رواية البلطجي الفصل الاربعون40بقلم ولاء حامد حصريه في مدونة قصر الروايات
رواية البلطجي الفصل الاربعون40بقلم ولاء حامد حصريه في مدونة قصر الروايات
الكاتبة ولاء حامد
الفصل الأربعون
مرت الايام وهارون حسم قراره واخد اخواته وراح علشان يتمم الاتفاق النهائي لجوازه من صدفه
وصل هارون البيت وهنا وجنى بيتلفتوا حواليهم
هارون طلع وهما وراه
زهره بترحاب وفرحه لاول مره من سنين يا الف خطوه عزيزه
هنا بإبتاسمه: يعز مقدارك
دخلو وقعدوا وحمدان قاعد هاينفجر من جنابه
هنا ميلت بهمس على هارون اومال فين العروسه
هارون اصبري اكيد مش هاندخل نلاقيها مستنيانا
دقايق ودخلت صدفه بغيظ وهي بتبص لهارون بحده
هارون بصلها بإبتسامه وغمزلها بعنيه بوقاحه
صدفه بغيظ سكعت الصنيه واتهبدت على الكنبه
هنا ميلت على هارون شكل البت مش طيقاك
هارون لا لا فكك داه تقل بنات
هنا تقل مين يا حاج صلي على النبي في قلبك بص على عنيها داه فاضل دقيقه وتطلع نار تحرقنا كلنا وتخلينا رماد
هارون بإبتاسمه اتعدل في قعدته تؤ اصل اللي زي صدفه مهره حرنانه وعايزه خيال عفي علشان يعرف يروضها واخوكي خيال قديم
هنا بتريقه يا خوفي تيجي تصيده يصيدك وانتا مكفي على بوزك في عشقها
هارون عيب يا بت دانا بردوا المعلم هارون
هنا طيب بكره نقعد جمب الحيطه ونسمع الزيطه
هنا بصت لصدفه بابتسامه تعالي يا حلوه تعالي يا عروستنا اقعدي كده جنبي في ريحي وشاورتلها على مكان جنبها
صدفه بصدمه من اسلوب هنا فريحي
هنا بعفويه ايوه يا حبيبتي خلي البوساط احمدي كده هو انت فاكره ان انا اتولدت فيلا لا دانا كنت عايشه في الوراق يعني بنت بلد زيك كده
صدفه بصت لامها والاتنين بصوا لهنا بذهول
هنا بتاكيد ايوه والله زي ما بقولك طب والله دي كانت احلى ايام البيت هناك شرح وبرح وريحه حلوه والناس كانت اخوات في بعضيها انعما الفلل دي والله العظيم دي خنقه قاعده بوزك في بوز الحيطان 24 ساعه والناس كل واحد ساكك عليه بابه لو اتقتل قتيل جاره ما هيعرف الا زيه زي الغريب ما فيش كده الجيران تاخذ وتدي مع بعضيها وقلبها على قلب بعض لا
صدفه ابتسمت على عفويه هنا وحبيتها وقامت قاعدت جنبها
صدفه بهمس لهنا والنبي باين عليك طيبه وغلبانه انتي اخته هولاكو ده ازاي
هنا البطن قلبه يا حبيبتي هو كان عكاره البطن الاولانيه وانا جيت بعديه على نظافه
صدفه وهنا ضحكوا بصوت عالي
هارون بغيظ همس لهنا لا لمي روحك وبلاش الضحكه اللي هاتحيبلنا بوليس الآداب دي
هنا هزت راسها وسكتت
هارون بص لحمدان انا عندي دور كامل في الفيلا لاني مش هقدر ولا هينفع اسيب اخواتي لوحدهم
زهره ابن اصول يا ابني حقك ده انت كبيرهم وراجلهم واللي ما لوش كبير بيشتري له كبير واللي ملهوش خير في أهله مش هيبقاله خير في اولاد الناس ولا حد كلامك عين العقل يا ابني
هارون هز راسه وكمل ثاني هام انا عايز نعمل خطوبه وكتب كتاب مع بعض
صدفه برفض لا طبعا ما ينفعش
زهره زغدتها في جنبها اكتمي يا بنت دلوقتي اما نشوف دماغه فيها ايه
هارون طبعا انا مقدر رفضك يا انسه صدفه بس علشان نبقى على حريتنا ولان احنا بنتقابل كثير في الشغل وممكن اوصلك فعشان ما حدش يقول داخل خارج عليهم بدبلتين
زهره عندك حق يا ابني وهتبقى برده مراتك وتطبعوا بطباع بعض وتبقى تحت عينك ومحدش يستجري يهوب يميتها وبصت لحمدان بكره وتحدي لاول مره بدون خوف من سنين
صدفه جت تتكلم زهره ميلت عليها اكتمي دلوقتي وبعدين هفهمك يا هبله
صدفه صدرت الصمت فب الوقت الحالي
هارون بص الحمدان ها قلت ايه يا حمدان
حمدان هز راسه بخوف ما فيش قول بعد قولك يا معلم
هارون يبقى على بركه الله الجمعه الجايه اللي من وراها خطوبه وكتب كتاب
هنا زغردت بصوت عالي من قلبها
صدفه وامها بصوا لها وابتسم وجنى اتكلمت عارفه انا كنت خايفه ان اخويا يكون واقع في واحده ملاوعه تبهدله وتفرقنا بس من ساعه ما شفتك وانا قلبي ارتحلك لان باين عليكي غلبانه وطيبه شبهنا
صدفه ابتسمت على كلامها والله باين عليكم كلكم طيبين مش عارفه انتم الاثنين اخوات ده ازاي
جنى لا خالص والله عايزه اقولك على حاجه هارون ده اجدع راجل ممكن تقابليه اخ جدع حمال اسيه مش عشان اخويا بقولك الكلام ده لا خالص طول عمره بيبدي غيره على نفسه حتى لما كنا في الوراق كان بيحمي الناس حتى لو على حساب روحه فما بالك باللي منه هيعمل معاه ايه بقولهالك بمنتهي الصدق يا بختك بيه وبكره تعرفي كلامي داه وتتاكدي منه لأنك مشوفتيهوش وهو بيتكلم عليكي عنيه كانت بتملع ازاي
صدفه بصت لهارون وخدت نفس طويل وهي عنيها بتتنقل ما بين هاورن وثباته وحمدان وخوفه ابتسمت وحست ان قرار اللي حواليها صح
بعد ما مشيو صدفه قعدت قدام امها: قوليلي بقى وافقتي ليه على كتب الكتاب
زهره بذكاء لاول مره: علشان وقتها هاتبقى قفلتي على عمك كل الأبواب انتي فكراني مش عارفه ان عمك كلم جدك وأخواته في الصعيد وبعتوا كمان ناضورجيه عشان يستقصوا عليه تبقى غلطانه دول مسلموش الا لما عرفوا انه عضمه ناشفه اوي عليهم لو كانت خطوبه سهل يفشكلوها انما كتب كتاب صعب اوووي حد منهم يهوب يميتك وتقدري تاخدي حقك وانتي مطمنه مش واخده بالك ان عمك مبقاش يستجري انه يزعق مش يضرب بس عرفتي ليه لان اللي زي حمدان يخاف ميختشيش واللي زي هارون عرف يكسر شوكته
صدفه هزت راسها وابتسمت وهي بتفتكر شكل عمها وخوفه قدام هارون
مرت الايام واشتروا الشبكه وخلصوا كل الترتيبات اللازمه
هارون قعد مع صدفه في بيتهم
طيب يا حاجه كده فاضل اقل من اسبوع على كتب الكتاب عايزين نشوف قاعه مناسبه
زهره بص يا ابني هو حقك طبعا بس متاخذنيش انا عايزه الكل هنا يعرف احنا نسبنا مين علشان محدش يتعرض لبنتي وخصوصا ان الناس عارف اللي عمها وابنه كانوا عملينه فينا انتا فاهم قصدي
هارون بإبتسامه فاهم يا حاجه انا هاتفق مع فراشه تعمل اجدع شادر في الشارع بره واعزموا الحبايب والقرايب والكل كليله
زهره بصت لصدفه بإرتياح
اخر الاسبوع هارون كان خلص كل التجهيزات وعمل شادر كبير وبعت كروت دعوه لاقرب المقربين منه وبعت دعوه لمالك ومصطفي زي الاغراب
في اليوم المنتظر
هاورن وحسام واقفين على رجل مع شبل علشان يتأكدوا ان كل حاجه مظبوطه
اما صدفه راحت بيوتي سنتر كبير هي وهنا وجنى علشان يستعدوا
مر الوقت بسرعه البرق وهارون رجع الفيلا هو وأخوه ومعاهم شبل غيروا هارون لبس بدله كحلي عطته جاذبيه وشيل لبس قميص وبنطلون جينز وعليهم بليزر وحسام لبس بنطلون جينز هافان وعليه قميص كافيه وبليزر اسود ونزلو بزفه كبيره علشان يجيبو العروسه
وصل الكوافير علشان واخد صدفه وحسام ساق العربيه ووصلوا الشادر وسط ضرب نار وفرحه من الكل
هارون نزل ومد ايده ومسك ايد صدفه ونزلوا قعدوا في الكوشه
وصل الماذون وقعد هارون قصاد حمدان وحط ايده في ايده بجبروت وبداء كتب الكتاب وخلص الجمله المعتاده بارك الله لكما وبارك عليكما وجمع بينكما في خير
شبل مضى شاهد واتطوع ماهر شاهد تاني
زهره زغردت بصوت عالي والفرحه مش سيعاها لحد ما تعبت من كتر الزغاريد
قرب مالك بفرحه وأسلوب كوميدي ايوه يا عم بيضالك في القفص اصغرنا واتجوزت اولنا
هارون بإبتسامه داه قر بقى عيني عينيك
مالك عيب داه حسد وحياتك
هارون بصله بنظره غريبه عين الحبايب مبتحسدش يا مالك
قربت جنى وبصوت انثوي رقيق ايه يا هارون مش هتلبس عروستك الشبكه ولا ايه.
مالك بصله بإستغؤاب مين الصاروخ ارض جو الروسي دي اللي بتكلمك يا ابن المحظوظه
هارون بحده ولا اعدل دي اختي يعني عينك ما تترفعش فيها العين اللي
تبصلها اخزق الاثنين واعيشه يتحسر عليها بقت عمره
مالك بصدمه اقسم بالله دي اختك
هارون ايوه اختي اومال يعني ماجرها بالساعه
مالك سوري سوري بجد يا هارون ما اعرفش انها اختك انا اصلا ما اعرفش ان عندك اخوات وكبار كده هو انا اصلا ما اعرفش عنك حاجه ولا عنهم فا سوري تعبير بإعجابي مش اكثر
هارون بحده لا احتفظ باعجابك لنفسك ها افتكر الكلمتين دول
سابه وطلع مع اخته وقعد جمب صدفه
هنا وهي شايله صنيه عليها الشبكه
هارون بدا ياخد الشبكه واحده واحده ويلبسها لعروسته لحد ما خلص هنا زغرطه بصوت عالي وحضنته بحب اخوي مبروك يا حبيبي ربنا يجعلها وش السعد عليك
هارون ضمها لحضنه بحب اخوي صادق
مصطفى بص لمالك بتريقه ايه يا ابني الاحضان دي كلها ايه جو مسلسل حريم السلطان ده الاولى قال اخته دي كمان مين بنت مرات ابوه ولا بنت جوز امه
مالك بقلبه وش ما يمكن دي كمان اخته
مصطفى بتهكم اه اخته ليه هو عنده كم اخت بقى على كده
مالك شاورلو بايده اهو عندك قدامك اهو روح اساله ما تسالنيش انا لان انا اكيد زيي زيك ما اعرفش
اتحركوا الاثنين وطلعوا باركوا لهارون
مالك بهمس في ودنه هارون ايه يا عم العروسه ما غارتش عليك من اللي عمالين يحضنوا فيكوا وواقفين حواليك دول مل واحده تحل من على حبل المشنقه دي حقها تولع فيك
هارون قراء فضول مالك ورد عليه رد بحكمه اخواتي وهي عارفاهم كويس
مالك بعدم استيعاب دي اختك والتانيه مين
هارون رفع راسه وبصله بحده اللي سلمت عليا جنى ولا حضنتني هنا
هنا الكبيره مخلصه كليه تربيه وجنى الصغيره لسه في اولى طب
مالك يا راجل اول مره اعرف
هارون كويس انك عرفت متسالش كتير بقى
مالك بحركه لا اراديه رفع عينه في هنا وابتسم بطريقه لا اراديه وعقويه
طلع شبل الكوشه وهو فرحان بصوت عالي معلم معلمين بر مصر الف مليون مبروك يا كبيرنا عقبال البكاري لما تجيبو شبل الصغير
هارون بإبتسامه حضنه الله يبارك فيك عقبالك
شبل وهو بيبص لهارون بعيد عن شنبك
هارون برفعه حاجب سيبها للظروف
متحكمش قبل الاوان
فريده باسلوب كوميدي oh my god واو واو واو حلو الشو ده يا صدفه
صدفه شو لا ده مش شو ده معلم يا حبيبتي يعني ده اسلوبه
فريده لا تحسيه واخد جو الباد بوي قوي بجد
صدفه بصت لها وسكت شبل من وراها باد ايه يا مزمزيل هأ عجبت لك يا زمن صحيح
فريده بإنبهار وااااو وبيئه كمان سو كيوت اوووي بجد
صدفه بقلق يخربيتك داه كبير المنطقه يا بنت الهبله
فريده كبير ايه داه لسه شاب
He's young
الصدفه بخوف وقلق يخرب بيتك كبير المنطقه مش كبير سن يعني اقصد ان هو اللي ماسك وحاكم الناس هنا كلمته مسموعه على الكبير والصغير يا موكوسه
فريده بهبل واو بلطجي
صدفه بعويل يخرب بيتك مش هتتم الجوازه وشكلها هاتقلب بسببك جنازه
شبل هز راسه وابتسم على اسلوب فريده وعفويتها
مصطفى واقف عينه ما اتشالتش عن جنى وحركتها اللي دايما بتخطف عين الكل منين ما راحت او اتحركت وكان في عنين برده بتشاركوا نفس النظره من بعيد لبعيد من غير ما حد يحس او ياخد باله
خلص الفرح وكل رجع لبيته ومرت الأيام والكل مترقب اللي جاي
رفعت وهو قاعد في مكتبه بيحاول يظبط أمور شغله اللي باظط رن تليفونه
رفعت الو ايوه يا ابني
سعدون موظف في المينا:ايوه يا رفعت باشا حبيت ابلغك ان المركب بتحضن على الرصيف
رفعت بفرحه انتا بتقول ايه متأكد
سعدون عيب عليك يا باشا دانا واقف وهي قدامي اهي
رفعت اتنهد براحه ياااااه اخيرا
قفل معاه وطلع جري على مكتب رقيه من غير ما ياخد اذن ولا اي حاجه وهو بينهج
رقيه قامت منطوره بخوف وقلق في ايه يا رفعت في حاجه حصلت ولا ايه
رفعت وهو بيحاول ياخد نفسه هز راسه بسرعه ايوه البضاعه وصلت المينا لسه مبلغني حالا
رقيه بفرحه بجد بتتكلم جد يا رفعت اخيرا
رفعت اه اخيرا يا رقيه انا طالع دلوقتي حالا على المينا علشان اللحق اخلص ورقها وانا كده ولا كده مظبط الدنيا مع التجار وهاخد الفلوس كاش لا مقدم ولا قسط
رقيه بجشع طيب يلا بينا انتا واقف مستني ايه
رفعت يلا فين مينفعش نروح ونسيب الشركه لوحدها خصوصا ان البيه اخوكي من يوم اللي حصل وهو معتزل وقافل على نفسه
رقيه يعني ايه
رفعت يعني هاروح وانتي هىتفضلي هنا لحد ما اخلص وارجع علشان لو جد في الأمور أمور يبقى في حد هنا يعرف يتصرف
رقيه بإقنتاع عندك حق بس خليك معايا على خط مفتوح ثانيه بثانيه
رفعت وهو بيتحرك للباب اكيد طبعا بس خليكي هنا مفتحه لحد ما ارجع
رقيه بطاعه اكيد المهم نخلص من الوش داه لاني حرفيا اعصابي باظت
رفعت متقلقيش خلاص كده البضاعه وبقت في ادينا بس مش هاوصيكي كفايه اوووي اخوكي مقهور على اولاد صابره
رقيه ايوه بصحيح فكرتني هاتعمل ايه مع الواد هاتسكت عليه بعد اللي قاله واللي عمله
رفعت تؤ اخلص اللي ورايا وافوقله علشان داه عامل زي الديب السعران عايز تخطيط وتكتيك على العالي اوووي
رقيه عندك حق وانا كمان معاك ومش هارتاح ولا يهدالي بالك الا لما اشوفه مكسور ومذول زي كلاب السكك اللي هو منهم
رفعت خد عربيته وساق للمينا بسرعه رهيبه وكأنه بياكل الاسفلت ومهتمش لكم المخالفات اللي عملها كل اللي قدامه هدفه انه ي صل علشان يوصل للثراء الفاحش السريع اخيرا وصل وقف وهو بياخد اخيرا أنفاسه المحبوسه من شهور وهو شايف حلمه بيتجسد قدام عنيه والمركب مليانه بضاعه تقلها دهب
اتحرك رفعت بخطوات مدروسه وكأنه انسان ألي مبرمج خلص الاوراق علشان يستلم البضاعه
قبل ما ينهي باقي الأوراق
دحل عليه خمس أشخاص
رفعت بتكبر خير في ايه
الموظف: انا السيد عبد الرؤف موظف بلجنه المعاينه في المينا
رفعت ايوه عايز ايه يعني
سيد البضاعه دي تبع مين
رفعت بعجرفه:دي تبع شركه المالكي
سيد وحضرتك تبقى مين
رفعت برأس مرفوعه:انا رفعت بيه المالكي صاحب البضاعه خير
سيد :عندي امر بالتحفظ على البضاعه وانها متخرجش من المينا لحين عرضها على لجنه مختصه للبت في أمرها
رفعت بعصبيه أقرب للجنون:انتا بتقول ايه انتا مش عارف انا ابقى مين
سيد والله يا فندم مع احترامي ليك انا بنفذ الاموار البضاعه في مصادر بتقول انها غير مطابقه لمواصفات ومعايير الجوده
رفعت بداء يخرج عن طور تعقله: انتا مجنون انا بمكالمة تليفون اوديك ورا الشمس
سيد بثبات والله يا فندم انا بنفذ الإجراءات انا مضطر اتحفظ عليها لحين عرضها على اللجنه المعنيه للبت في أمرها وحضرتك تقدر تنتظر تقرير اللجنه لو اقرت بصلحيتها هايتفرج عنها
رفعت بضاعه ايه اللي هاتتحفظ عليها دانا اوديكم ورا الشمس
سيد بهدوء والله يا فندم كلامك لا هيقدم ولا هياخر انا مش طرف انا بنفذ القانون ومادام في شبه انها غير مطابقه يبقى لازم نتأكد قبل خروجها من رصيف المينا
رفعت من صدمته مقدرش يتكلم وهو شايف العمال بيحجزوا على كل الحاويات اللي نازله
قدر يتمالك نفسه بجبروت واتحرك بعيد عن الميناء وبداء سلسله إتصالات مستمره لساعات ولكن طلع في النهايه من غير نتيجه
سعدون: قرب من رفعت بجشع وخبث:مالك يا باشا
رفعت بنفخ بضيق وهو باصص على المركب اللي خلاص قربت تنتنهي من تفريغ الشحنه مالي قدامي وعاجز بسبب نقطتين حبر على ورق ملهومش لازمه
سعدون يا باشا فتح دماغك وانتا تطوله وتروح بيه في حضنك كمان
رفعت انتبهله بأمل ازاي
سعدون بغمزه عين علشان يسبك الدور يا باشا دانتا سيد العارفين اطعم الفم تستحي العين
رفعت بصله وهو بيقلبها في دماغه قصدك ايه
سعدون:رش رشه حلوه وعشي الرجاله وهاتمشي وبضاعتك معاك كمان
رفعت تمام وانا جاهز شوف الدنيا وانا معاك
سعدون بطمع لمع في عنيه حمامه اظبط مع الرجاله ووقف للحظات هرش في راسه بس لا مؤاخذه محتاج قرشين لزوم ما اطمنهم
رفعت انا معايا كريدت
سعدون لا مؤاخذه يا باشا دول عايزين يحسوا بالفلوس في اديهم عشان تتحرك وتمشي ورقك
رفعت تعالى معايا طلعوا بره المينا ورفعت سحب اكتر من 100 الف جنيه من كروت الفيزا بتاعته
سعدون ضم الفلوس في حضنه ودخل
ورفعت مترقب ساعه والتانيه مروا ولا حس ولا خبر
دخل بخطوات زي النار بعد ما فشل يوصل لسعدون
رفعت وقف واحد من عمال المينا:لو سمحت كان فيه موظف هنا اسمه سعدون
العامل بتذكر سعدون
رفعت بنفاذ صبر ايوه طويل واسمر ورفيع كده
العامل اه اه سعدون بتاع البوفيه
رفعت بصدمه بوفيه
العامل ايوه يا باشا داه واد على باب الله بيعمل شاي وقهوه للعمال هنا في المينا هتلاقيه هنا ولا هنا بيلقط رزقه
رفعت بصله بصدمه ومش قادر يستوعب انه اتنصب عليه من عيل ميسواش
ايقن انه لا مفر من انه يتصل برقيه
رفعت بخوف وقلق اتصل بيها
رقيه ردت بلهفه ايه يا رفعت رنيت عليك مليون مره في ايه مبتردش ليه طمني عملت ايه خلصت ولا لسه
رفعت للاسف مش خير يا رقيه البضاعه اتحجز عليها في المينا بيقولو في بلاغ انها غير مطابقه للمواصفات
رقيه ببزعيق انتا بتقول ايه يعني المصنع بعتلنا بضاعه مضروبه
رفعت بتوضيح لاء يا رقيه البضاعه سليمه انا واثق ومتاكد من داه والورق سليم الموضوع فيه ان شكل فيه حد ورا الموضوع داه
رقيه بجنون اقفل وانا جايه وهحاول اتصرف
رفعت والشركه هانسيبها لوحدها
رقيه تولع الشركه لو ملحقناش البضاعه هاتضيع الشركه ونضيع كلنا معاها اقفل يا غبي
قفلت معاه ووصلت المينا وحاولت بس كانت النتيجه فشل ذريع
رقيه رفضت الاستسلام اسبوع كامل وهي بتحارب بكل قوتها علشان تقدر تحل الموضوع ولكن كل يوم بيمر بتخسر فيه واصبحت في حاله عصبيه اشبه بالجنون
رقيه وهي قاعده هاتتجنن رفعت قعد جمبها وغمض عنيه بأسي
رقيه بصتله بعصبيه والحل ايه دلوقتي كده الدفعه التانيه للبنك المفروض باقي كام يوم عليها واحنا ممعناش حاجه تاني ندفعها اتصرف يا رفعت والا كل حاجه هاتضيع
رفعت وهو بيحاول يركز علشان يقدروا يخرجوا من الازمه دي
رقيه ايه بتبصلي كده ليه مينفعش تسكت دلوقتي كده كل حاجه هاتضيع واحنا مبقاش حليتنا حاجه تاني والباقي تحت تصرف البنك
رفعت بجنون طبعا لازم نتصرف وبسرعه انا مش هاسكت انا هاجيب عاليها واطيها
رقيه هاتعمل ايه عرفني بدل ما نلاقي نفسنا روحنا في داهيه من ورا غبائك اكتر من اللي احنا فيها
رفعت هاعمل اي حاجه المهم البضاعه دي تخرج من هنا
يومين ورفعت حاول بكل الطرق الغير مشروعه علشان يخرج البضاعه ولكن ككل مره فشل
رقيه ها عملت ايه
رفعت للاسف معرفتش الإجراءات مشدده في المينا
رقيه يعني ايه هانقعد ونحط ايدنا على خدنا زي الولايا
رفعت بمحاوله لاطمئنان نفسه ورقيه اكيد مش هانقعد نتفرج الموضوع مسأله وقت البضاعه سليمه بنسبه 100% وجودتها ممتازه على ما تقرير لجنه الفحص والمعاينه يخلص هانقدر نستلمها
رقيه بعدم اقتناع كل مره بتقولي نقس الكلمتين الخايبين دول وبنرجع تاني نلف في دايره مقفولة انا مش متفائله وحاسه ان اللي جاي سواد
رفعت برفض متبقيش متشائمه اوي كده
رقيه بزعيق وصوت عالي اتشائم ايه انا بتكلم على أرض الواقع مش بتكلم من خيالي يا بيه
رفعت بصلها وسكت ونفس الخوف والقلق أصبح مسيطر عليه
الكل اصبح مترقب ومنتظر تقرير لجنه المعاينه بأعصاب بتتحرق في كل ثانيه بتمر
واخيرا طلع تقرير الفحص
رقيه ورفعت راحوا للإطلاع عليه
رقيه مسكت التقرير وقرته وتلبستها حاله جنون يعني ايه
رفعت فهميني في ايه التقرير فيه ايه بالظبط
رقيه التقرير بيقول ان البضاعه منتهيه الصلاحيه. غير مطابقه لمواصفات الجوده المصريه وهايتم مصادرتها واعدامها وغير مسموح بدخولها للسوق المصري
رفعت بجنون يعني ايه بضاعه بأكتر من 800 مليون تتعدم وتروح في الارض ازاي
رقيه ازاي دي بتاعتك انتا لأنها اساسا كانت شورتك المهببه اتصرف
رفعت اتصرف اعمل ايه مهو على ايدك بقالي اكتر من اسبوعين سايب حالي ومالي وبلف يمين و شمال علشان اخلصها
رقيه ماليش فيه زي ما غرستنا في المصيبه دي تخرجنا منها كله بسبب طمعك وغبائك انا مش هاخسر يا رفعت مش هاسمح اني ارجع تاني للفقر فاهم مش هاسمح ان اولاد صابره يشمتوا فيا مش هاسمح ان كل تعب السنين يضيع بسبب غبائك
رفعت مش طمعي لوحدي انتي كنتي شريكتي في كل حاجه ومفيش حاجه حصلت الا وكانت تحت عينك وانتي بنفسك اللي مخلصه كل الورق يبقى متجيش تعملي ضحيه دلوقتي
احتد الوضع بين رقيه ورفعت وأصبح كل واحد منهم بيرمي على التاني
هارون في اجتماع مع نصر وماهر
هارون بإبتسامه بصراحه ضربه معلم يا ماهر بيه
ماهر بفخر عيب عليك مش بس كده داه كمان التقرير طلع
هارون بترقب يعني ايه
ماهر يعني 48 ساعه وهاتروح المحرقه علشان تتعدم
هارون بصدمه ايه بس احنا اتفاقنا كان غير كده
ماهر اصبر يا بشمهندس الورق بيقول انها تتطلع على المحرقه بس في الحقيقه هي طالعه على عندك وكمل بتلاعب بس ياترى عندك مخازن تشيل
هارون ياسلام دانا لو معنديش اشتريلها مخازن مخصوص دي الغاليه اوووي اوووي كمان
ماهر من نحيه غاليه فهي للامانه غاليه دي بمكسبها تعدي المليار يعني بقيت من أصحاب الفيل
هارون اصحاب ايه
ماهر مهو المليون أرنب اما المليار فيل
هاورن والترليون ايه
ماهر ديناصور مش اي حد يقدر يمتلكه
هارون ابتسم وحس ببوادر راحه
يومين الكل مترقب واخيرا هارون وهو واقف بيبص على البضاعه اللي ملت مخازن عملاقه بإنبهار وهمس لنفسه يااااااه انتوا عوض وحق السنين اللي فاتت رجع فيكم فعلا المال الحلال مبيضيعش بصلهم نظره اخيره وقفل المخازن وأمن وتمم عليها واتحرك من سكات
خلال شهر كان قدر يغرق السوق بالبضاعه ودخل حسابه مبالغ فلكيه يعجز العقل عن استيعابها
وفي نفس الوقت تم الحجز على جميع ممتلكات عيلة المالكي وتم تحديد جلسه لعرضها في المزاد العلني
دريه بانهيار يعني ايييه ها يعني كل حاجه ضاعت
رقيه بجنون اه كل حاجه ضاعت ضيعها جوزك الغبي ورجعنا للفقر تاني بس المرادي غير المره اللي فاتت كنا اساسا في الفقر المرادي ذوقنا الغنى وكنا من صفوه المجتمع وبقينا في القاع بسببه الغبي ضيعنا الغبي دمرنا الغبي مسح اسمنا كلنا من السوق باوسخ استيكه بعد ما قعدنا سنين وسنين ننحت في الصخر علشان نعمله ونبنيه
دريه اكيد فيه حل اكيد ما انا مش هارجع لعيشه الحواري تاني بعد ما كتت دريه هانم سكتت للحظات واتكلمت بشر مستعر مفيش غير اولاد صابره لازم توصولولهم باي طريقه حتى لو وصلت انكم تخطفو اي حد من اخواته ان شا الله كلهم
رفعت ورقيه بصولها وعجبتهم الفكره
ياترى رفعت هايقدر يوصل لهارون
ياترى هايقدروا ينفذوا خططتهم
ياترى هارون اكتفى بإنتقامه ولا لسه
ياتري هاورن هايقدر يحمي اخواته
ياترى مصير اولاد المالكي ايه
ياتري اللي جاي مخبي ايه
يتبع
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق