رواية مفيش رحمه الفصل الثاني والأربعون والثالث والأربعون والرابع والأربعون بقلم لولو محمد
رواية مفيش رحمه الفصل الثاني والأربعون والثالث والأربعون والرابع والأربعون بقلم لولو محمد
((((((مفيش رحمه )))))
#لولو_محمد
الحلقه الثانيه و الاربعون
رحيم ياخد على عالحمام
عبير / مش تقومى تطمنى عليه
اللهام / كلو بيطلع فى الغسيل
عبير / لا مش كلو فى بقع بتلزق و مبتطلعش
اللهام / ساعتها هبقى اشحت الهدوم او ارميها و اجيبله جديد هديه
عبير / ازاى نسيت ان على ده طبعه يرمى و يجيب جديد
اللهام / على فكره الاكل حلو اوى يا رحمه
رحمه / ميرسى
......................
بعد الاكل
رحمه / جه وقت الحلو عملت تارت شيكولاته بالكراميل يارب تعجبكوا دى وصفه ماما الله يرحمها
عبير / متجيبى البسبوسه اللى انا عملاها
رحمه / صح كنت هنساها ثونى
على / حلو ايه يا بنتى انا خلاص بصمت بالعشره انك ممتازه كفايه بقى كرشى اتملى
عبير / صحيح يا اللهام على باظ خالص بعد الجواز
على / والله الواحد مش عارف يقول ايه يا ليت الشباب يعود يوما
اللهام / ميغركش على دلوقت على ده ايام الكليه البنات كلها كانت بتموت فيه كان جان الكليه كلها حتى اسال عبير
عبير / بس سبحان مغير الاحوال شوفى بقى بقى عامل ازاى كان مين يتخيل
على / يا جدعان ادونى فرصه طب اشهد انت يا استاذ عماد انا طول النهار فى الموقع وسط العمال يعنى تلتربع اكلى مالشارع و طبعا بالليل يا فى البيت يا فى المكتب و مفيش وقت خالص ارجع الجيم
عماد / يا بشمهندس على الراجل منغير كرش ميسواش قرش
عبير / لا طبعا بص لنفسك متجوز و اكبر منه فى السن بس فرمه تعرفوا ان عماد عامل اوضه فوق فى الشقه جيم حاطت فيها تريد ميل و اوربتراك و بيتمرن عليهم كل يوم
عماد / بس هى عينها عالاوضه بتقول ان بعد الولاده هتعملها اوضه للبيبى
عبير / لا مهو لسه فاضل اربع شهور عالولاده و كمان البيبى هينام معانا سنتين على الاقل قبل مننقله اوضته
اللهام / انتى حامل
عبير / ايوه عارفه انه مش باين اصلى بهتم بجسمى جدا انتى عارفه الواحده ملهاش غير جمالها و جسمها
اللهام / بكره بقى يلعب مع منى بنتى
عبير / انتوا عندكوا بنت
اللهام / ايوه سنه و نص بس سبتها مع ماما عشان متبهدلش الدنيا اصلها شقيه موت طالعه لابوها
عبير / ربنا يخلى
على / شكرا
رحمه / انا هقوم اعمل شاى بقى
على / لا و لا شاى و لا حتى بق ميه كفايه تعبك اوى لحد كدا احنا كفايه علينا اوى لحد كدا
رحيم / كفايه ايه ياعم داحنا لسه بنقول يا هادى
على / هادى مين ياعم و لا اعرفك احنا يادوب نقعد معاكوا نصايه كمان و نروح بقى يا بخت من زار و خفف
عبير تتاوب و الكل يبصلها
عبير / سورى يا جماعه انتوا عارفين الحمل كل بسبوسه يا على كل كل
رحيم / والله الواحد كانت وحشاه اللمه اوى
زينب / والله نورتونا
على / صحيح يا استاذ عماد رحيم كان قالى على مشروع مصنع الخشب فى اسكندريه
عماد / اه احنا خلاص اشترينا الارض و باذن الله كنا هنعدى عالدكتور بكره عشان يظبطها
اللهام / اهلا و ادى اسبوع تانى فى اسكندريه رفع مساحى و اللذى منه
على / مانتى بتبقى معايا و لا نسيتى
اللهام / تعرفى يا عبير ان عماد هو اللى مصمم واشرف على تنفيذ معرض اسكندريه
محمد / و انا اقول شوفتك فين قبل كدا انا قاعد مالصبح بحاول افتكر ههههههههههههههههه
على / ههههههههههههههههه يا استاذ محمد دا الدنيا قد كدا
عبير / و اكبر دليل ان احنا التلاته متجمعين فى مكان واحد
اللهام / على كفايه عشان منى
على / تمام احنا هنستاذن بقى لحسن زمان البنت جننت حماتى اكل هايل يا بشمهندسه
رحمه / الف هنا
اللهام / المره الجايه عندى
رحمه / باذن الله
اللهام / سعيده انى شوفتك يا عبير
عبير من تحت الدرس / انا اكتر ابقوا كرروها متقطعوش الجوابات سلام
.................
فى شقه عماد بالليل
عماد / يعنى مش طيقاهم حقك اتفاجئتى بوجودهم حقك لكن على الاقل دول ضيوف فبيتنا
عبير / ابوس ايدك متفتحش السيره دى كفايه انى حاطه جوايا و ساكته
عماد / لا يا شيخه طب مترتاحى و تطلعى ورينى
عبير / اولا لما الست هانم مرات اخوك تبقى عارفه كويس انى مبطقش اللى اسمها اللهام دى و تعزمها و اخوك يقول زمايله فى الشغل تبقى مؤامره انكوا تحطونى مع ناس مبحبهاش و تحرجونى
عماد/ على فكره انا مش شايف سبب للى عملتيه و بعدين انتى مالك انتى مالك و مال كرشه يكبر و لا يصغر انتى مالك ازاى تتكلمى فى موضوع زى ده احرجتى الراجل
عبير / احسن اياكش تولع على فكره ده عيل زباله وواطى ان كان هو و لا مراته
عماد / يا ربى عليكى و احنا مالنا دول ضيوف و برده مش فاهم بصى انا مستغرب ليه تصبحى على خير
عماد يشد الغطا و ينام
...............
فى بيت على
اللهام / اما دنيا صغيره
على / بس من الواضح انها متغيرتش ابدا
اللهام / هى مالها هى ان كنت فرمه و لا بكرش متخليها فحالها
على / لا بس انا فعلا اهملت خالص فى نفسى الفتره اللى فاتت
اللهام تقوم تحضنه
اللهام / على فكره بكرش و لا منغير كرش انت هتفضل على حبيبى اللى مقدرش اعيش منغيره ابدا
على / منه نامت
اللهام / اه
على / طب اطفى النور بقى عشان انا هموت مالتعب
اللهام / يا سلام
على / ههههههههههههه بهزر معاكى
..............
بعد فتره فى المكتب
رحمه / بس و لقيت المشروع كله متبهدل و الدكتور طلب انى اعيده و روحت منهاره و لولا عبير و رحيم و عماد و ماما الله يرحمها ساعدونى مش عارفه كنت عملت ايه بصراحه
اللهام / و عماد اتعرف على عبير فى الموقف ده
رحمه / ايوه بصراحه محدش فى الدنيا بيعمل اللى هى عملته عشان واحده متعرفهاش
اللهام / مش يمكن ليها اسبابها
رحمه / انا مستقبلى كلو كان هيضيع لولا اللى هى عملته معايا و بعدين هى يعنى كانت تعرف ان رحيم عنده اخ و انه هيشوفها و يعجب بيها هى عملت كدا لانها بت جدعه
اللهام / يصعب عليا انى اصدمك بس هى مش كدا هى عملت كدا بتكفر عن ذنوبها يلا ربنا يقدرنى و اسامح
رحمه / مش فاهمه
اللهام / لا دى حكايه يطول شرحها
رحمه / بس انا عاوزه اعرف و معنديش اكتر مالوقت
اللهام / بصى يا رحمه حاولى تتعلمى دايما انك متدوريش فى الماضى مش دايما هتلاقى حاجات تعجبك
رحمه / بس المستقبل و الحاضر معتمدين على امبارح لو مفهمتش امبارح مش هعرف اتعامل النهرده و برده مش هعرف احمى بكره و لا ايه
اللهام / ايوه بس الانسان بيتغير مع الوقت ممكن اوى يعمل غلطات و هو صغير و لما يكبر يكون منظوره للحياه اختلف مينفعش نفضل نلوم البنى ادم على غلطه عملها زمان
رحمه / طب و انتى لما شوفتيها فى العزومه حسيتى انها اتغيرت
اللهام / الحقيقه لا بس عبير مرت بفتره صعبه جدا واحنا فى الكليه احنا كنا تلت اصحاب بصى على و عبير كانوا سكشن واحد من اعدادى و لولا انها دخلت عماره و هو دخل مدنى كانوا فضلوا اصحاب و لازقين لبعض و كان بيجى كتير يساعدها فى المشروع بتاعها يعنى يهشر يحبر اهو و هناك اتعرف عليا و حبينا بعض بس هى جت فى يوم و اتخانقت معايا معرفش ايه اللى حط فى دماغها ان على كان بيحبها و انه سابها عشانى مع ان على اكدلى انها عمرها مكانت اكتر من زميلته بس تقولى ايه بقى من يومها مش بتطيقنى لدرجه انى قبل المناقشه بيومين كنت بفرج على عالمشروع الفاينال عملت انها اتكعبلت و كبت عليه كبايه نسكافيه الحمد لله لوحه واحده بس اللى باظت بس انا ملحقتش اعيدها من كتر العياط فتقديرى انضرب و هى اتعينت معيده و انا اتقلشت
رحمه / لا بس هى عمرها مهتكون قاصده يمكن فعلا اتكعبلت و الكبايه ادلقت منها غصب عنها
اللهام / يمكن لو كان حصل من اى حد تانى او لاى حد تانى كنت صدقت بس انا و عبير سبحان الصدف
رحمه / لا بس عبير مش ممكن تكون هى اللى دلقت النسكافيه على لوحى اصل زى مقولتلك هى مكنتش تعرف ان رحيم له اخ و لا كانت راسمه لكل ده
اللهام / انا مقولتش ان عبير هى اللى عملت كدا فى مشروعك انا بس بقولك ان التاريخ بيعيد نفسه البنات لما بتغير بتبقى حاجه وحشه اوى و ممكن تاذى بجد و هى اذتنى زمان و دلوقت كفرت عن ذنبها نحيتى بانها ساعدتك
رحمه / مش عارفه بس عبير .... مش عارفه انا مشوفتش منها حاجه وحشه
اللهام / انتى بس اللى طيبه و قلبك ابيض المهم احكيلى هتسافروا خلاص الاسبوع الجاى
رحمه / اه رحيم حجز اسبوع فى شرم
اللهام / ماشى ياعم الله يسهلوا
رحمه تبتسم
......................
فى البيت عند رحمه
عبير / هو اللى ماما قالته ده صح
رحمه / هو ايه
عبير / انكوا هتسافروا شهر عسل
رحمه / لا احنا رايحين نغير جو بس
عبير / عليا انا يا بت طب عينى فى عينك كدا
رحمه / عاوزه ايه يا عبير
عبير / انا بس خايفه عليكى خلى دخلتكوا هنا احسن و بعدين سافروا لحسن يجرالك حاجه هناك متلاقيش اللى يلحقك
رحمه / يجرالى حاجه ازاى يعنى
عبير / شوفتى يبقى زى ماما قالت يا لقيمه
رحمه / انتى قولتى هتساعدينى اوضب الشنطه يبقى تساعدى بطلى بقى تسالى اساله غبيه
عبير / بقى دى اخرتها بقت اسالتى غبيه ماشى ليكى حق الا اخبار اللهام ايه صحيح
.......................
فى شرم
رحيم يقفل باب الاوضه و رحمه تدخل تلاقى الاوضه كلها ورد و بلالين
رحمه / الله ايه ده
رحيم / ايه رايك بقى
رحمه /حلوه اوى اوى
رحيم / و انا بحبك اوى اوى
رحمه / انت عملت كل ده عشانى
رحيم / الحقيقه لا انا طلبت من اداره الفندق و هما عملوه بس زوقهم حلو اوى
رحمه تقعد عالسرير
رحيم / ايه فى ايه
رحمه / كان نفسى ماما تبقى معايا اوى النهرده
رحيم يقعد جنبها و يمسك ايدها
رحمه / انا نكدت عليك صح بس والله غصب عنى كل بنت فى الدنيا بتحلم باليوم ده بتحلم اهلها يزفوها لحبيبها بحلم بفستان ابيض بحلم .....
رحيم / و انا مش موجود فى الحلم ده خالص
رحمه / لا طبعا يا رحيم انت الحلم نفسه
رحيم / انا عارف ان مش سهل كل حاجه اتغيرت كل حاجه بس انا بحبك و عمرى مهسيبك انا الحلم الوحيد اللى حلمته فى حياتى قاعد جنبى و ماسكه ايدى و يتبصلى بعنيها الحلوه دى
رحمه تدحك
رحيم / و بتدحك احلى دحكه خلقها ربنا و يا جماله لما وشه بيحمر و ينكسف
رحمه تحط ايدها على وشها و هى مكسوفه و تضير رحيم يقوم جرى يقعد الناحيه التانيه تضير يرجع يقعد مكانه
رحيم / انا فاضى ممكن اللعب معاكى اللعبه دى طول الليل
رحمه / بطل بقى
رحيم / بحبك
رحمه / و انا كمان
رحيم / لا يا ماما انا اكتر
رحمه / لا انا اكتر اش فهمك انت
رحيم / صحيح اش فهمنى انا و بعدين مدام بتحبينى اوى كدا مدوخانى ليه و مبتسدديش ديونك يا هانم هو اكمنى صابر عليكى
رحمه تقف عالسرير
رحمه / اللى عاوز حاجه يجى ياخدها ياخويا
رحيم / بقى كدا
رحمه تنط من عالسرير
رحمه / ورينى شطارتك
رحيم / انا بحزرك مانتش قدى
رحمه / كلام
رحيم يقوم يجرى وراها رحمه تنط عالسرير تتكعبل تقع ينط جنبها
رحيم / بحبك
...................
فى البيت فى مصر
زينب بتزرغط / اخيرا المفعوص اتعدل و بانت البشرى
عبير / عماد عاوز يسمى محمود
زينب / وماله محمود طب والله اسم جميل هو حد لاقى يلا يا مفعوص تعال بسرعه بقى واحشنى
عبير / هههههههههههههه هانت كلها اربع شهور و يشرف و يطلع عينك
زينب / على قلبى زى العسل بس هو يجى ها كلمتى عماد و قولتيله
عبير / لسه انا عملاهاله مفاجاه لما يرجع من اسكندريه
زينب / لا يا هبله انتى كلميه و قوليله عملالك مفاجاه خليه يجى انتى هتفضلى سيباه هناك لوحده بيعمل ايه
عبير / اعمل ايه بس يا ماما خلينى ساكته
زينب / فى ايه يا بت
عبير / عماد متغير خالص علاطول ساكت حتى لما بتصل بيه بحس انه بيقفل فى الكلام
زينب / طب ميمكن انتى زعلتيه فى حاجه
عبير / هو بقى طايقلى كلمه يلا منها لله اللى كانت السبب
زينب / مين رحمه ؟؟؟
عبير / لا منه انا عارفه البت دى عملتله ايه اكيد سحراله
زينب / مين منه دى غلبانه و بعدين عماد متربى معاها من يوم متولد و ياما اتحايلت عليه ياخدها مرضاش ايه اللى جد يا خايبه
عبير / اللى جد انها واكله عقله طول الوقت قدامه
زينب / هههههههههههههههه هبله من يومك يا بت اولا انتى لازم تهتمى بنفسك شويه مش عشان حامل تبقى مبهدله كدا الواد عماد بيشوف بنات اشكال و اللوان لازم لما جوزك يجى يلاقيكى موزه طب دانا لما كنت ببقى حامل كان شعرى بيبقى على كتافى طول الوقت و الاحمر مبيفارقش شفايفى و لا الكحل بيامسح من عينى انتى عاوزه الراجل يجى يلاقى رحتى بصل و توم و بطنى مبقلله زى البلونه يقوم يطفش
عبير / يا سلام و ده بقى اللى هيعدل المايله
زينب / لا ياختى مش ده لوحده الراجل بيحب الكلمه الحلوه الدحكه المايعه النظره الصايعه
عبير / مش لما يبقى الراجل يفتح النفس الاول
زينب / يا شيخه قال عماد بيسد النفس قال بطلى انتى بس تحرقى دمه و تتخانقى معاه كل شويه و لا انتى فكرانى مش عارفه اللى بيحصل فى بيتكوا
عبير / اه طلعت انا الغلطانه
زينب / اه غلطانه الست الناصحه بتاخد اللى هى عوزاه منغير محد يمسك عليها غلطه
عبير / اه طبعا صح صح باماره دهب تيته
زينب / و الدهب راح فين يا فالحه مهو لولادى برضه و رحمه حطت كل السيوله اللى فى حسابها فى البنك اللى ورثتهم من ابوها عشان تكمل نصيبها لكن تقولى ايه للعقول الضيقه قومى يا هبله كلمى جوزك و ادلعى عليه و اكسبيه بدل متسيبيه لواحده غيرك تخطفه منك
عبير تقوم تجيب التليفون
عبير / الو ايوه يا عماد ازيك
عماد / مفحوت والله يا بنتى
عبير / واحشنى اوى
عماد / و انتى اكتر اخبارك ايه و اخبار حزمبل ايه
عبير / قصدك محمود كويس بيسلم عليك
عماد / محمود ؟؟؟
عبير / اه النهرده كنت عند الدكتور و معايا صور السونار
عماد / طب متصوريها و تبعتيها
عبير / طب و انا مش عاوز تشوفنى محمود عندك اهم منى
عماد / ازاى بس
عبير / لو مكنش الحمل تاعبنى كنت ركبت اول طياره و جيتلك جرى
عماد / سلامتك مالتعب يا حبيبتى انا جاى الخميس
عبير / اخص عليك يا عماد هستنى للخميس
عماد / اعمل ايه بس انتى عارفه المصنع و المعرض واخدين كل وقتى
عبير / هو انت اللى بتبنى المصنع مش فى مهندسين و عمال مالك انت و مال المصنع
عماد / يا بنتى ازاى بس مين بيدفع تمن الحاجه و بيستلم الوصولات يعنى اسيب فلوسى لوحد غريب يسرقها
عبير / هو مش سى على واقف فى الموقع سبله مبلغ تحت الحساب و تعال
عماد / يعنى اليومين دول هيفرقوا اوى
عبير / هيفرقوا معايا جدا يا عماد انت واحشنى بجد و عاوزه اشوفك
عماد / حاضر هشوف امورى و احاول اجى بدرى
عبير / ماشى يا حبيبى خد بالك من نفسك
عبير تقفل السكه
زينب / ها عملتى ايه
عبير / هنشوف يا ماما هنشوف
................
فى بيت رامى
رامى يمسك التليفون و يتصل بروقيه
رامى / الو ازيك
روقيه / الحمد لله خير
رامى / انا بتصل اطمن عليكى بقالك فتره مش بتدخلى فيس
روقيه / و تطمن عليا بمناسبه ايه مش حضرتك انا نزلت من نظرك فى اخر مره اتكلمنا فيها
رامى / انتى قلبك اسود اوى انتى لسه فاكره
روقيه / و المفروض انى اعمل نفسى هبله و انسى مش كدا
رامى / بصى انا مبحبش اتكلم فى اللى فات
روقيه / و انا مبحبش اتكلم خالص مش اطمنت عليا حاجه تانى
رامى / روقيه انا عاوز اتكلم معاكى فى موضوع كدا ممكن اقابلك فى اى حته
روقيه / اسفه والله مش فاضيه خالص
رامى / روقيه بلاش قلبك يبقى اسود بقى مش معقول هتقطعى معايا عشان كلمه قولتلهالك فى لحظه غلط خصوصا انك كنتى غلطانه
روقيه / يا سيدى انا واحده زباله اصلا ملكش دعوه بيا بقى
رامى / بس انا مش شايفك كدا على فكره انا معجب بيكى اوى
روقيه / طب و ايه الجديد مكل الدفعه عارفه و اقولك عالاتقل منها كل الدفعه برضه عارفه انك ولا فدماغى يابنى انت فاكر انى ممكن ابصلك حتى مش حتى احبك
رامى / تبصيلى و كمان تحبينى انتى فهمتى ايه انا كنت بس بحاول اللطف الجو و اخليكى ترضى عن نفسك بس عالعموم واضح انى اتصلت بنمره غلط سلام
..............
فى شرم
رحمه نايمه و رحيم قاعد مبحلق فيها و بيلعب فى دقنها يصحيها رحمه تفتح عينها
رحيم / كل ده نوم ايه انتى هتقضى السفريه كلها نوم و لا ايه قومى صباحيه مباركه يا عروسه
رحمه / صباح الخير
رحيم / قولى مساء الخير احنا الضهر يا هانم
رحمه / هتفسحنى فين النهرده
رحيم / فسح مين يا ماما احنا مش خارجين مالاوضه الاسبوع ده
رحمه / هههههههههههههههه يا راجل انسى انسى انسى انا عاوزه اتفسح مليش دعوه
رحيم / امرى لله قومى خدى دوشك التمام و اللبسى و هاخدك اغديكى احلى اكله سى فود فى مصر كلها
رحمه / تمام ثوانى و ابقى جاهزه
رحيم / طفسه من يومك الصحه بتيجى اول مسيره الاكل بتيجى
رحمه / دانا برضه ماشى ياعم مردودالك
رحمه تاخد غيار مالدولاب و تدخل الحمام و شويه و صوت الميه ينزل رحيم يقوم يفتح الباب يلاقى الباب مقفول من جوه
رحيم / ايه حركات العيال دى
رحمه / فى حاجه يا رحيم
رحيم / انتى متربسه الباب عليكى ليه خايفه تاخدى برد
رحمه تفتح الباب و رحيم يدخل وراها و يتربسه
..............
فى المطعم
رحمه / مين هياكل كل ده يا رحيم
رحيم / انا مفطرتش حضرتك
رحمه / الف هنا
تليفون رحيم يرن
رحيم / دا رامى .... الو ايوه يا معلم ازيك
رامى / غير متاح ليه يا جزمه
رحيم / تليفونى مقفول عشان المزعجين اللى زيك ميقاطعوش شهر عسلى
رامى / يابن اللعيبه انت قولتلى انك مسافر بس مقولتش انك ...
رحيم / مال صوتك
(((((((مفيش رحمه )))))))
#لولو_محمد
الحلقه ٤٣
تليفون رحيم يرن
رحيم / دا رامى .... الو ايوه يا معلم ازيك
رامى / غير متاح ليه يا جزمه
رحيم / تليفونى مقفول عشان المزعجين اللى زيك ميقاطعوش شهر عسلى
رامى / يابن اللعيبه انت قولتلى انك مسافر بس مقولتش انك ...
رحيم / مال صوتك
.........................
رامى / هو باين اوى كدا
رحيم / اه باين
رامى / مفيش انا كويس بس قررت اشيل روقيه من دماغى لقيتها متستاهلش
رحيم / خير مفعلت مشوفناش منها خير
رامى / على العموم انا مش هافور اكتر من كدا روح لعروستك ياعم مبروك عليك
رحيم / تسلم يا غالى سلام
رحيم يقفل السكه
رحمه / انت فتحت تليفونك امتى
رحيم / لسه حالا
تليفون رحيم يرن و رحمه بتاكل
رحيم/ ياريتنى مفتحته كنت استنيت اكلت الاول متخلصيش الجمبرى
رحمه / هههههههههههههههههه
رحيم / الو ايوه يا ماما ازيك
زينب / وتليفونك مقفول ليه طول الوقت ايه خلاص نسيت امك معدش يهمك انها تطمن عليك
رحيم / انا كلمتك اول موصلت طمنتك عليا
زينب / يا سلام و انا كل علاقتى بيك انك وصلت مش تطمنى عليك و على مراتك
رحيم / كويسين الحمد لله
زينب / طب ياخويا متبقاش تقفل تليفونك تانى بقلق
رحيم / لا متقلقيش يا ست الكل هيجرالى ايه يعنى
زينب / على رايك هيجرالك ايه اكتر ماللى انت فيه سلام
رحيم / ههههههههههههههه ماشى سلام
رحيم يقفل السكه
رحمه / غيرت رايى مش هفتح موبايلى
رحيم / ههههههههههههههههه اهو ضريبه الشهره
رحمه / هههههههههههههههههه
...............
فى بيت زينب
عبير / ايه اخبارهم
زينب / كويسين
عبير / قالك تليفونه كان مقفول ليه
عماد يدخل
عماد / عريس فى شهر العسل يفتح تليفونه ليه يا حشريه
عبير تجرى على عماد و تحضنه
عماد / ايه رايك فى المفاجاه دى
عبير / هموت مالفرحه
عماد / بعد الشر ايه ارجع تانى بقى و لا ايه
عبير / لا ترجع فين دانا مصدقت
عماد / قفلت معاكى من هنا و ركبت العربيه و جيت طيران
عبير / يخليك ليا يا احلى عماد فى الدنيا
زينب / يخليهولك طبعا بس مفيش دعوه للى جابتهولك
عبير / و دى تيجى يا ست الكل و يخليكى لينا
زينب / كلمت اخوك اطمنت عليه
عماد / مكفايه انتوا ترخموا عليه ههههههههههههههههه
عبير / ههههههههههههه
........................
فى مصر بعد فتره
رحيم / كل ده بتلبسى
رحمه / اول يوم فى الدراسه و انا عروسه
رحيم / داحنا هناخد كلام لما نشبع
رحمه / بس تعرف احنا ناقصنا ايه
رحيم / ايه
رحمه / بشرى قلنا هنروح نخلص الورق و الحياه خدتنا و يوم ورا يوم و الاجازه خلصت و هننشغل بالدراسه و يوم ورا يوم و برده هننساها
رحيم / طب اعمل ايه بس يا رحمه مهو على ايدك اعمل ايه بس
رحمه / الله يعينك ايه رايك فيا بالحجاب
رحيم / قمر
جرس الباب يضرب رحمه تفتح الباب تلاقى عماد و عبير
عماد / ايه ده
رحمه / ايه رايك حلو
عماد / انتى اتحجبتى امتى
رحمه / النهرده اول يوم انا كنت واخده القرار من فتره بس النهرده التنفيذ
عماد / مسيرى اخد على الوضع الجديد امال جوزك فين
رحيم يطلع من جوه
رحيم / ايه اللى رماك علينا عالصبح ازيك يا عبير
عبير / هيسافر اسكندريه يشوف وصلوا لايه و محتاجين فلوس و لا لا
رحيم / تمام
عماد / توصل عبير بقى و ترجعها
رحيم / فى عنيا
عماد / رحمه دى ايرادات الشهر
رحمه / متاكد انك مش هتحتاجها
عماد / باذن الله مش هحتاجها يلا عن اذنكوا انا
عماد يمشى
عبير / مش هتعدى الفلوس
رحمه /اعد ايه يا بنتى هو حد يعد ورا اخوه
عبير / تمام يلا بينا بقى لنتاخر
رحيم و عبير و رحمه يركبوا العربيه
عبير / الا صحيح يا رحمه مفيش اخبار كدا و لا ايه
رحمه / اخبار عن ايه
عبير / عن حياه عروسه كدا لمحمود ابنى
رحمه / انتوا خلاص هتسموا محمود
عبير / باذن الله بس متغيريش الموضوع
رحمه / لا لسه مفيش الحمد لله
عبير / على العموم مش عوزاكى تقلقى يعنى عشان الحمل ممكن يتاخر او كدا انا برضه الحمل اتاخر كام شهر فى الاول
رحيم / احنا مش حطين فى دماغنا غير الدراسه
عبير / انا قصدى يعنى يعنى لتكون قلقانه عشان الحوار بتاع الدكتور زمان انت عارف الشيطان ممكن يوديها و يجيب
رحيم / الدكتوره اللى كشفت عليكوا قالت مفيهاش حاجه و بعدين احنا مبنفكرش فى موضوع الخلفه ده خالص جه اهلا و سهلا بيه مجاش يبقى ربنا عاوز كدا
عبير / ايه الكلام ده يا رحيم لا طبعا لازم تبقى مخطط لحياتك يعنى لو حصل حمل و هى فى الدراسه هتحتاسوا انتوا فى كليه عمليه و حرام تضيع عليها سنه كامله عشان انتوا مشينها بركاوى
رحمه / يا بنتى انتى مكبره الموضوع ليه
عبير / مكبره الموضوع ايه يا بنتى انتى والدتك متوفيه مين هياخد باله منك و من البيبى
رحمه / اختى الكبيره هتاخد بالها انتى يا عبير و لا انا غلطانه
عبير / انا ؟؟ لا طبعا مش غلطانه بس يعنى انا شايفه انك تروحى لدكتور و تستخدمى وسيله منع حمل مناسبه ليكى
رحمه / سيبيها على الله و بعدين هو محمود الصغير مش ناوى يشرف بقى
عبير / لسه تلت شهور بحالهم يا بنتى على الاقل
رحمه / يعنى على اجازه نص السنه كدا
عبير / باذن الله
رحيم / على خير باذن الله
................
فى الكليه
سها / الف مليون مبروك كدا يا لقيمه لا فرح و لا حتى عالديق و لا تعزمينا نهيصلك
رحمه / انتى عارفه الظروف ماما و بابا و تيته كلو ورا بعضه
سها / على العموم ملناش دعوه احنا هنعمل فرح لينا احنا نقى يوم و اعزمينا عالغدى فى البيت ووزعى رحيم و هاجى انا و البنات و نعملك احلى فرح
رحمه / و هو فى فرح منغير العريس برضه
سها / امممممم اشبعى بيه ياختى صحيح العروسه للعريس و الجرى للمتاعيس بس ايه مش هتحكيلى ايه اللى حصل
رحمه / احكيلك ايه يا بت
سها / يا بت عليا برضه احكيلى عشان احكيلك
رحمه / الحاجات دى مبتتحكيش
سها / احسن خليها صدمه احسن هههههههههههههههههههههه
رحمه / هههههههههههههههه اه كدا احسن
روقيه تدخل
روقيه / سلام عليكم
سها / مش تباركى لرحمه
روقيه / خير حامل
سها / روقيه ؟؟؟
روقيه / ايه هى مش متجوزه سمعت انك كنتى فى شرم بتقضى شهر العسل
رحمه / مانتى متابعه الاخبار اهو
روقيه تبصلها و تضير
رحيم يدخل و وراه رامى
رحيم / ايه ده انا مكانى اتاخد ولا ايه
سها / لا متخافش انا كنت قاعده جنبها شويه و خلاص هقوم اهو
سها تقوم و رحيم يقعد مكانها و روقيه قاعده وراه و سها جنبها
روقيه / ابوها و بعدين امها و بعدين جدتها يا ترى هتنحس مين كمان و تموته
رحمه / افندم
..............
روقيه / ايه انا كلمتك و لا هى مشاكل و خلاص
رحمه / انا سمعتك
رحيم / انسى يا رحمه متحطيهاش فى دماغك
روقيه / الا انت بتصرف عليها منين يا رحيم من مصروفك و لا من ورثها
رحيم / من اى حته المهم انه مش من جيب ابوكى
روقيه / احترم نفسك ابويا ده انت متعرفش تقابله اصلا
رحيم / ميشرفنيش اقابله واحد معرفش حتى يربى بنته ميهمنيش انى اشوفه اصلا
روقيه / انت مش محترم
رامى / رحيم كفايه
روقيه / و ادى الدلدول التانى اهو اهلا يا رامى
رامى / ربنا يسامحك واضح انك مش فى المود ربنا يهديكى بصى الدفعه كلها بتبص عليكى
روقيه / انا اصلا ميشرفنيش اكون وسطيكوا سلام
روقيه تيجى تطلع الدكتور يدخل ترجع مكانها تانى
................
فى البيت
رحيم قاعد قدام التليفزيون مدايق و رحمه تطلع مالطبخ شايله صينيه عليها شعريه بلبن
رحمه / انا قولت مفيش حاجه هتعدل مزاج حبيبى غير بوله شعريه بلبن من ايد حبيبته رحمه
رحيم / تسلم ايدك بس انا مليش نفس
رحمه / ملكش نفس للشعريه بلبن دا الوضع صعب اوى
رحيم / معلش يا رحمه سيبينى لوحدى شويه
رحمه / ماشى انا هقوم اجيب الغسيل اطبقه
رحمه تقوم تجيب كميه قمصان نوم و ترميهم عالكنبه جنب رحيم و تقعد تطبق فيهم و رحيم بيتفرج عالتليفزون و مش واخد باله اول واحد يعدى تانى واحد يعدى تالت واحد
رحيم / انتى بتعملى ايه
رحمه / بطبق الغسيل عشان احطه فى الدولاب
رحيم / انتى كنتى ناشره الحاجات دى عالحبل
رحمه / ليه هو انا هبله خد خد طبق على مقوم اجيب الباقى مالدولاب اوبس قصدى مالغسيل
رحمه تحدفله واحد على رجله يطبقه رحيم يدحك رحمه تدخل الاوضه و رحيم وراها
................
فى المعرض
محمد / بس انا زعلان منك خالص يا منه طب يعنى مفيش مره تيجى تزورى عمك يا بت دانا اللى مربيكى
منه / منا جيت اهو يا عموا و بعدين معلش اخر سنه فى الكليه و لازم اركز
محمد / الله يعينك و الله يا بنتى من ساعه مسبتى الشغل و فرقت معانا جامد شدى حيلك بقى مكانك لسه مستنى
منه / باذن الله هو عماد هيفضل فى اسكندريه على طول
محمد / لا طبعا هو بس بيروح يتابع الاخبار و يشوف وصلوا لايه و يحاسب الناس و يرجع
منه / انا بطمن عليه بس
محمد / امال مش اخوكى الكبير لازم تسالى عليه
منه / اه .... اه طبعا
............
فى شقه زينب
عبير / انا خلاص مش قادره الواد مبيبطلش خبط مش عارفه انام خالص
زينب / انتى لسه شوفتى حاجه و لسه لما يشرف و يجى
عبير / اه والله يا ماما دا يوم المنا
زينب / الا صحيح اخبار امك ايه
عبير / كويسه بتسلم عليكى سافرت عند خالى البلد كام يوم
زينب / انا بطمن عليها اكمنها بقالها فتره لا بتيجى و لا بتسال
عبير / الله يعينها يا ماما رجليها وجعاها خالص
زينب / لا سلامتها الف سلامه احكى بقى مقصوفه الرقبه قالتلك ايه فى العربيه
عبير / هى دى حد يعرف ياخد منها حق و لا باطل
زينب / انتى هتقوليلى بت امها بصحيح هى حياه كانت كدا اللى يشوفها يقول بريئه و غلبانه بس كانت بير ملوش قرار و لا مخلوق يعرف حاجه عنها و لا عن جوزها تساليها تقولك ان شاء الله و ربنا يسهل و لسه مقررناش اما اشوف محمود الاول هيقول ايه
عبير / بس انتى قالقه نفسك ليه مهو لما هيحصل هيبان
زينب / انا مش قلقانه انه يحصل طب دا لو حصل دانا اشيلها على رموش عنيا و انا فى ديك الساعه لما اشيل عيال ابنى رحيم زى مهشيل عيال عماد لكن اللى قالقنى بصحيح لو محصلش و طلعوا دحكوا عليا و طلعت مبتخلفش فعلا
عبير / و ماله كله مصلحه
زينب / يا شيخه
عبير / اقولك لو طلعت مبتخلفش برده تاخديها تحت جناحك و تطبطبى عليها و تجوزيه لواحده تانيه اقولك البت منه و اهو كدا ضمنتى ان فلوس عيله الصياد فضلت لولادك و كمان جبتى عليها فلوس الحج ابراهيم
زينب/ و ضمنتى انتى انها تبعد عن عماد
عبير / الحق عليا تصدقى انا غلطانه
زينب / بس اول مره تقولى فكره عليها القيمه
عبير / استنى انتى بس و شوفى هتخلف و لا لا
زينب / ادينى مستنيه
.................
فى اوضه رحيم رحيم نايم عالسرير و رحمه داخله الاوضه و لفه شعرها بالفوطه تقعد تسرحه عالتسريحه رحيم يقوم يشد كرسى التسريحه و هى عليه قرب السرير و ياخد المشط و يسرحلها هو
رحمه / ايه الدلع ده اخد على كدا
رحيم / وهو انا اطول اسرح شعر سمو الاميره
رحمه / تطول يا سمو الملك اخبار المود ايه اتعدل و لا لسه
رحيم / و هو حد يبص للجمال ده كلو و موده ميتعدلش
رحمه / اسمع يا رحيم انا و انت ملناش غير بعض ستر و غطا على بعض متسمعش لحد يوقع بنا او ينكد علينا سبهم يهاتوا بعيد
رحيم / بس هى معاها حق
رحمه / دى بت زباله اصلا ميتسمعلهاش و الدفعه كلها قرفت منها و انت هزقتها صح
رحيم / و ده اللى مدايقنى انا اول مره اكلم بنت بالشكل ده
رحمه / تستاهل هى فعلا كانت محتاجه اللى يربيها
رحيم / ماشى ماشى
رحمه / رحيم
رحيم / عيون رحيم
رحمه تسيب الكرسى و تقوم تقعد جنبه و تمسك ايده
رحمه / انا خايفه يا رحيم يحصل حمل
رحيم / ايه .... ليه
رحمه / مش عارفه انا محطتش الموضوع فى دماغى خالص لحد معبير اتكلمت فيه انا ازاى كان تايه عنى حوار الحمل ده
رحيم / و ايه المشكله اما يحصل حمل طيب دا يوم المنى يا بنتى انتى نسيتى و لا ايه احنا مش كنا متفقين نملا البيت ده عيال لحد منتلخبط فى اساميهم
رحمه / هههههههههههههه ايوه بس الوقت مش مناسب رحيم انا معنديش وقت خالص على يدك بروح الكليه معاك الصبح و نرجع سوا نتغدى الغدى اللى ببقى عملاه من بليل و بروق و اغسل و امسح و لسه لما ناخد المشاريع هنتزحم اكتر و مش هلاقى وقت اتنفس حتى
رحيم / انا هساعدك من بكره شغل البيت بالنص انا عارف انى خيبه بس علمينى هتعلم والله مش لازم تعلمينى اطبخ و اغسل علمينى اغسل المواعين مثلا و اطبق و نساعد بعض انتى مش شعارك دماغين اسرع من واحد و كمان اربع ايدين اسرع من اتنين
رحمه / يا حبيبى ربنا يخليك ليا بس بكره نبقى بنروح الكليه و نرجع نزاكر و حتى شغل البيت مش هيبقاله وقت و حط كمان تعب الحمل انا مش عارفه هقدر و لا لا و لسه كمان لما يتولد هسيبه فين و هسهر ازاكر و لا هسهر بيه
رحيم / هندبر امورنا بصى بلاش بس تشيلى الهم قبل اوانه اسمعى يا رحمه سيبى كل حاجه لوقتها انا مش هسيبك و هقف جنبك ان شالله اشيل انا شغل البيت كلو و لا يا ستى هنتعب نفسنا ليه منجيب واحده تنضف و خلاص و انتى تركزى فى المزاكره و البيبى و انا والله مهسيبك انا معنديش اغلى منك
رحمه/ يعنى انت شايف كدا
رحيم / دا لو انتى معندكيش مانع طبعا انا مقدرش اجبرك على حاجه او احملك حاجه فوق طاقتك
رحمه / ربنا يخليك ليا و ميحرمنى منك ابدا
رحيم / قومى بقى هاتى الشعريه لحسن حبيبك واقع مالجوع
رحمه / بس كدا انت تؤمر ثوانى هسخنها لحسن زمانها بردت
رحيم يبوس ايدها رحمه تبتسم و تمشى
.............
بعد فتره فى الكليه
رامى / ميد ترم ايه ميرحمونا شويه
رحيم / والله اول مره بجد ابقى معاك قال بيقولك خلص ثانوى و ارتاح فين الراحه مش عارف
رحمه / فعلا احنا مبناخدش حتى اجازه و انا اللى كنت فاكره عماره قسم عسل و سهل و كلو فى اللذيذ
رحيم / شورتك مالها مدنى ها مالها
رامى / قسم الالف شيت دول مفحوتين ياعم زينا و اكتر
رحيم / كهربا
ريهام / لا لحد هنا و استوب دانا طالع عينى و شعرى وقع
رنا / يا جماعه الحمد لله على كل حال امال لو كنا فى ميكانيكا بقى كنا عملنا ايه دا العيال متبهدله اوى
رحيم / امال يعنى الكليه كلها مفيهاش قسم مرتاح
رامى / هنعيده تانى يا رحيم مخلاص الكلام ده قولناه فى اعدادى و احنا بنختار بس دلوقت خلاص الفاس وقعت فى الراس و خلصنا
روقيه تعدى من بعيد متعبرش و تقعد على ترابيزه لوحدها رحيم يبان عليه الضيق
ريهام / بجد الانسان يعيش ازاى و كل الناس بتستحقره مش عارفه انا
رامى / لو سمحتوا يا جماعه نكبر مخنا شويه عادى يمكن كانت مش فى المود محدش عارف ظروفها
رنا / والله انت طيب اوى يا رامى انت اصلك متعرفش البنات و لقمهم
رامى / مانتى منهم ياختى
رنا / لا مانت مشوفتش قلبتى
رامى / لا ابوس ايدك انا غلبان انا واد على تلت بنات و امى مسميانى الحيله
رنا / هههههههههههههههههههههه
رحمه / رنا دى بق عالفاضى انت بس قولها بخ هتفتح فى العياط علاطول
رنا / و هو انتى اصلك مش مقدره القدره السحريه للعياط
رامى/ يا شيخه
رنا / طبعا تخيل كدا راجل بقوته و جباروته و يشوف بنوته رقيقه بتعيط
رحيم/ انتى هتقوليلى الواحد بيقلب قطه قدام دموع رحمه بتبقى غلطانه و اول متعيط انا اللى بعتزر فى دى معاكى حق
رحمه / انت هتزيط و لا ايه انا مبغلطش
رحيم / على يدى
رحمه / انتوا هترغوا كتير يلا عندنا سيكشن
.....................
فى السكشن
الكل شغال عالاب و معيد جديد بيعدى يبص و عبير قاعده بعيد و ملموم حواليها طلاب
روقيه / ايه رايك يا بشمهندس زياد
زياد / حلو جدا برافو عليكى
روقيه / تفتكر ممكن اجيب درجه حلوه
زياد / باذن الله يا روقيه انتى بس ركزى و انا متاكد انك هتجيبى درجه ممتازه المشروع ده سهل و انتى دماغك حلوه
روقيه / سهل دا اصعب مشروع خدناه من يوم مدخلنا القسم ده
زياد / مشوفتيش انتى مشروع تخرجى ساعتها ابقى اتكلمى عن الصعب و السهل
روقيه / لا مشوفتوش بس بجد هموت و اشوفه اكيد هستفيد منه كتير اوى
زياد / خلاص بعد السيكشن تعالى المكتب هوريهولك عاللاب بتاعى
روقيه / ميرسى كتير يا بشمهندس زياد بجد انت اكتر معيد زوق فى الكليه كلها
زياد / لا شكر على واجب يا بنتى
روقيه / بنتك ؟؟؟
زياد / انتى تطولى
روقيه / لا معلش بقى انت اللى تطول يبقالك بنت حلوه كدا
زياد / والله ده كلو يعتمد على امها
روقيه / ههههههههههههههه ماشى ماشى
زياد / متنسيش تعدى بعد السيكشن
روقيه / و دى حاجه تتنسى
....
(((((((مفيش رحمه )))))))
#لولو_محمد
الحلقه ٤٤
روقيه / ميرسى كتير يا بشمهندس زياد بجد انت اكتر معيد زوق فى الكليه كلها
زياد / لا شكر على واجب يا بنتى
روقيه / بنتك ؟؟؟
زياد / انتى تطولى
روقيه / لا معلش بقى انت اللى تطول يبقالك بنت حلوه كدا
زياد / والله ده كلو يعتمد على امها
روقيه / ههههههههههههههه ماشى ماشى
زياد / متنسيش تعدى بعد السيكشن
روقيه / و دى حاجه تتنسى
........................
قبل الفاينال بكام يوم فى بيت زينب
الكل ملموم حوالين السفره و مبسوطين
عماد / تسلم ايدك يا ماما الاكل يهبل
زينب / انا قولت نتجمع كلنا عالسفره من تانى
رحيم / والله يا ماما الواحد مش لاقى وقت يهرش فى شعره حتى
زينب / امال انت فاكر الجواز لعبه و لسه لما ربنا يكرمكوا بعيال مش هتلاقى وقت للحمام حتى
محمد / على يدى دا الواد عماد ده لما اتولد كانه كان اتب و طلعلى فى قفايا قرد من يومه طول اليوم متشعبط فى قفايا
عماد / اصلى كنت بحب انزل المعرض اوى شكله فدمى
محمد / عقبال ممحمود الصغير يتشعبط هو راخر
عبير / و رحيم مكنش بيتشعبط
زينب / لا رحيم كان عنده حد تانى يتشعبط فيه مش كدا يا رحيم
رحيم / طب انا راضى زمتكوا بقى فى حد يسيب الجمال ده و يروح اى حته
رحمه تتكسف
زينب / و مين يشهد للعروسه عقبال بقى متلاقى اللى يتشعبط فيك
رحيم / مهى متشعبطه متخافيش
زينب / انا قصدى عيل انتوا بقالكوا اربع شهور اهو مفيش خبر حلو اى حاجه تفرح بيها امك الغلبانه دى
عماد / و فيها ايه يا ماما اربع شهور دى مش مده اصلا انا و عبير خدنا وقت برضه و لا نسيتى
زينب / يا حبيبى الوضع كان مختلف
رحمه / يا طنط كل تاخيره وفيها خيره
محمد / اهو عشان الدراسه كمان
زينب / ياخويا دراسه ايه البت فى الاول و الاخر ملهاش غير بت جوزها و عيالها و لا ايه يا رحمه
رحمه / كلو باوانه يا ماما كلو باوانه
زينب / ياختى اسعى يا عبد و انا اسعى معاك روحى لدكتور عشان يطمنا ان مفيش حاجه و متنسيش انك عليكى العين
رحيم / ازاى يعنى
زينب / انت نسيت و لا ايه
رحيم / مش فاهم
زينب / هو مش الدكتور كان عاوز ينزلها عشان مبتخلفش
رحيم / و روحنا لدكتوره و قالت انها زى الفل فى ايه بقى
زينب / ياخويا و ماله انا بقول تروح لدكتور تالت يشوف التاخير منين يا سيدى هو انا بطلب حاجه صعبه
رحيم / مش وقته يا ماما لسه فاضل سنه و نص كاملين عالتخرج
زينب / و مكنش فاضل المده دى كلها لما قررتوا تتجوزوا ساعتها كان ممكن اصبر و انا ساكته بس انا من حقى اشيل احفادى محدش ضامن عمره يابنى
رحيم / و هو لما ناجلها كام شهر يبقى كفرنا
زينب / متقول حاجه يا محمد هو الواد ده مبيحبش يريحنى ليه يابنى ريحنى بلاش انت ريحينى انتى يا بنتى و تعالى معايا للدكتور نشوف التاخير منين
رحمه / حاضر يا طنط اللى تشوفيه
رحيم يبص لرحمه يلاقي عينها فى الطبق و ساكته
رحيم / انا مش شايف لزمه للاستعجال و بعدين ربنا كرم بحمل هيحصل ايه هنضيع على رحمه سنه و لا اتنين منستنى احسن و تتفرغ للنونو ده
زينب / هو بس يحصل و ملكش دعوه انا هشيل رحمه و النونو فعنيا و بقولها اهو قدام اخوك و ابوك و الكل انا هاخدها تقعد معايا التسع شهور مش هتعمل حاجه غير انها تزاكر و اول متولد و تسلمنى العيل هشيله عنها لحد متخلص دراسه هى بس ترضعه و ملهاش دعوه بالباقى
محمد / زياره للدكتور مش هتضر اهو برضه نقطع القيل و القال يا جماعه ريحها يابنى و روحوا للدكتور
رحمه / خلاص يا عموا هنروح
عبير / انا عندى اعاده الاسبوع الجاى تعالوا معايا
رحيم / اللى تشوفوه
................
فى العياده
عبير تقوم من عالسرير
الدكتور / كلو تمام البيبى تمام و الميه اللى حواليه كويسه
زينب / الحمد لله المهم بقى نركز فى العروسه الجديده دى رحمه بنتى التانيه عاوزين نطمن عليها بقالها اربع شهور و مفيش حمل
الدكتور / اربع شهور دى مش مده خالص
زينب / اصل احنا صعايده و مستعجلين
الدكتور /اتفضلى عالسونار
رحمه تنام عالسرير و الدكتور يكشف عليها
الدكتور / كلو تمام كل الاجهزه فى مكانها و احجامها طبيعيه و مفيش مشكله قدامى
زينب / الله امال بقى انتى يا بت مش قولتى مبتاخديش موانع و لا بتكدبى عليا
رحيم / والله مبتاخد
الدكتور / اهدى يا حجه بصى انا عاوز اخر دوره جت امتى
رحمه / من اسبوعين
الدكتور / تمام انا عاوز التحاليل دى و مواعيدها و اولهم تحليل الزوج
رحيم / احلل ايه
الدكتور / هههههههههه هو ايه اللى تحلل ايه هو مين اللى قال ان العيب دايما بيكون مالست ميمكن التاخير منعند الراجل 40 % من حالات تاخر الانجاب بيبقى سببها الزوج على فكره و بما ان والدتك مستعجله فاحنا لازم نمشى فكل السكك بسرعه
زينب / لا يا دكتور انا ابنى زى الفل
رحيم / انا معنديش مشاكل
الدكتور / يا سيدى انا مقولتش كدا بس اهو نطمن من باب اننا نقفل السكه دى و نركز فى غيرها
زينب / لا اقفلها و ركز فى غيرها انى ابنى فله مفيهوش حاجه
الدكتور يبص لرحمه
الدكتور / براحتكوا اشوفكوا بعد التحاليل و بالنسبه لمدام عبير تيجى الاسبوع الجاى عادى للمتابعه
زينب / متشكرين يا دكتور
الكل يمشى
..............
فى العربيه
زينب / دا باينه دكتور حمار اصلا انا عارفه انتى بتابعى معاه ليه يا عبير
عبير / دا شاطر جدا يا ماما و كل اللى اعرفهم تابعوا عنده
زينب / و هو يعنى عشان قدام عربيه الفول زحمه بقت حاتى مهتفضل عربيه فول
رحيم يبص على رحمه فى المرايه يلاقيها باصه مالشباك و ساكته
زينب/ المهم يا رحيم تاخد مراتك بكره علاطول و تحللها
رحيم /ربنا يسهل
زينب / دكتور غبى
...............
فى شقه رحمه
رحمه فاتحه اللاب و بتزاكر رحيم يجى يقعد جنبها
رحمه / انت مش ناوى تزاكر فى امتحان بعد بكره
رحيم / النهرده كان فى امتحان الصبح و بعد العصر كان فى الدكتور كان يوم مرهق خلينا نريح النهرده و نزاكر بكره اليوم من اوله
رحمه / بكره هنروح نعمل التحاليل
رحيم / مش لازم التحاليل نستنى الاسبوع الجاى نكون خلصنا امتحانات
رحمه / اللى تشوفه
رحيم / مالك
رحمه / مفيش بزاكر
رحيم / و هو انا مش عارفك فى ايه يا بت مالك
رحمه / انت ليه رفضت تحلل
رحيم / انتى بتتكلمى جد
رحمه / ايوه بتكلم جد لو انت شايف ان التحليل اهانه لرجولتك اوى كدا بتخلينى احلل ليه مين قال ان المشكله منى ميمكن منك
رحيم / انا عارف انك اتحطيتى تحت ضغط كبير الفتره اللى فاتت عشان كدا عصبيه
رحمه / انا مش عصبيه يا رحيم الدكتور ده تانى واحد يقول انى كويسه مفييش حاجه ليه رافض انك تحلل
رحيم / لانى كويس انا عارف انى كويس هو انا قصرت معاكى فحاجه
رحمه / براحتك انا داخله انام الكلام مفيش منه فايده
رحمه تدخل الاوضه و ثوانى و تسمع صوت الباب بيترزع تترمى عالسرير و تعيط
.................
قدام المعرض
عماد / انت رايح فين طيب
رحيم / مخنوق شويه و هفك
عماد / طب تعال نشرب كوبايتين شاى فى المكتب جوه و احكيلى ايه اللى حصل
رحيم / ماشى تعال
..................
فى المكتب
عماد / ايه بقى اللى مدايقك
رحيم / كل حاجه محدش بيراعى و لا امك و لا ابوك و لا حتى رحمه الكل بيتعامل معايا كانى حجر مبحسش
عماد / طب بالراحه وواحده واحده و قولى ايه اللى حصل الدكتور قال حاجه
رحيم / لا يا سيدى ابدا هو بس طلب منى احلل و قالها صريحه كدا ان العيب ممكن يكون منى
عماد / و ايه المشكله متحلل زى مطلب
رحيم / احلل ايه يا عم انا زى الفل
عماد / طب اهدى بس كدا و نتكلم بالعقل انا عملت التحليل ده على فكره
رحيم / بجد امتى
عماد / ايام الحوار اياه بتاع رحمه طلبت من عبير انها تحلل قالتلى انى لو طلعت مبخلفش هتسبنى فروحت للمعمل تانى يوم و حللت اطمنت على نفسى و هديت و خلاص بقى محدش يقولى نص كلمه
رحيم / بس انت مكنتش مجبر انك تحلل
................
عماد / لا يابنى محدش بيجبرك على حاجه الدكتوره قالت ان عبير زى الفل يبقى خلاص اقطع عرق و سيح دمه و احلل انا كمان و لما النتيجه طلعت و لقيت نفسى كويس خلاص عشت طبيعى بقى و استنيت لحد مربنا كرم من عنده
رحيم / يعنى انت شايف انى احلل
عماد / مهياش حاجه تعيبك يابنى هو يعنى معنى انك حللت ان عندك مشكله انت كانك بتعمل شيك اب على نفسك اكبر بقى يابنى معدتش طفل على التفكير ده
رحيم / طيب انا هطلع اصالح رحمه زمانها مفلوقه مالعياط
عماد / قاسى يا راجون سايبها تعيط و قاعد معايا
رحيم / مش عارف اتوترت قولت اخلع بدل مبهدل الدنيا
عماد / طب اطلعلها يابنى حرام عليك البت بتحبك
رحيم / سلام
..................
فى اوضه رحمه
رحمه بتعيط تسمع باب الشقه بيتفتح تمسح دموعها بسرعه و تعمل نفسها نايمه و تتغطى رحيم يدخل يطفى النور و يدخل جنبها و يحضنها اوى
رحيم / حقك عليا انا اتنرفزت عالفاضى بس والله مرهق
رحمه / حصل خير
رحيم / انا هروح بكره الصبح احلل
رحمه تضير / بجد
رحيم / ايوه اهو بالمره اطمن
رحمه / على فكره انا عارفه انك كويس مفيكش حاجه بس اللى هتعمله ده هيعلى كرامتى شويه قدام مامتك
رحيم / متاكده انه مش هيزود الضغط عليكى يعنى لما التحليل يطلع كويس الكل هيبصلك
رحمه / مكدا كدا الكل باصصلى بس على الاقل احس انك ساندنى
رحيم / يا حبيبتى انا ساندك فى اى وضع و على اى حال انا مليش غيرك يا بت
رحمه / ربنا يخليك ليا خلاص ركز دلوقت فى الامتحانات و لما تخلص نروح نحلل على رواقه
رحيم / ماشى انا كمان شايف ان ده احسن
رحمه تبوسه و تنام رحيم يحضنها
رحيم / بحبك يا مجنونه
رحمه / مش اكتر منى
...................
اول يوم فى الاجازه
عبير / انتوا معملتوش التحاليل دا الاعاده بكره
رحيم / مهو على يدك يا عبير كنا مطحونين فى الامتحانات نعمل ايه بس
عبير / طب هتعملوا ايه
رحيم / هنروح نحلل النهرده لرحمه و ربنا يسهل
عبير / و انت هتحلل امتى
زينب / متختشى يابت ايه الاباحه دى هو مين ده اللى يحلل
رحيم / اهدى يا ماما مفيش حاجه انا هحلل برده علاطول
زينب / هو ايه اللى تحلل انت مفكش مشكله تحلل ليه
رحيم / و فيها ايه اهو اطمن برده و اتاكد
زينب / عشنا و شوفنا تلاقيها زنت على دماغك عشان تعمل كدا
رحيم / رحمه ملهاش دعوه يا ماما
زينب / اسمع يابنى الراجل اللى بيطاطى مره و بيخلى مراته تركبه بيفضل طول عمره مطاطى
رحيم / هو عشان عاوز اطمن على نفسى ابقى طاطيت و كمان ركبتنى و بعدين يا ستى انا راضى خليها تركب و تدلدل رجليها كمان انا راضى مراتى و بريحها
زينب / يا لاااااااهوى يا ميله بختك يا زينب يا خساره تعبك فى التربيه يا زينب
رحيم / هو فى ايه لكل ده يا ماما دكتور طلب منى اعمل تحليل هعمله مفيهاش حاجه
زينب / اعمل اللى انت عاوزه مهو اللى بيشيل قربه مخرومه هو اللى بيحتاس بيها ابعد كدا عن سكتى بلا وكسه توكسك
زينب تدخل اوضتها و ترزع الباب وراها رحيم يبص لعبير و يمشى
.................
بالليل فى البيت
محمد / الدكتور قال ايه
عبير / بيقول ان البيبى راسه كبيره و هيبقى صعب نولد طبيعى و الاسبوع الجاى هنولد قيصرى
زينب / انا قولت الدكتور ده حمار محدش سمع كلامى هو كان فى راس اكبر من راس ابوه وولدت طبيعى عادى
رحمه / يا طنط انتوا جيل تانى خالص عننا
زينب / اش فهمك انتى و بعدين اش دخلك فى كلامنا اصلا
محمد / زينب
محمد / عملتى ايه فى التحليل يا رحمه
رحيم / هروح استلم نتيجه التحاليل بكره
زينب / على خير باذن الله بقولك يا عبير اعملى حسابك هتيجى معايا بكره نشوف دكتوره تانيه عشان حوار القيصرى ده يا بنتى
عبير / اللى تشوفيه يا ماما صحيح ماما هتيجى تقعد معايا الاسبوع ده
زينب / و ماله اهو تساعدك و تاخد بالها منك برده تنور
..............
بالليل
رحمه بتلبس
رحيم / بتعملى ايه يا بنتى
رحمه / هاجى معاك
رحيم / تيجى فين انا هروح مع عماد و ماما و عبير
رحمه / يا سلام مكل واحد يروح فى عربيته
رحيم/ انتى متوتره ليه التحاليل كلها هتبقى زى الفل يا بنتى
جرس الباب رحيم يروح يفتح يلاقى عماد
رحيم / منور يا معلم
رحمه تطلع مالاوضه
رحمه / انا جاهزه
عماد / جاهزه لايه يا بنتى خليكى ارتاحى دا هيبقى يوم طويل عبير الحاله اتنين و ستين و هنروح نطلطع يجى تلت اربع ساعات خليكى هنا ارتاحى و احنا هنروح
رحمه / هقعد لوحدى اعمل ايه طب خدونى معاكوا
رحيم / ماشى خلاص خليها تيجى
عماد / على رايك مهى كدا كدا لابسه يلا بينا
.............
فى عياده الدكتوره
عماد / انا تعبت مالقاعده متيجى يا رحيم نتمشى نفك رجلينا شويه لسه بدرى على دور عبير
رحيم / ماشى
رحمه / ممكن اجى
رحيم يوطى عليها
رحيم / خليكى معاهم ماما متقدرش تسند عبير لوحدها و رجلين عبير وارمه
رحمه / حاضر
رحيم / حبيبتى يا رحمه
رحيم و عماد يمشوا
..........
فى العربيه
رحيم / ياعم بدل مانت عمال تلف حوالين نفسك بالعربيه متتطلع عالمعمل استلم التحاليل و اخلص
عماد / و ماله نطلع عالمعمل اهو نخلص و نروح مره واحده و خلاص
رحيم / انت كنت خايف و انت رايح تستلم النتيجه
عماد / بينى وبينك كنت مرعوب ياعم انت بتهزر ده اهم نتيجه امتحان فى حياتك
رحيم / مش عارف بس انا كمان قلقان اوى مع انى واثق جدا مالنتيجه
عماد / باذن الله كلو هيبقى تمام ياعم احنا اصلا عيله الصياد كلنا رجاله يابنى
رحيم / ههههههههههههه على رايك
.................
فى المعمل
رحيم / انا مش فاهم النتيجه
الدكتور / تحاليل مدام رحمه كلها تمام نسب الهرمونات كلها مظبوطه و فى المعدل الطبيعى
رحيم / الحمد لله
الدكتور / بس واضح انخفاض فى عدد الحيوانات المنويه فى تحليل الزوج
رحيم / اكيد فى حاجه غلط
الدكتور / لا مفيش اى حاجه غلط حضرتك و ممكن تعيد التحليل
رحيم / يعنى انا مبخلفش
الدكتور / مين قال كدا حضرتك عدد الحيوانات بيبقى اكتر من عشرين مليون فى المللى متر الواحد و حضرتك عندك خمسه مليون بس
رحيم / بس انا كويس و كويس اوى كمان
الدكتور / العلاقه ملهاش اى دعوه بالقدره على الانجاب و بعدين عدد الحيوانات المنويه القليل مش سبب فى انك مبتخلفش يعنى فى ناس بيبقى عندهم حيوانات منويه قليله و عندهم اطفال هو الفكره انك لازم تشوف دكتور افضل و لو حضرتك تحب تعيد التحليل فى اى معمل تانى براحتك عن اذنكوا
رحيم / دا اكيد متخلف
عماد / تعال بس نتكلم فى حته تانيه امشى
...................
فى العربيه
رحيم /ساكت انا هعيد التحليل فى معمل تانى
عماد / و لحد متعيد التحليل ان شاء الله هتعمل ايه انت كدا بتضيع وقت على فكره
رحيم / انا معنديش مشكله
عماد / يابنى افهم فى الاول و الاخر كلو بايد ربنا
رحيم / يعنى ايه انا مبخلفش خلاص كدا
عماد / لا طبعا اسمع انا فى واحد صحبى والده دكتور تخصص مسالك بوليه احنا نروح و نساله و نوريله التحاليل
رحيم / انت بتقول ايه
تليفون رحيم بيرن رحيم يبص لعماد
عماد / لو رحمه رد و خليك هادى قولها هنروح نجيب التحاليل اوعى تقولها اننا جبناها خلاص
رحيم / ماشى ..... الو ايوه يا حبيبتى .... احنا لقينا نفسنا زهقانين مالقاعده فقررنا نروح نجيب التحاليل .... ماله صوتى انا كويس انا بس مرهق مالقاعده ...... لما تخلصى كلمينى سلام
رحيم يقفل السكه و يحدف الموبايل عالتابلوه
عماد / يلا بينا نروح لدكتور سيد ابو صاحبى
رحيم / ماشى
...................
عند الدكتور
عماد / ازيك يا دكتور انا متشكر اوى ان حضرتك قبلت تقابلنا بالسرعه دى خصوصا اننا منغير معاد يعنى و لا حجز بس احنا جايين فى موضوع حساس و ياريت يبقى سر دى تحاليل السائل المنوى لخويا و عاوزين نطمن عليه
الدكتور / مالك يابنى انت ليه متوتر كدا دانا بتجيلى حالات اسوء من كدا بمراحل و ربنا بيركمها و بتخلف العلم اتطور اوى دلوقت
رحيم / يعنى انا بخلف و لا لا
الدكتور / انت بتدخن
رحيم / لا انا رياضى
الدكتور / بتاخد اى سبلمنتس عشان العضلات او اى ادويه لاى مرض مزمن او اى نوع من الادويه
رحيم / لا
الدكتور / ده كلو ممتاز انا عاوزك تعملى تحاليل للهرمونات دى و اشاعه دوبللر على الخصييه و تجيلى علاطول باذن الله
رحيم / يعنى انا بخلف و لا لا
الدكتور / قولتلك يابنى كلو بايد ربنا ميمكن يكون عندك ستين مليون حيوان منوى و ربنا مش كاتب و متخلفش و فى ناس والله فوجئت ان عدد الحيوانات المنويه مليون واحد بس و عندهم اطفال احنا بس مجرد اسباب مساعده مش اكتر
رحيم يتنهد
الدكتور / انت متجوز بقالك قد ايه
................
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق