مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

 

رواية البلطجي الفصل السادس وعشرون والسابع وعشرون والثامن وعشرون والتاسع وعشرون والثلاثون بقلم ولاء حامد حصريه في مدونة قصر الروايات

رواية البلطجي الفصل السادس وعشرون والسابع وعشرون والثامن وعشرون والتاسع وعشرون والثلاثون بقلم ولاء حامد حصريه في مدونة قصر الروايات

الفصل السادس والعشرون

رهف قاعده مع اصحابها في النادي بغرور بتعلب في الفون بلا مبلاه لكل اللي حواليها 

شيري شوفتو القمر وااااو بجد يجنن يا بنات 

ناني: اه قصدك القمر اللي متصدر الميديا من إمبارح 

 شادي بصراحه هو جامد جدا هو فيه كدا بجد ابن اللذينا رجوله تخض 

رهف وهي بتلعب في الفون في ايه عمالين تتكلموا على ايه لما صدعوتني اووف

شيري داه واحد مز اخر حاجه ابن الجاحده 

رهف بلا مبالاه What ever مش بالاهميه دي كلها

ناني : نو نو نو يا رو داه حاجه كده so beautiful داه حديث الميديا من إمبارح 

شيكو: قصدكم مين يا My princess

رهف بتكبر :اكيد مش انتا 

شيكو بنفس الغرور مش محتاج رائيك انا بسأل شيري

شيري داه مهندس بس من امبارح وهو حديث الميديا حاجه كده واااو

شيكو اممم شوفته فعلا كاريزما الواد رجوله اوووي عامل زي أحمد العوضي وغمض عنيه شويه مش داه المهندس اللي كان في قاعه المؤتمرات إمبارح 

شيري اه هو انتا تعرفه

شيكو شخصيا لاء بس الميديا فعلا من إمبارح وهي ملهاش كلام غير عنه داه بقى متصدر الترند خلال ساعات ابن اللعيبه 

نانسي بس بصراحه يستاهل

شيكو وهو بيشد كرسي وقعد بصراحه هو الواد جامد اخر حاجه داه اجمد من جمدان جبل المقطم 

رهف بفضول بصت على التاب وبصتله بغرور وابتسمت بتهكم مش شيفاه الواو اوووي يعني

نانسي :لا سوري بقى يا رو هو مش واو واحد داخ واوات يا بنتي 

شادي :لا يا رهف هو من نحيه انه واو الواد جامد حاجه تخض 

رهف وهي بتسمع كلامهم ومركزه على الصوره بسرحان كأنها بتفصصه من اول شعره الطويل للبدله اللي عطته هيبه غير طوله وعضلاته اللي عطته كاريزما وهاله ملكيه

شيكو بتريقه مش لونك يا رو

رهف وهي بتعدل شعرها بغرور مفيش حد يقدر يقاوم جمال رهف المالكي

شادي وهو بيغمز بعينه نص غمزه تؤ مش داه دانا سمعت ان مجله الموضه عايزاه يكون الموديل بتاعها والوجهه الإعلانية ليهم 

شيكو بتأكيد: اممم فعلا داه حقيقي وكمان بيقولك عايزينه يكون ملك جمال مصر ويمثل مصر في المسابقات الدوليه 

رهف بغرور مش شايفاه اكتر من شويه عضلات منفوخه وممكن وشور يعني ان هي هتكون حقن من اللي بياخدوها في اي جيم 

شيكو بتريقه حقن اه معلش نسيت اصل هو من الفراخ البيضاء اللي بتاخد حقن هرمون علشان تكبر يارو 

رهف بصت لي الصوره بغرور وعينين بتلمع

شيكو بابتسامه سخريه ما انا قلت لك مش لونك يا رو ما تحاوليش يا بيبي كان غيرك اشطر

رهف بغرور وهي بترفع راسها لفوق بتكبر وهو اصلا يطول ان انا اكلمه ولا ان هو حتى يفكر يقابلني في طريقه ويسلم عليا

سامر لا يا بيبي هو من ناحيه يطول فهو يطول ويطول اطول من كده كمان يا حبيبتي انت ما شفتيش امبارح البنات في الكومنتس على كل الجروبات كانوا هيتهبلوا عليه ازاي وبيقولوا عليه ايه اصلا ده غيري يا روق اللي عمالين يدوروا عليه في الميديا وبرامج التوك شو اللي عمالين يدوروا عليه بجنون من امبارح حرفيا وهو متصدر الترند وغطى على كل اللي قبله بما فيهم كمان الممثلين والاعلاميين يا حبيبتي ده بقى الواجهه الايقونيه الاولى من امبارح للنهارده على جميع وسائل التواصل الاجتماعي

ده خلاف كمان يا روق اثرياء العرب والمستثمرين الاجانب اللي بيدورو عليه بيجروا وراه بالمشوار دول يا بنتي اطلقوا عليه وسيم الشرق وفي جروبات تانيه سموه دونجوان العصر الحديث وفي ناس تانيه بتقول الفرعون المصري الجديد 

رهف بغرور كشت وشها بقرف ده مش شايفاه يستحق كل ده على فكره يعني مجرد شو وميديا وممكن يكون هو كمان اللي دافعلهم الثمن علشان يبقى الترند زي ما غيره بيعمل 

شيكو ببرود ومالك يا روبي تقوليها بقرف وغرور وتناكه كده ليه يارب يا بنتي بس حد يعرف يوصل له بسهوله ده من امبارح اكونتات واثرياء بيحاولوا يدوروا عليه وعايزين يوصلوا له باي طريقه بخلاف الاعلاميين ومقدمين برامج التوك شو اللي عايزين يوصلوا له علشان ينفردوا ويعملو معاه لقاء والكل عمال يدور بجنون علشان يوصلوا لأي معلومه واحده بس 

رهف وااات داه ليه يعني

سامر فضل مستمع للحديث من البدايه ببرود: داه يا رو مش شخص عادي داه مهندس واسمه مسمع من سنين بخلاف اني سمعت ان فعلا في صحفيين راحوا الشركه اللي شغال فيها علشان يوصلوله 

رهف بغرور ليه وانتم مش عارفين انا بامين وبنت مين اللي زي ده هو كمان اللي المفروض يجري ورايا ويتعب ويسعى علشان بس اقبل ان انا اسلم عليه واتعرف عليه 

كلهم بصوا لبعض بسخريه وتهكم ومحدش رد عليها

رهف بغيظ انا بتكلم بجد على فكره ورهان على الكلام ده

شيكو ميل راسه على جنب بترقب رهان على ايه بالظبط يا رو

رهف باصرار ان هو هيبقى البوي فريند بتاعي وماي لاف كمان وان هو هيبقى زي الخاتم في صباعي ويتمنى لي الرضا علشان ارضى عنه 

شيكو بسخريه سوريا بيبي احلمي على قدك علشان مش ده اللي ينطبق عليه الكلام اللي انت بتقوليه اصل ده مش عيل من العيال الفافي الهيتيه اللي انت تعرفيهم داه رجوله قوي ده امبارح بس ملكات جمال كانوا موجودين في الحفله كانوا بيترموا تحت رجليه وهو ولا عبرهم 

رهف بغرور وهي بتشاور على نفسها انا غير انا مين احسن واغنى واشيك شباب في مصر كلها يتمنوا بس ان هم يقعدوا القاعده اللي انتم قاعدينها معايا دي وشاورت عليهم بقرف 

شادي ببروده سوريا رو بس مع ده بالذات بلاش النفخه الكدابه دي لان الحفله بتاعه امبارح دي ما كانش حاضرها اي حد في مصر والسلام الحفله دي كان حاضرها اكبر روس في البلد وقادات البلد من الوزراء وسفراء وسياسيين واعلاميين ورجال مال واعمال مصريين وعرب واجانب يعني ناس تقال قوي في البلد وليهم اسمهم ووزنهم مش اي حد حضر الحفله دي ولا اي حد قدر ولا عرف يدخلها الا بانفيتيشن مخصوص اذا كانت الاجراءات الامنيه في حد ذاتها حاجه مرعبه علشان تتكلمي عنها بالبساطه دي وتقدري تقولي كده 

رهف بغرور قررتها مره ثانيه انا لسه عندي كلمتي ورهان

شيكو بخبز اوكي يا رهف رهان وانا قد الرهان يا رب بس انت تكوني قده

رهف بتكبر لا انا قده واطمن قوي يا شيكو

شيكو ببرود انا عن نفسي مطمن المهم انت خدي بالك انتي بس علشان داه مغرور اووي اوووي اوووي وتنك اوووي اوووي اوووي 

رهف لاء واخده باللي اقعد انتا واتفرج بقى 

شيكو اوكي بس الرهان المره دي على ايه المرادي غير الرهان لازم يبقى حاجه تقيله اووي أصله يستحق 

رهف بتفكير دام لدقايق بصتله بمكر مخفاش عن عيون شيكو هاعمل معاك ديل حلو اوووي لو انت كسبت الرهان وداه مستحيل طبعا هتنازلك عن الشاليه الجديد بتاعي اللي في الساحل ولو انتا خسرت الرهان وداه شور اللي هايحصل هاخد العربيه البورش الجديده بتاعتك ها قولت ايه Deal or Not Deal 

شيكو بإبتسامه شريره غريبه Deal وغمزلها بجمب عينه جهزي انتي بقى من دلوقتي عقد الشاليه لان داه بالذات هاقولك كان غيرك اشطر اصل محدش عارفله دخله ولا طريقه يوصله بيها علشان يوصله هو شخصيا 

رهف وهي بتلف خصله من شعرها حوالين صوباعها بشرود اوكي هانشوف 

مر اليوم ورهف بتخطط بمكر ودهاء وشر ازاي تعرف كل كبيره وصغيره عنه وكل طريقه توصلها بيه

لحد ما اخيرا عرفت ازاي توصل ليه

رهف بإبتسامه شريره وهي واقفه قدام المرايه برافو يا رو طول عمرك نمر وان وكملت بتهكم مهو مش انتا يا شيكو اللي تعلم على رهف المالكي لسه متخلقش وعنيها اتحولت تماما انتا شوفت وش البت الاسبور ماشوفتش وش البت البيئه اللي اتولدت واتربت في الحواري الشعبيه 

ومسكت تليفونها وعملت منه كام مكامله ورجعت رمته على السرير تاني ببرود وكأن شيئ لم يكن

هارون صحي ولبس هدومه ومازل بيظبط هدومه

هنا: متشيك ولابس اللي على الحبل ورايح فين كده من النجمه

هارون بضحكه على عفويه هنا :رايح الشركه يا ستي تحبي اديكي تقرير مفصل عن خط سيري طول اليوم 

هنا بزعل كده يا هارون بتتريق عليا مكانش العشم 

هارون بحب وهو بيبوس رأسها وانا اقدر يا هنايا انا بحب انكشك يابت

هنا بإبتسامه صادقه ربنا يخليك لينا طيب استني شق ريقك بلقمه بدل عادتك السوده دي تقعد طول النهار على لحم بطنك 

هارون متشغليش بالك لو جوعت هابعت اجيب اكل من اي مطعم اة الكافتيريا في الشغل

هنا يالهوووي تأمل من أكل الشوارع يا هارون اخييي كتك القرف عامل زي اخواتك طالع رمرام 

هارون بضحكه عاليه كتك ايه يا هنا مش هاتبطلي ابدا المهم سبيني بقى عندي شغل متلت قد كده

هنا طيب حتى لو سندوتش 

هارون يالهوي عليا وعلى سنيني بقولها متأخر تقولي ساندوتش بقولك ايه مابقى تحطيهم في كيس بلاستيك بالمره اهو احس اني رايح المدرسه

هنا وهي بتخبطه على كتفه كتك ايه بتتمألت عليا ماشي يا هارون 

هارون يلا سلام يا قمر وسابها ومشي خد عربيته ووصل الشركه لقي الأمن قافل المكان وناس كتير واقفه والأمن بيحاول بكل الطرق يمنعهم هارون هدا العربيه وشاور لواحد من بعيد

هارون في ايه يا رجب

رجب والله يا بشمهندس علمي علمك اجنا من صباحيه ربنا على داه الحال وحتى مالك بيه ومصطفي بيه دخلو بصعوبه 

هارون بنفخه ماشي طيب مدخل الطوارئ في حد عنده 

رجب لاء كلهم متجمعين هنا 

هارون ماشي ولف بعربيته ودخل من مدخل الطوارئ واخيرا قدر يدخل الشركه طلع مكتب مالك 

هارون بصله متجمعين عند النبي خير ايه اللي بيحصل تحت قدام الشركه داه ومين الناس دي كلها ايه اللي بيحصل هنا بالظبط 

مالك بإبتسامه وهو بيهز راسه: بيضالك في القفص يا ابن المحظوظه 

هارون بحده في ايه يا مالك متفهمني بلاش اسلوبك داه مين الناس دي كلها انا معرفتش ادخل ودخلت من مدخل الطوارئ ايه اللي بيحصل بالظبط حد يفهمني بدل منا عامل زي الأطرش في الزفه 

مالك بتريقه تخيل كل دول جايين علشانك

هارون بصدمه كل دول جايين علشان شغل

مالك بضحكه مجلجله: شغل وبص لمصطفي بيقولك شغل ورجع بص لهارون شغل مين يا ابو شغل دول جايين وبلا فخر علشانك ايه مخدتش بالك من الكاميرات اللي معاهم ولا ايهارون لا والله مركزتش انا شوفت المنظر ولفيت على طول على مدخل الطوارئ 

ايوه ودول جايين ليا يهببو بيا ايه

مالك بحالميه جايين يصورو ويتعرفوا على مدوب قلوب العذارى دنجوان العصر مصطفي وقف قصاده وكأنه بيلحن فرعون مصر الوسيم

مالك وسيم الشرق 

مصطفي عبقرينو المغرور الوسيم

هارون بشخطه ايه منك له متظبط كده واعدلك عدله ايه ماسكيني زي الساندوتش كل واحد ياخد منه قطمه ايه اتهبلت منك له على كبر واخدين فحت وردم متتكلمو زي الناس وتفهموني ايه اللي بيحصل بالظبط 

مالك بإبتسامه وهو بيقعد على الكرسي بأريحيه شديده :ايه يا باني انتا مشوفتش السوشيال ميديا امبارح او انهارده 

هارون بهزه راس لا والله معنديش وقت للتفاهات دي اخلص وقول في ايه على طول بلاش جو الحريم اللتاته داه 

مالك بسخريه: آآآآآآه ليك حق يا ابني والله 

هارون بحده متخلص بقى منك له وبطلو شغل تلقيح النسوان داه في ايه مش هاعيدها تاني 

مصطفي بشرح لا يخلو من المرح يا ابني دانتا من امبارح وانتا حديث الصحف والسوشيال ميديا 

هارون بذهول شاور على نفسه :انا ليه أن شاء الله كنت جبت الطيب من ديله داه مشروع زيه زي اي مشروع عملناه قبل كده

مصطفي لا يا بشمهندس مش المشروع خاااالص مالص 

هارون بغباء اومال ايه لا مؤاخذه 

مالك يا ابني انتا انتا شخصيا اللي كلت الجو من إمبارح لحد دلوقتي داه في الحفله كنا ماشيين جارك زي الصفرين اللي على الشمال ملهومش لازمه الكل كان مركز على جناب معاليك والصحف والميديا نازله تك تك تك تصوير في جنابك 

هارون ايوه وبعدين ايه علاقه كل داه باللي تحت دول 

مالك مهو يا بشمهندس صورك من امبارح ل انهارده بقت ترندات مش ترند بس يا ابني دانتا ركبت الترند بصاروخ 

هارون بذهول : يا راجل قول والله انا انا ركبت الترند ليه 

مالك اه والله العظيم زي ما بقولك كده وفتح الفون وعطاه لهارون 

خده وبص ليه وكل شويه ملامح وشه تتغير لذهول اكتر من اللي قبله 

هارون اخد نفس طويل اممم يا اخي مش واخد بالك ان كل اللي معلقين شويه نسوان مفيهومش راجل واحد يوحد ربنا 

مصطفي بتريقه ايوه يا عم بيضالك في القفص وبيضه دهب كمان 

هارون بتريقه على ايه منك له ها على شويه نسوان فاضيين قاعدين على النت والسوشيال ميديا 

مالك لا معلش بقى يا بشمهندس دانتا بقيت أشهر من احمد عز في زمانه 

هارون بتريقه آآآآآه احمد عز قولتلي لا يا حبيبي مكانش ينعز والله المهم منك ليه سيبكم من الهبل الفاضي داه وخلونا نركز في شغلنا 

مالك لاء يا بشمهندس داه مش هبل الشهره في حد ذاته كويسه علشانا يعني متقولش لاء داه هايرفع اسمنا في السما

هارون بتعقل اسمنا بيترفع بشغلنا مش بشويه كلام فاضي لا بيودي ولا بيجيب كلها كام يوم ويطلع ترند جديد يمسح القديم ف فكك بقى من الهبل داه وخلونا نركز احسن على شغلنا ونشوف الصفقات المعروضه ونشوف المناسب 

مصطفي اه في كذا شركه كبار جدا وليهم اسمهم تقيل في السوق اخدوا ميعاد انهارده وبص في ساعته وزمانهم على وصول عايزين يعملو معانا شغل

هارون تمام مفيش مشكله نقعد معاهم ونسمع ونشوف المناسب ونقرره 

مصطفي تمام انا سايب خبر في السكرتاريه اول ما يوصلو ياخدوهم الميتنج روم ويبلغونا 

هارون تمام

مالك بتذكر اه فكرتني المفروض دلوقتي نشوف شركة ديكور كويسه علشان نبداء تشطيب الأدوار اللي انتهت بناء علشان لما نخلص بناء نكون مخلصين تشطيب معاها

هارون بتفكير كلامك صح خلاص نشوف الشركات الموجوده ونشوف الأسعار وجوده الشغل ونختار منهم الأنسب والأفضل 

مصطفي من حيث ايه الأسعار 

هارون لاء مش الأسعار بس لا وجوده الشغل وكفائته ودقه المواعيد كل دي أمور لازم نراعيها 

مالك تمام مفيش مشكله من انهارده هاعمل حصر لافضل الشركات لان الشركات اللي بنتعامل معاهم مش كوفئ للمهمه دي 

هارون تمام المهم متختارش الا لما نقعد وندرس الموضوع مع بعض

مالك وهو كذلك 

هارون تمام اروح انا اشوف اللي ورايا 

قبل ما يتحرك مالك اه فكرتني يا هارون هي ايه حكاية المعلم هارون المالكي دي. ايه حكايه الوراق انا مش فاهم حاجه وانتا امبارح قولتلي بعدين ادينا جينا لبعدين اهو

هارون بهدوء رغم البركان اللي بيغلي جواه :متشغلش بالك انتا 

مالك ازي يعني انا عايز افهم الناس دي مش هينه دول ناس ليهم اسم ووزن يخض وليهم كلمه مسموعه في البلد فمعني انهم يعرفوك وانتا مخبي اظن من حقي اني اعرف وافهم 

هارون بص يا مالك بلاش فضولك يكون قاتل ومادام انا قولت ميخصكش يبقى الموضوع داه خاص بيا واظن احنا عشره كفايه انك تعرف ان حياتي الخاصه مش مشاع على الملاء اما بالنسبه للناس دي فهم مش اكتر من معرفه عابره يعني لا بيني وبينهم كلام ولا علاقات اتمنى اكون اشبعت فضولك شويه 

مالك ماشي بس احنا في مركب واحده 

هارون تمام مختلفتش معاك المركب اللي بينا شغل ومادام انا مقصرتش فيه من سنين يبقى محدش ليه دخل بحياتي الخاصه 

مالك ماشي بس انا معرفش عنك اي حاجه غير اسمك وشغلك

هارون واظن داه كافى علشان الشغل عايز تعرف ايه انا المهندس هارون احمد في حاجه جديده تحب تعرفها 

مالك: المالكي

هارون ببرود: ليه دايما رابطه بالاسم داه 

مالك رفع كتافه بقله حيله معرفش انا سمعت الإسم امبارح زيي زي غيري لا اكتر ولا أقل 

هارون تمام متشغلش بالك بقى وركز في الشغل وبص في ساعته يادوب اللحق اروح مكتبي وابص على الشركات اللي جايه واعرف شويه معلومات عنهم ونتقابل لما يوصلو في الميتنج روم سلام وسابهم بدون اضافه كلمه زياده 

مالك بصله بغيظ ورجع بص لمصطفي لقاه شارد وسرحان

مالك بإستغراب في ايه يا مصطفى بتفكر في ايه

مصطفي مش عارف مش مرتاح وقلقان 

مالك بنفخه :اوووف يا الله منك رجعت تاني للشك والتخوين تاني ا مصطفي مش كنا خلصنا منه وارتحنا 

مصطفي بنفي صدقني يا مالك المرادي الشك مش في البشمهندس خالص 

مالك اومال الشك في ايه بقى 

مصطفي الشك في حياته 

مالك قعد قدامه بفضول بمعني ايه قصدك ايه من كلامك داه بقى 

مصطفي يعني البشمهندس حياته غامضه اوووي بقالنا سنين شغالين مع بعض منعرفش عنه أي حاجه غير اللي هو عايز يقولها ولا نعرف حتى اي حاجه عنه ولا عن أهله ولا عيلته عارف مين المالكي اللي انتا بتقول عليهم دول 

مالك بصله وكش وشه وضيق عنيه مين 

مصطفي أصحاب مجموعه شركات 

Triangle 3R 

مالك. ايه علاقتهم بيه

مصطفي معرفش مين دول ولا علاقتهم ايه وهو رافض يعرفنا

مالك معاك وانتا شايف ايه بردوا وجهة نظرك لسه ناقصه

مصطفي انا لو عايز اعرف هاعرف مش هاغلب متنساش احنا مين وولاد مين في البلد بس 

مالك بمقاطعه اكملك انا يا مصطفي

بس لو البشمهندس عرف ان في حد بيدعبس وراه وعايز يعرف حاجه هو مش عايز حد يعرفها هايخربها على دماغ الكل وهاينسحب بنفسه واظن انتا عارف ان هو اللي قوم الشركه دي بعد ضياعها ولو عمل لنفسه شركه هايكتسح السوق بقاله اسم مسمع زي الطبل منين ما ير ح يرن ودلوقتي كمان بقى واجهه اعلاميه الكل بيجري وراه بالمشوار 

مصطفي بتبرير بس حياته ممكن تضرنا 

مالك بص يا مصطفي احنا أصحاب عمر بحاله اه احنا أكبر من هارون في السن بس دماغه أكبر مننا بمراحل مادام حياته لا ضرتنا ولا هاتضرنا لا في حياتنا ولا في شغلنا يبقى ملناش كلام تاني معاه غير في الشغل وبس يبقى ملناش غير الشغل احنا عارفين البشمهندس من سنين وعارفين انه كاتوم اوووي اوووي كمان ومبيحبش اي حاجه تخص حياته حك يعرفها إلا إذا هو سمح بداه واده شيئ مش جديد لا عليا ولا عليك وداه ميعيبهوش بالعكس انا احترمت فيه داه جدا 

مصطفي بنفخه يا سيدي انا مقولتش حاجه وكل كلامك داه علي عيني وعلى راسي انا بس محتاج افهم

مالك تمام محتاج تفهم ايه قولي يمكن يكون عندي الاجابه 

مصطفي محتاج افهم هو مين احساسي بيقولي ان وراه لغز كبير وكبير جدا كمان 

مالك ومين قالك اني مش عارف ان وراه لغز كبير في حياته

مصطفي معنى كده ان انتا عارف 

مالك صدقني انا لو كنت عارف كنت قولتلك انا وجهة نظري مبنيه عليه من البدايه من قوته واسلوبه وشخصيته برغم صغر سنه بتثبت ان وراه حكايه كبيره جدا بس نحيت كل داه جانباً وركزت في الأهم اللي يهمني منه ومعاه هو شغلنا وبس وهو بصراحه مقصرش فيه ولا خيب أملنا في يوم طول السنين اللي فاتت دي كلها 

مصطفي قصدك ايه

مالك بحسم قصدي ان لا دورنا ولا مسؤوليتنا حياته دي تخصه لوحده مادام مقصرتش في يوم على الشغل

مصطفي بعدم اقتناع اتمني ان كلامك يكون صح وميكونش في ماضيه حاجه تقصر على مستقبلنا ومستقبل شغلنا 

مالك لاء اطمن اظن انه اكتر واحد بيعرف يفصل حياته الشخصيه عن حياته العمليه تماما تحس انه عنده انفصام شخصيه من اول ما بيدخل الشركه بيتحول كأنه اله شغل وبس 

مصطفي هز راسه طيب هانعمل إيه في الصحافه اللي ماليه المكان بره دي 

مالك هانتصرف ونمشيهم اظن من البدايه واحنا عارفين ان البشمهندس كان رافض اي ظهور اعلامي بسبب الشو والجو داه وانتا عارف احنا عانينا قد ةيه علشان يحضر الحفله تحت ضغط لانه المهندس المسؤل عن المشروع

مصطفي ماسي يا سيدي بردوا هاتصرفهم ازاي 

مالك بسيطه نبعتهم لأي مسؤل في العلاقات العامه او المكتب الاعلامي للشركه مش غلبه هي 

مصطفي عندك حق 

مالك جهاز الانتركوم رن

مالك ايوه

السكرتيره : مسؤلين الشركات وصلو يا فندم وفي غرفه الميتنج روم 

مالك تمام بلغي البشمهندس هارون يحصلنا على هناك

السكرتيره: حاضر يا فندم 

مالك وهو بيقول زرار البدله يلا الناس وصول واتحركوا لغرفه الميتنج روم ودقايق وكان انضملهم هارون

هارون دخل بهيبه وقعد والكل بداء 

بتعريف نفسه انا رؤوف محمدي نائب عن مجموعه شركات الورداني جروب

شاكر السعيد نائب عن شركات الشبراوي جروب 

مالك بترحاب تشرفنا اشهر من نار على علم 

رؤوف الشرف لينا يا فندم احنا جايين ليكم بصفه عامه وللبشمندس هارون بصفه خاصه

هارون بصله بغموض ومنطقش كلمه 

رؤوف مسمعتش ردك يعني يا بشمهندس

هارون بغموض على ايه حضرتك لسه مقدمتش عرضك علشان اقولك ردي عليه

شاكر: طيب مبدئيا كده يا جماعه احنا عارضين شغل مشترك بينا وبينكم بس شرط اساسي ان اي مشروع الشركه هاتنفذه يكون تخت اشراف مباشر من البشمهندس هارون بنفسه 

هارون ببرود: اشمعني 

رؤوف والله يا فندم انا عبد المأمور بس اظن ان حضرتك قمه وقامه في مجال المعمار علشان كده مطلوب بالإسم وشركه زي شركه الشبراوي او شركه الورداني اضافه كبيره لاسمك ها قولت ايه

هارون ببرود في ايه

رؤوف في العرض المقدم ليك 

هارون بهدوء مبدئيا كده الشغل معايا غير مشروط بالمره اللي بينا وبينكم شغل اه اه لا لا كل اللي ليكم عندنا هو جوده الشغل مالكش دعوه بقى ومش من اختصاصكم مين اللي عملوه او هايعمله ثم هنا في 

Teamwork Organization

يعني انا مش مسؤل لوحدي واللي شغالين معايا مش ناس صغيره دول مهندسين على أعلى مستوى وكفاءه ومتدريبن تحت ايدي انا شخصيا وانا كنت متولى الإشراف الكامل والمسؤليه كامله عنهم وعن كل كبيره وصغيره تخصهم فلما حضرتك تهز طولك وتجيني علشان تحط من قدرهم تبقى جاي وتنقص من كفاءة Team work كامل وداه شيئ مرفوض انا لا أقبل بيه ياريت تبلغ الكلام داه للي بعتينك ويبقى وقتها لينا كلام تاني 

قطع الاجتماع دخول اخر شخصين كان يتوقعهم هارون

ياتري مين اللي ....

ياترى رد فعل هارون ايه...

ياترى اللي جاي مخبي ايه ...

يتبع

الفصل السابع والعشرون

وليه يبلغني انا جيتلك بنفسي اسمع اللي عندك ونوصل لنقطه وسط

مالك قام بإحترام اهلا وسهلا نورتونا يا جماعه اتفضلو

هارون باصص عليهم ببرود ومتحركش من مكانه 

مالك بصله بحده ةيه يا بشمهندس مش هاتقول تسلم على البهوات دول ضيوفنا 

هارون ببرود وهو بيبص في الورق اديك قولت ضيوفنا واللي عايزني يجيني وهما اللي واقفين وانا اللي قاعد يبقى من أصول الاتيكيت هما اللي ييجو يسلمو 

الكل بص لبعضه بصدمه ومحدش عمل اي ردة فعل

رهف في عربيتها بتزعق بصوت عالي: يعني ايه يا غبي معرفتش توصله

الجن: يا ست الكل انا مرابط قدام الشركه من بليل والصحافه هنا قافله المكان كله واللي بيعدي بيدخل بعد مرار والجدع اللي بلغتيني عنه مظهرش وحتى الناس اللي كانوا معاه هما اللي جم ودخلو

رهف بزعيق : يا غبي يا متخلف في كل شركه فيه مخرج طوارئ اكيد لما شاف اللمه دي دخل منه من غير ما حد ياخد باله الشخص داه ذكي جدا وغامض دور حوالين الشركه وشوف المخرج داه فين واقف قدامه الأكيد امه مش هايدخل ويخرج من المدخل الرئيسي 

الجن خبط على راسه: لا مؤاخذه يا ست الكل سوهو عليا عندي دي معلش على بالليل هايكون عندك خط سيره بالتمام والكمال 

رهف بنفخه اتمني الغباء داه ميتكررش مره تانيه انا مش بدفعلك عشان افكر بدالك يا غبي فتح عينك ومخك متبقاش اسم على الفاضي

الجن الله الله الله وليه الغلط بس مقولنا سوهو عليا مش أشكال يعني اللي يخص عنوان بيته و يومه من أوله لاخره وانا بعون الله كفاءه ليها دانا الجن

رهف افلح ان صدق يلا وبالليل هاستني اتصالك باي

وقفلت السكه وركت الفون اوووف شويه اغبيه 

ساقت وطلعت على البيوتي سنتر تعمل نيو لوك 

في اجتماع مغلق ضم رقيه ورفعت 

رقيه خير يا رفعت جايبني علا ملا وشي ليه

رفعت عندي خبر ليكي بمليون جنيه 

رقيه خير قول شوقتني

رفعت فاكره مشروع العاصمه

رقيه بإحباط هو داه اللي جايبني عشانه

رفعت اصبري يا غبيه امبارح كان في مؤتمر علشان افتتاح العاصمه وبسبب انشغالنا بموضوع الغبي اخوكي نسيت نالص مع انه جالي انفتيشن بس اللي حصل 

رقيه ايوه وبعدين من غير المقدمات دي كلها عايز تقول ايه

رفعت: المهندس اللي صمم المشروع ظهر امبارح وسمعت كلام كتير في السوق ان مستثمرين عرب وخلايجه واجانب كمان عايزين يتعاقدوا معاه 

رقيه ايوه واحنا دخلنا ايه

رفعت اول مره احس انك غبيه يا رقيه فتحي محك معايا طول عمرك بتلقطيها وهي طايره 

رقيه بنفخه وزهق :يوووه متخلص يا رفعت وقول على طول 

رفعت بصي بقى انا بعت حد الشركه اللي شغال فيها المهندس داه انهارده بكره هايجيب قراره الواد داه لو كسبناه في صفنا هاتبقى ضربه معلم خصوصا والسوق داخل على صفقه الموسم 

رقيه بصتله بإنصات وتركيز

رفعت كمل مشروع راس الحكمه يا رقيه المشروع داه خبطه العمر للي يقدر بس يمسك شبر فيه والواد داه بقى الطلب عليه تقيل داه مطلوب بالإسم 

رقيه قصدك

رفعت ايوه عليكي نور ندخله من اي سكه ونضمنه في ايدينا مهما ان دفعناله ولو ضمناه يبقى ضمنا المشروع في ايدينا 

رقيه بإبتسامه: يا ابن الايه دماغك دي سم مصفي

رفعت :طبعا الشغل مفيهوش هزار ولا السوق عايز يا أما ارحميني 

رقيه طيب هو مين ولا منين

رفعت رفع كتفه معرفش كل اللي اعرفه اسمه المهندس هارون احمد

رقيه كشت وشها استغفر الله وملقتش غير الاسم داه

رفعت وانا مالي ومال اسمه هو انا هناسبه انا ليا شغله وبعدين ماله اسمه

رقيه بغيظ بيفكرني بالكلب ابن صابره الله يحرقه

رفعت بسخريه وايش جاب لجاب التاني بلطجي الله يحرقه هو وامه مطرح مغارو وانسي بقى السيره الهباب دي واحرقيها بجاز وسخ غروا وغارت سيرتهم معاهم

رقيه بحده بس انا مش حابه اسمه ولا حابه اتعامل اساسا معاه

رفعت بحده رقيه الشغل مفيهوش مجال للعواطف لو مزعل اسمك ابقى ناديله بأي اسم المهم بس نعرف نوصله ونضمنه في ايدينا انا قتيل المشروع داه المرادي 

رقيه بنفخه اوووف ماشي لما نشوف

في غرفه الميتنج روم الأمر متحتد 

قرب بخطوات ثابته ومد ايده بعمليه ورسميه شديده: نصر الورداني سبق واتعرفنا امبارح وابتسم بمجامله مخيبتش وجهة نظري فيك 

هارون بغموض رفع عنه ببطئ وجهة نظرك دي ليك مش ليا ولا تخصني بساغ تصيب او تخيب دي ترجعلك انتا مترجعليش انا 

مالك بفضول لاء بقى انا عايز اعرف الحكايه ايه وانتوا تعرفو بعض منين 

ماهر الشبراوي بهدوء وابتسامه بسيطه نعرفه من خناقه

مالك ومصطفي بصدمه نعم 

ماهر بتكرار من خناقه وبص لهارون مش كده ولا ايه يا بشمهندس 

هارون اممم صح وصح اوووي كمان خير 

نصر كل خير يا بشمهندس قلبك ابيض اظن انتا خدت حقك بالقوووي كمان ولا إيه 

هارون اه حصل وانا علشان خدت حقي بتعامل معاك عادي وتلقائي وبهدوء 

ماهر بنفخه في هارون: طيب يا بشمهندس يا ايقونه العرب المعمارية احنا جايين وعايزه نعمل شغل مشترك ما بين شركاتنا وشركتكم 

مالك طيب اتفضلو اقعدوا ونتكلم بدل الكلام اللي على الواقف داه 

قعدوا نصر وماهر شاورو لرؤوف وشاكر انسحبوا بهدوء

هارون بهدوء خير حابب اسمع منكم شخصيا

نصر تمام بص ية بشمهندس مش محتاج اعرف شركاتي لأنك اكيد عارفها كويس اوي انا جاي اتكلم في المهم

هارون وانا عايز اسمع اهم المهم 

نصر في مشاريع كبيره وعملاقه كمان بتدخلها شركتي 

هارون كل داه كويس وعارفه عايز الجديد 

نصر تمام بص بقى في مشروعات ضخمه اتفتحت على سوق المعمار ومنها مشروع راس الحكمه مشروع القرن مشروع يعد النقله الاقتصاديه والمعماريه الحديثه

مالك بإستفسار: بس اللي اعرفه ان لسه المناقصات على المشروع لسه متفتحتش ولا انطرحت كراسات الشروط في السوق 

ماهر: لا يا مالك بيه عيب في حقك وحقنا المناقصات دي للشركات اللي على قدها مش لينا 

هارون طبعا الوحوش اللي زيكم والعتاوله اللي بالعه السوق بتجيلهم طايبه مطيبه جاهزه للأكل صح ولا انا غلطان 

نصر لا مش غلطان خالص عليك نور فهمت قصدي من غير شرح كتير 

مالك بفرحه: طبعا يا فندم داه يشرفنا اننا نشتغل معاكم

هارون بحده: انتا تتكلم عن نفسك بلسانك انتا وبس وانا لا اخرس ولا لساني ناقصه حته علشان معرفش ارد فمتقولش كلام على لساني بعد اذنك 

نصر طيب ايه طلباتك علشان نتفق يا بشمهندس 

هارون لما انتا تقول واسمع اللي عندي ساعتها اقدر اقولك اللي عندي انا واحد مبحبش اسبق الأحداث ربنا عطاني ودنين اتنين ولسان واحد بس علشان كده بحب اسمع ضعف ما بتكلم 

نصر بإعجاب شابو ليك بجد كلامك عجبي دماغ اقتصاديه بحت هي دي الدماغ اللي تنفع في السوق

هارون شكرا على المجامله اللطيفه دي بس اظن الاجتماع اهم من اننا نقضيه في مجاملات وكلام تثبيت مبيأثرش فيا وغمزلهم بنص عينه فنخلينا في الشغل افضل واقتصار للوقت والجهد الفاضي

نصر ماشي بص بقى مشروع راس الحكمه مشروع هاينقسم بين جهتين بين الجهه الاماراتيه والجهه المصريه هايكون بتخطيط وتنفيذ بأيادي مصريه والاداره بأيادي اماراتيه بدمج معوشركات اداريه مصريه تحت سياده الجهات المصريه الحكوميه المختصه بدمج مع شركات حراسات وأمان اجنبيه كل داه كلام احنا في غنى عنه اللي يخصنا فيه كله هو التنفيذ بأيادي مصريه 

هارون كل الكلام داه تمام والفكره ككل مش بطاله

ماهر بصدمه مشروع بالضخامه دي بتتكلم عنه بالبساطه دي وبتقول مش بطاله

هارون اه مش بطاله واقولك ليه بقول كده لأنك وببساطه شديده مدتنيش الحاجه الواو اللي زي ما بيقولو بالبلدي اطلع من الفسيخ شربات لان المنطقه في حد ذاتها مش محتاجه من اكتر من شويه مباني ومش هاتغطي على جمالها اساسا لان المنطقه مليانه بمناظر طبيعيه كتير جدا تعد كمحميه طبيعيه مش محتاجه اكتر من شويه رتوش بسيطه تضاف ليها 

نصر قصدك ايه

هارون قصدي انه ختى لو كانت اكواخ من خشب في منطقه بجمال راس الحكمه هاتكون ذو قيمه وقامه فبها 

ماهر سيبك من كلام الأشعار وخلينا في كلام البيزنس اهم

هارون تمام وكلام البيزنس بيقول ايه بالنسبه ليكم

نصر انتوا هاتمسكوا التخطيط والتنفيذ من الباطن

هارون ببرود يفتح الله

ماهر بصدمه نعم

هارون بتكرار وهو على نفس وضعه: يفتح الله مش بيقولك بين البايع والشاري يفتح الله انا اهو بقولك يفتح الله

ماهر انتا عارف انتا بترفض ايه اصلا 

هارون اه عارف وفاهم ودارس ومقدر علشان كده بقولهالك بالفم المليان يفتح الله 

نصر ليه احب اسمع اسبابك ووجهة نظرك اللي تخليك تتسرع وترفض مشروع زي داه الف شركه تتمناه

هارون شاورله على الباب: الباب عندك والشركات اكتر من الهم على القلب في السوق اختار من بينهم مليون مش الف بس 

نصر بس احب اسمع اسبابك في الأول

هارون بنبره مغلفه بالجليد يعني انا مبشتغلش شغل لحد غير نفسي ومش انا اللي اشتغل من تحت لتحت زي الحرميه ويتاخد مجهودي يتنسب لغيري ويتحط عليه اسم غير اسمي ونجاحي يلمه غيري من ورايا بعد تعبي فبالعقل كده ارفع غيري على اكتافي وانا أفضل محلك سر

نصر لالا خالص انتا فهمت غلط المشروع هايتحط عليه اسمك طبعا دانتا بقيت أشهر من نار على علم ومكسب لأي حد يتعامل معاك 

هارون بمقاطعه اكملك انا بإسمي بس تحت اشرف شركتك 

نصر يالظبط كده فا ايه المانع 

هارون سوري محدش قلك اني عواطلي وخالي شغل عندي بردوا شركتي اللي هي بالمناسبه مش صغيره بالعكس دي اثبتت كفائتها في السوق في وقت قياسي لان محدش هنا بيجور على حق حد ولا بياخد جهد حد على الجاهز 

ماهر بس مقارنه بشركاتنا

هارون متقاربين لأنكم من سنين السنين واحنا خلال كام سنه قدرنا نحولها من مجرد شركه لمجموعة شركات بردوا وان شاء الله خلال وقت قصير هاتكون علم ما اعلام الاقتصاد في البلد ووحش من وحوش السوق 

نصر والحل كده احنا مش عارفين نوصل لحل وسط يرضى كل الأطراف 

هارون والله زي ما انتا بتاخدها بالتزكيه حقك وعلاقتك محدش يقدر يتكلم انا عن نفسي هاقدم في المناقصة عادي جدا زي مشروع العاصمه واظن السوق مفتوح للكل 

نصر بدهاء طيب وليه مهو العقل بيقول بدل ما تتقطع تاخد بالجمله وتاخد كتير قطعيه واحده

هارون بمكر وذكاء موازي جيب اخرك يا باشا وبلاش نلف وندور على بعض لان طرقي كلها سد وبلاش لعب بالكلام لاني فيه استاذ ورئيس قسم 

نصر بإستسلام لانه حس انه قدام شخص محنك وخبره في السوق ومش من السهل اللعب معاه وأفضل الطرق هو الطريق المستقيم اتنهد واتكلم بتعقل ونظره ثابت على هارون قصدي ان بدل ما تاخد مشروع وانا اخد مشروع ويبقى متجزاء ليه منحطش ايدينا في ايدين بعض وناخد أكبر كم ممكن من وداه سهل جدا اضمنهولك 

هارون كلام موزون بس مقابل ايه مهو مش لله وللوطن 

نصر اكيد البيزنس مفيهوش كومليموه ولا إيه 

هارون أكيد ايه المقابل المطلوب 

نصر بثبات: المشروع كله يتم من الألف للياء تحت إشراف شركتنا

هارون بتصحيح وتوضيح واتك على كل حرف وكلمه: قصدك تحت اشراف شركاتنا 

نصر قصدك ايه مش فاهم المغزي من كلامك

هارون بتوضيح مبسط: يعني لما يتم الإعلان عن المشروع وبما انك كده ولا كده بتاخده بالأمر المباشر يتم الإعلان عن تنفيذ المشروع بالدمج الثلاثي بين شركه الورداني والشبراوي وMHM لازمك الكلام وجه على هواك اوك كان بها نكلم الشؤون القانونيه عندنا وعندكم ونبداء الاجراءات والعقود هاتبقى بالاتفاق ما بينا باللي يرضي جنيه الأطراف نقول ساعتها على بركه الله مش لازمك يبقى زي ما سبق وقولت يفتح الله ويا دار ما دخلك شر 

نصر والنسب هاتبقى ازاي 

هارون متالته 

ماهر بحده نعم 

هارون ببرود وتكرارا متالته 

نصر بص لماهر بحده 

اللي كز على اسنانه بغيظ وسكت 

نصر بص لهارون بخبره راجل سوق محنك وقديم: مش شايف ان النسبه دي كتير اوووي خصوصا انكم مش هاتتعبوا في حاجه والمشروع جتي جاهز مجهز 

هارون بالعكس شايفه قليل اوووي على مجهود شركتنا اللي انتا عايزه واظن انتا عارف مجهودي وتصميماتي بتوصل لايه 

ماهر بغيظ: انتا طماع اووي حد غيرك كان قبل وقال الحمد لله مشروع جاي على الجاهز بدون تعب ولا بهدله 

هارون والله اللي اعرفه ان الطمع في الشغل فضيله مادام مطمعتشفي حق غيري ومخدتش حق اكتر من حقي يبقى الطمع هنا من حقي ومحدش يقدر يلومني ساعتها 

نصر بص لماهر اللي قرب ينفجر ورجع بص لهارون ومالك ومصطفي: تمام سيبني افكر واكيد هارد عليك 

هارون تمام مفيش مشكله معاك وقتك من هنا لحد نهايه الأسبوع انهارده الأحد معاك الاثنين والثلاثاء والأربعاء والخميس ويوم الجمعه يوصلني الرد وقرارك علشان يوم السبت مهما ان كان قرارك سواء كان بالقبول او بالرفض مش هابص عليه اصلا 

ماهر انتا مغرور اووي على فكره

هارون رفع كتافه ببرود عادي انتا شايفها غرور دي ترجعلك إنما أنا شايفها ثقه بالنفس مش غرور خالص 

نصر وقف وقفل زرار البدله ومد ايده بالسلام لهارون

هارون قام بإحترام وسلم عليه 

نصر على ميعادنا ان شاء الله يوم الجمعه 

هارون منتظرك 

وسلم على مالك ومصطفي 

مالك بعد ما اتأكد من خروجهم انتا مجنون يا هارون انتا عارف انتا ضيعت مننا مشروع عملاق ارباحه مليون الميه بسبب عنجهيتك

هارون بصله بهدوء طول عمرك متسرع يا مالك 

مصطفي شد مالك من ايده اقعد خلينا نفهم دماغ البشمهندس فيها ايه

مالك نفخ بغيظ وقعد 

هارون من غير كتر كلام المشروع اولا واخيرا هانقدر نوصله لان هنا الاسبقيه للجودة واحنا الحمد لله اسمنا سابق في السوق وهما جايين مش علشان سواد عيونا تؤ بالعكس جايين علشان يضمنو أكبر كم ممكن يعني بالبلدي كده يحط نصيبنا على نصيبه فهمت 

مالك كش وشه

هارون كمل يعني حط في بطنك بطيخه صيفي واطمن وطمن بالك لان هما اللي محتاجينا وقبل ما تنطق اه عندهم فلوس ونفوذ وعلاقات بس اهم عامل عندنا الجوده وقوه التصميم فهمت يا ابو العريف انا مش كلب جايين يرموله عضمه يفرح بيها بالعكس انا كمان عايز اخد النايب الكبير وكمل بغموض وشر لمع في عنيه زي ما هايستفادوا انا كمان لازم استفيد بالقوي كمان دول مركز قوه يرعب اتخن شنب سيبني انا اتصرف ولو عكت يا سيدي انا المسؤل احلها تمام كده

مالك بص لمصطفي وهز راسه من غير ولا كلمه زياده

ماهر طلع وهو شايط: على فكره يا نصر انا مش مرتاح للواد داه خالص

نصر بسخريه غشيم يا ماهر اوووي 

ماهر قصدك ايه بقى 

نصر الواد داه الحصان الكسبان في حلبه سباق السوق تقدر تقول كده ملك اللعبه في الشطرنج 

ماهر مش فاهم قصدك ياريت توضح كلامك مهاودتك معاه على غير عادته بتقول ان عندك حاجه انا معرفهاش 

نصر طيب تعالي اركب معايا ونكمل في الطريق الكلام هايطول 

ركبو عربيه نصر 

ماهر بصله باهتمام ايه الحكايه بقى 

نصر بص بقى يا ماهر الواد داه ملك اللعبه دلوقتي ليه اول هام ايقونه وأصبح وجهه اعلاميه في مجال الميديا الكل بيسعى وبيجري عليه 

تاني هام تصميماته ومشاريعه بتتصدر الوجهه واكتسح الساحه بجداره وبقت بتتباع ويندفع فيها مبالغ فلكية ومهاودتي معاه دي وجيتي لحد هنا برغم مشغولياتي ومسؤلياتي انا وانتا مش لله وللوطن 

ماهر قصدك ايه ايه بقى اللي عرفته خلاك تطاطي للواد داه بالذات كنا قولت من اول ما شوفت اسلوبك جوه ان الموضوع داه فيه ان

نصر فعلا وان كبيره اوووي كمان 

ماهر ايوه اللي هي ايه بقى 

نصر امبارح لما المؤتمر اتعمل الكل كان متلهف يشوف مين العبقري اللي صمم الوجهه الايقونيه للعاصمه الجديده ولما ظهر وبداء يشرح المشروع بكل ثبات ووضح كل كبيره وصغيره الشركه الاماراتيه نفسها اللي هاتنفذ مشروع راس الحكمه ككل هايتعاقدوا معاه بصفه مباشره وبالأمر المباشر وقتها كان هايغطي على الكل ويكتسح السوق بين يوم وليله

ماهر بصدمه طيب والحل

نصر مش بقولك غشيم كل اللي قدرت اعمله اني عطلتهم شويه وسبقت بخطوه علشان وقت ما اضمن الواد داه في ايدي ابقى ضمنت المشروع في الايد التانيه وبالامر المباشر وحياتك  

ماهر طيب ليه مبلغتوش موافقتك من دلوقتي ليه أجلتها كام يوم

نصر بتهكم مش بقولك غشيم اللي زي الواد داه صايع على قديم وقاري وفاهم السوق كأنه مولود ومتربي فيه لو قولت اه دلوقتي هايشك ان في حاجه غلط إنما لما اخد وقتي محدش يشك هو فاكر انه هايدخل شريك ميعرفش اننا اللي بنحاول ندخل معاه ونشارك في التورته بدل ما ياكلها لوحده 

ماهر بذهول وابتسامه مكر يا ابن الايه 

نصر بصله بجمب عينه طبعا يا باشا داه بيزنس والبيزنس مفيهوش لعب ولا ينفع ثانيه ولا كلمه ولا هفوه تعدي من تحت ايدك او عينك او ودنك عرفت ليه بقولك انك غشيم اوووي كمان ولسه بدري على ما تفهم السوق 

ماهر بتبرير: لاء مش غشم بس انا مكنتش اعرف المعلومه دي 

نصر لا يا باشا مينفعش متعرفش واللي مينفعش بجد هو انك تفصل تجري ورا ابنك ومشاكل ابنك وتنسى ان البيزنس لعبه سباق للقوه والسرعه والنفوذ واللي بيحكم فيها الفلوس قوانين السوق يا ماهر البقاء للاقوي 

ماهر فعلا في دي عندك حق طيب وانتا دلوقتي ناوي على ايه معاه

نصر بغموض ناوي اقيسها من كل الجناب واحسبها الورقه والقلم واشوف ارباحها هاتبقى قد إيه لان المشروع داه مش لأي حد والسلام تؤ داه لطبقات معينه داه سعر أقل وحده زي ما بيقولو كده بالبلدي المتر في متر فيها هايبقى تمنه ملايين الملايين كمان يعني الوحده اللي هاتحط فيها جنيه هايرجعلك مليون وانتا قاعد وحاطط رجل على رجل 

ماهر تمام يا باشا دوس وانا معاك 

نصر بتفكير بس علشان اعرف ادخل للواد داه صح واللعب يبقى على أصوله لازم اعرف تاريخ حيات الواد داه من يوم ما اتولد وجه على وش الدنيا لحد وقتنا هذا علشان اعرف دماغه دي فيها ايه اصل اللي كان بيتكلم معايا بنديه بدون خوف ولا رهبه بيقول ان الواد داه حكايه وقصه وروايه وانا لازم اخططله صح

ماهر ودي بقى هانعملها ازاي

نصر بصله بإستغراب في ايه يا ماهر مالك طالبه معاك غباء انهارده ليه كده هو انتا ناسي احنا مين ولا إيه هو احنا يا ابني قليلين في البلد ولا ايه 

ماهر بنفي لاء مش قليلين بس هارجع واقولك الواد داه براوي ونابه ازرق وقرصه والقبر 

نصر عارف وقاري وعلشان كده بقولك لازم اعرف كل كبيره وصغيره عنه حتى اللي هو ميعرفوش عنه نفسه ولا شركاته يعرفوه بذات نفسهم علشان ابقى عارف بتعامل مع مين واتعامل معاه كيف وازاي

ماهر بصله وهز راسه

نصر بصله بضيق طلع تليفونه وقلب فيه دقايق واتصل

نصر بترحاب :معالي الباشا عامل ايه يا غمراوي 

غمرواي: نصر باشا الورداني اؤمرني يا باشا

نصر بضحكه عاليه فينك يا غمرواي وفين اراضيك

غمرواي في الدنيا والله يا باشا خير المكالمه دي مش لله وللوطن

نصر طول عمرك لماح 

غمرواي طيبه شغلي بقى نعمل ايه 

نصر كان الله في العون قاصدك في خدمه بس حاجه كده من العيار التقيل 

غمرواي :لو في ايدي اعتبرها مقضيه ومنهيه كمان 

نصر اظن بالنسبه ليك هاتبقى سهله وتقدر تعملها بمنتهى البساطه 

غمرواي شوقتني شكلنا كده هانرجع الملاعب تاني ولا ايه

نصر بضحكه: لا لا حيلك حيلك اومال لاء كل الحكايه ان في مهندس عايزك تجيبلي قراراه من يوم ما امه ولدته لحد اللحظه اللي احنا فيها 

غمرواي لو مرازيك اعتبر امه مجابتوش من الاساس يا باشا ولا كأنه جه الدنيا وطل 

نصر بزعيق انتا مجنون مين داه اللي اعتبره مش موجوده الواد داه بالذات خط احمر مش خط لا الف خط احمر يا غمرواي الواد داه شغلنا الجاي كله في ايديه ومبني عليه 

غمرواي مين داه اللي يهمك اوي كده لدرجه انك تحط حمايتك عليه لاء واحده واحده كده وفهمني يطلع مين الواد داه عشان تتحمق اوي عشانه وانتا عمرك معملتها حتى عشان ابنك 

نصر بنفخه: عارف الحفله بتاع قاعه المؤتمرات الي كانت امبارح 

غمرواي طبعا يا باشا دانا بنفسي كنت حاضرها انتا ناسي منصبي في المخابرات ولا إيه وحاجه زي دي مينفعش تعدي من تحت ايدي بس ايه علاقه الحفله دي بالواد اللي بتتكلم عنه 

نصر وعلشان الكلمتين دول بالذات انا اتصلت بيك انتا دون عن غيرك 

غمرواي مين فيها انا كل اللي دخل وخرج عندي كشف كامل بأسمائهم وأرقام بطايقهم كمان 

نصر اسمه هارون احمد 

غمرواي بمحاوله للتذكر دامت اقل من ثواني مش داه المهندس اللي من امبارح قرفنا على السوشيال ميديا 

نصر عليك نووور هو داه 

غمرواي ماله بقى عملك ايه

نصر يا ابني معملش بس في شغل بين شركتي وشركته 

غمرواي يا راجل بقى الواد عنده شركه دانا كنت فاكره مجرد مهندس والحظ لعب معاه 

نصر لا يا باشا معلوماتك ناقصه هو مهندس اه بس شريك في الشركه اللي شغال فيها 

غمراوي ماشي ما علينا ماله بقى 

نصر عايز اعرف كل حاجه عنه وعن حياته وأهله وعيلته عايز اعرف دماغه دي بتفكر ازاي عايز اعرف بيعمل ايه حتى قبل ما يعمله يلزمك في المصلحه دي وقت قد إيه 

غمرواي مش كتير 

نصر قد إيه يعني الوقت مش في صالحي انا كل اللي عندي مجرد ايام بسيطه

غمرواي:يب عشان ننجز اسرع متعرفش اي معلومه حتى لو كانت بسيطه عنه 

نصر بتفكير :اظن انه مره قالي انه المعلم هارون المالكي من بولاق الوراق حاجه زي كده 

غمرواي كده فل اوووي المعلومتين دول مع اسمه ورقم بطاقته اعتبر حياته كتاب مفتوح قدامك تقلب في صفحه زي ما تحب 

نصر المعلومه دي كده هاتفيدك يعني

غمرواي يا باشا في شغلنا اي معلومه وأقل كلمه حتى لو مكانش ليها لازمه بتفيدنا 

نصر كده طمنتي تقدر تنجزها في قد إيه لاني زي ما قولتلك الوقت مش في صالحي

غمرواي ولا تشغل بالك على بالليل بالكتير ان ماكنش قبل كده هايبقى عندك ملف كامل مكمل بكل حاجه تخصه من يوم ما نزل على الدنيا وقال واء لحد ما قعد قدامك ولسانه نطق 

نصر كده تمام مستنيك سلام

غمرواي في الخدمه دايما يا باشا

قفل المكالمه وروحوا وصل نصر بيته وطلب من السواق يوصل ماهر لبيته

ماهر وصل ودخل 

إياد وهو نازل من على السلم باي يا دادي

ماهر بحده وهو بيمسك ابنه من دراعه رايح فين 

إياد خارج مع اصحابي 

ماهر اه شله الصيع اللي اتلميت عليهم قصدك 

إياد بنفخه بابا من فضلك مالكش دعوه بإصحابي

ماهر بزعيق يتحرق اصحابك بجاز وسخ انا اللي يخصني هو وانتا وبس 

إياد: تمام وانا زي الفل قدامك اهو 

ماهر والله امممم طيب ادخل جوه ومفيش خروج وسهر وشرب تاني زمن الصرمحه انتهي خلاص

إياد قصد حضرتك ايه بقى هاتحبسني في البيت زي البنات ولا ايه

ماهر والله لو وصلت لكده اوكي معنديش اي مشكله انا داخل على شغل تقيل ومش فاضي اللم نعالي جنابك من الكبريهات وادور اغطي على فضايحك ومشاكلك لاني مش هاستني ان حد يجيب اسمي وسيرتي وسمعتي تروح في الرجلين ومل تعبي وشقايا اللي ببنيه في سنين بتعب وجهد يقع على الارض ويضيع في ثانيه علشان حضرتك مش فاهم ولا واعي لنفسك 

إياد وهو بيتلفت حوليه حضرتك بتقولي انا الكلام داه 

ماهر بحده ايوه بقولك انتا يا إياد باشا الكلام داه حضرتي تعب منك كنت شاب ونعم والكل كان بيحلف ويتحالف بيك كان ليك كلمه الكل بيعملها الف حساب ايه اللي جرالك فوق لنفسك وارجع امسك معايا الشغل انا كبرت وتعبت انتا ايه اللي جرالك وحصلك انتا مكنتش كده

إياد بزعيق في ايه لكل داه 

ماهر انا اللي عايز اعرف في ايه مكانتش حته بت صايعه ملهاش لا ظابط ولا رابط اتلميت عليها عملت فيك داه كله يا اخي استنضف اللي زي دي ترميها من حياتك زي ما بترمي جزمك القديمه ايه متأثره فيك كده ليه دخلت في علاقه وفشلت في داهيه داه المفروض يكون دافع ليك علشان تقوى وتخليها هي وأهلها يندمو ويبكو بدل الدموع دم مش تهمل شغل وحالك ومالك وتدمر صحتك في الشرب والبهدله وقله القيمه 

إياد بإرهاق حضرتك عايز مني ايه دلوقتي يا بابا

ماهر انتا اللي عايز توصل لايه انا بحاول ارفعك لفوق وابنيك وانتا اللي مصر تغرس نفسك وتغرسنا معاك في الوحل والمستنقع اللي رميت نفسك فيه اعمل حسابك قدامك حل من اتنين ملهومش تالت يا تتعدل زي ما كنت وتنزل معايا الشركه وتباشر الشغل زي زمان وترجع إياد ابني اللي كنت اعرفه يأما الباب يفوت جمل بس هاسحب منك كل حاجه 

إياد بصدمه قصد حضرتك ايه

ماهر قصدي اني هاسحب العربيه واوقف كل حساباتك في البنك ووريني بقى الصيع اللي ملموم عليهم هايتحملوك لحد أمته من غير الميغه اللي عمالين يغرفو ويعومو فيها 

زياد اتهبد علل الكرسي بصدمه

رمي كلامه وسابه في شروده وطلع بدون اي رد فعل ولا كلمه زياده

يا ترى مصير المشروع الجديد ايه….؟

يا تري هارون هاينسى انتقامه….؟

يا ترى رهف هاتعرف توقع هارون وتكسب الرهان ….؟

يا ترى اللي جاي مخبي ايه ….؟

يتبع

الفصل الثامن والعشرون

هارون أخيرا خلص شغله ونزل الجراج خد عربيته وطلع من الباب الخلفي زي ما دخل من غير ما حد ياخد باله وساق لحد ما بعد بمسافه كافيه عن الشركه واتحرك براحه لفت نظره عربيه ماشيه واره من بدري عدل المرايه اللي قدامه وبص فيها بتركيز

هارون بإستغراب هو قاطرني انا ولا إيه الحكايه بالظبط

سكت ثواني ولف بالعربيه من طريق تاني لقي العربيه فعلا وراه

هارون بإبتسامه : يا اهلا بالشقاوه والله زمام مشي وكمل طريقه ببرود لحد ما وصل للكومباوند دخل والأمن منع دخول العربيه اللي وراه 

ركن عربيته ودخل الفيلا وهو شارد

هنا اول ما شافته قامت منطوره : ايه يا هارون مالك داخل شارد في ملكوت ربك كده ليه وواخد في وشك زي اللي غيطه غرقت 

هارون هز راسه بنفي :لاء مفيش انا كويس وبخير قدامك اهو

هنا بنص عين عليا انى الكلام داه تقوله لحد تاني غيري دانا من طله في وشك اعرفك 

هارون بتهرب: لا لا والله مفيش ضغط شغل بس واتلفت حواليه :الله اومال فين اخواتك ما اسكت الله لهم حساً

هنا وهي بتقعد على الكنبه تاني إخواتك في الظس يا اخويا لسه مجوش 

هارون ماشي ربنا معاهم بالتوفيق يارب ويجعل تعبهم بفايده

هنا اللهم آمين سيبك بقى منهم اغرفلك تتغدا زمانك لسه مكلتش لقمه والصبح طلعت على لحم بطنك وانا عارفاك وعارفه طبعك المهبب بتنسي روحك 

هارون بتنهيده: لا والله يا هنا مش جيعان عندي شويه شغل هادخل اوضه المكتب اخلصه لما اخواتك ييجو نبقى نقعد ناكل مع بعض احنا بقالنا كتير متجمعناش 

هنا بزعل ايوه والله يا اخويا من ساعه ما رجلنا خطت المدعوقه دي تحس ان وشها شمال علينا الأول كنا بنتجمع على طول واحنا في البيت اللي هناك في الفطار تقعد تنكشنا والغدا نتجمع واللقمه متتبلعش الا واحنا ملمومين حواليها ونقاسمها مع بعض والعشا نقعد نرزاي ونرخم على بعض ونضحك من قلبنا 

 ومصمصت شفايفها انما هنا تحس ان كل واحد مننا تاه في وادي لوحده 

هارون بتفهم: معلش عارف وواخد بالي بس اهي مشاغل يا هنا إخواتك عندهم دروس ومذاكرة متنسيش انهم ثانويه عامه وانا وغرقان في الشغل لشوشتي ان شاء الله هانرجع نتجمع تاني يا هنا ان شاء الله 

هنا بضيق: اهو كلام فض مجالس وانا خلاص جبت اخري من القعده وشي في وش الحيطان زي بوز الأخص 

هارون وليه حابسه نفسك هنا اطلعي وفكي عن روحك اتمشي في الجنينه أطلعي روحي النادي 

هنا حطت ايديها في وسطها :وانا بتاعت نوادي والكلام الفاضي داه طب دول شويه عيال فلتانين ناقصين ربايه اللي مسقط بنطلونه واللي ناسيه نص هدومها في البيت وكله كوم واللي عاملك عش عصافير فوق رأسه كوم تاني 

هارون بضحكه :والله يا هنا انتي ما ليكي حل يعني ساكنه في أغلى مكان في مصر ولسه زي ما انتي متغيرتيش 

هنا الشر بره وبعيد اتغير ليه انا كول عمري احب اعيش عيشتي ولا بحب اللبس توب مش توبي وانا عامله زي السمك اللي لو طلع من الميه يموت وانا لو غيرت طبعي اموت 

هارون بإبتسامه صافيه بسيطه:عارفه يا هنا احلى حاجه بحبها فيكي هي الرضا دايما راضيه وحامده ربنا دايما معاكي ممعكيش راضيه 

هنا بحب: ربنا يرضى علينا وعليك يارب 

هارون وهو رايح نحيه مكتبه: انا يادوب اللحق اخلص شويه من الشغل اللي متلت ورايا وزي ما قولتلك كده اول ما إخواتك ييجو اندهيلي ماشي

هنا حاضر من عنيا

هارون دخل وقفل الباب وقعد على الكرسي وبداء يلف بيه يمين وشمال وهو بيفكر: امممم وبعدين بقى العباره دي شكلها فيها ان يعني من كام يوم بهوات ييجوا يسألو عليا وعلى اهلي في الوراق ودلوقتي عربيه قطراني منين ماروح امممم وبعدين

وسرح مع نفسه طيب لو قولت علشان شغلي مستحيل اللي سألو كان قبل ما أظهر خالص يعني شغلي مستبعد بس مين وليه داه اللي عايز اعرفه ولازم اعرفه 

قاطع تفكيره صوت هنا وهي بتفتح الباب يا هارون بقالي ساعه بنادم عليك

هارون فاق ايه يا هنا في ايه 

هنا انا اللي في ايه ولا انتا بقالي ساعه عماله انادي عليك واقولك اخواتك جم 

هارون ماشي روحي انتي وانا جاي وراكي اهو 

طلعوا وحطت هنا الأكل

هنا بصتلهم بحب وفرحه والله زمان كأننا متجمعناش من سنين مش كام يوم ربنا ما يطقعلنا عاده ويجعلنا دايما ملمومين حوالين بعض كده دايما

هارون بإبتسامه اللهم آمين المهم عاملين ايه في المذاكره طمنوني

حسام بفخر: متشغلش بالك تقل جيبك انتا بس لطب

هارون بفخر: ادخل انتا ومتشلش هم عايز عيانين نجيب عايز جثث نجيب 

حسام ايوه بقى الله عليك يا كبير

وبدائوا ياكلو وسط مناوشات قطعهم رنت تليفون هارون 

بصلهم بإستغراب ورد بسرعه

هارون ايوه يا برنس عامل ايه اخبارك واخبار المنطقه ايه

البرنس والله كلنا تمام يا معلم بس في حاجه كده حصلت وعواء بيحصل في المنطقه وقولت لازم يوصلك خبر بيها يا كبير

هارون بحده خير اوعي يكون حط اتنطط عليكم ولا حط على حد هناك اديني ساعه زمن وابقى عندكم مسافه الطريق

البرنس لا يا كبير محدش يستجرى يهوب هنا ولا يعمل لبش مش مستدعيه جيتك احنا هنا نسد

هارون بحده متخلص اومال ايه اللي حصل 

البرنس: والله يا معلم شكلها كده حكومه

هارون قام وطلع بره علشان يضمن ان محدش يسمعه واتلفت اتأكد أن مفيش حد سامعه: حكومه ليه هو حد غريب ولا مطلوب نزل وسكن المنطقه ولا إيه

البرنس: لا يا كبير لا داه ولا داه  

هارون اومال ايه العباره ايه اخلص

البرنس بتردد والله يا كبير شكلهم كده جايين وقاصدينك انتا بالخصوص

هارون بصدمه: قاصديني انا عرفت الكلام داه منين وعرفت منين انهم حكومه

البرنس عيب والله يا معلم انك تسأل سؤال زي داه 

هارون اخلص مش هانخش لبعض افيا

البرنس حمحم :احم احم يا معلم الحكومه ريحتها فايحه والغريب اللي رجله بتدب بنعرفه ودول دايرين يلفو زي الدبان اللي بيعف على كيس زباله من هنا لهنا ميعرفوش اننا بنعرف الحكومه من ريحتها ودول شكلهم مخبرين جداد طالقينهم في الحته اصلهم غشم اوووي 

هارون طيب عايزن مني انا ايه

البرنس والله يا معلم علمي علمك هما دايرين يسألوا ويعسو على اي خبر عنك بس شكل الحوار كده كبير بالقوي كمان 

هارون يعني ايه 

البرنس والله يا معلم ما اعرف انا قولت ابلغك عشان تبقى معايا في الصوره 

هارون طيب مبعتش حد يطأقس من حبايبنا هنا يعرف ايه ورا الحوار داه 

البرنس عيب ودي تفوتني بردوا انا اول ما هلو علينا بعت الولا شلاطه يعس وراهم وراح لحبايبنا في القسم بس زي ما راح زي ما جه كل اللي عرفه أن الموضوع جاي من ناس فوق اوووي وحد من الجماعه التقال 

هارون بتفكير طيب هو ليه علاقه بالجماعه اللي جم من كام يوم 

البرنس مش عارف يا معلم بس انا مبقتش بستبعد حاجه خصوصا انهم جايين وبيتنشقوا ويشمشمو على خبر عنك انتا بالخصوص 

هارون بتفكير: طيب خلي عينك انتا والرجاله عليهم وشوف اخرهم ايه من بعيد لبعيد وسهلهم اللي عايزينه عشان يمشو اوام اوام قبل ما حد يشم الخبر كده ولا كده وتلاقي الكلام اتنطور هنا وهناك وانا معاك اربعه وعشرين ساعه على التليفون 

البرنس وجب يا مَعْلَمه اعتبره حصل ولو حصل وجد في الجديد جديد احنا هنا سدادين ورجالتك كبير

هارون بفخر وداه العشم ياض دانتوا ربايه ايدي 

البرنس بصوت عالي: فخر وشرف ليا يا كبير اني اتربيت على ايد المعلم هارون بجلاله قدره المعلم هارون على سن ورمح اجدع معلم معلمين بر مصر كلها مش شرق لغرب ومن شمال لجنوب

هارون بإبتسامه: طول عمرك ياض كلامنجي وطقاق حنك ولا اجدع نبطشي أفراح 

البرنس بضحكه عاليه مجلجله:طول عمرك رافع معنوياتي يا كبير 

هارون بضحكه: اه يا واطي المهم اعمل زي ما قولتلك كده وانا معاك اول بأول ماشي

البرنس ماشي كلامك يا كبير 

قفل معاه ودخل وهو دماغه شغاله زي الشواكيش مبتسكتش قعد مع اخواته وهو بيحاول يركز معاهم لحد ما ينفض الموال ويقدر يقعد على رواقه يفكر 

هنا بفضول : في ايه يا هارون مش داه واحد من رجالتك اللي في الوراق

هارون ايوه داه البرنس

حسام بضيق مش خلصنا بقى من الوراق واللي فيها وسيبناها بكل اللبش و العواء اللي فيها 

هارون بحده وهو بيخبط على التربيزه بحده: ماكلش دعوه ومتدخلش في اللي ملكش فيه ياض واوعي تقلع توبك يا ابن أحمد من أمته واحنا بنقلع توبنا ولا بننسى اصلنا 

حسام يا هارون احنا سيبناها وارتاحنا انساها بقى

هارون بصوت عالي انسى مين ياض دانا المعلم هارون كبير الوراق ولما الكبير يسيب مكانه مين يسد لما ييجي شويه عيال هفأ تتنطط على اكتاف الخلق هارجع اعيدلك كلامي اللي قولته قبل سابق في الوراق انا كبير الوراق ومعلم معلمين الوراق على سن ورمح 

وشاور على نفسه 

المهندس هارون

هارون بيه

المعلم هارون 

كل دول هنا العبد لله وانا لا بقلع توبي ولا بتسلخ من جلدي وانسى أهلى وناسي دول عزي وعزوتي 

وسبق وقولتها المنطقه هناك لو حد احتاجتني في اي وقت هيلاقوني سداد الليل قبل النهار ومش انازاللي اسيب مكاني سداح مداح لكل من هب ودب

جنا ماشي يا هارون بس انتا دلوقتي غير قبل كده دلوقتي بقى ليك اسمك ومركزك انتا مش عارف انتا بقيت ايه داه الناس كلها انهارده ملهاش كلام ولا سيره غيرك داه حتى اصحابي انهارده في المدرسه وحتى في الدرس ملهومش كلام غير عليك وانا كتت فخوره اوووي وانا بقولهم انك اخويا ومكانوش مصدقين لحد ما شافو صورنا ما بعض وصدقوا 

وكل البنات صحباتي ودول بنات هاي هاي كلاس اوووي ومستوى واوا كانوا هايموتو هايموتو كده ويتعرفوا عليك 

هارون آآآآآآه ادي اللي كنت خايف منه حصل جو الفشخره والانعره الكدابه 

جنا :قصدك إيه بقى بكلامك داه 

هارون بحده: قصدي يا بنت صابره يا ربايه الوراق تعدلي كلامك وتبطلي تتيهه زي اللي جالها شلل في لسانها عيشي عيشه اهلك يا جنا 

هنا انا بتأنعر وبتيه يا هارون بتقولي انا الكلام داه

هارون بنبره حاسمه ايوه ليكي من كام يوم بس لسه قايلك بلاش الانوار دي تزغلل عنيكي دي انوار مدهونه مش اصليه مع أول شويه ميه نضيفه او حتى وسخه هاتشيل كل الوسخ بتاع الالوان دي ويبانلك معدنها الأصلي شويه صفيح نادي لا ليه قيمه ولا تمن 

هنا تجهلت كل كلام أخواتها وبصت لهارون: في حاجه حصلت هناك ولا إيه

هارون بهزه راس وهو حاطط عينه في طبقه :لا مفيش دول كتر خيرهم بيطمنو عليا 

هنا بصتله بعدم اقتناع وسكتت بقله حيله لأنها عارفه انه مستحيل يتكلم ولا ينطق الا بمزاجه وكيفه

وصل على تليفون نصر ملف كامل ووصل زيه على تليفون ماهر

نصر دخل مكتبه وقفل الباب بالمفتاح وبداء يقراء الملف بتمعن شديد ومركز في كل كلمه وحرف قدامه محسش بالوقت من كتر تركيزه خلصه ومسك التليفون اكتشف انه بقاله تلات ساعات قاعد يقراء تاريخ هارون اتصل بماهر

نصر ايوه يا ماهر بقولك ايه سيب كل حاجه في ايدك وتعالي دلوقتي 

ماهر: مادام اتصلت يبقى وصلك الملف

نصر اه وصلني وقريته

ماهريب وايه رائك في اللي فيه انا شايف انه مليان حاجات كتير تقلق وحاجات اكتر حواليها علامات استفهام

نصر وعلشان كل اللي قولته داه بقولك سيب كل اللي في ايدك وتعالي عندي حالا الكلام في التليفونات مش هاينفع خالص 

ماهر اجيلك فين انتا عارف الساعه كام ثم المسافه بيني وبينك مش قليله واحنا مش ساكنين جار بعض

نصر اخلص متحسسنيش اني هاتجيلي مواصلات ولا مشي على رجليك اركب عربيتك وتعالي اخلص داه شغل ومشروع العمر اللي مش هايتكرر تاني ومش هاينفع تسنتي للصبح

ماهر قفل معاه وخلال نص ساعه كان وصل 

نصر ادخل بسرعه دخلو وقفلوا باب المكتب عليهم بالمفتاح 

ماهر ها خير بقى ايه الكلام اللي مينفعش يستنى للصبح

نصر قعد وهو باصص للملف في التليفون اولا كده الواد داه بينتقم 

ماهر معلش مش فاهمها دي 

نصر ركز يا ماهر من فضلك الواد داه مبدئيا كده شغال لهدفين الأول انه يعلى ويثبت نفسه والتاني انه ينتقم بس على البارد يعني بيخطط ويتكتك على كبير اوووي 

ماهر كل الكلام داه انا خدت باللي منه بس ايه علاقتنا احنا بيه

نصر بمكر: من مصلحتنا ومصلحه الشغل اننا نضمنه وعلشان نضمنه نقدمله السبت واللي زي داه لو قدمتله يوم هايقدملك باقي ايام الاسبوع عن طيب خاطر 

ماهر ايوه ودي نعملها ازاي

نصر بحده في ايه ماهر بجد مالك انهارده حاسس ان الغباء متحكم فيك هو ايه اللي ازي هو احنا أولاد امبارح يا جدع ولا إيه داحنا لينا علاقات واصله للرياسه يعني بكلمه منا نرفع اللي مدفون في بطن الارض لسابع سما وبكلمه تانيه ندفن اللي في سابع سما في سابع ارض 

ماهر يا نصر عارف كل داه انتا عايز توصل لايه قول على طول

نصر السوق علمني ان مصلحتي مع مين واجري عليه ومصلحتي دلوقتي في ايد الواد داه وداه عرف السوق وانتا ابن سوق على قديم

ماهر كلام معروف بس أهل الواد داه مش سهلين ولا قليلين هما كمان دول عضمه ناشفه وليهم اسم كبير في السوق بردوا 

نصر بتقليل: بالنسبه للناس اه بالنسبه ليا مش اقل من عضمه كلب ملهاش لازمه برميها وادوس عليها بجزمتي كمان 

ماهر عايز تخطب وده بإنك تضرب اعمامه في مقتل صح

نصر هزله راسه

ماهر طيب هنستفاد ايه لما نعاديهم واحنا مفيش بينا وبينهم اي شغل أو عداوه كمان

نصر اعتبره مهر العروسه 

ماهر بتفكير: خلاص تمام معاك مادام انتا مالي ايدك اوي من الموضوع داه 

نصر يبقى تمام سيبني الليله اخطط واتكتك وبكره اقولك نبداء منين 

ماهر ماشي كلامك سلام انا بقى 

مشي ونصر قعد يقراء الملف اكتر من مره لحد ما تقريا حفظ كل معلومه فيه

هارون طلع من بيته وخد باله من عربيه تانيه ماشيه وراه من اول ما طلع عمل نفسه عبيط وكمل فب طريقه عادي 

وقف في اشاره وفي ثواني كانت العربيه خبطت فيه من روا نزل ببرود وبص على العربيه 

نزلت رهف بعصبيه مفتعله:مش تاخد بالك خبطت عربيتي

هارون بصلها بتركيز لثواني شاف قدامه بنت لابسه لبس ضيق وعامله شعرها كيرلي و صبغاه ومكياج اوفر جدا اتلفت حواليه واتكن ببرود : الكلام داه ليا انا

رهف طبعا اومال لمين مش حضرتك اللي خبطت عربيتي

هارون لو حضرتك مش واخده بالك ان انتي اللي خبطي عربيتي من روا 

رهف بسرسعه: انا عربيتي باظت مش تاخد بالك

هارون بسخريه لا والله اصل انا عنيا في قفايا مين اللي ياخد باله يا بت اللي المفروض ياخد باله هو انتي تراعي المسافه بينك وبين اللي قدامك مش انا اللي اخد بالي من اللي ورايا 

رهف برقه مصطنعه:اووو سورى خلاص عندي انا دي ممكن تديني مفاتيح عربيتك وانا هاصلحها وابعتها لحد عندك 

هارون بتريقهه :سوري يا مودموزيل مش انا اللي اقبل العوض ولا بقبل ان نسوان تحاسبلي بس خدي بالك واحمدي ربنا انها جات معايا انا المرادي وسكت لو جات مع حد غيري مش هايسكت 

رهف بعنجهيه وغرور : انتا ازاي بتكلمني كده انتا مش عارف انا ابقى مين

هارون بكشه وشي :لا والله محصلناش القرف ولا عايزه يحصلني يلا يا اختي بالاذن الإشاره فتحت 

رهف بتسرع:طيب وعربيتك 

هارون بسخريه :هاصلحها من جيبي ها 

رهف نو انا مصره انا اللي غلطت وانا مصره اتكفل بيها

هارون بإبتسامه تهكم: لو الفلوس ناقحه عليكي اوووي ابقى طلعيها لله زكاه عني وعنك وعن العربيه منا عارف انها منظوره بالاذن وسابها وركب عربيته ومشي ببرود

رهف بغيظ خبطت كاوتش العربيه بحده وهي بتطحن ضروسها: ايه داه مين داه علشان يكلمني انا كده ولا يتأثر بيا وبجمالي بقى جربوع زي داه يرد عليا انا رهف هانم المالكي بالشكل داه عنيها اتحولت لشر اصبر عليا وانا وعد اخليك زي الخاتم في صباعي واخليك تتمنالي الرضا ارضى ووعد يا بيئه لأخليك تبقى زي ممسحة الجزم عندي كان غيرك اشطر وسلم رايا وبكره نشوف

ركبت عربيتها وساقت بغيظ وجنون

هارون ركب عربيه ابتسامه مرسومه على وشه بغموض محدش قدر يفهم مغزاها ووصل الشركه ودخل بهدوء على مكتبه دخل عليه مالك ومصطفي زي القضا المستعجل 

هارون رفع وشه خير منا مبقاش ورايا كل يوم غيركم خير في جديد

مالك حط ملف قدامه 

هارون بص على الملف وبص لمالك: ايه داه 

مالك انا عملت امبارح حصر لكل شركات الديكور اللي في السوق ودي كل أسمائهم عنواينهم وكمان الاماكن اللي اشتغلو فيها بس في شركه مميزه اسمها The white rose

شغلها مميز جدا جدا وبتستخدم ماتريال عاليه وجوده شغلها فوق الممتازه واسعارهم اظن كويسه جدا ومناسبه بخلاف ان ليهم ورش خاصه بيهم يعني تضمن جوده ومواعيد شغل مظبوطة 

هارون لو كلامك اكيد يبقى ممتاز اوووي خدلنا معاهم ميعاد معاهم ونروح ونتفق

مالك وليه نروح ممكن هما يجيولنا ونتفق هنا

هارون اظن انتا مش جديد في السوق معروفه اللي عايز حد بيروحله مش بيطلب يجيله واللي مبقبلوش على نفسي مبقبلوش على غيري داه اول هام تاني هام لازن نروح ونعاين بنفسنا جوده الشغل على أرض الواقع ونطلع على كل الشغل اللي قدموه قبل سابق لان الشركات اللي زي دي اكيد بتبقى عامله ملف كامل بكل شغلها ومصوره المكان قبل وبعد التسليم

مالك ايه اديا ابني انتا دماغك دي ايه

هارون منا سبق وقولتك انا في الشغل معنديش يا أما ارحميني 

مالك قعد قدامه لسه بردوا مفيش اي خبر من مجموعه الشبراوي ولا مجموعه الورداني محدش منهم رد عليك

هارون تؤ هما لحقو يا جدع لسه بدري دول يادوب متكلمين امبارح 

مالك :هو انتا ليه بتتكلم ببرود اوي كده وبإستهتار مش متعود عليه منك ولا كأنها صفقه العمر 

هارون بغموض لاني واثق ان قبل الميعاد هايبلغونا الرد بالموافقه داه يا دوب ممرش الا سواد الليل

مالك وايه اللي ماكدلك اوي كده والله يا خوفي لتبقى سواد علينا احنا 

مصطفي هو انا ليه حاسس انك بتتكلم بثقه وبرود اوووي

هارون فعلا وداه لأسباب كتير اوي لو كنتوا تعبتو نفسكم وركزتو فب اخبار السوق كنتوا عرفتوا ان الاخبار ماليه السوق 

مصطفي اخبار ايه دي بقى اللي مخلياك بتتكلم بالثقه دي 

هارون ان المشروع بتاعنا اتصدر الوجهه وان الشركه الاماراتيه نفسها المسؤوله عن المشروع هي اللي بتسعى علشان تتعاقد معانا 

مالك بصدمه انتا بتقول ايه عارف معني كلامك داه ايه

هارون طبعا عارف

مصطفي طيب وناوي على ايه مهو بردوا مينفعش نخسر شركات زي دي بعلاقاتها واسمها 

هارون بهدوء ومين قالك اننا هانخسرها

مالك لا فهمنا كدم واحده واحده 

هارون بتوضيح:هما جايين عايزين يحكوا معانا علشان يدخلو شركا وانا هوافق بس بشروطي لان المشروع كبير وتقيل على ان شركتنا عي اللي تنفذه لوحدها وانا لو وافقت هاخد المكسب صافي 

مالك مش فاهم

هارون بشرح يعني هما هايشيلو الليله من حيث المعدات والتكلفة واحنا علينا التصميم وجزء من المعدات وإشراف التنفيذ فهمت 

مصطفي بص لمالك ورجع بص لهارون بفخر :يا ابن ال 

هارون بإبتسامه اومال انتا فاكر ايه هو انتا فاكرني حتى لو في بيتي قاعد بلعب داه حتى عيبه في حقي 

مالك لو على كلامك داه شوف الصح واحنا معاك ونمضي ونبصم بالعشرين كمان مش بالعشره بس 

هارون تمام سيبوا بقى الموضوع على الله ثم العبد لله

يا ترى نصر بيخطط لايه…؟

يا ترى رهف هاتقدر تنجح ومين داه اللي كان اقوي من هارون…؟

يا ترى رقيه ورفعت رأفت هارون نسيهم ولا إيه.. ؟

يا ترى االي جاي مخبي لسه ايه..؟

يتبع

الفصل التاسع والعشرون

هارون في اجتماع مع مالك ومصطفي لتحديد الشركه المطلوبه لتنفيذ أعمال الديكور 

مالك طيب كده نكنسل باقي الشركات مادام استقرينا على شركه 

The white rose

مصطفي بتأكيد وانا من راي مالك بدل ما نشتت نفسنا في كذا اتجاه 

هارون مش معاكم في الكلام داه خالص اول هام احنا لسه لا روحنا ولا شوفنا الشغل ولا الاسعار ومتنساش ان المشروع مش صغير تاني هام لازم يبقى عندك شركه وشركه بديله تحسبا لأي ظرف طارئ حصل قمه الغباء انك تحط البيض كله في سله واحده بس لازم اعمل حساب لكل حاجه ولاي جديد ممكن يجد في الأمور 

مالك تمام انا على العموم اخدت معياد وبص في ساعته قدامنا حوالي ساعتين نكون خلصنا الاجتماع ونتحرك مع بعض

هارون لاء خليكم انتوا هاروح انا المرادي واشوف الدنيا فيها ايه ولو كانت الأمور تمام هانروح نخلص العقود والاتفاقات

مصطفي بحده وفيها ايه لو روحنا مع بعض

هارون بإبتسامه ليه هو فرح رايحين بربط المعلم بلاش تبقى متسرع لو روحنا يبقى احنا كده متفقين ومقررين انما لو واحد بس راح يبقى لسه في كلام رايح جاي محدش هياخد الكام على محمل الجد بنسبه ميه في الميه 

مالك بصله بإستسلام خلاص تمام بس متتفقش على حاجه اتفاق نهائي الا بحضور الكل

هارون اكيد انا مش سيد القرار لوحدي 

وبص في ساعته قام وقفل جاكت البدله يادوب اللحق مسافه الطريق

مالك تمام ولو في جديد بلغني اول بأول 

هارون اكيد وطلع 

مصطفي فضل باصص عليه وهو بينقر بصوابعه على المكتب

مالك بإستغراب : في ايه حاسس انك متضايق من حاجه 

مصطفي بنفخه في اني مش طايق نفسي حاليا 

مالك ليه ايه اللي حصل في حاجه حصلت انا معرفهاش 

مصطفي بعصبيه في ان البيه واخد الشكل كله في عبه واحنا ولا اكننا موجودين الاتفاقات هو قبل منا الصفقات لسانه سابق الكل حتى في اختيار شركه الديكور أصر يروح لوحده هارون ن اتسعر يا مالك وبقى عايز ياخد الشركه لوحده واحنا نتركن جمبه على الرف 

مالك بصدمه ايه الهبل اللي انتي بتقوله داه يا ابني لا طبعا لو بتتكلم على الصفقات فداه لانه داير ولافف خلافي انا وانتا 

مصطفي قصدك ايه بقى 

مالك :قصدي ان هارون واضح من صغره ومن اول ما اشتغل معانا انه ابن سوق وصايع والدنيا طاحنة عضمه بحق انما انا وانتا اتولدنا في بوقنا معلقه دهب تاني هام مادام اللي بيعمله في مصلحه الشركه يبقى تمام اوووي تقدر تتكلم وقت ما يقولك ازود نسبتي ولا استقل لوحدي مع انه لو عملها محدش يقدر يلومه ولا إيه 

مصطفي مش شايف انك عاطيله اكبر من حجمه اوووي

مالك برفض بالعكس دانا مديله حجمه المظبوط زمان قولتهالك وطلعت صح ودلوقتي هاقولهالك تاني الواد داه كنز ومن جاور السعيد يسعد يعني في دينك لو مشروع الورداني ولا الشبراوي كان معايا انا ولا انتا كنا عملنا ايه 

مصطفي بصله وسكت

مالك كمل اقولك كنا فرحنا وقولنا دي طاقه القدر بس الواد بصياعه جاب الحوار من جدوره ورقصهم ولا قدروا يتنفسوا ونصر الورداني بجلاله قدره بقى بيخطب وده 

بلاش تحسبها كده علشان كلنا هانخسر والاختلاف في الوقت الحالي هايخسرنا كل اللي بنيناه في سنين هارون لا هو طماع ولا هو بتاع شو ونتا سيد العارفين بداه

مصطفي بصله بتفكير وسكت 

طلع وركب عربيته لاحظ ان في عربيه لسه ماشيه وراه بصلها بتهكم وكمل طريقه عادي 

وصل الشركه ونزل داخل بهيبه وخطوات ثابته

صدفه وهي بتتكلم في التليفون وماشيه مستعجله 

خبطت في حد 

صدفه وهي بتدعك وشها بإيديها بسم الله ايه داه هنا غيروا مكان الحيطه ولا إيه أنا فاكره اني ماشيه صح رفعت وشها واتلفتت يمين وشمال هي مالها ضلمت وغيمت كده ليه مش كانت منوره من شويه رفعت وشها يالهوووي ايه داه انا مجبتش للآخر كويس اللي شوفته لحد كده لما يقعد ابقى اشوف الباقي 

هارون سمعها وابتسم على اسلوبها بس قدر يتمالك نفسه 

صدفه بزعيق مش تحاسب ايه قطر ملهوش فرامل داخل يدوس في خلق الله طيب خد بالك من الناس اللي تحت ياللي فوق 

هارون بصوت اجش ونبره حاده: انا قطر اممم طيب روحي اللعبي بعيد يا عسل مش طالبه عيال هي على الصبح

صدفه بشرشحه: عسل اه وماله الله يعسلك ويلعبك اهلك يا اخويا اؤمر يا ملزق بدل ما انتا ماشي تلعبك في خلق الله 

هارون بصدمه انا بتقوليلي الكلام داه انتي مش عارف انا مين 

صدفه وهي بتحط ايديها في وسطها اه اعرف اومال ايه واحد هربان من السيرك عارف الجماعه اللي بيركبو عصيان خشب في رجليهم ويمشو بيها اهو داه انتا مهو محدش يقولي انه الطول داه كله اللي ضلم الشركه والعرض اللي سدها وقطع عننا ميه ونور طبيعي 

هارون بحده وهو كازز على اسنانه:عارف مش هارد عليكي علشان انا مبردش على نسوان

صدفه بشهقه: النسوان دي تبقى خالتك ياض 

هارون بصلها بغيظ روحي العبي بعيد يا شاطره وزقها بإيده على جمب وطلع وصل مكتب المدير

هارون بجديه: لو سمحتي عندي ميعاد مع مستر سامي 

السكرتيره وهي بتبصله بهيام اقوله مين حضرتك

هارون غمض عنيه بعصبيه:قوليله المهندس هارون هو عنده خبر

دخلت ودقايق وخرجت تاني شاورتله بإيديها 

دخل مكان مشاورتله

سامي قام بترحاب: اهلا اهلا يا بشمهندس نورتنا بزيارتك دي 

هارون بتقدير منور بيك يا بشمهندس طيب سيبني على الاقل اعرفك بنفسي وجاي ليه

سامي: لا يا راجل دانتا اشهر من نار على علم دانتا بقالك ايام متصدر الترند ومصر كلها بتجري وراك 

هارون بإبتسامه وهو بيقعد طيب وبالنسبه لجاي ليه عارفها دي كمان ولا طالعه معايا في الترند اللي طالع في المقدر جديد

سامي :مهما ان كان سبب الزياره فهو شرف ان عبقرينو المعمار نورنا في شركتنا المتواضعه

هارون متقولش كده دانا جيت على الاسم والسمعه الطيبه 

سامي :شهاده فخر اعتز بيها اؤمر ولا الأول تشرب إيه الشغل مش هايطير 

هارون افضل نتكلم في الشغل وبعدين نشرب براحتنا 

سامي اؤمر 

هارون جايلك في اتفاقيه شغل 

سامي تمام إيه طبيعه الشغل احب اعرف علشان اقدر افيدك ونقصر على بعض المسافات 

هارون بتوضيح: طبعا انتا عارف ان المشروع اللي خاص بشركتنا هو الوجهه الايقونيه للعاصمه الجديده 

سامي طبعا عارف داه حديث الصحف بسبب جمال وروعه ودقه التصميم انتا عارف في المجال بتاعنا كل التفاصيل بتتعرف الحلو والوحش

هارون ما علينا من المجاملات دي خلينا في المهم دلوقتي المشروع خلاص بنفنش فيه مباني والمفروض اننا نبداء فيه تشطيبات وفرش لان الوحدات هاتتسلم على المفتاح كامله مكلمه من كل حاجه ومكدبش عليك انا شوفت المعروض في السوق ككل ولقيت ان شركتك افضلهم بشهاده الجميع وانا عايز حاجه اسبشيال حاجه كده مميزه اوووي متعملتش قبل كده لان زي ما انتا عارف داه الواجهه الايقونيه يعني مينفعش يبقى في مجال او احتماليه للغلط او التقصير 

سامي كلامك مظبوط طيب تحب تشوف نماذج من شغلنا ولا انتا عندك استايل محدد عايز تعمله 

هارون افضل اشوف الاول لو مفيش حاجه فيه متماشيه معايا وقتها اقدر اشرحلك وجهة نظري

سامي طلع كتالوج كبير وقدمه لهارون بداء يقلب في صفحاته امتر من نص ساعه 

هارون وهو بيشاور على بعض الصور شايف التصميمات دي شبيهه للي في دماغي دي ميكس بين الكلاسيك والمودرن تحسه حاجه مختلفه حتى استغلال المساحات معمول بالمللي اظن ان الديكورات دي هاتكون افضلهم 

سامي بص على الصور تمام مادام دي الديزين اللي عجبتك يبقى كده حضرتك عليك وعلى البشمهندسه صدفه هي صاحبه الديزاين داه وداه كله شغلها 

هارون اوكي ياريت لو تطلبها ونتكلم ويكون الكلام قدامها علشان نختصر الوقت

سامي ثواني هاشوفها اظن انها لسه موجوده في الشركه 

رفع سماعه التليفون وطلبها

دخلت صدفه المكتب 

بصت لهارون بصدمه 

وهارون لا يقل عنها والاثنين في صوت واحد 

انتا :انتي 

سامي بإستغراب وهي بيبصلهم هما الاتنين اهدوا يا جماعه في ايه انتوا تعرفوا بعض ولا إيه 

صدفه بعصبيه: داه بني آدم بارد وسخيف وقليل الزوق

هارون بعصبيه: دي واحده لسانها أطول منها ربنا خد من طولها وحطه في لسانها انا مستحيل اتعامل مع البني ادمه دي

صدفه بشرشحه: والله يا اخويا محدش ضربك على ايدك انتا اللي جاي لحد عندنا والباب وراك اهو لسه مقفلنهوش تقدر تلم بعض وتاخد عضلاتك دي وتهوينا اهو حتى الواحد يشوف شمس ربنا اللي قفلتها علينا بدخلتك 

فضلو الاتنين بيصلو لبعض بحده وكل واحد منهم واقف للتاني الند بالند

سامي سند ضهره بإرتياح على الكرسي بصراحه شكلكم واااو وانتوا واقفين زي الديوك الشركسي لبعض كده

هارون بصله بغضب وحده

سامي حم بحرج: احم احم طيب ية جماعه اهدوا كده الأول في ايه بس يا بشمهندسه صدفه البشمهندس ضيفنا عيب كده

صدفه بزعيق: داه بني آدم قليل الزوق داه بدل ما يعتزر عن اللي قاله وعمله 

هارون بعصبيه: بت انتي اتلمي انا من الصبح ساكت ثم تعالي خنا اعتذر لمين ها دانتي اللي ماشيه بقفاكي وعايزاني انا كمان اللي اعتذرلك صحيح يا اولاد يعيش البجح على قفا المكسوف لاء ويبحج كمان داه الزمان جاب اخره والقوالب نامت وفتافيتها قامت 

صدفه بشرشحه: مين دي اللي فتافيت يا بواقي رجاله يا واقع وضايع من باله 

هارون مين يا داه يا زباله 

سامي بعصبيه خبط على المكتب: باااااااااس ايه في ايه انا واقف في سوق قدام اتنين ستات بيرودحوا لبعض دانتوا المفروض بيقولو انكم مهندسين يعني قمه وقامه 

هارون بعصبيه يا أخي طول عمري اعصابي تلاجه بس دي لاء دي بني ادمه مستفزه شبرين الا ربع ولسانها عشرين متر ايه داه انا مشفتش كده في حياتي والله

صدفه بتريقه: مش انا موجوده اديك شوفت اهو ثم تعالي هنا وانتا ايه ها النبي ايه بريئ يا واد 

هارون بصدمه وعنين مبرقه: واااد

صدفه لا عندك حق دانا بظلم الواد لاء برئ يا عيال مهي واد دي تمشي مع كائن طبيعي انما الاحجام دي كلها عيال في بعض 

سامي بنفخه: خلاص يا جماعه حصل خير وبص لصدفه يا بشمهندسه داه مش اسلوب مناقشه البشمهندس جاي في شغل فياريت نكون ناس متحضرين وراقيين علشان نقدر نقعد ونتكلم 

صدفه بنفخه اللهم طولك يا روح قعدنا لما نشوف اخرتها

سامي بعمليه :بصي يا بشمهندسه الديزاين بتاعك عجب البشمهندس وعايز حضرتك اللي تعملي التصميمات بتاع المشروع بتاعه

صدفه بتريقه واده فب انهي حاره ولا خرابه

هارون بحده بص يا استاذ سامي لو الأسلوب بالشكل داه بناقص منه خالص الشغل تمام انا مش صغير للاسلوب داه واظن مليون شركه تتمنى ان اسمها يتحط على المشروع داه

سامي بحده: بشمهندسه ياريت نلتزم بالشغل يكون أفضل تمام لان اكتر من كده فعلا اوفر اووي

صدفه بصتله بغيظ وسكتت

سامي كمل بعمليه حضرتك مطلوب منك تختاري فريق كامل وتروحي تشوفي الوحدات وقبل اي تعليق سخيف المشروع داه مينفعش فيه غلطه داه الوجهه الايقونيه للعاصمه الجديده تمام 

صدفه بصتله بصدمه ايه

سامي زي ما سمعتي 

صدفه تمام اما شوفت المبني من الخارج على النت بس هحتاج ادخل المبني واشوفه بالتفصيل واعرف المساحات واعرف هل لو تصميم الأدوار نفس التقسيم ولا مختلف لانه هايختلف باختلاف المساحه 

هارون تمام مفيش مشكله شوفي تحبي تروحي أمته وانا هابعت معاكي حد مسؤل لان دخول المكان لازم يكون ب ID

وبص لسامي حضرتك جهز ميزانيه كامله وابعتهالي على ميل الشركه ولو كانت مناسبه ان شاء الله هانجهز العقود ونبداء على طول واتمني ميكونش في تأخير في الوقت

سامي متشغلش بالك يا بشمهندس خلال أسبوع أو عشر ايام بالكتير هايكون عندك ميزانيه مفصله بكل حاجه من اول التشطيبات الاوليه وكل احتياجاتها وتكلفتها والديكورات والاضاءات والفرش لحد الفنش النهائي مفصله كليا

هارون وهو بيقف يبقى على بركة الله هانتظر الميزانيه علشان نبداء على طول ومش محتاج اقول لحضرتك ان عامل الوقت. الجوده اهم شيئ

سامى من النحيه دي ميكونش عندك اي فكره 

هارون هز راسه تمام استأذن انا ومشي كام خطوه وميل على صدفه بهمس: ماشي يا شبر الا ربع 

وسابها بغيظها ومشي وهو مبتسم مخدش باله من ابتسامته اللي مرسومه على وشه لحد ما طلع

هارون ركب عربيه ولسه العربيه متابعاه ابتسم بتهكم وهو باصص في مرايه العربيه ماشي يا شبح الليل والنهار معاك ربنا واتنين ملايكه لما نشوف اخرك ايه 

طلع تليفونه وعمل مكالمه متجاوزتش دقيقه وقفل تاني 

وساق لبيته ودخل البيت وهو بيفكر 

هنا بخضه قامت منطوره. وكلامها طلع تلقائي ورا بعضه : ايه في إيه مالك الشر بره وبعيد انتا تعبان قولي فيك ايه حاسس بإيه قولي مالك طمني انطق انتا ساكت كده ليه 

هارون بتنهيده: مستني تخلصي اسئلتك اللي طلعت في وشي زي القنبله وحط تيده حوالين كتفاها حاوطها بيه عارفه يا هنا نفسي مره تحطي وشك في وشي من غير الخضه بتاعتك اللي بتوقف نموي كل مره

هنا بتريقه: ليه وهو انتا لسه فيك نمو دانتا خدت نمو البيت كله يا جدع المهم متاخدنيش في دوكه بقى وقولي مالك جاي كده قلل ميعادك مش عوايدك هي

هارون :لا والله مفيش كان عندي شغل بره الشركه خلصته بدري قولت اجي اريح جسمي شويه وافصل دماغي بدل مهي عماله تور زي الطاحونه

هنا بإرتياح: والنبي عين العقل زين ما عملت 

هارون بتريقه: اااه كملي منا حافظ الاسطوانه المعتاده بتاع كل مره بصي فكك مني خليني اطلع اريح جسمي قبل ما ييجي اخواتك بزعابيبهم

سابها ويادوب لسه طالع اول سلميتن 

هنا طيب اقعد كل معايا وافتح نفسي دانا لسه محطتش لقمه في بوقي وبيني وبينك انا جيعانه اوووي

هارون اتلفتلها وبصلها بنص عين: ولو اني عارف الأسلوب داه ومبحبوش بس حاضر يا هنا مش هازعلك هاطلع اغير على ما تحطي الاكل 

هنا هزت رأسها وجريت على المطبخ وهارون طلع غير هدومه ونزل تاني قعدوا ياكلو وهارون بينأنأ لحد ما تخلص 

رن الجرس هنا وهي لسه بتقوم

هارون رايحه فين 

هنا هافتح اشوف مين

هارون داه على اساس اني شوال تبن يعني ولا ايه ارضي لما اشوف مين مش راجل قاعد ولا مش مالي عينك

هنا ايه يا اخويا ماكنتش كلمه اللي عملتلي عليها موال دي 

سابها وفتح الباب لقى الامن ومعاه عامل توصيل

هارون بإستغراب خير

الامن: مسؤل الدليفري توصيل وبيقول لحضرتك طرد

هارون بصل للعامل ليمن ليا انا

عامل التوصيل ايوه لحضرتك يا فندم ياريت حضرتك تمضيلي هنا بالاستلام 

مضي هارون وخده ودخل البيت وهو بيبص عليه من كل ناحيه 

هنا بفضول ايه داه يا هارون ايه العلب المقفوله دي

هارون رفع كتافه علمي علمك لسه هافتحه واشوف في ايه اصبري منتي قاعده اهو مستعجله على ايه 

حط العلبه وفتحها وبداء يطلع اللي فيها شيكولاته وبرفان رجالي واضح انه غالي اوووي وساعه ماركه تمنها مبلغ وقدره ودبدوب احمر ماسك قلب

فتح العلبه التانيه لقي فيها بوكيه ورد شيك جدا 

هنا بتريقه :الله الله الله ايه يا هارون هما معجبينك بدئوا بدر بدري اوي كده دباديب وورد لا وشيكولاته من الغاليه وبصت على الساعه والبرفان لا وورد كمان لاء داه اللي بعتهاها صارفه ومكلفه اوووي كمان 

هارون بنرفزه: اسكتي يا هنا معجبين مين بس مش لما افهم ايه الحوار داه 

هنا بإنشكاح: الحوار باينه حريمي يا ابن صابره داه باين ان البنات بتقطع روحها عليك طول عمري اعرف الراجل اللي يبعت هدايا بس انتا الايه اتعكست البنات اللي بتبعتلك هدايا ومسكت الساعه بتقييم لا وغاليه اوووي اوووي كمان 

هارون بغيظ :هنا اسكتي الله يباركلك خليني افهم بلاش تسرع اهلك اللي طول عمرك عايشه فيه مين يعرف بيتي يا هبله ولا اسمي وحياتي علشان يبعتلي هديه زي دي 

بداء يقلب في البوكس لحد ما لقي كارت المكان خده وحطه في جيبه ولقي كارت تاني لسه بيمسكه هنا خطفته من ايده: اوباااا كلام شعر وغزل لا والله ورحمه ابوك وامك داه شغل حريمي داه أسلوب البنات المنحنحه 

هارون خد الكارت منها وحطه مكانه

وشال العلب وقفل عليها

هنا انتا بتعمل ايه وناوي على ايه

هارون ولا حاجه ناوي بس افهم الفوله فيها ايه

هنا اممم بشوقك بس لما تعرف متنساش تعرفنا الله يكرمك ها

هارون بصلها بغيظ وسكت وهو دماغه عماله تودي وتجيب واتكلم بهمس لنفسه: لاء يا هارون اثبت كده اومال انتا داخل على مرحله مينفعش تتهز فيها ثانيه ولا تتزعز ثباتك ملي واحد أركن الهبل داه كله على جمب وخليله روقه علشان تقدر تفكر فيه بهدوء وعقل انما دلوقتي مينفعش تفكير غير في مستقبلك وحقك وحق اخواتك وتارك اللي عمال تأجله مهو مينفعش يا ابن صابره اللي بنتيه في سنين يتهد بسبب هبل نسوان فاضيه في ثانيه وخد نفس طويل وبعدين معاكي يا دنيا ماشيه معايا بالعكس ومعانده ليه كل يوم حوار أكبر من اللي قبله اتنهد بلاش تشغل دماغك يا هارون المستور مسيره يبقى مفضوح وعلى عينك يا يتاجر اصبر انتا وهي هاتيجي لحد عندك طايبه على الاكل وبس

رهف قاعده في النادي بتتفرج على صور هارون وعماله تعمل زوم عليها وتبتسم بخبث 

شيكو من وراها: ايه يا رو بقالك كام يوم ومشوفناش اي انجاز 

رهف بغرور متقلقش خالص كلها ايام وتلاقوه هنا قاعد معايا زي زي الخاتم اللي في ايدي داه انقله من هنا احطه هنا اركنه في الشنطه زي احب دانا رهف المالكي

شادي بتريقه: يا شيخه قولي كلام غير داه

رهف اصبر وهاتشوف بنفسك

شيكو بص لرهف تريقه وتقليل: هما بيقولو ايه اصطنع التفكير :اه افلح ان صدق اصل داه يا بيبي غير بس على العموم انا منتظر على أحر من الجمر وبالنسبه ليا هاجهز عقد العربيه مكانش تجهزي يا بيبي عقد الشاليه 

وغمزلها بعينه تيك كير يا بيبي ورايا بارتي 

رهف بغيظ اصبر عليا انتا وهو كان غيره اشطر دانا رهف يعني اللعب بالرجاله داه لعبتي المفضله ويطلع مين في اللي فاتو بكره تشوف هاجيبه تحت رجلي واستمتع وانا بدمره حته حته لحد ما يبقاش فبه حتى تنفع لحد تاني بعدي وارميه 

ونظره خبث وشر اترسمت على وشها وبصت لصوره هارون اصبر عليا مش عامل فيها الواد الشبح اللي مفيش منك انا وانتا والوقت بينا حكم 

هارون ركن كل اللي حصل داه في عقله على جمب وقرر ينام افضله 

تاني يوم صحي وهو كل نشاط نزل وراح شغله وهز في الطريق وصله مكالمه 

هارون بص للتليفون بإستغراب 

يا ترى مين اللي بعت الهديه لهارون

يا تري مين اللي اتصل على هارون

يا ترى هارون فعلا بياجل تاره غصب عنه ولا بمزاجه

ياتركي رهف تقصد مين باللي قبله 

يا ترى اللي جاي مخبي ايه تاني

يتبع

الفصل الثلاثون

ماهر وهو نازل من على السلالم لقي ابنه لابس بدله وقاعد بيفطر 

ماهر وهو مثبت عينه على ابنه خير يا زياد مش بعاده تصحي بدري دانتا يا راجل ليلك بقى نهار ونهارك بقى ليل رايح فين كده على الصبح

زياد بحكمه :رياح مع حضرتك الشركه 

ماهر بفرحه بس قدر يداريها:مش فاهم قصدك يا ريت تتكلم مباشره

زياده انا اتكلمت مباشره حضرتك من كام يوم قولتلي اني لازم افوق لنفسي وكلام حضرتك فوقني وفعلا قررت اني اثبت نفسي من جديد ومسنحش لحد ينزلني لتحت انا ابن ماهر الشبراوي علم من اعلام الاقتصاد في البلد ولازم اسمي يبقى اشد من اسمك كمان 

ماهر بفخر معني كلامك ان مفيش سهر ولا شرب ولا سرمحه

زياد بجديه: في شغل وبيزنس وبس ولما افكر ارتبط هاتربط بإنسانه ترفعني تقدر تكون زوجه وأم مش فاضيه وتافهه 

ماهر بإرتياح حمد الله على السلامه هو داه ابني اللي انا اعرفه 

زياد الله يسلمك يا بابا صدقني كنت محتاج الزقه دي والحمد لله متاخرتش كتير 

ماهر وانا طول عمري في ضهرك ارمي اللي فات في مزبله حياتك علشان تقدر تسد وتثبت نفسك في الي جاي احنا داخلين على شغل تقيل

زياد وهو كذلك يلا 

ماهر لاء أسبق انتا انا عندي ميتنا مهم مع نصر الورداني ولما اخلص هاحصلك 

زياد ماشي تمام وخرجوا وساره لأول مره من اكتر من سنه يرتاح من ابنه ومشاكله 

هارون بص بإستغراب: الو ايوه يا نصر بيه

نصر ازيك يا بشمهندس 

هارون بخير الحمد لله خير اؤمر

نصر الأمر لله كنت عايز اقابلك ضروري

هارون بإستغراب: تمام تقدر تشرفني في الشركه انا هاوصل كمان نص ساعه 

نصر لا أفضل نتقابل في مكان بره لا عندي ولا عندك 

هارون بمحاوله للفهم والف حوار وحوار جم في دماغه: ليه ايه المانع اننا نتقابل في الشركه اللي بيني وبينك شغل والشغل مكانه الشغل 

نصر عارف كل كلامك داه بس أفضل يكون في أرض محايده

هارون بلوع ولعب بالكلام لعله يستشف الموضوع :ايوه ليه داه لسه معداش الا يومين معقول بالسرعه دي قدرت تاخد قرارك 

نصر بإسلوب محنك من غير لعب بالكلام اصبر وكلها دقايق وتعرف كل حاجه 

هارون تمام زي ما قولتلك مكتبي مفتوحلك في اةي وقت تقدر تشرفني فيه

نصر :هارجع واقولك للأسف الكلام اللي عندي مينفعش في المكاتب ولا ينفع ودن غريبه غيري انا وانتا وماهر تسمعه وداه لمصلحتك انتا مش انا خالص

هارون اشمعني 

نصر مش هاندخل لبعض افيا انتا ابن سوق وانا ابن سوق وقاريين بعض فمش محتاجه ندخل لبعض سكك وحوارت ملهاش لازمه من الاساس وانتا عارف انا مين واكيد مش هاقعد اضيع من وقتي علشان اي كلام هايف او حوار ملهوش معني ها قولت ايه

هارون بحيره تمام شوف المكان المناسب

نصر بإنتصار تمام عارف كافيه ..... 

هارون اه طبعا

نصر هستناك فيه انا وماهر كمان ساعه 

هارون وهو كذلك 

قفى المكالمه وهو كل حيره ودماغه عماله ترسم مليون حوار وحوار لحد ما وصل المكان 

هارون وقف بحيره قدام الكافيه لدقايق محسش بيها اذا كانت طويله ولا قصيره حسم حيرته ونزل في انفس اللحظه اللي كان نازل فيها ماهر ونصر من عربياتهم

نصر وهو بيبص في ساعته مواعيدك مظبوطه بالمللي يا بشمهندس 

هارون وهو ماشي جمبهم كتف بكتف لو كنت جيت في ميعادي وملقتش حد حتى لو كان متأخر ثانيه كنت خدت بعضي ومشت وحتى لو كنتوا قبلتو المشروع كنت انا رفضته لاني الف باء تاء متعودها وحاططها قاعده وأساس في حياتي هي احترام المواعيد والوقت 

نصر بإعجاب تعجبني دماغك بس سيبنا دلوقتي من التعليم الأساسي اللي فتحته علينا وخلينا في المهم 

هارون وهو بيبص حواليه بإستغراب 

نصر اخد باله متقلقش الكافيه داه بتاعي وانا طلبت انه يكون فاضي لاني سبق وقولتلك الكلام مينفعش اي حد يسمعه او يعرفه غيري انا وانتا وماهر 

هارون هزله راسه ما علينا خلينا في المهم خير ايه اللي مينفعش بقى حد يسمعه غيرنا

ومينفعش يتقال في التليفون 

نصر منا قولتلك مينفعش في التليفون لازم الكلام وش لوش 

هارون بنفاذ صبر ياريت تدخلو في الموضوع على طول يكون أفضل 

نصر وهو كذلك بص بقى في عرف السوق بيقولك عدو عدوي 

هارون بتكمله حبيبي 

ماهر بحده: طيب وعدوي وعدوك 

هارون بكزه سنان: ميجتمعوش

ماهر قصدك ايه مش فاهم

هارون ايه اللي هايجب عدوي لعدوك عدوي انا ناس معرفه وعدوك انتا ناس تاني خالص غيرهم يبقى بالعقل كده ايه اللي هايجمعهم في جمله واحده 

ماهر بثبات:ولو قولتلك ان عدونا المرادي بالذات مشترك 

هارون وهو بيسند ضهره على الكرسي افهم هات اللي عندك والحكم ليا في الاخر 

نصر بمكر وهو باصص لهارون بثبات: بص يا ابني انا عارف انك بتسعي بكل جهدك وبتبني سنين عمرك اللي فاتت وبتحضر للي جاي علشان تهد عيله المالكي اللي متجسده في كيان 3R TINGLE 

واللي هما رفعت شافع المالكي ورافت شافع المالكي ورقيه شافع المالكي وازواجهم وانجالهم كمان 

هارون بإبتسامه بينت انيابه: اااااااه انتا بقى اللي عمال تنخور ورايا طيب يار راجل وداه اسمه كلام طيب بدل ما تعبت نفسك وخليت رجالتك تدور تلف ورايا وبعت الحكومه بذات نفسها الوراق كنت جيتلي وش لوش وانا كنت رسيتك على الحوار من طقطق لمنطق بدل المصاريف والتكلفة وكنت وفرت عليك وقت وجهد وفلوس اترمت على الأرض من فراغ 

نصر بنص عين تعجبني نصاحتك ونباهتك ابن سوق مفهاش كلام ولا جدال 

هارون وهو بيسند بدرعاته على التربيزه:بس مظنش ان ممكن تعجبك صياعتي اصل محسوبك تربيه شوارع لا اتولدت في فيلا ولا قصور متخلينا نجيب من الاخر ونمشيها مع بعض على الدوغري 

نصر بخبث ياريت يكون أفضل واحسن للكل

هارون بص لماهر عايز إيه يا ماهر بيه متجيب من ابو اخر وعلى بلاطه من غير لا لف ولا دوران ولا كتر كلام لا هايودي ولا هيجيب معايا 

ماهر عايز المصلحه للكل مش في الشغل بس تؤ في المجمل العام ككل

هارون مش فاهم ايه علاقه حياتي بمصلحكتم رسيني على الحوار علشان ابقى على نور من اولها 

ماهر في السوق مفيش حاجه بتستخبى ومفيش اتنين وشوشهم ميتتقابلش 

هارون بهزه راسه كتاكيد: كلامك حقيقي 

ماهر بتكلمه والسوق ماشي بمبداء اللي متحتاجش وشه انهارده بكره الايام هتلف وهتحتاج لقفاه 

هارون كل كلامك داه انا عارفه عايز الاخر هات من قعر الحله كده زي ما بيقولو انا عايز الكلام بينا ع الدوغري زي ما بيقولو كده 

ماهر وهو كذلك انتا كهارون احمد شافع المالكي عايز توقع عيله المالكي ككل وتخفس بيها الارض 

هارون كلام مش جديد غيره وياريت يكون جديد 

ماهر وانا عايز المشروع وخلاف كده وقبل كل داه ليا تار عندهم ومش هارتاح الا لما اخده 

هارون بلوع: الله ايش جاب لجاب بقى على ما اظن وحسب معرفتي لا فيه منافسه بينكم ولا حتى اي صله تعمل عداوه لا من قريب ولا من بعيد يبقى ايه الحكايه بقى 

ماهر تقدر تقول تار قديم بيني وبينهم وجه الوقت ان اخده واخلصه

هارون ميل راسه ورفع عينيه بنظره غريبه: بقى عايز تقنعني ان واحد بإسمك ومركزك وعلاقاتك ونفوذك خلاف فلوسك طبعا مش قادر على عيله المالكي اللي بإشاره من أصغر صباع في رجلك تقدر تمحيهم من السوق بأستيكه وكانهم لم يكونو 

ماهر بنفي لا خالص المسأله مش كده 

هارون اومال المسأله في ايه 

ماهر داه حوار كبيير

هارون اتعدل في قعدته احب اسمعه مادام قعدنا يبقى نقول اللي جوانا على بلاطه 

ماهر مختصر الكلام ان التار داه بالذات لازم يتاخد بحرفنه واكتر من كده ميخصكش

هارون بإصرار سوري زي ما اللي يخصني دخلت نفسك فيه دلوقتي مادام جايلي يبقى مفيش يخصني ويخصك وهنا بالذات لازم أفهم 

ماهر مختصر الحوار هو رهف رفعت المالكي 

هارون بتريقه: مالها سخامه البرك ايه علاقتك بيها دانتا راجل في السوق سمعتك زي البرلنت مسمعتش انك شوجر دادي 

ماهر لا لا دماغك متروحش بعيد خالص 

هارون طيب قربها انتا مادام دماغي شطحت بعيد اوي كده 

ماهر بحرقه فاكر يوم ما اتقابلت انتا وابني 

هارون بغيظ وهو داه يوم يتنسي 

ماهر بحزن قبل اليوم داه كلن ابني شاب يتمناه اي اب كان ونعم التربيه كان ايدي اليمين في الشغل ولفت نظر بنت عمك وعجبها ودخلت رهان مع اصحابها الصيع عليه وفضلت وراه منين ما يروح مطعم كافيه نادي اي مكان موجود فيه تلاقيها لازقه فيه هدايا تتبعت وعملت كل اللي يخطر ببالك ومالا يخطر ببالك دي بقت مدوره وراه مخبرين جيباهم بالفلوس علشان يعرفوا كل مكان وتروح تتنططله فيه لحد ما وقعت الواد فيها لشوشته وبقى بيعشقها وكلمتها عنده أمر ملايين كانت بتترمي تحت رجليه أهمل شغله علشانها خدته لسكه مش سكته وقدام اصحابها في النادي وقفت بكل جبروت تقولهم انا كسبت الرهان 

يومها ابني اتكسر واتحول لواحد انا معرفوش بسبب حته عيله صايعه امها رمياها من غير ربايه تدمر ابني وانا وابني ندفع التمن لان تعرف ان الله حق ولازم تعرف هي لعبت مع مين 

هارون بغضب وانتا سبت حق ابنك ليه

ماهر مكنتش اعرف هي مين الا من ايام بسيطه ولما عرفت اللي بينك وبينهم قولت نحط ايدينا في ايد بعض وزي ما دايما بتقول ازي فلان ميبقاش خاتم في صباعي هو ميعرفش انا مين جه اوقت اللي انا اعرفها انا مين وابني يبقى مين 

وبص لهارون وشر الدنيا اجتمع في عنيه: ها معايا ويبقى التار تارين وتقدر بنفوذي تمحيهم كلهم بخبطه واحده انا عن نفسي حق ابني هاجيبه هاجيبه فانتا دلوقتي قدامك طريقين انك تاخد حقك وانتا قاعد برنس حاطط رجل على رجل وبدل ما تبقى ضربه واحده من تحت لتحت تبقى ضربات من كل مكان ميعرفوش يلاحقوا عليها من انهي اتجاه ولا يقدروا يصدوا ولا يسدوا عليها 

هارون بشرود: سيبني افكر 

نصر بتدخل : طول عمرك بتحسبها بالعقل ليه المرادي محتاج وقت

هارون علشان حسبه العقل لازم قبل ما اقبل او ارفض اعيد كل حساباتي من الألف للياء انا كنت راسملهم رسمه تانيه ودلوقتي بدخولكم كل حاجه هاتتغير ميه وتمانين درجه 

ماهر خد وقتك ولو اني واثق انك هاتقول امين لان بعقلك مش هاترفض فرصه جيالك على طبق من دهب مطعم بالالماس لاتي في ضهرك وبعلاقاتي

هارون عارف حجمك كويس وعارف علاقاتك شكلها ايه وواصله لحد فين 

ماهر يبقى نقول آمين ولا

هارون بمقاطعه ولا ولا الضالين دي لعبتي انا 

ماهر يبقى تمام مستني ردك ولو اني قاريه في عنيك 

هارون تمام لو مفيش حاجه تانيه امشي انا

نصر لسه في المشروع انا موافق على شروطك 

هارون بإبتسامه كنت عارف موافقتك من يوم ما كنت في الشركه وان التأجيل كان علشان تعزز موقفك 

نصر اكيد بص يا هارون انتا بالنسبه للسوق مكسب ومكسب غالي اوي وانا متعودي على ان الغالي تمنه فيه 

هارون عارف انك بتلعب على الحصان الكسبان 

نصر داه غرور بقى 

هارون تؤ داه ثقه مش كل حاجه تحسبها غرور انا عارف انك مش جاي لله وللوطن ولا موافق لله وللوطن انتا جيت لما عرفت ان الشركه الاماراتيه عايزه تدينا المشروع بالأمر المباشر 

نصر بصله بصدمه 

هارون مش بقولك بحب الكلام يبقى ع الدوغري اديني كشفتلك ورقي كله مره واحده 

نصر بإبتسامه غريبه :لاء تعجبني اوووي

هارون مش مهم المهم عندي اني أعجب روحي الاول 

نصر ومادام الكلام بقى على المكشوف ردك ايه

هارون ردي قولتهولك يومها متالته وداه اول هام 

نصر وهو لسه في حاجه تاني

هارون طبعا مش السوق ماشي بشيلني واشيلك 

نصر اسمع اللي عندك

هارون احنا علينا التصميم والتنفيذ وجزء من المعدات وانتوا عليكم باق بالمعدات والخامات لأنك عارف ان مشروع العاصمه لسه شغال ولسه قدامه وقت على ما يخلص قولت امين يبقى نبعت المحاميين يتفقوا على العقود قولت ولا الضالين هاقولك الشركات على قفا من يشيل وبعلاقاتك تقدر تطول اللي انتا عايزه من المشروع

نصر بص لماهر بتفكير

نصر ماشي موافق على كلامك

هارون لو كان كده يبقى تشرفنا في شركتنا انتا ومسؤل الشؤن القانونيه ونتفق في وجود جميع الشركا اصلي مبحبش اشتغل لوحدي طول عمرنا ايد واحده

نصر وهو كذلك

هارون تمام استأذن انا بقى علشان يادوب اللحق وقتي لاني اتاخرت على غير العاده عن شغلي 

نصر وهو بيقوم واحنا كمان وخرجوا بهيبه زي ما دخلو

رفعت ورقيه ورافت في اجتماع مغلق 

رفعت كده انا عرضت عليكم كل المشروع بتاع المينا البحري

رأفت ببرود انا مش موافق لاني مش مرتاح للمشروع داه 

رفعت بحده مش مهم انتا ترتاح او لا المهم المكسب انا تايز اعرف ليه بقى لاء مش ملاحظ ان بقالك فتره كل ما نقول على مشروع تقول لاء من غير سبب ولا مبرر 

رأفت مين قال كده المشروع واضح اوي انه وراه لغز مفيش مشروع بيكسب كل المكاسب دي بالسهوله والبساطه دي لو كان الشغل كده مكانش حد غلب

رفعت قصدك ايه

رأفت قصدي تدخله انتا واختك مادام مقتنعين بيه اوووي كده وان حق التوقيع الثلاثي بيديك حق انك تعمل المشروع بدون دخول الطرف الثالث في حاله رفضه 

رقيه قصدك ايه بقى 

رأفت ايه يا استاذه القانون انا اللي هفهمك شغلك والله داه عيبه فب حقك قصدي ان انتي ورفعت ممكن تدخلو المشروع وحلال عليكم بمكسبه كمان 

رفعت. ليه منبقاش فيه مع بعض

رأفت اوعي تكون فاكرني غبي تؤ تؤ خالص انا بقالي شهور قايلكم اني عايز اطلع من الشركه وانتا عمال تدخلني في مشروع ورا مشروع علشان انسي وانا دلوقتي اللي قولك ريح نفسك انا مصر اني مكملش علشان كده معاكم من هنا لآخر السنه دي لو مخرجتنويش بحقي انا هاعرض نصيبي للبيع

رقيه اه قول كده بقى علشان كده عمال توقفلنا المراكب السايره صح

رأفت انا يا رقيه

رقيه اه انتا شوف كام مشروع عمال تقل لاء لاء 

رأفت مادام انتي شايفه كده يبقى انا حر والله فلوسي وانا حى فيها

رقيه لاء مش حر انتا حر في اللي يخصك مش في الشغل 

رأفت وانا حليتهالك تقدر تدخله لوحدكم ومادام هي بقت كده كل واحد ينام على الجنب اللي يريحه 

رقيه معناه ايه الكلام ده ان شاء الله

رأفت معناه ان لا الكلام ولا الشغل داه جاي على كيفي ولا هوايا

رفعت وهو بيخبط على المكتب بحده هو احنا قاعدين في غرزه علشان تقولي كيفك وهواك داه بيزنس وشغل بملايين مش لعبه هو 

رأفت يا سيدي انتا حر انا قولتلكم ان المشروع واضح انه شمال وريحته فايحه وانتوا مصرين يبقى براحتكم اعملكم ايه انا 

رفعت انتا عارف الناس في السوق هاتقول ايه وهايحصل ايه

رأفت بصل الاسطوانه دي لان انا بقالي شهور وشهور عاصر على نفسي ليمونه ولحد كده وخلصنا وزي ما قولتلكم معاكم لحد اخر السنه دي وخلاف كده محدش يرجع ويلومني 

وسابهم ومشي 

رقيه ها هانعمل إيه يا رفعت مع البيه

رفعت سيبك منه احسن خلي المكسب يطلع لينا خالص مخلص وواحده واحده هانعرف ننطره

رقيه انتا شايف كده محنا بنحاول اهو بقالنا شهور ومش عارفين

رفعت سيبك منه خلينا نخططله صح وان شاء الله هاتظبط معانا 

رقيه يسمع منك ربنا لاني تعبت بقى منه ومن هبله

هارون خلص شغله في الشركه بعد ما بلغ مالك ومصطفي بموافقة نصر وماهر وهو راجع تليفونه رن 

رد بسرعه ها ايه الاخبار طمني

البرنس اطمن يا كبير حصل

هارون تمام نص ساعه مسافه الطريق وتلاقيني عندك لف بالعربية لحد ما وصل لمخزن متطرف في خرابه بعيد عن العين 

دخل وبص للبرنس هو فين

البرنس مرمي جوه اهو

هارون تمام

دخل وشمر اكمامه 

شد كرسي وقعد عليه 

هارون بإجرام انتا مين ياض وايه حكايتك بقالك كام يوم قاطرني زي ضلي 

الجن بلوع والله يا باشا معرفش جنابك انا كنت ماشي لا بيا ولا عليا وانتوا اللي خطفتوني وجبتوني هنا على ملا وشي وانا ممكن أبلغ عنكم الحكومه

هارون بسخريه وهو بيطلع تليفونه من جيبه ومد ايده بيه خد لحسن يكون تليفونك عطلان ولا مفيهوش رصيد مناوعارف الحاله بقت ضنك ورقم البوليس معروف لو مش حافظه اقولهولك 

الجن بصله بقلق

هارون قام من على الكرسي وزقه برجله بعنف خلاه كش في نفسه وقرب منه بخطوات ترعب وهمسله بفحيح: اخلص ياض في ليلتك وهات اخرك عشان انا ماسك نفسي بالعافيه لو سيبتك للرجاله يبقى الله يرحمك ولو سلمت عليك بإيدي هاكلك عادم سنه واعمل حسابك ياض انك مش هاتطلع من هنا ولا وشك الحلو المسمسم داه هايشوف شمس ربنا بعد النهارده تاني وتبقى اخر نهار رآيته في حياتك هو قبل ما تخش هنا ولو لاوعت ولا شيطانك وزك هاقطعلك تذكره ذهاب للاخره بلا عوده ومن لربك تصطفل انا هابقى سلمت الامانه لربها وانا خلعت وانا هنا في مكان مفيهوش صريخ ابن يومين يعني لا حد هايحس بيك ولا حتى هايشم ريحتك اصل ريحة الزباله هنا فايحه فأنجز عشان انا خلقي ضيق اوووي وصبري لما بينفذ ايدي اللي بتتكلم مش لساني 

الجن بخوف خلاص يا باشا هاقولك على كل حاجه 

هارون عدل الكرسي وقعد عليه وانا سامع 

الجن من قيمه كام يوم كده جاتلي واحده هانم بنت ذوات اوووي وحلوه اوووي ودفعت شيئ وشويات وطلبت اني اعرف كل حاجه عنك بتروح فين بتيجي منين بتقابل مين وبيتك فين بتروح أمته شغلك وبترجع منه أمته اهلك مين متجوز ولا لاء عندك اخوات ولا لاء عندك عيال ولا لاء بالمختصر كده كل كبيره وصغيره عنك وانا عبد المأمور 

هارون مين دي يعني اسمها ايه شكلها ايه 

الجن: والله يا باشا كل اللي اعرفه ان اسمها رهف وشكلها بنت ذوات كده ولونه وبتلبس زي بتوع التلفزيون وراكبه عربيه من الغاليه 

هارون الاسم رن في ودانه بس قدر بتكلم بطريقه عاديه ايوه عايزه مني ايه دي 

الجن والله يا باشا علمي علمك انا كل اللي اعرفه قولته

هارون وهو بيفكه تمام اسم الكريم ايه 

الجن بفخر: محسوبك عبده الجن

هارون وهو بيمد ايده وانا المعلم هارون 

الجن بخوف يادين النبي المعلم هارون وهو مين في بر مصر كله ميعرفش مين هو المعلم هارون داه صيتك مسمع في بر مصر كله مش الوراق بس

هارون ببرود واللي انتا قطرته بقى يبقى المعلم هارون بشحمه ولحمه 

الجن وهو بيخبط على رقبته بكف ايده: لاء في دي عندي وفي حقي يا كبير 

هارون تؤ مش عندك خالص دي جات في ملعبي

الجن بغباء: لا مش فاهم عدم اللامؤاخذه مترسيني ينوبك فيا ثواب 

هارون افهم واهو اكسب فيك ثواب 

بص بقى انا عايز اللي كت بتعمله معايا تعمله معاها واخبار البت دي اول بأول توصلني انا واللي انا هاقولك عليه بالحرف تقوله وتعمله زي ما هاقولك بالحرف كيف وأمته وازاي بس اهم من داه كله لو دبانه قبل ما تعدي على باب بيتها يكون عندي بيها خبر 

الجن وهو بيشاور على عنيه:من عيني يا كبير وشاور على رقبته برقبتي يا كبير 

هارون ماشي يا جن بس عايزه تقطرها من بعيد لبعيد مش عايزك تبقى جن خيبان واهبل زي ما عملت معايا يعني لا تلمحك ولا تاخد بالها ومعاك راجلين تاني لو حسيت انها لمحتك تسلمهالهم وهما هايكلمو

الجن اعتبره حصل يا معلم 

هارون كده استبينا طريقك أخضر ومش محتاج اقولك لو شيطانك وزك تقولها هاجيبك حتى لو رجعت بطن امك هاشقها واجيبك منها تاني

الجن لا هايحصل ولا يكون يا معلم غلطه ومش هاتتكرر اعتبرني صبي من صبيانك وغلط

هارون وداه العشم وحقك في الحفظ والصون 

الجن عيب يا معلم احنا نخدمك بعنينا

هارون داه حق وحقي وحقك مفهوش كلام ولا جمايل اللا قولي بالحق البت دي الاقيها فين 

الجن: قعدتها دايما في مكانين الأول في نادي من بتوع ولاد الذوات في منطقه .... وبالليل في كباريه من بتوع الناس العليوي اووي

هارون فين داه يعني

الجن بص يا باشا نصيحه بلاش تخش الاماكن دي لو متضررلها اوووي خليك في النادي هي زمانها لسه فيه انتا راجل وشك سمح والناس كلها بتدور عليك زي المغناطيس وانك تدخل مكان زي داه الف من هايشوفك وقتها هاتقل من روحك ولو حد اتهف وصورك هاتضيع نفسك 

هارون بإستحسان للكلام عندك حق يلا طريقك أخضر وسابه ومشي

طلع البيت وحمد ربنا ان هنا مشغوله اتسحب وخد الصندوقين وطلع على العنوان اللي في الكارت

هارون دخل المحل بثبات

لو سمحتي كنت عايز اعرف مين اللي بعت البوكس داه عندي

بنت من اللي شغاله في المحل بصت على العلبه وخدت الكود وضربته على الكومبيوتر :انسه رهف رفعت يا فندم 

هارون تمام شكرا وطلع ركب عربيته وساق للنادي 

وصل وركن عربيته بإهمال ونزل وهو شايل العلبتين في ايديه وادخل الكل بيبص عليه وبيشاورو عليه مشي بخطوات ثابته ومهتمش بكل اللي عمالين ينادوا عليه ولا اللي بيشاوروا 

وقف واحد من الامن

هارون لو سمحت الانسه رهف رفعت الاقيها فين

الأمن: في الكافتيريا اللي على البيسين 

هارون تمام وسابه ومشي لحد ما وصل كان قاعده وسط اصحابها 

شيري بذهول وصدمه: واو وااو وااو ايه داه بجد مش معقول

رهف في ايه 

شيري شكلك كسبتي الرهان او ماي جاد 

رهف بصتله بإبتسامه فخر بنفسها 

وشيكو بصلهم بغيظ 

رهف بصوت رقيق ومغري:هاااي

هارون وصل قدامها ورمي الهديه عليها بصي يا بت انتي جو الفلتنه والصياعه داه يمشي ويحوق مع اللي حواليكي انما تيجي لحد العبد لله وتدوسي فرامل وتوقفي وترجعي مارشيليه لورا انا منيش عيل مسقط بنطلونه زي اللي حواليك ولا عيل بابي ومامي لسه بيصرفو عليه ولا عندي مراهقه متأخره عشان اريل عليكي اوعي تكوني فاكره انك لما تبعتيلي هديه غاليه لحد بيتي اني هاشوفك البت الواو الجامده اللي مفيش منها اتنين انا شوفتك في نظري بت صايعه ورمه وزباله ورخيصه وملهاش اهل يلموها ها هيلموكي منين اصلا وانتي دايره على حل شعرك ليل ونهار ودايره تلفي ورا الشباب جو الهبل اللي بتعمليه داه شغل اهبل وشغل بنات ليل

رهف اخرس انتا عارف اناا بتقول ايه ولمين 

هارون اوعي تكوني فاكره يا بت اني عيل برياله ومسح بإيده على بوقه بتهكم: لاء يا بت الرياله مسحناها من زمان اوووي وسنين السنين كمان اصل يابت مش بقدره قادر الاقي عربيه ماشيه ورايا وتاني يوم الاقيكي بتخبطي في عربيتي والاقي هدايا بتتعبت على بيتي مش حركات هبله وقديمه ومهروشه في مليون فلم ومسلسل قديم 

رهف انا معملتش حاجه اصلا

هارون والله تصدقي صدقتك وبالنسبه للهديه دي ايه ها اصلي مش ماشي معلق يافطه مكتوب عليها عنوان بيتي بصي يابت انتي السكه دي بلاش تدخليها معايا انا لان آخرها حيطه سد هاتقع عليكي تدفنك تحت منها خليكي في الجو بتاعك لا انتي شبهي ولا لوني ولا انا اللي نفسي تهفني على الرخيص اللي عافف عليه الدبان وبص للبوكس اللي على الارض ودي هداياكي اصل سبق وقولتلك مش انا اللي اقبل ان نسوان تصرف عليا وبصلها من فوق لتحت بأرف واستحقار ومشي

رهف وهي واقفه وعنيها مليانه شر 

شيكو بتريقه وشماته اووووبا اوبااا اوبا

ايدك بقى يا كبيره على عقد الشاليه ادي الرهان وخسرتيه

رهف بشر وحقد لا لسه مش انا اللي استسلم ومش هاتنتهي الا لما انا اللي اقول فنش

يا تري رهف ناويه على ايه

ياتري هارون ناوي على ايه

ياتري هارون هايبداء انتقامه من عيله المالكي أمته...

ياترى اللي جاي مخبي ايه

يتبع

تكملة الرواية من هناااااااا 

 لمتابعة باقى الرواية زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كاملةمن هناااااااااا

مجمع الروايات الكامله 1اضغط هناااااااا

 مجمع الروايات الكاملة 2 اضغط هناااااا