رواية البلطجي الفصل التاسع والثلاثون 39بقلم ولاء حامد حصريه في مدونة قصر الروايات
رواية البلطجي الفصل التاسع والثلاثون 39بقلم ولاء حامد حصريه في مدونة قصر الروايات
البارت التاسع والثلاثون
اتفتح الباب والكل عينه عليه
دخل هارون بهيبه وثقه وثبات داخل فارد طوله وجمبه حسام ووراهم هنا وجنا
رافت بص باستغراب وذهول على حسام وهمس لنفسه سبحان الله كاني شايف احمد اخويا الله يرحمه قدامي بشحمه ولحمه قدامي صحيح اللي خلف مماتش
دلال ميلت على رافت وشاورت على هنا بصباعهاهي دي هنا
رافت هز راسه اه هي هنا لان اللي جنبها صغيره قوي
دلال سبحان الله ده كان الزمن بيعيد نفسه كاني شايفه صابره قدامي في شبابها
رافت هز راسه وفعلا نقل عينيه ما بين حسام وهنا وافتكر صوره صابره واحمد وهم واقفين نفس الوقفه دي قدامه وابتسم ابتسامه بسيطه ذكرى من الايام الخوالي اللي عدت
اول واحد اتحرك من مكان ورفعت بترحاب وهو مادد ايده يا خطوه عزيزه هارون نورت بيتك ومطرحك
هارون تجاهل ايده وربع الايد الاثنين ورا ظهره بحركه لا مبالاه وصلها للكل وقدر يقروها ويعرفوها كويس قوي
رفعت بعتاب مبطن ايه يا هارون مش هتسلم على عمك
هارون رفع راسه بكبرياء وغرور والله انت طلبت مجيتي وانا جيت فمفيش مجال عندي للسلام والقيل والقال خير هات اللي عندك من الاخر ومن غير رغي فاضي اللي هيقدم ولا هياخر ولا هيودي ولا هيجيب ولا هيزيد حاجه
رفعت بلوع و لعب بالكلام من على الباب كده داه حتى عيبه في حقي وحقك ده انت ابن اصول
هارون بمكر والله انت جيت وقولت عندك عرض وانا جيت اسمع لان السوق عرض وطلب
رفعت بحرج حفظا لماء الوجه طب ده حتى عيب يا هارون انت في بيت عمك تاخد واجب ضيافتك وتقعد وناكل لقمه علشان يبقى عيش وملح وبعدين نقعد ونتكلم على رواقه
هارون بنبره مبطنه بالسخريه والله لو كنت صونت العيش والملح مع احمد المالكي الله يرحمه يبقى هتصونه مع هارون احمد المالكي فيا ريت تنجز لان زي ما انت عارف انا وقتي غالي وغالي قوي كمان الدقيقه فيه بفلوسmoney
رقيه بحده لسه زي ما انتا يا هارون جبروت لا اتغيرت ولا اتهديت
هارون ببرود الشر بره وبعيد ربنا ما يجيبش هده واتهد ليه الهده دي بتيجي على الجبابره مش على الناس الطيبين يا ناس يا وكمل بتهكم وضحكه سخريه طيبين
رقيه بزعيق قصدك ايه
هارون قلبلها شفايفه والله اللي على راسه بطحه
رافت بتدخل اظن يا باشمهندس هارون احنا اكبر من ان احنا نقف لبعض بالشكل داه ونلقح على بعض بالكلام
هارون بصراحه عندك حق من ناحيه اكبر فانا اكبر من كده بكتير بس برده بحب دي اعرف كل واحد حجمه وعرفوا وائمه ومقامه عندي ايه
في ظل الصراع القائم بينهم وقفت رهف بصدمه وعنيها مبرقه وثابته عليه Oh, my God Oh, my God
مش قادره أصدق بجد يا مامي معقول داه
دريه: في ايه يا رهف بتكلمي نفسك ليه من ساعت ما الولد داه دخل
رهف مش قادره أصدق
دريه ليه :طبعا محدش يتخيل ان الأشكال اللوكل دي تدخل عندنا
رهف نو يا مامي فاكره الشاب بتاع خناقه النادي
دريه بترقب: ايوه ماله
رهف يبقى هارون ابن عمي انا مش قادره أصدق انا كده عرفت هاعمل ايه
دريه بصتلها بخبث موازي وابتسمت بشر
رافت شاورلو بايده طيب اتفضل يا باشمهندس نقعد ونتكلم كده عيب ومش اصول
هارون اتحرك وملامح السخريه على وشه وقاعد على اول كنبه قابلته في الليفنج وادي قعده
قاعده هارون فرد ضهره وقعد جنب منه هنا اللي مسكت ايدين اخوها بخوف ورعب من نظرات الغل اللي مصوبه ناحيتها من رقيه
وقعد في الكنبه اللي جنبه حسام اللي خد جنى تحت دراعه وعنيه ثابته عليهم كلهم وكانه بيثبت حمايته لاخواته هو وهارون
وملامح الاربعه بتنطق بالكره الخالص ليهم
اما عن الابناء فدول حكايه لوحدهم قاعدين مترقبين كل السلامات اللي قدامهم وتهكم مالي ملامح الكل وعدم الاقتناع كان هو المسيطر
هارون رفع راسه بشموخ لرفعت طلبتيني وجيت وقعدت تقولي حق ومستحق وديني جبتهملك بربطه المعلم في ايدي اهم وانتالامم الاضيشك برده حواليك خير بقى نحكي في المهم احسن
رقيه بحده بصوت عالي ما تتكلم بادب يا ولد انت
هارون وهو ثابت بنفس كبرياء وغروره الواد ده كان زمان والله يرحم ايام زمان واللي فيها وشاور على نفسه ورفع راسه اللي قدامك ده الباشمهندس هارون اكبر مهندس في الشرق الاوسط اللي اسمه بيتهزله رجاله بشنبات ومنين ما يتقال بس اسمي بتتفتحلي جميع الابواب مهما ان كانت
رفعت بمودرات الكره اللي جوه والغيره والحقد اللي ما له قلبه وعمو عينيه حاول يلم الموضوع قبل ما يكبر ويفرط لجامه من ايده خلاص يا جماعه طيب يا ابني اسمع بقى الكلام المهم مدام انت طلبت نتكلم بدون مقدمات
هارون بحده انا اسمي الباشمهندس هارون مش ابنك وشاور على الرجاله اللي قاعدين انا ما اعرفش مين في الاضيشك دول يطلع ابنك فانا لكنت ولا هكون ابنك يا رفعت يا مالكي فما تشيلش الالقاب افضل للكل
رفعت بخنقه ماشي وكمل بكذة اسنان بشمهندس هارون بالمختصر المفيد انا عايز اديك حقك
هارون بص له ببرود معاك دفتر شيكاتك يا ترى هاتدفع شيك ولا كاش
رفعت بصدمه بالسهوله دي
هارون ببرود ايه الصعب اللي فيها ده حقي وبعد اكتر من 15 سنه راجع لي يبقى بالعقل كده ارفضه ليه وأصحاب الحق معايا اهم
رافت قاعد مستمع وبصص لرفعت بغموض وحاسس انه ناوي على حاجه وهيقول حاجه تقلب الموازين دلوقتي بس فضل الترقب والصمت
رفعت بمكر بس قبل اي حاجه انا ليا شروطي
ملامح السخريه اترسمت على وش هارون باتقان اللي هي ايه احب اسمعها
رفعت بجبروت وتحدي هنا هتتجوز سراج ابني اما جنى هتتجوز عادل ابن عمتك رقيه وحسام اخوك هيتجوز ميار بنت عمك رافت وانت هتتجوز رهف بنتي
هارون بصلهم كده كلهم وهما قاعدين جنب بعضهم مره واحده وانفجر في الضحك بطريقه هستيريه لدرجه ان عينيه دمعت
رفعت قام منطور في ايه بتضحك على ايه
رافت قطع الكلام قبل رد هارون انت اهبل يا رفعت جواز ايه ومش جواز ايه اظن انت قلتلي ان انت عايزهم عشان ترجعلهم حقهم
رفعت قعد مكانه حط رجل على رجله وكمل ببرود لا ومش بس كده هيتم كمان دمج شركات M H Mمع شركتنا
اخيرا هارون قدر يتملك نفسه بعد كام دقيقه قضاهم في الضحك ورفع ايده سوري سوري يا جماعه بجد اصل انتوا قولتوا نكته جامده قوي الصراحه هو انا بقالي زمان طويل مطحون في الشغل ومضحكتش بالشكل داه
رفعت بحده اتكلم جد يا ولد وبطل هزار واحترم اللي اكبر منك
هارون بحده ولد دي تقولها لابنك مش ليا ما انا سبقا وقولتلك اما احترام الكبير لما الكبير يحترم كلامك ابقى احترم الرد معلش لا مؤاخذه ادمج ايه مع ايه ومين يتجوز مين وشاور على رهف بقرف انا الباشمهندس هارون احمد اللي بنات مصر تتمنى اشاره مني اتجوز بنتك الصايعه اللي دايره على حل شعرها دي مدوره مخبرين ورا الرجاله وكمل بقرف يا رفعت يا مالكي ده بنتك بتغير الرجاله زي ما بتغير الشرابات اللي في رجليها ثم انا اصلا خاطب ده اول هام بالنسبه لتاني هام اخواتي دول خط احمر اللي يعديه يلاقي نفسه مشقوق نصين اما بالنسبه للغلط معايا دلوقتي فعامل زي الغلط مع القنبله الغلطه الاولى هي الغلطه الاخيره
رفعت بقلق بقى لا قصدك ايه معنى كلامك داه ايه يا ريت توضحه لان حسب علمي انك لا خاطب ولا متجوز
هارون لا خاطب وقاري فاتحه كمان منا مش مجير أعملك تقرير بخط سير حياتي ثم عايزني انا ادمج معاك شقى عمري اللي جاي تسرقه بالنصب تاني ليه هو حد قال لك ان انا برياله ومسح ايده بطريقه وهميه على بقه مسحتها من زمان من اكثر من 15 سنه من ساعه ما اتسرق مالنا واترمينا في الشوارع واتبهدلنا واتشردنا وامي ماتت وبصلهم بقرف يعني انتوا جايين لمين بعض بربطه المعلم وجايبيني عشان تنصبوا عليا من تحت لتحت بطريقه مبطنه
سراج قام وبيبصلهم باستغراب يعني ايه كلامك ده معلش ممكن توضحه
هارون الله وبصل لرفعت واحد من الاضيشك قام اهو وبص لسراج انت بقى محامي الدفاع بتاعهم
سراج هز راسه بنفي لا انا لا محامي الدفاع بتاعهم ولا ليا علاقه بحاجه انا حابب افهم لان احنا كلنا كده جايين القعده دي علشان نفهم وبص لابوه بحده اظن انت بعت جبتنا بعد سنتين غياب لما قلت ان انت هتديهم حقهم وبناء عليه لمينا بعض وجينا وادينا قاعدين بنسمع مهاترات ملهاش لازمه
تتكلم جد ودغري يا اما هناخد بعضنا ونرجع من مكان ما جينا
رافت حاول يحتوي الموقف اقعد يا سراج لما افهم دماغ ابوك الاول فيها ايه عشان شكل ابوك ناوي على حاجه ما حدش فاهمها لحد دلوقتي الا هو
وبص لرفعت بحده يا ريت تفهمنا كده بربطه المعلم دماغك دي فيها ايه وانت ناوي على ايه يا رفعت علشان الكلام كده خد سكه تانيه علشان انا مش عيل صغير مشيت وراك عمياني ورحت جبتهم ودلوقتي بدفع الثمن مشياني ورا كلامك عمياني كاني ما توبتش ومتعلمتش من اللي انت عملته قبل كده المره دي غير المره دي بفوره يا رفعت
هارون سقف بايديه بطريقه كوميديه كت هايل الشو داه يا فنان
بس ما اقنعنيش الاداء بصراحه برغم انه كان اقرب للواقع
سراج يا ريت من غير مهاترات وكثر كلام تفهمنا ايه اللي بيحصل احنا قاعدين كده كلنا عاملين زي كومه اغبيه محدش فاهم حاجه في حاجه
هارون اوكي افهمك انا شاور بايده على رفعت ورافت ورقيه البهوات خلاص شركتهم على شفا الافلاس وجالهم انذار بالحجز على كل ممتلكاتهم من البنك بعد ما خدوا قرض بضمان كل ما يملكه بمبالغ فلكيه ولحد دلوقتي لسه عاجزين عن انهم يسددوه وطبعا لما راحوا يتفاوضوا مع البنك ساعتها عرفوا صله القرابه اللي بينا
الكل بص لبعضه بصدمه وعدم تصديق من الكلام اللي بيقوله هارون وبصوا للرفعت ورافت بصدمه
هارون كمل بنفس نبره الحده وهو باصص لرفعت بثبات اصلك شكلك كده نسيت ان البنك اللي انت بتتعامل معاه هو نفسه البنك اللي انا بتعامل معاه وفيه اعتمادات شغلي كلها وحاجه زي كده ما بتستخباش ولا بتداري في السوق برغم انك بالأمانة عملت اللازم وزياده علشان تخبي وتداري بس اكيد مش عليا وغمزله بعينه ولا ايه اظن فاكرني بالغباء والسذاجه اللي تخليني أصدق انك جاي وفاتح درعاتك ليا وفاكرني مش هاعرف ان خلال ايام البنك هايعرض كل ممتلكات العيله الكريمه في المزاد العلني
الصمت كان حليف الكل ونظرات الغضب والكره والاستحقار مرسومه على ملامح البعض والخذى والخذلان على ملامح البعض الاخر
اول واحد قام منطور بصدمه هو سراج انت بتقول ايه
هارون بصله والله بقولك اللي حصل وتقدر مشوار بسيط لحد البنك تتاكد من كل كلمه ومعلومه انا قولتها وتشوف انا صادق ولا نوتي وكداب قالها بتريقه
سراج بص لابوه بصدمه واتكلم بصوت عالي انتوا ايه بالظبط
هارون قطعه لا وفي قرف اكتر من كده بكتير اوووي كمان وبص لرفعت وشاور على رقيه ودلال هو انت فاكر ان انت وجوز العقارب اللي معاك دول ان انا لسه الواد هارون بتاع زمان طيب ده حتى زمان وانا لسه عيل وعودي اخضر علمت عليك بدل المره اثنين الاولى لما دفنت امي غصب عن عينك جنب ابويا في قبره والثانيه لما اخذت هنا من حضنك غصب عنك بعد اللي عملته فينا وفيها من حباببي عينيك
رافت بعدم فهم هنا وايه علاقه هنا بيهم انت اصلا يا ابني من يوم ما اختفيت وما حدش عرفلكم اي طريق
هارون بتريقه يا راجل يا طيب يعني انت عايز تقنعني انك ما تعرفش ان اخواتك المبجلين رفعوا قضيه واخذوا هنا بحكم محكمه وشهر كامل 30 يوم ماعرفش عن اختي اي حاجه ولولا اني انا والمعلم جابر وبص لرفعت بكره جابر بتاع الباطنيه اظن فاكره ساعتها خطف عيالكم
سراج بعنين مبرقه وصوت باهت ايه
هارون اه اظن توعي على الموضوع ما انتا كنت شحط اكبر مني وشاور على نفسه بفخر انا اللي كنت ورا الموضوع لان هما شاور على رفعت ورقيه بقرف كانوا واخدين اختي وملامحه اتحولت في ثانيه لحزن ووجع خدت اختي وسنين وسنين وانا بجري على دكاتره بسبب اللي عملوه فيها شياطين الانس وكمل بملامح اجراميه اللي انت جاي وفارد قلوعك وعامل حمل حمى لابوك وامك اللي ما رحموش اخوهم وما اعتقوش مرات اخوهم وما سلمش من شرهم واذاهم عيال اخوهم سواء بنات او صبيان
رافت بصدمه ايه عملوا فيها ايه
هارون وماله اعرفك حلقولها شعرها وكولها جسمها وعذبوها لما جننوها وخدتها ميته بالحيا وهما كانو فص ملح وداب وانا اتلهيت في اختي سنين وسنين على دكاتره لما ربنا استجاب دعائي ورأف بحالي ورجعت لعقلها تاني ايه جايين كده بالساهل تاني تمد ايدكم وتكبشوا سرقت احمد وجه الدور دلوقتي على ابن احمد طيب احمد الله يرحمه كان راجل غلبان انعما اللي قدامك ده راجل تعبان ومش اي تعبان لا ده طريشه جبلي يعني لدعته والقبر ميلحقكش منها لا دكتور ولا تغيتك مستشفي متفوقش منها الا وانتا على خشبه حنوتي
وقف وصلب طوله وشاور الاخوات اللي ها وقفوا بدورهم وراه كانهم صف مرسوم بالملي واقفين بالمسطره واتحرك بخطوات ثابته واقفه عند باب الفيلا نتقابل يا رفعت يا ملكي في المزاد ووعد شرف مني ليك ولو انك ما تعرفش عن الشرف حاجه ان حق احمد وصبره راجع راجع وبايدي وهيبقى قدام عينك وعيني هتبقى في عينك وانا باخد كل ما تملك بعين قويه ومن غير بالاذن علشان المكان وسخ وانا بعيد عنك ما بعرفش اقعد في وساخه وزباله بص لاخواته
يلا بينا
مشيوا بهدوء منافي للعاصفه اللي سابوها وراهم
سراج ببوادر انهيار ايه القرف اللي انتوا فيه ده انتوا جنس ملتكم ايه شياطين ده انتوا لا بتخافوا رب ولا بتهابوا عبد
ده انتوا لا عملتوا حساب لا لدنيا ولا لدين ولا فكرتوا حتى في اخرتكم هتبقى ايه هو ده الحق اللي انتوا جايبينا عشانه وعلشان تتكلموا فيه ادينا سمعنا وساخات وهيافات وتفاهات وحقارات اكثر ما كنا بنستحقركم بمراحل
رافت شاور له بصدمه استنى انت يا سراج وبصلهم وكله الم ووجع انتم فعلا عملتوا كده في بنت اخوكم
رقيه بدفاع وهمي مبني على كذب لا طبعا ما حصلش ده بيتبلى علينا انت هتصدق عيل صايع زي ده يا رافت ولا ايه
رافت هز راسه بكره يعني انا لو رحت المحكمه وفتحت في الدفاتر القديمه مش هلاقي ان انتوا رفعتوا قضيه حضانه لان من كلامه بيقولوا ان انتوا خدتوها بحكم محكمه يعني كل الكلام ده اكيد مثبوت في ورق
رقيه بزعيق انت عايز ايه يا رافت بالظبط بتنبش في الماضي تاني ليه
رافت بوجع ما بنبش في الماضي انا عايزه اعرف الحقيقه الحقيقه اللي عشته طول عمري زي الاعمى مش فاهمها واكتشفت ان انا دلوقتي كنت اغبى بني ادم لما صدقتكم ومشيت وراكم
مهدي بقرف:انتا عايز تقنعني انك مكنتش تعرف ولا شريك معاهم منتوا طول عمركم في مركب واحده أساسها الشر
رافت بجنون اقسم بالله اقسم بالله اقسم بالله ما كنت اعرف وبصله بحرقه وامل : وحياتكم يا ابني وغلاوتكم عندي ما كنت اعرف انا كل اللي عرفته ساعتها انكم اتخطفتوا ودفعولكم ديه انا ممكن اوريك تواريخ وصور المحاضر اللي اتعملت بغيابكم امك كانت راقده بتموت من قهرتها عليكم وانا كنت بنزل من الصبح لبليل الف عليكم من شرق لغرب وموصي طوب الارض وكلمت كل الناس اللي اعرفها ورحت حتى للناس اللي ما اعرفهاش علشان بس اعرفلكم طريق ويطمن قلبي واعرف انتوا فين وفي الاخر هما اللي جابوكم وقالولي ساعتها ان انتوا كنتوا مخطوفين
ودفعولكم ديه
رافت بص لرفعت بحده ايه ما اكتفتش من الدنيا لسه عايز منها ايه ثاني مدام لسه الطمع مالي قلبك وعامي عينيك شيل الجمل بما حمل وانا خلعت ايدي من كل حاجه حتى حقي في الشركات مش عايزه وقرض البنك سدوه بمعرفتكم ولو ما سدتهوش مش فارق معايا الله الغني عنكم وعن مالكم
سراج هز راسه بحزن واتكلم بحرقه يا خساره يا خساره والف خساره عارف قلبي بيقولي انك هتفوق بس بعد فوات الاوان قوي في وقت الندم نفسه ما ينفعش وما هيفيدش بصلهم كلهم باستحقار وانسحبوا كلهم وطلعوا
رافت بص لدلال بصدمه وسابهم وطلع يجري ورا اولاده
مسك مهدي من ذراعه واتكلم بصدق والله العظيم يا ابني
ماكنتش اعرف
مهدي سحاب ذراع منه بوجع صدقني ما بقتش تفرق معايا مش هسمع اسواء من اللي سمعته ولا هعرف اصعب من اللي عرفته ولا هاعيش ايام اسود من اللي مرت وبتمر علينا كلنا بسببكم كلنا عايشين بندفع تمن ذنوب الماضي اللي محدش مننا كلنا للأسف ليه يد فيه غير اننا أولادكم وبس
انسحبوا كلهم ورجعوا تاني مكان ما جم بس للاسف بعظ ما اتقطع اخر امل ليهم كلهم
عربيه هارون كلهم ركبوا واتحرك بيهم شبل اطمن لما شافه وهارون اتكلوا بعينيه ان هو في امان
هنا بفضول انت جوه قولت ان انت خاطب خطبت امتى هو انت بتشتغلنا
ولا بتشتغلهم وقلت الكلمتين دول علشان تحرق دمهم
هارون وهو مركز في السواقه لا فعلا يا هناء انا خطبت مش بقول اي كلام وخلاص
هنا بصدمه ايه خطبت من غير ما تقول لنا ليه عدمت اهلك ولا مالكش اخوات و ناس تقولهم كنا هانكرهلك الفرح ولا هانستكتر عليك الخير ومش هانحبك تكون مبسوط
هارون بشخطه بااااس ايه بلاعه وطفحت الناس تسأل وتاخد وتدي بالعقل واحده واحده وانا اكيد لا هاخبي ولا هداري عليكم واكيد هاقولك
هنا بنفخه ماشي اديني اهو بسألك خطبت مين وأمته
هارون بكزة سنان منا قايلك قبل سابق صدفه
هنا بغيظ من بروده ماشي عرفنا انها ست صدفه هانم أمته بقى واحنا معندناش خبر ليه آخر من يعلم
هارون ابتسم وهو بيتفكر اللي حصل
فلاش باك
حمدان بخوف من هيئه هارون هز راسه موافق موافق
هارون نفض ايه ورجع مكانه حط رجل على رجل قولي بقى حافظ الفاتحه ولا اللي زيك ميعرفهاش اساسا
شبل بتريقه: ياعم فكك اللي زي داه ميعرفش حاجه عن الدين غير انها مكتوباله في البطاقه بالوراثه
هارون طيب الحل مهو لازم حد يبقى حاضر
شبل بصوت عالي يا خالتي ام صدفه يا حاجه زهره
دخلت زهره بلهفه وخوف: خير يا معلم شبل
شبل بإبتسامه حافظه الفاتحه
زهره بصدمه ها
شبل بقولك حافظه الفاتحه
زهره بصتلهم بغباء ايوه يا معلم ليه
شبل بفرحه طيب سمعينا الفاتحه للنبي وبعدها ارقعي الزغروطه اللي تسمع الباطنيه من شرق لغرب
زهره وهي بتبصلهم بغباء ليه في ايه
شبل وهو بيخبط على ضهر هارون البشمهندس هارون المعلم هارون كبير الوراق قرايه فاتحته على بنتك دلوقتي
زهره بشهقه:ها صدفه وهي فين دي في الكليه دي لسه بره مجاتش
شبل لا الموضوع داه بقى عليكي انتي تبقى تبلغيهولها
زهره بصت لحمدان بخوف
شبل بتحدي اقري اقري يا وليه الراجل داه انا اضمنه برقبتي وابقى قولي لبنتك البشمهندس هارون هي تعرفه مهما بيشتغلوا مع بعض
زهره بصتلهم بفرحه ورفعوا الكل ايديهم بما فيهم حمدان بخوف
قروا الفاتحه ومع اخر كلمه زهره زغرطت من قلبها بفرحه مره واتنين وتلاته
قام شبل ومعاه هارون
حمدان قام بغيظ وقبل ما يقرب من زهره هارون اتلفتله بشر افتكر اني يوم ما اسمع اي حاجه مست طرف صدفه ولا امها ولا اخواتها مش هاتلحق تفكر علشان بس تستوعب اللي هايجرالك فاهم
حمدان هز راسه بخوف فاهم يا معلم فاهم
انسحبوا من سكات
نهايه الفلاش باك
هنا يالهوي عليك خطبت البت من غير علمها يا قادر
هارون مكانش عندي حل وان شاء الله كام يوم اظبط اموري ونروح نتفق على كل حاجه وانتوا معايا
حسام مبارك عليك يا هارون واكيد هانبقى معاك
هارون اكيد دانتوا عزي وعزوتي
تليفونه رن
هارون رد بسرعه
شبل انا في الطريق المقابل
هارون نزل الازاز وبصله وابتسم
هنا بإستغراب وبصت مكان نظر اخوها مين داه
هارون دول رجاله كنت جايبهم حمايه
حسام بعدم اقتناع بقى المعلم هارون عايز حمايه ازاي وانتا كنت بتحمي منطقه كامله باللي فيها
هارون مش عشاني عشانكم انا في منطقتي وسط رجالتي وعزوتي انما هنا انا داخل حجر افاعي برجليا وكان لازم اامن الدنيا من اي غدر لان اللي احنا كنا عندهم دول الغدر بذات نفسه يخاف منهم علشان كده كان لازم اطمن عليكم قبل مني لأنكم نقطه ضعفي الوحيده ومش هجازف بيكم والكتره تغلب الشجاعه ولا ايه
الكل هز راسه بإقتناع
صدفه وهي قاعده في الكليه شارده وعنيها باصه للفراغ
فريده جات من وراها وحطت ايديها على كتفها الجميل بقاله كام يوم سرحان ليه
صدقه بإنتباه ها بتقولي حاجه
فريده بإستغراب قعدت جمبها مالك يا صدفه حالك مقلوب ليه
صدفه بتنهيده وكأنها نار طالع من جواها
فريده يا ساتر يارب خير يا بنتي ايه النار اللي طالعه مع النفخه دي في ايه عمك عملك حاجه تاني
صدفه بهزة راس تؤ
فريده اومال ايه
صدفه محتاره
فريده من ايه طول عمرك بتشاركيني كل حاجه ايه اللي حصل يا قلبي
صدفه حصل حاجه غريبه
فريده اتعدلت في قعدتها خير ايه اللي حصل
صدفه
فلاش باك
صدفه لسه داخله البيت لقيت امها مستنياها بالزغاريد والفرحه بتنط من عنيها
زهره بفرحه وهي بتزغرط: لولولولي
صدفه باستغراب في ايه ياما مالك فرحانه كده ليه هو حمدان طلقك وارتحنا منه ومن قرفه
زهره وهي بتحضن صدفه جامد لا ده ربنا نصرك ونصفك ده ربنا جبرك ده ربنا كتبلك السعد والوعد والهنا والمنى
صدفه وهي بتحاول تفهم بس بس اهدي فهميني فيه ايه فهميني كده يا وليه واحده واحده بدل ما انت واخداني على مشني على الحامي
زهره بفرحه اتخطبتي يا صدفه بس خطيبك ده حاجه ايه قيمه وسيما وطول بعرض بجمال بحلاوه وحسب ونسب ومال ما اقول لكيش كامل مكمل من كله وماكمل الا محمد
صدفه بعدم استوعاب عليه الصلاه والسلام مين دي
زهره بفرحه وهي بتشاور عليها انتي يا بنت انتي
صدفه بهبل ايوه انا انا اتخطبت مبروك مين بقى
زهره يا بنت ما تفوقي معايا فيه ايه هو انت شاربه من المدعوق اللي بيتدارداه عمك والمقطوع ابنه بقولك انتي اتخطبتي
صدفه تمام انا اتخطبت مين بقى العريس وسكتت ثواني لا اوعى تقولي الجعر اشرف ابن المقطوع حمدان
زهره لا اشرف اشرف مين يا بت ده حاجه كده اللهم بارك ايش جاب لي جاب مش بقولك ربنا نصفك كنتي تعالي شوفي حمدان اللي فارد قلوعه على النسوان كان قاعد قدامه زي الفرخه المبلوله عارفه يا بت
كان قاعد قدامه عامل زي العيل الصغير اللي عملها على روحه وخايف ان امه تشوفه ولا تعرف طب والنبي ومن نبا النبي نبي ده كان قاعد كاشش في روحه ولا البت اللي عامله عمله راجل كده صحيح يسلم زند اللي رباه يسلم الضهر اللي جابه والبطن اللي شالته عشان تجيب راجل زي ده
صدفه كل ده كويس ايوه يطلع مين بقى العريس اللي انت قاعده بقالك ساعه عماله تمدحي وتقولي في امه قصايد شعر ما بسمعهاش منك عليا
زهره وهي بتفرك في دماغها بتحاول تفتكر والنبي ما انا فاكره اسمه ايه بس هو جدع كده بيقولوا انك بتشتغلي معاه بس حاجه الشهاده لله يا صدفه اللهم بارك يالهووي يالهوووي يالهوووي يخزي العين عنه ده انا شكلي يا بت والله كنت داعيالك في ليله القدر ساعه استجابه ابواب السما السبعه كانت مفتوحه لدعوتي ربك اخدها من قلبي وقبلها ان ده يبقى من بختك ومن نصيبك
صدفه بديق ام الله يسترك انجزي كده علشان انا لحد دلوقتي واخده كلامك داه كله بصفه هزار
زهره والله يا بنت ما بهزر ده انا
بقولك الجد وبحكيلك اللي حصل
صدفه بعدم تصديق جد ده اللي هو ايه هو انا اخر من يعلم
زهره اه و النعمه يا بت ده انا حتى قريت انا بذات نفسي والمقطوع عمك معاه الفاتحه
صدفه بعصبيه ايوه يطلع من مخسوف الاسم والصوت والصوره اللي انتي مساكهولي من صباحيه ربنا داه
زهره جدع كده طول بعرض
صدفه بزعيق عرفنا طول بعرض وحليوه ومسمسم اسمه ايه مهو مش اسمه طول بعرض
زهره جدع كده بتشتغلي
صدفه بحده عرفنا بشتغل معاه اسمه ايه منا بشتغل مع 600 واحد ما بين الشركه والمواقع
زهره وهي بتعصر دماغها ايوه ايوه افتكرت اسمه هارون
صدفه بشهقه وصوات ميييين
زهره ايوه اسمه هارون هو قالي على ما اقولك هاتعرفيه
صدفه بصوت عالي وكتاب الله لا يحصل ولا يكون داه لو اخر راجل ما اكون ليه
زهره اتلفتت حواليها بخوف وسحبت صدفه من دراعها على اوضتها:اكتمي يا بت ومسمعش حسك
صدفه اكتم ايه انتي عارفه يطلع مين
زهره بحده لاول مره ده القوي اللي عرف يكسر شوكه حمدان
صدفه بصتلها برفض
زهره فكري بالعقل يا صدفه انت كلها كام شهر وتتمي السن القانوني ووقتها هتسقط وصايه المجلس الحسبي من عليكي وقتها هتبقى جت طيبه مطيبه على الطبطاب لعمك يحط ايده على حقك واعمامك هناك في البلد وجدك الله يحرقهم اللي منهم لله مش هيهنونا على قرش صاغ ولا هتعرفي تطولي من حقك جنيه واخواتك لما يكبروا هايبقوا شرحك وهانقعد نتحسر على اللي فات واللي جاي
صدفه بتشتت يعني ايه
زهره يعني يا بنتي اتجوزيه داه اللي هايعرف يحمينا ويحميكي من جبروت عمك وأهل ابوكي الله يرحمه وقتها بس يا بنتي هقدر اقف بقلب قوي علشان اعرف اتطلق واخلص من حمدان اللي من ساعه ما اتكتبت على اسمه ما شفتش منه الا الذل والمرار سقاني الذل يا بنتي بالمواجير وخلى عيشتي سواد ما عشتش فيها الا الكسره والذل والحوجه والوجع
صدفه بتشتت بس يا امي انا ما اعرفوش وانا وهو ما بنطقش بعض
زهره باطمئنان اطمني وطمني قلبك يا ضنايا اللي زي هارون ده انا شفت في عينه العشق والعاشق يحمي حبيبه يا بنتي لو كان على روحه تهون قصاده
صدفه يا امي افهميني ده هو ما بيطيقش حد قدي وانا شرحه ما بكرهش حد قده
زهره باقناع اسمعيها من امك يا بت انا مش صغيره دانا شفت من الدنيا كتير وكبرت قلل اواني بس في والأول والاخر ست واقدر برده اعرف اللي قدامي ومانيش عبيطه وعارفه الكلمه طالعه من حنكي قصدي بيها ايه
صدفه يا امي اسمعيني
زهره اسمعيني انتي يا ضنايا دي فرصه والبطران فيها قطران ربك اعطانا فرصه علشان نخلص فيها من ذل حمدان ووساخته وغتاته ومرازيته فينا عاجبك ضربي وبهدلته فينا ليل ونهار عاجبك كسره نفسي وذلي ومرمطي وقله حيلتي علشان مش لاقيه حد يقفله ويجيب حقنا منه احنا ولايا يا بنتي وفي عرفنا في البلد الست ملهاش حق ولا ليها تشتكي الست ملهاش لازمه عندهم والراجل يعمل ما بداله ومحدش يعيبه لو كان ابوكي الله يرحمه عايش كنت قولت يحقلك تقبلي او ترفضي وتتدلعي على حسه بس ابوكي فين الله يرحمه في رحاب رب كريم يعني ما يملكلكيش دلوقتي يا بنتي لا نفع ولا ضر وربنا عوضك وحط في طريقك اللي ياخد بيدك ويحميكي ويحمينا معاكي يا بنتي اخواتك لسه صغار محدش منهم هايقدر على جبروت عمك ولا اهلك فكري بالعقل كلها شهور ونبقى تحت رحمه عمك واعمامك هايجبروكي غصب عن عين التخين على ابن عمك الصايع الضايع ومحدش هايقدر يقول بم انا عرفتك اللي فيها وانتي وعقلك قدامك واحد قوي ومتعلم ومحترم وواحد صايع وضايع وهيبقى مصيرك زي مصير امك ومحدش هايقدر ينطق معاه انا زي ما انتي شايفه لا عارفه اخد حق ولا باطل ولا عارفه احمي روحي عشان احميكم
صدفه هزت راسها وبتقلب كلام امها في دماغها
نهايه الفلاش باك
صدفه بس يا ستي ومن وقتها وانا مش عارفه اعمل ايه
فريده بنصيحه عايزه رائي يا صدفه
صدفه اكيد طبعا
فريده وافقي
صدفه بصتلها بصدمه انتي اللي بتقولي كده
فريده ايوه عارفه ليه لان حطي قدامك الاختيارات المتاحه اشرف وهارون مفيش غيرهم واحد هايدمرك لانه فاشل ومش عايز حد احسن منه مابالك بمراته والتاني هياخد بإيدك ويرفعك لفوق وانتي بذات نفسك بتقولي ان عمك محدش بيقدر عليه ومعني ان داه قدر عليه يبقى لقيتي حمايتك وامانك والست مش محتاجه قد الأمان والحمايه والثقه والراجل شاري ودخل البيت من بابه يبقى عايزه ايه تاني
صدفه استسلمت للأمر الواقع وسلمت للي جاي
يا ترى اللي جاي مخبي ايه
يا ترى صدفه هاتقبل وتتقبل هارون ولا للقدر رأي تاني
يا ترى مصير شركات المالكي ايه وهايقدروا ينفعوا من انياب هارون
ياترى اللي جاي مخبي ايه تاني
يتبع
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق