رواية البلطجي الفصل الحادي والاربعون41بقلم ولاء حامد حصريه في مدونة قصر الروايات
رواية البلطجي الفصل الحادي والاربعون41بقلم ولاء حامد حصريه في مدونة قصر الروايات
رواية البلطجي
الفصل الواحد والأربعون
رفعت بص لدريه تصدقي عندك حق واللي عمله زمان سهل اووي يتردله دلوقتي
رقيه ازي مفكرناش فيها دي
الكل بداء يرسم ويخططوا ازاي يوصولو لهارون
انتشر خبر الحجز على ممتلكات عيلة المالكي بسرعه النار في الهشيم في السوق كله وتم تحديد جلسه لعرض ممتلكات عيلة المالكي خلال اسبوعين
هارون اعتكف على شغله وهو متابع من بعيد لبعيد
وفي عز اندماجه قطعه تليفونه بص فيه بإستغراب وهز راسه وهو بيحاول يستوعب الرقم االي بيتصل بيه بعد شهور طويله
هارون حد نفس ورد بهدوء ايوه
عبده الجن: مسا مسا يا كبير
هارون مسا عليك ايه اللي فكرك بيا
عبده والله على بالي دايما بس اتصلت بيك لأنك تعز عليا واحنا اولاد كار ونعرف اصول الكار
هارون قلبه اتقبض خير شكل وراك موال
عبده الصراحه اه فاكر البت اللي كانت عايزه قرارك
هارون ايوه داه موال وانفض بتنكش فيه تاني ليه
الجن اصبر على رزقك يا كبير امبارح بالليل اتصلت بيا وكانت عايزه رقم واحد من العتاوله التقال اللي ليهم في سكه الدم وبيني وبينك الفار لعب في عبي قولتلها انا سداد والبت جابت اللي في جوفها ع السريع وكلمني واحد بيه باينه كده ابوها عايزيني عدم الاامؤاخذه يعني اخطف حد من حريمك
هارون بصدمه وريقه نشف من الخوف بس قدر يتمالك اعصابه مين فيهم
الجن مقالوش قالو عايزين حد من اخواتك البنات وياحبذا لو كانوا الاتنين وانا ميرضنيش قولتلهم آمين وقولت ابلغك عشان تاخد خذرك منهم باين عليهم مغلولين اوووي منك ومرقدينلك وممكن زي ما اتفقوا معايا يروحوا بردوا لغيري
هارون غمض عينيه بوجع وانفاسه بدأت تعلى تسلم يا جن واجبك معايا مش هنساه هابعتلك البرنس بحقك وزياده وخلي عينك عليهم ورقدلهم لحد ما اشوف هاعمل معاهم ايه
الجن عيب يا معلم احنا خدامينك وبنسعى عشان ننول الرضا
هارون داه العشم بس داه حقك وزي ما قولتلك سجدهم بالكلام وانا هاحلها
الجن:وجب يا معلمه
قفل وهارون فضل يلف حوالين نفسه زي المجنون ودماغه هاتنفجر خد مفاتيحه ونزل جري طلع على الجامعه لاخواته وفضل واقف مستنيهم
حسام وجنى نزلوا واتفاجئوا بهارون قدامهم حسان بصله بإستغراب في ايه يا هارون
هاورن حاول يظبط نفسه مفيش كنت قريب من هنا وقولت اعدي عليكم
حسام بصله بعدم اقتناع طيب انا معايا عربيتي اصلا
هارون سيبها وتعالي انتا واختك هروحها ونرجع نجيبها علشان عايزك في مشوار
حسام بص لجنى بإستسلام وركبوا وهارون طول الطريق منطقش بكلمه وكل شويه يبص في المرايه يشوف لو فيه حد متابعهم
لحد ما اخيرا وصل البيت نزلت جنى وطلع تاني هارون وحسام
حسام في ايه بقى شكلك ميطمنش
هارون عينك متغفلش عن اختك وبكره هايبقى معاكم حرس من بعيد لبعيد
حسام ليه وانا عويل مهعرفش احمي اختي ولا ايه
هارون اسمعني الكتره تغلب الشجاعه وانا مش مستغني عنكم
حسام مترسيني على اللي بيحصل
هارون خد نفس رفعت المالكي متفق مع حد علشان يخطف حد من اخواتك وانا مش هجازف لا بيك ولا بيهم انا هابعت اجيب حراسه على الفيلا من انهارده وبكره هايبقى فيه حرس معاكم
حسام وانا عويل ولا اكتع
هارون لا داه ولا داه بس لازم اكون عامل حساب لكل حاجه وخصوصا انهم عاملين زي الكلاب السعرانه عايزه تنهش في اي حد
حسام ليه عايزين مننا ايه تاني
هارون عايزن يسرقونا تاني ولما ماطلوش لفوا من طرق وسخه
حسام ماشي بس محدش منهم يقرب مننا جوه الجامعه انا راجل وكفيل بنفسي واختي
هارون عارف بس اختك معاك عقلك هايبقى مشوش وانا عايزك مفتح وفايق انما دول ناس متخصصه ومتدربه على أعلى مستوى ودي شغلتهم مش عايز اختك تحس باي حاجه
حسام وهاتعمل ايه لما يسالوك غي البيت الحراسه دي لايه
هاورن هاقولهم منظره
حسام ومراتك
هارون غمض عنيه ليها حل متشغلش بالك
حسام لو مشغلتوش بينا هاشغله بمين
هارون ابتسم عايزك ضهر وسند ليهم ولو حصلي حاجه تدفني جمب ابوك وامك
حسام عنيه رغت بالدموع انتا مخبي عني ايه هما عملو ايه ابوس ايدك سيبك منهم انتا اهم انتا لو حصلك حاجه انا هاموت
هارون ابتسم متقلقش الموت علينا حق بس اوعدني
حسام مش هاوعدك لاني مش هاسمح ان يجرالك حاجه انتا ملحقتش تفرح بالدنيا ملحقتش تفرح بحبيبك
هارون ابتسم بوجع فرحت بيكم ومع كل نجاح ليكم كأني انا اللي كنت بنجح مش انتوا اوعدني
حسام هز راسه وضمه لحضنه ودموعه خانته
هاورن غمض عنيه وتبتت عليه في حضنه بحرقه
رجعوا البيت بعد ما جابوا عربيه حسام وطول الطريق ماشي وراه زي ضله دخلوا وكل واحد في وادي
هارون طلع اوضته بسرعه وزيه حسام بس الفرق بين عقل منهار وعقل شغال
حسام قفل الباب وفتح باب انهياره
هارون قفل الباب واتصل بشركه حراسات كبيره واتفق معاهم على كل حاجه
واتصل بشيل
شبل بضحك ايه يا عريس خلصت حاجتي من عند جارتي
هارون بوجع عايزك تامن صدفه يا شبل
شبل بخوف مالك
هارون مفيش خلي حد ثقه عينه عليها هي وامها وأخواتها في المنطقه وبره المنطقه انا كفيل بيها
شبل ورحمه ابويا في حاجه قر من روحك بدل ما اجيلك
هارون بوجع الخبطه جايه في مقتل والموج عالي اوي لازم اخد حذري منه قبل ما يرفع
شبل في كارنا الحرص واجب بس انا بسألك ايه اللي جد انا قلبي اتقبض من صوتك لوحده
هارون اخد نفس وحكاله اتفاق عمه مع عبده الجن
شبل بجنون وانا هاتسيبهم لما ينهشوك تاني والمرادي مش صباع داه درعاتك الاتنين هايبقوا تحت قطر
هارون علشان كده لازم أمن روحي وامنهم معايا لو حصلي حاجه فيه اخويا يسد
شبل بجنون سيبني عليهم وانا اتاويهم ولا مش شاف ولا من دري
هارون مينفعش اللعب معاهم مش على المكشوف دول عايزين من تحت لتحت
شبل بعيد عنك وسيبني مني ليهم
هارون وانا كفيل بيهم بس عايزهم يجيبو اخرهم هاتقدر وتبقى في ضهري ولا اتصرف
شبل مش هاخد على كلامك دلوقتي واطمن على حريم بيتك برقبتي لو مسهم شوكه
هارون وداه العشم بردوا
مرت الايام وهارون بيتابع اخواته ثانيه بثانيه ومغفلش عن صدفه
ورفعت هايتجنن
رقيه يعني ايه
رفعت منتي سمعتي بنفسك ابن الكلب حاطط حراسه تشيب على بيته وأخواته وشوفتي الصور بنفسك
دريه ما يمكن الواد داه بيلعب بيكم
رفعت ودي تفوتني انا بعت واحد واثنين وتلاته
رقيه وايه العمل احنا معرفناش نوصله ودلوقتي المزاد باقي عليه ايام
الكل بص لبعضه بصدمه
ماهر ها يا هارون ناوي على ايه دلوقتي
هارون بشر ناوي اقفل اللعبه واقول كش ملك ناوي أدق اخر مسمار في نعش عيله المالكي
نصر ناوي على ايه كده ولا كده عيله المالكي خلاص بتفرفر ومحدش هايقدر يلحقها
هارون اه بس لسه مخلصوش خالص ونهايتهم على أيدي وبإيدي بس عايز مساندتك
ماهر سبق وقولتلك انا معاك وفي ضهرك قول اللي عايزه على طول علشان اللي جاي وقت التنفيذ
هارون تمام اوووي عايزين نظبط مع كل رجال الأعمال اللي هايدخلو المزاد مش عايز عيلة المالكي يطلعوا بجنيه واحد زياده عن قيمه القرض
نصر اعتبره حصل
خلال يومين قضاهم نصر وماهر وهارون في اتصالات بكل رجال الأعمال اللي هايدخلو المزاد وظبط معاهم والكل تحت قوه ونفوذ ماهر ونصر وهارون استسلموا
هارون ابتسامه لا تتجاوز حدود شفايفه تنم عن شر مستعر جواه ونظر شر وكأنه تلبسه شيطان
في شقه عادل وعاصم قاعدين مع مهدي وسراج
عاصم عرفتوا ان المزاد كمان يومين
سراج بحده ايوه اظن داه نتيجه أفعالهم
مهدي بحزن فعلا طيب هانعمل ايه
سراج وهو بيدعك جبهته بإيده بحده ولا حاجه اظن احنا بقالنا سنتين ونص اهو بعيد ولما فكرنا نرجع خدنا صدمه اكبر انا معنديش اي استعداد لصدمات تانيه خلينا عايشين بعيد عن شرهم
قام وبداء يقلب في الإدراج بعصبيه
عادل في ايه يا ابني عمال تهبد وترزع بتدور على ايه
سراج بدور على مسكن عندي صداع هايفرتك دماغي
عاصم بقلق ايه حكايه الصداع اللي بقى ملازمك اربعه وعشرين ساعه داه
سراج بضيق وانتا شايف بكل اللي احنا فيه داه ميبجش للواحد الضغط مش صداع بس
عاصم هانعمل ربك كبير
سراج وهو بيلبع قرصين مسكن ونعم بالله دي حقوق وبتخلص والحمد لله انها بتخلص بعيد عننا
الكل بص لبعضه ومحدش قدر ينطق
ربع ساعه مرت والصداع لسه مستمر نزل الصيدليه واشتري مسكن اقوي
مهدي بحده ايه اللي انتا بتعمله داه انتا فاكر نفسه بتسف سكر داه علاج يعني مواد كيميائية روح لدكتور وشوف سبب الصداع داه ايه
سراج مش مستاهله دول شويه صداع يعني متعملش من الحبه قبه
مهدي بصله وهو مش عارف يعمل ايه
سراج دخل اوضته ولسه الصداع مستمر دقايق وكان منخيره بتنزف بطريقه قويه
فتح الحنفيه وحط دماغه تحتها ولسه الدم مستمر جاب تلج وحطه في قطن وحشره في مناخيره لحد ما الدم اخيرا بداء يهداء
سراج وهو بيسند ضهره على السرير الحمد لله بدل ما بقى صداع شكله كده بقى ضغط كمان يلا الحمد لله على كل حال
مرت الايام وسراج حالته كن سوء لاسواء ومستمر على المسكنات اللي أصبحت زي الوجبه الاساسيه في حياته
يوم المزاد الكل اتجمع بإشراف الجهات الحكومية المختصه
هارون دخل بثبات وثقه معروفين عنه
بص لرفعت بجمب عنيه وبص على رقيه ورفع راسه بكبرياء وشموخ ودخل قعد وحط رجل على رجل بداء المزاد والكل بيرفع ويزايد في السعر وهارون حط الناهيه واخيرا وبعد طول انتظار سنين قدر يرجع حقه وحق اخواته
بعد انتهاء المزاد قام وصلب طوله ووقف قدام رفعت ند بند مش قولتلك مش هاتتنهى على جنيه حق احمد وصابره رجع
رقيه بغيظ بردوا دفعت دم قلبك
هارون بغمزه عين مش فارقه من دقنه وافتله
رقيه قصدك ايه
هارون لسه بدري عليك يا قطه سلام
وسابهم ومش وهو الفرحه مش سيعاه
ساق عربيته لحد الفيلا اللي عايش فيها هو واخواته دخل وهو ملامحه هاديه والفرحه مرسومه على وشه
هنا بصتله بإستغراب عيني عليك بارده وشك منور ليا زمن مشوفتكش كده خير طمني
هارون لا اطمني وطمني بالك يا هنا اومال اخواتك فين
هنا فوق
نزلو على صوت هارون
جنى خير يا هارون
هارون البسوا عايزكم
جني هانخرج
هاورن اومال هاندخل
حسام بخوف شكلك بيقول ان فيه حاجه ايه اللي حصل
هارون بإبتسامه ارتياح فيه حاجات يلا شهلوا وبعدين نحكي
بعد ما اتحركوا بكام خطوه ياريت تلبسوا هدوم سوداه
هنا بصتله بخوف مين اللي مات
هارون بشخطه يلا بسرعه
الكل جري من قدامه ربع ساعه وكانوا في العربيه
هنا طيب طمني احنا رايحين فين كده طيب مين اللي مات طيب ايه الي حصل
هارون اصبري بقى وبطلي زن
اخيرا وصل
هنا اتلفتت حواليها بخوف انتا جايبنا القرافه ليه
هارون اخد نفس طويل واتحرك وكلهم وراه ومحدش فاهم حاجه من تصرفاته
وقف قدام قبر ابوه وأمه اتكلم وعينه على باب القبر اقروا الفاتحه لأحمد وصابره
الكل من سكات قرأو الفاتحه
هنا بعد ما خلصت يااااااه يا هارون زياره متأخره اوووي داه احنا بقالنا 16 سنه منعرفش طريق قبرهم
هارون وهو لسه عينه على القبر داه كان ندر ودين في رقبتي اني اجيبكم يوم ما اجيب حقهم
واتكلم بحرقه وصوت عالي ارتاح يا بابا ارتاحي يا ماما حقكم رجع دلوقتي بس اقدر اقولها بالفم المليان نام وارتاح يا احمد يا مالكي ارتاحي في رقدتك يا صابره عيالك بقوا في امان وحق ذلك وكسرتك ووجعك رجع ولسه اللي جاي خراب ودمار عليهم واتلفت لاخواته وفتح درعاته بقوا شباب يشرح القلب
هنا قربت منه وعنيها مليانه دموع هارون فتح حضنه: ااااااااااه يا صابره ااااااااه يا احمد ااااااااه
صرخ بكل الحرقه المكتومه في قلبه من سنين
حسام غمض عنيه يمسح دموعه وجنى بصتلهم بكسره ووجع من الحرقه اللي في صوتهم
هنا طلعته من حضنها وهي بتكور وشه بين ايديها ياااااه يا هارون كل الحرقه والنار دي في جوفه طول السنين دي وانتا مانعنا نزورهم
هارون وهو بيمسح عنيه داه وعد وعهد والحمد لله اني قدرت ووفيت
هنا بفرحه بانت في لمعه عنيها جبت حقهم
هارون رفع راسه خسرت عيله المالكي كل ما يملكوه وأصبح بإسمنا وطلع من جيبه ورق وناوله لاخواته
حسام ايه داه
هارون افتحه
شهقه كانت هي رد الفعل الوحيد
حسام بعدم تصديق وهو بيبص للورقه ويرجع يبص لهارون ايه داه
هارون اتلفت لقبر ابوه وأمه حقكم نصيبكم في ورث احمد وصابره
حسام كل داه ليه مش فاهم حاجه
هارون مش مهم انا حبيت اديكم حقكم في وجودهم حتى لو كانوا عضم في قبر بس اكيد روحهم حوالينا وشاهده علينا
حسام ايوه بس داه كتير اوووي
هارون صدقني داه حقك بما يرضي الله يلا علشان يادوب الحق بداء خلال شهر وكلهم هايبقوا في الشارع الزمن بيعيد نفسه
في فيلا المالكي رقيه بجنون وهي بتلم هدومها هي ورفعت ودريه ورهف
دريه بشر بصت لرهف انتي دلوقتي الامل الاخير علشان منتبهدلش
رهف اتعدلت قصدك ايه يا مامي
دريه لازم توقعي الواد داه باي طريقه مهما ان كانت العبي عليه بكل الطرق المتاحه والغير متاحه كمان لحد ما تقدري تتملكي منه وترجعينا تاني لعيشتنا اللي اتعودنا عليها
رهف قصدك ايه
دريه اعملي اي حاجه ان شا الله حتى تخدريه وتوهميه انه عمل معاكي حاجه اي حاجه المهم ان الواد ميخرجش بفلوسه بعيد عن ايدينا مهما ان كانت الطريقه مش بيقولو كل حاجه مباحه في الخب والحرب واحنا دلوقتي في حرب البقاء للاقوى وانا مش هاسمح اننا نرجع للفقر تاني ولا هانقدر على عيشت الحواري بعد ما بقيت هانم وعندي خدم وحشم
رهف بتفكير في كلام امها بس على حسب معرفتي انه خطب
دريه وماله على حسب معرفتي بردوا انها بت بيئه ولوكل مش دي اللي تعمليلها حساب انتي رهف هانم المالكي حطي في دماغك اننا هانبقى في الشارع خلال ايام يعني معندناش حتى مكان نقعد فيه كل اللي هانقدر نعمله اننا هانبيع مجوهراتك علشان نقدر ناخد شقه لحد ما تتصرفي معاه
رهف بطمع اوكي اطمني يا مامي مش هايفلت بفلوسه من ايدي ولو هو مصابش في غيره كتير سهل اوي اوقع اي واحد متريش
دريه بفخر هي دي بنتي حبيبتي تربيتي بجد
تاني يوم هارون اخد صدفه وراحوا في النادي مع بعض
وفي عز اندماجهم فوجئو باللي بتشد الكرسي وتقعد عليه ببجاحه وهي بتحط رجل على رجل رهف بصوت مايع كده برده يا هارون ما تسالش على بنت عمك الفتره دي كلها اشحال ما كناش اهل ولا انت ناوي تاخدني بذنب بابي ومامي
هارون بصلها بقرف من فوق لتحت واتكلم بسخريه والله ما ليش اعمامه علشان اتعب نفسي واتعرف على عيالهم ما بالك بقى اسال عليهم قومي يا بنت من هنا مش طالبه قرف ولا ناقصه تلزيق
رهف فردت ظهرها على الكرسي وكانها مش سمعاه قرب الجرثوم منها تشربي ايه يا هانم
رهف بغرور وعجرفه لاتيه
هارون باستحقار ابقى حاسب لنفسك اصل انا فلوسي غاليه عليا ما بحاسبش للزباله
رهف تجاوزت عنها انتم ما تقلقش انا عزماك
هارون بتريقه ومنين بقى على حد علمي انكم فلستوا والبنك اخذ اللي وراكم واللي قدامكم ومش انا اللي اقبل حد يدفعلي تمن طلباتي مبالك بقى ان كانوا نسوان ويا ريت من مالها لا ده من مال حرام ومسروق كمان
رن تليفون هارون بص لصدفه بحب ثواني يا قلبي وراجع وهمسلها دي عامله زي الشيطان خدي بالك منها
صدفه ابتسمتله وعنيها مليانه مكر
اول ما قام رهف بصت لصدفه بتقييم من فوق لتحت واتكلمت بنبره كلها شمئزاز احسن لك يا بيئه تسيبيه لان انا وشاورت على نفسها بنت عمه واولى بيه وهيلف يلف وهيرجع برده للي من دمه اللي زي كده اعمل زي طبق المخلل اللي موجود على السفره ما لهوش لازمه وجوده زي عدمه يعني تقدري تقولي كده فده وجودك في حياه هارون هو عايز واحده واجهه تشرفه قدام الناس مش واحده بيئه زيك
صدفه بصيت لها ورفعت لها حاجب واتكلمت بشرشحه اوعى يا بت يغرك الفستان المزاركش ابو ورد ملون ده ده انا بيئه يا بت وتربيه البطنيه يعني
اكلك واقرشك يا عينيا ويوم ما تبص لهارون بعين ادب صوابع الاثنين
اخزقهوملك واطلع ايدي بحباب عنيكي واحطهم في كفه ايدك يحطوهملك في رقبتك تبقى تتحسري عليهم بعيد عننا لان هارون بعيد اووي عن شوارب اهلك
غوري يا بنت من قدامك هتغاره داه انتي لا شكل ولا منظر عامله زي السلعوه
رهف خبطت على الترابيزه بحده انت مش عارفه انا ابقى مين
صدفه مش مقزاز حته بنت صايعه ليها ظابط ولا ليها رابط ولا ليها حتى كاسر
واحسن لك يا بنت تقصير الشر عشان هارون ده مش خطيبي ده جوزي يا عينيا كاتبين كتابنا وبالنسبه لي انا ولربايتي يا حبيبتي اشوف جوزي كده راقد في مقبره ولا تتلفح بحضنه مرا فاهمه يا بنت ولا افهمك اظن كده طرشت الكلمتين اللي في جوفك ورديت عليك تمشي بقى بكرامتك ولا امشيكي من غيرها وانتي اصلا مبعطره
رهف بصتلها بشر ومشيت
هارون كان واقف ومتابع اللي بيحصل من غير ما حد منهم ياخد باله
اول ما شاف رهف مشيت رجع لصدفه بإبتسامه ايوه كده عايزك شرسه واللي زي رهف دي لو جاتلك على سكه افرميها
صدفه بعنين بتقدح شرار البت دي في بينك وبينها ايه دي بتتكلم بعشم كانك كنت مواعدها بحاجة
هارون بإبتاسمه واسعه تفتكري ان انا ممكن ابص للاشكال الركش دي
صدفه هزت راسها تؤ بصراحه عامله زي غوازي المولد
هارون ابتسم وضمها لحضنه ومشيوا مع بعض وهما مبتسمين
مرت الأيام وهارون استلم كل الشركات وشال اسم المالكي من عليها وضمها لشغله مع ماهر ونصر بعيد عن مالك ومصطفي وبداء يأسس شغل منفصل لوحده
رفعت ورقيه ودريه اخدوا شقه فب منطقه الي حد ما كويسه
رقيه وهي قاعده شارده في نقطه وهميه قدامها
رفعت قعد جمبها بتفكري في ايه
رقيه هو ليه رافت الوحيد اللي الفيلا بتاعته متحجزش عليها
رفعت لان رافت كتبها بإسم مراته علشان كده كانت خارج الضمان
رقيه وهي بتخبط على دماغها انا غبيه مفكرتش ازي اني اكتب الفيلا بإسم حد بتاريخ قديم
رفعت اتاخدنا على مشننا
دريه جات وهي بتقعد جمبهم طيب ما نشوف طريقه ونروح نسكن معاه
رقيه رافت مش هايوافق
رفعت طيب احنا هانعمل ايه دلوقتي احنا بقالنا ايام قافلين على نفسنا وكده الفلوس اللي معانا هاتخلص
رقيه بفكر في طريقه اعرف اجيب بيها حقنا
رفعت فهميني
رقيه تؤ مش وقته
هارون وهو قاعد مركز في شغله قطع تركيزه دخول مالك بزعابيبه المعتاده
هارون رفع وشه وبصله خير يا مالك في حاجه ولا ايه
مالك بص بصراحه في حاجه وحابب ان انا افاتحك فيها عشان انتا عارفني انا طول عمري جد ودوغري واحنا عشره عمر مش يوم ولا اتنين
هارون بصله بتركيز ايه لازمه المقدمه دي كلها يا مالك قولي اللي انتا عايزه على طول
مالك خد نفس طويل بص انا من يوم كتب كتابك وانا بصراحه معجب باختك وعارف ان اقصر الطرق بالنسبه ليك هي الطريق المستقيم علشان كده انا جيت وخبطت عليك من بابه بقولك ان انا عايزه اجيب اهلي واجي اتقدم واطلب ايد اختك
هارون حواجبه اختي مين فيهم معلش ما انت عارف انهم اتنين
مالك انسه هنا اختك الكبيره
هارون بتفكير طيب بص طبعا هنا لا مكانه ولا وقته لان ده مكان شغل كل اللي اقدر اقولهولك ان انا هسالها واخد رايها والخيره فيما اختاره الله
مالك ما فيش مشاكل اسالها وخذ رايها ولو كده بلغني اه اجيب اهلي لا يبقى اصرف نظر على فكره يا هارون مش محتاجه اقولك تسال عليا لان انت عارف انا مين وابن مين وعارفني كويس اووي من عشرتنا مع بعض السنين اللي فاتت دي كلها بس اللي اقدر اوعدك بيه ان اختك هتبقى في عينيا لاني صدقني انا لما حسيت بمشاعر جوايا جيتلك مباشره من غير لف ولا دوران
هارون بتقدير لصراحه مالك وانا مقدر ده وحاطه في الحسبان وصدقني يا مالك لو هنا وافقت انا مش هامن عليها في ايد حد اضمن منك لان انت صاحب وجدع وطول عمرك صاحب صاحبك بجد ابن بلد برغم انك مولود وفي بقك معلقه ذهب الا ان معدنك اصيل ونظيف
مالك بإبتسامه ان شاء الله خير
هارون رجع البيت وهو محتار معقول السنين جريت بسرعه كده وهنا الصغيره بقت عروسه وكبرت اتجمعوا كلهم واتغدوا بعد الغداء هارون طلب من هنا ان هي تطلعله اوضته
هنا قاعده قدام بفضول خير بقى قولي اوعى تكون جايبني تشتكيني من مراتك مع انها والله غلبانه بس عارفه ان هي هتطلع عينك وتطلع على جتتك القديم والجديد قول قول فضفض يا راجل متكتمش في قلبك
هارون بابتسامه لا ما تشغليش بالك بيا انا زي الفل وصدفه كمان فلين بصلها وابتسم بحبها كبرتي يا هنون وبقيتي عروسه زي القمر والخطاب بدات تدق بابي
انا بصيتله بعدم فهم مين دي انا وداه مين اللي اتطس في نوادر اهله
هارون بتريقه لا انا يا بنت صحصحي معايا امال انتي شكلك ضاربه اصطباحه على الصبح بصي يا هنا من الاخر كده مالك شريكي طلب ايدك وانا سايب القرار ليكي لو هتساليني عليه هاقولك انه جدع وابن بلد وانا اضمنه برقبتي
انا برده هسيبك تفكري ومش ما تستعجليش خدي وقتك واديني قرارك
هنا هزه راسها بكسوف ومشيت من قدامه بسرعه لان هي فاكره ملامح مالك وفاكره نظراته من ايام كتب الكتاب بس احتفظت بيها جوه نفسها لان ما كانش في اي مجال لانهم يجتمعوا مره ثانيه
مرت الايام وتمت خطوبه مالك من هنا
وسط فرحه الكل وفي حضور ماهر ونصر واولادهم اللي أصبحوا ثلاثي جبار مكتسح السوق
سراج وهو في الشغل واقع مره واحده واغمى عليه الكل اتجمع حواليه ونقلوه المستشفى
مهدي بخوف لهفه طمني يا دكتور
الدكتور بقلق احنا هنعمله شويه اشاعات وتحاليل وفحوصات وبعدها اقدر اقول لحضرتك حالته ايه بالظبط
مهدي حضرتك شاكك في حاجه معينه
الدكتور ما اقدرش اجزملك قبل ما نعمل اشاعات والتحاليل هي اللي هاتبقى الحاسم في حالته
بدئوا في التحاليل ويوم كامل قضاه سراج ما بين مركز الاشعه ومعمل التحاليل على ميعاد بإستلامهم خلال يومين
سراج وهو راقد متعلقله محاليل في المستشفى امال فين عادل وعاصم يا مهدي هما معرفوش لانهم في فرع اسكندريه في ورق محتاج يخلص من هناك اول ما نطمن هاتصل بيهم
سراج هز راسه وسكت وهو حاسس ان اللي جاي اسواء
مر اليومين وطلعت نتيجه الإشاعات والتحاليل
مهدي طمني يا دكتور
الدكتور…..
ياترى رقيه بتخطط لايه
ياترى مصير سراج ايه
يا ترى اللي جاي لسه مخبي ايه تاني
يتبع
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق