رواية عشقك لعنتي الفصل الثلاثون والحادي والثلاثون بقلم شروق مجدي
رواية عشقك لعنتي الفصل الثلاثون والحادي والثلاثون بقلم شروق مجدي
من أراد أن يدعو لغزة فليقل؛اللهم لا يأتي عليهم رمضان إلا وقد أطفأت نار حربهم !!
عشقك_لعنتي
#بقلم_شروق_مجدي.
الفصل 30
صلى على الرسول صلى الله عليه وسلم ♥️
.........................................
في مكتب يحيي
تحدث مروان بصدمه مما يحدث وقال: هو انا في فيلم هندي هو ايه اللي بيحصل ده يعني انتم عايشين بجد طب والدموع والعياط و الحزن اللي كنا فيه ده كان على مين ، طب ما حدش حتى يعرفني طب ليه ، انت وهو مش فاهمين انا حسيت بايه اول مره احس اني ياتيم انا لما ابويا وامي ماتوا ما حسيتش بكده طب ليه ما حدش فيكم قال لي اي حاجه
يحيى بتفهم من صدمه مروان : بص يا مروان انا فاهم كويس انت حاسس بايه بس حقيقي كان الموضوع صعب علينا احنا نفسنا ما كناش نعرف واديني اهو حكينا لك كل حاجه لو كنا نعرف كنا اكيد هنبلغك بس
قطعوا الاخر بغضب : بس عرفتم بعدها وكان المفروض تبلغوني مش تحطوني قدام امر واقع كده و انا بجد مش عارف اقول لكم ايه ، 25 يوم او اكثر عايشين وانا ما اعرفش انكم عايشين وبحاول اقف جنب نورهان وسيليا وحسيت ان ما لهمش حد غيري وانت وهو موجودين
عيسى ليحاول تغيير الوضع : خلاص بقى انت هتقلبها دراما يا مروان
وقف مروان بحزن وزعل منهم : تمام اى المطلوب مني دلوقتى اني اعمله عايز ترجع انت وهو الشقه تمام اوي اهلا بيكم ها خير في حاجه تاني
اقترب زيدان منه وهو يحتضنه بقوه : حقيقي وحشتني وكنت محتاج جدا اني اتكلم معاك وحشني حضنك مع انك رخم وضارب بوز بس يلا يا عم وحشتني يا صاحبي
احتضنه الاخر بدموعه وهو يقول : انت كمان وحشتني قوي وحشتني يا ابن الذين
ابتسم عيسى وقرب منهم وهو يحتضنهم بقوه : انتم على فكره المكسب الوحيد في حياتي انا ما ليش حد غيركم وفخور ان عندي اصحاب زيكم بحلوكم بقى بمركم كلكم على بعضكم بسلطاتكم بابا غنوجكم انا بحبكم
ضحكوا ثلاثه بقوه واكمل زيدان : احنا كده محتاجين نبدا من الاول ونبدا صح الكافيه ده هو هيكون مكاننا وشغلنا كمان
نظر لهم مروان بتفكير وهو يقول : بس انا لسه شغال في شركه جديده وبصراحه الشركه كويسه جدا وحقيقي مش حابب اخسرها فانا ممكن اجي لكم بعد الشغل ايه رايكم
زيدان : ما فيش مشكله احنا كده كده اصلا عايزين نعمل شفتات فاللي عنده شغله ملتزم بشركه هيكون شغال بالليل واللي ما عندوش زي انا وعيسى هنكون بالنهار ايه رايكم
عيسى : فكره كويسه جدا ان نكون مراقبين الصبح و بالليل صحيح ايه اخبار سيليا يا مروان
وضع مروان يده على راسه وهو يقول : سيليا اه فكرتني بسيليا انت قلت لي ان نور عارفه لكن سيليا لسه واضح انك بتدبسني مع سيليا صح يعني عارف ان الدخله اللي بعد كده هتكون ان انا اللي اقول لسيليا على كل حاجه صح ولا ايه
نظر كل من يحيى وعيسى لبعض وضحكوا بقوه واكمل مروان : اخ يعني اللي حسبته لقيته انا اللي هتدبس مع اختك انسى انا لا يمكن اعمل كده اختك مجنونه وممكن تفتكر ان انا عارف وكنت مخبي عليها
يحيى بمرح : لا يا صديقي انت اللي هتقول لسيليا
عشقك لعنتي بقلم شروق مجدي
.........................................
ليلا بمنزل نورهان
اتجهت سيليا للداخل بدموع وفرح ووقفت امام نورهان بعدم تصديق وهي تقول: عايش عايش بجد عايش مش مصدقه نفسي
وقفت نورهان امامها وهي تحتضنها بقوه: ايوه عايش الحمد لله انه بخير وعايش مكنتش قادره اعيش كده تعرفي انتي الحاجه الوحيده الى كانت بتصبرني على فراقه
قبلت سيليا وجنتها واكملت : وانتى كمان يا نور كنت بحب اوي اكون جنبك لان هو حبك اوي
ولكن ارتفع صوت رنين هاتف نور وكان المتصل يحيى ابتسمت نور وقالت : اهو بيتصل بيا استني عشان نكلمه سوا وضغطت على زر الهاتف وقالت : اهلا يا يحيى عامل ايه
يحيى : انا الحمد لله كويس لسه مروان كان ماشي معانا من شويه مش عارف بقى قال لي سيليا ولا ايه بس هي وحشتني جدا
نورهان بمرح : لا قال لها وواقفه معايا حالا وعايزه تكلمك
خطفت هي الهاتف من نور ببكاء وهي تقول : زيدان وحشتني وحشتني قوي معقول معقول تعمل فيا كده معقول زيدان ازاي تبعد عني كل ده انت عارف ان انا ما ليش اي حد في الدنيا غيرك
تحدث الاخر بحزن : قلب زيدان عارف يا حبيبتي ما كانش ينفع اقول لك انا اصلا ما كنتش اعرف ولما عرفت ما كانش ينفع اني اقول ، انتي وحشتيني جدا يا سيليا وانتي كمان عارفه ان انا ما ليش حد غيرك عايزه اشوفك بكره انتي ونور تعالوا نفطر سوا ايه رايك
نور : مش عارفه بس ممكن يعني ماما ما توافقش اصلها مش بتحبني افطر بره في رمضان غير لو عند ليان وعمران
قاطعها الاخر بتاكيد : تمام يبقى انت هتقولي لها انك هتفطري مع ليان وعمران بره ايه رايك هاتيهم وتعالى وكمان هاتي مريم وبيشوي معاكي
صفقت سيليا بفرح وهي تقول : الله بجد هيبقى يوم حلو قوي
قطعتها نور بتوتر : ايوه بس ازاي يعني هقول لهم ايه
يحيى : هتقولي لهم على كل حاجه وتقول لهم اني عازمهم بكره عشان اتعرف عليهم مش لسه هستنى لما اجي اتقدم لك المفروض ان هم عارفين اني جوزك وكمان انا حابب اعرفهم ولا انتي مش حابه
نورهان : لا طبعا حابه طيب خلاص هظبط معاهم ولو كده نفطر بكره عندك ان شاء الله في المطعم
يحيى : عندنا عندنا في المطعم بتاعنا بتاعي انا وانتى وعيسى وسيليا ومروان تمام
نور : تمام يلا سلام بقى عشان اظبط معاهم ولو كده نتقابل هناك طيب هتاكلني ايه بقى
يحيى بتكبر : علشان خاطرك هطبخ لهم بنفسي مع انك عارفه كويس مش بعمل كده وما حدش جرب اكلى غيرك انتي وبس بس يلا خليها عليا
نور بمرح : يا على التواضع لا لا لا مش معقول يا فندم ده انت متواضع جدا
يحيى : عشان خاطر حبيبي اعمل اي حاجه في الدنيا
سيليا : احم احم نحن هنا ايه يا عم انا لسه موجوده
يحيى بغيظ : طيب ما تشوفي حته تقعدي فيها بقى ولا ايه
ضحكت سيليا بقوه وهي تقول : لا مش خارجه ها انت اللي هتقفل عشان نظبط مع الناس ونتقابل بكره انت مش متخيل انت واحشني ازاي هو انا ما ينفعش اجي لك دلوقتي
يحيى : مش هينفع حبيبتي الدنيا ليل واحنا خلاص هنتسحر هشوفك بكره ان شاء الله حاولي حتى تنزلي وتيجي بدري تمام
نور : خلاص ماشي هجيبها واجي لك بدري انا كده كده هحاول اخد اجازه من الشغل بكره سلام
اغلقت نور مع يحيى الهاتف وحضناتها سيليا بفرح وهي تقول انا بحبك بحبك قوي قوي قوي قوي يا مرات اخويا ضحكت نورهان بقوه عليها
.........................................
في منزل عمران
استيقظت ليان وحاولت القيام من جانبه ولكن هو كان يحاوط خصرها بقوه وهو ينام بعمق حاولت اكثر من مره ولا فائده التفتت له وهي تحرك نفسها ببطء حتى اصبحت وجهه مقابل وجهها ظلت تنظر له ولملامحه وبدون ان تشعر رفعت يدها وهي تحركها على خده ببطء شديد الى ان وضعت اصبعها على شفتيه
تحدث هو وهو ما زال يغمض عيني : ايه شكلي حلو قوي كده وانا نايم
ثم فتح عين واحده واكمل: وبعدين ايدك الحلوه دي على شفايفي ليا قليله الادب
احمر وجهها بشده وحاولت القيام وهي تقول بتوتر : لا خالص انا بس كنت يعني كنت بحاول بس ان انا اقوم فكنت عايزه اصحيك بس مش اكثر يعني
ضحك بقوه على توترها ووجهها الذي اصبح احمر بشده واكمل بخبث : ولا بتفكري في حاجه قليله الادب عادي انا جوزك على فكره ولا انتي شايفه ايه
عضت على شفتيها بحرج وحولت القيام واكملت: طب اوع بقى عشان عايزه احضر السحور ولا هنفضل نايمين بالشكل ده
ابعد يده عنها وهو يجلس و ينظر لهاتفه ويقول : اي ده دي نور بعته رساله بتعزمنا بكره على الفطار
بتقول في مطعم يحيى
ليان وهي تقف وتستعد للنزول وترتدي الجاكيت الخاص بها : هو انت تعرف حاجه عن الموضوع ده
عمران بتاكيد : اه قالت لي من شويه كده قبل ما ننام وفهمت كل حاجه وعارف انك عارفه انتي عندك مشكله ان احنا نفطر بكره معاهم
ليان : لا خالص بالعكس ماعنديش اي مشكله تمام طيب انزل بقى احضر السحور
وقف الاخر واكمل : انا كمان هنزل معاكي احضر السحور
رفعت عيونه له باستغراب اكمل هو : ايه عادي حابب اساعد مراتي حبيبتي عندك مشكله
ليان بتوتر من كلامه المعسول لها :لا خالص براحتك يلا بينا
جائت تتجه للاسفل وجدته يضع يده على خصرها ويقول بهمس : رايحه فين
ليان بتوتر : هنزل حضر السحور
جذبها للمرحاض وهو يكمل : حضرتك هنغسل وشنا وسناننا الاول وبعد كده ننزل
اكملت هي وهي تحاول الفرار منه : طب نغسل تحت اشمعنا هنا يعني
وضع شفت،يها على شف،تيها بقبله خاطفه واكمل : انا بحب انا ومراتي حبيبتي نعمل كل حاجه مع بعض هنا ايه رايك
ولكن رفع حاجبه باستغراب من صدمتها فهي تنظر له بذهول مما يحدث اكمل بمرح : في اي مالك بلمتي كده ليه انا جوزك وطبيعي اني اقرب منك باي شكل انا حابه ولا عندك اعتراض
ليان : هاااا لا ما عنديش اعتراض طيب يلا
دخل بها على المرحاض وهي ما زالت تحت تاثير الصدمه مما يفعله معها
ولكن ما صدمها اكثر هو انه ووقف خلفها داخل المرحاض وفتح صنبور المياه وبدا يضع المياه على وجهها بيده
وايضا الغسول وهي تنظر للمراه بذهول مما يفعله ايضا
اكمل بهمس جانب أذنها : غمضي عيونك يا روح مارو عينك كده توجعك
غمضت عيونها بقوه وخجل من اقترابه لها الى ان انتهى
جهز لها فرشه الاسنان واكمل : ها تفتحي بقك اعملها لك انا ولا تحبين انت تغسليها
ليان بذهول : هاااا
اكمل بمرح : هو ايه الى ها مالك هو انا بعمل حاجه غلط لو عايزين اعمل غلط ممكن اعمل مع انه هيكون صح جدا
تحدثت هي بصدمه : غلط صح اي ده اللي تعمله مش فاهمه
اكمل الاخر بمرح : عادي يعني اي غلط صح انتي حباه زي مثلا اني مش حابب الجاكيت عليكي انتي لابسه ليه
ليان بتوتر : عشان الجو ساقعه هو في ايه انت ايه اللي حصل لك مالك
ضحك بقوه واكمل وهو يقترب منها اكثر : عادي بحب مراتي وبحب ادلعها تصدقي حلو قوي كلمه مراتي دي او انك حقي مثلا او انك بتاعتي انا لوحدي حلوه احساس جديد كده
ليان بتوتر وهي تنظر له في المراه : اه ايه بقى بص انت بجد تصرفاتك دي بتلخبطني يعني حاسه ان انا هو انت مالك
وضع وجهه في عنقها واكمل بشغف : لازم تتعودي عليا وتعرفي اني جوزك مش اخوكى انتي مراتي حقي انا فاهمه
عضت على شفتيها بحرج وجدته يجذب يدها للخارج ويقول : طب تعالي بقى عشان نحضر السحور
واتجه بها للاسفل و بمجرد دخولهم المطبخ وجدته يضع يضع لسليمه حول قدميها برفق ورفعها برفق شديد لتجلس على رخامه المطبخ واكمل وهو يقبل وجنتها ويقول : النهارده انا اللي هعمل السحور وبكره كمان لان بكره اخر يوم في الصيام وعايزه انا اللي احضر السحور ايه رايك
ابتسمت بتوتر وهي تفرق يدها وقالت : اوكي مش هقول لك لا اكيد ما فيش ست تلاقي الراحه وما تدلعش مش كده ولا ايه
ضحك بقوه اكمل وهو يجهز السحور : اسمها اللي يلاقي دلع وما يتدلعش يبقى عبيط
ابتسمت عليه وبدات تشاهده وهو يجهز كل شيء ولكن ضحكت بقوه عليه ونزلت من على الرخامه المطبخ واقتربت منه وهي تقول : انا شايفه انك ما شاء الله راجل بيت فاشل بما انهم بيقولوا ست بيت فاشله فانت راجل بيت فاشل حضرتك روح اقعد وانا اللي هعمل السحور
نظر لها بغيظ وقال : لي يعني عملت ايه انا ما انا زي الفل اهو الفول على البوتاجاز وحطيت البطاطس في مكنه التقطيع اهي وهتتحمر والطعميه جهزت العجينه اهو
ضحكت بقوه واكملت : اه واضح حاطط لي اربع بيضات على شويه طعميه وبصلايه قد كده كل دي بصلايه في الطعميه واربع بيضاتي يا مفتري
عمران بتفكير وهو ينظر للعجين : كان المفروض احط اكتر ولا ايه انا مش عارف هي ثابت كده دي ليه
اكملت بمرح : لا خالص خالص ثابت عشان المفروض نحط بيضه واحده بس مش اربع بيضات يعني المفروض لما بنبقى كتتير بنحط بيضتين لو العجينه كبيره وبعدين كل دي بصله ليه يعني مش فاهمه بص انا شايفه انك تروح تقعد
قبل شفت،يها برفق قبله خاطفه واتجه يجلس على الكرسي : واكمل تمام تمام انا هسيب روح قلبي هي اللي تعمل لما اشوف اختراعاتك اديني قعدت اهو بس اعملي حسابك انا اللي بكره هعمل الاكل
ظلت قرمش بعيونها بصدمه مما فعلوا اكمل هو: لا صحصحي معايا بقى ما هو انا مش كله مقرب منك تعملي كده لسه في حاجات جايه كتير عايزين نركز مع بعض
ابتسمت بخجل وبدات تجهز باقي الطعام
وبعد وقت جلسه بالفعل على طاوله الطعام وجدها بدات تقطع له الخبز كما تفعل لتسهل عليه الاكل ولكن هو بدا يطعمها في فمها وقال : انت قطعي لي العيش وانا هاكلك
عضت على شفتيها بحرج وهي تقول : طب وانت مش عايز تاكل هتفضل تاكلني كده
عمران : ما انا باكل اهو طول ما انا باصص لعيونك الحلوه دي انا شبعان ودي اهم حاجه انك جنبي وفي حضني
ابتسمت بخجل شديد وهي لا تصدق عينيها من هذا الذي امامها هو اخاها عمران الذي كان يكره قربها ويقول لها انها ليست على باله ام انه هذا الشخص الذي امامها الذي يعشقها وبقوه ويتمنى قربها بل ويحاول اسعادها والتقرب والتردد لها وهي سعيده لما يفعلها اليوم
فكان بالسابق بارد المشاعر معها وهي كانت تكره ذلك لكن الان اصبحت تعشق جنونه و حركاته معها وتتمنى منه المزيد فانه هو حبيبها ومعشوق روحها الذي يتمنت ان يكون بجانبها دائما
.........................................
في الصباح كان بالفعل يحيى يضع يافطه المكانه مغلق للتجديد ولا يوجد بالمكان غير يحيى وعيسى
اتجهت للداخل نورهان ومعها سيليا ومروان ومجرد فتح سيليا للباب بفرح شديد من انها اليوم ترى اخاها وجدته اقترب منها وحملها بقوه داخل احضانه وظل يدور بها كثيرا وهو يقول : وحشتيني يا سيلو وحشتيني قوي قوي قوي قوي قوي قوي قوي قوي ظلت تبكي بقوه داخل احضانه ولا تصدق انه معها الان فهو الوحيد الذي بجانبها من عائلتها وبغيره هي بالفعل يتيمه توقف يحيى عن الدوران وانزلها برفق وهو يتمسك بها بشده ويقول : لا لا لا مش عايز دموعك الحلوه دي ليه يا سيليا كده انت مش فرحانه ان انا جنبك
ابتسمت بمرح وسط دموعها واكملت : انا انا مش مصدقه اصلا ان انت معايا
ولكن قاطعهم صوت عيسى يقول : الله الله وانا ما وحشتكيش ولا ايه يا سولي ضحكت بمراح واقتربت منه وجاءت تحتضنه كما كانت تفعل من صغرها ولكن وجدت مروان يجذبها من ملابسها بغيظ مثل الارنب ويقول : في ايه يا ماما في ايه يا حبيبتي ما تعرفيش تسلمي بايدك
ضحكت بقوه وهي تكمل بمرح : الله انتي بتغيري يا بيضه
نظر مروان لها بصدمه اكملت نورهان بضحك : اكيد دي اتعلمتيها من مريم الكلمه دي بتاعه مريم
ضحكت سيليا بقوه واكملت : فعلا بتاعه مريم دي علمتني كلام كثير خالص اقوله لك يا مرو
مروان بغيظ : لا يا اختي شكرا شكرا مش عايزك تقولي لي حاجه
عشقك لعنتي بقلم شروق مجدي
يحيى : طيب يا ريت بقى انتي يا سولي مع عيسى ومروان تجهزوا المكان هنا وانا ونور هنجهز الاكل جوه
قاطعهم عيسى بضيقه وهو يقول : لا يا بابا انا اللي هدخل معاك اعمل الاكل جوه علشان نلحق الفطار والناس اللي انت عازمها اما نورهان فتفضل هنا مع مروان وسولي مش هنستظرف مش تدخل جوه حضرتك تحبلي فيها وما نفطرش النهارده
مروان بمرح : معلش وانت ما تفطرش ليه هو انت صايم اصلا احنا يا ابني اللي صايمين مش انت عيسى : لا عادي انا كمان صايم وبحب اشجعكم مش متسحر معاكم يبقى اصوم وبعدين ما هو عازم بشوي ومريم جات عليا انا يعني
ضحك الجميع بمراح وقالت نورهان بخبث : انا برضه شايفه ان عندهم حق احنا في رمضان يا يحيى وصايمين كمان ادخل اعمل الاكل مع عيسى
سيليا بمرح : انا ممكن اتبرع واجي معاك انا يا يويو ضحك هيحي بقوه وجذب يد سيليا للداخل وقال: تمام انا موافق ان سولي تيجي معايا انما عيسى ده لا ابتسمت نورهان عليهم وبدات بالفعل هي وعيسى ومروان يجهزون ويرتبون المكان بالخارج
بعد وقت وخاصه في اقتراب اذان المغرب حضر كل من عمران وليان ومريم وبيشوي واتجهوا للداخل اقتربت منهم نور وهي تقول : يا اهلا يا اهلا في مطعمنا المتواضع
ابتسم عمران واكمل : متواضع ايه بس بسم الله ما شاء الله المطعم جميل جدا وتحفه والتجهيزات بتاعته كمان جميله
اكملت نور : طيب هدخل انادي يحيى عن اذنكم
سلم مروان عليهم وهو يقول : اعرفكم بعيسى صديق الطفوله
عيسى بغيظ منه : مش طفوله قوي انت هتهزر هتكبرني ولا ايه دي كانت صداقه جامعه يعني احنا اصدقاء من ايام الجامعه تشرفت بمعرفتكم يا جماعه
نور كانت بتحكي كثير عنكم
بيشوي : الشرف لينا يا استاذ عيسى احنا كمان نور حكيت لنا كتير قوي عنكم
عيسى : لا استاذ ايه بقى عاجبك كده يا مروان بسبب كلمه الطفوله بتاعتك اهو بيقول لي استاذ لا لا قوللي عيسى عادي
اتجه للخارج يحيى ومعه اخته سيليا ونور اقتربت منهم سيليا وسلمت عليهم جميعا وهي تقول ليحيى : يحيى اعرفك عمران وبشوي ودي بقى مريم وليان حقيقي حسيت ان انا وسط عيلتي معاهم
ليان بمرح : احنا نتحب يا بنتي ورفعت عيونها بمرح ل زيدان واكملت : انت بقى زيدان
ابتسم عليها وقال: وانتي بقى ليان نور كانت بتحكي كثير قوي عنك بتحبك جدا على فكره
ليان بمراح : ما لازم تحبني مش اختها وعلى فكره انا الصغيره كمان ومش مرتبطه يعني لو عندك حد حلو وامور وكاريزما زيك كده انا موافقه
نور بصدمه : احم احم ليان بتحب تهزر مش كده ولا ايه يا ليان عمران هينفخك
عمران بخيث منها : وايه كمان يا حبيبتي احب اعرفك انا عمران جوزها
ضحك يحيى بقوه وهو يقول : ما انا عارف ان انت عمران جوزها وعارف كمان انها لذيذه وبتحب تهزر بس اعتقد هي مختلفه كثير عن النور نور مش كده خالص
اكملت ليان بمرح : لا نور جد وبعدين ليها كده في الضرب والاكشن والحاجات دي انا اطلاقا ما بحبش الكلام ده انا وديني ملاهي مراجيح ديسكو بحب الحاجات دي
يحيى بمرح : لاء الله يكون في عونك يا عمران انا ما ليش في الكلام ده خالص ، وعلى كده بقى بيوديكي
ليان بتهكم : اه جدا مش عايزه اقوللك بيمرجحني في الشركه كثير قوي وبيغرقني بالمشاريع والشغل وبيرقصني في البيت على صوت خناقه
ضحك لجميع بقوه عليها وابتسم لهم عمران بحرج منها وقال لها : مافيش كنترول خالص مش بتسطري في حته خالص
ضحكت بمراح واكملت : بس هو كويس
ضحك الجميع واكمل يحيى: اه واضح واضح ده انا حاسس ان شويه كده وهتطلبيه في بيت الطاعه
ضحكه الجميع عليهم مره اخري واكمل يحيى : على العموم يا ليان انا بقيت خلاص اخوكي الكبير لو عمل لك حاجه بس تعالي قولي لي وانا هشوف شغلي معاه
ليان بمراح وهي تصفق : ما هي دي احلى حاجه ان كل ما يضايقني اروح ابات عندكم
يحيى بصدمه : يعني اعتبريني مش اخوكي الكبير قوي يعني
ضحك الجميع بقوه عليهم
عشقك لعنتي بقلم شروق مجدي
عمران بيغيظ من جنانها : طيب مش هناكل بقى ولا ايه المغرب على الاذان ولا ايه راي حضرتك
ضحكت بمراح وقالت : اوكي يلا فين المطبخ عشان نجهز الاكل يحيى لا لا ما يصحش انتوا اقعدوا واحنا هنحضر الاكل
ليان بمرح : والله ابدا احنا اللي هنحضر الاكل يلا بينا
وبدات فعلا ليان تجهز الاكل هي ومريم ونورهان وسيليا تحت اشراف يحيى وباقي الشباب يجهز المائده
والغريب ان الجميع اخذ على بعض بسرعه وكانهم معرفه من قديم الزمان جلس الجميع على المائده وصوت الاذان يملا المكان بدا كل منهم بشرب العصير تحت دعوات كلا منهم بدعوه الاذان
ثم قال يحيى يلا يا جماعه نبتدي اكل ويبقى عيش وملح مع بعض بدا الجميع ياكل ولكن لفت نظر يحيى عدم تحرك يد عمران والغريب او ما اعجبه بعلاقته مع ليان انها بدات تقطع له العيش ولفت نظره انه يقول لها : حبيبي في رز انا هاكل الرز
ابتسمت بخجل وقالت: بس انا عارفه انك بتحب الملوخيه فعادي يعني
رفع يده السليمه وقبل يدها وهو يقول : ربنا يخليكي ليا نظرت له بخجل شديد مما فعله
ولكن مريم بمرح: نحن هنا يا جماعه انا شايفه ان في علاقه حب الناحيه دي وده ما يصحش في رمضان
ضحك الجميع عليها واكمل بيشوي : وانتي مالك ما تاكلي وانت ساكته
ضحكت الاخرى بقوه واكملت : واكل وانا ساكته ليه يعني معيش فلوس ادفع حق العزومه مثلا ولا حد ماسك عليا ذله ثم ان انت مالك هو انا بتكلم من بقك
عمران بمراح : اوه اوه كسفه كسفه كسفه يعني احرجتي الراجل يا مريم
مريم بمر ح : دي اقل حاجه عندي حضرتك
نورهان بغيظ منهم : طبعا مش قادره اقول لك ايه رايك في عيلتي لانها عيله مش مشرفه بالمره
ضحك بقوه وقال : بالعكس انا حبيتهم جدا حد كده تاخدي عليه بسرعه و حلوين اوي قوي بس ما فهمش حد في شخصيتك شويه غير عمران ممكن انما الباقيين لا
مريم وهي تاكل بمرح : لا خالص يا عم احنا ملناش في الاكشن انا وليان وسيليا اختك لو قعدنا في قاعده واحده نخربها
ضحكوا كلهم عليها
نورهان بحرج وهمس له : معلش على عم دي اصل دول فضيحه
ابتسم وهو يضع يده على يدها بحب وهمس لها : صدقيني مش مضايق خالص بالعكس انا حاسس اني اعرفهم من سنين
عمران : سيبك منهم يا يحيى تسلم ايدك على الاكل حلو جدا نور قالت ان انت بتعرف تطبخ مش معقول تكون انت اللي عامل لنا الاكل ده كله
يحيى بتكبر : لا لا انا اللي عامل الاكل ده كله
ليان بصدمه : بتهزر يعني انت اللي عامل بنفسك الرومي والمحشي والرز والباميه والسلطات والملوخيه كل ده لوحدك طب والعصير بقى مين اللي عامله
يحيى بمرح : انا برضه
ولكن تحدثت سيليا بغيظ منه : نعم نعم انا اللي عامله العصير
ليان بمرح: ما انا برضه بقول الحاجه الوحيده اللي طعمها يقرف
سيليا بغضب: نعم يا حلوه ليه ان شاء الله ما هو زي الفل اهو انتي جايه تهزري بقى
وقف يحيى وقال : طيب تعالى يا عمران انت وبيشوي والشباب تعالوا نشرب القهوه نور حضري لنا القهوه بقى انتي والبنات وشيلوا الاكل ده
ليان : اه دي ضريبه ان انت عملت الاكل بقى ثم ان انت بتامرها اتفضلي يا ست نور بدا يتنطط عليك من من دلوقتي
نور بغيظ : اه ما انا خدت بالي ماشي ماشي براحته يحيى بمرح وهو يقبل خدها : انا اقدر برده انا اقصد يعني لو سمحتي يا نور يا حبيبه قلبي ووجه عينيه ل ليان واكمل : بطلى يا سوسه انتي
بشوي بمرح : ده ينطبق عليه مثل انا راجل في بيتي ضحك الجميع بقوه عليهم
ليان : طب انت عارف بقى ان نور فاشله اخر حاجه في المطبخ
ضحك بقوه وهو يقول : طبعا طبعا عارف انتي هتقولي لي هي اخرها تقطع السلطه
مريم : طب وانت على كده بقى بما انك بتعرف تطبخ بتعرف تعمل كحك العيد ولا ايه
يحيى : مش عارف الصراحه ما جربتش قبل كده بس ممكن اجرب هو انتم بتعملوه ولا بتشتروا جاهز
مريم : لا بنعمله ماما وطنط ناهد بيعملوه سوا وبيقرفونا احنا معاهم
يحيى بمرح : طب حلو يبقى انا اعمل حسابي بقى ما اشتريش الكحك وهاكل معاكم
ليان : اه قول كده بقى انت راجع عشان تاكل كحك العيد ضحك الجميع بقوه عليهم
يحيى بغيظ منها : انا هاخد من نور حبيبتي ما حدش طلب منك حاجه يا رخمه
ليان بدلال : الحق يا مارو بيقول لي يا رخمه
عمران بمرح : دلوقتي بقيت مارو امال ايه اللي كنت بتقوليه من شويه عليا بما انه بقى اخوك الكبير والجو ده فانا ما ليش دعوه انتم عيله مع بعض
يحيى بمرح : جبتي لنفسك الكلام
ضحك الجميع عليهم واتجهت نور للمطبخ وهي تقول يلا يا جماعه بنتين هيشيلوا الاكل واثنين يعملوا القهوه خلصونا
بعد وقت جلست الشباب في المطعم بعد ان جمع يحيى كراسي على شكل داير ما يدور ووضع بالوسط طاوله صغيره جلس الجميع منهم من يشرب القهوه ومنهم من يشرب عصير او مشروبات اخرى
تحدثت ليان بمرح : ايه رايكم لو نلعب
عمران بتهكم : نلعب ايه بقى ان شاء الله نجيب كوره ونلعب بيها
مريم بمرح : حلو ده وهو بالمره نكسر الديكور الجميل اللي عمله يحيى
يحيى بصدمه : طب انا شايف ان انتم تقوموا تروحوا احسن
ليان بغيظ منهم: بس بقى انت وهو انا اقصد نلعب لعبه اسمها الجاسوس
توتر يحيى انت تكون ليان تعرف شئ ويضع نورهان في موقف محرج بهذا الشكل
فهمت نورهان توتره ووضعت يدها على يده ليطمئن وقالت : ياعني اي انا تقريبا اعرفها مش دي الى كنتي بتلعبيها في الشغل مع صحابك
ليان : اه هي دي
عمران بغيظ: مشاء الله رايحه الشغل تلعبي
ليان بمرح: طبعا وبس بقه بصوا هفهمها لكم هي اللعبه ان احنا نكون 10 اشخاص مثلا او اقل او اكثر وهنختار مثلا اكل او اماكن تمام اللعبه بتطلع اكله احنا هنعمل اتنين الجاسوس عشان احنا كثير اثنين تمام المفروض اللعبه هتبدا ثلاث دقائق بالظبط وكلنا نسال بعض اسئله والمفروض ان احنا نوقع الاثنين جاسوس قبل ما الثلاث دقائق تخلص او الجاسوس يكسب
عشقك لعنتي بقلم شروق مجدي
فكلهم قالوا تمام يلا بينا سيليا بتفكير: بس انا ما فهمتش حاجه
ضحك مروان عليها واكمل : هفهمك لما اللعبه تبدا انتي هتفهمي
فعلا بدات ليان اللعبه وقالت : يلا كل واحد يحط ايده على الموبليل عشان يشوف اسم الاكله من غير ما خد يشوف التاني
يحيى بمرح : طيب تمام حلو قوي انا هعرف اسال فيها كويس اكل حلو
فعلا بداوا اللعبه ليان حطيت الموبايل على الطاوله وقالت : كده العد بدا
بيشوي بسرعه وتركيز شاور على يحيى وهو يقول بصوت عالى : يحيى الاكله دي فيها بصل
ضحكه الجميع على طريقه سؤاله وكانه يستجوبه يحيى بخوف : اي يا جدع خضتني بالراحه في ايه اه فيها بصل
بيشوي : اذا مش انت الجاسوس
ليان بيغيظ منهم : على فكره ما ينفعش تعمل كده لان هو ممكن يكون جاوب بالصدفه وطلعت صح وبعدين لو انت عارف ان هو الجاسوس المفروض تقول بس لو طلع مش هو الجاسوس انت اللي هتطلع بره لو انت مش الجاسوس فلازم تتاكد من الشخص قبل ما تقول له انت الجاسوس
عمران بمرح : طب يا اللي عماله ترغي انتي الاكله دي بيتحط عليها شوربه
ليان : اه ممكن يتحط عليها شوربه ، و اسالك انت بقى الاكله دي بتتعمل على البوتاجاز ولا فرن البوتاجاز
عمران : في فرن البوتاجاز
سريعا قالت مريم بفرح اول جاسوس
ضحك الجميع عليها
عمران بغيظ: ايوه انا الجاسوس
نورهان بمرح عليهم : كشفنا الاول فاضل الثاني عيسى
رفع عيسى يده بمرح وهو يقول : مش انا مش هنا في ايه
ضحك الجميع عليه
نورهان بمرح : لا اقصد يعني ان انا هسالك
عيسى : افتكرت حاجه تاني
نورهان بتغيظ منه: ما انت كده كشفت نفسك انك مش الجاسوس اتلهي بقى نسال مريم مريم الاكله دي بيتسبك لها
مريم بمرح : اه بيتسبك لها طبعا ولو عايزه تقليها كمان بيتقللها
سيليا وهي توجه نظرها لمروان : مروان الاكل دي اسمها ايه
ضحكوا كلهم بيشد عليها وقالت نور : هو انت مش عارفه اصلا اسمها ايه
سيليا بتفكير : لا انا طلع لي اعمل نفسك الجاسوس وانك عارف
يحيى بصدمه : يا خيبه املي فيكي يا فضيحتي بقى مش عارفه ان انت الجاسوسية رقم 2 لا لا طلعت ذكيه جدا
نور بمرح : هي دي اختك ازاي
سيليا بتفكير : هو في ايه
ليان بمرح : لا يا حبيبتي بس الحمد لله طلعتي انتي الجاسوسه رقم 2 فبالتالي اللعبه انتهت يلا هنبدا دور جديد
ضحك كلهم عليها وقال لها مروان : يا خيبه املي فيكي طلعتي انبه اخواتك
سيليا بتفكير : هو انا كان المفروض ما اقولش ان انا الجاسوس صح
مريم بمرح : صح يا اختي صح بس حلوه قوي قوي يا فضيحتي دي يا يحيى
ومر اليوم في اللعبه والضحك والمرح وعدى اليوم وكانت ثاني يوم هو يوم وقفه عيد الفطر المبارك ويوم عمل كحك العيد بعد ان حددت نورهان موعد المقابله مع والدها اول ايام العيد بعد الحاح شديد منها لوالدها
من أراد أن يدعو لغزة فليقل؛اللهم لا يأتي عليهم رمضان إلا وقد أطفأت نار حربهم !!
عشقك_لعنتي
#بقلم_شروق_مجدي.
الفصل 31
صلى على الرسول صلى الله عليه وسلم ♥️
.........................................
النور كان قاطع والشبكه وحشه جدا البارت طوووووووووويل اوي اهو
خلص اليوم وكانوا كلهم مبسوطين جدا وعمران قام وقال: يلا بقى يا ليان عشان نروح
بص له زيدان باستغراب : طب ما نتسحر سوا ده اصلا شويه والسحور خلاص وده اخر سحور في رمضان خليكم معانا
ضحكه مريم وقالت : بس بس بس استنى انت وهو تروح فين يا حلو امال مين اللي هيعمل معانا الكحك معلش يعني المدام معانا النهارده
نظر لها عمران بغيظ : على فكره خالتي ما اتصلتش وقالت انها عايزه ليان
نورهان بتاكيد : بس احنا عايزين ليان وكحك العيد ما ينفعش من غير لولي كفايه بقلها سنتين كانت بعيد عننا حتى العيد ما كانتش بتنزل انت كمان عايز تاخدها مننا مستحيل
تنهد الاخر بتعب وقال : بس انا ما اعرفش انام من غيرها في البيت
بيشوي : يا اختي جميله يا حلوه هي بتحضر لك اللبن قبل ما تنامي يا حلوه
ضرب عمران يده في كتف بشوي بيغيظ وهو يقول : اي ياض الغتات اللي انت فيها دي
ليان بتكبر : خلاص يا جماعه بليز مش معقول يعني ان كلكم بتتخانقوا عليا كده مش ممكن انا هفكر في الموضوع ونلاقي حل سوا
مريم : افتكرت نفسها مهمه يا ماما احنا عايزينك عشان نمرمطك معانا هناك
سيليا وهي تصفق بفرح : الله انا عمري في حياتي ما جربت الحاجات دي يعني احنا هنعمل بقى الكحك وحاجات كده
مريم : اهي واحده هبله هناك اي رايك يا بت يا نور لو نستغلها ونخليها هي تعمل كل حاجه بما انها طلعت عبيطه
بص لهم يحيى بصدمه وكملت نور وقالت : لا لا دي برضه اخت جوزي عيب يا بنتي كده واكملت بهمس: لما نروح نبقى نظبطها مش قدامه يا غبيه
يحيى: لا ما شاء الله ونعم الزوجه الوفيه وانتي يا سيليا ناويه تقعدي هناك على طول ولا ايه
سيليا بصدمه : هو انت ناوي تاخدني لا انا عايزه اقعد معاهم
مروان : انتي مش عايزه تيجي تعيشي معانا
سيليا : لا طبعا مش عايزه اجي اعيش معاكم لما نبقى نتجوز ابقى اجي اعيش معاكم ثم ان انا لسه ما اخذتش قرار في موضوع جوازنا ده
يحيى باستغراب مما تقول هي : اي ده هو في حاجات جدت وانا مش موجود ولا ايه
سيليا : اه يعني بصراحه كده نظام الحب بتاعه مش عاجبني فلا يغيره لا فضها سيره
يحيى بصدمه : نور سيليا ما كانتش بتقول الكلام ده خالص
ضحكت مريم بمرح وقالت : نظام الحب اللي عليه مروان مش حلو خليه يحول على نظام فرفشني شكرا هههههههههههه
كلهم ضحكوا عليها وقال بيشوي بتعب : ربنا يصبرني يلا بقى عشان نلحق نتسحر ماما مستنياني في البيت
عيسى بتفكير : بقول لك ايه هو انت اسمك بيشوي يعني المفروض انك مس،يحي انا ليه حاسس انك مس،لم
بيشوي بمرح : ليه يا جدع عشان بقول اروح اتسحر عادي يعني انا بحب اقف جنب اخواتي المسلمين في رمضان اللي خلانا هنعمل الكحك مع بعض مش هيخلينا نتسحر مع بعض
عيسى بتفكير : لا لا مش حاسس انك مسي،حي مش عارف ليه
بيشوي بمرح : يا جدع والكعبه مسي،حي
بص له عيسى بصدمه و ضحكوا كلهم عاليه
وقال له عمران : خف عليه يا بيشوي بلاش ترخم بقه
بيشوي بمرح وهو يلاعب حاجبيه له : يلا بقى عشان اذان الفجر قرب خلينا نلحق ناكل لان لو الفجر اذن مش هناكل
عيسى بصدمه : ويقول لي مسي،حي مسي،حي ازاي
ضحك بشويه جامد وخد مريم وخرجوا على بره
ليان بمرح : هنا في مصر ما تعرفش مين المسي،حي ومين المس،لم هي كلها كده على بعض زي ما بتقولوا كده شروه واحده على بعضها احنا كمان في عيدهم بنخرج ونتفسح عادي جدا يا عم فك كده خليك فريش
وبصت لزيدان وقالت له : باي يا جوز اختي يا امور يا حليوه انت
ضحك يحيى عليها جامد و وضع يده على نور وقال لها : اختك شكلها هتطلق النهارده
نور بمرح : لا عادي عمران عارف انها مجنونه ثم انها مش رايحه تبات معاه هي هتبات معانا فعادي بقى خليها براحتها
خرجت ليان على بره ومريم قالت لها : تعالي بقى اركبي معانا عشان نروح سوا
نظر لها عمران بغيظ وقال : ما تخفي يا مريم بقى ده انتي رخمه صح هجيبها لكم الصبح بدري
ابتسمت ليان بمرح : يا جماعه ما تحسسنيش اني مهمه قوي للدرجه دي اصبري يا مريم انا هحل لك الموضوع ده دلوقتي
وقربت منه وقالت له : ممكن ابات معاهم
عمران بضيق : انتي عايزه تباتي يعني معاهم هناك انا مش هشوفك غير اول يوم العيد لان بكره انتوا بتبقوا ملخومين جدا ومش هعرف اشوفك
فرحت من داخلها انه يريدها بجانبه ونظرت لعينيه وجدت بهم شوق شديد لها وحزن انه سينام بدونها فقالت بخجل : طيب ما تيجي البيت في الشقه بتاعتك
توتر عمران وشعر بالحرج الشديد وقال : لا بلاش خلينا زي ما احنا روحي نامي معاها
ليان وهي تحرك شعرها للخلف تضعه خلف اذنها: على فكره مش هتضايق بجد مش هتضايق وهنزل ابات معاك كمان هخلص معاهم واجي لك تعالى يا عمران نبات هناك على فكره انا بحب الشقه دي جدا لينا ذكريات كثير حلوه فيها مش هكون زعلانه وانا معاك هناك لاني عارفه ان ده كان غصب عنك تفرق لو كان بمزاجك تعالى بقى ولا انت عايز تنام من غيري
واكملت بمرح : ولا انت شكلك عايز تجيب بنات في الفيلا وانا مش موجوده بقه
ضحك بقوه وهو يلف حول العربيه ليفتح الباب للرحيل : مش لما ابقى اكمل جوازي منك ابقى اشوف بنات غيرك
شهقت بصدمه و وضعت يدها بغضب على السياره وهي تقول : نعم يا حبيبي قصدك ايه بي الكلام ده ناوي تلعب بديلك بعد كده
ضحك بقوه وجلس بالسياره وهو يقول : يلا يا مجنونه اركبي عشان نروح
بمجرد فتحها باب سيارته صرخت مريم وهي تقول : انتي يا بنت وحياه امي لاخلي امك تجيبك من باب بيتكم
ضحكت ليان وقالت : احنا رايحين نبات في الشقه اللي هناك يا بومه اتهدي بقى
وجهت مريم عيونها بصدمه الي بيشوي وهي تقول بهمس : حاسه ان هيبقى يوم نكد على اللي جابونا
ضحك بيشوي بقوه وقال : والله هو يوم نكد على اللي جابوني انا انا مش فاهم من وسط البنات كلها اخترتك انت ليه
مريم بمرح : عشان انت كئيب وانا فرفوشه يا ابو دم تقيل يا رخم اخلص واركب
.........................................
عشقك لعنتي بقلم شروق مجدي
بالداخل يحيى بهمس : ما تيجي اقول لك حاجه جوه وبعد كده امشي
عيسى وهو يقاطع كلامهم بمرح : ولا جوه ولا بره يلا يا ماما هوينا وانت يا اخويا اتهدي شويه راعي السناجل
يحيى : انا حاسس ان انت مراتي الاولانيه بجد يعني مش كده يا جدع
ضحكت نورهان وقالت : هو انت وهو اصلا مش هترجعوا تباتوا مع مروان
يحيى : لا لا مش دلوقتي خالص شويه كده يلا سلام خدي بالك من نفسك مين اللي هيركب معاكي
نور : مروان وسيليا هروح مروان
يحيى : وهتروحي انتي وسيليا لوحدك على الطريق
نور : اعتقد ان انت عارف كويس ان انا ما يتخافش عليا وعلى العموم عمران هيمشي معانا بس بيشوي هيسبق عشان مريم ما تتاخرش اكثر من كده
يحيى : تمام بدل عمران معاكم تمام يلا خدي بالك من نفسك
ابتسمت له واتجهت للخارج
عيسى بمرح : يا حنين
يحيى : اوف انت رخم جدا على فكره اتغيرت يا عيسى
عيسى بمرح : ما فيش حاجه بتفضل على حالها يا ابني يلا يا اخويا يلا قدامي على جوه
.........................................
فعلا وصلوا مروان ورجعوا كلهم على البيت ونزلوا بس وقفت نورهان ليان وقالت لها : انتي متاكده من الخطوه دي انك هتباتي في الشقه مع عمران
ليان : اه متاكده هو ايه المشكله مش عارفه ليه حاساك انتي ومريم كده شايفين الموضوع اوفر ، اوكي انا فاهمه انتي تقصدي اي ، بس انا ليه في الشقه دي ذكريات كتير قوي حلوه معايا من صغرنا
والموقف اللي حصل ده هو ما كانش في وعيه يمكن كان اختلف لو كان عارف هو بيعمل ايه او مش يمكن هو كان اكيد هيختلف كثير لو كان عارف هو بيعمل ايه فا انا اه ما عنديش مشكله ان انا ابات انا وهو هناك
وكمان انا بصراحه مش هبقى حابه ان هو يبقى بعيد عني يعني هو هيوحشني قوي وهو اتعود ان انا اللي بعمله السحور وكده فخلينا سوا هنا
ابتسمت نور وقالت : ماشي يا عم خليكوا سوا هنا انا كنت بطمن بس يلا بينا
قرب من هم عمران : بتقولي ايه يا رايا انتي وسكينه
ليان بصدمه : انا رايا
ضحك وقال : لا يا حبيبتي انت سكينه هي رايا بتتفقوا على ايه
بس كلهم نظره للاعلى على صوت طنط ناهد وهي بتقول : ما تيلا يا بنتي انتي وهي في حاجات كثير فوق عايزه تتعمل اعملي حسابكم ما فيش نوم النهارده اطلعوا على فوق يلا
ليان بمرح : طب انا يا جماعه هروح انا بقى عايزين مني حاجه
بس وضع عمران يده على خصرها وهو يقربها منه ويقول : اه انا عايز اكل الكحك من ايدك وعايز كمان اقضي اجواء العيد هنا معاكي بقى لي سنتين مش حاسس بالعيد من غيرك
ظلط هي تنظر له بنبهار شديد مما يقوله ولكن فاق كل منهم على صوت مريم تقول : تيرارااااررررااا ما تلمي نفسك بقى انتي وهي واحده جايه اهي لوحدها من غير جوزها والثانيه سايبه خطيبها وانا سايبه خطيبي وانتي وهي ما فيش عندكم اي ريحه الدم
ضحكوا الاثنين وطلعوا على فوق معاهم بس ليان وقفت امام باب الشقه وقالت : انت تدخل بقى توضب الشقه وتنام لحد ما انا اخلص وانزل لك
عمران بتفكير : مش عارف ليه حاسس انك هتزحلقيني وتنامي فوق يا لولي
ضحكت بمرح واقتربت من اذنه وقالت بهمس : ما بقتش اعرف انام غير في حضنك
وجه عيونه لها بفرح شديد وهو يقول : ما تسيبك من الكحك العيد والكلام الفارغ ده وتعالي نرجع بيتنا عايزك في موضوع مهم قوي
ركضت للاعلى وهي تقول له : لم نفسك وادخل روق الشقه وبعدين انا جوزي حبيبي عايز ياكل كحك العيد من ايدي
وطلعت على فوق وراهم
وضع يده داخل خصلات شعره وهو يتنهد بتعب : انا ازاي ازاي عديت البنت دي من ايدي ده انا كنت حمار حمار يعني
وفتح باب الشقه ودخل على جوه وقرر يوضب الشقه بالكامل ويجهز لها جوا رومانسي للسحور
.........................................
دخلوا الاربع فتيات ووجدوا ناهد ومارينا يجهزون اشياء الكحك
وقالت ناهد : يلا يا حلوه منك ليها تغيروا هدومكم وتيجي تجهزوا معانا
مريم بغيظ : هو انتم مش بتعملوا الكلام ده بكره الصبح او بعد الفطار يعني عاملين كده من النهارده ليه
مارينا : النهارده التجهيزات وتوضيب الحاجه وبكره نعجن وندخل الافران اخلصي وبطلي رغي بدل ما اجيبك من شعرك
ناهد بغيظ : وانتي وهي واقفين كده ليه اخدت لكم كام صوره يلا قدامي على جوه وهاته لبس لسيليا وخلصونا بقى
سيليا باستغراب : ما انا معايا لبس
ليان بتعب : لا يا اختي اللبس بتاع التجهيزات ده يعني تختاري اوحش حاجه عندك عشان ما تبوظش
نورهان بمرح : وتربطي حاجه على شعرك عشان شعرك ما يقعش في الكحك لان لو ماما شافتك خارجه لها بشعرك هتجيبك هي من شعرك
ضحكت سيليا بمرح واتجهوا الفتيات للداخل وابدله ملابسهم بملابس قديمه ووضعه الاشارب على راسهم بعنايه شديده حتى لا يسقط شيء في الطعام
سيليا بمرح وهي تدور حول المراه : اللي يشوفني كده ما يقولش خالص ان انا جايه من بره وان انا كنت عايشه في لندن يقول اخري حي انتي قلتي لي اسمه حي ايه يا مريم
مريم بمرح : على حسب حي بولاق حي السبتيه وكاله البلح شبرا باب اللوق اختاري ايهما وفي غيره كثير بس ده اللي انا فاكراه دلوقتي
ضحكوا كلهم وقالت ليان : طب انا لسه عروسه جديده المفروض ان انتم تجيبوا لي الكحك لحد باب بيتي وتزوروني دي معامله عروسه دي
نورهان : طب ما انا كمان عروسه والمفروض خطيبي هيجي اول يوم العيد عشان يتقدم لي تقوم خليني بالمنظر ده
دخلت ناهد عليها وهي بتقول : يلا يا عروسه منك ليها ال عروسه ال كتك نيله وانتي شبه عروسه المولد انت وهي
ونظرت لسيليا وقالت : وانتي يا مفعوصه انتي الثانيه يلا تعالي على المطبخ عشان عايزاكي خلصوا
مريم : ما قالتش انها عايزاني
وجدت ناهد ترفع الشبشب من قدميها وتقول : قدامي يا مريم عشان ما نصلش الشبشب ده على دماغك
ركضت مريم للخارج وهي تضحك وتقول : ده انا اول واحده والله يا طنط
.........................................
وبعد وقت من التجهيزات انتهت البنات واخذت كل منهم شاور واتجهوا للفراش ونزلت ليان تاخذ شاور في شقتها دقت جرس الباب بقوه اقترب عمران من الباب بتعب وهو يفتح وهو يقول : في ايه يا ليان ايه الدوشه اللي انت عاملاها دي
اتجهت الاخرى للداخل : ما انت مش حاسس بيا جسمي مكسر اه ياني دول سحلونا خدونا غسيل و مكواه
ضحك بقوه عليها ولكن ظلت هي تنظر للشقه وتقول : وووواو ده انت وضبتها على الاخر برافو عليك تلاقيها كانت كلها تراب مبهدله
ابتسم وقال : طبعا يا بنتي مش شايفه منظري معفن ازاي
نظرت له من الاعلى للاسفل وضحكت بقوه : يعني هو انا اللي منظري عدل قوي مش شايف كل دقيق ومبهدله ازاي دي كل دي تجهيزات يا ابني تجهيزات بكره بقى اه ياني
اقترب منها ووضع يده على خصرها وهو يداعب انفها بانفه واكمل : بس حلو شكلك وهو مبهدل ومعفن كده
ضحكت بقوه : طب ابعد بقى عشان انت كلك تراب وانا كلي اكل فالموضوع صعب جدا يعني
ضحك بقوه وقال : ايه المشكله يا سلام كده لما نلخبط التراب على الاكل هيبقى حاجه ايه جامده جدا
ليان بغيظ وهي تبعده : الاذان يعني اتفضل عشان ناكل ما فيش وقت
قال لها : هو مين قال لك كده اساسا السحور جاهز حضرتك انتي ادخلي خدي دش وانا هاخد دش في الحمام اللي بره ونتسحر قبل ما الاذان يبدا يلا بسرعه
بس هو فضل واقف ومستني دخولها الغرفه ليطمئن عليها اكثر وجدها فتحت الباب واخذت ملابس من دولاب وهي تقول : عمرنا هاخد لبس من عندك نسيت اخد من فوق بكره بقى اطلع
عمران : ماشي يا حبيبتي هتلاقي كذا حاجه عندك نقي اللي انت عايزاه
واتنهد براحه واكمل في نفسه : الحمد لله اني رميت الملايه لو كانت فتحت الدولاب كانت هتشوفها مش ضامن يكون رد فعلها هيكون ايه
فعلا خدت ليان اللبس ودخلت للمرحاض وعلقت الباب خلفها
ابتسم وهو يحمد ربه انها لم تحزن من ما حدث بالسابق واتجه هو الاخر للمرحاض لياخذ شاور
.........................................
رن هاتف نورهان بمعشوقها زيدان او كما نقول حاليا يحيى فرفعت الهاتف واتجهت للخارج تتحدث معه وهي تقول : انت لسه صاحي
يحيى : اه بجهز السحور وانتي بتعملي ايه
نور : لا احنا بناخد هدنه وماما وطنط هم اللي بيجهزوا السحور بصراحه تعبنا وما بقيناش قادرين خالص ولسه كمان بكره في مواويل
يحيى : اه افهم من كده اني مش هشوفك بكره
نور : لا حضرتك انت هتشوفني لما تيجي اول يوم تنهد الاخر بتعب واكمل : انا خايف جدا من مقابله بابا امال لو ما كنتيش فعلا مراتي كنت هعمل ايه انا خايف جدا يا نور لو حد فيهم عرف حاجه عن ماضيه يعني انتي كنتي قلتي لهم وخلصنا
نور : اطمن ما حدش يعرف غير كابتن ادهم والفريق بتاعه ودول عمرهم ما هيطلعوا اسرار شغلهم بره واللي كانوا شغالين معاك اتقبض عليهم واللي في مصر كلهم اتقبض عليهم المفروض تقريبا محاكمه ياسين قربت
يحيى : والبنت اللي كانت معاهم دي هو ايه مشكلتها اصلا انا مش فاهم يعني هم خدوها ليه
نور : خدوها لان هم شكوا انها كانت بتشتغل مع ياسين بس نيار لا ما كانتش بتشتغل معاه ولا حاجه هي بس ما كانتش طايقه ليان وعايزه تبعدها باي شكل عن عمران هي دي كل صلاتها بيه يعني
يحيى : اه اه فهمتك تمام انتي ناويه يعني تروحي المحاكمه ولا ايه
نور : لا احنا مالنا بقى هم حرين بس اعتقد يعني ان هو اكيد اعدام طبعا يعني او مؤبد
يحيى : كان زماني زيهم بتحاكم
نور : بس اللي انا اعرفه ان انت مش زيهم ياسين عمل كثير قوي في مصر وكذلك كل الناس اللي اتقبض عليها في مصر انت عمرك ما عملت حاجه هنا ولا في اي دوله عربيه او افريقيه عامه فبالتالي انت ما لكش دعوه خالص بالكلام ده انت لو كنت هتتحاكم كنت هتتحاكم بره مع الانتربول مش هنا وادهم خلاص ظبط كل الكلام ده وبقيت شاهد مالك وكمان بالنسبه لهم انت ميت شهيد، يحيى من فضلك ممكن تنسى كل الكلام ده يعني انسى ده خليك معانا هنا انت يحيى صاحب الكافيه وجوز نورهان مهندسه ديكور انسى بقى كل الكلام ده وعيش هنا مع بعض انا وانت نعمل بيت وعيله مع ليان وعمران وسيليا ومروان وعيسى وبيشوي ومريم
يحيى : عندك حق تعرفي ان انا نفسي اجوز عيسى هو كمان يعني نفسي الاقي عيسى مع واحده كده بيحبها
ضحكت نورهان بقوه وهي تقول : تعرف ان مريم عجبها جدا عيسى
يحيى بصدمه : ايه ناويه تفركش مع بيشوي وترتبط بيه
نورهان بمرح : لا اكيد يعني مريم من صغرها هي وبيشوي بيحبوا بعض هي كانت بتحب ترخم عليه وتغيظوا بس هي كانت بتحبه بس ليها بنت خاله ليها عسوله جدا اسمها ميرنا فبتفكر يعني انها تظبطهم مع بعض حتى عايزه تجيبها اول يوم العيد وانت جاي انت وهو عشان يشوفها يعني وعايزه تجيبها كمان يوم افتتاح المطعم
يحيى : طب وميرنا دي كويسه يعني يعني عيسى ده ما فيش اطيب منه في الدنيا انت ما تعرفيهوش ادي انا وهو طول عمرنا مع بعض هو يستاهل احسن واحده في الدنيا
نورهان بحب : انت كمان تستاهل احسن واحده في الدنيا
يحيى : وانا خدتها خلاص وعارف انها كثير قوي عليا
نور : انت اللي كتير عليا يا يحيى بطل تقلل من نفسك كده عشان بجد ده بيضايقني واه يا سيدي ميرنا دي عسوله جدا حلوه وكمان بنت ذكيه ولطيفه ومؤدبه واراهنك ان عيسى هو اللي هيفضل يلف وراها اول ما يشوفها
يحيى : خلاص لو خير ربنا يقربه له
نور : طب يلا بقى عشان بيندهوا عليا عشان السحور الاذان قرب خلاص
يحيى : انهارده اخر سحور في رمضان كان نفسي نكون مع بعض
نور : السنه الجايه ان شاء الله نكون كلنا مع بعض وبنجهز برده تجهيزات الكحك كده وانتم بقى تباتو في شقه عمران هنعمل حظر التجوال اليوم ده
يحيى ب صدمه : ايه ده في ايه انتم غير الناس ولا ايه طب ده اللي انا اعرفه ان المفروض يوم وقفه العيد دي الراجل ومراته بتلبس ولادها لبس جديد كده بتاع الوقفه ده وبتلبس جديد وتحط بقى الحنه كده في رجليها وتدلع لجوزها وانتي تقولي لي هنعمل حظر التجوال هو انتوا وقفه العيد عندكم مش زي بقيه المصريين
ضحكت بقوه واكملات : لا حضرتك احنا وقفه العيد عندنا بنعمل فيها كحك العيد بطل قله ادب ممكن اول يوم العيد بقى اللي نشوف الموضوع ده
يحيى بضحك : خلاص يبقى اعتبر ده وعد
نور : وعد ايه
يحيى : ان اول يوم العيد بتاعي انا
ضحكت بقوه واكملت : بالليل مش الصبح الصبح برده بتاعنا كلنا
يحيى بغيظ : لا ده انتي كده بتستعبطي بقى وبتاكلي من حقي
ضحكت بقوه وقالت : اقفل يا يحيى خليني اروح اكل انت اصلا لو شفت شكلي وانا بجهز للكحك مش هتفكر تقرب مني
يحيى بحب : والنبي لو بتعملي ايه برده احبك في كل حالاتك حتى لو شعرك منكوش كده وشكلك معفن نور بمراح : لا مش للدرجه دي يعني بس كنت رابطه الربطه بتاعت الست المصريه الاصيله دي روح يا يحيى روح الله يخرب بيتك ماما هتيجي تجيبني بالشبشب امشي انا امي عليها شبشب تعدموا ان شاء الله
ضحك الاخر بقوه وقال : طب يلا سلام اقفلي
.........................................
بالاسفل خرجت ليان وهي ترتدي بيجامه لعمران ترفع اكمامها للاعلى وايضا البنطلون وتربط المنشفه على شعرها ومجرد ان راها عمران ضحك بقوه ويقول: ايه المنظر ده
ليان بغيظ منه : ما لقيتش حاجه اصغر من كده شكلي عبيط صح
اقترب منها وقال : طب كنتي اقلعي البنطلون شهقت بصدمه : هاااااا
اكمل بمرح: اقفلي بقك ده دماغك شمال علطول كده اقصد يعني مش كده كده التيشرت عامل زي الفستان القصير يبقى ايه لازمته البنطلون
نظرت له بتفكير ثم بالفعل جلست على الفراش وازالت البنطلون وهي تقول : احسن برده انت عندك حق
ظل ينظر لقدميها بتوتر وشعر ان درجه حرارته بدات ترتفع بقوه من حركاتها تلك فقال وهو يتجه للخارج: طيب انا خارج بقى يلا تعالي ورايا عشان نحضر السحور ها يلا يلا
بعدت المنشفه عن شعرها واتجهت للخارج خلفه جلست بجانبه وهي تقول : تسلم ايدك بجد الاكل حلو قوي
رفع عيونه عليها بتوتر و هو يقول: لا لا ليان احنا في رمضان مش هينفع كده خالص
بصيت له باستغراب وهي مش فاهمه هو عايز ايه اكمل هو : يعني انتي قاعده قدامي التيشرت بتاعي الى شبه الفستان ده وشعرك ده اللي منكوش كده الصراحه حاجه تسد النفس قومي بقى غيري هدومك ولا اقول لك اطلعي هاتي هدوم من فوق
ليان بصدمه وهي توجه يدها على نفسها : انا شكلي يسد النفس طب على فكره بقى انا شكلي امور جدا عمران بهمس نفسه : ما دي مصيبه يعني انا مش هقدر اتحمل اكتر من كده
ليان بعدم فهم : بتقول حاجه
عمران : لا ولا حاجه طيب كملي اكل يلا وادخلي نامي بقى انا هروح اصلي
ليان : هتصلي ايه هو الفجر ادن
عمران : يوووه يا ليان عايز اصلي قيام الليل او هصلي ركعتين قبل الفجر انتي مالك يا ستي انتي مالك ده انتي غريبه جدا
وسابها ودخل على الاوضه الثانيه
ليان باستغراب : هو ماله ده وانا مالي
وكملت اكل وشالت الاكل ودخلت صلت الفجر ونامت فعلا
وهو ظل جالس الى ان حل الصباح يقرا قران ثم اتجه للداخل ونام بجانبها دون ان تشعر به
.........................................
وباليوم التالي جهز الفتيات وبعض الافطار بدا كل منهم يجهز العجين وقالت ناهد : بيشوي انت وعمران انزلوا بقى اقعدوا في الشقه تحت واستنونا لما نخلص عشان توده الصاجات الفرن
ضحكت ليان بمرح وهي تقول : ايوه زي صاجات الرقاصه كده فانتم اللبيسه ههه هههههههههههه
عمران بغيظ: ايه يا بت الرخامه اللي انتي فيها دي ناهد : لا يا حبيبي دي ما يتردش عليها كده
عشقك لعنتي بقلم شروق مجدي
وراحت رفعت الشبشب حذفته عليها وقالت : عشان تلمي نفسك يا ظريفه
ليان بغيظ وهي تدبدب في الارض : يوه يا ماما بقى احترميني شويه انا واحده متجوزه
ناهد : اتلهي وادخلي هاتي المكنه بتاعه البسكوت من جوه وبطلي رغي
ضحك عمران وخرج على بره وهو بيقول : اتوصي بيها يا خالتي
ليان وهي بالداخل : سمعتك على فكره ماشي هي تتوصى بيا وانا هطلعهم عليك
ضحك بقوه واتجه هو بيشوي الاسفل
سيليا بفرح : انا اللي هقعد على مكنه البسكوت
ليان : روحي يا حبيبتي شوفي لك لعبه العبي بيها انا اللي هقعد على مكنه البسكوته
مريم : انا بالنسبه لي البيتي فور بتاعي والمكنه بتاعته بحب اقعد اعمل اشكال كده
مارينا : انتي البيتي فور والغريبه كمان
مريم بفرحه : انا موافقه بس المفروض سيليا تساعدني بقى
سيليا بغيظ : بس انا عايزه اعمل على مكنه البسكوت ليان وهي تلعب حاجبايها بمرح : لاء
سيليا بغيظ : يا ماما ناهد انا عايزه اقعد على مكنه البسكوت
ناهد : قومي يا ليان وسيبيها تقعد على المكنه
ليان : جري اي يا ناهد هي عشان قالت لك يا ماما هتبعيني خلاص وتتبري مني انا اللي هقعد على مكنه البسكوت والا والله
ناهد قطعتها بغيظ : قومي اعملي الكحك واختك هتعمل معانا القرص اخلصي بدل ما اجي لك بالشبشب
ليان بغيظ : يوه بس انا ما بحبش الكحك ومش باكله انا باكل البسكوت والبيتي فور
مارينا بضحك : هو انتي بتنقي الاكل اللي هتعمليه اخلصي يا بنت وبطلي رغي
قامت ليان بغيظ وهي بتقول: يا رب المكنه تعور ايدك
سيليا بمرح : بس يا بومه
وقعدت فعلا سيليا علمتها ناهد تعمل ايه بالظبط بصيت لها ليان بغيظ وقالتها : محسساني ان انا مش بنتها الست دي دي ما صدقت لقيت سيليا عشان تتبرى منى
ضحك كلهم وبعد شويه قالت سيليا : ممكن اعمل قرص على شكل عروسه
ليان بمرح : اصبري يا بنتي هنعمل كلنا دلوقتي بس لما نخلص ماما هتسيب لنا حته عجينه نعمل بيها كل واحده العروسه بتاعتها وعليها اسمها
ضحك كلهم وفعلا بعد ما خلصوا عملوا البنات كل واحده فيهم عروسه وعليها اسمها محفور
ونزلت ليان وندهت لعمران وبيشوي وهي بتقول لهم بهمس : طبعا مش هوصيكم زي كل سنه الصاج بتاعنا اللي فيه العرايس هو اللي يطلع الاول والا سوف نقيم عليكم الحد
عمران بمرح : طب عملتلي عروسه عشان اكلها لوحدي
قالت ليان بمرح وهي تحرك يدها على نفسها : ولما انا اعمل لك عروسه انا ابقى لازمتي ايه
ضحك بيشوي بقوه وهو يتجه للاعلى ويقول :طب استاذن انا بقى عشان دي اعراض ناس
اقترب عمران وهو يضع يده على خصرها بخبث ويقول : ولما انتي تقولي كده قدامي المفروض ان انا اعمل ايه بقى
ليان باستغراب شديد : مش فاهمه
اكمل بهمس وهو يسحبها لداخل الشقه و اغلق الباب وهو يقول : يعني المفروض ان انتي عروستي وان انا اكلك
عضت على شفتيها بخجل شديد وهي تقول : طب وهو انا حوشتك
نظر لها بصدمه واكمل : انت بتتكلمي جد
واقترب اكثر وهو يكمل : يعني انتي موافقه ان انا اكلك
بعدته مرح وهي تفتح باب الشقه وتركض للخارج وتقول له : هي بنات الناس لعبه ولا ايه ولا انت شايفني لحمه
وضحكت بقوه واتجهت للاعلى
وضع هو يده في خسره و اكمل بغيظ : شكلك هتجنني معاكي ماشي يانا يا انت يا عروستي
وفعلا بعد وقت ابتدا الجميع يجهز المنزل ويوضبه ويستعدون لليله العيد ومقابله يحيى خطيب نورهان المستقبلي
.........................................
باليوم التالي جهزت البنات والشباب لصلاه العيد
و وقفت ليان بالعبايه السمراء والطرحه السمراء وقالت : يلا عمران بقى ابتسم لها
وهو ويرتدي الجلباب الابيض ويقول : ايه يا ناس القمر ده
ابتسمت بمرح واتجهت للخارج وهي تقول : انا متوضيه يلا بقى
بالفعل نزلت لهم مريم وسيليا ونور فقالت ليان : انتي ايه اللي منزلك يا مريم
مريم بغيظ : هقف اتفرج انتي مالك انتي يا رخمه ده ده انتي غتيته صح
ضحك كلهم وفعلا ذهبوا لصلاه العيد وبالاسفل كان بيشوي ومروان يقف ينتظرهم فقالت ليان مرح : طب وانت كمان ايه اللي جابك يا بيشوي
بيشوي بيتعب : والله يا بنتي انا كنت عايز انام بس مريم عايزه تتفرج على الصلاه
فانا مضطره بقى يلا خلصوها بقى عشان عايزه انام
.........................................
وبعد قليل كان بالاعلى ناهد تجهز للغداء وبالخارج غرفه الانتريه الطاوله مليئه ب صينيه الكحك والبسكوت وايضا طبق به جميع انواع الشوكولاتات وايضا طبق اخر يوجد به بعض التسالي للضيوف التي تاتي لتعايد عليهم
اجواء العيد بالمنزل بالكامل
ونور كانت تجهز بالداخل ومعها سيليا وايضا مريم
و بالاسفل تجهز ليان لتتجه للاعلى لهم ولكن قال لها
عمران : ليان بطلي تهزري مع يحيى وتقولي لي انت حلو انت كاريزما والكلام الرخم بتاعك ده
ليان : على فكره ده جوز اختي وانا بسيبك بتهزر مع نور عادي ولا هو حلو ليك وواحش ليا
عمران : اه بس اختك بنت خالتي فتفرق
ليان ببرود : لا ما تفرقش انا بحبك وبغير عليك
عمران بفرح : انتي اي قولتي اي
ليان بغيظ : اوعى بقى خليني اطلع اشوف اختي
شدها عليه وهو يحاوط خسرها وقال : بس حبيبك ما اديتكيش العيديه
صفقت بيدها بمرح وقالت: هو انت هتديني عديه بجد طب ايدك بقى كده على مثلا 10000 جنيه
عمران : ليه يا اختي ان شاء الله عايزه 10000 جنيه تعملي بيهم ايه
ليان : ايه هم خساره فيا ولا ايه
عمران : لا انا بسال عادي هتعملي بيهم ايه ثم ان دي مش عيديه ليكي دي عديه الشارع كله
ليان وهي تضع يدها في خسرها بغيظ : يا معفن ده انت ما فكرتش تاخدني تشتري لي لبس جديد او مثلا تديني فلوس اجيب طقم ولا تقول لي حتى خدي يا حبيبتي دول شبرقي بيهم على نفسك وانت وارث قد كده
عمران بصدمه : هو انتي بتنقي عليا يا بت ثم اني ما هي الفلوس في الخزنه قدامك عايزه تاخدي ما تاخدي هو انا كنت قلت لك لاء انا اصلا مش بعدهم فانتي بتتكلمي في ايه ، ولا انتي بقى عايزه تتخانقي
ليان : على فكره انا الفلوس بتاعتك دي ما خدتش منها خالص ولا فكرت حتى اني اقرب منها يعني المفروض ان انت اللي تقول لي
عمران باستغراب : نعم امال انتي الفتره اللي فاتت دي كلها بتصرفي منين والاطقم اللي انتي نزلتي جبتيها انتي ومريم ونورهان وسليا جبتيها منين جبتي فلوس اللبس ده منين
ليان : لا ده انا كان معايا فلوس بتاعه شغلي لما كنت بره فكنت بصرف منها
عمران : نعم يا اختي هو انتي كنت بتصرفي من فلوسك وما كنتيش بتاخدي مني
ليان بتوتر من ملامح وجهه الغاضبه : لا بصراحه يعني انا حسيت ان ما ينفعش اخد وانت ما قلتليش
غضب الاخر وتحدث بصوت عالي : و هو انتي بتهزري هو انتي عايزانا نتخانق وخلاص ومن امتى اصلا وانتي بتعملي كده ده انتي لما كنتي بس بنت خالتي كنتى بتاخدي مني اللي انت عايزاه جايه دلوقتي وانتي مراتي تقولي لي اصل انت ما قلتش
ليان بتوتر : ايوه يا عمران بس يعني احنا بصراحه ما كانتش العلاقه ما بينا ان انا اطلب منك فلوس يعني حاليا احنا تقريبا بدانا الفتره دي نتعامل مع بعض طبيعي فانا عمري ما كنت هاخد حاجه منك اصلا ولا كنت هطلب
نظر لها بغضب وقال : و المفروض ان ايان كانت العلاقه ما بيننا فانا في الاول وفي الاخر جوزك والمسؤول عنك ومسؤول عنك من زمان جدا مش لما اتجوزتك بس فكنت فاكر ان العلاقه ما بيننا اكبر من كده واكبر من الكلام الفارغ اللي انتي بتقوليه ده على العموم انا كنت اقصد ان انا اديكي عيديه عشان تحسي انها حاجه مميزه غير الفلوس اللي بتاخديها في اي وقت انتي عايزاه انا عمري ما قفلت الخزنه عنك مفتوحه قدامك على طول وعمري ما سالتك عشان عارف ان طبيعي ان انت هتاخدي وعارف كمان ان انتي مش هتاخدي ترميهم في الشارع يعني اكيد هتبقي محتاجاهم وبجد انا متضايق منك ولو سمحتي شوفي انت اخذتي كام من فلوسك خديهم من الخزنه ولو عرفت انك عملت غير كده يا ليان هيكون ليا تصرف مش هيعجبك
ووضع يده في جايب سرواله وجذب منها اموال ووضعها في يدها وهو يقول : الفلوس دي انا كاتب لك عليها كنت حابب انك تحتفظي بيها عن اذنك
واتجه للخارج دون ان ينظر لها رفعت هي الاموال امامها وهي تقول : طب وانا قلت ايه دلوقتي يزعله انا كنت اقصد يعني ان ما ينفعش اخذ فلوس في الفتره اللي كنا شادين فيها دي اوف بقى
واتجهت للاعلى لهم وهي تضع الفلوس بجيبها دون النظر في المكتوب عليها
وجدت عمران يقف مع ناهد فقالت ناهد : ليان بت اول يوم عيد ليكي معاه والواد طالع لاوي وشه ليه يا بومه
ليان بغيظ : في اي يا ماما هو في كده في الدنيا انا بنتك على فكره بابا صاحي ولا نايم
ناهد صاحي : صاحي يا اختي ادخلي قلبيه انتي ما هو ده اللي انتي فالحه فيه
جاءت تتجه للداخل ولكن وقفت على حديث عمران يقول : اه يا خالتي ما هي مع ناس وناس ما كانت زمان برده بتعمل معايا كده كانت بتنزل بتقلب مني العيديه وكانت اكثر واحده فيهم بتاخد عيديه بس دلوقتي ما بقاش ينفع تطلب اصلها بقت مراتي
ليان بتوتر : على فكره انا ما اقصدش كده انت اللي فهمت غلط
عمران : ولا فهمت غلط ولا فهمت صح خلاص يا ليان خلص الموضوع على كده
ناهد : الله ده انتم متخانقين بجد بقى في ايه يا ولاد ده احنا اول يوم العيد انتي منك لله وحياتك عندي لاجوزه عليكي يا بومه انتي
ليان بغيظ : يوه انا داخله للبنات احسن سديتي نفسي انتي وهو
ودخلت على جوه وقفلت الباب وراها
مريم : لا لا لا لا جاءت ليان هانم بمشاكلها واضح ان كانت بتتخناق مع عمران
ليان : عرفتي منين يا بنت
نورهان : صوتك يا ماما صوتك انتي وهو كان مسموع من بره ايه اللي حصل
قصت عليهم ليان ما حدث
سيليا باستغراب : انا مش فاهمه حاجه خالص طب وانتم ليه علاقتكم كانت في الاول متوتره كده
نظرت ليان لها وقررت ان تحكي لها كل شيء وبعد وقت
سيليا بصدمه : اه عشان كده علاقتك انتي وهو مش مفهومه خالص بالنسبه لي حاسه ان انتم بتحبوا بعض قوي بس في نفس الوقت حاسه ان في حاجز كبير ما بينكم مش قادره افهموا الصراحه وكنت متاكده ان ما فيش علاقه خاصه ما بينكم مش منظر كده بينهم حياه طبيعيه
عشقك لعنتي بقلم شروق مجدي
نورهان: يعني انتي غلطانه الصراحه يا ليان ما اقدرش انكر ده انتي عماله تحطي حدود كده وحواجز ما بينكم وهو بيحاول يشيلها وانتي و هو بيحاول يهد وانتي بتحاولي تبني سور ثاني
مريم : انا كمان شايفه ان نورهان عندها حق هو عمال يحاول يا ليان بس انتي كل مره بتعملي حاجه وتبعده اكتر
ليان : طيب خلاص خلينا دلوقتي في نور يلا عشان يويو جاي
نورهان بضحك : بطلي بقى خدي بالك عمران متضايق جدا من الموضوع ان انتي عماله تهزري مع يحيى
ليان: كبري دماغك دلوقتي منه يلا جهزي انت عشان العريس المنتظر
.........................................
بالفعل بعد وقت وصل يحيى هو وعيسى ومروان
وكان يجلس بغرفه الانتريه محمود والد نور ومعه وجدي زوج مارينا
رحب محمود بيحيى بشده وجلس معهم وقال له محمود بهدوء شديد : انا عارف كل حاجه يا يحيى والحقيقه انا خدت قرار و عندي راي تاني في الجوازه دي
جاري كتابة الفصل الجديد للروايه حصريا لقصر الروايات اترك تعليق ليصلك كل جديد أو عاود زيارتنا الليله
لمتابعة الرواية الجديدة زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق