اسكريبت حقيقة مؤلمة كاملة بقلم مارلي ايهاب
اسكريبت حقيقة مؤلمة كاملة بقلم مارلي ايهاب
قال كلامه علي سبيل المزاح ليري رد فعلها وقال
بقولك ايه يا ندي ما تيجي كدة نتجوز
ضحكت ندي بقوة وقالت
نتجوز مرة واحدة يا كيمو انت اتجننت ولا ايه
نظر لها بجدية وقال
لما اقولك نتجوز ابقي اتجننت ليه بقي نقصيني ايد و لا رجل يا ندي
ضحكت ندي وقالت
هو في اخوات بتتجوز بعض يا كيمو احنا اخوات يا حبيبي
كريم بهدوء
بس احنا مش اخوات يا ندي احنا ولاد خاله و بعدين فيها ايه احنا متفاهمين و عارفين كل حاجه عن بعض ايه اللي يمنع لو
قاطعته وهي تنظر في عيونه بقوة وقالت
لو ايه يا كريم انت بتتكلم بجد ولا بتهزر اه احنا صحاب و عارفين كل حاجه عن بعض بس ده مش معناه اننا نتجوز خالص فالو بتتكلم جد
قاطعها كريم هو يحاول ان يضحك ليظهر لها انه يمزح فقط
بهزر طبعا يا بنتي هو انا اتجوزك انتي دا انتي مش بتعرفي حتي تقلي بيضه
ضحكت ندي
ايوة كدة ارجع كيمو اللي انا اعرفه
كتم كريم المه في قلبه واظهر امامها انه مجرد صديق لا اكثر من ذلك رغم حبه الكبير لها بعدما اوصلها الي المنزل قالت له
متنساش يا كيمو بكره هنقابل سليم
كريم باستغراب
سليم مين
ندي بابتسامة
الكراش بتاعي صح نسيت اقولك اتعرفت عليه شاب ايه مز و شغال في شركة كبيره و عنده شقة خاصة بيه بص فيه كل المميزات اللي اي بنت عايزها
كريم بضيق
معلش يا ندي انا ورايا شغل بكره و مش هينفع اخرج اصلا بكره
ندي بضيق
متبقاش رخم بقي هو انت امتي منعك شغلك انك تيجي تقابلني فضي نفسك يا كريم عايزه اعرفك عليه
كريم بضيق
حاضر
ندي بابتسامة
تسلملي يا كيمو يلا تصبح علي خير
كريم بابتسامة
و انتي من اهله يا حبيتي
نزلت ندي من العربية وتحرك كريم ناحية منزلها الخاص الذي يعيش فيه وحيدا بعدما توفي والده ووالدته
كريم بوجع
ليه مش حاسة بيا كل ده ليه انا عايز افهم انا بكل الطرق لمحتلها اني بحبها وهي برضه شايفني اخوها انا مش عايزها اخت انا بحبها يارب ليه خليت حبها في قلبي و هو هيكسرني كدة يارب لو مفيش نصيب بيني و بينها شيل حبها من قلبي يارب
وقام من مكانه ودخل غرفته ونام علي سريره بكامل ملابسه و حذائه
في اليوم التالي ذهب الي العمل ودخل الي مكتبه وبدا يعمل دخل صديقة المقرب ياسين بابتسامة
ايه يا عم دخلت الشركة و معدتش عليا كالعادة يعني تصبح حتي
كريم بهدوء
معلش يا ياسين اصل عندي شغل كتير و
ياسين بجدية
مالك يا كريم في ايه هو انا يعني مش عارفك.
كريم وهو يتنهد بقوة وشفتيه ترتعش
رايح اقابل النهاردة علي واحد ندي معجبة بسه جدا
ياسين وقف بغضب
انت ليه بتعمل في نفسك كدة يا اخي ليه بتعذب نفسك بايديك ليه كدة يا كريم ارفض مش هتقدر ترفض
كريم بحزن
برفض و هي بتقنعني و بتزعل علشان كدة بوافق
ياسين بغضب
ما تزعل يا كريم فيها ايه يعني خليها تزعل لكن انت ليه تكسر نفسك قولتلك هي عارفة كويس قوي انك بتحبها بس متجاهله و بتعاملك علي اساس انك اخوها ودي تبقي واحدة انانية قوي يا كريم لانها اما تبقي عارفة انك بتحبها و تاخدك تعرفك علي واحد هي معجبة بيه دي تبقي واحدة معندهاش ريحة الدم
كريم بحزن
كفاية كدة يا ياسين لو سمحت هي متعرفش حاجه
ياسين بغضب
عارفة اقسم بالله انها عارفة اقولك علي حاجه سارة صاحبتها اللي هي خطيبتي انا هخليها توقعها في الكلام و طلعت بجد متعرفش انك بتحبها ساعتها هبقي اسف يا كريم لكن لو طلعت هي عارفة كل حاجه هتفضل معاها
كان كريم يسمع حديثه ولكن لا يتحدث شارد في سؤاله اذا كانت تعلم كل شئ هل سوف يكمل معاها بعد ذلك فاق حينما خرج ياسين من مكتبه صافعا الباب خلفه بقوة تنهد كريم واكمل عمله
في المساء كان يجلس امام شاب وسيم لديه عضلات كثيرة في جسده ونظر الي جسده النحيف ونظر الي ملابسه التي يرتديها وكان يظهر عليها انها غاليه بشده اما ملابسه فهي بسيطة و عادية مثل اغلب الشباب كان متميز في كل شئ قال كريم في نفسه
هتبصلك علي ايه و انت جنبه ولا حاجه
سمعه يقول لها
بقولك ايه يا حبيبتي ما تيجي نقعد علي ترابيزه لوحدنا شوية بصراحه عايزك في موضوع مهم خمس دقايق و هنرجع هنا تاني
قال له كريم و هو يشعر باهانة كبيرة ويندم علي موافقته لها ان يأتي
لا انا سيبلكم المكان كله خدوا راحتكم
واخد متعلقاته وذهب ندت عليه ندي وقال
كريم يا كريم
سليم بهدوء
سيبك منه وبعدين انتي جبتيه هنا ليه
ندي بضيق
مش ابن خالتو و قولتلك. اني هعرفك عليه ليه عملت كدة يا سليم
سليم بابتسامة
بصراحة يا حبيتي انا مبحبش الاشكال دي هو مش نفس مستوايا علشان كدة بصراحة محبتش يفضل قاعد معايا في مكان واحد لو زعلانة عليه ومضايقة من تصرفي ممكن نمشي و خلاص بلاها خروجة النهارده
ندي بابتسامة
لا طبعا انا بكره هبقي ارضيه بكلمتين
سليم بابتسامة
قوليلي بقي تحبي تاكلي ايه
ندي بابتسامة
اختارلي علي ذوقك
في منزل كريم دخل ونظر الي هاتفه كان ينتظر ان تحدثه و تعتذر عن ما بدر من هذا السمج دموعه نزلت بقهر علي نفسه
في اليوم التاني في المساء اتصلت ندي علي كريم ولكنه تجاهل مكالماتها ولكنها اتصلت كثيراً حتي رد عليها
كريم بحده
خير
ندي بابتسامة
انا عارفة انك ليك حق تزعل مني يا كريم بس صدقني انا خصمته علشان خاطرك يا كريم متزعلش بقي و حتي سبته بعد ما اانت مشيت علي طول
كريم بضيق
انتي عايزة ايه يا ندي انا تعبان و محتاج انام مع السلامة
ندي بهدوء
انت بجد زعلان لدرجة دي
كريم بغضب
هو المفروض مزعلش يا ندي بعد الاهانة اللي اتعرضت ليها بسببك من واحد تافه ملوش لازمة
ندي بغضب
كريم انا مسمحلكش تتكلم عنه بالطريقة دي
كريم بصدمة
بجد متسمحليش اتكلم عنه بالطريقة دي بس هو يكلمني كدة و يطردني بشياكة عادي مش كدة
ندي
انا قولتلك انا سيبه ومشيت يعد ما انت خرجت علي طول
كريم صرخ فيه وقال
كدابة يا ندي كدابة لان انا فضلت واقف بره نص ساعة بحالها مستني اشوف هتمشي. لا لا و فضلتي قاعدة ومكملة كمان و علشان اتاكد اكتر دخلت المتطعم و شوفتك من بعيد و انتم بتهزروا وبتضحكوا كان اللي اهانتوا ده كلب وراح ملوش قيمة دا انا حتي ابن خالتك و اخوكي زي ما بتقولي هتقبلي علي اخوكي كدة يا ندي
ندي كانت تستمع له وهي لا تجد الرد التي تقوله
كريم بغضب
ساكته ليه ما تتكلمي مش لاقية حاجة تقوليها حتي مش تكلميني في نفس اليوم لا تاني يوم بليل كاني دي حاجه بتعمليها كدة كواجب تصدقي لو واجب عليكي كنتي اتصلتي في وقتها بس انا مليش لازمة عندك و لا في حياتك اصلا سلام
وقفل الخط بدون ان يستمع للرد
وبعد مرور الوقت كان يحاول ان يهدء من عصبيته وسمع صوت رساله فكر في عقله ان تكون هي تحاول ان تصالحه ولكن كان ياسين والمكتوب كالأتي
اسمع الريكورد ده و هتعرف اذا كانت ندي عارفة انك بتحبها و لا لاء
يا تري ندي هتكون فعلا عارفة و بتستغل كريم
ولا متعرفش و بتعتبره اخ ليها
كان كريم يستمع للتسجيل الصوتي الذي مزق قلبه بشده علي السنين التي مضت علي انسانة انانية لا يفرق معاها غير نفسها فقط كان يستمع لحديثها وهي تقول
ندي ببرود وضحكة سخيفة
انتي بتتكلمي علي كريم يا سارة بجد بقي انا ابص لكريم
سارة بهدوء
ماله كريم يا ندي شاب محترم و ابن خالتك و انتي اكتر واحدة عارفة
ندي بضحك
ما مشكلته فعلا انه محترم يا سارة انا عايزة شاب bad boy يعرف ازاي يتعامل معايا لكن كريم ده اشك اصلا ان في اي واحدة ترضي بيه
سارة بضيق
ميصحش تقولي الكلام ده يا ندي
ندي ببرود
انا مش بكذب علي فكرة يا سارة كريم مش الشار اللي ممكن ابصله اصلا ولا احطه في دماغي انتي مش شايفة لبسه يا بنتي رغم انه معاه فلوس و بيقبض كويس مش بيهون عليه يجيب لبس من اي براند لا بيلبس لبس عادي جدا اقل ما يقول عنه انه فعلا عادي اما بقي جسمه مش رياضي خالص وانا عايزه راجل رياضي وهو رفيع و جسمه مش متناسق بسبب انه مش بيعلب اي رياضة لا طبعا ده ياخد صفر من عشرة قال ابصله قال
سارة بحزن
بس انتي عارفة انه بيحبك مش كدة و مع ذلك مكملة معاه ليه لما انتي مش هتبصيله
ندي ببرود
بصراحة انا عارفة انه بيحبني بس محبتش اقطع معاه لانه بيخرجني وبيصرف عليا انتي عارفة ان مصروف ماما و بابا قليل و مش راضين يزوده علشان كدة انا مكملة مع كريم
سارة بحزن
انتي هتندمي علي اللي انتي بتقوليه ده حرام عليكي انتي كدة بتستغليه.
ندي ببرود
بستغله بجد واية يعني و مين دلوقتي مش مصاحب حد علشان مصلحة و لا واحد متجوز واحدة علشان مصلحة الدنيا كلها دلوقتي مبنية علي المصالح
سارة بدموع
وهو ايه مصلحته معاكي هو مش مستفيد منك بحاجة
ندي ببرود
هو اللي مكمل علشان اهبل و عبيط يا سارة شايف و عارف كويس اني مش بحبه و مع ذلك مكمل اروح انا بقي اقطع معاه و اخسر الخروجات و العزومات اللي بيعزمهالي
سارة بضيق
انا ازاي كنت مصاحبكي بجد انتي انسانة استغلاليه و طماعة و انانية فيكي كل حاجه وحشة انا مش عايزة اعرفك تاني
انتبه علي انتهاء التسجيل قام و الدموع تلمع في عينيه ووقف امام المرآه وهو ينظر لجسده الهزيل و النحيف و لملابسه ووضع يديه علي وجنتيه حينما شعر بشئ ساخن ينزل عليهم دموعه تنزل كالمطر علي نفسه وكرامته و رجولته التي اهانتها انسانة لا يوجد لديها اي ضمير و لا مراعاة للمشاعر بعد بكاء دام طويلاً فاق كريم في صباح اليوم التالي وارتدي ملابسه و ذهب الي الشركة التي يعمل بها وبمجرد دخوله مكتيه دخل ياسين و قال بحزن
انا عارف اللي انت حاسس بيه دلوقتي يا كريم
كريم بجدية
ملف شركة مدام سالي جاهز ولا لسه
ياسين باستغراب
ايوة جاهز
كريم بهدوء
طيب ابعتهولي علشان اراجع عليه قبل ما اروح الشركة هناك و اسلمه ليهم و اتناقش معاهم في المشروع
ياسين باستغراب
انت كويس يا كريم
كريم بهدوء
ايوة في حاجه ولا ايه
ياسين باستغراب
كريم اتكلم انا عارف انك موجوع من اللي حصل
كريم بجدية
هو ايه اللي حصل اصلا يا ياسين ولا حاجه متكبرش الموضوع يلا بقي خلينا نشوف شغلنا بدل ما المدير يخصملنا
ياسين اتنهد بحزن علي صديق عمره
حاضر هروح اجيبه و هاجي
وخرج ياسين من مكتبه و اتصل علي سارة بضيق
سارة بهدوء
ازيك يا حبيبي عامل ايه
ياسين بخنقة
مضايق كريم جاي و بتعامل طبيعي جدا كإن مفيش اي حاجة يا سارة حاولت اخليه يتكلم بس رفض رفض بيتكم جواه وممكن يحصله حاجة انتي عارفة ان كريم لما بيزعل بيكتم في قلبه و في الاخر بيتعب
سارة بحزن
ده من صدمته فيها متنساش يا ياسين ان كريم اغلب الوقت كان معاها خصوصا بعد ما والده و والدته اتوفت من حوالي 15 سنة يعني كانوا عيال بس هي اللي اتربت غلط هو اتربي علي الاحترام و الاخلاق صدقني بكره ربنا هيعوضه باحسن منها انت متفتحش معاه الموضوع غير لو هو حب يتكلم مضايقهوش
ياسين بحزن
خير ان شاء لله معلش هقفل دلوقتي علشان ورايا شغل
سارة بابتسامة
مع السلامه يا حبيبي
وقفل ياسين الخط و اخذ الملف المراد و ذهب الي كريم وراه يعمل وبدون ان يرفع نظره من علي الورق قال
شكرا يا ياسين هخلص اللي في ايدي وبعدين هشوفه
ياسين اتنهد
ماشي يا كريم براحتك بس ابقي افتكر ان انا موجود دايما علشان اسمعك
خرج ياسين من المكتب و كريم رفع عيونه التي تلمع بالدموع لا يريد احد ان يري ضعفه لا يريد احد ان يشفق عليه يريد ان يعيش في حزنه وحيدا
بعد مرور بعض الوقت اخذ الملف ونزل من الشركة تجاه سيارته ولكن اتصدم حينما راي عجلات السيارة نائمة
كريم بضيق
وايه اللي حصل للعجلات كمان هو ناقص
اخرج هاتفه و اتصل علي ياسين وقال
الو ياسين انت معاك العربية مش كدة اصل عربيتي العجلات بتاعتها نايمة وانا عايز اروح لشركة سالي ضروري النهاردة
ياسين بضيق
معلش يا كريم اصل انا مجبتش العربية في المغسله
كريم بضيق
ولا يهمك يا ياسين خلاص انا هتصل بعربية اوبر
ياسين بهدوء
طيب يا كريم مع السلامه
كريم قفل وطلب عربيه اوبر وبعد نصف ساعة وصلت السيارة
السيارة وقفت والسائق قام بالاتصال علي كريم
كريم بهدوء
انا واقف انت فين
سمع كريم صوت انثوي
انا موجودة يا فندم عربية مرسيدس اسود
كريم بصدمة
انتي بنت
سمع ردها السريع
عند حضرتك مشكلة
كريم بهدوء
لا ابدا انا شوفتك مع السلامه
واغلق الخط و ذهب تجاه السيارة وركب بجانبها
البنت بهدوء
اطلع علي اللوكيشن
كريم بهدوء
ايوة
البنت بابتسامة
اعرفكم بنفسي اسمي هند استغربت ليه اول ما كلمتك. رغم ان في بنات كتير بتسوق اوبر كتير
كريم بهدوء
مصدفنيش قبل كدة و ركبت مع بنت
هند بابتسامة
مش هتسألني انتي شغاله من امتي
كريم. باستغراب
واسأل ليه
هند بابتسامة
شوف يا استاذ الا اسم الكريم ايه
كريم بهدوء
كريم
هند بابتسامة
طيب يا استاذ كريم انت المشوار بتاعك طويل هل هنفضل ساكتين انا بصراحة مش بحب افضل ساكته ولا انت من النوع الكتوم اللي مش بتحب تتكلم
كريم باستغراب
انا بس مستغرب مش اكتر
هند بابتسامة
مفيش داعي تستغرب انا واحدة عشرية زيادة عن اللوزم قولي بقي انت شغال في الشركة اللي رايحها دي
كريم بهدوء
لا انا شغال في الشركة اللي اخدتيني من قدامها ورايح اوصل ورق و بس
هند بابتسامة
تعرف انا استغلت علي الاوبر دي مجرد هواية
كريم باستغراب
ازاي يعني مش فاهم
هند. بابتسامة
يعني انا متخرجة من هندسة و عندي بدل العربية اتنين بعشق السواقة وبحب السباق وعلي فكرة شغاله في شركة بس بحب اسوق العربية و ملقتش حاجه هتخليني اطول وقت ممكن في العربية غير الاوبر قولت اجرب و حبيت الفكرة بروح عناوين جديدة و بشوف ناس جديدة و بتعرف برضه علي ناس جديدة
كريم. ابتسم علي حديثها وقال
بصراحة برافو عليكي بتشتغلي حاجتين وقادرة توفقي ما بينهم بس اعتقد. انك لو متجوزه استحاله تقدري تشتغلي شغلانتين
هند بابتسامة
اكيد لان المشغولات كتير بس الحمدلله
كريم بابتسامة
الحمدلله
بهد نصف ساعة اوصلته الي الشركة وهي تلوح له بيديه بابتسامة وهو كذلك
في الشركة دخل كريم بهدوء وجلس مع الموظفة وتحدثا قليلا
الموظفة
ان شاء الله يا بشمهندس كريم المرة الجاية هتقابل المدير التنفيذي للشركة هنا و هتتفقوا علي كل حاجه
كريم بهدوء
ان شاء الله بعد اذنك
خرج كريم من الشركة وهو يتنهد بتعب واوقف تاكسي وذهب الي منزله
بعد اربع سمع كريم طرق شديد علي الباب وقام وفتح و اتصدم حينما رائي الطارق
ياتري من هو اتمني تتفاعلوا علشان يوصلكم البارت الجديد
سمع كريم دق الباب وفتح الباب وكانت ندي تنظر له بابتسامة وهي ترتدي ملابس مكشوفه نظر لها نظره سريعه يكتشف الملابس التي تظهر كل مفاتنها قال بضيق
خير
ندي بابتسامة
ايه يا كيمو انت لسه مضايق مني ما خلاص بقي متكبرش الموضوع
كريم بهدوء
اتفضلي امشي من هنا يا ندي
ندي بضيق
في ايه بقي كلمتك في التليفون و حاولت اصالحك و انت رفضت ودلوقتي جيتلك لغاية البيت و برضه رافض في ايه يا كريم انت عمرك ما كنت قاسي عليا كدة كل ده علشان سليم قال نقعد علي ترابيزه تانية
كريم بهدوء
لا يا ندي مش علشان سليم لانه قال بكتير من اني احطه في دماغي و ازعل بسببه..
ندي باستغراب
امال ليه زعلان
كريم بهدوء
ومين قالك ان انا زعلان بالعكس انا فرحان جدا و انا بعيد حاسس ان انا مرتاح
ندي بضيق
مرتاح و فرحان و انت بعيد عني يا كريم
كريم بهدوء
ايوة وانا بعيد عنك حاسس بنفسي حاسس اني بضيعش وقتي في الفاضي
ندي بصدمة
بقي الوقت اللي كنت بتبقي معايا فيه انا اللي كنت بضيعهولك انت بتتكلم بجد يا كريم انا ندي صاحبتك و اختك وبنت خالتك ازاي تكلمني كدة
كريم بهدوء
بكلمك عادي يا ندي انا بقابلك بتقعدي تحكيلي علي الاكس بتاعك و ده معجب بيكي و ده بيحبك و ده هيموت عليكي قوليلي انا مستفاد بالمقابله دي ايه غير اني بسمع قصصك الغرامية
ندي بضيق
وهي دي غلطتي اني كنت بحكيلك علي كل حاجه و بعتبرك صاحبي الانتيم
كريم بلامبالاة
وانا بقي مش عايز ابقي كدة مش فاضي اصل قريب قوي هترقي في الشركة و محتاج لكل دقيقة في يومي معلش مش هقدر اضيع وقتي في الفاضي يا ندي في كلام ملوش اي لازم و انا مش مستفاد بيه باي حاجة اتمني تلاقي حد تاني تحكيله علي قصص الغرامية و لو احتاجتيني غي اي حاجة بس تكون مهمة انا هكون عندك في دقايق ياريت تروحي دلوقتي انتي عارفة انا شاب و قاعد لوحدي و مش عايز حد يشوفك طولتي و يتكلم عليكي
ندي كانت تستمع لحديثه و هي تفتح عينيها بصدمة لا تصدق ما تسمع بدون اي كلمة اخذت حقيبتها و فتحت الباب و هي تنظر له نظره اخيرة بصدمة وتركته ونزلت الي سيارتها وركبت
ندي لنفسها بصدمة
بقى كريم يتكلم معايا بمنتهي البرود و طردني كمان ازاي ده بيحبني ده كان بسيب شغله لمجرد انه يقعد معايا معقول يارة تكون قالتله علي حاجه علشان كدة متغير معايا
اخرجت هاتفها من شنطتها و اتصلت علي سارة وقالت بحده
انتي لكريم علي اللي حكتهولك
سارة بهدوء
لا طبعا و انا هشوف كريم فين علشان اقوله
ندي بغضب
قولتي لياسين
سارة بضيق
لا يا ندي مقولتش لحد
اغلقت ندي الخط وذهبت مسرعه من امام منزله وهي غاضبه
في منزل سارة كانت تجلس مع ياسين
سارة بغضب
قفلت في وشي الخط انت ليه قولتلي اقولها ان انا مقولتش لا ليك و لا لكريم حاجة
ياسين بهدوء
كريم طلب مني كدة
سارة بغيظ
انا مضايقة منها قوي ازاي تتجرئ تقفل السكة في وشي
ياسين بهدوء
معلش يا حبيبتي اعمليلها بلوك من عندك و خلصي
سارة بهدوء
تمام انت هتعمل ايه بخصوص جوازنا بابا مضايق من التاخير ده بقالنا سنتين ونص مخطوبين شهل شوية يا ياسين
ياسين بضيق
اعمل ايه انا لسه بشطب الشقة يا سارة انتي عارفة الدنيا غاليه اليومين دول ازاي اصبروا عليا شوية انا شغال شغلنتين علشان خاطر اكفي و اخلص من الشقة
سارة بابتسامة
يا حبيبي انا عارفة انك بتتعب بس متنساش انا اقنعت بابا بالعافية انه يوافق علي خطوبتنا مش عايزه يفضل يتكلم كتير بخصوص الموضوع ده انا هرضي بتشطيب اقل من القليل و يا سيدي لما نتجوز نبقي نشطبها تاني براحتنا اهو نساعد بعض يا ياسين
ياسين بهدوء
لا يا سارة لازم تدخلي علي حاجه تليق بيكي و باهلك انا هتصرف انا همشي دلوقتي و هبقي اكلمك بعدين
سارة بحزن
انت زعلت مني يا ياسين
ياسين ارغم نفسه علي الابتسام وقال
لا يا حبيبتي مش زعلان ولا حاجه سلام
وخرج من المنزل وهو يشعر بضيق في صدره بسبب حماه الذي دائما يشعره انه اقل بكثير منهم وانه كان يريد الافضل لابنته
بعد اسبوع ذهب كريم الي الشركة وطرق الباب
سمع صوت انثوي يقول
ادخل
دخل كريم بهدوء وراي ان المدير يعطيه ضهره قال بهدوء
انا من شركة ابناء البحيري يا فندم و كنت جاي اتكلم مع حضرتك بخصوص المنتج اللي طلبتي تصميم مخصوص ليه.
لفت بكرسيها بجدية وتصلب كريم مكانه وهو ينظر لها بصدمة سمع صوت ضحكاتها الرنانة ترن في اذنيه فاق من صدمته علي صوتها
مالك يا كريم ايه الصدمة دي كلها مكنتش تتوقع كدة صح
كريم بصدمة
هند انتي
هند بابتسامة
المديرة التنفذية لشركة سالي اللي هي والدتي يعني وانا اللي ماسكة الشغل كله هنا و شغاله اوبر زي ما قولتلك قبل كدة اقعد واقف كدة ليه
كريم جلس علي الكرسي وقال بهدوء
بس وحضرتك بتوصليني مقولتليش انك
هند بابتسامة
ايه يا بني حضرتك دي انت عامل كلفة ما بينا ليه قولي يا هند عادي انا مش. كبيره في السن لدرجة دي يعني وبعدين مقولتلكش حبيت تبقي مفاجاة المهم تشرب ايه يا كريم
كريم وهو يتنفس بهدوء
مفيش داعي
هند بابتسامة
خلاص هطلب اتنين قهوة مظبوط
وبالفعل اتصل علي الكافتيريا وطلبت القهوة وهو ينظر لها باستغراب
هند بابتسامة
خلصت استغراب علشان نبدا في الشغل ولا لسه
كريم بتوتر
نبدا
هند ابتسمت
يلا اشرح التصميم بقي يا كريم
وبالفعل بدا كريم بشرح التصميم علي الاب توب وهي منتبه جدا وبعدما انتهاء
هند. بابتسامة وهي تسقف بيديها
برافو بجد يا كريم التصميم روعة مكنتش اعرف انك مهندس شاطر قوي كدة
كريم باحراج
شكرا
دخل الساعي بالقهوة وضعها علي المكتب وخرج
هند بابتسامة
ايه رايك. يا كريم تيجي تشتغل في الشركة بتاعتي بضعف المرتب بتاعك توافق ولا لاء
كان ينظر لها كريم نظره لا تفهم منها شئ
هل تتوقعون هل سيرفض ام سيقبل
#حقيقة_مؤلمة
#بقلم_مارلي_إيهاب
#الحلقة_الثالثة
كان كريم يجلس صامت وهو يستمع الي حديثها وبعد تفكير لمدة قليله قال بهدوء
انا اسف يا انسة هند انا حابب الشركة اللي انا فيها و مشوفتش منهم حاجه وحشة تخليني اسيبهم و اجي هنا
هند بابتسامة
حتي لو المرتب اعلي من هناك
كريم بهدوء
ميهمنيش الفلوس وبعدين انا شغال في الشركة دي وهي كانت لسه بتقف علي رجليها لغاية ما كبرت و بقي ليها اسم مش هاجي دلوقتي و اقولهم انا اسف عايز اسيب الشغل علشان خاطر تلات او اربع تلاف جنية زيادة حاسس ان انا هبقي قليل الاصل قوي و بعدين اشمعني يعني حضرتك عرضتي عليا الفكرة دي ليه
ابتسمت هند وقالت بمنتهي الهدوء والجراءة
بصراحة انا هكون صريحة معاك يا كريم انا علي فكرة مش العادي ان اطلب من حد يجي يشتغل عندي ابدا انت اول واحد وهقولك ليه مش علشان انت شغالك واو وممتز لا بصراحة علشان انا معجبة بيك من المرة اللي فات
كريم لم يشعر بنفسه وهو ووجهه يشتعل من الاحراج اما هي كانت تبتسم
هند بابتسامة
ساكت ليه ما تتكلم
كريم باحراج
اتكلم اقول ايه
هند بابتسامة
انت مش مرتبط صح
كريم باحراج
ايوة مش مرتبط بس
هند بابتسامة
يبقي انا و انت نرتبط ونتعرف علي بعض و لو لقينا نفسنا متفاهمين نتجوز
كريم بصدمة
هي ايه السهولة دي و بعدين متزعليش مني في الكلمة انتي مش بتتكسفي ليه هو مش المفروض ان الراجل هو اللي بيبدا مش البنت انتي عاكسة الدنيا ليه كدة
هند بجدية
سيبك من الكلام القديم ده يا كريم و ركز في اللي بقوله بقولك ايه موافق ولا لاء وانت اكيد مش هترفض يعني انا بنت جميلة جدا من عيلة غنية جدا مهندسة وكمان بسوق اوبر فيا حاجات كتير متترفضش ادي نفسك فرصة مش يمكن الكمياء بتاعتنا زي بعض
كريم باستغراب
انا مش مصدق اللي بسمعه
هند بابتسامة
ليه علشان بنت هي اللي بتقولك كدة و لا علشان انت مش حابب فكرة الارتباط علي فكرة بقبل بالخطوبة عادي ها موافق
كريم بتوتر
اسالك سؤال هتردي عليا بصراحة
هند بابتسامة
طبعا
كريم بتوتر واحراج
هتعجبي بيا علي ايه و انا مفيش فيا اي حاجة مميزه يعني مش زي الرجاله اللي بتهتم بالبس و بشكل الجسم انا بحب اكون علي طبيعتي مش بحب اكون متصنع واروح الجيم و اعمل فورمة لمجرد اني اعجب البنات او روحت الجيم هيبقي علشان نفسي انتي فاهمني
هند بجدية
اول حاجة من طريقة كلامك انت مستقل بنفسك وعلي فكرة دي حاجه مش كويسة لازم يكون عندك ثقة بنفسك و بشكل والمهم ان شكلك عاجبك مش لازم يعجب حد و بعدين البنات اللي بتبص لشكل و المظهر بتبقي سطحية قوي وفي الاغلب الجوازات اللي بتبقي مبنية علي الشكل بتنتهي بالطلاق و مش بتكمل اما انا اعجبت بيك علي ايه علي حاجات كتير اول حاجه حسيتك راجل من بتوع زمان زي والدي الله يرحمه عارف يعني ايه رجوله بجد و تاني حاجه انت محترم جداً وقليل جدا لو لقينا حد محترم في الزمن ده الا من رحم ربي وغير ده كله انت وسيم جدا شكلا علي فكرة اتمني اكون جاوبتك علي سؤالك ها موافق ودي اخر مرة هسألك
كريم بجدية
موافق بس انا مش بحب موضوع الارتباط ده خليه خطوبة احسن
هند بابتسامة
وانا موافقة هاخدلك معاد من ماما و تيجي تتقدم
كريم بجدية
تمام انا همشي دلوقتي
هند بابتسامة
مع السلامه سيب التصميم علشان ارجعه
كريم هز راسه بالموافقة وخرج من الشركة و هو مصدوم من اللي حصل وقال بصدمة
ايه الجنان اللي حصل فوق ده
وذهب الي الشركة ودخل الي مكتب ياسين
كريم بصدمة
ياسين مش هتصدق اللي حصل معايا النهارده
ياسين باستغراب
في ايه يا ابني
كريم بدا في سرد كل ما حدث من اول ما تقابلا في السيارة
ياسين ابتسم
طب و انت زعلان ايه ما هي البت اتقدمتلك يعتبر
كريم بصدمة
انا لغاية دلوقتي مش مصدق يا ياسين ان في بنت بالجراءة دي يعني انا مشوفتش كدة
ياسين ابتسم
شكلها معدنها طيب البت دي بس هتعملوا الخطوبة امتي يا عريس
كريم بضيق
قالت هتاخد معاد من والدتها
ياسين باستغراب
مالك مضايق ليه كدة
كريم بتوتر
وندي
ياسين بحده
دي فرصة كويسة قوي علشان تنسها يا كريم قرب من البنت دي و انت هتنسي ندي دي خالص
كريم بحزن
خايف اكون بظلمها معايا يا ياسين ومش هسامح نفسي لو ده حصل
ياسين بهدوء
انا متاكد انك هتحبها صدقني المهم انت تحاول تنسي ندي دي خالص و تطلعها من حساباتك
كريم اتنهد
ان شاء الله انا هروح اشوف شغلي
ياسين بهدوء
تمام
وبالفعل اقل من اسبوع تقدم كريم لهند و تمت الموافقة وفي يوم الخطوبة ذهبت ندي برفقة الشخص المرتبطة بيه سليم
ندي بابتسامة وبضحكة سخيفة
ازي يا كريم الف مبروك الف مبروك يا عروسة تصدق انا لغاية دلوقتي مش مصدقة ان في بنت تقبل بيك
نظر لها كريم بغضب مكتوم ولكن قالت هند بابتسامة سخيفة اخري
الف بنت تتمناه الدور والباقي اللي بتلف مع كله و تحت مسمي الصداقة و الارتباط اهي دي بقي اللي في الاخر هتترمي لانها بضاعة مستهلكة
ندي. بغضب
قصدك. ايه بالكلام ده
هند ببرود
نفس اللي انتي كنتي تقصديه لحبيبي و بعدين متزعليش نفسك قوي كدة انا كنت بهزر زيك بالظبط
ندي بغضب
يلا يا سليم نمشي من هنا انا غلطانة اني جيت اصلا
وبالفعل تركت ندي و سليم الحفل
هند بهدوء
كنت بتحبها
نظر لها كريم بصدمة وابتلع ريقه وحينما اوشك علي الحديث قالت هند بابتسامة
باين من نظراتك و نظراتها واضح انها كانت مفكرة انك هتعيش علي حبها ومش هتفكر تاخد غيرها وكلامها ده من غيظها مش اكتر و عادي لو الانسان حب كل واحد ليه ماضي
اتنهد كريم وقال بابتسامة
بس انتي في ايديك تنسيهالي
هند بابتسامة
عمرك ما هتنسها مهما انا عملت لازم يكون عندك ارادة يا كريم من غير ما تكون انت عايز تنسها مش هتنسها المهم سيبك منها تعالي نرقص
وذهبوا ورقصوا لمدة طويله وبعد الخطوبة اخذها كريم ليسهروا قليلا في إحدى المطاعم
لعد مرور اربع شهور كان كريم تعلق بشده بهند و تقريبا نسي ندي و من يوم الخطوبة لم يعد يحدثها نهائي
وفي يوم كان يجلس في مكتبه كالعادة يعمل دخلت ندي وهي تبكي بقهر
كريم بهدوء
في ايه بتعيطي كدة ليه هو سليم سابك
بكت ندي اكثر بقهر
كريم بهدوء
مش عارف برضه بتعيطي ليه كل واحد يسيبك و تقعدي تعيطي وبعدين تتعرفي علي غيره ايه مشكلتك
ندي بدموع
انت بتعملني كدة ليه يا كريم من ساعة ما خطبت و انت اتغيرت معايا
كريم بجدية
لا مش من ساعة ما خطبت ولا حاجه من ساعة ما بنتي انتي علي حقيقتك و انتي بتقولي مين ده اللي ابصله انتي مش شايفة كريم عامل ازاي هو في واحدة اصلا تقبل بكريم انا احب كريم اتغيرت من ساعة ما اتهانت قدامك من سليم و انتي حتي متكلمتيش اتغيرت من ساعة ما سمعت الريكورد بودني اتغيرت من ساعة ما حضرتك جيتي خطوبتي و كنتي قصادة تجرحيني و تجرحي مشاعري اتغيرت من ساعة ما عرفت انك بتكلميني لمصلحتك و علشان اصرف عليكي مش اكتر عرفت اتغيرت ليه و امتي بظبط انا بجد يا ندي مش. مسامحك علي اللي انتي عملتيه
ندي. بدموع
انا فعلا كنت غلطانة يا كريم بس انا دلوقتي بحبك سيب هند و خليك معايا انا عارفة انك بتحبني
ضحك كريم بقوة وقال
كان زمان الكلام ده انا دلوقتي عرفت اني محبتكيش انا اتعودت عليكي مش اكتر يا ندي لكن حب لا انا عرفت معني الحب لما قبلت هند. انسانة مثقفة جميلة بتفهمني و حبيبتني في نفسي خلتني شايف الدنيا كلها جميلة بعد الايام اللي هنتجوز فيها وتكون علي اسمي واحدة مبصتش لشكلي و مظهري بصت لقلبي و روحي انتي دلوقتي جايبة علشان عرفتي اني بدات اغير مت لبسي و شكلي مش علشان هي طلبت لا علشان شوية الجهلة اللي زيكم ميقولوش ازاي قبلت بواحد زي ده انا بحاول بكل الطرق اهتم بنفسي علشان خاطرها ورغم انها مطلبتش انتي بقي لما عرفتي بالتغير ده و اني اترقيت وبقيت مدير القسم حليت في عنيكي و قولت لا ارجعه بقي مش كدة هتفضلي طول عمرك بتاعة نفسك و بس انا مش بحب غير هند و هي دي اللي تستحق تبقي مراتي اتفضلي وقتك خلص
خرجت ندي وهي تبكي اما كريم اتصل علي هند وقال بابتسامة
علي فكرة انا بحبك
ضحكت هند بابتسامة
انت ايه مشكلتك يا كريم. دي. تالت مرة تقولهالي في نفس اليوم
كريم بابتسامة
عايز اقولهاك طول الوقت خديلي معاد مع والدتك علشان نتجوز كفاية كدة انا جهزت الشقة خلاص علشان نتجوز
هند بابتسامة
حاضر وعلي فكرة انا كمان بحبك
تمت
تعليقات
إرسال تعليق