رواية مفيش رحمه الفصل الحادى والثلاثون والثانى والثلاثون والثالث والثلاثون بقلم لولو محمد
رواية مفيش رحمه الفصل الحادى والثلاثون والثانى والثلاثون والثالث والثلاثون بقلم لولو محمد
(((((((مفيش رحمه ))}))))
#لولو_محمد
الحلقه الواحد و ثلاثون
رامى / يا دين النبى كل ده حصل
رحيم / دا الملخص يابنى بس اللى مستغربه ان امى بقت لطيفه بزياده
رامى / ههههههههههههههههه فعلا التغيير المفاجئ ده مريب تحس انه السكون الذى يسبق العاصفه
رحيم / سكون سكون ياعم اهو الواحد ياخد راحه كام يوم من المشاكل اللى بتنزل على نفوخه زى المطره دى
رحمه و روقيه يدخلوا
رحيم / ها باركتوا للبشمهندسه عبير
...........................
روقيه / انت مش متخيل كميه الزحمه اللى فى المكتب كل البنات فى الدفعه و الدفعات التانيه بيباركولها دى وزعت يجى تلت علب شيكولاته و هى قاعده
رحمه / انا عندى صداع فظيع
رحيم / انتى ايه حكايتك مع الصداع بقالك كام يوم بتشتكى منه
رحمه / معرفش فعلا بقاله فتره مطول اوى معايا
الدكتور يدخل و الكل يقعد فى مكانه
............
فى البيت
رحيم / لسه عندك صداع
رحمه / انا هحاول انام شويه يمكن يروح
رحيم / انتى كويسه يا رحمه انتى معدتيش بتقعدى معايا زى الاول فى حاجه
رحمه / ابدا مفيش
رحيم / انتى فى حاجه مديقاكى فى حاجه عملتها دايقتك
رحمه / لا مفيش
رحيم / امال مالك بس بتصل بيكى مبترديش و على مبتردى بتردى بالقطاره و تقطمى فى الكلام و علاطول بتشتكى مالصداع و علاطول عاوزه تنامى
رحمه / مرهقه يا رحيم مرهقه
رحيم / من ايه احنا يادوب اول يوم فى الدراسه معملناش حاجه و الفتره اللى فاتت كنتى طول الوقت فى البيت
رحمه / ممكن ناجل الحوار ده فوقت تانى انا تعبانه و بجد مصدعه اوى
رحيم /براحتك على العموم انتى عارفه هتلاقينى فين لو احتاجتينى تصبحى على خير
رحيم يمشى و رحمه تفضل تعيط عفاف تدخل عليها
عفاف / مالك يا رحمه بتعيطى ليه
رحمه تمسح دموعها بسرعه / مفيش يا تيته انا كويسه
عفاف / لا مش كويسه انتى بقالك فتره متغيره من يوم الزفت و السواد و انتى مش كويسه
رحمه / اقولك ايه بس يا تيته
عفاف / قولى الحقيقه يا بنتى مالك فى حد دايقك بكلمه زينب و لا عبير قالولك حاجه انا عارفه حركات السلايف و الحموات قوليلى و انا اقطم رقابيهم
رحمه / لا يا تيته والله معملوش حاجه انا بس اللى ..... مش عارفه بس حاسه انى خايفه
عفاف / من ايه بس هى مش الدكتوره طمنتك
رحمه / ايوه بس معرفش لما شوفتك فى المستشفى و لما شوفت البيت كلو و هو بيتخانق مع بعضو معرفش ايه اللى حصل مش قادره اعدى اليوم ده مش قادره انسى الكلام اللى طنط زينب قالته مش قادره انسى
عفاف / و قدرتى تنسى اللى رحيم عمله
رحمه / رحيم ... رحيم نفسه متغير
عفاف / ازاى بس
رحمه / معدش على طبيعته انا حاسه ده رحيم كمان خايف
عفاف / انتوا لسه صغيرين و اليوم ده كان صعب و طويل و الصدمه كمان مش سهله بدل مكل واحد فيكوا يحاول لوحده اقعدى يا بنتى و كلميه خليه يفضفضلك و فضفضيله شيلى همه و شاركيه همك محدش فى الدنيا هيسندكوا قد مهتسندوا بعض
رحمه / النهرده فى الكليه كان بيتكلم مع صاحبه و اول مدخلت غير السيره و سكتوا مكنش عاوزنى اسمع
عفاف / ميمكن كانوا بيتكلموا فى حاجه تخص صاحبه او يمكن كانوا بيتكلموا فى حاجه مينفعش تسمعيها يعنى حاجه ولادى مثلا
رحمه / انا مبنامش يا تيته بحاول بس مبعرفش
عفاف / عشان بتفكرى كتير فى حاجات متستاهلش
رحمه تبصلها
عفاف / ايوه متستاهلش مفيش فى الدنيا حاجه تستاهل انك تضيعى صحتك عشانها مفيش فى الدنيا حاجه تستاهل انك تفكرى فيها نامى و ارتاحى و سيبى حياتك و بكره على ربنا
رحمه / ايوه بس
عفاف / كلنا بنحبك يا رحمه و اولنا رحيم اوعى تخافى و انتى فوسط اهلك اوعى
رحمه / انا مش عاوزه ابقى هم على اهلى
عفاف / هم ايه بس يا رحمه دانتى الغاليه بنت الغالى انتى لو طلبتى لبن العصفور البيت كلو من اصغر نفر فيه لاكبر واحده فيه هيجروا يجيبوهولك
رحمه / معدتش متاكده
عفاف / هو مش عمك قال قدامك ان معندوش فى الدنيا اغلى منك
رحمه / انتى عارفه انه قال كدا عشان انا واقفه بس هو كان فى الاصل بيتخانق مع بابا
عفاف / عشان خبى عليه اذا كانت امك نفسها زعلت اننا خبينا عليها تبقى امك كمان مبتحبكيش يابت بطلى هبل ..قومى قومى ..قومى يابت كدا اغسلى وشك و فرفشى و روحى للواد المسكين اللى قلقان عليكى ده و اتكلمى معاه و طمنيه
رحمه تهز راسها
..........
فى اوضه رحيم
رحمه تخبط و تدخل
رحمه / ازيك يا رحيم
رحيم / كويس الصداع عامل ايه دلوقت
رحمه / اخدت اسبرين و ان شاء الله ابقى كويسه بقولك ايه لو موركش حاجه ممكن نخرج
رحيم / اه اوى اوى ثوانى و اللبس
رحمه / اوك انا مستنياك فى اوضتى
رحيم / ماشى
رحمه تمشى و رحيم يقفل الباب
محمد / خير يا رحيم
رحيم / دى رحمه كانت عاوزه تخرج
محمد / طيب افتكرت فى حاجه و لا حاجه
رحيم / لا مفيش انا هدخل اللبس
................
فى كافيه
رحيم / بقى كل ده شيلاه فى قلبك و ساكته يا مفتريه
رحمه / اقولك ايه بس انا بجد كنت متوتره اوى الفتره اللى فاتت
رحيم / تعرفى ايه اكتر حاجه موترانى انا بقى فى الليله دى كلها
رحمه / خير
رحيم / امى
رحمه / ههههههههههههههه تصدق عندك حق انا كمان مفتقداها اوى تحس ان البيت هادى اوى
رحيم / لا الاكتر من ده انها فعلا مبتتكلمش مبتقولش رايها فى اى حاجه مبتحاولش تعمل اى مشاكل تفتكرى اتغيرت بجد و لا زى مرامى قال السكون اللذى يسبق العاصفه
رحمه / هو فى عاصفه اكتر ماللى شوفناها يا بنى
رحيم / معرفش
رحمه / بس تعرف ايه احسن حاجه فى اللى حصل هى الحقيقه الحسنه الوحيده فى اللى حصل
رحيم / خير
رحمه / انى اتاكدت انك عمرك مهتسيبنى اتاكدت انك بتحبنى بجد و هتقف جنبى مهما كان اللى هيحصل عمرك مهتسيبنى ابدا
رحيم / و انتى كان عندك شك يا هبله احنا اتخلقنا لبعض و يا نعيش مع بعض يا نموت برده مع بعض
رحمه / ربنا يخليك ليا يا احلى و احن رحيم فى الدنيا
رحيم / و يخليكى ليا يا ست الحسن المهم انا هكلم بابا خلاص
رحمه / فى ايه
رحيم / علينا انى مش هستنى اكتر من كدا و لازم يتصرف
رحمه / تستنى على ايه
رحيم / انتى هتستهبلى انا عاوزك تبقى فى عصمتى عاوز نكتب الكتاب بقى هنفضل كدا لحد امتى
رحمه / بجد ... اه .. طب ايه
رحيم / اول فرصه هكلمه ا
رحمه / ياربى طب ميلا نكلمه دلوقت احنا لازم نروح حالا
رحمه تقوم تقف و رحيم يمسك ايدها يقعدها تانى
رحمه / انت مش مستعجل مش عاوز تعرف هيقولوا ايه
رحيم / مانا عارف هيقولوا ايه هيوافقوا طبعا اخرهم يتحايلوا علينا ناجلها و مش هنوافق و هيوافقوا
رحمه / انت جبت الهدوء ده منين دانا اعصابى سابت
الويتر يجى و يحط ايسكريم شيكولاته
الويتر / حاجه تانى يا فندم
رحيم / ميرسى شكرا
الويتر يمشى
رحيم / عاوزه تمشى و تسيبى الشيكولاته دى كلها
رحمه / اممم غيرت رايى هناكل و نمشى
رحيم / ههههههههههههههههههههه ايه ده يعنى الشيكولاته عندك اهم من كتب كتابنا
رحمه / انت بتهزر انت عارف انا قد ايه ضعيفه قدام الشيكولاته
رحيم / تصدقى انى ساعات بغير منها
رحمه / الشيكولاته بتهزر
رحيم / انتى بتحبينى ليه
رحمه / ايه السؤال ده انت احلى حاجه حصلتلى فى حياتى
رحيم / طب حاولى كدا
رحمه / انت حنين اوى و طيب اوى فى ايه احسن من كدا
رحيم / طب بتحبى الشيكولاته ليه بقى
رحمه / انت بتهزر هو فى بنت مبتحبش الشيكولاته بص كدا على لونها البنى اللى يفتح النفس و لا لما تدوب فى بقك كدا بتحس انك سافرت لدنيا تانيه خالص كدا و تفضل غرفان فيه لحد متروح خالص فتلاقى نفسك بتهجم عليها حته و را التانيه و يا سلام بقى لو سايحه زى دى كدا و تشوف منظرها و هى ياربى على الجمال بجد سحر و بعدين دى ....
رحيم /ههههههههههههههههههه شوفتى بقى
رحمه / ايه فى ايه
رحيم / انتى قلبتينى وصفتينى فى كلمتين و نزلتى عليا بقصيده غزل صريح فى الشيكولاته مشوفتيش عنيكى و هى بتقفل و تفتح و تتحركى كدا و انتى بتوصفيها ايه يا شيخه اتقى الله بزمتك عمر الشيكولاته قالتلك انها بتحبك مسكت ايدك و بصت فى عنيكى و قالتلك انك احلى حاجه فى الدنيا
رحمه / هههههههههههههه الشيكولاته افعال مش اقول
رحيم / يا شيخه
رحمه / ايوه طبعا
رحيم / دا كلامك
..........
رحمه / ايوه الشيكولاته بتفرحنى بتخلينى انسى الدنيا و اسرح معاها فى دنيا تانيه خالص
رحيم / دى الشيكولاته
رحمه / تخيل الدنيا منغير شيكولاته بيقولوا هتنقرض 2020 انا مش قادره اتخيل دنيتى منغيرها
رحيم / كمان طب خدى الصدمه دى بقى انا احسن مليون مره مالشيكولاته انا مبطخنش و مش مطره انك تعملى رجيم طول الوقت عشان تتكلمى معايا و لا تكونى معايا دا غير ان تاثيرى مبيروحش كل شويه و بعدين عمرك شوفتى شيكولاته بتجيلك تسالك مالك زعلانه ليه و لا انتى اللى بتروحيلها انا مبخلصش الشيكولاته بتخلص و كمان مش محتاجه تدفعى فلوس عشان تبقى معايا بالعكس انا اللى بكع
رحمه / انت بتقارن بينك و بين الشيكولاته
رحيم / لا طبعا مفيش اى مجال للمقارنه و بعدين الشيكولاته متجيش حاجه فى جمالى ووسامتى
رحمه / هههههههههههههههههه لا فى دى عندك حق
رحيم / و ان كانت الشيكولاته بتدوب فى البق فانا كمان بدووووووووب فىكى
رحمه / لا ان كان كدا انت طبعا اللى تكسب هههههههههههههه
رحيم / شوفتى يبقى انا و لا الشيكولاته الوحشه دى
رحمه / امممممممممم الكاسه خلصت فيبقى اكيد هختارك انت
رحيم / هههههههههههههه و انا راضى بس احب اصدمك ان كاستى لسه مليانه
رحمه تبدل الكاسات
رحمه / دلوقت كاستى انا اللى مليانه اقعد بقى لحد مخلصها
رحيم / ههههههههههههههههه يخربيت الشيكولاته اللى جننتك
........................
فى شقه رحيم بعد فتره
محمد / يعنى ده اخر كلام عندك
رحيم / يا بابا انا مش شايف اى مانع و بالعكس كل يوم بستعجل اكتر و مش فاهم انتوا ليه بتاجلوا الموضوع بصراحه
محمد / عشان القانون يا فالح على الاقل تكمل 18 سنه عشان تعرف تكتب كتابك
رحيم / خلاص يبقى يوم عيد ميلادى ايه رايك
محمد / اشور عمك و اقولك
رحيم / يا بابا عمى كان شارط انى اجيب تقدير السنه اللى فاتت و انا الحمد لله جبت و شرط البطوله و نفذت ملوش حجه يعنى اعتبره موافق
.................
فى شقه محمود
محمد / قولت ايه يا محمود ايه رايك يا حياه
محمود / اللى تشوفوه انا معنديش مانع بس ابوس ايديكوا لو هنعملها نعملها عالديق كفايه افراح و معازيم و كل واحد يدخل يدينا عين يطلع بيها عينا احنا
حياه / انت اللى بتقول كدا يا محمود من امتى بتحط الحاجات دى فدماغك
محمود / تعبت يا حياه اديكى شايفه الهم اللى شوفناه
عفاف / هو فين الهم ده يا محمود مالحمد لله كل اللى شوفناه كان خير
محمود / ماشى يا ماما كان خير
عفاف / كنت هتعيش الكام سنه دول لحد جواز رحمه قلقان و خايف لكن ربنا بعتلك اللى يطمنك هتخاف من ايه تانى
محمود / مش خايف يا امى انا بس تعبان تعبت من كل اللى حصل
محمد / بقولك ايه يا محمود ايه رايك تاخد حياه و تطلعوا انتوا اسكندريه بدالى تشوف اخبار المعرض و العمال و اهو تغيروا جوا كام يوم
عفاف / والله فكره
حياه / بس الدراسه بدات و مينفعش نخلى رحمه تغيب
محمد / و هو حد قال حاجه عن رحمه سيبوها هنا معانا
عفاف / معاكوا ليه مانا موجوده معاها و اهى فرصه ترجعوا ايام الشباب
محمود / ههههههههههههههه يا ماما شباب ايه بس احنا كبرنا خلاص
حياه / اتكلم عن نفسك انا لسه شباب
محمود / هههههههههههه شباب ايه بس يا حياه دانتى لسه نونو
حياه / ههههههههههههههه ايوه كدا اتعدل
محمود / خلاص لما تيجى رحمه ناخد رايها و نشوف هتقول ايه
محمد / طب و لما رحيم هيجى هتقوله ايه
محمود / مانا قولتلك رايى يا محمد نعملها عالديق فى اى وقت معنديش مانع بس مقولتليش ايه راى زينب
محمد / زينب دى بقت نسمه يا جدع لا بتقول و لا بتعيد حاجه ترعب
عفاف / ربنا يستر ده اكيد السكون اللى بيسبق العاصفه
محمد / هههههههه والله ده اللى راعبنى
محمود / ياعم ميمكن ربنا هداها شويه احمد ربنا و متتبترش
محمد / ماشى هسيبكوا بقى و انزل المعرض اشوف عماد كان عاوزنى فى ايه
محمود / انا جاى معاك
......................
فى البيت
حياه / ها ايه رايك
رحمه / انتوا كدا بتظلمونى انا
حياه / ليه يا رحمه
رحمه / ليه اعملها عالديق ليه مفرحش و اعزم صحباتى و ارقص و افرح و اطنتن و سطيهم ليه يا ماما دا يوم مش عادى مش هيتكرر ابدا انا مش هكتب كتابى كل يوم
حياه / ايوه يا حبيبتى احنا هنفرح كلنا فى فرحك و هنرقص و نتنطت و نعيش كل الحاجات دى
رحمه / مش عاوزين تعملوا فى قاعه كبيره و مصاريف ماشى بس نعمله فى البيت هنا
عفاف / يا حبيبتى مش موضوع فلوس انتى عارفه اننا مبنستخسرش فيكى حاجه
رحمه / انا عارفه بس انا عاوزه افرح و انبسطت ماما انتوا هتسافروا و تغيروا جوا لكن انا لا
حياه/ يا حبيبتى انتى لو مش عوزانى اسافر
رحمه / لا لا انا عوزاكوا تنبسطوا انا عوزاكوا تغيروا جو انا بس عاوزه نعمل كتب الكتاب قبل متسافروا عشان خاطرى انا من حقى افرح و انبسطت انا كمان عشان خاطرى يا ماما
عفاف / يا حبيبتى كدا كدا كتب الكتاب مينفعش قبل الترم التانى يوم عيد ميلادكوا
رحمه / خلاص اهو يبقى فى فتره كفايه اهو لحد الترم التانى
عفاف / و انت ايه رايك يا رحيم
رحيم / والله يا تيته لو عليا انا معنديش مانع نكتب فى المسجد حتى بس انتى شايفه رحمه نفسها قد ايه و مش شايف اى حاجه هتحصل لو عملنا يوم هنا مهو برده عالديق هنعزم بس اصحابنا و الناس القريبين اوى مش لازم نعزم كل التجار و العمال و الجيران ايه ريك
رحمه / هو بعد اللى شفناه يا تيته الفتره اللى فاتت مستكترين عليا يوم واحد بس افرح فيه
عفاف / يا حبيبتى ربنا يجعل كل ايامك فرحه احنا مقولناش كدا
رحمه / يا تيته العين هتجيلنا و احنا فى بيتنا و بعدين انتى اللى بتقولى كدا انتى مش بتحبى تاكلى الفقره و بتقولى انها بتوسع الرزق و بتمنع الشر
عفاف / ايوه
رحمه / خلاص يا تيته اعملى يوم اطعام لله بمناسبه كتب كتابى
محمود يدخل رحمه تجرى عليه
رحمه / انا عاوزه كتب كتاب يا بابا عشان خاطرى يا بابا عشان خاطرى
محمود / دا كلامك
رحيم / احنا قولنا نعمله فى البيت ماشى و نعزم بس اصحابنا ايه رايك
محمود / ايه رايك يا ماما
عفاف / والله انا مش شايفه مشكله و اهو بالمره نخلى الجيران و العمال و الغلابه ياكلوا
حياه / خلاص اتفقنا لما نرجع مالسفر انا و ابوكى نبدا نرتب بس من هنا لحد يوم عيد ميلادكوا مفيش حجه موراكوش غير المزاكره و بس مفهوم
محمود / اه نتيجه الترم ده لو جت مخسعه ملكوش حاجه عندى
رحمه / متخفش هشرفك
محمود / ساعتها هعملك حته ليله
رحمه / صحيح كلام رجاله
عفاف / امال هو احنا عندنا كام رحمه دا هى واحده بس
رحيم / و رحيم واحد بس والله
محمود / هههههههههههههه ماشى اتفقنا
رحيم / ياااااااااااااااهو ايوه بقى هو ده الكلام
حياه / بيفكرنى بحد اعرفه كان مجنون كده برضه
محمود / كنت مجنون بيكى
حياه / بس بقى العيال واقفين
محمود / اهو ياخدولهم درس فى الحب
حياه / يا حبيبى
رحمه تزغد رحيم
رحمه / اتعلم
محمود / متحاولش مفيش فى الدنيا حد حب مراته قدى
رحيم / مفتكرش و متحاولش تنافسنى عشان هزعل اوى لما تخسر
عفاف / ههههههههههههههه ربنا يسعدكوا يا ولاد والله الواحد مبيشبعش مالدحكه اللى بتطلع مالقلب ربنا يديمها علينا نعمه
...............
فى المعرض بعد فتره طويله
محمد / انت استحلتها و لا ايه انت مش لسه كنت مسافر من فتره تغيروا جو هتسافروا تانى ليه
محمود / و ماله ياعم محمد نعمل كتب الكتاب الخميس و ابقى اطمنت انها بقت فى عصمه راجل و اسافر الجمعه بالليل انا و امها نقضى شهر عسل جديد الله مش قضيت رسالتى
محمد / ههههههههههههههه و ماله عيشلك يومين
محمود / خلاص اتفقنا رتب كل حاجه بقى
محمد / بس اعمل حسابك مفيش سفر بالليل انت سافر السبت الصبح احسن امك هتفضل طول الليل و لحد متوصلوا صاحيه
محمود / خلاص خلاص نسافر السبت الصبح
محمد / ربنا معاكوا متنساش تعدى على مصيلحى و تكلمه فى حوار الارض علشان نبنى مصنع تانى هناك
محمود / انا مش فاهم انت مستعجل على ايه مش تصبر لما المعرض يقف على رجله
عماد / هيقف ياعموا باذن الله هيقف بس لو المصنع هناك تمن العفش هيقل عشان هنشيل من عليه مصاريف النقل من هنا لهناك فالمبيعات هتزيد لان ساعتها اسعارنا هتضرب كل الاسعار اللى هناك
محمود / ايوه بس اننا نشترى ارض دلوقت يا عماد هتضرب كل السيوله اللى معانا و هنتزنق و ساعتها مش هيبقى معانا فلوس حتى نبنى المصنع اصلا انت ليه مفركتش فيها من النحيادى
عماد / انا كلمت مصطفى و قالى اننا ممكن ناخد قرض عشان نبنى المصنع بسهوله جدا لان الضمانات عندنا متوافره و سمعتنا معروفه فى السوق
محمد / انا مبحبش القروض يا محمود انا ايه اللى يخلينى ادفع فوايد قد كدا و ابقى مديون للبنك انا مبحبش اشتغل بالدين و احنا دا نظامنا من زمان
عماد / طب مندخل معانا شريك على فكره فى ناس كتير اوى تتمنى تشاركنا
محمود / و احنا من امتى بندخل فى شغلنا اغراب
عماد / بس لو عموا ابراهيم مش هيكون حد غريب
محمود يبص لمحمد
محمد / انت اتكلمت مع عمك ابراهيم فى حاجه زى دى
عماد / لا بس كنت بتكلم مع منه و قالت انها سمعت باباها بيقول لمصطفى انه لولا اننا مبنشاركش حد غريب كان شاركنا فى موضوع مصنع اسكندريه ده بدل منتعرف على تاجر خشب من هناك
محمود / بقولك ايه يا عماد اجل الكلام فى الموضوع ده لحد منخلص مالمسؤليات اللى ورانا الاول اديك شايف انا دماغى مش فيا
محمد /سيبك انت المهم يا عماد كنت عاوزك تفضى نفسك بكره عشان تروح تتفق مع بتوع الفراشه و الدى جاى عاوزين يوم الخميس الشارع كلو منور
محمود / و انا هروح اتفق مع الشيخ لطفى عشان يجى يكتب الكتاب و رحيم و رحمه هيروحوا بكره يخلصوا الورق و يتصوروا و انت يا محمد معلش تروح بكره تشترى العجول و تكلم الطباخ و تتفق معاه مش عاوزين حد يقوم من عالاكل جعان
محمد / باذن الله هيبقى يوم محصلش
...............
((((((((مفيش رحمه ))))))))
#لولو_محمد
الحلقه الثانيه و الثلاثون
عماد / لا بس كنت بتكلم مع منه و قالت انها سمعت باباها بيقول لمصطفى انه لولا اننا مبنشاركش حد غريب كان شاركنا فى موضوع مصنع اسكندريه ده بدل منتعرف على تاجر خشب من هناك
محمود / بقولك ايه يا عماد اجل الكلام فى الموضوع ده لحد منخلص مالمسؤليات اللى ورانا الاول اديك شايف انا دماغى مش فيا
محمد /سيبك انت المهم يا عماد كنت عاوزك تفضى نفسك بكره عشان تروح تتفق مع بتوع الفراشه و الدى جاى عاوزين يوم الخميس الشارع كلو منور
محمود / و انا هروح اتفق مع الشيخ لطفى عشان يجى يكتب الكتاب و رحيم و رحمه هيروحوا بكره يخلصوا الورق و يتصوروا و انت يا محمد معلش تروح بكره تشترى العجول و تكلم الطباخ و تتفق معاه مش عاوزين حد يقوم من عالاكل جعان
محمد / باذن الله هيبقى يوم محصلش
...............
يوم الخميس
البنات بترقص فى شقه رحمه و الرجاله قاعدين فى شقه رحيم و الشباب فى الشارع و خيل و دى جاى و فرقه مزمار
رنا / الف مبروك يا رحمه انا بجد مش مصدقه
روقيه / الف مبروك يا رحمه انا مش هقرصك فى ركبتك عشان تلاقى ركبتك ورمت
رحمه / ههههههههه عندك حق والله مقولكيش العيال دول هارونى بس مجتش على قرصتك يعنى
عبير / ايه يا بنات مش تيجوا تتفرجوا عماد و رحيم هيركبوا الخيل
روقيه / انا جايه حالا
البنات يطلعوا البلكونه و يتفرجوا
رحمه / حاسب يا رحيم انا بخاف مالحصنه موت
ريهام / متجمدى يا بت كدا الله
رحمه / تعرفى تخليكى فى حالك
تحت فى الشقه اللى فيها الاكل
حياه / ايه الاخبار يا زينب انزل الناس اللى فوق و لا لسه
زينب / انا طلعت اكل للرجاله فوق مع محمود و محمد هو لسه فى حد فوق مكلش
حياه / انا قصدى عالستات ينزلوا و لا لسه
زينب / طب منطلع اكل فوق و لا انتى يعنى خايفه على شقتك تتبهدل .... يووووووه حقك عليا
حياه / انتى تعرفى يا زينب انا بحبك حتى و انتى لسانك طويل برده بحبك
زينب / المهم هتعملى ايه الشقه هنا على اخرها و لسه الشباب مكلوش
محمود ينزل
محمود / ايه الاخبار
حياه / هنطلع اكل فوق للستات اللى فوق لحسن جاعوا
محمود / و ماله انا هشيل معاكوا
حياه / و انا هطلع انادى رحمه و كام بنت يساعدوا
زينب / انتى بتهزرى يا حياه هتخلى صحباتها الضيوف يخدموا عالناس انتى عاوزه الناس يكلو وشنا احنا هنقوم بالواجب
حياه / طيب طيب حاضر خلى بس الطباخ يظبط و انا هطلع افرش السفره عندى للناس تقعد عليها
محمود / و انا هجيب الاكل و احصلك
............
بره فى الفراشه
رامى / ايه الحلاوه دى يا رحيم
رحيم / شوفتنى
رامى / لا فارس فارس يعنى
رحيم / اصلها مش اول مره ركبت خيل كتير قبل كدا
رامى / طب ايه مش هناكل و لا ايه
رحيم / يا طفس اصبر الكبار ياكلوا الاول و بعدين هينادوا الشباب ندخل نقتحم احنا ساعتها
رامى / انت ضامن ان الاكل عندكوا كتير النهرده
رحيم / عيب عليك
رحيم يبص لفوق يلاقى رحمه بتبص عليه يبتسملها
رامى / انا بطمن بس يا عم هو انا قولت حاجه .... رحيم رحيم ..... اه ماشى ياعم الله يسهلوا
رحيم / سالت نفسى كتير مرسيتش يوم على بر
رامى / انا اللى فيا الخير و لا اللى فيا شر
رحيم / لا انى الاقى سبب واحد يخلينى مصاحبك مش لاقى
رامى / بتحبنى انا اصلا اتحب
رحيم / طب امشى بدل معملها معاك
عماد يدخل
عماد / الماذون وصل
رحيم / انا هطلع انادى على بابا و عموا محمود
عماد / ماشى
ترابيزه و تلت كراسى يتحطوا فنص الفراشه و الكل يسكت و الماذون يقعد و رحيم يقعد و عموا محمود يقعد قصاده
الماذون / المنديل لو سمحتوا
عماد يديلو منديل ابيض مطبوع عليه صوره رحيم و رحمه و مكتوب اساميهم
الماذون / والله الواحد كل يوم بيشوف جديد حطوا اديكوا فى ادين بعض
محمود يمسك ايد رحيم جامد
رحيم / ايه ياعموا انا هتجوز بنتك مش هلاعبك رست
محمود / انت تعرف اصلا تلاعبنى جتكوا خيبه جيل فستك
الماذون / ههههههههههههههه يلا قولوا ورايا
...........
فوق فى البلكونه رحمه تبص و هى مبسوطه اوى
حياه / مبروك يا ست البنات
رحمه / الله يبارك فيكى يا ماما
حياه / تعرفى دلوقت بس انا اطمنت عليكى
رحمه تدحك فى خجل
حياه / رحيم راجل و ابن حلال و هياخد باله منك و اهم حاجه فى الدنيا انه بيحبك و عمره مهياذيكى دلوقت الواحد يقدر يموت و هو مطمن
رحمه / الله مكنا كويسين قلبتيها نكد ليه بس
حياه / انتى عارفه انا عشت عمرى كله بحلم باليوم ده اليوم اللى هشوفك فيه عروسه
رحمه / بس ده مش النهرده لسه بدرى اوى عاليوم ده يا ست الكل
حياه / ازاى و انتى خلاص بقيتى فى عصمه راجل
عماد يدخل
عماد / عاوزين العروسه تحت عشان تمضى
رحمه تنزل مع عماد ووشها احمر و هى باصه فى الارض رحيم يقوملها تقعد
الماذون / امضى هنا يا بنتى
محمود / فكرى كويس
رحمه تبصله و تدحك
رحيم / متحاولش يا عموا
رحمه تمضى و تبصم
الماذون / الف مبروك يا جماعه عقبال البكارى
محمد/ الف شكر يا مولانا اتفضل معايا
محمد ياخد الماذون على جوه
رحيم يمسك ايد رحمه و يوشوشها
رحيم / كان عليكى ليا بوسه فاكراها و لا لا
رحمه وشها يحمر و تطلع تجرى على فوق
رحيم / بحبك يا مجنونه
عماد يقرب / كنت بتقولها ايه يا خلبوص انت
رحيم / متركزش عشان متهييسش و يلا طريقك اخضر
عماد / ماشى ياعم ليك يوم ليك يووووووم افتكر انت بس
رحيم يروح عند صحابه يشيلوه و يحدفوه فوق و يرقصوا معاه و رحمه تطلع فوق ووشها احمر
روقيه / كان بيقولك ايه تحت
رحمه / مقالش حاجه
عبير / يابت دانتى الدم هيبك من وشك
رحمه / بطلوا رخامه بقى
ريهام / ارزقنى يارب
عبير / هههههههههههههههههههههههه .
زينب تدخل
زينب / وسعوا يا بنات اقعد شويه رجلى ورمت مالوقفه
زينب تروح تقعد و روقيه تروح تقعد جنبها
روقيه / سلامتك يا زوزه مالك شكلك مرهق جدا
زينب / بقالى كتير اوى واقفه تحت الحمد لله معدش فاضل غير الشباب طمنينى يا روقه كلتى و لا لا
روقيه / كلت تسلم ايدك
زينب / هو انا اللى طابخه
روقيه / الله يا زوزه مش انتى اللى وقفتى على ايد الطباخ لحد معمل الاكل الحلو ده
زينب / ولله يا بت يا روقه انتى بت زوق و بحبك
روقيه / انتى عندك فيس يا زوزه والله بتوحشينى اهو نبقى نتكلم سوا
زينب / لا والله معنديش
روقيه / ازاى بس انتى معاكى موبايل نوعه ايه
زينب تدى الموبايل بتاعها لروقيه
روقيه / الله مهو فيه نت اهو استنى اعملك ايميل و اعملك اكونت عالفيس
زينب / وماله
روقيه تمسك الموبايل
روقيه / تمام و ضيفت نفسى كمان ثوانى هبعت اضافه لرحيم و رحمه تمام اوى كدا ابعتى انتى بقى لصحابك و عماد استنى انا هضيفلك كمان البشمهندسه عبير هى عندى
زينب / و انا هنا بقى اكلمهم عادى
روقيه / انا هعلمك كل حاجه بصى يا ستى
..................
بالليل بعد الكل ميمشى
رحمه / انا هموت مالتعب
عبير / حقك دانتى ولعتيها رقص
رحمه / ههههههههههه بس بقى
زينب / امال لو كنتوا وقفتوا تحت على ايد الطباخ و الناس اللى بتاكل كنتوا عملتوا ايه
عفاف / صحيح يا زينب اوعى يكون حد قام من عالاكل جعان
محمد / متقلقيش يا ست الكل مسبناش حد مكلش من اصغر عامل لاكبر واحد كل الناس كلت و انبسطت و خدت معاها و هى ماشيه كمان
عفاف / اهم حاجه الغلابه يابنى داحنا عايشين ببركه دعاهم
محمد/ اطمنى يا امى كل اللى انتى عوزاه حصل
عماد قاعد بيلعب عالموبايل
عبير / مين الاميره زوزه دى اللى بعتالك طلب صداقه دى بعتالى انا كمان
زينب / انا
رحيم / انتى ؟؟؟؟
زينب / اه روقيه عملتلى فيس و بعتلكوا اضافه
محمد / فيس يا زينب
عماد / لا مش دى المشكله المشكله فى الاسم
زينب / ماله الاسم
عماد / عيالى يا ماما مش مقامك خالص
زينب / ابقى غيرهولى و اعملنى اللى انت شايفه
عبير / سيبكوا مالموضوع ده انا عندى ليكوا خبر بمليون جنيه
...............
عماد / سيبك انتى مالخبر و هاتى المليون جنيه
عبير / يا رخم
عفاف / سيبك منه يا عبير و قولى بقى
عبير / فى ضيف جديد هيشرف عيله الصياد
رحمه / مين
عماد / اوعى يكون قصدك
عبير تبتسم لعماد
عماد / يا واد يا عماد يا جامد عرفتى امتى
عبير / النهرده العصر
زينب / انتى حامل بجد
عبير / امال كدا و كدا انا جبت شريط مالصيدليه و عملت الاختبار و طلع ايجابى
رحمه / امال مش بتدوخى يعنى و لا بترجعى
حياه / هههههههههههههههه الاعراض دى لسه بدرى عليها يا رحمه دى بتبان فى التالت
رحيم / ايوه يا عم عماد الفرحه بقت اتنين
عبير / انا مليش دعوه انا عاوزه الحلاوه
زينب / شوفوا البت و طمعها مش لما الضيف يشرف الاول نبقى نتكلم
عبير / لا انا مليش دعوه بقى
عماد / حلاوتك عندى انا يا ستى انتى شاورى و انا انفذ
عبير / لا انا هسيبك انت تفاجئنى
عماد / اتفقنا
عفاف / ربنا يديم علينا الفرحه يا ولاد انا هقوم انام بقى لحسن خلاص هنام على روحى
زينب / عندك حق والله يا طنط عن اذنكوا انا كمان
.............
يوم السبت
محمود / صباح الخير يا رحمه ايه وراكى كليه النهرده
رحمه / صباح النور يا بابا ايوه
حياه / طب تمام خشى اغسلى وشك على محضرلك تفطرى
محمود / انا هنزل الشنطه العربيه على متخلصى مش عاوزين نتاخر
رحمه / انتوا مسافرين دلوقت
حياه / ايوه كنت هدخل اصحيكى اسلم عليكى قبل ممشى
رحمه / هتوحشينى اوى يا ماما
حياه / يا حبيبتى كلها يومين وراجعين
رحمه / تيجوا بالسلامه
...............
فى الكليه
روقيه / ايه الحلاوه دى هى اللى بتتجوز بتحلو كدا و لا ايه
رحمه / اولا انا حلوه علاطول ثانيا انا لسه متجوزتش
روقيه / الواحد ميعرفش يقولك كلمتين مجامله ابدا مالك مزاجك مش رايق ليه لحقتى تتخانقى مع المز
رحمه / لا بس بابا و ماما سافروا النهرده و وحشونى اوى
رحيم يدخل
رحيم / لحقوا يوحشوكى دول يادوب مسافرين مبقالهمش كام ساعه
رحمه / معرفش يا رحيم بس بجد حاسه انى عاوزه اتصل بيهم اوى
رحيم يطلع موبايله و يتصل
رحيم / اتفضلى كلميهم
رحمه / انت احلى رحيم فى الدنيا ..... الو ايوه يا ماما وصلتى بالسلامه .... لا انا كويسه بس وحشتونى اوى .... هههههههههههههه .... ماشى ماشى انا كنت بطمن بس .... يلا سلام
روقيه / و انتى بقى معكيش رصيد
رحمه / لا معايا بس مكنتش عاوزه ابقى رخمه
روقيه / يعنى رحيم هو اللى رخم
رحيم / الرخامه جزء لا يتجزء من شخصيتى
رحمه / هههههههههههه لا بس بابا و ماما مسافرين يغيروا جوا و مكنتش عاوزه ازعجهم
روقيه / و هو ان البنت تتصل بامها و ابوها ده ازعاج انتى غريبه اوى يا رحمه
رحيم / بقولكوا ايه انا رايح اجيب مايه حد عاوز حاجه اجيبها معايا
روقيه / ممكن تشرب من ازازتى
رحمه / انا استاذنتك اشرب منها مرديتيش
روقيه / لا الوضع مختلف انا مبحبش اشرب مطرح حد لكن انا مش عطشانه فهو ممكن ياخد باقى الازازه
رحمه / ااااااااااه اوك انا جايه معاك الكافيتيرا يا رحيم
رحيم / تنورى
...............
فى اسكندريه
حياه / اخص عليك يا محمود اتاخرت اوى كل ده سايبنى لوحدى
محمود / على عينى والله على مقبضت العمال و شوفت الحاجات اللى ناقصه و الطلبيات و كان فى كام مشكله كدا الحمد لله خلصتهم على خير
حياه / الحمد لله هغرفلك تاكل
محمود / امال اخبار العيال ايه اتصلت برحمه بعتتلى رساله انها فى محاضره
حياه / كلمتنى و اطمنت اننا وصلنا
محمود / المهم انها بخير
حياه / الحمد لله يارب دايما
محمود / اقولك على سر يا حياه
حياه / و عندك غيرى تقوله اسرارك
محمود / لا معنديش تعرفى انا حسيت براحه نفسيه كبيره اوى من ساعه مرحمه اتكتب كتابها على رحيم
حياه / و انا كمان والله
محمود / كنت خايف عليها اموت و اسيبها تايهه
حياه / بعد الشر يا محمود
محمود / مكلنا هنموت يا حياه و بعدين متنسيش انى جبتها على كبر و ابن الشيبه يتيم
حياه / كبر ايه يا محمود انت هتعجزنى معاك ليه
محمود / هههههههههههههههه هو انا اتكلمت عنك انا بتكلم عن نفسى
حياه / يا راجل دانت لسه مكملتش الستين
محمود / و هو الستين دى شويه يا حياه
حياه / بقولك ايه انت طالبه معاك نكد و انا اللى كنت فاكره انك جايبنى هنا تفرفشنى
محمود / الله امال احنا جايين ليه انا اتغدى بس و هاخدك و افسحك احلى فسحه
حياه / اما نشوف
...............
فى البيت بالليل عند رحمه
رحمه بتتكلم فى التليفون
رحمه / و جبتيلى ايه كمان
حياه / جبتلك بلوزه بينك انما ايه خرافه هتعجبك اوى
رحمه / كل ده امال جبتى لنفسك ايه يا مزه
حياه / والله ولا حاجه كل مدخل محل اشتريلك منه حاجه و اطلع
رحمه / ربنا يخليكوا ليا هترجعوا امتى بقى وحشتونى
حياه / و انتى اكتر والله بس لسه بابا عنده شغل اول مهيخلص هنيجى علاطول
رحيم يدخل الاوضه
رحيم / بتكلمى مين يا قطتى
رحمه / بكلم ماما تعال .... معاكى يا ماما
حياه / ده رحيم مش كدا يا قطه
رحمه / ماما الله بقى
حياه / سلميلى عليه
رحمه / ماما بتسلم عليك
رحيم / الله يسلمها
حياه / انا هسيبكوا بقى و اروح ابص على ابوكى مياااااو
رحمه / ماما بطلى
حياه / ههههههههههههه سلام
رحمه تقفل
رحيم / فى ايه
رحمه / سمعتك و انت بتقولى يا قطتى و استلمتنى بقى
رحيم / ههههههههههههههههه معلش هتعملى ايه
رحمه / هعمل ايه يعنى كنت قاعده بفكر فى اسكتش للمشروع
رحيم / المشروع سهل كومباوند سكنى ايه الصعب فى كدا انا هعمل كل العمارات نفس الشكل و اوزعهم و لاند سكيب و قشطه
رحمه / لا انا عاوزه اعمل حاجه مختلفه مالكل هيعمل زيك كدا
رحيم / طب خليها وقت تانى قومى اما نقعد مع تيته شويه قاعده لوحدها مالصبح
رحمه / تصدق معاك حق انا هروح اقعد معاها يلا بينا
..............
فى الصاله
رحمه / ايه يا ست الكل بتتفرجى على ايه
عفاف / اى حاجه بضيع وقت ايه جوعتى
رحيم / انتى جعانه و لا ايه يا تيته
عفاف / تصدق يا رحيم الواحد ملوش نفس ياكل لقمه فى البيت منغير محمود و حياه
رحمه / معاكى حق خالص والله يا تيته الواحد حاسس ان البيت منغيرهم ملوش طعم خالص
عفاف / ربنا ميحرمك منهم يا بنتى و يجعل البيت عمران بيكى و بيهم يارب
رحيم / و انا يا تيته
عفاف / و بيك يا حبيب قلبى
................
بعد كام يوم فى شقه رحيم فى نص الليل
محمد نايم و فجاه تليفونه يرن يقوم بالعافيه يرد
محمد / دا مين قليل الزوق اللى بيتصل دلوقت
زينب / استر يارب خير فى ايه مين
محمد / الو ... ايوه انا مين حضرتك.... انت بتقول ايه طب هما عاملين ايه .... انهى مستشفى ..... انا جاى حالا
محمد يتنطر من عالسرير و يقوم يلبس
زينب / فى ايه يا محمد
محمد يمسك التليفون
محمد / ايوه يا عماد اللبس هنسافر حالا
زينب / فى ايه يا محمد طمنى هتسافروا فين ايه اللى حصل
محمد / قولتلك اللبس مفيش وقت
زينب / انت هتسيبنى على اعصابى كدا حاجه حصلت فى المعرض
محمد / محمود عمل حادثه
زينب / يا مصيبتى و هو عامل ايه
محمد / معرفش فى المستشفى انا هروح اشوف اهو ادعيلو
زينب / جيب العواقب سليمه يارب
محمد / اقسم بالله لو كلمه اتقالت لرحمه لحد مرجع مهيحصل كويس
..........................
(((((((مفيش رحمه ))))))
#لولو_محمد
الحلقه الثالثه و الثلاثون
محمد / ايوه يا عماد اللبس هنسافر حالا
زينب / فى ايه يا محمد طمنى هتسافروا فين ايه اللى حصل
محمد / قولتلك اللبس مفيش وقت
زينب / انت هتسيبنى على اعصابى كدا حاجه حصلت فى المعرض
محمد / محمود عمل حادثه
زينب / يا مصيبتى و هو عامل ايه
محمد / معرفش فى المستشفى انا هروح اشوف اهو ادعيلو
زينب / جيب العواقب سليمه يارب
محمد / اقسم بالله لو كلمه اتقالت لرحمه لحد مرجع مهيحصل كويس
..........................
زينب / لا مش هقول حاجه طبعا دى امك ممكن تروح فيها
محمد / كويس انك عارفه
باب الشقه يخبط محمد يجرى يفتح
عماد / فى ايه يا بابا انا لبست جرى خير
محمد / لازم نسافر اسكندريه حالا يلا بسرعه هقولك فى العربيه
عبير تنزل جرى عالسلم
عبير / هو فى ايه يا ماما
زينب / مش عارفه اقولك ايه تعالى تعالى
زينب تدخل الشقه و عبير معاها
زينب / خليكى هنا ثوانى
زينب تدخل اوضه رحيم
زينب / رحيم رحيم
رحيم يقوم مفزوع
رحيم / فى ايه يا ماما
زينب / قوم يا حبيبى قوم عوزاك
رحيم / خير
زينب / عمك محمود عمل حادثه
رحيم / ايه طب هو عامل ايه بابا فين انا هروح معاهم
زينب / لا ابوك مشى مع عماد
رحيم / مشى وسابنى ازاى
زينب / اوعى رحمه او جدتك تعرف حاجه لحسن يجرالها حاجه
عبير تخبط و تدخل
عبير / انا اسفه بس انا مش قادره افضل بره فى ايه
زينب / عمك محمود عمل حادثه
عبير / ياخبر طب هما عاملين ايه
زينب / والله معرف
رحيم / لو رحمه او تيته عرفوا باللى حصل ربنا وحده اللى يعلم ايه اللى هيحصل
رحيم يقوم يجيب الموبايل
رحيم / ايوه يا بابا انت فين ........ ايوه ماما قالتلى .... مش وقته دلوقت ..... طب مقولتليش ليه و خدتنى معاك هتسبنى هنا كدا على اعصابى ........... ايوه ورانا كليه بكره ....... طيب حاضر هخلينى جنبها و احاول اكون طبيعى بس ابوس ايدك ابقى طمنى سلام
عبير / انا مش هروح الكليه بكره انا اول مهبص لرحمه هقولها كل حاجه مش هعرف امسك لسانى
زينب / اوعى ابوكى محمد يدبحنا
عبير / ربنا يستر انت هتعمل ايه يا رحيم
رحيم / انا هقوم اخلينى جنب رحمه لحد معرف
عبير / هتخليك جنبها فين اول مهتبص فوشك هتعرف
رحيم / مش هتعرف بس انا متاكد انى محتاجلها دلوقت اكتر مهى محتاجانى عن اذنكوا ....عبير خشى ارتاحى فى اى اوضه جوه التوتر ده بيقولوا مش حلو عشان البيبى خدى راحتك فى البيت
عبير / و انهى راحه فى الظروف دى بس
زينب / لا انتى مالك انتى بالظروف رحيم معاه حق خشى و ارتاحى
...............
فى شقه رحمه
رحيم يفتح الباب و يخش يطمن على جدته يلاقيها نايمه يدخل اوضه رحمه يلاقيها نايمه ينام جنبها تحس بيه
رحمه و هى نايمه / خضيتنى
رحيم / حقك عليا بس حسيت انك وحشانى قولت اجى اتونس بيكى
رحمه / مال صوتك
رحيم / كنت نايم سيبينى اكمل نوم بقى قبل ميروح من عينى
رحمه / اوك يا حبيبى نام
رحيم ياخدها فى حضنه اوى و يغطيها و تنام و يفضل هو طول الليل صاحى عفاف تدخل الفجر تلاقيه حاضنها
عفاف / رحيم بتعمل ايه هنا يا وله
رحيم يمسح دموعه بسرعه
عفاف / انت كنت بتعيط و لا ايه
رحيم / لا انا اصلى حلمت بكابوس فقولت اجى اقعد جنبها يعنى نتونس ببعض
عفاف / ربنا يخليكوا لبعض يابنى و ميحرمكوش من بعض ابدا
رحيم / و لا يحرمنى منك يا تيته
عفاف / معرفش دا وقته و لا لا بس انت عارف الواحد لما بيشوفكوا بيحس ان الدنيا حلوه اوى بتفكرونى بمحمود و حياه هو كمان كان بيحبها اوى كدا كانت تعيط بالدموع و تتشحتف لو بس قالها يجعل يومى قبل يومك
رحيم يهز راسه و ميعلقش
عفاف / انا قومت اصلى الفجر قوم يابنى صليه معايا و اكسب فيا ثواب الجماعه
رحيم / حاضر يا تيته
رحيم يجى يقوم مالسرير عفاف تحط ايدها على كتفه
عفاف / انا عاوزه ائمنك امانه انت قدها
رحيم / خير
عفاف / البت دى عايشه بيك و ليك اوعى تقصر فى حقها يابنى محدش فينا هيعشلها العمر كله و الدنيا مبترحمش
رحيم / ليه بتقولى كدا يا تيته
عفاف / والله معرف يابنى بس حسيت انى لازم اللفت انتباهك انكوا لسه مكتوب كتابكوا يعنى
رحيم / لا لا يا تيته انا والله محاولت
عفاف / انا عارفه بس الشيطان شاطر يابنى و انت الراجل انا عارفه انو مش حرام بس المجتمع ده غبى و مبيفهمش خد بالك منها و قويها
رحيم / ربنا يقوينى يا تيته
عفاف / امين قوم يلا اتوضى يا روح تيته على مصحيها تصلى معانا
رحيم / لا يا تيته معلش انا عارف ان الفجر ثوابه كبير بس سيبيها تنام معلش
عفاف / لا انا هصحيها تصلى الفجر الساعه و لا الساعتين اللى هتنامهم مش هيساو ابدا الثواب روح انت اتوضى
رحيم يروح على عينه و عفاف تصحى رحمه
عفاف / قومى يا رحمه يا بنتى قومى صلى معانا الفجر
رحمه / ثوانى بس يا تيته هقوم اهو
عفاف / قومى يا حبيبتى يلا
رحمه تقوم تقعد / صحيت صحيت انا قايمه اهو
رحمه تروح الحمام تلاقى رحيم خارج
رحمه / صباح الخير ازيك
رحيم / صباح النور نمتى كويس
رحمه / خصوصا الحبه اللى فى الاخر دول
رحيم يبتسم و بديها الفوطه و يمشى فى سكوت رحمه تدخل و تتوضى و تتطلع و يصلوا
رحمه / انا هحضرلكوا فطار ملوكى
عفاف / والله يبقى فيكى الخير انا واقعه مالجوع
رحمه تقوم
عفاف / مالك يا رحيم
رحيم / مالى يا تيته مانا كويس اهو
عفاف / عليا انا يا وله دانت سرحان خالص و وشك مخطوف
رحيم / معلش اصلى منمتش كويس
عفاف / لما تشوف كابوس تانى ابقى تف على شمالك تلت مرات و استعيذ بالله من الشيطان تلت مرات و اشربلك بق ميه يابنى
رحيم / مفتكرش هشوف كابوس اسوء من ده يا تيته
عفاف / خلاص متحكيهوش عشان مبتحققش
رحيم / ربنا يستر انا هقوم ابص على رحمه فى المطبخ يمكن تحتاج مساعده
عفاف / ماشى يا سى رحيم
..............
فى المطبخ
رحمه / ايه رايك بقى مربى و رومى ولانشون و جبنه و هخلص تقطيع الطماطم و الخيار و هسخن العيش و اقلى بيض هعملك عيون زى مبتحبه
رحيم يحضنها / تسلم ايدك
رحمه / ايه الرومانسيه دى كلها لا انا هاخد على كدا
رحيم / ربنا يخليكى ليا و ميحرمنيش منك ابدا
رحمه / و يخليك ليا انا يا حبيبى
رحيم / انا بحبك اوى يا رحمه بحبك و مقدرش استحمل اشوف الحزن فى عنيكى
رحمه / طول مانت جنبى الحزن عمره مهيقدر يقرب هيخاف لتضربه
رحيم يبتسم /انا هسخن العيش على متخلصى تقطيع
رحمه / بس اوعى تلسعه
رحيم يحط اول رغيف عالنار و يسرح
رحمه / حاسب حاسب ادى اخره دخول الرجاله المطبخ ربنا يعينى مش عارف تسخن رغيف عيش
رحيم / انا اسف معرفش شكلى سرحت
رحمه / اللى واخد عقلك
رحيم / انا نسيت موبايلى هروح اجيبه
رحمه / و هتحتاجه فى ايه فالوقت ده مين يعنى هيتصل بيك الفجر ياسى رحيم
رحيم / مفيش يا ستى بس اهو اقعد عالفيس شويه على متحضرى الفطار انتى عارفه الكيف بيزل
رحمه / هههههههههههههه ماشى ياسيدى روح
رحيم يطلع مالمطبخ
عفاف / شميت ريحه عيش بيتحرق ايه الحب ولع فى العيش و لا ايه يا سى رحيم
رحيم يبتسم و يمشى و يقفل الباب وراه
.................
فى شقته
رحيم يدخل يلاقى امه قاعده بتعيط
رحيم / حد اتصل
زينب تهز راسها و رحيم يقعد جنبها فى لهفه
رحيم / خير ايه اللى حصل
زينب / تعيش انت يابنى فى عمك و مراته بيقول تريلا خبطتهم
رحيم / لا اله الا الله الاتنين يعينى يا رحمه هتستحملى الخبر ده ازاى
زينب / ابوك منهار عالاخر و اخوك هناك لوحده اتصل بيا و هو بيعيط بيقول مش عارف يعمل ايه
رحيم / انا كمان مش عارف اعمل ايه تيته لو عرفت تروح فيها و رحمه ....رحمه هتعمل ايه
زينب / متقولش حاجه استنى اما ابوك يرجع و نشوف هيعمل ايه
رحيم / عبير نامت
زينب / اه فضلت رايحه جايه و كل شويه تقوم تسال فى جديد و لا لا بس شكلها نامت خلاص
رحيم / ربنا يستر انا هاخد موبايلى و اروحلهم عشان الاتنين صاحيين هناك
............
زينب / انت صحيتهم
رحيم / مانتى عارفه تيته بتقوم على اذان الفجر
زينب / طب افرد وشك لحسن يحسوا بحاجه انا مقدرش اتصرف هنا لوحدى انا هعمل نفسى نايمه و معرفش حاجه اه دا احسن حل
رحيم / ماشى يا ماما كدا احسن فعلا
..............
فى شقه رحمه
رحمه / كل ده بتجيب الموبايل كنت لسه هروح اناديك
رحيم / ريحه البيض تجنن وسعى وسعى
رحمه / الف هنا و شفا
رحمه تقعد تاكل و عفاف و رحيم بيلعب فى الاكل رحمه تمسك لقمه و تدوق البيض من قدام رحيم
رحمه / مهو حلو اهو مبتاكلش ليه
رحيم / هاه اه حلو والله تسلم ايدك باكل اهو
عفاف / مالك يابنى انت مش مظبوط خالص النهرده
رحيم / مانا قولتلك يا تيته
عفاف / كل ده بسبب كابوس
رحمه / بس كدا انا عندى علاج للكوابيس مبيطلعش غير للغالى استنى
رحمه تقوم تدخل المطبخ و ترجع ببرطمان نوتيلا
عفاف / دا ايه التضحيه دى هتسمحيله ياكل منه
رحمه / الظروف تحكم يا تيته هعمل ايه بس
عفاف / ههههههههههههههههه يا بختك يا سى رحيم
رحمه تدى لرحيم البرطمان
رحمه / مفعول السحر ولا المخدرات فى زمانها هتغير مودك خالص
رحيم يفتح البرطمان وياخد حته صغيره على طرف المعلقه و يقفله تانى
عفاف / ياعينى يابنى الواد خايف ياكل منه لتولعى فيه
رحمه / و انا اقدر يا تيته دا رحيم ده حبيبى
عفاف / هههههههههههههههه
رحيم / عن اذنكوا
رحيم يقوم يجرى عالحمام و يقفل عليه الباب
عفاف / ماله الواد ده
رحمه تروح وراه تخبط عليه و هو جوه عمال يغس وشه عشان يمنع عنيه تعيط و بعدين ينشف وشه و يفتح الباب
رحمه/ انت كويس يا حبيبى
رحيم / الحمد لله انا هروح اللبس بقى عشان منتاخرش عالسيكشن
رحمه / ههههههههههههههههه حلوه دى نتاخر ازاى يابنى و عبير معانا هنا
رحيم / هاه ؟؟؟
رحمه / سكشن تمانيه الصبح بتاع عبير انت نسيت و لا ايه يعنى لو مراحتش منروحش
رحيم / لا هنروح اصلها احتمال تعتزر و يعنى تخلى حد تانى يمسك مكانها
رحمه / يا راجل
رحيم / اه اصل ال اصل تقريبا يعنى الحمل تعبها اه انتى عارفه الحمل فى الاول بقى و كدا
رحمه / امممم طب ماشى بس مش المفروض اطلع اطمن عليها
رحيم / تطلعى فين يابنتى مقولتلك تعبانه سيبها تنام و ترتاح و لما نرجع يبقى يحلها حلال
رحمه / معاك حق فاتتنى دى انا هاجى معاك بقى اظبطلك طقم تحفه
رحيم / يابنتى اقعدى مع تيته بتفطر لوحدها و بعدين متقلقيش يا ستى انا كدا كدا هلبس طقم امبارح
رحمه / طب و انت مش هتفطر
رحيم / رحمه ارحمينى هاجى بس مش هفضل طول اليوم واقف قدام الحمام دا حتى مكان مش رومانسى خالص
رحمه / ههههههههههههههه خلاص خلاص امشى
رحيم يمشى يروح شقته و رحمه تروح تفطر مع جدتها
عفاف / البيض بتاعه برد انا عارفه الواد ده ماله النهرده
رحمه / مش مشكله هبقى اعمله ساندوتشات يمكن ملوش نفس دلوقت يا تيته
عفاف / يمكن يا بنتى ايوه كدا عوزاكى تاخدى بالك منه و تريحيه الرجاله بتحب الست اللى بتهتم بيهم و تاخد بالها منهم الراجل يا بنتى زى العيل الصغير بيروح ناحيه الاهتمام و الدلع و الحنان و مبيحبش الزن و لا الضغط عليه افهمى جوزك يا رحمه و ريحيه ترتاحى يا بنتى
رحمه / ربنا يسهل يا تيته و بقولك ايه بلاش كلامك الكبير ده بتخوفينى هههههههههههههههههههههههه
عفاف / يخيبك بت بخوفك ايه بس
رحمه / اصلى بحس انى كبرت فجاه و انى داخله على مسؤليه كبيره
عفاف / و مين قال انك مش داخله على مسؤليه كبيره الجواز يا رحمه اكبر مسؤليه بس متخافيش انتى قدها و رحيم بيحبك و مش هيخلى حاجه صعبه عليكى اطمنى
رحمه / انا هقوم اللبس بقى انا كمان انتى عارفه انا بغيب شويتين فى اللبس
................
فى اوضه رحيم
رحيم يقعد يعيط زينب تدخل عليه
زينب / انت كويس يابنى
رحيم / الموضوع صعب اوى يا ماما هما هيجوا امتى بقى
زينب / ربنا يسهل اتصلت بعماد بيقول ان ابوك الحمد لله بدا يقف على رجله تانى و بيحاولوا يخلصوا الورق عشان يجيبوهم هنا
رحيم / هنا فين
زينب / مفهمتش منه هيغسلوهم هنا و لا هيعملوا ايه كلمه انت تفهم منه
رحيم / مينفعش يجوا هنا مينفعش يوووووووه نسيت موبايلى هناك
رحيم يخطف شماعه مالدولاب و يجرى على شقه رحمه
.................
فى شقه رحمه
رحيم / امال رحمه فين
عفاف / دخلت تلبس
رحيم / طيب انا هعمل مكالمه تليفون فى السريع على متخلص عن اذنك
رحيم ياخد الموبايل و يروح المطبخ
رحيم / الو ايوه يا عماد ايه الاخبار .....لا معرفوش حاجه ...... طيب طيب تمام كدا احسن برده
رحمه تدخل عليه
رحمه / بتكلم مين يا رحيم
رحيم / هاه خضيتينى بكلم عماد اصله خد العربيه و نزل بدرى فكنت بطمن عليه بس
رحمه / خير يارب خير
رحيم / لا خير تقريبا كدا فى طلبيه او حاجه مهمه فراح يظبطها ايه ملبستيش ليه
رحمه / مانا لبست اهو
رحيم / اه صح هههه مختش بالى يلا انا هلبس فى ثوانى اهو
رحمه / فى ايه يا رحيم انت بتعرق كدا ليه
رحيم / حران المطبخ اصله مكتوم انا هروح اللبس اهو
رحيم يمشى و ياخد الهدوم و يدخل يلبسها فى الحمام فى ثوانى و يطلع
رحيم / انا جاهز
عفاف / هى امك صاحيه و لا نايمه
رحيم / هاه نايمه يا تيته نايمه خير
عفاف / اصلى مشوفتش ابوك نزل يصلى الفجر زى عوايده و لا جه سلم عليا
رحيم / هو انا مقولتلكيش مهو انا لسه قايل لرحمه اصلهم يعنى
عفاف / مالك يابنى متقول فى ايه
رحيم / فى شغل متاخر او حاجه كدا فهما الاتنين راحوا يصلوا الفجر و طلعوا عالمصنع يعنى
عفاف / طب ايوه كدا حد يطمنى
رحيم / اطمنى يا تيته خشى انتى بقى ارتاحى و انا هانزل اطلع العربيه على مرحمه تلبس
رحمه / انا لابسه يابنى مالك
رحيم / ايوه ايوه يوووه سلام سلام
رحيم ينزل يجرى
رحمه / ماله الواد ده يا تيته
عفاف / والله يا بنتى معارفه بس يمكن عشان منامش طول الليل مش مركز و لا حاجه
رحمه / ربنا يستر انا هاخد شنطتى و حاجتى و انزله سلام هتعوزى حاجه
عفاف / سلامتك يا روح ستك
................
فى الكليه
رحمه / عاجبك كدا ادينا جينا الكليه و فى الاخر لا عبير جت و لا حد جه مكانها و السيكشن اتلغى عاجبك كدا
رحيم / معرفش بقى مش احسن مكنا نغيب و حد ياخد مكانها و نتاخد غياب
رامى / صباح الاشتغالات مش كنت تقولى ان البشمهندسه غايبه كنت كملت نوم
رحمه / اذا مكنش سابنى انا اكمل نوم هيسيبك
رحيم / انا رايح الكافيتريا اجيب قهوه
رحمه / انا هاجى معاك اجيب نسكافيه
رحيم / ماشى ماشى تعالى
...............
عند الكافيتريا
رحمه / انت غريب اوى النهرده ساكت طول الوقت و بكلمك مبتردش فى ايه يا رحيم
رحيم / تعبان يا رحمه تعبان
رحمه / طب يلا نروح
رحيم / مليش مزاج اروح خالص
رحمه / انت اتخانقت مع طنط زينب
رحيم يسكت
رحمه / يا راجل هى يعنى اول مره متكبر مخك انت عارفها بتتعصب بسرعه بس هى طيبه و بتحبك
رحيم / انا متخانقتش مع ماما و لا حاجه يا رحمه
رحمه / امال بس فى ايه
رحيم ساكت
رحمه / خلاص خلاص لما تحب تتكلم انت عارف انى اكيد هسمعك و انا مش هضغط عليك اكتر من كدا
رحيم / الف شكر
رحيم يفضل قاعد لوحده فى الكافيتيريا و رحمه تقوم ترجع القاعه رحيم يجيله تليفون
رحيم / ايوه يا عماد طمنى
عماد / اخبار اللى عندك ايه عرفوا حاجه
رحيم / لا بس تعبت تعالوا بسرعه بقى
عماد / جايين فى الطريق اهو انا كلمت عموا ابراهيم و قولتله علىا للى حصل و هو هيجهز كل حاجه عندك و ان شاء الله الدفنه هتبقى بعد صلاه العصر علاطول
رحيم / و تيته تيته يا عماد
عماد / مش عارف انا كلمت ماما هتجهز الشقه اللى تحت و عموا ابراهيم هيبعت الحانوتى و يكلم الفراشه و كل حاجه
رحيم / يووووه و تيته هتقولوا لتيته ازاى يابنى
..................
تكملة الرواية من هنااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق