رواية البلطجي الفصل السادس والسابع والثامن والتاسع والعاشر بقلم ولاء حامد حصريه في مدونة قصر الروايات
رواية البلطجي الفصل السادس والسابع والثامن والتاسع والعاشر بقلم ولاء حامد حصريه في مدونة قصر الروايات
6
طلع رفعت شقته وقفل الباب وهو بينفخ
دريه بأسلوب ردح مبطن :مالك يا اخويا طالع قفاك يقمر عيش وودانك مدخنه
رفعت بحده: دريه وبعدين انا مش كل يوم التاني هادخل في مشاكل مع اخواتي من تحت راسك لو فضلتي على الحال داه هانوصل اما للطلاق او الشارع
دريه بتحويل سريع في اسلوبها: اهدا كده يا ايو سراج وفهمني الله لا يسيئك يا حبيبي اخوك عمل إيه وقولتو إيه علشان افهم
رفعت اتكب زي الجردل: رأفت قلب الآيه عليا بسببك وان كلو يوم تعملي مشكله وانا ابرر واقول مش قصدها لحد ما شحن احمد ضدي
واحمد عشان ميزعلش حد مننا قال أنه هايعمل شبابيك حديد مبطنه بسلك على المنور و وهايعمل تندا وقاله يدفع تمن اللبس اللي باظ بس رأفت مرضيش واحمد سمعني كلمتين في عضامي من تحت لتحت
دريه بزعيق: واخوك ليه ايه يسم بدنك ويقولك تعمل ومتعملش
رفعت بنفس سخريتها: ليه البيت اللي حضرتك بتبرطعي فيه ليه المصروف اللي بيتبعتلك كل شهر ليه انه اتكفل بجوازي وولادتك اللي كلفت هي والسبوع قد كده ليه لبس ابنك اللي دفع تمنه ولسه هايعمل زيه مع رأفت ولسه الدور على رقيه بدل ما يدبسنا في جهازها
دريه بتحول وكأنها بتتك على زرار من وضع لوضع: اممممم قولتلي يعني احمد اخوك بقى هو ولي النعم
رفعت: مش بالظبط احمد اللي اتولى ربايتنا بعد موت ابويا وكبرنا وعلمنا وعمل المستحيل عشانا احمد بيعتبر نفسه ابونا مش اخوانا
علشان كده بقى بقولك اتقي شر احمد لو صبره نفد محدش هايقظر يقف قدامه ومتنسيش ان البيت بيته وبإسمه يعني محدش هايقدر يتكلم ويقول بم فهمتي يا ام مخ ضلم
دريه بتفكير شيطاني :اممم تمام تمام
رفعت :هو ايه اللي تمام تمام
دريه: عرفت دماغ اخوك كده وعرفت ازاي اكسبه في صفنا لحد ما يبقى خاتم في صباعنا اصبر عليا بس واتفرج من هنا وجاي مهايبقاش على الحجر غيرنا
ومرت الأيام ودريه هدت الجو تماما وبطلت مشاكل وبدئت تكسب ودت احمد
احمد رجع البيت بفرحه وطلب من أخواته ينزلو ضروري
رفعت ودريه ورأفت ودلال ورقيه
احمد بإبتسامه أب: انا جمعتكم انهارده عشان عندي خبر ليكم يسوى الدنيا
رافت: خير يا ابو حميد
احمد: رقيه كبرت وبقت عروسه زي القمر والعرسان بيدقو الباب عليها
رقيه اتكسفت ووشها احمر
دلال بهمس: ايه يابت مالك قلبتي زي حباية الاوطه كده
رفعت: مين العريس وابن مين يعني عشان تفرح الفرح داه كله
احمد بهدوء: استاذ عماد عبد الراضي
رفعت بتذكر: حاسس أني سمعت الإسم داه قبل كده بس فين مش فاكر
احمد: هو مدير شؤن قانونيه في الشركه اللي بتشتغل فيها رقيه
شافها وعجبته وعرف انها من بيت محترم والراجل الشهاده لله محترم ودخل البيت من بابه وانا قولت انتوا اخواتها ورجالتها
دريه بلسان بينقط سم: مديرها قولتلي تلاقيه عجوز ومكحكح وعايز ممرضه اصل إيه اللي هايخلي واحد ماسك منصب اوبها زي داه يبص يعني لامؤاخذه لرقيه
احمد بحده: رقيه ست البنات وانا اختي مش رميه ولا قليله عشان ارميها لراجل عجوز اطمني وطمني بالك يا ام سراج الرجل شاب ومركز الله اكبر واكبر من رقيه بحوالي خمس سنين والراجل دوغري وجد في شغله ووصل لمكانته بتعبه وعرق جبينه عندك كلمه حلوه تقوليها سمعينا معندكيش ابلعيها في جوفك واسكتي
دريه بلوع: يقطعني والله يا سي احمد مكان قصدي انا خفت على رقيه دانا بعدها اختى بالمظبوط
احمد بخنقه: صادقه صادقه يا ام سراج
وبص لاخواته: وانتوا رأيكم ايه
رافت: ييجي ونشوفه ونسأل عليه واللي فيه الخير يقدمه ربنا
رفعت: وانا من رأى اخوك بس بردوا لازم نعرف ظروفه لحسن يدبسنا في شوارها كله اه مهو لازم يكون سداد قبل ما يدخل بيوت الناس
احمد قام منكور وبصوت عالي حاد: أمور الفلوس دي وشوار اختك ميخصش حد منكم ورقيه ليها اكتر ما ليكم ولما اخبط على باب واحد منكم واقولك عايز جنيه لجهازها يردني
رأفت بص لرفعت بلوم: كلام ايه داه يا احمد رقيه طبعا اختنا وعنينا ليها رفعت قصده السكن وحياتها معاه رقيه طول عمرها دلوعه وسطينا وخايف من بهدلتها
رفعت: ايوه يا احمد انا بس جايز خاني التعبير
احمد اتنهد بخنقه: خلاص خلصنا انا حددت ميعاد مع الراجل يوم الجمعه واللي فيه الخير يقدمه ربنا
ومرت الأيام وتم التعارف وانخطبوا وخلال فتره الخطوبه احمد كان بيعمل كل ما في وسعه عشان يجهزها احسن جهاز ورقيه كل يوم بتطلب اكتر من اليوم اللي قبله واحمد بيقول حاضر وبس
واتجوزت اخيرا وسط فرح كبير والكل حاكى واتحاكى بيه
رجع احمد بعد الفرح وفضل يبص في الشقه وكل ذكرياته بتتعاد يوم بيوم قدام عينه
احمد قعد وشرد مع نفسه: العيال الصغيرين كبرو اتجوزوا وانتا اللي فضلت الدنيا صفصفت عليك يا احمد يا ترى هايفتكروني ولا هاتنسي وابتسم ربنا يسعدك يا بنت قلبي وعمري ويكون ليكي الزوج الصالح وتكون جوازه السعد والوعد
ومرت الأيام والكل انشغل في حاله ونسيو احمد مبقاش حد بيفتكره الا اخر كل شهر عشان ياخد الشهريه
احمد صحي من نومه تعبان وهمدان وجسمه مكسر وفضل راقد في السرير السخونه بتاكل في جسمه ومحدش طول النهار فكر يتصل بيه اتحامل على نفسه ودخل الحمام خد دش بارد يحاول يهدي بيه السخونه خد دش وهو قاعد على الأرض من التعب ومحدش حاسس بيه طلع بالليل يتسند على الحيطان علشان يوصل الصيدليه ياخد اي حاجه للسخونه
وبعد صعوبه قدر يوصل
الصيدلي: خير يا استاذ
احمد: عضمي كأنه مكسر وفي ابر بتنغز في جسمي ومش قادر اقف
الصيدلي: حط ايده على جبهته حرارتك مرتفعه طيب البلع
احمد وعنيه بتغمض: مش قادر ابلع ريقي كأن في شوك في حلقي
الصيدلي: تمام هادي لحضرتك ابره مضاد حيوي وخافض حراره ومسكن والأفضل تريح جسمك كام يوم وتاخد سوايل دافيه بإستمرار والأفضل تاكل دلوقتي علشان الابره متعملكش هبوط
احمد هز رأسه بموافقة
الصيدلي جهز الإبر وعطاهم لأحمد ودفع حسابهم ومشي
وقف تاكسي
سواق التاكسي: على فين يا باشا
احمد :على الحسين يا اسطي مطعم ....
السواق عنيا
احمد سند رأسه على الشباك وجسمه بداء يعرق جامد
السواق بخوف :يا باشا يا باشا
احمد فاق وهو مدروخ: خير يا اسطى وصلنا
سواق التاكسي: لاء لسه شويه بس لقيتك روحت في دنيا تانيه خفت ليكون جرالك حاجه الله لا يقدر
احمد هز رأسه بتعب: لا لا انا كويس
سواق التاكسي: كويس فين دانتا حالك بالبلا احمد :كمل انتا بس وانا شويه وهابقى زي الفل متقلقش
سواق التاكسي سطت وهز رأسه بقله حيله
وصلو الحسين واحمد حاسبه ونزل والدوخه بدائت تاخد من جسمه وفضل يعافر مع نفسه لحد ما خلاص جسمه أعلن استسلامه ووقع في الشارع
بنت شافته وهو ماشي يطوح في الأول افتكرته سكران ولما قري شافته تعبان طلعت تجري لما لقيته اترمي في الأرض صرخت بصوت عالي: ياناس يا هو يا خلق حد يغيتني الجدع قاطع النفس
قرب اكتر من راجل والناس بدئت تتلم حواليه
في ايه يا صابره
صابره بخوف وقلق : والله علمي علمك يا اخويا انا شوفته بيطوح لحط ما طب من طوله قاطع النفس كده
واحد من الواقفين: تلاقيه مدهول على عينه
صابره :لا شكله تعبان الجدع عمال يشلب في ميه لما هدومه تتعصر عصر
قرب من لمتهم راجل كبير وقور :في ايه يا جماعه ملمومين ليه كده
صابره
صابره :الجدع داه وقع من طوله وقاطع النفس والكل عمال يحكي ويتحاكي ومحدش اتحرك حتى ياخده الاجزخانه ولا المستوصف والكل عمال يحكي ويعيد ويزيد
رمضان قرب منهم واتخض: يالهوي احمد ونزل على ركبه بسرعه وحاول يخبط على وشه :احمد يا احمد فوق يا ابني الله لا يسئك
صابره بإستغراب: انتا تعرفه يا عم رمضان
رمضان بلهفه: ايوه يا بنتي داه داه ابوه كان حبيبي الروح بالروح الله يرحمه وهو كان زميلي في الشغل لحد ما طلعت معاش حد يسنده معايا
صابره: طيب ندخله المكتبه لحد ما يفوق
رمضان: لا يا بنتي تشكري كده ولا كده البيت فركة كعب من هنا
صابره: ماشي يا عم رمضان خده وانا هاسك المكتبه وجايه وراك
سنده رمضان وكام واحد معاه لحد ما وصولو البيت
ودخلوه جوه
رمضان: تشكرو يا رجاله بس الله يخليكم حد ينادم على الدكتور اللي في الصيدليه اللي تحت ييجي يشوف ماله
صابره نزلت الباب الصاج بسرعه وراحت ورا عم رمضان
تشوف ايه الحكايه
رمضان فضل مستني كام دقيقه كانت وصلت صابره وبعدها دكتور الصيدليه
رمضان بلهفه: والنبي يا ابني تعالي شوف ماله داه قاطع النفس
الدكتور دخل بسرعه وبداء يشوفه وعشر دقايق وكان خلص
رمضان: ها يا ابني
الدكتور: اطمن يا راجل يا طيب هو شكله واخد دور شديد وعمله حمى
رمضان بقلق: طيب ناخده المستشفي ولا حتى المستوصف الكبي على اول الشارع
الدكتور: لاء خالص مش مستدعيه هو شكله واخد ابره مضاد حيوي قويه شويتين بس شكله مكلش فهبط منها عايز بس غذا وراحه وسوايل دافيه وهايبقى زي الحصان انا فوقته بس مدروخ عشر دقايق ولا حاجه ويكون فاق خالص
رمضان اتنهد: اشهد ان لا إله إلا الله وأشهد أن محمد رسول الله الله يطمن قلبك يا ابني معلش عطلتك
مشي الدكتور ورمضان نادا: يا ام محمد
طلعت ست كبيره في السن :ايوه يا ابو محمد
رمضان: طلعي فرخه من عندك واعملي عليها شويه شوربه بسرعه اوام الله يخليكي
ام محمد: من عيني بس لمين وبصت الله صابره عامله ايه يا بت كده يا واطيه متسأليش على خالتك ام محمد
رمضان: يا وليه شهلي وبعدين ابقو ارغو براحتكم
ام محمد بقمصه: طيب طيب دايما كده مكسر مقاديفي يا ساتر
ربع ساعه وكان احمد فاق
احمد بتعب وهو بيحاول يسند نفسه: ااااه انا فين
رمضان: حمد الله على السلامه يا ابني كده وقعت قلبي وانا راجل كبير
احمد بإبتسامه بشوشه واستغرب في نفس الوقت: معلش يا عم رمضان بس انا ايه اللي جابني هنا
رمضان :انا اللي أسألك ايه اللي جابك من الشرابيه للحسين وانتا في حالتك دي
احمد بتعب: والله غصب عني الحمد لله
دخلت صابره وهي شايله صنيه الاكل :ها يا عم رمضان فاق
رمضان :ايوه يا بنتي الحمد لله
احمد بص على الصوت شاف بنت أيه في الجمال عنين زرقا وبيضا زي القمر لابس جلبيه خروج سودا وحجاب افتكر العينين دي كانت اخر حاجه شافها قبل ما يغيب عن الدنيا
خد منها رمضان الاكل
صابره بهدوء: حمد الله على السلامه
يلا يا عم رمضان فوتك بعافيه اروح اشوف اكل عيشي مادام الحمد لله الجدع بقى بخير
رمضان: ماشي يا بنتي
رمضان قعد قدامه وحط صنيه الأكل على رجليه :يلا كل لقمه تسند قلبك وبعدين نتكلم شكل الحوار طويل
احمد برفض: كتر خيرك لحد كده والله يا عم رمضان
رمضان: بطل بطل يلا كل الأول عشان اللي شايفه في عنيك لا يسر عدو ولا حبيب
كل احمد تحت اصرار رمضان
احمد كفايه بالله عليك والله بطني اتملت
رمضان: طيب ريح جتتك وبكره يحلها الحلال بكره
رمضان: مينفعش والله وبكره عندي شغل منتا عارف
رمضان بحسم: ولا شغل ولا دياولو انا بكره بمشيئة المولى هاقدملك اجازه
احمد بحرج: مينفعش الجماعه مهيبقوش على راحتهم
رمضان بضحك: كتك ايه يا احمد جماعه مين يا ابني انا في البيت بطولي انا وخالتك ام محمد العيال كل واحد اتجوز وعايش مع نفسه بييجو كل يوم جمعه ودمتم
احمد بحرج: بس يعني
رمضان: ولا بس ولا مبسش يلا يا راجل ريح والصباح رباح
مر الليل واحمد التفكير هايقتله داه محدش سأل عليه طول النهار ومن كتر التعب ناااام من غير ما يحس
صحي الصبح وهو مقرر يمشي
عم رمضان خبط بالراحه على الباب شاف احمد بيظبط الفرشه
رمضان: بتعمل إيه
احمد: هاتوكل بقى على الله معلش
رمضان: وكتاب الله لا يحصل ولا يكون عيب عليك ولو على الشغل انا روحت بدري وقدمتلك اجازه ولقيت ماشاء الله رصيدك يكفي ويفيض
طلعو مع بعض الصاله والباب خبط
فتح عم رمضان
صابره: افتح الضرفه دي قبالي الله يسترك وخد مني
رمضان فتح الباب ودخلها ونزل الصنيه من على راسها
صابره: انا قولت اجيبلكم لقمه ليكم وللضيف اللي عندكم قبل ما اتوكل على الله واروح المكتبه
رمضان: طيب ما تقعدي تاكلي معانا لقمه
صابره: تسلم يا عم رمضان انتا عارف انا بفطر من النجمه سلملي على خالتي ام محمد يلا فوتكم بعافيه
مشيت صابره وشد رمضان احمد وقعدوا ياكلو
احمد بفضول : مي دي يا عم رمضان
رمضان: دي صابره واتنهد وكمل وهي صابره يا ابني اسم على مسمى ابوها محروس الجوهري كان راجل ونعم ميعظمش على اللي خلقه ميتخيرش عنك كده مخلفش الا صابره بعد طول سنين وسنين ويشاء ربك مراته تموت بدري بدري وكانت صابره دي يادوب بنت كام سنه وأبوها اتكفى عليها ورباها لحد ما بقت عروسه تشرح القلب ومن قيمه كام سنه خبطته عربيه وربك استرد أمانته وفاتها لحالها بس ربك والحق البت ب ميت راجل اعمامها وخلانها ياما ياما حاولو ياخدوها وهي ابدا مسيبش بيت ابويا حتى لما حاولو بالقانون وقفتلهم بالمرصاد وكمان رجالة الحته في ضهرها
احمد: طيب متحوزتش ليه
رمضان: البت ماشاء الله ربك خلق فأحسن صوره بس البت مطمع ان مكانش عشان الجمال عشان المال وهي مش راضيه
احمد: ربنا يرزقها شكلها بنت حلال وطيبه
رمضان: اوي والله يا ابني سيبك بقى من صابره ايه اللي جرا معاك واخواتك فايتينك لحالك ليه كده
احمد بتنهيده: الله يعينهم يا عم رمضان كل واحد وراه بيت وعيال وهم ما يتلم والدنيا تلاهي
رمضان بتفكير: امممم طيب وهو سؤال الكام دقيقه هايعطل المشاغل ولا هايوقف مركب الحياه السايره
احمد بتبرير: مهو بيتجمعو كل اخر شهر ويقعدو معايا طول اليوم
رمضان بتعقل: اخر كل شهر وانتوا بينكم وبين بعض كام سلمه اتنهد وكمل بص يا ابني مش عيب انك تحب اخواتك وتحاجي عليهم زمان لما شوفتك شايل هم اخواتك قولت واد راجل من ضهر راجل مجدع االي يصون لحمه بس لما خدت بالي لقيتك بتيجي على نفسك اووووي فاكر يومها انا قولتلك ايه قولتلك مش عيب تحب اخواتك بس تحب نفسك كمان مش عيب تدي اخواتك بس تعمل حساب لنفسك عارف يا احمد انتا مشكلتك فين مشكلتك ان اديت بالقوي وفضلت تدي بكل جهدك لحد ما اتعودو ان الاخد حق وحق مالكش انك تعترض عليه اصلا مسالتش نفسك بييجو ليه كل شهر عشان الفلوس اللي اتعودت توزعها عليهم عملت إيه لنفسك عمرك ضاع وشبابك ضاع هما حياتهم مشيت وانتا الوحيد اللي حياتك وقفت هما بنو بيوت وانتا بتبص عليهم وفرحان بس حد فيهم فكر فيك بص يا ابني الزمن علمني ان محدش هايفكر فيك غير نفسك مش بقولك لا سمح الله تبقى أناني لاء بس كفايه تشيل شيله غيرك ربيتهم كبرتهم وصرفت عليهم دم قلبك وشقى عمرك وضاع عمرك
احمد بدفاع:كنت عايزني اسيبهم يا عنم رمضان وهما في رقبتي
رمضان: لاء طبعا مقولتش كده ولا استجري اقول كده بس كان واجب يا ابني لما عودهم شد كنت تخلي كل حي يشيل شيلته انما انتا عملت دور المضحي وحامي الحمى ربيت وكبرت وعلمت وصرفت وفي الاخر جوزت وبعدين اتنسيت يا ابني الإسراف في العطاء يعلم الانانيه
وانتا خليتهم انانيين اوووي اوووي محدش بيفتكرك الا لما يقولك هات الصح ان زي ما بيقولك هات يقولك كمان خد مش هات وبس
احمم بضياع وتشتت : قصدك إيه يا عم رمضان انا قصرت معاهم
رمضان :لاء يا ابني حاشا لله انتا قصرت في حق نفسك وربك هايسألك على نفسك انتا كان ليك اخت بنت كان المفروض يوم ما كبرت وخرطها خراط البنات كانت تشيل وتتعلم شغل البيت بس اناا لاء كنت مدلعها ومحدش منهم كان عميان على أنه يشوف بهدلتك ومحدش في يوم قال عنك يا اخويا يا ابني ان لبدنك عليك حق مفكرتش كام يوم محدش خبط على بابك مفكرتش أمته هاتتجوز وتعيش وتخلف ولا ناوي تفضل طول عمرك كده لحد ما تموت وينقطع ذكرك من الدنيا
طلعت ام محمد من جوه: يا راجل تف من بوقك ايه بوقك عامل زي البياره الطافحه وواخد الواد في وشك
رمضان بعصبيه:بفوقه يا ام محمد كفايه كفايه عليه اوي كده عمره ضاع خليه يلحق الباقي من عمره ويعيش مره مره من نفسه عشان نفسه كفايه عاش عمره عشان غيره وياريت قدرو لا دول اكالين نكارين
ام محمد بمهاوده: بالراحه ع الجدع بص عليه وشه راح زي قشره اللمونه الصفرا وشرد يا كبدي في ملكوت ربه
رمضان بحده لازم اقسي عليه عشان يفوق لروحه لازم اوجعه عشان يخف يا بخت من بكاني وبكى عليا ولا ضحكني وضحك الناس عليا
ام محمد: سوقت عليك حبيبك النبي بالراحه داه لسه جتته مطابتش يا واش يا واش عليه مش تاخده كده على مشنه
رمضان بجنون: منا سنين وسنين وسنين بقول وبفهم بالراحه والعقل خليني أشد عليه يمكن يفوق ويلحق روحه بقى ابوه الله يرحمه لو كان عايش كان قاله بنفسه بصي عليه وبصي على أخواته بيستخسر حنى تعبه وشقاه في نفسه خليني افوقه داه من إمبارح هنا ولو قعد شهر مش هايفتكرو الا يوم القبض لما ييجو زي كلاب لملم علشان يمدو ايدهم ويقولو هات
ام محمد بصت لأحمد بحزن وميلت راسها في الارض وسكتت
احمد حس بوجع وشريط حياته كل بيتعاد موقف ورا موقف ورا موقف لحد ما تعب :عايزني اعمل ايه يا عم رمضان
رمضان بتعقل: بص يا ابني انا عايز منك حاجه واحده بس تاخد اجازه انا فعلا قدمتلك على اجازه اقفل باب بيتك اسبوع مش كتير لا تفتح باب ولا شباك وشوف هايفتكروك فيه ولا لاء وبعدها هستناك تقولي عملت إيه وقررت إيه
ام محمد بعفويه عشان تفك الجو: طيب والنبي يا ابو محمد الجدع داه حله يتجوز ولما يبقى عنده بيت وست تاخد بحسه تنسيه الدنيا وهمومها وسكتت ومصمصت شفايفها طيب والله لو كان عندي بت ما اتجوزت كت جوزتهالك دانتا تشرف البيت اللي تخطيه
وسكتت كأنها بتفكر :عارف يا ابو محمد البت صابره اهي دي االي تليق بيه بحق وحقيقي وتبقى العوض ليه وليها
عم رمضان: يا وليه اهدي قولي هديت
احمد فضل معاهم باقي اليوم واخر اليوم روح بيته وكل كلمه قالها عم رمضان بترن في دماغه وقصادها موقف واتنين وتلاته وسنه واتنين وسنين
وصل البيت وابتسم لأول مره بتهكم وكأنه كان أعمى وفتح بعد سنين من العتمه فضل قافل على نفسه الباب يوم ويومين وتلاته لحد ما مر اسبوع كامل وباب البيت حتى مخبطش
احمد بكسره: يااااه يا ابن شافع دانتا لو مت محدش هايحس بيك هايعرفو زيهم زي الغريب وكمل بتهكم دي زرعه سنين عمري وشبابي ضاعت وطلعت ايد ورا وايد قدام
حسم أمره وخد بعضه وطلع من البيت زي الإعصار اللي واخد في وشه الأخضر واليابس بس المره دي واخد معاه الماضي وبينضف للحاضر
يا ترى احمد قرر إيه....؟
يا ترى صابره مصيرها ايه ....؟
يا ترى اللي جاي مخبي ايه...؟
يتبع
7
احمد راح لعم رمضان
رمضان بهدوء وترقب: هااا ولو انه باين على وشك من غير كلام بس احب اسمع
احمد بهدوء: فكرت وقررت
عم رمضان: فكرت في ايه وقررت إيه بالظبط احب اسمع منك
احمد: قررت اسمع كلامك واللحق قطر عمري اللي فات هاجري وراه بكل اللي باقي من جهدي وقوتي
عم رمضان طبط على رجله: هو داه الصح اللي كان لازم يحصل من سنين
ام محمد: يوووه بقى يا ابو محمد بركه انه فاق
عم رمضان: ها ناوي تعمل ايه
أحمد: ناويت اشوف اللي ضاع في حياتي والحقه
ام محمد بفرحه: يبقى تتجوز وتكمل نص دينك بقى وتخلفلك عيل يشيل اسمك بدل ما عيالك يموتو في ضهرك
عم رمضان: يبقى من هنا وجاي تهتم بروحك جيب لبس ودلع نفسك وارمي يا ابني اللي رماك ورا ضهرك عيش مندفنش روحك بالحيا عشان غيرك ربنا هيحاسبك على نفسك
احمد هز رأسه
ام محمد: طيب والنبي البت صابره دي اللي تدلعه وترجعله شبابه اللي ضاع
احمد بتريقه: وهاتقبل بيا على ايه دي لسه صبيه والعين عليها وانا راجل في آخر الأربعين يعني بقول مسك الختام دوريلي يا خاله على واحده مناسبه ليا ولسني بلاش اظلم بنات الناس معايا
ام محمد بشهقه: مالك يا اخويا كفا الله الشر راجل ملو هدومك والراجل ميعيبوش الا جيبه
احمد: الكلام داه يا خاله يتقال للجعانه بس دي شبعانه عينها مليانه متعشمنيش باللي مش ليا هتاخد واحد كلها سنه واتنين ويبقى ابن الخمسين تعمل بيه إيه تقعد تمرضه
ام محمد بشهقه: الشر بره وبعيد دانتا اسم النبي حارسك وصاينك يا اخويا مش باين عليك سن اللي يشوفك يقول صبي ابن 30 بطل بطل يا واد الراجل راجل ولو كان عضميتين في قوفه
احمد بحب: الله يكرمك يا خاله
ام محمد: طيب ومقام الحسين الطاهر اللي مجاوراه لكون مجوزهالك ومبقاش ام محمد رشيده ان معملتها وبكره تشوف
احمد بص لعم رمضان : مالك يا عم رمضان ساكت يعني على كلام خالتي ام محمد
عم رمضان: سيبها على الله وكل شيئ بأوانه حلو
روح اصبغ شعرك كده ورجع شبابك واشتري هدوم ودلع روحك ياراجل حرام عليك وسيب الجاي على ربك
احمد مشي وطلع من عنده وعدى على محل اشتري هدوم شيك تناسب سنه واشتري كوتشيات وجزم كان فرحان زي العيل الصغير اللي فرحان بلبس العيد وطلع على الحلاق هذب دقنه وظبط شعره وصبغه اغمق درجه في البني علشان ميبانش فرق اللون وطلع حس انه إنسان جديد اتولد من انهارده
ام محمد مكدبتش خبر وبعتت لصابره
صابره جات وقعدت وقدامها عم رمضان وجمبها على نفس الكنبه ام محمد
صابره بقلق: خير يا عم رمضان جايبني انتا وخالتي علا ملا وشي وسيبت حالي ومالي وجيت
عم رمضان: بصي يا بنتي انتي اتقدملك طوب الأرض ودايما تقولي انا عايزه راجل يخاف ربنا فيا لا طمعان ولا هفيه ولا يبص على شكل ولا مال
صابره: حصل بس بردوا في إيه منيش فاهمه السما من العما
ام محمد:جالك شاب زين وزين الرجال بالفعل مش بالقول والله يا بنتي ومقام الحسين انا بعتبره ابني جدع هايحطك في عنيه ويضلل عليكي برموشه جدع يستاهل تقله دهب
صابره بحيره: يطلع مين داه اللي بقالك ساعه بتشعري فيه
عم رمضان: احمد
صابره: مين داه ولا أبن مين في الحته
عم رمضان: مهواش مم الحته هو من الشرابيه الجدع اللي وقع قدام البيت عندك
صابره بتذكر :ايوه بس داه شافني مرتين يخلوه يتقدملي انا معرفش عنه حاجه وهو يدري حياتي حاجه ومتأخذنيش يا حاج باين عليه الكبر
عم رمضان بتنهيده: بصي يا بنتي يعلم الله اني بعدك زيك زي بنتي ولو بنتي مكانتش اتجوزت واتقدم ليها احمد انا كنت اديهاله واشورها واوديها لحد باب بيه وانا مطمن انا مش بقولك كده عشان من طرفي حاشا لله بس هاقولك كلمتين بس واسيبك تحكمي الجدع داه ابوه مات وهو يادوب ابن 16 سنه ساب قي رقبته 3 عيال كسر عمره وشبابه وحلف انا ابوهم حرم نفسه من كل متع الدنيا عشانهم كان يقطعها من بوقه عشانهم رباهم وكبرهم وعلمهم وجوزهم واخر المتمه الكل نسيه اللي زي داه يا بنتي هايصونك اللي صان أخواته عمره ما يخونك اللي حاجي على اللي منه تأمنيله وتديله ضهرك وانتي مطمنه انه هايحميه مش هايغدر بيه أنا قولتلك عشان حقك فكري وخدي وقتك ورديلي خبر
صابره: هاصلي استخاره واللي فيه الخير يقدمه ربنا
مشيت صابره وهي كلها حيره وفضلت يوم واتنين واسبوع كل يوم تصلي وتحس برااااحه شديده استغربت نفسها
قعدت في المكتبه شارده في راحتها وفي كلام عم رمضان وفي خوفها من فرق السن
عم رمضان دخل المكتبه: ايه يا ست البنات انتي مقطعانا ولا ايه من يوم ما قولتلك وانتي روحتي وقولتو عدولي يا بنتي البت مورده بيجيها الزين والشين وانا رسول وما على الرسول الا البلاغ
صابره: لا والله يا عم رمضان انا بس محتاره
عم رمضان:قولي يا بنتي ولو في ايدي أدلك
صابره خدت نفس وطلعت بنفخه: محتاره صليت وارتاحت وكلامك مطمني بس خايفه اصل يعني لامؤاخذه شكله كبير وخايفه يبقى عقله على قده داه بيقولو ابن الشيبه يتيم
عم رمضان: يا بنتي الأعمار بيد الله عز وجل انتي شوفتيه وقت تعب تعالي شوفيه دلوقتي هتلاقيه ولا الصبي ابن ال 30
صابره: محتاره دلني
عمر رمضان: عقلك وقلبك بعد ربك سبحانه وتعالى دليلك قالولك ايه
صابره: قالولي داه العوض
عم رمضان: يبقى على بركة الله أبلغ الجدع وييجي يتقدم وابعت لأهلك يحضرو عشان الاصول
صابره بشرود: ماشي ياعم رمضان
رجع رمضان وزف البشرى لمراته ومصبرش وطلع على احمد في الشغل بلغه اللي فرحته بلغت السما والضحكه نورت وشه زي البدر في ليلة تمامه
احمد رجع البيت وهو مبسوط ونادا على أخواته من مدار السلم ينزلو وكان عدا ساب خبر لجوز رقيه تيجي هو وجوزها محضر للكل مفاجأه
الكل حضر بسرعة في أتم استعداد للمفجأه الكل بص لبعضه بإستغراب من منظر احمد اللي لابس تيشيرت شيك وبنطلون ملائم عليه على غير احمد اللي دايما لبسه مبهدل
كان اول الفضوليين رفعت :ايه داه يا احمد دانتا صغرت ولا عشرين سنه يا جدع
احمد بصلهم بصت ومركز عينه في تظراتهم اخد نفسه وطلعه: قولت اللحق بقى الباقي من عمري منا الحمد لله كبرتكم واطمنت عليكم اهو وكل واحد منكم بقى ليه بيت وعيال والحمد لله حياتكم مستقره من اكبركم لاصغركم
دريه: قصدك إيه يا سي احمد
احمد بهدوء: انا هاتجوز
شهقه هي كانت رد الفعل
رفعت بعصبيه: تتجوز ايه في سنك داه انتا عارف عندك كام سنه فاكر لما تصبغ شعرك وتلبش زي الشباب انك هاتبقى منهم فوق انتا كلها كام سنه وتقفل الخمسين بلاش تضحك الناس عليك
رقيه بغرور من غير متراعي مشاعر حد: هاتجيب واحده غريبه في بيتي وتاخد مكاني فيه وتنساني وهي تبقى الاحق بحبك وحنانك وحضنك وفلوسك وتتدلع عليك واحنا نتركن على الرف
احمد حس بسكينه بتشق صدره بس قدر يداري وجعه جواه: اه يا رقيه هاجيبها واحده غريبه عنكم وتبقى كل ما ليا ما انتي جوزك جابك غريبه عنه ودلوقتي بقيتي كل دنيته ورفعت ورافت وانا شاور على نفسه وخبط على صدره بحده انا اتنسيت عمري ضاع عليكم وشبابي راح عليكم ومحدش بقى بيفتكرني الا لما يمدلي ايده ويقولي هات تعرفو ايه عني قعدت عشر ايام بين الموت الحياه الحمو بياكل في جسمي ومحدش حتى خبط باب البيت عليا مع ان بيني وبينكم كام سلمه اديتكم حياتي وحالي ومالي والنتيجه بقيت لوحدي زي الكلب الجربان محدش بيعبره وبص لرفعت هاضحك الناس ليه يا رفعت هاعمل حاجه حرام ولا عيب الناس هاتضحك على واحد هايتجوز ليه قولي
رفعت بسخريه: وانتا لسه فيك حيل للجواز يا احمد اللي زيك يقعد على المصليه ويعبد ربنا
احمد بصله بوجع: حيلي وصحتي اللي شالوكم لما كنتو عيال لسه موجود صحتي اللي جريت بيها يمين وشمال وشرق وغرب عشان اجري على دروس ومدارس وكليات واخرهم جوزاتكم انتو التلاته لسه موجوده صحتي اللي عافرت بيها وانا بموت محدش جمبي والحمو بيأكل في جسمي لحد ما قومت وصلبت طولي ونفضت غبار التعب من جتتي لسه موجوده مستكترين عليا اني اعيش زيكم ان يبقالي بيت زيكم واللحق باقي حياتي اللي جاي وعايزيني اضيع اللي جاي عليكم زي اللي فات وقام وصلب طوله ووقف قدام رقيه يا ترى يا رقيه لو كنت مت من التعب والمرض اللي كان بينهش في جسمي كنتي هاتحسي وقلبك كان هايقلق عليا زيي لما كنت بحس بيكم وراح لرفعت يا تري كنت هاتبكي عليا زي ما بكيت عليك لما وقعت ورجلك اتكسرت وراح لرافت كنت هتاخد عزايا وبعديها تقفل بابك عليك وتنساني ولا هاتفتكرني زي ما افتكرتك حتى وانتا في حضن مراتك وتعبان
بصلهم ولف حوالين نفسه انا ربيت طماعين كلو عمري اللي فات وعايزين ياكلو عمري اللي جاي وبص لرقيه بتهكم ياااااه يا بنت ابويا يا بنت قلبي يا زرعة عمري خايفه تاخد بيتك اللي هو بيتي تاخد حضني وحبي اللي غرقتكم فيه وغرقت انا في انانيتكم وطمعكم خايفه تاخد فلوسي اللي صرفتها عليكم وفي الاخر رميتوني زي الكلب مبتفتكرونش الا عشان تاخدو مهو البحر بيحب الزياده وماله مش خساره يعني في جهازك فضلتي تطلبي وتطلبي اللي ليه لازمه واللي ملهوش وانا مرضتش ازعلك جبتلك الطاق تلاته وطلبتي من الغالي وقولت عيني
وبص لرفعت اللي زيي بقى كده عشان اللي زيك يعيش واحد غيري كان قال وانا مالي كنت بستخسر اللقمه في نفسي واحطها في بوقكم كنت بستخسر الهدمه على جتتي واستركم انتو بيها كنت بستخسر صحتي عشان انتوا ترتاحوا اللي زيي يقعد على المصليه ويعبد ربنا عشان في ضهره اللي يشيله بس انا في ضهري حيطه مايله او ما فكرت أسند ضهري عليها وارتاح وقعت على جدور رقبتي ودلوقتي اتهدت على راسي بصلهم بحسم انل هاتجوز بيكم من غيركم مش فارقه البيت داه بيتي عملته وشريته بتعبي وشقايا وسنين عمري اللي عايز يكمل اهلا وسهلا واللي مش عاجبه الباب يفوت فيل مش جمل ويروح يشقى بروحه
عماد بصلهم وبص لمراته بصدمه بس قدر يفوق منها وقرب من احمد بحب اخوي صادق: الف مبروك يا احمد وبص لكل اللي حواليه داه حقك واللي ينكره يبقى وكز على اسنانه وسكت
وانا في ضهرك شوف انتا بس العروسه وانا بنفسي هاروح معاك اخطبهالك وكمل بمزاح علشان يطلعه من جو الحزن اللي خيم عليه ولا تحب انا اختارلك العروسه والله ليك بت ايه ع الفرازه ورور كده
دريه بسرعه: لاء عروسه سي احمد عندي
احمد بصلها برفعه حاجب وسكت
دريه: البت سعاد بت خالتي بت جدعه وطيبه وغلبان ومنكسره واهي تليق بيك وتاخد بحسك وتونسك
رقيه بتريقه: سعاد وغلبانه يا غلبانه سعاد اللي مطلقه مرتين بعد ما خدت الاخضر واليابس منهم وفضحتهم وغير كده معاها اربع عيال لا ريحي نفسك انا هاشوف لاخويا عروسه تناسب سنه وتمون بنت ناس منكسره وعايزه تعيش ولا تطلب ولا تتطالب
احمد ابتسم بحزن وهز رأسه: ايه خلصتو وصلت السن والطمع دخلتو على العروسه اللي بقت بيعه وشروه اللي عايزه تجوزتي لقريبتها عشان تضمن تقش معاها ولا اللي عايزه تجيبلي كسر نسوان عشان تضمن انها توفر اهي واحده والسلام وزي ما بيقولو عندما يأتي المساء كلهن سواء وبص لرأفت ودلال اللي قاعدين ساكتين من اول القعده وانتا كمان يا رأفت معندكش عروسه نقاوه لاخوك عشان تكمل مهي بقت على البحري وكمل بهستريه يلا يلا مهو مزاد يلا الااونا الا دونا الا ترييي زود يا هانم زود يا بيه البيعه تستاهل واللي هايشتري حلال عليه
عماد خده في حضنه: اهدا يا احمد اهدا صدقني نفسك أحق اختار وسيبك منهم
احمد طلع من حضنه: انا فعلا اختارت وكلها كام يوم واروح اتقدملها رسمي اللي عايز ييجي اهلا وسهلا جميله ومتشاله واللي مش عايز الله الغني ويادار ما دخلك شر
رأفت انا ومراتي جايين يا احمد عماد وانا جاي يا احمد انا بعتبرك اخويا مش نسيبي
رفعت بص لدريه بحرج
دريه بمكر: واحنا طبعا واحنا نفديك الساعه دي عروسه الغالي
عماد بص لرقيه:وانتي يا ام عاصم
رقيه بخوف من نظره عماد: ها جايه اه جايه ان شاء الله
الكل انسحب وزي واتبقى احمد اللي حس ان حتى فرحته بيحارب عشانها
ومرت الأيام واحمد أتقدم لصابره اللي كلهم تنحو من جمالها والامتر دريه لأنها أعلى منها وشكلها عضمه ناشفه مش هاتقدر عليها وفوق داه كله صاحبة ملك واحمد غير الشقه كلها وغير العفش اللي عفر عليه الزمن وبقت شقه تليق بعريس بجد
ومرت الأيام واحمد اتجوز واستقر وكان العوض لصابره وصابره كان العوض ليه وكلل حبهم بهارون ابنهم الكبير الفرحه اللي جات على كبر وبعدها ب 3 سنين جات هنا الأيام بنت زي القمر واخده جمال امها وفي يوم احمد رجع من الشغل قاعد سرحان
صابره قربت منه وقعدت جمبه:مالك يا ابو هارون من ساعه من جيت وانتا قاعد سرحان في ملكوت ربك
احمد: بفكر في حوار كده شاغل بالي
صابره قول وانا سمعاك وهاقولك رائيي زي ما اتعودت مني
احمد: ليا واحد صاحبي اديله فتره يستأذن وانهارده اصريت اعرف رايح فين قالي انه بيشتغل على تريله وبيطلعه من كل نقله مية جنيه مره واحده
صابره: بسم الله ماشاء الله رزقه واديك شايف الدنيا غلا طيب إيه اللي محيرك في الحوار داه يعني
احمد :بيني وبينك بفكر اشتغل معاه لو طلعت معاه هاعمل 700 جنيه في الأسبوع يعني 2800 جنيه في الشهر قد مرتبي ييجي عشر مرات
صابره بتفكير:بس تعب وشقى عليك يا ابو هارون
احمد بإبتسامه وهو بيضم رأسها على كتفه الشقى صابون الجسم يا بت والتعب واخدين عليه
صابره:اللي تشوفه بس بقولك إيه اعمل حسابك تلم ايدك وتبطل تبعتي يمين وشمال فاهم يعني مش كل شويه لعب وشايل ومحمل للعيال لما هاتطلعهم زرعه خايبه
اهم بضحك هز راسه: حاضر يا ماما
صابره بحب: والله بحسك ابني يا احمد مش جوزي بس
احمد: ربنا يديمكم في حياتي يا صابره دانتي الفرحه اللي ربنا فضل يحوشهالي لحد ما عطهاني ملفوفه في حرير
واحمد بداء يشتغل وصابره تتبتب وتحط القرش ع القرش وبقت تلم على قد ما تقدر
احمد بقولك ايه يا ام هارون
صابره سابت مذاكره ابنهم:قول يا احمد خير
احمد في حاجه عايز رائيك فيها
صابره عيني وبصت لهارون :روح اقعد مع اختك لحد ما أجي ونكمل الواجب
صابره: ها قولي بقى في إيه
احمد: انتي عارفه ان شغلي في المصلحه والعربيه الحمد لله ماشي زي الفل
صابره: الحمد لله القاشيه بقت معدن بس في ايه شكلك عايز تقول حاجه قول علطول غمزتله بعينها
احمد بتردد: بصي انا من فتره كده عرفت ان حموله العربيه في النقله والواحده بتصفي ييجي 500 جنيه داه من غير السواق ولا
صابره: رزقك ربك بيقسمه عايز تقول ايه يا ابو العيال
احمد ابتسم: بصي انتي عاينه معاكي فلوس قد إيه
صابره يعني حوالي اللهم بارك ييجي 15 الف كده وشويه
احمد بإحباط مش هاينفعو خلاص خلاص
صابره: يا اخويا هو إيه اللي خلاص مش لما اعرف الأول اقولك خلاص ولا مخلصشي ولا انا بشم على ضهر ايدي
احمد: كنت بفكر انا وصاحبي اننا نجيب عربيه شرك ولما سألنا واطقسنا لقينا العربيه عامله ييجي ميت الف قولت احسب حسبتي بس شخرمت من اولها انتي بتقول يكل اللي معاكي اول عن آخر 15 الف يعني عايزين قدهم الطاق طاقين وتلاته
صابره بتفكير وهي بتقرض شفايفها: طيب ما نبيع دهبي وانتا جايبلي كتييير اوي دي شلة دهب
احمد : ولو بعناه هايجيب كام تلات اربع تلاف جنيه مهيعملوش حاجه ولا حتى نوايه
صابره بلمعه عين :نبيع البيت
احمد بصلها وبرق:بيت مين يا مخبوله وانا واخواتي فيه انتي هبله يا بت
صابره: يا اخويا اصطبر على رزقك وانا مالي ومال بيتك انا بتكلم على البيت بتاعي اللي في الحسين مهو مقفول
احمد:منتي مأجراه
صابره: يا اخويا داه بيجيب كل شهر ميت جنيه
احمد: بس داه كل اللي حيلتك
صابره:انتا حالي ومالي يا احمد وبعدين هو رايح لحد غريب داه رايح لبيتي وعيالي وانتا الحمد لله مش مخلينا ناقصنا حاجه واهو على حطة ايدك الفلوس راقده لا شغله ولا عمله
احمد بتردد:بس يعني
صابره:ولا بس ولا مبسش عندك قلب عندك رزق
احمد:انتي شايفه كده
صابره :وابو كده كمان
احمد:على بركه الله وأول فلوس تيجي هاجيبلك البيت أو بيت غيره
صابره بحب :طول منتا معايا انا مش شايل للدنيا هم دانتا دنيتي
صابره باعت البيت اللي كان عزيز عليها عشان عزيز قلبها
صابره جات بفرحه وني حاضنه شنطه هاند باج كبيره
احمد: ايه في إيه طول النهار بره وجايه ضحكتك شاقه حلقك من الودن للودن
صابره وهي بتفتح الشنطه قدام احمد اللي عنيه برقت
احمد بصدمه ايه داه يا وليه
صابره........
يا ترى احمد شاف إيه ...؟
وياترى صابره فرحانه ليه وهاتقول إيه.....؟
وياترى اخوات احمد ناويين على ايه والماضي مخبي ايه تاني...؟
يتبع
8
صابره بفرحه عيل صغير: بعت البيت وبيعه متعشيه وادي الفلوس اهي رهن اشارتك تمن التريله وزياده كمان شويتين عشان الأوراق والحاجات دي
احمد بقلق: استعجلتي ليه بس يا بنت الناس دانا متوغوش خلقه
صابره :بقولك ايه اللي فيها لله مبتغرقش عندك قلب عندك رزق قول يارب وانتا ناوي خير
احمد هز رأسه بحيره:يارب
ومرت الأيام واحمد دور على العربيات واختار تريله جديده وكان تمنها 100 الف وحسم أمره واشتراها وراح عشان يخلص ورقها ويخلصها
موظف المرور: يا استاذ مينفعش ممنوع
احمد بصدمه: ليه مينفعش هو ايه اللي ممنوع دانا جاي ارخص عربيه
الموظف بشرح مختصر: مش عربيه ملاكي دي نقل تقيل وحضرتك موظف ممنوع حاجه زي كده
احمد بصدمه :طيب والحل ايه دانا حطيت شقر عمري فيها
الموظف: تشوف حد ثقه تكتبها بإسمه واللي يفيدك فيها اكتر محامي
احمد لمع اسم رقيه في دماغه خد الورق وطلع على بيت اخته
رقيه بترحاب بارد وعتاب مستتر: احمد عاش من شافك يا اخويا دانتا من زمان مخطتش عتبة بيتي زي اللي روحت وقولت عدولي
احمد :والله الدنيا مشاغل لو قصرت كنتي سألتي
رقيه :ما علينا خير شكلك جاي في حاجه
احمد بحرج :بصراحه ايوه
رقيه خير
احمد :بصي انا جبت عربيه تريله نقل تقيل وكنت عايز ارخصها بإسمي والموظف هناك قالي مينفعش عشان موظف
رقيه: فعلا بس جبت فلوسها منين دي عايزه زكيبه فلوس
احمد: والله ما اخبي عليكي صابره باعت البيت بتاعها وقولت اشغل فلوسه واهو ربك يكرم واعوضها
رقيه بلويه بوق:طيب ربنا معاك عايز مني ايه دلوقتي
احمد: ملهاش حل ارخصها
رقيه بنفخه: ليها تشوف حد ثقه تكتبها بإسمه ويعملك توكيل بالسواقه ليك وللغير
احمد:مش فاهم
رقيه: بص العربيه عشان تسوقها من المالك لازم يديك الرخصه وتوكيل عشان متتاخدش منك يبقى لازم يعملك توكيل وسكتت ثواني شوف حد من اخواتك
احمد: مهم موظفين يعني هي هياها
رقيه :لاء مش هي هي لان اخواتك موظفين بعقد مش متعينين زيك يعني سهله
احمد بإستفسار: طيب ليه ينفع هما وانا لاء
رقيه بنفاذ صبر :لأنهم عقود متجدده انما انتا موظف تعيين هما ملهومش تأمين ومعاش انما انتك ليك تأمين ومعاش فهمت
احمد :ايوه فهمت ربك كريم
وسابها ومشي
رقيه بتهكم: والله وكبرت يا احمد وبقيت صاحب أملاك بيت وادي كمان عربيه بشيئ وشويات
رجع احمد البيت وهو مهموم
صابره خبطت على صدرها: يالهوي مالك يا ابو هارون كفا الله الشر يا اخويا فيك ايه صابك ايه رد عليا طمني الله يسترك اللا انا عيني الشمال طول اليوم ترف
احمد بحزن :شكلي حسبتها غلط يا صابره
صابره بقلق: في ايه وغوشتني
احمد: روحت ارخص العربيه قالي مينفعش تترخص بإسمك عشان موظف وشوف حد تتكتب بإسمه روحت لرقيه قالتلي شوف حد من اخواتك ولما قولتها دول موظفين قالتلي مش متعينين يعني ينفع
صابره :طيب وفين الأشكال بقى
احمد مش عارف يقولها انه من سنين شاف الطمع في عين أخواته
ولمعت في دماغه :انا بقول نكتبها بإسمك وهو اساسا مالك
صابره: ياراجل قول كلام غير داه دي حاجه عايزه رجاله وجري يمين وشمال وورق شرق وغرب طب ويمين الله انا لولا ابويا الله يرحمه كان كاتب البيت بإسمي مكنتش تعبت روحي اصلا
احمد:قصدك اشوف اخواتي
صابره:دول مهما ان كان اخواتك والضفر عمره ما يطلع من اللحم دانتا ربيتهم يعني ابوهم قبل ما تكون اخوهم بس
احمد بس ايه قولي اللي جواك العقول بتكمل بعضها
صابره: متأخذنيش يعني العربيه هي كل اللي حيلتنا من الدنيا خد الي يضمن حقك وحق عيالك داه ربنا بيقول
((يَا أَيُّهَا الَّذِينَ آمَنُوا إِذَا تَدَايَنْتُمْ بِدَيْنٍ إِلَى أَجَلٍ مُسَمًّى فَاكْتُبُوهُ وَلْيَكْتُبْ بَيْنَكُمْ كَاتِبٌ بِالْعَدْلِ وَلَا يَأْبَ كَاتِبٌ أَنْ يَكْتُبَ كَمَا عَلَّمَهُ اللَّهُ فَلْيَكْتُبْ وَلْيُمْلِلِ الَّذِي عَلَيْهِ الْحَقُّ وَلْيَتَّقِ اللَّهَ رَبَّهُ))
انا مش بشكك والله بس الحق حق وداه كل اللي حيلتنا وعندنا عيال عشان نقفل باب الشيطان
احمد بتأكيد: عندك حق فعلا العقول بتكمل بعض مكانتش في بالي ربنا يخليكي ليا يا ست البنات
وحسم أمره وطلع شقه رافت
احمد بحرج: اومال فين رأفت يا ست ام مهدي
دلال: والله يا ابو هارون بيحصل فلوس تبع الشغل وهايغيب قيمة كام يوم في حاجه كفا الله الشر ولا ايه
احمد بحرج: لا سلامتك هابقى اجيله لما ييجي بالسلامه يلا هاتعوزي مني حاجه
دلال: تسلم يا ابو هارون
قفلت الباب واحمد فضل واقف على السلم محتار
صادف طلوع رفعت
رفعت بإستغراب:في إيه احمد واقف كده ليه قدام شقة اخوك
احمد: ابدا كنت عايز رأفت ولقيته مسافر
رفعت :خير
احمد: ان شاء الله خير
رفعت :طيب كنت عايز اخوك في ايه منا كمان اخوك ولا نسيت
احمد طبط على كتفه: اخويا وابني البكري كمان
رفعت :طيب قول وانا رقبتي سداداه
احمد بحرج: مش عايز ادوشك
رفعت :يارجل بطل الكلام داه تعالى تعالي وسحب اخوه من ايده وطلع شقته وقعدوا
رفعت: ها ايه الحكايه بقى
احمد حكاله الحوار كله غافل عن الودان اللي واقفه تتسمع وتتصنط عليهم
رفعت: طيب منا موجود ولا انتا لسه واخد على خاطرك مني عشان الكلمتين الخيبانين اللي قولتهم ساعه جوازك والله العظيم كنت هايف عليك واتقالو من خوفي وانا محقوقلك
احمد بطيبه: ياض انا نسيت من زمان ارمي ورا ضهرك يا جدع
رفعت: طيب شوف عايز نروح أمته
احمد: المشوار داه هياخد كام يوم مشاوير ومحامي عشان التوكيل وورق حفظ الحق والذي منه
رفعت: رقبتي انا من بكره من النجمه هابقى معاك
احمد بحب :وداه العشم يا ابن ابويا
مشي احمد وطلعت دريه : الله الله والله والدنيا هاتزهزه لينا
رفعت بنفخه: اتوكسي احمد عامل حساب كل صغيره وكبيره يا اختى
دريه بمكر: ولا تشغل بالك خليه يطمن باله وبكره ولا بعده هاتبقى صاحب الهلومه دي كلها اسمع كلامي وانتا تكسب
رفعت: دماغك فيها إيه يا بنت الفران
دريه وهي بتلعب في خصله مش شعرها كل خير يا ابو سراج
واحمد تاني يوم ورفعت راحو المرور والشهر العقاري وخلصو كل الإجراءات اللي خدت اسبوع كامل بدون كلل ولا ملل واحمد اخيرا قدر يرتاح وبداء شغل واتعاقد مع مصانع كتير
ومرت الأيام والسنين وهارون كبر وبقى عشر سنين وهنا بقت 6 سنين والايام بدئت تحلو والعربيه بقو تلاته واحمد غرق في الخير وغرق أخواته معاه وجاب لصابره دهب كتير بقى عندها اللي يفتح محل صاغه ومع كتر المال كتر التخطيط والطمع
صابره بخوف: احمد انا عايزه اقولك على حاجه بس سوقت عليك حبيبك النبي متزعل
احمد بقلق موازي: في ايه يا ام هارون قولي على كول متكركبيش بطني يا وليه
صابره بخوف: انا حامل بس وكتاب الله معرف حصل كيف
احمد بفرحه: يا وليه يا مخلوله حد يزعل من رزق ربنا وكمل بشخطه مصطنعه :نعن يا اختي متعرفيش حصل كيف زي ما خلفتي هارون وهنا ولا انتي متجوزه اختك وعدل ياقه القميص يا بت جوزك اسد
صابره بفرحه: والنبي جد يعني منتاش زعلان
احمد :يابت دول كرم ربنا داه العيال عزوه وسند
ومرت الشهور وربنا رزق احمد وصابره بتؤم سماهم حسام وجنا
ومرت السنين وبقى عمرهم سنتين ونص
وهارون 13 سنه ونص وهنا 9 سنين ونص
احمد :انا طالع يا صابره
صابره بقبضه قلب: مابلاش تروح النوبه دي قلبي متوغوش يا احمد
احمد بصلها بحب :يابت العمر واحد والرب واحد وحضن عياله مره واتنين وتلاته وبقى يشم ريحتهم
واتوكل على الله يشوف اكل عيشه
وفي نص الليل جالهم الخبر اللي كسر ضهر صابره
سمعت صوت رجلين رأفت ورفعت على السلم وهما بيزعقوا طلعت بسرعه في ايه يا جماعه
رافت: مفيش يا ام هارون ادخلي واحنا رايحين مشوار صد رد
رفعت بعدم تقدير للموقف: احمد عمل حادثه وبين الموت الحيا
صابره عنيها برقت:ولطمت على وشها احمد والنبي يارب متسوقني فيه لجل حبيبك النبي وأهل بيته
خدوني معاكم
رفعت: احنا رايحين نتفسح خلينا نروح نشوف اللي مرمي في المستشفي ونطمن الأول مسكت ايد رأفت وميلت عليها تبوسها
احب على ايدك والله قلبي هايقف اطمن عليه طمنوني ياناس مهقدرش اقعد واحط ايدي على خدي وانا قلبي هايقف والخوف بينهش فيا نهش الكلاب السعرانه
رأفت بشفقه: قومي ياأم هارون غيري بس شهلي الله يخليكي
رفعت: تروح فين انتا التاني
رأفت: جوزها وحقها مستعجل امشي وانا هاجيبها
سكت رفعت على مضض
دخلت صابره بسرعه لبست عبايه سودا ولفت الطرحه فوقها بشكل عشوائي وصحت هارون
صابره بدموع: هارون خد بالك من اخواتك انا هاروح مشوار ومش هاعواء خليك راجل ظي ابوك ماشي يا ضنايا
هارون: حاضر يا ماما
طلعت بسرعه وخدو العربيه الاي اشتراها احمد للبيت ووصلو بسرعه المستشفي وسالو في الإستقبال وعرفوا انهوفي العمليات
طلعو يجرو على السلالم لحد ما وصلو
صابره :يارب يارب يارب
رأفت بصلها بحزن رفعت بخنقه واخيرا بعد ساعتين وقفو على اعصابهم والخوف بينهش في قلوبهم طلع الدكتور
صابره اول واحده جريت عليه: طمني طمني الله لا يسيئك جوزي جوزي جوه عامل ايه
الدكتور بصلها وبص للرجاله اللي معاها: متقلقيش هو الحمد لله تمام
صابره: والنبي والنبي جد مبتضحكش عليا
الدكتور بحزن: متقلقيش ادعيله واتحرك واتحرك وراه رأفت ورفعت
الدكتور لما اطمن انه بعد بمسافة كافيه
رافت: طمني يا دكتور شكلك ميبشرش بالخير في ايه
الدكتور: مكدبش عليكم الحاله خطر هو دلوقتي بين أيادي الله يعتبر أيام ان مكانتش ساعات للأسف الحادثه كانت صعبه وسنه كمان كبير
رفعت: يعني هايموت
رأفت بحده: فا الله ولا فالك يا اخي
الدكتور: انل صارحتكم هو دلوقتي بين ايدين ربنا
رأفت طيب ينفع نشوفه ونطمن عليه
الدكتور: مينفعش هو فب العنايه المركزه الأفضل تروحو وجودكم ملهوش لازمه وهنا ممنوع المرافق
رجعو لصابره اللي واقفه دموعها بلت هدومها ووشها احمر
رافت:يلا ياأم هارون نروح والصباح رباح
صابره :لاء لاء مش هاسيب جوزي مش هامشي الا ورجلي على رجله
رفعت: هاتقعدي تعملي إيه ممنوع حد يفضل هنا
صابره بإنهيار: مش هامشي ولو على جثتي مش هاتعتع الا لما اطمن عليه واكحل عيني بشوفته
رأفت: سيبها يا رفعت خلينا نروح نطمن على العيال الأول ونبلغ اختم وجوزها
رجعو البيت وكل واحد فوق رأسه هم ما يتلم
رأفت بحزن سكت ومقدرش يتكلم غير دموع بتنزل منه غصب عنه
ورفعت اللي دخل والحزن واخد منه
دريه: ها طمني
رفعت بوجع: احمد شكله هيفارق يا دريه
دريه بإبتسامه:بجد ولا بتستغلني
رفعت بصلها بصدمه: انتي فرحانه
دريه: يا اخي فوق بقى ركز معايا دلوقتي اخوك معاه بدل الصبي اتنين يعني لو اتكل على الله محدش هياخد مليم احمر والعربيات اللي فرحان بيها هاتبقى لمراته وعياله
رفعت:ازاي ياأم العريف وهما بإسمي
دريه: بس نسيت ورق الضد اللي عمله لحفظ الحق
رفعت: قصدك إيه
دريه :بكره تاخد بعضك وتروحله ومعاك موظف من الشهر العقاري وتاخد معاك رقيه اختك وتقوله ان ورق العربيات عايز تجديد واي كلام وتخليه يعملك توكيل عام وعلى ما يتكل على الله كل حاجه تبقى بإسم بيع وشرا
رفعت بتفكير : وفكرك رقيه هتوافق
دريه وهي بتلعب في شعرها بدلال وافقت وغلاوتك عندي
رفعت: بص صابره مرابطه هناك وكمان والورق اللي معاه
دريه بشر : متعتلش هم خاااالص
رفعت :قصدك إيه
دريه :اعمل زي ما بقولك وسيب الباقي عليا بكره تقش كل حاجه
وتاني يوم راح رفعت المستشفى هو ورقيه قبل رأفت اللي راح شغله يعمل اذن
رقيه بتلون: روحي يا ام هارون العيال لوحدهم هناك وانتي قافله عليهم روحي اطمني عليهم ووكلهم وغيري هدومك وانا هنا مش هاتعتع لحد ما تيجي
مشيت صابره بعد معاناه
رقيه بنفخه: اوف يا ساتر علقه يلا يلا خلينا نخلص قبل ما اخوك يطب زي عمل الردي راخر
طلعت ونادت لموظف الشهر العقاري
رفعت للمرضه :بقولك يا قمر احنا هاندخل الاوضه ربع ساعه لا من شاف ولا من دري داه اكل عيش وهايبقى موت وخراب ديار
الممرضه بس دي مسؤليه عليا لو الدكتور عدا وشافكم
رقيه هي بتطلع فلوس من شنطتها وحطتها في جيب
الممرضه راقبي الجو واحنا مش هانطول
الممرضه:بس يعني انتوا دخلينله بصفتكم مين
رقيه: متخافيش احنا أخواته
الممرضه: ماشي بس متطولوش الله يستركم هتأذوني
رقيه هزت رأسها ودخلت بسرعه هي ورفعت والموظف
احمد بفوقان بسيط :ر ر ف رفعت ال الحمد لله شوفتك
رفعت: اهدا يا احمد واسمعني الله يخليك العربيات لازملهم ورق يخلص عشان البضاعه بتاع المصانع وانا واقف متكتف اتصلت باختك قالتلي خليه يعمل توكيل عشان نخلص الشغل داه قوتك وقوت عيالك
احمد هز رأسه بموافقة وخلال دقايق كان خلصوا إجراءات التوكيل وخلصت معاه رقيه ومشته وبعدها بدقايق وصل رأفت
رأفت بلهفه:حمد الله على السلامه يا احمد شد حيلك كده اومال
احمد بتعب :اسمعوني مفيش وقت عيالي عيالي امانه في رقبتكم هسالكم عليها يوم اللقا العظيم أنا مسكت ايدكم لحد ما وصلتكم لبر الأمان ردهولي في عيالي عيالي في امانتكم
رأفت: في رقبتنا كلنا يا احمد شد حيلك بس ومتخافش هاتقوم وتبقى زي الحصان
طلعو والكل واقف على أعصابه استأذنت رقيه تروح تشوف عيالها ورفعت يطمن على اللي في البيت
رفعت جري كان رقيه ودريه قاعدين مستنيينه في البيت
رفعت بلهفه:ها طمنيني
رقيه طلعت ورقه من شنطتها التوكيل اهو
رفعت مد ايده ياخده
رقيه بمكر : ياراجل هو ايه علمناهم الشحاته سبقونا ع الأبواب لا يا حبيبي فيها لا اخفيها
رفعت قصدك إيه
رقيه: قصدي حقي يا حبيبي
رفعت انتي مش واثقه فيا
رقيه :يا جدع أنا مبثقش الا في نفسي قبل ما تخطي خطوه طلعت ورق من شنطتها امضي
رفعت: ايه داه
رقيه :حقي وحق رأفت اومال عايز تلهف الجمل بما حمل
رفعت :نعم يا اختي ليه ان شاء الله
رقيه : حقي وحقك يا حبيبي لازم تمام مش لازمك اقطعه وعلى ما تعرف بقى تطلع غيره حلني يكون احمد مات وشبع موت وشوف وقتها هاتعمل ايه
رفعت بص لدريه اللي هزت راسها
مسك الورق ومضي عليه بسرعه رقيه اتأكدت وحطت الوق في شنطتها دلوقتي بقى تاخد التوكيل وتطلع على الشهر العقاري المسائي وتروح تسجل كل حاجه والصبح هاعدي عليك نطلع على البنك تسحب كل الفلوس بموجب التوكيل الي في ايدك وكل حي ياخد حقه
رفعت: ماشي ماشي يا رقيه يلا استأذنكم انا بقى اللحق اروح اجهز طقم اسود
مشيت رفعت بحده :قولتيلي امضي ليه
دريه: غبي المهم سيبك من رقيه وطلعت مفتاح من صدرها
رفعت ايه داه
دريه بصوت واطي مفتاح شقة اخوك خليك هنا العيال جوه خدتهم منها لما نزلت اطمن عليهم وخدت المفتاح طبعته على صابونه وروحت عملت عليه بسرعه
رفعت: هاتعملي ايه بيه
دريه بهمس: خليك مع العيال انا نص ساعه نازله وهاطلع بسرعه
رفعت بقلق:يا دريه
دريه:هووووش اسكت خالص
نزلت على طراطيف صوابعها ودخلت شقه احمد ومنها لاوضه النوم على طول وبدئت تفتش في الحاجات بالراحه وشافت ضرفه مقفوله جابت سكينه ونطرت القفل
دريه بشهقه: يالهووووي يا بنت الكاااالب مكنزه كل داه دهب
وخدت جلابيه وربطتها زي البؤجه وفضت كل الدهب فيها وفضلت تدور على الورق لحد ما لقيته هو وعقد البيت
خدت الورق والدهب ورجعت الدولاب زي ما كان وطلعت وهي بتنهج
رفعت: ايه اتاخرتي ليه كده
دريه وهي بتاخد نفسها روح خلص مشوارك ولما تيجي هاقولك خلينا نلحق الوقت
رفعت هز رأسه وبص للبؤجه واستغرب بس مشي على الأهم
دريه دخلت اوضتها وسحبت كرسي حطت الدهب كله في شنطه كبيره فوق الدولاب وتاني يوم كان خلص رفعت سحب كل الفلوس وجرد اخوه من كل ما يملك يعني عاش ولا مات مش هايفرق معاه
يا ترى احمد هايعيش ولا هايموت ...؟
وياترى مصير اللي جاي ايه...؟
يتبع
9
واخر اليوم الدكتور بلغهم بالخبر اللي قسم ضهر صابره
الدكتور بأسف: البقاء لله
صابره بصراخ: لاااااااء احمد يا احمد زقت الموجودين ودخلت اوضه جوزها بركت على ركبها ودموعها مغرقه وشه: قوم قوم سندي وعوضي قوم هازعل منك مش بتقولي مبحبش اشوف دموعك من غيرك هاتبقى طول عمري دموعي دم
يا احمد وفضلت تلطم وتشد في شعرها
قربت دلال مع كذا ممرضه لحد ما قدرو يطلعوها وهي بتعافر وتصوت باسم جوزها
خلص رأفت ورفعت وعماد إجراءات الدفن واتغسل واتكفن ودفنوه وعزاء حضره كل أهل الشرابيه والكل بيبكي على الجدع اللي راح كان راجل بمعني الكلمه الكل بيترحم عليه
رأفت طلع وهو مكسور وحزين
صابره قاعده ضامه عيالها لحضنها وشارده ودموعه نازله ظي الشلال صوتها اتنبح ووشها وعنيها حمرا زي الدم
رفعت طلع شقته هو دريه
دريه دخلت غيرت العبايه السوده ولبست عبايه ملونه:اوووف يا اخي الواحد كان هايطق من جنابه صوات ولطم وعديد لما الواحد قرب يقول بوووه
رفعت :ها بتقولي حاجه
دريه بتلويه بوق: لا بقولك ايه فوق كده لروحك اللي جاي عايز قلب مين
رفعت رفع راسه وبصلها بتوهان: ليه
دريه: فوق كده وركز معايا اولكشي لما يعرفو ان بنت الهرمه دي ملهاش لا هي ولا المقاطيع عيالها قرش صاغ هاتقوم الدنيا
تانكشي اخوك الحنين لازما ولابد تجمد قلبه من نواحيهم
تالتها بقى ان بقيت الكبير وصاحب مال واملاك
رفعت:تفتكري رأفت هايسكت ولا حتى مراته
دريه بسم بينقط من لسانها: رافت سيبه على رقيه اما بقى المحروسه اللي تحت خبطت على صدرها سيبها عليا
رقيه روحت بيتها وكأنها لوح تلج
عماد بإستغراب: مالك يا رقيه
رقيه بهدوء قلبت شفايفها: مفيش
عماد بصدمه:رقيه انتي ولا كأن اللي مات داه يبقى اخوكي الكبير اللي رباكي دانا اللي مش من دمه قلبي وجعني عليه
رقيه غمضت عنيها انا تعبانه هادخل اغير وانام
عماد بص ليها بصدمه وهي سيباه وداخله
مرت أيام العزاء وصابره قاعده زي الأموات بس فرق نفس طالع والتاني داخل
مرت الأيام بسلام وصابره قفلت باب بيتها عليها وفقدت كل معاني الحياه عايشه بس عشان تحافظ على عيالها وتكمل مسيرة احمد
وفي يوم اسود بلون الأيام اللي بتمر على صابره باب البيت خبط وهبد مفزع على الباب صابره اتنطرت من مكانها وعيالها صابره حطت الطرحه على شعرها وفتحت الباب
صابره بصدمه: خير يا ابو سراج حد يخبط على حد كده بالشكل داه من النجمه
دريه زقت رفعت: انا اللي عايزاكي يا عنيا
صابره بكشة وش : خير يا ام سراج عايزاني في إيه على وش الصبح
دريه زقت صابره ودخلت وقعدت على الكنبه وحطت رجل على رجل عايزاكي تلمي هلاهيلك وانتي وعيالك وتسيبي الشقه
صابره بهدوء بصفتك ايه دي شقتي وورثي انا وعيالي يعني اقعدي عوج واتكلمي عدل انتي في بيت عيالي يعني تتكلمي كويس
دريه بضحكه رقيعه: ب ايه يا حبيبتي بيتك بيت مين يا ام بيت لاهو انتي متعرفيش انتي لا عندك لا بيت ولا غيط يا عنيا داه بيتي وبيت عيالي
وطلعت ورق من معاها خدي وملي عينك
صابره خطفت الورق من ايديها وقرته بصدمه وبصت على
التاريخ والاسم
صابره اترمت على الكنبه بصدمه: ياااااه على سواد الدنيا وجحود القلوب بقى استفردتو بالراجل وهو بين الموت والحيا عشان تسرقوه وتسرقو مال اليتامى وتطمعو فيه
دريه: الطمع فضيله والقانون بيقول ان بيتنا يعني لا انتي ولا المقاطع دول اللي الله اعلم جيباهم منين ليكم قشايه
رفعت بصلها برغبه وطمع :خلاص يا دريه حرام بردوا نرمي لحمنا
خلي قلبك كبير
دريه بصت بمكر لصابره: عندك حق يا ابو سراج وبلغه امر لمي هدومك وتسيبي الشقه وتطلعي تقعدي قدامي مهو اللي زيك متتسابش
صابره بحده: متسابش ليه دانا طول عمري سمعتي شاشي على الروس
دريه بشهقه: شا ايه شلاها يا شاشي اللي كان ليكي مات لازمك كان بها مش لازمك الباب يفوت جمل بس تطلعي بطولك وميلت عليها بفحيح بس وعد لاخليكي تتحسري عليهم واعيشهم مرمطون ولاسقيهم الذل كاسات
صابره لأول مره حست بضعف وكسره
بصتلهم: ليه شوفتو مننا ايه الشر مالي قلوبكم دانتو اتربيتو في خيره دانتوا عيشتو في خيره داه لما خيره عم عم على الكل
دريه بتهكم: واهو راح قولتك ايه
صابره بصت لعيالها اللي واقفين ورا الباب خايفين
صابره عنيها خانتها والدموع ملت عيونها
وسكتت دخلت اوضتها تجر رجليها وقفلت الباب ومسكت صوره احمد: شوفت اخواتك عملو ايه مصبروش ونهشو فينا بدري بدري يا احمد وفي ثانيه كأنها افتكرت دهبها وفتحت الضرفه بسرعه ولقيتها فاضيه اترمت على الأرض حسبي الله ونعم الوكيل حسبي الله ونعم الوكيل
طلعت صابره شقه رفعت ودريه قعدتهم هما الاربعه في أصغر اوضه من غير حتى فرشه تنام عليها كانوا بينامو على الأرض واتحولت صابره من صاحبه بيت لخدمه عن سارقين البيت
كل داه وفي عيون بريئه بتتابع وتشوف كل اللي بيحصل
رأفت كان مسافر ورجع وأول ما دخل دلال بسرعه: اللحق يا رأفت مرات اخوك
رأفت بخوف: مين فيهم
دلال مرات احمد اخوك مراته الله ينتقم منهم طردوها هي وعيالها من شقتهم وخدوها شقتهم فوق ومشغلينها خدامه
رأفت بجنون: إزاي واحمد اصلا صاحب البيت وبإسمه
سابها وطلع يجري على فوق وهي وراه خبط على الباب بجنون
رفعت فتح بصراخ: ايه القيامه قامت طالع ترزع بالشكل ده
رافت بزعيق: لا يا كلب يا واطي القيامه دي لسه هاتقوم عليك اصبر بس على رزقك باي حق ياض تطرد مرات اخوك من ملكها دانتا صحيح فاجر وبجح
دريه طلعت وحطت ايدها في وسطها:ملط مين يا ابو مهدي الملك ملك رفعت والورق وقانوني بيع وشرا
رأفت بصدمه: ورق ايه طلعت صوره من الورق ومدت ايدها وارفعه حاجب: الورق داه يا عنيا
رأفت خطف الورق من ايديها وقرئه بصدمه وخد بعضه ونزل زي المجنون وطلع على شقه رقيه وصل في وقت قياسي وخبط على الباب بجنون
عماد فتح برعب: في ايه يا رأفت انتوا كويسين
رأفت زقه ودخل بصوت عالي رقيه يا رقيه
عماد شده من دراعه: في ايه يا ابني مالك
رأفت مبصلوش وقرر تاني
رقيه اطلعي بدل ما ادخل اجيبك بنفسي
رقيه طلعت ببرود :خير يا رأفت جاي على وش الصبح تزعق وعامل هوليله ليه
رأفت قرب منها والقلم سلم على خدها
عماد زقه بعنف وحده: انت اتجننت جاي بتضرب مراتي قدامي في قلب بيتي
رأفت بوجع مراتك سرقت مال اخوها سرقت مال اليتامى استغلت انه بين الموت والحياه وسرقوه
عماد بص لرقيه بصدمه ورجع بص لرأفت انتا بتقول ايه ايه دليلك على الكلام داه
رأفت حط في ايده الورق اللي فضل متبت فيه من وقت ما مسكه من ايد مرات أخوه
عماد فتح الورق وبداء يقراء فيه ومع كل حرف صدمه وقف مصدوم والورق وقع من ايده الكلام داه صح انتي عملتي كده
كلتي مال اليتامى انتي سرقتي اللي رباكي
رقيه بجحود :قصدك رجعت حقي حقي اللي خدته ربايه الشوارع من ساعه ما دخلت البيت وهي كلت بعقله حلاوه ونسي لنه ليه اخت مبقاش يسأل عليا مبقاش شايفني بقت هي الكل في الكل كل حاله وماله بقى ليها داه حقي
عماد عطاها كف اقوي من الاول: كسر حقك حق مين يا ام حق ومين دي اللي ربايه الشوارع ربايه الشوارع دي انتي اللي تنكر فضل اخوها وتسرقه تبقى بنت حرام اخوكي داه قعد 3 سنين بعد ما اتجوزتي سألتي عليه كام مره ها فكريني اللي زيك ملهاش امان دانتي خنتي اللي رباكي مش هاتخونيني
رقيه :قصدك إيه قصدي اني مأمنش اني انام جمبك في فرشه واحده مأمنش اديكي ضهري دانتي طعنتي اخوكي وهو بيموت هاتسمي عليا انتي طالق طالق طالق يا رقيه وتغوري من هنا زي ما جيتي
رقيه بجبروت:سيبهالك انا وعيالي
عماد: عيال مين يا ام عيال اسيبلك عيالي تصرفي عليهم من حرام عيالي دول معتيش تشوفي ضفرهم مسبهومش معاك ربنا يعاقني فيهم بذنبك ربنا يجعلني بريئ من ذنبك ليوم اللقا العظيم
رقيه بشر :هاخدهم يا عماد هاخدهم والقانون في صفي
عماد بجبروت:القانون داه لعبتي ادخلي في سكته مشيتي يمين هتلاقيني في وشك بسد كل السكك عليكي مشيتي شمال هاحفر فيه واتاويكي ولا حد هيسال عليكي اصلا
مشيت رقيه وكلها غل لصابره سرقت اخوها منها وخربت بيتها
رأفت بخوف :هانعمل ايه يا عماد دول عملين زي العصابه ولا ليهم مله ولا دين
عماد بتعب: اكيد ليها حل انا دلوقتي دماغي واقفه سيبني افكر انا هحاول بكل الطرق صدقني مش هاسيب حق الغلبانه دي هي وعيالها
طلعت رقيه وهي بتبصلهم بغل ومشيت ورزعت الباب وراها
رأفت انا هاروح اللحق رقيه لان شيطانها غلبها وانا واثق انها هاتطلع كل غلها وكرهها على ام هارون ودريه هاتشعللها اكتر
عماد بصدمه: روح روح الحقها وربنا يسترها على الغلبانه اللي وقعت تحت ايدين شياطين متعرفش ربنا ولا بتخافه
رأفت طلع يجري بس ملحقهاش كانت اختفت خد العربيه وساق بجنون لطريق البيت وعمال يبص ويتلفت عليها في الشوارع لحد ما اخيرا وصل قفل العربيه بسرعه ونزل وطلع السلم جري لقاها له هاتدخل شقة رفعت
رأفت بشر شدها من دراعها :رايحه فين ها رايحه تكملي على الغلبانه ومراعيتيش حرمة اخوكي اللي اكلتيه عملك بماله عشان تكبري وتسرقي ماله يا جبروتك يادي البت
رقيه نطرت دراعها ميخصكش
رأفت: لاء بروح امك يخصني ويخصني اوي اوي كمان واسمعي البوقين دول حق مرات اخوكي وعياله في رقبتي وهاجيبه يا رقيه وهاوريكي هاعمل ايه لو فاكره اني طيب وغلبان تبقى هبله اقعدي واتفرجي مش لوحدي لاء معايا عماد في ضهري عماد اللي بيلعب بالقانون زي العروسه اللعبه بين ايدين عيل افتكري الكلمتين دول وحطيهم حلقه في ودنك ودلوقتي تنجري قدامي على شقتي تحت
رقيه زعقت بصوت عالي طلع عليه رفعت ودريه ودلال: مش جايه معاك كفايه كنت السبب انتا وبنت الكلب تربيه الشوارع في خراب بيتي وحرماني من عيالي اقم بالله يا رأفت ما هسيبكم ترتاحوا طول ما فيا نفس ولحسرك انتا وهي على حياتكم وعيالكم ومش هاهدا ولا يرتاحلي بال الا لما اشوفكم مذلولين واكتركم الواطيه اللي جوه
رافت: يابت بطلي بقى تكدبي وتصدقي نفيك دانتي حرميه وبجحه
رفعت بحده: رأفت في ايه بتكلم اختك كده ليه
رأفت: اهلا بزعيم العصابه مهو اسمع انتا واختك حق الغلبانه اللي
جوه في رقبتي دانا عهدت اخوك وهو بيطلع في الروح وزي ما خدتوه قانوني بردوا هاجيبه قانوني وافتكر
رقيه بزعيق: عملتلكم ايه بنت الكلب دي سحرتلكم ماشيين وراها زي الكلب اللي ماشي في ضل صحيه
رأفت: طيب اهو الكلب وفي الدور والباقي على الاكال النكار ودلوقتي من سكات تنجري على تحت اصلي مش احمد الطيب اللي كان بيحادي ويدادي
رفعت: مالك ومال اختك وبص لرقيه وبص للشنطه اللي في ايدها ايه الشنطه دي كلها يا رقيه
رقيه بدموع: اخوك جه وفضحني قدام جوزي وخرب بيتي وخلى جوزي رمى عليا يمين الطلاق وخد عيالي من
رفعت بحده :ليه هو مش عارف انتي مين وبنت مين لو كان اخوكي خيخه فكبيرك راجل وهايجيبلك حقك
رأفت ضحك بصوت عالي واتحولت لسخريه : عايزك تفضل على جمديه القلب دي قدامه ونشوف مين فيكم هايسد
رقيه بدموع: ملهوش لازمه انتا متعرفش عماد قدي داه عشره عمري وانا أكتر واحده عارفه دماغه وبت لرأفت انا مش هاخكي عتبة بيتك انا هاعيش مع اخويا
رأفت: وكلمه انا قولتها وشوفي هانزل على قسم الشرطه ونشوف
دريه بتفكير سريع ردت بمكر علشان تحرق قلب صابره اكتر :خلاص يا جماعه رقيه تعيش في شقه اخوها واهي كانت بيتها قبل ما يخطيه اللي ملهومش اصل
رقيه بإستحسان للفكرة: عندك حق ناوليني المفاتيح
رأفت بصلهم بصدمه :اللي ملهاش اصل دي اللي ابوها خدها بيعه وشروه ومكانش لاقي يأكلها وجهازها من جيب أخوية الله يرحمه انما اللي جوه دي بنت أصول الخير الي كلكم سرقتوه وغرقانين فيه داه مالها اللي انتي وأهلك متحلموش حتى تمسكو باكو منه
دريه بصتله بلا مبالاه ودخلت جابت المفتاح وناولته لرقيه اللي قدام الكل خدته ونزلت فتحت الشقه وسكعت الباب وراها
صابره قاعده ضامه عيالها لحضنها ولسانها لا ينفك عن الدعاء
الكل قفل عليه
رقيه من اول يوم وشبح احمد بيطاردها كل يوم وكل ليله نغص عليها عيشتها بقت تهرب طول النهار عند رفعت عان تذل صابره اللي بتبصلهم وتدعي عليهم ويسمعو ويضحكو ونسيو ربنا
رأفت تواصل مع عماد يدورو على حل
عماد بتفكير: ليها حل ب هيحتاج كذا خطوه
رأفت: من ايدك دي لايدك دي
عماد: الأول عايز تقرير المستشفي مترخ ومختوم بختم المستشفي بتاريخ دخول احمد لحد الوفاه وبحالته الصحيه كمان
رأفت: بسيطه نقدر نجيبه ممكن ياخد كام يوم على ما يخلص
عماد: تاني هام موظف الشهر العقاري اللي عمل التوكيل لازم نوصله ولازم نسخه من التوكيل واخيرا لازم زوجة المرحوم تعملي توكيل علشان اقدر اطعن بالبطلان على كل اللي تم وتقدر تسترد حقها في البيت والفلوس اللي في البنك
رأفت: بس الفلوس رفعت سحبها
عماد :لو تم إصدار بطلان التوكيل مجبر يسدها غصب عنه ويا الدفع يا الحب مش هو لوحده هو ورقيه اخوك جبان هايسدهم
رأفت: بس هانوصل لصابره ازاي دول قافلين عليها ولو فكرت أبلغ البوليس هايعملو اي حاجه ومش بعيد يهددوها
عماد :خلينا نعمل اللي علينا الأول ونخلي التوكيل اخر حاجه
مرت أيام واسابيع ورأفت وعماد شغالين من نار على كل مخرج يقدرو يطعنو فيه بالبطلان
رقيه قاعده مع دريه بهمس: بقولك ايه يا دريه المحروقه اللي جوه دي متشوفش النور خالص دلوقتي انا عارفه عماد بيعمل كل اللي في وسعه عشان يطعن بالبطلان بس العقبه الوحيده قامه هو التوكيل اللي لو اتعمل كل اللي عملناه هايطلع على فاشوش
دريه بقلق: قصدك إيه ممكن يقدرو ياخدو كل حاجه
رقيه: لو قدرو يوصلو ليها يقى اه هايرجعوا كل حاجه لان حالة احمد وتاريخ دخوله المستشفي موجود في السجلات يعني مسأله وقت مش اكتر فهمتي اام العريف
دريه:طيب والعمل
رقيه بخبث: تقفلي عليها وعينك ماتغفلش عنها ثانيه والا كلنا هانضبع ومش بعيد نتحمس لنا وانتي وجوزك كمان
دريه بخوف:لاء دانا كل يوم هاسك عليها بالمفتاح من بره
ومرت أيام وشهور وفعلا قدر رأفت وعماد يخلصو كل حاجه
وحاول رأفت كذا مره يخلص صابره ويطلعها بس فشل
وفي يوم جاله مأمورية تبع شغله علشان يورد فلوس استلمها وخد عربيته واتحرك
رفعت استغل غياب دريه ودخل لصابره
صابره وقفت صالبه طولها رغم تعبها من خدمتهم وخوفها على عيالها:خير ايه اللي جابك وبصت في عنيه بحده
رفعت بطمع: جاي أعرض عليكي عرض نتجوز
صابره بنظره غموض ومنطقتش
رفعت كمل: هاهربك من هنا واخدلك شقه في حته بعيده ونتجوز بس في السر دريه متعرفش وهاعيشك عيشه الملوك احسن من ما كنتي عايشه مع احمد كمان
صابره بحده وصوت عالي: بره يا ناقص يا دون جاي تكمل طمع في اخوك سرقت ماله وشقاه وجاي دلوقتي تسرق عرضه اتفو
رفعت مسح وشه :مش هاسيبك يا صابره وانا وانتي والزمن طويل وبكيفك ولا غصب عنك هاتبقى ليا
صابره بحده وجبروت: يبقى يومها هاكون جثه ملفوفه في كفن افتكر الكلمتين دول يا واطي واطلع بره بدل ما ارقع بالصوت اللم عليكم عباده
طلع رفعت ومحدش خد باله من الافعي اللي كانت واقفه تتسنط عليهم
دريه يومين وهي بتخطط تطرد صابره بفضيحه وقبل رجوع رأفت
تالت يوم صحيت وفضلت تصوت تضرب في صابره وجرت صابره من شعرها ورمتها قدام الباب وبصوت عالي اتلم عليه كل المنطقه
دريه بغل وجبروت: بره بره يا صايعه يا لمامة الشوارع يا بتاعة الرجاله يا حراميه
رقيه بعدم فهم: في ايه يا دريه
دريه بكذب: الوطيه الناقصه متفقه مع عشيقها وسرقت فلوسي وفلوس اخوكي وصيغتي ولولا ما مسكتها كانت طفشت عايزه تدور على حل شعرها الفاجره وزقت عيالها عليها خدي خدي اولاد الحرام دول اللي الله اعلم جيباهم منين وملفقاهم للراجل الطيب اللي سترك واواكي
رقيه حطت ايدها في وسطها: عندك حق مهو راجل كبير صحيح هايخلف عيل واتنين وأربعه ازاي تلقيها كانت مقضياها وتلبسهاله
صابره وقفت وصلبت طولها ونفضت تراب الشارع من على هدومها وضمت عيالها لحضنها: الشارع كله من هنا للحسين عارف مين هي صابره الجوهري ومين هي ربايه الشوارع صابره اللي مفيش جنس راجل مس توبها غير راجلها ومين اللي جات انصاص الليالي تعرض نفسها على راجل متجوز مين بنت الأصول ومين تربيه الجوع ورفعت وشها للسما كشفت راسي ودعيت عليكم يحرق قلبكم بحق حرقه قلبي يسرق نور عنيكم زي ما سرقتو اليتامى وكلتو حقهم حسبي الله ونعم الوكيل نعم المولى ونعم النصير قاطعه مانعه لوم الدين يذوقكم الذل ويعيشكم المر وتعيشو في الدنيا لا تطولو حياه ولا موت
وخدت عيالها في حضنها مشيت وهي بتدعي عليهم بحرقه
رجع رأفت واتجنن وقلب الدنيا ومعرفش يوصلها في الوقت نفسه كانت رقيه ودريه بيودودو لدلال ان صابره بتلعب على كل رجاله البيت وانها لفت على عماد ولفت على رفعت وعرضت نفسها عليه ودلوقتي رأفت لحد ما اقتنعت وبظائت المشاكل بين دلال ورأفت واستغل رفعت المشاكل وملا دماغ رأفت من نحيتهم لحد ما مال ليهم واستلم الفلوس ونسي الفضيه واشتركوا مع بعض وبدائوا يكبرو شغلهم
وعماد لما شاف كده خد عياله وسافر فرع الشركه في السعوديه سنين وسنين لحد ما كبرو وبقوا شباب وطول السنين رقيه ملمحتهومش لحد ما مات عماد ونزلو يعيشو مع امهم
نهايه الفلاش بالك
صدمه وذهول ووجع وكسره هي كل اللي مرسوم على الوشوش
كان اول من فاق هو عاصم اللي اتجنن: سنين وسنين بنبني في مال حرام مال مسروق علشان كده بابا بين يوم وليله اختفى بينا وبص لعادل هي دي هي دي اللي قولتلي ندور عليها هي دي اللي قولت اتحرمنا من حضنها طعل ابوك كان بيحمينا من شرها ومن شر المال الحرام اللي ملا بطونا سنين
عادل بصلها بدموع ومنطقش
سراج بصلهم بصدمه وقرف:انتوا ايه شياطين لا والله داه الشياطين مش هايفكرو كده خططتو ودبروتو تسرقو اخوكم اللي رباكم وياريت سكتوا لا ازاي الشياطين تكتفي لا روحتو طمعتوا في عرضه ولما حمت عرضها فضحتوها
دريه ببرود:ولد راعي انك بتكلم ابوك وامك
سراج بخنقه:ياريتكم ما كنتو اهلي ياريت بإيدي اخلعكم مني واخلع نفسي منكم
رفعت بدفاع:لو مكنتش عملت كده كان زمانكم مرميين في شقه معفنه في الشرابيه شوف نفسك ساكن فين وعايش ازاي وبتملك ايه
سراج بصراخ: من حرااام من مال يتامى مالها شقه الشرابيه مش كلنت سترانا مش كنا عايشين وبناكل وبنشرب بس لا ازاي رفعت باشا مبدئه في الحياه الطمع فضيله فلازم يطمع صدقني انتوا تستحقو بعض انا بريئ منكم ومن انهارده انتوا بالنسبه ليا ولا ليكم وجود وبص لابوه بنفس الجبروت منا ابنكم بقى ربايه ايدكم ياريت كان جوايا نفس الشر اللي يخليني اسقيكم من نفس الكأس
مهدي بص لابوه اللي ميل رأسه في الأرض بخذي
مهدي بنفس وضعه: صدقني كفايه اوي اقولك انك انتهيت من نظري
وسابوهم ومشيو
رقيه ورأفت ورفعت بصو لبعض وعرفوا ان في اللحظه دي خسرو كل اللي بنوه في عيالهم في سنين ورقيه اللي يادوب ماصدقت رجعت لاولادها خسرتهم قبل ما تلحق تشبع منهم
يا ترى اللي جاي مخبي إيه ......؟
يا ترى صابره كان مصيرها ايه ...؟
يا ترى الماضي خلص ولا لسه مخبي ايه تاني....؟
يتبع
10
الكل ركب التاكسي وهارون كان مبلغه بالمكان عدى نص ساعه وطلع التاكسي من المنطقه لطريقه مقطوع مكسر وشبه الخرابه من اوله
حسام اتلفت حواليه يمكن يقدر يعرف هو فنن معرفش
حسام بفضول : احنا رايحين فين كده يا هارون واخذنا واريح فين من حقنا نعرف مش هانمشي وراك عمياني
هارون مبصلوش وهو شارد وعقله طواحين بتطحن في بعضها
هنا بصت على الطريق وقلبها وجعها والدموع غلبت في عنيها ونزلت واتحولت لشهقات بتعلى مع كل نفس
هارون وكأنه انتبه بص براسه لاخته ونظرتهم لبعض كانت تكفي عن كل وجع وكسره وقهره غمض عينه ورجع بص للطريق تاني مر اكتر من نص نص ساعه تاني وهما في التاكسي لحد ما وصل لاوض صفيح مرصوصه جمب بعض نزل هارون وحاسب التاكسي وشاور لاخواته بإيده ينزلو نزلو وهنا مسكت ايد هارون ودموعها موقفتش
جنا وحسام واقفين جمب بعض ومش فاهمين حاجه مشي هارون وجمبه هنا واضطر حسام يمسك ايد جنا ويمشي وراهم في الحته المقطوعه دي لحد ما وصل لاوضه معينه فتحها ودخل ولع لمبه صغيره قديمه بسلك وقعد على الأرض على المرتبه الوحيده اللي موجوده في المكان
حسام وجنا فضلو يبصو للمكان بقرف واستغرب
هارون طلع سيجاره وولعها عايز تعرف الماضي يبقى نبداء من هنا
هنا اول مكان خطيناه بعد يوم كامل قضيناه في الشارع امك شايله جنا وانا شايلك على كتفي
حسام بعدم فهم: قصدك اننا كنا عايشين هنا
هارون بنار بتحرق في جوفه سحب نفس طويل من السيجاره طلعه محمل بكل النار اللي بتنهش في قلبه عمل سحابه كبيره غطت على ملامح وشه لثواني قبل ما تختفي ويظهر تحتها عنين عباره عن كتله من نار هارون شرد لسنييين طوويله مرت من أكتر من 15 سنه اترمينا في نص الشارع بعد ما ذوقنا المرار والجوع والذل شهور وشهور يومها امك خدتنا ومشينا ومنعرفش رجلينا خدتنا لفين لقينا نفسنا في حته مقطوعه مفيهاش صريخ ابن يومين
فلاش باك
هنا بتعب: ماما انا رجليا وجعتني اوووي ومش قادره امشي
صابره دموعها نزلت رفعت وشها للسما: يارب انتا احنا عليا وعليهم يارب فضلت تتلفت حواليها لحد ما شافت عماره شكلها لسه بتتبني سحبت أولادها ومشيت عندها لقيت رمل وغلط وشكاير اسمنت فاضيه فرشت الكراتين وشكتير الاسمنت ونيمت عيالها
حسام :ماما انا جيعان
صابره بدموع: معلش يا حبيبي اصبر للصبح وانا هاجيبلك أكل
حساب بدموع شاور على بطنه: بطني وجعاني
صابره قامت وفضلت تدور حوليها تعمل ايه لحد ما لقيت كيس فيه بواقي اكل من اللي سابوها العمال خدت الكيس وهي بتستغفر ربنا وخدت اللي ينفع يتاكل واكلت حام وجنا وهنا كام لقمه يسدو جوعهم وهارون اللي رفض يدوق الاكل لحد ما أخواته شبعو نامو وصابره من الحزن والهم نامت جمبهم هارون قام وخد الكيس وكل الباقي اللي مكانش ينفع اصلا
صحيو الصبح على صوت دوشه
وراجل كبير بيصحي صابره
عم ايوب: يا ست انتي يا ست فوقي الله لا يسيئك
فتحت صابره عيونها بخوف :ايوه ايوه وقامت منطوره تعدل طرحتها اللي خدتها من واحده من جيرانها
ايوب: يا ست ايه اللي منيمك هنا داه مكان شغل
صابره بحزن وكسره :معلش يا حاج الدنيا اتمست وخفت الليل والمستخبي فيه انا هاصحي العيال ونمشي
عم ايوب: ماشي يا بنتي داه مكان شغل وكلها شويه وتلاقي المكان اتملى رجاله وبصلها وغض بصره وانتي يعني يا بنتي متأخذنيش في دي كلمه حلوه وصغيره وفيكي الطمع
صابره دموعها نزلت: عندك حق يا حاج أنا هاصحي العيال واقوم اهو
عم ايوب بقلق: طيب هاتروحي فين يا بنتي
صابره بحزن: ارض الله واسعه وربك ما بيخلقش عبد وينساه
عم ايوب مد ايده في جيب جلبيته وطلع فلوس ومدها لصابره
صابره بنفي: تسلم يا حاج انا مش شحاته ربك كريم
صحت صابره عيالها ومشيت قعدت على رصيف قدام العماره هي وعيالها صابره فضلت تبص على العمال وهي بتشتغل وفي لحظه بصت لهارون خلي بالك من اخواتك
هارون :رايحه فين يا ماما
صابره طبطبت على كتفه: رايحه اشوف شغل علشان نلاقي مكان يأوينا وناكل اخواتك صغيرين ومش هايستحملو يا ابني قرصه الجوع
هارون بحزن طيب واحنا هانروح فين
صابره طبطبت على كتفه خليكم هنا وخلي عينك عليهم اوعى عينك تغفل عنهم وادعيلي ربنا ييسرها ويرزقني وبرزقكم انتا دعواتك مستجابه
وسابته ومشيت راحت لعم ايوب
عم ايوب:خير يا بنتي
صابره بحرج:معلش انا عايزه منك خدمه
عم ايوب: اؤمري يا بنتي
صابره: انا عايزه اشتغل مع العمال
عم ايوب بصدمه: تشتغلي معاهم ايه دول فواعليه وصنايعيه هاتعملي معاهم إيه يا بنتي
صابره :هاشيل معاهم
أيوب: يا بنتي داه الشغل داه بينخ تحته الرجال
صابره بقوه:متخافش عليا انا عافيه جربني ولو لقيتني خسعت يبقا ليك الحق
ايوب: يا بنتي بس انتي يعني ودول رجاله
صابره حسمت أمرها شدت الطرحه على وشها وعملته زي اللثام متخافش انا بنت سوق بردو قول يارب
ايوب وافق مضطر بس فضل متابعها بعنيه بدائت تشيل المقطف اللي مليان رمل وتحوله مع العمال وكل شويه تكلع تشأقر على عيالها واخر اليوم وقفت اخر واحده في الصف خدت 30 جنيه كانت فرحتها بيه مش سيعاها
عم ايوب :استني يا بنتي
صابره بقلق وخوف مخفيش عن عنين عم ايوب
ايوب بإطمئنان: متخافيش يا بنتي انا عندي اللي زيك
صابره قعدت على شكاير الأسمنت في مكان بعيد شويه
صابره: خير يا حاج
ايوب: ايه حكايتك يا بنتي شكلك بيقول انك بنت ناس لا وش بهدله ولا واخده على لف الشوارع
صابره بحزن :عندك حق يا حاج وحكتله كل اللي حصل معاها
ايوب بصدمه: يا الله الدنيا جرا فيها إيه يا ناس الأخوات بياكلو بعض
صابره: الحمد لله انتي نفدت بعيالي منهم والباقي احاجي عليهم لحد ما اربيهم ويبقوا ليهم شنه ورنا ويكبرو ويجيبو حقهم
عم ايوب: انتي قولتي ان جوزك كان موظف
صابره :ايوه كان موظف اشمعنى
ايوب: مادام كان موظف يبقى ليه معاش
صابره بأمل :ايوه تاهت عن بالي
ايوب: كده نجهز ورقك نشوف كان شغال فين ونروح نعملك انتي وعيالك المعاش وكمان هايطلعلكم مكافأه نهايه الخدمه
صابره بإحباط: بس كل الورق خدوه اخواتهم حتى بطاقتي وقسيمه جوازي وشهادات ميلاد العيال
عم ايوب: بسيطه مشوار للسجل المدني نطلع كل الورق بكره بمشيئة المولى نروح انا وانتي
صابره بأمل: ربنا يقعدهولك خير في صحتك وعافيتك
عم ايوب: يا بنتي احنا اسباب في الدنيا ربنا بيسخرنا لبعض
ويمكن يا بنتي ربنا خلى رجليكي تاخدك لهنا عشان ربنا يجبرك يا بنتي خليك زي اسمك صابره اصبري يا بنتي على الابتلاء ربنا لما بيحب عبد بيبتليه ولما بيشتد حبه بيشتد ابتلائه
صابره برضا: الحمد لله يا حاج راضيه وصابره والله
ايوب: يبقى من بكره بمشيئه المولي نروح مشوارنا
صابره:ان شاء الله
ايوب اتحرك من مكانه وكأنه افتكر ورجع بص وراه:وانتي يا بنتي هاتعملي ايه دلوقتي
صابره:هاعمل ايه في إيه يا حاج
ايوب: هتباتي فين انتي وكوم اللحم اللي على كتفك
صابره بتنهيده: هنبات هنا يا حاج زي ليلة إمبارح
ايوب بتفكير: هاتي عيالك يا بنتي وتعالي معايا
صابره بتحفذ: هانروح فين يا حاج
ايوب: هاتيجي معايا عند مراتي بيتي فيه عيالي كلهم متجوزين وعايشين فيه لحد ما نفكر هانعمل ايه في موضوع بياتك داه ربك سترها إمبارح ومش كل مره تسلم الجره يا بنتي
صابره بحرج:طيب يعني الجماعه
ايوب: متخافيش ولا تعتلي هم مراتي ست كُباره وطيبه متتخيرش عنك
صابره حسمت أمرها وخدت عيالها ومشيت مع عم ايوب وصلو بيته
عم ايوب بصوت عالي: يا ام مصطفي يا ام مصطفي
طلعت ست كبيره بس باين عليها عفيه وصحتها مسعداها بتمسح ايديها في فوطه ايوه يا ابو مصطفي في ايه بتنادم من على الباب متخش يا راجل
ايوب بصبر: يا وليه تعالي معايا ناس
طلعت بسرعه : ناس مين دول
ايوب شاور لصابره خشي يا بنتي وارتاحي
ام مصطفي بصتلهم ورجعت بصت لجوزها بتوغوشه: مين الصبيه دي يا ايوب
أيوب بهم: ضايفي الست الأول يا ام مصطفي دانتي الكرم كله
ام مصطفى: من عيني بصت لصابره تشربي ايه يا بنتي
ايوب: يا وليه داه وقت عشا يعني تحطي الاكله المعتبره
ام مصطفي: يوه يقطعني معلش والله سوهو عليا
صابره بنفس ابيه: تسلمي يا خاله شبعانه والله
ايوب :قومي يا وليه يلا شهلي اومال
دخلت ام مصطفي ودخل وراها جوزها
ام مصطفي بصوت واطي: مين دي يا راجل اللي جاي وجاررها وراك هي واورطه عيال
ايوب قعد على كرسي وهز رأسه بأسي:دي بقى يا ستي اللي يقولك ارحمو عزيز قوم ذل
ام مصطفي:يعني ايه منيش فاهمه حاجه خالص
ايوب اتنهد وحكالها كل اللي قالتهوله صابره
ام مصطفي بشهقه وخبط على صدرها:كبدي يا بنتي دي باين عليها لسه صغيره ع الهم داخ يا اخويا
ايوب :عشان كده خفت عليها من الليل وياما اكتر المستخبي فيه
ام مصطفي طلعت وحطت العشا صابره بنفس ابيه كلت كام لقمه برغم جوعها
ام مصطفي خدت بالها وحبت تضحكها: لاء بقولك ايه اللي مياكلش من اكلي ويخلصه اعرف على طول ان اكلي معجبهوش
صابره بنفي :لا والله يا خاله تسلمي دانتي نفسك في الأكل يفتح النفس بس صدقني شبعانه والاكل في البطن الشبعانه خساره
ام مصطفي:لا يا اختي بيقولك كل وبحلق عنيك اكله واتحسبت عليك
خلصو الأكل وأم مصطفي لمت الأكل وساعدتها صابره ام مصطفي جهزت اوضه لصابره وعيالها ولأول مره من شهووور طويله تنام على فرشه نضيفه وغطا يدفيهم
ام مصطفي بسرحان وعنيها شارده
ايوب: مالك يا وليه قاعده عقلك مش فيكي بقالي ساعه بنادم عليكي
ام مصطفي بخضه:ها بتقول ايه يا ابو مصطفي
ايوب:مالك فيكي ايه
ام مصطفي بتنهيده: والله منا عارفه يا حاج البنيه صعبانه عليا منكرش بس بردو صبيه وحلوه وفيها الطمع واحنا معانا رجاله متجوزين وكلام الناس لا هايسيبها ولا هاسيبنا هايمس الكل وانتا سيد العارفين الحسنه بتخص والسيئه بتعم
عم ايوب بتفكير: طيب والعمل ايه هانرمي وليه ربنا حطها في طريقنا دي تبقى عيبه في حقي وفي حق شيبتي
ام مصطفي بتفكير: والله منا عارفه انا منكرش ان البنيه صعبانه عيا بس انا لا عايزه اخ ولا وجع دماغ
عم ايوب: طيب نقعدها في شقه من اللي فوق
ام مصطفي : ياراجل البت اللهم صلي على النبي زي فلقه القمر بياض بحمار وحلاوه يعني العين اللي متختشيش ربنا هاتطمع فيها وانتا أولادك كبار ورجاله متحوزين متخربش على حد منهم
عم ايوب باحباط: طيب والعمل انتي عقدتيها عقده بشنيطه
ام مصطفي: طيب إيه رأيك لو تقعد في الاوضه بتاعة الدويقه لحد ما ربك يكرمها وتاخدلها مطرح تاني
عم ايوب بصدمه: ياوليه حرام عليكي داه المكان ميقدرش يقعد فيه الكلب ومفيهوش حتى إياس بلاستيك يتقعد عليه
ام مصطفي: نفرشهولها نجيبلها مرتبه وشعله وكام حله على كام طبق لحد ما تلاقي مطرح تاني واهو اربع حيطان يأووها من حوجه الزمن وانتا بردوا خليك في ضهرها متسيبهاش تخفف عليها الشغل وتزودلها اليوميه واكرمها
عم ايوب شاف ان كلام مراته صح واستعان بربنا وحسم أمره
تاني يوم ساب العيال مع مراته وخد صابره وطلع على المحامي وطلعوا التلاته على السجل المدني وبعد ساعات وساعات كانوا اخيرا قدرو يطلعو مستخرج من كل الورق
المحامي:بكره ان شاء نروح مكان شغل جوزك ونبداء في إجراءات المعاش وبالورق كده ليكي مكافأه نهايه خدمه وان شاء الله هاتبقى مبلغ كويس لأن جوزك الله يرحمه كان قدامه كام شهر ويطلع معاش
صابره بإرتياح :يارب الله كريم
بعد ما خلصو عم ايوب خد صابره ووراها المكان ومن غير كلام فهمت عليه
صابره بإمتنان: تسلم يا عم ايوب وجميلك طوق في رقبتي والله ما يحله الا الموت ربنا يكرمك بحق ما كرمت اليتامى واصرت تاخد عيالها وتبات في الاوضه وتاني يوم
صابره :هارون انا هاروح اخلص ورق المعاش بتاع ابوك اهو ينفعنا من حوجه الدنيا واقدر ارجعكم المدارس تاني سك الباب عليكم واوعى سامع يا هارون اوعى يا ابني تفتح الباب لحد او حد من اخواتك يطلع انا معتمده عليك
هارون: متخافيش يا ماما روحي وانا هنا راجل لحد ما تيجي
صابره حضنته وطلعت راحت لعم ايوب وبدائوا إجراءات المعاش وبسبب سمعه احمد الطيبه ومحبة الناس ليه الكل كان بيساعدها
صابره كانت بين شغلها ومشاوير المعاش وترجع البيت ما بين عيالها واكلهم وشربهم ومذاكرتهم عشان مينسوش واصبح الراحه اتلغت من قاموس حياه صابره واخيرا بعد طول لف عملت ورق المعاش وورق الوصايه على العيال
المحامي: داه شيك على البوسطه ب نصيبك في المعاش وداه شيك بنصيب كل عيل من العيال وموجب ورق الوصايه كده تقدري تصرفي الشيكات دي ومعاش المرحوم حوالي 350 جنيه صابره برضا الحمد لله احسن من غيري انت بس الله يسترك عايزاك تشوفلي صرفه في مدارس العيال السنه عدا فيها كام شهر وخايفه تضيع عليهم السنه
المحامي: حاضر ياست صابره
صابره بحرج:متخافش يا استاذ والله اتعابك هاديهالك حد الله بيني وبين اكل الحقوق
المحامي :عيب يا ست أم هارون الناس لبعضيها واحنا اولاد بلد برضو
صابره بكسوف:الله يباركلك
ومرت الأيام وصابره كانت صرفت الفلوس وكان مبلغ كبير خمس الاف جنيه جابت مرتبه وبطنيه تقيله وحصيره وجابت شعلة غاز وكام طبق وكام حله ولبس مدارس جديد للعيال بعد ما قدرت تحولهم من مدارس خاص لحكومي ولبس ليهم كلهم
ومرت الأيام واتكلل تعب صابره بنجاح هارون وهنا بتفوق
صابره بفرحه:جدع يا هارون عايزاك تفضل كده رافع راسي وحضنت هنا هي دي بنتي حبيبتي
وبدائت الاجازه صابره لبست عشان تنزل الشغل هارون لبس ومسك فيها
صابره بإستغراب: لابس هدومك ورايح فين كده
هارون بجديه:رايح معاكي الشغل
صابره بصدمه خبطت على صدرها: يا مصيبتي شغل ايه اللي عايز تنزله وانتا عضمك لسه اخضر ويادوب لسه بتصلب طولك عايز تهد حيلك بدري بدري
هارون بإصرار: انا قولت اللي عندي نازل معاكي الشغل وإلا ورحمة ابويا مهاروح مدارس تاني وكفايه علينا مصاريف الأكل والشرب
صابره لطمت على وشها:يا مراري ليه يا بني ليه قصرت في ايه عايز تموتني يا هارون دانا اللي عملوه اعمامك مكسرنيش قد ما كلمتك قطمتني نصين
هارون بلين:يا ماما بالله عليكي البيت محتاج مصاريف الله اوعي تفتكري اني مش واخد بالي من تعبك وانك بتاكلي كام لقمه يتعدو
على الصوابع عشان توفري باقي الرغيف لاخواتي سبيني اساعدك حسسيني اني راجل بجد مش عيل بتضحكي على عقله بكلمتين
صابره بعنين مرغيه دموع:كبرت أمته اوي كده يا هارون اه عود فرد وبقيت أطول مني بس عقلك كمان كبر اوي
هارون بشر بان في عنيه:من يوم ما اتسرقنا واتداس علينا من ايام كتيره اوي يا ماما خلينا في دلوقتي
صابره بتغيير للموضوع:طيب واخواتك هانسيبهم لوحدهم
هارون: معاهم هنا متخافيش هنا شاطره وناصحه ولهلوبه
صابره لقيت ان لا مفر من هارون دماغه جزمه اخدته في ايدها ووصت عم ايوب يكون شغله خفيف خفيف
بس هارون كان بيطلع كل غله وغضبه في الشيل والحط وخلى كل اللي حوليه يتصدم من تصرفاته
ومر اليوم ومرت الاجازه ودخل هارون 3 اعدادي
واصرت صابره يسيب الشغل ويركز في مذاكرته
ومرت الأيام على حالها كبر هارون وبقى عمره 15 سنه وخلصت السنه وهارون نجح بتفوق ودخل ثانوي عام
وأصر زي كل مره ينزل الشغل مع صابره وفي لحظه قضا عمى البصر وكان التمن.
يا ترى ماضي هارون شايل ايه....؟
يا ترى القضا صاب مين ....؟
يا تري الماضي مخبي ايه واللي جاي شايل إيه....؟
يتبع
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق