوافق علشاني...مش هوافق علشان السته الغلبانه أمك ...اللي ما صدقت تفرح وربنا يجبر بخاطرها.
كفكفت دموعها قائله
=يعني ايه يا شهاب...مفيش أمل انك توافق....يعني هسيبه يضيع...مش انتي وعدتني لما يستقبلونا كويس هنكمل معاهم للأخر...ليه غيرت رأيك.
ليبتسم شهاب بسخريه علي سذاجتها قائلا
=يعني خلاص خلصت...عارفه لو كنت لقيت الطريق مسدود قدامه ومفيش غيرك بديل ...كنت وافقت...لكن هم استقبلونا كويس...علشان يستغلوكي ويدبحوكي بسكينه تيلمه.
💔💔💔💔💔💔💔💔💔💔💔💔💔💔
#موكا_سحر_الروايات رواية #غلطه_وندم
بعد مرور أسبوع التزمت فيهم غاده غرفتها ..لم تخرج ولم تحاول الذهاب الي الجامعه...حتي هاتفها أخذه شهاب منها...حتي لا يتثني لغانم أن يؤثر عليها بأي طريقه... علمت حوريه الأمر من أسامه وأصرت علي الذهاب لها حتي لا تتركها وحيده..رغم رفض شهاب وأسامه للأمر الا أنها ذهبت...دلفت حوريه عليها الغرفه لتجدها شارده لتتنحنح قائله
=صباح الخير يا غدغودتي...ايه قله ذوقك دي...هو أنا لو مسألتش عنك متسأليش عليا...طب أنا كنت تعبانه ومكنتش بخرج ولا كنت حتي بقدر أتكلم في الفون.
كل هذا بلا رد...ظلت غاده صامته وشارده وحزينه لتقترب حوريه منها وتحتضنها لتندفع العبرات من مقلتي غاده ويجهش صوتها بالبكاء...أخذت حوريه تربت علي ظهرها قائله بحنان
=انتي بتعملي في نفسك كده ليه يا غاده...ده قدر ومكتوب......وبعدين أكيد في حلول تانيه...مش انك تضيعي نفسك...لأول مرة أبقي مع شهاب.
خرجت غاده من أحضانها تنظر اليها باستغراب قائله
=يعني ايه..انتي مش معايا يا حوريه...طب ليه...ده أنا قلت انك الوحيده اللي هتأثرى علي شهاب...وعلشان كده أخد الفون مني...علشان متصلش بيكي.
أغمضت حوريه عينيها وأقسمت علي نفسها أن تقسو علي غاده قائله
=أيوه يا غاده...بس هو مأخدش منك الفون علشان كده...هو أخده علشان يحميكي من أبوكي وأخوكي اللي عايزين يستغلوكي...وأنا رأيي من رأي شهاب.
🤩🤩🤩🤩🤩🤩🤩🤩🤩🤩🤩🤩🤩🤩
#مروة_محمد جروب #موكا_سحر_الروايات
علم شهاب من أسامه أن حوريه بمنزلهم فخشي أن تكون معها ضده وتساعدها في الوصول الي أخيها فذهب الي منزله مسرعا ودخل عليهم الغرفه بدون استئذان ليندفع قائلا
=حوررريه...متحاوليش تساعديها ولا تتدخلي ما بينا...فاهماني...انتي أكتر واحده المفروض تبقي واقفه جمبي ...مش دي صاحبتك اللي بتعتبريها أختك...؟
لتلحقه زهيرة وتعلمه بالأمر ...حيث جائت حوريه بطلب من زهيرة لتقوم بتعقيل غاده واقناعها عن العدول عن اجراء العمليه ..ولكنها لم تستطع السيطرة علي غضب شهاب ..حيث ازداد غضبه قائلا
=أقسم بالله يا غاده لو ما رجعتي عن اللي بتفكرى فيه لأكون مطلقك وناسي انك كنت متجوزك في يوم من الأيام..وانتي يا ست حوريه لا انتي أختي ولا أعرفك لو ساعدتيها.
وجدت غاده من شهاب شخصا أخر غير الذي تعرفه.. شخص من السهل له تركها ان لم تنفذ رغبته ...ليعلم من رجفتها أنها وقعت تحت تهديده ليزفر بحنق قائلا
=غاده علشان خاطرى..اقتنعي بكلامي ولو لمرة واحده في حياتك...احتمال كبير انك متتوافقيش في النخاع معاه...هتكملي في النكد ده..؟
تسمرت مكانها قائله
=انتي من شويه هددتني صح...لو ساعدت أخويا هطلقني...يعني انت مستعد تهدم حياتنا علشان أنا بس بفكر أعمل حاجه رغبتي فيها.. تفتكر أنا ممكن أكمل بعد الكلام ده؟
شعر شهاب بالاختناق فردد قائلا
=غاده أنا مقصدش...بس انتي اللي وصلتيني لكده...عمال أفهم فيكي بقالي أسبوع...وهو سفر اولاده بعيد...وعمال كل يوم يرن علي رقمك.
سألته بتوجس قائله
=ورديت عليه...ولا طنشته..ولا رديت ومسحت بكرامته الأرض زى ما عملتها قدامي...ما انت خلاص مش عايز حد يتعدي علي ممتلكاتك.
ذهل من ردها وانتفض قائلا
=أنا يا غاده بعتبرك من ممتلكاتي...ليه شايفه نفسك رخيصه كده يا غاده...كوني اني بخاف عليكي وبحبك...وخايف تروحي من ايدي تبقي كده ممتلكاتي؟
لتجهش في البكاء قائله
=كلامك كله بيدل علي كده...حتي تهديدك ليا...بدأت أحس انك بتعمل كده بتردها لأبويا بتذله وبتذل غسان زى ما ذلوني...بس حرام ده مش وقته.
رد عليها بجمود قائلا
=احسبيها زى ما تحسبيها..أيوة يا غاده بخدلك حقك....مش دول اللي كنتي بتدعي عليهم..أول ما طلبوا الطلب وهما عندهم البديل عايزة تروح ترمي نفسك ليهم؟
كان في تلك الأثناء يعطيها ظهره منتظر ردها الحارق علي حديثه القاسي ليتفاجئ بصرخات حوريه وزهيرة اللاتان كانا يقفان حولهم أثناء مشاجرتهم ولم يشعر بهم غاده أوشهاب كان كل منهم يحاول فرض رأيه علي الأخر فقط...سقطت غاده علي الأرضيه مغشيا عليها..لينتفض شهاب ويلتفت حوله ويحملها وهو في قمه انهياره ويضعها علي الفراش يحاول افاقتها وسط نحيب زهيرة وصرخات حوريه ليتحدث بارتعاش قائلا
=غاده...مالك يا قلبي..فوقي وأنا هعملك كل اللي انتي عاوزاه...مقصدتش أقسم بالله ان أضغط عليكي..غاده أنا بحبك ومش عايزك تسيبيني فوقي أرجوكي.
لتشهق حوريه واضعا يدها علي شفتيها قائله
=ايه ده يا شهاب...دممم.. غاده بتنزف يا شهاب...ايه اللي بيحصل ده مش ممكن...مستحيل...غاده بتتصفي..الحق اتصل بأسامه أتصرف.
💝💝💝💝💝💝💝💝💝💝💝💝💝💝
#غلطه_وندم بقلم #مروة_محمد
تعالت صرخات حوريه في وجه شهاب الذي حمل غاده وركض بها نحو المشفي ليدخلها غرفه الاستقبال ويخرج الي حوريه وزهيرة المذهوله مما يحدث ويبتلع ريقه قائلا
=اتصلي علي أسامه خليه يجي يتكلم مع الدكاترة...ويعرف ايه سبب النزيف المفاجئ ده...معقول أكون أنا السبب...طب أعمل ايه...أنا في حيرة وفي الحالتين بضيع مني.
حضر أسامه ودخل غرفه الكشف ليسأل الطبيب عن حال غاده ليعلمه الطبيب بالأمر ليخرج سريعا اليهم ليجد شهاب يضع وجهه بين كفيه حزينا ليذهب نحوه يربت علي كتفيه لينتفض شهاب قائلا
=غاده فاقت يا أسامه صح...وكل ده ضغط عصبي مظبوط....أنا والله ما قصدت أضغط عليها...بس هي اللي مصرة تعطي النخاع لأخوها.
ذهبت اليه حوريه تربت علي يده قائله
=اهدي يا شهاب...متعملش في نفسك كده...مامتها نفسها مكنتش هتوافق...ومش يمكن اللي حصل ده يأكد ليها انها متنفعش تدخل عمليات.
تنهد شهاب بتعب قائلا
=أنا تعبت أوى يا حوريه...في اقناعها بقالي أسبوع.. وصلت معايا اني أهددها...أعمل ايه تاني... ياستي لو مصرة...هوافق..وربنا يستر.
صعب الأمر علي أسامه فنطق قائلا
=شهاب ...معدش ينفع...لا دلوقتي ولا قبل كده...غلط في حاله غاده دي..انها تعمل أي عمليه...والحمد لله اننا اكتشفنا بدرى انها حامل...
تهلهلت أسراير حوريه قائله
=ألف مبروك يا شيبو يا حبيبي...أخيرا هبقي عمتو..ومن أولادك وأولاد غاده العسل...يا ما انت كريم يارب...عقبالي ان شاء الله...الله الفرحه حلوة.
انفرجت أسارير شهاب قائلا
=انتوا أخدتوا بالكم...في اللحظه اللي هددتها بيها ربنا بعتلي ايه...بعتلي اللي يمنعها تأذي نفسها...حقيقه ربنا كبير...بيعطي عبده كله بأوان..أنا هدخل ليها.
🌺🌺🌺🌺🌺🌺🌺🌺🌺🌺🌺🌺🌺🌺
#موكا_سحر_الروايات رواية #غلطه_وندم
دلف اليها شهاب مسرعا لتنظر حوريه الي زهيرة الحزينه باستغراب وتذهب اليها وتجلس علي عقبيها قائله
=مالك يا طنط زهيرة...متخافيش دي حامل..وأكيد زى ما شهاب قال...دي حكمه ربنا اللي هتمنعها انها تأذي نفسها...حضرتك مش مبسوطه ليه.
ارتفعت أنطار زهيرة الحزينه لحوريه قائله بصوت مبحوح
=ربنا يستر يا حوريه...بنتي غاده وأنا عارفاها...لو عرفت ان الطفل العائق ممكن تنزله...علشان تعمل اللي في دماغها...وساعتها أنا عارفه ان شهاب هو اللي هيطلقها.
شهقت حوريه ووضعت يدها علي شفتيها قائله
=غاده ممكن تضحي بابنها علشان أخوها...دي ما شافتش يوم سعاده من يوم ما عرفتهم...لا يا طنط زهيرة..احنا لازم ناخد بالنا...واوعي شهاب يعرف.
لتتنهد زهيرة قائله
=هناخد بالنا ازاي...تفتكرى بقالها أسبوع هي نفسها مش عارفه انها حامل...ومع ذلك لا أكل ولا شرب...مش يمكن وقعت من طولها لما عرفت ان شهاب ممكن يطلقها.
💋💋💋💋💋💋💋💋💋💋💋💋💋💋
#مروة_محمد جروب #موكا_سحر_الروايات
في غرفه غاده فتحت عيونها بهدوء لتجده يقف بجوارها مبتسما لتغمض عينيها بألم وتنساب دموعها تتحدث بصوت مبحوح قائله
=شهاب...ايه اللي جابك ورايا...مش هددتني ...انك ممكن تسيبني...لو منفذتش اللي قلت عليه...ليه دلوقتي صعبانه عليك...وأنا هونت عليك ساعتها.
لتجده يهز رأسه ينفي ما قالته ويكاد أن ينطق لتقاطعه قائله
=بس خلاص يا شهاب..معدش ينفع تقول أكتر من اللي قولته...انت هددتني لمجرد اني عايزة أساعد أخويا...ليه محاولتش حتي...ما يمكن مكنش نفع أصلا.
💛💛💛💛💛💛💛💛💛💛💛💛💛💛
#غلطه_وندم بقلم #مروة_محمد
دلفت في هذه اللحظه حوريه لتندفع نحوها تحتضنها قائله
=ألف مبروك يا غاده...يتربي في عزك وفي عز شهاب ان شاء الله...أنا فرحت ليكم أوى يا غاده...زى ما يكون أنا اللي حامل...ومتزعليش مني أرجوكي.
جحظت غاده بعينيها من معرفتها بحملها وتناست كل شئ وانشرح صدرها لهذا الخبر مما أثار استغراب زهيرة..أيعقل أنها تمثل لهذا الحد فتحدثت قائله
=شفت يا غاده...ربنا حكمته حلوة ازاي...لو كنتي وافقتي علي عمليه غسان...مكنتيش هضيعي نفسك وبس...كنت هضيعي روح بريئه ملهاش ذنب.
نظرت حوريه الي شهاب المسرور لفرحه غاده الغير متوقعه لتتحدث قائله
=مبروك يا عم للمرة التانيه...أنا عايزة بنوته حلوة زى كده...وسموها ملاك..لأن أكيد هتكون ملاك برئ زى مامتها...بس استنوا أجبلكم واد يتجوزها الأول.
تعالت ضحكات غاده علي مرح حوريه لتمسك بطنها من الألم الغير متوقع حيث كانت بالشهور الأولي ولكن الحمل غير مستقر والذي يعلم حقيقه أمر الحمل هو أسامه الذي لم يستطع اعلامهم بذلك الأمر لتقلق زهيرة قائله
=انتي كويسه يا غاده...مالك يا حبيبتي...انتي لسه في الأول...الوجع ده بيبقا في الأخر...اوعي تطلعي زيي ...حملي كله كان صعب...وكان علي كف عفريت.
قلقت غاده قائله
=يعني ايه يا ماما...أنا ممكن أسقط زيك..أو حملي مش يكتمل..أو أولده..لا يا ماما أرجوكي.. مش معقول...كله الا كده...ربنا ما يقدر...
لتنظر حوريه الي غاده وتعتقد أنها تمثل حوار الوجع لتجهضه وتتعلل أنها مثل والداتها لتندفع قائله
=بصي يا غاده..بصراحه كده...انتي حملك صعب...وممنوع الحركه والتعب والاجهاد والتفكير...وأنا ومامتك هناخد بالنا منك الفترة الجايه.
نظرت غاده الي شهاب الصامت ببلاهه لترد عليها قائله
=انتي متأكده من اللي بتقوليه ده...ايه يا شهاب كلامها صح معقوله..بس أنا كل اللي حساه وجع بسيط...مش لدرجه الخوف والراحه...وبعدين مش بحب الرقده.
هزت حوريه رأسها لتؤكد بعنف قائله
=هتحبيها غصبن عنك..انتي حالتك صعبه ومعرضه للاجهاض بين اللحظه والتانيه...وبعدين أكلك قليل...كفايه الأسبوع اللي حبستي نفسك فيه.
اندهشت غاده لعنف حوريه وصمت زهيرة وشهاب لتبتلع ريقها قائله
=أنا محبستش نفسي..شهاب اللي كان حابسني...وموضوع الأكل والشرب ده عادي..لأني كنت قرفانه من ريحه أي حاجه...وأهو طلع وحم.
لتظلم عيني حوريه وتنظر الي زهيرة وتتاكد شكوكهم لتنطلق زهيرة بحسم قائله
=يبقا ناكل ونشرب ونلتزم الراحه غصبن عننا يا غاده زى ما قالت حوريه...ما هو مينفعش عمايلك دي...دي عمايل أطفال...ولا علشان جوزك طيب.
استشعرت حوريه أن غاده وشهاب يكذبونها بأعينهم فنهضت لتذهب لأسامه ، وتتفق معه أن يخبرهم أن وضع الحمل صعب لتنهض قائله
=انتم شكلكم مش مصدقيني...أنا هروح أجبلكم أسامه يأكد ليكم المعلومه...وعموما أنا مش هكدب في دي...مش انتي كنتي معايا يا طنط زهيرة.
علمت زهيرة أن حوريه تريد أن تقع غاده أمام الأمر الواقع عن طريق الاتفاق مع أسامه لتنهض هي الأخر قائله
=يالا يا بنتي أنا جايه معاكي...علشان الهانم بنتي تقتنع...وحتي يعني يا غاده لو حوريه بتألف..ما هي خايفه عليكي وعلي مصلحتك...مش دي أختك برضه.
نظرت حوريه لغاده بخبث قائله
=معلش هنتأخر عليكم .. مش علشان حاجه...بس أهو فرصه تاخدوا راحتكم...وتصلحوا الزعل ما بينكم...وروقي يا غاده...علشان اللي في بطنك.
💘💘💘💘💘💘💘💘💘💘💘💘💘💘
#مروة_محمد جروب #موكا_سحر_الروايات
خرجت حوريه وزهيرة وغاده تنظر الي شهاب منتظرة أن تسمع صوته بعد اخبارها بحملها ليتحدث أخيرا قائلا
=غاده...أنا كنت ناوى أسيبك تعملي اللي انتي عايزاه...بس شفتي حكمه ربنا فوق كل شئ...انتي دلوقتي شايله حته مني ومنك...ومينفعش اللي كنتي بتفكرى فيه.
نظرت اليه غاده بفرحه عارمه وهي تقول
=شهاب...أنا لو كنت أعرف اني حامل.. مكنتش فكرت أساسا...بس انت عارفني بتكلم بعواطفي...وعمرى ما حكمت عقلي...ووقعت بسبب انك هددتني بالطلاق.
😅😅😅😅😅😅😅😅😅😅😅😅😅😅
#غلطه_وندم بقلم #مروة_محمد
بالخارج ذهبت حوريه الي أسامه تتحدث بحزن قائله
=أنا محتاجه ليك أوى يا أسامه..أرجوك وافق...انك تخدع شهاب وغاده وتقولهم ان الحمل مش مستقر...غاده في دماغها تضحك علينا كلنا.
أحاطها أسامه بذراعيه يتنهد بتعب قائلا
=غاده مش بتضحك علي حد يا حوريه.. غاده ببساطه وضع حملها مش مستقر...ويمكن الحمل مش يكتمل...وأنا مش عارف أقول لشهاب ايه.
شهقت حوريه ووضعت يدها علي شفتيها قائله
=انت بتقول ايه...يعني لما اتوجعت جوه كان حقيقي...وفعلا هي ممكن تكون زى طنط زهيرة...وانا اللي فكرتها بتمثل..علشان لما تسقط محدش يشك.
ابتسم أسامه بمرارة قائلا
=تخيلي انتي...ممكن كلمه مبروك متلحقش تسمعها..وتستمتع بيها...والله احنا هنحاول نعطيها مثبتات حمل..وادعي يا حوريه ان الحمل يكمل.
😋😋😋😋😋😋😋😋😋😋😋😋😋😋
#موكا_سحر_الروايات رواية #غلطه_وندم
بالداخل عند شهاب وغاده
=أنا لا يمكن أسيبك يا غاده..أنا لو سيبتك أموت.. بس غصبن عني...كان لازم أقسي عليكي علشان تقوى...لازم تدورى علي مصلحتك زيهم.
💓💓💓💓💓💓💓💓💓💓💓💓💓💓
#مروة_محمد جروب #موكا_سحر_الروايات
بالخارج
=حوريه...أنا مش قادر أقول لشهاب حاجه زى دي...أنا عارف انه مش هيعترض...بس خايف لتجهض فعلا...يشك فيها وفينا...اننا متفقين عليه.
استغربت حوريه قائله
=طب والعمل...افرض فعلا انها أجهضت...من الأحسن تخلي الدكاترة تقوله الحاله...وبعدين أنا جوه من شكي فيها...قلت ان حملها مش مستقر.
زفر أسامه بحنق قائلا
=انتي مالك...بتدخلي في اللي ملكيش فيه ليه...كلامك ده هيشككه أكتر...وعمره ما هيصدق ان ده طبيعي...حتي لو جبنا ميت دكتور...أستغفر الله.
تحدثت حوريه بعصبيه قائله
=وأنا أعمل ايه يعني...ما أنا كمان شكيت فيها...وخصوصا لما طنط زهيرة قالت..انتي ماسكه بطنك ليه وده بيحصل في الشهور الأخيرة .
توتر أسامه قائلا
=هي مسكت بطنها...يبقا كلام الدكتور فخرى صح...الحمل مش ممكن يكتمل...الا بمثبتات وحقن كمان...والله أعلم...يارب عديها علي خير.
ارتعشت حوريه قائله
=يعني خلاص يا أسامه..ملهاش حل...ياريتها كانت بتمثل...كان هيبقا أهون..أقسم بالله ده لو نزل..أخويا هيطلقها...وهي ما هتصدق تعمل العمليه للزفت.
أغمض أسامه عينيه قائلا
=والعمل يا حوريه؟...أنا أول مرة تورد عليا مشكله ملهاش حل زى دي...الحل الوحيد ان الحمل يكمل...وده في ايد ربنا...احنا ملناش يد.
من كتر الضغط وضعت حوريه يدها علي رأسها تشعر بالدوار لتترنح قائله وأسامه يسرع بجذبها واجلاسها
=أحنا لازم نقوله من دلوقتي...حتي لو مصدقش.. ونقوله كمان ان ميتهورش ويفكر انها أجهضت بالقصد علشان تساعد أخوها...أكيد هيقتنع.
😘😘😘😘😘😘😘😘😘😘😘😘😘😘
#غلطه_وندم بقلم #مروة_محمد
بالداخل مال شهاب علي غاده يقبلها من عنقها لتضع يدها علي فمه ترفض رائحته التي كادت تعشقها لتبعده قائله
=وبعدين معاك يا شيبو..أنا حامل ومش طايقه نفسي....وبعدين زى ما حوريه قالت حملي صعب...يعني مينفعش يا حبي....ولا حتي بوسه.
💜💜💜💜💜💜💜💜💜💜💜💜💜💜
#موكا_سحر_الروايات رواية #غلطه_وندم
في الخارج نهضت حوريه قائله
=ما تيجي ندخل ليهم...كفايه كده..أنا خايفه لتكون مولعه فيه وتقعد تقوله ..ياريتني ما بقيت حامل والكلام المستفز بتاعها...اللي يخليه يشك فيها.
ضرب أسامه كفا بكف قائلا
=انتي مالك...سؤال ونفسي أفهمه...بقولك ايه يا حوريه أنا علي أخرى..كفايه الوسواس اللي بيدور في دماغي...ريحي نفسك واترزعي جمبي.
جلست حوريه تبكي من سوء معامله أسامه وتقول
=انت مبقتش تحبني...ما خلاص اتجوزتني...وخلص شغفك بيا...دلوقتي نايمين صاحيين في مشاكل...وبقيت بالنسبه ليك كلي عيوب...
💃💃💃💃💃💃💃💃💃💃💃💃💃💃
#مروة_محمد جروب #موكا_سحر_الروايات
لم يتمالك شهاب نفسه وانهال عليها بالقبلات فهو يشتاق اليها منذ أسبوع وهي تحرمه منها لتحاول غاده الخروج من عشقه قائله
=أنا بحبك أوى يا شيبو....ومشتاقه ليك...بلاش تعمل كده فيا...لان ده هيخلينا طايرة وهننسي اني حامل وأكيد مش هينفع مع الحمل المتعب ده.
زفر شهاب قائلا
=متحرمينيش منك بعد كده يا غاده...ولعله خير انك بعدتي عني لأسبوع...كان ممكن عملنا حاجه والمفعوص اللي جوه ده جراله حاجه...
أخذت غاده يده لتضعها علي بطنها قائله
=لا متخافش يا حبيبي...ابننا عمره ما هيجرا ليه حاجه..أنا عندي ثقه في ربنا كبيرة...وبعدين متاخدش علي كلام ماما وحوريه...دي كلها وساوس.
هز رأسه قائلا
=عارف ان ربنا كرمنا بيه...في وضع صعب بينا...بس أنا متفائل فيه خير كبير...كفايه انه حته منك يا قلبي...يااااه كان نفسي اللحظه دي تيجي من زمان.
تذمرت غاده قائله
=كان نفسك تحصل من زمان...اللي يسمعك كده يفكر اننا اتجوزنا بقالنا سنين...انت نسيتي احنا فعليا بقالنا شهر..يعني...يعني...ده من ليله دخلتنا في الفندق.
ابتسم شهاب بحب قائلا
=يا واد يا جامد انت ياللي فاكر...كبرتي يا قطتي وبقيتي تاخدي بالك من حاجات...أه منك انتي يا شقيه...يا مدوخاني معاكي...يا بتاعت ليله الدخله.
ابتسمت غاده قائله
=شهاب...أنا بحبك أوى أوى أوى...ونفسي أجيب ولد شهم زيك...وحونين زيك...مش عايزة بنات هيكونوا عندهم تقل دمي زيي...وهيجننونك.
اقترب شهاب قائلا
=يجننوني وماله...دول هيبقوا قلبي من جوه...ويا سلام بقا لو عندهم نفس عيون الزمرد بتاعتك.. الله...هيجننوني فعلا...بس من لف الشباب حواليهم.
اقتربت منه غاده لترمش له بعيونها لكي تثيره أكثر ليغمض عينيه ويتجه بشفتيه نحو عينيها ليقبلهم الواحده تلو الأخرى لتقوم بغلقهم بحب وعشق.
💞💞💞💞💞💞💞💞💞💞💞💞💞💞
#غلطه_وندم بقلم #مروة_محمد
تكملة الرواية من هناااااااا
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق