رواية اسرار القلوب( الجزء الثاني) الفصل الحادي عشر والثاني عشر بقلم رانيا قنديل
رواية اسرار القلوب( الجزء الثاني) الفصل الحادي عشر والثاني عشر بقلم رانيا قنديل
الفصل١١★ اسرار القلوب★ الجزء الثاني
عثمان: يااااااااااه واخيرا قلبي أرتاح وهجوز ابنى جوازه تليق بيه إنما إيمان إن شاءالله اضمنلها حقوقها مع مدحت واخليه يكتبلها نص املاكه علشان اضمن حقوقها وظل يحلم مع نفسه وهو سعيد
****************,***
حمزه : لخالد بقولك هنجيب عمك ازاى هنا أنا قلقان والكل سهران ده حتى جدك كمان إلى بينام بدرى لسه قاعد
خالد: امممممم مفيش إلا سلسبيل هى إلي هتخلص كل حاجه وبعدين أنا هخليهم يقومو ينامو بس هى راحت فين سولى.....؟
إيمان: سندس انتى وخالد لسه زعلانين محاولش يتكللم معاكى
سندس: لأ ومش عايزة اتكلم فى الموضوع ده
نرمين: نظرت لايمان وبحزن ظاهر إلا سولي فين اختفت مرة واحده
خالد: نظر لحمزه وتعمدو اغاظه علي ..تلاقيها هتشوف هتلبس ايه بكرة مع أنها هى جميله فى كل حالتها ي بختك ي دكتور أحمد
حمزة: فعلا هو شخصيه ممتازة جدا ومحبوب أوى فى شغله ومن الدكاترة الي عندها ضمير
علي: كل ده عرفتوة من قعده واحده وهو فضل ساكت على جوازه ليه لحد دلوقتى ما ياخدله دكتورة زيه حتى تفكيرهم يكون واحد هياخد واحده مجنونه والنعمه ليفشل
خالد: ههههههههههههه الي ياخد سولي هيكون محظوظ. دى وش السعد علينا كلنا
الجد محمد: هو فى زى سولي حبيبه جدها ونووارة البيت كله
سميحه: والله أنا اذا كان عندى ولد مكنتش سبتها بس اهو نصيب
اميمه:بحزن معاكى حق بس نقول إيه فى العند والمكابرة حظوظ ونظرت لعلي
حمزه: مال على أمه مالك ي ست الكل شكلك زعلان فى إيه.....
اميمه: أنا كنت بتمنالك نرمين ترتبط بيها بس أنت اخترت رحيق وأنا فرحانه أوى أنك أخترت من بناتنا بس الي هيفرسنى ومزعلنى أن أخوك بيحب سولي ليه بيعاند لحد ما البنت هتضيع منه أيده ده كلام
حمزه: أنا متأكد أنه مش هيضيعها من أيده وهيتصرف بس هو بيكابر هننعمله إيه إحنا لازم هو إلي يتصرف ومتقلقيش ي ست الكل
سلسبيل: دخلت عليهم اجدو مش هتنام وتاخد الدوا عملتلك اندوتش جبنه بالخيار الي بتحبه على م تاكل اكون عملتلك الشاى
هناء: والله ي سولى مش عرفه جدك كمان هيعمل إيه بعد ماتتجوزى ....
سلسبيل:: الي هيتجوزنى هيتجوزنى أنا وجدو الشرط نور
علي: طيب بلاها مجيه الدكتور بكرة لأنه مش هيوافق صح ي حمزه
خالد: لحمزه: متردش عليه سيبه كده مع نفسه يمكن يعقل ويفوق...
الجد محمد: يلا اعملي الشاي أنا قربت اخلص ويلا علشان ننام
حمزه: لخالد جدك هينام هو وسولي ولا ايه طيب ازاى هندخل عمك إيه. المشكله دى مكنتش فى الحسبان
خالد: طيب أنا هتكلم مع سولي قبل ما ترجع بالشاي
خالد: خلصتى الشاي ي سولي ولا لسه
سلسبيل: ايه اعملك شاي بس أنت لسه ماكلتش استنى أودى الشاي لجدو واجهز أحلى عشا لينا كلنا إيه رأيك
خالد: كنت عايز منك خدمه ي سولي بس يريت محدش يعرفها
سلسبيل: خير ي خالد أنا تحت أمرك وظنت أنه سيطلب منها أن تحاول أن تصلح بينه وبين سندس
اتكلم ي خالد عايز ايه
خالد: انتى هتباتى مع جدك النهارده .....
سلسبيل: اه هنام مع جدو إيه الغريب م أنا كل يوم بنام معاه
خالد: النهارده بلاش تنامى معاه ممكن .....
سلسبيل: لأ أنا لازم افهم الأول يعنى مش عيزنى أنام مع جدو ليه فهمنى.....!!!!
خالد: بصراحه انا وحمزة اتفقنا إن عمك جمال ييجى ويبوس أيد جدى ويمشي على طول قولتى إيه .....
سلسبيل: بدموع طبعا ازاى تاخد رائي أنت تنفذعلى طول أنا بحب عمو جمال أوى ونفسي أعمل علشانه أى حاجه بس يريت لما ييجي ميجيش متاخر لأن جدى بيقوم مرتين بالليل مرة الساعه اتنين ونص ومرة لصلاه الفجر تمام كده أنا هودى الشاى وهكون بردو مع جدو بس مش هنام هنتظر عمى ييجى
خالد: كنت متأكد أنك هتسعدينا ربنا يخليكى ي حببتى يلا ودى الشاي وأنا جاي وراكى
هناء: يلا ي بنات قومو جهزو العشا ولا مش جعانين
اميمه: بصو اعملو صندوتشات وشاى باللبن وخلونا قعدين هنا مع بعض
سلسبيل: الشاي وصل بتاع جدو وانتم ي بنات أنا عملت صندوتشات للكل حد يروح يجبها لحد ما ادى لجدو الدوا وكمان صبو الشاي باللبن
الجد محمد: خلاص وأنا مش هنام هسهر معاكم النهارده م إحنا مش كل يوم بنسهر مع بعض
سلسبيل: لأ حضرتك هتنام ومش عايزة نظامك يتغير اجدو
الجد محمد: نظام ايه مجتش من يوم بس خلاص أنا هسهر وادينى قاعد معاكم
خالد: نظر لسلسبيل وهز راسه لها سلسبيل اغمضت عينيها كى تطمئنه
حمزه: نظر لخالد وسأله إيه الحكايه فى إيه .....
خالد: متقلقش أنا متأكد أن سلسبيل هتتصرف
حمزه: لما نشوف شكلها هتغرقنا وذهب وجلس بجوار رحيق إيه مالك شيفك سكته ومش معانا خالص ولا حتى بتتكلمى
رحيق: ليه بتقول كده أنا اهو موجوده بس أنت إلي مش موجود وبعيد عنى من بعد كتب الكتاب مبقتش اشوفك ولا بنتكلم عادى سوا حساك بتبعد عنى اوى
حمزة: وهما واقفا واستاذن الجميع بأنه يريد أن يتحدث مع رحيق بالخارج
الجد محمد: اطلعو ي أولاد بس خد معاك عشاك أنت وهى وانا هخلي سولي تجبلكم الشاي يلا ي أولاد
حمزه: اخذ بايد رحيق وخرجو وسألها تحبي تقعدى فين ولا ااقولك تعالى برة في الجنينه يلا
رحيق: ابتسمت له بطل جنان ي حمزه هنخرج فين في البرد ده
حمزه: يلا وبطلي دلع ولا هتضيعي الوقت انتى فى لأ وبرد وخرجو سويا للخارج واجلسها حمزة على الارجوحه وجلس بجوارها قوليلي مالك مسهمه ليه انتى مش معايا وحسك سرحانه
رحيق: أنا قلقانه ي حمزه وقلبي مقبوض أوى ومش عرفه ليه دخلنى إحساس بالقلق ديما عيزاك تطمنى وتقولي كل حاجه عايزة ارتاح ي حمزه
حمزه: وضع يده على كتفها وجذبها لحضنه متقلقيش كل حاجه تمام وإن شاء الله الأمور دى تعدى على خير
رحيق: أنت حكيت لبابا على الشركه وإن عمى متورط مع الناس دى ازاى .....
حمزه: عمي عرف كل حاجه لوحده وأنا مكنتش عايزه يعرف أى حاجه لأنى مش عايزة يتورط مع الناس دى
رحيق: بابا عرف كل حاجه وعرف أنك أنت تعرف مين صاحب الشركه وأنك زرعت معاهم جواسيس لحسابك
حمزه: لاء ومش لازم يعرف عمى جمال لو عرف مش هيسكت وأنا لسه عندى أمل اغير من عمى والحقه قبل ما يغرق اكتر من كده
رحيق: حساباتك كلها غلط ي حمزة عمى غرق من زمان أوى وحط على عينه غشاوة والطمع بقي من أولوياته هتصلح إيه أنا مش معاك.... ولازم عمى يتحاسب وبالقانون على كل افعاله ....
حمزه: سكت لبرهه من الوقت وهو سرحان نظر لرحيق بقولك ايه أنا موحشتكيش ولا ايه
رحيق: بابتسامه وحشتنى وبس لأ أنا هتجنن عليك يا حمزه أنا مش عايزة اى حاجه غير أنى اكون معاك ومبعدش لحظه عنك
حمزه: فضمها اكثر لاحضانه تبعدى عنى ازاى انتى النفس الي بتنفسه انتى الأمل الي خلانى عايز اغير كل حاجه علشانه اوعى تتكلمى تانى وتقولي أنك بعيده او أنا بعيد أنا بتنفسك انتى ي رحيق سمعانى
رحيق: فابتعدت عنه يبقي تحكى لبابا كل حاجه لازم يكون على علم بكل حاجه أنت هتعملها وبلاش تخبي وحياتى عندك أنا بدأت أخاف أوى عليك وعلى الكل
حمزه: متخافيش ي عمرى ومش عيزك تقلقي أبدا ودلوقتى متطلعيش من حضنى تانى سبينى اشبع منك انتى وحشانى اوى
رحيق: اطلع ازاى من حضنك وده سكنى وملاذي أنا أنت الحياه بالنسبالي ي حمزه
حمزه: ياااااه أنا الدنيا كلها بين ايديا طول ما انتى معايا صدقينى ي رحيق أنا من غيرك ولا حاجه ولا حاجه.
رحيق: اقتربت منه وامسكت بوجهه بين كفيها الصغيرين أنا مبسوطه أنك جوزى بقلبك الكبير والحنون ده وخوفك على الكل وعدم تفريقك ما بينهم قلبك ده نادر فى زمن صعب أوى ي حمزه بس ميمنعش أنك تاخد حذرك علشان وشاورت على قلبها ده يموت إذا حصلك حاجه لأنه مرتبط بيك أوى فانت مسؤل عنه بلاش تاذيه وتوجعه اذا حصلك أو اهملت فى حق نفسك
حمزه : ولم يقدر على كل هذا الكم من المشاعر فاحتضنها وامسك بوجهها متقلقيش خلى املك فى ربنا كبير فاقترب منها وقبلها وبالرغم من أنه شعر أنها بحاجه ماسا للهواء فلم يقدر أن يبتعد عنها وظل يقبلها وهو محتضنهاوكاد أن يعتصرها بين احضانه فتاوهت من الالم فنظر لها حمزه اسف بس وحشتينى أوى ومش قادر ابعد اكتر من كده أنا هتكلم مع عمى واعجل بجوازنا إيه رأيك
رحيق: طبعا موافقه وارتمت فى حضنه كى تخبئ وجهها بين احضانه
سلسبيل: خارجه كى تعطيهم الشاى وبعض الصندوتشات فراتهم فى أحضان بعض فابتسمت ودعت ربها أن يبعد عنهم اي سؤ وأن يحمى حمزه وباقي أخواتها وأن يسعدهم جميعا ونظرت للشاى طيب ااقطع أنا اللحظه الاسطوريه دى ولا أعمل إيه
علي: انتى واقفه كده ليه .....
سلسبيل: هااااااا لأ أبدا هروح اودى الشاي لحمزه بس أنت عايز ايه ....
علي: وانتى مالك أنا رايح لحمزه ليكى فيه...
سلسبيل: أه ليا فيه طبعا واحد قاعد مع مراته أنت رايح ليه ي مفرق الجماعات يلا ادخل جوة ي ساتر منك
علي: هاتى الشاي أنا هوديه ....
سلسبيل: ابد والله ابدا م حد هيودى الشاي غيري أنا عايزة اروح لجوز العصافير بس مش عايزة بردو
علي: اتجننتي ي بت ونظر علي فراي حمزة ورحيق امممممممم علشان كده واقفه ومش عايزة تروحي عندهم بس كده وحش على صحتك ولا إيه
سلسبيل: لأ مش وحش خطيبي جاي بكرة ومش هبقي فاضيه لحد منكم هبقي معاه ونلعب لعبه الملزقه وكل الالعاب
علي: بصوت عالى ونرفزة بقولك ايه بطلي قله ادب مش كل حاجه تهزرى فيها واتلمى احسنلك لالمك سمعه
سلسبيل: بدموع أنا قليله الادب ي علي شكرا اتفضل الشاى وديه لحمزه واعطته الصينيه ودخلت هى
حمزه ورحيق : نظرو باتجاه الصوت وسمعو ما قاله علي لسولي
علي: اتفضلو الشاي والعشا عيزين منى حاجه
حمزه: اه طبعا انت ازاى تقول الكلمه دى للسولي أنا مسمحلكش أنك تتكلم معاها كده وبدأ حمزه صوته يعلي
رحيق: ممكن ي حمزه تهدى وسبنى شويه مع علي اتكلم معاه
حمزه: هتتكلمى مع واحد غبي أنا مشفتش اغبي منه والله
رحيق : سبنى أنت بس معاه شويه وحياتى عندك أنا هتكلم معاه واحاول افتحله عيونه يلاانت ادخل وسبنى معاه وإن شاءالله كل حاجه تتصلح وذهب حمزه وتركهم مع بعض ......
رحيق: أنت واقف كده ليه ااقعد ي علي عايزة أتكلم معاك شويه
على: وباين عليه الضيق مما فعله مع سولي ونظر لرحيق أنا عارف أنى غلطان بس أعمل ايه طريقه كلامها مستفزة ومحستش غير وأنا بهلفط بالكلام الخايب ده
رحيق: تمام أنت كده قطعت عليا نص الي هتكلم فيه ابتدى أنا أكمل وأسألك بس يريت تجاوب ومتتهربش من أى سؤال
علي: اسالي ليه هتهرب أنا ........
رحيق: إذا إيمان أو نرمين الي قالو الي نرفزك ده من سولي كنت هتتعصب عليهم ......؟؟
علي: بتفكير اااه كنت هتعصب ...وسكت .مش عارف..........
رحيق: طيب إيه رأيك في الدكتور أحمد من ناحيه شخصيته وأخلاقه....
علي: هو إحنا لحقنا نتعرف عليه وهو إلي أول م شاف سولي حط عينه عليها وعايز يتجوزها والاغرب أن الكل مرحب بيه.....!!!!!!!!
رحيق : طيب هو ده اعتراضك عليه انكم لسه متعرفتوش عليه كويس
علي: هاااااا اه هو كده ونظر لرحيق ....مش عارف والله م عارف أنا مالى ...
رحيق : تحب اقولك أنت مالك يمكن اقدر تقدر تصلح الأمور وتلحقها قبل م تتضيع
علي: أمور إيه الي هتضيع مش فاهم .......
رحيق: أنت ي علي بتحب سولي ويمكن كمان تكون عديت المرحله دى من زمان أنت بتعشقها سمعنى بلاش تضيعها من اديك لأن الواضح أنها زيك بس مش عرفه
علي: وكان كلمات رحيق لامست كل كيانه ونظر الي السماء واخفض نظرة معقول أنا بحب سولي فابتسم واحس بقلبه يتراقص فرحا من السعاده ولكن سرعان ماتلاشت هذة الابتسامه
رحيق: بتعجب مالك في إيه وشك اتغير كده ليه اوعي تقول أنى غلطانه والكل غلطانين ....
علي: لأ مش غلطانين. أنا الي غلط وكنت فاكر إن ده كله حب اخوة مش اكتر بس أنا مش عارف هى كمان بتحبنى....؟
رحيق: لازم تتأكد من حبها ولا نسيت افكرك أنا لما جالك ضيق تنفس واخدتك فى حضنها ويادوب نفسك هدي شويه معاها وكلنا شفنا لهفتها عليك وأنها مقدرتش تبعد عنك لحظه غير لما ترجع البيت
علي: بس سولي مع الكل كده وبتهتم بالكل بمحبه وخوف أنا ااوقات كتير بحسها أم لينا من كتر حنيتها علينا
رحيق: ممكن تركن افكارك دى لحظه وتقولي أنت سرحت وابتسمت ليه ولا هتتهرب منى أنا كمان
علي: أصلي فرحان أوي لأنك لمستى قلبي بكل كلمه ي رحيق أنا فعلا بحبها لأ مش بحبها أنا مجنون بيها ازاى كنت بكابر كنت هضيعها منى مستحيل تكون لحد غيري مستحيل
رحيق: هو ده الكلام يبقي لازم تلحقها وتعمل كل حاجه علشان تكون ليك مش تبعدها عنك
علي: طيب وأنا هعمل ايه قوليلي مفيش قدامى غير أنى اضرب الزفت الي جاي بكرة ده واخلص ما أنا مش هسيبه ياخدها مني
رحيق: أنت كده هتلغبط الدنيا ممكن تسبلي أنا والبنات المهمه دى بس أنت لازم تعتذرلسولي على كلامك ده وتحاول تلطف الجو معاها
علي: اعتذر دى ماشي الطف الجو ازى اهو هو ده إلي معرفوش كل الي اعرفه ازاى اعصبها بصراحه بموت فيها وهى متعصبه بحسها مختلفه عن اى بنت لأ لأ هى فعلا مميزة
رحيق: هيييييح وايه كمان قر واعترف علشان ارتاح
علي: ترتاحى من إيه ي مراه أخويا منى دى اخرتها ماااشي
رحيق: أسمع وبطل غلبه أنت تصالح سولي أما تلطف الجو دى يعنى تبطل تعصبها وتبطل تغلس عليها امدح فيها قولها كلام حلو ايه مالك مش هتعرف كمان تقول كلام حلو
علي: الصراحه لأ مش بعرف غير انرفزها رحيق وغلاوة حمزه سعدينى أو غششينى ااقولها إيه لحسن دى مخها تخين زيي اتصرفي.
رحيق: ههههههههههههه فعلا الطيور على اشكالها تقع ماشي هتصرف بس قولي أنت هتصالحها ازاى ....؟
وه
علي: مش عارف بس لازم اصالحها مش هتنام وهى زعلانه منى أنا مبسوط مبسوط اوى ... إلا صحيح أنا مالي مبسوط جدا كده ليه اكنشي اتهبلت زي البت سولي معقول .....
رحيق: ههههههههههههه.هههههههههههن طبعا مبسوط علشان سيادتك كنت من قافل باب قلبك بس كنت عايز زقه واهى حصلت والباقي عليك أنت وأنا والبنات هنخلص كل حاجه مع سولي
علي: ده انتى على ما تحكى للبنات وتفهميهم ده إذا فهمو من أساسه تكون سولي وسي زفت اتجوزو ما هى هتموت وتتلزق الملزقه دى
رحيق: بطل جنان كلنا شيفين حبك ليها وأنك بتغير عليها أنت إلي كنت اعمي يعنى الكل عارفو وملاحظ بس أنت الي مقفل راسك مع حمزه وخالد وكنت بتعاند ويلا بطل كتر كلام وادخل صحح موقفك معاها اتفضل .....
محمد: السلام عليكم ورحمه الله وبركاته
علي ورحيق: وعليكم السلام ورحمه الله وبركاته
رحيق: أنت لسه راجع من برة ي محمد ده احنا بقينا الساعه١٢
محمد: كنت فى الشغل وطلعت على المرسم والوقت خدنى المهم أنا عملكم مفاجئه جميله ي رب تعجبكم
علي: خير مفاجئه إيه فرحنا ...
محمد: لما ادخل جوة هتعرفها لما اقولها قدام الكل
علي: وقد تذكر أن محمد هو كمان عريس لسولي معقول يكون عايز يتقدملها هو كمان والله اقتله ونظر لرحيق وقدام اخته عادى كله إلا سولي
رحيق: مستنى إيه متقوم يلا ولا هتاجل كل حاجه لحد ما تتضيع منك
علي: بهمس لرحيق اصلي هحارب جبهتين شكلى كده جبهة انتى عرفاها وجبهه للاسف انتى معشراها بس وحياه امى ما حد هيتجوز الملزقه غيري
رحيق: بعدم فهم طييب يلا خلينا ندخل وكمان أنا بردت أوى
علي: لنفسه طيب اصالحها ازاى دى بس اشوف وربنا يستر وماخدهاش فى حضنى قدامهم لأ جدك يقتلك لأ وكمان صالح واميمه الحضن بعد كتب الكتاب طب اعمل ايه أنا والنبي
رحيق ومحمد : مالك واقف مسهم كده ليه اتحرك خلينا ندخل ودخلو الي المنزل وكان الجميع موجود إلا سلسبيل والجد محمد
على: هي سولى فين
إيمان: دخلت مع جدو الاوضه علشان تديله الدوا
علي: امممممم طيب ما تنادوها تيجى تقعد معانا ولا هتنام من دلوقتى
نرمين لأ مش هتنام هى هترجع تقعد معانا لأن حمزه طلب منها نسهر مع بعض
علي: ذهب وجلس بجوار أخيه أنا آسف أنى مفهمتش كلامك وآسف على كلامى لسولي معاك حق تقول عليا غبي لأنى فعلا غبي وحمار
خالد: سمعتك بس غريبه أن سيادتك اعترفت دلوقتى
علي: رحيق فهمتنى كل حاجه وفتحت عينى على امور كانت غيبا عنى بس والنبي حد فيكم يقولي أعمل ايه لحسن أنا مش واخد على أنى اتكلم مع معاها بهدوء
حمزه: اتكلم باللي حسه من هنا وشاور على قلبه طلع الي مخبيه من مشاعر ليها حسسها بحبك ليها ويريت تبطل تعصبها فاهم
علي: ابطل اعصبها ازاى بس وبعدين أنا لو هطلع الي حاسه دلوقتى في قلبي هجيب عيال وافضحكم بقولكم ايه سعدونى الله لايسئكم لاعك الدنيا
حمزه وخالد : ماشي وربنا يستر منك
رحيق: بهمس لايمان وسندس ونرمين وحكيت لهم م دار بينها وبين علي فكرة من حوار إيمان بسعاده أخيرا
نرمين: انتى مبسوطه كده ليه ما إحنا كمان لازم. نتكلم معاها ونفتح عنيها هى كمان ومتنسيش إن فى عريس جاي بكرة
سندس: معاكى حق لازم نتصرف ما هو مش معقول علشان غبائهم إحنا نسكت
رحيق: لازم نتكلم مع سولي اوك قبل م الدكتور أحمد ييجى بكرة مفهوم ي بنات الكل مفهوم
الجد محمد: أنا مش جيلي نوم قومى تعالى هنا جنبي مالك زعلانه ليه وحاسس أنك عايزة تعيطى مين مزعل القمر بتاعي
سلسبيل: مفيش حاجه بس مرهقه وحاسه أنى عايزة أنام
الجد محمد امممممممم طيب تعالي نطلع للشباب برة نقعد شويه وبعدين ننام أنا وانتى يلا هاتى ايدك وخرجو سويا ودخلو إليهم فنظر علي الي سلسبيل وهب واقفا ولم يزحزح عينه عنها
حمزه: اقعد هتفضحنا مالك اتخشبت كده ليه
علي: مش عارف حاسس أنى أول مرة أشوفها امسكنى ي حمزه لحسن حاسس أنى هتهور
حمزه: نهارك مش هيعدى اترزى واقعد إيه الهبل ده أنا عارف لما تخطبها هتعمل ايه ....؟
علي بصوت عالي ومن غير ما يحس لا هكتب الكتاب أنا أنا بقولكم اهو
الجد محمد: نظر له بسعاده أنت ناوى تتجوز ي علي أخيرا وي تري بتحبها ولا جوازه والسلام
علي: نظر لجده هااااا حضرتك قولت ايه
حمزه: رد ما أنت صوتك كان عالي ي فضحنا رد بقي
علي: أصلي اكتشفت أنى لازم اتجوز أنا كمان اشمعنا أنا يعنى يلا علشان اريحكم منى ونظر على سولي
سولي: وهى مين الهبله الي ترضي بيك اكيد عورة ولا عمشه او ماسك عليها زله
محمد: سمعتك ي مجنونه بطلي علي شاب وسيم جدا وشخصيه مرحه والف بنت تتمناه تصدقي اوقات كتير بحسكم شبهه بعض أو بتكملو بعض فى حجات كتير مشتركه بينكم
سلسبيل: أنا وعلي شبه بعض حرام عليك ده لسانه فى حته ذياده أنا عندى وسكتت اه وأنا عندى حتتين ذياده بس ده ميمنعش أنى مش بغلط فى حق حد هو على طول بيغلط في حقي ومش عرفه ليه
محمد: اقولك أنا ليه اولا هما ممكن يكونو سببين السبب الأول أنه بيغير عليكى علشان انتم اخوات وده أمر طبيعى جداً بس أنا مستبعده أما الأمر التانى أنه بيغير عليكى علشان بيحبك ومش حب اخ لاخته لا حب حبيب لحبيبته فهمتى .....
سلسبيل: هاااااااا إيه الي بتقوله ده أنا وعلي لأ مستحيل ...
محمد : ده وجهه نظرى ك شاب أنا شفت الغيرة فى عيون علي عليكى وحتى كمان بصي وأنا بتكلم معاكى عينه بتطلع شرار ازاى شويه وهيقوم يقتلنى
سلسبيل: هااااااا ...
محمد: أنتى مالك كل م اكلمك متقوليش غير هاااااا ايه اخرسيتى مرة واحده
سلسبيل: أصل كلامك غريب أوى وكمان إحساسك غلط معقول علي يحبنى أنا وسرحت مع نفسها تتذكر مواقف كتيرة بينها وبين علي وأنه كان ديما بيحميها لما تغلط. ومكنش بيحب حد يزعقلها بالرغم من أنه هو إلي مسمحوله أنه يزعقلها
إيمان: لرحيق م تبعدى اخوكى عن سولي إلا علي كده جاب اخرة وحاسه أنه هيتهور
رحيق: معاكى حق .....
علي: محمد كلنا متجمعين إلا إيه المفاجئه الي محضرها لينا
محمد: اه صحيح أصل الي يقعد مع سولي ينسي نفسه
علي: كان هيقوم بس مسكه حمزه وخالد اتهد واقعد يخربيت ابو حبك ده ده انت فظيع
علي: يعنى عجبكم كلامه ده وعيزنى اسكت
حمزه: هو قال إيه غلط اسكت بقي الله
محمد ووقف وخرج لبضع دقائق ودخل وطلب من خالد يساعده فامسك اتنين من الصور المغلفه فشال محمد الورق من عليه فظهرت صوره عائليه تضم الجميع فهى كانت بغايه الروعه والجمال
عثمان: امتى إحنا أخدنا صورة زى دى غريبه مش الجنينه طيب ازاى
محمد: لما رحت مع اخواتى اخدنا صورة فوتوغرافية وأنا نقلتها بس ضيفت الباقيين علشان تبقي صورة عائلية إيه رائيكم
حمزه: روووووعه وفكرتها مجتش على بالي ابدا
خالد: بجد انت فنان مرهف الاحساس ونقلت كل حبك واحساسك في الصورة
صالح: فعلا تجنن تسلم ايدك بس مش هنعلقها هنا دى هناخدها للقصر هناك تتعلق
عثمان: ازاى يعنى أنت مش شايف أنه حاطط ابوه معانا فى الصورة ولا إيه
فتغيرت ملامح محمد إلي الحزن ونظر إلى جده حتى يسمع رايه هو .....
الجد محمد: وهو ينظر لمحمد تسلم ايدك يا غالي فعلا الصورة جميله جدا وفيها كميه من المشاعر أنت نقلتها بطريقتك ي فنان والصورة دى لازم تكون في القصر على طول مش هنا
محمد: ابتسم لجده وذهب اليه واحتضنه ودى المره الاولي إلي بيحضن فيها جده محمد
الجد محمد: ياااااااه وحشتنى ي محمد أخيرا جيت فى حضنى ليه ي حبيبي كنت حارمنى منك ليه
محمد: حضرتك إلي حر متنا وبعدت عننا ي جدو الواحد لما بيتعاقب بيكون لفترة معينه مش بيتعاقب العمر كله حتى المسجون بيعد الايام ولا السنين علشان يخرج سواء كان ظالم او مظلوم ده قانون الحياه ليه حضرتك فارض العقاب من غير مهله حتى محاولتش تشوف مين الظالم ومين المظلوم اتصدمت ي جدى ووقعت من طولك بس استسلمت وفضلت أنك تبعد وقفلت قلبك وعقلك ليه. ليه
الجد محمد: لأن كل كلمه قالها صحيحة فعلا ي حبيبي معاك حق فى كل كلمه بس كان لازم أعمل كده غصب عنى مش ضعف منى لأ بكره تعرف الحقيقه وإذا كان ليا عمر هتشكرني بس كل حاجه أنا عملتها كانت لمصلحه ابوك مش ده وقت أنى أتكلم مش وقته وبلاش اضعف قدامك هكذا كان يحدث نفسه
عثمان: بابا حضرتك ساكت ليه هو حضرتك هتاخد علي كلامه ده ولا ايه
صالح: عثمان متدخلش بين بابا وبين أحفاده ومحمد معاه حق فى كل كلمه قالها ولازم بابا يرد عليه ويوضحله وبالنسبه ليك إذا مش عجبك الكلام أطلع لاوضتك وبلاش تكمل
عثمان: هى دى اخرتها طبعا ما أنت لازم تدافع عنه ما هو اخو مراه إبنك فعلا الدنيا مصالح
صالح: لأ أنت اتجننت فعلا مصالح ايه إلي هتكون مع إبن اخويا والي هو ابن أخوك ولا نسيت أنه من لحمك ودمك ولا الدنيا بالنسبالك مصالح فشايف كل الناس ذيك فوق بقي من إلي أنت فيه واتعامل صح ولو لمرة واحدة أنا زهقت من تصرفاتك زهقت ....
الجد محمد: والله عال ولا كأنى واقف ولا في اى إحترام ليا ونظر لعثمان وأنت هتحجر عليا ومش عيزنى اخد قرار ولا اكنش كبرت وخرفت
عثمان: لاسمح الله بس أنا حسيت أن محمد بيتكلم معاك وعرف يدخلك صح لأنه واثق أن قلب حضرتك كبير ومتقدرش علي زعل احفادك
الجد محمد: كويس إنك فاكر إنه حفيدى هنا كده خلص الكلام ونظر لمحمد حفيده وأنت ي حبيبي هيكون ليك عندى قعده كبيرة بس عيزك توعدنى بحاجه ي محمد ويريت متكسفنيش متكسفش جدك الي الله اعلم ليه فى العمر قد إيه
محمد والجميع: بعد الشر عليك
محمد: حضرتك تامرنى وأنا هنفز علي طول ...
الجد محمد: عيزك مع إخواتك فى الشركه تساعدهم وتكون عون ليهم علشان قوتكم فى بعض وحبكم هو هيكون طريق النجاح قولت إيه .....
عثمان: لأ ده كده بابا اتجنن بقي أنا اخلص من جمال تحطلي إبنه ما هو أكيد زى ابوة أنا هعمل إيه ولا إيه بس كل ما اقول هتتعدل الاقيها بتتعقد طيب والعمل
محمد: سبنى افكر وارد علي حضرتك والي فيه الخير يقدمه ربنا
حمزه: أكيد وجودك معانا هيكون خير لينا وللشركه وكمان طنط هناء برجوعها للشركه هتضيف كتير ونتعلم منها ورحيق بعد الجواز مكانها موجود
وأنت ي محمد يريت تكون معانا ارجوك فكر كويس
عثمان: لأ دى احلوت قوى هى وصلت لكده حمزة عملي فيها رئيس عصابه وهيشغل العيله كلها والله عال
خالد: وأنا كمان اتحمست وهشتغل معاكم في الشركه
عثمان: ههههههههههههه طيب وأنت ي دكتور هتشتغل ايه ولا هى هلفطه والسلام
خالد: أنا عمرى ما بهلفط بكلامى أنا دكتور وهشتفل دكتور للعمال والموظفين وبدون أجر كمان داخل الشركه والحالات الي ظروفها بتكون صعبه ومحتاجه جراحه أنا هتكفل بيها وبكده نكون بنامن على العمال والموظفين وبنديهم إحساس جميل بأن الشركه بيت تانى مش مجرد وظيفه وبس لازم يكون قلبه على الشغل واحنا قلبنا عليه فهمتنى ي بابا
حمزه: والله برافو عليك كانت غايبه عنى فين الفكرة دى ولازم نعملهم تأمين صحي ونهتم بكل كبيره وصغيرة
هناء: الشركه دى بتعتكم أنتم ولازم تهتمو بيها لأنها هتكبر بيكم ولما تتحدو وتكونو ايد واحده محدش هيقدر عليكم أنا هساعدكم لفترة معينه بس بعدها هتقاعد لأنى كبرت خلاص حتى عمكم عثمان كفايه عليه لكده ولازم يرتاح من الشغل شويه أو نفتح مكتب صغير باسم جديد للعقود بتاعه البناء وتكون خاصه بالشركه بالباطن ويمسكها عثمان لأن ده مجاله
عثمان: خليكى فى تعبك ولا الضرب اثر على تفكيرك اانتى عيزانى بعد العمر ده كله افتح مكتب صغير واخد وادرس العقود بعد ما كنت مدير شركة
هناء: ولما كنت مدير عملت ايه نزلت الشركه لمرحله أنها كانت هتشهر إفلاسها بس البركه في حمزه جه وصحح أوضاع كتير أنت ي عثمان لازم تعرف قدر نفسك وبلاش تطلعات لفوق اعرف أنت بتفهم في إيه واشتغل علشان تعرف تكبر شفلك مش تاخد شغل على الجاهز ويريت عرفت تحافظ عليه
عثمان: بمنتهى الغيظ ممن ردود هناء مشي باتجاهها ورفع ايده كي يضربها ولكن يد من حديد كانت مسكت ايده فنظر خلفه وراي خالد ممسك بيده أنت هتعمل ايه وازى ترفع إيدك عليها ولا ده عادى عند حضرتك ونزل ايد والده ونظر له دى اخر مرة ترفع إيدك عليها لأنى مش هسمحلك تلمسها تانى لأ قدامى ولا من ورايا ودلوقتى أرجع مكان م كنت واقف وبلاش أعلي صوتى
عثمان: بزهول من موقف إبنه له فتأكد أن هناء هى من قالت له عن ضربه لها ونظر لهناء بوعيد
الجد محمد: يلا ي اولاد تصبحو على خير وأنت ي محمد فكر ي حبيبي فى الكلام ده ماشي
محمد: جدى أنا موافق مش معقول اخواتى يتحدو وأنا أكون ناقص ومش موجود أكيد هكون معاهم
الجد محمد: ريحتنى ي أبنى ربنا يريح قلبك زى ما ريحت قلبي وتحدث لهم رتبو اموركم علي شغلكم الجديد مع بعض وأنت ي حمزة عيزك تشوف مكتب كويس في وسط البلد فكرة هناء ممتازة واهو عثمان يكبر المكتب ده فى فترة بسيطه أنا واثق فيه وفى قدراته
حمزه: بعد أذن حضرتك ي جدو أنا محتاج عمى معايا في الشركه لأن خبرته كبيرة وأنا بستعين بيه اوقات كتير وبعدين ناجل كلام فى الشغل لما نرجع
عثمان: باستنكار بقي حمزة عيزنى معاه فى الشركه طيب ازاى يبقي هو مكتشفنيش ولا حاجه الله اماال لعب ازاى فاوراق المناقصه دى وازاى أنا اخدتها وغرقت الشركه التانيه بس هو كان يعرف منين أنى هبات عنده كله كان صدفه ......يووووه أنا مش عارف افكر بكرة هتصل واعمل كام تليغون وبعدها هقرر مصيرك ي حمزة ...... ؟؟؟؟
الفصل ١٢★ اسرار القلوب ★ الجزء الثاني
عثمان: باستنكار بقي حمزة عيزنى معاه فى الشركه طيب ازاى يبقي هو مكتشفنيش ولا حاجه الله اماال لعب ازاى فاوراق المناقصه دى وازاى أنا اخدتها وغرقت الشركه التانيه بس هو كان يعرف منين أنى هبات عنده كله كان صدفه ......يووووه أنا مش عارف افكر بكرة هتصل واعمل كام تليغون وبعدها هقرر مصيرك ي حمزة ...... ؟؟؟؟
***************************
الجد محمد: يلا ي سولي خلينا ننام تصبحو على خير
حمزه: نظر لسلسبيل فطمئنته وهى ممسكه بيد جدها
محمد: رحيق وانتى كمان يلا خلينا نروح
هناء: لأ رحيق هتبات معانا أنا مش كلمت بابا أخدت الأذن منه وكمان البنات هتجهز علشان عريس سولي جاى بكرة والبنات هيجهزو حلويات
محمد: طيب هو ده وقته طيب يختار الوقت الصح لما تخفي هو مش عارف أننا هنكون مشغولين بحضرتك.....؟
علي: اه هو إنت كمان بتغير عليها لا أنا مش متحمل كلمه ذياده ونظر لحمزه متسكت اخو المدام علشان أنا جبت اخرى منه لحسن أنا مش مجمع أصلا من الي حاصلي
حمزه: وأنت مالك ومال محمد كمان قال إيه هو بيوضح وجهه نظرة وبعدين ده يزعلك ليه
علي: ااااااه ما أنت متعرفش أن الأستاذ عريس تانى لسولي مراه عمى عايزة تتقدملها. ونرمين قالتلي وبصراحه أنا مش ناقص أنا الهبله اكلمها قبل م تنام علشان هى زعلانه مني اتصرف بقي بدل ما اخربلكم الدنيا
خالد: لحمزه وبعدين ده مجنون ويعملها وأنا بعت رساله لعمك علشان ييجى كمان نص ساعه تعالى نطلعله سولي يعتزرلها خليه ينام
حمزه: لعلي خلاص أنا هكلمها بس عارف لو عكيت أنت حر
علي: من العك ربنا يستر بقولك ايه أنا خايف اصلا بطل تقلقنى أنا برتب هقولها إيه
حمزه: ترتب إيه أنت اهبل أنت تقولها أنا اسف مكنتش اقصد كلامى وبس وتطلع تنام بعدها سمعت
علي: أنت بتشخط فيا ليه شيفنى خبرة مثلا أنا اخري كده ازعلها اعصبها بقولك ايه انجز وخليها تطلع فى أم الليله دى لأنى وربنا اولع فيها وفيا وكمان محمد ده
خالد: لا إنت كده حالتك صعبه أوى ربنا يستر عليك تعالى سولي اهى ردت وطالعه وأنت أبعد أنا هطلب منها شاي وابقي ادخلها واعتزر ماشي هما كلمتين وتطلع علشان عرفك عكاك
علي،: طيب خليكم جدعان ونبهونى لما اغلط خليكو ورايا والنبي بسسسس اهى سولي جايا باى
سلسبيل: خير عيزين ايه لسه جدو مرحش فى النوم أوى
حمزه: لأ بس حاسس بصداع وقولت إذا مفيهاش تعب تعمليلي شاي ممكن
سلسبيل: بس كده حاضر اجيبلك بنادول مع الشاى
حمزة: لأ هشرب شاي وهرتاح علي طول
خالد: طيب ممكن أنا كمان شاى او نسكافيه إلي يعجبك
سلسبيل: مش انتم اتجوزتو م تتطلبو الستات إلي اتجوزتوهم ولا هما يرتاحو صح وأنا إلي اتبهدل يعينى عليى ي لووزة يلا كله بثوابه
حمزه: لخالد شايف البت بتقول ايه والله ما عارف دول هيبقو عاملين اذاي مع بعض
خالد: دول مش هيريحو حد ولا حتى نفسهم
حمزه: الواد دخل ولا لسه ....
خالد: اهو واقف على الباب تعالي معايا
حمزه: بهمس خلص وادخل ولا عايز عزومه سيادتك
خالد: انجز مش فضيين عيزين ننام يلا
علي: محتاجه دفعه مش قادر ادخل قولولي اى حاجه
خالد: اقترب منه وزقه جامد ودخله للمطبخ
حمزه: إيه الي عملته ده .....
خالد اديته زقه ما ده مينفعش معاه غير الزقه دى
علي: بخضه هااااا انتى هنا بتعملي ايه
سلسبيل: لأ مش هنا أنا.... أكيد بيتهيئلك ......
علي: أنتى زعلانه منى ي سولي حقك عليا ي ستى ومش هزعلك تانى
سلسبيل: ايه ده هو بيعتزر ولا أنا مالى اكنشي عيانه ولا كلام محمد فعلا صح لا لا محمد بيقول وجهه نظرة
علي: مش بتردى عليا ليه يبقي لسه زعلانه
سلسبيل: تقدمت نحوه خطوة ونظرت له كي تجس حرارته أنت سخن مالك ي علي
علي: نظر اليها وكأنه أول مره يشوفها وبيقول لنفسه أد إيه هى جميله فعلا ده أنا فعلا حمار كنت هضيع حببتى من ايدى ..... إيه ده أنا قولت حببتى
حمزه: لخالد الحق الواد من لمسه اتشل ده لازم نلحقه ليتهور ...
خالد: بس أنت هيتهور من إيه ومع مين سولي ي راجل أعقل
سلسبيل : ي اخ أعلي أنت جاي تفقد النطق هنا اطلع نام يلا
علي: هااااا بتقولي ايه هو أنا سخن
سلسبيل: لأ أنت زى الفل يلا اطلع نام وأنا مش زعلانه منك بس ممكن متبقاش تشتمنى تانى علشان بزعل
علي: بتوهان اكتر الهى لو زعلتك ما الحق الغدا ولا العشا وانام جعان
سلسبيل: الهي تطلع من نفوخي وتنام أنت همك الأكل ي علي .....الله يكون فى العون
علي: يعنى مش زعلانه منى خالص بالله عليكى
سلسبيل : لأ مش بعرف ازعل لا منك ولا من أى حد ارتاح واطلع نام وكفايه عليا أنك حسيت أنك زعلتنى وجيت تصالحنى قبل م تنام
علي: بابتسامه لها هو أنا ااقدر أنام وانتى زعلانه ده حتى وحش عليا
حمزه: هو الواد ده بيقول ايه .. وايه العك إلي بيقوله بقي مش عارف يقولها كلمه حلوة يلفت نظرها غبي
خالد: وسعلي كده وشاور لعلي بان يتكلم معها وبدأ يعمله حركات بايده ويلقنه بعض الكلمات
علي: عينه على خالد وهو بيقوله قولها أنك غاليه عندى اوى فوق ما تتصوري
علي: سلسبيل انتى لازم تتصوري لاقصي حد ممكن
خالد: هاااااا
سلسبيل: اتصور فوق ما اتصور ازي ليه هو أنا هقابل العريس وبالليل هتكتبو الكتاب
علي: نعم يكتبو ايه كتابك ده أنا ادفنك الاول واصورك صورة بشهاده الوفاه سمعه واقترب منها بت انتى أنا ماليش فى جو الحب والبتاع ده ومش عارف اجمع كلمتين على بعض
سلسبيل: اهدى مالك مش أنت الي بتقولي اتصوري أنت مجنون
علي: اه اااااه مجنون وطلعت مجنون بيكى وبحبك ومحدش هيتجوزك غيري ي سولي انتى سمعه
سلسبيل: هاااااااااااا
علي: أنتى هتفقدى النطق دلوقتى الي سمعتيه ويلا تصبحي على خير وطلع وزق خالد وأنت كمان تصبح على خير قال اتصور قال ليه هوديها معرض الكتاب اوعي منك ليه
حمزه: وخالد هههههههههههههههههههه.ههههههههههههههههن. ههههههههههههه
ونظرو لسلسبيل لاقوها فتحه فمها على الآخر ومسبهله
خالد: وبعدين عمك على وصول ومش عرفين جدك نام ولا لسه دى بينها ليله فله
حمزه: سولي ..سولي الوووو
سلسبيل: هاااا نعم فى إيه عايز حاجه تصبح على خير
حمزه: استنى هنا مالك انتى نسيتى ولا إيه عمك جمال
سلسبيل: هااااااا عمو ماله في حاجه
خالد: ي لهوي انتى جالك زهيمر دلوقتى لأ بالله عليكى مينفعش فوقي ي حببتى عمك جمال جاي يشوف جدك وانتى دلوقتى هتدخلي تشوفي جدك نام ولا لسه يلا بقي
سلسبيل: هدخل اهو وهبلغكم
حمزه: سلسبيل فوقي والنبي من الي انتى فيه مش عيزين حد يحس علينا سمعانى
سلسبيل: هااااااا اااه ااااه سمعاك إلا أنت عايز ايه منى .....؟
خالد: مش قولتلك الليله دى بايظا سولي ي حببتى انتى نسيتى أن عمك جمال جاي يشوف جدو ولازم يكون نام ها ا افتكرتي
سلسبيل: اه صحيح دى أنا نسيت هدخل واطلع ابلغكم هو عمى فين ......
حمزه: واقف برة مستنى علشان يدخل وانجزى بقي وبلاش حاله التوهان دى
سلسبيل: توهان ايه أنا كويسه اهو ثوانى وارجعلكم ودخلت لجدها واطمئنت بأنه نائم فخرجت لحمزة وخالد نادى على عمو جمال ادخل معاه ولا ولا هو عايز يكون لوحده بس جدو نومه خفيف وخايفه ليصحى ....
حمزه: متقلقيش إن شاء الله خير روح ي خالد نادى عمك من برة وأنا هقف هنا على السلم لحد ينزل وسولي وأنت خليكم قدام الباب ماشي أى حاجه تحصل و جدكم صحي يريت تغطو على عمى وتطلعوة بسرعه
سلسبيل : اوك تمام ربنا يستر ودخل جمال ونظر لحمزه وطمئنه فدخل واغلق الباب خلفه فجلس بجوار والده وقبل يده وراسه ونزل الي قدمه وقبلها وبكى جمال تحت اقدام ابيه
الجد محمد: كفايه بكى ي حبيبي كفايه تعالي هنا فى حضن أبوك وحشتنى ي أبنى وحشتنى
جمال وأنت اكتر ي بابا أنا مش متصور أنى فى حضنك مش مصدق
الجد محمد: لوله حمزة مكنتش عرفت اجي ولا اشوفك من يوم حدثه ماهر وأنا والصدمات كانت جامده لكن مكنتش متخيل إن ابنى يكون بالاخلاق دى أنا بعدتك عنه وعن القصر علشان تعرف كل حاجه واهو جبت حمزه كمان علشان الشركه بس إلي مخوفنى إن حمزه كأنه يعرف حاجه وأنا بدأت أخاف عليه
جمال : فعلا حمزه عارف كل حاجه وحاسس أنه مخبي عنى حجات كتير وإلي مخوفنى اكتر وجود حمزة وانت وأنا عرفين حمزة كلامه قليل وغامض وأنا خايف من عثمان عليه أو بمعنى اوضح الناس الي شغال معاهم
الجد محمد: المهم عندى حفيدى أنا جبت حمزه علشان الشركه لكن كل تصرفاته بتقول أنه يعرف حاجه وهو بيلعب مع ناس ميعرفوش الرحمه وعلمو ابنى جموديه القلب
جمال: حمزه مش بيقول غير إلي عايز هو بس يقوله وأنا حاولت مع رحيق البنت كمان متعرفش حاجه المهم أنا مش عيزك تقلق وأنا غصب عنى حكيت لمحمد الوضع الي أنا فيه وليه أنا هنا فى البلد لأنه كان واخد موقف من حضرتك وكان لازم محمد يتواجد معاهم الشباب قريبين من بعض وأنا فخور بيهم وبتمسكهم ببعض المهم محمد هيكون عيونه على الكل وهيبلغنى بكل كبيرة صغيرة أنا إلي يهمنى حمايه حمزة وبعدين أنا قربت للناس دى أوى بس عايز أسألك سؤال حازم وعمه توفيق أنا حاسس أنى أعرف توفيق بس مش عارف شفته فين أنا خايف ليكون مع الناس الي تبع الشغل بتاع عثمان وخصوصا أنه جاي من برة يعنى وجه جديد علي الجميع بس الأغرب أن حازم فعلا شخصيه ممتازة وفيه كتير من حمزه بس مقدرش الغي خوفي على حمزه
الجد محمد: طيب أنا هقعد مع حمزة واحكليه كل حاجه ولازم أعرف منه كل حاجه مش هينفع اخبي عليه أنا جبته علشان الشركه والحمد لله نجح لكن مش جايب حفيدى لأجله أنا ممكن أروح فيها
جمال: بعد الشر عليك أنا هروح دلوقتى علشان الشباب ميلحظوش حاجه بس كمان لازم تعرف أن خالد عرف وبقي عينه على حمزه خالد بطبعه يتخاف منه ومن تفكيرة أنا كنت عيزك تحكى لحمزه وتأكد ميتكلمش مع خالد دلوقتى
الجد محمد: أنا عملت إيه بس في دنيتى ولا قصرت فى ايه مع عثمان علشان يورط نفسه مع ناس ذي دى وكمان هيورط احفادى مش كفايه إلي عملوة الناس دى فى ماهر الله يرحمه
جمال: لنفسه طبعا حضرتك متعرفش إن إبنك هو الي أمر بقتل جوز بنتك وأيده ملطخه بدمه وبدم ناس كتير ماتو بسبب مشاريعهم الفشله لمجرد أنهم كل همهم الفلوس ...
الجد محمد: أطلع أنت ي حبيبي علشان مش عايز حد يحس باي حاجه وإلي فيه الخير يقدمه ربنا
جمال: حاضر بس خلي بالك من نفسك ومش عايز منك أى انفعال ومنتظر تقولي حمزه وصل لايه لأن أنا فى حجات مقدرتش أوصلها أبدا وإذا حمزه وصلها هيوفر عليا كتير
الجد محمد: بكرة إن شاء الله هقعد معاه واتكلم يلا قوم أنت دلوقتى تصبح على خير وخلي بالك من نفسك عيزك تكون حريص أنا هكمل نومى ويلا أنت
خرج جمال من الغرفه وباين على عيونه البكاء فاقترب منه خالد عمى أنت كويس جدى حس بيك
جمال: لاء جدك نايم يلا تصبحو على خير
سلسبيل: وأنت من أهل الخير ونظرت من خلف الباب فرأت جدها نائم
حمزه: واقف مكانه وسأل سلسبيل واقفه كده ليه متدخلي تنامى
سلسبيل: مفيش مش جيلي نوم بس ممكن أسألك سؤال ......
حمزه: اسألي واختصري ماشي ......
سلسبيل: هو ايه ده ايه إلي اسألي واختصري ما تقولي اخرسي احسن الله خلاص مش هسال تصبحو على خير
خالد: بصراحه أنا فصلت يلا ي حمزة عندنا بكرة يوم مشحون
**********************
صباح تانى يوم بدأ الجميع للاستعداد لمجيئ الدكتور أحمد والدته
اميمه: خلاص ي بنات كله تمام جهزتو كل حاجه
إيمان: اه كله جاهز حلويات وعصير وفاكهه واطباق فروت سلات
نرمين: دول اتنين بس ليه يعنى كل ده كتير والله
سلسبيل: صباح الخير عليكم أنا جعانه وعطست
اميمه: إيه اخدتى برد تعالى اعملك ليمون سخن واديكى دوا للبرد
حمزه: مين عيان وهياخد دوا
رحيق: العروسه عيانه شايف وشها عامل اذاي
حمزه: ما كنتى كويسه وأنتى معانا بالليل إيه اخدتى عين ....خلاص نشوف خالد يديكى دوا علشان يفوقك
علي : مين عيان وهياخد دوا ومالكم متجمعين هنا فى المطبخ ليه
حمزه: سولي اخدت برد جامد وهنديها دوا والبنات بيجهزو حلويات علشان الضيوف إلي جايا
علي: بهمس لأخيه الله مش فضينا الحوار ده ولا إيه ده حتى وشه وحش وسولي عيانه وكمان أنا قولتلها على مشاعري
حمزه: مينفعش نقول للناس امشو وكمان هى منعرفش رأيها إيه بالنسبالك سيب كل حاجه لوقتها
علي: اسيب ايه لما تجوزها أنت بتتكلم ازاى مستحييييييل أنا هكلم جدى عن أذنك
سلسبيل: أنا مش قادرة هدخل أنام شويه يمكن افوق
اميمه: طيب نامى وأنا جايا وراكى بالليمون
حمزه: مالك ي ماما شكلك زعلان حد مديقك ولا ايه
اميمه: بصراحه أه أنا هتجنن بقي سولي تتجوز وتاخد واحد غريب أنا كان نفسي علي يتجوزها أنا حاسه إنه بيحبها مستحيل احساسي يكدب عليا
حمزه: تعالي معايا برة ي ست الكل فعلا علي بيحبها واعترفلها بس هى متكلمتش وممكن يكون الحب من طرف واحد لأنها سكتت ومفيش قدمنا غير نصبر لما ييجى احمد وهنشوف قرارها إيه
اميمه: بضحكه جميله هترفض أنا متاكده لأنها بتحب علي أنا متأكدة ي رب أجعلها من نصيب أبنى ي رب
علي: اذيك ي جدى عامل ايه
الجد محمد: امممممم قول عايز ايه من غير مقدمات ما أنت متقعدش القعدة دى إلا وأنت عايز حاجه
علي: أنا عايز اتجوز واتجوز سولي بنت عمتى ومشي العريس الي جاي علشان مقتلوش أنا قولت اهو عن اذنك..وهب واقفا وخرج من أمام جده
الجد محمد: ههههههههههههه أخيرا نطقت ي علي ماشي محدش هيربيك غيري
اميمه: سولي قومى ي قمري خدى الدوا ده ويلا قومى علشان تستعدى وهتشوفي هتلبسي إيه
سلسبيل: حاضر بس اخد الدوا وانام نص ساعه وهقوم كويسه
إيمان: نفسي أعرف جالك منين البرد ده م كنتى فله ومفيش أي حاجه
سلسبيل: لأ أصل طلعت الجنينه بالليل ونمت على المرجيحه وقومت متلجه وحسيت بأن وشي مش موجود. وحتى مناخيري حساها ورمه ليه أنا يظهر كده هبقي مشلفطه النهارده
نرمين: اه كلك مشلفطه بس قمر ذي ما انتى انا هجهزلك اللبس وانتى نامى شويه وقبل م يوصلو هنصحيكى ماشي
سلسبيل: ماشي يلا بقي لحسن راسي تقيله أوى
علي: إيمان مالها سولي فيها إيه .....
إيمان: طلعت الجنينه ونامت على المرجيحه للصبح طبعا بردت جامد واهى عييت
علي: أنا السبب أكيد معقول تكون مش بتحبنى ... لأ لأ بتحبنى هو أنا مالى اتجننت ولا ايه ربنا يستر
إيمان: هييييي سرحان فى إيه كلمنى ...
علي: هو أنا ممكن اطلب منك طلب صغير بس تنفذيه ماشي
إيمان،: إذا ااقدر .....
علي: هتقدرى عيزك تدخلي لسولي وتكلميها وتساليها رأيها إيه فى إلي قولته ليها بالليل علشان أعرف أنا إيه عندها
إيمان: مش لما أعرف أنا الأول تعالي احكيلي لأنها نايما واهدي عليا وبدأ علي يحكى لايمان على ما حدث
إيمان: برااااااافو عليك يبقي أنا كده فهمت جالها برد من إلي عملته فيها يعنى بتفكر يعنى في أمل
علي: أمل إيه وعمر عايزها هى لسه هحلم واقول عندى أمل لأ بجد صعب ماليش فيه
********************
بعد مرور ساعه دخلت كل من نرمين وايمان على سولي وبدأوا يصحوها من النوم
سلسبيل: إيه سيبونى أنام عيانه اوووووف
نرمين: قومى اجهزى الدكتور أتصل وهيكون هنا خلال نص ساعه قومى
حمزه: وبعدين علي هيولع فينا ومش بعيد يدى أحمد في وشه بوكس معتبر لما يدخل
خالد: ربنا يستر أنا كلمته وهديته بس أنا عارف عامل ذي الثور الهايج كده ليه والغربيه جدك فرحان أوى يبصله ويضحك
حمزه: جدى امممممم جدى ده راجل خطير محدش قده وابتسم لخالد تعالي نشوف الثور ده
وبعد مرور الوقت وصل أحمد ودخل مع والدته وأخته والجميع رحب بهم
إيمان: يلا ي قمر بس عايزة قبل م تخرجي هقولك كلمه واحده علي بيحبك أوي وانتى كمان بس مكنتوش واخدين بالكم بسبب نقاركم حاولي متتسرعيش وخدى قرارك بتروي
سلسبيل: هزت رأسها بالموافقه من غير ولا كلمه وخرجت كى تسلم على الضيوف
صالح: منور يا دكتور ...
أحمد: البيت منور باصحابه
عثمان: فين عروستنا مجتش ليه لدلوقتى ولا بتتقل من أولها
علي: لأ هتتقل ليه دى عيانه عندها برد جامد
احمد: ألف سلامه عليها اخدت حاجه للبرد
خالد: اه اخدت وبقت أحسن دلوقتى
والده أحمد : ألف سلامة عليها وثوانى ودخلو البنات وهما شيلين الصوانى ومعاهم سلسبيل
وسلمت سلسبيل واتعرفت علي الجميع واندمجت اكثر مع اخت أحمد هى فتاه جميله وهاديه
إيمان : أسمك إيه أنا ايمان وشاورت علي الباقين وعرفتها بيهم ودى نرمين ورحيق وسندس وأنتى
فردت عليها أنا هديل دكتوره صيدله
نرمين: بسم الله ماشاء الله شكلك صغنون اوي
علي: بص عليهم البنات دول بيعصبونى ازاى دول بيحلو الجو للبت سولي هى مش عيانه النفس وحش عليها المفروض تنام
حمزه: انت تسكت ولا كلمه فهمنى عيب
علي: عيونه على سلسبيل وهى الاخري من وقت للاخر تنظر له فحس علي أنها تتألم
نرمين: مالت على سلسبيل مالك حساكى تعبانه وبتتغضي علي إيدك جامد حاسه بحاجه ...
سلسبيل: مش عرفه فى ألم جامد أوى فى بطنى وظهرى ومش حاسه اني قدرة اتحمله خالص
نرمين: تحبي تقومى طيب تدخلي الاوضه
سلسبيل: لأ طبعاً ميصحش وسكتت ولكن عيون علي عليها فهو متأكد أنها بتتالم
أحمد: طبعاً أنا يشرفنى أنى اتقدم للانسه سولي واطلب أيدها وبدأ يتحدث عن عيلته وأسرته وعن إمكانياته ومرة واحده سمعو صرخه مدويه فإذا بسولي تصرخ ألما وتقع على الأرض أمام الجميع ......
****************
تكملة الرواية من هناااااااا
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله الجزء الاول من هناااااااااا
الرواية كامله الجزء الثاني من هناااااااااا
مجمع الروايات الكامله اضغط هناااااااا
مجمع الروايات الكاملة 2 اضغط هنااااااا
 الفصل الحادي عشر والثاني عشر بقلم رانيا قنديل رواية اسرار القلوب( الجزء الثاني) الفصل الحادي عشر والثان…){kind=link}
تعليقات
إرسال تعليق