رواية البلطجي الفصل الحادى عشر والثاني عشر والثالث عشر والرابع عشر والخامس عشر بقلم ولاء حامد حصريه في مدونة قصر الروايات
رواية البلطجي الفصل الحادى عشر والثاني عشر والثالث عشر والرابع عشر والخامس عشر بقلم ولاء حامد حصريه في مدونة قصر الروايات
الفصل الحادي عشر
هارون راح شغله زي كل يوم بس صابره من اول اليوم وهي حاسه بتعب بس معندهاش رفاهية التعب والراحه اتحاملت على نفسها وكملت شغلها وفي لحظه القضا عمى البصر حست ان عنيها زغللت
هارون:مالك يا ماما شكلك تعبان ووشك عرقان
صابره مسحت وشها بطرف الطرحه وابتسمت بتعب لابنها: لنا زي الفل يا حبيبي الشمس بس حاميه شويه
هارون:طيب اقعدي ارتاحي انتي وانا هاكمل شغلي وشغلك
صابره:لو حسيت بتعب هاقعد يلا بقى خلينا نشهل اومال ورانا شغل ومصالح ناس متعطله
هارون رفع شيكارة الرمل على كتفه وطلع بس التعب كان أتمكن من صابره وحست ان الدنيا بتلف بيها وقبل ما حد يلحقها كانت وقعت من على السقاله
هارون بفزع: ماما ماما فوقي يا ماما والنبي هارجع اقول لاخواتي ايه
ايوب: اهدا يا بني خلينا ننقلها المستشفي ربك يستر وهي موقعتش من مسافه عاليه اوووي
هارون شال امه ورفض ان حد يلمسها
ايوب: يا ابني خلينا نساعدك علشان نلحقها
هارون بحده وحسم: محدش يلمس امي انا منيش عويل
وراحوا المستشفي
هارون وهو شايل امه بجنون: دكتور دكتور امي بتموت يا ناس
الدكتور:هاتها بسرعه على الطوارئ
دخلو وهارون واقف هو وعم ايوب هارون ساند راسه على الحيطه والخوف والرعب بياكلو قلبه الخوف من اللي جاي الرعب من فقدانها زي ابوهم مش هايقدر يعيش مراره اليتم تاني
ساعه مرت بعمر كامل على هارون لحد ما الدكتور طلع اخيرا
هارون بلهفه: طمني يادكتور امي عامله ايه
الدكتور :الحمد لله وبص لعم ايوب اتفضل حضرتك معايا دقايق
هارون مسك الدكتور من دراعه: اللي جوه دي امي انا مش امه هو قولي اللي فيها مانيش عيل قدامك
ايوب هز رأسه للدكتور
الدكتور: للأسف الوقعه عملت كسر في العمود الفقري ونزيف داخلي والامكانيات هنا متسمحش بحالتها محتاجه مستشفي خاص ودي تكلفتها عاليه جدا
هارون:كام يعني
الدكتور: مش اقل من ربع مليون جنيه
هارون بتصميم هانقلها بإذن الله وخد بعضه وطلع من المستشفى
ايوب: رايح فين يا ابني وهاتنقلها ازاي دول مش كام جنيه دول الوفات مؤلفه هاتجيبها منين يا ابن إمبارح
هارون بشموخ:من مال ابويا المسروق وسابه ومشي
ايوب حاول يلحقه لكن معرفش
هارون مشي بنار بتحرق قلبه وروحه محسش بطول الطريق وطول المشوار ورجليه خدته لحد بيته بيت ابوه اللي اتسرق واتنهب واطردوا منه طردة الكلاب
فضل واقف قدام الباب وذكريات حياته كلها بتمر قدام عنيه دخلت ابوه شقاوه أخواته حنيه امه دفا البيت كل داه خدوه بدون وجه حق
هارون بغضب: لحد هنا وكفايه اوووي وخبط على الباب برزع
رفعت فتح الباب ووراه رقيه ودريه
رفعت بسخريه: ايه اللي رجعك يا ابن صابره
هارون برأس مرفوعه:انا ابن أحمد المالكي اللي ان قل جسمي ما يقل اسمي
رقيه بسخريه:والله وطلعلك صوت ياض وبقت العيال تيجي تتنطط على اسيادها
هارون بغمزه: سيدي في القبر من ايام مكنتو عيال متعلقين على كتف ابويا
دريه: شوفي يا اختي الواد بجح ولسانه زي الطرطقه
هارون:راجل من ضهر راجل زمان ابويا شال شيلتكم وابنه شال شيلته لولا ابويا كان زمانكم على الله حكايتكم
هارون نجح انه يعصبهم
رفعت بعصبيه وصوت عالي: عايز ايه واخلص عشان تغور من هنا
هارون بحده: عايز فلوس من شقى ابويا اللي شفطوه في كروشكم امي بين الموت والحيا ولولها لا كنت جيت ولا خطيت عتبتكم
رفعت زقه وقعه على الأرض غور ياض روح اشحت في حته تانيه بعيد عن هنا يحنن يا ابن امك
رقيه بسخريه: تؤتؤ كده يا رفعت الواد جاي يشحت واحنا قلبنا كبيير اوووي
وطلعت خمسه جنبه ورمتها على هارون اهي اول صدقه ابقى روح كمل الباقي على أبواب الجوامع
هارون بجبروت:هاخدها بس عارفه ليه عشان عجلة الدنيا خدتكم على حجرها وبكره تلف وتجيبكم على حجري ويومها هاحطها في ايدك وتتردلك من تاني ويبقى الحق رجع لأصحابه ولفت ضهره ومشي وسابهم مبرقين وراه
رفعت بحده سكع باب البيت
رقيه بقلق: الواد يتخاف منه الواد شوكته قويه ولازم تتكسر عشان يعرف ان الله حق وميفكرش الواد داه جبروت وقلبه ميت
دريه نبعتله بلطجيه يدقو عضمه في لحمه
رفعت عفارم عليكي دماغك صحيح متكلفه
رقيه بتهكم: اتوكس منك لهيا عشان يقدم فينا ويخلي اللي ما يشتري يتفرج علينا ومتنساش اننا اقنعنا رأفت بعد مرار طافح بلاش تهدو كل اللي بنيناه السنين اللي فاتت دي كلها
دريه خلاص نلبسه مصيبه ونغوره ع اللومان
رقيه اكتمي خالص متنسيش انه شايل اسمنا ويعرنا
رفعت حيرتيني معاكي اومال عايزه توصلي لايه اصل الواد داه مينفعش يتساب كده طايح في الكل
رقيه بخبث سهله وديتها امها وابوها الفلوس
رفعت رسيني على الدور واللي بيدور في دماغك
رقيه الواد داه عايز يتروق عليه بس من بعيد لبعيد ومن غير ما يتمس اسمنا فيها
رفعت: ايو اللي هو ازاي يعني
رقيه انا اعرف امين شرطه في القسم قرشين يجروه من قفاه ويعملو معاه الصح هناك يطلعوه ناسي اسمه
رفعت طيب مهي دريه قالت كده وانتي قولتي الاسم السمعه وكلام عامل زي طظ فش
رقيه طول عمرك غبي وعقلك في كعب رجلك انا بقول نروقه من بعيد لبعيد يعني قرشين يترمو لأمين الشرطه ورشه على المساجين واروصتين سجاير والواد يدخل هناك يتروق من غير ما اسمه يتذكر في ورقه يعني دخل وطلع من غير اي إثبات
رفعت: يخربيت شيطانك يا بت دانا بقيت بخاف منك
رقيه لو فكرت تخون خاف طول ما انتا ماشي في السليم تمام
رفعت :ماشي كلامك بس هانعملها ازاي
رقيه انا عارفه الواد داه عايش فين هو وأهله
رفعت بصدمه:ازاي
رقيه بغموض هو انتا فاكر اني بسيب حاجه تعدي من تحت رجلي تبقى غلطان يوم ما اطردوا كنت باعته اللي قاطرهم نعرف بس الواد هايبقى لوحده أمته عشان نضرب ضربتنا ومحدش يحس اصل لو حد حش لو شم خبر هاييجي ويسأل ويطقأس والموضوع يتفضح
رفعت:يابت انتي دماغك دي فيها إيه
رقيه بمكر: فيها كتير من كتر اللي شوفته في الدنيا
رفعت بضحكه عاليه: يا بت يا بت عليا انا الكلام داه انتي عشتي الحلو كله دانتي مشوفتيش يوم وحش ولا دوقتي المر حتى لما كبرتي مكنتيش بتشلي الياسمينه من الأرض واحمد اللي كان بيعمل
شغل البيت
رقيه بإنهيار: شوفت الكسره لما جوزي طلقني بسببها دوقت حرقه القلب لما خد عيالي من حضني واختفى بيهم
دريه بمكر: خلاص يا حبيتي قطعتي قلبي اهي خلاص هاتغور ونرتاح منها ادعي بس ربنا ياخدها بدري بدري
هارون مشي وهو متبت على الخمسه جنيه في ايده وعنيه عامله زي النار رجع المستشفى
عم ايوب: طمني يا ابني عملت إيه
هارون بوجع وحزن : العمل عمل ربنا يا عم ايوب
عم ايوب بحزن من حاله: معلش يا ابني كنت عايز اقولك قبل ما تمشي ان اللي ياكل مال اليتيم وهو عارف ان نار في جوفه عمره ما يخاف الله ولا يهاب عباد الله
هارون بشر: كل قوي وفيه اللي اقوي منه كل جبروت وفيه اللي يكسره ويذله داه وعد وعهد خدته على نفسي
عم ايوب طبطب على كتفه سلمها لله وانا هحاول اتصرف
الدكتور: المريضه فاقت
هارون اتحول حاله في ثانيه للهفه:عايز اشوفها ارجوك
الدكتور: تمام بس مطولش عشان كتر الكلام غلط عليها
هارون بلهفه: متخافش اطمن عليها بس
دخل هارون جري شاف امه راقده لا حول ليها ولا قوه
هارون بصوت مبحوح من كتمه الدموع: ماما فوقي اوعي تسيبيني لسه الطريق طويل يا صابره
صابره فتحت عنيها بتعب وابتسمت بضعف: قول يارب خلي إيمانك في ربك كبير واوعى تيأس مهما قفلت الدنيا أبوابها اعرف ان ربك هايسخرلك كل عباده طول ما انتا ماشي في طريقه
هارون :حاضر ارتاحي انتي بس ومتجهديش نفسك
صابره: روح اخواتك لوحدهم انتا راجلهم
هارون برفض:مش هاسيبك
صابره:عشان خاطري انا مش حمل مناهده الله يكرمك فكر في اخواتك هايعملو ايه وانا وانتا غايبين
هارون تحت اصرار صابره :حاضر بس الصبح من النجمه هاجيلك
صابره:ماشي بس خد اكل لاخواتك وانتا مروح اوعى تنسي
هارون شاور على عنيه:من عنيا عيني اليمين زاد وعيني الشمال ميه
صابره بإرتياح: روح يا ابني الله يرضى عليك
مشي هارون ووجع الدنيا بينهش فيه وخد الاكل لاخواته
هنا اومال ماما فين يا هارون
هارون بتعب لما اخواتك ينامو هاقولك
هنا طيب مش هتاكل لقمه معانا
هارون بنار طالعه من جوفه:ماليش نفس
هنا بصتله بقلة حيله وسكتت
هنا طيب طمني ماما بخير
هارون بص لاخواته الصغيرين وهمس بصوت واطي :ماما في المستشفي العام
هنا بشهقه: يالهوي ايه اللي حصل
هارون حط ايده على بوقها: هوششش ايه تعبت واتحجزت هناك الصبح هاخدكم ونروح لها
هنا بخوف :ماشي طيب طمني
هارون بتنهيده اطمني ان شاء الله خير
طول الليل وهارون بيتقلب على جمر برغم التعب والشقى لكن الخوف اكبر من انه يستسلم لراحه جسمه
هنا صحيت مالك يا هارون انتا لسه منمتش لحد دلوقتي ليه
هارون بشرود ما ينام إلا خالي البال
هنا ضمته بأمومتها الفطريه الصغيره مش قولت ماما كويسه
هارون غمض عنيه يمسك دموعه ان شاء الله
مر الليل ومع اول خيوط النهار صحى اخواته وفطرهم وجهزهم وشال جنا ومسك ايد حسام وهنا مسكت ايد حسام التانيه لحد ما وصلو المستشفى وهارون دخلهم عند امهم
هنا بإستغراب:مالك يا ماما هارون قال انك تعبتي مقالش انك تعبانه اوي كده
صابره بإبتسامه طلعت بضعف:متخافيش انا كويسه خلي بالك من اخواتك يا هنا
هنا بدموع: مالك يا ماما كلامك بيخوفني اوووي
صابره:اللي معاه ربنا مبيخافش واحنا مؤمنين بربنا صح ولا ايه يا هنون
هنا هزت رأسها: انا هاصلي كتير وادعي ربنا يشفيكي وترجعي تاني لينا
صابره بإرتياح:ايوه عايزاكي دايما لما الدنيا تضيق بيكي تروحي لربنا تصلي وتدعيله وتشكيله اوعي تشتكي للناس فهمتي يا هنا
هنا بطاعه: فهمت يا ماما بس انتي خفي بسرعه
صابره:قولي يارب
هارون:هنا خليكي مع ماما وانا هاروح اشوف عم ايوب
هنا حاضر
هارون:وخلي بالك من اخواتك
هنا حاضر هاخليهم جمبي مش هاسيبهم لحد ما تيجي
مشي هارون وقابل عم ايوب
عم ايوب: امك عامله ايه يا ابني
هارون:هاتعمل إيه على حطت ايديك وانا واقف عاجز في النص
عم ايوب بحزن للي صابه: انا كلمت كذا حد من معارفي وبمشيئة المولي نقدر ندبر جزء من الفلوس
هارون بكسره:على اخر الزمن هانشحت
ايوب: ربنا خلقنا نكمل بعض القوي عشان يحمي الضعيف
الغني عشان يساعد الفقير
هارون:الله كريم هاروح انا عشان اخواتي مع امي في المستشفي وانا عوقت عليهم
عم ايوب:ماشي وانا على اخر النهار هاعدي عليكم هاروح بس اطل على العمال واشوف الشغل ماشي ازاي داه مال وأرواح ناس يا ابني متعلقه في رقبتي
هارون: الله يعينك ويقويك يا راجل يا طيب
وسابه ومشي كل واحد في اتجاه
وأول ما بعد وبقى لوحده لقى نفسه مشدود في عربيه
محسش الا وهو في الحبس
هارون حس بخبط في جسمه بداء يفوق ويتلفت حواليه لقي اكتر من 5 رجاله مرسوم على وشهم الإجرام
بشله بصوت اجش غليظ: قوم قوم يا حيلتها انتا وقعت ياض ولا الهوا رماك الباقيين ضحكو كل داه
وهارون واقف ثابت متهزش ثانيه : اللي زيي وقوعه زي وقوع الجبل يتهد فوق رأس اللي يعاديه
شلاطه بسخريه: ايه يا نوعه توهت من ماما متخافش احنا هانهننك وندلعك ونوديك لماما
هارون بنفس السخريه :طب الحمد لله انا عارف ابويا وامي انتا بقى تعرف ابوك وامك ولا لقيوك في مقلب زباله
جنش: الله الله الله الحقوا يا رجاله داه العيل طلعله لسان وبيرد ايه ياض ابوك وامك مقالولكش عيب ترد على الاكبر منك
هارون بشر: لاء ابويا قالي عيب عليك ماتردش على ابن الحرام اللي امه مردتش باب بيتها
حكوره: مين اللي ابن حرام ياض انتا عارف بتتكلم مع مين
هارون: بتكلم مع واحد محدش عارف اورعة راس ابوه مين
سنجه: عليا الحرام ما هحلك ياض
حوكشه دانتا جيت لقضاك
هارون: العمر واحد والرب واحد وبدئت معركه دمويه قدر يتصدى هارون ليها بعض الوقت بس الكتره تغلب الشجاعه
واتضرب هارون بعنف والغريب انه كان متحمل على نفسه لأقصى درجه استغرب منه الكل
شلاطه بعصبيه: ياض انتا ايه جبروت
هارون بسخريه وهو بيمسح الدم اللي نازل من بوقه ومناخيره بكمه: انا والوجع حبايب وأصحاب وعشرة سنين يعني اعمل ما بدالك اخرك هاتكسر هاتجبر واقوم على حيلي تاني اصلي اتعودت ان الضربه اللي متكسرش تقوي
بصو لبعض
جنش: كفايه عليه كده يا شلاطه لو تقلنا العيار الواد هايموت في ايدينا قالولنا ربوه مش موتوه
هارون بصلهم بتهكم وقعد وسند ضهره على الحيطه ببرود وسكت بس عقله مع أمه وأخواته
عم ايوب راح اخر النهار يشوف صابره ويطمن عليهم
عم ايوب: عامله ايه يا بنتي
صابره بتعب: رضا الحمد لله اومال فين هارون مجاش معاك ليه
عم ايوب بإستغراب :ازاي داه داه سابني مم الضهر وقالي انه جايلك
صابره بقبضه قلب: ابني الواد راح فين يا عم ايوب
عم ايوب بتهوين: اهدي يا ام هارون هاتلاقيه هنا ولا هنا بيحاول يتصرف ويدبر فلوس
صابره بصراخ رغم تعبها:مش عايزه فلوس ولا زفت عايزه ابني احب على ايدك شوفه فين وهاتهولي
عم ايوب: حاضر يا ام هارون
صابره بصت على عيالها ودموعها خانتها
عم ايوب فهم اللي في دماغها :متخافيش انا هاخدهم معايا يقعدوا مع ام مصطفي لحد ما اشوف هارون فين واجيبهولك
صابره وافقت غصب عنها متقدرش تسيب العيال لوحدهم في المكان اللي سكانين فيه
خدهم عم ايوب وراح بيته
ام مصطفي :خير يا ايوب ايه اللي جاب عيال الست صابره معاك
عم ايوب قعد على الكنبه: الست صابره في المستشفى وقعت من على السقاله امبارح وابنها الكبير محدش عارف راح فين قولت يقعدوا هنا لحد ما نشوف صرفه
ام مصطفي بصتلهم بحزن:كبدي يا بنتي ملحقتش تفرحي في دنيتك لا حول الله يارب انا هاقوم احطلهم لقمه يسندو بيها قلبهم ويتقوتو بيها والصباح رباح
مرت 4 أيام وهارون في الحبس كل يوم يتضرب ومقالشي مره أي
وداه جننهم اكتر وبقوا يزودا الضرب وهو ولا كأنه معاهم كأنهم بيضربوا في حيط لفت انتباه كبير السجن من اول يوم
شلاطه قام يكمل فيه ضرب وقفه صوت ثبته مكانه زي المسمار
جابر بفزعه:مكانك لو خطيت خطوه هاخلي رجلك تحت الارض وانتا فوقيها تتحسر عليها
شاور جابر لهارون:تعالي ياض
هارون بعزه نفس :اللي عايزني يجيني مبقومش لحد
جابر بصله بإعجاب:طب تعالي ومش هاتخسر قوم قوم وليك الأمان
هارون:أماني دراعي وخسراتي في صحتي
جابر قام لاء عجبتني وكيفتني وتستحق اجيلك ولو انها كبيره اني اروح لحد بس عقلي بيقولي انك عصب وتستاهل
وراح وسنده لحد ما قام تعالي اقعد معايا وقعدوا في مكان المعلم جابر اللي مفيش نفر في السجن يستجري يهوب يميته
جابر :ايه حكايتك بقالك اربع أيام بيتصبح ويتمسى عليك وكلت ضرب لو كله حرامي جزم في جامع يوم جمعه كان تاب
هارون :ليه
جابر :مش هانخش لبعض افيه محسوبك جابر الحنش
هارون:حنش
جابر بفخر:اه اصلي كت حاوي قبل ما ادخل الكار كان كيف عندي اربي التعابين والعقارب ومحوي منهم وعلموني وشوش الناس
هارون غريبه مع ان شكلك يعني
جابر بتكمله: سوابق وكمل بفخر ومسجل خطر وانا واللومان حبايب وأصحاب داه بيتي التاني اه وليه فيه بورش مخصوص
هارون مط شفايفه برغم ورمها: امممم
جابر ايه حكايتك بقى جاي ومتوصي عليك ومدفوع فيك كتير
هارون بصله وسكت
جابر كمل: طلع اللي في جوفك لو فضل جواك هايفضل حمل والحمل لو زاد يخلي صاحبه ينخ لحد ما يبرك
هارون خد نفس ومحسش الا وهو بيحكي لجابر كل حاجه في حياته من اول ابوه اللي ربى أخواته لحد ما استخسروا فيه الحياه ولحد ما مات واللي جرالهم من بعده
جابر قام منطور: يا دين النبي ايه داه يا جدع انتا متأكد من انهم اخوات ابوك دول اولاد حرام يا جدع ايه من نسل ابليس مش من نفس الضهر والبطن ولا ايه
هارون من نفس البطن بس البطن قلابه جابت كلاب وجابت ديابه
جابر عندك حق بس مستغرب ايه اللي رماك هنا وجاي في إيه تهمتك إيه
هارون رفع كتافه:معرفش كنت رايح لأمي المستشفي ولقتي عربيه خدتني ومحستش الا وانا بفوق هنا
جابر:يعني لا فيه محضر ولا دياولو
هارون:لاء
جاير يعني لا روحت لظابط ولا مأمور
هارون:بردوا لاء
جابر يا أولاد الابالسه انا كده فهمت الفوله
هارون كش حواجبه:فهمت إيه
جابر جابوك مدفوع فيك يعني لا دخلت ولا عتبت هنا يروقوك من غير ما يمسهم غبار يعني يوم ما تشتكي اثبت فهمت
هارون :يا أولاد الكلب
جابر مش بقوله تفكير ابالسه
هارون :والعمل امي عايز اطمن عليها زمانها هاتموت عليا
جابر: متخافش اللي بلغنا انك قاعد اسبوع يتروق عليك بس من الساعادي انتا في حمايتي وعالى صوته هارون في حمايه المعلم جابر الحنش واللي امه فقدته يقرب ويمس طرفه
سنجه بس يا معلم الأمين اللي جابه مش هايكست
جابر بإجرام آخره معايا عربيه طايشه ويبقى قضاؤً وقدر
وبص لهارون اسمعني ياض الدنيا دي فريسه وصياد الضعيف يعيش طول عمره خايف فريسه لغيره والقوي صياد وصياد شاطر يعرف يختار فريسته ويصطادها صح فأنتا اختار تبقى فريسه غيرك ياكل ويتمرمغ فيها ولا تبقى صياد تختار عدوك وتجيبه على طبق من دهب وتقعد وتتكيف وتتسلطن وانتا بتفصصه وتتمزج وانتا بتمصمصه
هارون بصله بنظره غريبه
جابر ابتسم: جوابك بان في عينك قبل ما ينطقه لسانك براو عليك اسمع مني زوبد الدنيا القوي فيه الاقوي منه الغبي اللي يحسب نفسه قوي واخد الحق حرفه ومعلمنه لو خدته بالدراع يا هاتكسر سا هاتتكسر ولو خدته بالعقل هاتفضل صاحي 24 ساعه تحسب وتفكر يبقى ايه
هارون بإنصات:إيه
جابر:تخلي عدوك يأمن انك ضعيف ويطمن وانتا مرقدله من تحت لتحت ميغبش ولا يخفى عن عينك لحد ما تعرف زواريقه وتدخل تخبط خبطتك وتقعد تتفرج وتضحك ولا من شاف ولا من دري
خليك جبروت منين ما يتذكر اسمك يرعب اللي قدامك يتعمله الف حساب خلي ليك شنه ورنه اكبر واحمي واتحامى في الكبير خليك نصير الضعيف وجبروت على الظالم اتقوى برجالتك
هارون بعنين بتلمع بالاعجاب هز رأسه من غير كلام
ومرت ال 3 أيام الباقيين على هارون في هدوء كان جزء من كدمات
وشه خف بس قلبه هايموت ويطمن على امه وأخواته
يا ترى هارون مصيره ايه...؟
وصابره هاتعرف باللي صاب ابنها ولا لاء....؟
يا ترى اللي جاي مخبي ايه تاني......؟
يتبع
الفصل الثاني عشر
طول الاسبوع صابره مبطلتش تسأل على هارون
صابره بتعب: ابني فين يا عن ايوب قلبي بيقولي ان ابني في ضيقه
عم ايوب: يا ام هارون ابنك في الشغل طالع عينه ليل نهار وواخد باله من أخواته وانا كل يوم بجيبلك العيال الله يعينه على شيلته
صابره رفعت عنيها للسما:يارب وفقه منين ما يكون وسخرله عبادك الطيبين وفك كربه يارب
عم ايوب بصلها وصعب عليه حالها ودعي بينه وبين نفسه:ربنا يردك يا هارون يا ابني ويحميك من اولاد الحرام
مر الاسبوع وعرف جابر ان هارون هايطلع انهارده
جابر قرب منه: منين ما الدنيا تضيق بيك روح الباطنيه واسأل على المعلم جابر الحنش والحصى في الارض هايدلك عليا واسمعها من ياض اخر نصيحه يا عالم الوشوش هتتقابل تاني ولا لاء الناس في الدنيا نوعين ازاز( زجاج) وحديد وخبطت الدنيا مبتوعرش بس خبطة الدنيا في الازاز تكسره وتخليه فتافيت
بس خبطة الدنيا في الحديد تكسر ايد الدنيا
اوعى تخلي جنس مخلوق يكسرك او يحس بس بكسرتك انتا عصب وقوي راجل بجد معدنه ميتوجدش دلوقتي
هارون :ازاي وانتا هنا
جابر:متخافش ياض كلها كام يوم وانور الأسفلت بطلتي من تاني
وفعلا بالليل طلع هارون وأول ما رجله خطت بره السجن لقي عمه رفعت في وشه
رفعت بفرحه من منظر هارون: دي قرصه ودن عشان تعرف بتعلب مع مين
هارون:كانت قرصه نمله ومسيري هافعصها اللي دخل هنا وشاور على القسم هارون احمد شافع المالكي واللي طلع الشيطان هارون اللي بيجري بالشر ورا ابن آدم ومشي خطوتين واتلفت واه شكرا على حسن الضيافه صحيح الفراخ كانت بيضا مش بلدي بس اهو كله من مال ابويا ومسيره راجع راجع
وسابه ومشي في طريقه
رفعت اتصدم من رد هارون كان جاي وفاكر انه هايشمت فيه ويشوف كسرته وذله بس شاف جبروت قدامه مش عيل مراهق
هارون رجليه خدته بسرعه على المستشفى وطلع جري على اوضه امه وفتح الباب ودخل
صابره بلهفه:ابني ضنايا كنت فين يا ابني غبت داه كله عني ليه يا ابني
هارون:حقك عليا والله غصب عني ميحوشنيش عنك إلا الشديد القوي
صابره بصتله وشافت الكدمات اللي ماليه وشه :ايه اللي جرالك ومال وشك متشلفط ليه كده
هارون خد نفس وملامح وشه اتحولت لشر مستعر في عنيه: خناقه وانا جاي من الشغل متخافيش يا ام هارون انا عصب والعصب مبيتكسرش
صابره بخوف:حلفتك بالله اوعي وطريق الشر انا شايفاه وقرياه سيبهم يا ابني ربك يمهل ولا يهمل وهما واكلين نار في جوفهم هاييجي يوم وتحرقهم
هارون بنفس وضعه: فعلا هاييجي يوم وتحرقهم
صابره بخوف ودموعها نزلت: من عند ربنا مش بإيدك حلفتك بالله
هارون بمهاوده: متخافيش يا ماما هاسيبك واروح اشوف اخواتي
صابره داه عم ايوب خدهم يروحهم
هارون بصلها وفهم وسكت:ماشي هاروح عشان زمانهم لوحدهم وبكره هاجيبهوملك
وسابها وراح لبيت عم ايوب اللي اول ما شافه اتصدم
عم ايوب: هارون :مالك يا ابني كنت فين كل داه وجاي متبهدل كده ليه
هارون: حكايه طويله متشغلش بالك بيها المهم عايز اعرف اخواتي فين
عم ايوب:جوه عندي خفت اسيبهم لوحدهم يا ابني
هارون بإمتنان: تشكر يا عم ايوب جميلك في رقبتي ليوم الدين
عم ايوب: عيب عليك انا بعدك من عيالي
هارون:داه العشم طيب ناديهوملي عشان نروح
عم ايوب:طيب ما تخش وتبات معاهم والصباح رباح
هارون برفض :معلش محتاج استحمى وانام عشان اروح اطل على امي بكره
عم ايوب تحت اصرار هارون ندهله أخواته اللي شالهم ومشي بيهم من سكات
ومرت الأيام ومر 3 شهور على حال صابره كل اللي قدر عليه عم ايوب انه يحجزها في اوضه لوحدها بعيد عن العنبر
وفي رابع شهر وهارون مقسم نفسه ما بين الصبح ياخد أخواته يوديهم لأمه المستشفى ويروح شغله ويرجع يطمن على امه وياخد أخواته ويرجع الاوضه الصفيح اللي ساكنين فيها ياخد باله من أخواته وكعادته كل يوم راح لأمه
صابره بوجع أتمكن من روحها وجسمها: هارون قرب
هارون جري بلهفه عليها ايوه يا ماما
صابره وهي بتاخد نفسها بصعوبه اخواتك امانه في رقبتك هسألك
عليها يوم اللقا العظيم خد بالك منهم واحميهم نصيبك يا ابني مصيرك يبقى نفس مصير ابوك بس اوعي تغلط غلط ابوك اوعى تظلم نفسك لغيرك ربيهم واللي يغلط او تداري على غلطه علمهم واوعي تنسى تعليمك كمل تعليمك وحقق حلمك
هارون وهو حاسس احساس بشع :حاضر ارتاحي انتي بس
صابره وهي بتعافر: اسمعني للأخر اوعى وطريق الشيطان يا ابني طريقه آخره هلاك اوعى والمال الحرام داه كل مال نبت من حرام النار أولى به اوعى تدخل جوفك او جوف اخواتك لقمه حرام لجم يا ابني شيطانك بلجام من نار اوعدني انك ايدك عمرها ما تتحنى بالدم وانساهم يا ابني
هارون:اوعدك مش هاظلم حد ولا هاجي على حد بس لو حد جه عليا او على اخواتي مش هارحمه
صابره: ادفني جمب ابوك يا هارون
هارون بدموع بدائت تغلبه :متقوليش كده ابوس ايدك انتي هاتقومي وتكملي
صابره بحشرجه: اشهد ان لا إله إلا الله وأشهد أن محمد رسول الله
وابتسمت ابتسامه جميله وغمضت عنيها وارتاحت من وجع وعذاب الدنيا
هارون بصدمه ودموعه غلبته ونزلت هزها بالراحه :ماما يا ماما قومي انتي سكتي ليه يا ماما
هارون بصراخ ضمها لحضنه: ماما قومي يا ماما دانتي اللي مصبراني
دخل الدكتور على صوت هارون جري هو والممرضه وفي دقيقه غمض عنيه وشد الملايه على وشها البقاء لله
هارون حياته وقفت عند الكلمه دي
هارون بص للدكتور وبص على السرير اللي راقد عليه جثمان امه ووجع الدنيا اتملك منه حس انه روحه بتتسحب
طلع الدكتور وساب هارون اللي تايه في دنيا لوحده
هارون فضل قاعد قدام جثه امه ومش مصدق
فضل على حاله وقت طويل حس انه خسر خسر في معركه الدنيا هو بيحارب ليع وعشان مين كان عنده استعداد انه يفضل يحارب بس تفضل جمبه تقويه قربت هنا منه وهي ماسكه ايد جنا
هنا ببراءه :هي ماما هاتفضل نايمه مش هاتصحى بقى علشان تقعد تتكلم معانا زي كل يوم ونحكيلها عملنا ايه امبارح
هارون بصلهم وحس بحسره في قلبه ونفسه ضمهم لحضنه وعنيه باصه قدامه ودموعه نازله بحسره قي صمت
في الوقت اللي كان هارون تايه كان عم ايوب بيدور عليه في الشغل
عم ايوب :ايه يا رجاله محدش شاف هارون
واحد من العمال:لاء والله مجاش يا ريس
ايوب في نفسه غريبه دانا مأكد عليه إمبارح حسم أمره وراح يشوفه في المستشفى
وأول ما وصل عرف الخبر طلع يجري على اوضه صابره
عم ايوب بحزن:هارون يا ابني
هارون رفع عنيه وهو ضامم أخواته قدام جثه امهم
عم ايوب: وحد الله يا ابني امر الله لله ما أعطى ولله ما أخذ وانا لله وان اليه راجعون
هارون بحرقه :امي امي يا عم ايوب امي
ايوب بص للعيال الصغيره: وحد الله عشان اخواتك دول لسه ميعرفوش مراره الموت
هارون بحرقه:عرفوه وعاشوه يا عم ايوب ومصيرهم اتكتب خلاص
عم ايوب: شد حيلك واصلب طولك وخلينا نسلم الأمانه يا ولدي لربنا اكرام الميت دفنه
هارون: مش هاقدر احطها بإيدي في التراب واغطي عليها
عم ايوب: امر الله يا ابني ومصير محتوم لكل ابن آدم
يلا يا ابني نخلص اللي ورانا
هارون بص على جثه امه وعلى أخواته
عم ايوب انا هاطلع اخلص الورق وجيلك
طلع وبداء يخلص أوراق تصريح الدفن
واتصل من المستشفى على تليفون بيته
عم ايوب بحزن: ايو يا ام مصطفي تعالى وهاتي العيال معاك وانتي معديه هاتي كفن
ام مصطفي بشهقه: أعوذ بالله اجيلك فين يا راجل بكفن
عم ايوب بحزن وحرقه:المستشفي ام هارون تعيشي انتي
ام مصطفي بصرخه: يا بنتي يا شبابك اللي ضاع يا ضنايا
عم ايوب:متعوقيش انا واقف بطولي وابنها تايه في ملكوت ربه مع اخواته وابعتي مصطفي الشغل يبلغ العمال باللي جرا ويحصلنا
ام مصطفي بدموع: حاضر حاضر يا اخويا
وقفلت ونص ساعه وكانت جات كان هو خلص كل الورق
ام مصطفي دخلت على صابره ودموعها مغرقه وشها: يا بنتي الله يرحمك يا ضنايا الله يبرد قلبك ويرجع حقك ويحرق قلب كل اللي اتسبب في موتك يا بنتي
قربت من هارون اللي على وضعه من وقت طويل ضامم أخواته وباصص على امه اللي راقده جثه فارقت كل معالم الحياه
ام مصطفي:هات يا ابني العيال اوديهم البيت عندي احنا لسه ورانا غسل وصلاه ودفنه ودول عيال حرام
هارون رخى ايده وخدتهم وطلعت لعم ايوب اللي خدهم وبعتهم بيته
ودخلت ام مصطفي وممرضه تانيه علشان يطلعو هار ن علشان يبدائوا يغسلوها
هارون طلع وقعد ساند راسه وشارد
عم ايوب: عندكم مدافن يا ابني ولا ندفنها عندنا
هارون بشرود: وصت تندفن جمب ابويا
عم ايوب: يا ابني اهل ابوك مش هايرضو كفايه اللي صابكم من تحت رأسهم دول واخدين الدنيا بالدراع خلينا ندفنها في تربنا من خاف سلم يا ابني
هارون وقف بجبروت:وصيه امي هاتتنفذ ولو على رقبتي
وسابه ومشي جري وراه ايوب حاول يلحقه بس ملحقش
هارون رجليه خدته لحد الباطنيه وأول ما وصل سأل واحد معدي: الاقي فين المعلم جابر الحنش
الراجل سمع الإسم وجتته كلبشت:عندك على القهوه اللي ع الناصيه دي وشاورله عليها
وسابه وجري
هارون راحله وهو مكسور وقف قدامه وبصله بوجع
جابر قام منطور: هارون ليك شوقه يا جدع دانا قولت نسيتني
هارون وعنيه مرغيه بدموع
جابر بصله بحده: اوعي دموعك تنزل وقتها هاحس ان حكمي غلط دموع الرجال اغلى من الالماظ متنزلش ولو السكينه على رقبته
هارون غمض عينه بحرقه يكتم دموعه: اني ماتت
جابر خد نفس وكتمه ثواني: لا حول ولا قوه الا بالله شد حيلك اؤمر من جنيه ل الف
هارون وعنيه اتحولت لشر مستوره بس عايز انفذ وصيتها
ومحدش يقدر عليها غيرك
جابر ميل رقبته وخبط بكفه عليها: رقبتي سداده
هارون :عايز ادفنها جمب ابويا وعارف انها حرب
جابر: يا مرحب بالمعارك ونادا بصوت عالي
ولا يا جنش
طلع شاب من اللي كانو مع جابر في السجن:اؤمر يا مَعْلَمه
جابر بصوت جهوري رج القهوه وكتم الصوت وحبس الأنفاس: جهز الرجاله لينا طلعه قولهم طلعت مخصوص للمعلم جابر وساعه زمن يكونو قدامي
جنش :عُلم وينفذ يا مَعْلَمه
جابر اقعد ريح جتتك يومك لسه طويل
هارون قعد والحزن بيأكل في قلبه
جابر هيييي دنيا عيش يا ابن آدم مهما عشت مسيرك مفارق
اقل من ساعه وكان اكتر من خمسين راجل بسلاح واقفين قدام جابر
جابر: تركبو وتسبقو على المجاورين في ترب هناك بإسم عيله المالكي تجيبو التربي يدلكم عليها تكسرو القفل وتخلو التربي يجهزها وتجيبو قفل جديد معاكم وانا هاحصلكم يلا
اتحركوا بسرعه زي البرق ينفذوا الأمر
جابر وقف :يلا نروح نخلص اللي وراك ونسلم الأمانه لربها وخبط على كتف هارون بحده عظم الله اجرك
هارون مشي معاه ووصلو المستشفي كانوا خلصو غسل امه وتكفينها
عم ايوب: روحت فين يا ابني عايزين نصلي على أمك ونلحق ندفنها
هارون بهدوء استغرب منه كل اللي حواليه:كنت بنفذ وصيتها مش وصيه الميت واجبه
عم ايوب: واجبه يا ابني طيب يلا كل العمال جم ومستيين
هارون دخل بص على امه نظره الوداع وهمس جنب ودنها وحق رقدتك وفراقك لدفعهم التمن غالي ارتاحي يا غاليه ارتاحي وريحي بالك وقلبك ابنك بقى عملهم الأسود في الدنيا وصلب طوله تاني قفلو اخر عقده في الكفن وحطوها في اللحد وحطوه على ترولي لحد ما طلعوه في عربيه تكريم الموتي وركب معاها هارون لحد ما وصلوا للمسجد نزل هارون ونزلو النعش ودخلوه المسجد صلو عليها صلاه الجنازه وحطوه فب نفس العربيه تاني لطريق المقابر ونزلو عند المقابر
و هارون شال النعش من النص على اكتافه الاتنين وايوب شال جمب من ورا ومن النحيه التانيه قصاد عم ايوب شال جابر
واتحرك وراهم عدد كبير جدا من رجاله جابر والعمال اللي شغالين مع عم ايوب وكانت شغاله معاهم صابره وهارون وأولاد عم ايوب
طلعو صابره من النعش وشالها هارون ونزل بيها حطها في مثواها الاخير وحل عنها عقده كفنها وطلع
كان الخبر وصل لرفعت اللي جاه على ملا وشه علشان يبهدل هارون انه اتجراء ودفن امهم في مقابر عيلته
رفعت: بقى يا ابن الشوارع جاي بعين بجحه تكسر الترب على اللي فيها ومعلمتش حساب لحرمة الميتين ايه متعلمتش من المره اللي فاتت
هارون.بهدوء:اللي كانوا بيربوني ماتو ومن هنا وجاي اللي هايربيني الشارع فخاف من ربايه الشوارع
جابر قرب خير يا شبح داخل تقول يا شر اشتر متقصر الشر ولف وارجع مكان ما جيت اديك شايف احنا واقفين فين داه حتى عيبرفعت انتا مين انتا اصلا وبتدخل بتاع ايه انتا مش عارف انا مين
جابر عارف ابن حرام شوفت عينك كتير مهو محسوبك ابن ليل بردو
رفعت بصدمه كز على اسنانه:لما تترمي في السجن وتعفن على البورش تعرف ان الله حق
جابر بإجرام: وماله انا والبورش حبايب وبينا سابق معرفه طب دانا ليها هناك عنبر خصوصي بس جابر الحنش يوم ما يخطي اللومان مش بيدخله في اي كلام دانا اخطيه المره دي وانا محني كفوفي بدم الانجاس اصلي بحب اساعد عزرائيل
اوع تكوني فاكرني استاذ دانا مسجل خطر لو متعرفنيش اسأل عن جابر الحنش يقولك داه بيشرب الدم بدل الميه
هايا شبح الليل هاتقف تترحم ولا نترحم عليك
وفي ثانيه كان اكتر من 200 راجل موجهين سلاحهم على رفعت
رفعت خاف وكش ومشي بسرعه اشبه بالجري
عم ايوب:نزل السلاح يا ابني انتا في دار البقاء وتحتك اما ملائكه رحمه او ملائكه عذاب
جابر شاور لرجالته واختفت الاسلحه في ثانيه
وقفلو القبر ووقفو يدعولها وطلعو بره المقابر خدوا العزا
وبعد ما انفض
جابر لهارون: عرفت ان عمك يخاف ويكش من القوي
هارون بحزن:عرفت
جابر اسمعها مني انتا شيلتك تقيله وينخ تحتها رجال خليك قدها بس اوعي تكون زي ابوك حبهم بس كب نفسك اكتر أعملهم حساب بس خليهم يعملولك هما حساب خليك ليهم ضهر وهما يكونو ليك غطا ومنين ماتحتاجني عرفت طريقي
ورجع هارون وجاب أخواته علشان يكمل مسيرة الحياه اللي اتحطت على اكتافه وبدئت مسيره الأيام تمر ورا بعضها
رفعت بجنون: بقى الواد ابن الكلب تربيه الشوارع يعلم عليا ااااه يناري
دريه :خلاص يا رفعت خلصنا اهي ماتت وغارت وعيالها بكره ولا بعدو يحصلوها ونخلص منه الموال داه بقى
رفعت بسخريه نخلص قلبك طيب يا اختي داه الواد قلبه ميت وفارد قلوعه وملموم على شويه بلطجيه
رقيه بخبث:اهدا يا رفعت كل حاجه وليها حل
رفعت بزعيق:محدش يقولي اهدا انا قولت الواد السجن هايهده طلع من جوه جبروت محدش يقدر عليه الواد بصته تخوف وملموم على شويه بلطجيه معرفش جابهم من انهي داهيه الواد داه يتعمله حساب. اه دماغه سم مصفي وداهيه من دواهي الزمن
رقيه:يبقى لازم يتكسر
رفعت:قولتي كده المره اللي فاتت ومحوقش فيه حاجه
رقيه بغموض: عشان تكسره تعرف نقطه ضعفه ونقطه ضعفه هما أخواته
رفعت قصدك إيه
رقيه:نجيب البت الكبيره هنا وسطنا وتحت عنينا
دريه بشهقه :نعم نعم يا اختي تجيبيلي مين بنت صابره دانا مصدقت خلصت منهم هما وامهم تقومي تجيبهوملي تاني
رقيه طول عمرك عقلك على قدك حد قالك اني هاجيبها ادلعها لا دانا هاجيبها اكسر بيها الواد داه هاسقيها المرار الوان هاخليها لا تطول الموت ولا تشوف الحياه وكملت بغل هاخليه يدوق الحسره على فراقها وهو واقف متكتف لا طايل سما لا طايل ارض
رفعت: متنسيش انه ملموم على شويه بلطجيه مسجلين سوابق ووش إجرام
رقيه بغل: هامشيها قانوني بعد موت صابره الواصايه لينا ولما نجيب البت نعمل محضر عدم تعرض لاخوها وحلني لما يبلغ السن القانوني ويقدر ياخدها وبصت
دريه بصتلها وعجبها الكلام
يا ترى رقيه هاتقدر تنفذ كلامها ولا للقدر رآي تاني...؟
يا ترى هايقدر يحمر أخواته من الشر اللي حواليهم ولا أضعف من انه يواجهه لوحده...؟
يا ترى اللي جاي مخبي إيه...؟
يتبع
الفصل الثالث عشر
بدئت رقيه أولى خطواتها في انتقام وهمي رسمه عقلها وسخرت كل فكرها وجهدها وعلمها اللي كان بشقى اللي بتنتقم من عياله عشان تقدر تكسر هارون
ورفعت قضيه الوصايه وظبطت المخبرين اللي المفروض يوصلو ورق الدعوه بالفلوس وفضلت منتظره
ويوم الحكم راحت عند قبر صابره ووقفت وابتسامة شماته على وشها
رقيه بشماته وغل :عارفه كان نفسي تبقى عايشه وتشوفي بنتك وهي مذلوله في ايدي بس ملحوقه هافضل ورا عيالك واحد واحد لحد ما ابعتهوملك
وكملت بغل انتي السبب خدتي اخويا مني وخربتي بيتي وزي ما اتحرمت من عيالي هاحرم عيالك من الراحه طول ما انا عايشه
وكملت بهذيان كأنها بتتكلم مع شخص موجود بجد انتا السبب يا احمد دخلتها حياتنا وخدت حقي فيك من يوم ما دخلت بينا وانتا نسيت اني موجوده مكانش لازم تتجوز مكانش لازم حد ياخد حقي فيك ولا يشاركني فيك كان لازم افصل انا رقم واحد في حياتك وبس فرحان دلوقتي انا فرحانه ومش ندمانه
وسابت المقابر ومشيت وتاني يوم طلعت مع قوه من القسم عشان تنفذ الحكم وتتشفى في هارون وتشوف دموعه وكسرته عشان نارها تبرد
هارون الصبح فوجئ بخبط شديد على الباب اللي مش متحمل لمسه
لقي في وشه عساكر ومعاهم ظابط وعمته
هارون نعم
الظابط معانا حكم محكمه بتسليم القاصر هنا احمد شافع المالكي لعمتها رقيه شافع المالكي بموجب الوصايه القانونيه
هارون بصدمه ايه تاخد مين وتديها لمين تعرف عنها إيه دي واكله ورثها ورمياها في الشارع جايه دلوقتي تقول عايزاها دي جايه عشان تذلها دي شيطانه
الظابط: انا معايا حكم محكمه وبنفذه
واخدوا هنا اللي كانت ماسكه في هارون وبتصرخ
هنا بصراخ وجنون متسبنيش ليها يا هارون عشان خاطري
هارون متبت في اخته:محدش هايخدك الا على جثتي
رقيه شدت هنا من حضنه والعساكر كتفو هارون
رقيه ميلت عليه وبهمس: عارف ياابن صابره قلبي بيرقص من الفرحه وانا شيفاك عاجز وهافرح اكتر واكتر لما اخليك تتفرج على اختك وانت بذلها وبموتها بالبطيئ وانتا واقف تتفرج وسحبت هنا ومشيت
هارون قام وصلب طوله وبص للظابط :المفروض انك راجل قانون بس للاسف القانون أعمى مسألتش نفسك مخدتش الا الكبيره ليه وفي اتنين أصغر منها مسالتش نفسك احنا عايشين هنا ليه مسالتش الناس اللي ساكنين هناك هما عملو فينا إيه
ذنب اختي واللي هابجرالها لحد ما اقدر ارجعها في رقبتك ويا عالم هاترجع عايشه ولا ميته بس وقتها هاتكون نجحتوا انكم تحولوني من بني ادم لشيطان حتى لو وصلت للقتل انا بقالي سنين وسنين بشتغل وطفحان الدم عشانهم
الظابط بصله بصدمه من الحرقه اللي بيتكلم بيها والصدق اللي بينطق بيه كل حرف بس هو راجل قانون بينفذ وبس
غمض عنيه ومشي
هارون وقف وفضل يلف حوالين نفسه زي المجنون وقلبه هايقف خد أخواته وطلع يجري على عم ايوب وحكاله اللي حصل
سابو حسام وجنا مع ام مصطفي وراحو للمحامي
المحامي راح معاهم على قسم الشرطه وشاف الورق
المحامى بحزن على اللي بيحصلهم هو عارف حكايتهم من ايام امهم الله يرحمها:للأسف يا عم ايوب مفيش في ايدينا حاجه نعملها الا اننا نستنى بلوغ هارون السن القانوني ونرفع بالوصايه
هارون بصراخ عايزني استنى سنه اسيب اختى في ايدهم سنه
انتو بتقولو ايه دي قالتهالي هاخليك تشوفني وانا بذلها وتتحسر عليها
عايزني استنى ايه استنى لما اخدها جثه ادفنها ولا لما بجننوها
عم ايوب وحد الله يا ابني
هارون :اعمل إيه اعمل ايه يارب وكأن عقله وقف
في الوقت نفسه وصلت رقيه البيت وهي ساحبه هنا وسحلاها في ايديها ورمتها تحت رجلين رفعت ودريه
رقيه:البت دي من انهارده متشوفش راحه عايزاها تشوف المر انواع وتشرب الذل كاسات كاسات لحد ما يفضل ملازمها الباقي من حياتها متعرفش فيها طعم الراحه ولما تطلع من هنا لو طلعت عايشه تطلع من غير عقل
دريه وهي بتبصلها بغل :غالي والطلب رخيص وشدت هنا من دراعها
هنا بشراسه: اوعي ايدك لقطعهالك
رقيه بشر: تربيه ابن الشوارع هاتكون ايه بس انا بقى هاعرف اكسر شوكتك يا بنت ال ولطشتها بالقلم رمتها على الأرض
رفعت بص لهنا بنظره غريبه هي كلها صابره فوله واتقسمت نصين وقرب من هنا يقومها من على الارض :تؤتؤ كده يا رقيه دي بردوا مننا وعلينا
دريه بصتله بشر: اوعي ايدك وطلع نفسك بره الحوار داه مش دي اخت اللي بهدلك وعلم عليك وخلى شويه بلطجيه يثبتوك
رفعت بصلها وافتكر وكأنه كان في غيبوبه وفاق زقها وسابها
دريه فهمت نظرة جوزها وميلت على رقيه البت كأنها امها البت دي لازم تكره حتى تبص لروحها في مرايه
رقيه بغل: عندك حق بس خفيف خفيف بالبلدي كده يواش يا واش معانا سنه نعمل ما بدالنا
وسحبت هنا من شعرها ورمتها في نفس الاوضه اللي كانت فيها مع امها
مر اليوم على هارون وهو بيلف في الشوارع لحد ما وصل قدام بيت ابوه المسروق فصل واقف متداري يمكن يلمحها او يطمن عليها لحد ما الدنيا ليلت وهما ولا حس ولا خبر
رجع وأيده فاضيه وضهره محني ياخد أخواته
عم ايوب: اهدي يا ابني وقول يارب كلما ضاقت حلقاتها فرجت
هارون بحزن وكسره: دي ضاقت لما طلعت روحي وخدت حته من قلبي
عم ايوب: ربك كبير قول يارب
ام مصطفي بحزن: داه ربك رب مظاليم يا ابني حسبي الله ونعم الوكيل فيهم
مر الليل على هنا نايمه على الأرض ومكلتش ولا شربت وعايزه تدخل الحمام
هنا خبطت على الباب
دريه فتحت:خير يا بنت صابره
هنا عايزه ادخل الحمام
دريه مدت ايدها بوسي عشان اسمحلك
هنا زقت ايدها بغل عمري ما اوطي غير لربنا اللي انتي والشيطانه التانيه متعرفهوش
دريه زقتها وغلاوة كرهي لأمك لاحسرها حتى وهي في قبرها عليكي وزقتها وقفلت الباب تاني
هنا فضلت صابره ومقدرتش تتحمل فضلت تخبط على الباب كان الوقت اتأخر اوي صحي كل اللي في الشقه
سراج:مين اللي في الاوضه بيخبط كده يا ماما
دريه بكزه سنان: خد اختك وعلى اوضتكم ماكلومش دعوه
سراج يعني ايه داه صوت بنت وواضح انها صغيره
رفعت ميل على ودن مراته لمي الدور مش عايزين عيالك يشوفو حاجه او يعرفو حاجه ولا حد يحس بحاجه
دريه:ماشي هاشوف بنت المحروقه دي
رفعت :دخليها الحمام لتعملها على روحها في الاوضه
دريه:ماشي وفتحت الباب وسحبت هنا وزقتها على الحمام وطفت النور عليها هشان ترعبها خلصت هنا وطلعت
سحبتها دريه ورمتها وقفلت الباب بالمفتاح تاني
تاني يوم صحيت هنا على خبط جامد في جنابها لقيت رقيه ودريه واقفين وعمالين يخبطو فيها
رقيه فزي قومي يا بت فاكره نفسك جايه في لوكنده يا روح امك يلا عايزه البيت بيلمع
هنا ولو معملتش رقيه يبقى جنيتي على روحك
دريه جهزي اللي قولتلك عليه
دريه بخبث:جاهز ودخلت جابت سكينه عامله زي الجمر من كتر سخونتها ناويتها لرقيه وكتفتها دريه وكتمت بوقها بقماش
وكويتها على بطنها لحد ما عملت دخان ومرفش ليهم جفن
هنا دموعها نزلت من الوجع والألم والعذاب واتمنت من ربنا انه بس ياخد روحها لأنها عرفت انها بين ايدين شياطين لحد ما اغمى عليها
دريه بخوف:يا مصيبتي البت شكلها مات
رقيه رمت السكينه من ايدها بخوف وقربت منها تجس نبضها اتنهدت: لا يا اختي عايشه زي الجدر دي زي القطط بسبع ترواح
هاتي جردل ميه نفوقها
دريه:ماشي بس انتي قولتي خفيف خفيف
رقيه بكره:كل ما اطل في وشها اشوف امها ابقى نفسي احرقها حيه
دريه بنفس الشر والكره ومين سمعك بس مش هانجيب لروحنا نصيبه عشان عيله متسواش
دلقو على هنا جردل ميه لحد ما فاقت
رقيه ميلت عليها بشر: داه عينه يا ربايه الشوارع يون ما تفكري تتنمردي وتتنططي على اسيادك مكانك هنا خدامه بلقمتك وبس
وسابو هنا مرميه تستجدي الرحمه من ربنا مرت أيام وهنا كل يوم بتدبل عن اللي قبله وهارون هايتجنن
ودريه مشغلاها خدامه واخر اليوم ترميلها رغيف عيش حاف وكوبايه ميه صغيره وترجع تقفل عليها
وفي يوم جهزت هنا الأكل وقعدوا ياكلو كانت هنا محبوسه زي كل يوم وجسمها مليان كدمات من الضرب ووشها وارم محدش يعرف بوجودها اول ما بيطلع كل اللي في البيت تفتح وتطلعها دريه وتستلمها تعذيب هي ورقيه وقبل ما ييجو يقفلو عليها زي الكلب واخر الليل بعد ما الكل ينام تفتح وترميلها رغيف عيش وتقفل
سراج طلع شعرايه من الاكل بقرف: ايه يا ماما القرف داه
وساب الأكل وقام
دريه كزت على أسنانها وشالت الأكل واستخسرت رغيف العيش وكوبايه الميه فيها
تاني يوم طلعت رقيه في ميعادها المعتاد لقيت دريه مستنياها
رقيه: افتحي للمحروقه دي
فتحت الباب ودريه طلعت مقص كبير من جيبه
رقيه ايه داه
دريه :تخليص حق
رقيه:مش وقت كيد نسا خليها تغور تشوف اللي وراها
دريه مش قبل ما ابرد ناري بسبب بنت المجحومه دي عيالي مرضيوش ياكلو
رقيه بقلق: عرفو بوجودها
دريه :لاء لقيو شعرايه في الأكل
وهجمت على هنا اللي بقت شبح إنسان هيكل عظمي
ومسكت شعرها بقت تقصه بغل افتكرت لمعة عين رفعت على امها وبقت تجز في شعرها بجنون شافت جمال صابره وبقت تتعمد تشوه كل حاجه حلوه فيها لحد ما خلته اقصر من شعر الصبيان كل داه وهنا شارده زي اللي فقدت عقلها
لحد ما خلصت وطلعت كل الغل اللي جواها على طفله ورمت المقص وبصتلها بإبتسامه:ياااااه قد ايه حاسه براااحه كده جوايا
شدت هنا اللي رجليها مشالتهاش
دريه وهي بتخبطها في جمبها استموتي فيها بقى
هنا على نفس وضعها
رقيه لاء البت جسمها برد هاتي الحزام يا دريه جابت الحزام ونزلت ضرب وهنا على نفس وضعها
دريه بصت لرقيه بصدمه:البت مالها
رقيه بإبتسامه:شكل عقلها خف يلا في غاره عقبال الباقيين
المهم سبيها مرميه هنا زي الكلب وقفلو الباب وطلعو
راح رفعت لهارون يشمت فيه
رفعت بصله بتهكم: مش كت عاملي فيها شبح وبلطيجه ومعرفش ايه يلا خلي البلطيجه بتوعك ينفعوك وينجو اختك وضحك بصوت عالي شماته وركب العربيه ومشي
هارون خبط على راسه: المعلم جابر كان تايه عن دماغي وطلع يجري على الباطينه لحد ما وصل للقهوة اللي بيقعد عليها جابر
هارون بلهفه وكسره اترمى بين ايديه: محتاجلك
جابر سنده بقلق:مالك ياض انشف كده واصلب طولك وافرد ضهرك
هارون بحرقه: اااااه شهرين وانا بموت شهرين وانا بتقطع
جابر: الله الله الله متهدا يا جدع كل حاجه وليها حل قولي فيك ايه وانا بعون الله قبل ما تعتم الشمس تكون محلوله
هارون بحرقه ونحيب حكاله كل اللي حصل
جابر بضيق: يا أولاد الحرام
سيبها عليها واقعد اتفرج بس عايزك تروح شغلك ولا كان في ايوتها حاجه
هارون:ازاي مش قادر
جابر بحده:زي ما عملت الأيام اللي فاتت اختك حقها في رقبتي وانا هاجيبهالك لحد عندك كيف وازاي دي بتاعتي انا بقى
هارون حس ببوادر راحه ورجع البيت ومر اليوم بسلام الا على هنا اللي بتموت بالبطيئ لا بقت عايشه ولا بقت ميته
جابر بعت اربع رجاله ثقه يجيبوله قرار وكل كبيره وصغيره عن بيت المالكي
اخر النهار بلغوه ان البيت فيه 3 نسوان وراجلين وأربع عيال ولدين وبنتين في المدارس
جابر بشر: عايز العيال دي تجيبوهم وترموهم في المخزن اللي في الخرابه
شلاطه: اعتبره حصل يا كبير بس داه هايكون بكره مش دلوقتي العيال دلوقتي متلفحه في حضن اهاليها
جابر :وهو كذلك بس متغبش شمس بكره الا وهما في ايدي
جنش:وجب يا معلمه
وتاني يوم اتربصو للعيال وخطفوهم ووصل الخبر لرفعت ورافت اللي جن جنونهم ورقيه طلعت على القسم قدمت بلاغ اتهمت فيه هارون بخطف اولاد اخواتها وتم القبض على هارون
هارون بهدوء:ممكن اعرف انا هنا ليه
الظابط خبط على المكتب: لأنك متهم يا روح امك بالخطف
هارون بصدمه:خطف خطف مين لا مؤاخذه
خطف اولاد عمك
هارون بسخريه: هاخطف عيال اكبر مني والله بطلودا واسمعودا حضرتك انا مفارقتش شغلي دقيقه وجبتوني من شغلي وحضرتك تقدر تتأكد من كده بنفسك
الظابط هتاكد يا روح امك
وبعت جاب عم ايوب
ايوب: والله يا بيه هارون داه واد جدع غلبان بيجري على أخواته اليتامى واعمامه وعمته دول شياطين انا اعرفهم من ايام المرحومه امه
الظابط انا مليش دعوه بكل داه انا بسأل دلوقتي على وجوده كان موجود من أمته ومشي أمته
ايوب: موجود من الساعه 8 الصبح وممشيش طول اليوم لحد ما جيتو وخدتوه
الظابط: يعني مستأذنش ممشيش مراحش هنا ولا هنا
ايوب بنفي: لا يا بيه عمره ما اتأخر ولا غاب يوم داه عايش اليوم بيومه
مكانش بيغيب الا ايام تعب المرحومه امه وبعدها بقى حمله تقيل وبقى بيقتل نفسه في الشغل عشان يكفي اخواته
الظابط سمحله بالانصراف واستجوب كل اللي شغالين في الموقع مع هارون واللي أكدو كلامه وكلام عم ايوب
الظابط أفرج عنه لعدم ثبوت اي دليل عليه
رفعت كان هايتجنن :عيالي فين لما ابن الكلب داه مش اللي وراها
رأفت وهو هايعمل كده ليه
رقيه ودريه ورفعت بصو لبعض ومحدش نطق
رافت: عملتو ايه ومداريين
رفعت سكت ومحدش نطق
رأفت: اقسم بالله لو عيالي جرالهم حاجه واكتشفت انكم السبب فيها لادفنكم بإيدي وقد اعذر من أنذر انا مش احمد ولا طيب ولا غلبان دانا شيطان
مر اربع أيام والكل هايتجنن ومحدش جاب سيره هنا خالص قدام رأفت ولا مراته اللي حرفيا بتموت والكل نسي اصلا وجودها
جابر كده استوو عايز اوس البلاوي اختهم
حوكشه:اعتبره حصل
وتاني يوم كانت رقيه مشرفه قدام جابر وقاعده متكتفه قاعد حاطط رجل على رجل وبيشرب الشيشه ببرود
رقيه بزعيق انتا مين وعايز مني إيه
جابر :هووووش صوتك يا مرا مبحبش الصوت العالي وخصوصي لو كان مسرسع زي العرسه
رقيه انتا مش عارف انا مين
جابر ببلطجه: قولتها للعره اخوكي ولاد كلب ولاد حرام اكلين نكارين
رقيه اخرس اقسم بالله لاحبسك
جابر بضحكه شيطانيه:هأو وماله يا حلوه كلها ساعه زمن وأكون براه بس بعدها بدقيقه الله اعلم هاتكوني فوق الأرض ولا تحت الارض ونبقى نتقابل قدم ربنا بقى يوم العرض
رقيه بخوف:انتا عايز ايه
جابر بإبتسامه بينة نابه الأصفر اللي مليان سواد:اللي عكيته تعدليه والبت ترجع لحضن اخوها معززه مكرمه بورق رسمي ها يا أموره نقول امين ولا نرفع ايدينا ونقول ولا الضالين
غير كده يبقى هاجيب العيال نصين وكل نص اربع ترباع وكل ربع تمن تتمان وكل تمن عشر تعشار وابعتهوملكم حتت تعملوها شندوتشات
رقيه هزت رأسها بخوف حاضر حاضر
جابر بشماته:هاستني خبر واه رجلك تخطي قسم تبلغي عسكري ابقى حضري الأسود واللي يثبت ورجالتي قاطرينكم
رقيه بفزع:والله ما هابلغ
جابر: ارموها في أول مقلب زباله مكان مجيبتوها
وخدو رقيه ورموها ولا عرفت هو مين ولا كانت فين ولا اي حاجه عنه رجعت البيت بتتنفض من الخوف وطلعت على رفعت
رفعت:مالك يا رقيه عرفتي حاجه عن العيال
رقيه بخوف : حياة العيال مربوطه بالمقطوعه اللي جوه
دريه خبطت على صدرها:يا نصيبتي دانا نسيتها من يوم اللي حصل
رقيه يخربيت ابوك داه روح عيالكم في ايديها دريه بخوف طلعت المفتاح وفتحت الباب لقيت هنا راقده قاطعه النفس
رفعت دي عايزه مستشفى
رقيه انتا مجنون مستشفى يعني سين وجيم
رفعت هانعمل ايه دي لو ماتت هاتبقى مصيبه
دريه انل هاكلم البت عنيات بت خالتي مهي تمرجيه عند دكتور
رقيه بسرعه اخلصي
طلعت ومسكت التليفون الأرضي واتصلت ببنت خالتها
دريه تعاليلي البيت بسرعه
عنيات:يا اختي طب قولي ازيك الأول
دريه بصراخ:مش وقتك تعالي البيت بسرعه
عنيات: طيب طيب
اقل من نص ساعه وكانت جات طلعت السلم وهي بتنهج
عنيات عندها خمسين سنه وجسمها تخين جدا
خبطت الباب وهي سانده عشان تاخد نفسها
دريه فتحت بلهفه:ادخلي بسرعه
عنيات يا اختي اخد نفسي من السلم اللي قطع نفسي ده
دريه مش وقته ابقي اقعدي وارتاحي وفرشحي براحتك
وشدتها دخلتها الاوضه اللي فيها هنا
عنيات شافتها وخبطت على صدرها:هااا يا نصيبتي انتوا جايبيني
في جنايه إلهي يقطعك ويقطع معرفتك يا بعيده
رقيه: اخلصي شوفي فيها إيه
عنيات قربت منها :دي عايزه مستشفي داه البت يا ولداه جسمها مقطع وجسمها متلج من إيه داه
رقيه مش مهم هي بقالها كام يوم مكلتش ولا شربت
عنايات :طيب نعلقلها محلول
رفعت بخوف: شوفي اللي عايزاه وانا انزل اجيبه واجي بسرعه الله يكرمك
عنايات كتبت على كام حاجه وخطف منها رفعت الورقه ونزل وأقل من عشر دقايق كان جابهم
عنايات خدت منه الكيس وبدئت تعلق المحول وحطت فيه الحقن وعلقتها لهنا وفضلو مستنين الوقت على نار
والكل عمال يبص لبعضه وقلوبهم هاتقف
رقيه بزعيق في دريه :لو ماتت هانروحو في داهيه وهانتسجن كلنا احنا واخدين البت بورق رسمي منك لله يا شيخه بني ادمه برأس كلب
عنايات بفضول:مترسوني ع الدور البت قاطعه النفس وبقالنا يجي نص ساعه عمالين ننفخ في اربه مخرومه
دريه بشخطه اقولك ايه واعيدلك إيه خليني في الهم اللي أنا فيه
عنايات بمصمصه: يا اختي هو مقدرش ع الحمار جاي يتشطر ع البردعه
يا ترى مصير هنا إيه .....؟
يا ترى حياتها اللي جايه ايه....؟
يا ترى هاتفضل بعقلها ولا هاتتجنن....؟
يا ترى هارون بقى بلطجي ازاي...؟
يا ترى مصير رفعت ورقيه ورأفت اللي جاي إيه...؟
ياترى اللي جاي مخبي ايه تاني
يتبع
الفصل الرابع عشر
واخيرا وبعد معاناه فاقت هنا وفتحت عنيها من غير ما تحس بأي حاجه ولا تنطق كلمه
دريه قعدت على الكنبه:الحمد لله لسه عايشه وفتحت عنيها
رقيه بتسرع: يبقى نروح نخلص الاورق ونرميها لاخوها ونخلص من همهم
رفعت بتأكيد لكلامها:عندك حق من يوم ما امها دخلت البيت داه والخراب حل ومن بعدها عيل ورا التاني
عنايات بفضول قاتل: هي ايه العباره وبصت لهنا اللي تايهه في عالم لوحدها وركزت اووووي:مش دي البت بنت اخوكم وشقهت بصوت عالي يا اختي هي ايه اللي جابها هنا دانا اللعرفه انكم كرشتوها هما وامهم من هنا من سنين يبقى ايه اللي جابها وعمل فيها داه كله
دريه بتقفله سحبت عنايات من ايديها :طب يلا يا اختي معلش اخرتك وطلعت من الاوضه وطلعت مبلغ كبير من صدرها وحطته في ايد عنايات وكملت بشر :طبعا انتي لا شوفي ولا رئيتي
عنايات وهي بتشاور على بوقها:يا اختي انا لا رائيت وع النبي صليت
مشيت عنايات وهي فضولها مموتها بس لوكشة الفلوس اللي خدتها نستها اصلا
تاني يوم طلعت رقيه على المحكمه وعملت تنازل عن وجايه هنا لاخوها هارون واخلت مسؤليتها
رفعت بقلق:الواد نابه ازرق ولو شافها كده مش هايحلنا هو واللي معاه
رقيه بتفكير: عندك حق
دريه :طب والعمل داه عيالنا في ايده
رقيه فكرت شويه وابتسامه شيطانيه اترسمت على وشها : لقيتها
رفعت: لقيتي إيه
رقيه هاتفهم بعدين
رفعت بعصبيه: مفيهاش بعدين ولا قبلين دي حيات عيالي االي بتلعبي بيها ومن الأساس الشوره المهببه دي كانت شورتك
رقيه بشهقه وشرشحه: نعم يا عنايا وانا كت ضربتك على ايدك ولا جريتك من قفاك غصب عنك مهو كله كان بكيفك وبمزاجك عشان تبرد نارك من العيل اللي سكك على قفاك بدل المره اتنين وتلاته
دريه اتدخلت بصوت عالي:خلاااااااااااص فضونا من مين قال ومين عمل رسينا يا رقيه دماغك فيها إيه
رقيه بشر: كل خييير احنا اللي يلزمنا العيال والبت اللي مرميه دي لو لمحوها كده هانروح كلنا ورا الشمس والراجل اللي حاميهم نابه ازرق
رفعت بحده: اخلصي كل داه عارفينه ها اخلصي فين الجديد منتي اوس البلاوي
رقيه بصوت عالي حاد:احنا مش على زمة بعض هاتكتر وتقل في ادبك هاسيبك تخبط راسك في اجدع حيط ومتنساش يا حبيبي اني السبب إنك تبقى صاحب أملاك بعد ما كنت شحات حته مدرس معفن فب مدرسه خاص شغال بالحصه ففوق كده لهد المعبد على نفوخ الكل كلنا معكوكين فيها هاتخبط هاسيبك مطرح متحط راسك حط رجليك وانا عن نفسي اقدر انجد روحي وكل واحد يشقى بروحه
دريه بمحايله خوف من حده رقيه وشرها:معلش يا رقيه اعذريه قلبة محروق على ضناه وكملت بمكر مقصود وانتي ست العارفين غلاوه الضنا وقهرة القلب بس انتي عيالك في حضن ابوهم انما احنا عيالنا في ايد اللي ميعرفوش ربنا وبصت لرفعت بحده
رقيه بوجع لما افتكرت عيالها ومسكت سماعه التليفون :خلاص يا دريه كلمي عنايات بنن خالتك
دريه ليه
رقيه قوليلها عايزين منوم جامد يعني نطفحولها عشان تتخمد
دريه:مهي البت اصلا قاطعه النفس خلقه
رقيه بصوا لنا مش هافضل اعيد وازيد هانلقحلهم البت بس وهي متخدره عشان ميحسوش باللي فيها لحد ما ناخد عيالنا
رفعت طب مهي لما تفوق هايعرفو وكمان شعرها اللي جزيتوه
رقيه شعرها طرحه تغطيه لما تفوق يحلها الحلال احنا خلاص خلصنا ورق الشركه اسمع انتا كلامي وعيالك هايرجعو لحضنك من تاني
وبصت لرفعت بمكر قدر يقرائه رفعت كويس ابتسم بخبث هو ومراته وسكتو
وتاني يوم راحت رقيه المحكمه وهى واثقه انها متراقبه وخلصت بعض الإجراءات اللي امتدت أكتر من خمس ايام متواصله رفعت ساكت ورأفت هايتجنن على عياله وكل يوم ينزل يلف في الشوارع والأقسام
رأفت رجع زي كل يوم مكسور وحزين طلع شقه اخوه
رفعت ادخل ادخل
دخل واترمى على الكنبه وحط رأسه بين ايديه وبحزن ووجع السنين: وبعدين يا رفعت شايفك قاعد وحاطط ايدك في الميه البارده ولا كأن المخطوفين دول عيالك
رفعت بهدوء:وانا هاعمل ايه رقيه اختك مش ساكته وكل يوم تلف ع الأقسام وانا مكلف طوب الأرض واديك شايف دلال من يوم اللي حصل وهي قاعده هاتتجنن
رأفت بحزن: معلش بس اديك شايف اللي احنا فيه انا فعلا شوفت بنت خالتها هنا من كام يوم وكنت فاكر أسألك بس اتلهيت
رفعت بلع ريقه بصعوبه: اه تعبت واغمي عليها وبعت جبت بنت خالتها بدل بهدلة المستشفيات
رأفت هز راسه: عندك حق بلاش نتشتت كفايه اللي احنا فيه وحرقة القلب دي
رفعت عندك حق
رأفت قام :لو في جديد بلغني وانا بردوا مش هاسكت كل يوم هافضل اللف ربنا يرجعهوملنا يارب انا منيش حمل حرقة قلب تانيه
رفعت:قصدك إيه
رافت بصله وسكت: مقصديش وسابه ونزل
خلصت رقيه الإجراءات كلها والورق ورجعت تاني يوم جالهم إتصال على التليفون الأرضي
رقيه :الو
جابر : دريت انك خلصتي ها يا حلوه
رقيه بغيظ :خلصت بس مش هاسلمكم البت الا لما نستلم العيال الأول
جابر بضحكه عاليه:هأ ليه شيفاني هفأ عدم اللامؤاخذه سلم واستلم البت تيجي تستلمو العيال مجاتش مفيش
رقيه ماشي أمته
جابر هابلغك بس قريب قريب اوووي
مر يومين ورقيه على اعصابها ومبلغتش رفعت بأي حاجه
رفعت:ها يا رقيه
رقيه بمراوغه :معلش يا رفعت بخلص الورق انتا عارف الإجراءات اول ما تخلص ربنا يسهل بس متنساش اللي قولتلك عليه فاهم
رفعت:انا خلصت اصلا كل حاجه مستني بس على رجوع العيال
رقيه كده تمام
وتالت يوم اتصل جابر
جابر بتريقه :ايوه يا سنيوره جهزي البنت وفي عربيه قدام البيت تيجي بطولك
رقيه:ماشي بس اي حركه غدر اقسم بالله
جابر بحده: كملي وانا احسرك واعرف اجيب البت من قلب البيت لو عايز عواء او لبش كنت عملته مش حرمه اللي هاتهدني فاهمه يا وليه خلاصة القول تجيبي البت وتيجي بطولك وقفل السكه في وشها
رقيه لبست بسرعه وطلعت تجري على شقه رفعت
دريه فتحت ايه في إيه بتخبطي زي المخبرين
رقيه اخلصي مش وقت رغي جهزي البت جبتي الللي قولتلك عليه من بنت خالتك
دريه ايوه وطلعت ازازه من صدرها
رقيه بصتلها بيتعمل بيها ايه دي
دريه: بتتحط على منديل وتشمه هاتتهبب تنام ومش هاتقوم الا بعد كام ساعه
رقيه حلو وحلني بقى على ما تفوق واهو الكام يوم اللي فاتو وشها خف من الشلفطه اللي كانت فيه يلا خلنا نلحق اومال
دخلو على هنا اللي لسه وضعها شارد في ملوكت ربها وحطت المنديل على وشها وثواني وكانت راحت في دنيا تانيه
رقيه لبسيها بسرعه اي جلبيه
وكويس ان رفعت مش موجود وحطي طرحه على راسها
دريه ماشي ولبست هنا بسرعه
رقيه سنديها معايا ننزلها تحت وانتي اجهزي ولما جوزك ييجي قوليله رقيه بتقولك على ميعادنا وهو هايفهم
دريه قصدك إيه انتوا بتخططوا وتدارو عليا
رقيه مش وقتك يا اختي اخلصي مش عايزين حد يشك فينا
مشفوهمش وهما بيسرقو وسمعوهم وهما بيتقاسمو اخلصي
وسندت هنا ونزلو كانت العربيه قدامهم ركبت رقيه ومعاها هنا واتحرك السواق لحد ما وصلو على منطقه مقطوعه
وقف العربيه ونزل
جابر ها تمام
حوكشه تمام يا معلمه
جابر البت فين
حوكشه في العربيه بس باين عليها مسورقه
جابر قلم منطور وفتح العربيه
وبص على هنا ورجع بص على رقيه بشر :البت مالها
رقيه بهدوء قدرت تتصنعه: متخدره عشان متصوتش وتفرج علينا الناس تقدر تتأكد انها عايشه بنفسك
جابر قرب من هنا وحط ايده عند مناخيرها لقاها بتتنفس اطمن وشال البت
رقيه العيال فين
جابر حط هنا على كرسي جمبه وشاور لرجالته
جابر بعنف انزلي
رقيه :ليه
جابر مش عايزه العيال هاتنزلي من العربيه دي هاتركبي العربيه اللي هناك وشاورلها على عربيه تانيه
رقيه ليه بردوا والعيال فين
جابر في العربيه التانيه هاتخدكم وترميكم في اي مقلب زباله يليق بيكم
نزلت بخوف وترقب لحد ما ركبت العربيه التانيه شافت العيال موجودين بي متكتفين ومكممين ومتغميين
رقيه خدت نفس واتنهدت براحه: انتوا كويسين
سراج ركز في الصوت وهز رأسه
رقيه معلش يا حبيبي كلها شويه ونرجع لبابا وماما
ووصلهم السواق عند أول منطقه عمار ونزل رمى العيال ومعاهم رقيه واختفي تاني بالعربيه
رقيه بسرعه ولهفه فكت العيال
مهدي:عمتو مين دول وحضرتك عرفتي طريقنا ازاي
رقيه مش وقته خلينا نتحرك من هنا الاول وبعدين افهم براحتك
رقيه وقفت تاكسي وركبت بسرعه وكلت السواق العنوان
رهف:عمتو داه مش عنوان بيتنا
رقيه: بابا وماما مستنيينا هناك عشان نرجع بيتنا
جابر بعت خبر لهارون
هارون جه بلهفه وشوق :هي فين
جابر شاورله على المكان :جوه متخافش
زق الباب دخل قرب منها وحضنها
هارون بإستغراب: هي مالها مبتردش ليه
جابر :متخدره خافو لتفضحهم
هارون والنبي فوقها عايز اطمن عليها
جابر تؤمر وشارو لواحد من رجالته قرب من هنا ورش على وشها حاجه
دقايق وهنا فتحت عنيها بس باصه للفراغ
هارون :هنا هنايا انا هنا
هنا على وضعها مالك انا هارون بصيتي
وبداء يهز فيها جامد
عملو فيكي ايه طمنيني طمني قلبي اللي هايوقف
من كتر هزه فيها الطرحه وقعت هارون عنيه برقت هما هما اللي عملو فيكي كده
وبص لجابر بكسره عملو فيها إيه
جابر اجمد اومال متبقاش خرع
هارون اذوني فيها دبحو روحي بأذيتها
جابر ولا تعتل هم ويمين الله لبعت اجيبهوملك متعلقين زي دبيحه العيد وشاور لرجالته :عايزكم تجيبو كل اللي في البيت كبار بصغار قدامي عايز في ظرف ساعه زمن يكونو مرميين تحت رجلي
اتحركت الرجاله بسرعه البرق ينفذو أمره
هارون هي مبتردش ليه
جابر فهم حالتها من شكلها: شكلها شربت المر كاسات لما ارتوت اختك محتاجه دكتور او مستشفي
هارون هز رأسه ايوه عندك حق
جابر اهدا عشان لما بتتعصب عقلك بيوقف لازم تخلي عقلك شغال يلا شيل اختك نروح بيها المستشفي انا اعرف مستشفي كويسه وليا هناك حبايب
هارون بصله بمعني واللي جايين
جابر متخافش هتلاقيهم مرميين لحد ما نطمن على اختك الأول
وشال اخته وركب مع جابر
نهايه الفلاش باك
هارون وعينه لسه باصه للفراغ يومها الدكتور قالي انها اتعرضت لتعذيب شديد وصلها لمرحله انفصال ذهني مفهمتش كلامه قالي ان رحمه ربنا بيها ان عقلها فصلها عن الواقع اللي بتعيشه لانها لو كانت فضلت بعقلها وسط التعذيب داه كانت اتجننت ومكانش وقتها هايبقالها علاج
حسام بصدمه ودموعه نازله: واعمامك عملت معاهم ايه
هارون غمض عنيه: كانو فص ملح دابو لقيناهم بايعيين البيت وكل حاجه واختفو يومها خدت اختك وهي بين أيادي رب كريم
المعلم جابر يومها قالي
جابر مينفعش تفضل في العشه دي انتا واخواتك وخصوصا اننا منعرفش أولاد الابالسه دول فين
هارون بشر:قصدك إيه
جابر :تاخد مكان غير داه
هارون:اللي جاي من الشغل مع المعاش يادوب بيكفي ان كفى كمان
جابر: اختك لازملها علاج وداه عايز فلوس والمكان اللي انتا فيه لبش وعواء
هارون بزعيق:اعمل إيه بإيدي إيه اعمله وانا اعمله
جابر:عايزك راجل من رجالتي
هارون :يفتح الله ماليش في الشمال ولا هاصرف على اخواتي من مال حرام ولا اشيل ذنب انا مش قده
جابر وماله نخليك يمين
هارون بإستغراب: يمين هو شغلك فيه يمين ازاي لامؤاخذه يعني
جابر برفعه حاجه وابتسامه بسيطه تنم عن شر: شغلنا فيه كل حاجه في اليمين والشمال وفيه اللي بيحب يحود يمين شويه ويحدف شمال شويه
هارون وايه بقى الشغل اليمين اللي عندك
جابر: هاتلم الوارد من النباشين وتحاسبهم
هارون:مين دول وبيعملو إيه
جابر دول بقى يا سيدي بيدورو ع الزباله
هارون بصدمه بيلمو زباله
جابر بفخر: ياض الزباله دي الكنز المرمي اااه
دي كلها خيرات بلاستك كارتون صاج طب داه حتة الحوء بتاع الكاكولا لما بيتباع وليه سعر وتمن
هارون بصدمه:الزباله
جابر اه اومال ايه
هارون وانتا بتعمل بيها إيه بقى
جابر سكتها طويله انا باخذها منهم بملاليم وببتفرز كل حاجه لوحَدها وفي تاجر بيشيلها ويبعتها بلاد بره وفي اللي بيشيل منها في مصر بتتسيح وبيتعمل منها حاجات كتير مش شغلتي انا شغلتي نفع واستنفع
طب داه حتى الاكل اللي مرمي في الزباله بنشيله
هارون بصدمه:نعم
جابر: ايوه والله زي مبقولك كده
هارون وداه بتعملو بيه إيه بتصنعوه من جديد
جابر: هأو لا يا حدق داه بقى بياخدوه الجماعه يعني عدم اللامؤاخذه اللي بيربو الخنازير أصلها بتعيش وترعى ع الزباله
هارون بصدمه من العالم اللي بيسمعه
جابر :ها قولك ايه شغلانه يمين اليمين وقرشها حلال
هارون موافق
جابر يبقى استبينا من الليله تبات في ضيافتي انتا واخواتك ومن بكره هلاقيلكم مكان كويس
هارون برفض: لاء انا اخواتي مع عم ايوب وانا هافضل مع هنا ومن بكره هاطلع معاك الشغل لحد ما اجمع قرشين واقدر اجيب شقه كويسه ان شالله حتى اوضه وصاله
جابر خبط على كتفه:خلاص بخوطرك واللي يلد عليك اعمله ونا بردوا في ضهرك
هارون بتنهيده طالعه من جوفه نار
واشتغلت مع جابر وفضلت مكمل في المعمار مع عم ايوب طول النهار مع عم أيوب واخر النهار اروح اطمن على هنا وارجع اروح شغلي في تجميع الزباله والخرده وقدرت اجمع مبلغ مش بطال وكمل بتهكم وخدت الشقه اللي في بولاق ونقلتكم معايا كانت على البلاط وفضلت اعافر لحد ما بقيت اجيب حاجه حاجه كل ما ييجي معايا قرش بقيت اجري اشتري اللي ناقص وفضلت اللف بأختك على الدكاتره وفين وفين لما ربنا كرمنا وكرمها ورجعت وعيت للدنيا من تاني حمدت ربنا وشكرت فضله بس الدنيا كمان استكترت عليا الراحه بقينا مطمع للناس في الراحه والجايه محنا عيال يتامى وملناش لا ضهر ولا سند يومها حلفت ميت يمين لاحميكم ولو كان التمن روحي وبقى كل اللي يفكر بس يبصلكم كنت بعلم عليه وبقيت بلطجي عشان احمي الباقي منكم وفضلت اشتغل والمصاريف بتزيد مبقتش عارف اعمل ايه نزلت الشوارع واتلتمت وبقيت اللم زباله وبقيت ببيعها للمعلم جابر والشهادة لله الراجل كان بيحاسبني زي ما بيحاسب تاجر الجمله اللي بيشيل منه وفضلت سنين لحد ما بالصدفه وانا معدي في حته هاي هاي اوووي من بتوع الناس العليوي لقيت مطعم معلق يافطه مطلوب عمال قولت وماله ياض جرب وياصابت يا خابت وقدمت ورميت تُكالي على الله وربنا كرمني واتقبلت وساعتها قولت لعم ايوب اني مش هاقدر على تلات شغلنات واراعيكم والراجل كتر خيره وافق ودعالي واشتغلت هناك وكان المرتب مع البقشيش مع الزباله اللي كنت باخذها من المطعم وبواقي الأكل كنت بشيلهم على اني هارميهم واروح افرزهم وابيعهم للمعلم جابر لحد ما كبرتو واتعلمتو وبقيتو بتستعرو مني بتعيدو الزمن تاني أحمد تاني وقصه جديده
وقام منطور بس لاء يا أولاد المالكي انا منيش هفيه عشان اغلط غلطة ابوكم اللي لازمه حياتي اهلا بيه فيها واللي مش لازمه الباب يفوت فيل ويروح يشقى بروحه منا مش هابيع عمري واشتريكم وانتوا بايعيني
وكمل بشخطه وصوت عالي :ها قولتو ايه معايا ولا كل واحد يشقى بروحه
هنا قامت ومسحت دموعها معاك يا هارون يا ابويا واخويا وضهري وسندي ياللي حميتني بروحك وبصت لجنا وحسام اللي مصدومين من كل اللي سمعوه
جنا قامت وراسها في الأرض ووشها مليان دموت : انا اسفه انا كنت باجي عليك كتير وانتا كنت بتستحمل كل حاجه علشانا
هارون مسك وشها بين ايديها ورفع راسها: اخت المعلم هارون تفضل طول عمرها رأسها مرفوعه
جنا بدموع مش زعلان مني
هارون انتي بنتي رباية ايدي لو عايزاني افرح فرحيني بنجاحك واكبري وحققي حلمك وحلمي وحلم ابوك وامك الله يرحمهم وانا هافضل في ضهرك طول عمري لحد اخر نفس فيا
جنا رمت نفسها في حضن هارون ضم أخواته كل واحده في دراع وعينه على حسام
حسام بعد تفكير وقف من على الأرض طول عمري كنت بستغرب بحسك اتنين مثقف وجاهل طيب وشرير عصبي وهادي عرفت دلوقتي السبب كل اللي مريت بيه مكانش سهل
هارون بتنهيده: لو كان اللي دفعته تمن راحتكم وامانكم هادفع قده عشر مرات لو كانو خيروني بين اذايا ووجع هنا كنت اخترت اتأذي ومحدش يمس طرفها
حسام بشر ناوي على إيه معاهم
هارون بحده:انتوا بره الليله دي الحوار داه يخصني انا وانا كفيل بيه ومحدش يفتح سيرته تاني اتدفن هنا بين الحيطان دي ومن اول ما نخرج محدش حتى يفكر يجيب سيرة بينه وبين نفسه لو عايز ترجعلي حقي من الدنيا تنجح وتكبر عشان لو جرالي حاجه تعرف تسد مكاني
هنا وجنا وحسام في صوت واحد: بعد الشر عليك
هارون يلا عشان نروح المكان هنا بالليل لبش
وخد اخواته وطلع من العشه في طريقه لبيته
بس المره دي غير كل مره المره دي براحه لهارون وكأنه اخيرا ارتاح من هم الماضي
هنا اللي الوجع رجع يتجدد عليها من تاني وكل زكريات الماضي بترجع
جنا اللي مصدومه وسؤال واحد بس في دماغها هي وحسام
ليه ليه عملو فيهم كده هنا يتسحقو منهم كده في أهل ممكن تكون ظالمه بالشكل داه
يتبع
الفصل الخامس عشر
رجعو وكل واحد في حال غير الحال
وكل واحد جواه الف سؤال وسؤال ليه
دخلو البيت
هارون بحده وحسم ياريت محدش منكم ينخور من ورايا لان من هنا وجاي عيني هاتبقى على كل واحد فيكم مادام الماضي اتكشف وبان مبقاش غير اني احميكم
حسام احنا مبقيناش صغيرين
هارون في نظري عيال واللي انتا عايز تلعب معاهم دول عاملين زي العقرب الجبلي لدعته والقبر وعايز اللي يتعامل معاه يبقى حاوي فعشان كده انا بقولكم اهو الحق داه في رقبتي انتوا بره الليله وكمل بتعقل انتوا نقطه ضعفي الوحيده متخلوش حد يمسكني من رقبتي زي ما سبق وعملوها زمان بس زمان مقدروش عليا المره دي غير المره دي هاتبقى القاضيه لو مش عايزين سنين عمري اللي فات تضيع هدر وحقنا يرجع متني ومتلت يبقى تسمعو الكلام وسيبوني اتصرف
حسام بص لجنا
هنا اسمعو كلام هارون واسألوا مجرب دول شياطين مفيش في قلبهم لا رحمه ولا ضمير
حسام بحزن المفروض اننا اخوات كتف بكتف مش كنت بتقولي اني راجل البيت من بعدك ليه دلوقتي بترجع في كلامك
هارون بإبتسامه طبطب على كتفه عشان لو حصلي حاجه ميبقاش انا وانتا اخواتك بنات وولايا هايضيعو في الدنيا
حسام بخوف انتا ناوي على ايه
هارون ولا حاجه انا لحد دلوقتي لسه بعيد بس قريب اوووي هابقى أقرب من النفس اللي بيتنفسوه عشان كده عايزك راجل بدالي اخواتك عايزين ضهر وسند ومن هنا وجاي عايزك عصب تكسر متتكسرش اوعى اشوف دموع ولا اسمع كلمه اي فاهم
حاسم بحزن فاهم يا هارون
هارون وحتى الحزن اللي في عينك داه تنساه وتداريه الراجل الصح محدش يعرف جواه مخبي ايه لو جواك بركان هلي براك لوح تلج يحير عدوك فيك
حسام بحيره هز رأسه بطاعه لهارون
هارون خد نفس وارتاح اخيرا وحس ان حمل كبير انزاح من على اكتافه
ويقدر يركز فب اللي جاي بقلب جامد ومطمن
الوضع في بيت المالكي قايد نار
رأفت رجع البيت مكسور
دلال مالك يا رأفت
رأفت اترمى على الكنبه واتهبد عليها ودموعه اول مره تنزل من سنين طويله تعب من عدها
دلال في ايه
انتا كنت رايح الشركه
رأفت بعصبيه وصلت للجنون
الله يلعن الشركه على الفلوس على النفوس اللي الشر ملاها الله يعن ابو دي دنيا يا شيخه ايييه خلاص عيشه الفيلل والقصور نستكم اصلكم ولا إيه
دلال رأفت اهدا حصل ايه فهمني
رأفت حصل ايه حصل كتييير اوووي يا دلال ومن زمان ودلوقتي كلنا هاندفع التمن
دلال ايه اللي حصل زمان وليه بتتكلم عن الماضي دلوقتي
رأفت بسخريه مره ممزوجه بحزن ايه لحقتي نسيتي احمد وصابره
احمد الله كان اخ ليكي وكان سند بعد ربنا صابره اللي كانت بتعتبرك اختها ايه خدتي صف رقيه ودريه هاستغرب منك ليه واللي من لحمه ودمه نهشوه
دلال ايه اللي فكرك بصابره وعيالها ايه حنيت
رأفت بحده الزمي حدودك
بلاش تكدبي الكدبه وتصدقيها زي ما كلنا عملنا فيها مصدقين امته شوفتي صابره بصتلي بصه مش تمام ولا انا نفسي عيني اترفعت فيها هاااا ردي مش لاقيه اجابه صح سؤال بقاله سنين نفسي اعرفله اجابه هو احنا بجد عارفين نعيش ازاي احمد مصعبش على منا انتي ايه هو احنا اللي كنا بالبشاعه دي من الأول ولا الفلوس والطمع في مال احمد وعياله عمى عيونا وقلبنا طب مفكرتيش احساس صابره ايه لما عيالك اتخطفو
دلال يوووه في ايه بقالي ساعه عماله أسألك في ايه يخليك تفتح في الماضي وتنبش فيه
ميار كانت في اوضتها سمعت صوت عالي تحت فتحت باب اوضتها وقبل ما تنزل سمعت الحوار اللي دار بين ابوها وامها
ووقفت متسمره مكانها
رأفت عايزه تعرفي الله حصل كل الماضي اتكشف وابنك عرف
دلال ايه عرف ايه وازاي
رأفت بجنون كل اللي فارق معاكي عرف ايه وليه
عرف زي ما كام لازم يعرف عرف اللي كان لازم يعرفه عرف اننا ظلمه عرف اننا اكالين نكارين
دلال بصوت عالي ليه ليه قولتله ليه عملت كده
رأفت بحده لا بقصدي ولا بمزاجي الخناقه حصلت في بيت رفعت ومكناش نعرف انهم هناك وسمعو الكلام
دلال بخوف كلام ايه
رأفت بزعيق نفس الكلام والكدب بتاع زمان اللي صدقتوه ان حقكم ومالكم وان صابره كانت بترسم على رفعت مع انك اكتر واحده عاشرتي صابره واكتر واحده كنت بتاخدي من خيرها وصدقتي كلام دريه ورقيه ومحدش عارف هي عايشه ولا ماتت ولا مصير عيالها ايه وكمل بتهكم وياترى بقى انتي كمان كنتي عارفه طريق ولاد احمد وطرمختي معاهم على الموضوع
دلال بسرعه لا لا والله العظيم انا من بعد ما طلعت من البيت معرفش عنها حاجه اقسملك بالله ما اعرف متظلمنيش يا رأفت
رأفت بحده مين ظلم مين الظلم بيوجع الظلم وحش دلوقتي ذوقتي طعمه في كلمتين مابلك اللي عايش الظلم بقاله سنين وسنين يعملو ايه
دلال انا معملتش فيها حاجه انا كنت بحمي بيتي زي اي ست
رأفت بصوت هز أركان الفيلا بتحميه من اي٠ه ومن مين ها من صابره االي كانت بتلم في عيالها حواليها اللي كانت بتدور تصون لحم اخويا اللي اخواتي نهشوه
ولا من عيال أخويا وكمل بهذيان احمد الله باع عمره واشترانا وأول ما وقع الكل سن سكاكينه عليه وأول ما اتصعرو اتصعرو ونهشو في لحمه ولحم عياله
دلال بدفاع وهمي انا كنت بحميك من صابره زي ما زغللت عين اخوك كان ممكن ترمى العطا عليك واهو اي راجل والسلام
رأفت ضحك بجنون وهستيريا صابره زغللت عين مين وكمل وهو بيحاول ياخد نفسه اللي متعرفيهوش ان رفعت عينه زاغت على صابره من واحمد عايش وبعد ما مات رفعت كان عايز كل اللي يملكه احمد بما فيهم مراته اللي مسحت بيه البلاط ولولا رقيه كان زمان رفعت واخد كل حاجه ومكوش عليها يا خساره يا دلال كنت فاكرك اذكي من كده مش كلام شويه نسوان ذنو في اودانك خلوكي روحتي من حال لحال يا خساره على سنين عمري وانا بموت من تعذيب الضمير ومش قادر حتى اروح أزور قبر احمد من كسوفي من اللي عملناه
وقعد وحط رأسه بين ايديه ودموعه نزلت بحرقه
دلال قعدت وهي بتعيد حسباتها
ميار واقفه ودموعها نازله بصدمه معقول طول السنين دي عايشين في كدبه معقول ابوها الي بتحلف بأخلاقه حرامي وسارق مال اخوه
رقيه طلعت من البيت بعد المواجهه المدمره على بيتها جري توضح الصوره لأولادها
رقيه دخلت بسرعه ونزلت ومركزتش حتى في العربيه اللي سابتها مفتوحه وشغاله نزلت وطلع تجري على اوضه أولادها
لقيت عاصم بيلم هدومه
رقيه وهي بتشد الهدوم من ايده بتعمل إيه ها بتعمل ايه فهمني
عاصم رفع وشه وبصلها بنظره عرفتها رقيه كويس اوووي
رقيه بزعيق اوعي تبصلي كده فاهم انا امك عارف يعني ايه امك انة شلتك في بطني تسع شهور انل ربيتك وكبرتك ولولا ابوك خدك وهرب بيكم كان زمانكم في حضني انا
عادل دخل على صوتهم متلفتش لأمه خلصت ولا لسه
رقيه بصت للشنطه اللي في ايده محدش هايمشي فاهمين انا امكم انا اللي خلفت وربيت وسهرت وكبرت
عاصم بتهكم مش بردو نفس الدور داه قام بيه اونكل احمد الله يرحمه عادي يعني معملتيش حاجه جديده او قدمتي اوبشن مميز ام ودورها مع عيالها انما الاوبشن اللي بجد هو اخوكي ها اخوكي وميل عيلها وهو كازز سنانه اللي ربي أخواته مش عياله اخوكي اللي شردتي عياله وفضحتي مراته وياترى عملتي ايه تاني ومخبياه بتقولي لولا ابويا خدنا من حضنك داه اكتر حاجه بشكر بابا عليها انه ربنا على قيم ومبادئ ربنا وكبرنا من مال حلال كان بيتعب ويشقى بيه مش من مال يتامى حرام نسيتي ربنا قال ايه
بسم الله الرحمن الرحيم
{إِنَّ الَّذِينَ يَأْكُلُونَ أَمْوَالَ الْيَتَامَى ظُلْمًا إِنَّمَا يَأْكُلُونَ فِي بُطُونِهِمْ نَارًا وَسَيَصْلَوْنَ سَعِيرًا}
صدق الله العظيم
يعني خمس سنين عايشين بناكل نار بسببك
رقيه بدفاع وهي بتشده من هدومه انتا مش عارف حاجه انتا مش فاهم حاجه انتا سمعت من رأفت بس وطبطبت على صدرها بحرقه اسمع مني اسمع مني واحكم صدقني انا مظلمتش حد
عادل بزعيق انتي ازي كده بجد فهميني ازاي قادره بعد كل السنين دي لسه شايفه نفسك مظلومه
عارفه المصيبه الاكبر في ايه مش في ظلمك وجحودك نحيه اخوكي اللي رباكي لا انك لسه مكمله فيه
وبص لاخوه يلا يا عاصم
رقيه بجنون وهي بتشدهم هاتروحو فين هاتسيبوني لمين ملكومش مكان غير هنا وغير حضني مش بعد ما رجعتو لحضني تسيبوني مش هاسمحلكم سامعين
عاصم بوجع نسيتي شقه بابا الله يرحمه اللي اتجوزك فيها اللي فرشها اونكل احمد الله يرحمه هانعيش فيها ونعبد عن كل العك داه هانبداء من جديد حياه نضيفه من غير ظلم وجبروت
رقيه بصراخ لا محدش هايطلع من هنا غير على جثتي اسمعوني انا كمان حقي انكم تسمعوني ليه مش عايزين تدوني الحق داه
عاصم بإستحقار حق ايه اللي ليكي مبررك ايه في جحودك ها اي كلام ملوش لازمه
رقيه بجنون حقي انا كبرت وهو ابويا قبل ما يكون اخويا كنت الاولى والاخيره في حياته كنت قبل الكل عنده مكانش بييجي مناسبه الا وانا اول واحده يجري عليها كنت بجبه وبغير عليه غيره البنت على ابوها مكنتش عايزاه ينساني كنت عايزه افصل انا وبس في حياته لما اتجوزها نسيني نسي بنته نسي اخته
كنت بكرها سرقت اخويا مني ليه ليه
عادل ابتسم بسخريه مريره مليانه بالوجع عزر أقبح من ذنب
عذرك الغيره وذنبك السرقه والكره والحقد انتي مريضه نفسيا
رقيه بحده ولد متنساش اني امك
عادل للأسف انك امي
حاجه مش بإيدي ولا بإختياري بس مجبر اكمل وانا شايل دمك وانتي شايله ذنب دم اخوكي
رقيه انا معملتش حاجه داه حقي
عاصم تاني مصره انه حقك انهو حق داه عرفيني كده حقك في حبه وحنانه ماشي انما تدفنوه بالحيا مين ادهاولكم حقك في ماله وماله عياله اللي سرقتيه وهو بيموت مين داهولك مين اللي قال أنه حقك طب انتي وتوجعتي علينا
رقيه بحرقه كانت نار شابه في ضلوعي بتكوي روحي وقلبي
عاصم مفكرتيش للحظه انه نفس احساس اونكل احمد الله يرحمه وطنط صابره مفكرتيش غير في نفسك وبس
عادل احنا سيبينلك حياتك وفلوسك وحد الله بينا وبينها احنا رايحين شقه بابا وواخدين بس الهدوم اللي كنا جايين بيها من السعوديه حتى العربيات سيبينهالك هناخد العربيه القديمه بتاعتنا وانتي اشبعي بمالك وكبريه وافرحي بيه
عاصم يلا يا عادل وخد بعض ومشيو ورقيه بتصرخ من وراهم
رقيه بزعيق غورو وش فقر زي ابوكم بكره تيجيو مزلولين لما متالاقوش شغل وتتبهدلو عشان ملاليم
كملو طريقهم ومحدش اتلفت
رقيه فضلت تبص على أركان الفيلا فاضيه شافت احمد واقف في جمب هو وصابره يبصو عليها بنظره غريبه
رقيه بجنون امشو عايزين ايه انا مبتكسرش داه حقي وحقي وبس وعيالي راجعين يا احمد مش هاتشمت فيا عيالي هايعيشو وعيالك اتشردو صابره وعيالها ملهومش مكان وسط عيلتنا
فضلت تصرخ لحد ما اختفى شبح احمد وصابره انهارت على الأرض وهي مش حاسه بنفسها
عند رفعت قاعد حاطط رأسه بين ايديه
دودي اهدي يا رفعت كده غلط على صحتك
رفعت الغبي كشف كل الماضي سمعتي كلام ابنك
رهف نزلت السلالم بتكبر وغرور كلنا سمعنا يا بابي
رفعت رهف لو عندك كلمتين معنديش اي استعداد اسمع اي حاجه
رهف بابي اهدا حضرتك كنت صح
رفعت يعني انتي مش شيفاني غلطان زي اخوكي
رهف نو خالص حضرتك صح المهم احنا نكون نمبر وان غيري نمبر تو ثري مش فارقه المهم انا وانا وبس
رفعت اخوكي مش شايف كده شايف اني ظالم
رهف بابي بكره يرجع سراج واخد على عيشه الفيلل والحياه الهاي كلاس مش هايقدر على عيشه الفقر هايرجع ويقولك انتا صح ويبقى زي الخاتم في صباعك
رفعت انتي مش فاهمه حاجه اخوكي ماسك منصب كبير في الشركات وكمان تحت ايده مشاريع كتير بملايين
رهف بتهوين الأمر بابي حضرتك كنت ممشي الشغل من قبل سراج يعني الشغل كله اسراره عند حضرتك يعني اوريدي بيه من غيره حضرتك هاتعرف تمشي الشغل سيبه يشوف البهدله اسحب منه كل حاجه الكريدت كارد أوقف حسابه في البنك خد العربيات وسيبه يشوف يعني ايه فقر ولما ميلاقيش مكان هايرجع تاني ليك وتقدر وقتها تعمل كل اللي انتا عايزه هو عايش في زمن كلام ملوش لازمه ملهوش تمن ولا سعر
رفعت بفخر من بنته: ياريت اخوكي كان زيك بس للاسف طالع غبي باصص تحت رجليه مش شايف قدامه وداه هايخسره البيزنس مفيهوش عواطف ولا مشاعر مفيهوش الا انا وانا وبس
رهف عندك حق يا بابي
دريه بتفكير بس خد بالك يا رفعت ابنك ممكن فعلا يدور على اولاد اللي ما يتسمو صابره وممكن وقتها يعملو رباطيه وياخد منك ويديهم
رفعت عندك حق علشان كده لازم عيني تبقى في وسط راسي الفتره اللي جايه
رهف مامي معاها حق لازم حضرتك دلوقتي تكون مسخر كل تركيزك على الشغل وبس وتاديب سراج وحتى لما يرجع لازم حضرتك متديهوش الأمان ولا الصلاحيات الكامله
رفعت عندك حق خصوصا ان الفتره اللي جايه اكيد مش هاتكون خير عند عمتك رقيه وعمك رفعت
دودي بخبث وكده ممكن تقدر توقع الكل وتخلي الشركه لصالحك
رفعت بنفي لا رقيه سهله ولا رأفت غبي الاتنين عاملين زي ابليس وأعوانه
رهف وحضرتك كمان يا بابي مش سهل متنساش ان حضرتك رئيس مجلس الإداره يعني ليك النصيب الاكبر من المسؤليه
رفعت داه حقيقي بس في نقطه غايبه عنكم ان كل حاجه بنملكها مشاركه بينا احنا الثلاثه حتى حق التوقع سواء البنكي او على اي صفقه او مشروع لازم توقيع ثلاثي
دريه اكيد ليها حل
رهف بتأكيد شور يا مامي هي كل الموضوع محتاج تفكير من بابي ويقدر يحدد هايتصرف ازاي ولازم الموضوع يخلص الفتره دي قبل ما يلحقو يفوقو من المشاكل اللي هما فيها
رفعت بفخر بنت ابوكي بصحيح واخده عقلي انا وامك ياريت الخايب اخوكي يفكر ويتصرف زيك
رهف اكيد هاييجي الوقت داه يا بابي
عادل وعاصم وصلو الشقه دخلو وعنيهم بتلف في كل ركن فيها وكل ذكرياتهم بتتعاد قدام عنيهم عادل اترمى على الكنبه
عاصم الشقه مبهدله جامد
عادل ننضف اي اوضه ننام فيها والصبح نجيب حد ينضفها
عاصم عندك حق وسكت لحظات
عادل بتفكر في ايه
عاصم سراج ومهدي ازاي نسيناهم
عادل والله ما عارف افكر في نفسي ولا افكر فيهم
عاصم مينفعش طيب احنا وجعنا هين دول عاشو طول عمرهم في كدبه وكدبه كبيره اوووي كمان
عادل طيب هانعمل ايه يعني
عاصم مسك التليفون واتصل بمهدي
مهدي :ايوه يا عاصم
عاصم انتا فين
مهدي بلف لا عارف احدد مكان ولا رايح فين ولا هاعمل ايه زي اللي تاه من وسط اهله في الدنيا
عادل خد التليفون من عاصم :اسمعني يا مهدي احنا في شقتنا القديمه تعالى هناك ولو سراج معاك هاته
مهدي لاء سراج معرفش فين طيب مليني العنوان
عادل :في مصر القديمه عند ...... عارفه
مهدي اه عارفه ماشي انا جيلكم
سراج فضل يلف بالعربيه لحد ما تعب وقف على المقطم ونزل من العربيه وقعد على الأرض قدامها
سراج كل حاجه كدب كل حاجه مسروقه علشان نعيش سرقو حيات أقرب الناس ليهم كله بفلوس حرام بص للعربيه حتى دي كمان بفلوس حرام يعني انا كلي حرام في حرام
ليه ليه يارب مكتوب عليا اشيل ذنب مش ذنبي واحاسب واتحاسب على ذنوب اهلي ليه اتكوي بالنار اللي جوايا
مهدي وصل العنوان وطلعلهم
فتحله عادل
مهدي دخل
عاصم اومال فين سراج
مهدي مش عارف من وقت ما طلعنا وكل واحد راح في طريق
عادل اتصل بيه خلينا نشوفه راح فين
مهدي اتصل مره واتنين وتلاته ومحدش بيرد
عادل وعاصم فضلو يرنو ميأسوش
سراج بعد وقت اخيرا رد
مهدي بقلق ايه يا ابني حرام على اهلك حرقنا التلفونات عليك رن بقالنا اكتر من ساعتين
سراج سكت ومردش
مهدي رفع التليفون من على ودنه لقى الخط لسه مفتوح
مهدي سراج انتا معايا
سراج مش عارف
مهدي سراج انتا فين
سراج بهذيان مش عارف ومش عايز اعرف اعرف ايه وليه لسه في حاجه تاني هاعرفها
مهدي سراج سراج ارجوك ركز معايا قولي انتا فين وانا هاجيلك
عاصم بصله في ايه
مهدي مش عارف مش عارف
عاصم خطف التليفون: سراج قولي انتا فين واحنا هانيجي ناخدك
سراج مش عايز مش عايز حاجه مش عايز حد سيبوني في حالي
ورمى التليفون جمبه
مهدي هانعمل ايه
عاصم بص لعادل والكل قلبه قرب يقف من الخوف
عاصم بتذكر انتا دايما بتقول ان سراج مش بيعرف يسوق الا وهو مشغل اى GBS
مهدي فعلا بس اشمعنه
عاصم هانعرف مكانه ودقايق وكانو حددو مكانه ونزلو بسرعه في عربيه عاصم القديمه ووصلو المقطم لقيو سراج راقد على الأرض جمب العربيه
مهدي نزل جري من العربيه وهزه بسرعه
سراج رد علية
سراج فتح عنيه وغمضها تاني
عادل خلينا ناخده البيت وهناك يحلها ربنا
سنده عاصم ومهدي
عادل هات عربيته واركنها تحت البيت لحد ما يفوق ونشوف هانتصرف ازاي
ياترى بعد المواجهه وكل الماضي ايه اللي جاي في المستقبل وبكره مخبي ايه
يا ترى هارون بيفكر في ايه
يا ترى مين هايبداء بالغدر ورفعت بيخطط لايه
يا ترى مصير سراج ايه
يتبع
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق