مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

 

رواية عشق الجاسر( الجزء الثالث)الفصل السادس عشر والسابع عشر والثامن عشر والتاسع عشر والعشرون  بقلم مروه عبد الجواد

رواية عشق الجاسر( الجزء الثالث)الفصل السادس عشر والسابع عشر والثامن عشر والتاسع عشر والعشرون  بقلم مروه عبد الجواد 

شريف: علشان احنا مش بينا كده انا بترجاك توافق علي جواز ياسين بجانيت ، جانيت ملهاش ذنب انها تربيه الغول جانيت بنتي انا ياجاسر. 

معتز نظر ليوسف باحراج. 

يوسف : طيب نقوم انا ومعتز .

جاسر بحنق : لا استنوا .. انا مش فاهم انت ازاي تقول كده ياشريف ، انا فعلا مش موافق علي جواز جانيت من ياسين بس مش علشان انها تربية الغول زي ما بتقول ، انا رافض علشان ابني مدافعش عن حبه للبنت اللي بيحبها سواء جانيت او غيرها واستسلم لرايي لا قاوم ولا حارب ولا اعترض….. جانيت تشرف اي عيلة تدخلها كفاية انها شايلة اسمك جانيت شريف المصرى، وانا اتمناها لياسين لكن  في اليوم اللي اتاكد فيه ان ياسين عايز جانيت بجد مش مجرد بنت عجبته ويقضي معاها يومين علشان مستعصيه عليه.. انت عارف ياسين بتاع بنات ويوم ما بتستعصي عليه بنت بيرسم عليها الخطوبة بس جانيت موقعتش له بسهولة علشان كده طلب يخطبها وانا مش عايز اخسرك بسبب عيل. 

شريف : يعني انت موافق. 

جاسر : موافق لكن في اليوم اللي اتاكد فيه ان ابني يشرف ويستاهل جانيت وبيحبها بجد وهيقدر يحافظ عليها ..

معتز : هو فعلا ياسين حلنجي وبتاع بنات. .

جاسر قاطعه: انت عارفه ياشريف يمكن اكتر مني لانه تقريبا تربيتك وماشي علي نهجك..

ثم اقترب منه ورتب علي كتفه بابتسامه، اليوم اللي اتاكد فيه ان ياسين بيحب جانيت ويقدر يحافظ عليها وعلي حبه ليها انا اللي هاجي بنفسي واطلبها منك.. 

يوسف : انا رايي من راي جاسر الواد ياسين ده لاعبي واللي هيجيله بالساهل هيروح بالساهل.

جاسر : انا مستحيل اخلي اي حاجة تفرقنا ياشريف وعمرى ما اخسرك بسبب عيل ، انا اقدر اوافق بسهولة علي خطوبته لجانيت لكن زي ماقال يوسف اللي هيجي بالساهل هيسيبه بالساهل لازم ياسين يتعب ويذلل علشان اوافق علي خطوبته من بنتك..

قاطعهم صوت دنيا : اااااااابني الحقني ياجاااااااااسر الحقووووووووني ..

ذهب الجميع الي اعلي وجدوا ياسين ملقي علي الارض وبجواره دنيا تصرخ. 

جاسر بلهفه : في ايه ياسين ماله. 

دنيا بدموع : دخلت عليه لقيته واقع علي الارض وشريط الحبوب الفاضي ده في ايده 

بصدمه ودهشه للجميع حمله يوسف وشريف ومعتز وباقي الشباب وذهبوا بسرعه الي اكبر مستشفيات القاهرة وبعد الكشف المبدئي دخل ياسين العمليات. 

الدكتور وبيده شريط الحبوب الفاضي : محاوله انتح"*ار. 

جاسر بصدمه : ايه انتح**ار. 

الدكتور : الحمدلله لحقناه  هنعمله غسيل معدة. وتركه وذهب. 

سمر وساره ونهي حاولوا تهدئته دنيا ، بعد نصف ساعه من التوتر والدموع وانهيار دنيا وباقي الشباب وحيره جاسرفي محاوله انتح**ار ياسين ، خرج الطبيب وطمانهم علي حاله ياسين الذي دخل غرفه العناية ، دخلت خلفه مسرعه دنيا وجاسر والباقي ..

دنيا بدموع : ياحبيبي يا ياسين انت كويس حاسس بايه طمني ياقلب امك. 

ياسين بتعب : بخير اطمني.

جاسر بازدراء : انت كويس، ياسين هز راسه باحراج مؤكدا..

معتز ويوسف وشريف : الف سلامه يا ياسين. 

سيلا لياسين : انت عبيط يالا في حد ينتحر اول يوم رمضان هتقول لربنا ايه لما تقابله..

فهد بتعجب لسيلا : هتفرق يعني اول يوم رمضان من باقي ايام ربنا..

سيلا : طبعا هتفرق. 

فهد : في ايه ان شاء الله. 

سيلا : اصل في رمضان الشياطين بتبقي محبوسه ، كده لما يقابل ربنا في اول يوم رمضان هيقول مين اللي وزه والشياطين محبوسه. 

دنيا قاطعتها : بعد شر دا بدل ماتقولي الف سلامة لاخوكي ..

جانيت بدموع : الف سلامة عليك يا  ياسين. 

ياسين نظر لجانيت ثم  لجاسر بحزن. 

جاسر : الدكتور بيقول انك كنت عايز تنت**حر فعلا. 

باستياء القي ياسين نظرة حزن والم لجانيت. 

جاسر بحنق نظر لياسين ثم جانيت : انتح**رت ليه !!

قاطعهم دخول بدر :  اكيد علشان عايز يتجوز جانيت.

ياسين بالم نظر لجاسر  : انا مقدرش اعارضك يا بابا علشان مربيني كويس و..

جاسر قاطعه: انما تقدر تنتح**ر عادي ومفكرتش في ربنا وعقابه ليك. 

دنيا بدموع  : ماتسيبه يتجوز اللي بيحبها ياجاسر.

جاسر : بس انا لحد دلوقتي مسمعتهاش منه. 

ياسين بابتسامه امل  : اه انا عايز اتجوز جانيت. 

جاسر بابتسامه نظر لشريف : والله القرار مش في ايدي ، عمك شريف اللي يقول. 

شريف بسعاده نظر لجانيت : ايه رايك موافقة ؟!. 

جانيت بكسوف نظرت للارض.

شريف : انا بقول نسيبه يكمل انتح**ار. 

جانيت : لا لا موافقة. 

نهي بسعاده : لولولولي .

سمر بسعاده : مبروك ياجانيت. 

يوسف بسعاده نظر لادم : هو انتحر علشان يتجوز جانيت وانت عملت ايه ورحمة ابويا لو ما حافظت علي منه لمكدرك.

بدر وضع يده علي كتف ادم : سيبلي انا الطلعه دي ياعمو. 

سيلا ضربت فهد علي كتفه : وانت ايه نظامك .

فهد : اروح انت**حر يعني ولا ايه. 

لينا نظرت لخالد. 

خالد : لا مش لدرجادي انا مش اهبل انا عايز اخش دنيا مش اخرة. 

ضحك الجميع 

جاسر الصغير بهمس لوالده : يرضيك منظر ابنك كده كلهم اتخطبوا وهيتجوزوا. 

معتز بسعاده : بكره هنفطر في المنصورة. 

جاسر الصغير بسعاده : ايوه كده خلي الفرحه تكمل.

ساره : لولولولولي ….

دنيا بدموع خبطت علي ساق ياسين : كده تخضني عليك ..

اقترب بدر من ياسين هامسا : انت بلعت كام حبايه مش انا قايلك اربعه بس. 

ياسين بهمس لبدر : منك لله دخلوني العمليات هما اربعه بس وحياتك..

فلاش بااك .

(ياسين : هنعمل ايه مع ابوك بقي ، اه ما انت خلعت وخططت لنفسك وانا اللي هلبس في الاخر. 

بدر : وانا اقدر هقولك علي فكرة تخلي بابا هو اللي يتحايل عليك تتجوز جانيت. 

ياسين : بجد فكرة ايه. 

بدر : اول يوم رمضان بعد الفطار والكل متجمع  تخلي ماما او اي حد يطلعلك العرقسوس اللي بتشربه فوق في اوضتك ، ثم وضع يده علي انفه حد يشرب عرقسوس المهم   تطلع تبلبع اربع حبايات وتعمل نفسك واقع علي الارض وتستموت.

ياسين : وبعدين. 

بدر : لا بعدين ايه خلاص كدة. 

ياسين : تفتكر ممكن يجرالي حاجة. 

بدر : انت دكتور ولا عبيط دا اربع حبايات وباقي الشريط هتفضيه ، ابوك مش هيجي الا كده وماما عرق الحنيه هينقح عليها وتعيط (سامحيني ياماما بس هنعمل ايه في جوزك) تروح فرالها دمعتين ابوك يحن قصاد عمك شريف ويوسف ومعتز هوب يوافق علي الخطوبه علي طول).

باااااك. 

بدر بضحك  : يلا فدا جانيت. 

★★★★★

روفان بصدمة : يعني انتي وبابا هتسيبوا بعض خلاص. 

تيسير : انا استحملت السنين دي كلها علشانك انما مش هقدر اكمل معاه.

روفان : بس انا مش موافقة. 

تيسير : انتي خلاص كبرتي وبقيتي فاهمه انا مكنتش عايزه ادخلك في الموضوع ده لكن طالما باباكي دخلك وقالك …

روفان قاطعتها : بس بابا مقليش انا سمعته بيكلم واحده في الموبايل وعرفت انها كانت مراته ..

فلاش باك منذ يوم. 

(يتحدث علاء في الهاتف : حتي لو تيسير عايزه تطلق وتسبيني انا برضو مش هرجعلك خلاص اللي كنت خايف منه حصل وتيسيرعرفت مفيش سبب يخليني اكمل جوازي معاكي بعد ماعرفت حقيقتك وطاقتك وخلصنا ……. ولا حتي ابني ابني مسؤل مني واي حاجة عايزها هجبهاله واوفرهاله انما انتي خلاص انتهيتي من حياتي ……. اه بحبها حتي بعد ما كرهتني  بسببك ومعنتيش تتصلي تاني. 

وغلق الهاتف دخلت روفان عليه بعدما اسمعت لحديثه في الهاتف بصدمه. 

روفان : بابا انت متجوز ومخلف. 

علاء بصدمه : روفان …

روفان : انا كنت جايه اناديك نتفرج علي المسلسل سوا وسمعتك غصب عني ..

علاء : ممنوش مفر كده كده كنتي هتعرفي كل حاجه… وروي لها ماحدث منذ زواجه وغلطته مع زوجته الاولي وابنه حتي معرفه تيسير ….

روفان بحزن  : معقول  ماما عايزه تطلق. 

علاء : انا بتمني تيسير تسامحني ..)

بااااك 

تيسير بحنيه : باباكي قالها كده. 

روفان : اه والله يا ماما ، بابا بيحبك ومش معنى انه غلط يبقي تعاقبيه لاخر عمره. 

تيسير : طيب يلا قومي اجهزى علشان عريسك واهله زمانهم علي وصول. 

روفان : هتسامحي بابا. 

تيسير : بعدين ، يلا. 

خرجت روفان وطرق علاء الباب علي تيسير قبل دخوله لغرفتها. 

تيسير : ادخل. 

دخل علاء : اذيك ياتيسير انا جبت الحلويات القطايف والكنافة والجاتوه وحطتهم  في التلاجة. 

تيسير : كويس انا هروح ادفي الاكل علشان يبقي سخن علي جيتهم مش معقول يجوا من سفر وميفطروش معانا انا ماكده علي ساره لازم نضايفهم كويس.

وذهبت خطوات جذبها علاء من يدها هامسا : وبعدين. 

تيسير ابتلعت ريقها بتوتر : ايه اعمل حاجة تاني غير الفطار والحلويات .. اه صح هروح احط المشروبات في التلاجة. 

علاء بحب : هتهربي مني كده كتير لسه مش عايزه تحني دا انا لوؤه حبيبك. 

تيسير : الضيوف زمانهم علي وصول. 

علاء اقترب هامسا : وانا مبقاش عندي صبر ، وحشتيني يا توتو. 

تيسير : احنا قلنا ايه. 

علاء حاوط وسطها برومانسيه : اني بحبك ومقدرش اعيش من غيرك وانك روحي وقلبي وعقلي..

تيسير ابتسمت نص ابتسامه ونظرت للارض بخجل. 

علاء اقترب اكثر بحب : وحياه روكا مافي حد اغلي منك في حياتي انتي نصي التاني انتي كلي.. 

تيسير بكذب مصطنع : كل شيء نصيب وخلاص نصيبنا انتهى….

صوت اذان المغرب الله اكبر الله اكبر .. اشهد ان لا اله الا الله اشهد ان لا اله الا الله 

قبل ان تنهي كلامها قاطعتها علاء بقبله رومانسيه طويله وبهمس ، احلي فطار ده ولا ايه. 

تيسير عضت علي شفايفها وهي تهز راسها نافيه. 

علاء بهمس : بحبك. 

قاطعهم صوت روفان من الخارج : ياماما يا بابا جاسر جه تحت بعربيته …

تيسير بعدت قليلا : كده ملحقتش احط المشاريب في التلاجة.

علاء بضحك عض علي شفايفه : احطه انا. 

تيسير بضحك تركته وذهبت : يلا علشان تستقبل عريس بنتك.

خرج علاء وفتح الباب لجاسر الصغير ومعتز وساره وبعد السلامات .. وضعوا الفطار وجلسوا جميعا علي المائده 

تيسير : نورتونا والله دا شرف لينا جيتكم المنصورة. 

ساره : الشرف لينا يا تيسير ، ايه القمر ده يا روكا ماشاءالله كبرت وبقت زي العسل من اخر مره شفتها في عيد ميلاد منه.

تيسير : دا انا بروح العيد ميلاد مخصوص علشان ببقي متجمع بيكم. 

بعد انتهاء الطعام احضرت تيسير وروفان الكنافه والقطايف  والجاتوه. 

ساره : دا كتير لايه ده كله هو احنا لسه هضمنا.

روفان : مش كتير عليكم يا طنط. 

ساره : طنط ايه ماما علي طول بقي. 

روفان نظرت لوالدتها فاشارت لها تيسير بالموافقة. 

روفان : حاضر ياماما ساره. 

معتز : احنا يشرفنا ويسعدنا نطلب ايد روفان لجاسر ابني. 

علاء بسعاده : جاسر زينة الشباب واي عيلة تتشرف بيه. 

ساره : يعني نقرا الفاتحة. 

علاء : بسم الله …

قرا الموجودين الفاتحة. 

معتز : صدق الله العظيم ،واحنا جاهزين خطوبة معاكم .. فرح جاهزين واللي تؤمروا بيه وتشاور عليه العروسة والشبكة والعفش وكافة شيء تختاره العروسة هيكون تحت امرها. 

جاسر : خطوبة ايه يا بابا وايه لازمته التاخير. 

تيسير بضحك : انت مستعجل اوي كدة. 

ساره : اصل اخته فرحها علي خالد  الحديدي هيكون في العيد الصغير ان شاء الله واولاد يوسف كمان فهد وسيلا ومنه لادم. 

تيسير بسعاده : ماشاء الله كلهم فرح واحد. 

ساره : اه كلهم مستعجلين حتي ياسين هيتجوز بنت شريف. 

تيسير : فرحت لشريف جدا لما ظهرله بنت ربنا يسعدهم كلهم.

جاسر : طيب ايه ياطنط مش عايزه تفرحي لروفان معاهم .

تيسير بسعاده نظرت لعلاء : قول لابوها. 

معتز لعلاء : لو عايز نعمل فرح ليهم لوحدهم بعد فرح الشباب احنا جاهزين. 

علاء نظر لتيسير. 

تيسير : ولايه التكلفه خلي العيال يفرحوا كلهم مع بعض. 

جاسر بسعاده نظر لروفان : طنط دي محصلتش. 

علاء :وانا انت نسيتني انا ابو العروسة. 

جاسر : انت الخير والبركة ياعمو. 

تيسير : علي بركة الله. 

معتز : يبقي ننزل نجيب الشبكة دلوقتي. 

تيسير : بسرعه كدة. 

ساره : خلي العيال يفرحوا ، يادوب علشان يلحقوا كمان يختاروا الفرش. 

معتز : شقة جاسر جاهزة يادوب ست البنات تختار الفرش وفي يوم كل حاجة هتكون جاهزة 

علاء : علي بركة الله. 

وذهبوا لشراء الشبكة ولبستها روفان بسعادة. 

وبعد سفر جاسر ومعتز وساره وفرحة روفان. 

في الليفنج

علاء : والله وكبرتي يا ام العروسة. 

تيسير : لا ياحبيبي انت اللي كبرت انا لسه في شبابي. 

علاء : طب والله قمر. 

تيسير وقفت : انا هدخل انام ساعه واصحي علي السحور  اليوم كان متعب جدا. 

علاء وقف ووضع يده حول وسطها : وانا كمان عايز اريحلي ساعة. 

تيسير : ايييه انت بتعمل ايه. 

علاء جذبها له : هندخل نريح سوا. 

تيسير بعدته عنها : ده بعينك. 

علاء : طيب خدي عيني واديني اللي انا عايزه.

تيسير بضحك : لما تشوف حلمه ودنك.

علاء : هحط مرايا في قفايا واشوفها عادي .

تيسير بتحذير مصطنع : اتلم واتظبط انا لسه مغيرتش موقفي.

علاء : هندخل جوه نغيره سوا .

تيسير بحده : وبعدين انا قلت ايه.

علاء :  ما قلتلك تعبان سبيني انام ساعة ايه التلاكيك دي. 

وتركها وذهب. 

تيسير بتمتمه : ايه ده هو انا اللي كنت ماسكه فيه. 

دخلت تيسير غرفتها والقت بجسدها علي السرير واغمضت عينيها  ، فشعرت بحركات في قدمها وبخضه صرخت  : ااااااه فاااااار.

علاء خرج من تحت السرير: فار ايه دا انا انا. 

تيسير وقفت بتوتر : انت انت ايه فاار كان في رجلي. 

علاء بضحك اقترب منها وحضنها : انا كنت بزغزغك. 

تيسير ضربته علي صدره : حرام عليك خضتني..

علاء : انا قلت امسي عليكي هيبقي لا ترييح ولا تمسيه. 

تيسير : برره بررره. 

علاء : حاضر حاضر بس برضو بحبك.

وخرج وغلق الباب خلفه بينما ضحكت تيسير بسعاده علي مداعبته لها ، القت بنظرها علي الكومدينوا فوجدت علبه قطيفه مغلفة وتحتها ظرف صغير التقطهما وفتحت الظرف وجدت فيه مسج 

(ارجوكي سامحيني حبيبك لوؤه) 

فتحت العلبه القطيفه وجدت فيها انسيال  رقيق به فص ازرق ، فابتسمت. 

اتي صوت من خلفها : الفص الازرق ده علشان الحسد ، اصل شكلنا محسودين يابيبي. 

تيسير التفتت خلفها : انت بتطلع منين. 

انقض عليها ووقعها علي السرير هامسا في اذنها : من اي مكان يقربني منك. 

تيسير : بره. 

علاء : تؤ جوه. 

تيسير بتوتر : عيب كده البنت منمتش وشكلك هيبقي وحش .. احنا متفقناش علي كده. 

علاء اقترب اكثر : يعني احنا اتفقنا. 

تيسير ابتلعت ريقها بتوتر : اه اتفقنا. 

علاء اقترب اكثر لشفايفها بقبله رومانسيه. 

تيسير  بهمس :  ايه ده. 

علاء : الاتفاق انتي نسيتي وحاوط وسطها. 

تيسير بهمس : لا ، وابعدته قليلا. 

علاء : حاضر بس تسامحيني.

ثم نظر لقلبها ، من قلبك.

تيسير هزت راسها بالتاكيد ، فابتعد علاء قليلا ، هسيبك بس النهاردة بس بحبك.…

★★★★★

دنيا : الواد ياسين واجعني عليه قوي ، بقولك ايه انت توافق علي جواز بدر من حور انا مش ناقصه قلبي يوجعني علي حد فيهم. 

جاسر : ولادك بيلعبوا عليا واحد يجيب ماذون والتاني ينتح**ر. 

دنيا : بس غريبة انك وافقت علي جواز ياسين بالساهل كان لازم ينت**حر يعني. 

جاسر باستياء : اصلك مشفتيش نظره شريف وهو بيترجاني علشان اوافق علي جواز ابني من بنته اول مرة اشوفه مكسور كده ، نظرته وتوسله كانوا هيشلوني مكنتش عارف افكر وملقتش حل غير الكلمتين اللي قلتهمله ، انا موافقتش علشان ياسين ، انا وافقت علشان اكبر شريف وبنته قدام كل الموجودين لو جانيت كانت واحدة تانية غير بنت شريف كان مستحيل اوافق.

دنيا : وحور. 

جاسر : بتحب بدر ومش واخده من طبع امها حاجة بس الجوازه تقيله علي قلبي اوي وفي نفس الوقت بدر راجل وعاقل وراسي وبيحب مش سهل واحده تضحك عليه. 

دنيا براحة وسعادة : يااا دا هيبقي اسعد يوم في عمرى لما اشوف ولادي كلهم بيتجوزوا ، انا كدة حاسة ان رسالتي انتهت 

جاسر جذبها لاحضانه  : رسالتك لسه هتبتدي معايا. 

دنيا بسعادة : بس كان ليا امنيه. 

جاسر : ملس علي شعرها بحب : اتمني واوؤمرى ياحبيبتي. 

دنيا : بدل البرج اللي هيسكنوا فيه كانوا يجيوا يعيشوا هنا في الفيلا ، الفيلا كبيرة وهتفضي علينا. 

جاسر : ناااااعم ياختي يعيشوا فين ، وفيلا ايه اللي هتفضي دا انا هجرى وراكي فيها لحد لما الففك فيها شبر شبر. 

دنيا بضحك : انت لسه فيك حيل تجرى. 

جاسر : بقي كده تعالي ماوريكي بقي. 

وحاول جذبها له ففلتت دنيا منه عن قصد من جاسر ، فذهب وجريت بعيدا عنه وجرى وراها جاسر بهزار. 

جاسر : همسكك مش هسيبك. 

دنيا : بعينك مش هتقدر .. هدوخك. 

جاسر جرى خلفها بهزار حتي مسكها ، قفشتك. 

دنيا بدلع : كده تضحك عليا وتمسكني. 

جاسر حملها بحب هامسا : هو الفجر فاضل عليه وقت اد ايه. دنيا : امم ساعتين. 

جاسر اتجه الي السرير : يادوب ..

دنيا ضحكت وبهزار : انت كبرت ياراجل. 

جاسر : مالك يابت انا مش مالي عينك ولا ايه. 

ووضعها علي السرير. 

دنيا : انا بس عاملة عليك ياجدو انا. 

جاسر جلس بجوارها علي السرير : لا جدو ده كمان سنة ان شاء الله انا دلوقتي لسه ميجو. 

دنيا بدلع : بس هتبقي جدو كيوت. 

جاسر : والنعمه انتي اللي هتبقي تيته عسل فلقة قمر. 

واقترب منها قليلا برومانسيه : العيال هيتجوزوا خلاص. 

دنيا برقه : ما يتجوزوا. 

جاسر : طب واحنا ملناش نفس. 

دنيا بضحك : انت مبتشبعش انت كل يوم عريس. 

جاسر : بس امبارح مكنتش عريس الواد ياسين الزفت قطع عليا حبكت ينتحر امبارح ..

دنيا ضربته بخفه علي كتفه. 

جاسر اقترب اكثر : يالهوووي علي دي ضربه تاااني. 

دنيا ضربته بدلع علي كتفه 

جاسر : اي قلبي. 

دنبا : مالك. 

جاسر : بيوجعني بيقطعني بيدوبني ..

دنيا بدلع : ايه ده. 

جاسر عض علي شفايفه :  قلبي... 

دنيا ضحكت بدلع : سلامه قلبك ياروح قلبي. 

جاسر: يالهوووي علي دي ضحكه بتقت**لني …

فاقترب منها برومانسيه وهو يقبلها بحرارة ….

★★★★★

منار بصراااااخ القت الهاتف من يدها  : لااااااااا ابنااااااااي مستحيل زياااااااااده لااااااااا ابنااااااااي ماااااااات لااااااا

وائل : ازاي حصل كده زياد مستحيل انا لازم اسافر.

فلاش باااك

(بعد مرور اسبوعين علي رمضان. 

علي الهاتف وائل : خد معاك رجاله كفايه ومتسلمش البضاعه الا لما تاخد الفلوس. 

زياد : انت اول مره تتعامل مع الناس دي ولا ايه ، دي تالت مره تحذرني منهم.

وائل : مايكل ده الوحيد اللي له سكه مع المافيا لكن ايده وس**خه. 

زياد : طيب ما نشوف حد غيره. 

وائل : مفيش وقت وبعدين دي اول مره ننزل بالبضاعه مصر ومايكل هو اللي هيقدر يساعدنا في الموضوع ده. 

زياد : حاضر هخلي بالي).

بااااااك 

منار بشر : خايف علي البضاعه والفلوس اللي اتاخدوا منك وابناااي اللي راح في الرجلين من تحت راسك. 

ومسكت ياقه وائل بشر وهي تضربه علي صدره : انت السبب انت اللي دخلته في الشغل المشبوه ده وديت ابني في الرجلين ياما قلتلك كله الا زياد ، زياد مش قد اللعب معاك  ..

وائل : اهدي انا معملتش حاجه مين قالك كده. 

منار : ابني لقوه مرمي في قلب الصحرا بتنهشه الكلاااااب وجمبه جثث ياكااافر عملت في ابني كده ليه. 

وائل : مش انا انا معرفش حاجه اهدي بقي. 

منار بانهيار : الشرطه قالت لمدير الشركه انه تشابك مع المافيا وهو بيسلمهم البضاعه ولقوا اثار الهرو**ين  مرميه حواليهم ..

وائل : اكيد في لبس في الموضوع انا هروح احجز تذاكر الطيران. 

وابعدها عنه واعطاها ضهره واتجه ناحيه الباب ، بسرعه جذبت منار السلاح الذي كان في بنطلونه من الخلف وسحبت الزناد ورفعته عليه. 

منار بدموع وشر : لازم تموت ياوائل دم ابني مش هيروح هدر. 

وائل التفت لها : انتي اتجننتي بترفعي السلاح عليا. 

واقترب منه بخطوة. 

منار بحده وعيون مليئه بالشر : اقف مكانك متتحركش. 

وائل : منار بطلي جنان انا وائل جوزك وقفت ياما في ضهرك 

منار هزت راسها بانهيار : قلتلك مش عايزه حاجه من الدنيا الا زياد سبهولي بس انت استكترته عليا واهو راح راح وسابني خلاص. 

وائل بمكر يقترب خطوات بطيئه منها : زياد ابني انا اللي مربيه ..

منار : لااااا. 

واغمضت عينيها بانهيار زياد ابني وابن طارق. 

في لمح البصر مسك وائل المسدس ومنار تتحكم فيه ايضا…

وائل بشر  : عايزه تقتل**يني زي ماقتل**تي طارق. 

منار وهي تتحكم بقوه في المسدس وبشر  : هتق**لك هقت****لك ياوائل. 

واخرجت طلقه في بطن وائل  وهو يمسك بالمسدس فابتعدت منار عنه وضحكت بهلوسه : قت**لتلك زي ما قت**لت ابني. 

وائل بانفاس متقطعه وجه المسدس ناحيه منار : هتمو**تي مش هسيبك. 

منار بدموع وانهيار واستسلام : مبقاش ليا حد بعد زيااااد يازياااااااااااااااد  يازياااااااااااااد ابنااااااي. 

خرجت الطلقه من المسدس اتجاه قلب منار فسقطت علي الارض …..

اتي امن الفندق وفتحوا الباب علي صوت الرصاص وجدوا وائل بالكاد يلتقط الانفاس ومنار قطعت النفس. 

مدير الفندق : اتصلوا بالشرطه حالا. 

العامل : نتصل بالمستسفي الاول في واحد شكله لسه عايش. 

مدير الفندق : انت عايز الفندق يتحمل المسؤلية ، الشرطه لازم تيجي الاول ومحدش يدخل الجناح هنا. 

وخرج وغلق الباب. 

وائل بانفاس متقطعه : مامايه. 

بعد نص ساعه اتت الشرطه ودخلت وجدت وائل ومنار قد قطعوا الانفاس. 

الظابط  للعسكري : اتصل بالاسعاف. 

مدير الفندق : متهيالي الاتنين ماات**وا. 

الظابط : ضرب النار حصل من زمان. 

المدير من وقت ما اتصلت عليكم دخلت انا وباقي الطقم لقيناهم قاطعين النفس علشان كده اتصلت بالشرطه الاول ومطلبتش الاسعاف …

★★★★

في المستشفي حور بانهيار ودموع : ماما لاااااا ماما يابدر خلاص مش هشوفها تاني. 

بدر : ربنا يرحمها. 

حور بدموع : وزياد الاتنين ياااارب الاتنين ، رهف اتصلت عليا وقالتي الخبر الصبر من عندك يااارب. 

بدر : استهدي بالله وادعيلهم بالرحمه. 

وقف بدر بجوار حور من بدايه الغسل الي الدفن. 

حور بحزن : المحامي بيقولي اني اسافر علشان اتابع ورق دفن زياد والشركه .. بس انا مش هفهم حاجه في ورق الشركه ، بدر انا مش عايزه الفلوس دي انا عايزه اتبرع بيها.

بدر : هحجزلك ونسافر سوا وكل اللى عايزاه هنعمله ..

ذهب بدر للفيلا وروي لوالده ماحدث. 

جاسر : ربنا يرحمهم. 

بدر : بعد اللي عملوا معاك بتترحم عليهم. 

جاسر : خليك جمب حور يابدر البنت مبقاش ليها حد لا اب ولا ام ولا اخ. 

بدر : عايزه تسافر علشان اجراءات دفن اخوها. 

جاسر : متسبهاش روح معاها. 

بدر : غريب موقفك ده هي صعبت عليك. 

جاسر : ومتصعبش عليا انت شايف قلبي حجر البنت بتحبك وانا حسيت بكده لما كنت عندها في المستشفي وشفت علاقتها بمنار ، وبعدين منار ماتت ميجوزش عليها الا الرحمه. 

★★★★★

سافر بدر مع حور ومضت علي اجراءات دفن زياد وتم شحنه الي مصر ودفنه بتربه بجوار والدته …

في مصر امام المقابر. 

حور بدموع بعدما قرات الفاتحه لهم  : صدق الله العظيم. 

بدر : صدق الله العظيم ، ارتحتي كده. 

حور : ارتحت اكتر لما خليت المحامي يبيع الشركه والاصول وسيلتهم الفلوس دي كلها هتبرع بيهم للجمعيات الخبرية رحمه علي ماما وزياد ، اما ابيه وائل فبناته خده ورثهم ..

بدر : وانا معاكي في اي حاجه 

 ★★★★★

رشا : يعني البت اللي قلت ربنا هيراضي عبدالرحمن ابني فيها طيرتيها يانهي. 

نهي : وانا مالي يارشا يظهر البت كانت بتحب جاسر ابن معتز .

هانم : ما تنهدي يارشا بقي هي اختك هتعملك ايه. 

رشا : هيبقي لا الواد ولا البت يا ماما. 

هانم : ما هو ربنا رضاكي في جوازه بنتك ، عندك بنات حسن  خمسه اختاري واحده ومتزهقناش. 

رشا : لا مش عايزه حد من بنات حسن. 

نهي بسخريه : اصل بنتك بتدور علي اللي يريحها مال ونسب وجمال. 

رشا : ومدورش ليه يا نهي هو بودي ابني اقل من حد دا قيما وسيما ومنظر. 

هانم : خلاص ياحلوه خليه قاعد جمبك يخلل اقولك حطه عليه شويه مايه و ملح وخلليه. 

نهي : طب والله البنت بنت حسن الوسطانيه حلوه ودمها خفيف طالعه لامها اخطبيها لعبد الرحمن  …

دخلت سعاد من باب الشقه الذي كان مفتوحا :  لولولولولوي ، وحضنت رشا حمات بنتي. 

رشا بصتلها بصدمه  

سعاد : والنبي ما هلاقي لبنتي احلي من سي عبدالرحمن ابن رشا حبيبيتي. 

نهي بضحك بصت لهانم التي بادلتها الضحك. 

هانم بسخريه لرشا : يلا مبروكه عليكي. 

سعاد علت صوت زغاريدها : لولولولولوي .

نزل البنات من اعلي علي صوت زغرده والدتهم. 

في ايه يا ماما. 

سعاد بسعاده : ماما رشا خطبتك ياشيماء لابنها الباشمهندس عبدالرحمن. 

باركت البنات لاختهم شيماء بسعاده. 

شيماء حضنت رشا بسعاده : حببتي يا ماما رشا 

رشا بصدمه وذهول استسلمت للواقع وحضنت شيماء : مبروك ياحبيبتي. 

نهي بضحك لسعاد : مبروك ياسعاد خلي بالك من عبدالرحمن..

سعاد بسعاده : دا ابني سي عبدالرحمن. 

      ★★★★★

اول ايام العيد في قاعة اوبن اير كبيرة طلت سيلا بفستانها البراق اللامع الذي يعكس جمالها وشقاوتها وبجوارها فهد بالبدلة الرصاصي.  

فهد : يالهووي عليا دا السهرة هتبقي صباحي ياشقاوة الابيض علي الابيض. 

سيلا : بالابيض وهيطرقع علي خدك دلوقتي. 

فهد يبقي الليله هنفتح ١ .. ٢ .. ٣ مصارعه ..

يجلس ياسين ببدلته الكحلي وجانيت بفستانها القصير اللامع. 

ياسين بسخريه : هو الفستان مكنش ينفع يقصر اكتر من كده 

جانيت : اه بس علشان فرح وكده قلت كفايه يكون قبل الركبه بحاجه بسيط. 

ياسين : ليه هو الخياط مكنش عنده قماش. 

جانيت : هو مش عاجبك اطلع اقلعه. 

ياسين : لا انا لما اطلع هقلعهولك بنفسي. 

جانيت : احترم نفسك انا اللي هقلعه بنفسي. 

ياسين بصوت مرتفع قليلا : انتي عبيطه طب ورحمه جدي ما حد مقلعهولك غيري. 

جانيت بضحك : يخربيتك فضحتنا ..

باجانبهم ادم  بالبدلة الكافية ومنه بفستانها الابيض المنفوش المرصع بالورد.

منه بسخرية : انت لابس شاي بلبن دا ولا ايه. 

ادم : لا دا نسكافيه ياجاهلة اقصد لون الكافيه مش احسن من زلعه الورد اللي انتي  لبساها دي. 

منه  : انا لابسه زلعه طب والله لاشتكي لبابا ، يابابا. 

ادم مسك يدها وقبلها بسرعه : لا ابوس ايدك لابوكي يكدرني والليله مفترجه ..

يجلس خالد ببدلته الزرقاء ولينا بفستانها الابيض البراق. 

خالد :  اموت انا واعيد السنة اخيرا دخلتي عش الزوجية 

لينا : انت جاي تموت يوم فرحنا. 

خالد : لو قبل الفرح عادي يعني. 

لينا بهزار : لا بعد الفرح انا لسه مرقصتش.

خالد : لا ما احنا هنرقص في بيتنا. 

لينا : ايه ده علي طول كده. 

خالد : اه يا سافله لو نفسك في حاجه تانيه نعملها عادي. 

لينا : انا لا لا ..

خالد : وانا اللي كنت فاكرك مؤدبه. 

يجلس  جاسر الصغير ببدلته  الطحيني وروفان بفستانها الابيض اللامع. 

روفان : فقره الرقص هتبدا امتا 

جاسر : في البيت ياحلوه. 

دخل بدر وسط الزفة ببدلته السودا انيقه وجذابه تبرز رجوليته وبيده حور ترتدي الفستان الابيض بحجابها الذي يبرز رقتها وجمالها البرىء ، في وسط ذهول الجميع. 

ياسين بسعاده : ايه ده انت عملتها. 

خالد : ياقادر كده تفاجا اخواتك. 

سيلا : ايوووه بقي ..

فلاش باك 

(دنيا : حبيبي ينفع اطلب منك طلب  

جاسر بتعجب : تطلبي دا انتي تؤمرى.

دنيا : حور صعبانه عليا اوي خصوصا بعد مبقاش ليها حد وبدر وبيحبها و….

جاسر قاطعها : بتفكرى في اللي بفكر فيه انا موافق علي جواز بدر من حور .

دنيا بسعاده: بجد. 

وحضنته بحب ، جاسر ملس علي شعرها بعشق : بعشقك. 

دنيا بحب : انا اللي بحبك قوي وبدعي ربنا دايما يكون يومي قبل يومك. 

جاسر : بعد الشر عليكي ربنا يجعل يومي قبل يومك. 

وقبلها بحب ، ثم ذهبوا الي حور في شقه بدر. 

حور وهي ترتدي الاسود بحزن : عمو جاسر. 

دخلت دنيا وقبلتها : البقاء لله. 

جاسر : البقيه في حياتك. 

حور بانهيار ارتمت في حضن دنيا وبكت بحراره ، دنيا ضمتها لها بحب. 

دنيا : انا جمبك ياحبيبتي ومش هسيبك كلنا جمبك ومش هنسيبك. 

حور بحزن : مبقاش ليا حد كلهم راحوا .

جاسر : احنا سندك وجمبك ومش هنسيبك. 

حور بعدما هدات قليلا : انا مبسوطة قوي انكم هنا معايا. 

دنيا بابتسامه  : وهتتبسطي اكتر لما تبقي معانا بجد.

حور : يعني ايه.

جاسر : انا عارف انه مش وقته بس مبقاش ينفع تقعدي لوحدك والواد الصايع بدر داخل طالع عليكي. 

حور : لا والله الباب بيبقي مفتوح. 

جاسر بابتسامه : انا بهزر انا جاي اطلب ايدك لبدر. 

حور بدموع الفرحه نظرت لدنيا ، فدنيا هزت راسها مؤكده .

حور بسعاده حضنت دنيا) 

بااااااك .

علي اغنيه اكرم حسني. 

بدر التفت لحور بسعاده وهو يمسك يدها ويراقصها : اايه يا ستيوانا ستوانا انا ستو انا قلبي برتقال بسره ملكك وانتي حره

تعصريه عصير. 

حور بسعاده رقصت معه بيدها وهي تغني : قلبي كمترايه ناشفه بس فيها بذره بتحب بضمير. 

جانيت وقفت واشارت لياسين بيدها وهي تغني : قلبك بطيخه صيفي قرعه بختي وكيفي قرعه والبطيخ كتير..

وقف ياسين وهو يرقص بوسطه ويغني : الله قلبي اناناس شرائح دايخ .. جاي رايح من كثر التفكير..

سيلا خبطت فهد بكتفها التفت لها فهد وغني معهم : فاتح شباك فاتح شيشي.. الوقت في بعدك ما مشيش

سيلا هزت كتفها وهي ترقص وبتقولي هتجيء ما… بتجيش مايدق شيء النوم ..

خالد وقف وسحب يد لينا  وهو يرقص ويغني : اه يا نسمه صيف جايبه طراوه قلبي

لينا غنت : اتعور منك واوا

همس لها خالد : هتموتي ياسوسو. 

فخبطته لينا بخفه.

ادم : محتاج اتعالج يتداوي بالميكروكروم ..

منه : قلبي حرنكش …في مزازه وانت في اللازازة..

جاسر : ما بتهزر يش قلبك ….

روفان وهي ترقص بسعاده : كوكونت ثمره انت حلوه قمره ما بتتكرريش..

صفق الجميع بسعاده والعراس والعرسان يرقصوا ويغنوا بفرحه ، وامينه براحه وسعاده صفقت لهم هي وباقي المعازيم..

سحب جاسر يد دنيا وبدا يراقصها وكذلك يوسف ونهي ومعتز وساره وشريف وسمر وارسيليا ووسيم وتيسير وعلاء  ورقص الجميع بسعاده وهما يغنوا ..

– قلبك مش مش هاسيبه وهجري وراء اجيبه لو

كان في العريش….

بعد انتهاء الفرح ذهب العرايس في عربياتهم وخلفهم في  سيارات اهاليهم ذهب ادم وياسين وخالد وادم  وسيلا وجاسر وفهد الي البرج ملك جاسر فهدي كل عريس شقه دوبلكس مفروشه كامله هديه زواجهم ، صعد الجميع للاعلي بينما باقي سيارات الاهل بالاسفل 

 دنيا تبكي بدموع الفرح خرجت سيلا من برانده شقتها. 

سيلا : متعيطيش يا ماما اعتبريني بايته مع منه ولينا النهاردة. 

فهد ضربها بخفه علي قفاها : منه ولينا مين يامتخلفه فضحتيني صحابي واقفين تحت ..

ضحك الجميع بالاسفل واخذوا سياراتهم وذهبوا..

في السياره جاسر يحضن دنيا بعشق : ياااا الحمدلله انا انهارده اسعد يوم في حياتي حاسس اني خلاص ارتحت. 

دنيا : الفرح كان يجنن وفرحه العيال وسعادتهم عندي مخلياني مش عايزه حاجه من الدنيا. 

جاسر جذبها لأحضانه : وانا. 

دنيا بحب انت الحاجه الوحيده اللي مقدرش استغني عنها ..

وصلا الفيلا وهبط جاسر من السياره اذ فجاه دوي صوت رصاصه في صدر  جاسر من اعلي برج بجوار الفيلا. 

فوقع جاسر علي الارض. 

دنيا بصدمه : جاااااااااسر  

تم استدعاء عربيه الاسعاف علي الفور من قبل الامن وتوجهت نحو المستشفي ..

فلاش بااااك  من تلات اسابيع قبل وفاه وائل .

(وائل : انا حولت الفلوس خلاص علي ميعادنا ….. تمام يجي يخلص ويسافر علي طول …. ) 

بااااك 

★★★★★ 

في المستشفي خرج الطبيب من العمليات وسط صمت رهيب من الجميع : البقاء لله 

اهتز ارجاء المستشفي وزلزلت قلوبهم برعشه.

دنيا بانهيار : لاااااااااااااااااا حبيببببببببببي جاااااااااسر 

معتز مسك ياقه قميص الطبيب : لا انت بتقول ايه انت اتجننت جاسر مين اللي مات دا انا اروح فيكم في داهية

يوسف بدموع : مش معقول جاسر لا جاسر مستحيل يمو***ت لااااا

شريف بدموع : صاااااحب عمرى انت بتقول ايه جاسر عايش ..

دنيا بتوهان وانهيار : جااا جااااااسر اشوفه ادخله لااااا جاسر عمره ماسبني  مش هيسيبني لااااا معاااه 

وسقطت علي الارض .

بدر بانهيار ودموع هو وسيلا : مامااااا 

دخلت دنيا العنايه المركزه فورا بعدما تدهورت صحتها بسرعه ودخلت تحت الاجهزه ، والجميع بالخارج في انهيار ودموع تامم .

معتز بانهيار : ياصاحب عمرى سايبني لمين .. طول عمرنا بنكبر سوا كتفنا في كتف بعض غدرت بيا ليه وسبتني لوحدي ياجاسر 

يوسف بانهيار : ياحبيبي ياجاسر غدروا بيك الكلاب حتي بعد ما ماتوا ،  ملحقتش تفرح بعيالك 

شريف بدموع وانهيار تام : ياصاحب عمرى سبتنا لمين ياجاسر سبتنا لمين …

سمر بدموع  : ياحبيبتي يادنيا ملحقتيش تفرحي باولادك .

نهي بدموع  : انا خايفه يجرالها حاجه دي كانت روحها في جاسر. 

ساره بدموع  : ربنا يقومها بالسلامه دي صدمه للكل. 

يوسف بدموع وانهيار : انا هروح اخلص اجرات دفنه. 

معتز بانهيار : لاااااا جاسر ممتش انت اتجننت يا يوسف جاسر عايش متقولش كده اكيد هو بيهزر معانا . ..

حضنه شريف بانهيار : اهدي قضاء ربنا نفذ. 

معتز بانهيار : انا لو اعرف انه هيسيبني كنت رحت معاه انا مش هسيبه زي ما عشنا سوا نموت سوا جاسر لا انت مش عارف ياشريف جاسر بالنسبالي ايه. 

قاطعهم صوت صراخ سيلا من داخل غرفه العمليات : مامااااااااااااااااااااا ، لاااااااااااااااااااااااااا

انصدم الجميع وبدر يخرج بانهيار من الغرفه والجميع ينظر له.

ادم وياسين وخالد بذهول : في ايه.

بدر بانهيار : امي ماتت ..

تعالا صرخات الجميع بانهيار وصارت ملحمه من الالام واصوات الصراخ بانهيار للجميع …

في مشهد مؤلم يهتز له الجميع وهم يدخلون المقابر  يحمل يوسف ومعتز وشريف جثمان جاسر ، وبجواره  بدر وخالد وياسين وادم يحملان جثمان دنيا وسط الم يعتصر له القلوب ويدوي في مسامعهم تم دفن جاسر الحديدي  وبجواره تم دفن دنيا الحديدي …

وفي مشهد خيالي ..

(دنيا بابتسامه : كده كنت عايز تسيبني .. انا جيتلك  مش قلتلك مش هسيبك ياجاسر. 

جاسر بابتسامه : وانا مش هسيبك ياعشق الجاسر) 

تمت بحمدلله 

#الخاتمه ..

في فيلا الحديدي بعد ثلاث سنوات 

بدر يجرى خلف ابنه في الفيلا بهزار : هجيبك يا جاسر مش هسيبك. 

دنيا بنت ياسين تجرى هي الاخرى وتمسك يد جاسر : تعالا يلا اجرى مش هسيبه يمسكك. 

اتت حور وجانيت وسيلا ومنه ولينا من داخل الفيلا يحملان اطباق الفطار. 

حور : يلا يا اولاد الفطار جاهز. 

هبط ياسين وادم وخالد وفهد من اعلي الفيلا وجلسوا جميعهم علي الترابيزه  في حديقه الفيلا ..

فهد لسيلا : الواد تيمور  فين. 

سيلا : بيلعب مع اياد وخلود ولاد خالد وادم  ..

جانيت : هروح انادي عليهم. 

ياسين : سيبهم يلعبوا ..

بدر : النهارده السنويه التالته لبابا وماما ..

خالد : بعد ما نفطر هنروح نزورهم وناخد الولاد معانا ..

حور : انا مبسوطه جدا اننا عيشنا مع بعض اجمل تلات سنين وعملنا بامنيه ماما دنيا ربنا يرحمها. 

بدر : طلبتها مني قبل الفرح بيوم والحمدلله اننا كلنا اتجمعنا وعيشنا مع بعض زي ما كان نفسها …

عاش الاولاد في الفيلا كما تمنت  دنيا وصاروا اخوه مترابطين بينما لم يتعايش معتز ولم يعد مثل الاول في المقابر معتز يجلس امام قبر جاسر. 

معتز : مبقتش زي الاول ياصاحبي من غيرك لا الدنيا ليها طعم ولا روح من بعدك ، ثم ابتسم بدموع اول مره تغدر بيا وتسيبني لوحدي تعبت من غيرك ونفسي اجيلك حتي ماما امينه مستحملتش وماتت بعد منك بتلات شهور سبوتني لوحدي ياجاسر ليه … اليوم بقي عادي مبقتش اقدر اروح الشركه وانت مش فيها ربنا يخلي بدر وخالد وادم ماسكين الشركه من حديد وبدر ساب شغله واتفرغ للشركه شايلها علي كتافه ،  جاسر الصغير مسك الشركه بتاعتي  وانا معظم الوقت  قاعد في البيت حتي لما بروح شركتي بقعد في المكتب وبمشي تاني لا بقيت قادر اشتغل ولا ليا روح لاي حاجه  ، بدر بيكلمني كل يوم يطمن عليا وساره مبتسبنيش بس انا مش عايز كل دول انا عايزك انت ياصاحب عمرى ياضهرى وسندي …

دخل عليه المقابر يوسف وشريف. 

يوسف : ادعيله بالرحمه. 

شريف : ربنا يصبرنا علي فراقه …

ثم قراءوا الفاتحه علي روح المغفور له جاسر وزوجته دنيا الحديدي 

البارت ١٧ 

الفصل ده هديه العيد مني ليكم كل عام وانتم بخير متنسوش لاااااف للبارت ياحلوين ❤️🌹

في سنويه جاسر الحديدي ودنيا ، صيفا  في العيد الصغير  تحديدا وبعد مرور  ثلاث سنوات تقريبا ….

علي  شواطيء جزر المالديف حيث الهدوء والطبيعه الساحره تجرى دنيا بضحك وسعاده .

دنيا : كل يوم اجريك ورايا ومتمسكنيش .

جاسر بضحك وهو يجرى خلفها : وكل يوم تقولي كده وبرضو امسكك ..

دنيا وهي تجرى بضحك : لا المرادي مش هتمسكني .

جاسر جرى بسرعه ومسكها من وسطها بعشق : هتروحي مني فين انتي في جنتي وحضني.

دنيا بدلع  : هتفضل حابسني هنا كتير .

جاسر جذبها اكثر لاحضانه وبرومانسيه مليئه بالعشق والغرام  : لو حضني سجن فانا مسجونك من زمان ..

دنيا برقه : كفايه ياجاسر .

جاسر بهمس : هو انا لسه عملت حاجه علشان تقولي كفايه .

دنيا بضحك : انت فهمت ايه لا مقصدش اللي في بالك .

جاسر ضحك جذبها اكثر : يعني اكمل …

دنيا :  بجد كفايه نفسي اشوف الولاد وحشوني 

جاسر : وانا .

دنيا بحزن : تلات سنين محرومه من الاولاد انت قلبك محنش ليهم .

جاسر بعشق  : قلبي بيحن لواحده بس هي دنيتي يادنيا قلبي وعشقي وغرامي  .

دنيا : لا انا مبقتش قادره اكمل في اللعبه دي .

جاسر بزعل مصطنع : براحتك بس ابقي وريني بقي هترجعي ازاي .

دنيا : جاسر انا بتكلم جد مش معقول كل ما اكلمك تتقمص كده .

جاسر حضنها بحب : ياحبيبي مش احنا قلنا اننا قضينا رسالتنا والولاد اتجوزوا وعايشين حياتهم وبخير ما تسبينا احنا كمان نعيش بقي حياتنا ، ثم انتي مطمنه عليهم خصوصا بعد ما عاشوا كلهم  في الفيلا سوا  زي ما انتي عايزه وحققولك امنيتك عايزه ايه تاني ولا انتي زهقتي مني .

دنيا : بس دول ولادي عايزه اشوفهم احضنهم اطمن عليهم المسهم احسهم .

جاسر اقترب اكثر : اطمني عليا انا .

دنيا : لا بجد .

جاسر: ما انتي بتشوفيهم وبتشوفي اولادهم في الفديو اللي السواق ببعته لينا وبنعرف كل اخبارهم ..

دنيا : هما الاولاد موحشوكش وبعدين مش حرام نبقي عايشين واولادنا محرومين مننا واحنا محرومين منهم  بدر وسيلا وخالد وياسين وادم وماما امينه الله يرحمها . 

جاسر بحزن ابتعد قليلا عنها : انا صعبان عليا ماما اللي اتوفت ومقدرتش احضر عزاها رغم اني قايلها ان ده كله فيلم انا عامله وكنت سايبها صحتها كويسه لكن موتها جه فجاه ، ومعتز ….

دنيا قاطعته : يبقي نرجع مصر .

فلاش باك .

( يوم فرح الاولاد صباحا  في غرفه نوم جاسر..

جاسر : انا جهزت كل حاجه زي ما اتفقنا .

دنيا : ايه ده بسرعه كده طيب نستني صبحيه الاولاد .

جاسر : كده كده هيصطبحوا المهم احنا بقي عايزين نعيد الامجاد ونحيي ذكريات الهاني مون .

دنيا بضحك : وانت مبطل هاني مون ، بس انت مستعجل اوي نستني شويا بعد فرحهم بشهر او اسبوع حتي .

جاسر : ولا يوم وحياتك العمليه دي لازم تتم يوم فرحهم وهما مش مركزين ومشغولين في الفرح ، انا لو استنيت شهر ولا اسبوع اولادك تركيزهم هيبقي عالي معانا بالذات بدر ويوسف هيكتشفوا اللي انا هعمله بسهوله انما لو العمليه تمت النهارده كلهم هيبقوا مذهولين ومش مركزين معانا خصوصا بعد كلام يوسف .

دنيا : يعني ايه .

جاسر : يوسف لما قالي ان وائل بيعمل اتصالاته مع المافيا علشان يقت**لني انا قلتله سيبه وانا هتعامل وبالفعل اتصلت بالمافيا عن طريق حد اعرفه وعرفت القناص ولغيت معاه اوردر وائل وبعتله الحساب وهو وافق طالما وائل اتق**تل ومحدش هيسال القناص ليه منفذش ،ومقلتش ليوسف علي اللي انا عملته علشان لما انفذ خطتي يوسف يتاكد ان القناص قت**لني ما هو يوسف مش سهل برضو .

دنيا : طيب وهتنفذ ازاي انا خايفه اضحك وانت بتموت او يبان عليا ..

جاسر : انا بموت وانتي تضحكي ، طيب هاتي بوسه ..

وخطف قبله سريعه منها فابتعدت دنيا .

دنيا بضحك : الميكب هيبوظ .

جاسر : يخربيتك وانتي قمر بالفستان السواريه والميكب وجمالك اللي يودي في داهيه ده هو انتي بتصغرى علي طول كده .

دنيا بسعاده : انا علي طول صغيره .

جاسر : طيب المهم ركزي بعد الفرح واول ما نوصل الفيلا هفجر كيس الدم اللي هكون حاطه في صدرى والسواق عم محمد هياخدنا علي المستشفي اللي انا متفق مع الدكاتره واوعي تتصلي بحد من الولاد غير لما نروح المستشفي عم محمد هو اللي هيتصل ب بدر اكون انا في العمليات وانتي تعيطي وتمثلي انه يغمى عليكي هيدخلوكي غرفه العنايه والدكتور هيديكي منوم ويقول البقاء لله ..

دنيا ضربته علي كتفه بخفه : بعدشر عليا .

جاسر بضحك :  انا هخدك للجنه ياعشق الجاسر. 

دنيا : مش عارفه بس مش هقدر ابعد عن الولاد ..

جاسر : انتي رحتي لبدر اوضته الصبح قبل ما ينزل .

دنيا : اه وقلتله اني نفسي انهم كلهم يتجمعوا في الفيلا هنا ويعيشوا فيها وقالي حاضر ياماما ، بس حاضر بعد ايه بقي بعد ما اموت .

جاسر جذبها لاحضانه  : يا عشق الجاسر وحشتيني .

دنيا : بس بص هي سنه واحده بلاش عشره هو احنا بقالنا كام عشر سنين نعيشهم .

جاسر : احنا هنحمرق من دلوقتي ربنا يسهل .

دنيا  بتحذير : جاسر .

جاسر همس بشفايفه لشفايفها : عشق جاسر .

دنيا بضحك : والله ما حد هيودنيا ورا الشمس غيرك ) .

بااااك 

جاسر : بس دا مش اتفقنا .

دنيا : رجعت فيه وكفايه اوي تلات سنين .

جاسر ملس علي وجهها بحب : هشوف .

دنيا بتذمر : لا كل مره بتضحك عليا .

جاسر همس في عنقها : طب ما انتي بتضحكي علي قلبي وعقلي وروحي و***"""

دنيا ضربته علي صدره بدلع : سافل .

جاسر جذبها لاحضانه فالتصقت بصدره فوقعت خصلات شعرها علي  وجهه بإثاره ،اقترب بجسده العريض الذي لصق بمعالم انوثتها برومانسيه وهو يقبلها بحراره وشوق كانه يقبلها لاول مره  فاشتعلت الانثي المترنجه بداخلها وهي تقاوم سطوه رجوليته عليها حتي اوقعها و وقع فوقها علي رمال الشاطيء .

دنيا همست بدلع : كده وقعتني .

جاسر بهمس رجولي  : انا اللي وقعت من زمان ودايب فيكي.

دنيا عضت علي شفايفها : هتنزلني  مصر .

جاسر : هنزلك في بحر قلبي واغرق بشوق حبي وارويكي بمايه حناني ….

ثم قبلها برومانسيه الهبت مشاعرها الرقيقه وهي تذوب كالثليج بين احضان هواه وعشقه 

وانتوا افضلوا احزنوا كده واقلبوا الجروب حزن وزعلوا الكاتبه  وفي الاخر جاسر و دنيا  في هاني مون علي جزر المالديف.

★★★★★

في شركه الحديدي اتصل بدر كعادته بمعتز.

بدر : اذيك ياعمو معتز عامل ايه النهارده .

معتز : الحمدلله زي  كل يوم ، انت عامل ايه وابنك ومراتك والشغل .

بدر : الحمدلله بس الشركه وحشه من غيرك ياعمو انا قلت بعد ما سبت شغلي في الجيش وكرست وقتي كله هنا في الشركه هلاقيك جمبي ومتسبنيش .

معتز بنصف ابتسامه : وانت كل يوم تحرجر فيا علشان اجيلك الشركه .

بدر بحنق :  انا بس محتاج وقفتك جمبي ياعمو انت في مقام بابا وعارف غلاوتك عندي .

معتز : وانت قد المسؤليه يابني وقلتلك لو في حاجه وقفت معاك هتلاقيني في ضهرك لكن بسم الله ماشاء الله طلعت الشركه كما لو جاسر عايش واكتر … وبحزن مش قادر ادخل الشركه وابوك مش فيها حتي شركتي جاسر ابني اللي بيدرها مبقاش فيا نفس ولا روح  يابدر ..

بدر : ربنا يديك الصحه ياعمو غدانا عندك ياعمو يوم الجمعه متنساش زي كل اسبوع .

معتز بسعاده : جيتكم عندي بتهون عليا كتير بتحسسني بوجود ابوكم كانه معايا ، ويوسف وشريف يااا بتهونوا عليا اللي مش قادر اتعايش معاه 

بدر : ربنا يخليك لينا ياعمو ..

وغلق السماعه فاتصلت حور عليه .

بدر : حبيبي كنت لسه هتصل عليكي حالا .

حور : متهربش كنت كنت مشغول مع مين بقالك ربع ساعه .

بدر بضحك : مع مين هتكون احلي منك  يعني .

حور : دا انا اقطعك .

بدر : اموت في التقطيع اعشق التقطيع هااا اجي علشان اتقطع .

حور بكسوف : انا في الطريق للمستشفي عم محمد بيوصلني.

بدر : عم محمد سواق بابا وماما الله يرحمهم مبثقش فى حد الا هو بعد ما يوصلك خليه يجي الشركه علي طول .

حور : حاضر خلي بالك من نفسك .

★★★★★

في فيلا الحديدي .

ياسين بعصبيه : لا ياجانيت وقلت ميه مره لا، انا مش فاهم انتي متغيره بقالك فتره ليه كده من وقت ما مسكتي شركه جدك وانا حاسس انك واحده تانيه مالك في ايه .

چانيت : الشغل الشغل كتير هيكون في ايه انا بحاول الم وافهم ومش عارفه مش عارفه .

ياسين اقترب بحنيه من جانيت وحضنها : ياحببتي كنا مرتاحين ومجلس الاداره كان متابع الشركه وانتي كنتي جمبي ومعايا ومع بنتنا ايه فكرك تاني بالشركه والشغل .. وبعدين انتي خريجه طب اسنان مفيش اي توافق خالص بين اختصاصك والشغل .

جانيت ابتعدت بتوتر : زهقت زهقت من البيت والقعده ..

ياسين : تعالي اشتغلي معايا في العياده ، العياده كبيره وهفتحلك غرفه كشف احسن ميه مره من بتاعتي .

جانيت : لا انا عايزه اكمل في الشركه .

ياسين : اوووف ..

وتركها وذهب ..

بالاتجاه الاخر في احدي ادوار الفيلا .

سيلا : وهتقعد قد ايه في الماموريه .

فهد : يعني حوالي اسبوع او عشر ايام بالكتير .

سيلا : انا خايفه عليك هو لازم تروح .

فهد : يعني انا اول مره اطلع ماموريه .

سيلا : لا بس اول مره تطلع ماموريه علي حدود سوريا بره مصر .

فهد : شغل وبعدين حبيبيك اترقي فلازم ابقي قد الترقيه دي .

سيلا : مش عارفه قلقانه .

فهد ضمها لاحضانه ، متقلقيش ياحبيبتي ادعيلي بس ، انا بعد الشغل هعدي علي ماما اقعد معاها شويا تحبي تيجي معايا .

سيلا : هنزل الشركه انا كمان وبعد ما تخلص عدي عليا نروح سوا طنط نهي وحشتني هي وعمو يوسف .

★★★★★

ذهب بدر الي القياده العسكريه مكتب اللواء يوسف الشناوي .

بدر : ازاي ياعمو دا كله ومش عارفين تمسكوا اللي قتل بابا مستحيل انا بفكر ارجع الشعل وادور انا .

يوسف : ياحبيبي انا انت متخيل اني ممكن اقصر في اللي كان سبب فيموت اعز اصحابي المشكله ان القناص ده انا قلت لوالدك عليه قبل ما يموت وجاسر قالي سيبني انا هتصرف وعلي الاساس ده قلت انه هيتصرف ،وبعدين انا دورت في المطارات والمواني علي اسم القناص مدخلش مصر لا من قريب ولا من بعيد في الوقت اللي والدك اتق**تل فيها .

بدر : يمكن دخل باسم مستعار او جه قناص غيره .

يوسف : حاجه تجنن دورت بصوره القناص وقلت زيك يمكن دخل باسم مستعار بحثنا بصورته بادق التقنيات علشان لو كان مغير صورته مفيش، حتي بعت وراه في كاليفورنيا وبحثت في الانتربول وجايوه وحققوا معاه قال ان الاورد اتلغي من جاسر الحديدي يبقي اللي حصل حصل ازاي ، مشطنا المكان الليحوالين الفيلا مفيش اثر وطبعا مينفعش كنا نشرح جث**ه جاسر علشان نشوف الطلقه سمكها في جسمه قد ايه ….

بدر قاطعه : لا تشريح ابويا لا  

يوسف : للاسف كل الحلول متقفله لكن هحاول تاني يمكن وائل قبل ما يتق**تل كلم قناص تاني هحقق  ومش هسكت اوعدك يابدر ..

بدر : طيب ما نحاول نجيب اتصالات تليفون وائل قبل ما يتق**تل ونشوف كلم مين ارقام مين علي موبايله 

يوسف : اكيد انا عملت كل ده .

بدر :  يمكن في تلفون تاني غير اللي معاه كان مثلا بيعمل اتصالات تانيه منه .

يوسف : ممكن المموضوع صعب لكن هنحاول .

بدر : تمام اشوفك الجمعه الجايه عند عمو معتز .

يوسف: باذن الله .

★★★★★

تيسير بغيره : يعني انت رايحلها .

علاء : انا رايح لابني ، اتصلت عليا بتقولي الواد تعبان وجبتله دكتور لازم اروح اطمن عليه ، تعالي معايا .

تيسير : لا خلاص روح انت وابقي طمني .

علاء بهزار : اطمنك عليا ولا علي الواد .

تيسير بضحك : عليكم انتم الاتنين .

علاء : تيسير انا بحبك ومقدرش استغني عنك .

تيسير : ماانت كنت بتحبني من الاول ورحت اتجوزت وخلفت .

علاء : خلاص بقي غلطه وندمان عليها وبقولك اهو علي كل حاجه .

تيسير : لما اشوف ..

تركها علاء وذهب الي شقه طليقته ليطمئن علي ابنه ، فتحت له عبير الباب وهي ترتدي كاش مايوه طويل عارى الكتفين وتغطي اكتافها بطرحه شفافه وبدموع مصطنعه .

عبير : علاء الحمدلله انك جيت ادخل شوف ابنك .

علاء : انتي طالعه كده ازاي وبتفتحي الباب ازاي كده .

عبير بمكر : انت بتغير عليا .

علاء : لا طبعا لكن الناس تقول ايه لما يشوفوكي طالعه كده والدكتور اللي كان هنا .

عبير : بس انا كنت لابسه عبايه ولسه قلعاها وفتحت كده لما عرفت انك جاي ، الجو حر وانا في بيتي وانت مش غريب انت ابو ابني وكنا مكشوفين علي بعض يعني مش غرباء ولا نسيت .

علاء : انا داخل لفادي .

عبير بمكر دخلت خلفه ، اطمئن علاء علي ابنه حتي نام فاادي من الارهاق ، وذهبت تيسير لتحضر العصير ودخلت عليهم الغرفه فوجدت علاء بجوار ابنه فاقتربت بمكر بعدما زحزحت الطرحه من علي اكتافها لتغريه وهي تقدم  صينيه العصير وتميل لاسفل  بجذعها العلوي امامه فتظهر مفاتن جسدها العلويه لاغراءه .

علاء وهو ينظر لها بعدم اهتمام : لا مش  عايز .

عبير بدلع  : دا العصير اللي بتحبه ولا نسيته زي ما نسيتني.

علاء حاول ابعاد الصينيه من امامه ليقف ، وبحركه مقصوده من عبيراوقعت كوب العصير علي ملابس علاء .

علاء : ايه ده العصير كله وقع عليا .

عبير: اقتربت اكثر بمفاتن انوثتها ، اقلعهم ما اغسلهملك  

علاء ابتعد عنها : لا انا ماشي .

عبير اعترضت طريقه والصقت صدرها به باغراء : انت مش غريب اقلع .

علاء ابعدها عنه وتركها وذهب .

عبير ضحكت باستهزاء وهي تتمتم ، بكره تيجي  زي ماجيت قبل كده.

ذهب علاء وركب سيارته ومن ثم اتجه لمنزله .

تيسير: علاء غريبه متاخرتش يعني .

ثم نظرت لملابسه ، ايه اللي علي هدومك ده .

علاء : ده عصير يظهر وقع  عليا وانا مش واخد بالي .

تيسير بحنق : عصير ، ابنك عامل ايه .

علاء :  تعبان  دور برد ، سبته نايم  علشان كده جيت علي طول .

تيسير : اه .

دخل علاء ليبدل ملابسه بينما فكرت تيسير في امر الملابس المتسخه وهي تتمتم ، هتلعبيها تاني ياعبير.

★★★★★

يوسف في منزله مع نهي .

نهي : انت كل يوم في نفس السنه تقفل الباب علي نفسك كده وتكتئب .

يوسف : كل يوم بلوم نفسي اني سمعت كلام جاسر وبقول ياريتني ماسمعت كلامه .

نهي : لكل اجل كتاب وده نصيبه يا يوسف .

يوسف : لا لا انا كنت عارف ان في اتصالات سريه بين وائل والمافيا بحكم شغلي وقلت لجاسر قالي سيبه انا عامل حسابي ، قلت يبقي جاسر واخد احتياطاته لكن للاسف جاسر كان مشغول في جوازات عياله واتاخد علي خوانه وانا السبب انا اللي معرفتش احميه .

نهي : ومقبضتوش علي اللي عمل كده .

يوسف : مفيش اي اثر لقناص علي انه دخل مصر او خرج منها لا عن طريق مطار ولا مواني ومقدرش احقق معاهم لانه  في بلد دولي ولااقدر حتي احقق عن طريق الانتربول ، الانتربول حقق تحقيق روتيني عادي  وانا مفيش في ايدي اي دليل حاجه تجنن بدر نفسه لما خد الرصاصه من الدكتور  معرفناش دخلت من علي بعد قد ايه .

نهي : ليه هو مبظهرش .

يوسف : بيظهر من اختراق الجسم لكن مستحيل كنا نشرح جثه جاسر ، ده جاسر مينفعش نبهدله .

نهي : ربنا يصبرك ويصبر ولاده .

يوسف: الولاد عاملين ايه فهد ومنه مرتاحين في الفيلا .

نهي : اه مبسوطين اهم ملمومين حوالين بعض كلهم كل واحد عايش في دور وبتجمعوا علي الاكل سواء زي ما دنيا كانت موصيه بدر .

يوسف ابتسم بسعاده وهو يتذكر جاسر : وحشتني وحشتني ياصاحبي.

★★★★★

في المقابر يجلس شريف امام قبر جاسر بحزن ، وحشتني وحشتني ياصاحب عمرى ، دايما في ضهرى وساندني ومعايا عمرك ماقصرت فيا بعد ما قلت اني خلاص مبقتش وحيد ومعايا بنتي وابني ومراتي اتيتمت بعدك ياحجاسر ياما كنت بتنصحني وبتردني عن سكتي الغلط مكنتش صاحب كنت اخ واب وكل حاجه ..

رتبت علي كتفه سمر بدموع : ربنا يرحمك يادنيا الحمدلله انهم مع بعض دنيا واخره ..

شريف نظر لها بحزن : عقبالنا يا روحي .

سمر خبطته علي كتفه : بعدالشر عليا .

شريف ابتسم بدموع: خايفه علي نفسك ولا مش عايزه تبقي معايا .

سمر : وانت مستعجل علي ايه احنا طالعين رحله .

شريف وقف : اه نبقي زي جاسر ودنيا انتي مش علي طول بتقوليلي عايزه قصه حبنا تتخلد .

سمر : بالمو**ت ياشريف روح منك لله بوظت لحظات حزني علي صحبتي.

شريف : طيب يلا ياختي الدنيا هتليل والعفار**يت هتطلع .

سمر جريت بسرعه وخوف : يالهووي عفا**ريت .

شريف جرى خلفها : خدي يا هبله هتسبيني لوحدي .

سمر : روح اتخلد مع العفا**ريت.

شريف جرى وراها بخوف مصطنع : مش هسيبك تعالي معايا .

سمر بخوف جريت : يالهووي روح لوحدك .

شريف : تعالي يابت نتخلد مع العفاريت .

سمر بتجرى اتجاه السياره : يالهوووي عفااااريت ….

★★★★★

ذهب بدر الي المستشفي في مكتب حور .

حور : اكيد عمو يوسف مش هيقصر يابدر ولو في حاجه ممكن تساعد وتكشف اللي قت**ل بابا جاسر الله يرحمه مش هيتاخر 

بدر : بفكر ارجع الشغل انا مش مرتاح ومش مبسوط وابويا في تربته واللي قت**له عايش ومتهني وانا ساكت زي الحيط ومتلجم مش عارف اعمل حاجه ..

حور : وهو ده حل .

بدر : ابواب كتير هتتفتح قدامي لما ارجع القياده وهيبقي ليا سلطه انا يمكن عندي نفوذ وانا رجل اعمال لكن معنديش السلطه اللي اقدر احقق بيها ، المهم هياتي المستشفي انها هتكون بالمجان .

حور : كل الناس الكلاس اللي كانوا حاجزين لشهرين وتلاته قدام مستائين جدا بعد ما لغينا حجزهم .

بدر : مش مهم يقدروا يحجزوا في مستشفي تانيه خاص انا عايز المستشفي تكون بالكامل علي اكمل وجه في استقبال الحالات الغير قادره والمحتاجين بس ، باذن الله المستشفي دي هتكون صدقه جاريه علي روح بابا وماما .

حور بابتسامه : يابختهم بيك ربنا يرحمهم ويرحم بابا وماما وزياد اخويا …

★★★★★

في جناح ادم الحديدي وهو يرتدي البيجامه امام منه علي اغنيه ياسمين عبدالعزيز 

آدم يطقطق بيده وهو يرقص : مش هو هو هو هو هو .

منه تغني امامه : مش هي هي هي هي هي هي .

ادم : لا هي هي هي هي هي .

منه : ده عيدنا هو هو هو هو هو .

ادم جذبها له : دي عيدي هي هي هي هي هي .

منه بضحك: تحسه كده مش هو .

ادم مش هي هي هي هي هي .

وجذبها لاحضانه :  هو هو .

منه بضحك : لا هي هي .

ادم : طيب تعالي بقي .

وقبلها برومانسيه .

★★★★★

خالد وهو يرقص مع لينا علي اغنيه ستو انا : ايه ياستو انا 

إيه يا ستو أنا، ستو أنا، أنا

‎إيه يا ستو أنا (الله) ستو أنا، أنا

‎قلبي برتقان بصرة ملكك وإنت حرة تعصريه عصير

لينا وهي تهز اكتافها بدلع : الله … 

خالد :   قلبي كمتراية ناشفة بس فيها بذرة بتحب بضمير..

لينا  وهي ترقص بخفه  امامه وتغني : قلبك بطيخة صيفي قرعة بختي وجاي في قرعة والبطيخ كثير

الله ..

خالد مال بجذعه عليها بدلع : وحياتك كمترايه … قلبي أناناس شرايح دايخ جاي رايح من كثر التفكير…

‎لينا خبطته بدلع بكتفها علي صدره وبشقاوه : محتاج يتعالج يتداوا بالمكركروم

خالد : يالهووووي يا بااا .

وجذبها لاحضانه و وقعوا علي السرير ….

★★★★★

ذهب معاذ الي جانيت في شركه الغول .

جانيت : اذيك يامعاذ عامل ايه ياترى مقابله شغل ولا ايه .

معاذ : كنت اتمني انها تكون زياره اخ لاخته وبس .

جانيت : يعني ايه .

معاذ : يعني ايه اللي انتي بتعمليه ده .

جانيت : عملت ايه .

معاذ : عملتي اللي عمري ما اتخيله خصوصا بعد ما رجعتي لبابا شريف وطنط ارسيليا وبعد ما اتجوزتي ياسين الحديدي.. ليه ليه يا جانيت .

جانيت بعدم فهم :  في ايه .

معاذ : ايه علاقتك بوسيم جوز مامتك يا جانيت .

جانيت بصدمه : انت عرفت ايه …..

البارت ١٨ 

ذهب معاذ الي جانيت في شركه الغول .

جانيت : اذيك يامعاذ عامل ايه ياترى مقابله شغل ولا ايه .

معاذ : كنت اتمني انها تكون زياره اخ لاخته وبس .

جانيت : يعني ايه .

معاذ : يعني ايه اللي انتي بتعمليه ده .

جانيت : عملت ايه .

معاذ : عملتي اللي عمري ما اتخيله خصوصا بعد ما رجعتي لبابا شريف وطنط ارسيليا وبعد ما اتجوزتي ياسين الحديدي.. ليه ليه يا جانيت .

جانيت بعدم فهم :  في ايه .

معاذ : ايه علاقتك بوسيم جوز مامتك يا جانيت .

جانيت بصدمه : انت عرفت ايه.

معاذ نظر لها من اعلي الي اسفل بقليل من عدم الاحترام : انا كنت في الشيراتون بتعشا انا وفوج معايا وشفتك انتي و وسيم قاعدين مع بعض وهو ماسك ايدك بطريقه مش لطيفه .

فلاش باك .

( دخل معاذ المطعم هو وبعض رجال الاعمال وجلسوا وعند طلب الطعام لمح جانيت تجلس مع وسيم في كورنر بالمطعم وامامها العصير و وسيم يمسك يدها بابتسامه …. لم يصدق عينيه وقبل ان ينهض وقفت جانيت ومعها وسيم وذهبوا )

باك .

جانيت بابتسامه توتر: لا لا انت فاهم غلط ده شغل ….

معاذ قاطعها : شغل يخليه يمسك ايدك بالطريقه دي .. وبتحذير اوعي ياجانيت يحصل اللي بفكر فيه بابا شريف وطنط ارسيليا ميستهلوش منك كده وياسين اوعي تنسيه وتنسي بنتك حطي كل دول قدامك قبل ماتفكرى تغلطي .. جانيت انا يمكن مش اخوكي شقيقك لكن صدقيني انا جمبك ولو في حاجه صارحيني هتلاقيني معاكي بس اوعي تخيبي امل ياسين وبنتك فيكي .

جانيت : معاذ متكبرش الموضوع قلتلك انت فاهم غلط .

معاذ وقف : اتمني اكون فاهم غلط وبردوا لو احتجتيني هتلاقيني .

تركها معاذ وهو غير مقتنع بحديثها وخرج ، تناولت جانيت اجنده من علي مكتبها بغضب والقتها علي الارض بتمتمه ، هو انا كنت ناقصه …

قاطعها صوت رن الهاتف وكان المتصل وسيم ففتحت الهاتف وبضيق .

– معاذ شافنا مع بعض وشافك وانت ماسك ايدي في المطعم ، لسه نازل من عندي احنا مينفعش نتقابل بره تاني انا قلقانه ليقول لحد.

وسيم : متخافيش مش هيقدر يعمل حاجه ولا يقول لحد .

جانيت : مالك مطمن قوي كده .

وسيم : علشان معاذ طيب و هيخاف يقول لشريف ويعمل مشاكل خصوصا محدش هيصدقه وكمان لو فكر يعمل كده وقتها تقولي انه بيعمل كده علشان يستولي علي شركه باباكي وفلوسه خصوصا انك العقبه اللي بينه وبين شريف ما انتي الوريثه الشرعيه لشريف .

جانيت : انت مصيبه .

وسيم : بعض من عندكم ياحبي .

★★★★★

في كاليفورنيا في شركه first ip magx احدي الشركات التابعه للمافيا ..

مايكل بعصبيه : مش كفايه نيك احنا لازم نشوف مداخل لعيله   الحديدي .

نيك : اصبر مايكل .

مايكل بعصبيه : اصبر ايه بقالنا ثلاث سنوات ننتظر ولكن الشركه بتكبر وتعلا وأسهمها بيعلا حتي بعد تصفيه جاسر الحديدي .

نيك : عرفت مين اللي قت**له .

مايكل : ليس مهم،  المهم انه اتقتل جاسر خربلنا شغلنا من وقت ما قرر يصفي الغول ومن بعده ايمن وارسيليلا قبلهم  ، ثلاث سنوات شغلنا في مصر متاخر بسببه. 

نيك : وارسيليا انت ليه مصفتهاش  .

مايكل : ليس منها خوف خاصتا انها تحت يدنا وكمان ممكن نحتاجها ارسيليا ليست سهله وتربيه الغول مش وقتها المهم الان لازم نضع يدنا علي شركه الحديدي حتي نعوض خسارتنا ، من تسبب في خراب شيء فعليه اصلاحه وشركات الحديدي تعويضنا للبيزنس الجديد .

★★★★★

بدر في الشركه يجلس مع معتز .

بدر : مش عارف ياعمو الخمسين مليار دول راحوا فين تلات سنين بدور ومش عارف اوصل لاي حاجه .

معتز : جاسر مش سهل لدرجه انه يحول مبلغ زي ده من غير اوراق وتحويلات ومستندات .

بدر : مشيت ورا كل ورقه تحويل للمبلغ من شركه لبنك لعملاء وكل مره بلف في نفس الدايره ، طيب بابا كان بيستثمرهم في حاجه او حتي كان طالب شحنه وموصلتش .

معتز : جردت المخازن .

بدر : ودي تفوتني طبعا كل سنه بنعمل جرد وبعد وفاه بابا عملت جرد استثنائي ، وانا براجع علي الملفات والتحويلات لقيت المبلغ ده ملوش اي اثر اختفي من حساب الشركه مره واحده،  ورق وشيكات وتحويلات وموصلتش لاي حاجه حتي المخازن مدخلهاش اي شحنات يبقي الفلوس دي راحت فين وياترى ليها علاقه بقت**ل بابا .

معتز : انا كنت مع جاسر خطوه بخطوه بس معرفش اي حاجه عن الفلوس دي ولا راحت فين ولا اتحولت لحد .

بدر : انا حاسس اني لو وصلت وعرفت الفلوس دي راحت فين هوصل لاول خيط في اللي عمل كده في بابا.

معتز : تفتكر عصام الصياد ممكن يكون له يد في الموضوع ده ، دا له عند ابوك طار كبير خصوصا ان جاسر كان سبب افلاس عصام وطارق وكمان كبر مره واحده وبقي من اكبر رجال الاعمال من شركات ومصانع وبقي حاجه تانيه ومظهرش ده كله الا بعد وفاه جاسر.

بدر : كل حاجه متوقعه ياعمو  خصوصا ان فارس الصياد دخل كام عمليه قصادنا وكسبها باساليب قذره .

معتز : فعلا ، جاسر ابني قالي كده بس ازاي كسب المناقصات دي .

بدر : انا حاسس ان ورقي مكشوف ليهم ومش عارف من مين رغم اني واخد احتياطاتي .

معتز : لو محتاج حاجه انا معاك .

بدر : انا فعلا محتاجك ياعمو والمرادي بجد ، انا حاسس اني بتحارب باساليب قذره رغم اني اتعودت علي كده لكن في حاجه غلط في الموضوع ، كل صفقه بدخلها بحط فيها اقل سعر وببقي متاكد اني مقدم اقل سعر وبتفاجا ان الصياد داخل باقل مني بحاجات بسيطه جدا لا تذكر ازاي معرفش اكيد انا ورقي مكشوف ليهم بس من مين هتجنن.

معتز هز راسه بالتاكيد : وانا معاك يابدر اعتبرني من دلوقتي في الشركه .

بدر بسعاده وقف وقبله : كنت متاكد انك مش هتتخلي عني .

معتز رتب على كتفه بحب : انت ابني يابدر.

★★★★★

في منزل يوسف الشناوي يجلس يوسف وفهد في المكتب .

يوسف : خد بالك من نفسك انت داخل حرب  دول مش اعداء دول كفره لا بيهمهم دين ولا انسانيه ولا رحمه  اهم حاجه مصلحتهم وبس .

فهد : اطمن يا بابا هو انا اول مره اطلع ماموريه ولا علشان في سوريا.

يوسف بتهكم : سوريا ، خلي بالك من نفسك .

فهد بحنق : هو انا مش رايح سوريا .

يوسف :هتعرف كل حاجه لما توصل يابطل .

فهد بنصف ابتسامه : ماشي ياسياده العميد بس انا ابنك برضو لو في حاجه قولي.

يوسف : بطل لماضه دي اسرار شغل واطلع لامك تفضحني.

فهد : لا معها سيلا وتيمور مسلينها 

قاطعهم دحول نهي .

نهي: اسرار شغل ما تغشش ابنك يايوسف دا ابنك .

فهد بضحك : اه بالله عليك غششني دا انا ابنك .

يوسف : اغشش ايه يامجنونه هو احنا في امتحان .

نهي : مش انت عميد وظابط كبيروابني حبيي رايح مهمه وانت ابوه اغششه ينوبك ثواب علشان يطلع الاول علي زمايله في المهمه .

فهد بضحك : اه والنبي يا بابا عايز اطلع الاول ..

يوسف : بس يابن المجنونه انت هتعوم علي عومها .

نهي حضنت فهد : وميعومش علي هومي ليه دا ابني بكريه..

يوسف لفهد : طيب يلا يابكريه علشان هتتاخر علي القياده .

نهي : لا يروح فين  لما يتعشا الاول انت عايزه يطلع علي لحم بطنه .

فهد : اه يا ماما انا جعان قوي هتعشيني ايه .

يوسف : والله ما انت نافع طول ما ماشي ورا امك .. اما اروح اشوف تيمو حبيب جده .

نهي بصوت مرتفع : ومينفعش ليه دا رضا الام من رضا الاب يا حبيبي ، ثم جذبت فهد تعالا ياقلب امك انت مالك خاسس كده ليه هي البت سيلا مبتاكلكش .

فهد : لا بتاكلني وبتخلي بالها مني  ..

نهي بغيره : وكمان بدافع عنها قدامي اهدي ياحبيبي مالك مدلوق قوي عليها كده ، انجر قدامي ..

وضعت سيلا الطعام علي السفره .

نهي : البت لينا مجتش معاكم ليه هيعامله ايه .

سيلا : طول النهار قاعده  هي ولينا مع الولاد مببطلوش رغي ..

يوسف يحمل تيمور ويطعمه : قلب جده هتبات معايا النهارده.

تيمور : لا هروح مع مامي .

نهي : هي امك محفظاك ياض ولا ايه .

سيلا بضحك : خلاص ياتيمو طالما بابا مسافر هنبات النهارده مع جده وتيته .

نهي ضمت سيلا بحب : طول عمرى بقول عليكي العاقله الراسيه الهاديه الناديه …

فهد قاطعهم بسخريه : اه وانا شاهد ..

نهي : مالك ياروح امك دي سيلا دي بنتي واكتر ثم نظرت لسيلا قلتيلي بقي هتقضي  معانا انتي وتيمو الاسبوع ده هنا .

يوسف بضحك : ماتسيبهم براحتهم 

نهي بزعل : ما انت طول النهار سايبني ميشفش وشك الا بالليل وفهد ومنه اتجوزوا ومبشفهمش وطول اليوم قاعده لوحدي ..

سيلا : وماله ياماما نقعد معاكي الاسبوع ده واهو تيمو يسليكي وانا في الشغل .

نهي بسعاده : والنعمه كنت لسه بشكر لفهد ابني عليكي من شويا صح ياواد .

فهد ضحك بسخريه : اه اه طبعا 

انهي فهد طعامه وجرس هاتفه يرن : سواق الوحده تحت انا لازم اتحرك ،ثم نظر لسيلا هاخد شنطه الهدوم من العربيه تحت واسيبك العربيه علشان عربيتك في الفيلا ..

سيلا حضنته بحب : تروح وتيجي بالسلامه ياحبيبي ..

ثم حضنته نهي بدموع : خلي بالك من نفسك ..

ثم نظرت ليوسف برضو مش هتغشش الواد 

فهد بضحك قبل يد وجبين والده .

يوسف : خلي بالك من نفسك يابطل انت قدها .

فهد : ربنا معانا . ثم حمل تيمور وقبله …

وتركهم وذهب .

★★★★★

في تحركات لمجموعات إرهابية مدمجه من بعض المتطرفين الليبين والمصريين  جنوب شرقي ليبيا، في مدينة درنة معقلِ الجماعات المتطرفة الواقعة شرقي البلاد، في حدود مصر من مساعد شمالا وحتى واحة جغبوب جنوبا ب ليبيا .

استوطنت بعض الجماعات في مخيمات وبيوت ومعسكرات ارهابيه يتراسها الشيخ انس ابوحمدان  ( الذي كان الدراع الايمن لخليل الغرباوي ، فاثناء مداهمه يوسف الشناوي لهم من اكثر من عشرين عاما في سيناء هرب اثناء العمليه بعد تصفيه ابومصعب وحمزه )  توغل علي الحدود مع بعض المجوعات الارهابيه حتي صار قائدهم هو وابنه حمدان.

حمدان : تم تجنيد بعض الاخوه حوالي مائه رجل  وتدريبهم علي الجهاد ، جاهزين بفضل الله للقتال  .

انس : بارك الله فيك اللهم اعز الاسلام بالاخوه المجاهدين امثالك ، جهزهم للجهاد في سبيل الله ودخولهم للعمليات القتاليه وجهز خطه الهجوم علي النقطه الامنيه الموجوده علي اطراف الحدود .

حمدان : بفضل الله في نهايه الاسبوع  وبعد مراقبه النقطه صباحا ومساء ومواعيد تبديل النبطشيات هتكون خطه الهجوم جاهزه .

★★★★★

في تنسيق مكثف بين الجانبين المصري والليبي و وضع خطه محكمه للفتك بالمجوعه التكفيريه ارسل الجيش المصري مجموعه من اكفأ الظباط في سريه تامه   للقضاء علي العناصر الارهابيه علي الحدود .

في سيارات الجيش يجلس الظباط ومن بينهم فهد .

فهد : انت متاكد اننا رايحين سوريا .

سليم : المفروض لو مفيش جديد انت عارف ممكن كل حاجه تتغير في لحظه ، انت شاكك في حاجه .

فهد : لا لا انا افتكرت عندك معلومات .

سليم : ياخبر النهاردخ بفلوس بكره لما نوصل يبقي ببلاش .

فهد : بيعجبني فيك برودك يا شيخ .

سليم بضحك : ياعم محدش واخد منها حاجه لكل اجل كتاب انا بس امنيتي اني بعد الحملات اللي بطلعها دي اني

 اموت شهيد .

فهد : ربنا يخليك لبنتك وتفرح بيها .

بعد وصلوهم ليلا علي الحدود.

القائد : وصلنا بالسلامه .

نظر الظباط لبعضهم بتعجب فهما مازالوا علي حدود مصر وليبيا خاصتا ان طريق سوريا علي حدود البحر المتوسط.

القائد بابتسامه : بصوا يااسود مش كل حاجه لازم تتقال وتتعرف احيانا السريه مطلوبه مش علشان احنا شاكين في حد في فيكم لا طبعا ، ولكن كتر الكلام ممكن يتنقل للعدو اللي احنا رايحنله واهم نقطه في اي هجوم هو عنصر المفاجاه خصوصا لو عدوك ذكي ..

فهد بعزم : واحنا جاهزين .

القائد : في استراحه هنا هتنزلوا تستريحوا وبكره تطمنوا اهاليكم وتعرفوهم ان المكان اللي انتوا فيه مفهوش شبكه لان هتسلموا موبايلاتكم قبل ما نكشف ورق  العمليه  والخطه ..

سليم وباقي الظباط  : تمام يافندم …

سليم بتمتمه لفهد : يعني ابوك عميد ومش عارف احنا رايحين فين .

فهد بضحك : وحياتك ما قالي دا يوسف الشناوي ..

★★★★★

في فيلا وسيم وارسيليا بالقاهره ..

ارسيليا : حبيبي انا بفكر انزل الشغل واهو اساعدك شويا .

وسيم : لا وتسيبي ابننا نادر لمين .

ارسيليا : الصراحه انا زهقت يا وسيم من قعده البيت مش متعوده علي كده ، انا هراعيه وساعت الصبح هروح الشغل والداده هتكون  معاه ..

وسيم قبلها من خدها بحب : انا مش عايز اتعبك ثم انتي مستعجله علي الشغل ليه .

ارسيليا : الصراحه عايزه اطمن علي جانيت واشوفها عامله ايه في السوق والدنيا ماشيه معاها ازاي  وقدرت تتاقلم علي الوضع والسوق ولا لا ..

وسيم : اطمني ياقلبي انا سامع انها ماشيه كويس دي حتي عملت ديل مع شركتنا .. الفوج اللي جايلها من الصين نزل علي شركتنا ..

ارسيليا : بجد يعني حاسس انها ماشيه في الشغل كويس .

وسيم : تفتكرى لو مكنتش ماشيه كويس كانت عملت تعاقدات مع اكبر شركات في الصين .

ارسيليا : كل ما اعرض عليها المساعده في الشغل تقولي انا مش صغيره ياماما .

وسيم : سبيها تعتمد علي نفسها .

ارسيليا : انا هروحلها النهارده بالليل اقعد معاها واطمن عليها بقالي اسبوع مشفتهاش .

وسيم : اوكي بس متتاخريش علشان بتوحشيني .

ذهبت ارسيليا الي منزل جانيت وبعد السلامات .

ارسيليا : هو ياسين لسه  في الشغل .

جانيت : اه ، ليل نهار في الشغل  مبشفوش غير الصبح وانا نازله الشغل .

ارسيليا : انتوا زعلانين مع بعض ولا ايه .

جانيت : لا .

ارسيليا : بس انا حاسه ان في حاجه طريقتك مش مريحاني .

جانيت : مش عايزني انزل الشركه واشتغل وانا من حقي اشتغل ويبقي ليا الكاريير بتاعي .

ارسيليا بابتسامه : يبقي متقصريش معاه هو حس بكده لما لقي تقصير من ناحيتك اتجاهه ، انما لو كنتي وفقتي بين شغلك وجوزك وبيتك عمره ما هيزعل منك بالعكس هيساعدك .

جانيت : مش عارفه بس الشغل مبقاش له مواعيد محدده حسابات وايملات وقرارات واحيانا اجتماعات في اي وقت .

ارسيليا : طبيعي كل ده لانك لسه بتبداي انتي مكملتيش سنتين في المجال فالضغط كتير عليكي ، وسيم بقولي انك عامله dell  في الصين لو احتجتي اي حاجه انا علاقاتي كويسه اقدر اساعدك   .

جانيت : اكيد .

قاطعهم دخول شريف المصرى .

ارسيليا بدهشه : شريف .

جانيت : والله جيت لما قلتلك ماما جايه النهارده تزورني .

شريف بسعاده : بس يابت انا جاي اطمن علي حفيدتي  .

ونظر لارسيليا وصافحها وهو يقبل يدها ومازال يمسك يدها ،وجده حفيدتي .

ارسيليا بابتسامه : كل مره بتبقي زي ما انت مبتتغيرش ..

شريف لجانيت :  هو انا مكنتش عندك في الشركه امبارح يانصابه .

جانيت : بس مجتش تبص ع حفيدتك بقالك اسبوع .

شريف نظر لارسيليا : وانا جيت اهو .

ارسيليا بضحك : حفيدتك فوق مش هنا .

شريف : اومال انا شايفها قدامي ازاي.

ارسيليا سحبت يدها براحه وشريف ماسك يدها بهيام : سمر عامله ايه .

شريف بهزار : بتسلم عليكي وبتقولي اول ما تشوف ارسيليا بوسهالي ..

وقرب عليها فابعدته ارسيليا بتحذير ، وبعدين .

شريف بهزار : مش انتي اللي سالتي ..

جانيت : علي اساس اني واقفه بينكم فازه مثلا .

شريف : فين دودو مش شيفها ليه اطلعي ناديها .

جانيت : بتلعب هي ونادر فوق ..

شريف : طيب اطلعي هاتيهم انا جايبلهم شكولت كتير ومنستش بتاعتك طبعا .

واعطي شوكلت لجانيت .

جانيت بسعاده تناولتها : لو كده هطلع جري .

وذهبت لاعلي 

شريف :  وحشتيني بقالي شهر مشفتكيش .

ارسيليا  : وبعدين .

شريف اخرج نوع معين من الشوكلت تحبها ارسيليا : جايبها مخصوص من فرنسا  وعينهالك علشان عارف انك بتحبي النوع ده .

ارسيليا تناولتها منه : وانا هاخدها مش علشان منك تؤ علشان بحبها ..

وفتحتها واكلت منها .

شريف : يابختها وهي علي شفايفك وبتقطميها كده ، والنعمه يارتني كنت انا .

ارسيلليا بضحك : انت عجزت خلاص جايب الكلام والصحه دي منين .

شريف : لما بشوفك بحس اني بصغر عايز اجرى والعب واتنطط تيجي اجرى وراكي ولو مسكتك اعاقبك ببوسه .

ارسيليا : تيجي انا اجرى وراك  ولو مسكتك اعاقبك انا بقلم يطرقع علي وشك .

شريف : الله يلا اموت في التوحش  ..

ارسيليا : بطل جنان ياشريف احنا كبرنا علي العمايل دي ..

شريف : اعمل ايه كل ما بشوفك مببقاش علي بعضي وبحس بحاجات كتير معملتهاش ونفسي اعملها معاكي اجرى واهزر واضحك…. بجد انا نفسي جانيت تتربي في وسطنا وسط ابوها وامها في بيت واحد ..

ارسيليا بضحك : تتربي في وسطنا !! بنتك متجوزه ومخلفه .

شريف : نطلقها من الواد ياسين وتعيش مع ابوها وامها علشان تحس بالحنان .

ارسيليا : بمناسبه  ياسين علاقه جانيت بياسين حاسه انها متوتره كلمه هو قريب منك وخلي يصبر عليها هي لسه شباب واكيد عندها طموحات وعايزه تحققها وانا هفهمها تهتم ببيتها اكتر ..

شريف : وانا مين يهتم بيا ..

ارسيليا اخرجت هاتفها وبسخريه : اتصل علي سمرتهتم بيك.

شريف : لا لا خلاص الاهتمام مبطلبش 

هبطت جانيت ومعها الاولاد ..

جانيت : انا مبسوطه قوي لما بلاقيكم متجمعين معايا كده بحس اني مش لوحدي ..

شريف نظر لارسيليا : شفتي كنت بقولك ايه من شويا علشان تعرفي ان عندي بعد نظر .

ارسيليا : ياحببتي انا معاكي في اي وقت هتلاقيني جمبك ..سنه الحياه يبقي ليكي بيتك وجوزك حافظي عليهم هما دول دنيتك وحياتك وانا وباباكي جمبك وسندينك في اي وقت هتلاقينا معاكي .

جانيت : بجد ياماما مهما حصل .

ارسيليا : مفيش ام ولا اب بتخلوا عن اولادهم خصوصا لو كانت زيك حته من قلب امها .

شريف حضن جانيت بحب : متخفيش ولا تقلقي من حاجه ابوكي في ضهرك ولو الواد ياسين ده زعلك انا هملصله ودانه .

جانيت بسعاده حضنت والدها .

شريف لارسيليا : مش عايزه تشاركي في  الحضن الاسري ده …

★★★★★

في اكبر شركات الاستيراد والتصدير شركه الصواف ..

فارس بسعاده  : وكسبنا تالت صفقه من تحت ايد شركه الحديدي .. يااا اخيرا رجعنا لمكانتنا تاني واطلعنا فوق ..

عصام : البركه في ابوك اللي خطط وتكتك ونفذ ..

فلاش باك 

( فتح عصام شركه صغيره بعد خسارته كان ينتهز اي فرصه حتي يكبر شركته ولكن كل فرصه تاتي بالفشل الذريع حتي علم بما فعله جاسر مع الغول و وقوع وائل ومنار فتقريبا معظم رجال الاعمال للمافيا وقعت علي يد الحديدي، فانتهزها فرصه وحاول التقرب من احد عناصر المافيا التي كان علي صداقه بيه قديما ليوصل حلقتهم وعلاقتهم بعض تصفيه رجالهم وياخذ هو احد الاماكن …

جون : ليس لدي مانع ياعصام ولكن انتظر قليلا لترتيب امورنا اولا .

عصام : وانا منتظر كده كده انا ليا طار قديم مع جاسر .

جون : تمام .

بعد مق**تل جاسر ساعدت المافيا عصام في تكبير شركته عن طريق غسيل الاموال في بعض الصفقات حتي صار من اكبر رجال الاعمال هو وابنه فارس 

باااااك 

فارس بشر : كان نفسي انتقم بنفسي واشفي غليلي من جاسر.

عصام : كده احلي جاسر لو كام موجود مكناش بقينا في المكان ده .

فارس : وبدر واخواته ، انا سمعت ان معتز رج شركه الحديدي .

عصام : بدر ايه طول ما احنا معانا الحصان اللي بيقش محدش هيقدر علينا .

فارس : انا بس عايز اعرف جون بيعرف اسعار مناقصات الحديدي منين 

عصام : مش شغلنا احنا شغلنتنا اننا نكبر ونعلا ونستفاد واحط اي علي شركات الحديدي هي دي الفرصه اللي مستنيها من زمان ، كل مره طارق كان بيضيعنا بتسرعه وغباءه دلوقتي انا اللي بلعب والاجوان نازله ترفرف في الملعب  ..

فارس بابتسامه : كان نفسي دنيا تبقي عايشه وتشوفني وانا بكسر عيلتها واحد واحد ..

عصام : انت مش ناوي تتجوز ..

فارس : والبومه اللي معايا دي اوديها فين .

عصام : يابني نفسي اشوفلك عيال ومراتك مبتخلفش اتجوز عليها ومش ضروري هي تعرف .

فارس : انت ناسي ابوها مكانته في الوزاره بقت ايه ، مش وقته خالص انا بس اول ما احط ايدي علي شركات الحديدي واخد مكانه هرميها رميه الكلاب واتجوز واعمل فرح ويبقي الفرح فرحين.

★★★★★

في فيلا الحديدي تجلس منه ولينا في الحديقه وامامهم الاولاد يلعبوا

منه : يظهر في مشكله كبيره طالما باباها ومامتها جم ..

لينا : امبارح وانا نازله سمعت صوت ياسين بزعقلها وفتح الباب وخرج ورزعه وراه .

منه : دا حتي وقت الغدا بيقعدوا معاما مبكلموش بعض ، معرفتيش زعلانين ليه .

لينا : اكيد علشان الشغل ما اهي طول النهار بره وسيباه واصلا ياسين روش انا ..

منه :  في ايه .

لينا : كنت سمعاه وهو رايح يركب العربيه بيكلم واحده وبقولها انا رايح الشقه قابليني هناك .

منه بصدمه : مش معقول .

لينا : انا ولا كاني سمعت حاجه اه مش عايزه مشاكل .

منه : انا مش عارفه البت دي شايفه نفسها علي ايه ، كانت كويسه اول الجواز مش فاهمه ايه اللي حصلها لا بقت تتكلم معانا ولا تتقبل مننا اي كلام .

لينا : انتي ناسيه اخر مره جينا نتكلم معاها قالتلنا بكل تكبر ، ياريت كل واحد يخليه في حاله ….

منه بضحك : لا هي في حالها واحنا في حالها برضو اومال احنا قاعدين لايه .

منه : شفتي البت سيلا قعدت مع ماما وشكلها هتاكل بعقلها حلاوه ، ماما بتتصل تزعقلي اني مرحتلهاش ..

لينا بهزار :  ونسيب الاخبار هنا لمين ...

★★★★★

علي جزر المالديف علي الشاطيء دنيا تغفو وجاسر يتحدث علي الهاتف بصدمه :  متاكد … مستحيل انت بتقول ايه … تمام اي جديد عرفني .

وغلق السماعه وذهب  ليداعب جاس خصلات شعر دنيا بعدما احتضنها علي صدره .

دنيا بصوت ناعس : هننزل مصر .

جاسر بابتسامه ضمها لحضنه : اه هنزلك اهو .

دنيا تقلبت في احضانه:  بسرعه علشان منتاخرش .

جاسر : حاضر .

دنيا : لا بتضحك عليا .

جاسر : انتي مش كنتي نايمه .

دنيا اتعدلت ورفعت راسها لاعلي : عايزه اشوف الولاد وحشوني .

جاسر : يعني انتي فاكره يادنيا ان ولادي واحفادي مش وحشوني انا كمان .

دنيا : لا موحشكش لو كانوا وحشوك كنت خلتنا ننزل .

جاسر : انتي مش فاهمه حاجه .

دنيا : فاهمه انك عايز تفضل في العسل هنا وبس.

جاسر : متستعجليش يادنيا شكلها قربت .

دنيا : ايه دي اللي قربت 

جاسر : …….

#الكاتبه_مروه_عبدالجواد #عشق_الجاسر

البارت ١٩ 

كلامكم ودعائكم ليا امبارح  حفزني اني مدخلش الجروب الا وانا كتبالكم الفصل يارب يعجبكم 😀 وشكرا من قلبي لدعائكم وتشجيعكم ليا ❤️🌹

وصل فهد هو وباقي الظباط علي حدود ليبيا السادسه صباحا ، ذهب سليم ليحدث زوجته وبنته في احد الزوايا خارج المبني وخرج فهد هو الاخر ليحدث سيلا …

رن هاتف سيلا وهي نائمه بجانب تيمور فخرجت بهدوء لتحدث فهد خارجا حتي لا يفيق ابنهم .

سيلا : حبيبي حمدلله علي السلامه وصلت .

فهد : اه لسه واصل من شويا قلت اطمنك قبل ما انام ، السفر كان طويل .

سيلا : بس انا قلت هتوصل بكره العصر من مصر لسوريا وكمان طريق بري وبحرى مش اقل من يوم كامل .

فهد بكذب مصطنع : لا ما احنا رحنا سوريا بالطياره مش عن طريق البحر .

سيلا : كويس برضو ، وحشتني .

فاقت نهي وخرجت من غرفتها لتشرب شاهدت سيلا تتحدث في الهاتف .

نهي : بتكلمي مين الصبح كده 

سيلا التفتت لها : ماما ده فهد .

نهي التقطت  الهاتف منها بسعاده : حبيبي انت عامل ايه كويس وصلت ..

فهد : اه وصلت لسه واصل حالا .

نهي: انت كويس يعني .

فهد : اه كويس يا ماما وقلت اكلمكم قبل ما انام .

نهي : بقي يا ابن الموبوءة بتتصل بمراتك ومتتصلش بامك اللي شالتك جوه بطنها تسع شهور وبره ٢٥ سنه  اكل وشرب وتربيه وعلي الله طمر…

سيلا ضحكت بصوت مكتوم 

فهد بضحك : مكنتش عايز اقلق .

نهي بسخريه : لا اقلق ياحبيبي ما انت طول عمرك قالقني زي القرع تمد لبره ، ثم اعطت الهاتف لسيلا بتذمر خدي ياختي اشبعوا ببعض …

سيلا التقطتت الهاتف : معاك ياحبيبي .

فهد : مش انا قلتلك روحي بيتك جبتيلنا الكلام .

سيلا بضحك : ما هي معاها حق بصراحه بعد التربيه دي كلها تتصل بمراتك ومطمنش مامتك يعني انا افضل اربي تيمور ولما يسافر افضل قلقانه عليه وفي الاخر يتصل بمراته مش بيا دا انا اول** ع فيه هو ومراته ..

فهد : ياواد ياجامد انت وهيهونوا عليكي .

قاطعها خروج نهي من المطبخ بابتسامه بعدما سمعت حديثها مع فهد  وطبطبت على كتفها : مرات ابني الغاليه ..

سيلا بكسوف مصطنع  : ماما حببتي  …

تركتهم نهي بسعاده ودخلت غرفتها ..

فهد بدهشه : هي دي ماما ..

سيلا : اه كنت بثبتها بكلمتين اصل امك كانت بتصنط علينا ..

فهد بضحك  : يامجرمه وانا بقول ايه العقل اللي نزل عليكي فجأه  ده ..

سيلا :  لا بس برضو كنت  كنت  هسيب تيمو ومراته ياخدوا راحتهم شويا مع بعض مش اطبق علي زماره رقبتهم زي امك ما بتعمل معانا …

فهد بسخريه : امك  ايوه كده ارجعي لاصلك ، ومعاك واحد تسجيل مكالمات يوصل للست نهي علي الواتس حالا ..

سيلا : يالهووووي هتفضحني دي امك هتشقلطني ..

فهد : علشان تحترمي الست اللي ربت جوزك ومدياكي واد زي الورد 

سيلا : بحبك 

فهد : بموت فيكي .

سيلا بدلع : مش ناسي حاجه .

فهد : محرومه منها علشان نمتي من غير ما تستني مكالمتي..

سيلا فتحت الكاميرا لتشاهده و  بدلع  : واهون عليك ..

فهد فتح الكاميرا  : عايزاها فين .

سيلا  : انت واحساسك بقي ..

فهد : يبقي هترشق في شفايفك  ..

سيلا بضحك 

فهد : اموووواااه ، وحشتيني .

سيلا عضت علي شفايفها بكسوف ورومانسيه، وانت كمان كل مره بتغيب عني شوقي ليك بيزيد اكتر ..

فهد : انا اللي بولع لما بنام وانتي بعيد عني ….

سليم بصوت عالي من اعلي المبني : ايييه ياعم بقالك ساعه بتتكلم ، دا انت لسه سيباهم من كام ساعه …

فهد نظر لسليم : بس ياض .

سليم بصوت دلع : طيب يلا علشان مش عارف انام من غيرك.. 

فهد اشار له بيده بحركه قبيحه : ياواطي ..

سيلا بضيق : مين ده اللي مش عارف ينام من غيرك ان شاء الله ..

قاطعه سليم يصوت مرتفع بسخريه : يلا يافهودتي بقي الدنيا برد يلا علشان تدفيني..

سيلا : ايه مين دا اللي هتدفيه يافهد .

فهد لسيلا بضحك : دا سليم صاخبي  بيرخم عليا تلاقي مراته عكننت عليه فجاي يعكنن علينا …

سيلا : علشان تعرف مراتك مروقه عليك ازاي ..

فهد : خلي بالك من نفسك بحبك .

سيلا : لا اله الا الله …

صعد فهد المبني وتناول المخده وخبطها علي راس سليم وهو علي سريره ..

سليم بسخريه : ده كله حب يلا عايزين ننام .

فهد القي يجسده علي سريره : ما تنام ولا مستني اديك الرضعه ..

سليم بسخريه : اصل صدرك حنين اوي يابيبي ..

فهد القاه  بمخده اخرى  وبسخريه : وحيات امك ..

ذهبت سيلا لتبدل ملابسها وجهزت نهي الفطار ..

نهي : الواد فهد قالك ايه .

سيلا : ابدا دا قفل علي طول وطمني انه وصل .

نهي بسخريه : قفل علي طول دا انا سمعاكي بقالك ساعه عمالين تتودودوا في التليفون 

سيلا : دا بطمن علي تيمو ..

نهي : اقطع دراعي لو كان سال علي  تيمور اصلا ..

سيلا بسخريه  : ايه ده انتي كنتي بتسمعينا ..

نهي : افطرى افطرى ياختي ..

سيلا وهي تاكل : والله كان هيكلمك ياماما بس محبش يقلقك انتي وبابا علشان نايمين .

نهي : اه ما انا عارفه ربي ياخيبه للغايبه .

سيلا بابتسامه : طيب انا خلصت اكل هنزل وخلي بالك من تيمو .

نهي : كلتي فين دا انتي محطتيش لقمتين علي بعض في بوقك ولا عايزه فهد لما يرجع يقول اننا كنا مجوعينك .

سيلا : لا والله كلت كويس ..

نهي: لسه بدرى يابنتي واللبن على النار استني اصبلك كوبايه لبن ترومي بيها عضمك يدل ما انتي ناشفه كده حتي الواد فهد يلاقي فيكي حته لحمه يعرف يمسكها .

سيلا بضحك : لا هو بحب الناشف …

نهي : ماشي ياختي تندعقوا ببعض.

سيلا : انا  هعدي علي المقابر ازور بابا وماما وبعدين اروح الشركه هخلص واجي علي العصر ..

نهي : ربنا يرحمهم ويبشبش الطوبه اللي تحت راسهم ، ما تخلي الزياره دي بعد الغدا علشان اجي معاكي واقرالهم الفاتحه ..

سيلا قبلت نهي من راسها : حاضر .

نهي نزلت دمعه من خدها : وحضنت سيلا ربنا يحفظك يابنتي ياارب …

تركتها سيلا بسعاده وذهبت للشركه 

★★★★★

علي جذر المالديف يتحدث جاسر في هاتفه بعيدا عن دنيا 

جاسر بعصبيه : اومال انت واخد عشره مليار ليه انا عايز معلومات مش توقعات ..

براد احد افراد المافيا : كل اللي اعرفه  قلتهولك ياجاسر..

جاسر : انا ميهمنيش كل اللي قلته حاجه واحده بس عايزه اعرفها جانيت علي علاقه بوسيم اه ولا لا ..

براد : كل اللي اعرفه ان وسيم مجند جانيت لحسابه ..

جاسر : براد انتا مره تقولي انهم علي علاقه ومره تقولي مجندها ، مليار هتلاقيه داخل حسابك لو اكدتلي المعلومه دي بالدليل اظن فاهم قصدي ..

براد بسعاده : هكذا الكلام الصحيح..

جاسر بحنق :  معني كده ان جانيت هي اللي وقعت بدر في المناقصات اللي الشركه خسرتها بس ازاي دي مبتدخلش الشركه وياسين نادر لما بيروح الشركه ..

براد : ليس دي اي معلومات اخرى ..

جاسر : هنتتظر الجديد ..

وغلق الهاتف اقتربت منه دنيا ..

دنيا : في حاجه جديده الولاد بخير.

جاسر ضمها لحضنه : بخير اطمني .

دنيا رفعت راسها لاعلي : اومال ايه حكايه التليفونات الكتير دي..

جاسر : حبيبي شاغل نفسه ليه مش انا قلت كذا مره تشغلي نفسك بيا وليا وبس  

دنيا بابتسامه : هو انا ورايا غيرك ولا قدامي غيرك اساسا ..

جاسر : هو ده الكلام ..

وحملها ودخل باتجاه خلوتهم المزينه بالالوان والرسومان الهادئه وبعض الديكورات الخلابه ..

دنيا بضحك : لا .

جاسر : لا ايه هو انا لسه عملت حاجه ..

دنيا ضحكت بصوت مرتفع : قولي بس كنت بتكلم مين .

جاسر : اقولك في شفايفك ولا علي … ونظر اسفل عنقها .

دنيا رفعت سبابتها علي ذقنه بتحذير مصطنع : قولي في عنيا ها ..

جاسر : يبقي علي رقبتك وقبلها برومانسيه ….

★★★★★

في شقه فخمه في احد المباني 

يجلس ياسين عاري الصدر علي السرير وبيده سيجاره ، تاتي فتاه بملابسها الخفيفه التي تظهر معالم انوثتها وتسحب من فمه السيجاره وتضعها بفمها ثم تزفر هواءا مليئا بالدخان وبصوت عابس 

لما انت ملكش مزاج جبتني ليه .

ياسين :  مزاجي كده ، ثم اشار بعينه  عندك الفلوس علي الكومدينو خودي اللي عايزاه وامشي ..

– وضعت يدها برقه علي صدره وهي تداعب شعر صدره برقه ، انا بهزر معاك قفوش ليه وبعدين دي مقابله تقابلهالي بعد تلات سنين فين اللاف بتاع زمان ..

ياسين  ابعد يدها عنه : قومي البسي وامشي ..

– بتذمر ،ايده بقي احنا فينا من كده .

ياسين بصوت عابس مرتفع : اخلصي امشي مش عايز اشوف حد ..

بسرعه التقطت ملابسها وارتدتهم بالليفنج وبضيق ، بكره تجيلي حافي …

وفتحت الباب وجدت رجل امامها فتركت الباب وخرجت دخل شريف ... حتي وصل الي غرفه نوم ياسين و وجده يجلس بملابسه التحتيه فقط ..

شريف : كنت متاكد اني هلاقيك هنا ..

ياسين بدهشه : عمو شريف .

شريف : استر نفسك وهستناك بره ..

ارتدي ياسين ملابسه بسرعه وخرج وجد شريف ينتظره بالخارج ..

ياسين باحراج : عمو ..

شريف : مش هستني منك تبرير لاني اوسخ منك ، بس حسيت بكسره جامده لما الخيانه تكون لبنتي ..

ياسين : انت فاهم غلط ياعمو ..

شريف قاطعه : مش مهم اكون فاهم غلط ولا صح الفرق ، لو كنت بصيت في يوم ليا ولا حتي اعتبرتني قدوتك زي ما بتقول دايما فا في فرق كبير قوي بيني وبينك يا ياسين... انت خدت اللي بتحبها وبتتمناها انما انا لا... انت عندك بنتك الدنيا كلها تتمناه ضافرها انما انا اتحرمت من بنتي ...

 ثم نظر له باحساس بالذنب  انا لو كنت بخون سمر يمكن دا احساس بالنقص جوايا لكن عمرى ما حسستها اني بخونها مش شطاره مني بس سمر متستهلش اني اجرحها او اقصر معاها .

 لكن انك تعذب بنتي  وتطعنها وتخونها عمرى ماهسماحلك بكده ابداا..

ياسين بتاثر  : انا اسف ياعمو بس انا تعبان تعبان ..

وجلس و وضع يده علي راسه بحزن .

اقترب شريف منه : كلمها ناقشها متسبهاش وتسيب نفسك كل واحد في طريق .. قرب منها ..

ياسين  نظر بعيون مليئه بالدموع : انا بحب جانيت قوي لكن…

شريف بعدم فهم : لكن ايه ..

ياسين هز راسه وهو يتهرب من الحديث : حاضر ياعمو هحاول معاها تاني ..

شريف : ياسين دي بنتي واتحرمت مني طول عمرها وانا عمرى ما هتخلي عنها ..

ياسين : فاهم …

اخذه شريف وذهبوا الي الفيلا وجدوا جانيت .

شريف بابتسامه : مش قلتلك هملصلك ودانه ..

اقترب ياسين من جانيت وقبلها من خدها : انا اسف .

جانيت بابتسامه هزت راسها ..

شريف : يلا بقي عشي جوزك وشوفيه لو محتاج حاجه ..

ياسين : استني اتعشا معانا ياعمو ..

جانيت : اه يا بابا خليك معانا .

شريف : يابت بقي عايزاني استني معاكم وحيات امك . 

وبابتسامه يلا ياحببتي خدي جوزك واطلعوا فوق وساعديه يغير هدومه ..

تركهم شريف وخرج ، صعد ياسين وجانيت لاعلي وساعدته في خلع الجاكيت فالتفت لها ياسين بابتسامه  ، وحشتيني .

جانيت : هنزل احضرلك العشا .

ياسين  جذبها لاحضانه : وحشتيني قوي ..

جانيت بتوتر ابتعدت عنه : بعدين .

ياسين : في ايه ياجانيت كل ما اقرب منك بتبعدي  ليه ..

جانيت : انا بس هنزل اشوفهم جهزوا العشا ..

ياسين : عشا ايه احنا بقالنا اكتر من ست شهور مقربتش منك في ايه مالك ..

جانيت : مفيش قلتلك شغل ..

ياسين حاول ان يمسك اعصابه : يعني الشغل مبخلصش ولا انتي اللي مبقتيش عيزاني .

جانيت  حاولت الهروب بحديثها : ده صوت دنيا هروح اشوفها .. والتفتت لتذهب 

ياسين جذبها من مرفقها بقوه  : مش هتمشي من هنا غير لما افهم في ايه ..

جانيت : ابعد ايدك قلتلك البنت بتعيط ..

ياسين تركها بضيق فذهبت جانيت للغرفه الاخرى بسرعه ..

★★★★★

في مدينه درنه شرقي البلاد 

حمدان  : في اخبار بوجود بعض رجال الجيش المصرى  في معسكر بالقرب منا وتنسيق بين الظباط الليبين والمصريين بالهجوم علينا الاخبار لسه واصله حالا.

انس بدهشه  : متاكد .

حمدان : الظابط وهدان الليبي  اللي مجندينه اتصل عليا وقالي الاخبار دي ويوم ولا اتنين وهيحصل هجوم علينا .

انس : تمام ، اعرف ميعاد الهجوم امتا وبلغ الرجاله بتجهيز  الاسلحه والدافع والرشاشات ومتنساش يعدوا الكمائن علي حدود البلد..

حمدان : وهدان قالي انهم هيقطعوا عنهم الاتصال لكن هو هيحاول يخلي معاه تلفون علشان نتواصل معاه لو عرف يكلمنا وطلب ..

انس : طلب ايه ..

حمدان : طلب عشره مليون ..

انس : مش مهم المهم ان الاخبار وكل التحركات توصلنا اديله اللي عايزه بس يعرفنا بميعاد الهجوم .

حمدان : لو معرفش يكلمنا هيبعتلنا رساله بوقت الهجوم ومراكز ونقط تمركزهم ..

انس : خلي الشباب  تجهز ويجهزوا اسلحتهم .. وبصوت منخفض لحمدان ومتنساش تامن طريق هروبنا اذا  حدث ما لم نتوقعه ..

حمدان : مفهوم …

★★★★★

في اتصال فهد بسيلا .

فهد : حببتي احنا داخلين منطقه مفهاش شبكه علشان لو اتصلتي عليا متقلقيش واحتمال نقعد اسبوع ..

سيلا بخضه : اسبوع مسمعش صوتك ولا اطمن عليك ..

فهد : متقلقيش لو عرفت اكلمك هكلمك خلي بالك من ماما وتيمو ..

سيلا : خلي بالك انت من نفسك .

فهد : لا اله الا الله .

سيلا : محمد رسول الله .

انهي فهد حديثه ورمق سليم يهاتف زوجته فاتي فهد براحه من خلف سليم وفجاه خبطه علي كتفه .

سليم بخضه التفت له : يخرب عقلك خضتني ..

فهد بغلاسه : اتخضيتي يابيضا اومال لما ندخل في التقيل هتعمل ايه .

سليم بسخريه رفع يده علي وجه فهد بغلاسه : هجيبك تتخض مكاني … واكمل حديثه مع زوجته هقفل بقي واكلمك بعدين سلام .

ثم التفت لفهد ،مكملتش نحنحه في الموبايل ليه خلصت بدرى..

فهد بسخريه : لا ما انا قلت اهيئلك الجو وتنحنح انت مكاني المرادي … يلا علشان اتاخرنا علي القائد ..

ذهبوا لغرفه القياده وجدوا باقي الظباط والقائد يتراسهم ..

القائد : كل واحد يطلع تليفونه ويفصله ويحطه  قدام منه علي الترابيزه علشان نبدا ..

سليم بهمس لفهد : دا انا لسه مكملتش المكالمه ..

فهد بهمس لسليم : اقول للقائد انت مكملتش نحنحه ..

خبطه سليم بقدمه فابتسم فهد وهو يخرج هاتفه وبصوت مرتفع لسليم : مطلعتش تليفونك ليه ياسليم …

القائد نظر لهم : تليفوناتكم …

بعد وضع الجميع هواتفهم علي الترابيزه اتي احد الظباط واخذهم ..

القائد : ده طبعا اجراء روتيني وكلكم عارفينه وبنعمله في المهمات الكبيره … ثم فرد لوحه كبيره علي الترابيزه بيها بعض الرسومات لنقط وتجمع ومراكز الارهابين وبدا بالشرح التوضيحي لبعض النقط ..

وطبعا في اجتماع بكره مع بعض قيادات الجيش الليبي والظباط علشان كل فرقه تعرف نقط تمركزها والتوضيح يكون اكتر وكل مجموعه منكم هيكون معاها ظابط ليبي لانهم عارفين الاماكن ودارسينها اكتر مننا ودي ارضهم  واي سؤال او استفسار هتسالوا بكره هنجاوب عليه .. و وقت الهجوم هيكون قريب خلال يومين بالكتير اي استفسار ..

الظباط : تمام يافندم ..

القائد : تمام.

في صباح اليوم التالي تم اللقاء بين الجيش المصري والليبي وصار الاجتماع بوجود الظباط وتحددت كل فرقه وكان نصيب فهد وسليم مع الظابط وهدان ..

القائد : جاهزين يااسود 

الظباط : جاهزين يافندم .

القائد : يبقي نبدا التحرك ..

وهدان بدهشه : معقول الهجوم دلوقتي ..

القائد الليبي : عندك اعتراض .

وهدان : لا لكن باقي الظباط والجنود والسيارات والاسلحه ..

القائد الليبي : كل دول خمس دقايق وهتلاقيهم موجودين ..

فهد لسليم : هو دا اللي هيبقي معانا .

سليم : اه في فرقتنا .

فهد : احيه بالكركديه دا شكله مش عارف حاجه ..

القائد المصرى : يلا يااسود اطلعوا علي عربياتكم ..

ذهب الظباط وذهب فهد وسليم و وهدان للخروج ..

وهدان وقف فالتفت له فهد وسليم ..

فهد : في حاجه ..

وهدان : لا بس محتاج ادخل الحمام ..

سليم خبطه علي كتفه بسخريه : وماله ادخل فك زنقتك ياخويا الطريق طويل ..

ذهب وهدان وضحك فهد وسليم ..

دخل وهدان التواليت وبعث رساله الي حمدان انهم بدوا بالتحرك اتجاههم …

حمدان : بسرعه كده ..

انس : جهز الرجال والكمائن والخنادق بسرعه ….

طرق فهد باب التواليت علي وهدان : انت هتنام جوه العربيات اتحركت .

سليم  بسخريه : يمكن البي بي  مش عايز ينزل .

فهد : الله يقرفك ..

خرج وهدان وهو يصطنع انه يربط بنطاله : جاهز ..

سليم رمقه بنظره سخريه : نزلت..

★★★★★

في شركه الحديدي 

معتز : احنا ياما صادفنا لعب قذر كده متقلقش نعوضها في الصفقه الجديده ..

بدر : خساير لحد دلوقتي بتلاتين مليار ياعمو ، والمصيبه ان شركه الصياد لما بتكسب المناقصه بتنزله في السوق اقل من نص تمنها انا هتجنن احنا حتي مش عارفين نبيع بالسعر العادي بتاعنا لولا اني كنت متفق مع بعص الشركات من الاول و واخد شيكات عليهم علشان يشتروا بضاعتنا كانوا لغوا الاوردرات … هما بنزلوها باقل من نص تمنها لان مخططهم  مش عايزين يكسبوا لانهم بغسلوا اموال ومن ضمن خططهم انهم يستولوا علي شركه الحديدي وده اللي مش هسمح بيه ابدا… هو اكيد في خاين بينا  بس مين دا اللي لازم نعرفه …

معتز : شاكك في حد معين .

بدر : انا كنت بسيب الفايل في الشركه ولما خسرت الصفقه  اول مره وراجعنا الكاميرات لقينا النور قطع في وقت معين وبالتالي موصلناش لحاجه يبقي في خاين في الشركه … ولما دخلنا اخر صفقتين خدت الفايل  معايا البيت وبسيبه في المكتب معقول حد من الشغالين .. انا بعد كده هاخد الفايل انيمه في حضني ولا ايه…

معتز  : يظهر كده علي العموم ، لو حبيت تخليه معايا وانا اللي اروح اسلمه بايدي بعد ماتجهزه زي ما كنت بعمل قبل كده مع والدك تمام ..

بدر : لا انا هخده معايا ..

معتز : احنا ياما مرينا بكده وابوك كان بثق فيا خلي الفايل معايا وانا بنفسي اللي هسلمه يومه تسليم المظاريف ..

بدر بتردد : انا هجهزه واخليه معايا واسلمه بنفسي لما اشوف اخرتها ايه ..

معتز : اللي يريحك وانا معاك برضو ..

جهز بدر الفايل للصفقه الجديده بعدما وضع اقل اسعار للخامات زائد هامش ربح بسيط لا يذكر  واخذه وذهب به الي الفيلا…. في غرفتهم نومه .

حور : حبيبي اتاخرت ليه علي العشاء كلهم اتعشوا …

بدر وضع الملف علي الكومدينوا وخلع الجاكيت : اتعشيتي انتي والولاد .

حور تناولت منه الجاكيت و وضعته علي الكرسي وتناولت البيجامه من غرفه الدريسج روم ، الولاد اتعشوا وانا استنيتك نتعشا سوا .. ثم نظرت للملف بتعجب هو ايه دا ..

بدر : دا ملف الصفقه الجديده جبته معايا علشان اسلمه بكره بعد الضهر .. هاخد شاور لحد ما تجهزي العشا .. ياسين وجانيت عاملين ايه لسه مبكلموش بعض ..

حور : جانيت نزلت اتعشت معانا بس ياسين لا يظهر لسه زعلانين مع بعض ..

بدر : انا هكلمه تاني اشوف في ايه …

حور بابتسامه حب : الحمام جاهز ..

بدر جذبها لاحضانه فالتصقت بصدره و بشوق : جاهز ..

حور بدلع : العشا اه ..

بدر : لا الحلو .

حور داعبت ذقنه باطراف اناملها وبدلع : الحلو بعد العشا..

بدر جذبها له اكثر : هندخل ناخد شاور ..

حور دفعته  اتجاه التواليت : ادخل وبطل دلع ..

بدر دخل التواليت فغلقت حور الباب : متتاخرش…

بعد انتهاء بدر من الشاور اخذ الملف و وضعه في درج الكومدينو واغلق عليه بالمفتاح واخذ المفتاح في جيب البيجامه وذهب ليتناول  العشاء ومن ثم ذهب للنوم ، صباحا ذهب للشركه ومن بعدها الي اللجنه المختصه ليسلم المظاريف بيده …..

في شركه الحديدي 

بدر بعصبيه : لاااا مستحيل مستحيل انا اقل سعر في الطلبات ازاي يحصل كده انا متاكد مفيش اي شركه تقدر تقدم الاسعار اللي شركتي مقدماها انا تقريبا مش مطلع اي مكاسب للشركه يبقي ازاي شركه الصواف تاخد الصفقه . 

معتز : اهدي يابدر ما انت قلت فبل كده شركه الصواف مش عايزه تكسب وبتغسل اموال يعني ممكن يكونوا فعلا مقدمين اقل سعر ..

بدر : لا مستحيل مستحيل ياعمو لو نزلوا اقل مني اللجنه هتشك انهم ممكن يجيبوا خامات اقل ومستحيل يقبلوا عرضهم…  ثم نظر لمعتز بحنق الخاين عندي في قلب بيتي ومش من الخدم …

معتز: شاكك في مين .

★★★★★

في اتصال هاتفي 

وسيم : بقولك ايه بطلي دلع هتيجي النهارده الفيلا ومفيش اعذار النهارده لازم نحتفل بانتصارنا علي الحديدي.

جانيت : انا خايفه قوي خايفه ياسين يشك فيا…

وسيم : هستناكي الساعه ٨ ياجانيت ..

وغلق الهاتف والتفت لمايكل الذي رفع كاسه  النصر مع عصام الصياد وفارس ونيك …

مايكل : مجرد ضربات قليله وسوف نصل للنهائي …

فارس بسعاده : ومش اي نهائي دا بطوله النهائي الدولي لشركه الحديدي.

عصام : تفتكر بدر هيسكت ..

وسيم : لو كان قادر يعمل حاجه كان عملها من زمان ..

مايكل : بدر ذكي ولكن ليس بعقليه والده ، جاسر كان عقبتنا الوحيده وحاليا مفيش عقبات مجرد وقت فقط ..

فارس بحنق : ولما نحط ايدنا علي شركه الحديدي مين هيمسكها ..

نظر عصام لفارس و وسيم ..

مايكل بذكاء : الافضل فقط 

نظروا لبعضهم بتعجب ..

★★★★★

وقفت حور بسيارتها وهبطت منها في مكان نائي ويخلو من الناس ، فكان بانتظارها شخص طويل عريض المنكبين  يقف امام سيارته ..

الشخص بحب وضع يده علي خدها  :  اتاخرتي ليه ياحببتي قلقتيني عليكي  ..

حور : اسفه الطريق كان زحمه ،  انا بعتلك اوراق المناقصه الجديده لشركه الحديدي  امبارح علي الواتس….. 

#الكاتبه_مروه_عبدالجواد

علق بخمسين ملصق يصلك البارت الجديد فور نزوله

.

البارت ٢٠ بارت المفاجات 😅

كل عام وانتم بخير  وحشتوني جداااا  المواعيد نزلت قراءه ممتعه ❤️

وقفت حور بسيارتها وهبطت منها في مكان نائي ويخلو من الناس ، فكان بانتظارها شخص طويل عريض المنكبين  يقف امام سيارته ..

الشخص بحب وضع يده علي خدها  :  اتاخرتي ليه ياحببتي قلقتيني عليكي  ..

حور بتوتر : اسفه الطريق كان زحمه ،  انا بعتلك اوراق المناقصه الجديده لشركه الحديدي  امبارح علي الواتس يا بابا..

طارق : وصل ياحبيبه بابا ، مالك حاسس انك متغيره شويا في حاجه بدر شك في حاجه .

حور هزت راسها بدموع : لا .

طارق : انا عارف وحاسس باللي بتعمليه علشاني بس ده مش علشاني بس ده علشانك وعلشان بدر وعلشان جاسر الصغير الناس دي مبتهزرش ياحور .. دول حرموني منك ومن اخوكي  خمسه وعشرين سنه تفتكري اذيتهم ليكي او لابنك هيكون صعب عليهم .

حور بدموع : لحد امتا لحد امتا يا بابا .

طارق بحزن : يارتني اقدر اجاوبك او حتي يكون عندي اجابه لسؤالك .

حور : الملف كان في البيت ومحدش يعرف اللي فيه يعني خلاص بدر شكوكه كلها هتكون في البيت واللي فيه ويمكن انا بالذات.

طارق : عمره ما هيشك فيكي انتي مراته وحبيبته .

حور بحزن : اول مره احزن علي حاجه كنت بتمناها، طول عمرى كان نفسي اشوفك واترمي في حضنك مكنتش فاكره ان يوم ما اقابلك هتكون نهايه حياتي مع بدر.

طارق : انا خلاص هستقر في مصر وهمسك كل الشغل اللي في مصر و …

حور قاطعته بحزن : وشركات الحديدي ..

طارق : كل حاجه هتكون ملكنا وملك ابنك جاسر .

حور : وانا مش عايزه حاجه مش عايزه غير بدر وابني وبس ..

طارق بمكر : علشان تحمي ابنك يبقي لازم تسمعي الكلام .

حور بعيون تمتلاء بالدموع : ابني …وتذكرت ماحدث لها  في اليوم الملعون منذ عده اشهر يوم معرفتها بوالدها 

فلاش باك 

و( ذهبت حور واخذت جاسر من الحضانه واثناء قيادتها السياره اتصل بها رقم غريب .

حور :  الو 

المتصل : سيارتك فيها قنبله .

حور بتعجب :  ايه انت مجنون.

المتصل : تحت الكرسي اللي قاعد عليه ابنك هتلاقيها .

نظرت حور تحت الكرسي الذي بجانبها وجدت قنبله فعلا فصرخت .

المتصل قطع صراخها وبصوت مرتفع : اهدي مش هتنفجر دلوقتي اسمعي الكلام وخليكي معايا علي الخط واوعي تقفلي الموبايل والا بضغطه واحده مش هتلاقي نفسك ولا ابنك .

حور بخوف ودموع : ابني لا لا انت مين وعايز ايه ..

المتصل : هتروحي علي المكان دا****

واعطاها العنوان في مكان  ليس ببعيد وذهب للمكان بخوف وعقلها يكاد يشل ثم هبطت من سيارتها بسرعه وخوف وهي تجذب ابنها ليخرجوا من السياره بسرعه ، وجدت رجل يعطيها ظهره ثم التفت لها ، نظرت له حور بتعجب ودهشه وحيره.

حور بدهشه وتمتمه  : مستحيل نفس الشبه والملامح مش ممكن مستحيل انت ..

طارق بدموع الفرح اقترب منها : حور بنتي .

حور حضنت جاسر ابنها بخوف وهي تتراجع خطوات للخلف .

طارق :  متخفيش انا ابوكي  …وبدا يروي لها ما حدث…

(( شاهد طارق الفديوهات المخل**ه التي بين طارق وزوجته منار فتهجم عليها وضربها ولكن بحركه ذكيه ضربته منار بركبتها اسفل بطنه  فابتعد طارق عنها ، منار بسرعه مثل المجنونه وقفت ونظرت لتتناول اي شيء تبعد به طارق عن طريقها قبل ان يلتفت لها ، نظرت  حولها فوجدت تمثال صغير مصنوع من النحاس بجانب الاريكه علي الطاوله فسحبته بسرعه وضربت طارق علي راسه وهو منحني فوقع علي الارض وسالت دماه .

نظرت منار حولها بتوتر وقلب يخفق بالخوف الشديد وعقلها يشت وبصدمه ، مات ماااات لاااا لاااا، ولادي .. اه ولااادي.

ثم بسرعه صعدت واخذت الاولاد وذهبت في هذه الاثناء ابلغ المراقب جاسر بما حدث فامره بالاتصال بالاسعاف …. 

وفي هذه الاثناء ايضا كانت تتم مراقبه منار  من قبل المافيا لان الاموال المدعومه من وائل لمنار كانت من اموال المافيا في الاساس.. فارسل مايكل مراقب ليراقب منار حفاظا علي اموال المافيا من ان تغدر بوائل وتهرب بالاموال ..

فاتصل المراقبين  الاخرين  بمايكل فامرهم بان يذهب شخص منهم خلف منار ويظل الاخر يراقب طارق…

 اتت الاسعاف واخذت طارق  ومراقب مايكل يتبعهم ، دخل المراقب الي الطبيب ليطمئن علي حاله طارق .

الطبيب : ارتجاج في الدماغ اثر الاصابه بجسم صلب واصابات في الانسجه الخارجيه للجمجمه علشان كده فقد الوعي ..

المراقب باوامر من مايكل  رفع السلاح اعلي راس الطبيب..

الطبيب بخوف : انا معملتش حاجه .

المراقب بعيون تمتلاء بشر :  هتعلن وفاه طارق وتجهز كل الاوراق واللادله انه اتقتل و…

الطبيب قاطعه بخوف : والطب الشرعي والجثه  .

المراقب بتهديد : هتنفذ اللي قلتلك عليه ولا اخليك مكانه ..

الطبيب بخوف : حاضر حاضر ، والمصاب 

المراقب : عربيه الاسعاف هتنقله علي المكان اللي هنقولها عليه ، اما الجثه شوفلك اي جثه من المشرحه  .

الطبيب بخوف وتوتر  : حاضر حاضر  .

المراقب  عدل اسطوانه كاتم الصوت وهو يرفع الزناد علي راس الطبيب  وبتهديد حرك المسدس قليلا اتجاه اليسار واطلق  رصاصه علي جسم تمثال معدن  بالغرفه وبتهديد :  احنا معندناش هزار الرصاصه دي في اقل من ثانيه هتكون في دماغك لو فكرت تغدر بينا .

الطبيب بخوف انا بقالي كام شهر واطلع معاش عايز اعيش اللي بقيلي في هدوء .

المراقب بنصف ابتسامه : تمام كلم الاسعاف ينقل طارق قبل ما حد يجي …

الطبيب  بخوف :  مينفعش لازم نستني لما الشرطه تيجي علشان تعاين جثته وتشوفه ..

المراقب بشر نظر له ..

الطبيب قاطعه :  هروح ادي طارق حقنه تفقده التنفس مؤقت ولما الشرطه تعاينه هديله الحقنه المضادة علشان يتنفس طبيعي  وبعدها تاخده وهطلع جثه مكانه ….

المراقب بابتسامه : تمام .

اتت الشرطه وعاينت جثه طارق ومن ثم اعطي الطبيب  الترياق  له و تم نقل طارق و وضع جثه اخرى مكانه  من ثلاجه الموتي 

…..

بعد افاقه طارق علي كرسي يجلس وهو مربوط الراس مكان الاصابات وملابسه مغرقه بالد***ماء في مكان يشبه القصر .

مايكل باستياء مصطنع : خساره واحد زكي زيك يموت في غمضه عين وايه علي ايد واحده ست 

طارق بتالم  ودهشه : انت مين وايه اللي جابني هنا .

مايكل : روحك دلوقتي في ادينا وحياتك بقت ملكنا لو هتكمل معانا هتكسب كتير جدا ولو رفضت الموت مستنيك بره باب القصر بطلقه واحده ..

تذكر طارق ما فعلته منار و بغضب وعصبيه : منار منار لازم تتربي هي فين واولادي فين.

مايكل : منار هتاخد جزاءها بالحكم اللي هيقع عليها بالاعدام..

طارق : واولادي .

مايكل : مع والدتهم ..

طارق : انتم مين و عايزين مني ايه .

مايكل : الصراحه احنا حاليا مش محتاجينك لكن ممكن بعدين نحتاجك ، وائل سقط من حسابتنا ومستحيل يرجع فاكيد محتاجين حد مكانه لكن مش طارق الرويعي.. راكان الشيمي وده هيكون اسمك الجديد هتسافر بره باسمك الجديد وتبدا مشاريعك ولما وقتك يجي هتنزل مصر تاني …))

 

حور قاطعت حديثه في اليوم الملعون : انا لازم امشي .

طارق بخوف وتهديد مصطنع : الناس دي مبتهزرش لو فكرتي تقولي لبدر مش هتلاقي ابنك ولا جوزك .. غصب عني يابنتي .

حور بدموع : يارتني ما اتمنيت اني اشوفك ولا اقابلك …

ثم نظرت لسيارتها بخوف.

طارق : الرجاله شالت القنبله لو عايزه تروحي روحي بس فكرى كويس قبل ما تاخدي اي قرار  برصاصه واحده منهم يقدروا ينهوا حياه اي حد وانتي شوفتي بعينك ..

ذهبت حور بحزن داخلي وهي تحاول ان تمسح دموع خوفها وحزنها …

جاسر : مامي بتعيطي ليه ومين عمو ده.

حور : دي عفاره دخلت في عيني … لا ياحبيبي دي مسرحيه عايزين يعملوها في الحضانه علشان تشترك فيها… 

بس متقولش لبابي علشان تبقي مفاجاه)

باااك

حور : واحتجوك دلوقتي .

طارق : مكنش بايدي حاجه .. لتنفذي اللي عايزينه او زي ما انتي شفتي  ..

حور بابتسامه سخريه : وانت في قلبهم مقدرتش تنقذ زياد هتنقذني انا .

وتركته وذهبت 

★★★★★

ذهب طارق الي قصره فقابله ابنه زياد في الحديقه .

زياد : بابا قابلت حور عامله ايه ، قلتلها اني عايش .

طارق نظر له  بسخريه : اقولها انك عايش علشان تفتكر اني انقذتك…  ومش بعيد تجازف وتقول لبدر ومتنفذش اللي المافيا عايزاه منها وتخاطر بحياتها .

زياد  بدهشه : وانت مانقذتنيش .

طارق التفت براسه له : مايكل كان عايز ينتقم من وائل لانه خدعه ولما عرف مكانه بعتله وسيط علشان يعفي عنه مقابل ان وائل يرجعله الفلوس بالفوايد وقبل دفع القسط الاخير لوائل في العمليه اللي انت كنت فيها المافيا قررت تنتقم منه  وكانت حادثتك مدبره لان المقصود منها هي تصفيه وائل علي ايد منار ويكون بسببك  ..

زياد بحزن : قصدك تصفيه وائل وامي ، انت كتت تعرف ان ماما هتموت..

طارق : صدقني انا معرفش ان منار كانت هتت**قتل علي ايد وائل المهم عندي كان انت وبس .

زياد : يعني انت انقذتني يعني تقدر تنقذ حور .

طارق : انت اللي انقذت نفسك  لانك  بقيت جزء منهم وهتاخد مكان وائل في فرنسا علشان كده انت مت علي الورق وبس لان كان مصلحتهم انك تختفي وحور تكون لوحدها وتمضي علي اوراق دفنك خاصتا بعد جوازها من بدر وهو ده اللي المافيا عيزاه .

زياد : يعني حياتنا انا وانا متوقفه علي حياه حور وعيلتها بالبساطه دي .

طارق : الناس دي مبتحسبهاش كده الناس دي بتحسبها انت خدت منها ايه وهتديهم ايه في حسابتهم  واحد زائد واحد مش اتنين ، واحد زائد واحد يساوي مائه  يعني لازم يكسبوا من ورانا مائه مره علشان تفضل في حمايتهم وتوصل للي انت اوصلته …

زياد : علي حساب اختي حور صعبانه عليا .

طارق : حياتك وحياتي متوقفه عليها يازياد وعلي اللي بتعمله.

زياد : تفتكر حور هتقدر تكمل .

طارق : لازم تكمل مش بمزاجها علشان خاطر ابنها.

★★★★★

اتصل علاء من شركته  علي تيسير ..

علاء: حياتي هتاخر شويا .

تيسير: لسه وراك شغل .

علاء : لا بس هعدي علي ابني  اشوفه ،كلمته وصوته لسه تعبان نصايه كده واجي علشان نتغدا سوا ولا تغديتي.

تيسير بحنق  : لا ياحبيبي مستنياك ، اه بقولك طيب ايه رايك تيجي تتغدا وننزل سوا نروح نطمن علي فادي وبالمره اشوفه واتعرف عليه .

علاء بدهشه : دا بجد .

تيسير : طبعا ياحبيبي دا ابنك واخو روفان ..

علاء بسعاده : بحبك .

تيسير : بموت فيك .

اتي علاء الي المنزل وبعد الغدا ذهب الي منزل عبير وطرق الباب ، فتحت عبير الباب بابتسامه عريضه وهي تشاهد علاء وفجاه تظهر تيسير من خلف علاء بابتسامه مكر فتتغير ملامح عبير من الابتسامه الي الضيق .

عبير بعصبيه : انتي ايه اللي جابك هنا .

تيسير تقدمت خطوه وقبلت عبير وحضنتها بتصنع : الف سلامه علي فوفا .

عبير نظرت لها بضيق .

علاء : احم توتو كانت جايه تطمن علي فادي .

عبير : اطمني كويس وصحته بمب ..

تيسير : مش هتقوللنا نتفضل ولا انتي بخيله يابيرو .

عبير جزت علي اسنانها بغيظ : اتفضلو .

دخلوا الي غرفه فادي وبعد الاطمئنان عليه .

تيسير قدمت له هديه  : عرفت من بابا انك بتحب البلاي ستيشن علشان كده جبتلك واحد .

فادي بسعاده : شكرا ياطنط شكلك طيبه قوي .

عبير نظرت لعلاء وهي متجهه لخارج الغرفه: عيزاك .

علاء بتعجب : في حاجه .

وقفت عبير علي باب الغرفه : اه .

علاء : قولي اللي عايزاه هنا .

عبير : لا مينفعش هنا .

علاء: معتقدش في بينا اسرار .

تيسير بابتسامه مكر: روح يالوؤه يمكن هي مش عايزه تقول قدامي .

علاء نظر لتيسير : اروح فين .

تيسير هزت راسها مؤكده :  كله لمصلحه فادي روح ياحبيبي.

ذهب علاء خلف عبير الي الريسبشن .

علاء: في ايه مش هتبطلي حركاتك دي .

عبير : وكمان جيبهالي لحد هنا .

علاء : بقولك ايه قولي اللي عايزاه واخلصي .

عبير : عايزه فلوس .

علاء : فلوس ايه انتي مش لسه واخده فلوس الشهر من اسبوع لحقت تخلص .

عبير: الواد تعب وجبتله دكتور وادويه وانا هجيب منين يعني ثم انت بتعمل ده كله لمين مش لابنك .

علاء اخرج من جيبه بضعه نقود واعطاهم لها : حاجه تانيه .

عبير وضعت يدها علي ياقه قميصه وبدلع اقتربت منه: انا عن نفسي لا انت منفسكش في حاجه..

علاء ابعد يدها عنه : لا .

عبير اقتربت منه بدلع : وحشتني كل حاجه فيك وحشتني الوحده هتجنني ياعلاء .

علاء: ما تجنني بعيد عني انا مالي .

عبير وضعت يدها علي صدره  : احنا ممكن نرجع لبعض ان شاء الله بورقه عرفي علشان فادي فادي نفسيته تعبانه واديك شفت تعب ازاي .

علاء ابعد يدها ونظر لها من اعلي الي اسفل بحقاره واعطاها ظهره ذاهبا لغرفه ابنه ، عبير بمكر  بسرعه مسحت الروج بسبابتها ووضعت يدها علي قميص علاء من الخلف لتثير الشكوك بداخل تيسير عندما تري قميص علاء من الخلف وهو عليه طبعه احمر شفاها ، وحركت حماله الكاش مايوه الذي ترتديه من اعلي كتفها  لاسفل يدها 

دخل علاء وخلفه عبير وهي تعدل حماله الكاش مايو الطويل الذي ترتديه لاعلي  لاثاره الفتن والشكوك بين علاء وتيسير .

عبير بمكر : اووف الجو حرر مره واحده والواحد سخن فجاه معرفش ليه صح يالوؤه قصدي ياعلاء .

علاء بتعجب : نعم !! 

تيسير نظرت  علي قميص علاء وهو يجلس بجوارها ان به طبعه روج عبير فبابتسامه حنق نظرت لعبير التي نظرت لها بانتصار ، ثم نظرت تيسير بحنق لاسفل  لموضع يدها وسبابتها تحديدا : نسيتي تمسحي ايدك مكان الروج

وغمزت لها بعبث .

عبير بدهشه وهي تفتح فمها  كأن قالب مياه بارده سكب عليها ..

فلاش باك 

(عندما خرج علاء وعبير نظرت تيسير لفادي بابتسامه : حبيبي هروح اشرب .

وذهبت بخطوات غير مسموعه  خلف باب الطرقه المؤديه للريسبشن تلصصت النظر  لترى ما تفعله عبير مع زوجها وتكتم شكوكها وشاهدت حديثهم ومحاولات اقتراب عبير من علاء وصد علاء لها  وفي نهايه حديثهم اعطاها ظهرها  وبخبث مسحت  بسبابتها الروج وطبعته علي قميص علاء من الخلف 

فابتسمت تيسير بذكاء ودخلت بسرعه للغرفه )

باك 

تيسير نظرت لعلاء : يلا حبيبي .

ثم وقفت و نظرت لفادي : الف سلامه عليك هشوفك كتير .

وتقدمت خطوات اتجاه عبير و وضعت يدها علي كتفها وبسخريه : واكيد هشوفك اكتر ..

عبير بضيق ابعدت يد تيسير عنها .

…….………

ذهبت القيادات والفرق المصريه مع بعض الظباط الليبين وفهد وسليم و وهدان في احد السيارات ..

وهدان : فرقتنا هتدخل من الاتجاه الغربي للقريه قربنا .

فهد : تمام .

وكلم باقي الوحدات خلفه بالاستعداد …

تفرقت القوات كلا الي  مدخلها للهجوم الكامل علي القريه ومحاوطتها من جميع الجهات  ودخلت السياره التي بها فهد وخلفهم بعض السيارات المجهزه بالاسلحه والظباط علي استعداد تام 

علي الاتجاه الاخر يراقب الوضع ويستعد حمدان وبعض رجاله في النيل من الجيش و وقوعهم في الفخ المنصوب بالقنابل المدويه والمسيله للدموع 

بدات سيارات الجيش  بالدخول من اتجاهها المدروس وباحد الاتجاهات السياره التي بها فهد وخلفهم حوالي خمس سيارات اخرى مجهزه بالاسلحه والقناصين والظباط والعساكر  واذ بكم هائل من الانفجارات والضرب بالرشاشات بمجرد دخولهم من هذا الاتجاه والضرب يحاوطهم من جميع الاتجاهات.

سليم : لازم ننزل من العربيه حالا احنا وقعنا في كمين .

فهد رفع سلاحه وبدا بالضرب اتجاه الجماعه التي حاوطتهم بالضرب من كل اتجاه ، مينفعش ننزل دلوقتي المكان متلغم .

وهداان بمكر : لازم ننزل العربيه ممكن تنفجر بينا في اي لحظه .

باقي السيارات خلفهم منهم سيارات انفجرت وسيارات يتحامي بها الظباط والعساكر وهم يحاولون ضرب الجماعه ولكن قد مات منهم الكثير فوابل الرصاصات تدشن نحوهم  وتنهال عليهم من جميع الاتجاهات وكان احد ابلغهم بعددهم واسلحتهم واماكنهم فصاروا مكشوفين للجماعه …

بدا فهد بالخروج من السياره وهو يشير لسليم علي مكان قريب منهم ليذهبوا له ويتحاموا خلف سوره، غطيني انت .

تحرك فهد وهو يضرب باتجاه وخلفه سليم يضرب بالاتجاه الاخر و وهدان يطلق اعيره في الهواء بعيدا عن الجماعه .. حتي اصابت طلقه قدم سليم من رصاصات الجماعه 

وصلوا للسور وهما يضربان ولا يستسلما رغم جثث زملائهم  التي حاوطتهم في كل مكان  .

سليم بتالم : رجلي مش قادر .

فهد : رجاله كتير اتصفت لازم نطلب دعم ..، نظر لوهدان فين اللاسلكي اللي معاك .

وهدان : نسيته في العربيه .

فهد بعصبيه : نسيت ايه هو دا بتنسي هنكلم القياده ازاي احنا متحاوطين ..

فهد مازال يطلق الاعيره الناريه هو ووهدان فنظر للسياره : لازم ارجع العربيه تاني اجيب الجهاز والا هنتصفي  .

سليم بتالم : لا الضرب في كل مكان هتنصاب .

وهدان : مستحيل توصل للعربيه وسط الضرب ده .

لكن فهد اصر وحاول التحرك بعدما امرهم بتغطيته وهو ضرب العدو لتشتيته اثناء تحرك فهد ،  وصل الي السياره واخذ اللاسلكي ورجع بسرعه .

فهد بصدمه : سللللللليم سليييييييم .

وهدان بحزن مصطنع : شهيد باذن الله .

فهد بدموع وانهيار : سليم قوووم انا كلمتهم والدعم جاي .

انتهز وهدان لحظه حزن سليم وضربه بالطبنجه بقوه  من خلف راسه  حتي اغمي عليه واشار لرجاله وهدان بان ياتوا وياخذوهم …

في الاتجاه الاخر فشلت القيادتين في السيطره علي القريه بعدما وقعت في الفخ المنصوب لهم وانسحب ماتبقي منهم …

بعد انسحاب القيادات حمدان بسعاده يجلس مع والده  : منصورين باذن الله ، لكن ليه الظباط اللي اسرناهم مخلتناش نقتلهم ونتخلص منهم .

انس بمكر : علشان نطلع اخواتنا المجاهدين في السجون دا لو عايزين ظباطهم احياء ، اجمع اوراقهم او بطايقهم علشان لما نتواصل مع حد من القيادات نساومهم عليهم ، وقيموا الولائم اليوم يوم النصر العظيم  ومتنساش تبلغ مايكل بالانتصار .

حمدان : واقوله  يبعتلنا فلوس الحرب مع الكفره صرفنا كتير واللي لهفه وهدان  .

انس : تمام  ومتنساش تساله عمليه الدولارات الجديدة والاسلحه  امتا ..

حمدان : لكن هو مايكل لازم يدخل في كل امر يخص الجماعه ليه دا كافر ومشرك وعايش في بلاد الخواجات.

انس : مسمعكش تقول الكلام ده تاني لولا تمويل الخارج اللي بيجلنا من جون مكناش وصلنا للي احنا فيه احنا ماشين بتوجهاتهم ولولا الاسلحه والدولارات وعمليات التهريب ديه مكناش بقينا في المكانه اللي احنا فيها  احنا من غيرهم ولا حاجه،  ي لازم نطيعهم علشان التمويل ميتقطعش وكمان دي شبكه كبيره احنا بنساعدهم في دخول عملياتهم والاسلحه والدولارات والمخدرات  وهما بيساعدونا تبادل مصالح يعني وتدخلهم في امرنا للمعرفه علشان التمويل اللي ببعتوه لينا يعني بيساعدونا انما محدش يقدر يدخل في دينا هو تدخلهم خارجي لكن الدين والشريعه لا  ، وبعدين الرسول عليه افضل الصلاه والسلام قال لكم دينكم ولي ديني، انما الكفره الفج**ره التانين دول بيحاربونا وبيحاربو الاس__لام شفت الفرق ..

حمدان : معاك حق ياوالدي .. هروح اتصل علي مايكل وابلغه.٠

 

★★★★★

جاسر بصدمه : انت متاكد .

براد : ايوه الاخبار لسه واصله لجون واسم فهد يوسف الشناوي مع الاسري .

جاسر : براد انا عايز اتواصل مع حد من الجماعه لكن يكون ثقه زيك بالظبط .

براد بعد قليل من التفكير: ابوعلي الايد الايمن لحمدان وهيتجنن وياخد مكانه حمدان.

جاسر : تمام جهز طريقه التواصل بسرعه  وانا خلال يوم هكون في مصر .

براد بتعجب : انت هتظهر .

جاسر : مبقاش ينفع استني اكتر من كده .

براد : لكن حياتك هتكون اكثر خطوره .

جاسر : مش اكتر من الخطر اللي محاوط ولادي .

وغلق السماعه  واخبر دنيا باقتراب نزولهم القاهره لم تصدق دنيا ان ميعاد نزولهم لمصر قد حان.

دنيا بسعاده يصحبها توتر: بجد هننزل يعني خلاص ..طيب هنقول للولاد ايه لالا طيب هما هيقبلونا ازاي، انا مش عارفه لا انا خايفه مش عايزه انزل مصر ولا اقولك ننزل نشوفهم من بعيد ونرجع تاني ولا ننزل نشوفهم واللي يحصل يحصل انا بقول نخلينا هنا او لا ننزل ولا نخلينا طيب نخلينا ولا ننزل.

جاسر ضمها لحضنه بعشق وحنان  : متقلقيش انا مرتب كل حاجه .

دنيا نظرت لاعلي له بحب ومزيج من الخوف من المواجهه مع اولادها : انا خايفه قوي .

جاسر وضع يده علي ذقنها بحب : اوعي تخافي وانتي في حضني .

وضعت دنيا راسها علي صدره ببعض الراحه : الولاد هيقولوا علينا ايه تفتكر هيسامحونا.

جاسر : الولاد كبار واكيد هيفهموا السبب الحقيقي ورا اللي حصل .

دنيا نظرت له : هيسامحونا .

جاسر همس بشفايفه علي شفايفها : لازم يسامحونا علشان عشقك جنن ابوهم .

دنيا داعبته بشفايفها : وقت هزار وبعدين ابوهم هو اللي شقي.

جاسر قبلها بحرارة وهو يحتضنها بين ضلوعه : دلعك بيجنني ..

دنيا بدلع : طيب ايه مش هنجهز علشان ننزل مصر .

جاسر ضمها اكثر لاحضانه : تعالي بس لما اقولك حاجه ده لسه الطيار هيجي ويركب الطياره وياخد وقت في الطريق  احنا لسه قدامنا وقت..

دنيا بضحك : وقت لايه .

جاسر حملها بحب : يعني يرضيكي الطيار يركب الطياره وانا مركبش ….

دنيا ضربته علي صدره بشقاوه : تركب ايه .

جاسر بمشاكسه : الطياره ..

★★★★★ 

تكملة الرواية من هناااااااا 

لمتابعة  الرواية الجديدة زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كاملةالجزء الاول 1من هناااااااااا

الرواية كامله الجزء الثاني2 من هنااااااااا 

الرواية كاملة الجزء الثالث3 من هناااااااا

مجمع الروايات الكامله 1اضغط هناااااااا

 مجمع الروايات الكاملة 2 اضغط هناااااا