مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

 رواية البلطجي الفصل الحادى والثلاثون والثانى والثلاثون والثالث والثلاثون والرابع والثلاثون والخامس والثلاثون بقلم ولاء حامد حصريه في مدونة قصر الروايات

رواية البلطجي الفصل الحادى والثلاثون والثانى والثلاثون والثالث والثلاثون والرابع والثلاثون والخامس والثلاثون بقلم ولاء حامد حصريه في مدونة قصر الروايات

الفصل الواحد والثلاثون

هارون ساق عربيته وطلع من النادي وهو مبسوط وابتسامه مرسومه على وشه ونظرة خبث احتلت عنيه 

ولسه اللي جاي احسن الصبر طيب

وكمل طريقه وهو بيصفر بإرتياح

راحت صدفه المبني الايقوني وقفت قدامه وهي مذهوله بإنبهار من مدى ارتفاعه وجماله :واااو ايه داه بجد انا عرفت دلوقتي المفخوس سامي مقطع روحه عليه ليه 

يالله استعنا على الشقا بالله يا قوي على كل قوي يارب وفضلت اكتر من أربع ساعات بتلف في المبني 

صدفه قعدت على السلم احيييه عليا دانا كل داه ومخلصتش الا دورين اتنين اومال الباقي شكله ايه لاء انا اريح وكل يوم اجي اللف شويه لما اشوف آخرة الموال داه ايه

وفضلت اكتر من اسبوع كامل تروح تعاين الشقق وتتأكد من المساحه وتعمل مطابقه بين الشقق واللي تحت منها علشان تقدر تنجز بدل كتر اللف لحد ما اخيرا كانت قدرت تخلص رجعت مكتبها المشترك مع بعض زمايلها وهي خلصانه فردت رجليها شويه بتعب اوووف يا الله اخيرا خلصت الواحد بقاله اسبوع واخدها مشوره ورايح جاي وحطت الدفتر قدامها وبدئت تشتغل على التصميمات على اللاب توب اللي قدامها عشر ايام وصدفه شغاله ليل بنهار ما بين الكليه والشغل مبتفصلش لحد ما اخيرا عملت تصميم كامل بتقنيه ال 3D للمبني ككل اخدت اللاب توب وراحت لمكتب سامي 

صدفه دخلت واترمت على الكرسي بتعب

سامي بصلها بإستغراب في ايه يا بشمهندسه صدفه مالك شكلك تعبان ومرهق 

صدفه والنبي ايه يا راجل قول كلام غير داه 

سامي في ايه بجد

صدفه الله يسامحك يا شيخ طيب راعي اني لسه طالبه وعندي كليه ومحاضرات وشكاشن وعملي لما بيطلع عين اهلي غير العملي

سامي ايه يا بنتي حيلك حيلك في ايه فهميني بدل ما انتي داخله زي القطر اللي من غير فرامل كده 

صدفه بقالي اكتر من 15 يوم يا عالم بلف في المبني ومكفيه على التصميمات لحد ما جبت جاز خام كمان

سامي بإبتسامه كان الله في العون المهم يكون اتكلل التعب داه بفايده 

صدفه اومال ايه اللي جابني دلوقتي

سامي معقوله لحقتي تخلصي

صدفه ايوه اتنيلت وفتحت اللاب توب وبدئت تعرض عليه التصميمات 

سامي بإنبهار: واااو بجد ايه الجمال والعظمه دي كلها لاء انا ارفعلك القبعه

صدفه لاء خلي القبعه ومد ايدك في جيبك بدل الشغل البلوشي داه 

سامي: عنيا ليكي لو أخذنا المشروع داه ليكي مكافأه مكنتيش تحلمي بيها

صدفه لما نشوف والله آخرته كلام ابن عم حديت ما علينا طلعت ملف وحطته قدامه

سامي ايه داه 

ص.فه بنفخه ميزانيه مؤقته

سامي فتح الملف وبص فيه بسرعه

طيب تمام انا هاتصل بالمهندس هارون وابلغه ونشوف قراره ايه

صدفه بنفخه ماشي اروح انا واوعى تقولي شغل تاني انا فيا اللي مكفيني 

سامي لاء يا ستي معاكي انهارده وبكره اجازه علشان تعبك 

صدفه بنفخه اخيرا الحمد لله يا ساتر

سامي اول ما صدفه خرجت اتصل بهارون 

سامي بإحترام: ايو يا بشمهندس 

هارون ازيك يا بشمهندس خير

سامي كل خير انا كنت ببلغ حضرتك بس ان التصميم جهز وكمان الميزانيه 

هارون تمام طيب ابعتهم على ميل الشركه

سامي افضل حضرتك تيجي الأول تطلع عليهم وبعدها هارسلهم مباشره ليكم 

هارون تمام مفيش مشكله بكره ان شاء الله هاكون عندك

تاني يوم هارون وصل الشركه من غير ما يبلغ حد دخل على مكتب سامي مباشرة 

سامي بترحاب حار: منورنا يا بشمهندس

هارون بمجامله: منور بيك ياريت ندخل في الموضوع على طول لاني ورايا شغل احب اطلع على اللي تم 

سامي كان الله في العون وهو كذلك 

طلعله ورق الميزانيه بس خد بالك دي ميزانيه مبدئيه زي ما قولتلك يعني ممكن تكون قابله للزياده وبردوا ممكن تكون قابله للنقصان 

هارون تمام فتح الملف وبداء يقلب فيه بدقه 

هارون بعد ما خلص كل داه تمام بس عايز اعرف الميزانيه دي اتعملت بناء على ايه بالظبط

سامي بشرح مبسط المهندسه صدفه عملتها بناء على معاينه الموقع ككل وكمان صممت كل الديزاين بتقنية ال 3D و الله يا بشمهندس الموضوع اخد منها وقت طويل جدا ومجهود جبار تقريبا كانت بتواصل الليل بالنهار علشان تقدر تنهيها في وقت قياسي

هارون من غير كتر مجاملات لاني لا بحبه ولا اعرفه في الشغل احب اشوف الديزاين بنفسي واطلع عليه لان في الشغل لازم كل حاجه تبقى على نور 

سامي حقك طبعا اتصل بالسكرتيره بلغي البشمهندسه صدفه تيجي مكتبي حالا

دقايق وكانت جات صدفه وقعدت على الكرسي اللي قدام هارون وتجاهلته

صدفه :خير يا مستر سامي 

سامي البشمهندس هارون عايز يشوف الديزاين اللي عملتيه 

هارون بمقاطعه لكلامه ومش الديزاين بس لا عايز اعرف كمان الميزانيه دي كلها اتعملت بناء على ايه بالظبط

صدفه برفعه حاجب: هو ليه حاسه من اسلوب حضرتك بسخريه 

هارون ليه بتقولي كده انا بسأل الميزانيه دي كلها بالأرقام الماهوله دي اتعملت بناء على ايه مش شايفه انها بزياده اوووي عن الحد المعقول

صدفه بحده هو ليه حضرتك محسسني انك بتتكلم على عماره من أربع خمس أدوار مش مبني سكني والبرج الايقوني اللي على أعلى مستوي فيه اكتر من 500 وحده سكنيه منفرده ودوبلكس كمان وحضرتك لو عايز التفاصيل تمام وبالورقه والقلم احنا هانستلم الوحده ككل زي ما بيقولو كده على بلاطه على العضم وهاتستلمها علل المفتاح كامله مكمله يعني مطلوب مننا تشطيب اولي بيضم أساسيات كهربا وسباكه ووشين محاره 

ثم تشطيب ثانوي بيضم دهانات من وش اول وتاني لحد الوش النهائي وكماليات السباكه ومرحلة تالته بتضم تركيب الارضيات سواء كانت باركيه او رخام او بورسلين بخلاف تركيب فنش السباكه وفنش الكهربا وعندك الفنش النهائي من ديكورات وتركيب ابواب وشبابيك اليموتال او خشب حسب ديكور كل وحده لفرش تحب تحسب مساحه كل وحده وتعرف هتحتاج تكلفه لوحدها قد إيه وتقدر بحسبه بسيطه على تليفونك تعرف الرقم الإجمالي كام 

هارون بإنصات شديد لحد ما خلصت كل كلامك تمام بس احب اشوف التصميم المبدئي اللي تم 

صدفه وهو كذلك 

اخدت اللاب توب من سامي وحطت الفلاشه عليه وبدئت تعرض صور كامله لكل وحده في وضعها الحالي وصور تانيه لكل وحده بالشكل النهائي المطلوب اكتر من ساعه كامله بتعرض الديزاين قدامه بدون كلل او ملل لحد ما خلصت

هارون بإنبهار قدر يتحكم فيه قصاد حسبه العقل: وانتي عايزه تقنعيني ان الصور اللي معموله بتقنيه حديثه زي دي هاتقدري تنفذيها على أرض الواقع 

صدفه بثقه :والله زي ما تصميم حضرتك كان مجرد حبر على ورق واللي يشوفه اكيد كان هايقول نفس الكلام اكيد وحاليا أصبح حقيقه ملموسه على أرض الواقع 

هارون وهو بيمسح على لحيته بكف ايده وعنيه كلها انبهار وإعجاب بيها وبكلامها وثقتها بنفسها هز راسه بتفكير: تمام كلامك مقنع وبص لسامي بص يا بشمهندس مادام حضرتك بتقول ان الميزانيه مش اكيده لتغير سعر السوق طبعا يعني تحت العجز والزياده انا عايزك تجهزها مع تعديل واضافه بند احتماليه العجز ممكن تكون قد إيه واحتماليه الزياده ممكن تكون قد إيه واحسب كل الاحتمالات وابعتها على ميل الشركه 

سامي تمام يا بشمهندس وهو كذلك 

هارون تمام يبقى اتفقنا وان شاء الله بمجرد ما تبعت الميزانيه مقرونه بالديزاين هانيجي لحضرتك انا وشركائي استأذن انا 

مشي هارون وهو حاسس ببوادر امل وارتياح وصل الشركه وبلغ السكرتيره انها تبعتله مالك ومصطفي ضروري

دخل مالك ومصطفي على هارون وهو واقف شغال على تصميم 

مالك خير يا هارون بعتلنا ليه

هارون ركن القلم اللي في ايده وقعد على كنبه وشاورلهم بإيده

قعدوا وهما بيبصوله بترقب

هارون :شركه الديكور بعتولي امبارح علشان اشوف ايه اللي تم وانا عديت عليهم قبل ما اجي وشوفت التصميمات المبدئية واطلعت على الميزانيه كمان وطلبت انهم يبعتوها على ميل الشركه علشان نقدر نناقشها مع بعض وناخد القرار سواء بالموافقه او بالرفض علشان نشوف امكانياتنا ونشوف هانقدر نعزز البند المالي بالمبلغ داه ولا لاء لان مصطفي هو المسؤل عن الشؤن الماليه ككل وهو اكتر واحد يقدر يفيدنا هنا لانه على علم بكل قرش داخل وطالع من الشركه

مصطفي وقف بحده وعصبيه وصوت عالي انت مش واخد بالك ان انتا بقيت بتاخد قرارات كثير من نفسك من امتى وانت اديت لنفسك حق غير حقك ان انت تدخل وتتدخل في اللي مالكشي فيه المفروض ان كلنا مع بعض في الشركه دي متالته مش ملاحظ ان انتا بقالك فتره كبيره قوي وطويله منحيني انا ومالك جنب وكاننا ملناش لازمه وبتاخد كل القرارات لوحدك وحتى الصفقات بقيت بتدخل وتتفق فيها مع نفسك 

هارون بصدمه وقف بصله بذهول وشاور على نفسه انت بتقول لي انا الكلام ده

مصطفى بزعيق طبعا بقولهولك انت لاني بقيت واخد بالي قوي منك يا هارون وملاحظ ان انت بقالك فتره طويله قوي خدت حجم اكبر من حجمك واتغريت في نفسك ده حتى يا شيخ مشروع راس الحكمه اللي المفروض نقعد ونتكلم ونتناقش فيه كنت واخده الكلام لوحدك كانه مقاوله خاصه بيك انت وبس وانا ومالك كنا قاعدين طيشه ولا كان لينا اي لازمه 

هارون بص لمالك ببرود بس جواه الف وجع ووجع عاجبك الكلام اللي بيقوله مصطفى ده 

مالك بص لمصطفى بغيظ ونفخ لا مش عاجبني يا هارون ولا هيعجبني لان عارف ان احنا كلنا بنسعى علشان الشركه دي تكبر وان كلنا في ضهر بعض والكلام داه من سنين مش من دلوقتي 

مافيش مصلحه منفصله كلها مصالح جماعيه مشتركه بينا احنا الثلاثه

هارون بتعقل وهدوء برغم العصبيه اللي اتمكنت منه بص يا مصطفى بيقول لك كده بالبلدي المركب اللي ليها ريسين بتغرق واحنا تلاته سايقين في مركب واحده وبنسوق مركبنا صح وعمرها ما غرقت ولا حتى عوجت مننا عارف ليه لان ما حدش منا في يوم جار على حق حد ولا جه على تخصصات او مسؤوليات حد فمش هنيجي دلوقتي بعد كل اللي وصلناله من اسم وسمعه بتعب سنين وهنعمل مشاكل ونوقع كل اللي بنيناه ونجور على حق بعض

مصطفى بحده قصدك ايه

هارون هو كازز على اسنانه بص انا مجورتش على حقك انا عايز بس ابلغك وافكرك بحاجه بسيطه ان القرارات اللي انت كنت معترض عليها

في شراكتنا مع شركه الورداني او شركه الشبراوي وكلامي اللي انت كنت ولا زلت معترض عليه وقراراتي اللي انت شفت ان هي منفرده بيا احب ابلغك حاجه بسيطه جدا ان نصر الورداني وماهر الشبراوي بنفسهم بلغوني بموافقتهم على الشراكه بيننا بشروطنا احنا اللي نحطها مهما كانت تكون 

مالك باستغراب بلغوك الكلام ده امتى وازاي يا هارون وليه مقولتليش

هارون بلغوني في مكالمه تليفون من كام يوم وكنت منتظر لما هما يبعتوا من نفسهم الشؤون القانونيه على الشركه عندنا مباشره عشان ما يحسوش ان احنا مدلوقين عليهم 

ده كده اول هم تاني هام احب ابلغهولك بس ان شركه الديكور اللي انت شايف ومقتنع من كل عقلك ان انا انفردت بحق القرار لوحدي وعامل الليله دي كلها وصوتك اللي سمع الشركه من اول الباب لحد اخر مكتب في اخر دور انا ما روحتش اتعاقدت ومضيت العقود معاهم لا حضرتك انا روحت اطلعت بنظره مبدئيه لانهم قالولي ان دي ميزانيه مبدئيه قلت علشان نقدر ناخد القرار الصح طلبت تعديل الميزانيه واضافه بند العجز والزياده واحتماليه كل منهم قد ايه كحد ادنى وقد ايه كحد اقصى سواء في حاله العجز او في حاله الزياده وكل ده تفتكر كده بذكائك الخارق ليه علشان احنا الثلاثه كده نقدر نقعد ونعرف البند المالي هنقدر نعززه ولا لا ولو هنقدر نعززه هنحتاجه وقت قد ايه علشان يبقى في السيوله الكافيه اللي تسد تكلفه الديكورات علشان ميحصلش لا لبس ولا لغبطه تعجزنا فيما بعد ولو انتا شايف ان انا كده جورت على حقك واتدخلت في شؤون ما تخصنيش فانا بعتذرلك ومن هنا وجاي انا مش هتدخل في اي شؤون مهما كانت تخص الشركه الا شؤون التصميم الهندسي فقط لا غير اما بقى لو انت متضايق من وجودي انا كهارون و كشخص موجود في الشركه فتقدر ترتاح وتريح بالك وتعتبرني منسحب من دلوقتي 

مالك بتعقل ومحاوله انه يلم الموضوع قبل ما يكبر عن كده اهدى يا هارون الكلام مش كده والمناقشة بينا بالعقل والمنطق

هارون بحده امال يبقى ازاي بعد كلام مصطفي بيه وانهي عقل ومنطق داه اللي بيتكلم بيه كان فين وانا بسهر ايام وليالي بطبق علشان اشوف المشروعات وادرس كل كبيره وصغيره كان فيه وانا بجري يمين وشمال علشان احل ازمه السيوله في مشروع العاصمه اللي لو كنت فكرت بدماغه كنا خسرناه ومكناش وصلنا للي وصلناله داه 

مصطفى بتريقه اه طبعا يحق لك تقول كده وتعمل اكتر من بعد ما بقى لك اسم وانت كنت ولا شيء

هارون بص واسمع الكلام ده كويس قوي عشان مش هاعيده مره ثانيه انا بقالي اسم واسم عالي قوي وغالي قوي كمان ولا بفضلك ولا بفضل غيرك انا بداتها من الصفر ومن تحت قوي قوي قوي كمان يعني بالعكس فضلنا كلنا على بعض 

مصطفى بزعيق قصدك ايه وفضلك ايه اللي ليك علينا انت ناسي نفسك

هارون بوجع بس قدر يتكلم بنبره مغلفه بالجليد فضلي عليكم ان الشركه دي تفضل مستمره وتقف على رجليها وتكمل في السوق وبدل ما كانت شركه واحده بقت اثنين وثلاثه واربعه كمان

وفضلكم عليا اني بعد ما كنت مجرد عامل في كافيه بقت بفضل الله ثم انتوا بقيت مهندس قد الدنيا وليا اسم وصيت زي الطبل منين ما امشي يرن

فانا لا في يوم انكرت فضلكم ولا هسمح ولا هقبل ان انتوا كمان تنكروا فضلي وتبخسوا حقي وجهدي وتعبي وتساووه بالاسفلت ويا ابن الناس عقلك في راسك تعرف خلاصك فكر بعقل رايق وبلغني بقرارك وانا في كلا الحالتين استمر او امشي معاك لاني مش حابب ان احنا نخسر بعض مهما كانت الاسباب لان ما ينكر الفضل الا ابن الحرام وانا ابن حلال مصفي عن اذنكم ومستني قراركم بص لهم بحده وطلع زي الاعصار بخطوات سريعه وساب مكتبه ليهم وهو حاسس بخنقه شديده نزل الجنينه وحس بضيق فك اول زرار من البدله ووقف وهو بيحاول يتمالك اعصابه وياخد نفسه اللي اتسحب منه 

في اجتماع مغلق في شركه 3R TRINGLE بين رقيه ورفعت

رقيه وهي قاعده قدام رفعت حاطه رجل على رجل انت كده خلاص قفلت كل الورق وقدمته للمناقصه 

رفعت خلاص خلصت فعلا وتقدري تقولي كمان ضامنها في ايدي ومالي ايدي بالقوي منها كمان دي خلاص على مجرد جره قلم وتبقى ملكنا فهمي رسمي نظمي 

رقيه بضحكه انتصار عاليه كده حلوه قوي وتمام جدا كمان طيب دلوقتي بقى نخلينا في المهم ناوي تعمل ايه مع رافت 

رفعت بمكر يوازي مكر الثعالب بصي يا رقيه سبق وقلت لك وهعيدهالك تاني رافت عايز تخطيط على تقيل قوي قوي قوي قوي قوي رافت حويط لابعد درجه وعلشان نضمن ان المره دي تبقى الضربه القاضيه وضربه في مقتل لازم نحسبها من كل جنب ومنسبيش احتماليه يفلت منها زي كل مره ونضمن ان ما يطلعش منها الا واحنا كل حاجه ملكنا وفي ايدينا 

رقيه بشر مستعر تمام كلامك بس انا بعد الايام علشان اخلص منه لاني حرفيا اتخنقت منه عايشلي فيها دور حامي الحمى وضميره نقح عليه جاي بعد السنين دي كلها ويقول لك اولاد اخوك كان فين من سنين ما احنا كلنا في الهوا سوا ودافنينه سوا ولا ايه

رفعت بابتسامه شر ولا ايه معاكي يا روقا اصبري والصبر حلو امال انا عماله اماطل فيه وامطوحه يمين وشمال ليه ما هو علشان يفضل في قبضه ايدي وما يفلتش منها لا يمين ولا شمال لحد ما اخططله التخطيط الصح اللي ما يخرش الميه

رقيه وانا معاك خطط وانا عليا التنفيذ

رفعت بضحك ماشي يا تلميذه ابليس

رقيه وهي بتضرب له تعظيم سلام بشكل كوميدي تمام يا ابليس منا تلميدتك بقى مش كده ولا ايه

مرت الايام وتم اجتماع مغلق بين شركات الشبراوي والورداني وشكرات MHM للمعمار لتوقيع العقود 

نصر بعد ما وقع على العقود وقف بفرحه وانتصار: مبروك علينا يا جماعه مشروع العمر 

هارون هز راسه بشرود 

مالك بفرحه مبروك عليك يا نصر بيه

مصطفي بفرحه وهو بيمد ايده بالسلام لماهر: مبروك علينا كلنا 

نصر لاحظ شرود هارون: الفضل كله يرجع للبشمهندس هو اللي اسمه وصيته وتصميماته جابت المشروع داه لحد عندنا من غير اي تعب ولا اي جهد جاهز مجهز ولا انتا رائيك ايه يا بشمهندس 

هارون بصله وهز راسه بإبتسامه بسيطه الفضل لربنا ومش انا لوحدي داه تعب شركه كامله من شركاء لمهندسين لعمال تعبوا وشقيوا علشان يقدروا يطلعو المشروع للنور فمينفعش تختصر كل دول في شخص واحد 

مالك اتنهد بضيق وبص لمصطفي بغضب 

نصر قعد على كرسيه تاني: طيب يا جماعه كده المفروض ان بكره هاينزل خبر بالدمج الثلاثي بينا عايزين نستعد بإيد من حديد ونار علشان نطلع شغل على أعلى مستوي فوق التوقعات كمان وبص لهارون وطبعا دي لعبتك يا بشمهندس 

هارون بهدوء: طبعا متشغلش بالك بمجرد ما نوقع العقود مع الشركه الاماراتيه والحكومه المصريه هانبداء المعاينه وتجهيز التصاميم الهندسيه مباشره متشغلش بالك 

ماهر: توقيع العقود هايتم في السفاره الاماراتيه في مصر بعد ما اعتمد سياده الرئيس المشروع مع رئيس دوله الإمارات كده باقي اعتماده للشركات من الحكومتين المصريه والإماراتيه وحسب معلوماتي هايكون خلال الأسبوع داه 

هارون يبقى على بركه الله 

بعد اسبوع نزل الخبر اللي غرق الصحف والسوشيال ميديا بإختيار شركات الشبراوي والورداني وMHM لتنفيذ مشروع راس الحكمه بدعم من الحكومتين المصريه والإماراتيه تحت لواء السياده المصريه 

أصبح المشروع حديث الساعه وحديث السوق ككل 

وصل الخبر لشركه المالكي 

رفعت بعصبيه وهو بيخبط على المكتب بحده اكتر من مره يطلعوا مين دول علشان يدمجوا شراكه مع شركات زي دي عتاوله المعمار ووحوش السوق وعلم من اعلام الاقتصاد المصري ككل 

رقيه بتفكير فعلا يا رفعت عندك حق بس الاهم من كل ده ان احنا لازم نعرف اساس الشركه دي ايه ومين اللي وراها وازاي قدرت توصل لشركات زي الورداني والشبراوي بمنتهى السهوله لدرجه انهم يقبلوا ويدمجوا معاهم وهما مجرد شركه لا راحت ولا جات طلعت بين يوم وليله وهما بكلمه منهم وبعلاقاتهم يقدروا يشاورو لاي شركه مهما كان حجمها تجري وتسعى ليهم من الباطن كمان مش في الظاهر والعلن بالشكل ده الموضوع ده فعلا فيه حاجه وحاجه كبيره جدا كمان 

رفعت بتفكير فعلا يا رقيه كلامك صح الموضوع فعلا شكله كبير وانا مش هارتاح ولا يهدالي بال الا لما اعرفه وافهمه واجيبه من ساسه لراسه 

مرت الايام وهارون مكفي في شغله على التصميمات الهندسيه بيحاول ينجز فيها اكبر كم ممكن بعد ما راح ثلاث ايام لراس الحكمه وعمل معاينه مبدئيه للموقع ككل 

في الوقت نفسه اللي وصل الخبر لرفعت ان الحكومه المصريه سحبت مناقصه المينا البحري بسبب التلاعب فيها والرشاوي اللي تم تقديمها وان المناقصات تم توزيعها من الباطن 

رفعت بجنون ازاي ازاي انا اخسر المناقصه دي ازاي يعني كله تعبنا الشهور اللي فاتت دي نزل الارض وراح على ما فيش 

رقيه بجنون ازاي يا رفعت انت مش قلتلي انك مالي ايدك ومطمن وطمنتني معاك ازاي انت عارف دي فيها خساير قد ايه 

رفعت بجنون فيها خساير اكتر من 70 مليون يا رقيه يعني موت وخراب ديار 

رافت دخل عليهم المكتب وهو حاطط ايديه في جيوب البنطلون في ايه يا جماعه كفاله الشر مالكم صوتكم مسمع لبره ليه

رفعت بزعيق وصوت عالي مش وقتك خالص يا رافت سيبني باللي انا فيه

رافت بهدوء وبرود تؤ تؤ اهدا يا رفعت أعصابك يا حبيبي دانا حتى جاي اطمن عليك 

رقيه بحده رافت مش وقتك خالص وبلاش ام نظره الشماته اللي ماليه عينيك دي ده انا اكتر واحده في الدنيا قرياك وفاهماك كويس قوي 

رافت وهو بيرفع عينيه لفوق والله يا رقيه كان نفسي اقول لك مش شمتان بس للاسف فعلا انا شمتان علشان انا حذرتكم وانتم ما فيش فايده الطمع مالي قلوبكم لما عمى عينيكم 

رفعت بزعيق اخرج بره يا رافت مش وقتك خالص انا مش طايق نفسي 

رافت ولا كانه سمع حاجه فاكر لما وقولتلك يا رفعت بلاش الطرق العوجه وخليك ماشي في الشغل ستريت ما سمعتش كلامي وادي اللي حسبته لقيته على العموم مبروك عليك ال 70 مليون اللي كعيتهم وراحو الارض ورفع كتافه انا عن نفسي كده براءه لان انا بره المناقصه دي خالص انا لا وافقت ولا مضيت على العموم Hard luck في المره القادمه وسابهم ومشي وهو مبسوط وشمتان فيهم

رقيه وهي بتزيح كل اللي قدامها على المكتب بجنون شايف يا رفعت شايف اخوك جاي شمتان فينا والله تلاقيه هو اللي وراه خسارتنا دي 

رفعت بجنون تفتكري اقسم بالله لو طلع هو اللي وراها لمحيه وما هعمل حساب دم ولا اخوه ويبقى هو اللي فتح باب النار والدم ويتحمل نتيجته الا الشغل والا البيزنس والفلوس يا رقيه 

رقيه بشر وهي كازه على اسنانها مش لوحدك يا رفعت اقسم بالله ما اتاكد ان هو اللي وراها ما هخلي الدبان الازرق يعرفله طريق جره

يا ترى رفعت فعلا اللي ورا خسارتهم..؟

ياترى مصير شراكه مالك وهارون ومصطفي ايه..؟

ياترى هارون ناوي على ايه…؟

ياترى اللي جاي مخبي ايه…؟

يتبع

الفصل الثاني والثلاثون

هارون وهو قاعد في مكتبه حاسس بخنقه قرر يروح يشوف الشغل في مبني العاصمه ماشي ازاي ويتمم على كل حاجه خصوصا وان بقاله فتره معتزل وواخد جمب من مالك ومصطفي وصل الموقع وسمع صوت عالي اتحرك نحيه ووقف من بعيد 

صدفه وهي بتتابع العمال اتكلمت بحده وعصبيه وصوت عالي :اعدل ايدك في الميزان يا ريس داه كده شغل طلسأ ملسأ مينفعش اللي مش قد الشغل بناقص منه 

العامل بمعاكسه: بالراحه علينا يا حلوه داحنا لسه بنقول يا هادي  

صدفه بشرشحه وصوت سمع كل اللي حواليها الحلوه دي تبقى امك يا روح امك اعدل كده في وقفتك وفي كلامك بدل ما اعدلك انا وبقول لك ايه

تعدل اسلوبك وتعدل شغلك يا بالسلامه طريق وسكه تمشي ونجيب الف بدالك وبدل الصنايعي يجي مليون ما انتاش شايف الشغل منوعر دول ماشيين بيتنشقوا بس على اللي يقولهم يا شغل وقاعدين مترميين على الارصفه مش لاقيين اللي يعبرهم اكتر من الهم على القلب 

وانتم ما انتوش شغالين بالحته انتم ماسكين مشروع كبير ومحطوط عليه اسم شركات تخض ما كنتوش تحلموا حتى تخطوا من قدام بابها وانا ما بحبش الغلط ولا هسمح ان يطلع من تحت ايدي ولا على اسم الشركه اللي بناكل من وراها عيش غلطه واحده تتحسب علينا وتضيع تعب وشقى مجهود ناس شقيانه فيه لما طلع عين اللي خلفوها 

هارون واقف وسند على الحيطه وهو مستمتع بحوارها الاقصى درجه لمحها وهي طالعه بزعابيب امشير وماشيه تنفخ وتدبدب في الارض برجليها زي العيال الصغيره حب انه ينكشها ويشاكسها وابتسامه لعوب اترسمت على شفايفه وغمزه عين بالراحه على نفسك ليطق لك عرق وانت لسه صغنن يا صغنن 

صدفه بغيظ الهي تطق وتطرشق من جنابك يا بعيد اصل هي ناقصه قرف على الصبح مش كفايه مرازيه جوه اتبلي بيها كمان بره 

بصيتله بغيظ وهي كازه على اسنانها ومشيت

هارون بابتسامه لمضه بس عسل بنت الايه مشي يتابع الشغل وهو لسه ابتسامته مرسومه على وشه مش مفارقاه 

خلص لفته وقرر انه ما يرجعش الشركه تاني خد بعض وراجع على البيت علشان يريح دماغه يفصلها شويه اول ما دخل لقي في وشه هنا وجنا قاعدين مع بعض مسح على وشه بغيظ الصبر من عندك يا رب

هنا مالك يا هارون بتقول حاجه

هارون بهزه راس لا سلامتك يا هنون انت اللي في حاجه يا قلبي قاعدين كده زي عمل الردي 

هنا بصراحه اه اقعد عايزاك

هارون وهو بيقعد وادي قاعده استرها من عندك يا رب حافظ انا القعده دي بيبقى وراها كارثه قولي يا هنا كلي اذان صاغيه 

قعد وعلى يمينه هنا وعلى شماله جنا

هنا بزعل طفولي والله طول عمرك ظالمني 

هارون بابتسامه سمجه عندك حق انا راجل ظالم قولي يا هنا 

هنا بنشكاح بقول لك ايه بقى انت مش ناوي تتجوز بقى وتتلم وتكمل نص دينك

هارون بصدمه اتلم ليه يا بت انتي شايفاني متبعتر ولا ايه 

هنا لا يا اخويا والله مش القصد انا بقول لك بس انك تكمل نص دينك كده وتعمل اسره بقى ويبقى ليك ست تاخد بالها منك وتاخذ بحسك كده ويبقالك عيال يجروا حواليك وابقى عمته الحربايه

هارون بابتسامه وهزه راس من ناحيه حربايه فانا متاكد منها 

هنا بغيظه اخص عليك انا حربايه ده مجرد بس مصطلح يا عديم المفهوميه بيتقال انما انا والنبي ما فيه فطيبتي وغلبي ده لو في مني اثنين كانت الدنيا دي عمرت

هارون ما علينا يا طيبه يا غلبانه يا ام قلب ابيض وقلب خسايه عايزه ايه

هنا هو انا بحكي في قصص ابو زيد بقولك اتجوز 

هارون اول ما قالت كده جاء في باله صدفه وابتسم وابتسامته بدات توسع شويه بشويه لحد ما اتحولت لابتسامه عريضه بينت صفين سنانه وهو سرحان ومش واخد باله من اللي العنين اللي بصاله ومبرقه بإبتسامه هبله هي كمان جنى بصوت عالي اوبا بقى وايوه بقى ضحكت يعني قلبها مال 

هارون بتريقه وهو انا ينفع واحده تخطف قلبي وانتم موجودين يا بنتي هو انا مش قبل كده قلتلكم ان انتو الجوز عاملين زي ريا وسكينه ما هعرفش اتجوز الا لما اخلص منكم 

هنا برفعت حاجب لا يا اخويا والنبي ما تاخدناش احنا حجتك اصلها قديمه قوي ومفقوسه شوف غيرها 

اتجوز انت بس وما تشغلش بالك بينا

هارون بنفي لا لا لا لا لا اجوزكم الاول واطمن عليكم 

هنا بلوع يعني احنا هنبور

هارون بتريقه ويعني هو انا اللي هبور

هنا بشهقه هااا الشر بره وبعيد 

مافيش راجل بيبور حتى لو كان ببربور

هارون بصدمه وقف وهو بيسقف بايديه الله عليك يا فخر العرب وعلى مصطلحاتك ومسمياتك بربور يا هنا لا الله عليك بجد عليك شويه كلام يتلموا في قاموس ويترموا في اوسخ مقلب زباله بصي انا مش هرد مش هرد اهو يا هنا وخليكي شاهده يا جنى

كلهم بصوا لبعض وانفجروا في الضحك مره واحده 

هارون كده خلصنا كلام وضحكنا وانبسطنا وانشكحنا اسيبكم بقى واطلع اريح شويه واللي هتهوب منكم نحيه باب اوضتي هكهربها بصوا انا هكهرب الاوكره قبل ما ادخل علشان ارتاح خالص 

هنا لا احنا لسه ما خلصناش كلامنا 

ماتهربش زي عوايدك

هارون وهو بيشاور على راسه طيب اجلي الكلام لبعدين لاني مصدع

وسابهم وطلع وهو ابتسامته اترسمت على شفايفه تاني لما افتكر صدفه وجنانها وكلامها طلع واترمى على السرير وهو بيفكر فيها وصورتها مرسومه قدام عينيه هارون لنفسه بشرود يا ترى انتي مين وحكايتك ايه معايا بالظبط وليه دايما على طول شاغله بالي عايزه مني ايه يا صدفه لا وقتك ولا ميعادك انا عقلي مشغول بالف حاجه وحاجه وانت جيتي محيتي كل حاجه في ثانيه وبقيتي محتلياه قلبا وقالبا

اتعدل وقعد على السرير لا ما انا مش هفضل محتار كده انا بس عايز اعرف ايه حكايتها من بعيد لبعيد وبعدها يحلها الحلال

هارون قرار مع نفسه وحسم قراره انه يعرف حتى ولو بعض المعلومات عنها من بعيد لبعيد مر اليوم وليله بسلام وثاني يوم قرر انه قبل ما يروح الشركه يعدي على شركه الديكور

وصل وسامي استقبله بالترحاب كالمعتاد

سامي اؤمر يا باشمهندس خير في حاجه حصلت ولا ايه

هارون بنفي لا خالص والله يا باشمهندس وفكر في حجه سريعه وقال اول حاجه خطرت على باله انا كنت عايز بس اعرف سير العمل وصل لحد فين في مبنى العاصمه وكنت عايز اضيف بس بعض التعديلات البسيطه

ممكن حضرتك اذا تكرمت بس تبعت تجيبلنا الباشمهندسه صدفه

سامي والله يا باشمهندس للاسف الباشمهندسه صدفه مش موجوده دلوقتي في الشركه هي ليها مواعيد وايام معينه هنا 

هارون بعدم فهم قصدك ان هي موجوده دلوقتي يعني في الموقع بتاع العاصمه

سامي بنفي لا برده ولا في موقع العاصمه هي زمانها دلوقتي في الكليه

هارون مستغرب في الكليه ليه هي معيده هناك في الجامعه

سامي بتوضيح لا يا باشمهندس هي طالبه لسه في الجامعه

هارون بصدمه انت بتهزر يعني انتا عايز تقنعني ان انتا مسلم مشروع بالضخامه دي وبالحجم ده وبالميزانيه دي لحته طالبه لسه في الجامعه بتدرس 

سامي بتبرير سريع لا يا باشمهندس من فضلك صدفه مش اي طالبه دي الاولى على دفعتها السنين اللي فاتت وليها مستقبل كبير وبشهاده كل دكاترتها و كمان بشهاده سوق العمل مش مجامله مني لان كل تصميماتها مميزه وفريده جدا من نوعها وحضرتك بذات نفسك يا باشمهندس شوفت شغلها وعجبك دون عن غيره واقتنعت بيه قبل حتى ما تعرف ان هي طالبه وانت اللي اعتمدتها في الديزاين دي للمشروع مش انا خالص 

هارون بتبرير مقنع برده مهما كانت الاسباب مكانش ينفع ان انتا تجازف يا باشمهندس وتسلمها مشروع زي داه

سامي بنفي لا يا باشمهندس انا مش بجازف ودي مش مجازفه ده شغل وبيزنس ما فيهوش عواطف ولا مشاعر ولا حتى مجاملات لحد فيه واحد زئد واحد بيساوي اتنين وانا بتكلم بالعقل والمنطق انا لو كنت شفت ان هي مش كفء للمشروع ده ما كنتش دخلتها فيه ثم هي مش شغاله لوحدها دي شغاله مع فريق عمل كامل وتحت اشرافي انا مباشرة

هارون باصطناع التفكير اممم تمام كلامك مقنع الى حد ما هي طالبه في جامعه ايه

سامي طالبه في جامعه القاهره بس حضرتك بتسال ليه

هارون بمكر مبحبش حد يبقى شغال معايا وماعرفش عنه حاجه وخصوصا ان دي ماسكه مشروع حضرتك عارف قيمته قد ايه وعارف في الوقت نفسه ان هو واجهه الكل منتظر يشوف التشطيبات النهائيه ويشوف المبنى كامل متكامل على أرض الواقع

سامي كلامك مظبوط وعين العقل فعلا يا باشمهندس 

هارون طيب تمام استاذن انا ومنين ما تيجي الباشمهندسه صدفه

 ياريت تبلغني عشان نشوف سير العمل وصل لحد فين واشوف لو في اي تعديلات او اضافات محتاجين نضيفها او حاجه

سامي وهو كذلك مع السلامه يا باشمهندس

هارون مشي وهو كل عقله وتفكيره مع صدفه نسي شغله ونسي نفسه ونسي كل حاجه مش هو ده هارون اللي الكل بيحلف بيه وبعقله وبجبروته وبقوته وبيعملوا لذكائه الف حساب اصبح عامل زي العيل المراهق بيجري ورا طالبه جامعه

تاني يوم قرر ان هو يفاجئها ويروح الجامعه ويشوفها هناك 

ولا غير عادته لبسش بدله كالمعتاد لبس بنطلون جينز وعليه تيشرت مقسم و مبين كل عضلات جسمه وركب عربيته ووصل الجامعه 

الأمن اول ما وصل فتح الشباك عرفوه على طول فتحوله الباب ودخل 

هارون ساق لحد ما وصل للكليه عند صدفه قفل العربيه ونزل وهو بيتلفت بعنيه عليها من تحت نظارته علشان محدش ياخد باله

البنات بدات تبص له باعجاب وانبهار لانه طبعا واجهه معروفه منهم اللي قرب منه وهو بعد بخطوات عنهم قبل ما حد منهم يقرب ومنهم اللي بيبصوله بانبهار وبيتهامسوا عليه

فريده خدت بالها من تجمع البنات بسط على مكان ما هما واقفين وعدلت وشها ومره واحده بصوت عالي اوبا اوبا ايه داه هو فيه كده بجد يا جدعان

شايفه يا بت يا صدفه شايفه البنات ملمومين على المز اللي وراك ده ازاي

صدفه يا ستي سيبك منهم دول بنات هايفه وتافهه

فريده يابت شوفي كده ملمومين حوالين مين

صدفه بلا مبالاه هيكونوا ملمومين حوالين مين يعني براد بيت جه الجامعه يعني ولا ايه وانا مش واخده بالي 

فريده بنبهار انقح وحياتك ده المز اللي كان قالب السوشيال ميديا الايام اللي فاتت وحياتك ولا زال ده بقاله ايام وشهور وشهور وهو محتل قلوب العذارى وبيجروا وراه بالمشوار

صدفه اتلفتت تشوف هي بتتكلم على مين بصت وعنيها برقت بذهول وغمضت عنيها بغيظ يا ساتر يارب كنا افتكرنا ربع جنيه مخروم ماكناش لقيناه وحياتك

فريده بعدم فهمي مش فاهمه احنا كنا بنتكلم على المهندس اللي بيرخم عليك في الشغل ايه علاقه ده 

صدفه بلاويه بوق ما هو المحروس بسلامته

فريده لاء متقوليش بقى داه الرخم ابو دم يلطش يا شيخه حرام عليكي داه عامل زي الأتراك حاجه كده فاخر من الآخر 

صدفه يا شيخه اتلهي عليكي وعليه داه دم امه يلطش 

فريده بابتسامه اوبا الحقي يا بت يا صدفه ده بينه جايلك وجايه علشانك واقف وباصص عليكي وواضح ان عينه متشالتش من عليكي

صدفه ببرود فكك منه ما تعمليلوش سعر ولا تبصي نحيته حتى اقسم بالله ما يهوب يميتي ولا يجي جنبي لارقع بالصوت وافرج عليه الجامعه دلوقتي واقول عليه متحرش كمان

فريده وهي بتخبطها على كتفها يا شيخه اتلهي قال متحرش قال طب 

ياريت يا اختي يكون جايه علشان انا وانا اللي اجري عليها كمان

صدفه بغيظ اهو عندك يا اختي

كوليه كله واشبعي بيه واهضميه كمان

واتلفتت بصيتله بقرف من فوق لتحت وسابته ومشيت

هارون بابتسامه وهمس وماله التقل صنعه والعبد لله صنايعي محترف من صغري

طلعت من الجامعه هي وفريده

فريده بقول لك ايه تعالي عشان اوصلك في سكتي

صدفه لا فكك مني انا النهارده انا مروحه على البيت ما عنديش شغل

فريده طيب وايه المشكله يعني

صدفه لا عايزه اتمشى شويه واروحها كده تنطيط

فريده خلاص براحتك يلا سلام نلتقي غدا

صدفه وهي بتشاور لها بايدها مع السلامه نلتقي غدا يا اختي احنا هنروح من بعض فين ما احنا ملطوعين في وش بعض طول اليوم في الكليه زي النسناسين التوام

اتمشت شويه لحد ما وصلت لموقف الاتوبيس هارون ركن عربيته واصر يشوف هي رايحه فين ويعرف خط سيرها وطريق بيتها فين

صدفه خدت بالها وابتسمت بتهكم وعملت نفسها ان هي مش شايفاه

هارون ركب الاتوبيس وهو متابعها من بعيد لبعيد

نزلت من الاتوبيس في المحطه بعد حوالي خمس محطات 

وهارون نزل وراها وهو برده بعيد عنها بشويه 

صدفه ما رضيتش تتلفت وراها علشان مياخدش باله انها شيفاه وشغلت كاميرا الموبايل الاماميه وجابتها من جنبها بحيث انه ما ياخدش باله فتحت تسجيل الفيديو وعدلت التليفون ثاني قدامها وشافته ماشي وراها 

صدفه بسخريه وهمست لنفسها هو انتا بقى جيت بقى ولا الهوا اللي رماك وحياه امك لربيك ده انت جيت في ملعبي ياض وحياه امي لالففهالك كعب داير ولو انتا هارون فأنا صدفه والاجر على الله وابتسمت بشر يلا استعنا على الشقا بالله 

صدفه بدات تدخل من شوارع جانبيه وحواري ضيقه ومن حاره لحاره ومن شارع لشارع وهارون ما بقاش عارف هو رايح فين وجاي منين بس فضل مكمل وراها على امل انه يوصل لطريق بيتها وصدفه عماله تتوهوا من يمين لشمال من حاره لزقاق لداخله لشارع لحاره لحد ما قربت من بيتها وفي ثانيه جريت بسرعه وكانها فص ملح وداب واختفت من قدامه

هارون وقف يتلفت حواليه يمين وشمال يشوف هي راحت فين واختفت فين ملقيهاش واقف وهرش في راسه وابتسم يا بنت الايه لا لعبتيها صح وبصياعه اوزعه بس شيطانه يخرب مطنك بقى حته البنت الشبر ونص دي تعلم على المعلم هارون هازولات والله يا جدعان 

ورجع تاني اه شكلي دبست روحي انا شكلي هنا تهت في الحواري دي كلها وهارجعها تاني كعابي الله يقطع ال ولا بلاش 

ابتسم ورجع تاني يلف في كل الشوارع والحواري اللي دخل منها لاكتر من ساعه الا ربع لحد ما قدر يوصل تاني للمكان اللي راكن فيه عربيته كانت رجليه حرفيا وجعته جامد 

اول ما ركب العربيه نفخ اووف دانتي طلعتي نعمه من ربنا وانا مش واخد بالي وساق ورجع على البيت بتعب واترمى على الكنبه هارون اااااه الله يخرب بيتك على بيت اللي عايز يعرفك يا شيخه انا كان ايه اللي بلاني بيكي منا كنت عايش سلطان زماني اجي على اخر الزمن واتبهدل من عيله متجيش لحد كتفي 

هنا طلعت من المطبخ بصيتله باستغراب هارون في ايه يا هارون مالك قاعد كده ليه مرمي زي اللي لا قادر ترفع ايده ولا رجل 

هارون بتعب و ولوله بطريقه كوميديه وانتي بتقولي فيها يا اختي ده انا عايز ميه بملح انقع رجلي فيها اسبوع

هنا بشهقه يا اختي من ايه كفى الله الشر فيه ايه مالك جاي قاطع ميه ونور كده ليه

هارون اسكتي يا اختي اسكتي يا اختي جاي من مشوار علقه لما اتقطع فرطي ورجلي ورمت

هنا بفضول ليه كنت فين كده ما انتا معاك العربيه يبقى مشوار ايه وورمت من إيه 

هارون بكسوف لا ابدا ما فيش متشغليش بالك انتي دانا كنت في مشوار تبع الشغل 

هنا ايوه ماشي ما انا عارفه انه تبع الشغل اومال هايكون ايه يعني بس انا بقولك معاك عربيتك

هارون بتهرب لاء منا كنت فاكر المشوار قريب فقولت اتمشاه وسيبت العربيه عند الشركه وطلع مشوار ما يعلم بيه الا ربنا 

هنا طيب ولما لقيته بعيد مخدتش تاكسي ليه

هارون بصلها بصدمه وغمض عنيه ولنفسه: منك لله يا صدفه الكلب كانت صدفه سوده خليتي دماغي وقفت حتى عن التفكير اني اقدر اتصرف في موقف اهبل زي داه 

هنا وهي بتهزه يا ابني سرحت في ايه

هارون لاء مفيش دانا بس تعبان بقولك ايه انا هاطلع اترمي واتخمد شويه لحسن رجلينا مش حاسس بيها من التعب بعيد عنك وبتنأح عليا

سابها وهو طالع بالعافيه

هنا لا والله الموضوع داه فيه ان وانا الفار بيلعب في عبي ماشي يا هارون 

مسيري اعرف ايه اللي عمال تخبيه وتدسه عني 

طلع هارون وحتى مغيرش هدومه واترمي على السرير زي القتيل 

لحد الصبح صحي وهو رجليه فيها فقاعات ميه 

هاورن بغيظ الله يحرقك يا شيخه هاروح الشركه ازاي دلوقتي ولا هاقدر اللبس اي جزمه يابنت الجزمه في رجلي منك لله يا شيخه

قرر انه يلبس شبشب طبي ونزل بدري قبل ما حد من أخواته يشوفه ويستلموه وصل الشركه وهو مكسوف من نفسه بس عمل نفسه مش واخد باله

مالك دخل عليه مكتبه

هارون بقولك ايه المفروض نروح انهارده شركه الديكور علشان تكلمت الدفعات وكمان نطلع على اللي تم في المشروع 

هارون هزله راسه ببرود: فاكر متشتغلش بالك بلغني قبل الميعاد وهتلاقيني في انتظاركم

مالك وقف باصصله بتردد وهارون عمل نفسه مش واخد باله

مالك غمض عنيه بحزن وطلع 

ووقت الميعاد بعت لهارون نزلو وكل واحد بيركب عربيته لحد ما وصولوا الشركه ودخلو 

مالك بصدمه هارون انتا جاي الشركه بشبشب 

هارون بضيق بس اتكلم ببرود رجليا وجعاني في مشكله 

مالك لا ابدا سلامتك 

هارون الله يسلمك خلينا نشوف اللي ورانا احسن 

دخلو الميتنج روم وصدفه اول ما شافته ابتسمت وضحكت جامد وفضلت تكح لحد ما عنيها دمعت

سامي مالك يا بشمهندسه انتي تعبانه ولا ايه 

صدفه وهي بتحاول تاخد نفسها وتتمالك اعصابها من الضحك لا يا مستر انا تمام بس شكلي شرقت 

هارون بصلها بغيظ وهو كازز على أسنانه بهمس شرقه بغرقه بطلوع روح يا شيخه واخلص منك

رهف وهي قاعده في الجنينه على كرسي هزاز عماله تغلي من الغضب بقى انا حتة واد ميسواش يعمل فيا كده اااه يا ناري بس لاء مش رهف المالكي اللي يتعلم عليها من حتة واد ميسواش 

طلعت دريه وشافتها راحت وقعدت جمبها وبصوت مسرسع مصطنع:ما لك يا رو قاعده كده مش زي عوايدك مش في النادي ولا مع اصحابك 

رهف بضيق: مفيش يا مامي 

دريه: رو انا مش صغيره وانتي مش من عادتك انك تقعدي في البيت اصلا لو في حاجه طول عمرنا بنفكر مع بعض

رهف بحده مفيش يا مامي داخ حته واد ميسواش مضايقني وعايزه انتقم منه واجيب مناخيره الارض

دريه بنفخه: اوووف وبعدين معاكي يا رهف مش كل يوم حكايه احنا مصدقنا ان موضوع ابن الشبراوي عدا على خير بصعوبه وبعد معاناه متنسيش هو كان مين وابن مين وابوه راجل مش سهل وتقيل ولو كان يعرف انتي مين مكانش حصل خير خالص احنا لمينا الموضوع علشان محدش يلمح بس بإسمك ودفعت مبالغ مأهوله علشان ابعد الموضوع عنك فتهدي كده ومش كل حوار شكل انتي بغبائك خسرتي كنز من ايدك كان ممكن يفتحلك ويفتحلنا كل ابواب السلطه والمال والجاه

رهف بلا مبالاه: تؤ داه كان عيل طري مخدش في ايدي يومين انما داه تؤ مش هارتاح الا لما ادمره تصدقي يا مامي داه جه النادي وزعقلي انا رهف هانم اللي الكل بيجري ورايا قدام صحابي وعلا صوته عليا

دريه :او ماي جاد يطلع مين داه هو مش عارف انتي مين وبنت مين ولا ايه 

رهف حته واد مغرور في نفسه وانا مش هاهدا ولا هارتاح الا لما اجيب مناخيره الارض بأي شكل وبأي طريقه وبأي تمن مهما ان كان علشان يعرف ازاي يتعامل مع اسياده 

دريه شو يا بيبي طبعا 

وسكتت دقايق تفكر امممم طيب بصي علشان تضربي ضربتك صح لازم تعرفي دخلته ايه الأول 

رهف بضيف مهو انا مش عارفاله دخله يا مامي انا فكرته زيه زي زياد او شيكو او اي حد عادي يعني هاينبهر بالاهتمام خصوصا لو كان من واحده حلوه وجميله وغنيه زيي 

دريه قصدك ايه 

رهف داه غيرهم خالص يا مامي داه لا فرق معاه شكلي ولا اسمي ولا فلوسي ولا اهتمامي ولا اي حاجه خالص

 لما احترت علشان كده قاعده بفكر على رواقه لانه حاجه كده في عايش في عالم لوحده وأسلوب لوحده 

دريه بصتلها بمكر اممم طيب بصي بقى يا قلب مامي لو هو عايش في دور الادب اوي وماله ندخله من سكه الأدب لو مستشيخ استشيخيله 

رهف بإنصات وإعجاب بتفكير امها وبعدين اعمل ايه

دريه لما الصناره تغمز ويلقط الطعم تجبيه قدام كل اصحابك وشلتك تقوليه معطلكش سوري باردون امك في العش ولا طارت اصلك مش استايلي وترديله القلم عشره 

رهف او يا مامي ايه الجو اللوكل داه احنا ساكنين هنا في افخم كومباوند في مصر مش في الحاره لسه

دريه او على رائيك مش عارفه من كلامك عن الولد داه واسلوبه مش عارفه لساني بقى بيقول حاجات غريبه ليه 

رهف بصتلها وضحكو الاتنين بشر وخبث 

ياترى رهف هاتنجح في خطتها...؟

ياترى هارون هايكون ليه فرصه مع صدفه...؟

ياترى ايه مصير الشراكه بين هارون ومالك ومصطفي...؟

ياترى اللي جاي لسه مخبي ايه تاني ...؟

يتبع

الفصل الثالث والثلاثون

مرت الأيام و تم الإعلان عن بدء مشروع راس الحكمه 

وهارون اصبح اغلب الوقت مشغول ما بين السفر للموقع والشركه وحتى في البيت اصبح كول الوقت معتكف في اوضته على التصميمات

هنا عملت ساندوتشات وكوبايه قهوه وطلعت على اوضه هارون 

هارون جبتي القهوه يا هنا 

هنا بنفخه وهي بتركن الصنيه على المكتب فتحت الستاير وهي بتكح

يا ساتر يارب منك مش ناوي تبطل العاده السوده دي لو مخنوق او مشغول مواركش غير حريقه المحروقه دي يا ابني حرام عليك صحتك انتا مش لاقيها على باب البيت

هارون بتنهيده وهو بياخد كوبايه القهوه اعمل ايه بس يا هنا مضغوط ضغطه ما يعلم بيها الا ربنا 

هنا وهي بتحاول تاخد القهوه من ايده: طيب سيب دي وكلك لقمه تسند قلبك اللي قرب يقف من قله الاكل والنوم وحرق المدعوه اللي جارك دي 

هارون وهو بيدلك دماغه بإيده غصب عني والله يا هنا مهو على يدك اهو سيبي بس القهوه علشان افوق واللحق اخلص التصميم اللي في ايدي 

هنا طيب كل حتى لو ساندوتش واحد ان لبدنك عليك حق يا هارون حرام عليك نفسك 

هارون طيب سبيهم ولما اخلص هاكل لو حسيت بجوع

هنا بزعيق يبقى مش هتاكل انتا ايه حجر مش بتجوع يا اخي في ايه افتكر اننا متعلقين في رقبتك 

هارون يا هنا بالله عليكي يا شيخه مش عايز صوات جاري انا دماغي هاتتفرتك خلقه لوحدها 

هنا مهو طبيعي واحك بيقعد باليومين والتلاته عينه مبيزورهاش النوم ومن قهوه لقهوة لحريقه 

هارون خد ساندوتش وكل من قطمتين خلاص كده اطلعي بقى خليني اخلص الله يخليكي عندي سفر بكره الصبح

هنا بشهقه يالهوووي هاتسوق وانتا منمتش بص بقولك ايه بقى سيب الهباب داه الشغل مش هايطير وريح جتتك اه منا مش مستغنيه عنك 

هارون طيب انا خلاص قربت افنشه

هنا بعند قولت لا يا أما ورحمه امي هاقطعه 

هارون بشخطه هنا بطلي هبل داه شغل ولو اتمس من خط انا اللي هاتمرمط وهاضطر اعيده فأعقلي كده وسبيني اكمل 

هنا بصتله بزعل وحزن وطلعت 

هارون بنفخه: اوووف يا الله اصلها ناقصه هي دلوقتي لما افوق يحلها الحلال  

خلص القهوه وبداء يكمل التصميم واخيرا بعد اكتر من أربع ساعات كان خلصه واترمي زي القتيل على السرير نام كام ساعه وقام الصبح بدري قبل ما اي حد يصحي خد بعضه واخد التصميمات وسافر على الموقع

رقيه وهي قاعده قدام رفعت في الفيلا هو انتا ليه مش عايز تقول لرافت عن المشروع داه ولا بعتله

رفعت ببرود لان اخوكي عمال يوقفلنا المراكب السايره 

رقيه بتأكيد فعلا عندك حق داه كفايه شماته يوم ما خسرنا مشروع المينا البحري 

رفعت فعلا وكمان المشروع داه ضخم واخوكي هايعملنا فيها واعظ وشيخ جامع 

رقيه بغموض مترسيني على الدور هو المشروع داه شمال ولا ايه 

رفعت بنفي تؤ لا خالص داه يمين اليمين كمان اوووي 

رقيه ولما هو يمين مالك قلقان من رافت ليه 

رفعت بتبرير المشروع داه كل معدات من بره طبعا انتي على علم ان مشروع راس الحكمه بداء التنفيذ فيه على أرض الواقع 

رقيه اها عرفت

رفعت دلوقتي اغلب الخامات المستخدمه مستورده انا بقى نويت اني احتكر السوق فيها يعني الخامات والمعدات كل داه هانستورده احنا من بره منا كده ولا كده لازم ينوبني من الحب جانب مش لازم يعدي من تحت ايدي ابدا 

رقيه بتصحيح وهي بتشاور على نفسها وعليه قصدك ينوبنا من الحب جانب اللي ياكل لوحده يزور يا رفعت مش كده ولا ايه

رفعت وانا ايه وانتي ايه محنا كول عمرنا احنا الاتنين واحد 

رقيه ماشي بس مش شايف ان دي مجازفه كبيره اووي كمان 

رفعت بطمع بصي يا رقيه في السوق والبيزنس عندك قلب عندك رزق وهنا بالذات وفي الصفقه دي بالخصوص اللي هاتحطيه هايرجعلك الطاق ميه يعني لو حطيتي مليون هايرجعلك ميت مليون 

رقيه ماشي بس السيوله اللي معانا مش هاتكفي كل داه متنساش اننا لسه خسرانين أكتر من سبعين مليون 

رفعت وانا مش ناوي اسيب الصفقه دي تعدي من تحت ايدي ابدا 

رقيه ماشي معاك مش معترضه بس ناوي على ايه 

رفعت بطمع بداء يلمع ويزغلل عنيه ناوي اخد قرض كبير بضمان الشركات والأصول 

رقيه بقلق يا رفعت مينفعش انتا كدا بتجازف بكل اللي بنيناه السنين اللي فاتت وداه في حد ذاته اكبر غلط 

رفعت بنفي تؤ لا خالص انا عارف انا بعمل ايه

رقيه نفس الكلام داه قولته فب مشروع المينا البحري والنتيجه كانت زفت علينا انما هنا الغطله في مقتل 

رفعت بتوضيح بصي يا رقيه دي كانت مشاريع يعني يا صابت يا خابت انما هنا دي خامات ومعدات والمتوفر في السوق منها قليل مش هايكفي كان شهر على بعض والمشروع زي ما انتي عارفه ضخم وفاتح بطنه بالقوي كمان يعني هايفضل يبلع لحد ما يقول يا بس وانا هنا هوفر المعدات والخامات دي ويبقى نفع واستنفع عرفتي انها مضمونه

رقيه بإقتناع ماشي كلامك كله مظبوط بس انتا ناسي رافت من حسبتك دي وانتا عارف انه هايرفض وفي الوقت نفسه الاعتماد البنكي للقرض مش هايتم الا بتوقيعنا احنا الثلاثه 

رفعت بمكر غمزلها بعينه: تؤ عامل حسابي ومظبطها دي كمان منا قبل اما اتعب نفسي وافكر كنت عامل حساب كل كبيره وصغيره

رقيه بإستغراب ازاي رسيني ناوي على ايه 

رفعت: رافت حريص اوووي واي ورقه جايه من مكتبي او مكتبك بيقرائها كويس اوووي مره واتنين وتلاته قبل ما يوقع عليها

رقيه مش جديد الكلام داه عارفينه من زمن بردوا هاتحلها ازاي 

رفعت الوحيد اللي بيثق فيه رافت الي حد ما هو إبراهيم مسؤل العلاقات العامة 

رقيه اويه وايه علاقته بالحوار داه طول عمره راجل جد ودوغري اوووي يعني مستحيل تقدر تشتريه ولو فكرت بس مجرد تفكير هايروح يفضحك عند رافت 

رفعت بإبتسامه شيطانيه: ومين جاب سيرته بس 

رقيه وبعدين معاك بقى حيرتني مش انتا اللي لسه بتقول هو الوحيد اللي اخوك بيثق فيه 

رفعت فعلا قولت كده بس لو صبرتي هاتفهمي انا ماليش علاقه بيه اللي هاتحل الموضوع السكرتيره بتاعته انا ظبطها بقرشين وهتاخد الورق وتحطه وسط الورق اللي رايح بيه لرافت ورافت معاه بالذات بيوقع عمياني ولما يرجع هاتتصرف وتاخد الورق وتجيبهولي تاني

رقيه كل داه تمام بس نسيت اهم حاجه الكاميرات اللي ماليه الشركه ورافت مش اهبل ول اكتشف الموضوع سهل يثبته علينا

رفعت بسخريه حتى دي معمول حسابها كل داه هايتم وقت صيانه السيستم الامنى للشركه 

رقيه بعنين مبرقه يخربيك انتا دماغك دي فيها ايه شيطان قاعد جوه منها

رفعت الشغل عايز شياطين الارض وتحت الارض معاكي كمان 

رقيه ايوه بس مش بالشكل داه دانتا كده دماغك تخوف

رفعت بطمانه مع الكل اه معاكي انتي بالذات لاء لان انا وانتي وماشيين في طريق واحد وعارفين دماغ بعض فمستحيل حد منا يفكر يغدر بالتاني 

رقيه هزت رأسها وسكتت

مرت الايام ورفعت قدم طلب للبنك بقرض بضمان كل الأصول والشركات وقدم كل الأوراق المطلوبه وبعلاقاته وعلاقات رقيه سهلو الموضوع 

رفعت اتصل بالسكرتيره وانتظرها خارج الشركه 

سماح: اؤمر يا رفعت بيه 

رفعت طلع ورق من جيب البدله داه الورق المطلوب 

سماح: تمام يا باشا بكره او بعده بالكتير هايكون عندك

رفعت لاء بعد اربع ايام تحطيه في الورق اللي رايح عند رافت

سماح امرك يا باشا 

سماح فضلت منتظره الوقت لحد ما جه الميعاد دخلت مكتب إبراهيم 

مستر إبراهيم داه الملف اللي حضرتك طلبته 

إبراهيم اخده منها وفتحه وبداء يقلب فيه 

تمام يا سماح في حاجه تانيه

قبل ما ترد جاله مكالمه تليفون رد واتحرك من مكانه كام خطوه  

سماح استغلت انشغاله وطلعت الورق بسرعه من تحت التيشرت وحطته وسط الملف اللي رايح بيه لرافت وظبطت نفسها في وقفتها

إبراهيم معلش كلنت مكالمه في حاجه تاني 

سماح:اه رافت بيه بعت لحضرتك 

إبراهيم وهو بياخد الملف تمام انا رايحلهوصل إبراهيم مكتب رافت وسلمه الملف 

رافت بإطمئنان لامانه إبراهيم وقع الملف بسرعه 

إبراهيم اخد الملف ورجع مكتبه

سماح دخلت وراه بسرعه

ابرهيم بإستغراب في حاجه يا سماح

سماح اه مدام رقيه عايزه حضرتك 

إبراهيم حط الملف على المكتب وطلع 

وسماح دخلت بعده اخدت الورق وحطته في شنطتها 

واخر اليوم قابلت رفعت في نفس المكان

سماح: اتفضل يا باشا 

رفعت فتحوالورق وبص فيه بإبتسامه نصر وخبث في نفس الوقت طلع شيك ومده ليها: وداه حقك مش خساره فيكي 

سماح خطفت الشيك وبصت فيه بإبتسامه واسعه من يد ما نعدمها يا باشا تؤمر في اي وقت وانا انفذ 

رفعت ماشي يا سماح ومش محتاج أأكد عليكي انتي لا شوفتيني ولا تعرفي عن الموضوع حاجه

سماح وهي بتشاور على بوقها وعنيها وودانها انا خرسا و وعميا وطرشه يعني اطمن وطمن قلبك يا باشا وحط في بطنك شادر بطيخ صيفي كمان

رفعت هز راسه وركب عربيه ومشي

رفعت خد الورق وعقود ملكيه الشركات والأصول والعقارات وراح قدمه للبنك هو ورقيه وتم اعتماد القرض وخلال 48 ساعه كان نزل مبلغ القرض اللي بيتجاوز مئات الملايين في الحساب المشترك بين رقيه ورفعت

رقيه ها يا رفعت ناوي تعمل ايه دلوقتي كده الفلوس بقت معانا

رفعت انا اوريدي بدات انا تواصلت مع الشركات بره مصر واتفقت على اكبر كميه ممكنه وحجزت كمان مركب شحن كامله وهيبعتو مسؤول من عندهم علشان تكمله الاجراءات هنا في مصر ظبطت الدنيا ان احنا هنقابله في اوتيل بره هنوقع العقود وهعمل تحويل المالي مباشر وبمجرد ما يتم التحويل خلال 15 يوم هيبدا الشحن لمصر يعني في خلال بتاع شهر العبي في حسبه شهر او شهر ونص بالكتير وتكون البضاعه وصلت مصر بالسلامه

رقيه كل كلامك ده تمام بس حضرتك ظبطت مع الجمارك في مصر ولا نسيتها

رفعت لا معمول حسابها مش انا قلت لك قبل كده ان انا عامل حساب كل كبيره وصغيره مظبط الجمارك ميه ميه اول ما توصل البضاعه هاتكون عربياتنا مستنياها ومنها على المخازن ومن المخازن على السوق ومن السوق

تلم حقها وترجعلنا تاني الفلوس 

رقيه بس حاول تلم بدري بدري اول دفعه من القرض لازم تتسدد خلال تلات شهور 

رفعت قبل التلات شهور هايكون كل القرض مدفوع بالفوايد كمان 

رقيه بطمع حلو اووي طيب والمكسب

رفعت بطمعه موازي التلت ليكي والتلتين ليان

رقيه بشر ليه ان شاء الله المكسب فيفتي فيفتي

رفعت بحده ليه ان شاء الله انا اللي لفيت وانا اللي دورت وانا اللي اتبهدلت وانا اللي تواصلت معاهم وانا اللي عملت اللفه دي كلها وكعيت من مالي ومن جيبي للسكرتيره عشان اضمن توقيع رافت وانت جايه عايزه تاخدي نص المكسب جاهز مجهز ده حتى يبقى حرام عليا مش حرام عليك انتي بس

رقيه ببرود والله انا قلت اللي عندي عاجبك اوكي مش عاجبك ههد المعبد على اللي فيه

رفعت بكزة سنان يا رقيه التلت

 ماهواش قليل انت بتلعبي في حسبه اكتر من 200 مليون

رقيه وماله لما يبقى 300 ولا 400 مليون كمان البحر يحب الزياده واللي ياكل لوحده يزور ولا اي

رفعت ما هو لو اللي ياكل لوحده يزور فاللي يبص بعينه يعور ما هي مش ناس تجري وتتبهدل وناس تيجي تلم المكسب على الجاهز 

فخلينا حلوين مع بعض يا رقيه طول ما العجله دايره طول ما السوق شغال طول ما الفلوس بتجري في ايدينا رايح راجع فخلينا مع بعض كده حلوين

رقيه غمضت عينيها بتفكير اممممم طيب بص اخر كلام عندي 40% ومش هتنازل عن قرش منهم

رفعت بضيق ماشي يا رقيه بس خليكي فاكره

رقيه بتريقه لا فاكره اوعى تكون انت بس اللي نسيت

كل خطوه تمت تحت عين ماهر اللي واقف ليهم بالمرصاد لحد ما اتاكد انهم فعلا دفعو كل الفلوس اللي معاهم ابتسم بشر واتصل بهاورن

ماهر ازيك يا بشمهندس 

هارون تمام الحمد لله خير يا ماهر بيه اتصالك بيا دلوقتي بيقول ان فيه حاجه

ماهر يعجبني ذكائك بص عايزك عندي في الشركه حالا سيب كل اللي في ايدك وتعالى بسرعه على ما اتصل بنصر ييجي هو كمان

هارون بقلق :خير في جديد ولا ايه

ماهر طبعا في كل جديد ان ما كانش الجديد عندي يبقى عند مين المهم زي ما قلت لك كده سيب كل اللي في ايدك وفي ظرف نص ساعه ساعه اقصاها تبقى عندي في الشركه

هارون طيب ما نتقابل بره

ماهر بطمانه طمن قلبك وعقلك يا باشمهندس احنا بنشتغل مع بعض فطبيعي انك تيجي عندي او انا اجي عندك بس اللي مش طبيعي ومش ولد ان احنا الثلاثه نتقابل بره ولا ايه ما تخليش فكرتي عنك تتغير واقول ان ذكائك خانك المرادي

هارون ماشي ساعه وهتلاقيني عندك

قفل مكتبه بسرعه على التصميمات اللي فيه ونزل راكب عربيته وساق بسرعه رهيبه وصل شركه الشبراوي في اقل من ساعه الا ربع دخل وطلع مكتبه مباشره كان سايب خبر للسكرتيره اول ما وصل دخل كان ماهر ونصر في انتظاره

هارون قعدوا بص لهم هم الاثنين بحيره خير جايبيني على ملا وشي وسبت اللي ورايا واللي قدامي اتمنى اللي عندك يكون يستحق فعلا ان انا اسيب شغلي وحالي ومالي واجي على ملا وشي

ماهر بعنين مليانه شر لا يستحق ويستحق قوي قوي كمان يا هارون

هارون بإنصات وتركيز هات اللي عندك

ماهر اسمع يا عم بقى اللي عندي اعمامك خدوا قرض من البنك بقيمه 500 مليون جنيه بضمان الاصول والشركات ودخلوا بيه صفقه كبيره هيستوردوا بيها معدات وخامات لمشروع راس الحكمه من بره بالمعنى الاصح عايزين يكوشوا على السوق كله في جيبهم 

هارون بنظره غامضه وغريبه محدش منهم قدر يفهمها وانت ناوي على ايه

ماهر وعينيه بصه بثبات لهارون بص يا باشمهندس الوقت اللي فات انا كنت عماله اوقع لهم مناقصات من تحت لتحت كده وانا قاعد تقدر تقول عامل زي طبق التسالي اللي بتقعد تقزقز فيه وقت فضا حاجه كده فتح شهيه زي طبق المقبلات اللي بيجي لك قبل الاكل انما ده بقى بالذات هو الوجبه الدسمه 

هارون عجبني التشبيه بس عايزه اعرف برده انت ناوي على ايه رسيني على اللي في دماغك مره واحده ماهر بقلبة عين تؤ تؤ تؤ لا كده عيب على دماغك قوي يا باشمهندس دانتا حتى بتلقطها وهي طايره 

هارون بثقه لا يا ماهر بيه انا فاهم قصدك كويس قوي ولقطها حتى من قبل ما تطير انا بسال اللي في دماغك انت ايه ناوي تعمل معاهم ايه هاتوقعهم ازاي وكيف كده سؤالي اظن بقى واضح قوي وبصفه مباشره كمان يا عم

ماهر بتوضيح وهو بيحرك ايديه وكانه بيقسم مقطوعه موسيقيه بص يا باشمهندس دلوقتي هما لو خسروا الصفقه دي هتبقى الضربه في مقتل لانهم هيبقى خسروا كل اللي يملكوه وكل اللي جمعوه في سنين عمرهم اللي فاتت وكل اللي بنوه هيتهدوا فوق راسهم ويدفنوا من تحت منه كمان 

هارون مط شفايفه ورفع حواجبه كلامك مظبوط وحقيقي 100% بس هتقدر تعمل دي ازاي هو ده مربط الفرس 

ماهر لا عيب يا باشمهندس انا سبق وقلتلك علاقاتي

بمقاطعه عارف علاقاتك وحكاياتك وحواراتك كل الرغي ده انا عارفه انا بسال خطواتك هتمشي ازاي علشان ما امشيش وراك عمياني لاني بحب اخطي رجلي على أرض ثابته وصلبه بالقوي كمان 

ماشي يا باشمهندس بص بقى اول هام حبايبي كتير ومليون من يتمنى يخدم بس اول ما اشاور بصباعي كل اللي عليهم انهم هيعطلولهم المراكب السايره من هناك 

هارون بحرقه وضح اكتر احب افهم بأقل اقل التفاصيل خد وقتك معانا الوقت كتير اوووي مش هاييجي اكتر من الوقت اللي فات 

ماهر وهو كذلك المركب اللي هناك هتتعطل وتقف في المينا ومش هتتحرك ولا تتتعتع منه خدلك في وشك كام شهر 

هارون ماشي بس احنا كده هنستفاد ايه طب ما هي كده كده البضاعه مسيرها هاتيجي مصر وتدخل البلد

ماهر لا اصبر عليا يا باشمهندس شكلك كده ما كنتش مركز من البدايه انا 

قلتلك ان هما خدوا قرض بضمان الاصول والشركات وكل ما يملكو يعني البنك يوم ما يضربهم الدم بيدي مهله ثلاث شهور لتسديد اول دفعه وهما كده مبقاش حيلتهم حاجه علشان يدفعوه ويسدوه

هارون تمام بس كده مش هتبقى خساير للناس كمان اللي بضيعهم على المركب اللي هناك ما اظنش انه من العدل ان في ناس بريئه تتاذي لمجرد ان انا عايزه اضرب حد او اجيب حقي من حد

ماهر ما تقلقش يا باشمهندس حاجه زي كده اكيد مش هتفوت عليا فاطمن خالص لان المركب دي كلها بكل اللي عليها من بضاعه عمك حاجزها ليهم مخصوص وانا كل اللي عليا ان انا هاديهم الجرين لاين يوقفوا المركب هناك لمده تلات شهور وبعد الثلاث شهور تتحرك في طريقها لمصر في رابع شهر كده هيكون مده المهله بتاع البنك خلصت والبنك هايضطر يحجز على كل ممتلكاتهم

هارون طيب مهم بردوا بعلاقاتهم سهل يجدولو مع البنك ويسددوا لما البضاعه تيجي مصر 

ماهر حتى دي كمان معمول حسابها قبل ما تسال هقول لك ازاي المركب هتيجي هنا مصر هتقف في الجمرك كمان شهرين وبعدها حته ورقه حبايبنا هيظبطوها ان البضاعه لا تصلح للاستهلاك وهيتم مصادرتها علشان تتعدم 

هارون بس البضاعه سليمه ازاي هتتعدم 

ماهر لا ما هي مش هتتعدم البضاعه دي كادوه مني ليك تقدر تقول حقك ورجعلك بعد سنين شفت انا جدع معك ازاي 

هارون بصله بذهول ولاول مره يحس انه عجز عن النطق

ماهر هيا باشمهندس اظن ملعوبه صح وصح الصح كمان

هارون واقف ورفع ايديه الاثنين وسقف بصوت عالي لا بجد احييك وارفعلك القبعه وانحني قدام ذكائك كمان دماغك دي سم مصفي

ماهر وهو كاذذ على اسنانه وعينيه كتله من الشر طبعا يا ابني ده انا قلتلك ده تار ومش تار اي حد ده تار ابني وانا التار عندي ما بسيبهوش ولو على رقبتي ومش حته عيله في عيله سايبه كلهم شويه حراميه ولمامه يعلموا على ابن ماهر الشبراوي ده انا ادفنهم واخد عزاهم بدم بارد واترحم عليهم كمان كانوا فاكرين بغبائهم انهم عفوا يداروا واني مش هاعرف اديني عرفت وهادفعهم كلهم التمن غالي اوووي 

هارون وهو بيسقف له وبيلف حوالين نفسه يااااااه ده لو حصل كل نار الانتقام السنين اللي فاتت دي هتبقى بردت في ثانيه 

نصر وقف قدامه بابتسامه ومسكوا من كتافه الاثنين هيحصل مدام احنا في ظهرك ومدام قلنا والكلمه طلعت من بقنا اعلم وادرا وابصم كمان وراها انها هتحصل

هاروني طالما في حضنه وغمض عينيه بارتياح وكانه جبل الهموم اللي على كتافه من سنين طويله بدا ينزاح

هارون طلع من حضن نصر وقعد تاني وبص لماهر وعنيه ميكس غريب ما بين راحه وشر وانتقام وحقد وكان كل الماضي اتفتحت أبوابه من تاني قدامه تمام معاك وبلغني كل اللي بيحصل اول بأول مش عايز اي تفصيله مهما ان كانت صغيره تغيب عني عايز ناري اللي شغلت وقادت سنين تحرق في قلبي وفي روحي تطفي وانا بسمع واتفرج عليهم وهي بتحرقهم واحده واحده وان عدل ربنا وقصاصه بداء فيهم 

ماهر بإبتسامه اكيد هايحصل ولو عايزه صوت وصوره كمان تؤمر بس وانا هاعملها بمنتهى السهوله

هارون لاء داه كده يبقى كتير اوووي عليا 

نصر لا مفيش حاجه تكتر عليك

هارون ماشي

وصلت الاخبار لرفعت بوقوف المركب في الميناء الاجنبي رفعت اتحرك بجنون وبدا في سلسله اتصالات ما بتنتهيش بكل معارفه و استخدم كل نفوذه وعلاقاته ولكن فشل فشل زريع

رقيه بجنون وهي بتصرخ بهيستريا يعني ايه يعني تعب السنين ده كله اتهد من تحت راسك انت بتقول ايه انت عارف ده معنى ايه معنى ان كل حاجه خسرناها خسرنا كل حاجه يا رفعت بغبائك وطمعك.

رفعت اترمى على الكرسي المكتب بانهيار انا هتجنن يا رقيه انا مش عارف ازاي ده حصل كل حاجه كانت ماشيه صح في حد ليه يد في اللي بيحصل مهو مش طبيعي وقوف المراكب بدون سبب 

رقيه انا ما ليش دعوه بكل ده لازم نحلها مع البنك كلها ايام والبنك يحجز علينا

دخل عليهم رافت زق باب المكتب بحده سكعه في الحيط وبصوت سمع كل اللي في الشركه انا عايزه افهم انتوا عملتوا ايه بالظبط من ورايا وازاي قدرته تاخدوا قرض وانا ما وقعتش على اي حاجه اعملوا حسابكم انتم الجوز ان انا هطعن بالتزوير على كل الاجراءات اللي تمت وهسجنك يا رقيه انت والشيطان اللي وراكي

رقيه قعدت بتضحك بتهكم وسخريه اطعن يا رافت يمكن تعرف ترجع حاجه من اللي اخوك الاهبل ضيعها

رافت معناه الكلام ده انا مش فاهم حد منكم يرد عليا

رقيه معناها ان توقيعك يا بيبي على الورق صحيح مش مزور

رافت بجنون ازاي ازاي وانا ما مضتش ولا رحت معاكوا البنك انتوا عملتوا كده ازاي

رقيه بضحك عاليه مجلجله مش مهم ازاي المهم انه حصل وان احنا خسرنا كل حاجه كل حاجه يا رافت ضاعت

رفعت سابهم بجنون ورجع مكتبه بدا يشغل كاميرات السيستم كلها ولسوء حظهم ان صيانه السيستم كانت اتعملت قبلها بيوم بدون معرفه او رقيه وشاف كل اللي تم 

رافت خبط على المكتب بجنون يا اولاد ال ازاي ازي قدروا يغفلوني معناه ايه معناه اني فشلت وغمض عنيه بتعب وحرقه

يا ترى رفعت هايقدر يحلها ولا هايفشل…؟

ياترى هارون أخيرا حقه هايرجع ولا للقدر رأي تاني…؟

يا ترى رافت فشل في ايه…..؟

يا ترى اللي جاي مخبي ايه تاني…؟

يتبع

الفصل الرابع والثلاثون

اضطر رافت يقعد في اجتماع مع رقيه ورفعت كل واحد منهم قاعد في مكان بعيد عن التاني تماما 

رقيه بحده وهي باصه لرفعت بنفكر احنا لازم نتصرف قبل ما البنك يحجز علينا وسمعتنا تتدمر في السوق 

رافت بوجع ونبره محمله بكل معاني الأسى وداه هانعمله ازاي وكل اللي باقي من مهله البنك اقل من 48 ساعه 

رفعت هانروح كلنا مع بعض ونحاول نجدول القرض واكيد هنلاقي حل 

رافت ازاي وحضرتك سحبت كل السيوله ولا هانضرب الارض تطلع فلوس

رفعت بتوضيح لاء ممكن ناجل الدفعه الأولى أو ناخد قرض نسدد منه الدفعه الأولى لحين وصول المركب ووقتها كل حاجه هاتتحل

رافت بضحكه سخريه وداه ازي حضرتك خدت القرض بضمان كل الأصول يعني مفيش اي ضمان ممكن نقدمه تاني للبنك ولا حضرتك نسيت عملتك السوده 

رفعت بص لرقيه بتردد 

رقيه قول اللي عندك على طول احنا قاعدين علشان نلاقي حل للكارثه اللي انتا وقعتنا كلنا فيها مش علشان نقعد نبص ونتامل في بعض 

رفعت هو في حل يعني احنا ممكن ناخد القرض وندفع زي اللي بيدفعوا ونبقى ضربنا عصفورين بحجر سددنا الدفعه الاولى

وحلينا الازمه لحين وصول المركب وبعد كده نقدر نسدد القرضين مع بعض من المكسب

رقيه لا فهمني كده بالراحه وواحده واحده قصدك ايه بكلامك داه 

رافت قام منطور من مكانه بعصبيه انتا ايه يا اخي مشبعتش وساخه وشغل عوج وبص لرقيه بحده وص ت عللي وهو بيشاور على رفعت البيه قصده ان احنا نقدم على قرض بدون ضمان وندفع من تحت التربيزه رشاوي يعني لو قدمنا على القرض 100 مليون حضرتك هتاخديه 70 او 80 مليون عشان من غير ضمان فهمتي يا محاميه يا استاذه القانون البيه قصده ايه لسه شغال لف ودوران متعظش من اللي حصله داه كله ولا الهباب اللي عم علينا كلنا 

رقيه بتفكير وتجاهلت كل كلام رافت وكأنه لم يكن طب وهو ده ممكن ينفع ونقدر نعمله يعني ازاي بالظبط عرفني 

رافت بجنون انتوا بتفكروا في ايه بدل ما تبقى كارثه هتبقى كوارث انا مش موافق على كل العك اللي انتوا بتقولوه داه ولا بتعملوا ولا اشتركت ولا هشارك فيه عشان بس تعملوا حسابكم 

رفعت بمحاوله لكسب استعطاف رافت ورقيه : يا رافت احنا لو معملناش كده هنخسر كل حاجه انا بقول ده بس مجرد حل مؤقت لحد ما المركب توصل مصر وعلى ما توصل الباقي هيكون سهل احنا هنا لينا علاقات قويه نقدر نمشي بيها الظنيا انما هناك

 ملناش علاقات ولا لينا كلمه عليهم الا بتدخل حكومات ودي حلني بقى على ما تقدر تاخد فيها اجراءات الا بعد وقت تمون الدنيا خربت اكتر ما هي خربانه اصلا 

رافت هز راسه برافض ما يخصنيش وماليش دعوه بكل اللي انتا بتقول عليه داه واعمل حسابك انتا وهي اللي انت بتقوله ده لو حصل انا اللي هبلغ عنكم وعنهم بنفسي فاهم 

وسابهم وطلع وهو مخنوق ومش طايق نفسه من مدي بشاعه وطمع أخواته 

مر اليومين ورافت رافض رفض قطعي برغم محاولات رقيه ورفعت لاقناعه 

والبنك بعت إنذار بالحجز عليهم 

رقيه خدت الإنذار وراحت لرافت المكتب ودخلت عليه وهي كلها امل فيه: ارجوك يا رافت احنا لازم نتصرف بسرعه 

رافت ايوه اتصرف اعمل ايه دلوقتي ما انتوا اللي عكيتوها واللي كان كان جايين تقولولي اتصرف بعد ايه بعد خراب مالطا 

رقيه لا عايزينك تيجي معانا البنك ونشوف هنعرف نحلها ونجدولها ازاي ما تنساش ان برده لسه في مشاريع في السوق ممكن نقدر نلم منها السيوله نسدد اول دفعه لحد ما المركب توصل

رافت بنفخه حاضر يا رقيه انا جاي معاكم لما اشوف اخرتها معاكم ايه يلا بينا 

سحب جاكيت البدله بتاعه من على الكرسي ولبسه ونزلوا كلهم وراحوا البنك مع بعض

دخلوا الثلاثه مباشره لمدير البنك

رفعت يا محمود بيه احنا جايين النهارده وعشمانين في حضرتك اننا نلاقي الموافقه منك احنا عايزين نجدول القرض او ناجل اول دفعه بس حتى ولو شهرين

محمود والله يا رفعت بيه انا ما اقدرش اخد القرار ده لوحدي على العموم انا هشوف اعضاء مجلس الاداره وهارفع الموضوع ولو وافقوا وانا هحاول معاهم برده هبلغ حضرتك 

رفعت ما ينفعش ما يوافقوش او اتمكنت انا جاي وكل املي في حضرتك وما تنساش احنا برده شركات كبيره ولينا اسمنا في السوق واسمنا لوحده كفيل ان يكون ضامن

محمود طبعا انا عارف كل الكلام ده بس برده دي اجراءات بنك انا ما اقدرش اتخطاها ولا اتجاوزها حضرتك كده تبقى بتاذيني وبتضرني

رافت لا يا محمود بيه احنا اكيد ما نقبلكش الضرر ولا الاذى ليك احنا بنحاول نلاقي حل وسط علشان نسدد فلوس البنك وفي الوقت نفسهم نحافظ على اسمنا وسمعتنا في السوق لان احنا تعاملاتنا مع البنك عند حضرتك مش قليله احنا بنتعامل بمئات الملايين يعني مبلغ زي ده انت عارف ان كده كده احنا هنسدده

محمود طبعا عارف يا رافت بيه والله سمعتهم طول عمرها زي الفل وطول عمركم تعاملاتكم معانا كويسه جدا وبص لرفعت بتذكر هو انا عندي بس استفسار بسيط ليك يا رفعت بيه

ممكن يحل الموضوع بسهوله كمان

رفعت بلهفه خير يا محمود بيه ايه هو قول بسرعه لو كان فيه الحل 

محمود هو حضرتك تقرب للباشمهندس هارون المالكي

رفعت بهزه راس ابو محاوله تذكر قصدك على مين بالظبط

محمود الباشمهندس هارون صاحب شركات MHM داه مشهور جدا واسمه اشهر من نار على علم 

رقيه ايوه وايه علاقته بينا يعني مش فاهمه انت عايز توصل لايه يا محمود بيه يا ريت تقولنا على طول من فضلك ممكن يحل الازمه دي ازاي لان انتا شايف الموقف لا يحتمل اي لعب بالاعصاب 

محمود انا اقصد يا فندم ان هو لو لكم صله بيه خصوصا مع تشابه الاسماء ان هو ممكن يضمنكم هنا في البنك وسيوله شركاته معلش ممكن تغطي قيمه القرض بتاعكم بمراحل وزياده 

كلهم بصوا لبعض بصدمه وكان اول واحد فاق منها هو رافت قصدك هارون مين وتشابه ايه داه اللي حضرتك بتتكلم عنه

محمود وهو بيعمل سيرش على اللاب توب اللي قدامه عدل نضارته 

اسمه هارون احمد شافع المالكي ده ما فيش حد في مصر كلها ما يعرفوش صاحب البرج الايقوني وشركته اللي ماسكه مشروع راس الحكمه مع شركات الشبراوي جروب والورداني جروب على ما اتذكر لان اعتمادهم البنكي هنا عندنا ودول تعاملاتهم معوبعض بالمليارات 

رفعت بص لرقيه بصدمه ورافت بص للاثنين وهو مذهول بس قدر يتملك اعصابه علشان محدش يشك فيهم

وبص لمحمود تمام يا محمود بيه هنشوف وبرده حضرتك هننتظر ردك في موضوع جدوله القرض زي ما قولنا نستاذن احنا

طلعوا الثلاثه وكل واحد منهم واخد اكبر صدمه في عمره مش عارف يستوعبها ولا قادرين يفوقوا منها لحد ما روحوا وكل واحد منهم شارد في وادي وبيحاول يصدق اللي سمعوه مهو مش معقول مجرد تشابه أسماء رباعي 

والكل أجزم ان هو هارون ابن اخوهم اللي رموه من سنين 

رافت دخل بيته وهو شارد وقعد على الكنبه وعنيه ثابته على الحيطه قدامه وهمس لنفسه ياه معقوله السنين عدت وجريت ولفت بسرعه قوي كده وابن احمد ربنا كرمه وابتسم براحه ياااااه على كرمك يا رب عشت طول عمري شايل همهم وانت كنت احن عليهم مني وكرمك عليهم اكبر من اي حد يارب وغمض عنيه براحه الحمد لله يارب 

رفعت روح مع رقيه الفيلا بتاعتها ودخلوا قعدوا قدام بعض

رفعت بص لرقيه وهو ليه على صدمته معقوله اللي احنا سمعناه ده يا رقيه بقى ابن صابره هو صاحب الشركات اللي واكله السوق البلطجي الصايع بقى بيزنس مان بيتعمله الف حساب 

رقيه سيبك من كل العبط اللي انتا عمال بتقوله ده دلوقتي المفروض نفكر هنعمل ايه مع الواد ده علشان نحل موضوع البنك 

رفعت ازاي بقى والاكيد ان الولد ده مش هيقبل يساعدنا اصلا ده هيقف يتفرج ويشمت فينا دي فرصته وجاتله لحد عنده 

رقيه يبقى لازم نفكر ونخطط بسرعه ازاي نضمنه في ايدينا باي طريقه لان الوقت مش في صالحنا خالص 

رفعت بصلها بعينين بتلمع وفرقع بصوابعه في فكره خطرت في بالي ولو صابت يبقى ضربنا اكتر من عصفور بحجر واحد في نفس الوقت.

رقيه بصتله بفضول طيب ما تقولي ايه اللي جاه في دماغك يا رفعت احنا طول عمرنا مع بعض وانت اللي عكتنا في العكه دي والوحله دي من الاول فيا ريت تتكلم دوغري بقى كده وبسرعه علشان ايه الوقت مش هيساعدنا خالص لازم الكلام يبقى على المكشوف

يمكن اقدر اساعدك فيه والاقيلك حل كمان ليه متنساش ان دماغي مش سهله بردوا 

رفعت بصي اللي في دماغي يا رقيه لو اتنفذ صح هنكسب من كل ناحية اولها ان احنا هنسد دينا للبنك والثاني ان احنا نقدر نرجع عيالنا لحضننا تاني وتالتها اننا نضمن السوق كله في ايدينا ونبلعه كمان واحنا مطمنينن 

رقيه بحنين ياه تفتكر ينفع يا رفعت بعد ما مرت السنين دي كلها 

رفعت اه هينفع يا رقيه وينفع بالقوي كمان

رقيه اتعدلت في قعدتها: لاء افهم بقى اللي في دماغك 

رفعت تؤ هفهمك بعدين 

رقيه بحده رفعت اخلص ما انا مش هسمح لك توحلنا واحله انيل من اللي احنا فيها اصلا فأنجز وخلي الكلام بينا على المكشوف مش هاشحته منك شحاته فاهم 

رفعت بنفخه حاضر يا رقيه منا عارفك مش هاتنزلى من على دماغي انهاره الا لما تعرفي بصي انتي مش قلتي ان انتي عارفه طريق العيال

رقيه ايوه قاعدين في شقتي انا وعماد الله يرحمه اللي في مصر القديمه

رفعت كده حلوه قوي انا هبعت حد من معارفي او حبايبنا اللي في السوق ياخد ميعاد مع مع ابن احمد اخوكي وهو في الاول وفي الاخر ابن اخونا والضفر عمره ما يطلع من اللحم 

رقيه بتريقه لا والله وده من امتى ده بص يا رفعت الكلام ده تروح تضحك وتلعب بيه على حد تاني غيري ماشي خلي كلامك معايا على المكشوف 

رفعت بصي يا رقيه اللي هيفيدنا اوي وينفعنا مع العيال هو رافت لا انا ولا انتى خالص 

رقيه مش فاهمه اشمعنى رافت بالذات وانت عارف انه اكتر واحد هيرفض 

رفعت يبقى ما فهمتيش اللي في دماغي يا رقيه انا بقول لك مع العيال مش مع ابن اخوك العيال طول عمرهم بيحبوا رافت وبيحترموه وبيعتبروه كبيرهم وقدوه ليهم وليه كلمه مسموعه عليهم وبيعرف يقنعهم باللي عايزه يعني تقدري تقولي عارف وحافظ دماغهم 

رقيه تمام عارفه الكلام ده كله برده هيفيدنا بايه رافت دلوقتي احنا بنتكلم على اولاد احمد مش عيالنا احنا 

رفعت تعالي معايا عند اخوكي ونتكلم كلنا هناك وانتي هتفهمي بس عايزك تسانديني وتساعديني وتامني على كلامي اللي هقول عليه مهما ان كان 

رقيه ماشي ولو اني ما بحبش ان انا امشي عمياني بس خليني معاك لحد الاخر لما نشوف دماغك دي فهيا ايه وهاتودينا بيها لحد فين تاني 

طلعو وراحوا فيلا رافت 

دخلو وقعدوا قدامه 

رافت خير جايينلي مع بعض بربطه المعلم كده ليه

رفعت بصله بكسوف مصطنع انت ناوي على ايه مع ابن اخوك يا رافت.

رافت بابتسامه ما تجاوزتش حدود شفايفه يااااااه دلوقتي بقى ابن اخوك ما انتوا طول عمركم بتقولوا عليه ابن صابره ايه اللي جد في الدنيا يا اولاد

رفعت مش يمكن آن الاوان ان احنا يتلم شملنا ونتجمع من تاني 

رافت بصله سنده راسه على ايده بقولك ايه يا رفعت بلاش لف ودوران وهات من الاخر اصله محليش دلوقتي في عينك الا لما عرفت ان بقى معاه فلوس فهات اخرك معايا واتكلم دوغري

رفعت لا والله انت ظالمني يا رافت انا عايز الم الشمل ونويت واسال حتى اختك اني عايز ارجعلهم حقهم 

وبيني وبينك العيال كلهم وحشوني قوي وسراج فراقه مقطع قلبي 

رافت والنبي ايه ومن امتى الكلام ده والعيال غايبين بقى لهم اكتر من سنتين افتكرتهم دلوقتي بعد ما مر الوقت ده كله كان فين كلامك ده قبل كده وانتا بتقول بكره ييجوا لما يتبهدلو 

يا ريت تتكلم عن المكشوف احسن يا رفعت وبلاش اللف والدوران والوش اللي انت لابسه لانه مش لايق عليك خالص ولا انا بالغباء اللي مصورهولك عقلك عشان يخليني اصدق البقين اللي انت جاي تطرشهم في وشي دول داه اللي ربى خير من اللي اشترى واحنا كلنا عارفين بعض كويس اوووي

رفعت والله ابدا يا رافت طيب بص انا هجيبهالك كده واحده واحده كل اللي عليك ان انت تحاول تلين قلب العيال وتعزمهم وتجيبهم هنا وانا هتواصل مع ولاد اخوك ويا سيدي الكلام هيبقى قدام الكل وما حدش هيطلع من القاعده دي الا و كله راضي ومرتضي كمان ما تنساش انهم في الاول وفي الاخر ولاد اخونا واحنا اعمامهم والضفر عمره ما يطلع من اللحم.

رفعت يا راجل قول كلام غير ده اومال زمان ليه الظفر طلع من اللحمه ورميتوه على طول دراعكم لما رميتوا ولاد اخوكم ومراته في الشارع من غير ما يرفلكم جفن حتى ولا تفكروا حتى في عضم التربه 

رفعت يا رافت احنا بنحاول نلاقي حل يرضي الكل فبالله عليك بلاش تقلب وتنبش في اللي فات خلينا في الوقت الحالي علشان منوجعش بعض

رافت واقف منطور بحده بص بقى انت اختك علشان انا قاريكم وحافظكم كويس قوي وانا مش هاقبل ولا هسمحلكم ان انتم تستغلوا اولاد احمد ثاني كفايه اللي انتوا كوشتوا عليه واخذتوه منهم اولاني 

رقيه بلويه بق وهو احنا كنا خدنا منهم ايه اولاني يا حسره 

رافت بص لها بحده وبغيظ لا يا رقيه خدته منهم كثير اوووي اخدتوا منهم كل حاجه وما سيبتلهمش اي حاجه من مالهم لبيتهم حتى حياتهم فخلي الطابق مستور احسن فاهمه

رقيه قررت ان هي تلعب على الوتر الحساس وبدموع تماسيح نزلت من عينيها ايه يا رافت هو انت عيالك 

موحشكش طب انت لو عيالك 

موحشكش انا عيالي وحشوني ووحشوني قوي يا رافت انا مالحقتش اشبع منهم واتحرمت منهم طول عمري 

رافت بتهكم لا واضح كلامك قوي يا رقيه ودليل على كده انك ما سالتيش عليهم بقالك اكثر من سنتين

رقيه بصدق مع نفسها لاول مره والله العظيم يا رافت عيالي عمرهم ما غابوا عن بالي ولا حتى عن عيني ولو عايز تعرف كل تفاصيل يومهم من اول يوم طلعوا من هنا لحد وقتنا الحالي هذا انا على استعداد اقولهلك بالتفصيل كلمه كلمه وحركه حركه عملوها عيالنا كلهم مش عيالي انا بس 

رافت قعد بتعب و استسلام عايزين مني ايه وعايزين توصلوا لايه بكل اللي عمالين تقولوه وتغنوه وتردوا على بعض انتوا الاثنين هاتولي من الاخر يا رقيه لان انا حرفيا تعبت وجبت اخري من كل حاجه حواليا ومش قادر لمناهده اكتر من كده 

رقيه مش مطلوب منك كتير ولا حتى هتتدخل في موضوع ابن اخوك احنا كل اللي عايزينك بس ان انت تتوسط بينا وبين العيال وان انت تحاول تجيبهم هنا وحنا هانتصرف في الباقي

رافت اشمعنى انا بالذات يعني وليه ما تروحوش انتم مهما عيالكم انتوا كمان زي مهما عيالي 

رقيه احنا ما ينفعش لان ببساطه انت كنت اقرب للعيال مننا وليك كلمه مسموعه عندهم وطول عمرهم بيحبوك من صغرهم 

رافت الكلام ده كان زمان قبل ما يعرفوا اللي عرفوه يا رقيه ولا انت نسيتي دول بقالهم سنتين ما رفعوش حتى سماعه التليفون عليا من يوم ما بعدوا وبقى كل يوم عن يوم ياخدوا صدمه أبكر من اللي قبلها فمظنش لسه المكانه اللي انتي بتتكلمي عليها لسه موجوده 

رقيه بحزن مصطنع ورجعت لطبيعتها مره تانيه في اللعب بالمشاعر بإسلوب الكلام الملتوي صدقني انا عارفه مكانتك في قلبهم حاول بس ومش هتخسر حاجه واهي محاوله كلمهم عرفهم ان احنا ناوينا نرجع لاولاد عمهم حقهم كله على داير مليم وهما اكيد مش هيرفضوا ومش هيعترضوا صدقني انا عارفه انا بقول لك ايه كويس اوووي

رافت بتريقه اممم وانتوا ان شاء الله ناويين ترجعوا لهم حقهم منين والبنك حجز على كل حاجه ومبقيناش نحتكم على جنيه يوحد ربنا وكلها ايام والسوق كله هايعرف باللي حصلنا 

رفعت بمحاوله مشتمينه لاقناعه ما تقلقش انتا وما تشغلش بالك اسمع مني بس وخد الخطوه دي والكل هيطلع كسبان ومرضي وما تنساش ان احنا ولاد المالكي وجيب السبع ما يخلاش.

رافت ولما هو جيب السبع ما يخلاش ومليان وي ما بتقول ليه ما كبتش على البنك وسديت القرض 

رفعت بدفاع وهمي صدقني يا رافت هتشوف بعينك ان قرض البنك هيتسد بعيد تماما عن ولاد اخوك او فلوسهم كمان بس انا عايز دلوقتي الم الشمل الاول يا سيدي ووعد مني ليك وكلمه شرف انا مش هاخد جنيه من ولاد اخوك وكل حاجه هاتبقى على يدك 

رافت هز راسه بعدم اقتناع افلح ان صدق ها 

رقيه صدقني والله العظيم يا رافت انت ظالمنا

رافت بص لها بعدم تصديق ولكن استسلم للامر الواقع حاضر يا رقيه هروح لما اعرف اخركم ايه بس لو الكلام او التصرف ما جاش على هوايا اعرفوا ان انا اللي ههدها فوق دماغكم كلكم وهاعككم فيها اكثر ما انتوا معكوكين وكده كده خسرانه كده كده خسرانه مش هخسر اكتر من اللي خسرته اساسا واعرفوا واتاكدوا ان عيني عليكم وواقفلكم بالمرصاد 

رقيه ورفعت بصوا لبعض بانتصار في نظره غابت عن عينين رافت اللي باصص في الارض بشرود وتفكير في اللي جاي 

رقيه لفتت انتباه على فكره يا رافت العيال موجودين في شقتي انا وعماد الله يرحمه عارفها طبعا.

رافت هزلها راسه من سكات 

مشيوا ورافت فضل قاعد مكانه وقت طويل متحىكش و طول الليل وهو سرحان وبيفكر وما غمضلوش عين لحد الصبح تاني يوم فضل قاعد مكانه بقلق لحد الضهر وهو ليه شارد وبيقلب كل الاحتمالات في دماغه 

دلال قعظت جمبه بحزن مالك يا رافت من امبارح وانتا عمال تتقلب وانهارده قاعد في البيت ومروحتش الشركه زي عوايدك

رافت بصلها ومتكلمش وسابها وطلع اوضته غير هدومه ونزل خد عربيته وراح لشقه رقيه وهو بيقدم رجل وبياخر رجل فضل قاعد في عربيته اكتر من ساعه خايف وقلقان من مقابلتهم وبيحاول يجمع ويرتب أفكاره علشان يقدر يتكلم معاهم بصدق بدون لف او دوران وهو عارف انه داخل على معركه صعبه 

اتمالك اعصابه وحسم أمره ونزل من العربيه وطلع الشقه ورن الجرس ووقف خايف ومتردد زي التلميذ اللي عمل عمله خايف من ابوه 

مهدي فتح الباب بصدمه 

رافت بصله بحنين واشتياق 

مهدي برغم اشتياقه بس قدر يجمد قلبه لما افتكر كل الظلم اللي علموه اتكلم ببرود: خير يا رافت بيه ايه اللي فكرك بينا بعد سنين 

رافت بوجع رافت بيه ايه يا ابني انا ابوك 

مهدي بضيق أظن الموضوع داه سبق واتكلمنا فيه ونهيناه من اكتر من سنه فمظنش ان حضرتك جاي لحد هنا دلوقتي علشان نتكلم في مشاعر ابوه وبنوه فياريت حضرتك تقولي جاي وعايز مننا ايه

رافت بحرج: انا جايلكم وعايز اتكلم معاكم ضروري

طلع عادل وعاصم وسراج على الصوت

وكلهم وقفوا مستمعين للي بيحصل اول من أتدخل عادل بحده :عيب كده يا مهدي داه مهما ان كان ابوك والكلام مينفعش هنا على الباب الجيران طالعين ونازلين وممكن يسمعوك هايبقى منظرنا ايه فتح الباب للآخر وشاورله بإيده اتفضل يا اونكل 

دخل رافت وهو بيتلفت في الشقه بإلتسامه بسيطه وبيفتكر كل ذكرياته هو وأحمد وعماد ورقيه فيها غمض عنيه علشان ينفض الذكريات الللي بتهاجمه بشراسه قعد قدامهم بخجل زي المتهم اللي قاعد قدام وكيل نيابه هو بيفرك ايديه في بعض وكأنه مش رجل أعمال محنك في السوق كأنه تلميذ خيبان قاعد في امتحان صعب

مهدي بتنهيده وبعدين حضرتك هاتفضل تبصلنا كتير اظن انك قولت عايز تتكلم معانا مش تتفرج علينا ياريت حضرتك تقولنا في ايه على طول 

رافت هز راسه: ماشي يا ابني بص من الاخر كده واحسن من اللف والدوران والمقدمات اللي لا هاتودي ولا تجيب ولا حتى تفيد عمك رفعت وعمتك رقيه ناويين يرجعوا لاولاد عمك أحمد الله يرحمه حقهم ونصيبهم 

سراج بعدم اقتناع ياااه بالبساطه دي عايز تقنعنا انكم اخيرا فوقتوا بعد سنين وقررتوا ترجعوا حق اخوكم وعياله بانهي منطق وعقل عايزنا نصدق الكلام داه اللي ميدخلش عقل طفل صغير لسه بيلعب في الشارع 

رافت والله يا ابني انا بقولك الكلام اللي بلغوني بيه زي زيكم 

مهدي تمام واحنا مطلوب مننا ايه دول اخوك وداه حقهم احنا علاقتنا ايه بالموضوع 

رافت عايزين كلنا نتجمع ونتلم ويكون الكلام قدام الكل

عادل وداه هايحصل ازاي يا اونكل 

رافت خالك رفعت هايتواصل معاهم ويجيبهم الفيلا عندنا ونقعد كلنا مع بعض علشان يتفقوا على نصيبهم وحقهم وعايزينكم تحضروا معانا القعده دي 

سراج بلهفه هو حضرتك عرفتوا مكانهم

رافت اه ابوك وعمتك عرفوا مكانهم وزمانهم بيتواصلو معاهم دلوقتي 

كلهم بصوا لبعض بإستغراب ما بين مقتنع ورافض 

ورافت بيبصلهم و منتظر ردهم على أحر من جمر 

يا ترى هيوافوقوا ولا هيرفضوا….؟

يا ترى رفعت هايقدر يوصل لهارون…؟

ياترى رفعت ورقيه هايقدروا يسدوا قرض البنك وينجحوا…؟ياترى حق هارون هايرجع ولا مجرد كلام وبس…؟

ياتري اللي جاي مخبي ايه …؟

يتبع

الفصل الخامس والثلاثون

فضلو على وضعهم اكتر من ربع ساعه الكل ساكت ورافت عمال يبص عليهم 

حب يلفت انتباههم :ها قولتو ايه 

سراج بحده: وايه اللي يضمن ان كلام حضرتك صدق مهومغلش بعد اللي حصل واللي اتقال مبقاش عندي ثقه فأي حد ولا حاجه خالص خصوصا منكم انتوا بالذات 

رافت ميل راسه في الارض بكسوف: عندك حق الضمان الوحيد هو ان كل حاجه هاتبقى قدامكم وعلى أيديكم يعني مفيش كبيره او صغيره هاتم إلا بحضوركم

عادل بتعقل حسم حيرتهم:تمام مفيش مشكله عندنا بس لحد ما داه يحصل معلش احنا هانفضل هنا زي ما احنا 

رافت هز راسه بتفهم: طبعة حقكم انا مش معترض انا نفسي منتظر زيي زيكم 

بص لمهدي بحنين وحرج

عاصم حس انه محتاج يتكلم مع ابنه على انفراد طيب معلش يا اونكل انا هادخل عندي ملفات شغل محتاجه تخلصه البيت بيتك شد عادل من دراعه بالراحه 

عادل بهمس ايه بتشدني كده ليه

عاصم شاورله بعنيه على نظرت رافت لابنه

عادل هز راسه بتفهم وشد سراج من دراعه وانسحبو من سكات 

رافت بداء يتلفت حواليه 

وعنيه بتدور في كل مكان 

مهدي خير حضرتك بتدور على ايه

رافت بإشتياق فين ميار خليها تطلع عايز اسلم عليها 

مهدي بهدوء رفع راسه وبصله وعنيهم ثابته في عنين بعض هل حضرتك متخيل ان تربيتي اللي حضرتك ربيتهالي هاتسمحلي اني اسيب اختي هنا وسط تلات شباب حتى لو كانوا اولاد عمها داه حتى يبقى عيب في حقي ورجولتي ولا عندك رأى تاني يا رافت بيه

رافت بإبتسامه ارتياح غمض عنيه وهز راسه بنفي: لا خالص عندك حق هو داه ابني على حق كل يوم بتثبتلي انس نجحت في تربيتك وكل يوم بحمد ربنا انك اخدت من طبع عمك أحمد الله يرحمه 

مهدي بإستفسار مبطن بالسخريه ويا ترى داه حاجه حلوه ولا كويسه اصلي معلش عمي أحمد برغم جدعنته إلا أن نهايته كانت وحشه اوووي فتفتكر بعقليه رافت بيه المالكي رجل المال والاعمال الجدعنه والطيبه والاخلاق ليهم تمن ويستحقوا ولا شعارات كدابه

رافت رافع راسه بشموخ لو مكانش ليهم تمن مكنتش سيبتك ولا كنت آمنت على اختك معاك بعيد عن حضني وحناجي لو كنت شايف ان ملهومش سعر مكنتش ربيتك من صغرك عليهم وشربتهوملك بمعلقه نقطه نقطه

مهدي غمض عنيه بآسي ووجع : وداه اللي هايجنني ازاي حضرتك كنت مثال للقيم والأخلاق والدين وازاي قدرت تشارك في الجريمه البشعه دي

رافت بإبتسامه بسيطه لسه في حاجات كتير مستخبيه من الأفضل انها تفضل في الضل لحد ما ييجي وقتها وتطلع للنور ولحد ما ييجي الوقت داه هافضل متحمل وساكت المهم قولي اختك فين

مهدي بصله بإستغراب وحيره وهو بيحاول يفهم معنى كلامه ولكن فشل اتحكم في نفسه وكبح جماح حيرته ميار في شقتي فوق اتفضل معايا 

طلع رافت معاه وكله فضول وحيره

مهدي قدر يقراء اللي في عنين ابوه اخد نفس طويل انا خدت الشقه اللي فوق مننا علشان تكون ميار براحتها وحريتها وفي ال قت نفيه اكون مطمن عليها وتبقى تحت عيني

رافت بصله بفخر وابتسم

مهدي فتح باب الشقه

ميار سمعت صوت المفتاح وطلعت وهي بتنشف ايديها في الفوطه: غير وانا خلصت الا وسكتت قبل ما تكمل ووقفت مكانها متسمره في الارض وعنيها ثابته على ابوها 

رافت بإبتسامه واشتياق: وحشتيني يا نور عين ابوكي وفتح درعاته ليها

فضلت على وضعها متحركتش 

رافت اتحرك وضمها لحضنه اوووي وتبت فيها جامد وكل جسمه بيتهز من الدموع اللي نازله وتاثره بالموقف

ميار اخيرا فكت جمودها وضمت ايديها حوالين ابوها 

رافت حس بيها وابتسم وسط دموعه

مهدي حب يغير الجو اللي بقى مليان حظن حواليهم ايه ياست ميمي خلصتي الاكل ولا احترم نفسي واجيب من بره

ميار وهي وهي بتعدل نفسها بعد ما طلعت من حضن ابوها لا اطمن انا خلصت الاكل ويا دوبك هغرف اتفضلوا يا جماعه

رافت بحب وحشتيني ووحشني اكلك قوي

ميار اتنهدت وهزت راسها من سكات من غير ولا كلمه

مهدي بص لها وحس بالتوتر والحيره اللي جواها قرر انه يحسمهم على فكره يا ميار بابا جاي النهارده وبيقول ان هو وانكل رفعت وطنط رقيه قرروا انهم يدوا الاولاد انكل احمد حقهم

ميار رفعت راسها وبصيت لابوها وعنيها كلها امل انه ياكد الكلام ده وانه ما يكونش مجرد بس كلام علشان يرجعوا تاني لحضنه 

رافت حس بيها كلام اخوك حقيقي وانا طلبت منهم انهم يجوا يحضروا القاعده بنفسهم وانت كمان لازم تيجي معاهم يا ميار علشان الكلام ما ينفعش يبقى في حاجه مستخبيه ويبقى قدام الكل

مياره ناهدت براحه حاضر يا بابي ما تقلقش اكيد هكون معاهم بس حضرتك متاكد من الكلام ده ولا مجرد كلام بيقوله اونكل رفعت وطنط رقيه ما انت عارفهم طول عمرهم بيقولوا كلام وبس علشان مصلحتهم واكيد من مصلحتهم من عاصم وعادل وسراج يرجعوا تاني ليهم

رافت بنفي لا لا خالص يا ميمي انا متاكد المره دي وكلام اظن هيبقى قدام الكل ولو في اي حاجه معترضين عليها او الكلام معجبكومش ما حدش هيقدر يرفض او يعترض وانا نفسي منضم ليكم مش ليهم خالص صدقيني وهرجع اقول لك نفس اللي قولته لاخوك اصبري الصبر خير

ميار هزت راسها بتاع حاضر يا بابي عندك حق نصبر ونشوف في ايه

رافت بابتسامه رضا الطيب ايه مش هتاكلي بابي بقى ولا الف وارجع تاني

ميار يا خبر لاء ازاي طبعا اتفضل حضرتك وانا دقايق بس وهغرف

دقائق والكل كان ملموم حوالين السفره كانهم بيسترجعوا ذكرياتهم القديمه وبيسرقوا لحظات فرحه من الدنيا محدش عارف فيهم عارف هاتتكرر تاني ولا لاء

رفعت راح لشركه من اللي بينهم شغل واول ما بلغ السكرتاريه بإسمه وبلغ صاحب الشركه سمح بدخوله بسرعه 

رفعت وهو بيمد ايده :ازيك يا سرجاوي 

السرجاوي انا بخير يا باشا ايه الشرف داه طيب كنت ابعتلي وانا كنت جيتلك بنفسي

رفعت قعد وحط رجل على رجل بغرور عادي يا سرجاوي مفيش مشكله خلينا في المهم

سرجاوي اؤمر يا رفعت بيه خير 

رفعت انا جاي وعايز منك خدمه بسيطه سهله قوي ان انت تعملها

سرجاوي اؤمر يا باشا مدام بسيطه يبقى نفذ وانا عيني الاتنين مغمضين كمان وحتى لو كانت صعبه انا في ديك الساعه لما اخدم رفعت بيه المالكي ده شرف لي ان حضرتك نورتني في مكتبي وانك قصدتني انا بالذات

رفعت بغرور وده العشم يا سرجاوي المهم عارف شركه MHM

سرجاوي ومين ما يعرفهاش يا باشا ده اسمها بقى اشهر من نار على علم في السوق

رفعت بغيظ تمام عايزك تاخد ميعاد باسم شركتك وتبلغني بيه

سرجاوي بغباء وليه يا باشا وحضرتك لو طلبت مقابلتهم ده هم اللي يجولك كمان ده انت اسمك علم من اعلام من الاقتصاد وكمل بنفخه كدابه يطلعوا مين دول علشان يرفضوا مقابله جنابك

رفعت لا يا سرجاوي هم ما يعرفوش اصلا ان انا اللي عايزهم داه بيزنس بس مش عايز اظهر في الصوره بنفسي دلوقتي خالص وما تقلقش مش هنساك

سرجاوي بطاعه تمام يا باشا النهارده هبعت لهم واخد ميعاد وابلغ جنابك بيه

رفعت وهو بيقف تمام يا سرجاوي هستنى اتصالك بس النهارده ضروري تاخد الميعاد في اقرب واسرع وقت وكمل وكأنه كان ناسي انا عايز الميعاد مع البشمهندس هارون بنفسه قالها بغيظ مستتر

سرجاوي هز راسه وهو بيشاور بايده على عينيه الاتنين

رفعت طلع وهو مطمن ومرتاح ان تاني خطوه في خطته تمت بنجاح وفاضل بس التنفيذ

هارون أخيرا قدر يرجع البيت بعد هدة شغل دامت لأيام 

رجع الشركه ودخل مكتبه يشوف الشغل المتعطل في غيابه 

مالك عرف بوجوده وراحله مكتبه

مالك بمرح كمحاوله انه يفك الجو بينهم ايه يا ابني كل دي غيبه روحت وقلت عدولي اه هو صحيح المكان هناك تحفه بس البلد دي احسم من غيرها

هارون ببرود معلش مكنتش رايح اتفسح كنت رايح اشتغل وبس اما لو على البلد فكلها أرض الله هنا وهناك واحد بالنسبه ليا

مالك قعد بضيق وخنقه وبعدهالك يا هارون لحد أمته هاتفضل كده 

هارون كده داه اللي هو ايه بالظبط على حسب علمي انا شايف شغلي وبس هل داه مضايقك الله اعلم 

مالك طول عمرك دوغري فمش هاتيجي دلوقتي ونلف وندور على بعض 

هارون ولما كنت دوغري خدت على دماغي فعلشان منخسرش بعض اكتر من كده ياريت نلتزم بالشغل وبس هو اللي باقي بينا فياريت نحافظ عليه

مالك بصبر يا هارون مصطفي مجدش عليك وطول عمرك عارف انه دبش وبتعدي ايه اللي حصل كلمتين خايبين وقالهم وخلصنا ليه مطول في الزعل المرادي كده

هارون بحده: مكانوش كلمتين يا مالك وانتا عارف دول كانوا حقيقه مكتومه جواه ومصدق انه طلعهم في الوقت اللي انا كان طالع عين اهلي ما بين تصميمات ومواقع واظبط مع عمال ومقاولين وطالع عين اللي خلفو اهلي هو كان قاعد على مكتبه بياخد الأرباح جاهزه مجهزه وفي الاخر طلعت الن ستين في سبعين خلاص خلي كل واحد في شغله وقبل ما تفتح بوقك كده احسن للكل علشان صدقني انا على تكه ومش هاعمل حساب لاي حاجه حتى لو كان التمن اني اتنازل عن نصيبي في كل الشركات كله الا كرامتي يا مالك تمام

مالك ياااه بالسهوله دي هاتتنازل عن كل اللي وصلته علشان كلمتين ملهومش لازمه

هارون اه قصاد كرامتي اه هتنازل داه واللي بدئها من الصفر يقدر يبدئها تاني وتالت ورابع كمان وطول ما فيا نفس كل ما أقع هاسند نفسي واقوم 

مالك بصله بحزن على الحال اللي وصلو ليه وسكت ومشي وهو مخنوق من مصطفي اللي حطهم في الوضع داه 

طلع على مكتب مصطفي بغيظ

مالك بعصبيه يارب تكون ارتاحت دلوقتي 

مصطفي في ايه مالك داخل وعامل غاغه ليه

مالك يا برودك يا اخي قاعد ولا على بالك انك اتسببت في كوارث 

مصطفي بصله ورفع حاجبه كوارث مره واحده خير يا مالك بيه كوارث ايه اللي انا عملتها عرفني

مالك بنفاذ صبر ايه مش واخد بالك ولا عامل عبيط ان هار ن بقاله شهور مقتصرني انا وانتا وواخد خمب 

مصطفي ببرود اظن كده احسن خلي كل واحد يعرف حجمه كويس غلطان ميتجاوزهوش

مالك بصوت عالي وهو بيشده من ياقه الجاكت:لاء بص بقى انا وانتا خربنا الشركه دي بسبب المشاريع الخايبه اللي كنت بتدخلنا فيها وموقفتش على رجليها ولا بقالها اسم الا لما هار ن دخلها واللي بردوا لا كان على كيفك ولا هواك انما تيجي دلوقتي وبعد كل اللي وصلناله وتتغابى فمش هسمحلك انك تهد تعب وشقى سنين ولو ناسي يا بيه ان هارون لوحده بيمتلك أربعين في الميه من قيمه الشركات وانا وانتا كل واحد فيها يادوب ليه تلاتين في الميه يعني نسبته أعلى وانا لو وقفت في النص بينك وبينه هختاره هو 

مصطفي بصدمه بقى بتبيع صاحب عمرك علشان واحد جاي من الشارع لا نعرفله اصل ولا فصل

مالك بشر ونبره حاده هارون ابن عيله المالكي يعني مش صغير ولا قليل هارون مهندس ودماغه بيتعملها الف لا مليون حساب هارون المستقبل وانتا ماضي والعقل بيقولك بص قدامك مش وراك فأعقل كده وفوق من الهطل اللي فيك بدل ما انا اخلعك خالص واطلعك بره الشركه وروح ابداء لوحدك انما انا مش هاخسر هار ن علشان سواد قلبك اللي مبقتش عارفله سبب داه بيزنس وهنا اللي يتكلم الق ه والنفوذ والفلوس ودول مع هارون 

خبط على راسه بصوابعه عقلك في راسك تعرف خلاصك وستبه وطلع زي الاعصار 

اترمي مصطفي على كرسيه وهو مصدوم من موقف مالك اللي طول عمره عاقل وبيحب الهزار 

هارون بعد ما خرج مالك رجع يكمل شغله وكان شيئ لم يكن قطع تركيزه تليفونه رفعه وبص فيه بإستغراب

رد بسرعه ايوه يا برنس

البرنس وهو بينهج وحواليه أصوات عاليه: الحقنا يا معلم في شويه عيال من الباطنيه جايين يتنططوا علينا والدنيا هنا مدعكه لو ملحقتش الموضوع ممكن يقع فيها ناس ياما والدم هايبقى للركب 

هارون قام منطور وهو بيسحب جاكت البدله ومفاتيحه بسرعه وقفل المكتب ونزل جري انتا بتقول ايه اومال رجالتنا فين وشويه عيال بيتنطووا ويعلمو عليكم

البرنس يا كبير مش عارفين نسد قصادهم دول عاملين زي النمل 

هارون ركب عربيته وداس بنزين بجنون ومحسش بسرعة العربيه من قلقه

وبعد اقل من ساعه كان وصل ركن عربيته وقلع جاكت البدله والكرافت ورماهم في العربيه وشمر كمام القميص ونزل دخل زي الأسد وسط الخناقه سحب سيف من ايد واحد من رجالته وهاوش بيه بصوت عالي مين اللي امه فقدته وعمل نفسه دكر وجاي يتنطط على منطقه كبيرها المعلم هارون يطلع ويوريني نفسه عشان يبقى اخر انفاسه في الدنيا 

اتقطع الصوت والكل بيبص لبعضه وطلع من وسطهم راجل ميقلش عن هارون في الهيبه ولا الجسم ولا القوه 

انتا بقى كبير شويه العيال دول 

هارون معنديش عيال عندي رجاله لو سيبتهم عليك يبقى الله يرحمك او يجحمك انتا ونصيبك في الاخره بقى روح يلا وابقى ابعتلي كبيرك اصلي مش هاعيل على اخر الزمن

ضحك بصوت عالي اسمعو يا رجاله المعلم شبل على سن ورمح بيتقاله هاعيل تطلع مين ياض عشان تقف ند بند مع المعلم شبل وترفع عينك فيه

هارون صحيح يا اولاد بعد ديابها عوت كلابها بقى بعد المعلم جابر الف رحمه ونور تنزل عليه ييجي عيل زيك يقول على نفسه معلم هو كل من خط شنبه في وشه ييجي يقول انا راجل مهي مش بالكلام دي بالأفعال 

شبل بصله بإستغراب انتا تعرف ابويا

هارون بصدمه شاورله انتا ابن المعلم جابر وهز راسه بحيره طب ازاي منا لو ابنه يبقى اكيد شارب منه ومن طبعه داه طول عمره عارف الأصول وعمره ما خطا عليها 

شبل بسخريه وهي الأصول عندك وعند رجالتك الغلط والمرازيه في خلق الله

هارون بحده لاء الأصول انك تيجي لكبير الحته لو كان ليك حق وتاخذه بالاصول مش انك تيجي وتجيب شويه لبش وترازي الناس وتكسر محلات اكل عيش لو ليك حق تاخده وانتا حاطط رجل على رجل وتمشي وانتا مرضي كمان انما االي عملته بعد ما كان الحق ليك بقى الحق عليك

شبل بص له بصدمه وكأنه واقف قدام ابوه الكلام ده كان كلام ابوه بيرن في ودانه كلمه كلمه وكانه سامع صوت المعلم جابر هو اللي بيتكلم

شبل قدر يتملك نفسه بصعوبه وطلعه على هيئه صوت عالي وهو من الاصول يا معلم ان رجالتك تيجي ترازي في بنات حتتي واما رجالتي يتصدرولهم يتكاتلوا عليهم زي ما اتكلتلو عليهم في منطقتنا جينا علمنا عليهم في قلب منطقتهم يبقى واحده بواحده وخالصين.

هارون بص رجالته وبصوت زلزل اللي حواليه الكلام داه حصل

الكل بص لبعضه وميل راسه في الارض

قرب من البرنس وشده من ياقته رد عليا الكلام داه حصل ولا لاء

البرنس بلع ريقه بصعوبه هو يعني يا معلم مهو

هاورن بشخطه اخلص مش هاتقف تتأتأ زي العيل حصل ولا لاء عايزه اجابه اه حصل لاء محصلش كتر كلام مبحبوش 

البرنس بخوف من هيئه هارون دي كانت خناقه بسيطه بسبب بت والموضوع خلص بس هما اللي جم

وعملو عواء وسط الخلق

قبل ما يكمل هارون عطاله بونيه رماه على الارض 

وبص لشبل الحق ليك صحيح اللي حصل غلط من البدايه لكن خلص خلاص حقك خدته بدراعك وتاديب رجالتي عندي والمحلات اللي اتكسرت انا اللي هاتكفل بيها كده مرضي

شبل هز راسه برضى مرضي يا ابا

بس لا مؤاخذه انتا مين كلامك واسلوبك كأن واقف قدام ابويا

هارون بإبتسامه للأيام الخوالي انا هارون المالكي كنت راجل من رجاله المعلم جابر كان ونعم الرجال كان زين الرجال صحيح كان سوابق وبرد سجون ومسجل بس كان حاجه غريبه تحسه من عالم تاني الكلمه تطلع من بوقه تتوزن بميزان الدهب تتكتب فب كتب تتدرس ولا كأنه اجدع استاذ

شبل يا دين النبي انتا بقى هارون داه ابويا مكانش ليه سيره غير هارون هارون لما فلق نفوخي بيك

هارون بإبتسامه انا كرمتك لأنك تكرم لجل المعلم جابر داه ليه ديون في رقبتي طوق ما يحله الا الموت 

شبل ابتسم قالي كتير على جدعنتك ورجولتك طان دايما يقول انك حمال اسيه ودماغك سم مصفي قالي الواد داه عامل زي العقرب الجبلي ساكت وكانن تحت الرمل بس لما يلدع لدعته والقبر

هارون مش بقولك كان يعرف اللي قدامه من طله حقك عليا مش عيب لان الغلط بداء من عندي

شبل قرب وحضنه وهارون طبط على ضهره مينفعش ابن وحبيب المعلم جابر يقفوا لبعض لو حد عمل حاجه تجيلي ول حقك مجاش الطاق عشره وقتها ليك الحق انك تعمل ما بدالك

شبل ومن هنا وجاي اعرف ان ليك اخ في الباطنيه وكل معلمين بر مصر رهن اشارتك وبكلمه منك هما ورجالتهم

هاورن وداه العشم عايزك في ضهري زي ابوك 

شبل شكلك شايل ومعبي اكيد لينا وقت ولينا قعده والوشوش ياما هتتقابل بالاذن 

سحب رجالته ومشي

هارون بص رجالته بعد ما الكل مشي من أمته واحنا بنرازي ونحط على نسوان يا شويه عرر طيب يكون في معلومكم تصليح امل عيش الناس اللي اتخرب داه هايكون من جيبكم 

الصوت على بحده بس كده حرام يا معلم 

هارون بزعيق اقطع النفس منك له يا جعر هو ايه اللي حرام حرمت عليك عيشتك لما انتوا مش قد التنطيط بتتنططوا ليه ها عرفوني يا عرر يا رمم انا اللي مش عاجبه يغور ويوريني عرض اكتافه بس من اللحظه دي لا من رجالتي ولا يخصني واحمدو ربنا اني لميت الليله بدل ما كان اتقل منكم وسط الناس وكانت هيبتكم اتداست بالجزم في الرجلين حد عنده كلمه واقفه محشوره ومعرضه في زوره 

الكل هز راسه من سكات 

من دلوقتي تبعتوا تجيبوا عمال تظبط المعجنه دي ومن جيبكم علشان قبل ما تفكروا تكرروا تعرفوا ان القرش حراق وطلع كوا قلوبكم عليه 

وسابهم وركب عربيته ومشي

رجع رافت بيته وابتسامته مرسومه على وشه وحمد ربنا على جمعته بأولاده من تأني

قبل ما يدخل كان رفعت ورقيه في انتظاره

رفعت شافهم ونفخ :اوووف يا ساتر الواحد كان مزاجه رايق اتعكر في ثانيه :خير يا رفعت 

رفعت عملت ايه مع الاولاد مش انتا كنت عندهم بردوا 

رافت هز راسه بمعني ايوه

رقيه شكلك مبسوط معني كده انهم وافقوا

رافت اه بس متتعشميش اوووي اصل العيال هايحضروا كل حاجه ولو الكلام مجاش على هواهم هايرجعوا مكان ما جم وانا معاهم يلا تيك كير 

وسابهم ومشي وهما بيبصوا لبعض بغيظ

ياترى رفعت ورقيه ناويين على ايه…؟

ياروحي رفعت هايقدر يقابل هارون ويقنعه…؟

يا ترى شبل هيقابل هارون تاني ولا لاء…؟

ياترى اللي جاي مخبي ايه تاني…؟

يتبع

تكملة الرواية من هناااااااا 

 لمتابعة باقى الرواية زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كاملةمن هناااااااااا

مجمع الروايات الكامله 1اضغط هناااااااا

 مجمع الروايات الكاملة 2 اضغط هناااااا