رواية حب لا يجوز شرعا الفصل السابع عشر والثامن عشر بقلم ورد سليم
رواية حب لا يجوز شرعا الفصل السابع عشر والثامن عشر بقلم ورد سليم
حب لا يجوز شرعاً
١٧ و ١٨
جاسر بغضب... اقدر افهم ايه اللى بيحصل بالظبط وومين اذنلك تفتش العربيات.
الظابط..حالا هفهمك وبص للعسكرى اللى جاى عليه..
ها لقيته حاجة
العسكرى.. تمام يافندم البلاغ صحيح.
جاسر وقد بلغ الغضب اشده ..فى ايه بيحصل عايز افهم
الظابط وبص لجاسر..فى ان حضرتك مطلوب القبض عليك يا جاسر بيه بتهمة تهريب مخدرات.
جاسر بصدمة.. ايييه مخدرات.
الظابط بص للعساكر وارتدى نظارته مرة اخرى ...هاتووه
؟؟؟؟؟؟؟؟؟؟؟
جاسر بزهوووول.. لوسمحت محدش يلمسني وانا جاي معاك بارادتي لان اكيد فيه حاجة غلط ممكن اعرف اللي بلغ حضرتك بلغ عن مين بالظبط
الظابط بنفاد صبر.. عن جاسر توفيق علام توفيق علام. واتفضل معانا منغير شوشرة
************************
اما عن توفيق اختفي تماما بمجرد ما بلغ عن جاسر وقرر انه مش هيهرب برا البلد غير لما يدمر مستقبل جاسر ويحرق قلب جهاد عليه وفكر كتيير انه يبلغ عنها ويرفع عليها قضية نسب لكن انتقامه وتفكيره الشيطاني كان اكبر من قضية النسب بكتير توفيق عارف انه كده كده كان هيتكشف يعني هيتكشف انه شغله الاساسي اللي مداري ورا الشركة وورا شغل مروان وجاسر اللي ميعرفوش عنه حاجة واللي هي المخدرات لكنه كشف نفسه بدري علشان ينتقم ومستناش زي ما چاك قاله......
((((((((في الڤيلا)))))))
في التليفون.....
جهاد بصدمة ..انت بتقول ايه ..ابني اتقبض عليه
توفيق.. اهدي بس يا جهاد متعمليش في نفسك كده
جهاد بصراخ.. اهدي بتقولي ابني هيتحبس في مخدرات وتقولي اهدي يا اخي انا اللي مش عارفة انت اللي هادي كدة واعصابك تلاجة ازاي وهو ابنك مقبو............ قاطعها توفيق
توفيق بمنتهي العصبية..اسمعيييني.. اوعي اسمعك تقولي الكلمة دي تاني انا سمعتك وانتي بتعترفي يا فاجرة انه مش ابني وكل يوم عدي وانتي مشيلاني عيل من راجل تاني هطلعه علي عينك وعين ابنك انا ممكن احبس وارفع عليكي قضية اسقاط نسب
لكن مش هستفاد من حبسك حاجة انما هستفاد اكتر وانا بحرق قلبك ع ابنك اللي خدعتيني بيه طول السنين اللي فاتت وعلي فكرة انا اللي مبلغ عنه ولسة مش هسيبه غير لما اقضيلك عليه وابقي دوري علي ابوه علشان ينقذهولك مني
((وقفل في وشها التليفون))
جهاد بعياط وصراخ.. تووووووفيق توفيق.. ورمت السماعة من ايدها..
..يااامصبتي االسودا ابني.. ابنيييي..... ابني هيرووح ابني هيروح مني
مها جات علي صراخ جهاد مخضوضة ومروان نزل من فوق هو ومني
مها.. في ايه؟
مروان... ايه يا ماما في ايه ؟
جهاد بانهيار.. ابني ابني جاااااسر هيضيع توفيق... توفيق منك لله منك لله يا توفيق حسبي الله ونعم الوكيل
مروان بقلق.. يا ماما اهدي علشان نفهم في ايه
جهاد.. توفيق بلغ عن جاسر ولفقله قضية مخدرات
مروان.. ايه ويعمل فيه ليه كده يا ماما
جهاد.. انا هقولك كل حاجة بس ابني يخرج وا.......... . ..
وقبل ماجهاد تخلص كانوا سمعوا صوت حاجة اتهبدت في الارض
مني.. الحقني يا مروووووان مها اغم عليها
***************************
((((((فى القسم ))))))))
يجلس جاسر امام مكتب المحقق .
ادهم.. يعنى انت بتنفى التهمة اللى متوجهالك
جاسر..بالظبط كدا زى ماقولتلك ان توفيق بيه والدى قالى اروح استلم البضاعة لانه مشغول وانا اتفاجئت باللى حصل ومعنديش اى علم مين ورا البلاغ دا ومين ليه ايد فاللى حصل وليه..و زى ما انت عارف انا رجل اعمال معروف وليا اعداء كتير ف متستبعدوش دى من القضية
ادهم.. والله يا جاسر بيه الكلام دا كله مظبوط بس انا ليا بالحقائق وفى محامى هايجى ونيابة وتحقيق وكل حاجة هتظهر وتأكد ان لو انت برئ فعلا انا معاك .انت من انبل رجال الاعمال وغنى عن التعريف
جاسر كان قاعد ب ثقة ووقار كدا .. دا شرف ليا طبعا بس زميلك اللى جه وفتش العربيات اسلوبه معجبنيش خالص وانا كان ممكن اتصرف معاه تصرف مش هايعجبه لانه ميعرفش بيتعامل مع مين ولا ايه .
ادهم بحرج.. احم شريف طول عمره متهور بس هو شهم جدا وبيحب عمله فوق الوصف اعذره وبتأسفلك عالطريقة اللى كلمك بيها بالنيابة عنه
جاسر.. خلاص محصلش حاجة انا ممكن اكلم المحامى بتاعى. يجى
ادهم.. اكيد يافندم اتفضل.
طلع حاسر موبايله وطلب رقم.
عند مازن فالبيت
يرن موبايله ويقوم بتثاقل من عالسرير لكى يطفئ هذا المزعج..ولكنه يعيد الرن مرة اخرة
مازن. يوووووه ياخربيت الزن ..وفتح الاتصال حتى جائه صوت جاسر المنزعج من طول مدة الرن
جاسر..انت هتفضل بنى ادم مستهتر كدا على طول ساعة علشان ترد .
مازن بنعاس ..ياخى الناس بتقول صباح الخير الاول .وانت قطر داخل فيا
جاسر بصرامة..مازن اتفضل قوم البس وتعلالى حالا انا فالقسم
فزع مازن من الخبر واعتدل فى جلسته.
..ايه مالك ياجاسر قسم ليه فهمنى
جاسر.. مش وقته دلوقتى انت تعلالى بسرعة وهتفهم كل حاجة. ومتعرفش حد انى هنا فاهمنى يا مازن
مازن.. حاضر حاضر انا جاى حالا
واغلق الخط ودخل ياخد دوش يهدى اعصابه ولبس بسرعة ونزل ولم ينتبه ٢٠ مكالمة فائتة من سلمى .
*******************
اما عند سلمى تجلس بأنهيار على السرير
ليه يامازن مبتردش ليييييه .
ويدخل عليها فوزى بعصبيه ووراه احلااام
احلام..ياخربييييتك ماتسيبها ف حالها انت اييييييه
وهنا انتفضت سلمى من جلستها على يد فوزى المطبقة على شعرها.
فوزى..بقولك اييه ياروح امك جو العياط دا ميخلش عليا انتى تتصلى بالمحروس بتاعك وتعرفيه زى ماقولتلك وتديله شبكته يغور بيها شبكة سودة.
سلمى بعياط ونوبة انهيار..مستحيل لا لا اما مش هعمل كدا انا بحب مازن ومش هوافق على الراجل اللى عايز ترمينى ليه مش هكرر غلطة مها انت السبب حرام عليك حراااااااااام
صفعها فوزى بالقلم لتسقط فاقدة للوعى.
احلام..يالهوى يامصبتى بنتى اشوف فيك يوم يا فوزى ربنا ينتقم منك .
فوزى بعصبية..الراجل جاى بوكرا فوقى بنتك ونبهى عليها لو محصلش اللى قولتلها عليه هروحله انا شغله وارميله حاجته ف وشه واعرفه انها مش عيزاه ها كتكو البلا انتى وعيالك.
وخرج صافقا الباب خلفه انتفضت جسد سلمى على اثره.
احلام بنحيب..يالهوى يابنتى سلمى قومى ياسلمى علشان خاطرى يابنتى وظلت على هذا الوضع حتى فاقت سلمى
سلمى بفزع..لالا مش هتحوزه مش هتجوزه وظل جسدها ينتفض
احتضنتها احلام وظلت تبكى بحسرة على حال اطفالها .ولا تقوى على فعل شئ امام هذا الزوج الظالم .
احلام فى نفسها..متخافيش يابنتى انا مش هسمحله يدمر مستقبلك انتى كمان انا لازم اتصرف.
**فى منزل جهاد**
بعد ما سمعو صوت الوقعة كلهم جريو على مها
حملها مروان وصعد لغرفتها وطلب الدكتور .
الدكتور.. واضح انها اتعرضت لصدمة حادة عموما انا ادتها مهدئ وهى شوية وهتفوق وياريت تبعدو عنها اى مشاكل لانه مش حلو ليها وممكن يحصلها تطورات
مروان..تمام شكرا جدا على تعبك يا دكتور رؤوف
رؤوف .. ولا تعب ولا حاجة يابنى ربنا يقومها بالسلامة استأذن انا.
وبعد ما خرج الدكتور دخلت جهاد ل مها وفضلت قاعدة جانبها .هى و منى.
دخلهم مروان ..ها يا امى ممكن تفهمينا ايه اللى بيحصل بالظبط.
قصت عليهم جهاد كل شئ بدايتٱ من ماضيها مع توفيق وامجد وعلمها بخبر حملها من امجد. حتى مكالمة توفيق الاخيرة لها وانه سينتقم من جاسر .
مروان بزهول...معقولة كل دا حصل وانا معرفش..معقولة جاسر اخويا من نفس الاب انا مش قادر افكر ف اى حاجة .توفيق لو بيشتغل فالممنوع ف دا معناه ا انا وجاسر هانضيع احنا اللى ماسكنله كل حاجة فالشركة .
منى قاعدة سامعة ومش مستوعبة اى حاجة بس ملتزمة الصمت.
جهاد.. انا السبب انا السبب وظلت تبكى
احتضنها مروان ...خلاص يا امى انا مستحيل اسمحله يأذى جاسر اهدى خلاص انا هروحله القسم حالا وانتو خليكم مع مها .
خرج مروان بسرعة متجهٱ للقسم.
(((((((((((((فى القسم ))))))))))))
وصل مازن وقعد مع جاسر وحكاله كل حاجة وعرف انه مش ابوه.
مازن. بتفكير ..يبقا هو عرف وقرر ينتقم ملهاش تفسير تانى .
جاسر.. لا مستحيل يعمل كدا دا بيعتبرنى ابنه و لالالا مش مصدق معقولة سمع امى وهى بتحكيلى طب ليه انا عملتله ايه اذيته ف ايييه انا مش مصدق .
مازن ...اهدى ياجاسر اهدى انت لازم تعرف انه مش ابوك ودلوقت بتتعامل مع عدو ليك واللى خلاه يدبرلك مصيبة زى دى معناها انه شغال فالتهريب ورا اسم شركاتكم دى مصيبة.
جاسر..ايه معقولة .
وهنا دخل عليهم المحقق ف قضية جاسر.
ادهم ..ها يا استاذ مازن تقدر تسمى اللى حصل دا ايه .
مازن ..انا بسقط البلاغ عن موكلى لان ببساطة البضاعة والشحنة جاية بأسم توفيق علام و جاسر بيه مجرد راح يستلم مكانه لان زى منتا عارف دا ابنه ووارد بحصل كدا .وكمان الصفقة بتاعت توفيق مش جاسر وعندى كل الاوراق اللى تثبت صحة الكلام دا
ادهم..تمام يعنى توفيق علام هو اللى ورا العملة دى.
مازن ..بالظبط كدا وانا ف خلال دقايق هايكون الورق قدام سيادتك اللى فيه دليل برائة جاسر بيه.وملوش لازمة يوصل للنيابة
ادهم..احنا هنقفل المحضر وجاسر بيه ممكن يتفضل يمشى بس كدا مطلوب القبض على صاحب الشحنة دى وهو توفيق بيه.
مازن ..شوف اى اجراءات هتتخذها وانا معاك
هنا موبايل مازن رن ولقاه مروان.
ايوا يا مازن عرفت اللى حصل.
مازن..اهدى يامروان انت عرفت منين
توفيق الكلب اتصل بأمى وقالها انه هو اللى ورا العملة دى وشكله هرب برا البلد.
مازن ..انت فين كدا
مروان.. انا ف طريقى للقسم .
مازن..لالا استنى عدى الشركة وهاتلى كل اوراق الصفقات اللى بأسم توفيق حالا انا هنا مع جاسر ومتخفش مافيش حاجة انشاء الله هايطلع انهاردة.
مروان..تمام شوية وابقا عندك انا قريب من الشركة.
قفل مازن الخط وانتبه لكمية المكالمات الواردة من سلمى وقلبه اتقبض.ياترا فى ايه ياسلمى وايه كل الاتصال دا .
((((فى الشركة وصل مروان واخد كل الاوراق اللى مازن طلبها منه ورجع للقسم.)))))
مازن..اتفضل حضرتك الاوراق اهى وتوفيق اكيد ملحقش يخرج برا البلد اتمنى تلحقوه.
ادهم..متقلقش يا استاذ مازن بس الفترة الجاية هحتاج ل مروان وجاسر بيه علشان فى معلومات لازم يساعدونى فيها عن شغل توفيق برا مصر والشركة وكدا.
رد مروان..تحت امرك يا ادهم باشا ف اى وقت تقدر تتصل عليا.
ادهم ..قام من جلسته.. وانا بعتذر للمرة التانية لجاسر بيه عن اللى حصل تقدرو تتفضلوا .
**خرج مروان وجاسر ومازن**
مروان ..انا مش مصدق لغاية دلوقت ان توفيق يطلع كدا
جاسر..ولا انا
مازن..طب استأذنكم انا بقا هعمل مشوار صغير .
جاسر..كتر خيرك يامازن شكرا على وقفتك جانبى.
مازن..انت عبيط يابنى بس بالله عليك ياشيخ ماتصحنيش تانى انا بدأت اتشائم .
ضحكوا هما التلاتة وكل واحد روح بيته.
قص مروان على جاسر كل اللى حصل فالبيت وانهيار جهاد ..وانه لازم يسامحها مهما كانت امه ومكنتش تقدر تعمل حاجة ..وكمان مها اللى بيظلمها اكتر وانها اول ماسمعت الخبر مستحملتش.جاسر حس ب نغزة ف قلبه لما سمع اللى حصلها وحس انه هايحنلها تانى وفكر انه يسامحها فعلا وجهاد مهما كانت امه وميقدر يشوفها كدا متعودش يكون قاسى القلب هكذا.
**********************************
اتصل مازن ب سلمى ولقى موبايلها مقفول قرر انه يروحلها بيتها.
عند احلام بعد ما اطمنت ان سلمى نامت و.قاعدة تفكر هتعمل ايه مع فوزى
سمعت جرس الباب خافت ليكون فوزى رجع تانى.
فتحت لقت مازن واتصدمت.
مازن.صباح الخير يا طنط اسف انى جيت من غير معاد بس حبيت اطمن على سلمى بكلمها مبتردش وموبايلها مقفول.
جهاد بارتباك..ايه اه ا لا اصل سلمى نامت.
استغرب مازن وشك ان فى حاجة..طيب هى كويسة
فكرت جهاد كتير وملقتش حل غير انها تعرفه كل حاااجة
اتفضل ادخل يابنى انا عايزاك ف موضوع.
دخل مازن وقعد وعينه كانت على اوضة سلمى وقلبه مقبوض عليها وعايز يدخلها.يشوفها.
حكتله احلام على كل حاجة وان ابوها بيفترى وهى مش هتقدر تعمل حاجة ومحتاجة مساعدته.
مازن والغضب سيطر عليه..انتى بتقولى ايه ازاى انا مستحيل اسمحله يعمل كدا حتى لو اضريت احبسه.
احلام..سلمى من ساعتها منهارة ونامت من كتر التعب.
مازن ..مافيش غير حل واحد.
احلام بترقب..ايه هو انا موافقة طالمه فيه سعادة بنتى.
مازن..اتجوز سلمى بأسرع وقت ومينفعش اسيبها فالبيت هنا مع ابوها انا مش ضامن واحد خمورجى ممكن يعمل ايه.
احلام ب قلة حيلة. انا موافقة يابنى سلمى لازم تهرب من هنا .
مازن ...انا ممكن ادخلها..
اتفضل يابنى دى هتفرح لما تشوفك.
سابته احلام ودخلت المطبخ.
وهو دخل لسلمى الاوضة لقاها نايمة باستسلام واثار الدموع على خدها وشفايفها منفخة وخدودها حمرة من كثرة العياط.
قرب منها مازن وقعد جانبها وشال خصلات شعرها بحنان وطبع قبلة على جبينها.
تقوست ملامح سلمى اثر قبلته ولكنها سرعان ما ارتخت وحست ب راحة وهى بين احضانه
همس مازن ف ودنها ..انا مستحيل اسيبك تضيعى منى يا سلمى ولو هخطفك حتى
تململت سلمى فى نومتها وفتحت عنيها لقتها نايمة ف حضنه.
سلمى ب خضة ..اده اده انت مين انت ايه جابك هنا انا فين
مازن..هشششش اهدى يا سلمى انتى ف بيتك انا عرفت كل حاجة ومش هسيبك ابدا.
سلمى انتبهت انها لابسة منامة قصيرة وبشعرها. سحبت الغطا على نفسها واتكلمت بأحراج.انت دخلت هنا ازاى فين ماما.
مازن بغمزة ..ماما ايه بس مالك وبعدين انتى بتحلوى لما بتعيطى كدا ليه .
سلمى وقد احمرت وجنتيها .اطلع برا يا مازن هغير هدومى.مازن قرب منها اكتر قوليها كدا تانى ماااازن طلعة من شفايفك عسل
سلمى مش عارفة تروح فين تانى وهو قرب اوى منها .
بعدته سلمى بقبضتعا الضعيفة.
ااط..لع برا لو.س سمحت.
علم مازن انه لو ظل دقيقة واحدة امام خجلها وجمالها لم يسيطر على نفسه اطلااقا.
قام خرج مازن .وبعد شوية خرجت سلمى وكانت لبسة فستان بنفسجى وطرحة اوف وايت وحطت شوية كحل علشان اثار العياط.
وخرجت لأحلام ومازن.اللى اول ماشافها تنح من جمالها
وحمد ربنا انه هايتجوزها بسرعة وهتكون حلاله خلاص.
احلام.هتوحشينى اوى يا سلمى
سلمى استغربت من جملة امها ..
ليه يا ماما بتقولى كدا مش فاهمة حاجة
مازن..علشان هتمشى معايا يا سلمى وهنكتب كتابنا انهاردة.
سلمى بخضة على فرحة وخوف.كوكتيل مشاعر كدا على بعضهم.
_ اييييييه.؟
ـــــــــــــــــــــــــــــــــــــــــــــــــــــــــــــــــــــــ
حب لا يجوز شرعاً
ااط..لع برا لو.س سمحت.
علم مازن انه لو ظل دقيقة واحدة امام خجلها وجمالها لم يسيطر على نفسه اطلااقا.
قام خرج مازن .وبعد شوية خرجت سلمى وكانت لابسة فستان بنفسجى وطرحة اوف وايت وحطت شوية كحل علشان اثار العياط.
وخرجت لأحلام ومازن.اللى اول ماشافها تنح من جماله
وحمد ربنا انه هايتجوزها بسرعة وهتكون حلاله خلاص.
احلام.هتوحشينى اوى يا سلمى
سلمى استغربت من جملة امها ..
ليه يا ماما بتقولى كدا مش فاهمة حاجة
مازن..علشان هتمشى معايا يا سلمى وهنكتب كتابنا انهاردة.
سلمى ..بخضة على فرحة وخوف.كوكتيل مشاعر كدا على بعضهم.
_ اييييييه.؟
مازن.. زي ما سمعتي ويالا مفيش وقت باباكي قرب يجي
********************
وفعلا مازن اخدها ونزل بيها روح بيتهم ودخلها الصالون واستأذنها ينده لمامته.. سلمي قعدت تتفرج علي الصالون بتاعهم هي كانت اول مرة تروح عندهم
مازن دخل عند وداد وقالها اللي حصل كله.........
وداد.. ايه.. تتجوزها دلوقتي انا قولتلك من الاول ابعد عن الناس دي ماسمعتش كلامي
مازن بصوت واطي... شششششششش يا ماما وطي صوتك سلمي برا وهي دلوقتي ملهاش حد غيري
وداد.. يا ابني انا مش مطمنة لابوها من الاول سيبها يا مازن والدنيا مليانة بنات تملي العين
مازن بتفكير.. عندك حق الدنيا مليانة بنات تملي العين.......
بس اللي انتي متعرفيهوش ان سلمي هي اللي ملت قلبي وحياتي وعنيا بردو يا ماما.... ماما انا مش هسيب سلمي الا لو روحي سابت جسمي الاول..الكلام خلص بعد اذنك انا نازل رايح عند المأذون انا حبيت اعرفك الاول قبل ما اتصرف
وداد.. يا حبيبي انا كمان بحبها انا كل خوفي عليك من ابوها
مازن.. متقلقيش يا ماما ان شاء الله مش هيقدر يعملنا حاجة
وداد.. ربنا يحفظك يا ابني
مازن.. طيب دلوقتي بقا انا نازل سلام
واخد سلمي ونزل راحو عند المأذون واتصل بجاسر ومروان علشان يكونو شهود و كتبو الكتاب ورجعو البيت بس المرادي كانت وداد في انتظارهم واول ما دخلو ..
وداد..لوووولوووولووووولوووولووولي
مازن.. ايه يا ماما هتلمي علينا الناس
راحت علي مازن خدتو فحضنها وباركتلو ونفس الكلام مع سلمي
وداد.. مبروك يا حبايب قلبي كان نفسي نعملكم فرح كبير
مازن بص لسلمي لقاها بتدمع (((اكيد اتجوزت في ظروف وحشة جدا امها مش جانبها زي اي بنت مخرجتش من بيت ابوها طبيعي حتي ما اتعملهاش فرح)))
مازن.. مين قالك كدا يا ماما سلمي هيتعملها فرح متعملش لحد.. بس نعدي الايام دي الاول
وداد.. طيب خدها فرجها الاوضة اللي هتنام فيها عقبال ما احضرلكم العشا
مازن بغمزة لسلمي.. بس كدة ده انتي تؤمري يا ماما يالا ياسلمي قدامي ع الاوضة
سلمي بصتله ووشها احمر..
مازن بخبث.. هفرجهالك
ودخل فرجها اوضته اللي هي هتنام فيها وشافت صور مازن وحاجته فعرفت انها اوضته وراحت وقغت جنب المكتب
مازن راح قرب جانبها ومسك ايدها
مازن.. ايه سولي انتي مش فرحانة ولا ايه شايفك ساكتة من ساعة ما جينا وانا مش مبطل رغي من كتر الفرحة حاسس اني طلعلي لسان تاني
سلمي بكسوف.. لا طبعا اكيد فرحانة بس.....
مازن.. عارف انتي عايزة تقولي ايه متخافيش انا وعدتك اني هعملك فرح زيك زي اي بنت ومش هخلف وعدي انتي متعرفيش انتي بالنسبالي ايه.. انتي كل حاجة فحياتي يا سلمي
سلمي.. يعني انت هتنام فين انهاردة
مازن بغمزة. انتي عايزاني انا فين
سلمي.. انت
مازن.. قليل ادب عارف
ع العموم ياستي انا هتنازلك عن اوضتي وهروح انزل في اي اوتيل علشان تبقي مطمنة
سلمي.. لا طبعا انت قربي منك هو اللي بيطمني
مازن.. كنت عارف انك مش هيهون عليكي تنيميني برا اوضتي
سلمي.. ايييييه اكيد لا يعني....
انا قصدي مينفعش تسيب بيتك وتنزل في اوتيل بسببي انت ممكن تقعد هنا عادي ممكن تنام في الصالون او في الصالة مثلا
مازن بطريقةكوميدية.. امممم مثلا.. اوفي الحمام البانيو كويس بردو وواسع مثلا.. او علي رخامة المطبخ عريضة وكويسة مثلا.. ربنا يصبرني عليكي يا اخرة صبري بصي غيري لبسك بقا وتعالي وانا هخرج دلوقتي علشان حاسس اني قربت اخلف وعدي معاكي في حكاية الفرح دي
سلمي.. هههههههههه ماشي يالا اطلع برا
مازن.. والله يا مازن عشت وشوفت اليوم اللي بتطرد فيه من اوضتك
)))) في القسم))))
شريف.. جهز يابني القوة
ادهم.. شريف بلاش انت تروحلهم البيت كفاية اللي حصل في المطار وسيبني انا اطلع المأمورية ديه
شريف.. ادهم والنبي بلاش تعطلني احسن انا حاسس اصلا اني مش هلقاه في البيت
ادهم.. يا بني ده اكيد انت مسمعتش عن توفيق علام ده من كبار البلد واكيد ليه نفوذ
شريف.. حتي لو مين هجيبو بردو متعطلنيش بقى ...ولف علشان يمشي
ادهم.. شريف
شريف.. نعم اتفضل اديني نصايح الاب اللي كل مرة بتديهاني
ادهم.. بلاش عنف وغشم يا شريف
شريف ..رجع الخطوتين اللي مشيهم وحط ايده علي كتف ادهم وقالو.......... مش معني ان احنا ولاد عم تبقا الواصي عليا في الشغل انا عارف انا بعمل ايه وبعدين اللي عملتو مع جاسر ده طبيعي ده شغلي
ادهم.. يا ابني انا مش عارف انت مستبيع ليه كدا اتفضل شوف انت رايح فين
*************************
(((((((((في مكان ما))))))))))
توفيق.. بقا بعد ما اكشف نفسي يطلع منها ابن ال***********ما العيب مش عليه انا اللي طلعت غبي وما شيلتش الاوراق من الشركة بس هتتعوض انا وراهم والزمن طويل
ومسك الموبايل
توفيق.. مرحبا چاك لا يوجد لدي وقت اسمعني جيدا انا احادثك من شريحة جديدة لقد القيت بشريحتي القديمة بعد علمي انني مطلوب القبض علي والشرطة الان في طريقها الي المنزل
چاك.. نعم توفيق انا انصت اليك تفضل
توفيق.. ................. وحكاله توفيق كل اللي حصل
چاك.. تذكر توفيق لقد قلت لك تآني وانت لم تفعل ذلك.. والان ماذا تريد ان تفعل
توفيق.. ساروي لك ماذا اريد..
*****************
))))))))) في الڤيلا))))))))
سهي قاعدة في الڤيلا سرحانة وكل واحد في الاوضة بتاعته سهي سمعت كل حاجة جهاد حكتها لمروان بس محبتش توريهم نفسها ساعتها وافتكرت اللي كان بيحصل بين مها وجاسر من نظرات والصورة وضحت قدامها دلوقتي قامت خرجت الجنينة في نفس الوقت اللي كان شريف جه فيه
شريف.. حضرتك دي ڤيلا توفيق علام مش كدا((سهي ضهرها لشريف))
وما ان التفتت ونظرت اليه فخلع نظارته السوداء ولفحه عطرها وما فاق الا علي صوت نظارته وهي تسقط من يديه علي الارض
شريف في نفسه... يخربييييييييييييييييت جمال عيونك ايه ده انا فحقيقة و لا حلم ولا ايه بالظبط ....يا شيخة ده انتي ((((((قمر)))))) خانه لسانه ونطق هذه الكلمة دون ان يدري
سهي بمنتهي الرقة.. افندم
شريف بصوت خشن.. احم احم انتي مين وبنت مين واسمك ايه وعمرك كام سنة ومرطبته ولا لا قصدي.. تقربي لتوفيق ايه((((((فعلا غشيم علي رأي ادهم))))))))
سهي بتفهم.. ممكن اعرف في ايه وانا بيتحقق معايا ولا ايه انا هنا فبيت عمتي
شريف في نفسه..الحمدلله ابوها مش المجرم اللي بدور عليه طب خلينا في الشغل دلوقتي
طيب يا انسة مطلوب القبض علي توفيق علام وعندي اوامر بتفتيش الڤيلا
..... اتفضل الڤيلا قدامك يا شريف باشا تقدر تتفضل.. نطقها جاااسر حين وصوله اليهم
شريف.. انا اسف يا جاسر بيه ده شغلي
جاسر.. وانا مقدر ده اتفضل
وفعلا شريف ملقاش توفيق واستأذن من جاسر واتأسفله علي اللي حصل في المطار وانصرف تحت تبادل النظرات بينه هو و سهي ...سهي استأذنت جاسر وطلعت علي فوق بعدها جاسر لسة هيطلع لقي مها نازلة علي السلم وفي اديها شنطة هدوم وعنيهم اتقابلت في نظرة طويلة ونزلت مها وقابلو بعض وكل واحد فيهم مش عارف يبدأ بالكلام لغاية ما مها قررت تبدأ
مها .. اشوفك بخير يا جاسر
جاسر.. علي فين يا مها ((جاسر فاكر كل اللي حصل ومش قادر ينسي بس بردو فنفس الوقت قلبه مش قادر ينسي مها))
مها.. بيتهيئلي خلاص مبقاش ليا مكان هنا بعد اللي حصل ماماتك كانت رسمالي بيت جميل في الخيال كأنه بيت من التلج بس للأسف لما الشمس طلعت البيت اختفى كنت مبسوطة بوجودك جانبي حتي لو وجودك وجع كفاية نظرة من عنيك حتي لو نظرة كره ليا كفاية اني كنت ببقا مطمنة علي وجودك في الدنيا بخير وقصاد عينيا...
جاسر.. كل كلمة قولتيها وعليها الف وجع بقلبي دلوقتي يا مها.. انا مش عارف ليه الظروف حكمت علينا بكدا بس اكيد ربنا ليه حكمة يمكن حق ابويا اللي اتاخد منه كل حاجة ظلم يمكن ربنا حب يرجعله حقه بالطريقة دي...((((. ثم تنهد تنهيدة حارقة للقلب.... ))))عمري ما هحب حد غيرك يا مها مهما حصل لو فاكرة ان قربك مني انتي كمان مش وجع تبقي غلطانة انا كنت بموت كل ثانية بتعدي عليا وانا عارف ومتأكد انك خلاص بقيتي مش ملكي وللابد.. متسيبيش البيت انا اتعودت علي وجودك جانبي حتي لو بوجع
مها.. ما اظنش ينفع بقا خلاص انا لازم امشي
جاسر.. مها انا محتاجلك هنا ومحتاجلك جانبي في الشركة.. الشركة بتنهار وهي باسمي انا يعني اي خسارة دلوقتي واقعة عليا انا
مها.. باي صفة هفضل هنا يا جاسر
جاسر.. علشان خاطري خليكي
**********
(((في جناح مروان)))
يجلس وبجانبه مني
مني.. هو انت استحليت القاعدة هنا ولا ايه يا مروان
مروان بغمزة.. اكيد طبعا مفيش حد يكره القاعدة مع القمر
مني.. انا بقول بقا كفايا قاعدة مع القمر وتروح تشوف الشركة وشغلك
مروان.. لا خلينا شوية
مني بدلع.. مروان بقا اصلا كدة كدة هتوديني انهاردة عندنا علشان خطوبة تقي انهاردة وهتتعمل عائلية يعني تروح شغلك وتجيلي علي بليل
مروان بمشاكسة.. ماشي موافق بس بشرط
مني بمكر.. هههههههه عارفة الشرط بتاعك ومش موافقة عليه
مروان.. مش بمزاجك طبعا.. وراح شايلها ووووو.............. (((((((احنا قولنا ايه 😜)))))))))
وفعلا راحت مني خطوبة تقي واتفاجئت برقم غريب بيكلمها
مني.. الو
الشخص.. مش هقولك انتي اتسرعتي واتجوزتي واحد بتاع ستات علشان انتي عارفة كدة كويس بس ياعيني عارفة انه تاب ومبيعملش كدة تاني واللي متعرفيهوش انه لسة بيلعب بديله
مني.. اخرص يا حيوان انا جوزي اشرف منك
الشخص.. اهي المعلومة دي بقا هسيبك تتاكدي منها بنفسك لما تروحيله العنوان ده وتشوفيه بعنيكي وهو بيخونك سلام يا قطة والعنوان هبعتهولك في مسدچ
وقفل ومني كأن كل احلامها مع مروان بتتهد طوبة طوبة ومعاها جدار الثقة اللي كانت بنياهولو
وفعلا الرسالة وصلت ومكتوب فيها فكري كويس لو عايزة تشوفيه قدام عنيكي بيخونك والعنوان
اهو *********************
)))))))في التليفون))))))
مايا.. وليد جاهز
وليد.. طبعا ده انا مستني علي نار
مايا.. اوكيه هي جيالك شقتك دلوقتي اكيد هتيجي خصوصا انها عارفة جوزهاركان ايه
وليد.. تمام اقفلي انتي بقا عشان احضر نفسي سلام متنسيش تكلميه بعد ربع ساعة بالظبط من دخولها العمارة
***************************
وفعلا نزلت مني قبل مروان ما يجي وراحت علي الشقة اللي كانت في العنوان ودخلت لقيت الباب مفتوح هي داخلة وهي خايفة بس فنفس الوقت مش عايزة تعمل صوت علشان لو فعلا مروان بيخونها ميلحقش يهرب واول ما دخلت لقت باب الشقة اتقفل من برا
مني برعب وهي بتجري ع الباب.. ايه ده.. مين قفل عليااااا افتحوووولييييي
فسمعت صوت غرفة تفتح واذا بشخص يخرج منها لا يرتدي سوى شورت قصير
وليد.. اهلا يا قطة وقعتي ولا الهوا رماكي.......
تكملة الرواية من هناااااااا
لمتابعة الرواية الجديدة زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملة من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق