رواية مفيش رحمه الفصل السابع والأربعون والثامن والأربعون بقلم لولو محمد
رواية مفيش رحمه الفصل السابع والأربعون والثامن والأربعون بقلم لولو محمد
((((((مفيش رحمه )))))))
#لولو_محمد
الحلقه ٤٧
زينب / و التحاليل
رحيم / زورناها ارتاحتى ارحمينى بقى
عماد / رحيم
رحيم يضيرله و عنيه كلها دموع يلاقى رحمه بتعيط
رحمه / انت عملت ده عشانى
رحيم / انا كنت خايف اخسرك معنديش استعداد اخسرك
رحمه تحضنه / انا كنت عارفه انك بتحبنى بس مش لدرجه انك تقول على نفسك انك مبتخلفش عشان تسكتهم عنى
.........................
رحيم يبص لعماد و عماد تظهر على وشه نظره راحه
رحمه / انا والله مش زعلانه عادى كلها بايد ربنا
رحيم / بس بقى بس
رحمه / انت ليه مكبر الموضوع اوى كدا
عماد / لو سمحتوا يا جماعه تعال يا رحيم انت عصبى تعال نتمشى و تهدى اعصابك
عماد يشد رحيم بعيد و يخرجوا
عبير / هو فى كدا هو فى حد مستعد يقول على نفسه كدا لاى سبب
زينب / انا قولت سحراله محدش صدقنى
رحمه تبصلها و تاخد بشرى و تمشى
.....................
بره
عماد / انت اتجننت رسمى انت ايه يابنى متفوق انت عارف كنت هتودينا كلنا فى داهيه انا كنت عارف ان عيل زيك ميعتمدش عليه
رحيم / هى ذنبها ايه قولى ذنبها ايه من حقها تكون ام هى نفسها تكون ام و انا اللى مانعها و مش بس كدا دا مفيش حد عنده شويه دم و يرحمها هو ايه اللى جرا للناس
عماد / على العموم اهدى
رحيم / اهدى ازاى و الزباله اللى اسمها روقيه عيرتها قدام الدفعه كلها النهرده اعمل ايه يا عماد اعمل ايه بس انا تعبت
عماد / ممكن تهدى
رحيم / اهدى اهدى اهدى ازاى قولى ازاى اهدى و انا فى العيشه دى
عماد / لو كان رحمه فيها مشكله كنت هتسيبها
رحيم / لا طبعا
عماد / كنت هتتجوز عليها
رحيم / ايه الاسئله دى لا طبعا
عماد / طب لو رحمه مفيهاش و انت مفيكش و النصيب انكوا متخلفوش سوا و لو كل واحد اتجوز واحده تانيه يخلف هتسبها تتجوز غيرك و تتجوز غيرها عشان الخلفه
رحيم / لو عيالى مش من رحمه مش عاوزهم
عماد / خلاص ايه اللى مخليك متخيل ان رحمه بتحبك اقل من حبك ليها ايه اللى مخليك متخيل انها ممكن تبيعك لاى سبب
رحيم / ياريتنى مسمعت كلامك ياريتنى قولتلها الحقيقه
عماد / روح قولها
رحيم / بعد ايه بعد مكدبت هقولها ايه انا زورت التحاليل
عماد / مانت قولتها و مصدقتكش
رحيم / انا تعبان يا عماد تعبان اوى ياريت تيته كانت هنا كانت قالتلى اعمل ايه
عماد / كانت هتقولك اهدى و ركز فى العلاج عشان ربنا يكرمك
رحيم / انا مروح
عماد / ماشى
................
فى شقه روقيه
روقيه بتكلم زياد فى التليفون
زياد / انتى كنتى بتحاولى تضربيه بالقلم انا شوفتك
روقيه / بص يا زياد اقولك ايه بس
زياد / ايه اللى يوصل الحوار بينكوا لكدا انتى لو كنتى قولتى اى حاجه غير كلمه مفيش دى كنت سحبت كرنيهه و ربيته
روقيه / متزعلش منى يا زياد بس انت مش قده لا هو و لا عيلته
زياد / انتى شايفه كدا
روقيه / لا يا حبيبى والله انت عارف انت قد ايه كبير فعنيا بس هو واصل اوى اهله يعرفوا معظم دكاتره الكليه معرفه شخصيه انا قابلت كتير منهم فى كتب كتابه دا غير بشمهندسه عبير مرات اخوه و فلوسه اللى بيشترى بيها الدرجات انا معاه من اعدادى و عارفه كويس اسلوبه الرخيص دا عيل زباله
زياد / طب و ايه يجبرك عالتعامل مع واحد زى ده
روقيه / انا ممكن اثق فيك و احكيلك اى حاجه صح
زياد / طبعا يا حبيبتى
روقيه / من سنتين لما كنا فى اولى رحمه دى كانت متاخره خالص فى المشروع و لما جه الدكتور يمر كبت على مشروعها نسكافيه و قعدت تعيط و رحيم يزعق قال يعنى اتفاجئوا باللى حصل مع انهم اخر اتنين كانوا ماشيين و اول اتنين واصلين يا زياد تخيل
زياد / سمعت بشمهندسه عبير بتحكى عن الموقف ده
روقيه / عبير خلينى ساكته دى قبضت على قلبها قد كدا و راحت باتت فى بيت رحمه يومين ترسملها المشروع و فى الاخر سبحان الله و لا كانها عملت حاجه و فى الاخر اتجوزت اخوه عشان متقولش و عشان تكوش على باقى الفلوس
زياد / للدرجادى
روقيه / انا كنت هبقى الاولى لولا فلوسها و الحركات القذره اللى بتعملها و رحيم الكلب ده لما كنت بقوله انك مش زى المعيدين التانين قالى انه يقدر يشترى اى حد بالفلوس حتى انت
زياد / ايه
روقيه / انا مكنتش عاوزه اقولك يا زياد عشان ابعدك عن المشاكل مع الحيوان ده بس هو لما قال كدا الدم غلى فى عروقى و كنت هضربه بالقلم بس هو مسك ايدى و لولا ان ربنا بعتك ليا مالسما الله اعلم كان عمل فيا ايه يمكن كان ضربنى عادى
زياد / انتى بتتكلمى جد و ازاى يا بنتى مقولتليش دانا كنت وريته مقامه
روقيه / محدش كان هيشهد معايا كلهم صحابه وواكلين فى بيته و خصوصا اللى اسمه رامى ده اعمل ايه بس يا زياد انا بجد حاسه بالظلم فى القسم ده هو عشان معاه فلوس وواصل يبيع و يشترى فى الناس كدا يرضيك يا زياد
زياد / لا طبعا انا هربيه و اخليكى تشوفى بعينك انا هعمل فيه ايه
روقيه / ربنا يخليك ليا يا زيزو و ميحرمنيش منك ابدا
زياد / ولا يهمك يا روحى و ميرسى انك دافعتى عنى
روقيه / اى حاجه عشان خاطر حبيبى
زياد / انا لازم اقفل دلوقت يا حبيبتى عشان فى الشغل هكلمك بعدين
روقيه / هستناك
........................
فى البيت
رحيم يدخل البيت يلاقى بشرى نايمه و رحمه ممدده جنبها
رحيم / نامت
رحمه / انت جيت يا حبيبى قلقتنى عليك
رحيم ياخد رحمه و يروحوا اوضتهم
رحمه / انت كويس يا حبيبى
رحيم / لا مش كويس
رحمه / حقك عليا انا السبب فى اللى انت فيه انت شلت فوق طاقتك كتير اوى و كلو بسببى بس والله يا رحيم غصب عنى والله يا رحيم مش بايدى اعمل ايه بس اعمل ايه
رحمه تعيط
رحيم / انتى ليه بتعذبينى كدا ليه مصره تكملى عليا هقول ايه لربنا على كل دمعه نزلت من عينك هقوله ايه
رحمه / يا حبيبى انا ....
رحيم / انتى ليه مصدقتيش انى مزور التحاليل
رحمه / عشان انت متعملش كدا رحيم اللى بحبه ميعملش كدا
رحيم / ميعملش ايه
رحمه / ميكدبش عليا ميخبيش عنى حاجه انا و انت ستر و غطا على بعض انت لو داريت عالدنيا كلها مش هتدارى عليا هتقولى هتشكيلى همك هتبقى واثق انى هقف جنبك و عمرى مهسيبك
رحيم / بس الانسان بيغلط
رحمه / لا رحيم حبيبى ميعملش كدا ميسمحش انى اشيل ذنب مش ذنبى و انى اخد حقن و منشطات منغير سبب
رحيم / بس انتى كدا كدا كنتى هتاخديها حتى لو مبخلفش كدا كدا كنتى هتاخديها حتى لو هنعمل عمليه حقن مجهرى
رحمه / طب والله فكره متيجى نعملها دا حل هيرضى كل الاطراف
رحيم / ممكن اتكلم معاكى و تنسى خالص انى رحيم اعتبرينى واحد زميلك فى الكليه رامى مثلا اعتبرينى بشرى اى حد
رحمه / هههههههههههههههه هحاول قول
رحيم / لو ربنا مش رايدلك الخلفه منى ممكن تسيبينى ممكن تختارى ان يكون عندك طفل من حد تانى على انك تكونى معايا
رحمه / لا طبعا انت عندى اغلى من مليون طفل انت ابويا و امى و صاحبى و اخويا و حبيبى انت دنيتى يا رحيم
رحيم / حتى لو الدنيا كلها وقفت ضدك و عايرتك حتى لو الناس مرحمتكيش
رحمه / و من امتى فى حد بيرحم حد انا لو الدنيا كلها وقفت ضدى طول مانت جنبى مش عاوزه حاجه و مش هخاف من حاجه
رحيم / مهما حصل يا رحمه
رحمه / مهما حصل يا رحيم لو ربنا كاتبلى الخلفه فنعمه و فضل و لو مش كاتبهالى انا راضيه ربنا كافئ امى بعد عشر سنين لو هتصبر عليا يا رحيم هستحمل الدنيا و ما فيها هستحمل اى حاجه عشان تفضل جنبى انا منغيرك اموت
رحيم يحضنها
رحيم / انا بس عاوزك تسامحينى عاوزك تعرفى انى عمرى مكنت قاصد انى اجرحك اى حاجه غصب عنى كلو غصب عنى انا عاوزك تسامحينى
رحمه / اسامحك على ايه بس يا حبيبى
رحيم / على كل حاجه و اى حاجه سامحينى لانى والله بحبك والله العظيم بحبك
رحمه / اهدى بس
رحيم / مش عارف اهدى كل الناس بتقولى اهدى بس مش قادر خلاص تعبت
رحمه / طب ارتاح يا حبيبى ارتاح
رحيم يفرض ضهره عالسرير و رحمه تنام جنبه ياخدها فى حضنه
....................
فى شقه زينب
عبير / طب والله مش قادره اشيل اللى حصل من نفوخى
زينب / انا مش طايقه روحى يا عبير غيرى السيره
عبير / تعرفى يا ماما حل رحيم انه يلاقى بديل
زينب / انتى بتقولى ايه
عبير / هو بيحب رحمه لانها قدامه من يوم متولد ملوش غيرها مش قادر يتخيل نفسه مع غيرها بس هيفيده بايه انه يفضل لازقلها كدا طول الوقت لازم احنا بقى نوفرله بديل عشان ينساها و يبعد عنها و الا مش هنقدر نشوف عياله ابدا يا ماما ابدا ابدا
زينب / و نجيب منين البديل ياختى
عبير / منه نجوزه منه
زينب / انتى عاوزه تجوزى رحيم لمنه عشان يخلف و ينسى رحمه و لا عشان تشيلى همها من نفوخك انها تكون لعماد
....................
عبير /لا انا خلاص شلت همها من نفوخى من يوم مسى محمود شرف عماد اتعدل حاله و بقى هنا جنبه طول الوقت و بطل يسافر
زينب / بس رحيم عمره مهيبص لمنه دى زى اخته
عبير / بالزن يا ماما بالزن دا الزن عالودان امر مالسحر و انتى اشطر منى فى الحوارات دى هو انا اللى هقولك
زينب / لا انسى دى بنت امها مبخته من يومها احنا قعدنا عشر سنين عشر سنين يا عبير نزن انا و عمك محمد و الحجه عفاف على عمك محمود انه يتجوز و جبناله عرايس قمرات قمراااااات يحلو من على حبل المشنقه انه يسيب حياه و لا حتى يتجوز عليها ابدا ابدا دا حتى هى ياختى ياما اتحايلت عليه دى راحت خطبتله مره عشان تورطه و راح اعتزر للناس و قالهم انه ميقدرش يظلم واحده مش هيقدر يحط ايده عليها و لا حتى يبصلها
عبير / للدرجادى
زينب / و اكتر هو كان يقدر على زعلها و لا حتى دمعه من عينها اوعى تفتكرى ان رحيم بيموت فى رحمه ربع حب محمود لحياه دول مستحملوش يعيشوا ثوانى منغير بعض
عبير / يا بختها والله
زينب / طول عمرى كان نفسى اعرف بتعمل ايه زياده عشان يحبها اوى كدا فيها ايه عن اى بنت تانيه تخليه خاتم فى صابعها كدا كنت بقعد معاها طول الوقت اشوف بتعمل ايه و تتكلم ازاى و تتصرف ازاى كانت عاديه يعنى الا مكان فيها ميزه
عبير / لا يا ماما كانت طيبه خالص و صوتها علاطول واطى و هاديه و بيتها كان علاطول نضيف و بتساعده فى الشغل و بتاخد بالها من مامته
زينب / اش فهمك انتى قبل متخلف رحمه حماتى كانت قاعده معايا هنا هى راحت هناك و لا طاقت عيشتها الا لما عرفت انها حامل اسالينى انا
عبير / المهم احنا نجهز للعقيقه و نعزم عيله الحج ابراهيم و ناكد ان منه تيجى و لما تيجى نزن عليه
زينب / و هو ينفع لنا مناسبه منغير عمك ابراهيم تعرفى زمان كانوا قالوا ان مصطفى اتقدم لرحمه يلهوى كنت هطير مالفرح على قد مكنت هموت مالغيظ
عبير / ههههههه ازاى
زينب / اصلك متعرفيش الحاج ابراهيم ده عنده فلوس قد ايه اكتر مننا يجى تلت اربع مرات و معندوش غير مصطفى و منه فلو رحمه اتجوزت مصطفى كانت هتتنقل نقله تانيه خالص نصيبها من ورث ابوها اللى كبر دلوقت و بقى عليه القيمه لما الكل عمل حنين و اتنازلها كان هيبقى جنبه ملاليم
عبير / و دى حاجه حلوه و لا وحشه
زينب / وحشه طبعا كانت هتتنصف بنت المقشفه بس كنت فرحانه انى هخلص منها و ابعدها عن ابنى
عبير / و عشان كدا كنتى عاوزه عماد لمنه
زينب / منه دى بت هبله عيله امها ماتت و هى صغيره و احنا اللى ربيناها عارفين اخلاقها كويس و عارفين اصلها و فصلها يلا مفيش نصيب
عبير / و لا تزعلى نفسك اهى الفرصه جتلك تخلى رحيم يتجوزها و برده يقش هيقش نصيب رحمه اللى قد كدا و كمان نصيب منه
زينب / و اش عرفك يا فالحه ان رحمه هترضى تقبل بالوضع ده و مش هتسحب نفسها و تهد المعبد على دماغنا دى عندها النص يا حبيتى
عبير / انتى اللى بتقولى كدا يا ماما تنسحب و تروح فين و هى معيوبه و مبتخلفش مين هيقبل يربط نفسه بواحده مبتخلفش الا عشان فلوسها و هى عارفه كويس دا غير انها بتموت فى رحيم و متقدرش تعيش منغيره هترضى و تحط جزمه فبقها و تسكت جربى و بكره تشوفى و تقولى عبير قالت
زينب / نجرب يا بنت هاله نجرب
.....................
فى الكليه بعد فتره
رحيم قدامه لوحه و شغال فيها زياد يعدى من جنبه و بالقلم الاحمر يعلمله فيها
زياد / دى غلط و دى غلط و دى عاوزه تتعدل عيدها
رحيم يبصله
زياد / ايه مسمعتش قولت عيدها
رحيم / حاضر
رحيم يشيل اللوحه و يحط واحده بدالها و يبدا يعيد الرسم رحمه تروح تبص على لوحه رحيم
رحمه / هو فين الغلط انا مش فاهمه
رامى / مش فاهمه ايه يابنتى متبصى هناك و انتى تفهمى كل حاجه
رحمه تبص بعيد تلاقى زياد و روقيه بيدحكوا على اخرهم عند لوحتها وزياد بيرسملها بنفسه
رحمه / هو ايه الهبل ده
رحيم / كبرى مخك و روحى اشتغلى
رحمه / بس ده ظلم
رحيم / يا ستى ملكيش دعوه انا هتعامل معاه باسلوبه
زياد يبص يلاقى رحمه واقفه على لوحه رحيم
زياد / مبتشتغليش ليه يا بشمهندسه ورينى شغلك
رحمه تروح قدام لوحتها
زياد / كلها اخطاء ايه ده و ده و ده ايه اول مره ترسمى و لا ايه
زياد يبوظ لرحمه لوحتها رحيم يروح يقف جنبه و يتفرج
زياد / ايه فى اعتراض
رحيم / لا ابدا انا بس بتفرج
زياد / و العرض خلص يا بشمهندس اتفضل ارجع للوحتك و خلصها بدل منادى للدكتور يشوف شغله معاك
رحيم / انا اسف حاضر
زياد يمشى
رامى / من امتى بتبقى مؤدب كدا و تتحكم فى غضبك
رحيم / لما ببقى عارف ان اللى قدامى بيحاول يغلطنى مبديلوش فرصه
رحمه / بس ده ظلم لازم نعمل حاجه انا هروح للدكتور
رحيم / لا اعملى لوحتك و ملكيش دعوه
رحمه / انا هعيد مالاول
رحيم / ملكيش دعوه انا هتصرف بس اشتغلى انتى
..................
فى مكتب دكتور اسماعيل بالليل
اسماعيل / ايه النور ده يا رحيم
رحيم / انا كان نفسى اجيبك فى خبر حلو بس انا محتاج من حضرتك خدمه
اسماعيل / انت عارف انا لو اقدر متاخرش
رحيم / فى معيد مستقصدنى انا و رحمه و بيعاملنا وحش اوى واضح كدا ان فى حد ماسفنا عنده هو لسه متخرج السنه اللى فاتت بس شادد حيله معانا اوى
اسماعيل / هو الغربال الجديد كدا له شده
رحيم / بس دى مش شده عاديه
اسماعيل / اسمه ايه المعيد ده و انا اكلمه
رحيم / اسمه زياد المنشاوى
اسماعيل / زياد ده ابن دكتور محمود المنشاوى
رحيم / اه هو
اسماعيل / طب خلاص انسى ان فى مشكله اصلا انا هتكلم معاه و اشوف ايه المشكله
رحيم / متشكر اوى
....................
فى البيت
زينب / و رحيم عمل ايه
رحمه / رحيم فضل هادى و قاله حاضر
عبير / طب و موريتيش سلمى اللوح ليه و اشتكيتلها هى كانت هتشده
رحمه / رحيم مرضاش يخلينا نروح للدكتور و نقوله و خلانى اعيد اللوحه و قال انه بيحاول يجر شكلنا و مش المفروض نديله اللى هو عاوزه بس انا عارفه رحيم رحيم مش هيقدر يمسك نفسه كتير
زينب / دا ابنى و انا عرفاه
رحمه / انا خايفه تقلب بنكد و مش عارفه اعمل ايه منها لله روقيه
زينب / روقيه متعملش كدا ابدا
رحمه / روقيه ؟؟؟ احب افاجئك ان روقيه حاولت تضرب رحيم بالقلم على وشه و مبتفوتش فرصه تدايقه فيها الا لما تستغلها احسن استغلال
زينب / روقيه مستحيل اكيد انتى استفزتيها
رحمه / ممكن برضه عن اذنكوا انا هروح احضر العشا زمان رحيم جاى
...................
فى الكليه بعد فتره
فى مكتب الدكتور اسماعيل قاعد مع دكتور و زياد يدخل
زياد / السلام عليكم حضرتك طلبتنى
الدكتور/ كدا يا زياد تزعل الدكتور اسماعيل دا ابوك التانى ياوله
زياد / انا اقدر على زعلك برضه يا دكتور قولى بس ابنك الشقى عمل ايه و انا املصلصلك ودانه علاطول
اسماعيل / هى عامله واحده يا زياد دول كتير و انا واخد على خاطرى منك اوى
زياد / لا دا الموضوع كبير
اسماعيل / رحيم و رحمه الصياد
زياد ييتعدل فى قاعدته
محمود / الله يعنى حقيقى بقى
زياد / دول عيال مش مظبوطه طول السيكشن شغالين مياصه و محن و بعدين يعنى يا بابا اتنين متجوزين مكانهم البيت مش السيكشن و لا ايه
محمود / معاك حق بس انا كمان درستلهم و ياما شوفت مشاريعهم و سالت كل المعيدين عن شغلهم انت الوحيد اللى بتديهم درجه وحشه
اسماعيل / و بعدين انا عارف اخلاق رحيم كويس دا ابنى و انا اللى مربيه عمره ميعمل اللى انت بتقول عليه ده اكيد انت فهمت غلط
زياد / والله انا مبظلمهمش انا بس بشد عليهم عشان يركزوا اكتر
محمود/ ياض يا زياد لو انت يعنى غيران قول و انا اجوزك امبارح
زياد / ايه الكلام ده يا بابا بس
محمود / ههههههههههههه الواد وشه احمر و بعدين هنروح بعيد ليه بنت عمك اسماعيل موجوده
اسماعيل / سمر انت بتقول ايه يا محمود دى لسه فى اعدادى
محمود / لا بس قمر
زياد / اعدادى ايه بالظبط عشان افهم
محمود / اعدادى هندسه يابنى امال يعنى اعدادى تلتاشر سنه
زياد/ ههههههههههههههه مانا قولت اتاكد برضه لحسن انا عارفك
محمود / روح انت على سكشنك و متنساش تحسن علاقتك برحيم و رحمه دول ولادى زيك بالظبط و محدش بيزعل اخواته منه و لا ايه يا زيزو
زياد / تحت امرك يا بابا عن اذنك يا عموا اسماعيل
اسماعيل / صحيح يا زياد دى دعوه سبوع حفيدى ابن البشمهندسه عبير لازم تيجى ابوك جاى ان مكنش عشان خاطر زميلتك عشان خاطرى انا يا سيدى
زياد / لا ازاى لازم هاجى
..................
فى السبوع
فى فراشه كبيره قدام البيت و خيول و مزمار
ست / الف مبروك يا زينب
زينب / عقبال عيالك شوفتى محمود الصغير
الست تحط ظرف فى شنطه النونو فى البلكونه عبير و سلمى و بنات بيتفرجوا و فى البلكونه التانيه منه و رحمه و بشرى بيتفرجوا
منه / عقبالك
رحمه تبتسم ابتسامه مكسروه
منه / للدرجادى ليه يا بنتى مش الدكتور قال مفيش حاجه
رحمه / هو دكتور واحد بس فين النتيجه يابنتى فين بس حقن منشطه و هرمونات و جسمى باظ و مفيش فايده
منه / جسمك باظ ايه يابنتى مكانوش كام كيلو اللى زدتيهم و بعدين انتى عارفه ان الهرمونات دى بتزود الوزن
رحمه / اقولك ايه يابنتى انا مباكلش بشوف الشيكولاته قدامى و بخاف امد ايدى عليها اللقمه بقت بحساب و برضه مفيش فايده خايفه اطلع عالتريدميل يكون فى بيبى و لا حاجه و انا اللى اموته بنضف بالراحه خالص حتى بشرى مش برضى اشيلها حياتى بقت ماندله
منه / انتى ليه مكبره الموضوع اوى كدا
رحمه / مش انا اللى مكبراه بصى البلكونه التانيه انا مليش مكان وسطيهم انا لما بقعد معاهم بيهرونى تلسين و معايره انا بجد تعبت
منه / انتى هتعيطى و لا ايه امسكى نفسك
.............................
((((((مفيش رحمه ))))))
#لولو_محمد
الحلقه ٤٨
منه / جسمك باظ ايه يابنتى مكانوش كام كيلو اللى زدتيهم و بعدين انتى عارفه ان الهرمونات دى بتزود الوزن
رحمه / اقولك ايه يابنتى انا مباكلش بشوف الشيكولاته قدامى و بخاف امد ايدى عليها اللقمه بقت بحساب و برضه مفيش فايده خايفه اطلع عالتريدميل يكون فى بيبى و لا حاجه و انا اللى اموته بنضف بالراحه خالص حتى بشرى مش برضى اشيلها حياتى بقت ماندله
منه / انتى ليه مكبره الموضوع اوى كدا
رحمه / مش انا اللى مكبراه بصى البلكونه التانيه انا مليش مكان وسطيهم انا لما بقعد معاهم بيهرونى تلسين و معايره انا بجد تعبت
منه / انتى هتعيطى و لا ايه امسكى نفسك
.............................
رحمه / انتى الوحيده اللى قادره اتكلم معاها رحيم تعبان و مش بقدر اشكيله هو كمان الله يعينه انا حرماه انا السبب فى الكلام اللى بيسمعه طول الوقت بيدافع عنى و انا معنديش دم نفسى اجيبله عيل يفرحه نفسى اعوضه عن كل اللى شافه بسببى الفتره اللى فاتت نفسى بس مش بايدى يا منه مش بايدى
منه / شيلى الموضوع من دماغك و هو هيجى لوحده و بعدين متصبروا مستعجلين على ايه على الاقل تستنى اما تخلصى كليه
رحمه / كليه خلينى ساكته لانا و لا هو عارفين نركز فى حاجه لا و كمان ربنا سلط علينا ناس هناك يقرفونا فى عيشتنا
رحمه تبص فى الشارع تلاقى عماد بيبص على منه و منه باصه لرحمه
رحمه / عماد بيبص علينا على فكره
منه / واخده بالى و مش عاوزه ابصله تعرفى وحشه اوى الدنيا دى الناس الصح بيجوا فى الوقت الغلط و الناس الغلط بيجوا فى الوقت الصح و دوخينا يا لمونه دوخينا
رحمه / اتلم المتعوس على خايب الرجا
منه / ههههههههههههه
رحمه / ادحكى ادحكى مهو صحيح هم يدحك و هم يبكى
............
فى الفراشه تحت
زياد / متزعلش منى انا بس كنت بشد عليك عشان انت مكنتش مركز
رحيم / حصل خير تعال بقى ناخد صوره سيلفى بمناسبه الصلح
زياد / بس كدا اوى اوى
زياد و رحيم يتصوروا و رحيم يشيرها عالفيس
رحيم / ايه يا جماعه امال لو مكانش البيت بيتك ياعموا متتفضلوا العشا جاهز
محمود / انا مفيش مكان فى بطنى والله
رحيم / ايه الكلام ده متقول حاجه ياعمو اسماعيل انا مش هعزم انتوا فى بيتكوا يلا يا عموا بقى
بنت تنزل من فوق و تدخل عليهم
اسماعيل / انا معرفتكوش سمر بنتى اخر العنقود بس ايه اهى دى اللى كفرت كل اللى عملته فى حياتى
سمر وشها يحمر
اسماعيل / تعالى اما اعرفك ده بابا محمود زى ابوكى بالظبط صاحبى الروح بالروح و ده ...
سمر / بشمهندس زياد عرفاه
زياد / انا طلعت مشهور و انا مش عارف و لا ايه
سمر / لا اصل انا فى الاتحاد و كنت مع الناس اللى نظموا حفله التخرج بتاعتكوا بس احنا متعرفناش يوميها
زياد / حظى وحش اوى
سمر / ههههههههههه ملحوقه
عماد يدخل
عماد / ايه يا جماعه يلا الاكل هيبرد كدا ايه يا رحيم انت مزعل دكاترتك و مش عاوزين ياكلوا و لا ايه اتفضلوا يا جماعه اتفضلوا
................
بالليل فى البيت عند روقيه
روقيه فاتحه الفيس تلاقى صوره رحيم و زياد و هما بيدحكوا
روقيه / والله ده اللى هتربيه ادى اخره اللى يعتمد على عيال
روقيه تمسك التليفون و تتصل بزياد تلاقيه مشغول تجرب تانى و تالت لحد ميرد
زياد / ايه يابنتى كان معايا تليفون
روقيه / يعنى بقيت انا اللى بتحط عالوايتنج مش كدا
زياد / مش احسن مفتح عليكى و اسيبك عالهولد
روقيه / اخبارك ايه وحشتنى
زياد / كويس الحمد لله انتى ايه اخبارك
روقيه / مش هشوفك
زياد / مانا بكره فى الكليه عادى
روقيه / كليه ايه يا زياد انا مباخدش رحتى فى الكلام فى الكليه انا اقصد نخرج يعنى زى زمان بقالنا ياما مخرجناش سوا ايه رايك نخرج نتغدى بره بعد الكليه
زياد / بكره مش هينفع ورايا شغل كتير فى المكتب و بابا مخنوق منى عشان الفتره اللى فاتت غبت كتير
روقيه / اوك براحتك
زياد / على العموم نقضيها تليفونات بقى و نبقى نظبط معاد تانى
روقيه / لا براحتك متشغلش بالك انا يهمنى مصلحتك طبعا صحيح اخبار الشغل ايه النهرده
زياد / لا انا مروحتش المكتب النهرده
روقيه / ليه خير
زياد / كنا معزومين عند عيله الصياد عقيقه ابن البشمهندسه عبير و كان لازم اروح
روقيه / يعنى رحيم كان معاه حق
زياد / رحيم دا طلع عيل سكره بس الواحد يعرفه انا مش عارف انتى كرهاه ليه اوى كدا
روقيه / الظاهر ان الاكل كان حلو اوى
زياد / بصراحه الناس كانوا عاملين يوم جامد ناس بتعرف تفرح والله مش بتوع نكد و قرف ناس رايقه
روقيه / بجد طب والله كويس انك عرفت قيمتهم
زياد / انا هقفل بقى لحسن انا تعبان خالص و بنام على روحى
روقيه / طبعا طبعا هستناك تكلمنى الصبح لما تصحى
زياد / اه طبعا ان شاء الله
...................
بعد فتره فى الكليه
زياد قاعد فى المكتب و بيتكلم فى التليفون و بيدحك على اخره الباب يخبط و روقيه تدخل
زياد / هكلمك كمان شويه سلام
روقيه / مين دى
زياد / ولا حد اخبارك ايه
روقيه / و انت يعنى مهتم باخبارى انا كلمتك كذا مره امبارح بالليل كنت مشغول مشغول مشغول
زياد / معلش يا بنتى والله امبارح انشغلت فعلا معلش ملحوقه
روقيه / هتخرج النهرده بعد الكليه
زياد / مش فاضى والله يا روقيه انا فعلا مشغول جدا النهرده
روقيه / انت مش ملاحظ انك بقالك فتره مشغول طول الوقت
زياد / اعمل ايه يابنتى بس مانا ياما بشتغل فى الرساله ياما فى المكتب ياما فى السكاشن
روقيه / اه طبعا ربنا يعينك
زياد / متزعليش انا هعوضك انا عمرى وعدتك بحاجه و خلفت
روقيه / لا عادى مفيش مشكله متشغلش بالك انا بس كنت عاوزه اطمن عليك انا همشى بقى عشان المحاضره
زياد / مع السلامه
...................
بعد فتره فى البيت عند عبير
رحمه / انا جبت لمحمود الصغير شويه حاجات يارب تعجبكوا
عبير / انا عامله موس شيكولاته يهبل استنى هجيبلك
رحمه / لا متتعبيش نفسك انا عامله دايت
عبير / دايت يا رحمه من امتى دى شيكولاته
رحمه / معلش على عينى والله بس اعمل ايه
عبير / انتى هتقوليلى حاسه بيكى والله انا بحاول والله بس اعمل ايه من ساعه مفطمت محمود بزيد طول الوقت بس ماما بتقول ان الزياده دى طبيعى
رحمه تبتسم
عبير / بس عالعموم انتى جادعه انك مش بتسيبى نفسك تزيدى خصوصا ان ممكن رحيم يعنى يبص لبره خصوصا انكوا بقالكوا سنه بحالها متجوزين و مفيش اى بيبى جه انتوا خلاص كلها كام شهر و تتخرجوا
رحمه / لا رحيم عمره ميبص بره
عبير / انتى متعرفيش ان ماما زينب ناويه تخطبله منه
رحمه / ايه الكلام ده
عبير / هى عاوزه تفرح بعيال ابنها يا رحمه
رحمه / عن اذنك انا نازله عشان زمان بشرى جت مالمدرسه
عبير / متخليكى شويه
رحمه / مره تانيه عن اذنك
...............
بالليل فى الشقه
رحيم يدخل شايل اكياس كتير اوى
رحيم / انا جبت كل الطلبات اللى فى الورقه عالتلاجه
رحمه / تعيش و تجيبلنا
رحيم / مال مزتى صوتك مش مظبوط
رحمه / لا دانا مصدعه شويه متشغلش بالك انا هروح احطلك العشا
رحمه تدخل المطبخ و رحيم يقعد جنب بشرى
بشرى / جبتلى شيكولاته يا بابا رحيم
رحيم / جبتلك شيكولاته كتير اوى اوى علبه بحالها
بشرى / مش انا الميس اداتنى ستار النهرده
رحيم / بجد برافوا عليكى انا هقوم ابص على ماما رحمه يمكن محتاجه مساعده انتى اقعدى هنا بقى و اتفرجى عالكارتون و بلاش مشاكل
بشرى تهز راسها و رحيم يدخل المطبخ
رحيم / ايه الريحه الحلوه دى
رحمه / انا بعملك ساندوتشات
رحيم يحضنها
رحيم / مش ناويه تحكيلى ماما قالتلك ايه جديد
رحمه / مقالتش حاجه ايه اللى اداك الاحساس ده بس
رحيم / عشان انا عارف امى كويس مش هتسيب مناسبه متنكدش عليكى فيها
رحمه / لا متقلقش انت ايه الاخبار انت
رحيم / زهقان والله اعمل ايه بس كليه مزاكره حتى يوم الاجازه زى مانتى شايفه بنزل اجيب الطلبات و انتى طول النهار مشغوله فى التنضيف و الغسيل
رحمه / معلش فتره و تعدى
رحيم / مش هتعدى طول مانتى مبوزه كدا
رحيم يمسك ساندوتش و يجى يحطه على بق رحمه مترضاش
رحمه / الدايت انا وزنت الصبح لقيتنى زايده خمسه كيلو بحالهم
رحيم / هو ده بقى اللى مدايقك و ايه يعنى هو محدش قالك انى بموت فى البت المقلوظه سبك انتى من جو العصيان ده موضته ادمت اوى و بعدين انتى مزعله روحك ليه مقولتلك كدا كدا عاجبنى
رحمه / معلش سبنى على راحتى
.................
بعد فتره
رحمه نايمه و رحيم بيصحيها
رحيم / رحمه قومى هنتاخر عالمحاضره اصحى يا بنتى قومى
رحمه / مليش نفس اروح النهرده روح انت
رحيم / هو ايه اللى ملكيش نفس قومى يابت بطلى دلع
رحمه / عشان خاطرى يا رحيم روح انت
رحيم / انت مالك فيكى ايه دا مستقبلك يا بنتى قومى
رحمه / تعبانه يا رحيم تعبانه انت ايه مبتحسش بقولك تعبانه
رحمه تعيط رحيم يحضنها
رحيم / حقك عليا انا اسف
رحمه / بطل تعتزر انت معملتش حاجه تتاسف عليها
رحيم / اسمعى انتى عارفه قد ايه النهرده يوم مهم و مينفعش تغيبى فمعلش تعالى على نفسك و قومى اللبسى و انا هروح اللبس بشرى انا و هعزمك عالغدى من بره ماشى بس عشان خاطرى لازم تقومى النهرده بالزات مينفعش تغيبى دى متابعه مشروع التخرج
رحمه / حاضر حاضر هقوم
رحيم / حبيبه رحيم يلا هروح اصحى بشرى و اللبسها و هعملك احلى فطار كمان عشان تعرفى انا بحبك قد ايه
رحمه / ربنا يخليك ليا يا حبيبى
..............
بالليل
رحيم يدخل و شايل اكل و يلاقى بشرى قاعده بتتفرج عالكارتون لوحدها
رحيم / انا جبت الغدى مين هياكل معايا
بشرى تجرى عليه
رحيم / ماما رحمه فين
بشرى / نايمه فى الاوضه
رحيم / طب خليكى هنا و انا هروح اصحيها تاكل معانا ماشى
بشرى تهز راسها ماشى و رحيم يدخل يفتح باب الاوضه يلاقى رحمه طافيه النور يايده رحمه تحط الغطا على وشها
رحمه / اطفى النور يا رحيم اطفى النور
رحيم / فى ايه مالك النهرده مالك يابنتى فيكى ايه
رحمه / عشان خاطرى اطفى النور و سبنى لوحدى اطفى النور بقى
رحيم يطفى النور و يدخل جنبها فى السرير و يحضنها
رحيم / مالك يا حبيبتى فى ايه بتعملى فى نفسك كدا ليه متستسلميش للكابه دى قومى احنا محتاجينك انا محتاج دحكتك دى هى اللى بتصبرنى عالدنيا
رحمه / انا كرهت نفسى و كرهت عيشتى انا مش عاوزه اعيش خلاص ربنا يرحمك يا بابا انت السبب انت اللى عملت فيا كدا ربنا يرحمك و يرحمنى
رحيم / ايه اللى بتقوليه ده
رحمه / ياريته كان سمع كلام الدكتور و نزلنى ياريته كان قتلنى و ريحنى ماللى انا فيه اعيش ليه انا تعبت خلاص
رحيم / حرام عليكى بتعملى فيا كدا ليه ايه لزمته الكلام ده
رحمه / تعبانه يا رحيم تعبانه اوى اقولك ايه انا السبب انا وحشه كل حاجه فيا وحشه
رحيم / طب فهمينى ايه السبب لكل ده ايه اللى جد مالك بس
رحمه / ايه اللى جد اللى جد هو اللى بيحصل كل شهر اليوم اللى بعرف فيه ان مفيش فايده عمرى مهبقى ام انت ذنبك ايه فكل ده انت ذنبك ايه تستحمل واحده طخينه و مبتخلفش زيى
رحيم يحضنها اوى و يعيط فحضنها
رحمه / انا عارفه انا عارفه كل حاجه انا مش ممانعه والله بس بلاش منه يا رحيم بلاش منه دى اختى متخلينيش اكرهها بلاش منه يا رحيم
رحيم / منه ؟؟
رحمه / اه و بلاش روقيه انا بكرهها اصلا بس مش عوزاها تكيدنى اى واحده تانيه غير منه و روقيه انا هرضى
رحيم / ااااااه فهمت لا يا هبله و لا منه و لا روقيه و لا ملكه جمال المزنبيق حتى متخافيش
رحمه / اشمعن المزنبيق يعنى
رحيم / ولا اعرف و لا حتى اعرف هى فين عالخريطه انتى عارفه ؟؟؟
رحمه / هههههههههههههه لا معرفش
رحيم / هم يبكى و هم يدحك استاخرى استاخرى خدينى جنبك
رحمه / انت بجد مش هتتجوز عليا
رحيم / رحمه انتى لو اتجوزتى اى واحد غيرى هتخلفى انتى مفيكيش حاجه انا اللى مانعك
رحمه / بس انا مقدرش اتجوز غيرك مقدرش حتى اسيبك اصلا انا بحبك انا اتخلقت عشانك عشان اكون جنبك و بس
رحيم / يبقى خلاص اصبرى اصبرى عليا اصبرى معايا والله مليا ذنب والله بعمل كل اللى بقدر عليه سامحينى انا عارف ان الحمل عليكى كبير سامحينى مش بايدى يا رحمه والله مبايدى و لا بمزاجى اعمل ايه بس يا رب اعمل ايه
رحيم يعيط
رحمه / لا انا ممكن اتحمل اى حاجه الا دموعك متزودش همى
رحيم / قومى يا رحمه قومى استهدى بالله و قومى انا بحبك و عمرى مهسيبك ولا حتى هبص لغيرك المهم انتى بس متزهقيش منى قومى البت اللى بره دى محتاجاكى انا محتاجك
رحمه / انا مش عارفه اعمل ايه فنفسى و فوزنى اللى عمال يزيد ده و مش فاهمه اشاعه صبغه و عملت عينه بطانه رحم و حللت الغلط فين بس
رحيم / بصى احنا نعدى الترم ده و انا هاخدك للدكتور نعمل الحقن المجهرى خلاص ماشى
رحمه / ماشى
رحيم / اسمعى انا بحبك اوى بحبك اكتر من اى حاجه تانيه فى الدنيا لازم تفهمى ده كويس مقدرش اشوفك كدا بتعب و انا والله مناقص انا فيا اللى مكفينى انا حاسس انى كبرت تلاتين سنه فيومين ارجوكى يا رحمه متزوديش همى و تستسلمى للحزن انا و انتى و بشرى مش محتاجين حد تانى يولعوا كلهم مش عاوز اى حد يقولك كلمه ملكيش ذنب فيها انسى الناس دى ملناش دعوه بيهم انسيهم
رحمه تهز راسها
رحيم / جبتلك بقى شويه اكل هتاكلى صوابعك وراهم يلا يا مزتى قومى كلى معايا
..................
فى الكليه بعد فتره
فى مكتب المعيدين زياد و سمر قاعدين بيتكلموا
سمر / ههههههههههه انت مشكله
زياد / انتى لسه شوفتى حاجه اصبرى عليا دانا هجننك
سمر / هههههههههههههههههه
روقيه تخبط عالباب و تدخل
زياد / خير يا بشمهندسه
روقيه / ممكن كلمه لو سمحت
زياد / عن اذنك يا سمر ثوانى
زياد يقوم يقف مع روقيه على باب المكتب
روقيه / هو انت ايه حكايتك بالظبط
زياد / حكايه ايه
روقيه / انت لا بترد على تليفوناتى و لا بتكلمنى و علاطول بتتهرب منى هو فى ايه
زياد / انتى بتتكلمى عن ايه انا مش فاهم
روقيه / هو ايه اللى مش فاهم و بعدين مين دى اللى انت قاعد مسخسخ على روحك مالدحك معاها دى انت فاكرنى مش واخده بالى و لا ايه
زياد / بقولك ايه يا روقيه الظاهر انك مش واخده بالك انتى فين احنا فى الكليه و الطلبه رايحين جايين ياريت تلزمى حدودك فى الكلام معايا عشان متلاقيش منى رد فعل يزعلك
روقيه / بجد يعنى ده ردك علىا
زياد / من فضلك يا روقيه روحى على قاعتك و نبقى نتكلم فى اللى بتعمليه ده بعدين
روقيه / اسمع انا هستناك بعد الكليه عشان تفهمنى ايه اللى بيحصل
زياد / ربنا يسهل
روقيه / زياد بص انا هكلم بابا و احددلك معاد معاه يوم الخميس ماشى
زياد / مش فاضى
روقيه / وراك ايه
زياد / و انتى مالك ورايا ايه انتى هتنسى نفسك و انتى بتتكلمى معايا اتفضلى على سكشنك
روقيه / كدا
زياد يفتح باب المكتب و يدخل تانى و يقفل الباب وراه و روقيه واقفه بتغلى فنفسها
....................
فى القاعه بعد فتره
زياد واقف و الطلبه بيباركوله روقيه تدخل تقعد و تحط حاجتها
روقيه / هو فى ايه
سها / خطوبه البشمهندس زياد الخميس الجاى و عزمنا كلنا و الشباب بيباركوله
روقيه / خطوبه زياد على مين
سها / فى عيال بيقولوا بنت دكتور اسماعيل رئيس قسم انشاءات هى فى عماره برده بس فى اولى تقريبا و لا تانيه مش فاكره
روقيه / بقى كدا ماشى
...................
فى البيت عند رحيم
محمد / شوفت انا جبتلكوا ايه معايا
رحيم / شكرا
محمد / شكرا
رحيم / رحمه ممكن تاخدى بشرى جوه شويه
محمد / دا الموضوع كبير اوى
رحمه و بشرى يدخلوا جوه
محمد / خير يا سى رحيم
رحيم / هو انا مش ابنك ليه سايبنى طول الوقت كدا انا بحتاجك
محمد / طب مانا موجود اهو وقت مهتعوزنى ساعتين و هكون موجود
رحيم / ايوه يا بابا بس انت مش عايش معانا طول الوقت فى اسكندريه طول الوقت بعيد مش شايف القرف اللى ابنك عايشه مش قادر اتحمل ماما طول الوقت مبترحمش رحمه و انا مش بقدر ارد لانها فى الاول و الاخر امى و حتى العيله اليتيمه اللى جوه مبتسلمش منها و لا عبير عماد تعب مش قادر يسيطر على مراته لانها قدامه مبتنطقش و لما بيعاتبها بتعمل فيلم و مره غضبت و راحت عند امها يا بابا احنا ....
محمد / ايوه يا رحيم انا جبان انا عشان عمرى كله فى الهم ده و كان اخويا و امى بيشيلوا عنى بس دلوقت ماتوا و سابونى و معدتش قادر مش قادر اتكلم مع امك و انا عارف ان اسلوبها و طبعها ده اللى قتل امى مش قادر استحمل مرات اخوك اللى فاكره انها ورثتنى بالحياه و فى نفس الوقت مش قادر اشوف اخوك و هو بيتعزب مع واحده مبيحبهاش لمجرد ان عنده منها ابن و خايف عليه و الاكتر يا رحيم مش قادر اشوف ابنى و هو بيكدب على مراته و فى الاخر جاى يلوم امه انها بتشيلها المسؤليه
رحيم يبص لابوه و يبرق
محمد / ايه فاكرنى مش عارف اللى انت و اخوك عملتوه متبصش كدا عماد محكاليش حاجه عماد كان مخبى التحاليل بتاعتك فى درج فى المكتب تحت و المفتاح معايا انا و هو بس فتحت و شوفته بالصدفه و لما سالته حكالى كل حاجه فسكت
رحيم / كان المفروض تنصحنى
محمد / كنت انصحك لو طلبت نصيحتى لكن انت لا جيت و لا سالتنى انت نفذت من دماغك يبقى تكمل و لما تحتاج مساعده انا هكون موجود
رحيم يتنهد
محمد / انا مش وسطيكوا اه بس انا جنبكوا عارف اخباركوا و بحاول اساعدكوا طول الوقت بس من بعيد انتوا كبرتوا و تدخلى فحياتكوا مش حاجه حلوه بس اوعى تفتكر ان ابوك ناسيك او هربان من مسؤليته نحيتك
رحيم يبصله و يسكت
محمد / قوم نادى لمراتك خلينى اقعد معاكوا شويه قبل منام ورايا سفر بكره
رحيم يهز راسه
............................
فى بيت زياد بعد فتره
زياد و ابوه الدكتور محمود و زوجته عالسفره بيتعشوا تليفون زياد يرن يكنسل يرن تانى يكنسل
والدته / مين يا حبيبى
زياد / دى طالبه فى المشروع تلاقيها بتتصل تسال عن حاجه
محمود / طب رد عليها يمكن محتاجه حاجه فعلا
زياد / عن اذنكوا
...........................
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق