رواية مفيش رحمه الفصل الثامن والثلاثون والتاسع والثلاثون بقلم لولو محمد
رواية مفيش رحمه الفصل الثامن والثلاثون والتاسع والثلاثون بقلم لولو محمد
((((((مفيش رحمه ))))))
#لولو_محمد
الحلقه الثامنه و الثلاثون
عفاف / كتبنا الكتاب و اشهرنا على سنه الله ورسوله يبقى جواز و لا مش جواز
زينب / طب و الفرح
عفاف / ميخصكيش انتى مالك انتى مالك
عفاف تحط ايدها على قلبها و تقع فى الارض
رحمه / اللحقنى يا رحيم تيته يا رحيم
زينب / يا مصيبتى هو ايه اللى حصل
رحيم يتصل / ايوه يا بابا تيته وقعت ............ حاضر ......... بيقول هيجيب العربيه ننقلها المستشفى سندوها معايا ناخدها تحت
زينب تزق رحمه و تسند قصاد رحيم و ينزلوا يركبوا العربيه و يروحوا المستشفى
..............
فى المستشفى
رحمه بتعيط
رحيم / هتبقى كويسه متخافيش هتبقى تمام هى بس بتخضنا زى المره اللى فاتت
محمد / هو ايه اللى حصل
الكل يسكت
محمد / ايه اللى حصل يا زينب
زينب بنرفزه / هو ايه اللى ايه اللى حصل يا زينب هو كلو زينب زينب ربنا ياخد زينب عشان ترتاحوا من زينب و اليوم اللى جت فيه زينب
محمد / لا وقته و لا مكانه وفرى الشويتين بتوعك دول
زينب / شويتين شويتين يا محمد
محمد / انا امى بتموت مش وقتك قولت
زينب / حقك عليا يا خويا حقك عليا انا هقعد ساكته مش هقولك اسيبك و اروح اصلى بنت اصول و بقف جنب جوزى فمحنته
محمد / ياربى
زينب / اتكتمت
الدكتور يطلع و وشه فى الارض الكل يجروا عليه
الدكتور / البقيه فى حياتكوا احنا عملنا كل اللى نقدر عليه بس الاعمار بيد الله
زينب تصرخ و رحمه تقع فى الارض مغمى عليها
...............
فى البيت
عبير تدخل
عبير / هو ايه اللى حصل يا ماما انا جيت علاطول اول مكلمتونا
زينب بتعيط / جوازه الشوم و الندامه وش النحس من يوم متمت و جابت الغم و الفقر للبيت
عبير / بتقولى ايه يا ماما
زينب / بتكلم على جوازه السعد و الهنا اللى من يوم متمت و العيله بتخلص واحد ورا التانى انا كان قلبى حاسس ان البت دى عمر مهيجى من وراها خير بت حياه مهى بت حياه اكيد عمر مهيجى من وراها خير
عبير / اه ..... طب بس هدى نفسك
زينب تقوم / بس احنا مش هنسيبها تدحك عالرجاله تانى بقولك ايه يا بت يا عبير تعالى ورايا
عبير تروح ورا زينب على شقه رحمه و تفتح و تدخل اوضه عفاف و تفتح صندوق الدهب و تفضيه عالسرير
عبير / بتعملى ايه يا ماما
زينب / ان كانوا اتنازلوا لرحمه على منابهم فى ورث ابوها فهو فى الاول و الاخر ابوها و لو كان عايش كان كلو هيروحلها و سكت و قولت ماشى لكن الدهب ده لا دانا جيبالها نصه هدايا عيد ام و فى الاخر ست رحمه تتهنى بيه فى الاخر اتكرش مالبيت كدا و هى تتزوق بيه دا ولا يمكن ابدا دا حقى و نصيبى و مش هسيبهولها و لو على رقبتى انتى فاهمه و لو على رقبتى
عبير / هو حقك طبعا انتى ليكى نصه
زينب / هو ايه اللى نصه يا بت انتى هو ايه اللى نصه محمود مات و بنته بشرع ربنا متورسش غير ربعه و دا كمان مش فى الشرع دى وصيه واجبه حاطينها بتوع القانون منهم لله بتوع القانون يعنى المفروض كل الدهب ده يبقى بتاعى انا انتى فاهمه بتاعى
عبير تشد السلسله الدهب و زينب تاخد بالها
زينب / عجباكى صح
عبير / لا لا لا مش قصدى والله
زينب / ليه مش انتى بنتى و ليكى نص الدهب من بعدى و الله لولا حق ربنا كان يبقى كلو ليكى و البلوه التانيه دى متاخدش منه حاجه تعرفى انا اهون عليا اوزعه فى حياتى و متهناش بيه و لا انها تاخد منه قشايه الكلبه بت حياه خديها دى بتاعتك
عبير / بجد يا ماما
زينب / اه و خدى الغوايش دى كمان دول بتوعك
عبير / ربنا يخليكى ليا يا ماما
زينب تقعد و تتفرج عالدهب و عبير تتمشى فى الشقه و شويه و ترجع تانى
عبير / بقولك ايه يا ماما الغوايش اللى اديتيهانى موديل قديم شويه ممكن ابدلهم بالغوايش دى
زينب / جبتيهم منين الغوايش دى
عبير / فى علبه دهب تانيه فى الاوضه اللى جوه
زينب / انتى اتجننتى يا بت اسمعى انا ان كنت اديتك من دهب عفاف فدا عشان ده بتاعى و حقى لكن انك تمدى ايدك على دهب رحمه و لا حياه فدى سرقه و انا مش حرميه يا بت هاله انتى فاهمه و لا لا و مش هسمح لمرات ابنى ان حد يقول عليها حراميه انتى مش محرومه يا بت هاله عشان تسرقى انجرى رجعى الغوايش دى من مطرح مجبتيهم انجرى قدامى
عبير / حاضر حاضر
....................
فى المستشفى
رحمه متعلقلها محاليل و رحيم و محمد قاعدين جنبها عماد و منه يدخلوا
منه / هى عامله ايه دلوقت
رحيم / ادعيلها مستحملتش
منه / ياربى داحنا يادوب قدرنا نقنعها انها تلون تقوم تيته تتوفى
محمد / اقولك ايه يا بنتى بس .... حمدالله عالسلامه يا عماد معلش جيت على ملى وشك
عماد / انت بتقول ايه بس يا بابا دى تيته انا اول موصلت البيت نزلت عبير و قابلت منه قدام المعرض قولت اهو تفضل مع رحمه هنا احسن
محمد / خير ما عملت
عماد/ بس انت ليه مخلتنيش اجيب عبير على هنا ليه خليتنى اروحها البيت لوحدها و صحيح ماما فين
محمد / امك مع عبير فى البيت متقلقش عليهم انا كلمت عمك ابراهيم هو و مصطفى هيخلصوا حوار الدفن و العزا
عماد/ المهم انت كويس يا بابا
محمد يهز راسه
محمد / بقولكوا ايه مدام منه هنا لازم كلنا نروح عشان الدفنه و العزا انا مش عارف بس ايه اللى جرالنا
رحيم / انا مش هقدر اسيبها فى الحاله دى
منه / انا هفضل جنبها متخفش عليها و لو فى اى جديد هكلمك
رحيم يبص لمنه و يبص لرحمه و يمشى مع ابوه و اخوه
................
فى العزا بالليل
عماد / انا خايف على بابا اوى هادى اوى دا لما عموا محمود اتوفى كان منهار مالعياط و مكنش قادر يقف على رجله
رحيم / الله يعينه و يعينا بس انا حاسس بيه
عماد / دا منزلش دمعه واحده
رحيم / زى رحمه لما ابوها و امها ماتوا اللى يشوفها يقول جامده و معيطتش الا لما كانت لوحدها
عماد / هو ايه اللى حصل
رحيم / اتخانقت مع ماما
عماد / ياربى على دى عيله
رحيم / انا بكره الصبح هروح اغير البطاقه و اعمل بطاقه عائليه و اروح دار الامل عشان اشوف الاجراءات عشان اكفل بشرى عندنا
عماد / انت بتهزر يا رحيم ده وقته
رحيم / رحمه محتاجاها اوى
عماد / و ده جو تحط فيه طفله وسط جو العزا و الحزن على تيته و بعدين مين هياخد باله منها قولى مين بس
رحيم / انا و رحمه
عماد / بص انت لازم تهدى و تفكر تانى فى الموضوع ده و نتكلم بعدين فى الموضوع ده
رحيم / ربنا يسهل
...............
فى البيت
رحيم و محمد مسندين رحمه لسريرها
رحيم / حمدالله عالسلامه يا ست البنات
محمد / ايه يا بنتى عامله ايه طمنينى عليكى
رحمه تهز راسها و الدموع مبتقفش من عنيها منه تروح تقعد جنبها و تمسك ايدها و زينب تدخل هى و عبير
منه / انا هخلينى معاكى انا استاذنت بابا و وافق
عبير / ملوش لزوم تعبك انا هخلينى جنبها
رحيم / و لا انتى و لا هى انا اسف يا منه بس انا محتاج اكون جنبها اكتر منكوا
زينب تمصمص شفايفها
رحيم / رحمه مراتى و انا كفيل انى اخد بالى منها و شكرا ليكوا كلكوا
محمد / ماشى يابنى حقك
عماد / تحبى اوصلك يا منه
عبير / ليه هى عربيه بابا مش تحت زى المره اللى فاتت و لا ايه
منه / لا تحت شكرا عن اذنكوا
منه توصل لباب الاوضه
منه/ رحمه لو عوزتى اى حاجه كلمينى
رحمه تهز راسها و منه تمشى
عبير / كتر خيرها والله هى فاكره اننا مش هنقدر ناخد بالنا منك و لا ايه
رحيم / من فضلكوا يا جماعه رحمه محتاجه ترتاح اوى ياريت تتفضلوا
عماد / يلا يا عبير
محمد / انا هروح انام فى اوضه امى لو ده مش هيدايقكوا
رحيم / دا بيتك يا بابا
زينب / و انا يا محمد
عماد / معلش يا ماما سيبيه النهرده بس
زينب / براحتكوا سلام
الكل يطلع مالاوضه و رحيم يقفل باب الاوضه و يقعد جنب رحمه و مديها ضهره
رحمه / انت كويس
رحيم يمسح دموعه
رحمه / تعال
رحيم ينام فى حضنها و يعيط على اخره زى العيل الصغير و رحمه تحضنه اوى
رحيم / انا عارف انى لازم ابان جامد و قوى عشان اقدر اسندك بس مش قادر مش قادر امنعها تنزل
رحمه / عارفه و حاسه بيك سيبها يا رحيم سيبها تنزل يمكن تريحك
رحيم يعيط / انا تعبان اوى يا رحمه تعبان بجد
رحمه تعيط / انا كنت بحبها اوى بجد يا بختها راحت عند بابا و ماما
رحيم / بطلى عياط انا هلاقيها منك و لا من اللى انا فيه الله يعينك يا بابا زمانه بيعيط جوه هو راخر تعرفى الناس فى العزا كانوا بيقولوا ان ربنا بينقى الناس الحلوه و بياخدها
رحمه / هو انا وحشه اوى كدا
رحيم / بعد الشر عنك انتى عاوزه تسبينى انتى كمان هتسبينى لمين يا بت
رحمه / ربنا ميحرمنى منك ابدا يا رحيم
رحيم / و لا يحرمنى منك ابدا يا رحمه
............
فى اوضه عفاف
محمد نايم مكانها و باصص للسقف و الدموع بتنزل منه و مبيتحركش
محمد / انا عارف انك فى مكان احسن .....انا عارف طول عمرك محمود كان دلوعتك .......الله يرحمه روحتيله و سبتينى .......طب كنتى استنى سلمى عليا طيب ....... انا اتجننت خلاص بقيت بكلم نفسى
محمد يقوم يمسح دموعه
محمد / بس انا عارف انك سمعانى و حاسه بيا انا اسف مكنش قصدى اقولك كدا بس انا تايه منغيرك
محمد يقوم يدخل اوضه رحمه يلاقيهم نايمين يروح شقته و يدخل اوضته و ينام جنب زينب و يحضنها
زينب / انت كويس
محمد يسكت
زينب / انا عارفه انت حاسس بايه حسيته زمان
محمد / الله يرحمهم
زينب تحضنه و هو يحط راسه على صدرها و ينام
..........
فى اوضه عماد و عبير
عبير قاعده قدام المرايه بتلعب فى السلسله و تفتحها و تشيل صوره رحيم و رحمه من جواها و ترميهم فى الباسكت جنب التسريحه و تقص صوره ليها هى و عماد و تحطهم جواها و عماد نايم عالسرير سرحان تحط السلسله فى الشكمجيه و تروح تقعد جنبه
عبير / انت عامل ايه
عماد / كويس
عبير / متاكد
عماد / ايوه انا للاسف مكنتش قريب اوى منها الله يعين رحيم و رحمه على اللى هما فيه رحمه خسرت امها للمره التانيه فى اقل من شهرين
عبير / الله يعينها
عماد / نامى يا عبير و ارتاحى عشان اللى فى بطنك
عبير / لو بنت هسميها عفاف على اسمها
عماد / لا انا كنت ناوى على حياه و مش هغير رايى دلوقت
عبير / حياه ؟؟؟
عماد / ولو ولد هيبقى محمود
عبير / طب يارب يطلع ولد بدل مطنط زينب تقلبهالنا مناحه على اسم حياه ده
عماد / ليه بتقولى كدا
عبير / ولا حاجه سبها لله بس هى تيجى و بعدين نبقى نسميها
عماد / ماشى تصبحى على خير
...............
تانى يوم الصبح
رحيم يدخل اوضته و يغير هدومه زينب تدخل عليه
زينب / ايه نقول صباحيه مباركه و لا ايه
رحيم ميردش و يكمل لبس
زينب / بص بقى يابن بطنى لو انت مش مستعنى تعبر امك يبقى نشيل ده من ده يرتاح ده عن ده تلم هدومك بقى زى الشاطر و تروح عندها تغسلك بقى و تطبخلك و براحتكوا بقى مع بعض
رحيم / حاضر اول مرجع هلم هدومى
زينب / انت خلاص معدش حد مالى عينك
رحيم / لا كلكوا ماليين عينى و بحترمكوا واحد واحد بس ممكن تقوليلى انتى بتحترمينى و لا لا بتحترمى تيته اللى لسه ميته و انتى بتسالينى سؤال زى ده عالصبح رحمه مراتى اه دخلنا لا هندخل لا هنستنى لامتى معرفش ارتاحتى
زينب / و عاوزنى اصدق
رحيم / دى حاجه ترجعلك مش المفروض انى اثبتلك اصله هيفرق فى ايه ماما مع احترامى ليكى امتى انا و رحمه هندخل دى حاجه متخصش حد
زينب / وانت فاكر انها تفرق معايا انا بس مش عاوزه الناس تاكل وشى و العروسه حامل فى الفرح
رحيم / متخافيش مش هيحصل
زينب / و لا لما الناس تعرف انكوا عايشين فى اوضه واحده و يقعدوا يتكلموا عليكوا فى الفرح
رحيم / ازاى اسيبها لوحدها فى الظروف دى ازاى بس
زينب / خليها تيجى تقعد فى اوضه اخوك هنا و اهو تساعدنى فى شغل البيت و اخد بالى منها
رحيم / مش هتوافق
زينب / ليه بقى مستكبره تعيش مع حماتها و لا لازم تنام فى حضنك عشان تعرف تنام
رحيم / انا مش عارف الى بتقوليه ده صح و لا غلط بس الظروف اتغيرت و كل حاجه اتلخبطت
زينب / بص انا بقولك اهو انت عاوز تخليك معاها فى اوضه واحده يبقى تنسى الفرح و تعتبروا نفسكوا متجوزين و تاخد هدومك و تشيلها مسؤليتك من الالف للياء تدخل بقى متدخلش دى ترجعلكوا زى مانت قولت دى حاجه متخصنيش بس مدام اتجوزتوا يبقى تخف من على ضهرى بقى و تخلينى اركز مع ابوك الله يعينه على اللى هو فيه
رحيم / ماشى اول مرجع هلم هدومى و امشى
زينب / بخاطرك
..............
بالليل
رحمه تفضى شنطه رحيم فى دولابها و هى ساكته
رحيم / انتى زعلانه عشان مش هنعمل فرح
رحمه / لا مفتكرش ان الفرح هيبقى فرح منغير بابا و ماما و تيته يا رحيم
رحيم يقوم يحضنها / بس انا اوعدك انى هعوضك بكره لما نتخرج هاخدك و نلف الدنيا و نعمل احلى شهر عسل متعملش فى الدنيا كلها
رحمه / كل ده ميهمنيش مدام انت جنبى
رحيم / ربنا يخليكى ليا بس انا بقى عاملك حته دين مفاجاه مش هتصدقيها
رحمه / خير
رحيم / روحت النهرده غيرت البطاقه و عملت بطاقه عائليه ومش بس كدا دانا طلعت على الدار و اتكلمت مع المديره عشان ناخد بشرى
رحمه / بتتكلم جد
رحيم / و جد الجد كمان هى طبعا فى الاول كانت معترضه اننا صغيرين و استغربت ازاى اتجوزتوا بالسرعه دى و السن ده بس فى الاخر اقتنعت
رحمه / ازاى
رحيم / هو ايه اللى ازاى هى قالت اننا اصلا انسب اتنين و ان بشرى بتحبنا جدا و متعلقه بينا و روحت جبت طلب من وزاره التضامن كمان عشان نبقى اسره بديله و فاضل نروح انا و انتى نخلص الورق و نشوف هيحصل ايه
رحمه / تمام نروح بكره
رحيم / تمام شوفتى بقى انا بحبك قد ايه
رحمه / ربنا يخليك ليا يا حبيبى
................
فى شقه زينب
عبير / يعنى ايه رحيم و رحمه خلاص كدا اتجوزوا
زينب / اهو نقل هدومه و حاجته كلها هناك هو حر بقى يعمل اللى هو عاوزه
عبير / طب و عموا محمد رايه ايه فى الموضوع ده
زينب / عمك مين يا بنتى انا لما قولتله قالى هما احرار دى حياتهم و هما احرار
عبير / ايوه بس دا بيدرس هيصرف عليها منين من مصروفه
زينب / مليش فيه يصطفوا بقى مع بعض هى مش ورثت قد كدا تشيل بقى
عبير / هو انا هفضل مخبيه الدهب اللى خدناه لحد امتى
زينب / و انتى تخبيه ليه هو انا قولتلك خبيه
عبير / مانا لما لقيتك مبتلبسيهوش مرضيتش اللبسه
زينب / لا يا حبيبتى انا ملبستوش عشان مش عاجبنى و مش لايق مع سنى فعنته و خلاص
عبير / يعنى اللبسه عادى
زينب / براحتك يا حبيبتى
عبير / طب لو حد شافنى و كلمنى اقوله ايه
زينب / محدش هيكلمك و لو حد كلمك انا اللى هقفله هو فى ايه هو انا طيشه فى البيت ده و لا ايه
عبير / لا ازاى و دى تيجى دانتى الكل فى الكل
................
تانى يوم الصبح
رحيم يصحى بدرى و يلبس هدومه رحمه تحس بيه تصحى
رحمه / رايح فين الصبح كدا الدار
رحيم / لا انا رايح المكتب عند دكتور اسماعيل
رحمه / ليه
رحيم / انتى نسيتى و لا ايه مانا بروح كل اجازه اتمرن عنده على الشغل
رحمه / طب ممكن اجى معاك استاذنه اتمرن انا كمان مش عاوزه اقعد فى البيت لوحدى
رحيم / امممم طب اللبسى و تعالى يلا مش مشكله
باب الشقه يخبط
رحيم / انا هفتح على متلبسى
رحيم يروح يفتح يلاقى عماد
عماد / انا قولت اللحقك من اول اليوم عاوزك فى كلمتين
رحيم / طب تعال ادخل
عماد / طب عاوزك لوحدينا
رحيم / طب تعال متقلقش
عماد يقعد مع رحيم
عماد / عبير قالتلى بالليل انك خلاص هتعيش مع رحمه و نقلت حاجتك
رحيم / اه
عماد / طب و دا وقته يابنى جتك لسه ميته و انت ....
رحيم / انت فهمت غلط انا هعيش مع رحمه لكن يعنى مفيش حاجه بنا
عماد / يا راجل و دا من ايه يعنى
رحيم / اعمل ايه بس يعنى اسيبها لوحدها و رحمه خلاص قفلت من امى خصوصا ان تيته ماتت فى خناقتها الاخيره مع ماما فمقدرش اقولها تروح تقعد معانا هناك و امك بقى طلعتلى فى البخت لو عاوز تعيش هناك خليها تشيل
عماد / طب و ناوى على ايه
رحيم / رضينا بالامر الواقع مفيش فرح و نعتبر نفسنا اتجوزنا
عماد / ماشى طب و الدخله
رحيم / فوقتها لسه بدرى تيته لسه ميته و احنا لسه فاضلنا سنتين فى الكليه كاملين يعنى لسه بدرى عليها
عماد / و رحمه رايها ايه فى ان مفيش فرح
رحيم / رايها ان كدا كدا حتى لو عملنا فرح منغير عموا محمود و ماما حياه و تيته مش هيبقى فرح يا عماد
عماد / طب انا هروح البنك احط نصيب رحمه فى ارباح الشهر اللى فات احطهم و لا تاخدوهم احسن
رحمه تدخل
رحمه / انا لبست ازيك يا عماد
عماد/ رايحين فين الصبح كدا
رحيم / رايح لدكتور اسماعيل عشان التدريب مانت عارف
عماد / طب هتعملوا ايه فى الفلوس هتاخدوها و لا اروح احطها فى البنك زى العاده
رحمه / لا هاتها انا عوزاها
رحيم / عوزاها ليه خير
رحمه / كدا كدا هيحطها مالبنك و انا هروح اسحبها مالكريدت كارد فعلى ايه المشوره خليها معايا احسن
رحيم / براحتك
عماد يدى رحمه ظرف كبير
عماد / تلاتين الف نصيبك بعد صافى المرتبات و المصاريف
رحمه / واو
عماد / هههههههههههههه امال كنتى فكراهم كام اللفين جنيه مثلا
رحمه / و انا اش عرفنى يعنى
عماد / دى طلعت لقطه انا هسرقكوا بعد كدا
((((((مفيش رحمه )))))))
#لولو_محمد
الحلقه التاسعه و الثلاثون
رحيم / براحتك
عماد يدى رحمه ظرف كبير
عماد / تلاتين الف نصيبك بعد صافى المرتبات و المصاريف
رحمه / واو
عماد / هههههههههههههه امال كنتى فكراهم كام اللفين جنيه مثلا
رحمه / و انا اش عرفنى يعنى
عماد / دى طلعت لقطه انا هسرقكوا بعد كدا
............................
رحمه / انا و انت واحد و اللى فى جيبى فى جيبك فاكر و لا نسيت
عماد / ازاى بس يلا انا نازل المعرض بقى سلام
عماد ينزل و محمد يفتح باب الشقه يلاقى رحيم بيقفل الباب
محمد / صباح الخير
رحيم / صباح النور يا بابا ازيك
محمد / على فين عالصبح كدا
رحيم / هروح المكتب عشان اتمرن احنا اول الشهر
محمد / اه صح افتكرت طب عاوزك فى كلمتين
رحيم يدى لرحمه مفتاح العربيه
رحمه / هستناك تحت سلام يا عموا
محمد / سلام يا عروسه
رحيم / خير يا بابا و لو هتسالنى دخلت و لا لسه هقولك اسال عماد اصله لسه سالنى هههههههههههههه
محمد / لا عاوزك فى موضوع تانى
رحيم / خير يا بابا
محمد / الورقه دى فيها كل جنيه اديته لخوك فى جهازه توضيب الشقه و العفش و الفرح و كل جنيه خده منى
رحيم / ايه ده انت بتكتب
محمد / مهو حق ربنا يابنى ولازم اخد بالى منه بالطريقه دى محدش فيكوا هيبص للتانى و هبقى مطمن انى عدلت بينكوا انا هطلع عالبنك احطلك فى حسابك المبلغ ده كامل و ابقى كدا خلصت ضميرى قدام ربنا و اديتك حقك تعمل فرح توضب شقتك براحتك انت حر
رحيم / ايوه يا بابا بس
محمد / بص يابنى فكر هتعمل بيهم ايه لانك دلوقت بقيت راجل و فاتح بيت و مينفعش مراتك هى اللى تصرف عليك و مينفعش تصرف عليها من مصروفك لان اصلا انا مش هديك مصروف
رحيم / ههههههههههههههههههه
محمد / بس متخافش فرق المصروف اللى اخده اخوك مكتوب و هديهولك انا كاتب كل جنبه صرفته على كل واحد فيكوا جنيه جنيه بس بالنسبه لمصاريف دراستك لحد متتخرج فدى لسه عليا فانا حطيت مبلغ كدا زياده و انت كدا مسؤل عن نفسك
رحيم / ههههههههههههههههه يا بابا كل ده ميفرقش معايا
محمد / يفرق معايا انا قدام ربنا المهم فكر و شوف هتعمل ايه كويس يلا انزل بقى عشان مراتك لوحدها تحت و ميصحش
رحيم / ماشى سلام يا بابا
......................
فى العربيه
رحمه / خير
رحيم / موضوع كدا هبقى اقولك عليه بعدين
رحمه / طب متقول دلوقت احسن
رحيم / مش عارف اقولهالك ازاى بس انا بقيت مسؤل عن نفسى خلاص
رحمه / طب و ايه الجديد
رحيم / يا بنتى بابا حطلى فى البنك فرق الفلوس اللى اداها لخويا فى جوازه و المصاريف اللى اداهاله فى دراسته و كدا بقى اتصرف لازم اشتغل
رحمه / دا ايه التعجيز ده تشتغل ازاى و انت بتدرس
رحيم / سيبيها لله هنلاقى حل
رحمه / احنا ممكن نحط الفلوس اللى معايا على اللى معاك و نعمل مشروع
رحيم / ههههههههههههههههههههههه
رحمه / بتدحك ليه
رحيم / مشروع ايه يا بنتى
رحمه / سبنى افكر و هبقى اقولك بعدين
رحيم / كويس ادينا وصلنا انزلى يا ست الكل
...............
فى المكتب
رحيم / ازيك يا دكتور
اسماعيل / البقاء لله ازيك يا رحمه يا بنتى
رحيم / هى قالت عاوزه تتمرن بعد اذن حضرتك
اسماعيل / دا يشرفنى ان بنت اعز اصدقائى تشتغل معايا تعرفى يا رحمه يا بنتى انا عمرى محجت لابوكى و ملقيتوش كان ساعات كتير اوى بيدينى فرش للشقق اللى بنشطبها و نتحاسب بعدين عمره متكلم معايا ففلوس تعرفى ان البيت اللى انتوا عايشين فيه انا اللى بانيه اياميها كنت لسه معيد
رحمه تبتسم
اسماعيل / المهم التمرين تمام تعالى معايا
اسماعيل ياخد رحمه و رحيم
اسماعيل / بشمهندسه اللهام احسن مصممه عندى دفعه 2008 فنانه على حق
اللهام / ميرسى يا دكتور
اسماعيل / دى بنتى رحمه عماره داخله سنه تالته عاوزك تاخديها و تحطيها تحت الاختبار انا متاكد انها هترفع راسى مش كدا يا رحمه
رحيم / و انا طبعا هتبعتنى الموقع كالعاده ابخات ناس تقعد فى التكييف و ناس تتحدف وسط الرمل و الزلط
اسماعيل / اتحرك بطل دلع
رحيم / تحت امرك يا فندم
اسماعيل يمشى مع رحيم و رحمه بتابعه فى عنيها
اللهام / احم احم
رحمه / ههههههههه
اللهام / انا بيتهيالى سمعت اسمك قبل كدا كتير
رحمه / انتى دفعه 2008 صح
اللهام / ايوه
رحمه / تعرفى واحده اسمها عبير عبد الله
اللهام / اه كانت دفعتى بس هى اتعينت معيده اكيد بتدرسلك
رحمه / ايوه طبعا و مش بس كدا هى كمان تبقى ....
اللهام / انتى بس روحى قوليلها قابلت اللهام بسيونى هتولع فيكى اصلا انتى متتخيليش بتموت فيا ازاى هههههههههههههههه
رحمه / ليه بس
اللهام / دا حوار يطول بس انتى بنت عم رحيم صح خطيبته انا ياما سمعت قصص عنكوا
رحمه / بجد بس انا حاليا مراته
اللهام / متقوليش و انتوا فى السن ده هتوفقى ازاى يا بنتى
رحمه / ربنا يقدرنى ادعيلى
اللهام / المهم يا ستى انا معايا مشروع تصميم مبنى جديد فى الكليه بتاعتنا و انا هديكى الفلاشه دى عليها رفع الارض و صور من الطبيعه عاوزه اشوف شغلك بقى يا بشمهندسه
رحمه / باذن الله هشرفك
اللهام / انا متاكده
.................
فى الموقع
شاب / رحيم هنطلب غدى ايه رايك
رحيم / لا انا هتغدى فى البيت لما اروح
الشاب / تروح فين يابا النهرده صبه يعنى هتبات للمغرب
رحيم / طب استنى اما اعمل تليفون
رحيم يمسك التليفون
رحيم / ايوه يا قلبى اخبارك ..... لا حظى تحفه نزلت فى صبه اساسات و مقولكيش هنبات هنا شكلنا و بنطلونى باظ يلا مش مشكله ......ههههههههههه المهم انتى اتغديتى و لا لسه ........ امممممم طب ينفع تطلبى دليفرى و تتغدى .... اه عادى ياما عملناها ........ انا هتغدى مع زمايلى هنا فى الموقع ..... انا على مسيب الموقع و اجيلك و نروح حته و ارجعك فيها على الاقل ساعتين .......... ماشى يا روحى تسلمى ...... سلام
الشاب / ها
رحيم / اطلبلى معاك يا سيدى
..........
فى المكتب
اللهام / فى بريك ساعه يا رحمه للغدى انا هاكل فى المطعم اللى جنب الشركه تيجى معايا
رحمه / ماشى
اللهام / تعالى
رحمه / انتى متجوزه صح ... انا لاحظت ان دبلتك فى الشمال
اللهام / ايوه يا ستى متجوزه بس النهرده جوزى عنده صبه فللاسف هياكل من بره
رحمه / اه رحيم كمان عنده صبه
اللهام / هههههههههههههههه طب مهو مع رحيم مهو مدير الموقع اللى رحيم فيه دلوقت
رحمه / ههههههههههههه معقوله
فى المطعم
اللهام / اقعدى اقعدى
رحمه / قوليلى بقى حياتك عامله ازاى و انتى متجوزه مهندس و بتشتغلوا سوا
اللهام / اقولك ايه يا بنتى بصى انا عندى منى سنه و نص بما ان على عنده صبه فبسيبها لماما
رحمه/ اها
اللهام / انا ظروف شغلى غيره خالص يعنى انا ممكن اروح المكتب اخد الشغل و اروح اعمله فى البيت زى النهرده كدا لولا ان انتى شرفتى
رحمه / انا اسفه هههههههههه
اللهام / لا عادى ولا يهمك المهم يا ستى هو بقى يجى وقت مهو عاوز يتغدى و ينزل تانى يروح المكتب عشان شغل الديزاين الانشائى
رحمه / طب و شغل الديكور
اللهام / ده بقى حوار تانى خالص انا ساعتها بروح الموقع و اقف مع العمال بس على ساعات كتير اوى بيساعدنى و يقف على ايد العمال بدالى اهو بنظبط سوا بس متقلقيش ماشيه
رحمه / طب مفكرتيش تكملى دراستك
اللهام / انتى هترغى و تنسى الاكل ناكل الاول و بعدين هحكيلك كل اللى انتى عاوزه تعرفيه ماشى
رحمه / ههههههههههه ماشى
..............
فى البيت
رحيم و رحمه طالعين عالسلم زينب تفتح الباب
زينب / اتغديتوا
رحيم / ايوه اتغدينا بره
زينب / طب انا قولت اطمن بس لو تحبوا اتفضلوا
رحيم و رحمه يدخلوا يلاقوا عبير جوه
................
عبير / اخبار الشغل ايه
رحيم / مش باين انا هموت مالتعب
رحمه / صحيح انتى تعرفى واحده اسمها اللهام بسيونى بتشتغل عند دكتور اسماعيل قالتلى انها دفعتك
عبير / اه اه افتكرتها مالها يعنى
رحمه / بتشتغل عند دكتور اسماعيل
عبير / دى عيله واطيه و انا لو منك مليش دعوه بيها
رحيم / واطيه ازاى يا بنتى بشمهندسه اللهام من احسن الناس اللى اتعاملت معاهم فى حياتى ان كانت هى و لا جوزها البشمهندس على راجل محترم اوى
عبير / عن اذنكوا انا هطلع ارتاح لحسن نفسى قالبه عليا
زينب / دى مالها دى
رحمه / احنا هنروح نرتاح احنا كمان هتعوزى حاجه يا طنط
زينب / متحرمش ياختى روحوا
رحمه و رحيم يروحوا شقتهم
رحيم / انا ميت مالتعب و رجلى ورمت
رحمه / خش غير هدومك و حطها فى الغسيل عشان انضفها
رحيم / تنضفى مين يا بنتى سيبيهم انا فى بكره كمان صبه هوسخهم خالص و هعمله طقم صبه دا باظ خلاص
رحمه / طيب انا هدخل اعمل نسكافيه عشان معايا مشروع اثبت نفسى فيه
رحيم / طب ممكن تعمليلى معاكى هموت على واحد
رحمه / حاضر من عنيا
رحيم يدخل يغير هدومه و رحمه تدخل المطبخ
..............
فى اوضه رحمه
رحمه تدخل شايله صينيه النسكافيه تحطها عالكومودينو و تغير هدومها و شويه و رحيم يدخل ياخد بق مالمج بتاعه
رحيم / تسلم ايدك يا قمر
رحمه / الله يسلمك نعيما
رحمه تحط اللاب على رجلها و تحط فيه الفلاشه و تبدا تشتغل رحيم يقرب و يبص عالشغل
رحمه / دا مبنى جديد عندنا فى الكليه
رحيم / طب تحبى اساعدك
رحمه / ربنا يخليك ارتاح انت تعبت طول النهار و انت على رجلك
رحيم / تعبك راحه ايه اخبار المكتب اول مره تجربى صح
رحمه / ايوه كنت متوتره شويه بس بصراحه بشمهندسه اللهام خففت عنى كتير
رحيم / اتغديتى ايه صحيح
رحمه / كان فى مطعم جنب المكتب طلبت بيتزا بس كانت حلوه هبقى اعزمك هناك مره
رحيم / احنا اتغدينا سندوتشات كفته من كشك كدا جنب الموقع حاجه عجب
رحمه / الف شكر هههههههههههههههه
رحيم / انا بفكر انزل اقف مع عماد فى المعرض
رحمه / ايه الكلام ده و انت هتقطع نفسك هتلاحق على ايه و لا على ايه
رحيم / طب اعمل ايه طيب اعلن استسلامى من اول يوم و اروح لبابا و اقوله اكلنى يعنى
رحمه / و احنا نقصنا ايه يا رحيم
رحيم / خد مالتل يختل يا رحمه و انا مش هضيع القرشين اللى ختهم من ابويا و اعيش بعد كدا على قفاكى مش انا يا ماما
رحمه / لا طبعا مش هيحصل و الفلوس على متخلص هتكون خلصت كليه و مش بس كدا هتكون اشتغلت و ليك دخل
رحيم / برده مينفعش اجازف
رحمه / طب خلاص تعال نفتح مشروع زى مقولتلك
رحيم / ازاى يا ست البنات
رحمه / اممممم مش عارفه .... لا استنى استنى اما جتلى حته دين فكره بنت لذينه
رحيم / اشجينى
رحمه / احنا ناجر شقه جنبنا و نظبطها و نفرشها حضانه و نرخصها
رحيم / و انا هقعد فى الحضانه
رحمه / لا يا حبيبى احنا هنشغل فلوسنا و ناكل من وراها
رحيم / ايوه بس احنا منفهمش حاجه فى الموضوع ده
رحمه / اولا احنا هنجيب بشره تقعد معانا لازم نبقى ضامنين مكان تبقى فيه و احنا فى الكليه لحد متبقى تروح المدرسه
رحيم / معاكى بس برده يا بنتى احنا منفهمش حاجه فى الحضانات و لا ادارتها
رحمه / يابنى محنا هنشوف كام مدرسه نشغلهم هما يديروها
رحيم / كمان
رحمه / بص استنى ادى سيرش على جوجل عن الحضانات ثوانى ثوانى اهو بص ادى الشروط مفيش اى تخصص مطلوب المهم ميكونش سوابق و الشقه تكون متهويه تمام والله تمام
رحيم / بس دى مسؤليه يا بنتى
رحمه / نجرب مش هنخسر حاجه
رحيم / طب سيبينى افكر
رحمه / والله عجبانى الفكره اوى انا هستمتع جدا و انا بعمل ديكورات الحضانه انا اصلى بحب الاطفال اوى اوى
رحيم / بكره انا و انتى نملا البيت دا كلو عيال زى القمر شبهك كدا
رحمه / انت اللى عينك حلوه و شايفنى حلوه
رحيم / المهم ورينى بقى المبنى الجديد ده عاوزين يعمله ايه
رحمه / هيبقى الدور الاول مدرجات و فى قاعه سيمنار و الدور التانى ادارى و التلت ادوار اللى فوق قاعات
رحيم / تمام والله
رحيم يقوم يجيب اسكتش و يبدا يرسم بايده
رحمه / حلو اوى انا كنت صح لما اجبرتك تدخل عماره
رحيم / هو ينفع احدف الادارى اخر دور و نركب اسانسيرات
رحمه / لا مقالتش ان فى اسانسيرات
رحيم/ امال خمس ادوار منغير اسانسير كدا هبقى اسهل
رحمه انت عارف ايه احسن حل احنا نقسم كل دور لوحده و نركبهم فوق بعض
رحيم / طب و العمدان يا فالحه
رحمه / خلاص خلاص نصمم الارضى و نقسم المتكرر على حسب العمدان
...............
فى شقه محمد
عماد / ايوه يا بابا بس انت كدا بتضعط عليه اوى
محمد / رحيم معندوش الرفاهيه اللى كانت عندك لازم ينشف و يشيل المسؤليه
عماد / يا بابا رحيم فى كليه صعبه و حط فوقيها مسؤليه رحمه متحطش فوق كتافه حمل
محمد / اخوك مش عيل اخوك راجل و بكره تشوف انه قد المسؤليه انا مش عاوزه فيوم يحس انه كان بياكل من فلوسها او انه كان بيصرف على مراته من مصروفه بكره امك و غيرها يقولوله الكلمتين دول انا عاوزه يبقى علاطول راسه مرفوعه مش عاوز حد فى الدنيا يجرح رجولته بكلمه
عماد / طب على الاقل اديله فرصه يرتب اموره مش فجاه كدا بدل متديله المصروف تديله مبلغ و تقوله اتصرف
محمد / انا عارف انا بعمل ايه و لو عاوز تساعد اخوك من ورايا فده بينك و بينه مش عاوز برده مش هلومك بس انا عارف انه قدها
عماد / يارب عن ا ذنك انا بقى
....................
فى اوضه رحمه
رحمه / تمام كدا كبر بس القاعات شويه و قلل عددها دى مش مكاتب
رحيم / تمام ادينى بس خمسه و انا هظبطها
باب الشقه يخبط
رحمه / هقوم افتح
رحمه تفتح تلاقى عماد
رحمه / عماد اتفضل ادخل
عماد / رحيم هنا
رحمه / اه جوه ثوانى اناديهولك
رحيم يطلع من جوه
رحيم / ازيك يا معلم
عماد / بقولك ايه يا رحمه بستاذنك فى كبايه شاى على نار هاديه
رحمه / طب و على ايه انا هتوزع جوه عشان ايدى مشغوله و انتوا عيشوا
عماد / تسلميلى يا غاليه
رحمه تدخل
رحيم / خير يا معلم
عماد / عرفت الحوار اللى حصل مع بابا الصبح
رحيم / و ايه
عماد / ناوى على ايه
رحيم / لسه مش عارف رحمه بتفكر تفتح حضانه و انا كنت بفكر انزل معاك فى المعرض مش عارف لسه بنشوف الامور
عماد / انا كنت جاى اقولك تنزل المعرض حتى اللى تحت البيت كام ساعه اخر اليوم هيظبطولك الاداء
رحيم / طب ايه رايك فى فكره رحمه
عماد / والله فكره جامده بس انت دورك فيها هيبقى ايه هتعلم العيال تيكوندوا
رحيم / طب تصدق فكره حلوه
عماد / يعنى ايه اشوفلك شقه لايجار فى المنطقه و لا ايه
رحيم / ياعم اصبر عليا يوم كدا افكر
عماد يقوم يقف
عماد / على العموم انا كدا اطمنت عليك و لو احتجت اى حاجه فى اى وقت رنه بس عالموبايل
رحيم / اصيل يا شبح
عماد / اطلع انا بقى قبل ميترفعلى الشبشب
رحيم / ههههههههههههههههه ماشى ياعم
عماد يمشى و رحيم يدخل لرحمه
رحمه / ايه رايك فى الشغل الاصلى ده يا هندسه
رحيم ينط جنبها عالسرير / لا اصلى يا برنس
رحمه / هو انا ممكن اسال كان عايزك فى ايه
رحيم /عرف ان بابا قطع المصروف و عجبته فكره الحضانه و بيعرض يدور على شقه
رحمه / و قولتله ايه
رحيم / هنفكر شويه
رحمه / و ليه التاخير بقى
رحيم / انا مش من النوع اللى بيعرف يركز فى ستين حاجه فى وقت واحد و انا حاليا كدا بشرى و التدريب و البيت و المشاكل اللى لسه مفوقتش منها و كمان هنحط الحضانه اعمل ايه يا بنتى
رحمه / مانت لو سبتهم فى البنك هيجيبوا فلوس برده
رحيم / انا تايه نمت و صحيت لقيت الدنيا فوق دماغى ارتاحتى بس على الاقل خلى عندك ثقه فيا انى اكيد هلاقى حل ادينى بس فرصه يومين اجمع نفسى ادينى يومين
رحمه / اوك اوك انا اكيد واثقه فيك انا بس بحاول اساعد انا هنام
رحيم / و انا كمان تصبحى على خير
......................
تكملة الرواية من هنااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق