رواية البلطجي الفصل الثامن والثلاثون 38بقلم ولاء حامد حصريه في مدونة قصر الروايات
رواية البلطجي الفصل الثامن والثلاثون 38بقلم ولاء حامد حصريه في مدونة قصر الروايات
الفصل الثامن والثلاثون
مرت الايام وهارون عقله مبيفصلش شغال زي الطواحين في كل اتجاه وأصبح شغله الشاغل هو ايه السبب ورا زياره رفعت المالكي اتنهد بحيره وسند ضهره على السرير وعنيه ثابته قدامه وكل كلمه بتتعاد في دماغه زي شريط السينما هارون همس لنفسه يا ترى بتخطط لايه تاني وجرابك لسه مخبي ايه يا ابن المالكي عايز توصل لايه باللي جاي تقوله وعايز تعمله اصل كده الورق كله اتكشف على التريزه واللعب بقى على المكشوف مفيش لعب من تحت لتحت تاني سكت لثواني وكأنه بيحاول يربط الخيوط ببعض علشان بعرف يوصل لصوره كامله
الأكيد انه جاي علشان عكت البنك دي اساسي بس ايه بقى اللي ورا هارجع حقكم اممممم دي بقى بالذات تحتها مليون علامة استفهام
خد نفس طويل وكتمه لثواني وطلعه مره واحده طيب الأهم دلوقتي اروح ولا مروحش الحيره بجد هنا
قطع شروده وحيرته تليفونه بص فيه وابتسم
هارون فتح وقبل جتى ما يقول الو
كان ماهر سبق في الكلام طبعا دلوقتي انتا قاعد عمال تضربها اخماس في اسداس
هارون بتعجب عارف يا ماهر بيه انتا لو كنت قاعد معايا وفي وشي مكنتش قولت الكلمتين دول والشكل داه
ماهر بثقه مستغرب ليه مش يمكن بقول كده علشان انا فاهمك وعارف دماغك ماشيه ازاي
هارون بثبات: تؤ صدقني لو قعدت الف سنه كمان فوق العمر اللي عشته مش هاتعرف ولا هاتوصل لدماغي اساسا علشان تعرف هي ماشيه ازاي ولا جواها ايه
ماهر مظنش والدليل على كلامي اني عرفت كل كبيره وصغيره عنك واني عرفت انك قاعد محتار
هارون انك تعرف الماضي داه سهل أصله موجود على ورق وانتوا الورق لعبتكم اما بالنسبه لدلوقتي فأظن ان في امور من الطبيعي تخمينها واكيد بعد اللي حصل هاتخمن اني محتار مش حسبه برما هي
ماهر اوكي اوكي سيبك بقى من كل الكلام داه ونتكلم مباشر بدل اللف والدوران
هارون ياريت
ماهر ناوي على ايه دلوقتي قررت ايه في اللي جاي
هارون بحيره وتشتت صدقني مش عارف ولا قادر احسم قرار
ماهر يعني ايه الكلام داه المفروض انك تكون عارف ومقرر اللي جاي من زمان
هارون المفروض حاجه وأرض الواقع حاجه تانيه خصوصا ان الهجمه جات مفجاءه مكانتش متوقعه اساسا في الوقت الحالي
ماهر اممم طبعا عمك دخل عليك بطقم الحنيه والكلمتين اللي اتهرشوا في الأفلام القديمه
هارون اكيد والا كان تعب نفسه وجه لحد عندي ليه مهو اكيد عرف انا مين ووصلت لايه ومكانتي بقت ازاي
ماهر كل داه امر مفروغ منه هارجع واعيدلك نفس الكلام بردوا انتا ناوي على ايه
هارون صدقني مش عارف اخد قرار حاسم خصوصا ان الموضوع مش سهل والا الطلب كان متوقع بالمره
ماهر ليه هو طلب منك ايه
هارون طلب اني اروح واقعد معاه هو واخواته القلق مش هنا خالص القلق اني هابقى في وسط أرضهم ودول عاملين زي الحيه بتلدع من تحت لتحت
ماهر وانتا تربيه الحنش نفسه ولا نسيت
هارون كل داه كويس بس لازم اكون عامل حساب لكل حاجه واي حاجه حتى لو كانت مستحيله مينفعش اسيب اي حاجه للصدفه ولا انحيها حتى لو كانت صغيره وتافهه اكبر غلط لما تأمن شر عدوك وتديله الامان داه قمه الغباء
ماهر اكيد بس عايز تسمع نصيحتي
هاورن ياريت لو هاتفيديني احسم الحيره دي
ماهر اللي ليك عندي نصيحه عجبك الكلام يبقى كويس قدرت تاخد خطوه معجبكش ارميه البحر وكأنه شيء لم يكن محدش هايجبرك عليه
هارون ايوه اللي هو ايه بقى
ماهر بخبرة رجل سوق محنك :روح واسمع لان التاجر الشاطر يسمع اكتر ما يتكلم علشان يعرف زواريق اللي قدامه عجبك الكلام ولو اني اشك كان بها مخسرتش حاجه وتبقى قدرت تعرف دماغ اللي قدامك فيها ايه معجبكش الكلام تديله ضربه في مقتل في قلب بيته وانتا واقف ثابت مكانتك لان انك تدخل أرض عدوك اللي هو بنفسه فتحلك أبوابها دي في حد ذاتها فرصه كبيره اما انك تعرف تدرس خصومك عن قرب وتعرف ضربتك رايحه فين وأمته وازاي داه الأهم
هارون يعني ايه ليه كلامك معايا بالالغاز
ماهر بالعكس كلامي معاك مباشر ومش انا اللي هاعرفك مطلوب منك تعمل ايه
هارون ضيق عينيه وابتسم بمكر تصدق فعلا عندك حق
ماهر كده يبقى وصلك قصدي الميعاد أمته
هارون المفروض على حسب كلامه ان الميعاد هايبقى بعد بكره
ماهر وانتا ناوي تروح لوحدك
هارون اكيد طبعا
ماهر تؤ تبقى غبي اسمع مني بقى
هارون مينفعش بكل الطرق احط اخواتي في الموقف داه خصوصا اني معرفش لسه هما بيخططوا لايه ولا ناويين على ايه كده تبقى مجازفه مش محسوبه حسابها
ماهر هاقولك تبقى غبي لان عمك عارف مكانتك مستحيل يقدر يقرب منك بأي اذي مهما ان كان لانه عارف ان بقى ليك اسم وسلطه كمان ومن خبرتي في السوق اقدر ااكدلك ان عمك راسم وعلى تقيل اووي كمان فلما تروح متروحش ايد ورا وايد قدام تؤ دانتا تروح وسط عزوتك وتبين كمان عزك بغرور وثقه وانتا راسك مرفوعه لفوق انتا في مركز قوه وهما اللي في مركز ضعف
هارون برفض قاطع مستحيل مينفعش اعرض اخواتي للموقف داه محدش هايستحمل ولا يستوعب
ماهر قصدك علشان اللي عملوه في اختك زمان صح كده
هاورن اكيد لان هنا مش هاتستحمل صدمه تانيه ولا اصلا هاتقدر تقابلهم وش لوش انتا متعرفش هي عانت قد ايه اصلا علشان تقدر تبقى انسانه طبيعيه
ماهر بتقدير لكلامه ولاحساسه ويمكن علشان تتعافي من صدمتها الأولى تكون محتاجه انها تشوفك وتشوف نفسها في مركز قوه علشان رهبه الخوف اللي عندها تروح لما تشوف بعنيها حقها وهو بيرجع بإيدك وتعرف مقدار قوتك ونفوذك وصل لفين وتعرف الفرق اللي بينك وبينهم بقى قد ايه يمكن داه يهدي وجعها لان الاكيد انها مهما ان ظهرت قدامك انها نسيت الا ان الوجع لسه جواها محفور
هاورن وهو بيقلب كلام ماهر في عقله وبيحاول يوزنه بميزان العقل صدقني مش عارف لان الموضوع مش بالسهوله اللي انتا بتتكلم بيها دي لأنك مهما تخيلت مش هاتقدر تتوقع حاله هنا وقتها كانت عامله ازاي
ماهر بتأكيد لكلامه صدقني متوقع كويس اوووي وعارف انا بقول ايه لاني سبق ومريت بيها مع ابني واسواء انا كنت واقف عاجز ومتكتف وانا شايفه دخل طريق اخره موت وضياع علشان كده بأكدلك ان كلكم محتاجين المواجهه دي علشان كل اوجاع الماضي تختفي من حياتكم لما حقكم يرجع واحده واحده لحد ما يختفي بإنتهاء عيلة المالكي من على وش الارض
هارون بحيره صدقني هافكر واشوف
ماهر بثقه صدقني انا واثق انك هاتفكر وتقرر انك تروح اصل انا عارف دماغك وعارف أن اخد الحق حرفه وانتا طول عمرك لعيب ومحترف كمان
هارون قفل معاه والحيره جواه زادت لو كان الأول بيفكر يروح لوحده دلوقتي حط احتماليه وجود أخواته كمان ودي لوحدها محتاجه الف حساب وحساب
هارون وقف قدام المرايا وعنيه بتلمع بوميض غريب فرد ضهره وصلب طوله مش هاخسر حاجه لما يعرفوا دلوقتي كده او كده هايعرفوا فالأفضل دلوقتي قبل بعدين ومني مش من حد تاني
نزل بسرعه لقى هنا كعادتها قاعده قدام التلفزيون
هارون بتردد فين اخواتك
هنا لو كنت بدرت شويه كنت لحقتهم داه يا دوب لسه جايين من الكليه وطالعين قبلك على فوق
هارون طيب اطلعي خليهم ييجوا ضروري
هنا بخوف خير في حاجه حصلت ولا ايه
هاورن بشخطه من الحاله النفسيه اللي فيها: اخلصي واسمعي الكلام بقى من غير مناهده
هنا هزت راسها من حاله هارون
وطلعت جريء نادت لاخواتها دقائق وكانوا كلهم اتجمعوا تحت في الليفنج
هارون باصص لهم كلهم وهم قاعدين قدامه و استغبى نفسه في اللحظه دي
لاول مره يحس انه اخذ قرار متهور فضل يفرك في ايديه بحيره ومش عارف يبدا الموضوع منين وازاي او يقولهم اللي جواه بانهي طريقه
كل ما يحاول يتكلم ويفتح بقه يرجع يقفله تاني ويميل في الارض كرر الحركه دي اكتر من مره
هنا بفضول واستغراب من حاله هارون اللي لاول مره تشوفه في الحيره دي في ايه هارون هو انت جايبنا و مقعدنا قدامك عشان تقعد تتفرج علينا ما تقول اللي انت عايزه مره واحده انا اكتر واحده عارفاك مدام لمتنا وقعدتنا القعده دي يبقى في حاجه وحاجه كبيره قوي كمان وسكاتك وفركك طول ما انت قاعد ده بيقول ان الموضوع وراه ان وكان واخواتهم كمان
هارون ابتسم برغم الحيره اللي جواه وحاول انه يفك المود اللي هما فيه لسه زي ما انتي يا هنا الوحيده اللي بتعرفي تقرآيني
هنا وهي بصه في عينيه ومثبته عينيها في عينيه ولو انا ماعرفتش اقرئك مين غيري بيعرف يقرئك يا هارون
قول قول يا هارون اللي واقف في زورك ومعرض لا انت عارف تطلعه ولا قادر تبلعه
هارون حسم قراره طيب مبدئيا كده قبل ما ابدا عايزكم تسمعوني للاخر من غير اي مقاطعه
حسام بترقب شكل الموضوع كبير اوي يا هارون اللي يخليك على غير العاده قلقان ومتردد اووي بالشكل ده
هارون بتاكيد فعلا الموضوع كبير قوي وفوق ما يتخيل اي حد منكم
حسام بصله بغموض تمام واحنا سامعينك وكلنا اذان صاغيه
هارون البدايه من كام يوم لما رفعت المالكي جالي الشركه وطلب يقابلني بشكل شخصي بهويه غير هويته يعني مكنتش اعرف اساسا انه جاي
هنا قامت منطوره بانهيار مين انت بتقول مين ودول ايه اللي جابهم وعرفهم طريقنا عايزين مننا ايه دول شياطين بيسعوا ورانا تاني ليه زمان سرقوا حالنا ومالنا وشردونا وبهدلونا دلوقتي عرفوا انك بقيت قيمه وسيما ومعاك فلوس جايين يغرفوا ويعبوا ويقلبوك انتا كمان
هارون بخوف من حاله هنا وانهيارها اللي بدا اولا اهدي يا هنا ثانيا انا لسه بكمل كلامي وعلمي علمك هم ناويين على ايه فمن فضلك اقعدي وخلينا نتكلم الكلام اخد وعطا مش بالطريقه دي
هنا اقاعد واهدى ايه بعد اللي انت بتقوله انتت سامع نفسك بتقول ايه ده انتا بتقول جالك برجليه ومقعدنا هنا يبقى قالك حاجه وناويين على حاجه وانت جواك حاجه انطق قولي فيه ايه اللي حصل كله من طقطق لسلام عليكم
هارون غمض عينيه بتعب يا هناء اقعدي اولا كل اللي هو قاله لا بل ولا رش معايا وانا مقعدكم دلوقتي علشان نقعد ونتناقش في كل اللي جاي قبل اللي فات
حسام وعينيه كلها مليانه غل وكره وغضب بصوت عالي كان جايلك ليه هارون وقالك ايه بالظبط
هارون بتعقل وحكمه علشان يقدر يحتوي ويلم الموقف اولا توطي صوتك وانتا بتتكلم معايا انتا قاعد قدام اخوك الكبير تاني هام احنا علشان طول عمرنا واحد انا مجمعكم دلوقتي وقاعدين بنتكلم وانا بعاملك زي الرجاله فما تستعبطش فيها وتتصرف زي العيال
حسام حاول يهدي نفسه تمام وكلام رجاله بكلام رجاله رفعت المالكي كان جايلك وعايز ايه سؤال مباشر اهو اصلك ما تقنعنيش انه كان جايلك لله وللوطن بعد ما كبرت وبقيت صاحب شركات افتكر دلوقتي اننا عيال اخوه
هارون بثبات ما هو طبيعي ان هما مش جايين لله ولا للوطن حد قالك ان اخوك كان عيل برياله علشان اصدق دخلتهم دي عليا
هنا بزعيق وبوادر انهيار بدل اللف والدوران واللعب بالاعصاب قول دوغري يا هارون محدش منا عنده لا صبر ولا اعصاب علشان يقعد يتخيل ويخمن الالغاز دي كلها
هارون تمام الكلام على الدغري رفعت المالكي جاي وقال بيقول ايه عايز يرجع لنا حقنا
هنا بتهكم وداه من امتى داه وهي من امتى والحدايه اصلا بتحدف كتاكيت طول عمرهم حراميه وكرشهم واسع ياكلو مال النبي
هارون اكيد وده اللي انا عارفه وواثق منه كمان
هنا ولما انتا عارف ده معناته ايه كلامك انا ما بقتش فاهماك
هارون معناه ان عمك بيرسم على تقيل
هنا بشخطه بس ما تقولش عمك دي ما تنطقهاش تاني الناس دي لا مننا ولا نعرفهم
هارون هز راسه وعدل كلامه رفعت المالكي مخطط وبيرسم من تحت لتحت ولسه فاكر ان انا العيل الصغير ابو رياله
هنا كل الكلام ده حلو انتا بقى كهارون ناوي على ايه
حسام بتاكيد لكلام هنا ولما هو عايز يدينا حقنا على حسب كلامه ما ادهولكش ليه اصل اللي عايز يدي بيقولك اتفضل ومكنش ان ضميره صحي علشان بعد السنين دي كلها جاي برمي ملايين في الارض
هارون لا اللي زي رفعت المالكي ده ما بيجيش كده دوغري دا زي التعبان بيلف من تحت لتحت واه اصله عازمنا
حسام عزمنا فين ان شاء الله
جنى بتدخل اكيد في فيلالهم للي اشتروها بفلوس ابونا اللي سرقوها منه ومن امنا بعد ما رمونا في الشارع وشردونا
هارون هز راسه وابتسامه غريبه اترسم على شفايفه عليكي نور بداتي تفهمي
حسام وقف بزعيق وصوت عالي وانت هتروحلهم هتحط ايدك في ايد اللي سرقونا وبهدلوا امك و زلونا وكانوا السبب في موتها هتقبل تحط ايدك في ايد اللي اذو هنا وبهدلوها وسجنوك ومرمطوك واذوك
هارون بصله بثبات وانت شايفني لسه عيل ابن امبارح
حسام بغيظ انا احترت فيك واحترت معاك لما انتا رافض لممنا ومقعدنا كلنا كده بربطه المعلم وجاي بتقولنا الكلام داه ليه
هارون لان انا عايز اديهم الضربه في مقتل
هنا بصتله اوووي وعنيها مليانه حقد وكل وجع الماضي بتتفتح جروحه من اول وجديد واحده واحده كده ووضح كلامك يا هارون كده الكلام والحوارات مشيت وراحت في طريق ثاني بعيد خالص عن اللي احنا قاعدين بنهري وننكت فيه
هارون لو هتسمعوا مني وتنفذوا يبقى تمام غير كده يبقى بناقص انا عايز اروحلهم واشوف اخرهم ايه عشان اقدر احدد ضربتي اللي جايه رايحه فين وهتبقى ازاي لازم اعرف هما دماغهم فيها ايه ووصلوا لحد فين
هنا بإبتسامه وارتياح معنى كده ان انتا اديتهم ضربه اولى
هارون بتاكيد لكلامها اكيد اخدوا ضربه وضربه في مقتل كمان ليه هو حد قالك ان انا كنت نسيت ده انا طول السنين اللي فاتت دي بخطط وارتب علشان اعرف اوقعهم واحد واحد من غير ما وسخ ايدي فيهم ومصدقت جاتلي الفرصه لحد عندي
حسام لا فهمنا كده عملت ايه بالظبط
هارون دلوقتي مش وقت القواله وان احنا نقعد ونحكي في عملت وقولت الوقت ده هو وقت الفعل مش الكلام خالص دخلنا في طريق الجد لازم نكمل فيه ها قولتو ايه معايا ولا لاء
هنا ماشي كلامك يا هارون قولنا دلوقتي انتا عايز توصل لايه وناوي على ايه
هارون بصلهم كلهم بترقب وتركيز من قرارهم عايز اروح بس عايزكم كلكم معايا
حسام باستفزاز ليه خايف منهم
هارون ببرود لسه ما خلقوش ربه ولا جه على وش الدنيا اللي يخوف المعلم هارون ابن احمد وصابره
حسام لما انتا مش خايف جاي وبتقولنا الكلام ده ليه ومصر على روحتنا معاك اوووي كده ليه في سر في الموضوع
هارون لان آن الاوان ان انتوا تطلعوا للنور عايزكم سند وعزوه في ظهري لان عايزهم يجيبوا اخر ما عندهم وعلشان ده يحصل لازم ابقى اقوى منهم وعشان ابقى اقوى منهم هقوى بيكم
حسام طيب على كلامك ان انتا موافق وفرضا ان احنا اقتنعنا بكلامك هنروحلهم فين وكيف وازاي
هارون يعني ايه كيف وازاي وضح كلامك ولا انت قصدك امتا وفين
حسام بالظبط كده معلش خاني التعبير من كل اللي سمعته ما هو مش سهل بردوا دماغي عملت ايرور
هارون مينفعش تفقد تركيز وتحديدا في الوقت داه بالذات عايزك في ضهري ومصحصح اربعه وعشرين ساعه اما امتى على حسب الميعاد اللي قالهولي لما جه بعد بكره اما فين فهو في فيلتهم و هو كده كده كاتبلي العنوان على ظهر الكارت اللي سابهولي
كلهم بصوا لبعض بتردد وحيره هارون حب يحسم الامر نهائي ها قولتو ايه هتيجوا معايا ولا اروح لوحدي عايز قرار دلوقتي علشان بناء عليه ابظاء اتصرف وتبقى عارف انا هاعمل ايه في اللي جاي
جنى بصت لهنا وملامح الكره والغضب بانت في عنيهم ووشهم وحسام باصص لهارون ومعالم الشر والاجرام اترسمت في عينين الاثنين صوره طبق الاصل كانهم واقفين قدام بعض في مرايه
حسام بتاكيد لا جايين معاك خلينا نروح ونتفرج ونسمع ونعرف اخرهم ايه شياطين الإنس دول مهما من نسل ابليس
هارون وانا ابليس بذات نفسه
هارون بعد ما ضمن موافقه اخواته اتصل بشبل
شبل بفرحه وترحاب معلم معلمين مصر عامل ايه يا عريسنا
هارون بقبق لا تمام الحمد لله قصدك في خدمه يا شبل
شبل بمرح خد بالك كده ان خدماتك كترت اليومين دول
هارون بابتسامه ما تقلقش مردودالك في الأفراح ان شاء الله
منين ما تقول يا هارون هتلاقيني عمود خرسانه في ظهرك اسد واصد عندك كمان دانتا ابن الغالي
شبل وده العشم برده من ربايه المعلم جابر اؤمر يا غالي وامرك واجب النفاذ
هارون عايزك تأمني
شبل بتريقه هأو انا أأمن المعلم هارون اللي لو فتح بقه يبلع عشر رجاله واللي يسال يقوله لا شفت ولا عرفت
هارون ما فهمتنيش انا مش عايزك تامني انا كهارون انا رايح مشوار يعتبر كده زي ما بنقول داخل جحر الافاعي برجليا وعايزه رجاله في ظهري تسندني مش عشاني انا عشان اخواتي هيبقوا معايا
شبل طب ما ترسيني على الحوار اصلها غريبه حتى لو داخل جحر الافاعي فانتا ربايه المعلم جابر الحنش اللي اساسه كان عايش وسط الثعابين والافاعي والعقارب كمان ومخاويهم كانهم عياله
هارون صدقني الوقت الحالي ما فيهوش مجال للقيل والقال بس كل اللي اقدر اقولهولك ان المشوار اللي انا رايحه الخطوه فيه الله اعلم بحياه او بموت وللاسف مش هخطيها لوحدي ده انا رايح ومعايا في ايدي اخواتي
نقطه ضعفي الوحيده مش عايزهم يستغلوها ضدي.
شبل بتفهم من قلق هارون تمام يا معلم اديني الزمان والمكان وهتلاقي رجاله تسد عين الشمس تقلبه ليل
هارون المفروض الميعاد النهارده على الساعه تلاته كده هتحرك من هنا في فيلتي في القطاميه هايتس
شبل بمرح عشان يفك هارون من الحاله اللي هو فيها لانه اخذ باله من اسلوب كلامه الناشف والقلق اللي مغلف نبره صوته اه ساكن وسط الكبارات والعليوي يحقلك طبعا يا ابن الاكابر
هارون بالله عليك يا شبل مش وقته خالص ولا طالبه معايا كلام ولا هزار دلوقتي خالص انا ما يعلم بيا الا اللي خلقني انا لولا خايف من نطوره الكلام هنا وهناك كنت بعت جبت رجالتي من الوراق بس مش عايز حد يحس بحاجه ولا يقلق
شبل تمام ولا يهمك قولي لازمك رجاله
هارون بتاكيد اه عايز رجاله ويكونوا بسلاح كمان بس مش عايز
اي رجاله والسلام انا عايز عيال مفتحين ومدقدقين اللي هما يبقوا من بعيد لبعيد ما يتشافوش ولا يتقطروش وانا هبقى معاك على تليفون وبمعدل كل ساعه لو رنيت وما ردتش عليك او كنسلت تهجم على المكان اللي انا هدخله قدام عينيك
شبل بقلق في ايه يا جدع بجد انت كده وغوشتني ما ترسني على الفوله انت رايح فين وناوي على ايه بالظبط لكل العكه دي انتا خوفتني بجد عليك
هارون صدقني مش عارف بس كل اللي عارفه ان كل حاجه جت اسرع مما كنت حاسبلها او متخيلها وعلشان كده الاحتياط واجب ولازم اكون واخد حظري كويس اوي في اللي جاي انا
ماعرفش اللي قدامي لسه ناويلي على ايه علشان اكون عارف انا اصلا هتصرف ازاي انا لاول مره اقولهالك يا شبل انا رايح وعامل زي الاعمى اللي ماشي يضبش في ضلمه
شبل باستغراب تصدق يا جدعه صدق ابويا الله يرحمه لما قال الواد ده طول عمره بحوره غويطه
هارون برفض لكلام شبل بالعكس خالص انا شفاف مع الدوغري واللي يعرف يقراني بس بحوري غويطه زي البحر ما تعرفش جوفه فيه ايه مع اللي يلف ويدور عليا او يفكر انه يمس طرفي او طرف حد تبعي تلاقيني قلبت في ثانيه وبلعته في جوفي
شبل اطمن يا هارون في ظهرك انا ورجالتي انا افيدك برقبتي يا جدع
هارون اخيرا قدر ياخد نفيه بس القلق من اللي جاي مسيطر عليه
في الميعاد المحدد لبس هارون واتشيك واخواته ما قالوش عنه في الشياكه والاناقه وطلع ركب عربيته وخد باله من عربيه شبل اللي ماشيه قريب منه بس على مسافه كافيه ان ما حدش ياخد باله منهم وخمس عربيات مليانه رجاله بسلاح وراهم
قدر انه ياخد نفسه ويطمن في اللحظه دي بس وداس بنزين بثقه واطمئنان
في الفيلا عند رفعت الكل شغال على قدم وساق ودريه مقتبسه شخصيه سيده القصر بتناكه عماله تدي اوامر وشخط ونطر في الخدامين اللي عندها علشان كل حاجه تكون بيرفكت وعلى اكمل وجه ورفعت طلب عزومه مفتخره لكل العيله
بعد الصلاه وصل رافت ودلال مع بعض وبعدهم بدقايق وصلت رقيه
رفعت بقلق انتا متاكد يا رافت ان الاولاد هييجوا ولا كلام وخلاص وجودوهم ضروري جدا
رافت هزلوا راسه اه جايين انا اكدت عليهم وهما اكدوا انهم جايين وبص في ساعته على حسب ميعادي معاهم قدامهم اقل من نص ساعه ويوصلو ان شاء الله
فعلا نص ساعه ورن جرس الفيلا دخل سراج وراه عادل وعاصم وراهم مهدي ماسك في ايده اخته ميار
اول واحده اتحركت هي رقيه طلعت تجري على ولادها بلهفه وفتحت دراعاتها الاثنين
عاصم سحب عادل ورجعوا الاتنين خطوه لورا وبصلها عاصم بحده من فضلك يا مدام رقيه احنا جايين هنا الطلب من اونكل رافت لما نشوف الدنيا الاول هترسى على ايه بعدها وبعدها بس هيبقى لينا كلام تاني انما دلوقتي انا معنديش اي استعداد لمشاعر ملهاش اي مكان ولا قيمه جواكي
رقيه نزلت ايديها بخيبه امل ورجعت مكانها بحزن وكسره ووجع بس فضلت صلبه طولها بجبروت
دلال بصت لسراج وميار بحنين وشوق واستعطاف
ميار عينيها التقت في عينين امها وحودت وشها ناحيه اخوها علشان ما تتاثرش باي مشاعر في الوقت الحالي
سراج بص لرفعت ودريه بقرف وكره وجواه احاسيس كتير متضاربه بس المسطير عليه احساس كبير ان الموضوع مش زي ما هم قالوا انه وراه حاجه كبيره قوي بس متاكد ان هي النهارده اكيد هتظهر كل الحقايق هتتكشف فضل يصبر نفسه بالكلام ده طول ما هو قاعد قدامهم علشان ما يتاثرش باي حاجه ولا اي مشاعر هو مش حاسسها منهم اساسا همس لنفسه للاسف انا ادري الناس بيكم وعارف ان الموضوع ده ورا تخطيط وتخطيط على تقيل قوي ووراه هدف محظش يعرفه غيركم وبس
بس كلها دقائق وكل حاجه هتبان اتمنى من كل قلبي ان انتوا تكونوا صادقين المره دي ولو لمره واحده بس في عمركم
فاضل باصص لهم مفضل السكات عن اي كلام في الوقت الحالي لحين اشعار اخر اما يتجمع الكل على وش بعضه
مرت ساعه كامله والكل قاعد مترقب وصول اولاد احمد
ميلت رقيه على رفعت بهمس ونبره الشر مستعره على ملامحها وفي نبره صوتها هو فاكر نفسه مين لاطعنا كلنا بقاله اكتر من ساعه منتظرين تشريف جناب سموه
رفعت بنفس الهمس اصبري يا رقيه اذا كان لك حاجه عند الكلب.
رقيه وهي كازه على اسنانها هقوله بردوا يا كلب
رفعت للاسف ما هو ده بالذات لو قلتيله يا كلب كلنا هنروح في الرجلين فأهدي كده وبلاش عنجهيتك اللي ملهاش لازمه دي
رقيه ماشي اديني صابره لما اشوف ربايه الشوارع اللي جاي على اخر الزمن يتنطط علينا وفاكر نفيه حاجه
رفعت للاسف احنا اللي محتاجينه مش هو فمن فضلك اتحكمي في نفسك شويه لو مش هاتقدري يبقى انسحبى افضل
رقيه بغيظ محتاجينه ليه الدفعه الاولى واتسددت والبضاعه دلوقتي زمانها في عرض البحر
رفعت بغيظ تاني هنرجع نعيده تاني يا رقيه مسبق وحكينا في الموضوع داه
رقيه بشر وهو انا مصبرني غير كده يا رفعت انا بس منتظره اللحظه اللي هشوفه فيها وهو مذلول لما يرجع الشارع اللي هو منه تاني
دريه بالظبط كده يا رقيه العقل بيقول ان احنا نطاطي للريح لما ناخد اللي وراه واللي قدامه وبعدها يترمي في اوسخ صفيحه زباله مقامه اللي يستحقه
فضل الهمس مستمره ما بين رفعت ورقيه ودريه بعيد عن اذان الباقيين
دقائق وكان رن جرس الفيلا كل عينيه اتثبتت على الباب
يا ترى اللي جايه مخبي ايه
يا ترى المواجهه دي هاتكشف باقي خبايا وأسرار الماضي ولا للقدر رأي تاني
يا ترى رفعت ورقيه ودريه بيخططوا لايه
يا تري ايه القنبله اللي مجهزها رفعت
يا ترى هارون جايب رجاله بسلاح ليه
يتبع
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق