رواية البلطجي الفصل الحادى وعشرون والثانى وعشرون والثالث وعشرون والرابع وعشرون والخامس وعشرون بقلم ولاء حامد حصريه في مدونة قصر الروايات
رواية البلطجي الفصل الحادى وعشرون والثانى وعشرون والثالث وعشرون والرابع وعشرون والخامس وعشرون بقلم ولاء حامد حصريه في مدونة قصر الروايات
رفعت بصوت عالي سمع كل الشركه:يعني ايه الكلام داه حد يفهمني اكتر من تلاتين صفقه نخسرهم في كام شهر
رقيه يا رفعت اهدا الموظفين سمعو صوتنا
رفعت بصوت اعلى وهو بيرمي كل اللي قدامه على المكتب على الأرض: مايسمعو انا اللي يهمني الشغل دي ملايين وعمالين نخسر فيها واحده ورا التانيه اكيد في خاين في الشركه هو اللي بيسرق الصفقات
رأفت بصله ورفع كتافه مين المسؤل عن الصفقات
رفعت اترمى على الكرسي وفك الكارفات وفتح او زرارين انا المسؤل
رأفت ببرود طيب الورق بيكون مع مين
رفعت بعصبيه منا قولتلك معايا هي حكايه
رأفت بمطة شفايف طيب اهدا العصبيه غلط عليك
رقيه بتأكيد رأفت عنده حق العصبيه غلط عليك وبص لنص الكوبايه المليان زي ما خسرنا صفقات كسبنا غيرها
رفعت انتي مش فاهمه حاجه الصفقات اللي كسبناها متجيش قد صفقه واحده من اللي خسرناهم
رقيه اوكي معاك بس بردوا مخسرناش نركز اكتر ونشوف الخلل فين ونعدله ونصلحه
رأفت بهدوء عندك حق يا رقيه مش مهم اللي فات وكمل بغموض المهم اللي جاي
رفعت بتعب طيب سيبوني افكر وارد عليكم
رأفت وقف طيب تمام اسيبكم علشان ورايا شغل
رقيه رايح فين كده
رأفت منا بقولك عندي شغل ولسه في تقفيل ميزانيات
رقيه ماشي وكمل بخبث وهي يتصلون زي الحربايه طيب مش ناوي تيجي تزورني وتقعد معايا وبدموع تماسيح منا بقيت قاعده لوحدي وشي فوش الحيطان من وقت ما الاولاد سابوني
رافت ان شاء الله نظبط بس الدنيا منا كمان زيك وقلبي واكلني على ابني كمان بقالي شهور وشهور معرفش عنه أي حاجه
رقيه سندت ضهرها على الكرسي اطمن عايشين هنا وسراج مع عادل وعاصم
رأفت قعد بلهفه بجد فين
رقيه بلامبالاه في شقه عماد القديمه
رأفت طيب هما كويسين عاملين ايه بيصرفو منين
رقيه بمكر اشتغلوا في الشركه القديمه اللي كنت بشتغل فيها مع عماد
رأفت براحه الحمد لله الله يطمن قلبك
رقيه ياااه للدرجادي
رأفت واكتر يا رقيه دول زرعتي اللي رويتها بسنين عمري وكمل بشرود كنت بغرز فيهم كل حاجه حلوه كانت في احمد الله يرحمه وكنت بفرح لما بشوفهم يوم عن يوم نسخه منه
رقيه خلاص خلصنا عرفت أخبارهم مش كل شويه تفتح في السيره دي مهو بسببك طفشو
رأفت بحزن وسخريه فعلا بسببي انا رايح اشوف شغلي سلام
********************************
مهدي دخل الشقه وهو مرهق
سراج ايه يا ابني سيبتنا وروحت فين كده
مهدي كنت ببعت فلوس لميار منتا عارف انها رافضه اي حاجه من بابا وماما
سراج بحزن والله عندها حق ياريت رهف كانت زيها كنت قطعت من لحمي وطعمتها بس للأسف واخده جينات مدام دودي ودم رفعت بيه في الطمع والجشع متعرفش تعيش من غير العربيات والخدم والحشم ولبس البرندات متعرفش تتحرك من غير الفشخره الكدابه وتتباهي بالفلوس ياريت كنا اتربينا زيكم
مهدي بحيره قصدك إيه
سراج بشرود وعينه ثابته في نقطه فراغ قدامه عارف احيانا بحس لن اونكل رأفت غير دايما كنت بحس في عنيه بحزن ولما انهار فيهم عرفت انه مشيل نفسه الذنب
مهدي بصله بإستغراب ذنب
سراج ايوه ذنب ذنب اخوه واضح انه الوحيد في العيله دي اللي نضيف ولسه جواه خير
مهدي بضحكه عاليه خير مين يا ابني مهو شاركهم وقسم معاهم التورته انتا بتتكلم ازاي
عاصم انضملهم كلام سراج صح لو كنت ركزت كنت عرفت ان بابا الله يرحمه واونكل رأفت حاولو بكل الطرق انهم يرجعو حق اولاد اونكل احمد وانا برتب مكتب بابا لقيت الملف اللي فيه اوراق اونكل احمد وفيه ورق كتير جدا خالص بتوقيع والدك
مهدي طيب ليه قبل وليه كمل وليه شاركهم
عادل على ما اظن اسباب كتير أولها المشاكل اللي قامت بين والدك ووالدتك واللي كانت بتخطيط اونكل رفعت وطنط دريه بإشراف رقيه هانم تاني حاجه وداه احساس كبير جوايا انه كان عايز يحافظ حتى لو على جزء من حق اولاد اونكل احمد والدليل على كلامي صدمته لما اونكل رفعت قال أنه ابن اونكل احمد بقى بلطجي قد الدنيا وزعيقه وصوته العالي بيدل انه كان فعلا بيحاول يوصل ليهم ومش عارف
مهدي مسح وشه بإيديه انا مش عارف مبقتش لا عارف ولا فاهم ولا عايز اعرف ولا أفهم اي حاجه
عادل اهدي وكل حاجه هاتتحل ان شاء الله
سراج طيب هانعمل ايه في موضوع ولاد عمنا احنا بقالنا شهور قاعدين محلك سر ولا خدنا خطوه ولا اتحركنا هانفضل نأجل لحد أمته
عادل رفع كتافه بمعني معرفش
عاصم بتعقل لحد ما نقدر نلاقي حل سبق وقولنا انه بلطجي يعني لو وقعنا تحت إيده مش هايسمي ولا هايصلي علينا بالعكس هاينتقهم منهم فينا والنار االي في جوفه هاتطلع علينا تحرقنا كلنا
مهدي بس لازم نلاقي حل
سراج اكيد ليها حل
عادل نركز بس وان شاء الله خير
************************************
هارون رجع وهو تعبان
هنا بلهفه يالهوي مالك يا هارون
هارون وهو بيفرك عنيه عندي صداع وتعبان
هنا سلامتك فيك ايه
هارون مفيش شويه تعب بسيط متتخضيش كده يا لت اخوكي شديد
هنا بلا شديد بلا حديد خش خش ريح جتتك وافصل دماغك االي عماله تور زي المكنه دي شويه مش شايف عنيك عامل ازي دي حمرا زي ماشاخيب النار
هارون بإبتسامه بسيطه يالهوي عليكي يا هنا بتعملي من الحبه اوبه
هنا اسكت انتا بلا اوبا بلا كوبا ادخل نام
هارون ماشي هادخل اريح شويه ولما اخواتك ييجو صحيني عايزكم
هنا في ايه
هارون لما ييجو بس بالله عليكي محد يعمل صوت دماغي هاتتفرتك
هنا لا اطمن جنا نايمه وحسام ف يالدرس لسه مجاش وانا كده ولا كده داخله المطبخ اكمل الغدا
هارون ماشي
ودخل ورقد على السرير بهدومه وعنيه ثابته على السقف وعقله عمال يدور زي المروحه اللي شغاله فوق منه
قبل وقت قصير
حسام وقف مصدوم ومبرق
بلال هزه من كتفه في ايه يا ابني اقف ومتنح كده ليه
حسام ها
بلال مالك ياض احنا مش هاندخل في سنتنا دي ولا ايه
حسام بصله وفي ثانيه خد باله من العربيه اللي بتتحرك قدامه بلال عايزك تقطر العربيه دي متغبش عن عينك فاهم
بلال طيب اركب وساق الموتوسيكل
وكأنه طاير بيه علشان يجاري سرعه العربيه لحد ما وصل للقطاميه العربيه دخلت والأمن وقف الموتوسيكل
بلال احنا بنعمل ايه هنا
حسام متلفتش ليه
الأمن حضرتك مين وعايز مين يا فندم
حسام عايز صاحب العربيه ال بي ام اللي دخلت دي
الأمن بشك حضرتك عايز مين بالظبط
حسام بحسم عايز هارون احمد شافعي
الأمن بإطمئنان ثواني يا فندم ابلغ هارون بيه على الانتركوم وارجعلك لانه ممنوع دخول تي حد بدون إذن السكان
حسام لا خلاص انا هاتصل بيه وابقى اقابله مره تانيه
بلال في ايه يا ابني وبتسال على اخوك هنا ليه ايه اللي هايجيب اخوك هنا
حسام بخنقه انا عايز اروح
بلال طب فهمني متسبنيش على عمايا
حسام بعصبيه روحني يل بلال انا تعبان الله يخليك حاسس اني مخنوق ومش قادر اخد نفسي
بلال طب اركب
ركب وبلال اتحرك وحسام حاسس ان قلبه هايقف ومليون سؤال بينهشو في عقله وسؤال واحد بينهش فيه ليه لحد ما وصل عند السنتر
بلال بقلق من حاله حسام تحب اوصلك مكان معين
حسان بسرحان هز رأسه ومشي زي اللي عقله شت منه وبلال واقف خايف عليه ومش عارف يعمل ايه
حسام حس انه محتاج يمشي برغم الهوا اللي كان بيخبط في وشه الا انه جواه نار طابقه على صدره وقايده في جوفك بتحرق روحه
فضل ماشي ومش حاسس برجليه لحد ما وصل البيت وقف قدام البيت القديم وهو مصدوم طلع السلالم ومع كل سلمه ذكرى بتيجي في عقله لحد ما وصل وفتح الباب وكأنه فتح باب الجحيم
هنا من جوه طلعت بصوت واطي حمد الله على السلامه اتاخرت يعني مش عوايدك
حسام معلش اصلي كنت بشوف اللي مشفتوش ولا حتى في احلامي
هنا بإستغراب يا اختي مالك ياض جاي زي اللي شارب كده ليه
حسام دانا شارب لما اكتفيت واستويت
هنا مالك فيك ايه ياضي عيني
حسام مالك بتهمسي كده ليه
هنا هارون جه وتعبان وشكله تعبان
حسام بتريقه لاء سلامته الف الف سلامه
هنا مالك بتتريق كده ليه ياض على تعب اخوك
حسام بصوت عالي الله وانا قولت حاجه ولا كل حاجه ليا واقفه في الزور ومعرضه
هنا وطي صوتك اخوك واختك تعبانين مفيش دم
حسام لاء سيبت الدم لأصحابه اصلي طلعت بعيد عنك معرفش عنه أي حاجه ولا اعرف حاجه ف حاجه خالص
هارون طلع في ايه صوتكم عالي
حسام بوجع وقهره اهلا اهلا بهارون باشا وبص عليه بتقييم تيه اللبس داه يا راجل اومال فين البدل الفخمه والعربيات البي ام تؤتؤ مظنش البيت هنا ميلقيش بالبيه وبقى يتلفت حوالين نفسه وصوته عمال يعلى اكتر واكتر وطلعت جنا من اوضتها
هنا بصدمه في ايه يا واد انتا اتجننت عمال تتريق وتتمألت على اخوك اخص على ربايتك
حسام بص لهارون قولها يا هارون انا بتريق ولا بتكلم بجد قولها على فيلا القطاميه والعربيات واللبس الفخم يا راجل دانتا كنت لسه بيه من كام ساعه لحقت تنساه
هارون حط ايديه في جيوبه خلصت ولا لسه عندك كلام تاني محتاج تقوله عرفني عشان اقدر ارد عليك
هنا بصت لهارون بصدمه معناته ايه الكلام داه يا هارون
حسام بعصبيه وعروق جسمه ووشه نفرت منها : معناه ان البيه عايش حياته ومستعر منا ساكن في فيلا بملايين ورامينا هنا في جحر معفن محنا منلقش بالبيه نعره البيه عايش وبيدخل مطاعم الكوبايه فيها بس بمصروف البيت شهرين واحنا هنا طالع عين ابونا
هنا بصت لهارون بدموع الكلام داه صح يا هارون مستعر منا يا ابن صابره مستعر من اخواتك ايه خفت لنكون زي اخوات ابوك فقولت تدس وتداري لنطمع فيك
جنا معقول يا هارون انتا شايفنا وحشين اوي كده طيب ليه طيب بلاش كنت تعيشنا معاك كنت خلنا في حته كويسه عن دي ليه ليه كده
هارون غمض عنيه بوجع كل اللي عنده كلمه خلصها ولا لسه في حاجه تاني في حق هارون الوحش ابن ستين في سبعين اديني مستني لحد ما تخلصو كلامكم عشان اقدر أفهم البهوات اللي نصبو نفسهم قاضي وجلاد وطلعوني الأخ الطماع وكمل بسخريه حتى اللي قاسمتني الشقا والوجع صدقت وقالت زيهم آمين
حسام هاتقول ايه هاتنكر انك ساكن في فيلا واكيد طبعا العربيه اللي روحنا بيها كانت بتاع البيه
هارون منكرش بس انتا شوفت الحكايه من نظرك بس مع انك لو كنت صبرت لحد ما اصحي كنت عرفت كل حاجه بدل المحكمه اللي واقفين نصبينهالي دي ابيه يا ست هنا مش قبل ما انام قولتلك لما اخوكي ييجي صحيني عشان عايزكم وقعد وهو بيحاول يتمالك اعصابه وشاورلهم بإيديه بتهكم محمل بكل معاني الخذلان والوجع اقعدوا اصل الحكايه هاتطول عشان اقدر افهمكم اخوك ابن ال وغمض عنيه علشان يقدر يتحكم في اعصابه ولسانه عمل إيه ووصل لايه وخبى ليه
الكل قعد ومركزين لابعد الحدود
هارون غمض عنيه لما خلصت ثانوي كنت ناوي استكفى من التعليم بس شوفت حلم ابويا وهو بيقولي يا بشمهندس افتكرت دعوه امي لكا قالتلهم بكره ابني يكبر ويجيب حقي فاكر كل حاجه زي ما يكون انهارده قدمت ورقي في الجامعه وكنت بروح واحيانا كنت بغيب عشان شغلي وعشانكم وروحت للدكاتره مكاتبهم وحكيتلهم بعض ظروفي وللامانه محدش قصر كنت بشتغل في الزباله بس كنت بتلتم وبخبي وشي عشان محدش يعرفني من زمايلي لحد ما شوفت اعلان الكافيه وكان ليا صاحب في الجامعه ابوه طلع يعرف صاحب الكافيه واشتغلت جمب الجامعه وجمب شغلي مع المعلم جابر الله يرحمه بس سيبت شغل النباشين وقلت الحمد لله على كل حال وكنت بكتفي بالزبالة اللي كانت بتطلع من الكافيه كان عندي هوس بالتصاميم الهندسيه كنت بحب ابتكر لدرجه كانت بتخلي الدكاتره منبهرين بيا من كتر جمالها وموجوده لحد دلوقتي في الكليه وموجود عليها اسمي لحد ما في يوم كنت شغال وبقدم طلبات للزباين
فلاش باك هارون تطلب ايه يا فندم
مالك قهوه مظبوط
مصطفي وانا قهوه مانو
هارون تمام واتحرك بلغ المطبخ بالمطلوب
ودقايق وكان راجع بصنيه الطلبات
مالك يا مصطفي المشروع داه اخر امل للشركه لو خسرناه هانخسر كل حاجه
مصطفييب والحل احنا معتمدين على المهندسين اللي شغالين
مالك مهم شغالين بقالهم كام سنه ومفيش جديد كل البيوت اللي مفتوحه من ورانا هاتتقفل واحنا كمان
مصطفي خلي أملك في ربنا كبير
مالك ونعم بالله بس بردوا لازم حل جذري
كل الكلام داير وودان هارون ليه كانت بالمرصاد حط طلباتهم واتحرك يشوف شغله لحد ما خلصو وطلبو الشيك هارون اخده وقبل ما يخرجو لو حضرتك عايز حل لمشكلتك تقدر تستناني في كافتريا اخر الشارع اسمها ..... انا شيفت الشغل بتاعي هايخلص كمان ساعه هاقبلكم هناك وصدقني مش هاتخسر
مصطفي بص لمالك اللي هزله رأسه ماشي
وخلص هارون بلهفه
وغير اليونيفورم وطلع بسرعه وكأنه بيسابق الطريق جري لحد الكافيه وصل وهو بينهج
هارون قعد
مالك ايه يا ابني جاي بتجري ولا إيه
هارون بهزه راس ايوه
مصطفي بقلق قولت عندك حل فياريت تقوله
هارون بعد ما قدى يتمالك اعصابه وخد نفسه اللي فهمته ان الشركه عندكم واقفه على المشروع داه لو كسبتوه يبقى بدايه كويسه وتقدرو تكملو في السوق ولو خسرتوه هاتخسروا كل حاجه صح
مالك حقيقي
هارون المشكله دلوقتي ان نصير المشروع في التصميم الهندسي
مالك ايوه محنا قولنا كل داه وانتا سمعته لازمته إيه تعيده
هارون زياده تأكيد
مصطفي واتأكدت ها وبعدين
هارون بتعقل استجمع فيه كل قوته وطاقته :انا عندي الحل
مالك بصله بسخريه انتا داه اللي هو ازاي انتا شكلك اصلا لسه عيل اه طول بعرض بس اضح اوي انط لسه اندر ايدج يا بابا
هارون سني ميخصكش انا هاقدملك عرض كويس
مصطفي اللي هو واخلص بدل ما احنا عمالين نلف وندور حوالين بعض
هارون هاديك تصميم مبدئي وواثق انه هايكتسح بجداره
مالك بنظره غريبه وكأنه بيحاول يفهم تركيبته والمقابل
هارون المقابل لما يرسى العطا عليكم نبقى نتكلم فيه
مصطفي استني انتا مقابل ايه احنا هانشتري سمك في ميا
هارون عندك حق بكره هاقبلكم هنا ومعايا التصميم بس لو فيها تقاله حد يعرفني معاينه الموقع وابعاد المساحه
مالك بص لمصطفي بحيره بسيطه واستخدم التليفون الارضي اللي موجود في الكافيه واتصل بالمهندس المسؤل وهارون مسك ورقه وقلم وبيكتب كل كلمه واجابه سؤال سئله لحد كا خلص
هارون كده تمام بكره بعد العشا هتلاقيني هنا
مالك متعرفناش لحد دلوقتي
هارون بفخر المهندس هارون احمد شافعي طالب بالفرقه الثالثه بكليه الهندسه
مالك تشرفنا بس مش شايف ثقتك زايده اوي على مجرد طالب
هارون بثقه بكره هاتشوف وتعرف بنفسك سلام
بعد ما مشي هارون
مصطفي انتا هاتمشي ورا كلام عيل لسه بيدرس
مالك بغموض مش في مثل بيقولك يوضع سره في أضعف خلقه نصبر هانخسر ايه احنا already واقفين على شفا الإفلاس فهاخسر ايه لو جربت
مصطفي خسرانين وقت ضايع احنا اولى بيه بدل ما نمشي ونلبس في الحيط
مالك لو خسرنا مهيبقاش عندنا اكتر منه مش جايز فعلا يكون حبل النجاه مش هانخسر حاجه لو جربنا ثقه الواد داه في نفسه مرعبه علشان كده عندي احساس انه هايعمل حاجه مهمه
ومر اليوم وهارون اعتذر للمعلم جابر عن الشغل وبلغه انه عنده مشروع مهم تبع الكليه ووافق واعتذر عن الكافيه تاني يوم وفضل شغال على المشروع ومطبق باق النهار والليل ونهار تاني يوم لحد بالليل
واخيرا كان خلص بص للتصميم بإنبهار
ومصدق جه الوقت وخد التصميم وطلع على الكافيه
مالك ومصطفي بصوله وبصوا للوحه اللي في ايده
مالك ها ادينا جينا حسب الميعاد
هارون وانا كمان جاهز وفضى التربيزه وفرد اللوحه عليها وبداء يشرح في أساسيات التصميم
مالك مع كل كلمه بينبهر اكتر
مصطفي بإقتناع منكرش انه كويس جدا بس خد بالك دي تعتبر فرصتنا الاخيره ومش مطلوب فيها مجازفه
هارون بثقه لو عندك اللي يعملك تصميم افضل يبقى اتكل على الله ومتضيعش وقت
مالك طيب نتفاهم هتاخد كام مقابل التصميم
هارون قعد وخد نفس يستعد للملحمه اللي جايه انا مش عايز فلوس
مالك اومال عايز ايه تتعين في الشركه
هارون تؤ قولتلك هاعرض عليك Dell كويس لو كسبتو المشروع داه هادخل شريك بنسبه5%
مصطفي قام منطور انتا اتجننت عارف الشركه اللي عايز تحشر نفسك فيها دي اتكلفت قد ايه خد مشروعك يا شاطر وروح اللعب بيه بعيد
هارون بهدوء وعنيه ثابته في عين مصطفي شركه على شفا الإفلاس ملهاش سعر في السوق لو كسبتو هادخل بالنسبه اللي قولتها انا مش طماع ولو خسرتوه لا قدر الله يبقى كفا الله المؤمنين شر القتال ولو اني اشك
مالك وهو باصص عليه بإعجاب وايه اللي يضمنلك او يضمنلنا الصدق والثقه
هارون اول هام الكلام مهيبقاش بوقيقي الكلام هايتكتب على ورق عند محامي تاني هام زي ما انا محتاجكم انتو كمان محتاجيني
مالك بص لمصطفي بتفكير
هارون معاك لبكره العصر قولت آمين هانخلص كل حاجه ولو متصلتش يبقى هاعرف انه مش لازمكم وكمل ضرب على الحديد وهو سخن ولو اتصلتو بعد العصر بردوا مش هارد
يلا سلام والتصميم عندك
مالك ومش خايف
هارون يبقى لسه متعرفيش المشروع متسجل بإسمي في الكليه سلام
مصطفي انتا ناوي توافق على الهبل داه
مالك بعنين بتلمع وليه لاء احنا كده ولا كده مش خسرانين انتا شوفت الواد ألم بكل جوانب المشروع في لحظه وعامل تصميم انا نفسي انبهرت بيه ومتنكرش ان انتا كمان منبهر بيه عنيك فضحاك
مصطفي ماشي بس كده طمع عيني عينك
مالك وماله يطمع وينحت الصخر عشان يرفع الشركه
مصطفي اللي زي داه مش هايكتفي ب 5% بكره عايز عشره وبعده الربع
مالك معاك بس كل ما يزود نسبته هاتزيد معاه نسبنا انا سالت امبارح على الواد داه الدكاتره بتوعه مسميينه عبقرينو بسبب تصميماته والكل بيتنبأ ليه بمستقبل باهر
مصطفي بصله بصدمه وسكت
ياترى مالك ومصطفي هايتفقوا ولا لاء
والمشروع هايكسبوه ولا لاء
يا ترى هارون مخبي ايه لسه
يتبع
الفصل الثاني والعشرون
مالك: مالك يا ابني مبرقلي عنيك وساكت ومتنح كده ليه ومتنح
مصطفي بتوضيح مستغربك جدا انتا عارف معني كلامك داه ايه اننا بنجازف وان دي يعتبر فرصتنا الاخيره يعني يا نكمل في السوق ويبقى لينا اسم يا يتردم علينا ونتنسي وكأننا مكناش فيه
مالك هز راسه عارف وعلشان كده انا عارف انا بعمل ايه
مصطفي بعصبيه يا مالك افهمني الواد داه طماع طماااع افهم داه لسه موافقناش وبيتشرط علينا من البدايه وبيقولك عايز 5% من قيمه الشركه يعني لا متطلع لتعيين ولا منصب لا داه راسم على تقيل انتا عارف الشركه دي في حد ذاتها اتكلفت علينا قد إيه علشان نتنازل عن جزء منها حتى لو كان صغير لحتة عيل ابن إمبارح
مالك بهدوء طيب اهدا والصوت العالي ملهوش لازمه اه عارف وفاهم كويس اوووي وهارجع واقولك وماله 5% مش هاتقسمنا
مصطفي يا ابني افهم داه انهارده 5 وبكره عشره وبعده عشرين داه طماااع
مالك الطمع فضيله خمسه في الشركه دي وخمسه في الشركه وخمسه في الشركه دي علشان يبقوا 15% وباقي ال 95% الباقيين في كل شركه هايبقوا ليا انا وانتا
مصطفي قصدك ايه مش فاهم متقولي اللي في دماغك داهعلى طول بدل ما عمال أكل في روحي وانتا هادي زي لوح التلج
مالك: من الاخر كده دماغ الواد داه هاتكسبنا دهب وماله لما يطمع في 5% في شركه وبكره بدل ما تبقى شركه تبقى مجموعة شركات اللي انا شوفته في عنين الواد داه والإصرار اللي والعزيمة اللي عنده اقدر اقولك ان عندي يقين انه هايرفع الشركه من الأرض ويوصلها لسابع سما
مصطفي يعني انتا ناويت تعتمد التصميم داه للمشروع وفعلا وتديله ال 5% من اسهم الشركه
مالك اه وياسيدي انا هاديهومله من نصيبي انا بعيد عنك تماما علشان متزعلش
مصطفي انا مش بتكلم في نصيبي ونصيبك احنا من يوم ما فتحنا الشركه دي واحنا مع بعض فيها خطوه بخطوه
مالك عارف بس مادام انا اللي اعتمدت المشروع اتحمله
مصطفي يا مالك افهمني من فضلك وخد بالك من نقطه غايبه عنك
ان داه تصميم طالب لسه في الكليه يعني مش مهندس محترف ولا حتى تحت التدريب
مالك هزله راسه بجنب عارف بس اللي انتي مخدتش بالك منه انه وعدا عليك اذا كان مجرد طالب زي ما بتقول ومن مجرد السمع قدر يعرف كل التفاصيل وادقها أبعاد المساحه والمطلوب في تصميم المشروع ومسابش تفصيله واحده ان اي حد يسأل او يستفسر عليها في المشروع غير انك لو بصيت على التصميم في حد ذاته مبهر من جميع النواحي يعني تقدر تقول تصميم كامل متكامل وشامل
مصطفي كل داه كويسه بردوا ناوي على ايه في الاخر لان الشغل مفيهوش عواطف ولا فيه احساسي واحساسك الشغل يعني فلوس وإما مكسب او خساره فمتكونش متسرع علشان منخسرش كلنا
مالك بإقتناع هزله راسه تمام عندك حق وعلشان كده وعلشان انتا ترتاح وانا كمان ارتاح هانعرض المشروع دلوقتي على المهندس المسؤل عن التصاميم الهندسيه في الشركه ونشوف رائيه ورد فعله وتعليقه عليه
مصطفي لو كان كده ماشي ونشوف هو بردوا يفهم عننا احنا لينا في التجاره والصفقات والمشروعات إنما التصميم والتنفيذ داه شغله المهندسين
خدو التصميم وراحو الشركه واستدعو المهندس المسؤل
مالك فرد التصميم على البورد
لؤي شاف التصميم ونظره انبهار ملت عنيه مغابتش عن عين مابك ولا مصطفي وبداء يركز في كل أبعاد التصميم والمساحة
مالك ايه رائيك يا في التصميم داه للمشروع
لؤي بتردد كويس يا فندم مش بطال
مالك وهو مركز عينه عليه يعني نقدر نقدمه ولا فيه اي عيوب قالها بخبث مبطن
لؤي اتحنح احم احم وبص للتصميم مره تانيه ورد بعمليه حفظا لماء الوجه هو كويس إلى حد ما بس حاسه انه مبتداء شويه يعني ممكن يكون فيه شويه تعديلات بردوا
مالك بمكر بصله بجمب عنيه زي ايه مثلا
لؤي حك مناخيره بطرف صباعه محتاج اركز فيه اكتر علشان اقدر اوضحه بصوره اكبر وأوضح لحضرتك
مالك تمام يا بشمهندس تقدر تتفضل على مكتبك دلوقتي ونبقى نتكلم بعدين
لؤي ماشي يا فندم
مصطفي بتسرع وكأنه ما صدق وجاتله الفرصه :ها المهندس نفسه وداه في حد ذاته مش شخص صغير ولا لسه مبتداء داه دترس ومحضر ماجستير ودكتورةه كمان قالك ان التصميم في عيوب ومحتاج بعض التعديلات
مالك بإبتسامه طول عمرك متسرع جدا يا مصطفي انا واثق انك خدت بالك من لمعه عنيه وصدمته لما شاف التصميم انبهر زي ما انا وانتا انبهرنا بيه
مصطفي بإستغراب طيب ليه قال كده وهو عارف اننا ممكن نلغي التصميم بسبب كلامه
مالك هو قال كده حفظا لماء الوجه ولمكانته التصميم لو كان عايز تعديل مكانش قعد يقيس أبعاد المساحه بنفسه اكتر من ربع ساعه
مصطفي بقله حيله يعني بردوا مصر واللي في دماغك في دماغك
مالك اه مصر وانا المسؤل يا سيدي
مصطفي انتا حر والله شكلك هاتغرقنا كلنا بسبب عيل لسه متعرفين عليه من يومين
مالك بكره تتأكد من وجهة نظري وتشكرني سلام علشان اللحق اقدم التصميم
وقدم المشروع
والكل كان على نار مالك ومصطفي اللي مترقبين
وهارون اللي مستني خبطته اللي يا صابت ورفعته وبظاء معاها طريق أحلامه يا خابت واندفن معاها ويعيش طول عمره محلك سر
مالك وصله الخبر انهم كسبوا المشروع بل بميزانيه مفتوحه
اتصل بمطصفي تعلالي مكتبي دلوقتي حالا بسرعه
مصطفي وصل مكتب مابك جري وهو بينهج في ايه ايه اللي حصل طمني جايبني على ملا وشي في ايه
مالك قام وحضنه جامد
مصطفي بإستغراب في ايه يا ابني طمني
مالك بصله بفرحه كسبنا المشروع
مصطفي عنيه برقت لاء بتهزر
مالك اقسم بالله ما بهزر ومش بس كده لاء
مصطفي بإنصات ايه
مالك بميزانيه مفتوحه
مصطفي بغباء يعني ايه
مالك يعني معانا جرين لاين المهم المشروع يطلع نفس التصميم بالمللي بدون غلطه ومش مهم التكلفه مهما ان كانت عارف
اه معناه ايه
مصطفي اترمى على الكرسي معناه اننا لمينا حق المشروع ومكسبنا اللي نحدده مهما ان كان
مالك بالظبط يعني اقدر اقولك وبقلب جامد اننا عدينا الازمه بإكتساح عرفت ان كان وجهة نظري صح اه كانت مجازفه بس مجازفه في محلها
مصطفي الواد داه دماغه دي ايه
مالك بإنبهار الواد داه دماغه عامله زي حته الالماظ اللي مرميه على الأرض ومحدش كان عارف قيمتها ومن حسن حظنا ان القدر جابها ورماها لحد عندنا علشان نشيل التراب اللي مغطيها علشان تلمع ونلمع معاها
مصطفي طيب دلوقتي ناوي على ايه
مالك مش خساره فيه ال 5 % داه عدانا من ازمه كنا هانحتاج شعور وشهور ان مكانش سنه او اكتر علشان نعديها ولانه كمام لازم يكون المشرف على المشروع
مصطفي بصراحه عندك حق علشان كده هاسيبلك انتا التصرف
مالك تمام وهو كذلك وانا لسه عند كلمتي ال 5% من نصيبي وانتا نصيبك في الحفظ والصون
مصطفي برفض لاء طبعا كلنا في مركب واحده النسبه هاتتقسم بينا بالتساوي
مالك راجع نفسك
مصطفي آمنت بالله يا عم خلاص بقى مكانوش كلمتين
مالك ماشي كلامك. اتصل بهارون اللي جه بأسرع ما يكون
هارون بلهفه ممزوجه بالقلق خير
مالك بإبتسامه كل خير مدله ايده بملف
فتحه هارون واتصدم منه ورفع وشه معني كده ان المشروع كسبتوه
مالك هزله راسه فعلا وانا بنفذ اتفاقي معاك اتفضل وقع علشان ابعت العقود الشؤن القانونيه علشان يخلصو إجراءات انضمامك للشركه
هارون بلهفه مسك القلم ووقع بسرعه وكأنه بيوقع على عقد أحلامه خلص وعطا الملف لمالك وخده وطلع بعته للسكرتاريه
مالك مادم ندا سلمي الملف داه للشؤن القانونيه وبلغيهم يخلصوه على وجه السرعه
ندا حاضر يا فندم اعتبره حصل
دخل لهارون اللي قاعد بيرسم أحلامه اللي جايه
هارون طيب ناويين على ايه دلوقتي
مالك ناويين على كتير بس عايزين همتك معانا يا بشمهندس وخد بالك انتا هاتكون المسؤل عن تنفيذ المشروع لأنك ملم بكل كبيره وصغيره فيه
هارون اعتبره حصل
مالك وكده نصيبك من أرباح المشروع والمشاريع اللي جايه هاتخده لأنك بقيت شريك رسمي ومن دل قتي لحد ما تتخرج اعتبر نفسك مهندس هنا بخلاف شراكتك معانا عايزن همتك في اللي جاي ورينا الإبداع اللي الكل بيتكلم عنه
هارون بغموض من غير ما تقول من هنا وجاي هاتشوف الشغل الصح
مالك وداه أملي فيك انا جازفت وكنت عند ثقتي
هارون متقلقش اللي فات كان ليكم واللي جاي ليا انا
مالك بقلق وترقب قصدك ايه
هارون يعني دلوقتي تقعد وتتفرج على الشغل هايبقى ازاي
مالك اخد نفسه براحه مهو داه أملي فيك
نهايه الفلاش بالك
هارون وهو لسه على نفس وضعه متحركش وعنيه في نفس مكانها ومن يومها وانا سيبت المعلم جابر والراجل الشهاده لله مقصرش وكان دايما في ضهري وساندني كتير وسيبت شغل الكافيه وحطيت كل جهدي وتركيزي على شغل الشركه وتلات سنين وانا شغال شغل من نار وبواصل الليل بالنهار واتخرجت وبقت الشركه اربع شركات. بقيت شريك ب أربعين في الميه وبرغم انهم ليهم ستين في الميه الا ان عمر حد مننا ما طمع كلنا بنعتمد على بعض واتقينا ربنا في الشغل والتعامل
هنا طب ليه خبيت دانا كنت اول واحده افرحلك
حسام بسخريه يمكن خاف نطمع فيه
هارون قام منطور من مكانه لو كنت خايف لتطمعو مكنتش جيت على نفسي عشانك مسألتش نفسك لحظه اللبس اللي لابسه جايبه منين لابس طقم بس البنطلون بألفين جنيه وتيشريت ب 3 آلاف جنيه وداخل مدرسه من أغلى المدارس ومدرسين الحصه بمرتب موظف
جنا طيب لما هو كده خبيت ليه
هارون بعصبيه وانهيار عشان كنت خايف عليكم
حسام بكشه وش خايف علينا ليه ومن ايه
هارون وهو بيشد في هدومه من شياطين الإنس اللي مكتوبين على اسمهم كانوا متابعينا وانا مهما ان كانت قوتي عمري ما كنت هاقدر اسد قصادهم انتوا نقطه ضعفي الوحيده في الدنيا ومش هاقدر اعيش اللي عشته مع هنا تاني واشوفه في حد منكم علشان كده كان لازم اوصلهم واوصل للكل اني بلطجي عشان يخافو يقربو منكم عشان احميكم وياريته عجب دانالعت ابن ستين في سبعين ايه اعمل ايه تاني عشان اعجبكم
هنا طب وحد الله واهدا احنا بس عايزين نفهم مش اكتر يقطعني
هارون غمض عنيه وحاول يهدي نفسه ضم هنا لحضنه بعد الشر عليكي متقوليش كده
حسام اومال ليه قولت لو صبرت كنت هاتقولنا معناه ايه الكلام داه
هارون اتنهد وحاول يجمع أنفاسه
هنا طب اقعد وكمل انتا اصلا عنيك حمرا وشكلك تعبان
هارون غمض عنيه وفتحها تاني :لاء اطمني انا كويس الحمد لله وقعد وبص لحسام من فتره كنت داخل مشروع تبع العاصمه الجديده وشركتي كسبته بإكتساح والتصميم بتاعي تم اعتماده الوجهه الأيقونة للعاصمه ككل والمفروض ان فيه حفل لطرح المشروعات وتعريف كل الشركات المساهمه والمهندسين كمان وانا لازم ومضطر احضرها
و كنت جاي ودماغي عماله تودي وتجيب ازاي اعرفكم واجيبلكم الموضوع وميل راسه في الأرض وكمل بحزن بس للاسف الاستاذ كان سبق وعرف الموضوع الأول وبدل ما ييجي يسألني جاي بيتهمني
حسام ميل راسه بكسوف من نفسه
جنا بفرحه يعني احنا هانسيب الحاره هنا
هارون هزلها راسه ايوه يا جنا هاظبط دنيتي وهانروح الفيلا اللي البيه بيتهمني ان عايش وببرطع فيها لوحدي وانا اساسا كنت كل يوم معاكم واكل شارب نايم هنا وسطيكم ومكنتش بقدر اغمض عنيا الا لما اطمن على كل واحد وواحده فيكم
وبص لحسام انا مكنتش بروح هناك الا عشان لغير هدومي وبس وغير كده عمري ما بيت فيها ولما حضرتك تيجي كمان كام يوم هتتأكد بنفسك ان الفرش زي ماهو مفيش غير بدل بس وهدوم ليا في دولابي
حسام بتبرير والله ما قصدي انا اتصدمت ومكنتش عارف حسيت ان عقلي اتشل
هارون مردش على حد وسابهم ودخل اوضته وكلهم بيبصو لبعض بوجع
********************************
صدفه داخله الجامعه بسرعه
فريده ايه يا بنتي داخله زي القطر القشاش اللي واخد في وشه كده ليه
صدفه قعدت على رصيف عالي ورايا هم ما يتلم عايزه اكمل المشروع التقييمي
فريده يانهار ابيض انتي لسه مخلصتيهوش
صدفه لاء يا اختي شوفتي بختي المأندل
فريده معلش ربنا معاكي يا حبيبتي
صدفه بدئت تشتغل في الاسكتش بتاعها
فريده بقولك ايه يا دودو
صدفه وهي عينها في الاسكتش اممم
فريده بصي احنا لسه قدامنا ولا ساعه ساعه ونص على السكشن وصاحبتك يا معلم قاطعانا من الجوع
صدفه رفعت رأسها وضمت شفايفها بعوجه يابت انتي المفروض انك بنت ناس بيقولو كده يعني
فريده ايوه يعني هو اولاد الناس مبياكلوش يعني يا صدفه ولا وايه مبنجوعش مثلا
صدفه لا يا اختي ولاد الناس اللي زيك كده بياكلو الجبنه بالشوكه والسكينة
فريده لا خالص معلوماتك عني اما بالذات غلط يا باشا المهم سيبك من اولاد الناس وأولاد الكلب دلوقتي وخلينا في الأكل
صدفه ماشي شوفي عايزه تطفحي ايه عشان تنزلي من على اوداني
فريده تيجي نضرب فول وطعميه
صدفه ضاعت تربيه الاتيكيت يا بتاع ايجيبت واتهرست في الاسفلت
فريده بضحكه لا منا بقيت تربيتك
صدفه تربيه وسخه معرفتش اربي اصلا
فريده ميرسي يا بيبي
صدفه العفش العفش يا حبيبتي بقولك ايه بقى مادام انتي طالبه معاكي رمرمه روحي هاتيلنا اتنين فول وطعميه لحد ما اخلص التصميم اللي في ايدي داه
فريده اشطا يا برنس اطير انا
صدفه بصوت عالي شويه بت اوعي تنسي البتنجان المخلل
فريده وبتوم وحياتك هو انا اقدر انساه
وقعدت صدفه تكمل وفريده ربع ساعه وكانت رجعت صدفه قفلت الاسكتش وحطته جمبها وبدأت تاكل بجوع وفجاءه اتخضت من صوت صراخ فريده اللي جمبها
صدفه في ايه يا بت
فريده كازه على اسنانها ولا قادره تفتح بوقها وتطلع اللي فيه ولا قادره تتكلم
صدفه يا بت مالك في ايه
فريده وهي بتصرخ بصوت مكتوم شاورت لصدفه على الساندوتش لقيت صرصار نصف في الساندوتش ونصه في بوق فريده تفت اللي في بوقها بسرعه ورمت الساندوتش ومن القرفه رجعت كل اللي اكلته واتلفتت لقيت فريده على وضعها
صدفه بنهجان من الترجيع وهي بتمسح بوقها الله يخربيتك البيت اللي جنب بيتك انتي لسه في بوقك
فريده دموعها نزلت
صدفه قربت منها وخبطتها على قفاها جامد طلعت اللي في بوقها ورجعت اللي في بطنها وصدفه واقفه جمبها لحد ما خلصت ومسكت ازازه الميه وبقت تمضمض بوقها بقرف لحد ما خلصت الازازاه
صدفه اترمت على الأرض منك لله يا شيخه دانتي طفحتينا اللقمه يا بعيده وطرشتيهالنا منك لله انتي جبتيه من عند مين يا بنت ال
فريده وهي بتحاول تاخد نفسها من عند المحل اللي جمب السايبر اللي قدام الكليه
صدقه بقرف خبطتها بالشنطة بقي يابنت المعفنه ملقتيش الا تلوث وتجيبي منه داه سمعته سبقاه يخربيت اهلك بقتيل داه الصراصير معششه جواه من كتر النتانه لما انتي ناقح عليكي اوي الفول والطعميه مجبتيهوش من اي عربيه بره ليه اهي اضمن وانضف
فريده وهي قرفانه وبطنها بدائت توجعها وانا كنت اعرف منين بس يا صدفه اسكتي بالله عليكي بطني هاتموتني
صدفه مهو طبيعي هو اللي حصل داه كان شويه
فريده انا تعبانه اووي
صدفه طب تعالي نروح اي صيدليه تاخدي اي مطهر معوي وسندتها لحد ما راحو الصيدليه وحكت اللي حصل واخدت مطهر معوي ورطعو الكليه تاني
فريده بتعب بطني بطني يا صدفه هاتموتني
صدفه بت بقولك ايه صدفه مش عايزه صوات جار ودنها كفايه سديتي نفسي بقيت اليوم وجبتيلي القرفه في بطني وموعتي نفسي
فريده والله بطني وجعاني
صدفه بنفخه خلاص يا اختي مكانش صرصار اللي عمل فيكي داه كله انتي خدتي مطهر ومسكن شويه وبطنك هاترتاح
***************************
في الفيلا عند رقيه قاعده وقدامها ألبوم صور عماله تقلب في صفحاته وشويه تبتسم وشويه تكشر تبص على صورها مع جوزها وأولادها وتبتسم وتقلب وتشوف صور أولادها وهما في السعوديه مع ابوهم اللي اخظتها منهم وطبعتها وحطتهم في الالبوم مع باقي ذكرياتها وترجع تكشر وترجع تتأمل الصور اللي ليها مع أولادها لما رجعو لحضنها وتبتسم فضلت وقت طويل على وضعها
رن جرس الفيلا وفتحت الخدامه
دريه بتكبر الهانم هنا
الخدامه بإحترام اه في الليفنح روم
دريه طيب انا داخلالها
رقيه أول ما سمعت صوت دريه قفلت الألبوم حطته تحت الشتله وقعدت مكانها تاني
دريه ايه يا روكا مختفيه
رقيه برفعه حاجب وداه من أمته داه
دريه من زمان والله وانتي عارفه انا لقيت نفسي فاضيه قولت لما اجي اقعد معاكي شويه
رقيه والله طيب اعملي الشويتين دول على حد تاني غيري داحنا دافنينه سوا وعارفين اللي فيها وغمزتلها بعينها يعني بلاش البوقين دول معايا انا بالذات فأنجزي وهاتي من الاخر وقولي ايه اللي جابك لحد عندي
دريه بإبتسامه خبيثه ومكر مخفاش عن عنين رقيه :احلى حاجه فيكي يا رقيه وبتعجبني اوي ان احنا الاتنين ماشيين على نفس الخط مع بعض
رقيه طب كويس انك عارفه داه وفهماه ها بردوا مقولتليش جايه ليه
دريه بهدوء عملتو ايه في موضوع رأفت
رقيه بإستغراب وانتي عرفتي موضوع رأفت منين
دريه بضحكه رقيعه وانتي فاكره ان رفعت بيخبي عليا حاجه داه مفيش حاجه تمت الا بمعرفتي وتحت اشرافي كمان وبيني وبينك كيفتني فكره انكم ترموه بره الشركه مهو ميبقاش التعب تعبنا وهو يكبش وياخد على الجاهز
رقيه طيب مادام عرفتي من رفعت مسالتيهوش هو ليه جيالي انا ليه
دريه بصراحه بقاله فتره عصبي وكل ما اكلمه يتهرب ويغير الموضوع فقولت أرسى على بر منك
رقيه ببرود شديد لسه معملناش حاجه ولا خدنا خطوه
دريه ازاي رفعت كان قايلي انكم هاتظبطو الموضوع عندك هنا من فتره
رقيه فعلا بس معرفناش
دريه ليه وكل حاجه على حسب علمي كان معمول حسابها بالورقه والقلم
رقيه حصل بس رأفت كمان حويط وبحوره غريقه وطول عمره مبيأمنش لحد وخصوصا بعد موضوع احمد وهو دايما معانا شكاك لأبعد الحدود وكل ما نيجي نعمل معاه حاجه تبوظ
دريه طيب ما يمكن عارف وبيلاعبكم من تحت لتحت
رقيه غمزت بعين واحده تؤ مظنش
دريه ليه بتتكلمي بثقه اوي كده
رقيه لاني عارفه كل واحد من أخواتي لو رفعت كنت اقولك اه إنما رأفت لاء مش من النوع اللي بيعرف يخبي طول عمره مندفع ومشاعره سيقاه يعني لا بيعرف يخبي ولا يداري كل الموضوع انه حظ مش اكتر
دريه بتفكير طيب وانتي ناويه على إيه هاتسيبي الموضوع كده مفتوح
رقيه اكيد لاء بس محتاج تخطيط على تقيل وتركيز
دريه بمكر عارفه مين اللي ينفعنا في الموضوع داه
رقيه مين
يا ترى دريه بتفكر في مين
ويا ترى رقيه ناويه على إيه
يا ترى هارون لما يظهر ايه اللي هايحصل
وياترى عيله المالكي مصير هارون معاهم ايه
يتبع
الفصل الثالث والعشرون
هارون رايح لأول مره من غير خوف او قلق دخل الشركه بهيبته المعتاده وانضمله في المكتب مالك ومصطفي
مالك ها يا كبير ناوي على ايه امبارح قولت اوك وقولت هافكر فناوي على ايه
هار ن خد نفس وكتمه للحظان وخرجه مره واحده اوك رايح
مالك قدر ياخد نفسه اخيرا اشهد ان لا إله إلا الله وان محمد رسول الله اخيرا يا جدع يعني خلاص ناويت تظهر وتعلن عن نفسك
هارون والله يا حبيب اخوك ما عندي حل تاني انتوا وعمالين تزنوا عليا زي الدبانه الرخمه اللي مهما تقولها هش ابدا لاصقه ومتبته
مالك يا ابني افهم الدعوه محدده في العموم للشركه والخصوص للمهندس المسؤل متنساش ان المشروع هو الوجهه الأيقونة يعني حديث الصحف ان مكانش العالم
هارون خلاص يا عم عرفنا قولت حاضر
مصطفي طيب اعمل حسابك يا بشمهندس ان الحفله فب مركز القاهره الدولي للمؤتمرات
هارون أوك مش كده ولا كده الدخول محدد الاشخاص
مالك اه
هارون والانفتيشن معاك
مالك ايوه معايا طبعا
هارون خلاص هانروح مع بعض
مالك فعلا اولا لأننا شركاء تاني هام لأنك المهندس المسؤل بس اعمل حسابك ان الصحافه هاتبقى ماليه المكان ومليون مصور ومصور غير السوشيال ميديا يعني من هنا وجاي حياتك يا بشمهندس هاتبقى تحت الميكرسكوب زي ما بيقولو كده
هار ن بنفخه وداه اللي مكنتش عايزه
مالك ما باليد حيله
هارون خلاص بالله عليك كده خلاص ولا فيه حاجه تانيه
مالك لاء تمام
هارون بقولك ايه تعرف شركه تنضيف كويسه
مالك بإستغراب شركه تنظيف ليه
هارون هاييجو يليفوني يا مالك عايزهم ينضفو مكان تبعي فيها حاجه دي
مالك لالا حالك انا بس استغربت مش اكتر
هارون طيب تعرف ولا لاء
مالك اه اعرف شركه كويسه بنتعامل معاه
هارون طيب تمام ابعتلي رقمهم على الواتس ضروري متنساش
مالك اوك اعتبره عندك أوصى المكتب وهابتعته على طول
هارون بهزه راس ماشي
دقايق وكان وصله الرقم اتصل بيهم واتفق معاهم على تنضيف الفيلا
ورجع وهو جواه جبال هموم دخل البيت زي الغريب فيه
هنا مسكت ايده ايه يا هارون خرجت من غير حتى ما تشقر عليا زي عوايدك كل يوم
هارون اتنهد معلش يا هنا تعبان شويه وعايز انام نزلت علشان كان عندي شغل مستعجل وجيت علشان اريح جسمي شوبه من التعب
هنا لحد أمته وهاتفضل واخد جمب داحنا طول عمرنا مع بعض وياما دقت على الراس طبول واحنا استحملنا وعدينا
هارون بالله عليكي يا هنا انا تعبان ومحتاج ارتاح شويه بعدين نبقى نتكلم
هنا عمرك ما كنت قاسي يا هارون كده
هارون بعصبيه انا لا قاسي ولا نيله انا تعبت تعبت من كل حاجه
طلع حسام وبصله وسكت وجنا اللي وقفت ورا هنا
هنا طيب وحد الله واهدا امسحها فيا
هارون امسح ايه ولا ايه الأول كنت بقول ياض عدي ومعلش مش فاهمين حاجه سنين وسنين وهنا بيستعروا مني ودلوقتي جايين عليا وبقيت ابن كلب اناني وبداري عليهم لحد أمته هافضل كل نفس ابررهولهم بالله عليكي سبيني اداوي نفسي بنفسي زي ما اتعودت طول عمري وكمل بحزن ووجع مكتوم زي دموعه وبصلهم بحسره مهو يظهر ان مصير ابوكم الله يرحمه انا ورثته منه وسابهم ودخل اوضته وهنا بصتله بوجع وبصت لحسام بحده ارتاحت ومبسوط دلوقتي كده ومتكيف
حسام بتبرير يا هنا والله ما كنت اعرف اللي فيها انا اتصدمت يومها ومحستش
هنا ودلوقتي حسيت وخبطت كف بكف خلاص الجمل برك ونخ والجبل بداء يقع بس يكون في معلومك هارون لو وقع معناه موتنا كلنا من غير ما حد لا يسمي ولا يصلي علينا
حسام بصلها وغمض عنيه لحد ما عصرها عندك حق انا عارف والله انا هادخله واتكلم معاه
هنا شدته من دراعه ابعد عن هارون دلوقتي انتا متعرفوش وكملت بحده وعصبيه من أمته وانتا ولا اختك تعرفو عنه حاجه سنين. انتوا واخدين جمب منه زي ما يكون جربه ايه دلوقتي بقى سكر وحلاوته قاطعه وزياده حته سيبوه سيبوه في حاله وخبطتت على صدرها بإيديها وانا اللي غلطانه انساقت ومشيت وراكم عمياني زي البهيمة اللي مغميين عنيها
جنا والله يا هنا محد كان يقصد ولما فهمنا بنحاول نصلح معاه
هنا بعد ايه بعد خراب مالطه سيبوه دلوقتي وهو لما يفوق ويهدا يحلها ربنا وسابتهم ودخلت اوضتها
جنا بصت لحسام بحزن
ودخلت ورا هنا
وحسام بص على باب اوضه هارون وفتح الباب ودخل لقي هارون قاعد وساند راسه والاوضه كلها دخان
حسام كح جامد وفتح البلكونه مش ناوي تبطل العاده اللي فيك دي يا ابني منين ما تمون متضايق تفضل تحرق في قلبك
هارون من غير ما يبصله وانتا تعرف ايه عني اصلا
حسام بكسوف من نفسه عندك حق عارف اني غلطان بس انتا طول عمرك الكبير ودايما بتعرفني غلطي وبتشيل عني
هارون نفخ الدخان وكأنه نار طالعه من جوفه وياريت لقيت تقدير لا عايشين وكل واحد اول ما بييجي يرمى الهم يرميه على اكتاف هارون واهي بتشيل ومحدش فكر هاقدر اتحمل لحد أمته
حسام عارف ومقدر بس انتا كمان لازم تقدر اننا مكناش نعرف حاجه عن كل داه بص للصوره من بره
هارون عايز إيه يا حسام انا عايز اقعد مع نفسي شويه
حسام مش عايزك تزعل حقك عليا عارف اني غلط يا سيدي اعتبرني عيل وغلط
هارون بصله وحود عينه تاني مينفعش تبقى عيل اللي جاي عايز رجاله قلبها ميت عايز اللي يدخل النار وميتحرقش احنا رايحين لجحر افاعي برجلينا
حسام قصدك ايه
هارون بشرود كل شيئ بأوانه متستعجلش
حسام حاضر بس متزعلش بقى
هارون بإبتسامه لا تتعدا حدود شفايفه حصل خير
حسام مش من قلبك
هارون بصله وثبت عينه في عين اخوه لو مكانتش من قلبي ماكنش وماني برد عليك اصلا ولا قعدت معاك في قعده عايزك تكبر حكم عقلك واعرف الحكايه من النحيتين اوعي والتسرع اللي حصل بيضيع صاحبه انا معرفش بكره شايل ايه ومخبي في جوفه ايه عايزك عصب فاهمني
حسام فاهمك وانتا في ضهري
هارون شد على كتفه طول ما فيا نفس في ضهركم بس بلاش تكونو انتوا السبب في كسره ضهري وحنيته قدام الناس
حسام لا عاش ولا كان اللي يعملها ولا يحنيك وتفضل كول عمرك صالح طولك وفارس قلوعك كمان وكمان
هارون ماشي اقفل البلكونه دي عشان عايز اريح جسمي شويه
حسام ماشي ولما هنا تخلص الأكل هانصحيك ماشي
هارون ماشي سيبني انام
حسام ماشي وارحم نفسك من الحريقه دي انتا مش لاقي صحتك في كيس شيبسي
هارون بإبتسامه امشي ياض
وغمض عنيه بتنهيده ونام من غير ما يحس مش عارف من التعب ولا من الخوف والقلق
صدفه خلصت المحاضرات وطالعه تجري فريده وهي بتجري وراها في ايه يا بت اهدي مركبه عجل في رجليكي قطعتي نفسي منك لله
صدفه يابت متأخره بصي خدي داه ناولتها الاسكتش
فريده ايه داه
صدفه داه المشروع قدميه بدالي علشان معنديش وقت لازم اللحق اوصل الشركه
فريده ايوه يا عم مين قدك الأولى على الدفعه وتدريب في شركه
صدفه خمسه في عينك يا شيخه وانا اقول ايه اللي جايبني ورا اتاريه من قرك عليا يابت دانا طابع عين اهلي يا اختي فاتهدي كده الله يسترك
فريده عنين الحبايب مش بتحسد انتي عارفه اني اكتر واحده تتمنالك الخير اللي في الدنيا لأنك تستاهلي كل خير
صدفه بإبتسامه قلبي يا ناااس
فريده بضحك قلبي ودقاته يا قلب قلبي
صدفه طب يلى بقى بدل جو العشق اللي يموع النفس داه يا بت مش طالبه محن وتلزيق
فريده طب بقولك ايه متيجي معايا اوصلك في طريقي
صدفه بركه يا اختي اهو وفرتي عليا أجرة التكاسي وبهدله المواصلات وانا اصلا لسه دابه خناقه من كام يوم مع سواق لما فرجتا على بعض الشارع
فريده وهي بتركب العربيه ليه ايه اللي حصل
صدفه ولا حاجه ابن الوارمه فاكرني مختومه على قفايا وعايز ياخد ضعف الاجره وياريت على كده يا اختي
فريده اومال ايه
صدفه عوجت بوقها يمين وشمال لا داه بيعاكس عليه واحده مزمزيل تخليكي تجيبي اللي في بطنك
فريده بضحك الفرنساوي في ذمة الله
صدفه بضحك لا وحياتك داه يرحمه الله
فريده وبعدين عملتي ايه
صدفه بمطة شفايف ولا حاجه انتي عارفاني كيوت عرفته غلطه بالعقل
فريده اه فهمت يبقى فرجتي عليه امه لا اله الا الله
صدفه عندي حق ولا غلطانه
فريده حد يقدر يقول كده
صدفه ايو بحسب
فريده انتي عليكي ايه البهدلة دي كلها كليه وتدريب ورايح راجع وياريت بتاخدي ابيض ولا اسود لا دانتي بتدفعي من جيبك كمان مواصلات وتصميم وغيره
صدفه بصراحه كده عندي امل اني بعد ما اخلص اتعين في الشركه انتي عارفه الدنيا ملطشه مع الناس ولا في شغل ولا نيله والشهادة دلوقتي بقت حته ورقه مرميه في الدرج
فريده انا مش عايزه احبطك بس انتي رايحه تدريب مع اوائل الدفعه يعني مش لوحدك
صدفه عارفه علشان كده بحاول اثبت مكانتي على قد ما اقدر
فريده ربنا يكتبلك اللي فيه الخير بس بردوا ركزي على دراستك اكتر علشان تتعبني في الجامعه ترتيبك يخليكي تتعيني معيده وانتي حاطه رجل على رجل
صدفه الله اعلم الموضوع عايز واسطه متنسيش داه
فريده على العموم لسه معانا الوقت
يلا يا قمر وصلنا
صدفه نزلت نردهالك في الأفراح يا قمر
فريده هزت رأسها بضحك ومشيت
في بيت عماد الكل قاعد بيتفرج على التلفزيون وسراج قاعد سرحان
مهدي خبطه في جمبه بكوعه هاااي روحت فين
سراج بفكر
عادل عمل كتم للصوت: بتفكر في ايه
سراج عايز ابظاء ادور على اولاد اونكل احمد
مهدي انتا مقرر بقى
سراج اه الموضوع طول وباخ اوووي واحنا قلقانين على الفاضي
عاصم طب ناوي على ايه او هاتبداء منين
سراج هاروح بكره السجل المدني واعمل قيد عائلي ومنه هاعرف مكانهم ونروح ونسأل واكيد هانوصل
مهدي بس حط في اعتبارك انهم مش هايستقبلونا بالاحضان
سراج قصدك ايه
مهدي لازم تكون مجهز كل حاجه في دماغك ولازم تكون حاطط كل رد فعل ليهم سواء هما او امهم لان اكيد مرات اونكل احمد اتبهدلت كتير وأولادها كمان
سراج بحسم مهما ان كان انا مش هاعيش وانا شايل ذنبهم على اكتافي اكتر من كده انا لا بقيت قادر اعيش ولا اعمل حاجه
عاصم معاك في كلامك بس لازم تكون مجهز لكل احتمال والاكيد انهم مش هايصدقوك
سراج عارف علشان كده بفكر اخد نسخه من الملف اللي معاك
عاصم بعدم فهم انهي ملف داه
سراج بتذكير: الملف اللي كان مجهزه اونكل رأفت واونكل عماد الله يرحمه
عاصم ااااه تمام مفيش مشكله لو هةينفعك تمام خده
سراج حاسس اني هحتاجه
عاصم تمام بس بردوا متستعجلش
سراج بتصحيح قصدك اتاخرنا كتير شهور وشهور واحنا بنماطل مهما ان كان التأخير المواجهه جايه جايه
عادل اكيد احنا بننصحك علشان تبقى جاهز ومستعد
سراج بصله قصدك جاهزين ومستعدين احنا في مركب واحده
عاصم عندك حق
مهدي على فكره بابا رن عليا كتير
سراج عرفت منين مش انتا يا ابني غيرت رقمك
مهدي اه بس رابط الخطين ببعض يعين لو حد رن بيجلي رساله على الخط داه
سراج تصدق ان رفعت باشا لحد دلوقتي مسألش عليا ولا كأني كنت موجود في حياته اصلا
عاصم وعادل بسخريه والله مش لوحدك يا ابني مدام رقيه نفسها برغم اننا مغيرناش ارقمانا وزي ما هي إلا انها مفكرتش حتى ترن ولو بالغلط
سراج بحزن عارفين انا بحاول افهم نوعيه ابويا وامي دول ايه مش عارف يا اخي مش حاسس انهم من عينه البشر برغم كل الشر والظلم الي عملوه الا انهم معندهومش اي احساس بالذنب خااالص كل تفكيرهم في الفلوس والبيزنس والصفقات
عادل والله يا ابني احنا عشنا مع مادام رقيه خمس سنين كنت فاكر انها ونعم الام بتعمل كل حاجه علشان تفرحنا وتعوضنا ولما عرفنا الحقيقه مبقاش قادر اشوفها غير شيطانه وظالمه وحتى مش حاسه بأي ذنب لاء وعاصم كان بيقولك اللي من غير ام حالته تغم بس تصدق ياض اني وانا بعيد عنها حاسس براحه غريبه
الكل بصله بإستغراب اه متبصوليش اوي كده طنت بدخل الفيلا مم هنا احس ان قلبي مقبوض وطول الليل كوابيس مبتفارقنيش
إنما هنا بحس براحه بنام مرتاح من غير كوابيس
سراج يمكن من المال الحرام اصل بيبقى ليه اثر سلبي على الإنسان حتى لو مكنتش تعرفه بتحس بحاجات غريبه حواليك وكأنها إشارات
مهدي غير الحوار اللي فتح جروحهم من تاني انتوا عارفين انه فيه احتفال في مركز القاهره الدولي للمؤتمرات
عاصم اه عرفت بتاع انطلاق العاصمه الجديده
سراج مش داه المشروع اللي رفعت باشا دفع فيه عشره مليون جنيه رشوه وضاع منه
مهدي اه هو
سراج حرام راح في حرام
الكل بص لبعضه وسكت محدش بقى عنده كلام تاني يقوله كل يوم بيتوجعوا اكتر من اليوم اللي قبله
رقيه بتركيز مين اللي ممكن يساعدنا
دريه دلال
رقيه بهزه راس :اتوكسي دي خايبه وبرياله وكلمه توديها وكلمه تجيبها
يعني لا منها شغله ولا عمله ولا نفع اساسا
دريه بخبث ووسوسه متنسيش يا رقيه ان الهبله ام رياله دي زمان هي اللي اقنعت رأفت انه يشارككم وينسى صابره وعيالها ويرمى طوبتهم عشان ميبقاش حد احسن من حد
رقيه بتفكير يعني انتي شايفه انها ممكن تنفعنا
دريه دي هي اللي هاتجيبلك الخلاصه
رقيه ازي ممكن تخون جوزها
دريه بمكر نلعب بوتر صابره
رقيه انتي هبله يابت ماصابره ماتت وشبعت موت من سنين
دريه بس دلال متعرفش محدش بعرف غيري انا وانتي ورفعت
رقيه بلمعه عين قصدك
دريه ايوه عليكي نور زي ما لعبنا زمان على وتر الغيره تشعللها دولوقتي كمان
رقيه يابنت الابالسه
دريه عشان تعرفي ان دماغي صاحيه وشغاله في كل اتجاه
رقيه فعلا مجاتش في بالي خااالص
دريه طيب يلا بينا نروحلها بسرعه بلاش تأخير
رقيه طيب اصبري بقى اطلع اغير وانزل نروحلها على طول
دريه يا اختي خلصي داه الفيلتين جار بعض يعني طالعه من هنا داخله هنا
رقيه برفض لاء طبعا انتي عايزاني اروحلها بالتريننج
دريه يا اختي مش وقت انعره زمان كنا بنطلع بعبايه البيت ونتلفح علهيا بالطرحه
رقيه بحده زمان ولى وفات ومات واندفن وانسيه وارميه في أول مقلب زباله ومتفتحيش فيه تاني عشان كتر النبش فيه غلط واظنزبسبب النبر داه المستور جزء منه بأن وكان التمن العيال
دريه عندك حق طيب يلا يلا بقى بلاش تأخير قبل ما اخوكي يرجع ويطب زي القضا المستعجل
رقيه بإستسلام عندك حق
ورحوا لدلال من الباب اللي بيربط الفيلتين ببعض
دلال بإستغراب وسخريه ايه يا جماعه حلمانين بيا بالليل جاينلي بربطه المعلم مع بعض
دريه ايه مزعلك اننا متجمعين زي زمان
دلال لا خالص متجمعين عند النبي ان شاء الله ولو اني اشك
دريه بتصنع الرقي ايه يا دلال الأسلوب البيئه يا روحي ساكنه في فيلا في كومباوند وخدم وحشم ولسه بتتكلمي بإسلوب الوراق استرقي شويه يا روحي
دلال وهي بتسند ضهرها على الكرسي والله يا حبيبتي من نسي قديمه تاه
رقيه خلاص مش جايين نلقح على بعض خلصنا
دلال بخنقه :خير جايينلي ليه يا رقيه مظنش انك جايه انتي وسلفتي واتعمدت تتك على الكلمه بقصد علشان تعرفوني الاتيكيت
رقيه لاء خالص عايزاكي اكيد في حاجه مهمه
دلال بقلق خير جيتك مبتريحنيش
رقيه ليه شوفتي مني ايه يخليكي تخافي مني
دلال سيبك مني خالص وقولي عايزه ايه
رقيه رأفت عامل ايه
دلال. بإستغراب كشت وشها رأفت جيالي تسأليني انا على اخوكي اللي في وشك كل يوم في الشركه طول النهار
رقيه بتصحيح سريع: اقصد عامل ايه لاني ملاحظه انه بقاله فتره متغير جامد وكول الوقت سرحان
دلال طبيعي وهو بعظ اللي حصل والعيال اللي سابتنا ومشيت عادي انه يكمل وكان شيئ لم يكن
رقيه لا خالص انا مقولتش كده بس العيال وانا طمنته عليهم يبقى ايه الي شاغل باله تاني
دلال رفعت كتافها الله اعلم علمي علمك لو انتي في بعدك تعرفي يبقى انا في قربي اعرف
رقيه بصراحه مش مطمنه حاسه ان رأفت ناوي على الغدر
دلال كشت حواجبها وهز رأسها بسخريه رأفت يغدر مظنش داه اغلب خلق الله
دريه بتأكيد لا يغدر يا دلال رأفت طلب يسحب نصيبه من الشركه مقالكيش
دلال بصتلهم بإستغراب وعدم تصديق
رقيه اتأكدت انها مسكت أول الخيط وكملت رأفت بيدور على صابره وعيالها فاهمه داه معناه ايه
دريه كملت قبل ما تستوعب الصدمه وكملت شكل رأفت حن للقديم وحابب يوصل الود من جديد
دلال خدت بالها من نظرات دريه ورقيه لبعض
بصتلهم ببرود وربعت ايديها: لا الزمن بقى الزمن ولا احنا لسا صغار كبرنا وعيالنا كبرت وكلها سنه ولا التانيه ويتجوزو ونبقى تيتا وجدو
رقيه بكره اللي زي صابره دي مبتتهدش موراهاش غير خراب الييوت
دلال بإندفاع عارفه يا رقيه انا في سؤال بقالي اكتر من عشرين سنه واكتر كمان نفسي اسالهولك حارقني اوي وكتماه في بطني لما يا اختي تعبت منه
رقيه بغرور وعنجهيه: لا يا حبيبتي متخليش حاجه في نفسك قولي اللي جواكي وريحي روحك ول اجابته عندي صدقيني مش هاقصر فيها واريحك على الآخر
دلال بتلقائيه انتي ليه بتكرهي صابره اوووي كده من يوم ما دخلت البيت القديم وانا شوفت الكره والحقد في عنيكي ليها عارفه لو كانت دريه كنت قولت ليها عذرها داه بيقولك مركب الضراير سارت ومركب السلايف غارت فمبلوعه مع ان يشهد ربي عليا مكانش في بينا الا كل ود إنما انتي ليه دي مرات اخوكي ولا شوفتي منها شر ولا في يوم جات عليكي مع انك بتحبيني انا ودريه وكنتي بتكرهيها لله في لله من غير سبب ولا بينه كانت في حالها كافيه خيرها شرها لا عملت فيكي ولا فيا ولا في حد حاجه كانت شايله اخوكي وصيناه ووقفت جاره لحد ما بقى فوق واللي انتوا فيه كان في الأساس ليها
رقيه بعصبيه دارتها ورا صوتها العالي عملت ولا معملتش مالكيش فيه
دلال بعموض لا ليا مادام جيتي لحد عندي وطالبه مساعدتي يبقى ليا فيه وانتي قولتي بعضمه لسانك انك لو عندك الاجابه هاتقولي يبقى خايفه من ايه
رقيه قامت منطوره احفظي كلامك مين دي اللي خايفه انا مبخافش من حد ولسه متخلقش
دلال اهدي يا رقيه العصبيه غلط عليكي احنا مبقيناش صغيرين علشان نتنرفز
رقيه قعدت بحده عايزه ايه يا دلال
دلال بهدوء واصرار عايزاكي تجاوبيني على سؤال حارقني من سنين
رقيه بهزه سنان وكره بيشر من عنيها :سرقتني
دلال بضحكه سخريه والله وخبطت كف بكف بطلودا واسمعودا يا جدعان انتوا هاتكدبو الكدبه وتصدقوها ولا إيه ما كلنا عارفين مين سرق مين وكان على عينك يا تاجر
رقيه بحزن وحنين سرق اخويا مني اصل احمد داه مكانش اخويا لا داه كان ابويا كان الحضن الحنين ليا والضهر والسند اللي مهما الدنيا جات عليا كنت عارفه انه هايفضل ساندني وعمره ما هايميل بيا كنت انا الأولى والتانيه والاخيره في حياته جات هي ببساطه في يوم وليله خدت كل داه وبقى ليها هي بعد ما مكانش يوم بيعدي الل لما يتصل بيا ويعدي عليا ويطمن علاي مبقاش يسأل الا كل فين وفين عشان كده كرهتها خلفتله عيال نسوه رقيه. عيالها نسوه بنته البكريه زي ما كان دايما يقولي نسته بنته اللي رباها على ايده وبقت هي الكل في الكل وانا اتركنت جمبها على الرف
دلال بذهول تصدقي يا رقيه انتي صعبانه عليا اوووي اه والله
رقيه بجبروت ميصعبش عليكي غالي
دلال بقرف لا مهو عشان انتي غاليه صعبانه عليا عارفه ليه
رقيه بقلبه وش ليه يا حبيتي اشجيني كلي اذان صاغيه
دلال بوجع عشان عشان الحقد اللي ملا قلوبكم لحد ما عما عيونكم انكم تشوفو ان اخوكم اداكم كل حاجه وانتوا وشاورت عليها وعلى دريه مقدمتلهوش اااااي حاجه خااالص كلنا بلا استثناء سواء انا وشاورت على نفسها سواء انتي او دريه او رفعت او رأفت الكل كليله محدش قدم لأحمد الله يرحمه اااي حاجه الكل كان بياخد وبس يقول هات وبس من غير حتى خد كلكم كنتوا عايزين احمد يعيش ويموت مرمطون ليكم فلوسه ليكم تصرفو وتعيشو وتتجوزو وتخلفو وتتدلعو وتتبغددو وهو يموت ويندفن بالحيا انتوا تعيشو ويبقى ليكم ذريه وهو يعيش الباقي من حياته يصرف عليكم ويعيش يعبد ربنا على سجاده الصلاه زي ما رفعت زمان قلهاله كنتو عايزين احمد يدور يلف بيكم وبعيالكم على الدكاتره والمستشفيات ويسأل ويشيل ويحمل ليكم انتوا وبس
إنما لما احمد يتعب محدش يسأل ولما بتجوز ويخلف زي زيكم وحقه في ماله وحياته ويقفل بابه عليه لاء معجبكوش عشان كده كرهكم لصابره مش عشانها كصابره دي صابره او اي واحده غيرها كان هايتجوزها احمد كنتوا بردوا هاتكرهوها بس عارفه انتوا كرهتوا صابره ليه عشان كانت احسن منكم واجدع منكم
الاتنين بصولها بصدمه
دلال متتصدموش اوي كده اه اجدع منك رجعت لاخوكم شبابه اللي سرقتوه عشان تكبروا وتعيشو وبنتله من مفيش ورجعتله سنين عمره اللي ضاعت عليكم وانتوا حمل فوق كتافه
عشان كده بقولكم محدش منكم حب احمد اللي بيحب حد بيحب كل حاجه من ريحته وانتوا بصراحه مقصرتوش اخدتو كل حاجه بس الحاجه اللي جات على كيفكم وهواكم وكل اللي كان يملكه احمد او صابره الا عيالهم طبعا كنتوا طمعانين فيها
وبصت لدريه بجمب عينها بخبث الا قوليلي يا رقيه هي مش صابره كان عندها صيغه لا دي كان عندها شيئ وشويات دانا فاكره يوم ولاده هارون ان احمد الله يرحمه جابلها شألة دهب اومال راحت فين داه غير اللي كان بيجيبهولها كل فتره وغير اللي جالها في ولاده هنا وولاده حسام وجنا دي كان عندها الدهب بالكيلو
رقيه برقت عنيها وكأنها يادوب افتكرت وكان الموضوع متشال من دماغها خالص فعلا ازاي انا مفكرتش في الموضوع داه خالص انا فاكره فعلا ان احمد كان جايبها كمله دهب ماهوله
دريه بلعت ريقها بصعوبه مخفتش عن عنين دلال وردت بسرعه تلاقيها سرقت مهي ايدها طويله من يومها
دلال ياشيخه قولي كلام غير داه دي باعت بيتها عشان احمد يعمل المشروع بتاعه وبعدين هي كانت في ايه ولا في ايه دي مفارقتش احمد وهو في المستشفى في توهت الحادثه وبعديها العزا وانتوا مقصرتوش خدتوها من الدار للنار شوليطي موليطي من شقتها اللي اتقفلت على اديكم وحبستوها في شقتكم فوق لحد ما فضحتوها ورمتوها في الشارع انصاص الليالي
وكملت وهي بتضربهم في بعض يبقى اظن ان في حد من أهل البيت هو اللي سرقه
رقيه بصت لدريه بجمب عينها
ودريه بتبص لدلال بغيظ وحقد
ودلال بإبتسامه ثقه
والكل دخل دايره الشك
يا ترى هايكتشو حقيقه سرقه دهب صابره
يا تري هايعرفوا ان هارون هو نفسه ابن اخوهم البلطجي
يا ترى مين صدفه دي كمان
يا ترى اللي جاي مخبي ايه تاني
يتبع
الفصل الرابع والعشرون
هارون عدا على الفيلا اطمن ان كل حاجه بقت كويسه خد بعضه ورجع الوراق
هنا حمد الله على السلامه يا هارون
هارون هز راسه الله يسلمك يا هنا
وبص لجنا وحسام اعملو حسابكم وجهزوا شنطكم علشان خلال يومين تلاته هانسيب هنا ونروح الفيلا
جنا بفرحه اتشعلقت في دراع هارون بجد والنبي
هارون بإبتسامه اه بجد يومين اكون ظبط هنا علشان مسبش المنطقه سداح مداح لكل من هب ودب ييجي وينطط على الناس
جنا عضت على شفايفها بطفوليه طيب عايزه اجي معاك الشركه بتاعتك اتفرج عليها عشان خاطري وطبطبت على صدرها بإيديها والنبي والنبي عايزه اشوف الشركه بتاعتك زي بتاع التلفزيون كده والبطل داخل لابس البدله والكل بيبص عليه بهيبه والساعه شايله الشنطه
هارون وهو بيزق ايدها بهزار ليه يا اختي واحدك المولد ولا فرح تقعدي تتفرجي اتهدي واقعد يابت
وبص لاخواته اقعدوا عشان عندي كلمتين لازم اقولهم للكل قبل ما نمشي
هنا قعدت جمبه خير يا اخويا وغوشتني
هارون بتنهيده لا مفيش يا هنا اطمني بس فيه كلمتين لازم ولابد منهم علشان محدش يرجع ويقول اني بخبي ولا بستعر منكم ولا كلام ملهوش لازمه
حسام بحرج خلاص بقى يا هارون قلبك ابيض منا فهمت واعتذرتلك
هارون بتنهيده معلشان فهمتوا وعرفتو الماضي وكل اللي فات بقى على عينك يا تاجر فلازم تكونو معايا في اللي جاي على نور علشان محدش يقول كأني ولا يكرر الكلام تاني
الكل بص لبعضه ورجعو بصوله
هارون ركزوا معايا علشان الكلام داه هاقوله لمره واحده علشان مش عايز ارجع اعيده تاني بصوا بقى احنا هانتنقل من حياه لحياه تانيه خالص الحاره محدش منكم هايبقى ليه صله بيها وانا كفيل بيها لاني هنا كبيرها والكبير مبيسبش مكانه الا لما ييجي اللي بعده يشيل منه وعنه
هنا بحزن يعني هانسيب جيرانا اللي عيشنا واتربيتا وسطهيم
هارون اه لان معنى رجوعكم معناه ملي ن سؤال وسؤال انا فى غنى عن الاجابه عليهم للناس في الوقت الحالي على الاقل
وكمل بترقب وعنيه بتتنقل عليهم بالدور دلوقتي انا مضطر أظهر في الاعلام والسوشيال ميديا بقوه وداه غصب عني لان المشروع وظهوره للعلن اجبرني على داه وقبل ما حد يقول مستعر ومش مستعر تشيلو الهبل داه خالص من دماغكم لا ينفع تظهروا ولا ينفع اسم شافع المالكي يتربط بإسمكم في جمله واحده ولا يتذكر على لسانكم
هنا بصتله بإستغراب وكشت وشها وكأنها بتحاول تقرأ اللي جواه
هارون خد باله وكمل بدون رد فعل كل اللي يسأل اسمك ايه حسام احمد هنا احمد جنا احمد وبس لو ازمت اوووي شافع في أضيق الحدود داه لو فرضا اضطريتوا إنما لقي المالكي يتمحي تماما من لسانكم وحياتكم وكأنه لم يكن في يوم من الأيام
حسام بفضول :اشمعني وليه بتقول كده ودلوقتي تحديدا ما الناس هنا عارفه اسمنا بالكامل
هارون هنا الناس متعرفش أهلنا ولا ليهم صله بيهم ناس على الله حكايتهم واصبر للآخر وهاتعرف الإجابه عن كل اللي بيدور في دماغك من غير ما تقعد تسأل وتستفسر لاني مش هاعيد الكلام داه تاني
هنا ماشي بس عايزين نعرف ليه بردوا
هارون بنفخه :لان بمنتهي البساطه العقارب اللي حوالينا لسه سايبه وانا لسه ملمتهاش ولا جه اوانهم
هنا بغضب بان على ملامح وشها ولح أمته هاتسيبهم مطلوقين في حياتنا وبيخربوها
هارون بشر واجرام اترسم على معالم وشه :لحد ما يأون الأوان وبإيدي دي وخبط بإيده بعنف على التربيزه كسر الرخامه اللمهم في اوسخ مقلب زباله وأولع فيهم بفلق بناره واقف اتفرج عليهم وهما بيتشوو جواه لحد ما يبقوا كومه رماد ادوس عليها بجزمتي واعدي واعيش اللي جاي على نضافه وبص لحسام بحده فهمت
حسام هزله راسه بالموافقه : اه فهمت خلاص يا هارون متشغلش بالك والي عايزه هايكون من هنا وجاي ومحدش لا هيسأل ولا يستفسر اللي هاتقوله هايكون وبس
هارون براحه كويس اوووي انك فهمت وقدرت لان الوقت اللي جاي عايز عيني تبقى في نص راسي وعايز بدل العين مليون محوطاني في مليون اتجاه علشان الضرب هاييجي من كل مكان ومن تحت لتحت قبل ما يبقى في الوش كمان
هنا بإحساس بالمسؤولية واحنا في ضهرك وعينك اللي تشوف بيها في غيابك والضهر اللي يسند في ميلتك اطمن وطمن بالك
هارون غمض عنيه براحه وارتياح
***************************
عادل طلع بالشاي : احلى كوبايه شاي وصايه حط الصينيه وخد كوبايته وشرب بوق عظمه على عظمه
وبص لقي كل واحد شارد في ملكوت: مالك يا مهدي بقيت كل ما اشوفك الاقيك سرحان بقالك كام يوم على نفس الحال
مهدي :ميار عماله تدبل يوم عن يوم وانا مبقتش عارف اعمل ايه معاها بقالها شهور وشهور على نفس الحال لا بتخرج ولا بتتكلم مع حد وطول الليل والنهار في اوضتها حتى الفلوس بتنزل يادوب تاخدها وتجيب طلباتها وتحطها في اوضتها وترجع تقفل على نفسها تاني
عادل طيب وانتا ناوي على ايه دلوقتي
مهدي مش عارف عايز اخدها بعيد عن البيت لو فضلت كده ممكن يحصلها حاجه او تدخل في حاله نفسيه اسواء من اللي هي فيها اساسا
عاصم طيب ما تجيبها هنا
مهدي انتا اهبل اجيبها هنا فين في شقه مليانه رجاله ليه شايفني مركب قرون
عاصم يا عم اهدا الشقه اللي فوق منا فضيت ممكن تأجرها ومنها تبقى تحت عينك تروح شغلك وانتا مطمن وتيجي تقعد معاها
مهدي تفتكر هاينفع
عادل وايه اللي يمنع نفعه
مهدي لأننا طول النهار بنكون في الشغل وبنيجي على المغرب وطول الوقت داه هاتبقى لوحدها
عاصم من النحيه دي اطمن الناس هنا اولاد بلد وجدعان وانتا كمان أكد عليها متفتحش الباب طول اما انتا مش موجود لحد ما نشوف الايام اللي جايه مخبيه ايه
مهدي مش عارفه انتا رائيك ايه يا سراج
سراج وهو باصص في الموبايل
مهدي: يا سراج في ايه عمال اكلمك سيب التليفون اللي في ايدك داه ورد عليا يا اخي
سراج رفع وشه ومعالم وشه بارده انا عرفت مكان اولاد اونكل احمد عايشين في الوراق
الكل في صوت واحد :ايه
سراج هز راسه بهدوء
عاصم عرفته منين
سراج وهو بيرفع التليفون قدامهم عملت قيد عائلي ولسه اصل من شويه
مهدي طيب كده كويس قطعنا نص الطريق
سراج وكأنه فقد كل معاني الحياه مرات اونكل احمد ماتت
الكل بص لبعضه بصدمه
مهدي اول من قدر يتمالك اعصابه
انتا جبت الكلام داه منين
سراج فتحله القيد العائلي
مهدي بلجلجه مش يمكن عملو كده علشان يخبو وجودها مثلا
سراج ببوادر امل تفتكر
مهدي مش عارف ممكن ليه لاء متنساش ان اللي حصل معاها مش سهل
عاصم يبقى نروح ونتأكد
عادل ازاي
عاصم نروح المكان داه ونسأل عليهم واكيد هو مشهور هناك مادام زي ما بيقولوا يعني انه احم احم بلطجي
مهدي قصدك نسأل الجيران عليهم
عاصم اه
سراج طيب يلا نروح
مهدي دلوقتي
سراج اه مش هاتستني اكتر من كده
عادل عندك حق دخل عاصم وجاب الملف اللي مركون من سنين في درج المكتب وطلعو مع بعض ونزلو راحو الوراق
********************************************
هارون كان وصل الفيلا الكل عمال يتلفت حواليه بإنبهار من جمال الفيلا
جنا الله يا ابيه المكان هنا تحفه اووي بجد
هارون بسخريه وهز راسه ابيه لسه مكملتيش ساعه وبتقولي ابيه ولسانك اتعوج اومال بعد كام يوم هاتقولي ايه وتعملي ايه
جنا وهي بتعدل ياقتها بطريقه وهميه وكوميديه مش لازم نشوفك ونبقى زيهم علشان محدش يقول اننا بيئه وغيرهم
هارون بصلها بتركيز لاء اسمعي مني بقى الكلمتين دول انا لا عايزكم زيهم ولا شبههم خالص مش عايز تقلعي توبك وتلبسي توب مش توبك عايزك جنا بنتي اللي اتربت على ايدي اللي هنا كلهم مناظر كدابه وقنعره فاضيه خليكي في لونك اوعي الألوان المبهرجه اللي حوليكي دي تشدك وتاخدك لدوامه وسخهم دي الوان قشره وعيره يا جنا
جنا قصدك ايه
هارون وهو بيلف دراعه حوالين كتفها وبياخدها لجوه الفيلا قصدي ان حضرتك عندك دلوقتي مذاكره انتي ثانويه عامه عايز مذاكره من نار وانتي كده زي الشاطره تأملي الكتب أكل علشان مفيش كليات ولا جامعات خاصه عايز مجموع يشرف عايز اشوف تعبي وشقايا في مجهودك ونتيجتك تمام
جنا حاضر يا هارون هارون بتش جبهتها بحب ربنا يحفظكم ليا يلا
جنا هزت راسها وطلعت اوضتها وكملت فرجه عليها بإنبهار
هنا وهي حاكه ايديها فوسطها خلصت يا اخويا وصلت الحب والدلع مهي خلاص جنا اللي بقت على الحجر وانا راحت عليا
هارون بحب طول عمرك نصي التاني يا هنايا
هنا بحب ربنا يخليك ويجبر بخاطرك زي ما دايما جابر بخاطر الكل
هارون اللهم امين اه على فكره انا كلمت مكتب تخديم يجيب بنت ولا اتنين يساعدوكي في شغل البيت
هنا برفض شوحت بإيديها لا يا اخويا انا مبحبش حد غريب يدخل بيتي دول بتبقى عينهم وحشه ولا بيقدروا تعب الناس وعينهم على اللي في ايد غيرهم
هارون يا هنا افهمي المكان هنا مش الشقه اوضتين تلاته الفيلا كبيره وتعب عليكي وهتحتاجي ناس كتير تساعدك فيها
هنا لاء يا اخويا لما ابقى اشتكي ابقى اتكلم
هارون بصبر يا هنا الموضوع ميتاخدش كده هاتتعبي وحيلك هايتهد
هنا لاء مهي المعدوله اللي فوق تبقى تساعدني بدل ما هي قاعده طول الليل والنهار على التليف ن والمدعوق النت
هارون طيب فهميني فيها ايه لو جبتي بنت ولا اتنين يساعدوكي اختك ثانويه عامه يعني عايزه تركيز
هنا بقلق مبرر: يا اخويا وانا ايش عرفني اللي جايه دي مين ولا بنت مين ولا مين اللي ممكن يكون زاققها علينا واديك بقيت قيمه وسيما وحاجه امله اهو
هارون بتعب من المناهده: يا هنا يا هون افهميني الله يخليكي الموضوع مش بيتحسب كده انتي بنفسك هاتقولي جااااي مش ااااي بس
هنا :ريح روحك محدش غريب هايخطي البيت ولا حايتنا تبقى مشاع ولا اقعد وابقى متكتفه منهم لا يمسعوا ويفتنوا انا اتعودت منك طول حياتي أن مطرح ما اليمين تأمن الشمال تخون وانا من بعد نفسي مبأمنش غير ليكم وبس يعني منا فينا فأقفل الكلام بقى لانه لا هايودي ولا هايجيب معايا
هارون بنفخه براحتك انتي حره بشوقك بس لو تعبتي ابقى قوليلي
هنا متخافش لو تعبت اختك معايا تسد اهو تتعلم شغل البيت عشان ينفعها
هارون بحده جنا عندها مذاكره
هنا بإبتاسمه بعد الامتحانات ارتاحت كده
هارون وهو طالع من الباب براحتك هو كول ما انتي دماغك جزمه كده حد هايرتاح ولا يشوف راحه دانا ليا الجنه منكم والله
****************************
وصلوا اخيرا الوراق ونزلوا الاربعه وبدئوا يسألوا عن هارون احمد شافع المالكي والكل دلهم على البيت حسو بإنتصار وصول المنطقه
سراج وقف شاب :لو سمحت فين بيت هارون
الشاب بيت المعلم هارون اهو
سراج ماشي شكرا
اتحركوا وقبل ما يدخلو البيت واحده من الجيران انتو عايزين مين
سراج عايزين هارون
الست بشهقه :هارون كده حاف اسمه المعلم هارون وهو اساسا ساب الحته
سراج بصدمه ايه متعرفيش راح فين
الست:علمي علمك
مهدي بسرعه طيب والست صابره طيب معاهم ولا لسه موجوده
الست بحزن :كبدي الله يرحمها دي ماتت من سنين بس بتسألو ليه
مهدي بصدمه كنا عايزينهم في مصلحه
عادل سحب مهدي وعاصم سحب سراج اللي كانوا في دنيا تانيه وركبوا العربيه ومشيو
كل داه تم تحت سمع ونظر رجاله هارون وأول ما مشيو رفع التليفون
هارون وهو واقف في الجنينه
ايوه يا برنس
البرنس كان فيه جماعه شكلهم من بره الحته وكانوا بيسألو عليك يا كبير
هارون بإستغراب جماعه مين دول
البرنس علمي علمك هما فضلو يسالو عليك. على الست صابره
هارون بإستغراب امي وبعدين
البرنس ولا قبلين لما عرفوا بموتها اتصدمو وخدوا بعضهم ومشيو
هارون شكلهم ايه دول ومين
البرنس شكلهم بهوات كده بس باين عليهم لسه شباب يمكن من سنك اة أصغر معرفش بس باين عليهم العز
هارون بقلق طيب لو جم تاني تحرجم عليهم وتديني خبر. حذاري ينفدوا من ايدك
البرنس وجب اعتبره حصل يا معلم
هارون ماشي
قفل معاه وكل عقله وتفكيره مين اللي جاي بعد سنين يسأل على امه
*****************************************
رأفت رجع الفيلا لقى دلال قاعده سرحانه ومحستش بوجوده
رأفت وهو بيخبط على كتفها مالك
ظلال اتنفضت اتنهدت ويصتلهم كنت فين غايب بقالك كام يوم
رأفت قعد على الكرسي اللي قدامها كان عندي شغل في اسكندريه في المينا كنت بخلصه انتي اللي قاعده كده ليه
دلال بصتله بهدوء بفكر عارفين مين اللي جاه هنا
رأفت كش وشه مين
دلال اخواتك
رأفت مين فيهم
دلال رقيه ودلال
رأفت خير كانو عايزين ايه محراكين الشر دول
دلال بتسرع :هو انتا صحيح يا رأفت عايز تفض الشراكه مع اخواتك
رأفت ميل راسه :آآآآآآه هي الحمايه كده بقى
دلال جاوبني الكلام داه صح ولا كدب
رأفت لاء صح وصح اووي كمان
دلال بصدمه ليه
رأفت ببرود مزاجي كده
دلال يعني ايه مزاجي كده فهمني ليه جاي بعد السنين دي وتفضها ما كنت بنيت لوحدك بقى
رافت بحده لأنهم ناويين على الغدر والخيانه
دلال بعصبيه انتا تقول ناويين على الغدر وهما يقولو ناوي على الغدر ايه العيله اللي كلها مخونه بعضها دي وعمالين يغدرو ببعض مين فيكم صادق ومين كداب في العيله الغداره دي كلها
رأفت بتهكم :وياترى لسه واخده بالك دلوقتي
دلال لا يا رأفت خدت بالي من زمان بس قولي غيابك مع تداريتك عليا موضوع فض الشراكه داه سببه ايه ها كنت فين يا رأفت كنت بتدور على صابره وعيالها
رأفت وهو بيشد هدومه بعصبيه تاني صابره تاني مش كبرتي على الكلام داه والغيره دي يا شيخه سيبوا صابره في حالها عايزين منها ايه تاني ها واطمن يا دلال انا لو شوفت صابره في طريق مهعرفهاش ايه عايزين تعيدو كدب زمان كتبتو الكدبه وصدقتوها وانتي اكتر واحده عارفه ومتأكده من جواكي امه كدب بس لازم تبرري لروحك علشان تريحي ضميرك كفايه كفايه اوووي اللي احنا فيه وكفايه اللي جرالنا من كتر الظلم وياعالم بكره لسه مخبيلنا ايه تاني
دلال بخوف من زعيق رأفت قصدك ايه
رأفت بعصبيه قصدي معروف وانتي عارفه كويس اوووي انا قصدي ايه فبلاش لف ودوران على بعض داحنا عشرة سنين يعني من بصه فوشك اعرف اللي في جوفك
في عز خناقتهم وكلامهم دخل مهدي وسمع كلامهم عن صابره وبصوت عالي طلع على حدته وعلوه ميار في البلكونه
مهدي بزعيق وانهيار: انتا كنت عارف كنتوا عارفين
رأفت بقلق مسك دراعه :عارف ايه في ايه وداخل بعد غياب شهور وشهور تزعق ليه اقعد وفهمني بتتكلم على ايه
مهدي شد دراعه ونطر ايد رأفت بحده: كنت عارف ان طنط صابره ماتت صح
رأفت بصدمه وعنيه برقت وصوته طلع زي الهمس :انتا بتقول ايه ماتت ماتت قبل ما تسامحنا ماتت صابره ماتت وسابت زنبها في رقبتنا كلنا
دلال اترمت على الكرسي وحست ان رجليها هاتخونها وتقع اتكلمت بصدمه وعنيها مبرقه: اييييه
مهدي بزعيق ايه تمثيليه جديده دي كمان عايزين تقنعوني ان واحده ميته من اكتر من 15 سنه متعرفوش ومش اي واحده دي مرات اخوكم وأم عياله
رأفت بصدمه وحرقه ودموعه ملت عنيه مسكه من دراعه بعنف بأمل انه يكدب اللي قاله واللي ودانه سمعته :انتا عرفت الكلام داه منين
مهدي بصله بغضب لعمى وكره ولاد اخوك في الوراق بس على ما عرفنا وروحنا كانوا سابو المنطقه كلها ليه الله اعلم عملتولهم ايه تاني معرفش
رأفت بزعيق انا بسألك عرفت منين
مهدي سحب ايده بحده وطلع القيد العائلي من جيبه اتفضل داه القيد العائلي اللي بيثبت ان طنط صابره ماتت من سنين من سنين السنين
رأفت خطف الورقه وصدمه احتلت كل جسمه وقفت عقله اللي بقا خاااوي زي جزع النخله اللي نخره السوس فضل واقف مكانه وهو عينه بتعيد قرايه تأكيد وفاه صابره مره واتنين عشره وعشرين
مهدي كمل بزعيق ايه انتوا ايه شياطين انا مبقتش عارف مدي بشاعتكم ايه بالظبط دانا بحمد ربنا اني خرجت من تحت جناحكم ورفع عينه للبلكونه على ميار اللي واقفه مصدومه ودموعها شلال نازل على وشها
عندك حق دول ميتأمنش يتعاش معاهم وانا نفسي هخاف عليكي منهم جهزي نفسك يومين وهاجي اخدك بعيد عن نارهم
قبل ما يتحرك دلال مسكت دراعه بحرقه ودموع لا لا يا ابني متعملش فينا كده دانا مصدقت كحلت عيني بشوفتك تاني دانا كنت بموت من غيرك متظلمناش يا ابني
مهدي بوجع بصلها وبص لابوه: ياريت كنت ظالمكم كان من باب اولى تقلق على اخوك و عياله طيب انا وخبط على صدره بقبضه ايده بعنف سهل تخلف غيري وغير اختي انما اخوك هاتجيب غيره منين عرفني يمكن يكون عندك اجابه تريحني وتطفي ناري بتقولي ظالم مين ظالم مين كل داه وشاور بإيده على الفيلا حرام في حرام في نار في جهنم كنتوا بتربونا على قيم إيه
رأفت قدر يستوعب هز راسه بشرود وحزن متظلمنيش
مهدي بحرقه دموعه نزلت انتوا اللي ظلمتو الكل وظلمتونا معاكم انا مش ظالم زيكم. برئ انا واختي من ذنبكم انا هابعد عن ناركم انا واختي مش هاسيبهالكم علشان متتاخدش في الرجلين بذنب غيرها وذنب مش ذنبها انسونا زي ما نسيتو الأغلى كان الأولى تلم لحم اخوك على الاقل احنا بقينا طول بعرض إنما اولاد اخوك متلطمين في الشوارع وهما عيال وياعالم جرالهم ايه من تحت راسكم
وبص لأمه مظلمش دانتوا اساس الظلم سنين وسنين عايشين وبتاكلو وتشربو وتتفسحو وتشتغلو وتكنزوا فلوس خليها تنفعكم الله الغني عنها لما تبقى تعرفوا عيال اخوكم فين ابقوا اتكلموا عن الظلم سيبونا في حالنا بقى
وبصلهم بإستحقار وطلع زي الإعصار اللي ساب وراه الخراب
ياترى رأفت هايعمل ايه…
ياترى مهدي هايسكت ….
ياترى هارون ناوي على ايه….
ياترى مصير دهب صابره هايتعرف ولا إيه….
ياتري اللي جاي لسه مخبي ايه تاني….
يتبع
الفصل الخامس والعشرون
رأفت فضل مصدوم باصص في اثر ابنه وقام منطور وهو متبت على الورقه وكأنها روحه طلع يجري على فيلا رقيه من الباب الجانبي دلال بخوف طلعت تجري وراه وحاولت تلحقه على قد ما تقدر بس خطوات رأفت كانت أكبر وأوسع من انها تقدر تجاريها
وصل وخد الجنينيه جري وصل عند الباب وايد على الجرس وايد بتخبط وترزع على الباب
الخدامه فتحت بخوف رأفت بيه في ايه
رأفت زقها ودخل الهول بصوت عالي رج أركان الفيلا: انتي فيييين انتي فييييين اطلعي يا شيطانه اطلعي يا اوس البلاوي والخراب اطلعي
رقيه طلعت من اوضتها ونزلت السلالم بلهفه ايه في ايه داخل كده ليه زي زعابيب امشير وصوتك عالي ليه
رأفت يا بجاحتك بقى بتسألي جاي ليه اه مهو صحيح يعملوها ويخيلو انتي كنتي عارفه صح منتي مبتخفاش عليكي خفيه
رقيه بمحاوله للفهم عارفه ايه بتتكلم عن ايه وضح كلامك علشان افهمك وبلاش لف ودوران
رأفت انا اللي بلف وادور اطلع ايه قدام ملكه اللف والدوران
رقيه بزعيق قول في ايه واخلص بدل ترميه الكلام الفاضي داه
رأفت بحده وصوت حاد انتي كنتي عارفه ان صابره ماتت صح قالها بصراخ خلى رقيه رجعت خطوتين لورا
رقيه نفخه ببرود اممم صابره مش هانخلص منها عايشه وميته
رأفت بصراخ انتي ايييييييه مرحمتوش الست ولا ايدها ولا سمعتها عايشه وميته انتي عايزه توصلي لايه انتي جنسك ايييييه
رقيه بزعيق أقوى يادي زفته الطين اللي مش هاخلص من سيرتها اللي تغم النفس قرفاني يا اخي وهي عايشه وهي ميته
رأفت بصدمه يعني فعلا انتي كنتي عارفه انها ميته
دلال واقفه تسمع بصدمه واتحركت زي الإنسان الآلي يعني انتوا كنتوا عارفين انها ميته وجايين عاملين عليا الفيلم داه انتي ودريه عليا وبتستغلي اسم واحده ميته عشان ايه عشان الفلوس ملعون ابوها دخلت علينا بالخراب
رأفت فك الكرفاته واول كام زرار وعنيه برقت وبدئت تلف حواليه يعني ايه يعني كل السنين اللي فاتت دي انتوا كنتوا عارفين ان عيال اخوكم في الشارع ومتعرفوش عنهم حاجه
رقيه بصراخ مش عيال اخويا احمد مخلفش احمد ملهوش عيال سامع احمد ملهوش عيال والعيال دي لا يمكن يكونو منا ابدا ولا هاقبل بيهم في اسم المالكي ابدا
رأفت وعنيه مرغيه دموع عارفه يا رقيه انتي تستحقي كل اللي انتي فيه اه والله تستحقي عيالك يكرهوكي ويسبوكي ويمشو انتي متستاهليش غير الكره متستحقيش حد يحبك ولا هتلاقي حد يحبك هتلاقي الكل بيكرهك عارفه خبط على صدره بعنف انا نفسي بكرهك
رقيه بصتله بصدمه وعنين مبرقه
دلال بوجع عارفه يا رقيه ان لو خايفه من حاجه تبقى ايه
رقيه بصتلها من غير ما تنطق
دلال كملت خايفه من عقاب ربنا لينا كلنا اه والله زي ما بقولك كده عقاب ربنا هايطولنا بلا استثناء هما عقابهم على اللي معملهوش انتهي واحنا بقى وشاورت عليها هي ورافت ورقيه عقابنا على اللي عملناه واللي انتوا عملتوه لسه يادوب هايبتدي ويا خوفي من اللي جاي احساسي بقولي نار هاتحرق الأخضر واليابس
رأفت بصلها بحقد وكره ونفور وسابها وطلع خد عربيته وساق بجنون
دلال مشيت بخطوات مش متزنه زي التايه في الدنيا مش عارفه رجليها وخداها لفين ولا الدنيا هاتعمل فيهم ايه
لحد ما وصلت واترمت على الارض في الجنينه
رقيه اترمت على الكرسي بصدمه وعقلها وقف
رأفت سايق ومش شايف الطريق قدامه ازاي وكل ما يفتكر انها خلاص ماتت يدوس بنزين اكتر لحد ما وصل الشركه في وقت قياسي ساب العربيه ونزل جري لحد ما وصل مكتب رفعت دخل زي الإعصار وهجم عليه ومسك رفعت من ياقه القميص وبصراخ جنوني انتا كنت عاااارف مهو انتا ورقيه كول عمرك عاملين زي الشيطان وابليس وشين لعمله واحده عمالين توسوس لبعض مفيش واحد منكم بيخطي خطوه من غير ما التاني يبقى عارفها ومخططلها معاه
رفعت وهي بيحاول يفك ايديه كنت عارف ايه انتا اتجننت ولا جرا لعقلك حاجه
رأفت وهو انا عاد فيا عقل دانا كل يوم بكتشف فيكم وساخه ابشع من اللي قبلها
رفعت خبط على المكتب بحده من غير غلط قول في ايه على طول
رأفت بصله بنار في عينه كنت عارف ان صابره ماتت من زمان صح
رفعت نفخ ايوه اتحرقت بجاز وسخ وارتاحنا منها ومن إسمها خالص مالك محموق عليها اوي كده ليه
رأفت انتوا ايه انا احتارت فيكم اقسم بالله انا ما بقيت تارف انتوا من اي صنف ماتت وعيال اخوكم ايه الجبروت اللي ماليكم داه كله
رفعت ميخصكش مش انتا واخد دور الواعظ خلاص خليك عايش فيه
رأفت بحرقه وصوته طلع مليان ومحمل بكل الغل اللي جواه اتدفن فين
رفعت ببرود مش هاقولك غارت في داهيه وخلصنا اراحت واستراحت خلصنا
رأفت بتهديد ووعيد اقسم بالله العلي العظيم يا رفعت ورحمه احمد في قبره وحق رقدته لو معرفت صابره اتدفنت فين لكون حالا هادظ المعبد على كل اللي فيه ولاطلع دلوقتي واعرض اسهمي في جميع الشركات بأقل من ربع تمنها ولاوقع كل الشركات وسعرها في السوق وانتا عارفني لما بتجنن مبشوفش قدامي فأخلص كده زي الشاطر وانجز وقول اتدفنت فين مش هتشحت الكلام منك منتا لو ليك في الوساخه انا كمان ليا فيها بس شايلها لوقتها فها هاتقول ولا انفذ
رفعت وهو كازز على أسنانه البلطجي ابن اخوك جاب بلطجيه من عينته ودفنها جمب ابوه ارتاحت كده ونارك بردت
رأفت خد نفسه براحه الحمد لله انا كده اطمنت وارتاحت ان جزء من حقها رجع
رفعت بس اللي عملته داه انا مش هاعديهولك بالساهل وهاحسبك عليه
رأفت أعلى ما في خيلك اركبه واللي تعرف معايا تعمله اعمله وانا قاعد مستني وسابه ومشي بنفس الهوجه اللي دخل بيها
مرت ايام ومهدي اتصل بميار ها جاهزه
ميار ايوه انا لميت هدومي وحاجتي المهمه بس
مهدي ماشي انا دقايق وهاعدي عليكي اول ما ارن تنزلي وتستنيني بره مش عايز ادخل المكان داه مره تانيه
ميار بدموع حاضر عندك حق
قفلت وفضلت واقفه في البلكونه
لحد ما رن عليها شالت الشنطه ونزلت على السلالم بهدوء
دلال بخضه رايحه فين
ميار من غير ما تتلفت ليها رايحه عنك اخويا واسيبالكم حياتكم اشبعو بيها
دلال وهي بتمسكها لاء مش هاتسبيني انتي كمان لاء مش هاسمحلك
ميار بصتلها بحزن انتوا اللي سيبتونا انتوا اللي بديتو دوقو من اللي عملتوه كنتو متخيلين ان الحياه هاتفضل وردي لا كان لازم ييجي وقت والكل يفوق بس للأسف الكل فاق الا انتوا عايشين في غفله
دلال متظلمنيش زي اخوكي اسمعي مني طيب اديني فرصه احكيلك
ميار وهي بتمسح دموعها بعنف لو كان حد قالي كنت كدبته كنت سألتك كنت سمعت منك واديتك الفرصه اللي بتتكلمي عنها إنما للأسف يا امي انا سمعت منكم انتوا كلامكم لسه بيرن في ودني ارجوكي سبيني امشي وكفايه نوجع بعض اكتر من كده ارجوكي بالله عليكي خليني انجد نفسي بنفسي انا لو فضلت وسطكم هاموت او هاتجنن
دلال بدموع لاء لاء يا ميار ارجوكي
ميار خدت نفس بصعوبه سبيني امشي انا بموت مبقتش قادره اخد نفسي هنا بتخنق
قطع عتابهم وكلامهم تليفون ميار اللي رن
ميار ردت بوجع انا طالعه وسحبت الشنطه ومشيت
دلال اترمت على الأرض بحرقه :عيالي يارب عيالي متعاقبنيش فيهم بذنب حصل غصب عني يارب يارب
فصلت تدعي بحرقه وهي قاعده على الأرض
مهدي خد ميار وطول الطريق تمسح دموعها لحد ما وصلو دخلو الشقه وخدها في حضنه
ميار بحرقه قلبي واجعني اوي يا مهدي قلبي محروق
مهدي معلش هاتتعودي وبكره تروقي المهم بصي انا هابيت معاكي كل يوم بس اول ما أنزل الشغل متفتحيش الباب لجنس مخلوق لو مين كان ميكون يا ميار فاهمه حتى لو الباب اتكسر مش خبط بس
ميار وهي بتمسح دموعها حاضر متشغلش بالك
مهدي وهو بتمسح دموعها لو مشغلته بالي بيكي هاشغله بمين ها انا معنديش اغلى منك
ميار بحب ربما ما يحرمني منك ولا من حضنك وامانك دايما
مهدي بقلق اللهم آمين
رأفت طلع زي التايه ومحسش الا ورجليه واخداه وواقف قدام قبر اخوه اترمي على الارض بحرقه ودموع حقك عليا سامحني والنبي انا كنت اضعف من اني اقدر أقف قصادهم بطولي انتا اكيد عارف انه كان غضب عني انتا عارف ان سنين وسنين لا كليت ولا مليت اني الاقي عيالك انتا ادري الناس يا احمد انا عملت ليه ولسه بعمل ايه علشان اعرف ارجع لعيالك حقهم سامحني يا أحمد سامحيني يا صابره دانتي كول عمرك قلبك كبير دانتي كنتي ونعم الزوجه ونعم الضهر ونعم السند كنتي الاخت ليا مش الشيطانه اللي من دمي سامحيني والله غصب عني اااه يارب الحمل زاد يارب وانا تعبت ونخيت خلاااص فضل يبكي بحرقه لحد ما تعب
مر اليوم بسلام وبالليل هارون لبس بدله سوده شيك وكارفات رصاصي في سيلفر وجزمه كلاسيك وسرح شعره الطويل ورجعه لورا ولبس ساعه فاخمه ورش برفانات ريحته تدوخ ونزل وهو بيعدل هدومه
هنا بعيون بتلمع وبتطلع قلوب بسم الله ماشاء الله تبارك الرحمن ربنا يخزي العين عنك
هارون بإبتسامه على ايه يعني
هنا وهي بتخمس في وش الموجودين خمسه خمسه في عيني خمسه خمسه في عينك يابت يا جنا خمسه خمسه في عينك يا حسام خمسه خمسه في عين كل اللي شافك ولا صلاش على النبي
هارون بضحك ايه كل الخمسات اللي ةنتشرت في الجو دي كلها يا هنا
هنا يا اخويا انتا مش شايف شكلك ولا طلتك اللي تشرح القلب طب دانتا عليك طله ولا طله السلطان بذات نفسه
هارون علي ايه داه كله على حته بدله
هنا فشر القالب غالب طب دانتا ولا هارون الرشيد في زمانه
هارون على اسةس اني اسمي هارون يعني
هنا طيب دانتا دخلتك كده عليا اللهم بارك تطلع من القلب الحزين شوكه هنا كل اللي يبص لك باسافه يوعدها بحيه لهافه
حسام بضحك انا اختك ناقصها بس تجيب مبخره وتدور وتلف وراك في الفيلا وتبخرك وتقول لك رقيتك واسترقيتك من كل اللي شافوك ولا صلوش على النبي يا هارون
هنا بشهقه طب وانت بتقول فيها طب والله انا فضلت الف في ام المخروبه دي ما لقيت يا اخويا مبخره ونسيت وسهى عن بالي خالص ان انا اجيبها من البيت القديم بس ملحوقه بكره ولا بعده انزل السوق واشتري واحده طب والنبي كانت بتريح البيت كده وتخليه رويح وريحه خفيفه
جنى بانتقاد يا هنا بلاش الجو اللوكل ده وحاولي ترتقي بحياتك شويه
هنا برفعت هاجيب لوكل الله يمسي امك صابره بالخير يا بنت احمد ايه يا بنت من نسي قديم وتاه لا يا اختي عجباني عيشه اللوكل وتوب اللوكل عاجبني ومكيفني عيشي انت بس عيشه اهلك يا معدوله وبلاش فشخره وانعره كدابه ال جينا امتى القصر امبارح العصر
هارون خلاص يا جماعه ايه جو الشرشحه والردح اللي انتم فتحتوه لبعض ده اهدوا كده على حالكم وخذوا نفسكم شويه انا ورايا حفله مش فاضي افض خنقاتكم
جنا يعني مش سامع كلامها
هنا ماله كلامي يا معدوله انا عايشه بعيشه اهلي انا واحده من الوراق مش مولوده في الكِمباوند يا حلوه فكني كده عيشي عيشه اهلك يا بنت صابره
هارون باااااس ايه مكسوره تلقيح وطفحت في وشي مش عارف اسدها انا للأسف مضطر اسيبكم وامشي عشان اتاخرت وفي ناس مستنياني
جنا اتشعلقت في دراع هارون خدني معاك والنبي والنبي عشان خاطري عشان خاطري
هارون جنا اناولسه من كام يوم قايل ايه مش قولت مينفعش نظهر وانا مضطر وشرحتلكم كل حاجه
جنا منا مش هاقول اسمي عشان خاطري
هارون بحده جنا احنا مبنعلبش بكره عندك مدرسه واه قبل ما امشي هارجع واقول اسم المالكي ميتذكرش يتمسح بأستيكه من سجل حياتكم واسمكم
حسام فهمنا يا عم بس بردوا مش عارفين كل داه ليه
هارون علشان نقفل ام الكلام في الحوار داه علشان اتأخرت اللي جاي على أهل ابوك سواااد هايخسرهم السقط واللحد ومش هاسمحلهم يتمحكوا في اسمي علشان يطلعو من وقعاتهم اللي بدئت وهاترخ ولا اجدع نوة شتا على اسكندريه اةل ما يشمو خبر وبكره ولا بعده هايعرفوا مسيرهم يعرفوا اني ابن احمد المالكي هايبدئوا يرفعوا اسمهم في السوق ومن انهارده وجاي اسمي هايبقى عالي زي الطبل في السوق ويخض اخوك كبر وكبر اوووي اوووي يا حسام
هنا اللي انتا شايفه صح هانعمله ولا حد ليه راى تاني
الكل بص لبعضه بهزه راس
هنا كملت بإستفسار طيب انتا ناويلهم على ايه
هارون بإبتسامه غامضه و مرعبه كان نفسي والله اقولك كل خير بس للأسف الشديد مش ناويلهم الا على كل شر
وسابهم يبصو لبعض بحيره من دماغ هارون ومحدش عارف يتوقع ولا يتخيل ايه اللي بيدور في دماغه
وصل الحفله هو ومالك ومصطفي ومن اول دخوله خطف الانظار والكل بيسأل مين داه
ابتدا الحفل وكل شركه بدئت تعرف وتشرح المشروع واتولى كل مهندس شرح تعريفي كافي ووافي للمشروع المقام
خلصت الشركات مقدم الحفله واليوم سيتم الكشف عن أساسيات الوجهه الأيقونيه للعاصمه الجديده والمقدم من شركه MHM
مالك سيداتي وسادتي طبعا وجودنا هنا شرف كبير لينا اننا نساهم في نقله معماريه كبيره زي العاصمه الجديده القلب النابض الجديد لمصر انا مش هاقدر اتولى الشرح علشان كده بقدم المهندس العبقري هارون احمد المسؤل الأول والمصمم المسؤل عن الوجهه الايقونيه
هارون اتقدم بخطوات ثابته والكاميرات محاوطاه من كل اتجاه والفلاش حرق وشه من كل اتجاه وقف هارون بشموخ وبداء يشرح المشروع بكل تفاصيله وبكل دقه على البروجكتور ومع كل صوره انبهار وإعجاب المدعويين بيزيد كل لحظه عن اللي قبلها
لحد ما خلص تماما ونزل بنفس الهدوء والشموخ انضم لمالك ومصطفي
مالك وهو بينحني لهارون بطريقه كوميديه: ايه يا ابني العظمه دي كلها داه عظمه على عظمه يا كبير فخر مصر كلها يا ابني والله
هارون بإبتسامه اموت واعرف بتقدر تقلب كل حاجه اللش وضحك
مالك يا عم حد واخد منها حاجه
قرب منهم شخصين وبصوا لهارون بتركيز شديد
هارون اتعدلهم خير يا فندم
نصر مش فاكرني
هارون بمحاوله للتذكر غمض عنيه نص نص بصراحه حاسس ان الشكل مش غريب عليا
نصر مش انتا بردوا المعلم هار ن المالكي بتاع الوراق
هارون اتصدم مين اللي يعرفه
مالك مين دول يا هارون والوراق ايه والمالكي مين
هارون مش عارف يا مالك اقعد انتا وانا هاشوف هما مين وبعدين ابقى احكيلك
مالك اوكي وانسحب بفضول بس قدر يلجمه قدام هارون
نصر مد ايده نصر الورداني كده افتكرت
هارون مد وسلم عليه بصراحه لا
ماهر مد ايده :ماهر الشبراوي
هارون تشرفنا بس معلش الشكل مألوف بس مش فاكر فين بصراحه
نصر بقلق في دريم بارك
هارون اممممممم تشرفنا
نصر خلاص قلبك ابيض وهما خلاص عرفو ان الله حق يا راجل دانتا خليتهم في الجبس بكسر مضاعف 3 شهور
هارون والله اللي غلط يتحمل غلطه
نصر عندك حق وانا مش معترض انا اتصدمت لما شوفتك هنا
هارون ليه هو المكان هنا حكر علي ناس معينه
ماهر بصراحه اه بس الصدمه الاكبر لما عرفت انك مهندس
هارون طيب كويس انك عرفت
ماهر اتمني يكون فيه بينا شغل انا بردوا شركتي مساهمه بجزء كبير في مشروع العاصمه
ومد كارت هارون متقلقش الما ت القديم لسه معايا ولو عايزني في شغل يبقى تنورني في شركتي اظن اسمها اتقال على مرآي ومسمع الجميع
نصر اكيد يا بشمهندس عبقرينو
هارون بإبتسامه شكرا استأذنك اصحابي منتظريني
وانسحب اخيرا
مالك مين دول بقى وايه الكلام الغريب اللي قالوه داه
هارون بعدين مش وقته دلوقتي خالص تمام
مابك يابني الفضول هايقتلني يا جدع
هارون اظن انتا عارف مادام قولت بعدين لو مشيت على شعر راسك مش هتعرف حاجه ولو عايز تعرف من غيري اهم قدامك روحلهم وشاورله بإيده على نصر وماهر
مالك مش القصد بس انا مستغرب تعرف دول منين دول عتاوله ووحوش في السوق يا ابني دول الشركات بتسعى وراهم بالمشوار
هارون وهما اللي بيسعو ورانا
مالك انتا بتقول ايه
هارون بنفخه يابني اسكت بقى خمس دقايق صدعتني
اخيرا خلص الحفله وما صدق هارون رجع البيت كان الكل نايم ما عدا هنا
هنا حمد الله على السلامه
هارون الله يسلمك لسه العاده دي فيكي
هنا ربنا ما يقطعلي عاده وهافضل استناك طول عمري حتى لما تتجوز وتخلف واشوف عيال عيالك كمان
هاورن بضحكه يامين يعيش
هنا طوله العمر ليك قولي بقى كانت حلوه الحفله وفيها اكل وشرب كده وأغاني والذي منه هارون بضحكه عاليه أكل ايه وأغاني ايه هي حنه في الحاره داه حفله افتتاح يعني تقديم
هنا اومال حفله ومحفلاش لما كلت نفوخي
هارون معلش حقك عليا وسكت تاني وشرد
هنا مالك يا قلب هنا ليك كام يوم كل شويه تشرد زي اللي شايل الهم فيك ايه فضفض زي ما طول عمرك تيجي وترمي في حجري
هارون قلقان يا هنا من كام ي م حصل حاجه ودماغي عماله تور زي المكنه الخربانه
هنا قول والعقول بتكمل بعضيها
هارون في حد بعد ما مشينا طوالي جه وسأل علينا
هنا يا اختي وعرفت منين بقى
هارون برفعه حاجب داه على اعتبار رجالتي اللي هناك دول ايه
هنا طيب مقالولكش مين و كان عايز ايه
هارون هما كانوا اكتر من واحد
هنا بتفكير بسيط مش يمكن حد تبع شغلك الجديد
هارون ابوس ايدك متفكريش يا بنتي و هو حد الوراق يعرف شغلي اساسا علشان يجيلي هناك ثم دول كانوا بيسألو على امك
هنا امي الله يرحمها غريبه دي يكونش حد من قرايبها طيب معرفوش طريقهم اهو حد من ريحتها
هارون يارب صبرني يا بنتي قرايب امك مين اللي هايظهروا بعد اكتر من تلاتين سنه ها والنبي فكري بعقلك مش بكعب رجلك
هنا اومال ايه بس انا احتارت
هارون وانا اكتر ومش هارتاح ولا يهدالي بال الا لما اجيب قرار الموضوع داه عقلي بيقولي ان الموضوع فيه انا
وبص قدامه بشر
وهنا بتبصله بحيره
ياترى اللي جاي مخبي ايه تاني
والماضي خلص ولا لسه
والحاضر شايل ايه
ورافت عمل ايه علشان يرجع حق عيال أحمد...
يتبع
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق