رواية اسيره الوحش الفصل السادس عشر والسابع عشر بقلم سجده محمد حصريه
رواية اسيره الوحش الفصل السادس عشر والسابع عشر بقلم سجده محمد حصريه
#اسيرة_الوحش
فهد بعيون مليانه دفئ وحنان : اسمعيني يا سجده اسمعيني وبس.... انا مقدرش اتنفس من غيرك ياسجده.....فهماني مقدرش اعيش من غيرك اصلا ومش عايز الطلاق.... ده سمعاني
سجده بصدمه: ايوه سمعاك.... انا مش صماء قولت متقدرش تتنفس من غيري ومش عايز الطلاق.... وبعدين
فهد: هديكي فرصتك تفكري..... ياسجده انا هجهز الورق ولو رجعتي.... عن قرارك يبقي الورق ملوش لازمه واتمني.... انك تفكري كويس وبيسبها وبيمشي
سجده بتكون واقفه.... مبسوطه اووووي.. ومش مصدقه... وضربات قلبها بتعلي وبتهبط..... وفي نفس الوقت مش عارفه.... تعمل ايه
ايه
&&&&&&&&&&&&&&&&&&&&&
عند سجده في الاوضه بتمون قاعده محتاره.. وخلسه انها متشتتته... وبتدخل عليها حور
حور: سرحانه في ايه
سجده : فهد قالي انو مش عايز الطلاق وانو ميقدرش.... يتنفس من غيري
حور بفرحه: بتهزري
سجده: اه والله بس قالي فكري.... وراح يجهز ورق الطلاق وقالي ولو رجعتي عن قرارك الورق مش هيكون ليه لازمه
حور: وانتي لسه هتفكري
سجده: مش عارفه...مش عارفه ياحور مشاعري متلخبطه... جدا
حور: لازم تحسي بكده بس اتمني انك متتخليش عنه ياسجده.. زي مهو متخلاش عنك
حور بتطلع وسجده بتقول: يعني هو انا الي اقدر اعيش من غيره... م انا خلاص اتعودت عليه.. ومقدرش احس بالامان غير معاه.... بس.. بس غيرتي عليه من سراب وجعتني اوي
_&&&&&&&&&&&&&&&&&&&&
عند فهد بيكون قاعد في المكتب سراب بتدخل عليه
سراب : فهد
فهد: نعم
سراب بحزن وندم شديد: انا جايه.... اتاسفلك يافهد عارفه اني.... سببتلكم مشاكل كتير
فهد: ولا مشاكل ولا حاجه ياسراب
سراب باسف: لا يافهد سجده.... كان عندها حق انا اه كنت بحبك وحاولت.... افرق بينكم بس حبك ليها وخوفك عليها خلي كل خططتي فشلت... وانا شايفه حبك ليها في عيونك
فهد: ولا يهمك يا سراب مفيش حاجه...وحبك ليا ده تعود لا غير
سراب: الصفقه خلصت خلاص... وانا هسافر بكره بس قبل مسافر عايزه اقولك حاجه مطلقش سجده يافهد انت بتحبها.... فمتتخلاش عنها ومتخلنيش احس بالذنب
فهد: اناعمري مهتخلي عن سجده ياسراب انا اصلا مقدرش اعيش.... من غيرها ابدا
سراب بفرحه: ربنا يخليكم لبعض هطلع انا بقي اجهز شنطتي
فهد: ماشي ياسراب.. ربنا معاكي
&&&&&&&&&&&&&&&&&&&&&
فهد بيطلع الاوضه بيلاقي سجده... نايمه علي الكنبه فبيغير هدومه وبيقعد علي السرير، وبيكون عارف انها مش نايمه بس بتتهرب منه
فهد في داخله: عارف انك صاحيه... وانك بتتهربي مني بس والله عمري متخلي عنك ابدا وبيطفي النور وبينام
&&&&&&&&&&&&&&&&&&&&&
في الصباح سراب بتكون بتسلم.... علي العيله كلها وبتسلم علي فهد وبتروح علي سجده وبتحضنها وبتقولها بندم واسف : انا اسفه ياسجده سمحيني عارفه.... اني غلط في حقك كتير حبي لفهد كان عميني لكن حبه ليكي وخوفه عليكي اكدلي انو عمر مهيكون في قلبه حد غيرك ابدا يا سجده.. علشان كده راجعت نفسي.. وشفت ان استحاله انا وفهد نكون لبعض اصلا
واتمني تسامحيني لتاني مره.... وموضوع الطلاق فكري كويس لانك مش هتلاقي حد يحبك قد فهد
سجده بطيبه: مسمحاكي.... واتمني انك تلاقي شريك حياه يعوضك عن اي حاجه
سراب بتطلع تركب العربيه..... وبتوصل المطار
&&&&&&&&&&&&&&&&&&&&
فهد بيروح الشركه بس بيرجع علي طول لان التفكير في سجده..... كان شغله جامد ومبيقدرش يكمل فبيرجع علي البيت وبيدخل مكتبه وهو زهقان
حور بتخبط علي الباب: ممكن ادخل
فهد: اتفضلي
حور: اتفضل القهوة
فهد:بس انا مطلبتش... قهوة
حور: انا... عارفه بس انا جبتها علشان عايزه اتكلم معاك
فهد: اقعدي ياحور واتكلمي
حور: متتخلاش عن سجده يافهد
فهد: انا قلت مش هطلق... يحور انا بس بهدي سجده واخليها تفكر
حور: بس يافهد حب الراجل بيبان فعينه انما الست معروفه بخجلها..... فاتعامل معها براحه وانا عارفه انك بتحبها وهيا كمان بتحبك وفي حاجات كتير موضحه ده... اولها غيرتها عليك من سراب
فهد بيفرح في داخله..... وبيعرف انها كانت بتتجاهله.... علشان كده
فهد بفرحه: خلاص احنا لازم... نحط للموضوع ده حد
&&&&&&&&&&&&&&&&&&&&&
بيطلع الاوضه بيلاقي رساله محطوطه علي الكومود وبيمسكها يقراها.... بيلاقي مكتوب فيها... استعجلت يعني ورحت جبت ورقة الطلاق فهد بيضحك لانو اصلا مجبش حاجه..... وسجده فجاة بتدخل الاوضه فهد بيقرب منها اوي... فبتتكسف فهد بيضحك علي ردة فعلها وبيقولها بحنيه وحب: فكرتي
سجده باستهبال: في ايه
فهد بغمزه: يعني انتي... مش عارفه
سجده بكسوف: ايوه فكرت
فهد: وقولتي ايه
سجده بتوتر: قولت انو انا... مش عايزه ابعد عنك ابدا... وعايزه اصحي كل يوم... علي النظر في عيونك وبس
فهد بيحضنها بفرحه وبيقولها: وانا كمان مش عايز ابعد عنك ابدا ابدا
&&&&&&&&&&&&&&&&&&&&&
في المساء
فهد بيكون قاعد علي الكنبه ماسك التليفون، وسجده.... طالعه من الحمام وهيا لابسه بيجامه وفرده شعرها.... ومخلياها قمر وبتروح تقعد جنبه فهد بيقرب منها وبيزيح شعرها وبيبوسها فس خدها
سجده بكسوف: فهد مش احنا قولنا هنسمع فيلم
فهد: اه
سجده: خلاص هقوم... اعمل فشار وبتجري علشان تتهرب منه
سجده بتكون واقفه في المطبخ... وبتعمل الفشار بفرحه... وبتدخل عليها حمديه لاول مره بتبين غلها وبتقول: فرحتك دي مش هتدوم.... وحياة بنتي الي طلعت من البيت ده بسببك.... مهتدوم... ومتنسيش انو كان متجوزك غصب عنك
سجده بتاخد الفشار وبتتجاهل كلامها لانها كانت متاكده ان حمديه نوايها بردو مش كويسه... وكانت بتسلط سراب بردو تفرق بينها وبين فهد.. وبتطلع لفهد
&&&&&&&&&&&&&&&&&&&& بتدخل سجده بالفشار وبتقعد جنب فهد وبيبداوا يسمعوا الفيلم مع بعض.... في جو هادئ وجميل فهد بيقرب من سجده وبيقولها: متتكسفيش ياسجده انا كمان اول مره ليا احب علفكره
سجده بتوتر: الموضوع.... مش كده يافهد
فهد بحنيه: انا حاسس بيكي.... فعلشان كده عندي ليكي فكره حلوه
سجده بحماس: ايه هيا
فهد: احنا نتعرف علي بعض..... من جديد خالص
سجده:ازاي
فهد: اقولك ازاي..... انا بكره هعزمك علي مكاني الخاص الي عمر محد دخله ابدا ولا هيدخله غيرك ونتعرف علي بعض.... بقي ونتغدي مع بعض وكده
سجده بفرحه: الله
فهد: وكمان مش اول مقابلتك.... كنتي عايزه تشتغلي
سجده: اه
فهد: تيجي علي الشركه.... من تاني ونتعرف
سجده بحماس: احلي فكره.... من احلي فهوده
فهد بحب وضحك: فهوده كده الهيبه تضيع
سجده: خلاص فهدي
فهد بحب: ان كان كده ماشي... وبيفضلوا يتكلموا لغاية ما سجده... بتنام علي كتفه فهد بيبوس جبينها بحنان وبيقولها.... ربنا يقدرني واسعدك مش عارف انتي ازاي خطفتي قلبي.... فهد الراوي بهيبته وقع في حب طفله.... بس اجمل طفله شافتها عيني
&&&&&&&&&&&&&&&&&&&&&
سجده... بتفوق من النوم وبتبتسم علي حنية فهد معاها فهد.... بيصحي من النوم وبيشوفها وهيا بتبتسم
فهد: احلي اصتباحه دي ولا ايه، سجده بتتكسف وخدودها بتحمر وبتقوله: انا هقوم علشان اجهز نفسي ع.... لشان منتاخرش علي الشركه الا المدير عصبي... وممكن ياكلنا
فهد بيشدها عليه: المدير بتاعها عصبي مع الكل معاكي انتي.... مبيعرفش ماله برغم حركاتك المجنونه الي ان برائتك وعيونك كفيله انها تنسيني كل حاجه
سجده: ايه الكلام الحلو ده ا... نا مش متعوده عليك كده
فهد بحب: صدقيني الكلام ده طالع من قلبي.... وكان نفسي اقوله من زمان
سجده: طب هقوم بقي اجهز قوم بقي
فهد: ماشي يا احلي... بنوته
بيجهزوا الاتنين وفهد بيعمل نفسه مش عارف يظبط الكارفتة بتاعة البدلة
فهد: بنوتي
سجده بسعاده: بنوتك
فهد: ايوه فيه مين غيرك.... مش انا فهدك وانتي بنوتي
سجده بهيام: نعم
فهد: مش عارف.... اربط الكارفته
سجده: ثواني بس وبتروحل.... ه وبتقوله:وريني كده وبتبدا تظبطها.... وهو بيستنشق عبيرها وشعرها المحببين الي قلبه
سجده: خلصت
فهد بيبوسها بحنيه من خدها
سجده: هلبس الطرحه بقي علشان ننزل
فهد: تمام.... وبتلبس حجابها وبينزلوا الاتنين وهما بيضحكوا
حمديه في داخلها: والله مهدوم الفرحه دي عليكو
الجد بفرحه: ربنا يديم فرحتكم ياحبايب قلبي
فهد: يارب ياجدي وبيفطروا
الجد: انت هتاخد سجده معاك
فهد: ايوه ياجدي سجده.. اشطر سيدة اعمال وهتشتغل معايا
الجد: مش حفيدة صالح الراوي اكيد تبقي احسن سيدة اعمال
سجده : شكرا ياجدو..... وبيخلصوا اكل... وبيتحخوا نحو الشركه
&&&&&&&&&&&&&&&&&&&&&
سجده وفهد بيكونوا قاعدين في العربيه
سجده: انا جبت السي ڤي معايا
فهد: انتي مش محتاجاه اصلا
سجدة: لا انت... قولت هنتعرف من جديد يعني هحصل علي الوظيفه بكفاءتي..... وياريت مترفضليش طلبي ولا تعيني في حاجه اعلي انا في الاول كنت جيالك علشان ابقي سكرتيرة وبس
فهد: متنسيش انو انتي ليكي في الشركات دي ورث عمتي الله يرحمها.... وانا جوزك يعني حاجتي هيا حاجتك حتي الشركات بتاعتي انا مدام هيا بتاعتي تبقي بتاعتك
سجده: انا مش عايزه حاجه خالص والله غير اني اشتغل واحقق طموحي... وانك تكون معايا
فهد: براحتك يسجده.... وانا هفضل جنبك طول عمري
سجده: شكرا يافهد انك فهمتني
فهد بحنيه: لو انا مفهمتكيش مين هيفهمك بس
&&&&&&&&&&&&&&&&&&&&&
بينزلوا من العربيه فهد بيمشي علشان يدخل الشركه وسجده بتفضل واقفه
فهد باستغراب: مدخلتيش ليه
سجده بضحك : تقمص الدور روح انت الاول وروح علي مكتبك... وانا هدخل اقدم علي وظيفتي ونعمل المقابله
فهد: شكلنا هنتعب اوي بس كله علشانك يهون
سجده: طب ادخل
فهد بيدخل علي الشركه وهو مبتسم والموظفين بيستغربوا لانو دايما بيدخل بعصبيه
وبعدين سجده بتروح لموظفة الاستقبال
سجده: السلام عليكم
الموظفه باحترام: وعليكم السلام
اتفضلي يافندم فهد باشا لسه داخل علي مكتبه
سجدة: انا عايزه اقدم علي وظيفه
الموظفه باستغراب وبتقول في سرها: الشركات شركات جوزها وجايه تقدم علي وظيفه
سجده: يا انسه
الموظفه: معاكي يا فندم.... استاذ فهد لسه داخل المكتب اتفضلي وبتاخدها وبتروح تخبط علي الباب
فهد: ادخل
الموظفه: الاستاذه جايه تقدم علي وظيفه
فهد: تمام اتفضلي ادخلي..... وانتي اتفضلي يانغم
الموظفه بتطلع وهيا مستغربه
&&&&&&&&&&&&&&&&&&&&&
فهد بضحك: الموظفه اتجننت يابنتي
سجده بجدية: السلام عليكم
فهد: وعليكم السلام
سجده: انا جايه اقدم علي وظيفه
فهد بعيون مليانه حب: اسمك ايه
سجده بتلاحظه : ركز في شغلك ي استاذ...و اسمي سجده
فهد:حاضر..... السيفي بتاعك فين
سجده: اتفضل
فهد: اتفضلي اقعدي
سجده بتقعد علي الكرسي.... وفهد بيقرا السيفي
فهد: معاكي كام لغه
سجده: اربعه انجليزي وفرنساوي والماني وتركي
فهد: تمام تقدري تشتغلي من انهارده و... مكتبك الي جنبي علي طول
سجده: شكرا وبتطلع تروح مكتبها
فهد بيضحك وبيقول: حتي لو بنتعرف من جديد مش هبعدك عني بردو
&&&&&&&&&&&&&&&&&&&&&
بيعدي فترة وسجده بتشتغل علي الملف الي فهد اداهولها بجديه.. وبعد مبتخلص بتروح تخبط علي مكتب فهد
فهد: ادخل
سجده: اتفضل... الملف
فهد بيقوم من علي الكرسي.... وبيقعد علي المكتب وبياخد الملف منها وبيشوفه فهد بيشد سجده عليه
فهد: ايه الحلاوة دي
سجده: حلاوة ايه
فهد: الملف حلو اوي
سجده: اه
وفجاة الوظفه بتفتح الباب سجده بتبعد عن فهد
الموظفه: اسفه وبتكون لسه هتخرج
فهد: استني يانغم.... كنتي عايزه ايه
نغم: شركة Wr اتصلو صاحبها عايز يقابل حضرتك
فهد: ماشي يا نغم بكره ان شاء الله
نغم: تمام يا فندم وبتخرج
سجده: عاجبك الاحراج... الي احنا فيه ده
فهد: مراتي.... يعني براحتي
سجده: احنا في الشركه وانا هنا موظفه
فهد: بس مراتي
سجده: ايوه عليك عنيد
فهد: مش اعند منك يعني
سجده: ماشي يافهد وبتكون طالعه بتلاقي فهد بيقولها: ايه العصبيه دي انا عمري ما كنت عصبي كده
سجده: بجد
فهد: الحق ولا ابن عمه
سجده: الحق
فهد بضحك: خلاص نقول ابن عمه
سجده: بطل هزار
فهد: انا عصبي شويتين... بس
سجده: احلي عصبي في الدنيا.... وبتطلع جري علي مكتبها
فهد: يعني يوم متقولي كلمتين عدلين تطلعي تجري مش هحلك لما نروح
&&&&&&&&&&&&&&&&&&&&
فهد وسجده.... بيرجعوا البيت وبيطلعوا علي الاوضه
فهد بيشد سجده عليه وبيقولها : انا عصبي
سجده: اه بس عصبي.... جميل جدا
فهد بضحكه : وانتي اجمل بنوته
سجده: طب ايه مش هننزل علي الغدا
فهد: اكيد هننزل
وفهد بيكون نازل عل السلم.... وبيشوف اخر شخص كان ممكن يتوقع انو يشوفوا
ياتري فهد شاف مين؟؟؟؟
يارب البارت ده يكون عجب الناس الي كرهت فهد.. ومتقلقوش هتحبوه الفصول الجايه
#اسيرة_الوحش
فهد بيكون نازل علي السلم هو وسجده وسجده بتشوف ابوها... بيدب في قلبها الرعب.. وبتمسك في فهد وبتستخبي فيه
فهد بهدوء: اهدي يسجده متخافيش
سجده بدموع: انا خايفه يفهد.. متسبنيش ارجع معاه انا مش هرجع معاه تاني وبتطلع تجري علي فوق..
حامد بعيون مليها الندم:انا جاي اعتذر لسجده وعرفت غلطي سجده دي جوهره وياحظك بيها رغم ان امها سابتها..... وهيا عندها 15 سنه الا انها كانت مربياها احسن تربيه
فهد : مش محتاجك تقولي انها متربيه لان انا متاكد مليون في الميه من اخلقها لان الست الي ربتها محترمه
حامد بندم: انا عايزها تقبل اعتذاري....انا غلط كتير في حقها
فهد: طب الكلام ده قوله لحد غيري.. مش عارفك
حامد بخزي ووجع: والله انا مش بكدب.. انا اب موجوع.. سجده عمرها محست بحناني... انا طول عمري كنت قاسي عليها وبظلمها
فهد هو مصدقه نوعا ما: دي حاجه ترجعلها... بس اقسم بالله لو اذيت سجده بحاجه..همخيك من علي وش الارض
حامد: كنت بستسمحك نادية...... مراتي طلع عندها ورم علي المخ ومحتاجه فلوس العملية ارجوك ياباشا احب علي ايدك هتموت من ايدي
فهد: قول كده بقي انت جاي علشان تاخد فلوس تتسرمح بيها
حامد بصدق: لا والله يباشا.. متدنيش الفلو سفي ايدي.. انت ممكن تدفعها علي المستشفي علطول
فهد: متقلقش فلوس العمليه هتكون معاك وانت ماشي..... انا هطلع لسجده...... الفلوس امر مفروغ منه خلاص انما انها تسمحك دي حاجه مش بايديا
&&&&&&&&&&&&&&&&&&&&&
فهد بيطلع لسجده الاوضه بيلقيها قاعدة علي السرير ومكورة نفسها وبتعيط بيجري عليها...وبيضمها وبيقولها: اهدي ياسجده متخافيش... انتي خايفه من ايه وانا معاكي
سجده بدموع غزيره : هتسيبه ياخدني يافهد
فهد بحنية يده : اولا دموعك دي مش عايزه اشوفها لاني مبستحملش اشوفك بتعيطي... ثانيا انا متخلتش عنك في الاول.... هتخلي عندك دلوقت وهو اصلا مش جاي ياخدك
سجده بتمسح دموعها بطفولة: اومال عايز ايه
فهد: مراته طلع عندها .... ورم علي المخ ومحتاجه عمليه وهو طالب انك تسمحيه ودي حاجه ترجعلك
سجده بطيبه: ساعدها يافهد ارجوك واديلو فلوس العمليه
فهد: اكيد هساعدها ياسجده... بس بقي هل انت مسامحاه
سجده بحنيه: مسمحاه.... يافهد خلاص
فهد وهو بيحاول يخفف عنها: بقي تشكي ان اناهسيبك لو الدنيا دي كلها اتخلت عنك عمري معملها يسجده... وبياخدها وبينزل علشان تشوف ابوها
&&&&&&&&&&&&&&&&&&&&&
سجده بتنزل وهيا ايدها في ايد فهد... بعد كده بتسيب ايده وبتتجه ناحيه ابوها.. وابوها بيفتح لها درعاتو.... سجده بتبص لفهد.. وهو بيهز راسه بمعني روحيله.... وبتحضن ابوها ولاول مره.. بتحس بحنانه وبتفضل متشبسه في جامد
خامد بيبوس راسها وبيتكلم بدموع: انا اسف ينور عيني... حقك عليا... معرفتش قيمتك غير لما سبتيني ومشيتي
سجده بدموع مماثله:مسمحاك يبابا..انت بس كان نفسي طول عمري ... احس. بحنانك عليا.... ولاول مره احسه...
حامد: ربنا يهنيكي يحبيبة قلبي.... وربنا عوضك بفهد باشا... ربنا يباركلك فيه
سجده بتبص لفهد بحب وبتقول: يارب
فهد بيدي الفلوس لحامد وبيقولوا: فلوس العملية اهي..... وياريت يكون كلامك بجد وانو انت ندمان بجد
حامد: الله يباركلك يباشاوبيمشي.. وسجده بتودعع
الجد: انافرحان بيك ياولدي.... وبطيبه قلبك
فهد: تربيتك ياجدي
وبيطلع هو وسجده فوق وبيقولها: مش قولتلك هعزمك... علي مكاني المفضل
سجده: اه
فهد: طب يلا اجهزي هنروح
سجده بحماس: دلوقت الله.... فوريرة هتلاقيني جاهزه
فهد بضحك: ماشي
بتلبس سجده فستان وردي بسيط وفضفاض وعليه طرحه بيضه وجزمه بيضه بكعب وفهد بيلبس طقم كلاسيكي جميل
فهد: طالعه زي الاميرات
سجده بتروح عليه وبتبوسه من خده : وانت اميري
&&&&&&&&&&&&&&&&&&&&&
بعد فترة بيوصل لسجده لمكان جميل وهادي ومش موجودفي.... حد وبيدخلوا كوخ صغير وجميل
سجده بفرحه: ايه الجمال ده يافهدي
فهد: قولتلك ده مكاني المفضل وعمر محد دخله غيرك ولا حد هيدخله
وبيمسك ايدها وبيمشي بيها لغاية مبتوصل لتربيزة وعليها شموع بيشدلها كرسي وبيقعدها وبيقعد في الكرسي الي في وشها
فهد بيمد ايده ليها وبيقولها: انا فهد
سجده بابتسامتها الي بتسحر قلبه: وانا سجده وبتمدلها ايده
فهد: ايه هوايتك
سجده: القراءة وكتابة القصص والرسم وانت ايه
فهد: الرياضه وركوب الخيل
سجده: مشروبك المفضل
فهد:عصير المانجا وانتي
سجده: المانجا برضه
فهد: اكلتك المفضله
سجده: مكرونه وبانيه وانت
فهد: فراخ مشويه
سجده: نوع الافلام الي بتحب تسمعها
فهد: رعب واكشن
سجده: انا الكوميدي والدرامي
فهد: هيا بنا الي العشاء يا اميرتي
سجده بابتسامة: هيا بنا
وبيروحوا لتربيزة مجهزة بالاطعمه المختلفه وبيقعدوا ياكلوا وبعدين بيخلصوا الاكل وسة بتكون في قمة سعادتها
فهد: تقبلي بالرقصه دي يااميرتي
سجده: اكيد موافقه.... وبيرقصوا سلو
فهد وهو حضنها كانها هتهرب منه بيقولها بعشق: انا عاشق لاول مره
سجده بحب وقلبها يتراقص من الفرحه : وانا عاشقه للمرة الاولي والاخيرة
بيخلصوا الرقصه..... وبيكون اليوم مليان بالسعادة والليل بيجي
سجده: يلا بقي اتاخرنا
فهد: لاء اليوم كله هنا لوحدنا بعيد عن العالم بيعدي اليوم وسط الضحك والمرح بين سجده وفهد وبيكونوا قاعدين بيلعبوا مع بعض سجده بتنام فهد بياخدها في حضنه وبيناموا الاتنين
&&&&&&&&&&&&&&&&&&&&
فهد بيكون نايم و سجده... قاعده جنبه وبتمشي شعرها علي وشه علشان يفوق
سجده: فوق بقي.... كل ده نوم ورانا شغل
فهد بابتسامه : لو عليا مش عايز امشي من هنا وعايز افضل..... انا وانتي لوحدنا دايما
سجده: وانا كمان.... بس مشاغل الحياة بقي
فهد بضحك: طب اقوم انا بقي علشان مشاغل الحياة يبيجهزوا فهد بيكون واقف قدام المراية وبيسرح شعره سجده بتقولوا : فهد
فهد: نعم
سجده: وريني المشط كده
فهد باستغراب: ليه
سجده: وريني بس
فهد: اتفضلي يابنوتي
سجده بتروح عليه وبترفع نفسها علشان تطوله
فهد بيجي شيلها
سجده بتتكسف وبتقوله: نزلني انا طايله
فهد: مهو واضح بتسكت... وبتسرحله شعره وبعد مبتخلص بتقوله: خلاص... خلصت فهد بيبوسها وبينزلها وبيقولها: شكرا يا بنوتي
سجده : كده بقيت اميري فعلا
فهد: هكونلك احسن...... وافضل امير
&&&&&&&&&&&&&&&&&&&&&
بتعدي الايام وفهد مبيسبش سجده.... ابدا بتكون معاه في الشركة وفي البيت وطبعا بيشاكسها دايما وهيا بتجننه بحركاتها الطفولية.... وبيتعرفوا علي بعض اكتر والشغل بقو بيشتركوا فيه وحياتهم سعيدة وفي يوم سجده بتكون في المطبخ هيا وحور وبيعملوا بيتزا وسجده بيكون منظرها مضحك جدا والدقيق علي وشها
فهد بيدخل المطبخ ومبيقدرش يمسك نفسه من الضحك
سجده بتذمر: بتضحك علي ايه
فهد بتمثيل الخوف : لا ولا حاجه يباشا
سجده بغضب طفيف: اناغلطانه انو انا عايزه ادوقك بيتزا من ايدي
فهد: طولي بالك بس.... وبيروح يشيلها وبيقعدها علي الرخامه
حور بتتحرج وبتقول: طب هطلع انا بقي اشوف التليفون
فهد: ماشي
سجده: يا واطيه بعتيني
فهد: اي الحلاوة دي
سجده: بجد شكلي حلو ومره واحده بتكون ملت ايدها دقيق من الي جنبها.... وحطته علي وش فهد
سجده بضحك: كده بقينا احنا الاتنين حلوين صح
فهد بيتوه في ضحكتها وبيوقلها : لو هكون بحلوتك دي يبقي انا موافق
سجده بحذر: انت اكيد بتفكر تعمل حاجه لانك مخادع طب ثانيه واحده البيتزا... هتتحرق هشوفها وبتشوف البيتزا... وبتطفي النار عليها
سجده: ناولني السكينه دي كده
فهد: فين
سجده: اهي عندك بيلف وشه يجيبها... وهيا بتطلع تجري علي بره بعد مبتنضف هدومها من الدقيق
فهد: يخرب بيت حركاتك الي بتجنني دي وبيطلع وراها
ييلقيها قاعده جنب جده
فهد: قومي هاتي البيتزا
سجده بتفهم انو بيقولها كده علشان يمسكها وبيلقي حور جايه من وراه بالبيتزا
فهد في نفسه: هو ده وقتك ياحور
حور: اتفضلوا البيتزا من عمايل الشيف سجده
العيلة كلها بتاكل منها
ميرنا: احلي بيتزا من احلي سجده
سجده: بالهنا والشفا ياحبيبتي
مراد: بجد بجد براڤو عليكي
سجده: تسلم يا ميرو
سجده بتقول لفهد بمشاكسه: ايه رايك في البيتزا يافهود
فهد بيبصلها : احلي بيتزا.... اكلها في حياتي
سجده: بالهنا...... علشان تعرف انو انت متجوز اشطر شيف
فهد: طبعا وبتفضل العيلة قاعدين مع بعض في اجواء عائلية مرحه
&&&&&&&&&&&&&&&&&&&&&
تاني يوم سجده بتكون واقفه في الجنينه وسط الزرع وفجاة بتلاقي الي بيغمي وشها وبيسحبها للخارج بيحط علي بوقها لزقه وبيركبها العربيه وبيتحرك.. وبيشد اللزقه الي علي بوقها
سجده بصراخ انت مين... وعايز مني ايه.. سيبني احسنلك... اقسم بالله حوزي لو عرف هيطلع عينك...انت متعرفوش وبتتكلم وفكره انها هتخوفه دا دراكولا.. ومتاكده انو هيجي ينقذني وهيفعصك تحت ايده... سبني باحترام والله هيموت وهيسجنك دا ان طلعت من تحت ايده عايش
وبتفضل تصرخ وتتكلم لغاية ما الشخص بيوقف العربيه وبينزلها وبياخدها لمكان بعيد وبيشيل الربطه من علي عينها... وبينفجر من الضحك
سجده بصدمه: انت
فهد: ايه السيناريو العظيم ظه
سجده بتضربه في كتفه بايدها الصغيره: انت ازاي تعمل كده يفهد خوفتني
فهد: كل ده وخوفتي
سجده: اه خوفت
فهد: انا دراكولا
سجده: كنت بقول كده علشان اخوف الشخص الي خطفني
فهد: لا بس عندك ثقه فيا اهو
سجده بثقه: انا كنت متاكده انك هتنقذني... حتي لو روحت اخر مكان في العالم ولو اتخطفت عمرك مهتسبني، وبعدين ايه الي جابنا هنا تاني وبتبص علي الكوخ
فهد: ثانية واحده وهتعرفي كل حاجه... وبيشدها من ايدها وبيدخلها اوضه داخل الكوخ وبتلاقي عبي السرير علبه كبيره بتفتحها بتلاقي فيها فستان باللون الاحمر..... ومعاه هيلز باللون الاسود وكسسوارات
سجده: واو
فهد: كنت متاكد انو هيعجبك
&&&&&&&&&&&&&&&&&&&&&
سجده بتلبس الفستان بس السوسته بتعلق معاه فهد بيدخل وبينصدم من الي واقفه قدامه بجمالها الاخاذ ترتدي فستان كانه مصمم خصيصا لها.... وتطلق لشعرها العنان لينسدل فوق ظهرها... وتضع القليل جدا من مساحيق التجميل...
سجده: اقفلي بقي..... فهد بيقرب منها وهيا بتشعر بانفاسه تتخبط جسدها وبتشعر بالتوتر وفهد بيبدا يقفلها السوسته ويستنشق رائحتها الجذابه
فهد: خلاص قفلتها اهو
سجده بتلف وشها ليه: شكرا يفهدي
فهد بعيون مليانه اعجاب: الفستان يجنن عليكي... حرفيا تحفه
سجده بكسوف: شكرا
فهد: دا اخرك في الكلام الحلو
سجده بتتمايل عليه بدلع لاول مره فهد يشوفه وبتبدا تظبطله كارفتت البدله فكان فهد يرتدي بدله باللون الاسود.. وكان يبدو شديد الوسامه.... كان الاثنان واقفان وكانهم.... طالعين القصص الخياليه وبترف سجده : كده شكلك احلي ي اميري.... وانت علطول حلو طبعا... وبتبوسه بوسه رقيقه
فهد بابتسامه: ما احنا طلعنا حلوين اهو.. وبنعرف نتدلع
سجده بضحك: اومال انت فاكر ايه
فهد بيمسكها من ايدها... وبيتحركوا علي بره...وسجده بتكون واقف مستغربه.. طبعا كل ده محدش شايفهم لان الكوخ في مكان بعيد.... ومغطي
فجاة سجده بتلاقي ضوء في السما وبعدين بتلاقي قلب مكتوب فيه seni seviyorum sajda(انا احبك سجده)
سجده بفرحه شديده وبتحس انها طايره: تحفهه.... تحفه بجد ايه الجمال ده.. وعيونها بتدمع
فهد بيقرب منها وبيمسك ايدها وبيقول ... انهارده مش يوم دموع
سجده: دي دموع فرحه
فهد بيقبل ايدها.... والانوار بتتسلط في المكان الي واقفين فيه والورد بينزل فوقيهم بطريقه احترافيه
سجده: كل ده علشاني
فهد بحب: طبعا.. لو مش علشانك هيكون علشان مين
بتكون واقفه الفرحه لاتسع اجنحتها وبتلاقي قلب حولين رجلها منور وفهد بيقولها بحب: انا بحبك.... ي اغلي انسانه في حياتي
سجده بحب مماثل: وانا بحبك... يعوضي الغالي.... الاضاءة بتنطفي والاتنين بيرقصوا... وكل واحد فيهد سعيد كانه ملك الدنيا بيخلصوا الرقصه وفهد بينزل علي رجله بطريقه كلاسيكيه... وبيطلع خاتم فاخر من الالماس وبيقولها: تقبلي تتجوزيني يسجده..... تقبلي تكوني" نجمتي القطبيه "
سجده ضربات قلبها تعلو وتهبط من الفرحه ومش مصدقه الي هيا فيه وبتمد ايدها وبتقول: اقبل يسيد فهد
وبيلبسلها الخاتم.. وبيطلع خاتم رجالي من الفضه وبيديهولها تلبسهولو وهيا بتلبسهوله وبيشيلها وبيلف بيها... وبعد كده بيقعدها علي التربيزه وبياكلوا
سجده: اكلتي المفضله
فهد: اومال اليومين الي قضناهم تعارف دول كنا بنعمل فيهم ايه
سجده بعشق شديد وبتحاول تمسك دموعها:انا بجد محظوظه بيك يفهد.... انا بجد بحبك...
فهد: انا الي محظوظ بيكي.... ي حبيبة العمر والايام
سجده: قولي بقي اتعلمت تركي ازاي
فهد بضحك: تعرفي انا قعدت كام يوم علشان اتعلم الكلمه دي
سجده: انت الي عامل كل ده بنفسك
فهد: طبعا
سجده: وانا اقول طالع حلو ليه
فهد: تحفه علشان معموله ليكي ينجمتي
سجده: هو انا اميرتك... ولا بنوتك ولا نجمتك
فهد: كل دول.. بس نجمتي محببه الي قلبي لانك بصي فوق كده.. شايفه النجمه الي بتلمع دي
سجده: اه
فهد: انتي منوره حياتي زيها كده.. انا بالنسبالك ايه
سجده: انت اميري
فهد: ايه سبب اللقب
سجده: انا كنت بشوف في قصص الاميرات... بيجلهم امير.. وبينقذهم وبيث جنبهم...وبيغير حياتهم..وبيكون السند والداعم ... وانت بالنسبالي اجمل امير في الدنيا
فهد: هفضل اميرك الي بيحميكي من اي حاجه
سجده: وانا هفضل نجمتك الي منوره حياتك
&&&&&&&&&&&&&&&&&&&&&
في الصباح... فهد بيصحي بيلاقي حمل عليه... بيلاقيها سجده بيبوس جبينها وبيقولها هفضل جنبك طول العمر يحبيبتي... وبينيمها برفق علي السرير وبيقوم يجهز نفسه... سجده بتقوم بتلاقي فهد طالع من الحمام وجهز
سجده: الساعه كام
فهد: عشره
سجده بتنط من علي السرير: هنتاخر. علي الشركه
فهد: اجازه انهارده
سجده: ليا
فهد: ليا وليكي
سجده: تمام وبتقوم تجهز نفسها وبتصلي طبعا.. وبتكون واقفه قدام المرايه تظبط حجابها فهد بيقرب منها
سجده: في ايه
فهد: شعرايه بره الحجاب
سجده: مشوفتهاش
فهد: تمام وبيظبطلها حجابها وبيركبوا العربيه وبيمشوا
&&&&&&&&&&&&&&&&&&&&&
بيدخلوا البيت سجده بتلاقي الحد قاعد بتتجه ناحيته وبتبوسه وبتقوله: عامل ايه يجدو
الجد: الحمد لله يقلب جدك
سجده: اخدت العلاج
الجد: ايوا وانا اقدر مخدهوش
سجده: اشطر جدو
الجد: كنتوا في الكوخ صح
سجده: صح
الجد: تعرفي ان مفيش حد دخل الكوخ دا غيرك.. ودا يدل ان حفيدي بيحبك قوي
فهد بيبص لسجده وبيبتسم: اوي اوي يجدي
سجده: بس ع فكره كان خاطفني
فهد: انا
سجده: بس احلي خطفه
فهد: لحقتي نفسك
الجد: عندي ليك خبر حلو... مالك ابن عمك رجع من السفر وطلع اوضته يريح
فهد: بجد.. لسه فاكر يرجع بعد السنين كلها.. لما نشوفه
فهد من خلفه: وانا اهو ياابن عمي وبيروح عليه يحضنه وفهد بيبادله الحضن بود
مالك: وحشتني
فهد: انت اكتر يغالي.. ايه الغيبه دي
مالك: يلا بقي... انا اسمعت انم اتجوزت وانها بنت عمتي جميله وبيمد ايده يسلم علي سجده... فهد بيمدله ايده وبيقول: سلامك وصل
مالك: يبني دا سلام عادي
فهد بغيره: مشي حالك... ولا ضرب زمان وحشك
مالك بضحك: لا وعلي ايه الطيب احسن
&&&&&&&&&&&&&&&&&&&&&
بتكون العيله متجمعين علي الغدا وفهد بيقول: عندي ليكو خبر حلو
الجد: فرحني يولدي
فهد: طبعا كلكم عارفين ان انا وسجده اتجوزنا بسرعه وكده.. فعلشان كده قررنا نعيد جوازنا تاني
الجد بفرحه: مبارك يولدي ربنا يفرحكمويجبر بخاطركم يارب
فهد: الله يبارك فيكي يجدي... وباقي العيله بيهنوه
حمديه بحقد: مبروك يفهد
فهد: الله يباركلك يمرات عمي
وسجده بتكون سامعه التهاني ومش مصدقه وفرحانه..
سليم: علي بركه الله يولدي.. يومين كده ونعمل حفلة الخطوبه
فهد: حلو يوالدي بعد يومين كويس خالص
&&&&&&&&&&&&&&&&&&&&&
عند حمديه في الاوضه
حمديه بشر: انت هتسكت عن الي بيحصل ده... لو انت هتسكت انا مش هسكت
مالك بغل: متقلقيش يما.. انا راجع مخصوص علشان حق اختي.. غير كده مش عايز اشوف خلقتهم.... قبل الخطوبه بتاعتهم متم ي هوا يمراته هيكونوا في القبر
&&&&&&&&&&&&&&&&&&&&&
فهد بيدخل المكتب وبيلاقي ورقه بيمسكها وبيقراها وبينصدم من الي مكتوب فيها... وبيهبد الكرسي يوقعه في الارض وووووو
ياتري فهد شاف ايه في الورقه؟؟!!
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق