رواية مفيش رحمه الفصل الخامس والأربعون والسادس والأربعون بقلم لولو محمد
رواية مفيش رحمه الفصل الخامس والأربعون والسادس والأربعون بقلم لولو محمد
((((((مفيش رحمه ))))))
#لولو_محمد
الحلقه ٤٥
الدكتور / بتاخد اى سبلمنتس عشان العضلات او اى ادويه لاى مرض مزمن او اى نوع من الادويه
رحيم / لا
الدكتور / ده كلو ممتاز انا عاوزك تعملى تحاليل للهرمونات دى و اشاعه دوبللر على الخصييه و تجيلى علاطول باذن الله
رحيم / يعنى انا بخلف و لا لا
الدكتور / قولتلك يابنى كلو بايد ربنا ميمكن يكون عندك ستين مليون حيوان منوى و ربنا مش كاتب و متخلفش و فى ناس والله فوجئت ان عدد الحيوانات المنويه مليون واحد بس و عندهم اطفال احنا بس مجرد اسباب مساعده مش اكتر
رحيم يتنهد
الدكتور / انت متجوز بقالك قد ايه
......................
عماد / اربع شهور
الدكتور / و دى فتره برده تقلق من تاخر الحمل فيها على العموم كويس انك عرفت ان فى مشكله بدرى نبدا بقى نحاول نحدد السبب و ربنا يقدرنا و نلاقى علاج و اه يابنى احنا عاوزين نعمل تجميد للحيوانات المنويه
رحيم / ايه
الدكتور / هناخد عينه و نجمدها احنا منضمنش تقل بعد كدا
رحيم / كمان هى ممكن تقل كمان متموتونى اريح هو فى ايه
عماد / اهدى يا رحيم
رحيم / هو ايه اللى اهدى انا ماشى
عماد / متشكر اوى يا دكتور انا اسف اوى
الدكتور / على فكره العامل النفسى بياثر اوى فى الموضوع ده
عماد / عن اذنك
الدكتور / مفيش مشكله اتفضل
...............
فى العربيه
رحيم قاعد بيفرك مالغضب
عماد / ممكن تهدى شويه
رحيم / اهدى انت ازاى بتقولى اهدى ازاى اهدى انا ازاى اهدى
عماد / بص يابنى الموضوع بسيط و بعدين احنا نعمل التحاليل التانيه دى و نشوف
رحيم / انهى موضوع اللى بسيط يابنى هروح لرحمه اقولها ايه دى ممكن تسبنى دى ممكن تسبنى يا عماد
عماد / تسيبك ايه يابنى هو لعب عيال
رحيم / هى مش عبير قالتلك انها هتسيبك يبقى رحمه ممكن تسبنى مهى مش هتستحمل اللى امى بتعمله فيها و كمان تتحرم مالخلفه اكيد هتسبنى رحمه مينفعش تسبنى مينفعش تسبنى
عماد / اهدى يا رحيم اهدى عشان نعرف نفكر
رحيم / انا اموت لو رحمه سابتنى انا مستعد اعمل اى حاجه اى حاجه و رحمه متسبنيش اى حاجه اى حاجه يا عماد اى حاجه اتصرف
عماد / اتصرف ازاى يابنى انت مجنون ايه اعمل ايه يعنى
رحيم / مش عارف مش انت اخويا الكبير اتصرف ساعدنى انا ممكن اموت يا عماد ممكن اموت لو سابتنى
عماد / احنا نزور التحليل
رحيم / ازاى
عماد / سبنى بس افكر
رحيم / فكر يا عماد فكر
عماد / هفكر لو سكت
رحيم / سكت
عماد / بص احنا هنقول ان العينه باظت لاى سبب و انهم عاوزين يعيدوا الاختبار تانى و العينه الجديده هى اللى هنجمدها
رحيم / تمام تمام طب و نتيجه التحليل
عماد / انا اعرف واحده شغاله فى معمل تحاليل هشرحلها الموقف و افهمها انها حاجه انسانيه عشان بيتك ميتخربش و لا مش محتاجه دى تبيع ابوها عشان القرش هديها قرشين و اخليها تضربلك تقرير بتلاتين اربعين مليون و كدا تبقى فى السليم و تتعالج فى السر منغير مهى تعرف لحد مربنا يكرم و لو مكرمش بقى نبقى نشوف الحقن المجهرى و لا اطفال الانابيب اللى بيقولوا عليهم
رحيم / انا كدا مباذيش رحمه صح
عماد / ليه هو انت قولت ان رحمه هى المشكله لا انت سليم و هى سليمه و نستنى بقى رحمه ربنا
رحيم / ايوه بس محدش هيرحمها ماما مش هتسبها فى حالها هشوفها بتشيل ذنبى و انا ساكت انا واطى اوى يا عماد ازاى هعمل فيها كدا
عماد / خلاص انت حر روح قول ان عندك مشكله و خلى ضميرك مرتاح مش انت اللى كنت بتصوت دلوقت و تقول انك هتموت لو سابتك
رحيم / انا خايف يا عماد خايف اوى
رحيم يعيط
عماد / امسك تفسك يابنى خليك راجل ايه الدلع ده
رحيم / اشمعن انا انا لابشرب سجاير و لا بعمل حاجات حرام و لا غلط اشمعن انا
عماد / ربنا بيختبر ايمانك يابنى و بعدين دى كلها ارزاق
رحيم / خلاص خلاص انا هعمل زى متفقنا بس هو انا كدا صح
عماد / كلو فى ايدك اختار تيجى على رحمه شويه و لا تخسرها خالص
رحيم / لا مانا هقف جنبها و مش هخلى حد يقرب منها و لا هسمح لحد يكلمها انا هدافع عنها انا مش هسيب حد ياذيها ابدا
عماد / خلاص يلا بينا نرجعلهم بقى العياده زمانهم خلصوا
رحيم / ماشى
عماد / تمسك نفسك بقى و اوعى تفضحنا انت فاهم و لا لا مدام بدات حاجه لازم تكملها للاخر و الا قسما عظما مهدخلك فى حاجه تانى انت فاهم
رحيم يهز راسه و يمسح دموعه
رحيم / تمام تمام
....................
قدام العياده
رحمه و عبير و زينب يركبوا ورا و رحيم قدام مبيعلقش
رحمه / ايه الاخبار
عماد / روحنا يابنتى و لطعونا يجى ساعه و فى الاخر طلعت العينه بتاعه رحيم اتاخروا فى عمايلها باين و لا ايه باظت منهم و عاوزين واحده تانيه
زينب / هى اصلا مكانلهاش لزمه انا عارفه كويس ان ملهاش لزمه
رحمه / طب و انا
عماد / زى الفل كلو تمام المهم ايه اخبار محمود الصغير
عبير / نفس كلام الدكتور
عماد / خلاص ارجعى للى متابع حالتك مالاول و تابعى معاه
زينب / و ابقى خدى رحمه معاكى بالتحاليل بقى عشان الدكتور يشوف المشكله فين
رحمه / مش هنستنى التحليل الجديد بتاع رحيم
زينب / تحليل ايه يا بت اللى هتستنيه انا ابنى زى الفل مفيهوش حاجه مش محتاج لتحاليل
عماد يبص لرحيم
رحيم / روحنا يا عماد لو سمحت انا مرهق
رحمه / مالك يا رحيم
رحيم / تعبان يا رحمه مرهق شويه عاوز افرد ضهرى و انام
زينب / يا حبيبى يابنى الله يعينك
...............
فى اوضه رحمه
رحمه / اما معمل متخلف هما ازاى يبوظوا عينه افرض واحد .....
رحيم يتقلب فى السرير و يديها ضهره
رحمه / مالك يا حبيبى
رحيم يضيرلها و يفتح ايده تنام فى حضنه و يحضنها جامد
رحمه / فى ايه مالك
رحيم / رحمه انتى بتحبينى
رحمه / طبعا هو انا ليا غيرك
رحيم / مهما كانت الظروف هتفضلى جنبى صح
رحمه تقوم تقعد / انت عملت ايه يا رحيم كلامك مش مريحنى انت خنتنى صح
رحيم / نامى يا هبله مش وقت جنانك
رحمه / قولى الحقيقه يا رحيم انت خنتنى
رحيم / اخونك مع مين يا هبله هو انا بقدر ابص لغيرك حتى
رحمه / امال مالك بس
رحيم / انا بكره هروح اجيب بشرى احنا اتاخرنا كتير اوى عليها
رحمه / و ماله كويس
رحيم / تصبحى على خير
رحمه / و انت من اهله يا حبيبى
رحمه تنام و رحيم يفضل صاحى و حاضنها و دموعه بتنزل غصب عنه
.................
تانى يوم الصبح
رحمه تصحى قبل رحيم و هو لسه حاضنها و تحاول تقوم رحيم يقوم مفزوع
رحيم / رحمه رحمه
رحمه / اهدى يا رحيم فى ايه انا كنت هروح الحمام
رحيم يتهبد عالمخده تانى و يتنهد
رحمه / مالك يا رحيم فيك ايه
رحيم / مفيش انتى عارفه نومى خفيف فاتخضيت عليكى تلاقينى افتكرتك هتقعى و لا حاجه
رحمه توطى عليه و تبوسه
رحمه / ثوانى و راجعه
رحمه تطلع مالاوضه و رحيم يقوم يقعد و يفكر شويه و يسمع حركه بره يقوم يلاقى رحمه فى المطبخ يروح وراها
رحيم / اللبسى عشان نروح الدار
رحمه / دلوقت
رحيم / مش اتفقنا هنروح نجيب بشرى
رحمه / حاضر
رحيم يجى يطلع مالمطبخ و عالباب يلف و يرجع يحضن رحمه من ضهرها اوى
رحمه / ههههههههههههههههه هاخد على كدا
رحيم / خليكى جنبى و انا كل يوم من دا
رحمه / شوفت انت فيك حاجه
رحيم / ليه عمرى مقولتلك بحبك قبل كدا
رحمه / لا بس عمرك معصرتنى كدا قبل كدا
رحيم يفك ايده / انا اسف
................
رحمه / على ايه ؟؟؟؟بس كدا النسكافيه جاهز اتفضل
رحيم يشيل رحمه يقعدها عالرخامه و يقف قدامها و فى ايده المج
رحيم / انتى عارفه اننا هنكمل تسعتاشر سنه الشهر الجاى
رحمه / متفكرنيش هيبقى اول عيد ميلاد منغير اعز الناس
رحيم / انا حاسس انهم خمسين الفتره اللى فاتت كانت بطيئه اوى و متعبه حاسس انى تعبان اوى
رحمه / باين فى عنيك مره ماما قالتلى ان ربنا بيبتليك فى اغلى حاجه على قلبك عشان يعرف هتصبر و لا لا
رحيم / خدت بالى
رحمه / بس الحمد لله انه مبتلانيش فيك يا رحيم دى الحاجه اللى عمرى مكنت هقدر اصبر عليها
رحيم يبصلها و ساكت
رحمه / بتبصلى كدا ليه مش مصدق انك اغلى عندى مالدنيا كلها
رحيم / اغلى حته من نونو صغير بيقولك يا ماما زى محلمنا طول عمرنا
رحمه / مش عارفه
رحيم / يعنى ايه مش عارفه
رحمه / يعنى معرفش لما النونو يجى هحبه اكتر و لا هتفضل انت اكتر اصل انت متعرفش مش يمكن يجى شبهك انا نفسى اوى ابقى ام نفسى
رحيم يكب باقى اللى فى المج فى الحوض و يحط المج و ينزل رحمه
رحيم / طب يلا عشان منتاخرش
رحمه / انت مكلتش الساندوتش
رحيم / مش جعان يلا بينا
................
فى المعمل بعد كام يوم
بنت / ادى التقرير اللى طلبتوه مع انه والله ملوش لزوم اصلا
رحيم / و دا تمام
البنت / اه بختم المعمل و كلو سليم انا بس غيرت عدد الحيوانات تعرف يا استاذ عماد كان مره جه واحد عندنا كان عنده عيل و بعدين لما مراته اتاخرت كتير انها تجيب تانى راحوا كشفوا عليها و عملولها كل التحاليل و بعد سنه دوخه عالدكاتره دكتور اقترح انه يعمل تحليل سائل منوى الراجل طلع عدد الحيوانات يادوب مليون واحد بس الراجل اتجنن و ضرب مراته و كان هيموت الواد و اتهمها انها بتخونه اهله كانوا ساكنين معاه فى البيت حاشوه من فوقيها على اخر نفس و قالولها يعملوا للواد تحليل دى ان ايه و شوف سبجان الله الواد يطلع ابنه
عماد / هههههه و الراجل عمل ايه
البنت / هيعمل ايه كان هيطير مالفرح طبعا بس شوف حكمه ربنا لما يريد يرزق حد و الله لو حيوان منوى واحد هيرزقه داحنا بيجيلنا ناس تحلل عندهم يجى خمسين مليون و مهما يعملوا مفيش فايده دا كان فى راجل مره عمل حقن مجهرى ست مرات و مفيش نصيب كلو نصيب والله كلو نصيب
رحيم / و نعم بالله انا لازم امشى عشان نلحق الكشف
عماد يطلع ظرف و يديه للبنت
البنت / ملوش لزوم يا استاذ عماد خيرك سابق
البنت تفتح الظرف و تبص فيه و عماد و رحيم يطلعوا عالبيت
................
فى العربيه
رحيم / هو اللى عملته الصح
عماد / هو ايه انت جاى تسال دلوقت
رحيم / انا خايف اوى
عماد / يابنى اجمد و بعدين هو احنا هنكدب و نقول انها مبتخلفش انتوا الاتنين مفيكوش حاجه و بعدين الدكتور قالك امشى عاللتعليمات و العلاج و كلو هيبقى تمام و لو مفيش حاجه اعملوا عمليه حقن مجهرى و لا اطفال انابيب يعنى محدش قال انك مبتخلفش خالص يعنى
رحيم / بس هو انا كدا بظلم رحمه و لا بعمل ايه
عماد / بقولك ايه فات الوقت عالكلام ده و اسكت بقى عشان نزلوا
رحمه و عبير و زينب يركبوا
رحمه / جبتوا التحليل
رحيم / اه جبتى انتى
رحمه / اه يلا بينا
.................
عند الدكتور
الدكتور / الولاده هتبقى يوم الخميس الجاى باذن الله الساعه واحده الضهر هتصومى من الفجر و دى تلت حقن عشان الرئه بتاعه البيبى تاخديهم عضل قبل الولاده
عماد / تمام
الدكتور / اهم حاجه مفيش اكل او شرب من الفجر لحد معاد الولاده
عبير / حاضر
الدكتور / بالنسبه بقى لمدام رحمه انا شايف التحاليل بتاعه الاتنين مفيهاش اى مشاكل الحمد لله
زينب / امال التاخير جاى منين يا دكتور
الدكتور / انا اصلا مش شايف تاخير بس عالعموم يا حجه قبل اى حاجه الحاجات دى بايد ربنا انا هكتب لمدام رحمه على حقن منشطه تاخدها عشان تساعد معاهم و يجولى الشهر الجاى نشوف ايه الاخبار
رحمه / حاضر
الدكتور / تمام
...............
فى العربيه
رحيم / اطلع عالدار عشان هنستلم بشرى
زينب / دار ايه و بشرى مين
رحمه / بشرى يا طنط البنوته العسل اللى كنا بنخرجها و نفسحها انتى لحقتى تنسيها
زينب / و تستلمها ازاى هو النهرده عيد ميلادها
رحيم / لا احنا قدمنا طلب اسره بديله ليها و هما وافقوا و هناخدها عندنا البيت
زينب / هو فى ايه هو خلاص كدا
رحيم / هو ايه اللى خلاص كدا يا ماما احنا كنا وعدينها اننا اول مربنا يكرمنا و نتجوز هناخدها تعيش معانا و اتاخرنا كتير اوى عليها بصراحه
زينب / يابنى افهم يامربى فى غير ولدك يا بانى فى غير ملكك هاتلك يابنى عيل من صلبك احسن يسندك لما تكبر و ياخد باله منك
عماد / بقولك ايه يا ماما هو يعنى لو بشرى دى جت البيت رحيم و رحمه هيبطلوا مهم ماشيين فى سكه الدكاتره اهو و كلو تمام
زينب / ياخويا اش فهمك انت انا اروح اجيب بت مالشارع و اصرف عليها دم قلبى و فى الاخر لا حمد و لا شكرانيه
رحمه / دى بنت يتيمه يا تيته اهلها ماتوا و هى صغيره و بعدين كلو لوجه الله و اكيد ربنا هيرزقنا برزقها و يباركلنا فيها
زينب / تلاقيكى انتى اللى شورتى عليه الا صحيح البت دى كام سنه
رحمه / خمس سنين
زينب / انا مالى انا هحرق فى دمى ليه من امتى حد بيسمع كلامى و لا بياخد بشورتى روحنى انا الاول يا عماد و بعدين وديهم مكان مهما عاوزين
عماد / حاضر
.................
قدام البيت
الكل ينزل مالعربيه زينب و عبير يطلعوا و رحمه تروح لعربيه رحيم و تقف هناك و رحيم رايح ناحيه عربيته
عماد / هو اللى بتعمله ده صح
رحيم / هههه يعنى اللى عملناه الصبح كان صح بقولك ايه اطلع من نفوخى
عماد / انت فاكر الكام باكوا اللى عندك فى البنك هيكفوك السنتين عالوضع ده دول يادوب يقضوك اكل و شرب انت و مراتك و متنساش العلاج
رحيم / كمل عليا يا عماد اصلى ناقصك حط فوق كتافى هم فوق همى اصلى ناقص
عماد / انا مش قصدى انا بس خايف عليك
رحيم / لا متخافش انا مرتاح اوى للحوار ده
رحمه تدخل
رحمه / هو فى ايه
عماد / مفيش يا ستى يلا روحوا عشان متتاخروش
................
قدام الدار
بشرى / انا فرحانه اوى اوى اوى
رحمه / و انا اكتر و اكتر
بشرى / هو انا ممكن اقولك ماما رحمه و بابا رحيم
رحيم يشيلها
رحيم / هو انا اطول يا لهوى طب ايه رايك بقى نروح نشترى لعب و هدوم و حلويات لاحلى بشرى فى الدنيا
بشرى / انا بحبك اوى يا بابا رحيم
رحمه / رحيم مش عاوزين ننسى اول مالمدارس تفتح نقدملها انا مش عارفه ازاى مدخلتش مدرسه لحد دلوقت
رحيم يركب العربيه و يركب بشرى
........................
فى البيت
رحيم شايل بشرى على كتفه و شايل باديه الاتنين اكياس مليانه حاجات و رحمه وراه طالعه و شايله اكياس هى كمان زينب تفتح الباب
زينب / ايه دا كلو ايه دا كلو
رحيم / ازيك يا ماما
زينب / اتغديتوا
رحيم / اه اتغدينا بره
زينب / طب تعالوا ارتاحوا
رحيم و رحمه و بشرى يدخلوا يحطوا الاكياس جنب الباب يلاقوا عبير قاعده
رحمه / اما انا بقى جبتلك شويه حاجات لمحمود الصغير يارب تعجبك
رحمه تفتح كيس و تطلع منه اطقم بيبى و تديها لعبير
عبير / حلوه اوى كلفتى نفسك
رحمه / يا بنتى انتى بتهزرى دا محمود الصغير ده ابنى
زينب / طب متتجدعنى كدا و تجيبى واحد لنفسك بدل مانتى رايحه تجيبى من بره
رحمه / عن اذنكوا
رحمه تاخد بشرى و تمشى
رحيم / ليه كدا يا ماما ليه
زينب / ياخويا انت هتتحمقلها على ايه بلا وكسه يلا روح حصلها متوجعش دماغى
رحيم يشيل الاكياس و يروح شقته
.................
فى الصاله
رحمه / نقى يا ستى الاوضه اللى على مزاجك ونامى فيها
بشرى / بس انا بخاف انام لوحدى
رحمه / ياخبر لوحدك ازاى بس امال دباديبوا و سفاريتوا هيروحوا فين
بشرى / ههههههههههههههه
رحمه / استنى هعرفك على مدام كلبوظه عروستى انا كنت باخدها فى حضنى و انا نايمه دى هتاخد بالها منك كويس
رحيم / ههههههههههههههه و بعدين تخافى و بابا رحيم موجود
رحمه / صحيح دا بابا رحيم هيضرب العو بوكس بوكس بوكس هيموته خالص
بشرى / ههههههههههههه
رحمه / ايه رايك يا رحيم الاوضه اللى بشرى هتنقيها هنطلع العفش اللى فيها لله و نجيبلها اوضه اطفال جديده اللى هى تختارها
بشرى / انا عاوزه سرير مرسوم عليه دورا
رحيم / بس كدا و ايه كمان
بشرى / و ملايه دورا و بجامه دورا
رحمه / و تعرفى انا هرسملك عالحيطه كمان دورا
بشرى / بجد يا ماما رحمه
رحمه / طالعه منك زى العسل قوليها تانى
بشرى / ماما رحمه
.....................
(((((((مفيش رحمه )))))))
#لولو_محمد
الحلقه ٤٦
رحمه / ايه رايك يا رحيم الاوضه اللى بشرى هتنقيها هنطلع العفش اللى فيها لله و نجيبلها اوضه اطفال جديده اللى هى تختارها
بشرى / انا عاوزه سرير مرسوم عليه دورا
رحيم / بس كدا و ايه كمان
بشرى / و ملايه دورا و بجامه دورا
رحمه / و تعرفى انا هرسملك عالحيطه كمان دورا
بشرى / بجد يا ماما رحمه
رحمه / طالعه منك زى العسل قوليها تانى
بشرى / ماما رحمه
.....................
رحمه تبص لرحيم و تبتسم و تحضن بشرى اوى
رحيم / ايه رايكوا الاسبوع اللى فاضل مالاجازه نسافر فى اى حته نتفسح
بشرى / بجد انا عاوزه اروح دريم بارك
رحيم / و ماله بكره الصبح نروح دريم بارك و نقضى اليوم كله هناك بس انا بتكلم على فسحه جامده
رحمه / مش وقته احنا لازم نلاقى حضانه كويسه جنب البيت عشان نسيب فيها بشرى و احنا فى الكليه
رحيم / معاكى حق بعد بكره بقى ننزل نلف بس بكره هنروح دريم بارك
بشرى / هااااايه هااااايه
...............
فى اوضه رحيم
رحيم نايم عالسرير و رحمه تفتح الباب بالراحه
رحيم / نامت
رحمه / ايوه اخيرا
رحيم / الحمد لله تعالى جنبى بقى
رحمه / استنى انا عملالك مفاجاه
رحيم / استر يارب
رحمه تفتح الدولاب و تطلع علبه فيها قميص نوم جديد
رحمه / ايه رايك فى المفاجاه دى جبتهولك هديه
رحيم / هديه ليا بس ده مش مقاسى ههههههه
رحمه / بطل غباوه لا عشان اللبسهولك يعنى
رحيم / عماد كان بيقولى انى مش هقدر عالمصاريف
رحمه / ايه القفله دى
رحيم / انا مخنوق و معنديش حد غيرك اكلمه
رحمه تحط العلبه جمبها و تروح تحضن رحيم
رحيم / اعمل ايه انا حاولت والله الاقى مشروع احط فيه الفلوس ملقتش انا مش فاضى و على يدك اعمل ايه
رحمه / ليه شايل الهم بس مانت حاطتهم فى البنك و بيطلعوا مبلغ كويس كل فتره
رحيم / يا رحمه اقولك ايه بس
رحمه / متقولش يا حبيبى انا و انت واحد افرض يا سيدى انك بتشتغل و انا بشتغل و مفيش ورث و لا الكلام ده مانا كنت هحط مرتبى على مرتبك و نبنى بيتنا سوا مهو ده اللى بنعمله
رحيم / بس انا مش عاوز امد ايدى على فلوسك
رحمه / فلوسى هى فلوسك يا حبيبى و بعدين انت مكفى البيت اكل و شرب ناقص ايه يعنى و بعدين يا قلبى بكره تشتغل و تقبض و تشيل البيت لوحدك
رحيم يبصلها و يسكت
رحمه / اعتبرها سلف و لما ربنا يكرمنا سوا ابقى رجعها و اقولك حاجه اريح ايراد الشهر ده فى الدرج محطيتوش فى البنك روح حطه فى حسابك و متقولش لحد لما حد يسالك بتصرف منين قول من فلوس اللى فى البنك
رحيم / و لحد امتى هعمل كدا بقى
رحمه / لحد متتخرج و تقف على رجليك انت يعنى هتقطع نفسك لو مكانتش الظروف كانت حاجات كتير اتغيرت انت اتجوزتنى عشان انا مكنليش حد
رحيم / لا عشان بحبك
رحمه / ايوه بس كنا هنستنى لكن احنا اتجوزنا بدرى عشان الظروف هما اجبرونا على كدا و عموا كمان شيلك المسؤليه بدرى و الحمد لله اننا مش فقره كان زمانك محتاس اسمع كلامى و ارمى و را ضهرك بكره ربنا يكرمك من وسع و لعلمك ان كانوا بيتكلموا عن مصاريف بشرى فصدقنى كل قرش هتصرفه على بشرى هيتردلك اضعاف
رحيم / عارف بس خايف و تعبان انا بفضفض معاكى مش عشان تدينى فلوس انا بفضفض معاكى عشان مش قادر الهم اللى على كتافى بقى اتقل من قدرتى انى اشيل على عينى انى اشيلك همى بس مش قادر
رحمه / بتقول ايه يا رحيم انا مراتك لو مش انا اشيل همك مين هيشيل
رحيم / ساعات بحس انى نفسى احط راسى على صدرك و اعيط اوى يا رحمه مخنوق بجد
رحمه / يا حبيبى للدرجادى يابنى سبها على الله كلها ارزاق
رحيم بيعيط / انا مش عاوزك تسبينى يا رحمه اوعى تبعدى عنى انا محتاجك اوى
رحمه / ابعد اروح فين يابنى انا مليش غيرك بطل بقى هعيط انا كمان والله
رحيم يمسح دموعه و يحط راسه على صدرها و ينام و هى تنام حضناه
.................
يوم الولاده فى المستشفى
الممرضه / اللبسى ده
عبير / حاضر
هاله و عبير يدخلوا الحمام تلبس
بشرى قاعده على رجل رحمه و زينب جنبها و رحيم و عماد واقفين بشرى تنزل من على رجل رحمه و تجرى على رحيم يشيلها زينب تمصمص شفايفها عبير تطلع مالاوضه
الممرضه /اتفضلى معايا
عبير تروح مع الممرضه و هاله تقعد تقرا قران جنب زينب بشرى تلاعب عماد يدحكلها تميل عليه يشيلها
عماد / تشربى عصير
بشرى تهز راسها
عماد / انا هطلع الكافيتريا افك التوتر ده اجيبلكوا حاجه معايا
زينب / وماله روح
رحيم / متيجى يا رحمه
رحمه / عن اذنكوا
عماد و رحمه و رحيم و بشرى يمشوا
زينب / ياميله بختك يا زينب فى ابنك
هاله / ليه كدا بس
زينب / شوفتى ياختى الواد متجوز مبقالوش اربع شهور و مراته بدل متجيبله حته عيل خلته يروح يتبنى بت مالشارع و يصرف عليها القرشين اللى حلته
هاله / ياختى كلو بثوابه و بعدين انتى مزعله روحك ليه اهو ابنك التانى جابلك اللى يشيل اسم العيله
زينب / ربنا يقومها بالسلامه
.................
فى الكافيتريا
بشرى / طنط كانت بتقرا قران
عماد / ايوه بتعرفى تقرى قران
بشرى / انا حافظه قل هو الله احد و قل اعوذ برب الفلق و قل اعوذ برب الناس و بعرف اقولهم لوحدى
عماد / يا راجل ايه الشطاره دى
بشرى / هو انا راجل انا بنت
عماد / ههههههههههههههه حقك عليا المهم حافظه الفاتحه
بشرى / اه اسمعلك
عماد / سمعيلى
بشرى / اعوذ بالله من الشيطان الرجيم بسم الله الرحمن الرحيم الحمد لله رب العالمين الرحمن الرحيم مالك يوم الدين اياك نعبد و اياك نستعين اهدنا الصراط المستقيم صراط اللذين انعمت عليهم غير المغضوب عليهم و لا الضاااااااااالين اميييييييييين صدق الله العظيم
عماد / ايه الشطاره دى
بشرى / و بعرف اصلى كمان و عندى اسدال جميل عليه صوره فله من تحت
عماد / يا عسل
بشرى / ماما رحمه قالت انك هتجيب نونو
عماد / قولى يارب
بشرى تنزل من على رجله و تجرى على رحيم اللى مبتسم اوى و فرحان بيها
بشرى / هو انا ممكن اجيب نونو من هنا انا كمان والله هلعب معاه و ابوسه مش هضربه
رحيم / ههههههههههههههههههههههههه
رحمه تشيل بشرى من رحيم
رحمه / هنجيب بس مش دلوقت
بشرى / امتى
عماد / ايه يا مفعوصه انتى هو محمود الصغير مش مالى عينك و لا ايه ولا انتى مش بتحبيه بقى انا كدا ازعل
بشرى / هو انا ممكن اللعب معاه
عماد / طبعا دا هيبقى اعز اصحابك
بشرى / بجد
عماد/ طبعا يلا بينا ننزل بقى نطمن عليه
.............
فى الاوضه بعد الولاده
عماد يروح يقعد جنب عبير و يبوس ايدها
عبير / شوفت محمود الصغير
عماد / ابن الايه مش واخد منى حاجه خالص
عبير / اخص عليه
زينب / لسه هيغير اصبر انت بس
عبير / بجد يا ماما انا عوزاه يبقى شكل عماد بالظبط
عماد / اه ده لو شبه امه هتبقى مشكله
عبير / بقى كدا اخص عليك
عماد / انا قصدى هيبقى حلو بزياده و البنات هتموت بعضها عليها
عبير / ايوه كدا اعدل
بشرى / ممكن ابوسه
عماد / بس كدا تعالى
عماد يشيل بشرى و يوطيها على محمود تبوسه
زينب / حاسب حاسب الواد لسه صغير
زينب تزق بشرى بعيد رحيم يشيلها
رحيم / ليه كدا يا ماما
هاله / النونو لسه صغير و مناعته ضعيفه و مينفعش حد يبوسه من بقه
زينب / وراسه طريقه و هى حطت ايدها على راسه
رحيم / يبقى بالراحه تفهم ايه هى
زينب / ايه يعنى اللى حصل ناقص تقولى اعتزرلها
رحيم / اقولك بناقص الف سلامه يا عبير يلا يا رحمه
عماد / استنى يابنى بس متكبرش الموضوع
عبير / اقعد يا رحيم انا تعبانه والله و مش قادره اتكلم
..................
محمد يدخل
محمد / انا اسف جدا عالتاخير بس كان فى طلبيه فى اسكندريه لازم تتسلم و كمان كان فى حادثه عالطريق و السريع كلو واقف بقالى اكتر من ست ساعات عالسريع لما ضهرى اتقطم
عماد / المهم انك وصلت بالسلامه تعال شوف محمود الصغير
محمد / بسم الله ما شاء الله ايه العسل ده
زينب / عقبال ميخاووه
عبير / ايه يا ماما طب اللحق ارتاح شويه
زينب / معلش يا بنتى بتقل عليكى اصلك الامل اللى عندى اعمل ايه بقى
محمد / زينب انا لسه واصل ابوس ايدك
زينب / اتكتمت زينب
محمد/ الا صحيح امال فين حبيبه جدوا بشرى انا مش شايفها خالص
بشرى / انا هنا اهو
محمد / تكونش لبست طقيه الاخفى
بشرى / ههههههههههههه انا هنا انا هنا
محمد / مسكتك يا مجرمه كنتى مستخبيه منى
بشرى / هههههههههههههههههههههههههه
محمد / تعرفى جدوا جابلك ايه من اسكندريه
بشرى / ايه يا جدوا
محمد يطلع من جيبه علبتين صغيرين
محمد / نقيلك واحده
بشرى تنقى واحده و محمد يفتحها يلاقى جواها خاتم دهب بشرى تبص لرحيم يوافقلها تلبسه و هى فرحانه اوى
محمد / و الخاتم التانى للمفعوص الصغير
زينب / جايب للواد خاتم دا واد يا محمد مش بت
محمد / انا معنديش فرق بين الواد و البت امه تبيعه و تشتريله اللى هو عاوزه
زينب / ولا عندك فرق بين اللى من دمك و اللى مالشارع
رحيم / الله دا حلو اوى يا بشرى ممكن اقيسه
بشرى / دا هيبقى صغير عليك هبقى اجيبلك واحد على قدك
رحيم / ماشى بس اوعى تنسى
رحمه / بقول ايه مش المفروض نسيب عبير بقى ترتاح
رحيم / اه والله معاكى حق الف حمدالله على سلامتك يا هندسه
عبير / ماشى يا رحيم عقبالك يا رحمه
رحمه / باذن الله
رحيم ياخد رحمه و بشرى و يروحوا
..............
فى العربيه
رحيم / احنا متغديناش ايه رايكوا نروح اى حته نتغدى
بشرى / ممكن ناكل بيتزا
رحيم / ماشى كلامك بيتزا
رحمه باصه مالشباك و ساكته
رحيم / تعرفى يا بشرى بعد البيتزا ممكن ناكل ايه
بشرى / ايه
رحيم / احنا نروح اى كافيه و نطلب اكبر كاسه ايسكريم شيكولاته فى الدنيا عشان ماما رحمه تروق مزاجها
رحمه تبصله و تبتسم
رحيم / تتخيلى يا بيبو ان ماما بتحب الشيكولاته اكتر من بابا
بشرى / انا بحبك اكتر مالدنيا كلها
رحيم / قوليلها
رحمه / متصدقيش يا بيبو انا بابا عندى بالدنيا
رحيم / امال بتزعلينى ليه انتى مش عارفه انى بزعل لما بشوفك زعلانه
رحمه تبتسم
رحيم / حقك عليا
.................
اول يوم فى الدراسه
رحيم / لبستوا
رحمه / ايوه ثوانى بس هربط التوكه قمر يا ناس شوفت بيبو العسل
رحيم / تمام يلا ننزل بقى لسه هنعدى بيبو عالحضانه
رحمه / جاهزين يلا بينا اسبقنى عالعربيه على مقفل الشقه
رحيم ياخد بشرى تحت و رحمه تطفى النور و تقفل الشقه و تحصله
................
فى الكليه
رامى / انتوا متتسابوش فى الاجازه تانى الاجازه الجايه هنلاقيكوا بتجوزوا بشرى
رحيم / ههههههههههههههههههه انت بتقول فيها انا بس الاقى عريس
رحمه / يا راجل دا البت لسه نونو
رحيم / و انتى مكنتيش فسنها لما حبيتك
رحمه وشها يحمر و تبص الناحيه التانيه
رامى / انا شكلى كدا وحش اوى انا هخلع بقى
رامى يقوم و رحمه تضير لرحيم
رحمه / عجبك كدا احرجته
رحيم / سيبك انتى بس انتى ازاى بتحلوى كدا و انتى مكسوفه
رحمه / بطل بقى العيال بيبصوا علينا
روقيه تدخل و تقعد عالترابيزه اللى جنب رحيم و تتكلم فى التليفون
روقيه / الو .... ازيك ايوه جيت اخيرا الدنيا كانت زحمه مووووت .... ههههههههههههه حالا ثوانى
روقيه تسيب حاجتها و تطلع بره القاعه
...............
فى مكتب المعيدين
زياد / ازيك يا بنتى اخبارك
روقيه / لا انا مخصماك على فكره
زياد / يا شيخه
روقيه / انت مش المفروض كنت تكلمنى امبارح قبل متنام
زياد / والله روحت مالمكتب الساعه واحده و نص احرجت اوى اكلمك
روقيه / اخص عليك هو انا و انت فى بينا الحاجات دى برضه المهم هتخرجنى فين النهرده
زياد / انتى اصلك متعرفيش اللى حصلى
روقيه / خير
زياد / البشمهندسه عبير خدت اجازه وضع و شيلونى جزء كبير من جدولها
روقيه / يا ربى على دى عيله انا بكره عيله الصياد دول
زياد / مش فاهم
روقيه / انت متعرفش ان رحيم اللى فدفعتى يبقى اخو جوز بشمهندسه عبير امال بيقفل الدرجات ازاى هو و مراته
زياد / مراته
روقيه / مش معقول متعرفش ان رحمه الصياد تبقى مراته
زياد / انا عارف انها بنت عمه و واضح اوى ان فى كميا بينهم بس مكنتش متخيل انها مراته
روقيه / فى كميا دا فى كميا و فيزيا و احياء كمان
زياد / هههههههههه عقبالنا يا روقه
روقيه / انا هرجع بقى قبل الدكتور ميجى
.................
فى القاعه بعد فتره
رحيم بيتكلم فى التليفون
رحيم / ربنا يخليك .....ان شاء الله هلاقى حل بس انا والله مكنتش عارف الجدول ............ شكرا يلا سلام
رحيم يقفل السكه
رحمه / قالك ايه
رحيم / هيروح ياخدها مالحضانه و يخليها معاه فى المعرض لحد منروح
رحمه / الحمد لله اتصل بقى بالحضانه قولهم ان عمها هو اللى هيجى يستلمها
رحيم / ماشى حاضر
رحيم يطلع بره
رامى / مالكوا شكلكوا متوتر اوى
رحمه / بشرى هتخلص الحضانه كمان نص ساعه و مكناش عاملين حسابنا اننا هنتاخر
رامى / بصراحه مكنش وقتها ابدا الخطوه دى تتبنوا عيله ليه
روقيه تدخل فى الحوار
روقيه / انتوا بتتكلموا بجد انتوا اتبنيتوا بنت ينهار يعنى طنط زينب كان معاها حق لما قالت انك مبتخلفيش
رحيم يدخل
رحيم / انتى اش حشرك اصلا
روقيه / انت بتكلمنى كدا ليه متروح تتشطر على مامتك هى اللى رايحه جايه فكل حته تقول ان رحمه سحرالك و انها مبتخلفش زى امها تقدر تقولى عرفت منين ان مامه رحمه مكنتش بتخلف
رحيم / خلصتى انتى بجد فنانه انا فحياتى مشوفتش واحده تخلى الواحد يقرف منها للدرجه دى انتى ملكيش زى
روقيه / و انت قليل الادب و مش متربى
زياد يدخل روقيه تحاول تضرب رحيم بالقلم رحيم يمسك ايدها
زياد / فى ايه عندكوا
روقيه / مفيش
زياد / كل واحد فى مكانه
كل واحد يروح يقعد فى مكانه و رحيم يقعد جنب رحمه و رحمه تمسك ايده
رحيم / ماشى يا ماما
رحمه / انسى انسى
...............
فى البيت
رحمه و عبير و بشرى قاعدين يلعبوا بالنونو فى الاوضه و عماد معاهم و رحيم و زينب فى الصاله بيتخانقوا
رحيم / انتى بتتكلمى مع روقيه فى حياتى الخاصه ليه
زينب / روقيه و انا مالى و مالها
رحيم / يعنى مقولتيلهاش ان رحمه مبتخلفش مش كدا
زينب / دا كان زمان ايام الحوار اياه كنت مخنوقه و كلكوا عليا اتصلت بيا و سالتنى مالك حكيتلها
رحيم / ليه بتعملى معايا ليه كدا انا ابنك والله ليه
زينب / و انا كنت عملت ايه يا رحيم انت جاى تكلمنى بالاسلوب ده و تزعق فيا ليه دانا امك
رحيم / ماشى بما انك امى بقى خدى دى انا مبخلفش مش رحمه ارتاحتى
الكل يطلع مالاوضه
زينب / انت بتقول ايه
رحيم / مش مصدقانى اسالى عماد انا مبخلفش انا اللى مبخلفش روحى قولى لروقيه روحى قولى للناس كلها ابنى مبيخلفش
زينب / و التحاليل
رحيم / زورناها ارتاحتى ارحمينى بقى
عماد / رحيم
رحيم يضيرله و عنيه كلها دموع يلاقى رحمه بتعيط
رحمه / انت عملت ده عشانى
رحيم / انا كنت خايف اخسرك معنديش استعداد اخسرك
رحمه تحضنه / انا كنت عارفه انك بتحبنى بس مش لدرجه انك تقول على نفسك انك مبتخلفش عشان تسكتهم عنى
.........................
تكملة الرواية من هناااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق