رواية هل يجمعنا شئ الفصل الثاني وعشرون22 بقلم سلسبيل احمد حصريه في مدونة موسوعة القصص والروايات
رواية هل يجمعنا شئ الفصل الثاني وعشرون22 بقلم سلسبيل احمد حصريه في مدونة موسوعة القصص والروايات
- انت بتحب الأكل؟
= متقلقيش باكل اي حاجه
- بس انا بعرف اطبخ
= بجد؟
ضحكت: ايوه.. هتشوف مهاراتي قريب
- ياريت
= طب روح لصحابك بقا.. وانا هدخل اقعد مع يمنى
- دي بقت تحبهم اكتر مني
= احمم.. ءءء دول اخواتي!
- امممم لا تمام ربنا يخليكوا لبعض..
ضحكت: غيران من ولاد عمك!
= لا.. انا مبسوط بجد انك انسجمتي معاهم
- هما الى لطاف اوي بجد.. يابختك بيهم يا مصطفي
= يبختنا.. هما اخواتك زي ما قولتي...
" فريده ابتسمت له بحب و بعدين دخلت و مصطفي راح قعد مع خالد و يوسف.. "
" و وسط كلامهم لقوا حد داخل عليهم مع البواب "
يوسف بتعجب: مصطفي بص!
" مصطفي لف وشه و بص لقاه عمه عبدالله.. لكن اتفاجئ بالي داخل وراه!!! "
" قربوا ناحيته فا مصطفي بص بعدم فهم "
- انت ايه الى جابك هنا ؟؟؟
عبدالله: عيب يا مصطفى.. ده أبوك
- ده مش ابويا ولا عمره هيكون !!!
عبدالرحمن اتكلم بحده من بعيد: مصطفي!
بصله: هما بيعملوا ايه هنا يا جدو ؟؟؟
عبدالرحمن: هنتكلم كلنا جوه..
>>>>>>>>>>>>>>>>>>>>>>>>>>>>>>>>>>>
اللهم صلِ وسلم وبارك على سيدنا محمد
|| في اوضة زياد ||
- متأكده انك كويسة؟ مش عايزه نروح مستشفى؟
= مفيش حاجه.. هو الضغط بس اليومين الى فاتو
مسك ايدها بحنية وبصلها: ليلي انا قلقان عليكي.. خلينا نروح نكشف احسن
= صدقني لو حسيت اني عايزه اكشف هقولك.. انزل دلوقتي عشان صحابك
- مصطفي معاهم.. انا هفضل معاكي
= لا عيب
زياد اتمدد جمبها و حط راسه على رجلها: واحد و عايز يقعد شوية مع مراته
ضحكت وهي بتلعب في شعره بنكش: طب لما يمشوا نبقي نقعد براحتنا..
- لا دول هيعكروا مزاجي.. وخالد هيقعد يزن عشان يخطب يمنى.. خليني معاكي اروق..
" الباب خبط و كانت يمنى دخلت على وشها ملامح مش مبشره بالخير "
ليلي: فيه ايه يا يمنى؟
يمنى بصت لزياد: هو.. احم.. عمي عبدالله تحت
زياد: ايه!؟
يمنى: جدو عاوزنا في المكتب
ليلي: طب يلا
زياد: لا ارتاحي انتي
ليلي: لا هنزل معاك
>>>>>>>>>>>>>>>>>>>>>>>>>>>>>>>>>>
سبحان الله وبحمده سبحان الله العظيم
|| في المكتب ||
" كل الضيوف مشيت.. وعبدالرحمن جمع العيلة كلها في المكتب.. والكل مستغرب وجود عبدالله و محمود! وبأي عين اصلا يدخلوا البيت تاني! "
عبدالرحمن: انا عارف ان كلكوا جواكم اسئلة.. وانا زي زيكم.. فا مش عايز حد يتكلم دلوقتي.. خلينا نسمع
بص لعبدالله: مين فيكم حابب يبدء
"عبدالله حط وشه فالارض.. ورجع بصله"
- انا و محمود اتقابلنا في العزا.. محدش كان مهتم لوجودنا ولا حد عارف اننا موجودين فا احنا الاتنين قعدنا مع بعض.. و بعدها اتقابلنا تاني.. و لقينا ان احنا الاتنين.. محتاجين نصلح حاجات كتير اوي..
احنا جينا انهارده عشان نصلحها..
انا جيتلكم يوم فرح زياد في الكافية بسبب زن هناء عليا اني اقرب منكم يمكن تحلوا مشكلة الديون الى عندي.. انا كنت ماشي وراها و كنت سايب حاجات كتير رمتها ورا ضهري..
" رفع عينه في اللحظه دي و بص لزياد.. و زياد كانت عروقه بارزه من كتر العصبية وانوه مش طايقه.. و لكن ليلي مكانتش بتسيب ايده وبتحاول تهديه.. "
- انا دلوقتي بقيت لوحدي يا بابا هي سابتني.. و لما سابتني فوقت.. بيدج الفيس بوك سلسبيل احمد عرفت كانت بتحبني و اتجوزتني ليه.. كل همها المديات..!! بس انا مش فارق معايا انا كل الى فارق معايا دلوقتي نرجع عيلة واحده..
بص لزياد: فارق معايا ابني.. و وجودي جمب عيلتي
محمود اتكلم بأحراج: وانا اتغيرت.. ومش عايز غير اني اطمن على سلمي و مصطفي من وقت للتاني.. مش عايز اي حاجه تانيه
عبدالله: زياد انا
"زياد ساب ايد ليلي وقاطعه بخبط جامد على الترابيزة لدرجه ان ليلي نفسها اتنفضت"
- انت جايب الثقة الى بتتكلم بيها دي منين !!!!! ها ؟؟؟ جايبها منين ؟؟؟ فاكر نفسك مين؟؟ اوعي تفتكر عشان اسمي محطوط جمب اسمك تبقي ابويا !! ولا انا عايز ابقي ابنك !! لاء !!!!
عبدالرحمن بصله: زياد اهدي !!
زياد بعصبيه: لاء !!! هو ملوش اي حق عندي ولا عايزه في حياتي !!! كنت فين لما كنت بعيط و اصرخ عشانك !!! كنت فين لما دخلت مستشفى ميت مره ومحدش كان جمبي !!
انا لولا جدو و تيتة كان زماني فالشارع !!! تيته الـ ..
" سكت و دموعه نزلت غصب عنه مع ان ملامحه كانت عصبيه و حاده.. "
- تيتة الى كلمتك و نبهتك وقالت لك ترجع و تشوفني و ترجع عشان تبقي وسطنا و مسمعتش ليها !!! جاي دلوقتي بعد لما مشيت عايز يبقي ليك مكان وسطنا !!!
- انا عمري في حياتي ما هسمح بوجودك.. البيت ده انت لو دخلته انا هخرج منه.. هخرج وانا روحي هنا.. عشان لو روحي جمبك انت مش عاوزها فاهم؟؟؟
ليلي مسكت ايده: زياد اهدي.. تعالي معايا تعالي
" ليلي خدته و خرجوا بره "
زينب: انا هقوم اشوف زياد
"يمنى و يوسف كمان قاموا وراها"
" الوضع كان صامت جدا لثواني "
مصطفي بص لمحمود وضحك: انا الحقيقة.. مش هتعصب انا الموضوع بالنسبالي يموت من الضحك.. مجيتك هنا ندمان والشغل ده انا شوفته طول حياتي كل يوم بعد لما تمد ايدك علينا او على ماما.. تقعد تعتذر وتندم.. والموضوع يتكرر و هكذا.. دايره! فا انا الفيلم ده شوفته كتير لدرجه انوه بقا يقر ف
خديجة: مصطفي!!!! خد اختك وامشي
سلمي: ليه؟؟ هو مش مفروض برضو نقول رأينا؟؟ احنا مش عاوزينه في حياتنا!! احنا احسن من غيره!
عبدالرحمن: روحو ياحببتي دلوقتي انتي و مصطفي
" مفضلش في المكتب غير محمد و عبدالرحمن واحمد و خديجه و محمود و عبدالله "
" خديجة بصت للاتنين بنفاذ صبر ومكانتش طايقه وجودهم "
احمد اتنهد: حضرتك شايف ردة فعل الولاد
عبدالرحمن بصله: مش مهم انا اشوف المهم هما يشوفوا.. انتوا لما كلمتوني.. انا مرضتش اتكلم بالنيابة عنهم.. ولكني عارف و متأكد ردة فعلهم هتبقي عامله ازاي.. انتوا الاتنين بقالكم سنين مدمرين علاقتكم بيهم.. عاوزين في ليلة تصلحوا كل ده؟؟
عبدالله دموعه نزلت وبص لعبدالرحمن: انا آسف يا بابا !! صدقني انا عارف اني غلطان بس فوقت والله العظيم فوقت ونفسي تسامحني.. بقلمي سلسبيل احمد نفسي ماما تسامحني !! انا ندمان على كل حاجه عملتها .. !! وانتوا كان معاكم حق في كل الى قولتوه ليا زمان
عبدالرحمن اتنهد بقلة حيلة: انا يومين و هحصل فاطمه الى لازم يسامحك هو ابنك.. الى مشافش منك غير كل آذيه وتعب يا عبدالله
" عبدالله دموعه فضلت تنزل و محمود نفس القصة.. نظرات خديجة له كانت بتقتله !! "
بصت ليهم هما الاتنين: جه وقت تحصدوا الى زرعتوه
" قالت جملتها وقامت.. "
" محمد طبطب على كتف عبدالله الى كان منهار "
- زي ما الى حصل ده حصل في سنين.. فا هو برضو احتمال يتصلح في سنين.. بقلمي سلسبيل احمد ادوهم شوية وقت ينسوا على الأقل نعدي وفاة جدتهم..
احمد: انكم تعرفوا غلطتكم مش كفاية انتوا فعلا محتاجين تبذلوا مجهود كبير لو عاوزين بس العلاقة بينكم تبقي مقبولة على الأقل..
>>>>>>>>>>>>>>>>>>>>>>>>>>>>>>>>>>>
" لا إله إلا انت سبحانك اني كنت من الظالمين "
|| في الجنينة ||
" ليلي كانت ماسكه ايد زياد و حضناه وهما قاعدين في صمت مش عايزه تتكلم لحد ما يهدي "
" زينب خرجت و راحت لعنده حضنته و طبطبت عليه و بعدها خرج يوسف ويمنى "
( توضيح الناس الى بتسأل ازاي زياد و يمنى راضعين على بعض.. انا موضحه في البرتات الى فاتت... القصة كلها موجوده.. )
زياد بصلها بهدوء: انا كويس
زينب: محدش يستاهل تزعل عشانه ياحبيبي
يمنى: احنا سوا يا زياد مش مهم حاجه تانيه
" زياد هز راسه بتفهم "
" خرجت سلمي و معاها مصطفي وقعدوا كلهم سوا بره "
" لحد ما محمود و عبدالله مشيوا.. "
" الكل خرج في الجنينه و عبدالرحمن قرر يتكلم معاهم "
- انا عارف شعوركم.. فا مش هتكلم في الموضوع دلوقتي.. لكن كل واحد ياخد وقته ويفكر براحته..
انا دلوقتي عايز اقولكم خلال الشهر الى فات اتفقت على الشركه.. بيدج الفيس بوك سلسبيل احمد و المحلات نفذت الجزء بتاعي من خطتكم للمشروع بتاعنا.. و انتوا عليكم الباقي.. عليكم تبدأو شغل سوا و تكبروا كل ده مع بعض..
محمد: انا و احمد هنكمل في المصنع.. لكن في اي وقت لو محتاجين مننا حاجه هنبقي جمبكم..
احمد: ليلي و زياد و سلمي و مصطفي انتوا الى هتبدأو حاليا شغل فعلي.. و يوسف ويمنى هتتعلموا لحد ما الدنيا تهدي كده في الدراسة وبعدين تشتغلوا كلكوا..
عبدالرحمن: انا كمان كلمت خالد و أدهم.. يكونوا معاكم.. هما وافقوا علطول لكن انا قولت لهم فكروا برضو لو مش عايزين متتكسفوش
خديجه: ناقص خبر كمان..
عبدالرحمن ابتسم: اتفقت مع عثمان على فرح فريده.. و مع ادهم على فرح سلمي
" الكل اندهش ومكنوش مصدقين "
سلمي: لا يا جدو !!! انا مش هعمل افراح
مصطفي: ولا انا.. جدو احنا مش ناسيين تيته مينفعش
عبدالرحمن: مين قال انكم نسيتوها احنا هنفضل فاكرينها.. و عشان فاكرينها يبقي نعمل الى يخليها مرتاحه.. و فرحانه بينا.. هي طول الوقت كان نفسها تجوزكم.. و انا حجزت قاعه بعد شهر ونص من دلوقتي هيتعمل فيها الفرح..
محمد: وانتي يا يمنى.. مش ناويه تردي علينا عشان نقول لخالد موافقين ولا رافضين؟؟
يمنى: انا لسه مش عارفه
عبدالرحمن: خليها براحتها
سلمي بصتله: واشمعنا احنا؟؟ احنا ازاي هنعمل فرح حتي لو بعد شهر ونص
محمد: مش فرح بالمعني الحرفي.. هو هيكون حاجه بسيطه.. وبعدين احنا مش بنشغل اغاني في افراحنا..
خديجة: سلمي حببتي.. جدك بيتكلم صح.. تيتة طول الوقت كان نفسها تفرح بيكم.. كانت بتقولنا انا خلصت منكم خلاص و دلوقتي نفسي نجوز الولاد..
مصطفي: طيب ما احنا هنتجوز بس ليه السرعه ؟
عبدالرحمن: مش سرعه ولا حاجه.. أدهم خلص شقته و انت عندك شقتك فا ليه نستني؟
ده حتي خالد قالي انوه بيشطب شقتة
زينب ضحكت وبصت ليمني: طب بسرعه بقا لحسن يغير رأيه يا يمنى
يمنى: يمنى مين؟
" خلصوا كلام والكل طلع على اوضته "
>>>>>>>>>>>>>>>>>>>>>>>>>>>>>>>>>>>
" استغفروا ربكم "
|| في اوضة زياد ||
" ليلي كانت نايمه في حضنه ومش راضيه تسيبه وعارفة انوه مضايق.."
" وهو اخيرا بدء يتكلم "
- انتي كويسة؟
= انا كويسة انت كويس؟
- مش عارف.. انا حاسس اني مش قادر اتحرك واقف مكاني مش قادر اتحرك.. بس كلام جدو عن المشروع.. خلاني افكر يمكن اقدر اللهي نفسي فيه و كل ده يختفي.. كل الخناقات الى جوايا
= انت ممكن تسامح عمي؟
- لا يا ليلي
= بس تيتة.. قالت اديله فرصة
- تيته قالت حاول.. وانا مش هقدر.. هو مسببليش غير الاذية لما بيظهر قدامي مبقدرش اتحكم في اعصابي.. انا مش عايزه ابدا..
بصلها: انا مش عايز حد جمبي غيرك
" ليلي حضنته.. لأول مره تحس انوه سمح لها تشوف الجانب ده منه.. انوه مضايق! علطول هي الى بتشتكي.! وهو مش بيحب يبين زعله او خنقته.."
- و انا عمري ما هبعد عنك يا زياد.. مهما حصل
>>>>>>>>>>>>>>>>>>>>>>>>>>>>>>>>>>
بقلمي Slsbell Ahmed
|| في اوضة يمنى ||
- هتعملي ايه هتوافقي على خالد
= مش عارفه.. انتي هتعملي ايه في الفرح
- مش هعمل..
= طب هي ليلي مجتش ليه
- اكيد زياد زعلان وهي معاه
= طب تيجي نشغل فيلم ونجيب اكل
بصتلها: نامي يا يمنى
- مانا مش عاوزاكي تبقي زعلانه
= بس هو انا بتصالح بالاكل زيك!
بصتلها وابتسمت: طب عايزه ايه
= عايزه أدهم..
- والله انتي دمك تقيل و رخمه
ضحكت: انا مشاعري متلخبطه.. مضايقه وهنفجر.. و زعلانه وحاجات كتير.. هو الوحيد الى بيفهمني ويخدنى على قد عقلي
- سلمي انا خايفة اوافق على خالد بس حاسه اني عايزه اوافق..
= عادي يا يمنى جربي بعدين طالما كلهم موافقي يبقوا واثقين فيه.. كفاية اصلا انوه صاحب ادهم
- طب نامي بقا نامي
= هنام يختي
>>>>>>>>>>>>>>>>>>>>>>>>>>>>>>>>>>>
|| في اوضة يوسف و مصطفي ||
- مصطفي.. يا معلم.. يا نجم
= اتخمد يا يوسف
- جعان
= طب وايه الجديد انت طول عمرك جعان
- على فكره انا مش جعان بس بختبرك
مصطفي ضحك غصب عنه: انا مش فايق لك طب
= طب قوم اتكلم معايا الله..
- فكك من الحركات دي انا الموضوع مش فارق معايا ولا كأنه حصل اصلا مش مهتم
يوسف بصله: ازاي.. ده ابوك
= متقوليش كده لو سمحت.. هو مش كده.. عمره ما هيبقي اصلا.. هو مش زي عمي محمد معاك.. انت متعرفش حاجه
يوسف اتنهد: عارف يا مصطفى.. انا الى اقصده انوه انت متقدرش تغير حاجه.. فا علي الاقل سامحه عشانك.. عشان انت ترتاح
= انا مرتاح كده يا يوسف.. تصبح على خير بقا
>>>>>>>>>>>>>>>>>>>>>>>>>>>>>>>>>>>
صلي علي محمد
" فات مده طويلة اوي من اليوم ده.. شهر و أسبوع.. حصل فيهم تغيرات كتير جدا.. الكل انشغل بالمشروع الجديد..! و كانوا بيشتغلوا بكل طاقتهم..! فتحوا تلت محلات و الشركة و شغالين فيهم طول اليوم يا دوبك بيرجعوا ياكلوا سوا وينامو.. و لكن اهم حاجه فالتغيرات دي كلها.. ان يمنى وافقت على خالد..! و جه اخيرا يوم خطوبتهم.. "
|| في البيت ||
يمنى: حد يشوفلي الكيكه .. الكيكه لو مستوتش تبقي فضيحه
سلمي: ياشيخه اتهدي بقي قرفتينا عامله خمسين صنيه و عماله تصيحي على اخر صنيتين
ليلي: يمنى ركزي في الدريس ابوس ايدك و ظبطي نفسك الناس كلها تحت انا و عمتو خديجه مراقبين الكيكه متخافيش
يمنى: وصوص الشوكلاته
سلمي: اقسم بالله هفتح دماغك اتعدلي يابت خلينا نخلص !!
" ليلي سابتهم وخرجت من الاوضة و خبطت في زياد وهي خارجه بسرعه "
- ايه ده ايه طلعك هنا.. كل شوية اقفشك في الدور بتاعنا
ضحك: انا اوضتي هنا
- بس دي حالة طوارئ وجودك ممنوع
= حاضر يا استاذة ليلي هانم
- ليلي!!!
= يا لي لي هانم؟ حلو كده؟ خليني اخد الجزمة بقا عشان خالد بيصيح تحت
- امممم ويمنى بتصيح فوق تصدق لايقين على بعض؟
" خلصوا كل حاجه و يمنى نزلت وبدأو يلبسوا الدبل وقعدوا يمنى كانت متوتره جدا وعماله تحرج على سلمي انها تسيبها وتقوم "
سلمي ميلت على ودنها: سوري فقرة الأكل هتبدء مع نفسك انتي بقا هشوف الكيكه بتقول ايه
يمنى: لا لا خدي بت سلمي
" سلمي سابتها و يمنى اتوترت و خالد هيموت ويضحك على شكلها "
- انا فرحان اوي يا يمنى..
= بتكلمني انا؟؟ يمنى مين؟
ضحك: متوتره ليه بس هدي نفسك
- انا هاديه اهو اجبلك كيكه
= اه تعالي هنا بقا
- اجي فين؟
= انتي بتعملي الكيكه دي ازاي.. انا كلت منها قبل كده وادهم الغتت كان عمال يقول اي الحلاوة دي
- طب كتر خيره
= كتر خير مين.. الواد ده بالذات مياكلش منها تاني
يمنى ضحكت جامد على طريقته: طيب هو المعزومين كلهم هياكلوا منها اصلا انا عملت كتير
- مش مهم كلهم ياكلوا الا هو.. كفاية انوه كان بيفضل يستفزني عشان خطب سلمي و بيشوفك وانا لا.. زياد كان عاملي حظر
= زياد على فكره بيحبك..
- مهو طالما وافق اننا نتخطب.. فا انا عارف انوه حبني خلاص.. عبال ناس تانيه..
= اه.. طب انا هقوم بقا شكل سلمي مش عارفه تقطع الكيكه
" وفعلا يمنى قامت بسرعه وهي متوتره "
>>>>>>>>>>>>>>>>>>>>>>>>>>>>>>>>>>
بقلمي سلسبيل احمد
- ما تبطل تناحه يا ادهم بقولك قريبنا من البلد الله
= ايوه بتديه الطبق بنفسك ليه حضرتك مفيش رجالة يعني
- يباي على غيرتكم ياني
= غيرتنا؟
- اه انت ومصطفي و زياد!!! و يوسف كمان
= اه فكرتيني نسيت اقولك.. شايفه الى هناك دي ام فستان بترتر
- بس يا ادهم ده جليتر
= ترتر بقولك
- ما علينا مالها
= ام فستان بني دي شيفاها
- يابني ده بيچ!!!
= ما علينا يوسف مش سايبها بقا طول الفرح... مركز معاها.. و راح اداها حلويات وكيكه مش دي المشكلة انتي تعرفي دي مين؟
- مين؟
= خمني
- متقلش اخت خالد مش فيلم هندي هو
= لا خدي الهندي الى بجد
- ايه اختك انت ولا ايه
= لا يا ظريفة.. دي تؤام خالد..
- اكيد بتهزر صح؟
= لا مش بهزر
- طب حلو زيتنا في دقيقنا.!!
ادهم ضحك: هموت واشوفه لما يكتشف الموضوع
- مين يوسف؟
ضحك تاني: لا خالد
" ليلي و زياد كانوا واقفين سوا "
- ايه الحلاوة دي يا لي لي؟ مش قولنا بغير
= مانا كمان بغير.. وانت رايح جاي كده وسط البنات
ابتسم: مش مهم المهم مين واخده قلبي
يمنى قربت عليهم: انا عيلة صغيره طلعوني اوضتي
زياد: فيه ايه لو زعلك اروح اعجنه حالا
يمنى: لا بس مش عارفه.. قالي شكلك حلو
زياد: ده انا هطلع عينه
ليلي مسكته؛ بس يا زياد بس بقا !
يمنى بصتله: ده بيقولي مديش ادهم كيكه مياخدش منها هو بالذات عشان بيقول عليها حلوة
زياد: مياخدش ايه ده واكل نص صنيه لحد دلوقتي لوحده
" ليلي ويمنى ضحكوا جامد"
عبدالرحمن: ايه العسل ده يا حبايبي
ليلي: انت الى جميل اوي يا أستاذ عبدالرحمن..البدلة تحفه
عبدالرحمن حضن يمنى: مبروك ياحببتي روحي بقا اقعدي معاه كفاية هروب ها
يمنى: انت خت بالك ؟
زياد قرب ناحيتها وحضنها: مش مصدق اني واقف في خطوبتك يا يمنى
" خالد شافهم وهو قاعد واضايق جدا !! و ادهم لاحظ الموضوع ولقى خالد رايح لهم "
ادهم ميل على سلمي: بقولك.. خالد ميعرفش ان يمنى و زياد اخوات في الرضاعه؟
سلمي: مش عارفه ليه؟
ادهم بص: مفيش شكلها هتحلو.. بصي
يتبع
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملة من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق