رواية البلطجي الفصل السادس عشر والسابع عشر والثامن عشر والتاسع عشر والعشرين بقلم ولاء حامد حصريه في مدونة قصر الروايات
رواية البلطجي الفصل السادس عشر والسابع عشر والثامن عشر والتاسع عشر والعشرين بقلم ولاء حامد حصريه في مدونة قصر الروايات
الفصل السادس عشر
اتحرك عاصم وعادل بسراج اللي غايب عن الدنيا ووراهم مهدي على شقه عماد القديمه
طلعو ورقدوه على السرير
مهدي هانعمل ايه داه متدمر ومش حاسس بالدنيا
عاصم بحزن للأسف اللي فيه داه من الوجع خلينا نطلبه دكتور يشوف فيه إيه
مهدي مش محتاجه هو محتاج يرتاح ولما يفوق هايبقى كويس اللي فيه سراج داه نفسي
بصلة بعض وغطوه وطلعو
عاصم بصوا الشقه فاضيه انا هانزل اسحب فلوس واجيب شوية طلبات للبيت
مهدي لاء فلوس من نحيتهم تاني لاء والف لاء
عادل اهدي يا مهدي دي مش فلوسهم احنا سيبنا كل الفيز والكريدت كارد في الفيلا دي فلوسنا احنا
مهدي مش فاهم
عاصم بابا الله يرحمه كان شغال في شركه كبيره وكان مرتبه كبير واحنا كمان اشتغلنا فيها فتره كويسه ولما بابا مات احنا الورثه مستحقات بابا الماليه والشقه اللي كانت هناك والعربيه وكل داه احنا اللي استلمناه وكان مركون لما نزلنا مصر علشان كنا بنشتغل في الشركه مع ما
وضغط على شفايفه وسكت مقدرش يكملها ولا لسانه طاوعه ينطقها
مهدي فهم قصده لو كان كده ماشي لحد ما يفوق سراج ونشوف هانعمل ايه
عاصم ماشي انا نازل وانتوا حاولو تروقو المكان وتنضفوه لحد ما اجي واساعدكم
مهدي وانا افهم ايه في شغل البيت
عادل انا معاك
مهدي فرقت ايه انا او انتا لا بفهم ولا بعرف فيه وانتا زيي
عادل لاء طبعا واحنا عايشين مع بابا في السعوديه كنا بنعمل كل حاجه بنفسنا وبإيدينا متقلقش كده بص لاخوه انزل انتا وحاول متتأخرش علشان يادوب نلحق قبل ما سراج يفوق
عاصم ماشي مش هتاخر سلام
وسابهم ونزل
عادل قام يلا غير هدومك دي علشان نبداء
مهدي بتنهيده للأسف هدومي هناك في الفيلا ولسه مش عارف هاعمل ايه اصلا
عادل بلاش تشاؤم احنا اصلا مقاس بعض تعالي خد حاجه من عندي أو من عند عاصم وبعدين يحلها ربنا
مهدي بحرقه بردوا فلوسهم محوطاني في كل مكان
عادل احنا هدومنا دي اللي جينا بيها من السعوديه كل اللي جبناه من فلوسهم سيبناه هناك حتى التليفونات اللي معانا هنا كله مالنا احنا كل داه مال حلال يا مهدي احنا اتربينا لاب كان بيخاف ربنا كان بيتحرى الصدق والامانه في كل قرش قبل ما يدخل جيبه ويدخله جوفنا
مهدي بإرتياح ماشي يلا خيلنا نبداء
ودخل اخد شورت جينز وتيشرت من عادل
وعادل لبس بنطلون برمواد وتيشرت كات
مهدي هانعمل إيه
عادل هانلم كل الملايات اللي على الفرش ونحطها في كيس زباله كبير لأنها حرفيا مردومه تراب ونفتح الشبابيك قبل ما ننضف لأننا كده ممكن نتخنق ونمسح على طول علشان التراب مينزلش يبهدل الدنيا
مهدي بضحكه ست بيت شاطره
عادل بصوت رقيع اومااال واعجبك اوووي يا بيه
مهدي بضحكه مسروقه من الزمن طب يلا يا حلوه يلي
ورانا هم ما يتلم
وبدائوا ينضفو
مهدي انا حيلي اتهد
عادل وهو ماسك الزعافه احنا لسه بنقول يا هادي يادوب شيلنا الملايات ولسه بنضف الحيطان قوم يلا بلاش لكاعه
مهدي الهي يسترك يا شيخ نجيب حد ينضف احنا ناس بتوع شغل شركات مش شغل بيوت
عادل كله محصل بعضه
ورجعو يكملو تنضيف
وانضم ليهم عاصم اللي وصل وشايل اكياس كتير جدا
مهدي ايه داه كله انتا جبت السوبر ماركت كله معاك وانتا جاي يا قادر
عاصم لا يا حلو دي طلبات للبيت البيت فاضي مفيهوش لقمه توحد ربنا ولحد ما نشوف الايام اللي جايه شايله إيه لازم نعمل حساب كل حاجه يلا نكمل علشان نجهز الاكل ونصحي الاخ اللي راقد قتيل جوه داه
مهدي بإستغراب هو انا ليه حاسس انكم بتتعاملو وكأن اللي حصل شير عادي
عاصم بتوضيح لاني اتعودت من الدنيا انها قلابه وي موج البحر ممكن يكون هادي وفي لحظه يعلى ويبلع كل حاجه في وشه وداه اللي حصل بحمد ربنا اننا اتربينا مع بابا منكرش ان احيانا كنت بلومه على حرمانا من ماما بس دلوقتي فهمت انه كان خايف علينا من شرها ومن اللي عملته وبحمد ربنا الف مره ان الضربه جات علينا خفيفه وهينه مش تقيله زيك وزي سراج ويمكن سراج اكتر لان ابوه عامل اساسي في الموضوع وهو وماما السبب الرئيسي في ظلم اونكل احمد وأولاده
مهدي بكسره حاسس بسكينه بتدبح في صدري يا عاصم موجوع ومش قادر اقول اي كل ما بتخيل اولاد اونكل احمد وهما مبهدلين ف الشوارع واحنا عايشين في خيرهم وهما مش لاقيين
وكمل بوجع عارف انك تكتشف ان طول سنين عمرك تعرف انك عايش حياتك في كدبه كنت بستغرب لما سيبنا الوراق انا فاكر كويس اليوم داه احنا كنا مخطوفين
عادل ايه
مهدي ايوه والله العظيم مش انا لوحدي انا وسراج ورهف وحتى ميار كنا مع بعض ومش عارفين مين دول ولا عايزين مننا ايه بس طنط رقيه هي اللي خدتنا ولقينا نفسنا في حته مقطوعه ولما سألنها مردتش علينا
وفضلنا وقت طويل على الطريق نمشي لحد ما وصلنا العمار ولقينا عربيه ويومها جينا الفيلا هنا وسالنا طنط رقيه ان داه مش طريق ةلبيت قالتلنا ان داه هايبقى بيتنا الجديد ورلما شوفنا اهلناو سألنهم قالولنا انهم عصابه كانت خطفانا وطالبين فديه
كنا كبار اه بس صدقناهم مهو مصلحتهم ايه يكدبو علينا ومن يومها وكل حاجه دلوقتي بتتعاد فب دماغي قلبي بيقولي ان الحكايه مخلصتش على كده وان لسه فيه كتير مستخبي بس إيه هو داه اللي عايز اعرفه
عادل صدقني زي ما قدرو يخبو سنين وجات على اهون سبب واتكشفت بردوا الموضوع داه هايتكشف صدقني
عاصم بسرحان وشرود
مهدي مالك يا عاصم مش معانا
عاصم ها بتقول حاجه
مهدي قولنا حاجات بقولك مالك
عصم بفكر ازاي نقدر نوصل لأولاد اونكل احمد الله يرحمه
مهدي مش فاهم دماغك
طلع سراج اللي اضح انه كان واقف يسمعهم من فتره
سراج لان ابسط حقوقهم انه مالهم يرجعلهم
مهدي عندك حق بس ازاي وكيف احنا منعرفش ليهم طريق الوحيد اللي يعرف هو ابوك وظاهزمستكيل ينطق اللي خلاه رفض يتكلم قدام بابا يبقى هايقولك انتا
سراج قعد على كرسي جمبهم مش عارف
عاصم مش قولت انك ممكن تعرف عنوانه من السجل المدني
سراج سهل اعمل قيد عائلي بس بيكون مذكور اسم المنطقه وبس وهناك هانروح نقول يا هارون ولو فرضا ولقيناه هانقولهم ايه سوري على اللي حصل
مهدي كمان ابوك بيقول انه بقى بلطجي يعني ماهيصدق اننا نقع تحت إيده
سراج لازم نهدا ونفكر بالعقل علشان نقدر نعرف نحلها من غير ما نخسر حد ولا حاجه
عادل بتأييد عندك حق
عاصم الأهم دلوقتي اننا لازم نشوف شغل مش هانفضل قاعدين زي الولايا لا شغله ولا مشغله
عادل عندك حق
مهدي معاك بس هانشتغل ايه والأهم هانشتغل فين الأكيد ان أهلنا هايوصو توصيه زي الزفت علينا
الكل بص لبعضه بتفكير
استمر لوقت طويل جدا
عاصم خبط على راسه بإبتسامه كانت تايهه عني فين دي
عادل هي ايه
عاصم الشركه اللي بابا الله يرحمه كان بيشتغل فيها متنساش اننا اشتغلنا فيها كام سنه
مهدي بس الشركه دي في السعوديه على حسب كلامكم
عادل بتوضيح احنا اشتغلنا في فرع السعوديه انما الشركه نفسها موجوده في مصر وبابا كان شغال فيها قبل ما يتنقل فرع السعوديه وبابا ليه معارف كتير هنا وهناك كمان يعني نقدر نستغل النقطه دي لصالحنا والسي في بتاع كل واحد مننا محترم
سراج بتفكير مش عارف
عاصم مش عارف ايه بالظبط مش عارف انك محتاج تشتغل وتثبت نفسك بعيد عن كل العك بتاع عيلة المالكي ولا مش عارف تعيش بعيد عن المستوى اللي متعود عليه
سراج بنفي لاء طبعا انا مش عارف اذا كنا هانتقبل ولا لاء ومش عارف اذا كان هايبقى عندي مجهود اقدر اقدمه ولا لاء
عاصم لازم تفوق اللي جاي مش سهل لازم تقوم وتصلب طولك
قطع كلامهم تليفون مهدي وهو عمال يرن
مهدي بص لقاها ميار اخته كنسل
سراج مين
مهدي دي ميار تلاقي رأفت بيه موصيه علشان يعرف احنا فين وبنعمل ايه مهم اكيد مش هايسمحو لينا ننفصل عنهم بسهوله
سراج بصله بوجع وسكت
رجع التليفون رن تاني ومهدي كنسل ورن تالت ورابع
عاصم رد لحسن يكون فيه حاجه خلينا نبقى بردوا في الصوره
مهدي رد بحده ايوه خير
ميار بنهيار مهدي انا محتجالك اوووي
مهدي قام منطور من مكانه بفزعه مالك يا ميار في إيه
عاصم شاوله يفتح الاسبيكر
مهدي هزله رأسه بلاء
عاصم أصر عليه بصوت واطي يا ابني شكل الحوار كبير اخلص بقى
فتح الاسبيكر ومسك الموبايل في ايده في ايه
ميار بإنهيار بابي ومامي يا مهدي
مهدي بقلق مالهم حد حصله حاجه
ميار بعياط:لاء سمعتهم بيتكلموا عن اونكل احمد
مهدي غمض عنيه بوجع طيب اهدي وفهميني ايه اللي حصل
ميار بشحتفه عياط حكتله كل اللي سمعه
مهدي سكت
ميار انتا كنت عارف صح
مهدي انا لسه عارف انهارده يادوب من كام ساعه
ميار انا مش عايزه اعيش هنا انا مش قادره أصدق انهم بالبشاعه دي اومال ايه القيم والأخلاق وحبو بعض وانتوا اخوات والاخوات سند هنا ازاي كده حد يفهمني هما ازي كده
مهدي طب اهدي وبطلي عياط
ميار مش قادر حاسه ان قلبي هايقف
انا مش طايقه اقعد هنا
مهدي بصلهم بوجع طيب بصي اهدي خالص دلوقتي وانا بكره هاتصل بيكي ولما نتقابل نتكلم ماشي
ميار بدموع ماشي
مهدي طيب روحي نامي وبكره يحلها الحلال ومتحاوليش تحتكي بحد منهم ولا تتكلمي مع حد منهم خالص لحد ما نتقابل ونتكلم اتفقنا
ميار ماشي اتفقنا
مهدي يلا روحي اتوضي وصلي ونامي وبكره يحلها الحلال
ميار حاضر
مهدي سلام
قفلو المكالمه ومهدي اخر ذره في ثباته انتهت
قام منطور بإنهيار زق الكرسي اللي قاعد علبه وقعه من عصبيته ليه حد يقولي ذنبنا ايه كلنا ندفع تمن طمع غيرنا ليه في ايه لحد امبارح الدنيا كانت غير الدنيا
سراج بشرود نفس الاحساس اللي حسوه اولاد اونكل احمد ومراته لما الدنيا كلها اتهدت فوق رأسهم
عادل بص لعاصم وبوجع تفتكر يا عاصم الدنيا ممكن تعمل بينا كده
عاصم بصله بصدمه تعمل فينا ايه قصدك إيه
عادل بتنهيده وجع نقطع في بعض وننهش بعض زي اللي حصل بين ماما واعمامك واونكل احمد اصل داين تدان
عاصم بحده ورفض قاطع انتا مجنون احنا اتربينا اننا درعات بعض الاتين مينفعوش من غير بعض عاملين زى جناحات الطير مينفعش يطير بجناح واحد ولا يقدر يطير لو حصل للجناح التاني حاجه اطمن يا عادل وطمن قلبك احنا تربيه عماد مش تربيه رقيه اتربينا على الحرام قبل العيب اتربينا على اللقمه الحلال على الخوف من ربنا الفرق بينا وبينهم كتير
سراج ايه الفرق بقى يا عاصم
عاصم بتوضيح الفرق اننا اتعودنا نقاسم اللقمه مع بعض اتعودنا نشيل بعض اونكل احمد غلط
كلهم بصوله بصدمه
عاصم ايوه متبصوليش كده غلط لما اتحمل فوق طاقته
مهدي كنت عايزه يرمي أخواته
عاصم لاء داه موقف رجولي وجدع منه الغلط لما كبرو كان لازم كل واحد يشيل شيلته ونفسه كان فاكرها جدعنه وانه الراجل السوبر لما يتحمل أخواته وهما شحوطه الصح كانت المسؤوليات والمصاريف كمان تتقسم
انما هو فضل شايل ومتحمل لحد ما هما اتعودو انا افتكر زمان بابا كان ديما يتخانق هو وماما بسبب انها مهمله في البيت وكانت دايما تقوله انا اتربيت على الدلع والدلال مش على الخدمه والشقى فداه كان غلط معناه انه كان شايل حتى شغل البيت وداه عودهم انه طبيعي
سراج فعلا افتكر لحد ما دخلت المدرسه اونكل احمد كان دايما بيجيب لبس ويدي بابا وماما فلوس حتى لما اتجوز حياتنا اتغيرت كتير معرفش ازاي وقتها بس فهمت دلوقتي
مهدي فعلا كان على طول بييجي ويجيب حاجات كتير جدا
عاصم داه اللي انا بتكلم فيه انه عودهم على أن كل اللي معاه ليهم لحد ما طمعو في اللي معاه سواء حقهم او مش حقهم
عادل اول مره اعرف انكم كنتو تعرفوه
سراج انا فاكر شكله بالتقريب
عاصم بس محدش جاب سيرته قبل كده
مهدي السنين بتنسي واحنا مكناش نعرف اللي حصل مهما كنا كبار بس الاكيد اننا مكناش نعرف
عاصم كنتو كبار
سراج ايوه تقريبا حوالي 16 او 17 سنه
عاصم داه نفس السن اللي سافرنا فيه مع بابا انا كنت وقتها 14 سنه او 15 مش فاكر اوي
مهدي بحزن ربنا يرحمه ويتولانا في اللي جاي
في اجتماع في شركه MHM
مصطفي ها يا بشمهندس ناوي تعمل ايه كده المشروع بقى لينا رسمي بخلاف انه تم اختياره للوجه الايقونيه للعاصمه الجديده
مالك انهارده بس وصلنا ايميلات بكميه شغل مهوله والكل طالب التعامل معاك شخصيا
المهندس المطلوب مني هانفذه
مصطفي هاتفضل عامل زي الجندي المجهول يعني ولا ايه
المهندس أمته الشغل احتاجني وملقنيش
مالك محصلش بس المره دي غير المره دي مطلوب تروح تعاين الموقع وتقف على كل كبيره وصغيره والاكيد انه هايكون فيه صحافه بتابع العمل يوم بيومه
المهندس خد نفس طويل وطلعه مره واحده
مالك يا بشمهندس الكل بيسأل على العبقري وانتا مش عارف ليه مصر متظهرش مع ان داه هايعملك اسم وسمعه كويسين جدا في وسط رجال الأعمال
المهندس بتوضيح يا مالك افهمني ظهور يعني صحافه واعلام وسوشيال ميديا وراك منين ما تروح يعني حياتك على المشاع وعلى الملاء وانا مبحبش كده بحب اعيش بطبيعتي لو روحت مكان تلاقي كل اللي ماسك تليفون واقف يصورك بتحس انك متكتف لازم تتعامل بالشوكه والسكينة وانا بحب اتعامل تلقائي ليه اعمل حساب للكلمه والموقف والنفس كمان مع ان في ايدي اني اعيش بني ادم طبيعي
مصطفي كلامك يحترم بس مجال شغلنا زي ما بيعتمد على الجوده بيعتمد على الشو
المهندس انا عليا الجوده وسايبلكم انتو جو الشو الاعلامي انا عايز اعيش حياتي بحريتي مش عايز اعيش متكتف اخرج من بيتي لاقي الكاميرات تحرق وشي اروح مكان الاقيه بعدها بربع ساعه نازل على السوشيال ميديا لو خرجت مع حد اضطر أوضح هو مين وكنا بنعمل ايه
مالك المشروع الجديد مينفعش تستخبي لازم تظهر وتتابع الشغل بنفسك انتا عارف كل كبيره وصغيره عن الموقع ومسؤول كليا عن التصميم والتنفيذ
المهندس معاك مش معترض وانا عمري ما بقصر في شغلي
مالك يعني اعتبر كلامك انه خلاص هاتكون متواجد
المهندس اكيد طبعا كل موقع اشتغلنا فيه كنت متواجد كل يوم ومتابع الشغل ثانيه بثانيه لو احتاج تدخلي بتدخل
مصطفي بإحباط فهمت يعني كالعاده موجود وكأنك متفرج
المهندس مادام الشغل بيطلع صح مفيهوش غلطه يبقى خلاص
مصطفي بردو مُصر على رأيك
المهندس منا وضحتلك وشرحتلكم وجهة نظري مش عايز حد كل نفس متراقب ومتحاسب عليه
الاتنين بصو لبعض بقله حيله وسكتو
المهندس المهم عايزك تراجع كل الايميلات االي اتبعتت وتشوف العروض المقدمه وننقاشها لان داه في حد ذاته هايبقى نقله كويسه لينا ولاسمنا ولاسم الشركه وكمان هايوفر سيوله كبيره جدا
مالك انا كنت هاعمل كده فعلا بس كده هانضطر نستعين بفريق التصميم الهندسي لانه مش مشروع ولا اتنين دول مشاريع وفيهم قرى سياحيه ومنتجعات كامله
المهندس نشوف الأول الاولويه لمين انا هاصمم المشروعات بنفسي والباق يهايتم مع الفريق الهندسي تحت إشراف مباشر مني انا شخصيا
مصطفي بس كده ضغط كبير عليك هاتلحق تصمم ولا تشرف وتراجع ولا تعاين المواقع ولا تتابع الشغل في العاصمه الجديده
المهندس متشغلش بالك اولا معاينه المواقع اللي هاصممها بنفسي هانزل اعمل معاينه سريعه مع كام مهندس أما شغل العاصمه انا هتابع مع المسؤلين وانتوا موجودين لو فيه حاجه محتاجه وجودي هتلاقيني أما الفريق فلازم يتدرب ويستعد علشان اللي جاي هايكون تقيل لازم ينزلو ويتفحتو في الشغل كفايه عليهم راحه اللي فات خلص والي جاي عايز وحوش تسد السوق لو كان الأول فيه الف عايز وقوعك دلوقتي فيه مليون المشروع خد الوجهه الايقونيه لو مش فاهم معناه ايه افهمك معناه ان المشروع داه هايبقى حديث الصحافه والصحف العالميه فهمت
مالك انا فاهم بس اللي جاي عايزك انتا بالتحديد
المهندس وانا سبق ووضحت هنا ليهم جوده الشغل وانا بنفسي هاشرف على التصميمات هاتتصمم بدماغي انا بس بإيد تانيه علشان ياخدو خبره انا مش هاقدر أسد في كل الجبهات المفتوحه دي
مصطفي عندك حق
المهندس تمام كده انا خلصت اللي ورايا لو فيه حاجه مطلوبه مني ياريت تبلغوني بيها وانا معاكم 24 ساعه على التليفون
مصطفي عارف يا بشمهندس احسن حاجه فيك ايه
المهندس قعد تاني وبصله وابتسم ايه
مصطفي انك مش اناني كان ممكن تقول وانا ادرب واعلم ليه مع انك عارف ان المهندسين دول وراد جدا انهم يروحو شركات تانيه او يفتحو شركات خاصه ومع ذلك بتقولى تدريبهم
المهندس بهدوء اول هام دلوقتي اسم الشركه يوم عن يوم هايسمع يعني الكل هايعتبرها فرصه العمر انه يشتغل فيها أما انه يطلع ويشتغل ويفتح مجال لنفسه في سوق العمل داه حقه السوق مش حكر علينا ولا على غيرنا مادام المنافسه شريفه انا مش اناني انا اكتر واحد عارف قيمه ومكانه كل شخص قدامي ودلوقتي يلا بقى علشان اكيد المعدات وصلت الموقع لازم اروح اتأكد بنفسي واتمم على كل حاجه من بكره هايبداء المعجنه سلام
وسابهم ومش
مالك باصص لاثره وسرحان
مصطفي في ايه يا ابني
مالك مش عارفه بحس ان المهندس غريب اووي وغامض صعب ان مكانش مستحيل تعرف اللي جواه
مصطفي داه حقيقي بس مميز في شغله
مابك منكرش بس اي حد مكانه هايفرح انه يبقى خظيث مصر وبكره يبقى حديث العالم
مصطفي مهو شرحلك وجهة نظره
مالك حاسس ان لسه فيه حاجه مستخبيه
مصطفي طول عمرك شكاك بس داه البشمهندس الجينيس
مالك عارف وعارف انه امين لأبعد الحدود وليه الفضل بعد ربنا ان الشركه دي تفضل وتكمل في مجاب المعمار انا بقولك حياته الشخصيه بصفه عامه غامضه
مصطفي اللي لينا عنده وبينا وبينه الشغل والشغل وبس
مالك عندك حق وكل حاجه بتبان في وقتها
يا ترى اللي جاي مخبي ايه تاني
وايه مصير اولاد المالكي وعيالهم
وايه مصير هارون وأخواته
يتبع
الفصل السابع عشر
رفعت وصل الشركه وبعت خبر لرقيه ورأفت
السكرتاريه بلغوه ان رقيه مجاتش ونفس الوضع في مكتب رأفت
رفعت بنفخه اوووف وبعدين بقى ايه شغل العيال داه
مسك الموبايل وبعت رساله لرقيه ورأفت نصها
(( تعالو الشركه ضروري جدا الموضوع يخص الاولاد ))
خلال نص ساعه كانت وصلت رقيه بسرعه زي المجنونه بلهفه وكان وراها على طول رأفت دخلو مكتب رفعت زي المجانين
رقيه في ايه ولادي فيهم ايه رفعت انطق اتكلم
رفعت مش وقت بردوك يا رفعت
رفعت بهدوء ممكن تقعدو علشان نتكلم
رأفت هانتكلم في إيه ها لسه فيه كلام متقالش
رفعت اقعدوا لسه فيه كلام كتير
رقيه كلام ايه وعيالنا منعرفش عنهم حاجه وبعدو عننا
رفعت مش لوحدكم انا كمان ابني الكبير ودراعي اليمين معاهم بس الفرق هنا العقل انا حسبتها بعقلي حكمته علشان اتحكم في زمان الأمور
رأفت انتا ايه مصنوع من إيه قلبك موجعش على ابنك اللي بايت بره بيته وبره حضنك من إمبارح
رفعت سيق وقولتلك في البيزنس مينفعش لا مشاعر ولا عواطف
رقيه قصدك إيه وعايز توصل لايه
رفعت طيب اقعدو بقى علشان تسمعوني
اول هام الاولاد خدو علي حياه العز وحياه الطبقه المخمليه مش واخدين على البهدلة والمرمطه علشان كده انا اللي بقولكم سيبوهم لما يتبهدلو هايرجعو من نفسهم بس هاتبقى غير هايعرفو اننا عملنا كل حاجه علشان مصلحتهم علشانهم في الاخر
رقيه وضح كلامك وهات من الاخر مش عايزه لت وعجن فاضي
رفعت بلع الاهانه يعين نكمل في حياتنا وهما اللي حياتهم هاتقف لما يتعب ويتبهدل طول الشهر علشان كام ملطوش ميكفهوش يومين هايرجع بس هايرجع وهو بيقولك شوبيك لوبيك لانه اتمرمط
رأفت ولو مرجعوش يبقى ازي الحال
رفعت بإصرار هايرجعو لما يتسحب منهم كل حاجه مش هايقدرو يعيشو حياه اقل من حياتهم ودلوقتي خلونا في المهم
رقيه اللي هو ايه
رفعت دلوقتي محتاجين نركز مع شركه الشحن وشركة النقل سواء المحلي او الدولي شغل النقل والشحن مطلوب اوي اليومين دول وخصوصا كمان مع بدايه العمل في مشروع العاصمه الجديد خلاف ما تم الإفراج الجمركي على جميع شحنات الاعلاف هناك يعني الفتره اللي جايه المجال مفتوح جدا ومجزي ونقدر نعوض الخساره اللي خسرناها في مشروع العاصمه
رقيه قصدك اللي خسرتها احنا من البدايه كان بينا اتفاق وانا وافقت يبقى تتحمل النتيجه لوحدك
رفعت ماشي كلامك يا ستي انا هاشيلها لوحدي
رأفت بسخريه وانتا طبعا سيد من يصطاد الفرص ويجري وراها هاتفضل طول عمرك كل همك تجري ورا المال
رفعت وماله الشاطر اللي يكسب ويدور يزود المكسب ويزود فلوسه ولا ليك رآي تاني
رأفت ولا تاني ولا تالت انتا واحد قلبك مات من زمان اعمل اللي تعمله
وسابهم مشي
رفعت رقيه خدي بالك من اخوكي الفتره دي بيتخبط كتير ومتستبعديش تلاقيه بيدور على أولاد صابره وتلاقي تعب السنين راخ في غمضه عين
رقيه تفتكر
رفعت افتكر وافتكر اوووي مشوفتيش لما قولت بقى بلطجي قد الدنيا اتجنن ازاي
رقيه دي تبقى مصيبه لو كلامك داه صح
رفعت بخبث علشان كده لازم نبعده الفتره دي عن الشغل لحد ما نعرف دماغه فيها إيه
رقيه ازاي وانتا سيد العارفين ان رأفت مبيأمنش لحد حتى لو كان مين
رفعت وداه دورك تحاولي تبعديه على
قد ما تقدري
رقيه ودي اعملها ازاي وكل حاجه بينا مشتركه
رفعت انتي ام الأفكار والمسؤله القانونيه عن الشركه فكري ومخمخي مع نفسك ازاي نخليه محلك سر دي لعبتك ولا ايه
رقيه بتفكير مش عارفه بس الأهم ان يوقف حقه في التوقيع وداه في حد ذاته العامل الأكبر يليه توكيل عام محترم غير قابل للالغاء غير بوجود الطرف الآخر
رفعت طب منتي دماغك شغاله اهو ظبطيها بقى بس حكايه التوكيل دي صعبه شويه
رقيه لا مش صعبه تتظبط مع موظف الشهر العقاري بالفلوس وكله هايعدي المهم والأهم توقيعه
رفعت تمام منتي حلتيها اهو في دقايق دماغ شغاله مفيهاش كلام
رقيه كل داه كويس المهم ازاي وكيف واخوك بيقرأ ورقه ورقه مبتعديش من تحت إيده هفوه
رفعت حطيه وسط ورق الصقي ورقه في ورقه خليه مشغول ومتديلهوش فرصه يقرأ انا اللي هاقولك
رقيه سيبني وانا هاعملها متقلقش مهو على جثتي عيال صابره ياخدو قرش من تعبنا وشقانا
رفعت هو داه الكلام منا عمال اقول كده من زمان
رأفت كان نسي المفاتيح بتاع العربيه وافتكرها ورجع ياخدها وقبل ما يدخل سمع الحوار اللي دار
يا أولاد ال مااشي عاملين روباطيه عليا وماله قابلو بقى اللي جاي وانتو اللي بديتو والبادي أظلم
مازن ها روحت الموقع
المهندس اكيد منتا عارف لازم اتابع كل حاجه بنفسي والمعدات وصلت ودخلت الجراج كمان
مصطفي كده باقي ايه علشان نبداء
المهندس اننا نعمل بكره اعتماد بنكي علشان ندفع الدفعات الأولى لأننا على حسب الإتفاق واخدين مهله بين كل دفعه ودفعه 5 شهور فلازم نشتغلهم بإيد من حديد مفيش فيهم لحظه تهاون من بكره هانسلم الفلوس ونبداء الحفر مباشره
مازن بس كده بدري
المهندس بدري من عمرك كل يوم تأخير هاندفع تمنه معداتنا في مواقع الشغل التانيه حضرتك وكل يوم المعدات دي واقفه عطلانه مدفوع تمنه ودي ملايين يعني مفيهاش هزار
مصطفي اهدى يا بشمهندس مالك ميقصدش هو بس مش عايز يضغط عليك
المهندس سبق وقلت الشغل شغل بعيد عن العواطف والصداقه والحسابات التانيه
مالك خلاص اللي تشوفه انتا حر
مرت الأيام تقيله على الكل
شركه MHM شغاله بإيدين من نار علشان يبقى ليها الاسبقيه عن باقي الشركات وبدائت توسع شغلها بسرعه كبيره واسمها أصبح في الصداره
عاصم قاعد على اللابتوب
مهدي بتعمل إيه قاعد بقالك ساعه وعينك متشالتش من على الشاشه
عاصم وهو عينه لسه على الشاشه ببعت السيفيهات بتاعتنا وبعت على الميل لواحد معرفه كان صاحب بابا الله يرحمه وماسك منصب كبير في الشركه وطلب ابعتله السي في وانا جهزتهم وببعتهم اهو وقربت اخلص
سراج تمام انا كده ولا كده شغال
اون لاين للشركه
مهدي فكره حلوه لو طولنا ابقى شوفلي شغل معاك
سراج ماشي
عادل صدقني عندي امل كبير اننا هانقبل في الشركه احنا اللي أخرنا تجهيز الورق والسي في
مهدي ماشي بس اهو بردوا بدل ما الواحد قاعد عاله عليكم
عاصم عيب اللي بتقوله والله هايبقى بزعل
مهدي مفيهاش زعل دي فلوسكم وانتوا أحق بيها
عادل كلنا في مركب واحد
سراج سيبها لوقتها
رقيه في محاوله جديده مع رأفت دخلت المكتب ورافت وهو مركز عينه في كومه ورق قدامه
رقيه رافت
رأفت من غير ما يرفع عينه خير يا رقيه
رقيه وهي بتقرب منه بحذر وهدوء الورق داه عايز توقيعك
رأفت وهو لسه على وضعه طب سيبيه وانا لما أفضى هاوقع عليه
رقيه يا رأفت بقولك ورق مستعجل ميتأخرش داه علشان تخليص ورق الجمارك لازم تمضي علشان يادوب اللحق اروح اخلصه من المينا
رأفت متشغليش بالك سبيه وانا هاروح مكانك المينا اهو الواحد يشم هوا نضيف ويغير جو ويطلع من مود الشغل والتعب على فراق عياله
رقيه بمحاوله لاقناعه وفيها ايه لو وقعت عليه دلوقتي خلينا نخلص
رأفت ببرود فيها ان معايا بردوا شغل مستعجل وأهم داه الميزانيه السنويه اللي هاتتقدم لمصلحه الضرايب ايه رائيك اسيبها ولما ييجي وقتها نلبس في الحيط بالجمله ولا اركز ولما اخلص اشوف الورق وقولتلك انا هاروح مكانك تعابه روحك ليه بقى
رقيه لأنك كل شويه تقعد تعطل الشغل وتفضل تفصص الورق ورقه ورقه ودي مبقتش طريقه شغل
رأفت بإصطناع التفكير امممم
خلاص لو انا تاعبكم اوووي كده وبأخر الشغل نفضها سيره
رقيه بقلق وريقها نشف قصدك إيه
رأفت بجمود زي ماكانو بيقولو في بولاق زمان ها زمان ايام الفقر شيل داه من داه يرتاح داه عن داه
رقيه عايز تطلع من الشركه يا رأفت
رأفت والله انتوا اللي طلبو مش انا وكمل بخبث مبطن اصلي ملاحظ انك ورفعت اليومين دول سمن على عسل اووي اوووي وحاطين عليا فقولت اريحكم مني خالص واسيبلكم الجمل بما حمل
رقيه لاء طبعا احنا كل الحكايه مركزين في الشغل وعندنا ضغطه بسبب غياب سراج ومهدي وعاصم وعادل انتا عارف انهم كانو شايلين اغلب الشغل
رأفت بهدوء قبل ما ييجو الشركه كنا شايلين الشغل لوحدنا وكنا كمان بنكبر الشركه لحد ما بقت مجموعه شركات في مجالات كتيره فغيابهم مش هايقصر اوووي لأننا واخدين على ضغطه الشغل يعني مش جديده علينا وعلى العموم اعرضي الموضوع على كبيرك الحالي وابقى بلغيني متنسيش
رقيه موضوع ايه
رأفت فض الشراكه
رقيه محدش مننا معاه سيوله كافيه يشيل منك
رأفت عادي ممكن ندخل شريك غيري
رقيه بعصبيه عايز تدخل غريب بينا يا رأفت دي اخرتها
رأفت اهدي يا قلب اخوكي العصبيه غلط على سنك اخوكي قالها البيزنس مينفعش فيه عواطف ولا مشاعر البيزنس يعني فلوس وبس علر العموم اعرضي الموضوع عليه وشوفي رائيه واه هاتسيبي الورق ولا هتاخديه في ايدك زي كل مره
رقيه طلعت وهي حاضنه الملف بعصبيه
رأفت رمى القلم بسخريه ولسه فاكريني احمد تبقى غلبانين اووووي دانا بحوري تغرقكم يا حوش
طلعت رقيه وهي في قمه عصبيتها ودخلت مكتب رفعت بدون استئذان
رفعت في ايه يا رقيه ايه الدخله دي
رقيه سيبك من الدخله والخارجه في مصيبه وهاتحط على راسنا كلنا
رفعت بقلق في ايه ايه اللي حصل
رقيه بعصبيه وصوت عالي البيه اخوك عايز يفض الشراكه اللي بينا وياخد حقه وقالهالي صراحه في وشي
رفعت امتي بتقولي ايه
رقيه بقولك اللي حصل ها ازي الحال بقى
رفعت يعني زي ما توقعت اهو حصل يبقى لازم تنفذي اللي اتفقنا عليه في أسرع وقت انتي مأخره ليه اوعي يكون صعبان عليكي اخوكي ناوي على الغدر يبقى نتغدا بيه قبل ما هو يتعشا بينا كلنا ويدمر تعب السنين دي في غمضه عين
رقيه وانتا فكرك اني محاولتش انا طول الشهور اللي فاتت دي بحاول كل يوم مره واتنين وكل مره يقعد يقرأ الورق كلمه كلمه كأنه مخونا ودلوقتي دخلتله وانا عارفه انه غرقان لشوشته في ميزانيه الضرايب قالي سيبي الورق ولما اخلص هامضيه على رواقه وحرق دمي
رفعت اوعي تكوني سيبتيه دي تبقى مصيبه لو اكتشفه
رقيه بطل هبل اسيب ايه انتا راخر لا طبعا الورق معايا وشاورتله على الملف اللي في ايدها
رفعت خد نفس وخرجه طيب الحمد لله
رقيه ها ناوي على ايه
رفعت قوليله مفيش سيوله تكفي اخترعيله اي حجه والسلام
رقيه فكرك مقولتش كل داه متتعاملش معايا على اني غبيه البيه شكله مظبط كل حاجه عايز يدخل شريك من بره
رفعت هو اتجنن ولا ايه بصي حاولي بالطول بالعرض تمضيه على الورق داه كيف وازاي دي مسؤليتك بدل ما كل اللي عملناه يتهد فوق روسنا كلنا
رقيه متزعقش اعملها ازاي انا اسقيه حاجه اصفرا
رفعت بإبتسامه وماله نسقيه حاجه اصفرا واحمرا واخضرا كمان لو حكمت
رقيه نعم قصدك إيه وابتسمت بخبث دماغك دي فيها إيه أنا عارفاك كويس اوووي
رفعت ولا حاجه كل الحكايه تعزميه عندك وقرصين من االي بيعملو دماغ في الأكل في عصير في شاي في قهوه في اي حاجه
رقيه يا ابن اللذينا دماغك دي في الشر معندهاش يأما ارحميني
رفعت عشان مصلحتنا احط اي حد تحت رجلي
رفعت ها معايا لا عليا
رقيه معاك طبعة ورأفت هو اللي بداء بالشر
في منطقه العمرانية نازله بنت جميله لابس دريس لونه كحلي وتليه جاكيت جينز ابيض من تاكسي طلعت عشرين جنيه الاجره يا اسطى
السواق عشرين جنيه ودول اعمل بيهم إيه المشوار خمسين جنيه يا مزمزيل
صدفه بشهقه هااا خمسين إيه كاك خمسين عفريت لما يلبسوك وينططوك يا بعيد ليه جايبني الزمالك ولا جاردن سيتي يا خويا هو حق المشوار عشرين جنيه لزمينك كان بها مش لازمينك بناقص واديني وصلت واسكع نفوخك في اجدع حيط
السواق اهدي يا قمر بس مع انك قمرين وانتي متنرفزه يا بنت الايه
صدفه قمرين دول تبقى امك وخالتك يا روح خالتك فوق ياض لحسن افتح نفوخك وافرج عليك عباده يا رمه يا قيحه يا تلقيحه يا بواقي الرجاله يا مرمي من باله يا عووومر في ايه يا نطع متظبط واعدلك عدله
السواق الله الله في ايه بس يا ست البنات داه الكلام اخد وعطا اومال
صدفه دانا اللي هاخد روحك يا ابن الوارمه لو مخفيتش من قدامي السعادي واتلفتت حواليها لقيت نص قالب طوب جريت تجيبه السواق شافها داس بنزين وجري بسرعه
صدفه رمت الطوبه اسوفوخس على دي أشكال بنت كلب عايزه ضرب الشبشب رجاله تخاف متختشيش الله يحرقهم بفلق بناره حرق دمي ابن الهرمه
هارون رجع البيت هلكان شاف أخواته واقفين يمثلو مسرحيه ويضحكو
هارون جه من وراهم وهو بيتسحب وبصوت عالي بتعملو ايه
حسام اتنطر ياشيخ ينعل ابو شكلك
هارون ايه اتخضيت
وكمل بضحك عليا الطلاج انتا اتخضيت يا حاج كامل
حسام بضحك من غير طلاق اتخضيت لدرجه اني مش عارف عملتها على روحي ولا مجرد احساس
هارون اترمى على الكنبه من الضحك يا لهووي شحط طول بعرض عملها على روحه دي تبقى نكته الموسم
جنا بالمناسبه دي اقولكم نكته
الكل بص ليها
بيقولك مره ركاب في طياره والطيار بيتكلم معاهم مره واحده صرخ ايه داه والصوت اتقطع
ودقيقه ورجع قالهم بعتذر يا جماعه المضيفه كبت علي البنطلون شاي
الركاب قالوله الله يحرقك تعالى شوف بنطلونتنا
الكل ضحك من قلبه
هنا طب يلا بقى عشان انا مجهزه العشا ومستيينك من بدري
هارون ماشي يا هنون
هنا دخلت المطبخ وهارون دخل وراها وبداء يسخن الاكل ويغرف معاها
هارون وهو طالع شايل الأطباق حسام مسك الموبايل وبيمثل انه بيصوره ياه يا جدعان الواحد يصوره المعلم هارون اللي اسمه يبرعب رجاله الوراق من شرق لغرب وهو عامل ست بيت وينزله على الفيس بوك
جنا لا نزله على التيك توك الناس كلها موجوده عليه
هنا طلعت من المطبخ طب جرب منك لهيا وانا اخليكم تغسلو السجاد وتسيقو الشقه واصوركم بنفسي
قبل ما حد يلحق ينطق هارون كان خطف التليفون من ايده وحطه في جيبه ها ازي الحال بقى
حسام بضحكه هبله عيل وغلط خد بياخد على كلام العيال
هارون انا باخد يا عيل
وقعدوا ياكلو وسط جو كله ضحك وفرحه اتحرمو منها من سنين
يا ترى اللي جاي مخبي ايه
وياترى رقيه هاتنجح فب مخططها هي ورفعت ولا للقدر راى تاني
ياترى هارون نسي ولا لسه ناوي على الشر والانتقام
يتبع
الفصل الثامن عشر
رقيه بدئت تخطط وتدبر ازاي توقع رأفت واتصلت بحد من معارفها القدام ايام مكانت شغاله في المحاماه
بشله ست الكل عاش من سمع صوتك
رقيه بخير يا بشله عامل ايه
بشله عامل خط وماشي عليه اؤمري ايه اللي فكرك بالعبد الغلبان
رقيه عايزه منك خدمه
بشله اؤمري عيني دي قبل عيني دي
رقيه طب فتح دماغك وطرطق ودانك معايا
بشله كلي معاكي يا ست الكل
رقيه عايزه حاجه كده اللي ياخدها يغيب بس يبقى فايق ويعمل كل اللي اقوله عليه من غير ما يفرهدني
بشله يبقى عليكي وعلى آل.....
رقيه وداه بيعمل ايه
بشله كل خير بيعمل المطلوب وزياده حبتين وتلاته
رقيه تمام عايزاه
بشله بطمع بس داه مهره غالي
رقيه ماشي عايزاه انهارده
بشله عيني ابعتلك الطياره لحد باب البيت
رقيه برفض لاء هاقبلك في وسط البلد كمان ساعه
بشله وجب هتلاقيني في مستنيك على نار
رقيه قفلت معاه وعلى وشها ابتسامه خبيثه لبست وخدت عربيتها ووصلت للمكان المطلوب في ميعادها بالظبط رنت عليه انتا فين
بشله في الدنيا
رقيه اخلص بروح امك
بشله الله الله وليه الغلط داه يا ست الكل صحيح ليكي عندي جميله بس الغلط مش مقبول
رقيه اخلص مش هانحكي ونتحاكي انتا فين
بشله عند محل .... اللي عند شارع .....
رقيه تمام تمام انا قريبه منك خليك معايا ع الخط لحد ما وصلت فتحت الشباك انا قدامك وشيفاك كمل على طول هتلاقيني في وشك مشي على وصفها لحد ما وصل
بشله شوفتك يا ست الكل
ميل ع الشباك عاش من شافك
رقيه واديك شوفتني جبت المطلوب
بشله وهو بيطلع لفه من جيبه
رقيه مدت ايدها تاخده بشله رفع ايده لفوق لا احنا قولنا ايه هو في عروسه بتطلع من غير مهرها وداه الغالي الغالي اوي اوي اوي
رقيه مدت ايديها في التابلوه وطلعت ظرف ومدته ليه
بشله فتحه وبص ليه وابتسم
رقيه بمكر المهر والشبكة كمان بس لا شوفتني
بشله ولا اعرفك انتي مين يا مزمزيل
رقيه بغمزه عليك نور وسابته وطلعت بسرعه وصبت الفيلا وهي بتبص للفه اللي في ايدها بإبتسامه طلعت الموبايل واتصلت برأفت
مره و اتنين ورد في تالت مره
رقيه ايه يا رأفت حرقت الموبايل عليك في ايه
رأفت بخبث معلش مخدتش بالي منتي عارفه اني مشغول لشوشه عيني في الميزانيه دي الضرايب يعني الغلطه بفوره وكمل بتلقيح مبطن وغلطه الشاطر بفوره ولا انتي عندك راي تاني
رقيه ولا تاني ولا تالت
رأفت طيب خير حرقتي التليفون رن زي ما بتقولي ليه
رقيه وهي بتلعب باللفه اللي في ايدها واتكلمت بثقه علشان تثبته كنت عايزه اقعد انا وانتا ورفعت نتصافى انا كلمت رفعت وقالي احنا مسميناش الشركه Triangle 3 R من فراغ احنا تلات أضلاع لمثلث واحد يعني مينفعش واحد فينا من غير التاني خلينا نتصافى
رأفت ببرود ايوه يعني عايزه مني ايه مش فاهم لحد دلوقتي
رقيه يا رأفت منا بقولك هنتجمع انا وانتا ورفعت عندي في الفيلا هانقعد ونتكلم ونتفاهم ومش هاتمشي الا وكل الأطراف مرضيه وانتا كمان هاتكون متراضي
رأفت بسخريه وغموض امممم تمام وماله شوفي الميعاد المناسب وانا اجيلك
رقيه بسرعه خلاص خير البر عاجله نخليها انهارده
رأفت لا انهارده صعب دلال تعبانه وميار معتزله في اوضتها وانا مش عارف في إيه خليها بكره او بعده
رقيه بتسرع على غير عادتها خلاص نخليها بكره بس حاول متحتكش برفعت لحد ما نقعد ونتصافى والف سلامه ميار ودلال فيهم ايه لو كده هاجي ازورهم واطمن عليهم بنفسي
رأفت بوجع الله يسلمك فيكي الخير مش مستدعيه هي بس تعبانه من فراق ابنها وانتي اكتر من يحس بيها منتي سبق واتكويتي بنارهم
رقيه اه عارفه ومجربه ربنا يردهم لينا من تاني ويبعد عنهم الشيطان وشره
رأفت بسخريه بانت على وشه بس قدر يتحكم في صوته :اللهم آميييين يكفيهم شؤ شياطين الإنس والجن
رقيه بتغيير للحوار خلاص كده على ميعادنا بكره متنساش
رأفت بتهكم متداري لا ازاي متقلقيش خالص هتلاقيني عندك في الميعاد
قفل المكالمه ورمى التليفون قدامه على المكتب وبص قدامه بتفكير وشرود هو اكتر الناس درايه بعقل رقيه وشرها
خد مفاتيحه ورجع الفيلا ودماغه بتشتغل في كل اتجاه بيحاول يربط الأحداث ويوصل لحلول بس للأسف دماغه مع مشاكل بيته وضغطه شغله مش مسعداه خالص
دخل وهو لسه على شروده
دلال مالك يا رأفت داخل وانتا سرحان
رأفت بنظره غريبه لا مفيش متشغليش بالك
دلال بو مشغلتش بالي بيك هاشغل بالي بمين يعني
رأفت بعيالك اللي واحد هج مننا والتانيه قافله على روحها فوق ولا حضرتك مش ملاحظه
دلال قصدك إيه بتلمح لايه
رأفت بحده وصوت حاد وصارم سبق زمان وقولتلك متشيلنيش ذنب انا مش قده وانتي فضلتي تزني على دماغي لاء ومتسيبلهومش الجمل بما حمل اهو الجمل كله برك علينا لما ضيع عيل والتانيه شكلها عرفت والاكيد ان اخوها قلها انتي مش ملاحظه انها مبقتش بتقعد اصلا معانا ولا بتتعامل معانا من يوم غياب اخوها
دلال بدفاع وهمي عن نفسها انتا عارف احنا قعدنا قد ايه ندور على عيال اخوك وعملنا المستحيل علشان نوصلهم وهما كأن الأرض انشقت وبلعتهم
رأفت بصلها بنص عين متأكده دانتي كنتي اكتر واحده جات عليا وقلبتي البيت جحيم على دماغي 48 ساعه في اليوم 24 ساعه وكل ما اجيب سيره اخويا ولا عياله تقوليلي في ايه بينك وبين صابره ومهما احلفلك واشرحلك وانتي ابدا كأنك مصدقتي هما كدبو الكدبه وانتي صدقتيها وعيشتي وعيشتيني فيها بلاش نفتح في اللي فات علشان وجع ليا وليكي وسابها ودخل اوضه مكتبه وقفل على نفسه الباب بالمفتاح
وساب دلال واقفه تبص عليه بشرود ووجع وخوف من اللي جاي
هارون قاعدين متجمعين وبيضحكو ضحكه نسيوها من سنين ضحه مسروقه وسط كومه احزان ضحكة حنين لأيام راحت من سنين وصعب ترجع تاني والكل بيعافر علشان يقدر يرجعها تاني ويعيشها من اول وجديد بعد ما اخيرا قدر يرتاح من سوء التفاهم اللي بينهم بقاله سنين
وفي عز ضحكهم هنا بقولك ايه يا هارون والنبي إلهي يسترك احنا كمكمنا يا اخويا من قعدت البيت ولا بنروح ولا بنيجي بره الحته أخرنا السوق واخواتك المدارس والدروس وعلى حطه ايدك لما كمكمنا ولا كمكمه الغسيل اللي نسيه صاحبه في الصيف وادينا على حطة إيدك اهو
هارون اممم انجزي عايزه ايه مهي الدخله دي وراها إنا هاتي من ابو اخر يا هنا انتي عرفاني لا بحب اللت ولا العجن ولا كتر الكلام
هنا إلهي يسترك ناخد يوم نطلع نشم هوا ونروح عن نفسينا شويه ونشم نفسنا شويه سوئت عليك حبيبك النبي ما تقول لاء دانا خللت من قعدت البيت وحفظت الحيطان حيطه حيطه من قعدتي في وشهم 24 ساعه
هارون عليه الصلاه والسلام بس يا هنا مينفعش هاروح بيكم فين بربطه المعلم كده بالصلاه ع النبي
جنا والنبي والنبي والنبي يا هارون وافق والنبي والنبي عشان خاطري
هارون بااااااس ايه يا بت نازله زن زن زن جار سرسور ودني لما اتخرم
خلاص منا عارفكم عملتو روباطيه عليا شوفو عايزين تروحو فين وانا هاتهبب واوديكم
هنا بعفويه نروح جنينه الحونات
حسام بتريقه جنينه الحونات هانروح نتفرج على ايه ع الحونات اللي هناك طب وعلى ايه المشوار اطلعي البلكونه وانتي تشوفي الحونات محنا عايشين وسطيهم
هنا لوت وشها وبعوجت بوقها يمين وشمال طب يا أخويا قول انتا يا ابو الافكار مادام انتا الواد الفتك اللي داير ولافف وعاملي فبها البورم مكان حلو نروح نتفسح فيه
جنا هاتبص لحسام بخبث
حسام بصلها بإبتسامه نصر
هارون خد باله منهم امممم استرها يارب انتوا حطيتو روسكم في روس بعض
جنا بإبتسامه لا خالص والله هي فكره يعني كده
هارون ايوه اللي هي ايه
جنا ايه رائيك نروح الملاهي
هارون بصلها بإستغراب وكأنها تنين براسين قدامه نعم يا روح امك ليه شيفاني عيل في المدرسه لابس شورت وتيشريت المدرسه وطالع رحله معاهم
جنا بتوضيح لا هو انتا فاكر الملاهي ايه
هارون شويه مراجيح مهو بدل البهدلة يا اختي اخدكم المولد واهو اسهل واقرب واوفر
جنا بلماضه يا هارون بقى بطل رخامه داه هي خروجه يتيمه كل قرن
هارون ايوه اعمل ايه انا معرفش الأماكن دي فين ولا بيتراح ليها ازاي اعمل ايه يعني
جنا بسيطه نروح دريم بارك
هارون ايوه ودي فين دي
حسام في أكتوبر
هارون نعم أكتوبر ليه هي البلد هنا قصرت لما عايزينا نروح اخر بلاد المسلمين
جنا يا هارون بقى في إيه منتا داير ولافف البلد من شرق لغرب جات على ارمط الغلبان وتقف وتعرض كمان
هارون بإصطناع الصعبنه حسبي الله ونعم الوكيل ادي آخرة اللي يبقى ابو أخواته وابو العيال يا شويه عيال ورمم كمان
جنا بزن وافق بقى والنبي والنبي والنبي عشان خاطري ورحمه ابوك ورحمة امك عشان خاطري والبني
هارون بزعيق يابت بااااس ايه دبانه عماله تزن جار ودني كتك القرف عامله زي الدبانه الزنانه اللي عايزه ضرب الشبشب خلاص هاتنيل اوديكم الأمر لله وحسبي الله
الكل هيص بضحك وانتصار
هارون هو ليه حاسس اني اتبلفت صح
هنا هزتله رأسها بضحك
هارون بكيفي على فكره ها
هنا طبعا هو حد يستجري يقول غير كده ومادام وافقت يادوب اللحق وقتي عشان اعملنا لقمه لبكره
جنا تجهزي ايه يا حجه
هنا منا لسه بقولك هاجهزلنا لقمه ناخدها معانا اومال هانروح هناك نجوع يعني ولا نجوع طب دنا هاقول اجهز التقليه وهاعملكم شويه محشي سكر كده سكر تاكلو صوابعكم وراه وهو جديد عليكم منتو ياما كلتوه من ايدي
جنا بصدمه محشي محشي يا هنا في دريم بارك طب متعلميلنا شوبه ملوخية ودكرين بط كمان علشان تبقى كملت
هنا بعفويه وتصديق طب انتي بتقولي فيها طب والنبي يادوب اللحق اللبس واخطف رجلي لحد السوق اجيب الطلبات واعدي ع الفررجي اجيب من عنده بط مادم نفسك فيه
جنا خبطت على وشها اقعدي واهدي يا حاجه الله يسترك مش طالبه فضايح هانروح الملاهي بحلل يا هنا
هنا اومال هناكل ايه نروح قلبنا يسقط علينا من الجوع يا اختي
جنا يا هنا اطمني المكان هناك مليان مطاعم
هنا بقرف وكشه وش اخ اخ يا قرف بقى اخرها ناكل من اكل الدكاكين يابت دول محدش عارف عملينو كيف
ولا ازاي اخ دانا بسمع عنهم كلام يشيب يا اختي لالالا شيلي الموضوع داه من راسك ال نقعد ناكل في الدكاكين ونبقى فرجه للرايح والجاي
جنا بهزه رأسه بطريقه كوميديه دكاكين بقولك مطاعم ومش اي مطاعم دي بيدخلها الناس الهاي الهاي اوووي اوووي اوووي
هارون بصلها بجمب عينه وانتي عرفتي منين الناس الهاي هاي اوووي دول يابنت صابره الله يمسي ابوكي بالخير عيشي عيشه اهلك يا بنت صابره
حسام متظلمهاش يا هارون من سنتين طلعت رحله تبع المدرسه وزمايلنا جم فرجونا على الصور
هارون ماشي ماعلينا المهم رسيتو على ايه
جنا يا هارون بدل الشيله والحطه والبهدله رايح راجع خلينا نروح خفيف خفيف ومش هانضيع نص اليوم في بهدله الشيل من هنا لهنا
هارون بمطه شفايف اممممم عايزه ايه يعني انجزي انتوا بقالكم ساعه نازلين دش جار نافوخي
جنا يا هارون يا حبيبي دي خروجه القرن ها مش هانضيعها ولو على الاكل والشرب ملحوقه يعيني في كل حاجه هناك كريب بيتزا شاورما حتى الكشري موجود ولو عايز سوشي تمام
هنا بلخفنه شو شش شا ايه يطلع ايه داه يا هارون
جنا اسمه سوشي سوشي
هارون بخنفان سوشي
حسام بضحك مالك بتقولها بقرف وخنفان كده ليه
هنا ايوه هو ايه اسمه ايه داه
هارون بتريقه وهو باصص لاخواته ورافعلهم حاجب ومنزل التاني سمك ني ملفوف برز
هنا بكشه وش اخييييي عليكي وعلى زفارتك كتك القرف يا شيخه يلا يلا يا معفنه وبتتريقي على المحشي
هنا وهي بتضرب كف بكف هو داه كل معرفتك بالسوشي
هارون ببرود ايوه هو ليه وصف تاني
جنا ايوه سوشي
هارون ايوه اللي هو ايه ها سمك ملفوف برز وعليه شويه صوصات عشان تشيل زفاره السمك يبقى في الأول والآخر سمك ماليش دعوه بقى بالمسمى انا ليا دعوه بالمحتوى
حسام خلاص يا هارون سمك سمك خلينا في المهم
هنا انتا رائيك ايه يا هارون انتا عارف اني بقرف من أكل بره
ونفسي بتلعى عليا
جنا والله داه الأكل جميل جربي انتي بس ومش هاتخسري حاجه
هنا طب انتي واحده بطنك حامضه وطفسه انا ذنبي ايه ها
هارون بتفكير المشكله ان انتي وجهة نظرك صح وهما كمان وجهة نظرهم صح
هنا ازي بقى يا ابو العريف
هارون ان احنا رايح مكان مطوح هانروح بشيله وحطه وبهدله ومين هايقعد جمب الشنط فهما هنا صح
وانتي صح في حته نضافه الأكل
هنا ايوه وبعدين هما صح وانا صح وبعدين بردوا مرسيناش على حل
هارون اظن مش هاتيجي من يوم بدل البهدلة والمرمطه ناكل الاكل اللي نعرفه يعني مشاوي لحوم حاجه نكون نعرفها واظن الأماكن اللي زي دي بيكون تحت النظر
هنا بتفكير
هارون هااا عايز رد عشان بناء عليه اتصرف
هنا بقله حيله خلاص لله الأمر من قبل ومن بعد ماشي كلامكم
استقروا اخيرا على اليوم بتفاصيله
ونام الكل بيحلم بفرحه جديده ترجع إياك طفولتهم المسروقه في شقا الدنيا
صحيت هنا وجنا من النجمه قايمين يتنططو زي العيال الصغيره
هنا طلعت تجري على اوضه هارون
وبوت عالي وبقت تهزه سا هارون اصحي يا هارون يلا هنتاخر
هارون وهو بيفتح عينه نص تفتيحه كده
يا أولاد الكلب انا مصدقت عيني غمضت وانتوا ورايا ورايا
هنا يلا بقى هنتاخر
وجنا على اوضه حسام جنا وقفت جمب السرير وخدت نفس طويل حساااااااااااام اصحااااااا
حسام قام منطور ابو امك غباوتك يا شيخه
جنا طب يلا قوم يا حلو لسه هانلبس ونجهز
طلعت بهدوء مخالف للاعصار اللي دخلت بيه
حسام قام بيخبط كف بكف
وخلال نص ساعه كانو كلهم جهزوا
ونزلو خدهم هارون بتاكسي لحد جراج عربيات
حسام احنا بنعمل ايه هنا المفروض نروح الموقف نركب
هارون بصله اصبر يا بابا وانتا تفهم اخواتك معانا مش هانبهدلهم في المواصلات
حسام هاتعمل ايه يعيني رسيني منخدنيش من ايدي زي العسل الصغير
هارون اصبر بقى ونادا بصوت عالي كاورك ولا يا كاورك
طلع شاب في حدود ال 14 سنه
المعنم هاننون منون انمكان يا معنما
حسام بتبرقه عنين هو بيقول ايه
هارون بضحك ياض يخربيت ام لسانك لخفنتني دانا كرهت اسمي بسببك
كاورك بضحكه عاليه عنا ايه يا معنما
هارون مش هجادل معاك المهم العربيه جاهزه
كاورك عنوسه غسنتها ونمعتها وبقت فله شمعه منونه
( عروسه غسلتها ولمعتها وبقت فله شمعه منوره)
هارون طب ايدك ع المفاتيح
خدهم منه وفتح عربيه كيا اسبروتاج
حسام وهو بيبص للعربيه بصدمه بتاع مين دي يا هارون
هارون بصله وعلى صوته عشان الكل يسمعه ومحدش يسأله تاني دي بتاع واحد حبيبي معرفه وهو صاحب الجراج داه كان اتسرق كذا مره وطلب حمايتي وانا بقالي سنين بحميه طلبتها منه إمبارح والراجل كتر خيره وافق
حسام بعدم تصديق بالسهوله دي يديلك عربيته اللي بشيئ وشويات كده لله وللوطن
هارون منا بقول يا متخلف اني بحمي المكان وأنه يديني العربيه يوم قصاد كل العربيات اللي قدامك دي تبقى في الأمان ولا حاجه
حسام ازاي بقى
هارون طب اركبوا وانا في العربيه هافهمكم
ركبو وهارون بداء يتحرك
حسام ها فهمني بقى
هارون بص يا سيدي الجراج داه مخصوص يعني لازم عليه حمايه فيه من اول الموتوسيكل لحد التريلا
وكل حاجه ليها ارضيه غير التانيه يعني الموتوسيكل ارضيته في الشهر 200 جنيه والتوك توك يعمله بتاع 300 جنيه اما العربيات من 500 لحد الألف جنيه يعني المكان داه نهر فلوس داخلاله بس المال السايب يعلم السرقه
وطبعا عايز حمايه لان اللي بيضيع هو اللي بيلبس جاني من كام سنه وطلب حمايتي وانا الحمد لله اسمي زي الطبل وسمعتي زي البفته ورجالتي زي النمل وانا حميته مقابل انه يشغل كام عيل اعرفهم جدعان بيدورو على اللقمه الحلال ومنين ما بقصده في خدمه الشهاده لله عمره ماقال لا
هنا بفرحه بأخوها: ربنا يحميك لشبابك ويبارك فيك وفي دراعك
حسام بص لهارون بفرحه واكتشف انه كان واخد فكره غلط عنه وارتاح ان كل يوم بيطمن عن اليوم اللي قبله ان اخوه جدع بجد مش مجرد بلطجي جاي ع الغلابه
واخيرا وصلو أكتوبر بعد معاناه ووصلو دريم بارك نزل هارون وركن العربيه في الجراج المخصوص هناك
جنا اتلفتت حواليها بإنبهار من شكل العربيات وميلت على هنا بهمس شايفه يا هنا العربيات حاجه تفتح النفس اهي دي الناس اللي عايشه وضاربه الدنيا صرمه
هنا بتعقل قولي الحمد لله احنا احسن من غيرنا وشاورت على واحد بيلم من الزباله شايفه داه يتمنى عيشتك ويحسدك عليها كمان وانتي بصيتي لدول ونسيتي دول
جنا لا والله الحمد لله طبعا انا بس بحلم واتمنى يمكن ربنا يستجاب انما انا عارفه والله اني احسن من غيري كتييير اوووي
هارون كان سامع حوارهم وابتسم انه اخيرا أخواته قدروا يفهمو معنى الحياه ويقدرو النعمه اللي هما فيها من غير اعتراض
قطع التذاكر ودخلو هنا وهي بتتلفت حواليها الله إيه الحلاوه دي اتاري عندكم حق يا مواكيس اول مره تقولو حاجه عليها القيمه
بدئوا يلعبو حتى هارون اتخلى عن كبريائه ورجع طفل تاني فرحان وسطيهم بس منسيش دوره في حمايتهم وعينه مغفلتش لحظه عنهم
جنا وحسام اصرو يركبو قطر الموت هارون تحت اصرارهم وافق وقطعلهم التذاكر وبداء يتحرك
هنا بصوات يالهووووي الحقوني هاقع هاقع يا أولاد الكلب نزلوني
الكل فصل يضحك عليها هنا طب والنبي عايزه اروح الحمام يخربيوتكم كانت شوره مهببه منكم لله انا ايه اللي خلاني اسمع كلامكم يا هارووون نزلني والنبي
غمضت عنيها وبدئت توشوش
اش اش اش اش
لحد ما نزلو ومحدش كان فاهم عي بتقول ايه
نزلت وهي بتسند ركبها بإيديها ياماما ياانا يا أبا منكم لله ومن شورتكم المنيله حاسه ان الدنيا بتلف بيا زي المروحه منكم لله كات شوره مطينه بطين
جنا وهي بتضحك اجمدي يا هنون ايه دي لعبه
هنا لعبت عليكي نفسك يا بعيده امشي من وشييييي
جنا بضحك وانا مالي يا لمبي الله
هنا مهي شورتك
جنا والله مش كان من شويه اول مره نقول حاجه عليها القميه وهي بتقلد طريقه هنا
هنا طب غوري بدل ما اطسك في وشك باللي في رجلي
جنا وعلى ايه
حسام خلينا ناكل لقمه ونكمل لسه اليوم طويل
هارون ماشي وطلعو لمطعم بيعمل ساندوتشات مشاوي وطلبو الأكل وقعدوا ياكلو
جنا الا هو انتي كنتي بتقولي ايه وعماله توشي زي الراديو اللي اتقطع إرساله
هنا كنت بتشاهد من الخوف قلبي كلن هايقف يا أولاد الكلب
جنا بضحك يا شيخه يعني اششششش دي اشهد ان لا إله إلا الله
هنا ايوه يا اختي كنت حاسه اني نسيت الكلام
الكل ضحك على هنا وعفويتها
خلصو وهارون دفع مبلغ محترم وطلعو يكملو لعب وهارون محاوطهم بحمايته زي اللي الصقر اللي محاوط صغاره بس منسيش روحه في الفرحه والضحكه معاهم وطول الوقت يتصورو كتييير اوووي
يا ترى فرحتهم هاتكمل على خير ولا للقدر رآي تاني
يا ترى رقيه هاتنجح ويقدرو يوقعو رأفت
يا ترى رأفت مصيره ايه
يا ترى آخره الطمع ايه.
يتبع
الفصل التاسع عشر
رقيه بلغت الخدم بكل المطلوب وبدئو تجهيزه على قدم وساق ورقيه واقفه تشرف عليهم وبتحسب الوقت بالثانيه
رأفت ولا كأن الموضوع في باله ومكمل شغله عادي
واخيرا خلص شغله ورجع البيت من سكات دخل اوضته وغير هدوم شغله
دلال رايح فين يا رأفت
رأفت عندي اجتماع بره
دلال هتتاخر
رأفت الله اعلم المهم خلي الموبايل في ايدك ميفارقهاش ومنين ما ابعتلك حاجه تنفذيها من سكات
دلال بقلق وخوف في ايه يا رأفت طمني انتا رايح فين
رأفت بحده قولتلك رايح اجتماع شغل بس الحرص واجب ماشي
دلال بقله حيله حاضر
رأفت التليفون ملازم ايدك لو وصلت تلزقيه في كفة ايدك متتاخريش
دلال حاضر والله مش هاسيبه بس انتا طمني
رأفت لما اطمن انا الأول منا بقولك الحرص واجب يلا سلام اللحق انا وقتي
وسابها ونزل
رفعت رجع من الشغل على رقيه على طول مروحش بيته حتى
رقيه فتحتله الباب
رفعت بلهفه ها طمنيني
رقيه ادخل الاول دخل وقفلت الباب طلعت من جيبها كيس
رفعت ايه داه
رقيه داه السحر اللي هايخلينا نملك كل الشركات وبيت رأفت كمان وابقى قابلني لو عرف يثبت حاجه وكل بالقانون ومرسوم بالمسطره
رفعت الله عليك يا شيطان المحاكم
رقيه تلاميذك يا ابليس انتا بتخطط واحنا بنفذ وكله بتوجيهات معاليك
ضحكو الاتنين بصوت عالي
رفعت بس انتي ماليه ايدك من البتاع داه
رقيه عيب عليك مع انه كلفني كتير بس مش خساره في المكسب اللي جاي
رفعت يعني نتيجته مضمونه
رقيه بثقه ميه فى الميه متقلقش خااالص انا جربته امبارح على واحده من الشغالين وكانت زي العجينه اقولها قومي تقوم اقولها صوتي تصوت لدرجت لو قلتلها روحي انتحري مكانتش هاتقول لاء
رفعت اومال في الشغالين انا مش شايف حد منهم خالص
رقيه اديتهم اجازه باقي اليوم على ما خلصو اللي وراهم الموضوع لازم يكون بينا ومدفون بين حيطان البيت داه ميطلعش براه
رفعت برافو عليكي عندك حق علشان يبقى لا من شاف
رقيه بضحكه عاليه ولا من دري
رفعت اومال البيه جاي أمته
رقيه اطمن زمانه على وصول خليه ياخد وقته قبل ما ياخد بالجزمه ويلاقي نفسه في الشارع مصيره اللي يستحقه
رفعت بخبث هو اللي بداء بالشر انا مكنتش ناوي على كده هو اللي كان عايز يضيعنا ويضيع شقا وتعب السنين
رقيه نخلص اللي الورق الأول وبعد كده يخبط دماغه في اتخن حيط واللي يعرف يعمله يوريني نفسه النهم تهاوده في الكلام لحد ما الحبايه تاخد مفعولها
رفعت طب والورق رقيه جاهز من كله وهايتوثف كمان في الشهر العقاري انا مظبطه مع الموظف هناك في الفتره المسائيه اول ما يمضي هايخلص الورق في حضور رأفت كمان علشان تبقى كامله متكامله
رفعت الله عليك ارفعلك القبعه
قطع كلامهم الجرس
رقيه هووووش اخوك وصل
وفتحت الباب بإبتسامه يا الف خطوه عزيزه اهلا وسهلا نورت
رأفت بهدوء اهلا بيكي ومنور بيكي
رقيه ادخل رفعت جوه
رأفت اه منا شوفت عربيته بره
رقيه طب ادخل ادخل مش هانفضل واقفين على الباب
رأفت تمام ودخلو وسلم على رفعت بفتور ورد رفعت بنفس الفتور
رقيه تشربو ايه ولا ناكل الأول علشان نقدر نقعد ونسد في الكلام لانه محتاج طاقه
رفعت ماشي انا اصلا جيت من الشغل عليكي لما اصريتي اجي
رأفت قولت نتكلم الأول لو اتفقنا ووصلنا لحل تمام ناكل ونشرب ونحلي كمان احنا ورانا إيه اليوم طويل
رقيه بمهاوده خلاص ماشي كلامك
رفعت رقيه بلغتني باللي عايز تعمله انتا شايف ان صح اننا نضيع شقا السنين
رأفت والله كل واحد حر في ماله وزي ما بيقولو من حكم في ماله ما ظلم
رفعت ماشي بس معني خروجك من الشركه ان اسهمنا هاتقع
رأفت هاتقع ليه وراد ان واحد من الشركا ينفصل ومادام الشغل ماشي كويس يبقى مفيش مشكله
رقيه قصده لما ينتشر خبر خروجك من الشركه في السوق الكل هيخاف ويفتكر ان عندنا مشاكل وداه في حد ذاته هايأثر على المشاريع وسمعتنا كمان
رأفت ببرود ممكن متقولوش تقدرو تقولو في اجازه تعبان اي حجه لحد ما تمهدوا الموضوع بمعرفتكم داه في حاله انكم عايزين تشيلو نصيبي
اظن الكلام كده ميزعلش حد
رقيه معاك بس انتا عارف ان السيوله المطلوبة لنصيبك مش قليله ودي مش شركه واحده لاء دي مجموعه شركات وفي مختلف التخصصات كمان يعني ملايين او مئات الملايين بالمعنى الأصح
رأفت وايه المشكله اظن انتي ورفعت معاكم سيوله تسد وتفيض
رفعت بص لرقيه بغمزه تمام اللي تحبه ومادام انتا شايف ان داه فيه الصالح ليك يبقى خلاص بس هنحتاج وقت بس علشان نفنش ونسلم المشاريع اللي معانا علشان منتأثرش وكمان بعد مراجعه الضرايب لأنك بتجهزه وعارف كل كبيره وصغيره فيه وكمان بعد تقفيل السنه الماليه علشان تاخد صافي ارباحك بتاع السنه كلها
وكمل بتثبيت علشان يزيد اقناع رأفت وهانحسب نصيبكم كام وتقدر تستلمه وعايز تبداء لوحدك احنا معاك وهانسندك ووقت ما تحب ترجع تاني هتلاقي درعاتنا مفتوحه ليك وهانفضل بردو ال Triangle 3 R وهارجع اعيدهالك تاني احنا تلات أضلاع لمثلث واحد مينفعش من غير بعضه واحنا في الأول والآخر اولاد المالكي
رأفت مهو احمد كمان كان ابن المالكي ولا نسيت
رفعت بلاش نفتح في اللي فات خلينا في دلوقتي واللي جاي
رأفت على رأيك
رقيه انسحبت بهدوء ودخلت المطبخ جهزت العصير وطلعت ناولت لكل واحد كوبايه
رقيه اظن ريقنا نشف من كتر الكلام قولت نبل ريقنا قبل ما احط الاكل ولا اكلي موحشكش
رأفت ازي طبعا وحشني
طيب يلا اشرب ورفعت الكوبايه وبدئت تشرب ورفعت زيها
ورافت كمان رفع الكوبايه
********************
عاصم دخل الشقه بصوت عالي يا بشررر قومو
طلع سراج ومهدي وعادل بلهفه في ايه
عاصم اتقبلنا وبكره هانستلم الشغل
مهدي بلهفه بجد كلامك ولا بتهزر احنا بقالنا شهور لما خللنا
عاصم عيب عليك والله امبارح استلمت ميل من الشركه وانهارده روحت اتاكدت بنفسي
سراج براحه الحمد لله يارب اخيرا الواحد حس براحه
مهدي اشمعني منتا شغال ع النت يعني اللي المفروض يقول كده هو العبد لله اللي قاعد لا شغله ولا عمله
كل واحد مكفي روحه وانا الوحيد اللي وسطكم قاعد عاله
عاصم كلام ايه داه عيب كده من أمته واحنا بينا الكلام داه
مهدي دي الحقيقه سراج بيشتغل من النت وانتا واخوك بتصرفو من فلوسكم وانا اللي قاعد بتصرفو عليه
عادل خلاص من بكره كلنا هانكون ايد واحده
مهدي اتنهد الحمد لله
خلونا نجهز ونجهز نفسنا لأننا لازم نثبت كفائتنا في الشركه حتى لو داخلين واسطه لازم نثبت اننا قد الشغل
سراج عندك حق داه الأهم والمهم في الوقت الحالي والباقي ربنا يحله من عنده
*********************
هارون عمال يلعب مع أخواته ويتنطط من مكان لمكان وفرحان لفرحتهم
هنا بسعاده بصراحه يوم ميتنسيش العمر كله مع اني عارفه انك كعيت دم قلبك فيه
هارون من نحيه كعيت فأنا قربت اشحت بس قصاد الضحكه الحلوه دي اشحت اشحت مش مهم هو يوم سرقناه من الدنيا
جنا رمت نفسها في حضنه ربنا يخليك لينا يا احلى هارون في الدنيا
هارون ويخليكي يا جنجون
جنا دبدبت في الأرض مبحبش الاسم داه
هارون بحب اشوفك وانتي مكلضمه كده بتبقى عسل يابنت الايه
جنا طب اقفل يا اخويا القميص لحد زورك بدل ما تستهوي ولا فرحان ان البنات عماله تبص عليك دانا متهيألي البنات دي عماله تصور فيك وبكره هاتبقى فتي احلام نص بنات مصر وبيكرشو عليك
هارون بي ايه
جنا بيكرشو عليك
هارون ايوه يعني ايه
حسام يعني عايزين يشقطوك
هارون بتقليد انثوي يا مصيبتي انا اتشقط لا يا اختشي شرف الراجل زي الولاعه كل ما تفضى تتملى في ساعه ال يشقطوني ال يلا با بت منك ليها انا اتهبلت اجيب واحده وسطيكم وانتوا عاملين زي رايا وسكينه كده
حسام طب مش هانمشي بقى المكان بداء يفضى
هارون ايوه عندك حق واحنا مشوارنا طويل
طلعو علشان يركبو وعدا جوز شباب
واحد بطريقه مستفزه ايه يا مزه جايه واللا المره الجايه
التاني رد عليه باين معاهم واحد متيجي نديله عرقهم وحاول يقرب من هنا يلمسها
هارون بصلهم بصدمه وطلع المفتاح من جيبه وكز على اسنانه لما كان هايكسرها
حسام خد المفتاح وروح العربيه انتا واخواتك
حسام خلاص يا هارون دول شكلهم مش مظبوط وشاربين
هارون المسطول انا افوقه
حسام بالله عليك
هارون سمعت ياض وزقه من كتفه لو عوقت روح اخواتك فاهم
حسام يا هارون باين عليهم واصلين
هارون سمعت ياض يلا
حسام خد المفتاح ودخل العربيه وقفل عليهم
هارون اول ما اطمن على اخواته
اتلفتلهم بتقول ايه ياض منك ليه
شاب منهم بقول مزه اوزه عايزه تتاكل تاخد كام وتسيبها مهو اللي ياكل لوحده يزور ودول كتير عليك يا جدع
هارون هاخد روحك واخزق عينك الي فكرت بس تترفع في حريم بيتي يا ابن الهرمه
قرب من واحد منه وخبطه بالروسيه وقعه على الأرض التاني قرب يدافع عن صاحبه كان نصيبه بونيه خلت الدم طرشق من مناخيره وبوقه
اتجمع شباب كتير علشان يفضو الخناقه ومقدروش على هارون اللي من غضبه وتكاتره الشباب عليه زراير قميصه كلها اتقطعت ومهتمش غير بإنه يجيب حق اللي يستجرا يبص لاخواته
أتدخل أمن المكان
هارون عامل زي الأسد المسعور اكتر من عشر رجاله مش قادرين عليه
هارون بصوت زي الرعد :دانا هارون المالكي اللي يدوس على ضلي ادوي على رقبته واللي يرفع عينه في حريمي اعيشه اعمى يتحسر عليها واللي يفكر ييجي عليهم احط عليه وعلى اهله اسأل مين هو المعلم هارون من الوراق لحد الحسين واسأل في بر مصر كله انا مين فوق ياض لو مسطول انا افوقك وزق اللي ماسكينه بجنون وقدر يفلت منهم وكمل ضرب فيهم
أتدخل الأمن واتكاترو عليه لحد ما اخيرا قدرو يسيطرو عليه وراحو مكتب الأمن في مدينه الملاهي
هارون وهو واقف عنيه بتطق شرار وبيتنفس بعنف وصدره عماله يطلع وينزل بسرعه نتيجه غضبه وعضلات جسمه كلها متشنجه وعروقه بارزه من عصبيته في منظر ارعب الموجودين
مدير الأمن بمحايله اهدا يا فندم من فضلك
هارون بصوت معرب انتا عارف عملو ايه
مدير الأمن بصبر عرفت يا فندم وعلشان كده بقول لحضرتك اهدا وحقك هتاخده ولو انك مخلتش فيهم حاجه تنفع احنا عرفنا مين الشباب دول ووصلنا لاهاليهم وزمانهم على وصول فااطمن خالص واهدا من فضلك
هارون قعد على الكرسي ومحاوطه اكتر من عشر رجاله بسلاح خايفين من انه يتهور تاني دول ما صدقو قدرو يسيطروا عليه
خلال نص ساعه دخل اتنين رجاله واضح عليهم الوقار والثراء
انا نصر الورداني
وانا ماهر شبراوي
مدير الأمن برتحاب اهلا وسهلا يا فندم
نصير خير حد اتصل من تليفون ابني وطلب اني اجي ضروري خير ايه اللي حصل اقدر أفهم
مدير الأمن بص لهارون واتكله بعنيه اهدا
هارون بكزه سنان بصله بنظره مرعبه
مدير الأمن يا فندم اولاد حضراتكم اتعرضو لبنتين بأسلوب غير لائق وصل لحد التعدي واخوهم تشابك معاهم
ماهر ايه انتا بتقول ايه ابني حصله ايه انطق
مدير الأمن والله يا فندم هو شكله هايحتاجو يتنقلو المستشفى
نصر بصدمه انتا بتقول ايه انتا عارف دول مين وأولاد مين مين اللي اتجراء وعمل كده وانا امسحه من على وش الأرض بأستيكه
مدير الأمن خبط على وشه وهز رأسه بقله حيله
هارون قام منطور وبصوت زلزل المكان من علو وحدته خبط على صدره انا ووريني تقدر تعمل معايا ايه واخرك هاته واللي في قلعه انفضه وابنك لو كنت عرفت تربيه مكانش اتعلم عليه مهو قالهو زمان اجعل من يراك يدعو لمن رباك بس واضح ان البهوات مكانوش فاضيين لعيالهم طلعو عيال ترازي في خلق الله واللي انتو نسيتو تربوهم انا عيدتلكم ربايتهم من اول وجديد
ماهر بحده انتا عارف انا مين وممكن اعمل فيك ايه بمكالمة تليفون وقبل ما اطلع من مكاني انا ممكن احبسك واوديك ورا الشمس
هارون بتحدي تليفونك في ايدك لو مفيهوش رصيد خد تليفوني وانا قبل ما تطلع شمس بكره وطل هاكون محنى الاسفلت بخطوتي وقابل اللي جاي وقرب من ماهر اللي كش ورجع بضهره لورا لو متعرفش مين هور المعلم هارون المالكي اسأل عنه في بر مصر كله
مدير الأمن أتدخل بسرعه يا فندم الشباب اللي غلطانين احنا شوفنا الكاميرات وكمان واضح انهم يعني احم بلع ريقه وسكت
نصر انهم إيه
مدير الأمن انهم شاربين وسكرانين يعني لو الموضوع وصل للشرطه هايبقى فيها سين وجيم وضرر لاسمكم كمان انا بقول نحل الموضوع ودي احسن
نصر بصدمه انتا بتقول ايه مستحيل
مدير الأمن يا فندم انا عارف انا بقول ايه وعدل شاشه اللاب توب قدامهم
نصر بص هو وماهر واتصدمو من تصرفات أولادهم والاغرب قوه هارون المفزعه
مدير الأمن فضل مترقب ردود أفعالهم لحد ما خلص التسجيل
ها يا فندم لو الموضوع وصل للشرطه للأسف الفيديو هايوصل معاه دي امانه وانا اسف
نصر بحكمه لا حضرتك عندك حق وبص لهارون بإعجاب انا بعتذر منك وابني يستحق اللي حصله وزياده كمان
هارون بجبروت انا ربيتلك ابنك وحقي خدته بدراعي وابنك عندك أشقى بيه ويحمد ربنا انهم لقيو اللي ينجدهم من تحت ايدي والا كان زمانهم في خبر كان
ماهر بصله بعنين بتلمع تمام وانا مدين ليك باعتذار وشوف التعويض المناسب وانا موافق
هارون الاعتذار يكون لما تعيد تربيه ابنك مش يشرب وييجي يطلع اللي طفحه على غيره اديني فوقتهولك لسنه قدام وانا وخبط على صدره بصلابه وقوه مبقبلش العوض لان حقي خدته بدراعي مانيش عويل وحد يجيبلي حقي
نصر وداه كرم اخلاق منك بس صدقني احنا مقصرناش في تربيتهم وانا معرفش أن هما سكرانين اصلا لأنهم مبيشربوش وعلى العموم شكرا ليك ومد كارت لهارون
داه الكارت الخاص بيا وفي اي وقت احتاجت حاجه انا تحت امرك
وماهر طلع كارت وقدمه مع اعتذار هارون شكرا ليكم استأذن انا
مدير الأمن عايزك دقيقه وشاور لواحد من الأمن خد البهوات على العياده الطبيه علشان ياخدو اولادهم
انتظر لحد ما مشيو واتلفت لهارون انا عايزك في شغل
هارون بصدنه نعم
مدير الأمن بص يا ابني اللي زيك كنز
هارون هز رأسه معلش لا مؤاخذه مش فاهم
مدير الأمن انتا طول بعرض عضلات غير قوتك يا جدع دانتا عشرين راجل اتكاتلو عليك على ما قدرو يشيلوك من فوقيهم واللي واثق منه أن أهالي العيال دي هاتتصدم من منظر عيالهم
هارون ايوه عايز مني ايه
مدير الأمن انا عندي شركة حراسات خاصه الشركه دي بتورد بادي جارد لأكبر رجال أعمال مش في مصر بس لا داه في الشرق الأوسط كله فاللي زيك الكل يجري عليه ويدفع فيه كتير اووي اووي كمام
هارون بسخريه يفتح الله
مدير الأمن فكر داه مش بس فلوس تؤ داه نفوذ وسلطه كمان وكل ما بتاخد بتدي
هارون منا رديت عليك يفتح الله
مدير الأمن متستعجلش ومدله ايده بكارت
هارون بسخريه والله منا عارف ايه حكاية الكروت دي كلها على العموم تشكر وخدها وحطها في جيبه وطلع زي العاصفه
نصر وماهر راحو العياده واتصدمو من منظر اولادهم
ماهر بحده بقى دي اخره تربيتي فيك سكران وبتبلطج على بنات اديك راقد متكسر
إياد يابابا حضرتك فاهم غلط
ماهر اه واللي شوفته كمان غلط بس تصدق الواد داه كيفني فعلا انا معرفتش اربيك يا حيوان
نصر بص لابنه بحسره بقى كده يا أدهم دي اخر تربيتي فيك
أدهم والله يا بابا الموضوع مش زي ما حضرتك فاهم
نصر بحزن الكلام لا داه وقته ولا داه مكانه واتصل بالحرس بتوعه وجم شالو إياد وادهم وراحو بيهم المستشفى
ماهر لنصر تصدق الواد مكسب وخسارة في نفس الوقت
نصر ازاي مكسب للي يقدر يروضه هايبقى درع حمايه ليه وخساره علشان مينفعش بسبب الموقف اللي حصل
نصر هز راسه عندك حق
هارون طلع لقي أخواته في العربيه
حسام بلهفه عملت إيه طمني
هارون لمح أخواته اللي منهارين
خلص الموضوع خلينا نروح اخواتك انا مش قولتلك روحهم
حسام قلبي مطاوعنيش
هارون ماشي نروح ونتكلم في البيت
ورجع وهو مخنوق من اللي حصل
************************
رأفت رفع الكوبايه ولسه هايشرب عطس جامد والكوبايه وقعت منه واتكبت
رأفت قام وهو بيحاول يمسح هدومه
رقيه بكزه سنان حصل خير فداك هاقول اعملك غيرها
رأفت خلاص ملهوش داعي انا اصلا مصدع وشكلي داخل على دور برد
رقيه بسرعه خلاص هاعملك فنجان قهوه يفوقك ويضيع الصداع
رأفت تحت اصرار رقيه ماشي
رقيه دخلت بسرعه بخطوات اشبه بالجري
تعمل القهوه لرأفت دي فرصتها ومستحيل تسيبها تضيع من ايدها دقايق وكانت القهوه جاهزه وطلعت قدمتها لرافت داه بن مخصوص بقى بجيبه من بره بس حاجه كده تحفه بجد
رأفت خد الفنجان منها تسلم ايدك من قبل ما ادوقه ريحته باينه مسك الفنجان ولسه هايشرب تليفونه رن حط الفنجان مكانه رقيه بصت لرأفت بغيظ وكزه على اسنانها
رفعت بصلها وغمزلها بعينه تهدا
رأفت رد بصوت مسموع ايوه يا دلال في ايه
دلال مفيش يا رأفت تعبانه اووي
رأفت طيب ماشي اقفلي انا جاي
وخد مفاتيحه معلش يا جماعه انا لازم امشي دلال تعبانه
رقيه بإصرار رهيب طيب اشرب القهوه الأول بلاش تسوق وانتا مصدع اهي تفوقك شويه
رأفت وهو بيتحرك نحيه الباب معلش يا رقيه بقولك دلال تعبانه ولوحدها في البيت والبيوت جمب بعضها كلها كام متر مش حكايه هي ومستناش تكمل كلامها وطلع وقفل الباب وراه
رقيه بغيظ رمت الفنجان على طول دراعها بصريخ لاااااا اكيد في حاجه اخوك شكله شاكك فينا او عارف اللي فيها
رفعت اهدي يا رقيه مظنش هو كان هايشرب وانتي حاضره بنفسك هو كل المسألة حظ مش اكتر نصبر شويه مفيهاش حاجه يعني هو هايروح مننا فين مهو كده ولا كده تحت ايدينا خلاص بقى اهدي
رقيه اتمني كلامك يبقى صح لاني بدئت اشك فيه
رفعت تؤ اللي زي رأفت لو شاكك مبيعرفش يخبي مش انا اللي هاقولك انه بيبقى مكشوف اوووي
رقيه ماشي اديني معاك ومستنيه وانا بردوا هحاول اجرجر دلال في الكلام واعرف منها لو رأفت مخبي حاجه مهي هبله زيه
رفعت ايوه كده احنا عايزين دماغ شغاله مش عصبيه تضيعنا
رأفت طلع وهو مخنوق ومصدق وصل البيت
دلال بلهفه في ايه يا رأفت بعتلي اتصل اني تعبانه فهمني كم فضلك بقى
رأفت مفيش يا دلال انا تعبان ومحتاج ارتاح
دلال مسكته من دراعه لا منا محتاجه افهم في إيه مش كل شويه مفيش مفيش
رأفت بصلها وسابها ودخل اوضه الكتب وقفل الباب عليه بالمفتاح
ياترى اللي جاي مخبي أيه لهارون
وياترى رأفت ناوي على ايه
وياترى القدر بيدبر تاني لايه
يتبع
الفصل العشرون
هارون طول الطريق وهو هاينفجر من العصبيه وبيحاول يحكم نفسه علشان مينفجرش ويخوف أخواته وهو سايق فتح شباك العربيه وسابه علشان يطفي النار اللي قايده في صدره ومرعاش ان قميصه مفتوح وجسمه كل مكشوف كل اللي حاسس بيه نار وبركان بيغلي جواه اخيرا بعد طول انتظار وصل وأخواته كانوا بيسقطوا من النعس والتعب
هارون بحب يلا يا قمرات وصلنا
هنا بصت لجنا وحسام
هارون بإبتسامه رغم النار اللي جواه في ايه مالكم خايفين ليه هي اول مره يعني تشفوني بتخانق يلا يلا بلاش كلام فارغ
نزلو وهما اخيرا بياخدو نفسهم
وطلعو ودخلو بيتهم اللي لأول مره يحسو بالأمان جوه حيطانه
جنا وهنا بسرعه احنا هنام
هارون قدر الخوف اللي جواهم ماشي يلا تصبحو على خير
دخلو وقفلوا الباب وراهم
حسام انتا مش هاترجع العربيه لصاحبها
هارون صاحبها هاييجي ياخدها من تحت البيت متشغلش دماغك وسابه ودخل اوضته من غير كلمه زياده
حسام اخد نفسه براحه من سكات هارون وحس ان الموقف مر مرور الكرام دخل اوضته وغير هدومه واترمى على السرير يفكر في اللي جاي وفي اللي حصل طول اليوم
وقبل ما عينه تغمض اتفتح الباب حسام قام منطور من مكانه
هارون دخل وقفل الباب وراه ومشي بخطوات خلت حسام يرجع قصاد كله خطوه من هارون خطوتين
هارون بحده اقف وأثبت مكانك في ايه ياض مالك خرع كده ليه
حسام وهو بيحاول يبلع ريقه اللي نشف من الخوف انتا مش شايف شكلك عامل ازاي يا جدع
هارون ولما انا جدع مطلعتش جدع زيي ليه
حسام بصدمه انا بتقولي انا كده
هارون اه ليك يا حسام لأول مره احس بخيبه أملي فيك لاول مره اخاف اخد خطوه ضد اعمامك بسبب اللي حصل منك
حسام بعدم فهم انا عملت ايه هو انا اللي عاكست بنات
هارون بفحيح يرعب وقدر انه يرعب حسام لا يا دكر بس سيبت الكلام تعوي على اخواتك وخفت واتداريت زي الولايا وكنت عايز تهرب زي العيال
حسام بتبرير يا هارون افهمني انا خفت عليهم مكنتش عارف اعمل ايه وهما في ايدي
هارون تعمل الصح تقفل عليهم باب بالف ترباس وتروح تجيب حقهم ولو كان في جوف ابليس انما انت علت فيها عيل خرع
ولف حوالين نفسه زي المجنون طب اعمل ايه بعد اللي حصل هأمن اسيبلك اخواتك ولا هافضل قاعد محلك سر وحاطط ايدي على خدي زي الولايا
حسام بتبرير يا هارون والله عقلي مسعفنيش
هارون ومسعفكش ليه ها مشغول بإيه غيرهم وشده من ياقه التيشيرت وعنيه مليانه شر المفروض هما الأول والدنيا كلها تيجي بعديهم اسمع مني بقى دكر الكلام ومنه مات الكلام الراجل عقله ميقفش دراعه وعقله شغالين زي الاله لو عقلك وقف معناه ان حياتك وقفت فهمت دراعك امانك اه بس عقلك هو ساسك واساسك فهمت يا أبن احمد
حسام بهزه راس سريعه اه
هارون واشمها بين الجلد واللحم اللي يمسك ويمس اهلك بيتك لا تسمى ولا تصلي عليه تدبح وتشفي على طول فاهم سواء كت عايش ولا بين ايدين رب كريم
حسام بلهفه بعد الشر عليك يا هارون طولة العمر ليك يارب
هارون داه قدر ومكتوب وممنوش مهروب
حسام مغير للكلام بس إيه داه دانتا كنت ولا فاندام في زمانه يا ابني لولا اني كنت شايف بعيني كنت قولت داه فيلم هندي مشاء الله عليك تور هايج
هارون عطاله قفا اخوي معتبر مين داه اللي تور يا جحش
حسام ااه ياعم دي مش ايد دي مرزبه يخربيتك انا بقول عشان مكنتش حد قادر عليك تصدق لو كان نزل على النت كنت هاتبقى ترند
هارون يابني سيبك من العبط اللي حالل عليك
حسام يا عم كفايه انتا على البلد انا وانتا يبقى هاتخرب
هار ن بغمزه نعيش ونخرب واللي يعرف ابويا
حسام بضحكه يروح يقوله
هارون بعد ما اخيرا قدر يهدى نفسه
بص يا حسام انا عايزك ضهر وسند ليهم انا مش دايم طول العمر عايزك توعدني ان حتى الهوا قبل ما يمسهم يكون معدي عليك قبل منهم اي باي اذي تصده عنه وميعديش الا على جتتك دول ولايا ووصيه امك وأمانه ابوك
حسام عندك حق انا والله كنت خايف عليهم مش خايف من شويه عيال هتيا هارون طبط على كتفه
عارف انا مربتش جبان وانتا ربايه المعلم هارون احمد شافعي
رأفت اترمى على الكنبه وسند رأسه لورا وغمض عنيه وكأنه بيتمنى الراحه من التعب ومن الوجع ومن الدنيا ككل وافتكر اللي حصل
فلاش باك
رفعت اتحرك من قدام المكتب لعد ما سمع الكلام اللي دار بين رفعت ورقيه رجع المكتب وهو مصدوم
رأفت بذهول معقول بجد توصل لكده
رأفت بسخريه هو انا مستغرب ليه على اساس انهم مقطعين السجاده ولا من أولياء الله الصالحين دول واكلين حق اخوهم جات عليا
وقام منطور من كرسيه بس لاء مش كل الطير اللي يتاكل لحمه دانا لحمي مر العلقم طلع من الشركه وبعت الأمن وهو في الجراج عشان محدش يشك
فضل يومين عقل بيلف زي عقارب الساعه ومش مأمن لجنس مخلوق واصبحت حياته قاب قوسين او ادني من الجنون والشك في كل حاجه اوي حاجه من كتر الإجهاد سند دماغه على كرسي المكتب بتعب وفضل يتأمل السقف بشرود وفي لحظه قام منطور زي اللي لدعه عقربه طلع من الشركه بخطوات ثابته وأول ما اتأكد انه في الأمان طلع موبايله
رأفت بوقار السلام عليكم بشمهندس مازن معايا
مؤمن وعليكم السلام ايوه انا
رأفت انا رأفت المالكي
مؤمن اه اه اهلا وسهلا يا فندم
رأفت اهلا بيك فاضي شويه
مؤمن خير يا فندم في حاجه
رأفت اه كنت محتاجه في موضوع مهم
مؤمن تمام ممكن اعدي على حضرتك في الشركه كمان ساعه
رأفت لا ممكن نتقابل بره
مؤمن بإستغراب ليه يا فندم هو ايه الموضوع بالظبط
رأفت لما نتقابل هاتقدر تفهم ان شاء الله
مؤمن تمام يا فندم
رأفت هستناك في كافيه .... اللي في الزمالك عارفه
مؤمن مافيش مشكله
رأفت ما صدق واخيرا اتقابلو بعد التحيه والسلامات
قعدوا قصاد بعض
مؤمن بقلق خير يا رأفت بيه
رأفت بهدوء بص يا بشمهندس انا هتعامل معاك كأبن لأنك صديق عزيز لمهدي
مؤمن شرف ليا يافندم
رأفت بقوه هو الشركه فيها كاميرات صح
مؤمن بإستغراب ايوه يا فندم اكيد
رأفت كلها شغاله
مؤمن اكيد
رأفت كلها كلها
مؤمن ايو اي فندم
رأفت حتى اللي في مكاتب المديرين واعضاء مجلس الإداره
مؤمن بتوضيح كل المكاتب شغاله ماعادا اللي في مكاتب أعضاء مجلس الإداره وغرفة الاجتماعات الرئيسيه ومكتب رئيس مجلس الإداره وداه كان بناء على طلبكم لأنكم قولتو السريه
رأفت اه فاكر طيب الكاميرات دي ممكن تشتغل عادي
مؤمن ايوه طبعا هاندخل نفعلها ونربطها بالسيستم بتاع الشركه
رأفت مينفعش تبقى على سيستم منفصل انتا عارف ان دي مكاتبنا الرئيسيه والمعلومات اللي فيها مش مهمه
مؤمن طبعا ممكن اكيد هانعملها سيستم لوحده منفصل
رأفت تمام تقدر تبداء أمته
مؤمن ممكن من بكره لو حضرتك تحب
رأفت دلوقتي ينفع
مؤمن كش وشه بإستغراب دلوقتي
رأفت بتوضيح في أوراق صفقات مهمه وكمان ورق يخص ميزانيه الشركه اتسرق من الشركه وللأسف الاوراق دي في غايه السريه وانا مش عايز اعمل اي مشاكل محتاج احل الموضوع بهدوء بدون شوشرة
مؤمن بتفهم تمام مفيش مشكله هو بس الموضوع هياخد وقت شويه
رأفت take your time
مؤمن اذا كان كدا ماشي استأذنك اجيب اللاب من العربيه
جاب اللاب وبداء يشتغل اكتر من تلات ساعات وهو شغال لحد ما خلص وزاح اللاب من قدامه
رأفت بلهفه ها خلصت
مؤمن هز رأسه اه تمام بس محتاجين نسطب السيستم الجديد على موبايل او للاب او تاب اي حاجه علشان نتأكد من سلامه السيستم
رأفت مدله الفون اتفضل
مؤمن اخده منه وبداء يسطبه
مؤمن وهو بيشرح قدام رأفت كده حضرتك كل الكاميرات اهي ودي غرفه meeting room وداه مكتب رئيس مجلس الإداره وبداء يعرف رأفت ازاي يقدر يتنقل بين الكاميرات
رأفت تمام كده يا بشمهندس تعبتك معايا
مؤمن ولا يهمك يا فندم دا شغلي
رأفت ليا رجاء ياريت محدش يعرف خالص ولا حتى رفعت بيك ولا مدام رقيه لحد ما الاقي ورق الميزانيه بدون مشاكل
مؤمن بتقدير للموقف من غير ما تقول حضرتك داه شغلي وبيعتمد على السريه والأمان يعني حضرتك اطمن
نهايه الفلاش باك
رأفت رفع الموبايل قدام عينه وابتسم بوجع مكنتش ناوي على الغدر بس انتوا الغدر بيجري في عروقكم عاملين زي الشيطان وابليس وشين لبعض وزي ما بدئتوا الشر يبقى عليا وعلى أعدائي انتو اللي بديتو وانا اللي هانهيكم بإيدي واللي فتح ابوب الشر يتحمل نارها
بص على الموبايل اللي في ايده وابتسم بسخريه وتهكم على غباء أخواته
مرت الأيام ورفعت ورقيه لسه بيخططوا يوقعوا رأفت
ورافت متابع وساكت
ومشروع العاصمه الجديد بداء يقف على رجليه والمهندس طول الوقت بيتابع الشغل
رفعت بقولك يا رقيه
رقيه خير يا رفعت في ايه
رفعت في مشروع طرحاه الوزارة في مشروع النقل الجديد في اسكندريه ايه رائيك
رقيه سمعت عنه
رفعت انا عملت دراسه جدوى محترمه وناوي اكتسح بيها
رقيه طيب ورافت
رفعت انا وانتي الاغلبيه
رقيه عندك حق نبعتله ونشوف
في الاجتماع بعد ما طرح رفعت المشروع
رأفت يعني انتا مالي ايدك
رفعت طبعاً والمرادي هانمشي رسمي زي ما انتا عايز عشان ميبقاش ليك حجه
رأفت لو كان كده يبقى على بركة الله
وبداء رفعت يجهز أوراق المناقصه
وبالفعل قدمها
رفعت بزعيق ازي يعني ايه المشروع داه يضيع مننا واحنا مقدمين اقل سعر في المشروع انا هاتجنن
رقيه اهدا يا رفعت العصبيه مش هاتفيد
رأفت ببرود خلاص يا رفعت مش اول مشروع يعني وبعدين السوق مفتوح للكل
رفعت بعصبيه وصوت عالي اشبه بالجنون بس مش في المشاريع الكبيره في ايه
رأفت ببرود خلاص يا رفعت مش آخر مشروع يعني نعمله ولا الشركه واقفه عليه
رفعت انا بحاول اجيب المشاريع اللي تسيب بصمه وعلامه عشان أعلى الشركه
رأفت بتريقه ايه جو روتانا سينما داه رفعت احنا اسمنا كبير لوحده اهدا كده يا راجل وان شاء الله تتعوض في اللي جاي
رقيه رأفت عنده حق يا رفعت خلاص بقى انتا بقالك ساعه عماله تزعق لما جبتلي صداع
رفعت هو داه كل اللي ربنا قدرك عليه جبتلك صداع
رقيه يا الله يا ابني بقالنا ساعه بنقولك السوق مفتوح للكل وارد ترسل علينا ووارد ترسى على غيرنا
رفعت بحده تصدقي انا استاهل اني قاعد احرق في دمي واعصابي عشانكم
رأفت ببرود عشانا كلنا يا رفعت احنا في مركب واحد يا راجل
الوضع استقر عند سراج ومهدي وعادل وعاصم والشغل ماشي كويس
سراج وهو بيرمي نفسه على الكنبه انا جعان
مهدي شرحك بس محدش يقولي ادخل مطبخ هاولع فيكم وفي المطبخ
عادل وعاصم امممم حك قالكم اني الفلبينيه ولا ايه يا امور
رن تليفون مهدي بص عليه لقاها ميار اخته طب يا جماعه معلش دقيقه وراجع
الكل هز رأسه احترام للموقف اللي فيه
مهدي طلع البلكونه وقفل وراه ايو يا ميمو
ميار بعياط انا تعبت يا مهدي عشان خاطري خدني من هنا
مهدي بتنهيده طالعه بوجع يا قلبي مينفعش اول هام انا مش قاعد في بيتي انا قاعد عند ناس فمليش اني اتقل واجيب حد تاني تاني هام احنا كلنا رجاله في بعض
ميار بإنهيار كلهم اخواتي وطول عمرنا متربيين مع بعض
مهدي يا ميار هما مش اخواتك هما زي اخواتك وفي فرق مينفعش تيجي تباتي وسط كل الرجاله دي
ميار بعياط وانهيار بعني هاتسيبني وسطيهم انا مش قادره اتحمل انا بموت في الثانيه ميت مره مش قادر اكل من اكلهم وانا عارفه انه كله حرام في حرام
مهدييب اهدي بصي انا هابعتلك كل شهر فلوس تصرفي منها لحد ما احاول اشوف شقه مستقله ننقل فبها انا وانتي بس اصبري عليا شويه انا يادوب لسه مستلم الشغل من فتره قصيره هحاول اجمع شويه فلوس حتى تقضي شقه إيجار بس انتي هدي نفسك وحاولي تكملي شغلك اللي كنتي بتعمليه
ميار وهي بتمسح دموعها حاضر بس ارجوك حاول متتاخرش انا لو فضلت هنا اكتر من كده يا هموت يا هتجنن
مهدي بعد الشر حاضر والله بكره انزلي هابعتلك على الفون فلوس مش هاحطلك في الفيزا اركنيها خالص
ميار حاضر
مهدي سلام وقفل المكالمه وفضل واقف باصص من البلكونه بيفكر في كل حياتهم اللي اتقلبت من شهور
سراج ايه يا ابني فضلت تقول جعان جعان وطلعت وقولت عدولي خلصنا الاكل وانتا هنا في ملكوت ربك
مهدي بنفخه ماليش نفس
سراج حط ايده على كتفه مالك ايه اللي حصل
مهدي ميار تعبانه وانا تعبان تصدق محدش منهم سأل علينا لحد دلوقتي
سراج صدقني كده احسن خلينا نعيش على نضافه من غيرهم لحد ما نقدر نوصل لأولاد عمك وبعدها يحلها ربنا
مهدي انتا مش فاهم ميار متدمره نفسيا وعايزه تسيب البيت باي طريقه
سراج وانتا ناوي على ايه
مهدي قولتلها تهدأ وانا هاشوف حل مينفعش حتى لو كان بيني وبينهم ايه في الأول والآخر ميار بنت مينفعش وجودها وسطهم امان ليها اكتر من وجودها لوحدها بدون سند او حسيب او رقيب
سراج طبطب على كتفه عين العقل والصح
مهدي انا عارف بس هي اللي مش قادره تفهم مشاعرها حكماها
سراج عي بردوا معذوره للاسف انا كنت واخد فكره تانيه عن اونكل رأفت انه صاحب قيم ومبادى وخصوصا انه كان دايما بيربيكم على الحلال والحرام
مهدي واهو طلع كله وهم وقناع كداب
سراج الله يعينا على ما ابتلانا
مهدي عندك حق
سراج طب يلا خلينا ندخل بدل وقفتنا كده
مرت شهور والمشروع بداء يكتمل ويعلن عن نفسه
مالك بقولك يا مصطفي كده الأساسيات بتاع المشروع اكتملت وبداء بناء الأدوار
مصطفي منا عارف ايه ومتابع
مالك دلوقتي هايتعمل حفله كبيره احتفال بالإنجاز اللي تم وهايتم عرض ماكيت كامل للوجه الايقوينه للمشروع
مصطفي طيب تمام داه خبر كويس جدا وهايخلي اسمنا زي الطبل اكتر
مالك بس فيه مشكله حضرتك مش واخد بالك منها
مصطفي ايه هي
مالك ان المهندس لازم يحضر ويشرح المروع بنفسه وطبعا الحفله هاتكون مذاعه وحضرتك عارف المهندس رافض اي وسيله لظهوره
مصطفي طب مهو سبق وشرح السبب واحنا فهمنا وقدرنا
مالك كل داه تمام بس دلوقتي لازم يظهر الدعوه مخصصه ليه
مصطفي طيب تمام قوله وشوف هايقولك ايه
مالك عندك حق وهو داه اللي انا هاعمله فعلا
حسام بيلبس وطلع من اوضته بصوت عالي يا جنا اخلصي ويلا
جنا طلعت بتعب لا بص والله ما قادره روح انتا وهاتلي الملزمه معاك
حسام بلهفه مالك
جنا مفيش شكلي داخله على دور برد جامد
حسام ماشي ريحي انتي وانا هاجي اشرحلك الدرس وهاجيبلك الملزمه معايا وانا جاي يلا اطير انا
هارون رايح فين كده
حسام عندي درس
هارون وجنا فين
حسام تعبانه شويه
هارون بلهفه مالها
حسام ميبقاش قلبك رهيف شويه برد انا هاروح الدرس واجي عشان متضيعش الحصه علينا
هارون ماشي وطلع فلوس ادهالها
حسام معايا والله
هارون خليهم معاك ياض يلا سلام
حسام رايح فين
هارون ورايا مصلحه
حسام اشطا اطير انا
ونزلوا وكل واحد راح في طريقه
حسام خلص الدرس وطلع
اوووف اخيرا خلصنا ساعه ونص دش دش لما دماغي عملت زي الطاحونه
بلال بقولك ايه انا معايا الموتوسيكل خلينا نروح نشم هوا شويه
حسام بتردد لا ياعم مش عايز اتأخر
بلال يا ابني هانروح نشرب اي حاجه ونرجع انا ريقي نشف وانتا كنت بتيجي مع اختم وبترجع على طول خلينا نفك مره من نفسنا
حسام بإقتناع ماشي بس مش عايزين نتأخر
بلال اشطا يلا وركبو وطلعو على كافيه راقي
حسام يخربيتك انتا جيبنا فين يا عم
بلال بقولك ايه هي مره هما اللي بيدخلو هنا احسن مننا
حسام منك لله انا عارف آخرتي على ايدك
بلال بضحك آخرها فل الفل يلا يلا
المهندس ومالك ومصطفي اجتمعوا بره الشركه بيتنافشو في المشروع والحفله
مالك : كده انتا لازم تحضر الحفله الدعوه موجهه للشركه بشكل عام وليك بشكل خاص
المهندس بقلق وتفكير حط ايده على اخر رقبته من ورا وهرش فيها امممم
مالك ايوه افهم ايه من اممممم دي جاي ولا مش جاي بس خد بالك انه هايتم عرض الماكيت يعني حضرتك لازم تكون موجود علشان هاتتولى الشرح على البروجكتور
المهندس فضل باصصلهم وساكت
مصطفي هاتفضل ساكت كده
المهندس لسه معانا كام يوم من هنا لوقتها يحلها ربنا
كلامهم كان واضح وصريح في غفله منهم للأذان اللي لقطت الكلام
ياترى رأفت ناوي على ايه
ورفعت بيخطط لايه
ومصير الاولاد ايه
ومين المهندس وايه دوره
يا ترى اللي جاي ومخبي ايه
يتبع
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق