رواية لاجل الحب الفصل السابع 7 بقلم منال كريم حصريه
رواية لاجل الحب الفصل السابع 7 بقلم منال كريم حصريه
لأجل الحب
#الفصل_السابع
#نغم
بقلم منال كريم
////////////////
بعد اللي عملتوا في سليم و أهله ،كان عايز يقت-لتي، رفع المسد_س في وشي
أبتسمت بسخرية و نزلت من على المسرح وقفت قدمه بكل جبروت و قوة و قولت: أنت جبا_ن, عمرك ما تقدر تعمل كده، لأنك أجبن من أنك تدوس على الزناد ، يلا ،يلا يا سولي
مقدرتش ،وقع السلا_ح من أيده ،انا مش فاهمة ازاي كنت غبية كده علشان أحب الشخص ده.
اتحركت من قدمه و البودي جارد محاوطني من كل اتجاة ، و ركبت العربية.
و سببت سليم مصدوم مهز_وم ضا_يع.
و أنا في العربية، فتحت اللاب توب بتاعي و ظهر قدمي بيت سليم ، كان عندي فضول أعرف ايه اللي يحصل بعد اللي انا عملته.
علشان كده حطيت كاميرا خفيه.
دخل صابر و هو رأسه في الأرض و وراءه أبوه و. اخوه و حالتهم صعب
كانت كل الستات مشيت.
قعد ابو سليم على الكرسي بض_عف و ذـل
بص صابر على سميحة اللي كانت قاعدة على الكرسي و بيان عليها التع_ب، راح قعد جنبها
و قال بهدوء: كذب ،صدقني كذب ,هي عملت كده علشان تتنقم مننا.
اندفعت لمياء و قالت: صح ،كلام صابر صح، دي غيرانة علشان هي أرض بور.
هنا دخل سليم و يجر عمار في ايده و رمه على الأرض.
و رح عند لمياء اللي تمو-ت من الخوـف
و هي بتقول: و الله يا سليم كدب، أنا بحبك ، من اول ما شوفتك بحبك.
صرخ في و شها : يعني نغم كدبة
هزت راسها بنعم
نزل عليها ضرب و هو مش شايف قدمه إلا الفضيحة.
و محدش فكر يحوش عنها و هي كانت بتصرخ.
أما صابر قال بهدوء: اتكلمي يا سميحة.
ضربته بالقلم و قالت بصوت عالي: أنت تخو-ني أنا ليه، تخلي البلد تتكلم عليا، ليه يا ناقص ،اتوف عليك.
قال بحزن: بقولك نغم كدبة.
قالت اسماء بصوت عالي: ينفع كده يا ابوي بسبب ولادك الرجالة فضحيتي بقت بجلاجل و أنا لسه متدخلتش دنيا.
كان البيت زي السيرك
سليم نازل ضرب في لمياء.
و صابر يحاول يهدي سميحة و هي نازلة في تهزيق.
و اسماء الكل اللي فارق معها نفسها.
و عمار مربوط و مش عارف يتحرك
و الباقي يتفرج بصمت.
اتفزع الكل على صوت رصاصة، بصوا على الصوت.
كان سليم ضرب لمياء بالن_ار
و بص لعمار،
الكل في صوت واحد: بلاش يا سليم ،بلاش يا سليم.
بس هو مش سماع حد، ضر_ب عمار بالرص_اص
و بعدين ضحك بجنون و قال قتلو_هم قتلو_هم، و بص على فوق و قال: نغم ،نغم، هي فين
بقا الكل يبص عليه بحزن
قعد على الأرض و قال: هي مشيت.
حط السلا_ح على رأسه و قت_ل نفسه.
غمضت عيوني و قفلت اللاب توب ،و قررت قفل الصفحة دي تماما.
دلوقتي لازم افكر في الاهم، موقف اهلي مني، أنا كنت ديما بقول لخالي متخافش بس بابا مش هيعدي الموضوع على خير.
كنت اتفقت مع خالي يروح يبلغ اهلي عن اللي الحصل.
كان قاعد خالي مع بابا و ماما و اخوي و مراته اخوي ، و هو متوتر و يفرك في ايده و مش عارف يبدأ منين
قال بابا: بقالك ساعة قاعد و مقولتش كلمة، خير في ايه.
بلع ريقه بتوتر و قال: بصوا في موضوع كده و لازم نتكلم بعقل.
حطت ماما أيدها على قلبها و قالت بخوف: نغم كويسة
قال خالي: الموضوع يخص نعم
زعق بابا : انطق في ايه
بدأ يقول خالي كل حاجة من البداية حتي النهاية تحت صدمة اهلي.
قام بابا و قال بعصبية: كل ده حصل و احنا نايمين في العسل.
رد خالي: اسمع بس.
قال بعصبية: بس مش عايز اسمع حاجة منك، خلاص كل اللي بينا انتهى
اتكلم خالي بحزن: و الله طلبت منها تعرفكم رفضت و قالت تأخذ حقها بنفسها.
من غير رد دخل بابا اوضة المكتب
بصت ماما بعتاب: و قالت أنت غلطان و هي كمان.
أما اخوي رغم أنه غضبانة بس متكلمش علشان ميزعلش خالي.
وصلت البيت و بستعد للمواجهة.
عارفة أن الكل في الانتظار.
أول ما دخلت البيت، خالي زعق و قال: تعالي يا مصيبة هانم ابوكي زعلان مني.
ابتسمت و قولت: في ظهرك يا معلم اوعي تخاف.
بصيت لماما نفسي اترمي في حضنها، بس عارفه انها زعلانة مني.
خرجت من حيرتي لما فتحت دراعها لي، جريت عليها و كاني عيلة صغيرة، تعبت من اللعب و عايزة ترتاح في حضن امها، الحضن اللي قادر يحميك من الدنيا كلها.
كانت تمشي أيدها على حجابي و قالت بحب: أنتِ كويسة يا حبيبتي.
ابتسمت و أنا في حضنها و قولت: كويسة جدا يا ماما.
لقيت اخوي يشدني من حضن و قال: ملكيش رجالة علشان تعملي كده لوحدك.
بوسته من خده و قولت: ليه طبعا، بس دي حقي أنا.
شاورت على قلبي و قولت: ده كان لازم يفهم أن اختر غلط، كان لازم أعمل كده بنفس.
خدني في حضنه و قال: على قد ما زعلان منك، بس فخور بيكي يا قلبي.
سلمت على مرات اخوي.
و خالي واقف هيطق مني،
صرخ بغضب: نغم يلا شوفي ابوكي.
هزت راسها بنعم و روحت على المكتب، خبطت الخبطة المخصوصة بتاعتي.
مردش، دخلت و قولت بغناء: صوت رنة المفتاح.
اتكلم بعصبية: قولتك مية مرة صوتك وحش.
قولت بدلع : ايه يا بابا تهدم احلامي.
مردش عليا ،قعدت قدمه و قولت بهدوء: ليك حق تزعل، بس أنت عارف أني من صغري بحب اجيب حقي بنفسي ،صح يا بابا.
مردش برضو كملت: بابا أنا متأكدة أنك تقدر تجيب حقي من التخين، بس كان لي هدف ،و زي ما قولت لماما ،كنت عايزة قلبي الغبي يعرف أنه غبي، كنت عايزة أخرج من هناك و مفيش اي مشاعر بيني و بين سليم، لو كنت مشيت الطريقة التقليدية، كنت اتعذب في بعده صح، بس كده اتعافت من حبه، خدت حقي و رجعت ،بابا أنا آسفة.
مد ايده لي ،مسكت ايده و قولت بحب: سامحني يا بابا.
دخلت اوضتي و الحمد لله خالي مشي و هو مبسوط لأن بابا مش زعلان منه.
و محدش من اهلي زعلان مني.
دخلت الحمام أخذت شاور.
أول ما نزلت تحت المياة، لقيت اني بنهار من العياط ،دي دموع مكتومة مش دموع زعل على حد، لا دموع راحة دموع و سعادة و حرية أنا بقيت حرة، لازم ابدا من جديد، ايه يعني مطلقة ، اشتغل في شركة بابا و احقق نفسي.
خرجت صليت ،و من فترة طويلة نمت براحة و سعادة.
حياتي تغيرت بالكامل
بقيت شاطرة في شغلي حتي لو شركة بابا بس اعتمدت على نفسي مش بس كده، ربنا عوضني براجل بجد، صاحب اخوي.
:للمرة المليون بقولك أنا مطلقة و مش بخلف و أنت دي أول جوزة لك.
قال بحب: بحبك يا نغم.
أكدت على كلامي: أنا اتطلقت علشان مش بخلف.
رد نفس الرد: بحبك يا نغم.
ابتسمت من غير رد
حبيت اختبره و قولت أن سبب طلاقي عدم الخلفة، توقعت يبعد عني، لقيته متمسكة بي اكتر و قال دي حاجة في ايد ربنا.
تنهدت و قولت: جاسر.
بص لي و قال : نعم يا قلبي.
ابتسمت بخجل و قولت: أنت مستعد للفرح بكرة.
هز راسه بنعم
كملت: طيب أنا بكدب عليك.
بص بصدمة و قال بحزن: يعني ايه، تضحكي عليا، و ناوية تلغي الفرح، أنا قعدت تلات سنين امشي وراكي زي المجنون، و اخيرا من شهر وافقتي على الجواز دلوقتي تقولي بضحك عليك ليه يا نغم ،ليه بتعملي فيا كده.
فهمني غلط ، بس أنا كنت مبسوطة و أنا شايفة الحزن في عينه من فكرة أني ابعد عنه.
: يا جاسر فهمتني غلط، قصدي ضحكت عليك اني مش بخلف، أنا بخلف.
و حكيت حكايتي أنا و سليم .
: سمعت أن الطفل الصغير راح ملجأ و أن صابر طلق سميحة بعد ما هددت تقتل نفسها، و ابو سليم بقا مشلول و اسماء محدش معبرة و قاعدة من غير جوزا، و ام سليم عايشة مع نفسها، كل حاجة تغيرت في البيت ده بعد اللي حصل.
كان بيص لي بابتسامة و أنا بكلم و قال: برافو عليكي انك عرفتي تاخدي حقك.
ابتسمت و قولت: خاف مني بقا.
جاسر بابتسامة: لا مش اخاف أنا بحبك.
اتجوزت أنا و جاسر و عشت احلي ايام حياتي.
و بعد سنة من الجواز خلفت بنتين تؤم و بعد سنتين خلفت ولدين توؤم
و ربنا كرمني بأربع اولاد و عايشة اسعد أيام حياتي مع جاسر و نسيت الماضي.
نغم: و بس كده يا بنات دي حكايتي
قالت نور: حكاية صعبة، بس برفو عليكي يا نغم خدتي حقك صح.
نجاة: طول عمرك قوية، يلا احكي يا نور
هزت راسها بالرفض و قالت: أنتِ الاول يا نوجة.
تنهدت بحزن و قالت: حكايتي صعبة يا بنات ،بلاش احسن.
قالت نغم بفضول: لا أنا حكيت احكي أنتِ كمان
قالت: انا اتجوزت اتنين اخوات.
بصوا بصدمة و قالت نور: نهار أسود ازاي.
نظرت إلى الأمام بحزن: حكاية طويلة و صعبة.
نغم: احكي.
نجاة: لا جعانة عايزة أكل الاول.
نظرت نور و نغم لها و واضح انها تتهرب من الحديث.
و خلصت حكاية نغم
و على موعد مع حكاية نجاة
اتمني تفاعل حلوة علشان نعرف حكاية نجاة بسرعة
لو وصلت لهنا يبقي لايك و كومنت مش صعب عليك بس يسعدني
علشان اكمل بسرعة
#لأجل_الحب
#روايات_بقلم_منال_كريم
❤️❤️❤️❤️❤️❤️❤️❤️
سبحان الله وبحمده سبحان الله العظيم
استغفر الله العظيم و اتوب اليه
لا اله الا الله وحده لا شريك له له الملك وله الحمد وهو على كل شيء قدير
اللهم صل وسلم وبارك على سيدنا محمد
لا اله الا انت سبحانك اني كنت من الظالمين
لا حول ولا قوه الا بالله العلي العظيم
❤️❤️❤️❤️❤️❤️❤️❤️❤️
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملة من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق