رواية مفيش رحمه الفصل السادس والثلاثون والسابع والثلاثون بقلم لولو محمد
رواية مفيش رحمه الفصل السادس والثلاثون والسابع والثلاثون بقلم لولو محمد
(((((مفيش رحمه )))))))
#لولو_محمد
الحلقه السادسه و الثلاثون 37
منه / ايوه انا عماد و رحيم روحهم فيكى و عموا محمد كمان بيعتبرك اكتر من بنته و كمان
رحمه / كمان مين طنط زينب و لا عبير انتى ادرى منى مانت عارفه كل حاجه
منه / ايوه بس هما اكيد هيعاملوكى كويس يعنى الفتره دى استفيدى بالوضع
رحمه / انا تعبت اوى تعبت و مش قادره خلاص مش عارفه اقولك ايه
منه / اقولك فكره ايه رايك اول متيته تقف على رجليها تطلعى عمره عموا محمود الله يرحمه كان دايما يعمل كدا لما يحس انه مخنوق و المشاكل كترت عليه فاكره لما قالنا على الحوار ده
رحمه / ربنا يسهل انا برده بفكر اعملهم حاجه لله
..................
بعد فتره فى مطبخ زينب
عبير واقفه بتقطع بطاطس و هى سرحانه
زينب / اللى واخد عقلك
عبير / و لا واخد عقلى و لا حاجه انا بس زهقانه
زينب / و الله لو ملكيش مزاج تساعدينى فى الطبيخ تقدرى تمشى دانا اشيل عزايم مش حته غدوه لكام نفر
عبير / والله انا مش عارفه ادايق من ايه اكتر من انك مش فهمانى اكتر و لا ماللى بيحصل اكتر
زينب / طب متفهمينى يا ست البشمهندسه معلش مانا سبتلكوا التعليم العالى
عبير / يعنى عموا محمد بقى تقريبا مقيم فى اسكندريه و سايب كل الفروع اللى هنا لعماد و مبشوفش عماد الا اخر الليل جاى مفرهد و تعبان يترمى عالسرير و ينام و فى الاخر بصحى اروح الكليه و لما ارجع بقف فى المطبخ و اقوم بشغل البيت و غيرى قاعد و مرتاح
زينب / قصدك رحمه و لا رحيم
عبير / هيفرق فى ايه رحمه من رحيم مالاتنين واحد مشغلين عماد فى فلوسهم و مشغلينى فى بيتهم
زينب / هههههههههههههههههههههههههه دانتى دماغ
عبير / الا مجت مره و عرضت تساعد حتى و لا حتى عزومه مركبيه مبنشوفش وشها غير ساعه الاكل و ياريتها حتى بتغسل طبقها
زينب / والله انا فعلا كلمت رحيم فى الموضوع ده و قالى ان فى عندهم تسليم مشروع و انتى ادرى منى ان كان فعلا عندهم مشروع و لا لا و على يدك هما يعنى قاعدين قدام التلفزيون و لا راحوا سيما مهم مكفيين عاللاب و اللوح طول الوقت و بيزاكروا
عبير / و هو انا يعنى مش من حقى ازاكر انا كمان مانا بحضر ماجستير و سيباه و بساعدك و حامل و فى الاخر باخد ايه
زينب / و مين قال انك مبتاخديش هو اللى بيساعدنى زى اللى مبيساعدنيش هو اللى قلبه عليا زى اللى مبيعبرنيش
عبير / بجد يا ماما زينب
زينب / امال صبرت عليكى و سمعتك ليه مقفلتش بقك و كبتك ليه عشان حاسه بيكى و عشت اللى بتعيشيه بس تقولى ايه التقدير ياختى خسرنا كتير
عبير / هههههههههههههههه
زينب / خلصى اللى فى ايدك و خدى باقى اليوم اجازه زاكرى و ارتاحى و شوفى كل اللى وراكى فى بيتك و هوريكى انا هعمل ايه
عبير / اوعى عماد يعرف انى اشتكيتلك لحسن انا مش ناقصه
زينب / طول مسرى فبير معاكى سرك فبير معايا
................
فى اوضه رحمه
رحيم و رحمه قاعدين عاللاب
رحمه / زوم هنا شويه شوفت الخط مش مظبوط اعدل الفونط بتاعه
رحيم / تمام كدا يا هندسه
رحمه / تمام
زينب تدخل
رحيم / ازيك يا ماما ايه رايك فى المشروع بتاعنا قربنا نخلص
زينب / الحمد لله لحسن البت التانيه فرهدت منى
رحمه / عبير مالها سلامتها
زينب / والله على يدك شايله البيت كلو لوحدها و هى حامل و انا يا رحيم يابنى مش عاوزاها تروح تشتكى لجوزها كفايه انه بقى شايل الشغل كلو لواحده بعد مبوك سافر
رحيم / والله يا ماما مهو على يدك ادينا قاعدين بنزاكر اهو
زينب / الله مهى كمان من حقها تزاكر يا رحيم يابنى و بعدين يعنى مرحمه كانت بتساعد امها الله يرحمها
رحمه / مانا فعلا والله بنضف البيت و هنا و شيلاه كله هو حد بيحط ايده هنا فى البيت فحاجه
زينب / انا مبتكلمش عالتنضيف يا رحمه انا بتكلم عالاكل مفيش مانع يعنى انك تعمليلك منظر و تعزمينا على الاكل مره و لا حتى تعزمى تساعدى
رحمه / معاكى حق انا بكره باذن الله هعزمكوا كلكوا على الغدى شوفوا تحبوا تاكلوا ايه بس
زينب / والله اللى تقدرى عليه اعمليه احنا مبنتقمرش دا المتربى عالخير يشم ايده يشبع و لا ايه رايك يا رحيم
رحيم / انتوا اتفقتوا خلاص هعترض ليه بقى
زينب / طب تمام عشر دقايق كدا و تعالوا كلو
.............
فى شقه زينب
زينب و عبير بيحطوا السفره
عبير / و كانوا بيعملوا ايه بقى لما دخلتى
زينب / كانوا بيزاكروا ياختى متخليش دماغك تروح لبعيد
عبير/ الله و هو المزاكره وحشه يعنى يا ماما طب دانا نفسى اوى عماد ياخد يوم اجازه و يجى يزاكرلى
زينب / ههههههههههههههههههه طب و انتى مزاكره و لا هتكسفينا
عبير / عيب عليكى يا ماما دانا هشرفك
زينب / هههههههههههههه طب بس بقى لحسن انا بتكسف
عبير / ايوه ايوه واخده بالى ههههههههههههههههه
................
فى المعرض
منه / انا خلصت الديزاينات يا عماد تحب تبص .... عماد عماد
عماد / معلش كنت سرحان شويه
منه / اللى واخده عاقلك يا سيدى الله يسهله
عماد / لا ابدا مش اللى فبالك انا يابنتى معدتش برتاح خالص طول اليوم تنطيت من المعرض ده للمعرض ده للمخزن للمصنع لما خلاص مش قادر و بابا خلع ايده و قعد فى اسكندريه بيقول انه مش قادر يقعد فى مصر من ساعه معموا محمود اتوفى و برده الله يعينه مهو صحته برده مش قد كدا و كفايه اوى انه عايش هناك لوحده
منه / الله يعينه و يعينك و بعدين مانا بساعدك اهو يا سيدى
عماد / والله يابنتى انتى اللى شيلانى اصلا انا معنديش وقت احط تصميم واحد حتى و طبعا الديزاين كان شغلتى الاساسيه انا و طنط حياه الله يرحمها بس تقولى ايه بقى
منه / على فكره يا عماد انا ممكن اجيلك كل يوم انا كدا كدا بروح تلت ايام بس هاجى بعد الكليه اساعدك و اقف فى المعرض هنا و هساعدك فى الديزاينات و اتابع معاك و اهو اساعدك
عماد / تعب عليكى يا بنتى مش كفايه بتروحى الكليه و تيجى هنا ايام الاجازه عاوزه تيجى بعد الكليه كمان تتعبى يا بنتى
منه / تعبك راحه يابنى و بعدين انت مستقلنى ليه كدا طب دانا والله بنت بميه راجل
عماد / صادقه منغير متحلفى و عارف انك قدها و قدود بس لو ناويه تساعدى بجد بقى يبقى تشتغلى و هحطلك مرتب كويس
منه / بجد
عماد / و فرحتى اوى كدا ليه امال لو مكنش مصروفك قد كدا
منه / قل اعوذ برب الفلق احنا هنبتديها قر و لا ايه بس لعلمك بقى المصروف ده مبيفرحش الواحد قد الفلوس اللى بيكسبها بتعبه و شقاه
عماد / يواد انت يا عصامى
منه/ لا دانا اعجبك اوى كمان اتفرج بقى على شغل الفنانه منه و قولى ايه رايك
عماد / ورينى يا ستى ..... والله شغل عالى عالى يعنى
منه / انا هروح بقى و بكره هاجى بعد الكليه استلم الشغل
عماد / تمام يا فندم
منه تمشى و تليفون عماد يرن
عماد / الو ايوه يا عبير ... الحمد لله كلو تمام .... اه اه هاجى اتغدى معاكوا انا اصلا تحت فى المعرض اللى تحت خمس دقايق و اطلع .... ماشى يا حبيبتى سلام
.............
عالاكل
عبير / والله يا رحيم انت بس تخلص الكليه و انا هفتح انا و انت و رحمه اكبر مكتب فيكى يا مصر و مش بس نعمل ديزاين معمارى داحنا كمان ممكن نجيب مهندسين انشائى ينفذوا
رحيم / والله فكره جامده لا و كمان احنا ممكن نعمل اوفرز عالتسليم مفروش و اهو بالمره نشغل المعرض ايه رايك يا عماد
عماد / والله اتخرج انت بس و انتى تكونى خلصتى الماجستير بتاعك ده و بعد كدا اعملوا كل اللى انتوا عاوزينه
رحمه / اخبار الشغل ايه صحيح يا عماد شكلك مرهق اوى
عبير / هو بيرتاح و لا بيشوف الراحه قولتله يعين مدير لكل معرض و يشرف عليهم اسهل لكن تقولى ايه
عماد / والله انا معترضتش بس لازم المدير ده يكون بيفهم فى الشغلانه
عبير / مانت هتعلمه ازاى يشتغل و تشرف عليه
عماد / والله منه النهرده اشتغلت معايا كتير تقريبا اليوم بطوله و اتفقنا انها هتيجى كل يوم تساعدنى شويه
عبير / انا بقول مديرين للمعارض و انت بتقولى منه اش فهم منه فى الشغل اصلا
عماد / منه بتدرس فى اخر سنه فنون تطبيقيه و بتعمل ديزاينات حلوه جدا و بتتمرن من زمان ففاهمه شغل الديزاين كويس و الباقى هتتعلمه بسهوله
زينب / بس هى منه محتاجه شغل
عبير / اهو البحر يحب الزياده
عماد / انا مش شايف ان فى مشكله ان منه تشتغل مدام فى مكان كويس و محترم زى عندنا و كمان حاجه بتحبها
عبير / شكلها بتحبها اوى
رحمه / على فكره يا عماد انا كمان شايفه ان منه لوحدها مش هتقدر تساعدك لازم كمان فعلا تعين اتنين او تلاته معاك يساعدوك
عماد / ربنا يسهل لما الاقى حد مناسب هبقى اعينه تسلم ايديكوا الاكل حلو اوى
زينب / على فكره يا عماد رحمه بكره عزمانا عالغدى
عماد / لا دانا على كدا مش هاكل لحد بكره عشان اكل بزمه
رحمه / ههههههههه ليه يعنى
عماد / هههههههههههه الا صحيح اخبار الكليه ايه
عبير / بيدلعوا البهوات مفيش تركيز خالص خالص يا عماد انا بقول قدامكوا اهو
رحمه / والله فعلا معاكى حق انا مش قادره اركز خالص
عبير / الله يسهلوا اللى واخد عقلك
رحمه / الله يرحمهم بقى
عماد / والله يا رحمه سابوا فراغ كبير فى كل حاجه فى حياتنا
زينب / مش ابوك كلمنى النهرده
عماد / ايوه يا زوزه يا احلى مزه انا اتصل بيه تلت مرات ميعبرنيش و يتصل بيكى ابخات بقى
زينب / عاوزنى اسافرله
عبير / و ماله يا ماما متسافرى تغيرى جو و تفكى عنه شويه زمانه لوحده فى ظروفه دى اكيد مش حلو عشانه
زينب / والله انا قولت اشوفكوا الاول
رحيم / سافرى يا ماما متقلقيش علينا
زينب / ايه رايك يا ماما عفاف مسمعتش صوتك
عفاف / اعملى اللى يريحك و يريح جوزك يا زينب
زينب / مش عاوزه اسيبك لوحدك يا ماما تحتاجى حاجه كدا و لا كدا
عفاف / رحمه و عبير موجودين متقلقيش عليا و رحيم و عماد كمان ربنا يخليهم مش مخلينى محتاجه حاجه
زينب / خلاص عالبركه بكره يا عماد تحجزلى تزكره سفر بالقطر
عماد / و تسافرى بالقطر ليه يا ماما متخلى السواق يوصلك بالعربيه
زينب / لا انا اتعقدت مالسفر بالعربيه اديك شوفت التريلا طيرت عمك و مراته فى ثانيه
..................
عفاف / الحمد لله شبعت
رحمه / و انا كمان تعالى يا تيته اسندك ترتاحى فى اوضتك
رحيم يشيل الاطباق و يدخلها المطبخ
عماد / انا كمان شبعت تسلم ايديكوا يا جماعه انا هروح المصنع هتعوزوا حاجه
عبير / طب متريح حبه بعد الغدى
عماد / هحاول اجى بدرى شويه النهرده
عبير / ايوه طبعا زى كل يوم
عماد / هو انا قاعد على قهوه و لا سهران مع واحده مانا فى الشغل يا عبير
عبير / والله اشتغلت تمن ساعات زى عشر ساعات هتاخد جنيه زياده يعنى
عماد / اه هاخد و بعدين لما يبقى ناقصك حاجه ابقى اتكلمى عن مرتبى انا بشتغل فى فلوسى و بحافظ عليها
عبير / فلوسك اه صح اسكت يا لسانى اسكت يا لسانى
عماد/ موال كل يوم لما اتخنقت انتى ايه مبتزهقيش
عبير / لا بزهق يا عماد و شوفت سبحان الله خلاص زهقت روح شوف شغلك روح
عماد يمشى و عبير تقعد تعيط
زينب / ارتاحتى يا خيبه فى واحده عاقله فى الدنيا تكلم جوزها كدا تطفشيه منك بدل متشديه عليكى
عبير / انا عاوزه اعرف هو واخدنى من بيت اهلى عشان يقعدنى لوحدى
زينب / ظروف و بكره تتحل متضغطيش انتى كمان عليه
عبير / اشمعن عماد هو الوحيد اللى شال الظروف دى لوحده هى دى مش فلوس رحمه و رحيم كمان ليه عماد اللى شايلهم
زينب / عشان الكبير بكره رحيم و رحمه يكبروا و يشيلوا معاه
عبير / اه بكره يكبروا و ياخدوا كل حاجه و يدوله استماره سته و يعرف ان الله حق
رحيم يطلع مالمطبخ
رحيم / عن اذنكوا
رحيم يمشى
زينب / عاجبك كدا اهو رحيم سمع انا كنت فكراه مشى
عبير / يسمع بقى و لا ميسمعش انا هلاقيها من رحيم و لا من ست منه دى كمان
زينب / هههههههههههههههههه يخيبك بت
عبير / طبعا طبعا مهى على هواكى
زينب / بقى دى اخرتها ماشى ياختى بس هقولك كلمه تحطيها حلقه فى ودانك منه كانت قدامه و ياما اتحايلنا عليه و مع العلم ان منه عندها اضعاف اللى عند رحمه بكتير فلو رحمه فى نظرك ريست رحيم على عماد منه بقى كانت هتخلى عماد ملك السوق كله و سابها و اختارك فحافظى عالنعمه و استنصحى شويه حاجى على طيرك بدل ميروح لغيرك انا قايمه انام شويه شطبى المواعين زى الشاطره و خدى الباب وراكى و انتى طالعه
زينب تقوم
عبير / وماله مانا الفلبينيه بتاعتكوا
..................
بعد فتره
فى المعرض
عماد / لا دانا استقليت بيكى اوى
منه / بجد
عماد / انتى اتعلمتى الشغل بسرعه اوى
منه / مانا الفتره اللى فاتت كنت بقعد كتير فشوفت الناس بتشتغل ازاى و بلقط حته من هنا و حته من هنا و اهو اتعلمت
عماد / انا كدا ممكن اسيبلك المعرض هنا و انا مطمن
منه / لا تسيبلى ايه انت صدقت و لا ايه دانا خيبه و بغرق فى شبر ميه و لولا انك جنبى كنت غرقت
عماد / ههههههههههههههه طب دانا كنت هرقيكى و ازود المرتب
منه / لا ان كان كدا فانا بلا فخر اشيل المعرض ده و المعارض المجاوره كمان
عماد / هههههههههههه يخربيت دماغك ماديه حقيره
منه / هههههههههههه لا دانا فى الحاجات دى اعجبك
عماد / تعرفى انا بقالى قد ايه مدحكتش من قلبى
منه / معقول مع ان دى احسن حاجه بتعرف تعملها
عماد / الحياه كانت اسهل دلوقت كل حاجه فوق راسى و حتى البيت معدش فيه راحه
منه / ليه هو الحمل تاعب عبير و لا ايه
عماد / مش عارف اقولك ايه والله يا منه بس ادى جزاه اللى ميسمعش كلمه ماما تقولها
منه / هههههههههههههههههه تسمع نصيحه منى
عماد / قولى يا ستى
منه / بص الست بوجه عام بتحب الاهتمام و انها تكون مركز الكون بالنسبه للراجل اللى بتحبه و عبير بتحبك
عماد / ايوه و انا عارف بس اديكى شايفه انا مطحون و مش قادر اعمل حاجه
منه / خد يوم اجازه يا عماد يوم ليها هى بس فسحها و ابسطها و هاتلها هديه حتى لو ورده قولها كلام حب يا سيدى انت بقالك ساعه بتتكلم معايا امسك موبايلك دقيقه و ابعتلها رساله رومانسيه مش هتخسرك
عماد / مفتكرش ان الحاجات دى هتجيب نتيجه
منه / جرب و ادعيلى و لازم تراعى كمان انها حامل قريت مره عالفيس ان الست فى فتره الحمل بتبقى مش طبيعيه شويه و بتحتاج حنان زياده
عماد / اقولك ايه بس يا منه انتى اصلك مش فاهمه حاجه
منه / بص محدش هيفهم مراتك ادك بس حاول مره و اتنين و تلاته انا متاكده ان عبير كويسه و ان المشاكل اللى بينكوا دى هتروح مع الوقت و حياتكوا هتبقى احسن بس المهم تحاولوا على الاقل عشان البيبى اللى جاى فى السكه
عماد ساكت
منه / رزله اوى شحصيه منه العقله مش كدا
عماد / لا ابدا
منه / انا مش بسالك انا نفسى مستتقلاها انا بحب منه اللمضه المجنونه اكتر ههههههههههههههه
عماد / من يوم معموا محمود اتوفى و انا حياتى بقت جحيم بسبب الورث
منه / معقول
عماد / طول الوقت مشاكل مفيش حوار بيعدى منغير مالسيره تيجى رحيم رحيم رحيم
منه / ماله رحيم دى رحمه اللى ورثت و حتى ورثها مخدتش منه حاجه صرفتها يعنى مهو كلو شغال فى السوق
عماد / عارف والله و حتى مصروف ايدها لسه مخدتوش لانها بتاخد اول الشهر
منه / امال ايه المشكله
عماد/ المشكله ان رحيم متجوز رحمه و انا فى عنيها بقيت بشتغل فى ملك اخويا اللى هى اصلا بتدرسله
منه / اااااااااااااااه فهمت
عماد / هى حست فجاه ان رقبتى انا و هى بعد مكانت فوق بقت تحت قال يعنى رحيم ممكن فيوم مالايام يعنى ......... حتى لو عمل ايه باللذى ده اخويا الصغير و بعدين مانا برده بشتغل فى ملكى مانا كمان ليا فيه
منه / متقولها كدا
عماد / قولت بدل المره مليون بس هى مش مقتنعه هى عوزانا نفرق التركه و سبحان الله اورث ابويا بالحيا و اهتم بمعرضى بس و بكدا هشتغل اقل و اتفرغلها
منه / طب مهو ده اللى انا قولته هى مفتقداك بس مش عارفه تعبر اهتم انت بيها شويه زياده و هى هتبطل كلام فى الموضوع ده و هترجع عبير الكتكوته الكيوته اللى حبيتها و اتجوزتها
عماد / احاول يمكن تجيبى التايهه
منه / لا ياعم انا فى الكليه مسمينى قاضى الغراب انت تشترى منى و متراجعش ورايا
عماد / يا ولد لا مش هراجع يلا اتوزعى بقى اما امخمخلها فى رساله رومانتيكيه كدا
منه / ههههههههههه خلاص خلصت حاجتى من عند جارتى
عماد / هو انا اعرفك اصلا انتى هتستهبلى ههههههههههههههههههه
منه / ههههههههههههههههههههههههههه
عبير تدخل
عماد /ازيك يا عبير كنا لسه فى سرتك
عبير / والله طب ياريت يكون بالخير
عماد/ طبعا ياروحى بالخير رايحه على فين كدا
منه / طب عن اذنكوا انا بقى
عبير / ليه هو اذا حضرت الملايكه ذهبت الشياطين و لا ايه
منه / عن اذنكوا
منه تمشى
عماد / ليه كدا يا منه
عبير / انا الظاهر جيت فوقت مش مناسب لدرجه انك حتى مش قادر تركز و تقول اسمى صح على العموم اشبع بيها
عبير تمشى و عماد يجرى وراها و فى المدخل يمسك ايدها
عبير / عاوز ايه معقول يا عماد بتسيب ست منه و تجرى ورايا مش خايف على زعلها
عماد / اعقلى يا عبير منه دى زى رحمه بالظبط
عبير / فعلا ازاى عمرى مخت بالى الاتنين مصلحه كبيره كل واحده فيهم هتنقل اللى يتجوزها نقله كبيره اوى
عماد / ده رايك يعنى
عبير / هو انا وش نكد بص فوشى و قولى انتى وش غم يا عبير
عماد / انا والله مش قادر افهمك انتى حتى مش بتدينى فرصه اشرحلك
عبير / اتفضل اشرح
عماد / هنا فى المدخل
عبير / والله عندك وقت تطلع معايا الشقه طب دانا امى دعيالى فعلا
عماد / انتى كنتى فين صحيح
عبير / قولتلك الصبح انى هروح عند ماما عشان النهرده المتابعه و انت مش فاضى طبعا تيجى تبص على ابنك
عماد / نسيت خالص والله انتى عارفه الشغل
عبير / عارفه و شوفته بص يا عماد انا راجعه تعبانه و كنت فرحانه و لما لقيت عربيتك جريت عالمعرض بمنتهى الغباء كنت فاكره ......... بص انا تعبانه عن اذنك
عماد / انا كنت بفكر اخد بكره اجازه و نروح نتفسح انا و انتى و نقضيه فى اى حته
عبير / اه طبعا و ماله بس للاسف بكره اول يوم فى امتحانات الترم و حضرتك لانك معدتش تعرف عنى او حتى عن اخوك اى حاجه مختش بالك عن اذنك
عماد / طب اوك مفيش مشاكل نستنى لاجازه اخر السنه و نطلع اجازه كبيره ايه رايك
عبير / اللى تشوفه عن اذنك
عماد يرجع المعرض و عبير تطلع شقتها
...................
فى شقه رحمه
رحيم / لا كدا مينفعش مهو مش هنضيع تعب السنين كلها عشان خاطر الهانم مش قادره تركز
رحمه بتعيط
رحيم / طب فهمينى بتعيطى ليه
رحمه / تعبانه يا رحيم تعبانه
رحيم / يعنى العياط هيريحك لو هيريحك عيطى
رحمه / بابا و ماما وحشونى اوى وحشونى يا رحيم
رحيم / و عياطك هيرجعهم مثلا ابوكى و امك كان نفسهم يشوفوا بنتهم متفوقه طول الوقت ليه مستكتره عليهم تريحيهم فى قبرهم و تعملى اللى نفسهم فيه
رحمه / مهو ده اللى تاعبنى انا لو مجبتش درجات عاليه
رحيم / هتجيبى يا حبيبتى هتجيبى مفيش فى الدفعه كلها حد اشطر منك و لا حتى انا و انتى اقوى مالظروف دى انا عارفك انتى اقوى من كدا
رحمه / معدتش عارفه
رحيم / انا واثق فيكى و مراهن عليكى اوعى تخزلينى
..................
((((((مفيش رحمه ))))))
#لولو_محمد
الحلقه السابعه و الثلاثون
رحمه / بابا و ماما وحشونى اوى وحشونى يا رحيم
رحيم / و عياطك هيرجعهم مثلا ابوكى و امك كان نفسهم يشوفوا بنتهم متفوقه طول الوقت ليه مستكتره عليهم تريحيهم فى قبرهم و تعملى اللى نفسهم فيه
رحمه / مهو ده اللى تاعبنى انا لو مجبتش درجات عاليه
رحيم / هتجيبى يا حبيبتى هتجيبى مفيش فى الدفعه كلها حد اشطر منك و لا حتى انا و انتى اقوى مالظروف دى انا عارفك انتى اقوى من كدا
رحمه / معدتش عارفه
رحيم / انا واثق فيكى و مراهن عليكى اوعى تخزلينى
..................
تانى يوم بعد الامتحان
روقيه / ضهرى اتقطم
رامى / امال لو مكنتش خارجه بدرى بقى
رحيم يطلع
روقيه / ايه الاخبار
رحيم / انا هناك يا رامى هتعوز حاجه
روقيه / انا عديتها الفتره اللى فاتت كلها و قولت عشان ظروفكوا بس اللى بتعملوه ده قله زوق على فكره
رحيم / انا قليل الزوق و دى شخصيتى عاجبك عاجبك مش عاجبك ارحمى نفسك
روقيه / انت بتتكلم كدا كانى راميه نفسى عليك فاكر نفسك مين يعنى
رامى / لو سمحتى يا روقيه
روقيه / ايه اللى حصل انا مكنتش اعرف ان رحمه متعرفش و قولت لو الكل عزاها و انا لا اكيد هتزعل منى عملت ايه يعنى
رحيم / يا ستى كتر الف خيرك لانا و لا رحمه عاوزين منك اى حاجه يا نحله لا تقرصينى و لا عاوزين منك عسل
روقيه / ريحت
رحيم يمشى
روقيه / هو ازاى يجرؤ يكلمنى بالشكل ده اصلا تعرف انا غلطانه اصلا انى بتعامل معاه بزوق هو فاكرنى راميه نفسى عليه دا ايه القرف ده
رحمه تطلع
روقيه / و ادى التانيه اهى معديه و محدش عارف يكلمها عشان تعرف الفلوس بتغير ازاى
رحمه تقف و تلف و ترجعلها
رحمه / انتى قولتى ايه
روقيه / قولت الفلوس بتغير
رحيم يروح لرحمه و يشدها بعيد
رحمه / لو سمحت يا رحيم دقيقه بس
رحيم / متستاهلش طنشيها تعالى نروح نزاكر احسن طنشيها
رحمه تبصلها / بكره باذن الله هيجى عليكى يوم تشوفى اللى انا فيه و تحسى اللى انا حساه و ساعتها ابقى قوليلى الفلوس هتنفعك و لا لا
روقيه / صح صح
رحيم / يلا يابنتى يلا
رحيم و رحمه يمشى
رامى / اول مره تنزلى من نظرى اوى كدا يا روقيه عن اذنك انا كمان
روقيه / فى داهيه
.......................
فى البيت بالليل
رحمه ممدده عالسرير و هى بتعيط رحيم يفتح الباب تضير تبص عليه ينط جنبها و يحضنها من ضهرهاو هما نايمين على جنبهم
رحمه / بحبك
رحيم / كدابه اللى بيحب حد مبيحبش يعذبه
رحمه تبصله / اعزبك
رحيم / ايوه انتى عارفه انا بحس بايه لما بشوفك بتعيطى او حتى زعلانه ساعتها بحس قد ايه انا ضعيف و عاجز
رحمه تعيط / غصب عنى والله مش عارفه هو انا بقيت فعلا نكديه
رحيم / لا يا حبيبتى الدنيا هى اللى سودا
رحمه / تعرف احلى حاجه فى اللى حصل ايه
رحيم / ايه
رحمه / انهم ماتوا سوا محدش فيهم اتعذب بعيد عن التانى
رحيم / ربنا يرحمهم
رحمه تنام على ضهرها و رحيم لسه على جنبه بيبص عليها
رحيم / سبحان الله
رحمه / ايه
رحيم / سبحان من خلق الجمال ده كلو
رحمه / انت اللى عنيك حلوه و شيفنى حلوه
رحيم / انا عينى حلوه عشان بتبص عليكى
رحمه تتكسف / انت بتجيب الكلام ده منين
رحيم / معرفش هو بيجى لوحده
رحمه تحضنه
رحيم / لا بقولك ايه انا كاتب كتابى و ماسك روحى بالعافيه احترمى نفسك
رحمه تزغده ففم معدته رحيم يتلوى فى السرير
رحيم / يا جزمه يا جزمه
رحمه / هههههههههههه معلش معلش جت جمده معلش
رحيم / بوسيها بقى عشان تخف
رحمه تيجى تبوسها
رحيم / انتى رايحه فين يا حجه
رحمه / هبوسها
رحيم / طب مدام هنبوس بقى انا عاوزك تطنشى الحته دى و تطلعى يجى شبر فوق و بحبحى ايدك
رحمه / ابوس رقبتك
رحيم / صحيح مانتى قصيره لا اطلعى فوق حبه
رحمه / دقنك
رحيم / مش وقت غباء
رحمه / مناخيرك
رحيم / تصدقى انا كرهت البوس من غبائك
رحمه / هههههههههههههههه انت تطول اصلا
رحيم / انا عارف ياختى عيل نحس اساسا شوفتى انتى واحد وواحده مكتوب كتابهم و نايمين عالسرير و الشيطان نايم جنبهم و مع كدا مش طايل حتى بوسه
رحمه تضحك بصوت عالى / ههههههههههههههههههههه
رحيم يحضن رحمه
رحيم / ربنا يخليكى ليا و يقدرنى انى اسعدك
رحمه / انا بحبك اوى يا رحيم
الباب يتفتح و عبير تدخل رحيم يتعدل فى قعدته
عبير / انا اسفه انا كان المفروض اخبط بس انا اسفه
رحيم / لا تعالى احنا كنا بنتكلم بس
عبير / ايوه ايوه عادى يعنى انتوا متجوزين عادى
رحمه /لا احنا فعلا كنا بنتكلم بس
عبير / عادى يا رحمه متحرجنيش بقى عن اذنكوا
عبير تمشى
رحمه / عاجبك كدا
رحيم / مش بقولك عيل نحس
رحمه / ههههههههههههه
رحيم / اتهدى بقى بدحتك ال.... حلوه دى
رحمه / اتلم
رحيم / اتلميت اما اقوم اللحقها بدل متفضحنا
رحمه / ههههههههههههه
رحيم / انا بقول اقفل الباب بالمفتاح و تبقى فضيحه بفضيحه بقى
رحمه / والله انت مشكله
رحيم / انتى الخسرانه
رحمه / ماشى امشى بقى
..............
بعد فتره
رحمه قاعده هى و عفاف بيتفرجوا عالتليفزيون باب الشقه يتفتح و منه و رحيم يدخلوا
رحمه / منه ازيك وحشتينى مووووووووووت
عفاف / تعالى هنا يا مجرمه دانا زعلانه منك خالص
منه / و انا اقدر برضه
رحيم / ايه رايكوا فى الهديه الحلوه دى
رحمه / ايه ده انت اللى جبتها و انا اللى كنت فكراها جايه تزورنى
منه / يا بنتى انتى مش عارفه ظروفى و لا ايه
عفاف / ظروف ايه يا بت دانتى فى المعرض تحت البيت مفيش خمس دقايق راحه تطلعى تبصى عليا
منه / اقولك ايه بس يا تيته والله انا اصلا على عينى ابقى فى المعرض اللى تحت البيت بس سيبك انتى خلينا فى المهم
رحمه / لا مفيش اهم مالموضوع ده انا مفهمتش كلامك
رحيم / بقولكوا ايه البت جت معايا بالعافيه و جايه فى مهمه قوميه
رحمه / تتاجل المهمه هو فى حد فى البيت هنا دايقك
منه / ابدا والله كلكوا اهلى بس من الواضح ان انا اللى مدايقه عبير معرفش هى ليه بتعاملنى كدا
رحيم / يا بنتى مش انا قولتلك الحمل ماثر عليها بزياده
منه / مهو عشان كدا مش عاوزه اكون سبب ادايقها بس عماد بيقول ان الفرع ده اكتر مكان هيكون مطمن عليا فيه لانه تحت البيت يعنى فوسطينا
رحمه / معاه حق و بعدين يا بنتى ده بيتك قبل اى حاجه انتى اختى يا بت فى واحده فى الدنيا تبطل تزور اختها عشان مرااااااات اخوها مدايقه منها و كمان منغير سبب
منه / المهم انا رحيم كلمنى و طلب منى انزل انقى معاه هديه للمزه بتاعته
رحمه عنيها تلمع / بجد
منه / ايوه و قالى انك مبتسمعيش كلامه خالص و اشتكالى جامد جامد هو اه انا اصغر منك بس دا ميمنعش انى ممكن اجى املصلك ودانك عادى جدا
رحمه / هههههههههههههههههه ليه بس دانا مؤدبه و بسمع الكلام والله
منه / طب خلاص قومى قيسى الفستان ده انا منقياه بنفسى يعنى ملكيش حجه زوقه تحفه طبعا
رحمه تفتح الكيس و تطلع فستان نبيتى قصير تبصله و تبصلهم
منه / كفايه اسود بقى يا رحمه الحزن فى القلب مش فى الالوان مش ده كلامك انتى طلبتى منى انى اللون لما ماما اتوفت و انا جيت اطلب منك نفس الطلب
رحمه تعيط و تقعد
عفاف / يا بنتى انتى صغيره و ابوكى و امك عمرهم مكانوا يرضوا تلبسى الاسود المده دى كلها والله يا منه يا بنتى غلبنا معاها
رحمه / انا لو عليا اللبس الاسود العمر كله
رحيم / يا رحمه احنا كلنا زعلانين بس مش معقول هتفضلى لابسه الاسود علاطول كل الناس لونت
رحمه / انا بنتهم الوحيده مليش دعوه بالناس و بعدين متيته لابسه اسود كانت لونت
عفاف / انا لابسه اسود على جوزى مش على ابويا اهو ده اللى يتلبسله الاسود يا بنتى و بعدين مينفعش ابدا واحده فى سنى تلبس الفستان العسل ده ميدخلش فرجلى اصلا
رحمه / ههههههههه ايوه بس
رحيم / مبسش انا عاوزك تدخلى تقيسيه عشان خاطرى بقى انا تعبت معاكى
منه / انا هاخدها تقيس الهدوم الجديده و نطقم عليها و خلاص الحداد خلص و بعدين مانتى هو الحداد فى الشارع بس مانتى ملونه فى البيت اهو
رحمه / مهو مفيش بجامات سوده
منه / خلص الكلام اتفضلى قدامى هتلونى يعنى هتلونى انجزى
.............
رحمه و منه ياخدوا الاكياس و يدخلوا الاوضه و يقفلوا الباب شويه و جرس الباب يرن رحيم يقوم يفتح يلاقيها زينب و عبير
زينب / عبير عملت كيكه و قولتلها اللى تحكم على شطرتك هى حماتى طنط عفاف انتى اللى هتعرفى حلوه و لا لا
عفاف / اكيد حلوه الحلو ميعملش غير الحلو و لا ايه يا حلوه
عبير / يخليكى ليا ها دوقى كدا
عفاف / حلوه والله
زينب / يعنى ايه نجحت فى الامتحان
رحيم / طب ايه مش هدوق و لا ايه انا جعان والله
عبير / طب متمد ايدك انت مكسوف و لا ايه
رحيم ياخد حته
رحيم / لا حلوه فعلا ابقى علمى الطريقه لرحمه حياه عيالك يا شيخه
عبير / بس كدا و ماله و لحد مرحمه تتعلمها انا هعملهالك كل يوم
رحيم / عليا النعمه استاذ
عفاف / هههههههههههههههههههه
رحمه تطلع مالاوضه
رحمه/ ايه رايكوا
عبير / اخيرا لونتى الله حلو اوى
منه تطلع مالاوضه عبير تبوز
منه / استنى يا رحمه بيتهيالى لو لبستى البوت مع الكولون الاسود هيبقى احلى مالجينز و لا ايه رايك يا رحيم
عبير / احنا مبنلبسش الحاجات دى هو كدا حلو
منه / هيفرق فى ايه مهو رجليها مش هتبان و بعدين خلاص بلاش الكولون ممكن تلبس فيزون مبطن
رحيم / لا يا منه بس انتى عارفه قد ايه بغير على رحمه هو كدا حلو
عبير / شوفتى انا عارفه اخلاقنا كويس ملناش فى المياعه
منه / خلاص اوك تعالى بقى يا رحمه اما نقيس الطقم التانى
رحمه / استنى ايه رايك يا طنط حلو
زينب / حلو اوى عليكى اهو على الاقل تكسرى السواد شويه
منه / يلا بقى عشان اللحق اروح
عبير / والله لو مستعجله ممكن تروحى و انا اقيسها اللى هى عوزاه
منه / لا انا مش مستعجله و لا حاجه ارتاحى انتى عشان النونو يعنى مش عاوزين نتعبك
عبير / تعبى لرحمه راحه دى اختى
منه / اكيد طبعا يلا بقى يا رحمه
رحمه تدخل مع منه و عبير تروح تمسك حته كيكه كبيره و تاكلها بغل و شويه و رحمه تطلع بطقم تانى
عبير / حلوه البلوزه دى بس الجيبه مش لايقه
رحمه / معنديش جيبه تليق عليها
عبير / هبقى انزل معاكى انا انقيلك جيبه حلوه
رحمه / اوك ماشى
عبير / تعالى بقى دوقى الكيكه التحفه اللى انا عملاها
زينب / دوقى يا منه و قولى رايك فى عمايل مرات ابنى
رحمه / حلوه اوى انا اى حاجه فيها شيكولاته بدوس
منه / انا اعزرونى عامله دايت
زينب / دايت ايه يا بت يخيبك هو انتى فيكى حاجه
عبير / لا فيها يا ماما خليها تخس حبه عشان جسمها يظبط شويه دى برضه بنوته و عاوزه تعجب
رحمه / ميرسى اوى يا منه على تعبك
منه / تعب ايه يا بنتى دانتى اختى انا هنزل بقى اروح
رحيم / انا هاجى اوصلك
منه / متتعبش نفسك زمان بابا بعتلى السواق
رحيم / طب هاجى معاكى اطمن انك ركبتى
منه / سلام يا تيته سلام يا طنط
عبير / صحيح يا ماما انا نسيت اقولك ان عماد عاوز ياخدنى كام يوم يغير جو معايا اهو يفسحنى و كدا
منه و رحيم يمشوا و رحمه تدخل تغير هدومها
زينب / اه عمك قالى
عبير / والله يا ماما انا بقول نطلع كلنا كلنا محتاجين نغير جو
زينب / اما بت خايبه صحيح بقى الواد موزع ابوه من هناك عشان يتسفرد بيكى و انتى عوزانا كلنا نيجى معاكوا
عبير / دى حاجه و دى حاجه هو عارف انى تعبانه فواخدنى نغير جو بس انا شايفه ان البيت كلو كمان محتاج و لا ايه تيته
عفاف/ معلش يا عبير سافرى انتى و جوزك و غيروا جو و انبسطو و خلينا احنا مره تانيه انا مش حمل سفر و لا عربيه خالص يا بنتى
عبير / يا خساره
رحمه تطلع مالاوضه و تقعد وسطيهم و تاكل حته كيكه تانيه
رحمه / انا هعمل شاى جنب الكيكه الحلوه دى
عبير / و لا شاى و لا بتاع اقعدى وسطينا شويه احنا مبنشوفكيش
رحمه / سمعت انك مسافره
عبير / اه الخميس هنقعد اسبوع كدا
رحمه / تروحوا و تيجوا بالسلامه
عبير / الله يخليكى
.................
بعد فتره
رحيم نايم فى اوضته تليفونه يرن يصحى يرد
رحمه بصوت واطى / صحيتك صح
رحيم / لا عادى خير مالك فيكى حاجه
رحمه / ممكن تيجى
رحيم / حالا هكون عندك سلام
رحيم يقفل السكه و يروح جرى يفتح شقه رحمه و يدخل الاوضه يلاقيها نايمه بتعيط
رحمه / ممكن تيجى جنبى
رحيم ينام جنبها و يحضنها
رحمه / متسبنيش يا رحيم عشان خاطرى انا محتاجاك اوى
رحيم / مانا جانبك اهو يا بت اسيبك و اروح فين بس
رحمه / انا خايفه ابقى لوحدى انا محتاجاك يا رحيم محتاجاك اكتر من اى وقت تانى خليك جنبى
رحيم / انتى شوفتى كابوس و لا ايه
رحمه / لا بس مش عارفه انام كل ماجى احط راسى عالمخده اقعد افتكر كل مره زعلت فيها بابا و ماما كل مره اتشاقيت فيها او شبطت فى حاجه او تعبتهم بفتكر قد ايه انا مكنتش بنت باره و صالحه مكنش عندى فرصه انى اعتزر مكنش عندى فرصه انى اقولهم يسامحونى
رحيم / بطلى هبل يا متخلفه دانتى مفيش فى ادبك و اخلاقك و حتى لو صدر منك موقف او اتنين او مهما حصل ابوكى و امك اكيد مسامحينك هو فى حد فى الدنيا بيحبك قدهم ...غيرى انا طبعا
رحمه / رحيم ممكن اطلب منك طلب
رحيم / اؤمرى يا عيون رحيم
رحمه / ممكن تروح تشوف حوار بشرى انا عوزاها تيجى تعيش معانا انا دلوقت بس حسيت هى بتحس بايه يعنى ايه البنت تخسر ابوها و امها على الاقل انا كبيره و انت جنبى لكن هى يا عينى صغيره و احنا وعدناها لما نتجوز هناخدها تعيش معانا عشان خاطرى يا رحيم انا والله هاخد بالى منها و هراعيها
رحيم / ايوه يا رحمه بس دى عيله و انا و انتى طول الوقت مشغولين فى الدراسه و تيته تعبانه و دى مسؤليه
رحمه / عشان خاطرى يا رحيم هاتها انا محتاجاها اوى عشان خاطرى يا رحيم عشان خاطرى
رحيم / حاضر خلاص بقى حاضر هروح بكره اشوف ايه الورق المطلوب و الاجراءات و همشى فيها حاضر
رحمه / و فى حاجه كمان
رحيم / خير
رحمه / انا قررت اتحجب كفايه دلع لحد كدا اديك شوفت الموت مبيديش انزار
رحيم / انتى عارفه انى عاوزك تتحجبى من زمان بس انتى مكنتش موافقه و انا محبتش اجبرك على حاجه
رحمه / خلاص تمام انا بس حبيت اقولك
رحيم / فى اى حاجه تانى اى قرارات اى طلبات
رحمه تبتسم شويه / اوعى تسبنى حتى لو قولتلك انى بكرهك او قولتلك ابعد عنى زى المره اللى فاتت متسمعش كلامى لانى بحبك لازم تبقى عارف كدا اوعى تعمل زى معملت زمان و تسبنى اوعى تكسرنى يا رحيم
رحيم / عمرى مهعملها انا كنت صغير و بعدين هو فى حد بيسيب روحه برضه يا هبله دانتى قلبى يا بت
رحمه / ربنا يخليك ليا يا رحيم
رحيم / انا هفضل جنبك اهو لحد متروحى فى النوم
رحمه تنام و رحيم يفضل صاحى لحد مالنوم يغلبه و ينام
..................
تانى يوم الصبح
زينب تفتح باب الاوضه تلاقى رحيم نايم و حاضن رحمه
زينب / رحيم قوم يا رحيم
رحيم / ايوه يا ماما خير
زينب / ايه اللى انت مهببه ده
رحمه تصحى
رحمه / هو فى ايه
زينب / اما صحيح اللى اختشوا ماتوا هو ايه اللى فيه ايه
رحيم / ماما انتى فاهمه غلط
زينب / فاهمه غلط ايه يا عديم الربايه منك ليها
عفاف تدخل
عفاف / بتزعقى ليه يا زينب فى ايه
زينب / الست هانم اللى لا مراعيه حرمه احياء و لا اموات
رحيم / يا ماما لو سمحتى رحمه مراتى و مفيش حاجه ماللى فبالك حصلت اصلا
عفاف / ولو فى مهى مراتك و على سنه الله و رسوله انتى اصلا دخلتى هنا ازاى و مين اداكى الحق تدخلى البيت منغير ازن
زينب / يعنى انتى شايفه كدا يا حماتى
عفاف / ايوه شايفه كدا انتى اللى دماغك مش نضيفه و فاكره كل الناس زيك
زينب / انتى مش عاوزه تغلطيهم ماشى براحتك لكن تجيبى الغلط كمان عليا لا بقى كدا كتير فعلا و انا مش هسكت
عفاف / اعلى مفخيلك اركبيه و اتفضلى على شقتك
زينب / انتى بتكرشينى
عفاف / افهميها زى متفهميها بس اوعى تفتكرى ان هسمح لحد يغلط فى رحمه انتى فكراها ايه
زينب / رحمه ايه اللى بتدافعى عنها رحمه دى اللى هتحط راسنا كلنا فى الارض
عفاف/ عملت ايه يا زينب عملت ايه غلط ردى عليا نامت فى حضن جوزها هو ده اللى هيحط راسك فى الارض
زينب / هو اكمنهم كتبوا الكتاب خلاص بقى جوزها
عفاف / كتبنا الكتاب و اشهرنا على سنه الله ورسوله يبقى جواز و لا مش جواز
زينب / طب و الفرح
عفاف / ميخصكيش انتى مالك انتى مالك
عفاف تحط ايدها على قلبها و تقع فى الارض
رحمه / اللحقنى يا رحيم تيته يا رحيم
زينب / يا مصيبتى هو ايه اللى حصل
رحيم يتصل / ايوه يا بابا تيته وقعت ............ حاضر ......... بيقول هيجيب العربيه ننقلها المستشفى سندوها معايا ناخدها تحت
زينب تزق رحمه و تسند قصاد رحيم و ينزلوا يركبوا العربيه و يروحوا المستشفى
..............
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق