مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

 

رواية البلطجي الفصل الثاني والاربعون42بقلم ولاء حامد حصريه في مدونة قصر الروايات

رواية البلطجي الفصل الثاني والاربعون42بقلم ولاء حامد حصريه في مدونة قصر الروايات

الفصل الثاني والأربعون 

مهدي بخوف وترقب طمني يا دكتور 

الدكتور وهو بيبص في التقارير بأسى للأسف كان نفسي اطمنك

بس للاسف الحاله ماتطمنش 

مهدي بصله وهو بيحاول يجهز نفسه للي جاي هو عنده ايه بالظبط يا دكتور

الدكتور باسم وهو لسه عينه في التقارير بيقلب فيها ورم في المخ وللاسف في المراحل الاخيره ورفع عينه اخيرا لعين مهدي اللي بقت عباره عن صدمه ووجع والم بس اللي مستغرب له هو ازاي طول الفتره اللي فاتت دي محسش بيه 

مهدي وملامح الاسى مرسومه على وشه يعنى ايه مش فاهم

الدكتور بشرح مبسط الاورام السرطانيه في المخ اول امراض بيتم اكتشافها لان دايما اعراضها بتبقى صريحه ومباشره اول مرحله فيه بيبدا بصداع خفيف وبالتدريج بيبقى صداع مزمن ثاني مرحله فيه بيندمج الصداع مع نزيف من المناخير مباشره والمسكنات ما بتجيبش نتيجه لانه بيكون بدا يتوغل اكثر في المخ 

مهدي غمض عنيه بوجع يا دكتور مهو لو كان يعرف او شاكك كان اكيد راح لدكتور بدري

الدكتور هز راسه اكيد طبعا لان في ناس بيحصل عندها لابس ما بين الصداع واورام المخ

مهدي طيب والحل يا دكتور المفروض نعمل ايه دلوقتي

الدكتور بعميله شديده هانبداء بجلسات كيماوي وهانشوف مدى استجابه جسمه 

مهدي طيب مش افضل لو شيلنا الورم 

الدكتور للأسف التدخل الجراحي اخر حل ممكن نلجاء ليه لان الورم منتشر وحجمه كبير ثانيا في منطقه حساسه جدا تكاد تكون مسؤله عن الوظائف الحيويه يعني الغطله والمجازفه فيه بفوره لازم نفكر مليون مره قبل ما ناخد القرار داه 

مهدي مش تايهه وهو بيحاول ياخد أنفاسه اللي حس انها بتتسحب منه من صدمته اللي فاقت كل وصف وقدرة استيعاب وصل عند اوضه سراج ودخل وعنيه مرغيه بدموع مكتومه بتلمع غصب عنه

سراج بإبتاسمه بسيطه رغم وجعه الدكتور قالك ايه 

مهدي بصله وضغط على شفايفه بحده ورمش بعنيه اكتر من مره علشان يمنع الدموع من انها تخونه وتنزل

سراج حد نفس طويل قالك اني هاموت مش كده 

مهدي بحرقه هز راسه اكيد مش هاتسيبني احنا طول عمرنا مع بعض ومش هاسمحلك تستسلم ونتفارق انتا فاهم 

سراج برضا داه لا بإيدي ولا بإيدك في حاجات اقوي مني واقوي منك القدر هو ليه كلمه الحسم فيها متبصلهاش من نحيه تسمح ومتسمحش تقدر تقول ذنب مردود يعني امر محتوم

مهدي دموعه خانته انتا معملتش حاجه علشان تتاخد بذنب غيرك

سراج ابتسم صدقني مش مسأله مين عمل مسأله نصيب والحمد لله انها جات على قد كده 

مهدي بعدم استيعاب معنى كلامك ان انتا كده بتستسلم 

سراج مين قال بس اني بستستلم لو كان الانسحاب طبعي مكنتش عافرت سنين وسنين في الشركه وحتى لما سيبناها فضلت اعافر انا مبستسلمش يا مهدي انا عارف اللي فات ومتاكد من ان تمنه كان جاي جاي

مهدي انتا كنت عارف اللي عندك

سراج لا بس كنت حاسس ان فيه حاجه غلط كنت شاكك انه ضغط 

ولما زاد شكيت انه حاجه اكبر

مهدي وليه مروحتش لدكتور 

سراج حسيت من جوايا ان مفيش فايده لان من شكلك ودموعه اللي مغرقه وشك بتقول ان العلاج ملهوش فايده 

مهدي بحده مفيش حاجه اسمها مفيش فايده هتتعالج وهاتكمل وتخف لو مش بمزاجك اعرف انه هايبقى غصب عنك

سراج بإبتسامه اهدا اهدا كده انتا واخد الموضوع على الحامي ليه كده انا مش عايز اعيش الباقي متعذب خليني اموت في سلام وقبل ما تقول انا مش بستسلم انا بتجنب الوجع الجسماني بجانب الوجع النفسي اللي فضلت عايش بيه سنين 

مهدي سابه وطلع وهو منهار حس انه محتاج حد يطبطب عليه ويقوله ان اللي جاي هايبقى احسن محسش الا وهو بيتصل بابوه

رافت بص للتليفون بإستغراب ورد بفرحه 

مهدي بدموع وصوت منهار بابا انا محتاجلك اوووي 

رافت وقف بصدمه وقلبه عمل زي طبول الحرب اتكلم بخوف انتا كويس اختك كويس طمني قولي مالك في ايه 

مهدي بنجيب سراج بيموت يا بابا 

رافت اترمى على الكنبه ايه انتا بتقول ايه ماله سراج حصله ايه انطق قلبي قرب يقف من الخوف 

مهدي بصوت يكاد يكون مسموع :سراج عنده ورم في المخ وفي مراحله الاخيره 

رافت فصل شاخص ببصره في الفراغ وهو مش قادر يستوعب 

محسش الل وهو بيجري وواخد مفاتيح عربيته وساق بجنون لحد الشقه اللي ساكنين فيها رجليه مشالتهوش علشان يقدر يطلع اتصل برفعت

رفعت بتريقه ايه افتكرت ان ليك اخوات تسأل عليهم ولا بعد ما الدنيا خربت قولت انجي بنفسي

رافت غمض عنيه انزل انا تحت العماره وبسرعه

رفعت لو عايزني اطلع انا مش هاروح لحد

رافت بحده وعصبيه انزل بقولك في مصيبه 

رفعت بخوف مصيبه مصيبه ايه واتكلم ببرود رغم خوفه مظنش انه بقى فيه حاجه اكبر من خسارتنا لكل حاجه 

رافت لاء فيه عيالك اللي نسيتهم

رفعت عيالي مالهم 

رافت بقولك انزل 

رفعت نزل بسرعه ومستناش الاسانسير اتلفت حواليه وهو بينهج لحد ما شاف عربيه رافت ركب بسرعه طمني في ايه

رافت بوجع ابنك بيموت في المستشفي 

رفعت انتا بتقول ايه ابني كويس 

رافت ابنك عنده ورم وفي المراحل الاخيره 

رفعت بجنون انتا بتقول ايه بتفول على ابني ليه انتا مكفكش كل اللي حصلنا عايز تنتقم مني في ابني كمان 

رافت انا لا بنتقم ولا جايب حاجه من عندي ابنك في المستشفى 

رفعت بصدمه وعنين مبرقه تكاد تكون مبترمش هز راسه بهذيان انتا بتقول ايه ابني ابني انا لا اكيد لا 

رافت غمض عنيه بأسي وساق للمستشفى نزل رفعت وجري بسرعه على جوه رافت نزل وراه واتصل بمهدي 

رفعت وهو بيبص على ابنه بقهره وهو راقد في الحاله دي

رفعت سأل الدكتور طمني هايخف مش كده 

الدكتور ان شاء الله مفيش حاجه كتيره على ربنا 

رفعت انا ممكن اسفره بره 

الدكتور السفر بره مصر مكلف جدا ماديا ثانيا مش هايكون في جديد لان الحاله للأسف في مراحلها الاخيره احنا بنحاول نحجم انتشار الورم بالأدوية في الوقت الحالي

رفعت اترمى على الكرسي وهو مش مستوعب

الخبر انتشر وعرفت رقيه ودريه وحتى دلال 

دريه بصراخ ازاي ومن ايه ايه اللي عمل في ابني كده لا انا ابني مش هايموت سامعين ابني هايعيش صح يا رفعت قولهم

رافت اهدي يا دريه داه ابتلاء من الله ولازم نصبر ونحتسب وندعيله 

دريه برفض لكلام اي حد ورفض للتصديق لاء لاء انا ابني كويس ابني لازم يخف لازم مينفعش يجراله حاجه 

سراج بصلها بإستغراب لازم اخف ليه لازم داه ابتلاء ولازم دي بتقوليها لمين بتتحدي ربنا وبترفضي اختباراته لعباده دانتي واقفه بتامري ومش قادره حتى تدعي وتقولي ان شاء الله هايخف يارب اشفيه لاء بتؤمري كمان في المرض والموت 

رافت بدموع مكتومه طبط على كتفه هي مش قصدها هي أم وخايفه على ابنها وقت الغضب الكلام مش محسوب ان شاء الله هاتخف وتقوم وتبقى زي الفل وافرح بيك بس شد حيلك وقول يارب

سراج بصله بحيره واستغراب من شخصيته المحيره هو مين فيهم طيب ولا خبيث

غمض عينه بوجع من فضلكم انا تعبان وعايز ارتاح ممكن

مهدي يلا يا جماعه طلعوا كلهم 

عادل وعاصم وصلهم خبر تعب سراج في الشركه

عاصم اتصل على مهدي علشان يطمن عليه: طمني يا مهدي سراج عامل ايه دلوقتي بلغوني في الشركه انه وقع من طوله من يومين ايه اللي حصل

مهدي بانهيار: سراج بيموت يا عاصم سراج بيموت واحنا مكناش حاسين بيه

عاصم بصدمه :ايه بتقول ايه سراج ماله الدكتور قالكم ايه

مهدي الدكتور قال عنده ورم في المخ

عاصم بعدم تصديق انتا بتقول ايه يا مجنون انتا

مهدي بحرقه بقولك اللي الدكتور لسه قايلهولنا دلوقتي 

عاصم اقفل اقفل انا جايب عادل وجاي الكلام في التليفون مش نافع

مهدي خليها للصبح بلاش تسوق بالليل وانتا في الحاله دي 

عاصم بزعيق وعدم استيعاب ان حد منهم يموت ويفقدوه قولت جاي يعني جاي اقفل بقى 

عادل وعاصم لموا هدومهم بشكل عشوائي ونزلوا بسرعه

هارون بيعيش افضل ايام عمره مبتخلاش من مناقره صدفه ومشاكسه هارون

هارون وهو قاعد فارد رجليه وبيكلم صدفه

جنى من وراه يا عصافير الحب راعوا السناجل البائسه اللي عندها تصحر عاطفي

هارون يا ساتر يارب من عينك يابت في ايه

جنى في ناس معندهاش دم بعيد عنك انتوا قاعدين هنا تحبو في بعض وانا قاعده بشرح في جثث طيب راعوني الله يكرمكم

هارون جثث اخيييي غوري يابت قفلتيني وكمل مع صدفه بقولك ايه يابت يا مراتي انا جاي نتكلم على راحتنا علشان ميبقاش وسطنا عزول البت دي عينها مدوره وهاتحسدنا

جنى لا والله

هارون اه والله سلاموز يا قطه لا يا جزاره 

جنى بغيظ ماشي يا هارون ماشي يا ابن صابره

هارون طلع وغير هدومه وراح لصدفه وهما قاعدين منسجمين

زهره دخلت عليهم وهي مكسوفه ومتردده

هارون بصلها بإستغراب خير يا حاجه شكلك عايزه تقولي حاجه 

 زهره هزت راسها بصراحه ايوه عايزه اقولك على حاجه كده 

هارون قولي يا حاجه عنيا اؤمري امر وانا عليا التنفيذ

زهره بوجع طلقني من حمدان سوقت عليك حبيبك النبي يا ابني كفايه عليا سنين عمري اللي فاتت دفني فيها بالحيا انا وعيالي خليني اشم انفاسي واعرف اربي عيالي بص على العيال الصغيره بقوا مرعوبين منه ومن أنفاسه حتى في البيت خليني انضف منه 

هارون بص لصدفه في نظره فهمت معناها 

صدفه هزت راسها صدقني يا هارون احنا مشفناش من حمدان الا كل مرار انا حتى مش بقدر اقوله يا عمي لاني محستوش من دمي من بعد ما ابويا مات وهما ما صدقوا علشان ينهشوا فينا بحجه اننا اولاد اخوك عشنا سنين وسنين بنشرب من كأس الذل على ايديه المفروض اننا لحمه ودمه زي ما بيقولو انما حمدان اول من نهش لحم اخوه ولا يعرف دم علشان يراعيه هو ميعرفش غير الفلوس اللي اتسعروا عليها زي زي اي كلب سعران بيجري ورا حته لحمه ولمت مطلهاش مرر عيشتنا سنين وسنين 

هارون بتقدير لوجعهم خلاص يا حاجه مادام انتي عايزه كده يبقى اطمني وطمني بالك انا مش هاخليه لا هو ولا الباف ابنه يهوبو يمت المنطقه دي تاني انا كفيل اتصرف معاه

زهره بإرتياح ربنا يبارك في عمرك وصحتك وعافيتك يارب

هارون ابتسم على عفويتها اللي بتفكره بأمه الله يرحمها 

خلصو كلامهم ورجع بيته تاني يوم في شغله قاعد مالك ومصطفي قدامه محتار

مالك وهو مركز في اللاب توب خير يا مصطفي قاعد بقالك نص ساعه بتفرك خير

مصطفي هو هار ن وافق عليك كده لاخته من سكات

مالك رفع وشه بإستغراب يعني ايه وافق عليا من سكات هو هايوافق بالصوات يعني ولا ايه مش فاهمك الصراحه

مصطفي لا مش قصدي انا بس مستغرب انه وافق بسهوله ومباشره مخدش وقت ولا كل الكلام داه

مالك ايوه وفين المشكله بردوا انا وهارون عشره عمر مش لسه هايعرفني ولا محتاج يسأل عليا 

مصطفي اه اه طبعا انا بس بسأل فضو مش اكتر 

مالك اااه فضول بقولك ايه يا مصطفي متجيلي دوغري بتلف وتدور على ايه عايز توصل من كلامك داه لايه بالظبط 

مصطفي بصراحه كده من ساعه ما شوفت اخته في خطوبته وانا معجب بيها 

مالك بصدمه جنى

مصطفي اشمعني يعني

مالك بتريقه مهو مستحيل تبقى هنا لاني خطيبها وهارون معندوش الا اختين واحده مخطوبه يبقى اكيد التانيه بس مش شايف انها صغيره عليك اووي اوووي يعني 

مصطفي بغرور وايه المشكله

مالك طبعا مشكله لأنها لسه في الجامعه ويعد عمرك قد عمرها مرتين داحنا نفسنا اكبر من هارون بكذا سنه

مصطفي بلا مبالاه وايه المشكله منا اكبر من خطيبتك بردوا

مالك حقيقي بس فرق السن بيني وبين هنا مش كتير كلهم 8 سنين انما انتا اكبر منها باكتر من 17 سنه الفرق بينكم شاسع اتنهد وكمل بص على العموم انا كل اللي اقدر اقولهولك ان هارون جد ودوغري اوووي ومبيحبش اللف والدوران عايزها خبط على الباب وادخله بالاصول زي ما انا عملت وهو عمل قبل مني وهارون 

مصطفي بس مظنش ان هارون ممكن يوافق بعد اللي حصل بينا 

مالك تبقى غبي لو دي فكرتك عن هارون ولسه متعرفهوش لان هارون عمره ما بيخلط الحابل بالنابل هو مش صاحب القرار خو بيسيب القرار لاخواته انا نفسي لما اتقدمت لاخته مقدرش يديني قرار وقالي بالحرف لما ارجع لصاحبه الشأن لو وافقت كان بها موافقتش احنا بردوا أصحاب وشركاء فأظن انه هو هيعمل معاك نفس الكلام لو جنى وافقت كان بها يبقى على بركة الله 

مصطفي مظنش ان كلامك ممكن يحصل لأنها فرصه وجاتله علشان يردلي اللي حصل

مالك بصراحه مش عارف انتا ايه مشكلتك مع هارون اصلا وليه كارهو اوي كده ما تتكلم معايا دوغري يا مصطفي قولي وعرفني ايه سبب كرهك قوي ليه لان انا ملاحظه من سنين من اول ما اشتغل معانا وانت كنت رافضه برغم انه اثبت كفائته ورفع الشركه 

وعملنا اسم من العدم وطول السنين اللي فاتت ماشفتش منه الا كل خير وبتيجي كل مره كانك بتقفله على الواحده وبتتصيدله الاخطاء علشان تثبت حاجه معينه في دماغك ايه هي انا معرفش 

مصطفى برفض لا خالص مش القصد كده بس مش شايف ان انتا عطيله مساحه كبيره قوي في الشركه وخليته اخد حجم اكبر من حجمه وخد صلاحيات اكبر من اللي يستحقها

مالك ليه بتقول كده عرفني ايه الصلاحيات اللي هارون خدها خارج نطاق شغله لان اللي انا شايفه ان هو تعب وشقي وشال الشركه على كتافه ورفعها من تحت قوي لفوق قوي ومع ذلك ما اخذش اكتر من حقه وما تجاوزش صلاحيات غيره الا في نطاق الشغل وفي مصلحه الكل بس يظهر ان اللي عدى عليك يا مصطفى ان هارون علي وعلانا معاه ومع ذلك لا في يوم طالب باكتر من اللي وصل له ولا مد ايده اخذ اكتر من اللي يستحقه

انما ان انت شايف ان هو اخذ حق مش حقه او تجاوز صلاحياتك فدي مشكلتك انت مش مشكلتي انا ولا مشكلته هو دي مشكله في دماغك انت يا مصطفى لان هو اكيد مش مجبر يتحمل سواد قلوب حد ولا عقم تفكير الغير ولا سوء نيه حد لان كل واحد محاسب عن نفسه 

مصطفى بعجرفه تمام تمام هشوف واما احسم الموضوع واحسبه بعقلي

ابقى اقرر وقتها بس

ملك بتهكم اه انعره وعجرفه كذابه كالمعتاد في طبعك اسلوبك مش هتتغير للاسف يا مصطفى لما تلاقي نفسك خسرت كل حاجه وبقيت لوحدك ونصيحه يا صاحب عمري لو هيفضل اسلوب تفكيرك بالشكل ده يبقى انصحك لا تفكر ولا تقرر لان هارون طول عمره كرامته غاليه قوي واللي بيمسها بفوره معاه ما بيفكرش انه يسمحله يدخل حياته اصلا بيفضل طول عمره على الهامش من بره واوعى في يوم ذكاك يخونك وتتعامل مع هارون بكبر و تعالي لان هارون بني ادم ذكي جدا عايش طول عمره بيحسبها بالورقه والقلم واسواء ما فيه انه حد يفكر يتنطط عليه فصدقني لو فكرت بس انك تتعامل معاه باسلوب الكبر والتعالي داه مش هايسمحلك حتى ان انتا تفتح بوقك مش تطلب تمام

مصطفي بصله بلا مبالاه وعدم اقتناع لكلام مالك

عاصم وهو سايق بجنونه وكانه بياكل الطريق اكل وبيسابق الزمن على الاسفلت علشان يقطع المسافه ما بين اسكندريه والقاهره بسرعه ويقدر يوصل ويطمن على سراج بنفسه 

عادل بحرقه معقوله معقوله يا عاصم ان دي تبقى نهايه سراج ان سراج يموت بالطريقه دي والموته الصعبه دي انه يتالم في حياته ويتالم كمان قبل ما مماتو 

عاصم برافض وعقل قارب على مشارف الجنون مش هسمحله مش هسمحله انه يستسلم مش هسمحله انه يموت الموته دي مهما كانت الظروف ومهما كانت الاسباب احنا طول عمرنا احنا الاربعه في ضهر بعض هقويه وهيقوى بينا وهنقوى بيه زي ما اتعودنا طول عمرنا مع بعض على الحلوه والمره هانعمل كل اللي في وسعنا علشان يخف مش هاسيبه احنا بقالنا سنين مع بعض قدرت اعرف واعرف معدنه النضيف 

عادل بحزن بس المكتوب منهوش مهروب يا عاصم اوعى تنسى دي

عاصم اكيد مش ناسيها بس لازم ناخد بالاسباب وما ينفعش يكون مستسلم بالطريقه دي 

عادل ربنا يستر قلبي مش مطمن 

وفي عز سرعتهم ومع ضلمه الطريق وتشتت عاصم وانشغال عقله صوت هز الأركان دخلت العربيه في عربيه جايه مخالف 

في ثواني الطريق وقف الكل نزل من عربياته جري اللي بيحاول ينقذ والي بيشوف مين عايش ومين مات ومين مصاب لحظات وكانت الإسعاف بتنقل كل اللي في الحادثه على أقرب مستشفي 

في المستشفى استلمت المتعلقات الشخصيه للحالات الموجوده 

الطوارئ اتصلوا بآخر رقم متصل بيه 

مهدي وهو قاعد في المستشفي بيبص على سراج بوجع تليفونه رن

مهدي رد بسرعه ايوه يا عاصم وصلتو فين 

الممرضه حضرتك هنا مستشفى... وصاحب التليفون داه عمل حادثه ياريت تبلغ حد من اهله

مهدي وقف الطرقه زي المجنون مش عارف يروح يشوف عادل وعاصم اللي في مستشفى في اسكندريه ولا يفضل مع سراج اللي راقد بين الموت والحياه 

فتح باب الاوضه الا بقعد فيها مع سراج منظره كان كفيل عن اي كلام 

رافت بصله بصدمه في ايه مهدي بص على سراج اللي راقد وخوف انه يتكلم عشان ما يسمعهمش

رافت طلع وقفل الباب وراه في ايه شكلك عامل كده ليه

مهدي بحرقه عادل وعاصم عملوا حادثه واتنقلوا المستشفى لسه مبلغني حالا اروح فين واجي منين اروحلهم هناك ولا افضل مع سراج هنا قولي يا بابا اعمل ايه قلبي مقسوم ميت حته

رافت بانهيار انت بتقول ايه بتقول ايه

مهدي بقولك اللي المستشفى لسه قايلينهولي 

رافت بصله بصدمه مبقاش قادر يستوعب الصدمات طلع تليفونه ورن على رقيه :اللبس وانا دقايق وهاعدي عليكي 

رقيه ببرود خير في ايه عايز مني ايه يا رافت

رافت بزعيق بقولك اللبسي بسرعه 

نزلوا بسرعه ومعاه مهدي وصل لقي رقيه منتظراه قدام العماره خير اديني جيت عايز ايه

رافت اركبي مش وقت كلام

ركبت وهي كلها قلق وخوف 

رافت داس بنزين بجنون رقيه بعد نص ساعه مش فاهمه حاجه بصت من الشباك بإستغراب احنا رايحين اسكندريه ليه 

رافت بص المهدي ومحدش منهم قدر يرد ولا ينطق

رقيه بحبها وصوت عالي بقول لكم فيه ايه واخديني على اسكندريه ليه

رافت غمض عينيه بوجع اصبري يا رقيه احنا خلاص قربنا نوصل 

بعد ساعه ونص كانوا وصلوا قدام المستشفى ونزلو بسرعه 

رقيه وهي بتبص على المستشفى بقبضه قلب مسكت دراع رافت في ايه احنا جايين هنا لمين 

رافت سحبها من ايديها وهو خايف زي الطفل الصغير اول ما وصول الاستقبال اتكلم مهدي وهو عينه على عمته لو سمحتي في حد بلغني عن حادثه وفي مصابين بإسم عادل عماد وعاصم عماد 

رقيه بصتلهم بصدمه ولااادي انتوا بتقولو ايه 

رافت بشخطه بااااس اسكتي هايكونو بخير ان شاء الله 

الموظف الدور التاني غرفه 16 رقيه سابت ايد رفعت وكانت اول من جري مهدي ورافت وراها بيحاولوا يلحقوا خطواتها ومش لاحقين اول ما وصلت قدام الاوضه كانت ممرضه خارجه من الاوضه

رقيه مسكت في ذراعها بجنون ولادي ولادي 

رافت بزعيق اسكتي بقى 

طلع الدكتور على صوتهم في ايه يا جماعه دي مستشفى 

رافت قدر يتمالك اعصابه المدمره لو سمحت بلغونا بحادثه حصلت على طريق القاهره اسكندريه 

الدكتور طيب اسمائهم ايه واخد كشف كان مع الممرضه 

رقيه بلهفه عادل عماد وعاصم عماد طمني طمني ولادي بخير صح هما كويسين عايزه اشوفهم واطمن عليهم

الدكتور وهو بيدور في الكشف غمض عنيه بوجع وفتحها البقاء لله يا جماعه هما وصول المستشفى ميتين اصلا 

رقيه بجنون وصراح وانهيار ولااادي عيالي يا رافت عيالي يا حرقه قلبي اتحرمت منهم زمان واتحرم منهم دلوقتي حرام لاء ولادي مماتوش سامعين ولادي مماتوش ليه ليه أولادي انا يموتو وعيال صابره هما اللي يعيشو يا رافت ولادي عايشين سامعين محدش يقول ماتو مهما ميغبوش عن حضني سنين عمرهم ولما يرجعوا لحضني متهناش بيهم ويرجعو وهما في كفن ولادي عايشين ولادي هايرجعو لحضني 

الكل بيبصلها بوجع 

مهدي قرب منها وحاول يحضنها رقيه زقته اوعي داه حضن أولادي بس سامعين ولادي بس 

رافت قرب ومسكها جامد والدكتور اضطر يديها مهدء ارتخت وغمضت عنيها بين ايدين رافت اللي دموعه خانته وهو بيقعد بيها على الارض

مهدي شالها وحطوها في اوضه وهي غايبه تحت تأثير المهدء

مهدي بعد ما نقل عمته اوضه دخل وهو منهار ورجليه مش شيلاه من الصدمه وعقله عاجز عنها بص على جثت عاصم وعادل اللي راقدين قدامه واتكلم بحرقه ودموعه مغرقه وشه في ايه ايه اللي بيجرالنا كل داه ذنب معقول مخلصش الذنب لحد كده يا ترى الدور جاي تاني على مين في ايه في ليه احنا ندفع تمن ملناش ذنب فيه 

رافت بدموع شدد على كتفه شد حيلك يا ابني لسه قدامنا يوم طويل اكرام الميت دفنه

مهدي بحرقه ميت دلوقتي بقوا ميتين 

رافت حال الدنيا وما دايم الا وجه الله خلينا نخلص إجراءات خوجهم من المستشفى وانا هابلغ عمك رفعت علشان يفتح المقابر بتاع العيله

مهدي برفض لا عادل وعاصم هايتدفنوا في مقابر عيله ابوهم 

رافت بصله وهز راسه من سكات واتصل برفعت بلغه وانتشر الخبر بسرعه خلصوا الإجراءات غسلوهم وكفنوهم في المسشفى وخدوهم عربيه تكريم الموتى واخذوا رقيه في العربيه وهي غايبه عن الوعي 

على ما وصول القاهره كانت رقيه فاقت من المهدء بعد صلاة الجنازه 

رقيه بإنهيار وصراخ هيستيري محدش قادر عليها مسكوها دلال ودريه ورهف واخده جمب بتعيط بدموع تماسيح ومش فارق معاها حد غير نفسها 

انتشر الخبر على السوشيال ميديا وهارون عرف أصبح بين نارين انه يروح وانه يعمل نفسه كأنه معرفش وكان الاختيار التاني هو الحاسم ورفض انه يروح او يبلغ حد من أخواته

 رقيه بداء عقلها يشرد منها طول اليوم في المقابر ومحدش قادر يحركها من هناك أصبحت مقيمه جمب قبر عيالها 

رافت بعد اصرار اخدها هو مهدي يعد معاناه على فيلته

رقيه بجنون شوفت احمد الوحش يا رافت خد عيالي مني طب انتا عارف انا هاروحله واجيب عيالي 

رافت بدموع وهو مش قادر يستوعب حالة اخته واللي جرالها ضمها لحضنه بوجع ربنا يصبر قلبك اهدي يا رقيه قلبي بيتقطع عليكي وحدي الله

رقيه زقته انا عايزه أولادي خدهم مني ليع الفلوس وراحت هما كمان يروحو ليه 

رفعت بتأثر مزيف خلاص يا رقيه وحدي الله وقام يسندها

رافت بتعمل ايه

رفعت هاخدها معايا انتا مش هاتقدر تاخد بالك منها انا ودريه حواليها وكمان رهف وانتا اساسا شايل ايدك مننا من زمان قوووي

دريه زغدته بكوعها في جمبه وهمستله متسيبها معاه خلينا نخلص من همها ومصاريفها اختك اتجننت ومحدش مننا هايقدر عليها اصلا 

رفعت اسكتي دلوقتي لما نروح هافهمك اصبري بس 

دريه بصتله بإستغراب. هي كاشه وشها وفضلت السكات في الوقت الحالي 

رفعت كزلها على اسنانه اسكتي دلوقتي بقى هياخدوا بالهم من ودوددتنا دي 

بعد وقت قدر رفعت ياخد رقيه فعلا معاه ورجعوا الشقه تاني

دريه وهي قاعده بغيظ فهمني بقى دماغك فيها ايه ليه مسبتهاش عند اخوك اهو اولى بيها لاني مش هاقدر عليها وعلى جنانها ثم احنا قادرين نكفي روحنا لما هانقدر نكفيها 

رفعت بإبتاسمه خبيثه لان ذكائك محدود

دريه قصدك ايه

رفعت بمكر....

يا ترى رفعت ناوي على ايه 

ياترى مصير رقيه ايه

يارتى مصير سراج ايه

يارتى اللي حاي مخبي ايه ودايره الشر خلصت ولا لسه

ياترى هارون برد انتقامه ولا لسه للقدر رأي تاني 

يتبع

تكملة الرواية من هناااااااا 

 لمتابعة باقى الرواية زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كاملةمن هناااااااااا

مجمع الروايات الكامله 1اضغط هناااااااا

 مجمع الروايات الكاملة 2 اضغط هناااااا