رواية صخر الفصل الرابع والثلاثون والخامس والثلاثون بقلم لولو الصياد حصريه في مدونة موسوعة القصص والروايات
رواية صخر الفصل الرابع والثلاثون والخامس والثلاثون بقلم لولو الصياد حصريه في مدونة موسوعة القصص والروايات
الفصل الرابع والخامس والثلاثين
كانت بسمه في قمه سعادتها
فالحمد لله تم قراءة فاتحها هي وشاهين والخطبه بعد شهر
كانت هي وروفيدا يعدون كل شيء وهي تشعر لأول مرة بحياتها أن كل شيء بحياتها قد اكتمل
وهاهي تدخل غرفتها بعد يوم طويل من البحث عن فستان الخطوبه وكالعاده لم يعجبها شيء
ارتمت علي تختها بتعب فوجدت والدتها تفتح الباب وتدخل
الأم.... حمد الله علي السلامه يا حبيبتي
بسمه وهي ترفع رأسها بتعب
بسمه.... الله يسلمك يا ماما
الأم.... ها عملتوا ايه انهارده
بسمه بإحباط... كالعاده معجبنيش حاجه
الأم بابتسامه... ان شاء الله هتلاقي احلي فستان
بسمه... يارب
في تلك اللحظة رن هاتفها وكان المتصل شاهين
بسمه وهي تنظر لامها وللهاتف
بسمه... أهو شاهين زمانه عرف من روفيدا أن معجبنيش حاجه
الأم... وهي تتجه إلى الباب
الأم... ربنا يسعدكم
خرجت الأم وفتحت بسمه الخط
شاهين بحب.... ازيك يا بسمه عامله ايه
بسمه... الحمد لله
شاهين بسخرية... عملتي ايه
بسمه بكذب... مش عاوزه اقولك جبت فستان ايه فظيع
شاهين... بجد
بسمه... انا هكدب عليك
شاهين... والله امال روفيدا بتقول كالعاده حضرتك مفيش حاجة عجبتك
بسمه بهمس ... الواطيه
بسمه.... لا بجد مفيش جديد بس اوعدك بكره اخر يوم
شاهين... اتمني سيبك انتي وحشتيني
بسمه... هههههه شاهين بطل
شاهين بسخرية... انا بقول وحشتيني مش بزغزغك
بسمه.... انا كده لما بتحرج بضحك
شاهين.... هههههههههه اقسم بالله طفله
.................
بينما علي الجانب الآخر
امتنعت تالين عن الخروج من غرفتها بحجه المزاكره بينما كانت تلوم نفسها من تسرعها
كانت تشعر بالحزن لا تريد الحديث مع احد
كانت شارد تفكر بماجد حين وجدت روفيدا تدخل عليها
روفيدا بمداعبه... الناس الكئيبة اللي مبتخرجش من أوضتها
تالين... تعالي يا روفيدا
دخلت روفيدا وجلست أمامها ونظرت لها بدقه
روفيدا... مالك يا تالين وبلاش حكايه المزاكره والكلام ده انا سبتك براحتك بس خلاص لازم اعرف مالك وليه حزينه كده
تالين وهي تنفجر بالبكاء
تالين.... ماجد
روفيدا... ماله ماجد
حكت لها تالين ماحدث بفرح سلوي
روفيدا... وبعدين
تالين... بس من ساعتها معرفش عنه حاجه
روفيدا..بسخريه. اه طبعا قاعده هنا تعيطي وحابسه نفسك وضيعتي من ايدك انسان بيحبك انا عاوزه اقولك ان ماجد راجل وراجل قوي وانتي قللتي منه وكان لازم تسمعيه ماجد فعلا معندوش اغلي من أمه انا فاكره انه كان كل يوم يبوس ايديها ولما كنت اسأله يقولي لأنها متحمله كتير بس انا بكره أكبر وعمري ما هزعلها
تالين بحزن.... مكنش قصدي
روفيدا... قومي يا تالين واسمعيه واعتذري له وأن شاء الله كله هيكون تمام
ابتسمت تالين بسعاده
وبالفعل ماهي سوي ساعه وكانت تدخل المركز الخاص به
دخلت تالين وهي تبتسم
وجدت امامها ممرضه
تالين... لو سمحتي الاقي فين دكتور ماجد
الممرضه... دكتور ماجد سافر في مؤتمر مش هيرجع غير بعد شهرين
تالين نظرت لها بصدمه ولم تتحدث للمره المليون تأتي متأخره كالعاده.....
..............
بينما علي الجانب الآخر.....
كانت نغم بالنادي هي وقاسم فقد توطدت العلاقه بينهم وأصبحت تأتي الي النادي لرؤيته لا تمل منه ولا تتوقف عن الضحك
قاسم.... هو احنا هنفضل مقضينها هزار كده
نغم وهي مازالت تضحك.... تقصد ايه
قاسم... ندخل في الجد
رفعت حاجبها ونظرت له
نغم... وده اللي هو ازاي
قاسم... نتنقل من الأصدقاء للاحباب
نغم.... اه ده انت داخل علي طمع بقي
قاسم بجديه.... نغم انا بجد عاوز نعمل خطوه جديه انا بحبك وانتي عارفه كده وأظن انتي كمان مرتحالي والا مكنتيش استمريتي تقابليني
نغم... اكيد
قاسم... علشان كده انا عاوز اجي اطلب ايدك من اخوكي تكون فتره خطوبه وشيء رسمي قدام العالم كله ونقرب من بعض اكتر
نغم بتفكير... مش عارفه
قاسم... عمتا فكري براحتك وهستني اتصالك اني اجي اقابل اخوكي واتمني أن ده اللي يحصل
ووقف وقام بدفع الحساب وحمل اشيائه وسط نظراتها المندهشه
نغم... رايح فين
قاسم.... هروح استني اتصالك وقرارك سلام يا نغم
وتركها وذهب وسط حيرتها
............
علي الجانب الآخر
كان علاء يقف أمام عائشه الباكيه
عائشه.... عاوز مني ايه تاني
علاء..... الصبر يا حلوه مستعجله ليه
عائشه.... حرام عليك انت بتعمل كده ليه انا عملت ايه
علاء...... وهو انا هضرك اوعدك يا حلوه بعد ماتنفذي إللي انا عاوزه همسح كل حاجه بس عاوزك تسمعي الكلام ومتلعبيش بديلك حتي لو بلغت عني اخويا عنده نسخه لو حصلي حاجه هيفضحك
عائشه...... منك لله
علاء... اسمعيني كويس انا عاوز مشكله بين آدم وسخر ده بأي طريقه كانت
عائشه... عاوزني اعمل ايه يعني
علاء..... هقولك
عائشه....... وانت هتستفيد ايه
علاء.... ولا حاجه كل ما فيها يكون في شهود عيان إن حصل بينهم خلاف
عائشه... ليه انت ناوي على إيه
علاء.... ناوي اقتل صخر العراقي والبسها لآدم السعدني
..........
صخر.... لولو الصياد
الفصل الخامس والثلاثين
طلبت عائشه لقاء آدم لأمر هام متعلق بروفيدا
وبالفعل حضر آدم علي وجه السرعه وهاهي تركب الي جانبه
آدم... خير يارب
عائشه...... خير متقلقش انا بس حصل حاجه كده وحبيت ابلغهالك
آدم... حاجه حاجه ايه دي
عائشه... روفيدا
آدم بلهفة.... مالها روفيدا
عائشه...انهارده سمعتها بتتخانق مع صخر
آدم... ليه
عائشه... اللي فهمته انها محتاجه فلوس وهو مش راضي يديها وهي حابسه نفسها وبتعيط
آدم بغضب... وهي مطلبتش مني ليه هي ناسيه فلوسها ايه اللي يخليها تطلب من الحيوان ده
عائشه... مش عارفة
آدم.... انا هتصرف
عائشه... هتعمل ايه
آدم... هيجيب لها فلوس انهارده من حقها وأبين للحيوان ده أن فلوسه ولا تساوي وأنها مش محتحاه
فكرت عائشه بداخلها هذا ما خطط له علاء بالضبط
فلاش باااااك
علاء... هقولك بصي يا ستي انتي زي الشاطره كده هتقولي لآدم أن روفيدا محتاجه فلوس وطلبتها من صخر ورفض طبعا آدم هيتجنن وهيودي ليها فلوس ساعتها صخر هيغضب وهو ده المطلوب خناقة بينهم وبس ده هيكون الفتيل اللي هنولع بيه بينهم
عائشه.... انت شيطان
بااااك
عائشه لنفسها... شيطان فعلا.....
.........
علي الجانب الآخر بمنزل صخر العراقي
كان صخر يجلس بغرفة مكتبه
يتابع بعض أعماله حين دق باب الغرفه
صخر... ادخل
لا أحد يجرؤ سواها علي اقتحام عزلته ومع ذلك فهي كل مره تدق الباب بأدب رغم أنه زوجها وأنه أعطاها دون غيرها صلاحيات غير مسبوقة على الإطلاق ولكن كانت تدق الباب كلما جاءت إليه
رفع هذا من شأنها لديه فحبيبته الصغيره ذو عقل كبير
فتح الباب ودخلت روفيدا المبتسمة
روفيدا... مساء الخير
صخر بابتسامه... مساء السعاده
روفيدا وهي تدخل وتغلق الباب
روفيدا... طالما مساء السعاده يبقي ادخل بقلب جامد
صخر بمشاكسه. شكلك كده عاوزه حاجه
روفيدا بكذب.... انت تعرف عني كده
صخر وهو ينفجر بالضحك ويرتاح أكثر علي كرسي مكتبه
صخر.... ههههههههه ده انتي ابو كده
روفيدا.... هههههههه ماشي المهم
صخر وهو يدعي الجديه...
صخر... ايوه المهم
روفيدا... انا عاوزه اسافر مع المسابقه بتاعت الجامعه اسبانيا
هتكون مع جامعات عالميه وشرحت له الأمر وسط نظراته المستعمه بدقه وعيون التي لا تغفل عن أي تفصيله بها
روفيدا حين انتهت... ها ايه رايك
صخر بجديه... انا اسف يا روفيدا ومش علشان افرض رأي لا عشان بخاف عليكي اكتر من نفسي
روفيدا بإحباط... كنت عارفه عشان كده رفضت
صخر وهو يرفع حاجبه.... بتعجب
صخر... طيب ولزمته ايه تفتحيه معايا
روفيدا.... قلت اهي محاوله يمكن لعل وعسى توافق
صخر بحب... عمري ما أوافق تبعدي عني لحظه حد يبعد عنه روحه
روفيدا بخجل.... انت عارف
صخر... ايه يا حبيبتي
روفيدا... بحب رومانسيتك اوي بتثبتني
صخر وهو ينفجر بالضحك.... كويس اني بثبتك هههههههههههه
في تلك اللحظة دق باب الغرفه مره ثانيه ولكن تلك المره لتعلن عن وصول آدم الي المنزل وأنه بانتظار روفيدا بالصالون
صخر لروفيدا بحده... ده جاي ليه
روفيدا... بتوتر... معرفش والله ما اعرف
صخر.... طيب اتفضلي نشوف عاوز ايه
روفيدا في نفسها... منك لله يا آدم ضيعت اللحظه الرومانسية
وبالفعل
كان آدم بانتظارهم رحبت روفيدا به بينما تبادل هو وصخر سلام جاف جدا
آدم وهو يسحب الحقيبة التي كانت بجانب قدمه
آدم... روفيدا ده مليون جنيه من فلوسك علشان لو احتجتي حاجه
روفيدا... بس انا
صخر قطع حديثها يغضب... حد قالك انها متجوزه قرطاس عشان تحتاج حاجه
آدم بعصبيه.... امال استني لما تزلل ليك وترفض طبعا وهي عندها ملايين
صخر بغضب أكبر... وانت مال اهلك راجل ومراته
آدم وهو ينتفض واقفا ويهجم عليه فقد كان يريدها منذ زمن
وانفض كل منهم على الآخر يكيل له الضربات وسط صراخ روفيدا
اجتمع جميع من بالمنزل علي صوت شجارهم
واخيرا أبعدهم الخدم عن بعضهم البعض
آدم... مش هسيبك يا صخر والله ما هسيبك
صخر وهو يصيح بهم أن يتركوه
واخيرا أخبرت الجده الخدم أن يخرجون آدم من المنزل
كل هذا و روفيدا تبكي مما حدث والدة صخر تنظر لها بكل غل وحقد فهي سبب كل ذلك من الأساس
............
بعد مرور يومين
في شركه آدم
آدم بعصبية ....صدقني يا قاسم والله العظيم
ماليا دعوه بقتل صخر العراقي بجد مش انا
قاسم ....امال مين
آدم ....مش عارف بس حاسس انه حد عاوز يوقعني
بعد اللي حصل بيني وبينه امبارح ودلوقتي اتقتل
قاسم هيكون مين يعني
حينها فجاءه فتح باب مكتب آدم بشركته
ودخل رجال الشرطه
الضابط ...مين آدم السعدني
آدم ...انا يا فندم
الظابط ....مطلوب القبض عليك
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق