رواية البلطجي الفصل السادس والثلاثون والسابع والثلاثون بقلم ولاء حامد حصريه في مدونة قصر الروايات
رواية البلطجي الفصل السادس والثلاثون والسابع والثلاثون بقلم ولاء حامد حصريه في مدونة قصر الروايات
الفصل السادس والثلاثون
رفعت بص لرقيه بحيره وقلق
رقيه اهدا يا رفعت انتا عارف رافت بيحب يحبش الكلام من عنده المهم تشوف ابن اخوك قالتها بتهكم والله عال جه اليوم اللي احنا نجري فيه ورا ابن صابره شايف غبائك. صلنا لفين
رفعت خلاص بقى مش كل شويه تقطمي فيا اللي حصل حصل خلينا في المهم انا منتظر مكالمه بالميعاد ادعي بس انها تظبط معايا واعرف أقنعه وبكده هانعوض خسارتنا ونبلع السوق متنسيش ان الواد داه بقاله علاقات تخض واي حد هايعرف انه ابن اخونا هايفتحلنا الف باب وباب وينحنوا قدامنا كمان بصي لقدام بلاش تبصي وراك ولا تحت رجليك
رقيه بنفخه لما نشوف اديني عاصره على نفسي ليمونه لما نشوف اخرتها ايه في الموال داه
اخر اليوم رن سرجاوي على رفعت رد بسرعه ولهفه ها طمني
سرجاوي ميعادك معاه بكره الساعه تلاته في شركته
رفعت برافو عليك تمام مردودالك اكيد
سرجاوي احنا في الخدمه يا باشا
هارون اتصل بماهر وطلب مقابلته
واتقابلو في شركه نصر
ماهر خير يا هارون طمني
هارون بضيق عايز اعرف ايه اللي جد مع مجموعه المالكي كده المهله بتاعة البنك عدت ولا حس ولا خبر
ماهر ابتسم متقلقش اتبعت إنذار بالحجز وعاملين زي الفار اللي دخل المصيده برجليه ودلوقتي عمال يدور على طريقه يخرج بيها منه
هارون بحيره مش فاهمه شكل في حاجه انتا تعرفها
ماهر عيب عليك دلوقتي الدور عليك اصبر لبكره وانتا تعرف ومتسالش كتير كلها ساعات
هارون هز راسه بقله حيله لاول مره
وفضل مستني الوقت يمر ولاول مره يفضل سهران بحيره غريبه ومر بخياله طيف صدفه ابتسم لما افتكر كلامهم مع بعض ابتسم ورفع التليفون ورن على رقم مميز عنده
هارون فاضي
شبل المشغول يفضالك ايه سهران بتفكر فيا عشان تتصل انصاص الليالي
هارون اتلهي ليه من جمال اهلك
شبل ماشي خير قول اللي حارقك في جوفك
هارون في حد عندك عايزه اعرف ايه دنيته
شبل بلوع: حد ولا وحده حدد اصلها هاتفرق
هارون يا شيخ ابو ام رخامتك
شبل الله وليه الغلط الحق عليا اني بقصر عليك الطرق
هارون أنجز بقى
شبل الله وهو وانا عرفت حاجه عشان انجزلك فيها
هارون اوووف منك عيل ثقيل بس مضطرلك بص بقى هى واحده عندك من المنطقه كل اللي اعرفه ان اسمها صدفه عبد الباري طالبه فب كليه هندسه وشغاله في شركه اكتر من كده معرفش
شبل وانا مش عايز اكتر من كده اديني يومين واجيبلك قرارها بس عرفني انا بردوا ستر وغطا عليك
هارون مفيش مجرد فضول بتشغل معايا وعايز اعرف
شبل بضحكه عاليه ومجلجله هاعتبر نفسي مصدق تمام
هارون قفل في وشه السكه وابتسم وهز راسه بقله حيله
ورجع تاني لدايره حيرته يا تري مين اللي جاي وفي ايه مستنيني بكره انا خلاص دماغي قربت تشت مني عمال اجيبها يمين وشمال مش عارف اوصل لحاجه ونفخ بغيظ اوووف يا الله وخبط على راسه بكفه والله انا غبي ماكنت سألتهم دوغري ووفرت على نفسي الحيره دي بدل ما انا عمال اهري وانكت في نفسي كده يا تري يا ماهر دامغك دي فيها ايه وعض على شفايفه بخنقه لاء الراجل داه دماغه تخوف بجد ومحتاج تفكير وتعامل تاني خالص شكلي حسبتها معاه غلط كنت فاكر نصر اللي شوكته قويه طلعوا الاتنين عاملين زي حنش مخاوي افعي دلوقتي مقداميش حل غير الصبر الصبر يا هارون يا خبر دلوقتي بفلوس كلها ساعات خلاص ويبقى على عينك يا تاجر وببلاش كمان
فضل في حيرته وتفكيره لحد الصبح مغمضلهوش جفن ولا عين غير هدومه ونزل يفطر مع اخواته قبل ما يروح شغله نزل وقعد وسطهم وهو سرحان ولسه عقله شغال مفصلش من الحيره
هنا مالك يا هارون عنيك حمرا شكلك منمتش ولا ايه
هارون بإنتباه ها اه معلش كنت سهران بخلص شويه شغل
هنا بتريقه وصوت مايع شغل بردوا يا هارون يا هارون يا هارون السرحان داه عشان الشغل بردوا يا هارون
هارون بنرفزه ايه يا هنا في ايه قاعد باكل من سكات لازم اعمل غاغه وهليله وانا باكل ولا ايه انزلي من على دماغي شويه الله يكرمك
هنا بعدم صفيان نيه ااااه من سكات قولتلي اممممم لا والنبي يا قلب اختك داه مش سكات دانتا قاعد وعنيك بتطلع قلوب قلوب قلوب كده لوحدها
حسام بضحكه ومفيش مع القلوب دي دباديب بالمره اصل احنا داخلين على عيد الحب وانتوا كلكم نظر بقى
هارون آآآآآآه اااااه دانا قعدت وسطيكم زي اللي وقع ومحدش سمى عليه هاتفضلو تقطموا فيا زي الساندويتش لاء مع نفسكم معطلكمش انا عندي شغل ودماغي مش رياقالكم اصلا
جنا بمشاكسه ايوه يا عم اللي واخد عقلك يتهنى بيه
هارون بصله وكز على اسنانه انا قايم احسنلي
حسام بصوت عالي اهرب اهرب براحتك بس مسيرك يا ملوخية تيجي تحت المخرطه
هارون اتلفتله وهو بيشمر كمامه وليه تستني لما تيجي تحب انا اوريك المخرطه يا ابن أحمد
حسام رفع ايديه بإستسلام لا يا كبير عيب في حقي أنا بقيت دكتور قد الدنيا وليا هيبتي بردوا
هارون برفعه حاجب روح اتوكس بلا خيبه مش طالبه هي ياض واحمد ربنا لاني والله لو فضيلك ومش ورايا هم مستنيني في الشغل كنت جيب روقتك على الصبح
الكل بص لبعضه واتفجروا في الضحك هارون ابتسم عليهم ومشي على شغله وصل الشركه وهو عقله حرفيا هايشت منه ومش قادر يحجم فضوله وأصبح مشوش مش عارف حتى يركز في شغله رمي اللي المكتب على الارض بغيظ اوووف وبعدين بقى الباب خبط
هارون اتعدل بلهفه ادخل
السكرتيره بشمهندس حضرتك قولتلي امبارح افكرك بمعاينه الموقع انهارده
هارون هز راسه ماشي شكرا
طلعت وهارون نفخ بغيظ وبعدين بقى في ايه فضل قاعد مترقب الوقت
لحد ما جاب آخره ومل
وبعدين بقى شكل ماهر بيلعب بيا وبأعصابي وبشتغلني
غمض عنيه وفتحها تاني وبص على الساعه لا لا اكيد مش اشتغاله الناس دي مبتعلبش ولا بتقول كلمه من فراغ
نفخ بغيظ وبعدين ها وبعدين
قطع حيرته باب المكتب هارون بلهفه وترقب ادخل
السكرتيره بإحترام في واحد بره واخد ميعاد مع حضرتك امبارح
هارون بمحاوله للتذكير مين داه
السكرتيره بيقول من شركه السرجاوي جروب
هارون بتذكره اه اه افتكرت الراجل بتاع امبارح تمام طيب بلغي مالك بيه ومصطفي بيه يحصلونا على الميتنج روم
السكرتيره بحمحمه: احم يا بشمهندس الميعاد داه مخصوص لحضرتك لو حضرتك فاكر امبارح قولت لحضرتك ان عايز الميعاد مع حضرتك بس وحضرتك وافقت
هارون هزر ارسه اه اه افتكرت طيب في حاجه تاني قبل ما تدخليه
السكرتيره قدمت ملف داه ورق مطلوب توقيع حضرتك عليه
هارون اخده منها وفتحه طيب سبيه هاشوفه ولما اخلصه هابعتلك تاخديه ودخلي اللي بره لما نشوف عايزني مخصوص ليه
السكرتيره تمام يا بشمهندس
طلعت وهارون بداء يشوف الورق وركز فيه
خبط الباب ودخل هارون وهو مركز في الورق اتفضل ثواني بس وهاكون معاك
رفعت قعد وريح ضهره وحط رجل على رجل وبداء يتلفت حواليه وهمس لنفسه والله ونضفت يا جربوع وبقالك مكتب اكبر من مكتبي والله لولا محتاجك كنت فرمتك وساويتك بالاسفلت بس الصبر عليا لو كان ليك حاجه عند الكلب
دقايق بالظبط وهارون رفع وشه بعتذر عن ال
قطع كلامه مكملهوش وبصله بنظره خاويه مقدرش رفعت يفهم معناها
هارون امممممم اممممم وافتكى في ثانيه كلام ماهر ورن في ودنه وبمنتهى البرود سند ضهره على الكرسي خير حضرتك طالب تقابلني بخصوص ايه بالظبط
رفعت بود مصطنع بقى دي مقابله تقابل بيها عمك بعد غيبه سنين
هارون بمنتهى البرود والسماجه:عمي مين حضرتك شكلك غلطان في العنوان تقدر تروح تدور عليه في مكان تاني غير هنا
رفعت بطيبه مزيفه: كده مكانش العشم يا هارون انه تقولي انا الكلام داه
هارون على نفسه بروده: لا مهو عم عشم مات من زمان الله يرحمه والحياه دلوقتي خد وهات وانتا خدت والشهادة لله خدت وخدت كتيييير اوووي اوووي كمان لحد اما قولت يا بس اما هات دي لسه سيبها بقى لوقتها الله أعلى واعلم
رفعت بلوع :كده يا هارون دانتا طلع قلبك اسود اوووي معقول السنين لسه منستكش
هارون بتريقه وصوت رقيع اوووي اوووي
هو احنا جايين لا مؤاخذه نغني على بعض هنا لسه فاكر نفسك قاعد قدام تامر حسني ف أنجز وهات من ابو اخر داه مكان شغل وأكل عيش وشركه واموال ناس مش مكان ل اللوكلوك وانتا سيد العارفين الوقت من دهب وانا وقتي من الماظ ومش ذنبي ان وقتك فاضي من صفيح مصدي
رفعت مستمر في تصنع الود يا هارون عيب كده ادنا مهما ان كان عمك والضفر عمره ما بيطلع من اللحم بردوا
هارون اتعدل وسند بإيديه الاتنين على المكتب لا مهو بعيد عنك الضفر لو ضرب وعبا صديد وعفن لازم ولابد تشيله وتدوس عليه لحد ما ينز اللي جواه و ينضف علشان يطلع غيره على نضافه وتعيش مرتاح ميفضلش ينأح وينهش الوجع في جتتك فالحمد لله اتخلعنا من بعض من سنين ونشف الوجع من زمن وكملت الباقي على نضافه فأكيد من هاجي دلوقتي وافتكر وسخ السنين اللي فاتت ولا ايه
رفعت ميل راسه بحزن مصطنع وتأثر مزيف مغفلش عن عين هارون: لا دانتا قلبك لسه شايل ومعبي مني اوووي
هارون بصله ببرود وثبت عينه في عين رفعت بقولك ايه ما تنجزلي كده وقولي اخرك ايه جايلي دلوقتي ليه علشان نوفر على بعض مهاترات ملهاش قيمه ولا تمن جاي لابن صابره ليه يا رفعت اصل الشو اللي عملته داه كله مدخلش زمتي ببصله معفنه وحياتك فخلي الكلام بينا كده على المكشوف
رفعت بثبات جاي ومادد ايدي بالسلام وفاتح درعاتي ليك وناوي ارجعلك انتا واخواتك حقك
هارون بإبتسامه سخريه ملت كل ملامح وشه فاتح درعاتك بالسلام تؤ تؤ عارف بتفكرني بإيه بمثل بيقولك قالو لجحا مرات ابوك بتحبك قالهم ليه هي اتجننت ولا ايه
وانا ابقى مجنون واهبل لو صدقت الكلمتين الخايبين دول
رفعت هو انتا مش مصدقني
هارون يا راجل هو انتا مصدق نفسك علشان انا اصدقك طيب اقنعي علشان احاول اني اصدقك طيب بالعقل كده ايه ضمرك صحي فجأه ونأح عليك ولا يمكن ابويا بعد اكتر من 15 سنه جالك في الحلم
رفعت بنفس الثبات وأسلوب لعي بالكلام الملتوي: شوف عايز إيه إثبات علشان تقتنع
هارون اااه اثباتات قولتلي طيب بص بقى يا رفعت يا مالكي شايف الباب اللي وراك داه وشاورله بإيده عليه زي ما دخلت منه تطلع منه بكرامتك واعتبر المقابله انتهت لاني مشغول ومش فاضي لكل الرغي اللي لا ليه سعر ولا قيمه ولا تمن وانا راجل عندي شغلي اصل بعيد عنك ورايا شغل وصفقات بالمليارات فمش فاضي افكر واتكلم في كام الف ولا كام ميت الف سرقتوهم من سنين السنين وعفر عليهم الزمن مش فارق كتير عندي واهو ربك بيعوض واديك شايف بعينك انة بقيت ايه ووصلت لايه فرصه مش سعيده واتمنى متتكررش تاني خالص
رفعت بغيظ وعصبيه قدر يتحكم فيهم بصعوبه صدقني يا هارون انا جاي ومادد ايدي ليك بالخير حط ايدك في ايدي ومش هاتندم
هارون بصله ورفع حواجبه وهو في بني آدم عاقل يحط ايده في فك القرش ويقولك اطمن طب يا راجل طمني انتا تيجي ازاي ومن انهي طريق طيب عيب عليك لو انتا صايع فأنا بورم ولو انتا تربيه حواري فأنا تربيه مصاطب يعني شوفت من كل شكل ونوع ولون يا باطستنا
رفعت بعجرفه: طيب بردوا على العموم انا مش هاخد كلامك داه امر مسلم بيه ولا كلام نهائي انا هاعمل قعده عائليه هانتجمع فيها كلنا انا وعمك رفعت وعمتك رقيه واولادنا كلنا لو عايز تاخد حقك وبزياده وتتراضي وتتصافي طلع كارت من جيبه وحطه قدامه داه عنواني ورقم تليفوني الشخصي واه الميعاد هايبقى يوم الجمعه اللي جايه عندي في الفيلا
هارون بص للكارت ببرود وزقه على الارض بقرف وابتسم ببرود وريح ضهره على الكرسي
رفعت بصله وخد نفس طويل يكتم بيه البركان اللي شاعل جواه وطلع بحده وسكع الباب وراه
هارون اتعدل بمجرد ما طلع واتصل بماهر
هارون بعصبيه انتا كنت عارف ان رفعت المالكي هو اللي جاي
ماهر بضحكه عاليه ومجلجله: يبقى جه صح
هارون يعني كنت عارف ومقولتليش ليه ايه مش احنا فب مركب واحده ولا كل واحد دلوقتي بقى في مركب لوحده رسيني على الدور
ماهر لا خالص احنا في مركب واحده طبعا بس محبتش احرقلك المفجاءه وتاني هام محبتش اشغل بالك وتفكر هاتقول ايه طيب هايقول ايه طيب جاي ليه حبيت ان تطلع كل اللي جواك وتكون تلقائي في الكلام علشان ميكونش مرسوم بالورقه والقلم ويشك طيب والله دانتا المفروض تشكرني علشان عملت معاك احلى واجب
هارون بغموض مش سهل انتا بردوا يا ماهر بيه
ماهر طبيعي مهو الشيبه دي مش من فراغ ولا ببلاش يا بشمهندس دي سنين عمر راحت في السوق ووسط الناس ومع كل يوم وكل موقف كنت بتعلم واعرف اكتر من اللي قبله منا مااتولدتش ماهر الشبراوي فطبيعي اني ابقى لغز زي المتاهه منا لو كنت كتاب مفتوح الف مين يعرف يقراني ويضحك عليا ولا انتا عندك رأى تاني
هارون سكت
ماهر ماعلينا طيب قولي بقي انتا ناوي على دلوقتي بعد ما جه برجليه لحد عندك
هارون بشر كان نفسى والله اقولك كل خير بس للاسف مظنش ان اللي جاي شايلهم اي خير داه شايل كل شر
ماهر حقك وللي يقول غير كده غلطان
هارون طيب طمني دلوقتي على البضاعه
ماهر المركب اتحركت من يومين يعني قدامها حوالي 15 او عشرين يوم وتوصل المينا في مصر
هارون طيب مهو اكيد ممكن يسهلوها بعلاقاتهم من تحت لتحت وخصوصا ان رفعت ليه في الشغل من تحت التربيزه
ماهر ولا تشغل بالك دي متظبطلها قضيه وصايه مرسومه بالورقه والقلم ومش هايطلع منها قصوصه من الجمرك ولا هايقدروا يستلمو جنيه واحد من تمن البضاعه دي وداه وعد مني ليك
هارون بزياده تأكيد طيب والبضاعة
ماهر عيب عليك منا سبق وقولتلك حلال عليك حقك ورجع ليك يبقى بترغي فيه كتير ليه داه حق هما سرقوا منك 700 الف هايرجعولك حوالي 800 مليون بضاعه غير مكسبها احسبها انتا بقى دي يبقوا كام
هارون بص على الكرسي الفاضي مكان قعدت رفعت بإبتسامه عايشه مبينه صفين سنانه وبيتخيل اللحظه اللي هايكونو كلهم تحت ايده
رفعت رجع الفيلا وهو جايب آخره
رقيه بلهفه ها طمني عملت معاه ايه
رفعت مش عارف الواد داه يخوف بجد يا رقيه داه واد عصب ومش سهل وشكله كده ناوي على نيه
رقيه لخلص مش وقت شعارات قولي اللي حصل
رفعت حكالها اللي حصل كله
رقيه طبيعي مهو داه المتوقع المهم انتا بلغته بالميعاد
رفعت اه وسيبتله كارت فيه العنوان بس مظنش ان ممكن ييجي اصلا
رقيه صدقني هاييجي
رفعت يارب نص ثقتك دي
رقيه اتلهي وركز معايا اولا هو هاييجي علشان يثبت للكل انه بقاله قيمه وتمن تاني هام والبحر يحب الزياده واكيد فضوله هايكون سبب كبير انه يخليه ييجي ويشوف حقه داه يسوى ايه
رفعت اتمنى كلامك داه يبقى صح
رقيه هاتشوف المهم ابقى بلغ اخوك علشان يقول للأولاد
رفعت ماشي
وهز راسه بتذكر اه على فكره المركب اتحركت اخيرا
رقيه بفرحه وراحه اخير الحمد لله كده خلاص اظن الموضوع مسأله وقت وتبقى اتحلت
رفعت اكيد ولو مجاش ابن صابره يبقى بناقص منه وخالتي وخالتك واتفرقت الخالات
رقيه غبي وغشيم طول عمرك
رفعت قعد تاني ازاي بقى احنا كنا عايزينه علشان قرض البنك وادي القرض خلاص البضاعه على وشك الوصول يبقى عايزينه تاني ليه
رقيه يا غبي هارون داه كنز لوحده اسم وعلاقات غير الفلوس المتلتله واحنا اهله وماله احنا احق بيه مهو مش ابن صابره يبقى ملياردير ونسيبه يتهنى لوحده
رفعت خدي بالك داه لا هو أحمد ولا هو صابره داه عصب وعامل زي العقرب لدعته والقبر
رقيه ولا انا كمان سهله اصبر بس اضمنه في ايدي وهياخد ضربه ميقومش منها الا على القبر الصبر بس دانا بخططله على تقيل اوووي
هارون رجع البيت وهو حاسس براحه شديده حس بحنين للذي مضي غير هدومه ونزل خد عربيته وراح المقابر وقف دام قبر امه وابوه وقرأ الفاتحه ونزل على رجليه قعد قدام القبر وسند براسه على باب القبر قريب قوووي هاقولكم ناموا وارتاحوا خلاص فاضل خطوه وحقكم يرجع وحق كل تعب وبهدله وكسره لانتقم منهم وماهسيب حد منهم إلا لما اسقيهم كأس من جهنم يعيش عمره يتجرع مرارته وناره في جوفه وحلقه غمض عنيه اطمنوا على اخواتي حسام وجنا بقوا في طب وانا هابقى اخو الدكتور كبروا وكبروني وابتسم وهو لسه مغمض عنيه وانا بيني وبينكم شكلي كده طبيت ادعولي بقى ربنا يوفقني معاها فتح عنيه وقام صلب طوله قريب اوووي هاجيب اخواتي واجي ازوركم بس بعد ما الحق يرجع لأصحابه
وسابهم ومشي
وهو سايق رن تليفونه بص عليه وفتح بسرعه
شبل ايه يا كبير عامل ايه
هارون بلهفه ها يا شبل
شبل يا جدع بقى انا انفخ فيك واقولك يا كبير طيب انتا تقولي يا معلمه اي حاجه
هارون بنفخه يا الله منك يا ابني ابوك كان راجل طول عمره جد ودوغري نفسي اعرف انتا جايب الهزار داه منين
شبل بضحكه يا جدع تبقاش قفوش كده خليك مرحرح وخد وادي في الكلام
هارون بغيظ تبقاش افوش ومرحرح اممم والله يا شبل انتا عايز ابوك يديك تلاتين شاكوش على نفوخك المهوي داه عشان تفوق وتبطل وخد نفس المهم ما علينا قولي بسرعه بقى عرفت حاجه
شبل بفخر عيب عليك دي تبقى عيبه في حقي لما تسألني سؤال زي داه
هارون وقف العربيه و غمض عنه وفرك دماغه ااااه انا اللي جبت داه كله لنفسي منا كنت اتصرفت بمعرفتي ولا الحوجه ليك
شبل الحوجه دي اللي جابتلك قرار المزه بتاعتك
هارون بحده احترم روحك وانتا بتتكلم عنها ماشي
شبل اوبا بقى داه شكل السناره غمزت انا قولت كده محدش صدقني
هارون يا شبل ابوس ايدك يا جدع بلاش تبقى عامل زي نسوان المصاطب اللي قاعدين يلقحوا على بعض وقاعدين يرازوا في خلق الله في الساقطه واللاقطه انتا راجل ورجع كررها بسخريه انتا ايه قول كده ورايا يمكن تقتنع شبل راجل
شبل بحده لا اظبط يلا ادنا سيد الرجاله ومليون من يشهد كمان دانا معلم معلمين الباطينه
هاورن اتنفس براحه كده بقى اطمنت انك رجعت لعقلك انا عايزك بقى تمشي معايا بنفس الطريقه دي على طول فهمتني لا تلف بيها لا يمين ولا شمال خدها كده في وشك على طول دوي بنزين طريقك معايا مسفلت
شبل ماشي يا معلم هارون اسمع بقى اسمها صدفه عبد الباري محمد اساسهم من الصعيد وابوها جاله شغل في مصر وجابهم واستقر هنا بس عيله دماغ امها جزمه بنت جزمه البت ابوها ميت بس سايب عكمه تقيله وقرشين حلوين ليها اتنين اخوات صغيرين لسه في المدرسه اكبرهم صدفه بس بعاداتهم في الصعيد عنها اتجوز امها عشان يربي عيال اخوه
هارون بصدمه ايه
شبل لا اصبر ولسه داه اللي جاي انيل
هارون لسه ايه تاني كمل كمل داه شكله مرار طافح
شبل عمها داه بقى لوحده حكايه متجوزهاش حب فيها ولا عشان سواد عنيها ولا عشان يربي عيال اخوه و كل الكلام اللي لا يودي ولا يجيب تؤ داه عشان الفلوس والورث اصل في عرفهم الحريم مبتورثش فقالك حرمه وفوق منها فلوس ليه لاء
هارون لحد كده تمام وبعدين ايه المهم
شبل اصبر بقر واسمع نصيبه الأسود ان اخوه الله يرحمه كتب حاله وماله بين عياله وكانتو قصر وقتها وحطها هي وأخواتها تحت وصايه المجلس الحاسبي لحين بلوغهم السن القانوني علشان كده محدش منهم قدر يمد ايده وياخد من فلوسهم قرش صاغ
والبت اصلا لوقتنا هذا لسه مبلغتش السن القانوني اللي هو واحد وعشرين سنه علشان تسقط الوصايه من عليها بس على ما اظن قدامها شهور وتتمم الواحد وعشرين
هارون بتكلمه: ووقتها تسقط وصايه المجلس الحاسبي
شبل أكيد والاكيد الاكبر ان عمها ما هايصدق ان يملك نصيبها ويحط ايده عليه
هارون طيب وهي
شبل لاء دي لوحدها حكايه خد من عندك بقى البت الشهاده لله لا غبار عليها ادب وأخلاق وتربيه مفيش كده بس امه داعيه عليه بشلاشيل عنيها في ليله القدر في ساعه استجابه اللي ييجي قدامها او يقع تحت ايديها عليها يا ابني لسان ازفر من زفاره السمك نفسه دي معلمه على تلت اربع شباب المنطقه سواء رجاله او نسوان مبيفوتش من تحت ايدها حد
هارون بضحكه انتا هاتقولي
شبل بتريقه: لا لا اوعي تقولي انها عملت عليك انتا كمان ونابك من الحب جانب
هارون بشخطه عيب ياض لسه مخلقهوش ربه اللي يقدر يرازي المعلم هارون
شبل بفضول ولما هو كده عرفت منين
هارون يا ابو مخ ضلم مش بقولك شغاله معايا شوفتها في الموقع بترازي مع واحد من العمال وعملت معاه الصح وزيادتين كمان بس جدعه
شبل بصراحه اه جدعه وبنت بلد
هارون طيب وانتا رائيك فيها ايه
شبل من غير لف ودوران كتير وعلى بلاطه لو انتا بتدور على واحد صح تكون ام لعيالك فتاخدها وانتا عينك مغمضه ولو بردوا بتدور على اللي تسترك وتصونك وتكون سترك وغطاك تاخدها وتسيبها في بيتك وانتا ماشي ومسلم ومأمن لربك انها بيمت راجل في غيابك اللي زي البت دي عصب وعصب ناشف اوووي كمان ولا تعرف تغدر ولا تخون
هارون يعني اخد كلامك ثقه وعلى ضمانتك
شبل را راجل عيب هو انا صغير ولا ايه ولو مش على ضمانتي مش سلطان الهوا اشتكى قاضي الغرام حكم والسهم خلاص نفذ
هارون بمشاكسه الله الله دانتا بتعرف تقول اشعار وتقلش كمان
شبل الله ومعرفش ليه ناقص لسان ولا ناقص عقلك ولا تكونش فاكر علشان معلم ابويا سوابق ان قلبي ميت لا دانا لماح اوووي
هارون ايه العباره هو انتا كمان قلبك طب
شبل استغفر الله بعد الشر عليه انا قلبي متحصن وعامل زي الجبل مهما ان كانت الريح شديده متقدرش عليه تقدر تقول كده عامل على قلبي حصانه
هارون بتنهيده وجع من مراره الحب كان غيرك اشطر والحب مش ريح داه زي الزلزال لو جه بيهد القلب هد وبيدخل من كل مكان مهما ان كان متحصن زي النفس كده حواليك مهما ان قفلت الف باب وباب
شبل يا عم فال الله ولا فالك سيبك مني وخلينا فيك انتا ناوي على ايه
هارون.....
يا ترى هارون ناوي على ايه ….
يا تري رفعت ورقيه بيخططوا لايه....
يا ترى رفعت هايقدر يسدد قرض البنك ولا ماهر بالمرصاد
ياترى الماضي خلص ولا لسه فيه مستخبي ….
يا تري مصير صدفه ايه ..؟
يا ترى ايه اللي جاي لهارون وشبل وعلاقتهم هاتوصل لايه
يتبع
الفصل السابع والثلاثون
هارون بحيره صدقني مش عارف اخد قرار ولا احدد حاسس اني محتاج أقرب منها واعرفها لان احنا الاتنين عاملين زي النار والبنزين كل ما بنتقابل بنبقى هانولع في بعض
شبل تؤ تؤ تؤ لا خد بالك اللي زي دي لا ليها في سكه العواء ولا الهيئ ولا المئ ملهاش في لف الشوارع ولا القلوب والدباديب ومكالمات الليل واخره يعني بالمختصر ملهاش في الشمال دي سكتها دوغري اوووي يعني عايزها تخبط على الباب وتدخل البيت من بابه انما اللف من ورا لورا ونط الشبابيك وتسبيل تحت البلكونه داه مياكلش معاها وهارجع اعيدهالك تاني تدخل البيت منين يا ابني من بابه بس وانتا داخل خد بالك ان عمها مش سهل وحد كده عايز رصاصه في نص راسه تفرتكها وتريح الناس منه
هارون بإستغراب ليه بتقول كده تعرف عنه ايه بالظبط
شبل مش كتير هور بني آدم رخم بعتبر الماده الخام للرخامه بذات نفسها نطع عامل نفسه دكر وفارد قلوعه على بيت اخوه كل يوم الشارع بيسمع صوت ضربها وكذا مره الجيران تتدخل بس راجل سليط اللسان
هارون بخضه طب وصدفه
شبل ابتسم لا اطمن دي بقى زي الشوكه اللي دخلت في زوره نفدت لضهره عملها مره والبت الشهاده لله راحت القسم وعملته تقرير طبي معتبر وكان هايتحبس واعمامها وجدها جم من البلد وعملو غاغه الكلام داه كان ايام المرحوم ابويا وهو اللي اتصدرلهم ومقدروش عليها وطلعته بعد محضر عدم تعرض انما امها وليه غلبانه مقدرتش عليه
هارون ارتاح كتير بعد ما سمع كلام شبل تمام هافكر واشوف وارد عليك
شبل ماشي معاك في اي وقت
قفل معاه وكمل طريقه للبيت وهو سرحان دخل اوضته وحب يختلي بنفسه شويه
هنا خبطت على الباب ودخلت هارون هارون
هارون اتعدل من رقدته على السرير ونفخ بغيظ وطلع الكلام من نحن اسنانه خير يا هنا داخلالي بزعابيب امشير ليه
انا الحق عليا قولت اقولك تيجي تتغدى معانا اخواتك تحت يلا يلا بلاش كسل خلينا نتجمع تاني زي زمان طب ده انا والله ما بصدق ان احنا نتلم حوالين بعض تاني ده انا وحشتني الايام دي والله يا هارون
هارون بص لها ورفع ايده باستسلام خلاص يا هنا نازل قبل ما تفتحي الموشح والاسطوانه بتاع كل يوم انا نازل وراكي دقيقه هحط الشبشب في رجلي وهتلاقيني كده ايه فخطويكي يلا يا هنا بسم الله مرساكي ومجراكي
نزلت هنا ودقايق وهارون كان نزل وراها
كلهم اتجمعوا حوالين بعض وهارون عمال يبصلهم بحيره وتردد عايز يفتح موضوع صدفه ومش عارف يبداء منين ويجيبه ازاي فصل ينقر بالمعلقه على الطبق وهو مش واخد باله
انا بغيظ في ايه يا هارون قول اللي عايز تقوله على طول بدل ما انت عمال تنقر بالمعلقه على الطبق عودان امي الاتنين صفروا من كتر التخبيط جارهم وانت عارف ان الحركه دي بالذات بتجنني قولي يا حبيبي على طول ربنا يهديك
هارون بص لها باستغراب في ايه يا هنا كل ما تلاقيني سرحان تعملي موال وهوليله قاعد بفكر مع نفسي في ايه
انا بتريقه اااااه بتفكر قولتلي بقى ما انا ملاحظه برده واخده بالي وبصت لاخواتها الاتنين مش ملاحظين انتوا كمان يا جدعان ان بقى له كتير برده بيفكر وغمضت نص عينيها كده وسندي الدراسه على ايديها الا قول لي بقى يا اخويا انت من ساعه ما قولتلي على البنت اللي عاجباك ولا قولتي حتى اسمها ايه ولا منين ولا بنت مين ولا ايوتها حاجه خالص وشاء اتعدلت وشاهدت بصوت عالي وهي بتخبط على صدرها هاااا تبقى مصيبه لو كنت صرفت نظر اوعى تقول لي انك صرفت نظر يا هارون
هارون هزلها راسه بسرعه بنفي
هنا اتنهدت وخدت نفسها براحه :الحمد لله كان قلبي هايقف لو كنت صرفت نظر دانا مصدقت ان ربنا نفخ في صورتك وقولت يا جواز
جنى ربعت ايديها واتعدلت في قعدتها على الكرسي وريحت ضهرها قولنا بقى يا هارون مين بقى هي اللي عليها العين والقصد والكلام
هارون عوج بقه بشكل كوميدي اه ربنا يكفي الرجاله شر قعده الستات والستات الفاضيه يعني عشان
مابيبقاش وراهم شغل ولا مشغله غير انهم يرازوا في الرجاله ويجيبوا قرارهم بص الهنا بلوعه وحاول يغير الموضوع بت انتي انتي مش عندك مذاكره
هنا بضحك سمجه وهبله لا الكلام ده كنت تقوله لي ايام الثانويه العامه انعما انا دلوقتي اسكيوزمي يعني طالبه في كليه الطب وليا بريستسجي ووضعي
هارون بمطه شفايف امممم امممم اممم طيب عايزه ايه ربع دكتوره واخلصي يا سوسو عشان انا عارفك
جنى ابو غيث ايه ربع دكتوره دي انا اسمي الدكتوره جنى احمد المالكي على سن ورمح وعدلت يقتل ترنج بشكل وهمي كوميدي.
هارون عدل نفسه و سند براسه على ايده لما تخلصي السبع سنين طب ساعتها هقول لك يا دكتوره جنى النعمه انت لسه عيله في سنه اولى طب هتفضلي ربع دكتوره لحد ما تخلصي وقتها اقولك يا دكتوره جنى وارفعلك القبعه وانحنيلك كمان
هنا نتكلم بقى بجد والله يا هارون هي اسمها ايه ومنين وبنت مين
هارون بابتسامه غريبه بظهرت على وشه بيانه صف اسنانه وشرد في لحظه لما جاه طيفها في دماغه وقال اسمها بحالميه صدفه
حسام بص له بص لاخواته على وضعه هارون وحب ان هو يشاكسه وينكشه راح مغني لما قابلتك مره صدفه
هنا وجنى في صوت واحد تيرارارا
هارون فاق من شروده اللي مادامش اكتر من ثواني رفع راسه اااااه ده السهره والتسالي عليا شكلي كده هكون فيلم السهره وقف لا جيتوا في سكه غلط معطلكمش وانا اصلا غلطان انا نزلت نفسي ليكم وقاعد بتكلم مع عيال زيكم
هنا مسكته من دراعه وشديته لا لا لا اقعد كده وما تبقاش حمقي اومال يا هارون
هارون وهو ينفع اللي انتو بتعملوه انا قاعد بتكلم معاكم جد وانتوا قلبتوا الموضوع بهزار وتريقه عليا انا قاعد وسطكم كأسره وعيله وانتوا واخدين الموضوع اللش
هنا بجديه لا لا خلاص والله محدش هاينطق وبصت بحده وصوت صارم جنا حسام ولا كلمه لحد ما يخلص
حسام شاور على بوقه كأنه بيقفل سوسته وجنا حطت ايديها الاتنين على بوقها بمعني ولا كلمه
هنا بصت لهارون ها اهم قعدوا كلهم زي الالف قولي بقى في إيه ووصلت لفين
هارون ولا حاجه لسه هاجس ميتهم واوف دنيتهم فيها ايه الأول
هنا وقفت بشرشحه تجس ايه يا عنيا وهي تطول اساسا انكك تبصلها تطلع مين دي علشان متوافقش دي تحمد ربنا تصلي ميت ركعه شكر لله انها هتاخد زينه الرجال الباشمهندس هارون على سن ورمح
هارون حط صباعه في ودنه الله يخربيتك صرصور ودني اتخرمت لاحظى انك بصوتي جار ودني يا أما وشاور على ودنه دي ودني يا حاجه واقعدي كده الله يهديكي مش واقفين نشلق لبعض في المولد احنا اقعدي واتكامي زي الناس بهدوء ها بهدوء يا هنا
هنا بغيظ قعدت قولي بقى يعني ايه تجس ميتها دي افهمها بقى
هارون بتوضيح يعني حقها يا هنا اي بنت في الدنيا طول ما هيا في بيت أهلها مورده بيجيلها الزين وبيجيلها الشين والقرار ليها انها تقبل او ترفض وانا زيي زي غيري هابعت اللي يجس نبضهم واشوف الدنيا فيها ايه وبناء عليه هاعرف اتصرف ازي فيما بعد
هنا افهم من كلامك انك خلاص نويت
هارون والله لسه بفكر هاستخير واللي فيه الخير يقدمه ربنا
خلصو كلامهم واتحولت لقعده عائليه وسط ضحك وهزار
هارون طلع اوضته اخيرا طلع تليفونه واتصل بشبل
شبل :ايه وحشتك مش كده قول اه
هارون وحش لما يلهفك ياض اظبط كده دانا بدئت اشك فيك والله بسبب كلامك الزفت
شيل بشخطه لاااااء انا الهزار شغال مع الحبايب اااه انما لو هايقلب بعواء لاء هاقولك وقتها اعدل لا اعدلك المهم خير مش مبتلي انا بيك صبح وليل زي المضاد الحيوي
هارون بتريقه ههه خفه ياض ما علينا من تريقتك دي يعني عايزك تاخد لي ميعاد مع اهل صدفه
شبل ايه خلاص نويت
لا لسه بفكر ياض يا خفه اومال بقولك ازاي خدلي ميعاد
شبل بتهكم ميعاد هو انت فاكر نفسك رايح تكشف عند الدكتور وبتحجز قبلها ولا يمكن تكون فاكروا اجتماع رجال اعمال من بتوعك يابا صحصح معايا كده اللي زي دول تطب عليهم زي القضا المستعجل
هارون ازي يا جدع يعني ندخل على الناس من غير لا احم ولا دستور
شبل بتريقه ولا حتى كاستور يابا مش الناس دول يابا ومش الراجل ده اللي يتعمله حساب وتعبره من الأساس دول تخش عليهم كده زي لهوة الغفله
باستغراب يعني عايزني اخد اخواتي واروحلهم كده من غير ميعاد ولا دياولوا
شبل لا اسمع بقى يا شبح دكر الكلام انت المفروض راجل ابن سوق و مدقدق لا خواتك ولا حريم بيتك ولا اهلك يتدخلوا اساسا دلوقتي
هارون بحيره مش فاهمك يا جدع
شبل من ابو اخر كده نروح انا وانت نطب عليهم نشوف ميتهم جاريه لحد فين انما اهلك واللمه والحبايب والقرايب دي تيجي كده لما نرقع زغروتين ونبل الشربات ونعلي الجواب وبارك الله لكما وبارك عليكما مش دلوقتي خالص وقتها ده لما تضمنها في ايدك وتضمن الموافقه
هارون بقبضه قلب قصدك ايه انهم ممكن مايوافقوش
شبل يا ابني انا مش لسه الصبح قايلك ان عمها ده ارخم من الرخامه وانه الماده الخام للرخامه والغلاسه والتباته في حد ذاتها
هارون قلق وحيرته ذادت انت كده خليتني دماغي عملت ايرور ولفت مني
شبل لا عيب عليك يعني ده انت معاك المعلم شبل جابر الحنش كبير الباطنيه تماً وانت اسمك في حد ذاته يا كبير مسمع وصيتك ملعلع تقلق دي كلمه عيب في حقك وحقي لما تتقال
هارون خلاص ما دام انت مالي ايدك يبقى خير البر عاجله ونروحلهم بكره
شبل وهو كذلك على بركه الله استناك بكره بعد اذان المغرب
هارون ماشي معاك على تليفون
رافت دخل الشركه وهو مخنوق دخل مكتبه من غير ما يعدي على حد
دخلت عليه رقيه ورفعت
رافت بنفخه خير
رقيه كل خير عايزينك تبلغ الاولاد أن ميعاد اولاد عمهم يوم الجمعه اللي جايه
رافت وانتوا حددتوا الميعاد بناء على ايه
رفعت متشغلش بالك
رافت ماشي يارفعت لما نشوف اخرتها ايه
رفعت كل خير المهم انتا كنت فين كده
رافت كنت في البنك وخدت مهله يادوب اسبوع واحد بس لا أكثر ولا أقل
رقيه بصت لرفعت وسكتت
رفعت معرفتش ترفع معاهم عن كده البضاعه دلوقتي في قلب البحر ومش قبل 15 عشرين يوم على الاقل
رافت والله اللي قدرت عليه عندك البنك روح وجرب حظك يمكن تقدر تزود انتا المهله
رقيه خلاص تمام ان شاء الله قبل المده هايكون الدفعه الاولى خلصت ان شاء الله
رافت بتهكم منين بقى ان شاء الله واحنا كلنا على الحميد المجيد والبركه طبعا فيكم
رقيه متشغلش بالك
رافت وهو بيخبط كف بكف اكتر من كده مبقاش فيه مكان اصلا علشان اعرف اشغله
سابو رافت وطلعوا بيت رفعت
اتجمع ثلاثي الشر رقيه ورفعت ودريه
رقيه بصوا بقى من هنا لحد ما البضاعه توصل لازم نسدد حتى ولو دفعه من قرض البنك
دريه منين يا رقيه مهو البيه ضيع كل حاجه
رقيه لا خالص كل المسأله تأخير البضاعه فعلا خلاص في طريقها لمصر
رفعت ما احنا ممعناش سيوله كافيه
رقيه انا معايا مبلغ شيلاه على جمب بالاضافه لمجوهراتي ومجوهرات دريه على كام عربيه من اللي مركونين في الجراج هاتقدر نسدد كام مليون
دريه يا رقيه افهمي داه قرض ب نص مليار يعني فوايده تقطم الوسط تفتكري الكام مليون اللي بتتكلمي فيهم دول هاينفعوا
رقيه بصوا بقي الأمل كله على البضاعه وأولاد صابره
دريه مش فاهمه وضحي كلامك
رقيه بصي اول هام البضاعه بمكسبها هاتعدي المليار اساسا تاني هام لو قدرنا نسيطر على اولاد صابره تبقى ضربه معلم والكل هاينوبه من الحب جوانب مش جانب بس
رفعت قصدك ايه
رقيه الدفعه الأولى حوالي عشرين مليون
رفعت ايوه
انا معايا مجوهرات وفلوس في حدود ال 8 مليون ودريه معاها قد ايه
دريه بلمعه طمع حوالي عشره
رقيه حلو اوووي كده باقي اتنين مليون ممكن عربيه ولا اتنين من اللي بره ويبقى الدفعه الأولى اتشال همها خالص ومعانا شهرين للدفع التانيه تكون البضاعه جات واتصرفت كمان
رفعت طيب مهو لو على كلامك يبقى ملهوش داعي نطاطي لاولاد صابره
رقيه يا غبي الواد بقاله اسم كبير ومشارك وحوش السوق يا غبي مينفعش يفلت من ايدينا فهمت وواحده واحده ناخد الجمل بما حمل ونرميه تاني في الشارع رميه الكلاب
دريه بطمع عندك حق فعلا يا رقيه اللا بالحق هو الواد داه قاعد فين
رفعت ساكن يا ستي في القطاميه هايتس
رقيه بقى الجربوع داه ساكن في الكومباوند بتاع القطاميه وسط صفوه المجتمع
رفعت اه تصدقي دي وساكن فيلا تمنها يعدي ال الخمسين مليون صحيح عجبت لك يا زمن
رقيه عرفت ليه بقولك مينفعش يفلت من ايدينا
دريه بتأيد فعلا رقيه عندها حق يا رفعت دي مغاره على بابا واتفتحت تغرف وتعبي على كيف كيفك
رقيه كده اتفقنا بكره تروحي تبيعي المجوهرات اللي معاكي وانا كمان وهاسحب اللي معايا ورفعت يشوف بيعه في اي عربيتين المهم المبلغ يكون جاهز خلال يومين بالكتير
رفعت وهو كذلك مادام انتوا شايفين كده
دريه طيب وانتوا ناويين على ايه
رفعت ناوي افرقع القنبله
دريه اللي هي ايه بقى
رفعت لاء دي تصبري عليها عايزه تخطيط وتكتيك على العالي
رقيه هزت راسها تمام كلها خمس ايام ونشوف بس خد بالك ان التأخر مش في صالحنا خالص اخوك عرف يسكت البنك اسبوع لا اكتر ولا أقل لازم تخلص كل حاجه في المينا بدري بدري لان لو موضوع الحجز تم او اتشم بيه خبر في السوق كلنا هانروح في خبر كان وهانبقى اتمحينا بأستيكه من السوق
رفعت عامل حسابي ورجالتي مظبطين الدنيا وانا مش محتاج اكتر من الايام دي وكل حاجه هاترجع زي الاول واحسن كمان
رقيه اتمنى يا رفعت يكون كلامك صح المرادي لحسن انا شبعت خساير من وراك
رفعت بصلها بطمع لا دانا هاتمنى وهاحلم وهاحققه بإيدي على أرض الواقع وبكره تشوفي
رقيه بصتله بحيره وسكتت ومشيت
دريه بصت لرفعت اعمل حسابك اني هايبقالي نصيب في الارباح انا حطيت كل ما أملك معاكم
رفعت طبعا بس غريبه انا اعرف ان مجوهراتك متتعداش ال اربعه او خمسه مليون بالكتير
دريه بلوع لا منا شايله كام قطعه كده على جمب متشغلش بالك انتا بس
رفعت ماشي هطلع اشوف حد من السواقين اللي بره علشان العربيات
سابها وطلع
ودريه طلعت اوضتها جري فتحت الدولاب وطلعت المجوهرات كلها وزقت الدولاب لجوه فتح ضرفه سريه طلعت منها شنطه كبيره وفتحتها ومسكت الدهب اللي ماليها بإيديها والله وجاه وقتكم يلا كنت شيلاكم لعوزه واهي جات هاتروحو وييجي من وراكم ملايين الملايين اهو استفدت من ورا المجحومه صابره بحاجه عدله مهم بلعون الجمل بما حمل
خدت الشنطه كلها وطلعت على الجواهرجي وباعت كل ما تملك ورجعت البيت حطتهم في الخزنه وقفلت عليها لحد ما رقيه تجهز اللي عندها
مر اليوم وهارون بيعد الوقت والدقايق والساعات منتظر ميعاده على أحر من جمر وكأن عقرب الوقت واقف مابيمشيش حط همه في الشغل واخيرا قدر يخلص خد عربيته وساق جري على البيت طلع بسرعه وخد شاور وظبط دقنه ولبس بنطلون جينز ارزق وقميص بيبي بلو وبليز كحلي
وحزام وشوز هافان وسرح شعره وحط برفان ريحته تدوخ
ونزل وهو مزاجه رايق
حسام اول ما شافه صفر بصوت عالي ايه داه يا برنس لا بجد في ايه ايه اللي انا شايفه داه لابس ومتشيك ورايح فين كده بالليل
هارون في ايه ياض انتا اتهبلت ولا ايه
عندي ميتنج شغل
هنا بتفحص وتدقيق فيه من فوق لتحت وهو ليه شكلك قالب كده على عريس
هارون بمكر عريس حته واحده يسمع من بوقك ربنا
هنا اه حته واحده اومال على
حتتين وايه اللي كان منعك يا اخويا تبقى عريس
انضمت لهم جنى وهي بتسند بايديها على كتف هارون وبصيت له قل لي انا كده وسرك في بير ما تقلقش لابس والحته اللي على الحبل ورايح فين كده يا روني
هارون رفع لها شفايفه وحاجبه وبتريقه روني ليه بتكلمي ابن اختك الصغير
هنا لا بنكلم سيد الرجاله بس عايزين نطمن عليك قولنا رايح فين
هارون وهو بيزقهم طب غوري من وشي بقى لاقلع اللي على الحبل لا مش اللي على الحبل بس ده انا هقلع اللي في رجلي وهسويكم بيه على الجنبين وسابهم ومشي
انا من ورا بصوت عالي اهرب اهرب مسير اعرف اللي مخبيه ومداريه قعدالك يا هارون ومش سيباك
طلع وسكع الباب وراه
ركب عربيته وعدا اشترا بوكيه ورد شيك وجاب علبة شيكولاته غاليه وراح لشبل
شبل اول ما شافه صفر عيني عليك بارده لا عريس عريس
هارون طب اركب يلا عشان
مانتاخرش على الناس
ركب شبل وشاف الورد والشيكولاته ايه ده انت جاي تدخل على دول برده وشوكولاته ليه فاكر نفسك داخل على ولاد ناس
هارون امال ادخل لهم ايدي فاضيه داخل يعني رايح أتقدم لبنتهم وادخل ايد ورا وايد قدام طب حتى من باب الزوق يا جدع
شبل لا مش القصد يا باشا دول تدخل عليهم كده ب 2 كيلو برتقال واثنين كيلو يستفندي وجبرت
هارون يا جدع بطل قرف خلي عندك ذوق ال برتقال وسفندي قال
شبل انا اللي ما عنديش ذوق والله ظي نكته يا جظعان وعاملي فيها الواد الصايع والبرم ومعلم وطلعت انت اللي ما بتفهم يلا يلا انا مالي يا معلم
وصلو لبيت صدفه وطلعوا مع بعض
شبل خبط على الباب
دقائق وفتحت لهم ست باين عليها السن بالرغم الكدمات اللي ماليه وشها والضرب اللي مورمها الا انها ماخبتش جمالها
شبل بتنحنحه سلام عليكم ازيك يا خالتي ام صدفه عامله ايه شاالله تكوني بخير
ام صدفه تسلم وتعيش يا معلم خير
شبل جوزك موجود
ام صدفه ايوه موجود بس نايم شويه خير
شبل قوليله المعلم شبل عايزك ومعاه ضيوف
ام صدفه عيني بس معلش لا مؤاخذه هسيبك بس على الباب دقيقه وادخل اديله خبر
شبل هزلها راسه
اقل من دقيقه وسمعوا جعوره بصوت غليظ واجش جرى ايه يا مرا مش شايفاني مخمود وقلت ما حدش يعتب ولا يهوب يمه الاوضه دي ايه ما بتفهميش يا وليه ولا ما بتجيش الا بالسك على نفوخك جتت اهلك نحست على الضرب
يا مره ياهم جايه تصحيني وانت شايفاني مخمود مش شايفاني جاي تعبان ومكفوت الهي تتكفتي الكفته الابديه اللي تنامي فيها النومه بلا قومه
ازهار بخوف وجسمها بيرتعش وصوتها يادوب طالع بالعافيه معلش يا حمدان والله غصب عني يا اخويا داه المعلم شبل بره وعايزك
ام منطور من على السرير المعلم شبل خير بنتك اوس البلاوي عملت ايه تاني
ولا تلاقيهم مقاطيع الاسم والصوت والصوره الالهي ينخفوا من الدنيا عيالك رازوا مين في الشارع ما انا ابتليت بيكم
ازهر ميلت راسها في الارض ودموعها نزلت على وشها بحرقه وسكتت ومانطقتش
حمدان زقه من قدامه بقرف وقعت على الارض وسندت بايديها الاثنين وبكيت بحرقه من قله حيلتها وضعفها وقامت من سكات نفضت هدومها
حمدان ما اتلفتلهاش ولا بص عليها وطلع بره شبل اللي لسه واقف على الباب
حمدان بوهليله وصوت عالي يا مرحب يا مرحب مرحب يا تولتوميت اهلا وسهلا يا معلم شبل انست ونورت يا الف خطوه عزيزه
شبل دخل وهو كازز على اسنانه الله يعز مقدارك يا حمدان بس ايه ما تعرفش عن الاصول حاجه يا حمدان وماتعلمتهاش بترحب من على الباب
حمدان خش خش يا راجل هو انت غريب لا مؤاخذه يا معلم المرا الله يحرقها بجاز بعيد عنك مرا سوا ولخفنت نفوخي
خش يا راجل عيب ده انت صاحب بيت يعني تخبط الباب برجلك وتخش ايوتها وقت
شبل لا مؤاخذه يا حمدان بس معايا ضيوف والبيوت بردوا ليها حرمه
يا الف اهلا وسهلا بيك و بضيوفك كمان ده انتو جوه واحنا اللي بره
هارون ميل بهمس على شبل هو ده بيته
شبل بنفس الهمس لا بعيد عنك ده بيت مراته وعيالها
هارون بنفس الهمس اومال الراجل فاشخ قلوعه وبيرحب قوي بينا ليه كده اومال لو كان بيته بجد كان عمل ايه يلا يلا ما علينا خلينا نشوف المهم احسن
دخلوا وقعدوا واستقروا حط هارون الورد والشيكولاته اللي في ايده على الترابيزه اللي قدامه
اتلفت حواليه بيت شعبي لكن كويس ونضيف مفروش باساس حلو متناسق معاه
حمدان بصوت غليظ تشربوا ايه ولا نحط غدا
شبل تشكر لما نلخص اللي جايين علشانه نبقى نشرب بمشيئه المولي
حمدان بص على الورد والشيكولاته بقرف
شبل ميل على هارون بهمس مش قولتك دول تدخل عليهم ببرتقال وسفندي بص على الراجل بيبصلهم وهو قرفان ازاي
حمدان اؤمر يا معلم خير الشوقه دي عشان ايه اللا انا اتوغوشت
شبل بحده وصوت صارم ما هو طبيعي انا امر واللي زيك ينفذ ولا عندك كلام تاني
حمدان بنفي لا يا معلم مفيش قول بعد قولك طبعا يا كبير
شبل ببرود صدفه
حمدان بجعير عملت ايه واحله البرك تاني اللي الهي تنخفي من على وش الارض وارتاح منها ومن بلاويها البعيده
هارون باصصله بغيظ وهو كازز على اسنانه قرب يكسرها
شبل مسك ايده واتكلوا بعينيه اصبر وانا هتصرف في الموضوع ورجعت لف تاني بنظره لحمدان وشاور على هارون المعلم هارون جاي وطالب ايديها وطالب القرب والنسب ولو انه يعر بس لاجل عينيها زي ما بيقولوا لاجل الورد ينسقي العليق
حمدان بصوت غليظ والله كان بودي اقول اه بس ومتغلاش عليك يا معلم بس ما كانش ينعز و انتا عارف في عرفنا و سبرنا البت لابن عمها وابني عينه منها يعني هو اولى بلحمه من الغريب
شبل ابنك مين داه اللي تساويه بالمعلم هارون ما انا برده على حد علمي وكان تحت عيني وسامعي انها شرشحت ابنك في الشارع وفرجت عليه امة لا اله الا الله قالتلك لا ولو كان اخر دكر فيك يا بلد برده لا وبالفوم المليان كمان وكيلتلك انتا وابنك بالكيل الكبير
حمدان بحده هي تقول ما بدالها احنا عندنا ما فيش حرمه ليها راي الكلمه كلمه الرجاله والشورا شورت الرجاله اللي يقولوا عليه تقول النسوان امين
هارون بتعقل عشان يحتوي الموقف بس لا مؤاخذه يعني ده لا في شرع ولا في دين
حمدان وهو بيرفع ايده بس في عرفنا وسبرنا كده ده شرعينا ودينا ماشيين عليه من جدود الجدود ما جدش ست واحله تيجي تغيروا وتكسر كلام الرجاله
شبل بشخطه وصوت عالي ما تظبط كده يا راجل واعدلك عدله وصوتك ده توطيه انت قاعد قدام اثنين معلمين يتهزلهم اتخن شنبات في بر مصر شاور على هارون المعلم هارون المالكي كبير الوراق وشاور على نفسه والمعلم شبل جابر الحنش كبير الباطنيه
يعني بكلمه من المعلم هارون بتمشي على رقاب رجاله بشنبات تيجي انت يا جعر تعلي صوتك في وجودنا وقعدتنا وحضرتنا في ايه يا راجل يا نطع
حمدان كش في نفسه بخوف على عيني وعلى راسي يا معلمين بس بنتي وانا حر فيها
هارون ميل على شبل بهمس بص انا لحد دلوقتي كنت محترمه ومحترم ان احنا في بيوت الناس
شبل لأناس مين والناس نايمين مع ده انت تقلع توب الادب وتلبس توب قله الادب ده راجل يخاف ما يختشيش ما بيجيش الا بالسك على نفوخه اسمع مني لو عايز المصلحه دي تقضى
هارون قام مكانه و مسك حمدان من الفلينه ام حملات اللي قاعد بيها وشدوا بحده وبعنف طب اسمع بقى يالا اوعى يغرك البدله اللي انا لابسها والايافه اللي انا فيها لو انت وسخ فانا اوسخ من عينتك بعيد عنك لما واقف قدام العبد لله كان مصيرهم اوسخ ماسوره مجاري وانا صدفه ودخلت مزاجي وعششت وجايه اتفق بالاصول قلت اه نقعد بادب قلت لا مش هحلك لحد ما تقول امين وتقعد وتقرا الفاتحه لو اتعرضت لصدفه ولا امها ولا حد من اخواتها اعرف وقتها انك بتتعرض وبتقف في وش المعلم هارون واسال مين هو المعلم هارون واعرف ساعتها ان اللي بيدوس بس على ضلي مش على طرفي بدوس على رقبته وادفنه تحت سابع أرض واقف اترحم عليه واللي يسالني أقول الله اعلم واقوم ادور عليه معاهم كمان
حمدان بخوف انا عامل اعتبار ليكم يا معلمين بس كده مش اصول انتم جايين تهددوني في قلب بيتي لا ما انا مانيش هفيه انا اهلي في الصعيد يقرشوكم دول رجاله ياكلوا الزلط وقلبهم ميت
هارون وهو بينفضوا من قدامه بينفض ايديه الاثنين كانه وسخ وماله مستنيهم ويبقى بدل عزاء فرداني يبقى العزا بالجمله ولا من شاف ولا من دري
ها قولت ايه هاتقرا الفاتحه ونختمها بآمين ولا نترحم في المجاورين ونختمها فوق قبرك ب ولا الضالين
حمدان
يا ترى رد حمدان ايه.
يا ترى صدفه لما تعرف هتعمل ايه
وردها هيكون ايه.
يا ترى رفعت ورقيه ودوريه بيخططوا لايه تاني
يا ترى هارون هيعرف ينفد منهم ولا هيقع في مصيدتهم ويلفوا شباكهم حواليه
يا ترى الماضي خلص بكل اسراره ولا لسه فيه تاني متداري.
يا ترى اللي جاي مخبي ايه.
يتبع
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق