مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

رواية من فضلكِ فرصة أخيرة كامله

بقلم زهرة عصام حصريه 

رواية من فضلكِ فرصة أخيرة كامله

بقلم زهرة عصام حصريه 

 #من_فضلكِ_فرصة_أخيرة

#بقلم_زهرة_عصام

#الجزء_الآۆلْ 

- مين دي إنت اتجوزت ؟! 

حاوط وسطها بإيده و قال و هو بيضحك و كأن الموضوع عادي :- 

- كايلا مراتي الإيطاليه ، اتجوزتها من سنتين و هي دلوقتي حامل و هتجيب لينا بيبي زي العسل مش كدا يا كايلا 

هزت كايلا رأسها بهدوء و ابتسمت و قالت هي بتتكلم عربي مكسر:- 

هاي حبيبي أنا كايلا إنتَ مين ؟! 

أنا دماغي وقف من وقت ما قال مراتي الإيطالية ؟! حسيت كان حد خبطني على دماغي بحديدة جابلي ارتجاج في المخ ، نو تفكير نو إستعاب نو اي حاجة خالص 

فوقت لما لقيت حد حبط في كتفي فبصيت ليه و شاوري بإيده حتي مستناش يسمع مني كلمه 

بصيت على اللي لسة بيدادي في اللي واقفة قدامي و التانية اللي بتتدلع و كأنها صغيرة على الحب 

لو مش محطوطة في موقف صعب كان زماني فطسانه ضحك 

- راجل بكرش و كرشة قدامه ولا الواحدة الحامل في التاسع و التانية باين عليها إن سنها أكبر منه 

بلعت ريقي بصعوبة و بدأت خلاصة استوعب اللي بيحصل قدامي 

جوزي اتجوز عليا و أنتهي الأمر 

هديت بدأت استوعب اللي بيحصل و في نص المطار كنت جيباها من شعرها على الأرض و نازلة فيها ضرب 

كان بيحاول يحوشني عنها بس الصراحة أنا وقتها عصبيتي و جناني كانوا عدوا كل الحدود بصيت ليه بغضب و قومت من عليها و جه دوره هو كمان 

- إنت متخلفة يا داليا بقولك الولية حامل تعملي فيها كدا 

كان ملهوف عليها بدرجة غربية و الناس بدأت تتلم حولينا ، أنا بقي مفرقش معايا من دا كله غير كلمه أنتِ متخلفة ؟! 

إبتسمت بخبث و قولت:- 

حلو غلطت وأنا كنت مستياك تغلط أكتر من كدا ، تعال بقي يا روح مامي و كايلا عشان اوريك المتخلفة دي هتعمل اية 

لا أخفيكم سرا والله يا أخواتي أنا كنت بضرب و زي ما تيجي يعني اضرب بايدي تنزل على الايد على الرجل على العين زي ما تيجي مهو أنا مش هتصدم و أقوله طلقتي وأنا مستحيل أعيش معاك يا خاين و الجو اغيثوني و أريد حلاً دا 

أمن المطار جه و في ثواني كنت أنا اختفيت و سبتهم هما يلبسوا الليلة ، مهو تجمع و شغب في مطار يعني أجانب و هنسوء سمعت البلد قدامهم 

روحت على بيتي و طلعت على شقتي علطول ، و هنا كانت لحظة الانهيار بالنسبالي ، تقريباً كدا كنت مصدومه و مش واعية للي بعمله قعدت ورا باب الشقة و فضلت اعيط لحد ما طلعت كل الطاقة السلبية اللي جوايا 

كان عدي ساعتين من وقت ما جيبت بصت في الساعة بإستغراب أنا قعدت الوقت دا كله اعيط على حد ميستاهلش 

 وقفت وأنا في دماغي فكرة و قررت انفذها 

- و حيات أمك يا منير الكلـ ـب ما هخليك تتهني يوم إنت و الست الإيطالية دي ، مش اتجوزت عليا ؟ يبقي اشرب و حلال في حتتك الفضيحة و الجرسة اللي هتحصلك 

عدي نص ساعة كنت دخلت أخدت دش و لبست لبس شيك كان مطلعني قمر بصيت لنفسي في المرايا وأنا بعاكسها و بقول :- 

بقي القمر دا حد يتجوز عليه ؟ بقي القمر دا يتخان 

بعت لنفسي بوسة في المرايا و قولت :- 

والله يا بت يا داليا ما فيه منك اتنين عسل يخربيت حلاوتك 

قطع وصلت الغزل في نفسي مدمر نفسيتي و الخاين جوز الاجنبيه الإيطالية و هو بيقول 

- هي فين هي فين اللي جرستني في المطار هي فين 

#يتبع....

#من_فضلكِ_فرصة_أخيرة

#بقلم_زهرة_عصام

#الجزء_الثاني

هي فين ؟! 

هي فين اللي جرستني في المطار وفرحت عليا أمه محمد هي فين ؟! 

اتسحبت على السلم و أنا ببص عليهم من فوق من غير ما حد ياخد باله لقيت الحيزبونه الملونة ماسكة فيه و بتقول:- 

- براحه حبيبي عصبية غلط عشانك 

عصبية غلط عشانه ؟ لية مسمهتهوش و هو بينهق زي الحمير عندنا 

طلعت على شقتي بسرعة قبل ما حد يشوفني و دخلت أوضة عيالي اللي كانوا طلعوا من عند حماتي و قولتلهم بحزم:-

- اسمع ياض منك ليها عندكم طلعة بس المرة دي أنا مش هعاقبكم عليها لا دا أنا هشوفه بيشتغل اكتر هيتكافئ أكتر 

الأولاد أول ما سمعوا كلمه مكافئة الإبتسامة بقت على وشهم من الودن للودن و قالوا في صوت واحد:- 

إحنا من إيدك دي لايدك دي و كله بما يرضي الله 

هتفت بفخر قائلة:- 

طبعاً بما يرضي الله هو إحنا بتعمل حاجه تاذي حد دا إحنا غلابة 

بعد شوية سمعت صوته العالي تاني بيقول :- 

إنت فين يا اللي مجرساني ؟! 

أخدت نفس و إبتسمت بهدوء و برود و نزلت وأنا بكامل شياكتي و أناقتي ، أعترف إني مش جميلة أوي لكن شكلي مقبلول و مع شوية اهتمام بقيت أشوف نفسي أجمل من أي حد 

بصيت ليه بحنان و قولت:- 

- اية يا روحي وصلت أمتي دا أنا مستنياك من بدري و الأولاد كمان مستنين يشوفوا ابوهم 

بصت لـ كايلا بهدوء و ابتسامهو قالت ببرود:- 

- نورتي يا ضرتي يا حبيبي متأكدة هنبقي صحاب 

منير حرفياً كان واقف مصدوم من كتر صدمته شاور ليا فقربت منه و قالي بهدوء :- 

بت إنتِ شاربة حاجة ؟! 

رديت عليه و أنا كاتمة ضحكتي اللي لو خرجت هتخرج بقهر سنين عيشتها وأنا على زمه الراجل دا بس برضو مش أنا اللي يتعمل فيا كدا و أقف أتفرج 

- لا يا حبيبي ليه بتقول كدا ؟! 

منير :- يبقي بتخططي لحاجة!! 

داليا:- اخص عليك يا منير أنا برضوا بتاع الكلام دا كل الحكاية إني فكرت في الموضوع و خلاص اقتنعت إنت راجل و الشرع محللك أربعة و طلما مش هتقصر في مصاريفي و مصاريف عيالي يبقي سو وات يا بيبي 

طبطب على كتفها و قال بهدوء:- 

شاطرة يا داليا طول عمرك عاقلة يا حبيبتي ، كان لازمتها اية بقي النمرة اللي عملتيها في المطار ؟! 

داليا بفخر:- 

برحب بيك يا حبيبي إنت و المدام اية اسيب الأجانب يقولوا على المصريين ميعرفوش في الزوق ؟ 

لا لازم ترحيب يليق بيكم و اديك شوفت مصر كلها رحبت بيك إنت و المدام 

منير بصلي بحيرة من بردي و ردي اللي يبان أنه خلاص مبقاش فارق معايا و كان حرفيا هيتشل و هو واقف 

سابني و مسك ايد البت الملونة الملوقة و دخل شقة أمه القعيده اللي كنت يخدمها برموش عنيا لكن مطمرش في البـ ـغل أبو كرش دا 

دخلت وراهم لقيت حماتي مبهورة بالبت معاها حق والله هي البت حلوة الصراحه بس عاملة من كل فيلم اغنية عيون زرق و شعر أصفر و بياض اية قشطة يا أخواتي قشطة 

- إيه رايك يا حماتي في الإيطالية دُرتي يا حماتشي 

لقيت حماتي بتبص ليا و بتبلع ريقها بصعوبة و قالت بصوت واطي:- 

معلش يا داليا حقك عليا أنا والله يا بنتي حاولت 

حطيت ايدي في وشها و قولت بدراما :- 

ششش مش عاوزة أسمع حاجة كلكم خونه كلكم مطمرش فيكم عشرتي 

خدت نفس و غمرت لجوزي و قولت اية يا حبيبي أنفع ممثلة 

كان مزهول من رد فعلي و من تقبلي للموقف مسكين ميعرفش اية اللي هيحصل فيه 

فاق علي كلامي وأنا بقوله :- 

بس أحييك على اختيارك يا منير والله أنا لو منك مكنتش سبتها تهرب من تحت ايدي

ابتسم و غمزلي و هو بيقول :- 

حلوة صح ؟! 

بصيت ليها وأنا بصفر و بقول :- 

حلوة بس دي صاروخ أرض جو يبني 

عليا صوتي و قولت يا عيال تعالوا سلموا على بابي أصل شكله نسي أنه مخلفكم 

حماتي كانت بصالي بخوف وأنا عارفه لية مهي عيلة بنت *** كل اللي هاممها دلوقتي إن مين هيخدمها بس أنا مديتهاش اي إهتمام 

الولاد نزلوا و جريوا على أبوهم اللي حضنهم بلهفة مهم في الآخر عياله شال بنتي علي ايده و ماسك ايد ابني و واقف يعرفهم على المدام اللي فجأة صرخت بقوة و هي بتقول:- 

#يتبع.....

#من_فضلكِ_فرصة_أخيرة

#بقلم_زهرة_عصام

#الجزء_الثالث

صرخت بقوة لما البنت مسكت شعرها و قالت:- 

طنط هو دا شعرك 

كايلا بصراخ:- 

- منير الحق كايلا 

منير سلك شعر كايلا من ايد بنته اللي داليا واقفة تتابع اللي بتعمل و بتبصلها بنظرة فخر و شوية و هتسقفلها كأنها رأفت الهجان 

البنت مسكتتش على كدا لا دي حطت اديها في عنيها و هي بتقول:- 

الله عيون ملونه 

كايلا صرخت بوجع و منير رمي البت على الأرض و جري عليها و بقي ينفخ ليها في عنيها 

جريت على بنتي في لهفة و حضنتها وأنا بقول بدراما:- 

- حبيبتي حصلك حاجة ؟! ربنا ينتقم من اللي كان السبب و خلي أبوكي يرميكي كدا ، متزعليش يا مني يا حبيبتي متزعليش يا روحي 

مني عاملت على عومي و عيطت و هي بتشاور على منير و بتقول:- 

رماني على الأرض عشان خاطر العروسة اللعبة 

منير بصلنا إحنا الاتنين بغيظ و مسك ايد كايلا و دخل اوضة 

أول ما اختفوا من قدامنا رجع كل واحد لوضعه تاني بصيت لحماتي اللي بتبصلي بخوف و هي بتقول:- 

اية يا داليا كويس يا حبيبتي إنك رضيتي بالأمر الواقع ، اهدي يا بنتي كدا و متخربيش بيتك و تشردي عيالك 

قربت منها و كل خطوة كنت بخطيها ناحيتها كان خوفها بيزيد مني و بتبلع ريقها بصعوبة و هي مبرقة ليا 

اتحنيت لحد ما وصلت لودنها وأنا بقول بهمس قوي :- 

لا بقي أنا مش بس هخرب البيت و اشرد العيال ، أنا هخرب بيت إبنك و اشردك معاه عارفة لية ؟ 

بعت شوية وأنا ببصلها في وشها اللي بان على ملامحه الخوف و كملت كلامي 

- عشان إنتوا علية عر.ه و مبيطورش فيكوا حاجة 

بصت لضوافيرها و نفخت فيهم و قالت بصوت حازم لولادها:- 

يلا يا ولاد على فوق لحد ما أبوكم يشرفنا بروح أمه 

بصيت لحماتي و قولت بكل تجبر :- 

معلش بقي يا طنط بيتي يلزمني و عيالي أولي بخدمتي ، ابقي خلي الخوجاية اللي إبنك جايبها تخدمك يا حبيبتي أنا خلاص معتش فيا صحة و صحتي على قدي تشاو يا روحي 

أول ما اديتها ظهري حسيتها خدت نفس أما أنا من كتير غيظي ضغط على شفايفي بسناني عشان أكتم غلي جوايا و أنا هموت من قهرتي و حيات أمك لهوريك يا منير مهو مش كل طير اللي يتاكل لحمة وأنا لحمي مُر 

طلعت على شقتي وأنا دماغي بتدوي و بتجيب اضحك عليه واخد كل أملاكه و ارميه في الشارع هو و الخواجية و أمه و أبقي كدا اديتهم الضربه القاضية ؟! ولا اجيبله حشيش و بانجو و أبلغ عنهم البسهم قضية و لا كأني أعرف حاجة 

فكرت للحظة و لقيت إن الحل التاني هيضر إسم و سمعت ولادي 

الصراحه فكرت فيهم أنا مش هامنني أبوهم لكن هامنني ولادي جدا 

اتهدت و قررت اهدي كام يوم لحد ما ارسي هعمل ايه بالظبط يمكن ااجر بلطجية يدخلوا يقتو لوا حماتو الحرباية و يخطفوا الأجنبية و يغتصبو ها و يغزو منير في كرشة 

دخلت نمت بعد ما نيمت ولادي و طبعاً البيه نايم تحت في حضن المودام مهي البرنسيسه اللي في بوقها معلقة دهب أما أنا بنت الكلـ ـب الخدامه اللي تخدمه هو أمه و تحط في بوقها جذمة قديمة 

تاني يوم الصبح صحيت على صوت عيالي و هنا بيعبوا ، قومت و فتحت البلكونة و لحظي العسل لقيت مها صحبتي واقفة في البلكونة بتاعتها 

صبحنا على بعض و قالتلي بفضول:- 

بقولك يا بت يا داليا ، هو صحيح المحروس جوزك رجع من ايطاليا و في ايده واحدة من بلاد بره 

هزيت رأسي و الإبتسامة على وشي من الودن للودن ، مهو مش هبين قهرتي و حزني عليه ، مش عاوزة أصعب على حد عشان لما اتنقم يقفوا يسقفولي مش يعيطوا و يندبوا على حظي 

- لا و مش بس خواجاية يا بت يا مها ، دي فورتيكه يا بت ، صاروخ أرض جو إنما اية أنا لو مكانه كنت اتجوزتها عادي 

مها بقت تدور بعنيها في الشقة و تقولي:- 

طب بالله عليكي يا داليا عاوزة أتفرج ، علشان خاطري عاوزة أشوفها 

ضحكت و قولت :- 

تتفرجي اية يا مها هي ماتش كورة 

مخلصتش كلامي و ضحكت بخبث وأنا بقولها:- 

دا غالي و الطلب رخيص أوي أوي يا مها ، لمي الحبايب كلهم و اللي عاوز يتفرج كله و قابلوني عند مدخل العمارة 

لبست و جهزت نفسي و نزلت لقيت بنات صغيرة و مها واقفين و الضحكة على وشهم من الودن للودن و الحماس بياين في عينهم أوي 

دخلتهم و دخلت عند حماتي و خبطت على باب أوضة منير بقوة لحد ما فتحلي الأوضة و هو لابس فنلة حملات لونها بمبي ، بمنبي يا منير ؟ طب كنت استرجل و بعدين البمبي دي مش لاسم منير خالص مش حسابهم مع بعض ، المهم بصيت ليه بسخرية و قولت :- 

لامواخدة يا منير صحيتك من النوم يا حبيبي نادي لسنيورة اللي جوه خليها تيجي تكلم 

منير بص للبنات و لعددهم و بلع ريقه بصعوبة و قال:- 

مين دول 

ضحكت بصوت عالي ضحكت رقصات ، أيوة زي ما سمعتم كدا ضحكة رقاصة جايبة لآخر الشارع و قولت :- 

دول المتفرجين ، من الآخر عاوزين يتفرجوا على العروسة الجديدة 

سقف بايده و قال:- 

كل واحد على بيته مش تحفة فنية كدا جايين تتفرجوا عليها 

داليا وقفت قدامه و قالت:- 

وأنا قولت يتفرجوا يعني يتفرجوا ، دا كله إلا زعل مها صحبتي 

منير بعصبية :- 

داليا لمي دورك و مشي الناس دي بدل والله 

قطعت كلامه و قولت قصاده:- 

منير هتسبهم يتفرجوا بما يرضي الله ولا هيتفرجوا برضوا بما لا يرضى الله ؟!!! 

#يتبع....

#من_فضلكِ_فرصة_أخيرة

#بقلم_زهرة_عصام

#الجزء_الرابع

داليا لمي دورك و مشي الناس دي بدل والله 

قطعت كلامه و قولت قصاده:- 

منير هتسبهم يتفرجوا بما يرضي الله ولا هيتفرجوا برضوا بما لا يرضى الله ؟!!! 

كان هيرد علها لكن قطع كلامه خروج كايلا و هي لابسه لبس غير لائق 

داليا بصتلها من فوق لتحت و قالت:-

دا اية المنظر الخادش لحياء واحدة متجوزة و معاها عيلين دي 

بصت على البنات اللي وشهم محمر و مغمضين عيونهم عشان ميشفوش جسم كايلا 

أما مهي فهي صورتها بالموبايل كام صورة من غير ما حد ياخد باله و هي بتقول:- 

احيييه على الحلويات ابغي روتين رجل الفنانه احطه على وشي 

قربت من داليا و هي بتقول:- 

هي علطول مش لابسة كدا يا داليا ؟! يعني هي بتلبس بمواعيد عشان نظبط معاكم و نيجي ولا بتفضل كدا سداح مداح 

داليا و هي بتبص على كايلا من فوق لتحت و لحد دلوقتي مش مستوعبه إنها واقفة قدامهم بمنظرها دا :- 

والله يا بنتي هي كانت امبارح لابسه نص نص لكن دلوقتي مش عارفه اية اللي جرا مش لاقية حته متغطية لية 

بصت لـ منير و هي بتساله باهتمام:- 

هو كل ما بتقعد كل ما بتقلع ؟! يعني على ساعتين و هنيجي نلاقيها كما ولدتها أمها ولا اية 

منير بدأ يتعصب زق كايلا جو الأوضة و قفلها و بص لداليا اللي ضربت رجليها في الأرض باعتراض و قالت:- 

لي كدا أنا أنا أول مرة أشوف بطلة من بطلات الأفلام الـ لامواخدة 

رتبت مها علي كتفها و هي بتقول بمواساه:- 

معلش يا داليا يختي بكرة تخرج و نتفرج تاني ، أنا همشي دلوقتي و هاجي بكرة بعد الظهر تكون صحيت و فوقت كدا نكمل فرجة براحتنا 

بصت لـ منير و قالت بكل جدية:- 

و يا ريت يا أستاذ منير متبقاش موجود ، مش لأجل حاجة والله لاجل الواحد ياخد راحته مع المزة اللي جوه دي ، عاوزين نسأل براحتنا عن روتين باط الفنانة 

منير كان بيسمعها باندهاش و أول ما خرجوا كانت داليا هتطلع شقتها لكن لقت اللي سحبها من شعرها و ايده نزلت على وشها بكل قوة 

شهقت بعنف و بصت لـ منير اللي مازال ماسك شعرها و قال:- 

يمين بالله لو ما لميتي دورك و رجعتي لعقلك هيكون ليا تصرف معاكي مش هيجعبك ، أنا ساكت ليكي من امبارح عشان بقول مصدومة و من حقها ، لكن هتسوقي فيها هريحك من الدنيا كلها 

شد خصلات شعرها و قال بصوت خفيض مرعب:-

هتطلي دلوقتي تجيبي العيال و تنزلي زي ما متعودة تعملي لأمي اللازم و تعملي فطار للكل ، و اه يا داليا هتكوني خدامة ليا ولامي و مراتي و عيالي 

غير كدا مش هيبقي ليكي لازمة 

زقها على الأرض فوقعت عند رجل أمه اللي كانت بتبص ليها بتشفي 

مدت اديها و جذبت شعرها هي كمان و هي بتقول:- 

فاكرة عشان مشلولة هتعرفي تبيعي و تشتري فيا ؟! لا يا حيليتها إنت هنا خدامه تحت رجلي و خدي الصدمة الكبيرة بقي 

أنا كنت عارفه أنه متجوز و مش بس كدا دا أنا اللي قولتله يتجوز واحدة بنت ناس حلوة كتكوتة كدا و يبدلك يا بومة 

زقتي على الأرض و كل دا و أنا بسمع ليهم و جوايا نار ، نار قايدة لو خرجت هتحرق الكل و أولهم أنا 

وقفت و نفضت ايدي و طلعت على شقتي لكن قبل ما أطلع لمحتهم بيبصوا لبعض بإنتصار و سمعت حماتي بتهمس لـ جوزي:- 

خليها كدا زي البيت الواقف لا واصلة متجوزة و لا واصلة مطلقة عشان تتعلم الأدب و تتعلم تتفرعن عليا تاني 

منير بصلها و هز رأسه بإيجاب و دخل عند كايلا اللي بعد دخولة بكام دقيقه صوت ضحكتها ملئ المكان 

دخلت شقتي و بصيت لولادي اللي بصولي بحزن و عرفت أنهم شافوا اللي حصلي على ايد أبوهم و جدتهم 

قلبي مات معتش فيه ذرة حب ولا ثقة ليهم 

بوست على دماغ عيالي و قولتلهم يدخلوا يغيروا هدومهم عشان ننزل تحت زي ما جوزي طلب 

دموعي نزلت غصب عني على حالي اللي وقلت لية ، أنا مكنتش استحق دا كله ، دا أنا كنت مبسوطة أنه رجع من تاني و هعيش في حضنه الكام شهر اللي هيقعدهم ، كنت بعافر معاه و رضيت أنه يسافر عشان يحسن من دخلنا ، دي بقت نهايتي الإهانة و الذل لية و لأمه ؟! 

نزلت تحت تاني و بدأ اخدمهم و كل ما اعمل حاجة ليه أو للسنيورة الخواجاية نار تقيد في قلبي ، نار مش بتحرق حد غيري أنا 

عدي أسبوع على دا كله على خدمتي ليهم و اهانه ليا قدام مراته و أمه و قادم عيالي اللي بقوا بيبكوا دم عليا من المعاملة الزبالة دي 

موبايلي رن برسالة ضحكتي بقت من الودن للودن ، قولتلكم لو ناري خرجت هتحرق الكل و أولهم أنا 

وقفت قدامه هو و أمه و قولت بكل ثقة:- 

تاخد مراتك و أمك و مش فكاش قدامي يا حليتها تاني ، اطلعوا برة بيتي 

#يتبع....

#من_فضلكِ_فرصة_أخيرة

#بقلم_زهرة_عصام

#الجزء_الخامس

تاخد مراتك و أمك و مش فكاش قدامي يا حليتها تاني ، اطلعوا برة بيتي 

بصلي و هو مش مصدق كلامي ضحك بسخرية و قال:- 

اتمسي و قولي يمسا و شوفي بتعملي اية بدل ما أقوم اهين أهلك دلوقتي 

رجعت خطوتين لورا و جبت كرسي و قعدت قدامه و حطيت رجل على رجل و قولت ببرود:- 

بهدوء كدا يا حلو تنفذ كلامي بدل ما أخلي اللي ما يشتري يتفرج عليك 

وقف قدامي و سحبني من ايدي بقوة بس المرة دي مسكتلوش سحبت ايدي منه بقوة و بكل ذرة قهر و حزن و زل عشتها معاه نزلت على وشة بكف إنما اية طرقع من كتر قوته 

كان كايلا قاعدة بتتفرج على اللي بيحصل لكن لما لقتني مديت ايدي عليه وقفت و شهقت بخوف و حماتي برقت أوي و بصت ليا بغل 

قربت كرسيها المتحرك مني و حاولت تمد اديها عليا لكن المرة دي مسكتلهاش

حتي مراعتش فرق السن بينا ، مهي لو كانت إنسانة محترمة و المرض هاددها كنت احترمتها لكن هي مشافتش بربع جنيه رباية

قربت منها و زقيتها من على الكرسي وقعت على الأرض و هي بتصوت و بتبص لـ منير اللي لسة لحد دلوقتي مصدوم من الكف اللي اخده 

رجعت خطوتين لورا و قعدت على الكنبه و شيفاهم كلهم مصدمين و متنحين لبعض 

ابتسمت بسخرية و وقفت مرة تانية و أنا ماشية ناحية الباب و بقول ليهم 

نص ساعة و تكونوا بره البيت 

وفقت لحظة و بصيت لحماتي بسخرية و اتعدت إني اهينها زي ما هانتني و للأسف مكنتش حاسة بندم كونها ست كبيرة ولا بذرة شفقة نجاها 

- أنا هسيب ليكي الكرسي دا شفقي مني ، لكن إنتي كان اخرك معايا تخرجي بهدومك اللي لبساها إنتي و جوز التيران دول 

رجلي خطت خطوة واحدة بس بره البيت و لقيت نفسي مجرورة من شعري زي البقرة لجوه و منير نازل فيا ضرب بإيده الاتنين 

- إنت شكلك اتهفيتي في عقلك و أنا هرجعه ليكي تاني ، و حيات أمك ما هتباتي فيها و هرميكي لكلاب السكك تنهش في لحمك 

بصعوبة قدرت أبعده عني و جريت ناحية الباب و أنا بقوله 

- و حيات أمك إنت لهبيتك في الحجز يا منير و لهرميلك أمك و السنيروة دي برة البيت ، طلما الزوق ما بينفعش مع ولاد الكلب اللي زيكم 

كان لسه جاي عليا من تاني لكن لحسن حظي إني جريت و قدرت أهرب منهم 

نظرة الشماتة اللي كانت في عيون أمه ليا كسرتني و حلفت يومها لهتبقي نفس نظرتي ليها بعد كام ساعة 

خرجت بره البيت لقيت في وشي مها صحبتي و لقيت واحد واقف جنبها عرفت أنه أخوها و لحسن حظي أنه كان ظابط 

بصيت على البيت بخبث و بصيت ليهم من تاني و أنا بقول:- 

يا حبيبتي يا مها تعرفي إني بحبك و بعزك أوي 

في الأوقات اللي زي دي المصلحة تحكم يا جماعة مع إني عارفه إن مها تموت في المشاكل و تموت في نشر الأخبار بس برضو المصلحة تحكم 

بصيت لاخوها بهدوء و قولته لو سمحت أنا عاوزة منك خدمة 

ما بيبصلي من فوق لتحت ابن باروم ديلو لكن مهتمتش المصلحة تحكم في المقام الأول 

حكيت لية على اللي حصل دلوقتي و عن ضربه ليا و زلي ليه و لأمه و جوازه عليا 

خدني معاه القسم و خلاني قدمت فيه محضر تعدي و بعد كدا خد قوة من القسم و طلعوا على البيت 

خبطوا جامد و منير فتحلهم الباب و شافني واقفة معاهم و ببص ليه بسخرية و شماتة 

بدون اي كلمه سحبوه بره البيت بالهدوم اللي لابسها و خدوه على القسم 

أما أنا بقي في دي كانت فرصتي و جتلي على طبق من ذهب دخلت شقت حماتي اللي عمالة تنوح على ابنها و بصيت لـ مراته اللي بتبصلي بكره و خدتهم هما الاتنين و رمتهم برة البيت 

لقيت حماتي من على الكرسي و قولتها 

كنت متعاطفة معاكي الأول و سبتلك الكرسي لكن إنتي مرا قادرة و متستاهليش الاشفاق 

أخدت الكرسي و دخلت جوه و أنا ببصلي بنظرة بشماتة و في جوايا حتت اتنصار مش راضية تهدي 

#يتبع....

#من_فضلكِ_فرصة_أخيرة

#بقلم_زهرة_عصام

#الجزء_السادس_والاخير

قعدت على أول كرسي قابلني و الإبتسامة على وشي من الودن للودن 

افتكرت اليوم اللي قررت فيه انتقم منه ، لما ضربني و هاني و رماني لأمه نهين فيا زي ما هي عاوزة 

فلاش باك 

طلعت على شقتي وأنا مصدومة من ضربه ليا و من حماتي اللي هانتي و مرمطت بكرامتي الأرض 

قعدت على أول كرسي و بصيت لولادي اللي بيبصولي بحزن 

قررت أنه لا مش هبقي خدامه ليهم ولا هسمح لحد يإذيني 

قعدت أفكر و أقول لنفسي 

- اهدي يا أفنان و فكري كويس هتعمل ايه مهو مش معقول هترضي بالإهانة دي 

فكرت و قررت هعمل ايه و وقتها أخدت ولادي و نزلت تحت عند حماتي 

حطيت جزمة قديمة في بوقي و بقيت أعمل كل اللي ينطلب مني بقيت اكنش و اطبخ و اعمل كل حاجة حتي حماتي كنت بغيرلها هدومها 

قعدت يومين كدا و قررت انفذ خطتي و هي إني أخد كل أملاكه و احسره عليها هي و أمه 

فكرت كتير و ضميري بدأ يأنبني و قولت في نفس 

- حرام يا بت دا شقي عمره و تعب فيه إنت كدا بتسرقيه 

قررت إني أنفذ خطتي و اهدده و ازله هو وأمه شوية و بعد كدا ارجعله فلوسه تاني مهو أنا مش هاخد حاجة حرام 

استغليت إن بقالنا كتير مش بندفع فاتورة النور و إن محصل الكهربا جه و جاب معاه ورق المخالصة بينا بعد 

حطيت ورق الأملاك وسط الورق و جريت بسرعة وأنا حاطة ايدي على قلبي عشان اخليه يمضي على الورق 

- منير خد أمضي على ورق المخالصة دا بسرعة الراجل واقف بره و عاوز يمشي 

منير كان لسة هيقرأ الورق لكن مضي و مشي بسرعة لما كايلا ندهت عليه 

ابتسمت بسخرية و انتصار و قولت في نفسي 

- خليك ورا السنيورة يا منير ، يلا اتشاو يا بيبي 

خرجت اديت الراجل أوراق المخالصة و طلعت شقتي خبيت ورق البيت و الأملاك 

استنيت يومين و قررت اكرشهم من البيت و اهددهم و اتفنن بإزلالهم زي ما معملوا معايا 

باااااك 

ابتسمت بهدوء و انا فرحانه أنه خلاص همهم انزاح من على قلبي 

أنا كنت مقررة ارجعلهم فلوسهم و أطلق بعد ما اساومة يجبلي شقة تمليك لعيالي ابقي حاضنة ليهم فيها عشان ممديش ايدي لحد و خصوصاً أهلي 

أهلي اللي أول ما عرفوا أنه اتجوز قالولي عيشي عشان عيالك إحنا مش بنطلق إحنا بنجوز بس 

هنا عرفت إن مهما يعمل فيا أهلي مش هيدخلوا ولا هيقولوا إنت بتعمل ايه ، أهم حاجة إني مطلقش بس 

عدي يومين و أنا  قاعدة ملكة في البيت و معايا أولادي اللي في اليومين دول اخدوا كل اهتمامي 

الجرس رن فلبست اسدالي و روحت أشوف مين لقيت قرايب جوزي واقفين قدامي بصيت ليهم و رحبت بيهم و دخلتهم البيت 

- إتفضلوا يا جماعة نورتوتي والله 

قعدوا و بصولي بهدوء و كبيرهم اتلكم وقال:- 

- مش كفاية كدا بقي يا داليا ؟! سبناكي يومين تهدي فيهم ، كفاية كدا يا بنتي و اتنازلي عن المحضر 

وقفت و قولت بكل برود :- 

تنازل مش هتنازل يا عم الحج ، أنا وشي لسة وارم من ضرب ابن أخوك ليا 

لو أنا بنتك هترضاها عليا ؟! 

- طب و المال اللي اخدته من غير وجه حق 

بصيت ليه و قولت ببرود :- 

مال عيالي يا أبا الحج ، و مكافأة نهاية الخدمة ليا عشان استحملته هو و أمه السنين دي كلها 

و عشت معاها على المرة قبل الحلوة و كان جزاتي اية ؟ 

يتجوز عليا واحدة اجنبيه و عاوزني اخدمها هي كمان ؟! 

- أنا عارف أنه ظلمك و جه عليكي بزيادة يا بنتي ، بس هتقولي ايه لعيالك لما يسالوا عليه ؟ هتقوليلهم إنك حبستيه ؟؛ 

لا هقولهم إنتوا شوفتوا ابوكوا و هو بيزل فيا ليل نهار ، شفتوه و هو دايس بكرامة اللي جابوني الأرض فهو بيكفر و بيتحاسب على أخطائه 

رد عليا عمه التاني و قال بحدة :- 

- من الآخر يا داليا عاوزة اية و نفض الحوار دا 

قعدت و حطيت رجل على رجل و قولت :- 

أولا شقة تمليك بعيد عن هنا و تنكتب باسم عيالي وأنا الوصية عليهم 

ثانياً يطلقني و مش عاوزة أشوف سحنته دي قدامي صدفة 

ثانياً و دا الأهم مرتب شهري أنا اللي احدده كل شهر مصروف للعيال 

و دا حقي يا جماعة أنا لو أطلقت و رفعت قضية نفقة و تمكين من أول جلسة و هيدفع ضعف اللي هطلبه قولتوا اية ؟! 

- قولنا لا الة الا الله 

ثلاثة أيام و كنت بنقل عفش بيتي من شقة الزوجية اللي معتنش طيقاها للشقة اللي أعمامه جابوها و كتبوها بإسم ولادي 

ورقت طلاقي كانت بين ايدي و أنا مبسوطة بيها أوي ، بقيت حاسة بسلام نفسي فظيع 

عدي ثلاثة شهور و أنا عايشة مرتاحة أنا و ولادي ، و للأمانة مهتمتش أعرف اخبارهم اية ولا عايشين إزاي ، لحد ما في يوم جت مها تزورني و قالتلي على كل حاجة 

- معرفتش اللي حصل لـ منير و أمه يا بت يا داليا 

بصيت ليها و كان الموضوع مش هاممني لكني من جوه كنت هموت أعرف اية اللي حصل كملت كلام و قالت:- 

الإيطالية اللي كان متجوزها طلعت نصابة أخدت كله فلوسة و طفشت و هو و أمه بقوا على الحديدة من تاني ، مبقاش حلتو غير البيت اللي قاعدين فيه 

بصيت ليها و هزيت رأسي بلا مبالاة و قولت :- 

الجزاء من جنس العمل ، الكام مليم اللي كانوا مقويين قلبوا دلوقتي راحوا و رجع شحات زي ما كان ، عن نفسي بقيت بشتغل و بصرف على عيالي اكتر من اللي كان بيبعته و مش حرماهم من حاجة 

بعديها بكام يوم لقيت الجرس بيرن 

لبست اسدالي و فتحت الباب و لقيت منير في وشي و شكله مهوزم أوي ، وكأنه شايل هموم الدنيا فوق دماغه وقفت قدامه بثبات و قولت :- 

عيالك لو عاوز تشوفهم استناهم تحت مش هينفع تدخل إحنا مفيش بينا حاجة 

بصلي و الدموع اتكونت في عينه و قالي بصوت ضعيف مهزوم :- 

أنا جاي طمعان في كرمك يا داليا ، من فضلك اديني فرصة واحدة  فرصة أخيرة ، ارجعيلي يا داليا و ننسي اللي فات و أهو كل حاجة رجعت لاصلها 

ضحكت بصوت عالي و أنا بقول :- 

فرصة ؟! فرصة اية يا أبو فرصة إنت لو آخر رجال في العالم أنا يستحيل ارجع ليك تاني 

بصيت لية بقوة و قولت :- 

فعلاً كل حاجة رجعت لاصلها ، أنا دلوقتي قاعدة مرتاحة مع عيالي في بيتي ، أرجع ليك و لأمك تاني برجلي ليه كنت شايفني هبلة 

قولتها وأنا بشاور بإيدي على دماغي بحركة الجنون 

بلع ريقه بصعوبة بعد ما كملت كلامي بحدة و كبرياء:- 

طلبك مرفوض و إتفضل من غير مطرود عشان مينفعش وقفتنا دي 

قفلت الباب في وشة و دخلت و جوايا حتت إنتصار و غرور معرفتش اخبيها ، مش لو كان اتقي ربنا فيا و صاني مكنتش حصله كل دا 

نزل و هو مهزوم و ضعيف ، شوفته من شباك اوضة نومي و هو ماشي و دموعه نازلة و للأمانة متاثرتش بيها و لا حتي صعب عليا 

      

      " اهديك قلبي السلام بعد شقاء دام طويلاً " 

تحبوا الرواية الجاية السبت و لا ننزل فصل صغير منها بكرة إن فضيت ؟!! 

#تمت_بحمد_الله_النهاية