رواية حان وقت الانفصال الفصل الخامس 5 بقلم نورا عادل حصريه
رواية حان وقت الانفصال الفصل الخامس 5 بقلم نورا عادل حصريه
«روايه حان وقت الانفصال» 💔<شقه حياة>
كانت حياة تجلس في البلكونة ، وتمسك في يدها كوب من القهوه كانت الساعه الثامنة مساءً، كانت حياة تسمع اغنيه لي سميرة سعيد ، كانت حياة عند مقاطع معين من الاغنيه ، تبتسم بسخرية وهو مقاطع "قال جاني بعد يومين يبكيلي بدمع العين يشكي من حب جديد .. يحكي وانا ناري تئيد.. وسمعت وفكري شريد .. وسكت وقلبي شهيد "
تنفست حياة بضيق وهي تشعر بأن ذكريات الماضي تهجم عليها ، دون رحمه .
«فلاش بك منذ ٢٤سنه »
كانت حياة تنظر إلى الشقه بسعادة بعد انتهائها من تزينها ، في اليوم عيد ميلاد حازم وذكر زوجهم أيضاً ، وضعت حياة يدها علي بطنها التي بها اطفالها ، ابتسمت وقالت بتذكر ،
«حياة»: يااا خبر ، ده معتش وقت وحازم يجي ، وانا لسه ملبستش اوف ، انا هدخل بسرعه قبل مايجي .
وبعد فتره ، كانت حياة تقف امام المرايا وهي تنظر إلى نفسها بسعادة من شكلها ، فهي كانت تلبس فستان احمر الون غامق بعض الشئ وصندل ذو كعب عالي اسود وتركت شعرها الغجري وراء ظهرها الذي يصل طوله بعد ظهرها ، وايضاً وضعت ميك اب بيسط ، ورشة من البرفان علي نفسها، واذا تسمع صوت احد يفتح الباب ، كانت حياة تعلم انه حازم ، سمعت صوته وهو يناديها بصوت عالي ، خرجت حياة والابتسامة علي وجها وقالت.
«حياة»: ايوه يا حازم يا حبيبي.
حازم بتعجب من حالة البيت قال.
«حازم»؛ ايه اللي انتِ عامله في البيت ده !؟.
اقتربت حياة منه وهي تضع رأسها علي كتفه وتقول بدلع.
«حياة»: اممم ، خمن انت كده ، انهارده ايه؟!.
اغمض حازم عينه بضيق وعدم صبر وقال.
«حازم»: حياة ، انا مش فاضي ليه شغل العيال ده ، ايه الهبل اللي انتِ عامله في البيت ده ؟؟.
ابتعدت حياة بصدمة وهي تقول.
«حياة»: هبل وشغل عيال ، بجد ، حازم انهارده عيد ميلادك وكمان عيد جوازنا كمان ، ده هبل .
خلع حازم البدلة و فك الجرافته وهو ينظر لها بغضب وقال .
«حازم»: ايوه هبل ، بصي يا حياة ، انا الكلام بتاع شغل المراهقه ده انا مش بحبه ، عشان تكوني عارفه ، اكبري بقا شويه يا هانم ، كلها كام شهر وحضرتكِ تبقي أم ، الكلام معاكي ملوش اي فائدة ، انا هدخل انام .
كانت حياة في حالة من الصدمه والزهول تام وكانت تتكلم مع نفسها وتقول " انا عملت ايه غلط .. انا بعمل كل حاجه هما بيقولها لي.. اعملي كده يا حياة عشان جوزك يحبك .. حاضر .. لأ يا حياة اوعي تزعلي جوزك انتِ عاوزه الملايكه تدعي عليكي .. بصي يا حياة مهما جوزك يعمل فيكي .. ده الطبيعي .. يعني مش غلط ولا حرام .. يقولك يمن .. يبقا يمن .. وشمال يبقا طبعاً شمال ده جوزك مهما كان ومهما يعمل فيكي .. تقولي نعم وحاضر مفهوم..، هكذا كان يقول لها وهي تنفيذ فقط، لقد تعبت ااه يارب "
امسكت الهاتف و اتصلت على اختها منال .
«حياة»: الو ، ازيك عامله ايه يا منال !!.؟.
«منال بتعجب»: انتِ بتتصالي عليا الساعه دي لي يا بت، مش انهارده عامله لجوزك مفاجأ ه وكده.
«حياة بسخرية»: اه مفاجأة ههههه ، الاستاذ بيقولي ايه شغل العيال ده ، وكمان ابطل شغل المراهقه ده ، انا تعبت اوى من العايشة ده مهما عملت برضو وحشه ، طب حد يقولي اعمل ايه بس ، نفسي افهم هو بيعملني كده ليا ، لأ ده كمان سبني ودخل نام حضرته .
«منال»: طيب وانتِ يا هبله سبتي يدخل ، طيب انتِ دلوقتي تعملي ايه، تتدخلي ورا علي طول ، زي ماهو يعمل اعملي زيه ااه ، عاوز ينام نامى انتِ كمان ، وصدقني هو لم يلقيكي كده هيحبك موت ههههه ، أسألني انا ههههه .
«حياة بضيق»: انتِ هتقولي ، بأمرة ما مجدي بيضربك علقه كل ساعه يختي ، اسكتي يا منال ، انا هسمع كلامك المره دي كمان وامري لي لله ، ام نشوف اخرتها ايه، يلا مع السلامه.
«منال» سلام ، وابقي احكيلي حصل ايه ههههه .
اغلقت حياة الهاتف ، وتنفست بتعب ، وقرارت ان تدخل وراء حازم الغرفه ، دخلت حياة وكان حازم نائم ، نظرة له ، وخلعت الصندل ونامت هي أيضاً ، نظرة حياة لي يده ، ثم امسكتها بحب وأحتضنتها واغمضت عينها ، وبعد لحظات ، سمعت صوت حازم ، فتحت حياة عينها ، واذا رأت حازم نائم ولكن كان يتحدث وهو نائم ، كان يقول اسم احدهم ، ركزت حياة في هذه الاسم وكان اسم فتاة اسمها سمر ، هنا وشعرت حياة بنغز في قلبها ، كانت متجمده ، وبعد ثواني ، كانت تهز في حازم وتقول بغضب.
«حياة»: حازم ، قوم .. قوم يلا ، حازم قومي ليا دلوقتي يلا .
استيقظ حازم وهو هو في حاله عدم استوعاب وقال
«حازم »: في ايه يا حياة ، انتِ ازاي تصحيني كده، انتِ مش عارفه يا هانم اني عندي شغل بدري .
«حياة بعصبية»: بلا شغل بلا زفّت ، تعال انطق مين سمر دي هااا ، سمر مين اللي حضرتك بتنطق بأسمها ، ومراتك نايمه جنبك هااا رد عليا ااااا.
كان حازم في صدمة فهو لا يصدق انه نطاق اسمها يجب عليه ان يألف شئً حتى تحل حياة عن رأسه الان ، تكلم حازم وقال بهدوء عكس الذي بدخله .
«حازم»: امم ، بجد انتِ بقيتي حاجه صعبه ، الحامل ده مؤثر عليكي بشكل ، استغفر الله العظيم ، هقولك عشان تنزلي من علي دماغي ، مع ان انا بنفسي كنت هحكيلك الصبح ، بس تمام هحكيلك دلوقتي وأمري لله ، بس يا ستي انا جلي واحد في الحلم وكان بيقولي انك لو جبتي بنت اسميها سمر بس مش اكتر ، وتعالي هنا هو انتِ بتشكي في يا حياة ، انتِ عارفه كويس اني من البيت لشغل ومن الشغل للبيت .
كانت حياة تشعر انه يكذب عليها ولكن لا يوجد.
دليل ، تكلمت حياة وقالت وهي تقسم لنفسها انها لان تسكت ولكن الان سوف تسكت حتى تحصل هي على أي دليل.
«حياة »: تمام يا حازم ، بس اقسم بالله ، انا لو عرفت انك بتعرف واحده عليا ، انا مش هستني في البيت لحظه واحده انت فاهم.
«حازم »: حياة انا مش كده تمام ، وبعدين انا هتجوزك ليه طالما انا بحب حد تاني ، يارب تكبري دماغك شويه وتعقلي ، تصبحي على خير.
نام حازم ، نظرة له حياة وثم نمت هي او نقول حاولة النوم .
«بك الان»
نظرة حياة إلى السماء بحزن وألم ، كانت حياة تشعر بقلبها يؤلمها ، ليس حباً له ولكن حزن علي نفسها وشبابها الذي ضع منها بسبب اهلها ، مسحت حياة دموعها واذا تسمع صوت رنين هاتفها كان المتصل ابنتها عائشة واجمل شئ حصلت عليه من هذا الزواج.
«حياة بحب»: الو يا حبيبتي ، عامله ايه!؟.
«عائشة بسعادة» انا بخير يا ماما ، انا عندي لحضرتك خبر بمليون جنيه ، بكره اول جلسة ليكي في المحكمه عشان قضيه الخلع ، لسه حسن قال ليا دلوقتي وانا على طول كلمتك ، انا فرحان ليكي اوى يا ماما .
ارتعشت يد حياة ، وكان جسدها برد فجاء ، هي لا تصدق انها سوف تتحرر أخيراً ،
«حياة بعدم استوعب » انتِ بتتكلمي جد يا عائشة ، يعني خلاص كده ، انا هخلص من كل ده ، يعني انا خلاص هأخذ حريتي منه ، خلاص اااه ، الف حمد وشكر ليك يارب ، الف حمد وشكر ليك يارب .
«عائشة بابتسامه»ايوه يا ماما ، انا هاجي لحضرتك انا وحسن عشان ناخد حضرتك عشان نروح المحكمه، يلا يا حبيبتي مع السلامه
«حياة بسعادة لا وصف لها» تمام ، هكون جاهزة من بدري كمان ، انا حاسه اني طيرها في السماء ، مع السلامه يروحي وقلبي وبنتي واختي وأمي كمان بحمد ربنا دايماً عليكي ، ربنا يحفظك ويسعدك يارب في حياتك ياحبيبتي.
« عائشة بحب» عاوزه اقولك حاجه انتِ احسن أم في العالم كله ، ماما مهما يحصل انا هفضل فخوره بحضرتك ، مع السلام يروحي.
«حياة بحب»مع السلامه ياحبيبتي
اغلقت حياة الهاتف ، ونظرة إلى السماء وأبتسمت بالسعادة، وكأن طفل ينتظر الصباح حتى يأتي العيد .
< ثاني يوم في الجامعه >
كانت علياء تجلس وهي تفرك يديها بخوف. وهي تتكلم في الهاتف وتقول.
«علياء» احمد أرجوك انا مش كده ، انت ازاي بتقولي كده ، انا مش زي البنات دي ، انا بعتلك صوري عشان بحبك ، ازاي تعمل فيا كده ازاي جالك قلبي ، المفروض انك بتحبني ، طب ازاي تطلب مني حاجه زي دي .
« احمد بسخرية » بت ، انتِ هتعملي عليا انا الكلام ده ههههه ، لأ يا ختي مش انا ، بصي يا علياء اقسم بالله ، لو مجتيش ليا الشقه زي ماقولتك ، متلوميش غير نفسك يا حلوه ، وانا بقا صورك الحلوه دي هنشرها ، بس الاول هبعتها ليه ههههه ابوكي يا قطة .
كانت علياء في مواقف لا تحسد عليه ، بكت علياء من شدة الذل والقهر ، فهي ظنت انه يحبها بجد ولكن هو طلع ذئب بشري ، ينهش لحم اي فتاة تقع امامه، ظنت انه سوف يكون المنقذ لها من عايشه والدها ، ولكن كان هو الفخ الذي وقعت فيه ، بكلامه المعسول والجميل ، و اوهام الحب ، و الفارس الذي سوف ياخذها إلى عالم الاحلام ، ولكن لأسف استيقظت علي كابوس بشع ، علياء بضعف وخوف و اذلال.
«علياء» أبوس ايدك ، متعملش كده ربنا يسترها معاك ، اعتبرني زي اختك ، انا مش هقدر اجي الشقه ، ده جزائي اني وثقت فيك ، انا حبيتك بجد ، ليه تعمل معايا كده ، ليه !؟.
«احمد بنفذ صبر»: بت ، انا دماغي مصدعه، انا قولتلك تجي ، مجتيش يبقي الصور زي ماقولتك يا قطة ، واختي برقبتك يا زبالة ، ما بعتتش صورها لي ايه شاب يقولها بحبك ههههه . يلا سلام يا حلوة.
اغلق في وجها، وهي لا حول ولاقوة ، ماذا تفعل ، اتذهب له، ولكن هكذا سوف تنتهي وهي ليست هكذا ، ماذا فعلت هي حتى يحدث لها هكذا ، هي فقط كانت تحبث عن الحب ، عن احد يحبها يملئ الفراغ الذي بدخلها بسبب اهلها ، هي ليست المذنبه بلا اهلها هما سبب ما يحدث الان ، هي لن تسمحهم أبداً، لن تسمحهم مهما حدث .
كانت حياة الصغيره تمشي بجوار علياء ، وقفت حياة وهي تسأل علياء عن سبب بكائها .
«حياة الصغيره»: علياء ، مالكِ قعده كده ليه !؟، وكمان مدخلتيش المحاضره ليه !؟، انتِ كويسه فيكي حاجه !؟.
نظرة لها علياء بضعف وخوف وقالت .
«علياء»: انا في مصيبة يا حياة ، انا هضيع اااه، انا ليه بيحصل معايا كده ااه ليه؟!.
جلست حياة جنبها ومسحت علي راسها، وقالت باستفرار .
«حياة الصغيره»: مصيبة ايه ، طمنيني ، حصل ايه علياء احكيلي انا زي اختك ، صدقيني انا هلقي حل ليه المشكله دي ان شاءلله ، بس قولي مالكِ!؟.
حكت لها علياء كل ما حدث وهي تبكي بقهر ، نظرة لها حياة بصدمة هي لا تصدق حتى الان ، علياء فتاة مؤدبه وتخجل جدا ، لماذا ترسل صورها ليه شاب ، ومن الاساس لماذا تكلم شاب ، ولكن حاولت حياة ان تتكلم معاها بهدوء ، يكفي خوفها .
«حياة الصغيره»: استغفر الله العظيم ، امم، طيب يا علياء مش انتِ عارفه ان ده حرام وان ربنا بيغضب علي العلاقات اللي زي دي ، انتِ دايما ً بنت مؤدبه وفي حالها .
«علياء بدموع»: انا ضعفت ، ضعفت لما لقيت حد بيحبني ، انا دايماً محدش بيهتم بيي يا حياة ، ولا بابا ولا ماما ، انا حاسه اني لوحدي ، كان نفسي حد يهتم بيي واحس معاه اني بأمان، بس مكنش قصدي اغضب ربنا ، ااهع.
«حياة بحب»: اهدي يا حبيبتي ، الحب ممكن تلاقي مع ربنا بقربك منه ، انتِ متعرفيش ممكن ربنا شيل ليكي زوج صالح يحبك
ويهتم بيكي ، المهم دلوقتي احنا لازم بسرعه نشوف حل ، ليه موضوع الصور ده ، بس لسه مش عارفه نحل المشكله دي ازاي اممم.
كانت حياة تفكر كيف تنقذ علياء بأي ثمن ، ظلت تفكر بعض الوقت ، حتى خاطر علي خاطرها ، ادهم ابن عمتها حياة، كانت لا تريد الاتصال به فهو ما سوف يصدق ، ولكن يجب ان تأتي علي نفسها فهو الوحيد الذي قادر علي المساعده في هذا الموضوع ، امسكت الهاتف ، ظلت تنظر إلى الرقم لي ثواني وهي تقول بضيق .
«حياة الصغيره»: استغفر الله العظيم ، مضطره اعمل ايه يعني ، يلا احمم
نظرة لها علياء بتوتر وقالت .
«علياء»: انتِ هتتصلي بمين !؟.
رد ادهم علي اتصل حياة بعد ثواني فقط ، اغمضت حياة عينها بغضب حاولت الهدوء .
«ادهم بفرحة» حياة ، ده انتِ بجد ، ههههه انا مش مصدق نفسي ، انا لازم اطلع صدقه للناس الغلابه .
«حياة الصغيره بضيق»: اقسم بالله اقفل، استغفر الله العظيم ، ما تفرحش اوى كده ، انا كنت عاوزك في موضوع ضروري ، احمم علياء وقعت في مشكله ولازم نساعدها ، ارجوك يا ادهم تساعدها البنت منهاره جدا .
«ادهم بجدية»: خير ، علياء مالها حصلها حاجه ، انا مسافة الطريق و هكون عندكم ، انتواه دلوقتي في الجامعه صح .
«حياة الصغيره»: اه في الجامعه ، بس الموضوع مينفعش نتكلم فيه هنا، انا بقول نقابلك في اي كافية جنب الجامعه .
«ادهم»: تمام ، نص ساعه واكون عندكم، يلا سلام.
اغلقت حياة الهاتف ونظرة إلى علياء ، وقالت بتفاؤل.
«حياة الصغيره» يلا ، تعالي نقعد في اي كافية ، للغاية ما ادهم يجي .
«علياء بتوتر» انا خايفه ، ادهم يعمل معايا حاجه ، انا والله مكنتش اقصد كل ده يحصل ، ادهم هيقول عليا ايه دلوقتي !!.
«حياة الصغيره بابتسامة»: اهدي يا علياء ، اللي حصل حصل خلاص ، المهم دلوقتي نحاول ننقذك من الزفت ده ، وكمان هو ادهم اه فيه ، كل العبر ، بس هو جدع جدا ، مهما حصل عمره ميتخلى عن حد محتاج مساعد منه أبداً.
نظرة علياء لها بأمل وهزت رأسها ، خرّجوا من الجامعه ، ذهبه إلى كافية ينتظرون به ادهم حتى يصل .
<في شقه ياسين»
كان ياسين يلبس ، حتى يذهب مع والده إلى المحكمه يقف معه في هذا الموقف الصعب علي والده وهو أيضاً ، هو حتى الان لا يصدق ان والدته فعلتها ، دخلت اية عليه وهي تقول .
«اية بحزن مزيّف»: مش عارفه اقولك ايه يا حبيبي ، ربنا يهون عليك انت و اونكل حازم ، بجد موقف وحش اوى ، هي كده دايماً طنط حياة ، مش بتفكر غير في مصلحتها وبس ، ليه تعمل فيك كده ، ليه أم بجد تحط ابنها في موقف زي ده ، معقول في أم متحبش ولادها كده .
اغمض ياسين عينه بغضب وقال.
«ياسين»: خلاص ياااا اية ، اقفلي علي الموضوع ده ، هي اخترت ، معتش فرق بقا .
«اية بضيق » يعني انا غلطانه عشان زعلانه عشانك، مش كفايه مجتش فرحنا ، وانا المفروض كنت ازعل جامد ، بس انا عديت الموضوع عشانك ، بجد واحده مبتحبش غير نفسها ، انا دايماً اللي وقفه جنبك ، هي مش بتهتم بيك ، و دلوقتي بتزعق ليا ، شكرا اوى .
«ياسين بغضب»: هو انتِ لازم كل شويه تفتحي موضوع الفرح ، اقسم بالله انا مخنوق وعلى اخري ، حاسي بي شويه ، استغفر الله العظيم ياااا رب.
«اية بغضب»انت بتزعق ليا ، بقا ده اخرتها معايا ، يعني مش قادر على أمك هتتشطر عليا انا .
«يا سين بغضب اقوة»؛ ااااااسكتي خلاص ، اايه ، مفيش دم خلاص ، انا ماااشي .
«اية بغضب»: ماشي يا ياسين ، زعق ليا برحتك ، بس والله انا ما ااااااه... ااااااه بطني ، بموت بطني ااااااه ، الحقني بولد ااااااه .
ذهب لها ياسين وقال بخوف .
«ياسين »: اية ، مالك فيكي ايه !؟، هتولدي دلوقتي ازاي ، مش انت هتولدي قصيري .
«اية بألم»: الحقني ، اااه مش قادره بموت ، ودني المستشفى بسرعه ااااااه.
حاملها ياسين ونزل من الشقه بسرعه ، وجعل البواب يفتح له السيارة وركب هو و اية وذهبه إلى المستشفى .
<في شقه حازم>
كان حازم يلبس الحذاء، كانت سمر تسأله وتقول.
«سمر» هو ياسين هايجي معاك ، ولا هتروح لوحدك!؟.
«حازم بضيق» اه جاي ، انا همشي ، يلا سلام .
وفجاء قبل خروج حازم رن هاتفه برقم ياسين ، فتح حازم الاتصال .
«حازم» الو ، ايوه يا ياسين انت فين دلوقتي؟.
«ياسين بتوتر»: بابا ، اية بتولد ، انا في المستشفي معاها دلوقتي ، هي دخلت العمليات ، خالي طنط سمر تجي .
«حازم بقلق»: اهده يا حبيبي ، ان شاءلله هتبقي كويسه هي والطفل ، انا هخلي سمر تجي ليك حالاً ، انا اسف يا ياسين ، انت عارف اني غصب عني مش هعرف اكون معاك ، لازم اروح المحكمه دلوقتي ، ابقا طمني يا حبيبي .
«ياسين »: حاضر يا بابا ولا يهمك ، خير ان شاءلله ، يلا سلام.
اغلق ياسين ، كانت سمر تنظر له وهي تسأله. بتوتر.
«سمر»: هي اية بتولد !؟.
«حازم »: ايوه ، ياسين خدها علي المستشفى ، متخفيش هتبقي بخير ، كان نفسي أجي معاكي بس لازم اروح المحكمه ، ابقا طمنيني عليها وعلى الطفل.
«سمر بضيق»: انت ممكن تجي معايا عادي ، وممكن المحامي يحضر مكانك عادي ، مش معقول هتسيب ابنك وبنتي في الموقف ده يا حازم .
«حازم بأنزعج»: سمر ، مش هينفع ، انا كده هيبقي شكلي وحش اكتر ، القاضي لو شاف ده هيتاكد اني زوج لا يصلح فعلاً ، حضوري ضروري ، المحامي قالي كده ، انا همشي دلوقتي وانتِ ابقي طمنيني سلام .
ذهب حازم ، اما عن سمر كانت تشعر ان ذهب حازم ، يرد به اثبت،
انه مازل يردها ، ولكن هي تعلم حياة لن تعطي له اي فرصه اخره ، ذهبت حتى تجهّز نفسها ، حتى تذهب إلى ابنتها .
<في شقه حياة>
كانت حياة تلبس افضل لبس عندها ، فهي تريد ان تكون جميله جدا اليوم ، في اليوم هو اسعد ايامها علي الإطلاق ، وضعت حياة بعض الكحل الاسود الذي اظهر جمال عيونها العسلية و بعض الرواج الغامق بعض الشئ ولبست حجبها كانت جميله بشكل لايوصف ، ابتسمت حياة وكانت هذه الابتسامة تعرفها جيداً ، هذه ابتسمتها عندما كانت في الثامنة عشر من عمرها ، لبست حياة حذاء ذو كعب عالي بعض الشئ ، فهي تريد ان تثبت ليه حازم انها سوف تزدد جمال في البعد عنه .
سمعت صوت جرس الباب ، علمت انها ابنتها عائشة ، ابتسمت وذهبت حتى تفتح الباب علي الفور .
«حياة بسعادة»: عائشة أخيراً جتي ، انا جاهزة يلا .
ابتسمت عائشة وقالت .
«عائشة»: ههههه ، بينا عليكي كده ، يا ماما منمتيش من الفرحة ههههه، يلا يا ستي حسن مستنين تحت في العربيه .
«حياة بابتسامة»: انا فعلاً منمتيش ، انتِ مش عارفه انا دلوقتي حاسه بي ايه حاسة اني بتولد من اول وجديد ، ااه ، يلا انا عايزة اوصل المحكمه بسرعه ، واغمض عيني افتح القي كل ده خلاص و انتها إلى الابد .
«عائشة بحب»: خلاص يا ماما ، هانت ، يلا ننزل .
نزلت حياة وعائشة و ركبوا العربيه ، ركبت عائشة بجوار والدتها ومسكت يديها ، ومسحت عليها بحنان وقالت .
«عائشة» مالكِ ايدك بترتعش كده ليه !؟. اهدي يا ماما كل حاجه هتكون بخير ، صدقيني.
لفه حسن لهم وقال .
«حسن بابتسامة»: اهدي يا طنط حياة ، صدقيني الموضوع اسهل من كده بكتير ، وكده كده القضيه دي مضمونة مية في المية ، يعني يا ستي حطي في بطنك بطيخه صفي ههههه .
هزت له حياة رأسها ، نظر حسن امامه وساق العربيه ، اما حياة كانت تنظر من شبك العربيه وكانت ذكريات.ال ٢٥سنه التي عاشتهم مع حازم تهجم عليها ، وها هي سوف تنقذ الجزء البقي من حياتها ، ولن تستسلم بعد اليوم، يكفي إلى هنا ، سوف تكون اقوة مما كانت عليه .
باقلم«نورا عادل ♡»
تكملة الرواية من هنااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق