رواية حب لا يجوز شرعا الفصل التاسع والعاشر بقلم ورد سليم
رواية حب لا يجوز شرعا الفصل التاسع والعاشر بقلم ورد سليم
في شركة توفيق بعد مروان ما قعد اتغدي في البيت تحت اصرار مامته اخد الملف المهم اللي كان جاي علشانه ورجع بيه الشركة واول مادخل اتفاجئ باللي شافه وسمعه
مروان.. بسم الله ما شاء الله كويس جدا يا استاذة مني انتي والأستاذ وليد ما هو انا اغيب شوية ارجع الاقيكم سايبين الشغل وقاعدين قالبينها هزار
وليد بخبث.. علي فكرة يامستر احنا في البريك
(مروان اتكسف بس محبش يبين)
مروان.. حتي.. حتي لو في البريك حضرتك ده مكان شغل مش هزار
مني.. مستر مروان حضرتك احنا معملناش حاجة غلط الاستاذ وليد زميل وكان قاعد معايا في فترة البريك بنتغدي سوي يعني مقصرناش علي شغل الشركة فحاجة
((مروان طبعا اتغاظ اذاي مني بترد عليه هو اصلا مش هامه طبعا الشغل ه طبعا غيران عليها))
مروان بعصبية.. انتو كمان بتجادلوني وبتعلو صوتكم استاذ وليد اتفضل علي مكتبك ومخصوم منك يومين انت...وهو باصص لمني... والانسة ولو اتكررت تاني هتبقي رفد
مني بعند.. وليه نستني للمرة الجاية يا مستر ..
وليد.. خلاص يامني..اوكيه مستر مروان
مروان بعصبية.. انا بكلمها هي وبعدين انت لسة واقف بتعمل ايه اتفضل علي مكتبك يالااااا....مشي وليد
مروان.. وانتي يعني ايه نستني ليه؟
مني.. مستر مروان انا مستقيلة
مروان.. هعتبر نفسي مسمعتش جملتك هاتيلي بقيت الملفات اللي عندك وتعالي ورايا ع المكتب((وسابها ودخل المكتب وهي اتغاظت منه اكتر بس قررت ان ده اخر يوم ليها في الشركة واخدت الملفات ودخلت مروان كان قاعد ع المكتب))
مروان..اقفلي الباب وتعالي((وقفلت الباب وراحتله وقفت قدا مكتبه))
مني.. اتفضل دي الملفات كلها اللي عندي في المكتب
مروان قام من علي كرسيه ولف عند مني وقف قصادها وربع ايديه ومهتمش بجملتها اصلا
مروان بغضب.. ممكن اعرف ايه اللي كان بيحصل برا ده
مني بمنتهي الرسمية.. حضرتك انا اتكلمت معاك في اللي حصل وخلاص خلصنا من الموضوع ده ومن بكرا ان شاء الله تقدر تدورلك علي سكرتيرة جديدة
مروان بخضة.. ايه الكلام الفارغ اللي انتي بتقوليه ده المفروض انتي عارفة انا بغير عليكي اد ايه.. اجي من برا الاقيكي هاتك ياضحك وانا شايفك قاعدة تهزري مع البني ادم السمج اللي اسمه وليد ده وعيزاني افرح بيكي اقولك براڤوو يا مني لا المفرود كنت سقفتلكم كمان وطلبتلكم حاجة باااردة تشربوها
مني.. بجد شابوه ليك متقن الدور جدا ومصدق نفسك اني حاجة من ممتلكاتك عايزها في ڤترينة خاصة بيك ممنوع اللمس او الاقتراب. ..مش عارف اصلا انت نحتفظ بيها ليه بس اهي من ممتلكاتك وخلاص وممنوع حد حتي يبصلها.. وفاكرني هستناك علي طول لا فوق لنفسك يامستر مروان الكلام اللي انت بتقوله ده ملوش تلاتين لازمة انا مخصكش فحاجة ولا في حاجة بتربطنا ببعض.. بعد اذنك
..واتجهت ناحية الباب ولسة هتمد اديها علي الاكرة وراحت لفة بجسمها ناحية مروان ..
مني.. واه بالمناسبة وليد كان واقف معايا عشان يقولي انه عايز يتقدم يخطبني.. وانا هوافق يا مروان وابقي المرادي ارفده مش تخصمله
(( ولفت نفسها هتمشي واذ بصوتا ك ذئير الاسد))
مروان.. استني عنددددددك
..........انا مش هرفدهولك انا همحيهولك من ع الارض خااالص يا مني عشان ترتاحي
مني.. بمناسبة ايه حضرتك.. خطيبي.. تقربلي..اخويا وراحت بصاله وراحت ماشية
****************************
((في بيت مازن))
مازن بعد مخلصو غدا في بيت جاسر وكانت احلام وسلمي مروحين اصر عليهم انه يوصلهم لانه كدا كدا ماشي واي حجة يعني عشان يفضل شوية مع سلمي وفعلا وصلهم وروح بيته
وداد.. اهلا يا حبيبي الغدا جاهز ادخل غير عقبال ما احضره
((وداد والدة مازن سيدة في العقد الخمسين من العمر لديها من طيبة القلب ما يكفيها ويفيض للناس ذكية ولكنها ذات نظرة في من يقف امامها))
مازن.. لا ياماما ياحبيبتي انا اتغديت عند جاسر
وداد..عيني عليك باردة انهاردة جاي مظقطط وفرحان متفرحني معاك يا واد
مازن.. اه ياماما فرحان ومبسوط ولو صدقتيني هقولك انا طاير من ع الارض طير
وداد.. يارب دايما يا حبيبي وعقبال ماشوفك بقا فرحان في الكوشة يا رب
مروان.. خلااااااااااص خلاص ياماما هتشوفيني فالكوشة قريب قوي مع احلي بنت فمصر ومحافظتها ومدنها ونواحيها وضواحيها وانا وانت وجوزني ياجدع
وداد بفرحة.. بجد بجد يا ماذن خلاص هتفرحني وتتجوز ومين دي بقا اللي امها دعيالها ومطيراك كده من ع الارض وبتقول فيها حالة الطقس دي
مروان.. دي احلي بنت فعنيا يا ماما حبيتها قوي وخلاص هي دي
وداد.. طب يابني علي بركة الله و خير البر عاجله هنزورهم امتي
مازن.. هبقي اخد رقم باباها منها يا ماما واخد منه معاد
وداد.. ربنا يتمملك بخير يا حبيبي ويجعلها من نصيبك
مازن.. انتي عارفة يا ماما انا ربنا بسهلي حياتي بسبب دعاكي ليا ربنا يخليكي ليا يارب
و‘داد.. ويخليك ليا يا حبيبي ويجعل ربنا راضي عنك
***********************
في بيت مني كانت رجعت من الشغل مع باباها زي كل يوم بس طبعا انهاردة يوم مختلف انهاردة جابت اخرها مع مروان وقررت متروحش الشركة تاني وروحت سلمت علي مامتها وعلي تقي ودخلت اوضتها وبعد شوية كانت غيرت هدومها والباب خبط
مني.. اتفضل
تقي.. اما يا مني ليكي عندي حتتة خبر ايه((وفجأءة اخدت بالها ان مني بتعيط)) مني انتي بتعيطي ماللك يا حبيبتي اوعي يكون اللي اسمه مروان ده هو اللي مزعلك
مني بحزن.. انا خلاص ياتقي رميت طوبته سيبتله الشغل وهاين عليا اسيبله الدنيا كلها.. وقعدت تعيط
هي فعلا هاين عليها تسيب الدنيا كلها بس مش عشان تخلص منه بس عشان هو مش هيبقي فدنيتها خلاص
تقي.. متزعليش نفسك يا مني انا ياما قولتلك سيبك منه هو طريقه غير طريقك بس مكانش في فايدة معاكي بس المهم ايه اللي حصل انهاردة خلاكي راجعة مش طايقاه كدا
((واخذت تروي لها ماحدث))
مني.. كنت فاكرة لما اقوله وليد هيخطبي هيقولي انا جي اتقدملك انهاردة وعمري ما هقدر ابعد عنك الا ده يقولي((وبطريقة كوميدية قعدت تقلد في مروان وتخلي صوتها زي صوته)) انا مش هرفدهولك انا همحيهولك من ع الارض خااالص عشان ترتاحي
تقي.. هههههههههههههههههههههههه
مني.. بت انتي انتي شايفاني مفروسة وبتضحكي
تقي.. لانه فعلا من تصرفاته بيقول انه بيحبك
مني. .مش عارفة ليه حساكي جبتي التايهة هو انا قولتلك مش بيحبني منا عارفة انه بتزفت يحبني بس ايه اللي مانعه يتجوزني
تقي.. تفتكري ايه مانعه
مني.. مش عارفة بقا قوليلي كنتي هتقوليلي علي ايه
تقي.. ما انتي ضيعتي المفجأة يا نكد
مني.. يالا قولي بقا
تقي.. حسام ياستي خلاص كلها يومين وجاي يتقدملي
مني.. بجد يا توتة الف مبروك
تقي.. الله يبارك فيكي يا حبيبتي
في نفس الوقت جه عم سامي خبط ع الباب
عم سامي.. يالا يا بنات العشا جاهز
تقي..حاضر يا بابا جايين يالا يا مني.
مني.. لا مليش نفس روحي انتي
(( وقعدت افتكرت مروان وقعدت تعيط))
******************************
في المطار كان جاسر رايح علشان يستقبل سهي ووصل المطار وقابلها وسلم عليها اخدها ومشي بالعربية ووصلوا البيت.. ((معرفتكمش علي سهي..
سهي بنت جميلة جدا ودمها خفيف وفعلا تتحب وعندها 22سنة وهي تبقي بنت خال جاسر بس ياترى جاسر هيحبها وهيخطبها زي ما مازن كان متنبئ خلينا نشوف مع الوقت))
اول مادخلوا البيت جاسر شاف مها نازلة علي السلم وكانت جميلة قوووي خطفته اول ما شافها بس حب يغيظها مسك ايد سهي
جاسر.. اتفضلي يا سهي يا حبيبتي دي ماما هتفرح قووي لما تشوفك كبرتي كدة واحلويتي وبقيتي قمر
سهي.. بصوت واطي لانها شايفة واحدة غريبة اول مرة تشوفهامالك يا جاسر مابلاش كلام الامهات ده انت جايبلي عريس ولا ايه تصدق بدأت اشك فيك ده انت طول الطريق مانطقتش بحرف كانك واكل سد الحنك
جاسر.. بس يابيئة.. وبصوووت عااالي يامااااما سهي وصلت اه يا سهي تعالي اعرفك علي طنط مها مرات بابا
سهي بصوت واطي.. ايه ده بجد انكل توفيق اتجوز
مها طبعا متغاظة وجابت سهي من اول شعراية فراسها لغاية اخر صباع في رجلها
سهي.. اهلا يامها انتي جميلة قووي شكلنا هنبقي صحاب
مها بابتسامة رخمة.. اهلا
بعدها جات جيهاد وسلمت علي سهي
جهاد ..ماما وبابا عاملين ايه ياسهي
سهي.. تمام يا طنط الحمد لله
جهاد.. هما ليه مجوش معاكي يقضو يومين هنا
سهي.. لا انا اللي هقعد معاكم شوية وماشية
في نفس الوقت جه مروان وسلم علي سهي وطلع علي فوق علي طول متضايق طبعا من اللي حصل مع مني وبعدها علي طول استأذن جاسر هو كمان وبعدها قامت مها
جهاد.. علي فين يا مها
مها.. طالعة الجنينة هكلم ماما وسلمي في الموبايل
وطلعت مها الجنينة ورنت علي سلمي كلمت مامتها وكانت بتكلم سلمي
مها.. بس قوليلي بقا ايه حكاية ماذن لا حظت علي فكرة كنتو مكشوفين جامد غيرش بس ان ماما طيبة وعلانيتها
سلمي.. الله بقا يا مها متكسفنيش
مها.. لا وانتي وش كسوف.. هو مازن بيحبك
سلمي.. انتي مش بتقولي مكشوفين طب حسيتي ايه بيحبني ولا لا
مها.. بصراحة انا اول مرة اشوف نظرة حب ف عين مازن
سلمي.. بجد يا مها
مها.. بجد وسلام بقا دلوقتي لحسن ده شكله بيجي ع السيرة لحسن ييقول ان احنا بنتكلم عليه ولا حاجة((حاشة لله لا فعلا ما بيتكلموش عليه ))
سلمي.. طب سلام
مازن كان بيكلم جاسر في الموبايل وقاله انه جاله عشان يخرجوا يتمشو شوية جاسر قالو انه هياخد شور ويلبس وينزله قاله خلاص هستناك في العربية في نفس الوقت كان ماذن لمح مها واتكسف انه ما يسلمش عليها وقال بالمرة يكلمها انها تبعد عن جاسر.
ماذن السلام عليكم
مها.. وعليكم السلام ورحمة الله ازيك يا ماذن
مازن.. ازيك يا مدام مها حضرتك عاملة ايه
مها.. حضرتك ومدام حتي انت يا ماذن واخد مني موقف
مازن.. مها لو سمحتي ومن غير مقدمات كتير جاسر تعبان ومكسور ياريت متحوليش تخطلتي فيه وعلي قد ما تقدري تبعدي عنه هو مبقاش حمل اي جرح تاني وخصوصا منك انتي يا مها الانسانة الوحيدة اللي حبها وحرم علي نفسه باقي بنات الارض وفي الاخر تبيعه وتخونه ومع مين مع.....
لتقاطعه مها قائلة.. مازن لو سمحت حرام عليكم بقا ممكن تسمعني. ..واخذت تروي له كل ما مرت به
مازن.. للدرجادي في اب يبيع بنته كده وبيحب الفلوس علي حساب بنته
مها.. عشان تعرف يا مازن ان مش جاسر لوحده اللي بيتعذب انا كمان عذابي اكتر منه واحسبها كده وانت تعرف يا ماذن انا مش قادرة انساه ولا عارفة ابعد عنه وحاسة اني هعيش باقي عمري متعذبة لانه خلاص مش ليا ماذن لو جاسر كان حاليا مكسور او موجوع يبقا انا مش عايشة اصلا انا وجودي جانبه في وضعنا ده موت اصلا جاسر هو النفس اللي كنت بتنفسه وخلاص بعد عني.
مازن.. حتي لو حكتيله الكلام ده يا مها مش هيغير حاجة احنا فامر واقع
مها وهي بتعيط بانهيار.. طب احكيله يامازن ع الاقل عرفه اني ما بعتهوش.. عرفه اني مش خاينة و بحب الفلوس زي ماهو فاكر ولا اتخليت عنه
مازن بينه وبين نفسه.. طب انا حتي لو قولتله هيفيد ايه ده انا لو حكيتله هيعذب نفسه اكتر ع الاقل دلوقتي هو مش طايقها وزعاان منها انما لو عرف الحقيقة هيتعذب اكتر بسببها وهتصعب عليه يبقا بلاش اقوله احسن
مها.. مازن هتقوله صح
مازن.. ربنا يقدم اللي فيه الخير يامها بعد ازنك انا همشي دلوقتي هستني جاسر في العربية.
مها.. اتفضل
بعدها علي طول مها لسه بتلف علشان تدخل جوة لقيت جاسر جه وشافها وهي منزلتش عنيها من عليه وهو كمان زي مايكون حن ليها ووحشته واول ما وصل عندها
مها.. ازيك يا جاسر؟
في نفس الوقت كان في عين واقفة بتراقبهم من بعيد
يتبع .....
ياترى جاسر هيرد علي مها؟
ويا ترى مين شافهم مع بعض؟
وهل مروان هيتحرك بقا بعد ما مني قالتله ان وليد هيخطبها؟
ـــــــــــــــــــــــــــــــــــــــــــــــــــــــــــــــــــــــــــــــــــــــــــــ
حب لا يجوز شرعاً
اتيتكي بعدما تعبت من ضجيج قلبي وانساقني انا وعيناي وقدماي وعقلي اتيتكي كي يهدأ بركااااان قلبي عندما انظر في عينيكي لربما يذيب الجليد من فوقه ويريحني من برودة الطقس فيه حقا كنتي لي الدفأ وكنتي شريان الحياة بعدك لم اكن اعي بحالتي وبما داخل قلبي اهو بركانا او جبلا من الجليد فارأفي بحالي وابتعدي
مها.. ازيك يا جاسر عامل ايه؟
جاسر.. بعد نظرة شوق عتاب اشتياق ولوم.. كانت نظرة فيها ميكس غريب
جاسر.. عااايش بتنفس الحمد لله كفاية عليا
مها.. وحشتني... وللحظة كان جاسر افتكر احلي زكريات ما بينهم ولسة هيرد عليها افتكر.. ابوه
جاسر.. حتي دي مخلتيش ليها مكان.. ااكلمة اللي كان قلبي محفظها للساني وعقلي مديلو مؤشر اول مايشوفك يحسك او يسمع صوتك ينطقها ويقولهالك.... بس خلاص يامها معادش ينفع وجعتي قلبي قوي.. و فلحظة افتكر ابوه وانه ممكن يكون بيلمسا ازاي بيكلمها ازاي.. ازاي وازاي وازاي والف حاجة جات في دماغه.. فتنهد بحرقة وابتلع ريقه وكانه يبتلع نارا ان تركها تخرج لحرقت بيته بما فيه
مها.. جاسر صدقني ماكنش با...........
ليقاطعها جاسر بمرارة.. مها قولتلك ميت مرة مش عايز اشوفك حتي لوصدفة وريحي نفسك بقا انا خلاص هخطب سهي ..وتركها وفر هاربا من امامها نعم فر هابا حتي لا يضعف امامها وخصوصا وان قلبه اللعين يصدقها اما عقله الاعمي عن حبها الان يقر له انه لا مفر ولا رجعة لها
سقطت عليها كلماته وكانها جبلا مليئ بالاحزان تارة تفقده وتارة تتزوج رجلا كبيرا يحرمها زواجها منه طيلة عمرها واخيرا يلقي عليها انه سوف يكون لغيرها ..تهاوت الارض من تحت قدميها لم تكن تقدر قدميها علي حملها لتقع علي الارض جالسة
وهنا اتت اليها العين اللتي رات اللقاء كامل ولكنها لم تسمع فقط رات نظرة العشق في اعينهم
سهى.. مها مالك ياحبيبتي في ايه انتي ليه قاعدة ع الارض
مها.وعنيها مليانة دموع.. هاا.. اصلي تعبانة شوية..... شكل ضغطي مش مظبوط
سهي.. طب هاتي ايدك ادخلك جوة
مها.. لا لوسمحتي سيبيني وانا لما هقدر هدخل لوحدي
سهي في نفسها.. هو ايه اللي انا شوفته ده واموضوع ده في حاجة مش مظبوطة انا اكيد لازم افهم من جاسر
سهي طب هروح اجيبلك اي عصير تشربيه وهاجيلك.... وهي ماشية جهاد قابلتها خارجة الجنينة عليهم
جهاد ..ايه سهي مها مالها
سهي.. جيت لقيتها تعبانة قولت اعملها عصير
جهاد.. ماشي يا حبيبتي روحي وانا هفضل معاها
سهي استغربت قوي من علاقة مها وجهاد وراحت تعمل العصير وجهاد راحت عند مها
جهاد.. مالك يامها ياحبيبتي في ايه
مها بحسرة.. جاااسر....... هيخطب سهي
فضحكت جهاد.. مين اللي قالك الكلام الفارغ ده
مها.. هو اللي لسة قايلي
جهاد.. متخافيش ان شاء الله مفيش حاجة من الكلام ده هتحصل
مها.. طب انتي ليه ساكتة انتي وعدتيني انك هتساعديني ومفيش حاجة حصلت وعشمتيني ان فعلا في باب مفتوح لنا
جهاد.. توفيق عنده صفقة مهما اليومين دول يخلصها بس وربنا يسهل... مها الكلام اللي انا حكيتهولك مش سهل ابدا وفي الاخر مش ختيجي علي دماغ حد غيري انا بس انا هقف جنبكم واساعدكم عشانك انتي وابني علشان هو سعادته معاكي وانا اول مرة اشوف ابني مقهور اوي كدا. مها سيبها علي الله وسندتها ودخلتها جوة الڤيلا
***********
(في شركة توفيق) مروان راح وملقاش مني
مروان.. انسة ليلي هي انسة مني مش علي مكتبها ليه
ليلي.. انسة مني مجتش انهاردة يافندم تامر باي حاجة
مروان واقف سرحان في كلام مني معاه اخر مرة وخاف لحسن تكون نفذت تهديدها ليه ووافقت علي وليد وفاق علي صوت ليلي وهي بتقوله
ليلي.. مستر مروان بقول لحضرتك تؤمرني باي حاجة
مروان.. اه معلش عايز قهوتي بعد اذنك ياليلي
ليلي حاضر يا فندم
***
في مكتب توفيق
علي التليفون (الحوار كان باللغة الفرنسية )
توفيق.. مستر چاك كيف حالك
چاك.. حسنا انا بصحة جيدة كيف حالك انت ولما تأخرت عن ميعاد سفرك انت علي وشك ان تفقد الشحنة الجديدة
توفيق.. سوف ادبر اعمالي هنا وسأاتي اليك في اقرب وقت كي نتمم صفقتنا
چاك.. حسنا سوف انتظرك ارك بخير
توفيق.. اراك بخير
********************
بعد مرور كام يوم كان فيهم مروان بدا يكتأب وربا دقنه وبطل يهتم بنفسه ولاحظ انه تعبان في بعد مني عنه ووحشته مناقرتهم مع بعض ومجادلتها ليه
(في قوضة مروان تليفونه رن)
مروان.. الو
مايا.. وحشتنا يا باشا انت نسيتنا ولا ايه محدش بقا بيشوفك
مروان.. ولا عايز اشوف حد تاني ولا اشوفك وخلاص انا مش جاي تانى
مايا ولازمتها ايه القلبة دي بقااااااااااااهو احنا كنا زعلناك في حاجة
مروان.. مايااا اقفلي ومش عايز اسمع صوتك تاني انتي فاهمة.... وقفل حتي قبل ما ترد عليه
مايا.. بقا كدا بتقفل في وشي انا كدا وشاورت علي شعرها طب وحياة ده لا وريك
جاسر كان قلقان علي مروان من شكله باين عليه تعبان فقرر يروحله قوضته يقد معاه شوية خصوصا انه مبقاش يقعد معاهم تحت(الباب خبط)
مروان.. ادخل
جاسر.. ممكن اقعد معاك شوية ....جاسر لا حظ ان مروان خااسس وشكله مرهق زي مايكون من التفكير
مروان بارهاق.. اه طبعا انت بستاذن يا جاسر
جاسر.. مش هسالك مالك علشان متعودتيش ابقا عارف اللي قدامي ماله واسأله.. مروان انا عارف انت حالتك كدا ليه وقافل علي نفسك ومش بتكلم حد ولا بتقعد معانا زي الاول فين مروان اللي كان مش بيبطل هزار
مروان بتنهيدة.. مالي بقا يا فصيح ما انا كويس اهو
جاسر... امممممم بص يا سيدي مني بقالها كام يوم مش بتيجي الشركة عشان كده انت متغير...... وسرح جاسر وهو بيكلمه حاسس ان روحك مش فيك كانك بتتفرج ع الدنيا من برا بس انت مش فيها مش عايش بتاكل وتشرب بس عشان تعيش ملكش نفس لاي حاجة ولا عايز اي حاجة حاسس كانك عطشان مهما بتشرب مش بتتروي كانك جعان مهما كلت مش بتشبع عايز تتنفس والهوا قدامك ومش طايله وهو قدامك كانك عايز حاجة بس انت مش عارفها بس روحك عارفاها ومش قادرة توصلك ده
مروان ساند بايده علي خده وكلام جاسر ماسه قووي.. يااااه انت عرفت ازاي كل ده ده حتي انا مكنتش اعرف ده عن نفسى انا كنت فاكر ان محدش حاسس بيا بس سيبك انت محدش بيحس بوجع حد عير اللي اتوجع زيه مالك يا حبيبي انا ملاحظ عليك بردو بس مش بحب ادايقك سيبك مني انا وقولي فيك ايه
جاسر بعد تنهيدة كبيرة .. المهم انت دلوقتي الفرصة لسة قدامك مضيعهاش لو ضيعتها هتندم باقي عمرك مشكاتك سهلة جدا تكاد تكون منعدمة اصلا روح لمني واخطبها وافرح وعيش مع نصك التاني اللي قلبك اختاره ومتخليش عقدة صغيرة تسيطر عليك اتعامل عادي الحب بيجي مرة واحدة بس صدقني مش سهل نلقاه هي مرة واحدة بس مهما قولنا ولا عاندنا نفسنا الحق الفرصة لسة فايدك قبل ما تضيع يا مروان انا عارف انك خايف من الجواز لان بابا كان مش بعملك كويس لكن خليك انت اب كويس لولادك بلاش عقد خلينا فبكرة ياراجل ده انت لسة بكرا ادامك
مروان.. انا خايف قووي ياجاسر يكون الجواز حلو فاوله بس والنتيجة تبقي ولاد تبقي ملهمش ذنب يتربو مع ناس تانية غير اللي خلفوهم
جاسر.. اتفائل خير يا مروان واعمل زي ما قولتلك
مروان بفرحة.. تعرف يا جاسر كاني كنت مستني حد يشجعني او زي ما اكون كنت بتلكك
جاسر.. ربنا يوفقك اسيبك انا بقا
مروان .. ماشي يا حبيبي تصبح علي خير
***********
وهو جاسر خارج من قوضة مروان عدي علي قوضة ابوه في طريقه وفجأءة سمع صوت عالي
مها بصراخ.. لوسمحت سيبني بقااااااااااااااا
توفيق.. المرادي لو مش برضاكي هيبقا غصب عنك
مها راحت زقاه بعز ما فيها من قوة.. ابعد عني
جاسر حس بنار في دماغه من اللي سمعه ومنغير ما يحس لقي نفسه بخبط ع الباب وبصوت عاالي باااابا
توفيق.بعد ما فتح.. ايه يا جاسر عايز ايه وايه اللي جايبك هنا السعادي
جاسر.. هااااا.. اصلي.. . اصل يابابا كنت جاي اقولك اني مش هقدر اروح الشركة بكرا
(حجة طبعا من جاسر)
توفيق.. ليه ان شاء الله وراك ايه
جاسر ..مفيش يا بابا حاسس اني تعبان شوية وعايز اريح
توفيق.. ماشي خلاص متروحش عن ازنك بقا (( ولسة هيقفل الباب))
جاسر بسرعة.. بابا طب اااااااااا ...اه مها ماما عايزاكي تحت
وقبل ما توفيق يرد كانت مها خرجت من الاوضة
جاسر.. عن اذنك يا بابا تصبح علي خير
توفيق بغيظ ..بالسلامة يا خويا
***********
عند مني في البيت
عم سامي.. مني انتي ناوية متروحيش شغلك كتير ولا ايه
مني.. بابا انا هسيب الشغل
عم سامي.. براحتك يا مني بس عايزك تعرفي ان احنا حاجة وهو حاجة يا بنتي ولو كنت وافقتك تسيبي الشغل فده عشان يكون في فرصة تنسيه
مني.. هو مين ده بس يا بابا انا مش عارفة حضرتك بتتكلم علي ايه
عم سامي.. اوعي تكوني فكراني راجل كبير ومش فاهم حاجة يابنتي انا عارف كل حاجة وعارف ان بنتي مايتخافش عليها بميت راجل بس يا مني انتي من طينة وهو من طينة يا حبيبتي وحتي لو جه واتقدملك انا ازاي هدي بنتي لواحد زي مروان انتي عارفة عنه كل حاجة مش محتجاني اقول
مني..اطمن يا بابا انا خلاص شيلت الموضوع ده من دماغي
عم سامي.. مكنتيش رفضتي وليد علشانه
مني بلجلجة.. مش علشانه يا بابا بس انا مش عايزاه
عم سامي.. اللي يريحك يا بنتي تصبحي علي خير
مني.. وانت من اهله يا بابا
(وافتكرت فعلا لما وليد قالها ورفضت فعلا علشان مروان لانها لسة بتحبه)
***************
جاسر مشي من قدام ابوه علي قوضته علي طول وقاعد عمال يانب نفسه
جاسر ..انا ايه اللي عملته ده وليه غيرت عليها كدا ما خلاص
قلبه.. اكيد علشان لسة بتحبها طبعا
جاسر.. لا طبعا احبها ايه مش دي اللي جرحتك بردو ولا ايه
قلبه.. انت ليه بطلت تسمعني صدقني انا حاسس ان فيه حاجة غلط ولو ع الفلوس ما هي كانت عارفة انك غني
جاسر.. انت بتحاول تبررلها عشان ترتاح
قلبه.. انت اكتر واحد عارف ان قربها بالوضع ده مش راحة ليا بس ايوة انا لسة بحبها ومتاكد ان في حاجة مش طبيعية
هنا بقا ادخل عقله ..ياريت بس حضرتك تركن دلوقتي علي جنب وتعرف وتقتنع ان مها خخلاص مش ليناباقي العمر مهما يحصل
جاسر.. كفاية بقا حرام عليكم وقعد يتخانق مع نفسه من التفكير لغاية ما نام
***
يوم جديد في الجامعة
مازن كان رايح الجامعة مبسوط جدا لانه هيقابل سلمي ويطلب معاد من باباها يتقدملها فيه ولسة بينزل من العربية لقي سلمي واتصدم من اللي شافه
لمتابعة الرواية الجديدة زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملة من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق